<a href="https://kyzylorda-news.kz/">Kyzylorda-news.kz.</a> Синоптиктер алдағы үш күнге арналған ауа райы болжамын ұсынады, деп хабарлайды Қазгидромет.
<blockquote>
 «Скандинавия аудандарынан шыққан антициклон Қазақстан Республикасының солтүстігінде, орталық және шығыс аумағында температураның төмендеуіне ықпал етеді. Кей жерлерде атмосфералық фронталды бөліктердің өтуіне байланысты найзағай ойнап, бұршақ жаууы мүмкін. Ал оңтүстік және оңтүстік-батыста Иран аудандарынан келетін жылы ауа массаларына байланысты ыстық және құрғақ ауа райы сақталады. Кей жерлерде жел күшейіп, оңтүстікте шаңды дауыл тұрады», – делінген хабарламада.
</blockquote>

Қазақстанда алдағы үш күнде ауа райы қандай болады?

<a href="https://kyzylorda-news.kz/">Kyzylorda-news.kz.</a> Алдағы аптадан бастап еліміздегі балалар лагерінің жұмысы жанданады. 8 маусымда екі өңірдегі орталықтардың жұмысына рұқсат берілді.
Ал 12 маусымда қалған 12 аймақтағы оқушылар демалатын орындар ашылады. Елордадағы балалар лагері 20 маусымда жұмысын бастайды деп жоспарланған. Бұл жөнінде Балалар құқықтарын қорғау комитеті төрағасының орынбасары Юлия Овечкина мәлімдеді. Оның айтуынша биыл бас-аяғы миллионнан астам оқушы демалыс орындарына аттанады. Яғни Қазақстан аумағындағы 12 мыңнан аса лагердің&nbsp; 65 проценті жұмыс істейді.&nbsp;
<blockquote>
 «Лагерьлерге бара алмайтын қалған оқушылар не істейді? Осы мақсатта біз мектеп жанындағы ұйымдардың қызметін күшейттік. Олардың барлығы балаларды толықтай қамтып, демалыстарын мағыналы өткізуге көмектеседі. 1200-ден аса аула клубы мен 21 мыңға жуық әртүрлі үйірмелер де осы бағытта бізге қолдау танытуға дайын», – дейді ҚР БҒМ балалар құқықтарын қорғау комитеті төрағасының орынбасары Юлия Овечкина.
</blockquote>
<a href="https://24.kz/kz/zha-aly-tar/o-am/item/399719-elimizde-balalar-lagerlerini-zh-mysy-zhandanady">«Хабар 24»</a>

Қазақстанда балалар лагерьлерінің жұмысы жанданады

<a href="https://kyzylorda-news.kz/">Kyzylorda-news.kz.</a> 1 маусым – Халықаралық балаларды қорғау күніне орай Қызылорда облыстық Қазақстан халқы ассамблеясы Волонтерлік орталығының мүшелері «Атамекен» отбасылық үлгідегі балалар ауылының тәрбиеленушілерін мерекемен құттықтады.
Волонтерлер «Атамекен» балалар ауылының аумағына карантиндік режимді сақтай отырып, балаларға арналған медициналық маскалар, антисептиктер және тәттілерді сыйға тартты.
Балалар мерекесіне орай қайырымдылық акциясына облыстық ҚХА Волонтерлер&nbsp; орталығының басшысы Ильдар Гафуров, «Қазақстандағы орыс қауымдастығы» республикалық қоғамдық бірлестігі Қызылорда филиалының жетекшісі Владимир Толоконников, «Жаңғыру жолы» жастар қозғалысының белсенділері, волонтерлер және «Dalatex» ЖШС-гі&nbsp; өз үлестерін қосты.
Өз кезегінде «Атамекен» отбасылық үлгідегі балалар ауылының директоры Лиза Скакова облыстық Қазақстан халқы ассамблеясының волонтерлеріне ризашылығын білдірді.
<img src="https://kyzylorda-news.kz/wp-content/uploads/2020/06/02-1.jpg" alt="" />
<img src="https://kyzylorda-news.kz/wp-content/uploads/2020/06/03-1.jpg" alt="" />

«Атамекен» ауылының балаларын құттықтады

<a href="https://kyzylorda-news.kz/">Kyzylorda-news.kz.</a> Әдеп жөніндегі кеңестің кезекті отырысында мемлекеттік кірістер департаменті қызметкерлерінің артық жұмыс істеу фактілері талқыланды.
Мемлекеттік қызметшілердің әдебімен қатар олардың құқықтарының сақталуына мүдделі әдеп жөніндегі кеңес алдында Қызылорда облыстық мемлекеттік кірістер департаментінің басшысы Ғалымжан Орынов есеп берді.
Мемлекеттік қызмет пен сыбайлас жемқорлыққа қарсы іс-қимыл туралы заңнама талаптарының сақталуы және артық жұмыс істеу фактілерін болдырмау бағытында атқарған жұмыстары туралы Ғ.Орыновтың есебін тыңдаған Кеңес мүшелері бірқатар кемшіліктерді атап өтті.
Ағымдағы жылғы ақпан айында ҚР Президенті Әкімшілігінің, Премьер-Министрі Кеңсесінің және ҚР Мемлекеттік қызмет істері агенттігінің тапсырмасына сәйкес аймағымызда артық жұмыс істеу фактілерін жою мақсатында мониторингтік топтар құрылған. Мониторингтік топтар қоғам өкілдерімен бірлесіп аймақтағы 40-тан астам мемлекеттік органда рейд жұмыстарын жүргізеді. Алайда, облыстық мемлекеттік кірістер департаментінде қызметшілердің жұмыстан уақтылы қайтуына мониторинг жүргізу барысында мониторингтік топтардың жұмысына кедергілер келтірілген.
Осы мақсатта құрылған мониторингтік топ Жаңақорған ауданындағы мемлекеттік органдарда рейд жүргізу барысында аудандық мемлекеттік кірістер басқармасында үстеме жұмыс істеу фактілерін анықтаған.
ҚР Мемлекеттік қызмет істері агенттігінің Қызылорда облысындағы әдеп жөніндегі кеңесінің төрағасы Нұрман Талқанбаев мемлекеттік қызметшілердің құқықтары мен заңды мүдделерінің қорғалу керектігін ескертті.
<blockquote>
 “Мемлекеттік кірістер департаментінде мемлекеттік қызметшілерге тәртіптік жаза қолдану тәртібі сақталмаған. Тіпті еңбек демалысындағы қызметкерге де негізсіз тәртіптік жаза қолданылған. Ал, қалалық мемлекеттік кірістер басқармасында бос мемлекеттік әкімшілік лауазымға конкурс өткізуде кемшіліктер жіберілген. Яғни, конкурсқа Қазақстан Республикасының стратегиялық және бағдарламалық құжаттарын білуге арналған сұрақтар тізбесі және эссе тақырыптары қалыптастырылмаған. Аталған заңбұзушылық бойынша, конкурстық комиссияның 5 мүшесіне ҚР ӘҚБтК-нің 99-бабының 1-бөлігімен әкімшілік хаттамалар толтырылып, әкімшілік айыппұлдар салынды”, – деді Әдеп жөніндегі кеңес төрағасы.
</blockquote>
Әдеп жөніндегі кеңес мүшелері күн тәртібіне қойылған мәселені жан-жақты қарап, облыстық мемлекеттік кірістер департаментінің басшысына департаменттегі құқық бұзушылықтардың, артық жұмыс істеу фактілерінің орын алу себептеріне талдау жасап, ұжымда талқылау жүргізуді және аталған бұзушылықтарды болдырмау бағытында тиісті шаралар қабылдауды ұсынды.
Мемлекеттік кірістер департаментінің әдеп жөніндегі уәкіліне артық жұмыс істеу, қызметтік автокөлікті қызметтен тыс мақсатта пайданалану және заңсыз сыйлық алу, қоғамдық орындарда моральдық-этикалық нормаларды бұзу секілді құқықбұзушылықтарға тұрақты түрде профилактикалық бақылау шараларын жүргізу тапсырылды.
Сонымен қатар, кеңес мүшелері тарапынан, артық жұмыс істеу фактілеріне жол бергені үшін Қызылорда қалалық және Жаңақорған аудандық мемлекеттік кірістер басқармалары басшыларының тәртіптік жауапкершілігін қарауды ұсыну бірауыздан мақұлданды.

Қызылордада департамент қызметкерлерінің жұмыс режимі талқыланды

«Тәулігіне 12 сағат жұмыс режимі»: Қызылордадағы блок-посттарда тұрған дәрігерлер мен полицейлер туралы не білеміз? (ФОТО)

<a href="https://kyzylorda-news.kz/">Kyzylorda-news.kz.</a> Қызылорда станциясынан 3 жолаушы пойызы жолға шығады.
Бірақ санитарлық талаптар қатаң қадағаланады. Сондай-ақ өңір-аралық автобустардың да қызметіне рұқсат берілген.
Пойызға мінетін немесе түсетін жолаушының барлығы терминал арқылы өтеді. Вокзал ғимаратына маскасыз кіруге рұқсат жоқ. Мына есіктен енген әрбір адамның дене қызыуы өлшенеді. Бұл жерде көбі пойызға билет сатып алушылар немесе пойыз күтушілер екені белгілі. Адам нөпірі көп болатыны сөзсіз.
Күту залында билет кезегінде тұрғандар кемінде 1,5 метр арақашықтықты сақтау қажет. Орындықтар жолаушылардың бір-біріне жақындамайтындай етіп лентамен қоршалған.
Тұрғындар тағы нені есте сақтау керек?
Оны санэпид мамандарынан сұрасақ. Вокзал маңында немесе ішінде көпшілік біліп жүруге тиіс тағы қандай талаптар қойылады?
<blockquote>
 «Жолаушыларды пойызға отырғызу және түсіру кезінде арақашықтықты сақтау қажет. Жол бойында, пойыз ішінде кемінде 2 рет және дәретхананы 4 рет дезинфекциялық құралдарды пайдалана отырып жуу. Жолаушылар міндетті түрде маска пайдаланады», – дейді мамандар.
</blockquote>
Бүгін кестеге сәйкес Қызылорда – Нұр-Сұлтан – Қызылорда, Қызылорда – Семей, Қызылорда – Көкшетау бағытында жолаушылар пойызы жолға шығады.
Сонымен қатар өңірдегі 6 блок-пост бүгіннен бастап алынды. Оның төртеуі облыс орталығына кіреберістерге қойылған болатын. Бүгін қалааралық автобустарда қызметіне кірісті.

Қызылордадан үш жолаушы пойызы жолға шығады

<a href="https://kyzylorda-news.kz/">Kyzylorda-news.kz.</a> Жалағаш ауданында Жаңаталап ауылында бір жастағы қыз бала арықтағы суға құлап қаза болды.
<blockquote>
 «Оқыс оқиға туралы хабарлама облыстық диспетчерлік жедел басқару басқармасына келіп түсті. 2019 жылғы қыз бала ауыл ішіндегі арықтағы суға құлап, қаза болды. Оны ата-анасы қараусыз қалдырған. Баланың мәйітін судан жергілікті тұрғындар шығарған», – деп мәлім етті Қызылорда облыстық Төтенше жағдайлар департаменті Өрт сөндіру және авариялық-құтқару жұмыстары қызметінің баспасөз хатшысы Әлия Ережепова.
</blockquote>
Өңірде жыл басынан бері 8 адам суға кеткен. Олардың 4-еуі бала болса, қалғаны – ересек азаматтар.

Қызылордада бір жасар қыз бала арықтағы суға батып кетті

<a href="https://kyzylorda-news.kz/ru/">Kyzylorda-news.kz</a>. 1 маусым – Халықаралық балаларды қорғау күніне орай, Қызылорда облысы Полиция департаментінің басшысы&nbsp;Бектөре&nbsp;Сұлтан&nbsp;“Балаларға жылу сыйла” атты қайырылымдық іс-шарасын ұйымдастырды.
Сыр сақшылары көпсалалы облыстық балалар ауруханасының 1-педиатрия бөліміне барды. Бұл бөлімде эндокринологиялық және неврологиялық аурулармен ауыратын балалар ем қабылдайды. Жалпы бөлім 20 адамға арналған, мұнда жылына 1500-ге жуық бала ем алады.
Бектөре Сұлтанмен ұйымдастырылған бұл игі шараның мақсаты – балалардың жеке қасиеттерін дамыту, бір-бірін сыйлауға, адамгершілік қасиеттерін жоғалтпай ұстауға жетелеу.
Шара барысында департамент басшылығы Ардагерлер кеңесінің және жеке құрам атынан облыстық балалар ауруханасы бөлімшесінің асханасына қажетті құрал-жабдықтарды сыйға тартты.
Сонымен қатар, департамент басшысының орынбасары Пазылбек Налибаев мен Ардагерлер кеңесінің төрағасы&nbsp;Серікбол Тұңғышбаев&nbsp; балаларға жылы лебіздерін білдіріп, тәттілер мен сыйлықтар таратты. Балалар ауруханасының басшылығы бүлдіршіндерге мерекелік көңіл күй сыйлаған тәртіп сақшыларына алғысын білдірді.
<img src="https://kyzylorda-news.kz/wp-content/uploads/2020/06/whatsapp-image-2020-06-01-at-08.43.26.jpeg" alt="" />
<img src="https://kyzylorda-news.kz/wp-content/uploads/2020/06/whatsapp-image-2020-06-01-at-08.43.25-1.jpeg" alt="" />

Қызылордалық полицейлер балалар ауруханасына асхана жабдықтарын тарту етті

<a href="https://kyzylorda-news.kz/">Kyzylorda-news.kz.</a> Аудандағы эпидемиялогиялық жағдай күрделене түсті. Соңғы тәулікте коронавирусты жұқтырудың 17 дерегі анықталып, жағдай өсім алып отыр.
Қазіргі таңда 47 науқас аудандық орталық аурухананың жұқпалы аурулар бөлімінде ем қабылдауда. Бұған қоса, 114 адам карантиндік стационарға, 144 адам үй карантиніне оқшауландырылды.
Осы орайда, қалыптасқан жағдайды ескере келе Арал ауданының Бас мемлекеттік санитарлық дәрігерінің 31.05.2020 жылғы №9 қаулысы қабылданды. Жаңа қаулыға сәйкес індеттің таралуын тежеу мақсатында Арал қаласы мен ауданға қарасты Сексеуіл кентіндегі тосқауыл бекеттерінің жұмыстары жалғасатын болды. Сонымен қатар, аталған екі аумақта да карантиндік шектеулер енгізілді. Ескеру керек, карантин талаптарын сақтамағандарға қатаң шаралар қабылданатын болады.

COVID-19: Арал қаласы мен Сексеуіл кентінде тосқауыл бекеттері алынбайды

Оқыған: Фариза ОМАРОВА
Балаларды оқытқан да жақсы, бірақ құлшылық қыларлық қана, түркі танырлық қана таза оқыса болады.&nbsp;Оның үшін бұл жер дарулхарап, мұнда әуелі мал табу керек, онан соң араб, парсы керек. Қарны аш кісінің көңілінде ақыл, бойында ар, ғылымға құмарлық қайдан тұрсын? Ашап-ішімге малдың тапшылығы да ағайынның араздығына уә әртүрлі пәлеге, ұрлық, зорлық, қулық, сұмдық секілді нәрселерге үйірлендіруге себеп болатұғын нәрсе. Мал тапса, қарын тояды. Онан соң, білім түгіл өнер керек екен. Соны үйренейін не балама үйретейін деп ойына жақсы түседі. Орысша оқу керек, хикмет те, мал да, өнер де, ғылым да – бәрі орыста тұр. Зарарынан қашық болу, пайдасына ортақ болуға тілін, оқуын, ғылымын білмек керек. Оның себебі олар дүниенің тілін білді, мұндай болды. Сен оның тілін білсең, көкірек көзің ашылады. Әрбіреудің тілін, өнерін білген кісі оныменен бірдейлік дағуасына кіреді, аса арсыздана жалынбайды. Дінге де жақсы білгендік керек. Жорғалықпенен көңілін алсам екен деген надан әке-шешесін, ағайын-жұртын, дінін, адамшылығын жауырынынан бір қаққанға сатады. Тек майордың күлгені керек деп, к…і ашылса да, қам жемейді. Орыстың ғылымы, өнері – дүниенің кілті, оны білгенге дүние арзанырақ түседі. Ләкин осы күнде орыс ғылымын баласына үйреткен жандар соның қаруымен тағы қазақты аңдысам екен дейді. Жоқ, олай ниет керек емес. Малды қалай адал еңбек қылғанда табады екен, соны үйретейік, мұны көріп және үйренушілер көбейсе, ұлықсыған орыстардың жұртқа бірдей законы болмаса, законсыз қорлығына көнбес едік. Қазаққа күзетші болайын деп, біз де ел болып, жұрт білгенді біліп, халық қатарына қосылудың қамын жейік деп ниеттеніп үйрену керек. Қазір де орыстан оқыған балалардан артық жақсы кісі шыға алмай да тұр. Себебі: ата-анасы, ағайын-туғаны, бір жағынан, бұзып жатыр. Сүйтсе де, осы оқыған балалар – ана оқымаған қазақ балаларынан үздік, озық. Не қылса да сөзді ұқтырса болады оларға. Жақсы атаның балалары да көп оқыған жоқ, қайта, кедейдің балаларын орысқа қорлап берді. Олар осыдан артық қайда барсын? Және де кейбір қазақтар ағайынымен араздасқанда: «Сенің осы қорлығыңа көнгенше, баламды солдатқа беріп, басыма шаш, аузыма мұрт қойып кетпесем бе!» деуші еді. Осындай жаман сөзді, құдайдан қорықпай, пендеден ұялмай айтқан қазақтардың баласы оқығанменен не бола қойсын? Сонда да өзге қазақ балаларынан артық үйренгені немене, қай көп үйреніпті?&nbsp; Кірді, шықты, ілді, қайтты, түбегейлеп оқыған бала да жоқ. Әкесі ел ақшасымен оқығанға әрең оқытады, өз малын не қылып шығарсын? Турасын ойлағанда, балаңа қатын әперме, енші берме, барыңды салсаң да, балаңа орыстың ғылымын үйрет! Мына мен айтқан жол – мал аяр жол емес. Құдайдан қорық, пендеден ұял, балаң бала болсын десең – оқыт, мал аяма! Әйтпесе, бір ит қазақ болып қалған соң, саған рахат көрсете ме, өзі рахат көре ме, я жұртқа рахат көрсете ме?
1894

Абай Құнанбайұлының жиырма бесінші қара сөзі

<a href="https://kyzylorda-news.kz/">Kyzylorda-news.kz.</a> Мемлекеттік қызмет және құқық қорғау органдарына түсетін үміткерлердің қайта тестілеу уақыты қысқарды.
Бұл туралы ҚР Мемлекеттік қызмет істері агенттігінің Қызылорда облысы бойынша департаментінің басқарма басшысы Жасұлан Шынтасов брифингте баяндады.
Енді тестілеудің теріс нәтижесін алған азамат, тестілеу өткен күннен бастап күнтізбелік он бес күннен кейін тестті қайта тапсыра алады. Осы уақытқа дейін қайта тестілеуге бір айдан кем емес мерзімнен кейін ғана жол берілетін.
Сонымен қатар, республикасының барлық аумағында төтенше жағдай енгізілген кезде, тестілеу нәтижелері бойынша берілген сертификаттардың жарамдылық мерзімі төтенше жағдай кезеңіне тоқтатыла тұрады.
Баспасөз маслихатында спикер мемлекеттік қызметке түсу барысындағы әңгімелесу рәсімдерін жеңілдету бойынша енгізілген бірқатар өзгерістерге де тоқталды.
Өзгерістерге сәйкес, ендігі кезекте мемлекеттік әкімшілік лауазымға жарияланған конкурстарға үміткерлер үйден шықпай-ақ қатыса алады. Құжаттарды электрондық пошта арқылы тапсыруға мүмкіндік берілді. Әңгімелесу қашықтықтан бейне байланыс құралдары арқылы жүргізілуі мүмкін.
Енді үміткерлерге құжаттардың толық тізімін ұсынудың қажеті жоқ. Өз өтінішімен қоса диплом мен қызметтік тізімнің көшірмелерін ұсынады. Ал, қалған құжаттарды конкурстық комиссияның оң шешімін алған кандидат ғана тапсырады.
«Конкурстық рәсімдердің ашықтығын қамтамасыз ету үшін бақылаушылар қатары барынша кеңейтілді. Енді әрбір кәмелет жасқа толған әрекетке қабілетті азамат әңгімелесуге бақылаушы бола алады. Бұл үміткерлерге конкурстық комиссияның хатшысын алдын ала хабардар ете отырып, өзінің байқаушысын әңгімелесуге шақыруға мүмкіндік береді. Агенттіктің бастамасымен мемлекеттік қызметке кіруге ынталы азаматтарға тиімді шаралар жасалуда. Бұл, өз кезегінде, үміткерлердің уақытын, қаражатын үнемдеуге ықпалын тигізгенін атап өткен жөн», – деді Ж.Шынтасов.
<img src="https://kyzylorda-news.kz/wp-content/uploads/2020/06/memkyzmet-testti-kyskartty-1.jpeg" alt="" />

Мемлекеттік қызметтегі қайта тестілеу мерзімі қысқарды

<a href="https://kyzylorda-news.kz/">Kyzylorda-news.kz.</a> Қызылорда облысында коронавирус инфекциясын жұқтырғандар саны 402-ге жетті. Ал сауығып шыққандар саны – 245. Бұл туралы Өңірлік коммуникациялар қызметінің ақпараттық алаңында облыстық денсаулық сақтау басқармасының басшысы Жақсылық Абдусаметов мәлімдеді. 
<blockquote>
 «Тәулікте 22 дерек тіркелді. Оның ішінде, Қызылорда қаласынан – 2, Жаңақорғаннан – 3, Аралдан – 17 жағдай тіркелген. Анықталғандардың 3-і медицина қызметкерлерін скринингтеу барысында анықталса, 19-ы қарым-қатынаста болған», – деді бас дәрігер.
</blockquote>
Сондай-ақ, індет жұқтырғандармен байланыста болған 4708 азамат анықталды. Оның ішінде, 2627-і жақын қарым-қатынаста, 2081-і жанама байланыста болған. Бұдан бөлек, инфекциялық стационарда 133 адам ем алуда. Оның 24-і карантиндік госпитальда, 25-і провизорлық стационарда, ал 334 азамат карантиндік бақылауда.
Құрметті облыс тұрғындары, статистикаға қарағанда вирустың жұғу мүмкіндігі қарым-қатынас арқылы болып отыр. Вирус ауа тамшылары арқылы жұғатын болғандықтан, ол көбіне сулы ауада көп сақталады. Сондықтанда сақтық шараларын қатаң сақтап және бетперде киюді жалғастыра беруге шақырамыз.

Қазақстан және Қызылорда облысының жаңалықтары