<a href="https://kyzylorda-news.kz/">Kyzylorda-news.kz.</a> Бүгін Арал ауданына қарасты Шижаға елді мекенінде жаңа медициналық амбулаторияның іргетасы қаланды.
Аудан әкімі&nbsp; Мұхтар Оразбаев құрылыс басында болып, нысанның алғашқы кірпішін қалады. Ауыл тұрғындарының қуанышымен ортақтасқан&nbsp; аудан басшысы жауапты мамандарға құрылыстың сапалы жүргізілуі мен уақытылы аяқталуын тапсырды.
Аталған нысанның құрылысы мемлекеттік жекешелік әріптестік аясында жүргізіледі. Құрылыс жұмыстарын өткізілген конкурс нәтижесі бойынша жеңімпаз болып танылған мердігер «Алемстрой-1» ЖШС жүргізуде.
Қазіргі таңда құрылыс алаңында барлық қажетті техникалар мен материалдар жеткізілген. Ғимарат құрылысы шілде айының соңына дейін аяқталады деп күтілуде.
<img src="https://kyzylorda-news.kz/wp-content/uploads/2020/05/aral-02.jpg" alt="" />
<img src="https://kyzylorda-news.kz/wp-content/uploads/2020/05/aral-03-1.jpg" alt="" />
<img src="https://kyzylorda-news.kz/wp-content/uploads/2020/05/aral-04.jpg" alt="" />

Арал ауданында жаңа амбулаторияның іргетасы қаланды

<a href="https://kyzylorda-news.kz/">Kyzylorda-news.kz.</a> Мамыр айының басынан бастап, спортшыларға&nbsp; жаттығуларды бастауға рұқсат берілді. Сыр спортшылары да оқу-жаттығу процестерін, алдағы жарыстарға дайындықты бастап кетті. Əрбір жаттығу алаңында спортшылар саны 50-ден аспауы тиіс.
Маусым айының ортасынан бастап, спорт түрлерінен балалар мен жасөспірімдер спорт мектептерінің оқушылары арасында облыс біріншіліктерді өткізу жоспарлануда. Əрі қарай күнтізбелік кестеге сəйкес кешенді жарыстар біртіндеп басталады.
Нұржан Смаханов, ауыр атлетикадан облыстың аға жаттықтырушысы
<blockquote>
 ” Коронавирус індетінің кесірінен спорт додалары тоқтатылып, жарыстар да өтпей қалды.Тіпті Олимпиада ойындары да кейінге шегерілді. Бұл жағдайға қарамастан&nbsp; ауыр атлетика бөлімшесінің спортшылары жаттығуларды онлайн түрде өткізді. Яғни Whats App желісі арқылы күнделікті жасауға қажетті жаттығулар тізімін жіберіп, қадағалап отырдым.&nbsp; Спортшыларға зілтемірсіз үй жағдайында жаттығу жасау қиынға соқты, десе де дене жаттығуларын жасап, шынығып отырды. 11-мамырда төтенше жағдай режимі аяқталды, бірақ карантин толықтай аяқталған жоқ. Біз қауіпсіздік шараларын қатаң сақтап, оқу-жаттығу процесін бастап кеттік. Яғни жоғары спорт шеберлігі тобында 6 спортшы, спорттық жетілдіру тобында 8 спортшыдан жаттығып жатыр. Алда&nbsp; көптеген жарыстар&nbsp; жоспарланған. Енді жарыстарға қарқынды дайындалып, жаттығу процестерін үдетеміз”, –&nbsp; деді.
</blockquote>
<img src="https://kyzylorda-news.kz/wp-content/uploads/2020/05/02-25.jpg" alt="" />
<img src="https://kyzylorda-news.kz/wp-content/uploads/2020/05/03-15.jpg" alt="" />
<img src="https://kyzylorda-news.kz/wp-content/uploads/2020/05/05-4.jpg" alt="" />
<img src="https://kyzylorda-news.kz/wp-content/uploads/2020/05/06-2.jpg" alt="" />
<img src="https://kyzylorda-news.kz/wp-content/uploads/2020/05/07-1.jpg" alt="" />
<img src="https://kyzylorda-news.kz/wp-content/uploads/2020/05/08-1.jpg" alt="" />
<img src="https://kyzylorda-news.kz/wp-content/uploads/2020/05/09-1.jpg" alt="" />

Сыр спортшылары жаттығуды бастады (ФОТО)

<a href="https://kyzylorda-news.kz/">Kyzylorda-news.kz</a>.Еліміздегі төтенше жағдай мен карантин режимінде мемлекет отандық тауарөндірушілерді қолдау мақсатында мемлекеттік сатып алудың арнайы тәртібін енгізген болатын.
Мемлекет басшысы Қасым-Жомарт Тоқаев Төтенше жағдай режимін қамтамасыз ету жөніндегі мемлекеттік комиссияның қорытынды отырысында сөйлеген сөзінде отандық тауар өндірушілерді қолдауға бағытталған мемлекеттік сатып алудың ерекше тәртібі осы жылдың тамыз айына дейін жалғасатындығын жеткізген болатын.
Мемлекеттік сатып алудың арнайы тәртібі дегеніміз не? Ол қалай жүзеге асады? Бүгін осы сауалдарға Кәсіпкерлер палатасының сарапшысы Әйгерім Рахымжанова жауап берді.&nbsp;
«Елімізде енгізілген төтенше жағдайдан кейін мемлекеттік сатып алудың нормативтік құжаттарына да, атап айтқанда осы жылдың 20 наурызында Үкіметтің №127 Қаулысымен төтенше жағдай кезеңінде әрекет ететін Мемлекеттік сатып алудың арнайы тәртібіне өзгерістер енгізілді.
Қаулыдағы кәсіпкерлер үшін маңызды бөлігіне тоқталсақ.
– Әлеуетті өнім беруші міндеттемесін толық орындаған жағдайда төлем 5 күн ішінде жүзеге асырылады.
– Әлеуетті өнім берушілерге төтенше жағдайды енгізу салдарынан туындаған жағдайлар бойынша (шартқа қол қоюдан жалтару, сондай-ақ оны орындамау не тиісінше орындамау) жосықсыз қатысушылардың тізіліміне енгізу жөніндегі айыппұл санкциялары мен шаралар қолданылмайды.
– Төтенше жағдай кезеңінде барлық тауарлар бірінші кезекте отандық тауар өндірушілер арасында арнайы тәртіп шеңберінде 3 күнге дейін қысқартылған мерзімде баға ұсыныстарын сұрату тәсілімен сатып алынады. Бұл сатып алуда шетелдік өндіріс тауарларын жеткізуге жол берілмейді.
– Мұндай тауарларды жеткізу кезінде тауар өндірушілер СТ-КZ сертификаттарын ұсынуға міндетті.
Президенттің тапсырмасына сәйкес, бұл кезеңде отандық тауарөндірушілерден алу талабы бірінші орында. Осыған сәйкес отандық тауарөндірушілердің тізбесін Индустрия және инфрақұрылымдық даму министрлігі «Атамекен» ҰКП-мен бірлесіп қалыптастырып, www.goszakup.gov.kz веб-порталына орналастырды.
Бұл ретте, егер мемлекеттік сатып алуға тауарөндірушілер қатыспаған болса, онда одан әрі жалпыға бірдей белгіленген тәртіппен жүзеге асырылады.
Арнайы тәртіп шеңберінде бір көзден алу тәсілі мемлекеттік сатып алу мәселелері жөніндегі ведомстволық комиссия айқындаған тауарлар, жұмыстар мен қызметтер бойынша ғана қолданылады. Яғни, бүгінгі күні мемлекетке қажетті медициналық өнімдер, азық-түлік өнімдерінің тізбесі веб-порталда орналастырылған.
Арнайы конкурс жұмыспен қамтудың 2020 – 2021 жылдарға арналған Жол картасымен көзделген жұмыстар мен көрсетілетін қызметтерді және жедел, кідіріссіз және маусымдық сипаттағы жұмыстар мен көрсетілетін қызметтерді мемлекеттік сатып алу кезінде қолданылады.
Бұл тәсілде конкурстық құжаттама жобасын алдын ала талқылау, камералдық бақылау шеңберінде алдын ала рұқсат беру және шағымдану рәсімдері болмайды. Соған сәйкес конкурсты өткізу мерзімі 7 жұмыс күнін құрайды (бұрын 40-60 күн аралығында болған).
Талап бойынша сомасы 20 мың айлық есепті көрсеткіштен асқан келісімшарттарда өтінімді, сатып алу туралы шарттың орындалуын, аванс сомаларын енгізу талаптары қолданылмайды».
Сатып алу саласына қатысты сауалдары туындаған жағдайда кәсіпкерлер Палатаның сарапшысы Әйгерім Рахымжановаға хабарласа алады. Кәсіпкерлер палатасының мекен-жайы: Қызылорда қаласы, Желтоқсан көшесі 12, «Бастау» бизнес-орталығының 11-қабаты. Байланыс телефоны: 8/7242/ 40-09-81.

Кәсіпкерлерге: мемлекеттік сатып алудың арнайы тәртібі 1 тамызға дейін қолданылады

<a href="https://kyzylorda-news.kz/">Kyzylorda-news.kz.</a> Сыр бойының өткені мен бүгіні жайлы баяндайтын үлкен мәдениет орталығы Қызылорда облыстық тарихи-өлкетану музейі 1985 жылы 7 мамырда ашылды.
1980 жылы облыстық халық депутаттары атқару комитетінің шешімі бойынша музейге екі қабатты бұрынғы қонақ үй ғимараты берілген болатын. &nbsp;
Қазіргі таңда музей орналасқан ғимарат 1953 жылы салынған. Бұл көне ғимарат қаланың көркіне сән беріп тұрған архитектуралық ескерткіштердің бірі. Ғимарат жергілікті маңызы бар тарих және мәдениет ескерткіштерінің мемлекеттік тізіміне алынған. Ғимарат қасбеттері ХХ ғасырдың 30-50 жылдардағы заман талабына сай сәйкес безендірілген.
Музей жанында «Ақмешіт» музейі, Көркемсурет галереясы жұмыс істейді.
2015 жылы облыстық музейде реконструкция және реэкспозиция жұмыстары жүргізіліп, музей жаңа заманауи кейіпке енді. Реэкспозициялық жұмыстардан кейін облыстық музей заманауи экспозициямен жабдықталып, келушілердің сұранысына жауап бере алатын мәдени орталыққа айналды.

Бүгін – Халықаралық музей күні

<a href="https://kyzylorda-news.kz/">Kyzylorda-news.kz.</a> Дүниежүзілік денсаулық сақтау ұйымы коронавирусқа қарсы дезинфекциялық заттарды шашу немесе фумигация жасау шараларының тиімсіз екенін мәлімдеді, деп хабарлайды&nbsp;<a href="https://sputniknews.kz/">Sputnik Қазақстан</a>.
Ұйым мамандары затты залалсыздандыру үшін арнайы құралдар мен шүберекті қолдануға кеңес беріп отыр. Оған дейін органикалық кірдің қалдықтарын щеткамен алып тастаған жөн.
Дүниежүзілік денсаулық сақтау ұйымы дезинфекциялық құралдардың далада өз тиімділігін жоғалтатынын да жеткізді. Себебі арнайы химикаттар сазбен араласқанда вирусқа қарсы әсері жойылады. Ал жабық бөлмеде ондай дезинфекция адам денсаулығына зиян.
<blockquote>
 «Ондай құралдарды адамдарға, мәселен, дәліздерде, кабинеттерде және тағы басқа бөлмелерде шашуға болмайды. Ондай шаралар психологиялық тұрғыдан да, физиологиялық жағынан да зиянды және науқас адамнан коронавирустың ауамен немесе тікелей қатынас арқылы таралуын тоқтата алмайды», – делінген ресми хабарламада.
</blockquote>
Бұдан бөлек, дезинфекциялық құралдарды фумигациялау кезінде көз бен теріні тітіркендіріп, бронхтардың қысылуына әкеліп соқтыруы ықтимал. Адамның жүрегі айнып, құсуы мүмкін.
Айта кетейік, бүгінде әлем бойынша коронавирустың жұқтырғандардың саны күн сайын артып келдеі. Науқастардың жалпы саны 4,5 миллион адамнан асты. 300 мыңнан астам адам қайтыс болды.

ДДҰ коронавирусқа қарсы қолданылатын әдістің тиімсіз екенін айтты

<a href="https://kyzylorda-news.kz/">Kyzylorda-news.kz.</a> Қызылорда қаласы прокуратурасының ұйымдастыруымен өткен мониторинг шарасы барысында облыс орталығында қоғамдық көліктің күшейтілген санитарлық-дезинфекциялық талаптарын сақтау жағдайы сын көтермейтіндігі анықталды.
Аталған шара 13 мамырда бастау алған. Қаланың кіре-беріс қақпасынан «Aray City Mall» ойын-сауық орталығына дейін жүргізілген тексеру жұмыстары кезінде қоғамдық көліктің карантин режиміндегі санитарлық-дезинфекциялық жағдайы қаралды.&nbsp;
<blockquote>
 «Шара барысында 11 қоғамдық көлікке бақылау жүргізілді. Бақылау барысында адамның шамадан тыс көптігі, белгіленген арақашықтықтың сақталмауы анықталды. Сондай-ақ, жүргізуші мен кондукторлардың міндеттелген масканы кимегені белгілі болды. Арнайы дизенфекцияланған дымқыл маталарды пайдаланбау оқиғасы да орын алды», – деп мәлім етті Қызылорда қаласы прокуратурасы.
</blockquote>
Бұл шара мамыр айының соңына дейін жалғасатын болады.

Қызылордада автобус жүргізушілері маска тақпай жүр

<a href="https://kyzylorda-news.kz/">Kyzylorda-news.kz.</a> Синоптиктер 19-21 мамырға арналған ауа райы болжамын жариялады.
Қазгидрометтің хабарлауынша, алдағы күндері Солтүстік-батыс циклонының өтуіне және фронталды бөліктердің өтуіне байланысты Қазақстанның басым бөлігінде құбылмалы ауа райы сақталады. Солтүстік, шығыс және оңтүстік-шығыстағы кей жерлерде қатты нөсер жауады.
Кей жерлерде найзағай ойнап, тұман түседі, дауыл соғады, жел күшеюі ықтимал, бұршақ жаууы да ықтимал. Ауа температурасы төмендейді деп күтіледі. Тек еліміздің оңтүстігінде ғана жоғарылайды.

Алдағы үш күнге ауа райы болжамы

<a href="https://kyzylorda-news.kz/">Kyzylorda-news.kz.</a> Бүгін Қызылорда облысындағы мешіттер арнайы санитарлық талаптарды сақтай отырып жұмыс жасай бастады. Мешітте жеке құлшылық жасауға, Құран оқытуға және неке қидыруға рұқсат етілген. Бұл туралы Өңірлік коммуникациялар қызметінің ақпарат алаңында өткен брифингте ҚМДБ-ның Қызылорда облысы бойынша бас имамы Болатбек Абуов баяндады.
<blockquote>
 «Өңірдегі карантин ережелерін сақтай отырып, мешітте жекелеген түрде намаз оқуға рұқсат етілді. Жамағатпен намаздар оқылмайды. Сондай-ақ, мешітте 15 минуттар артық болуға болмайды. Әр 3 сағат сайын залдар залалсыздандырылып отырады. Ал Құран оқыту бөлмесіне 10 адамнан артық кіргізілмейді. Кіріп-шығу есіктері бөлек болады. Тағы ескере кететіні, неке қидыруға келуші мұсылмандармен тек куәгерлер ғана болуы шарт. Биыл Рамазанның қасиетті Қадыр түні 19-нан 20-на қараған түнге сәйкес келіп отыр. Осыған орай, қасиетті Қадыр кешін үйде өткізуге шақырамыз», – деді бас имам.
</blockquote>
Мешітке келушілер міндетті түрде бетперде тағуы қажет. Антисептік құралдарын пайдаланып, 1,5 метр арақашықтықты сақтау міндеттеледі. Сақтық ережелеріне байланысты қол амандасу құпталмайды. Барлық мешіттер таңғы 7.00-ден кешкі 20.00-ге дейін жұмыс жасайды.
<img src="https://kyzylorda-news.kz/wp-content/uploads/2020/05/qyzylordada-meshitter-ashyldy1-1.jpg" alt="" />

Қызылордада мешіттер ашылды

<a href="https://kyzylorda-news.kz/">Kyzylorda-news.kz.</a> Қызылорда облысында 12 209,6 тонна әлеуметтік маңызы бар өнімдердің қоры сақталып, сатылуда. Бұл туралы Өңірлік коммуникациялар қызметінің ақпарат алаңында облыстық ауыл шаруашылығы басқармасы басшысы Сейілбек Нұрымбетов мәлімдеді.
<blockquote>
 «Өңірлік тұрақтандыру қорының өнімдерімен бірге басқада күнделікті қажетті азық-түлік тауарлары төмен бағада сатылуда. Сонымен қатар, облыста қосымша 2 мың тонналық заманауи жабдықталған көкөніс сақтау қоймасы іске қосылып, қосымша сатып алынған көкөніс өнімдері осы қоймаға қабылданып сақталуда»,-деді Сейілбек Нұрымбетов.
</blockquote>
Айта кетейік, облыста 29 әлеуметтік дүкен және 1 әлеуметтік маркет жұмыс жасауда. Сондай-ақ, жыл соңына дейін қосымша 34 дүкен ашу жоспарлануда.
Сонымен қатар, әлеуметтік дүкендердің қажеттілігіне қарай, яғни өтімділігіне байланысты отандық тауар өндірушілерден 100 тонна пияз, 35 тонна қырыққабат, 50 тонна сиыр еті сатып алынатын болады.
<img src="https://kyzylorda-news.kz/wp-content/uploads/2020/05/azyk-twlik-brifing-1.jpg" alt="" />

Қызылордада әлеуметтік маңызы бар азық-түлік қоры жеткілікті

<a href="https://kyzylorda-news.kz/">Kyzylorda-news.kz.</a> Қызылордада 17 мамыр күні көпқабатты тұрғын үйдің бірінші қабаттағы пәтер терезесінен 5 жасар қыз бала құлады.
Оқыс жағдай туралы түнгі сағат 23:15-те 112 құтқару қызметіне&nbsp; Астана мөлтек ауданындағы пәтерде ата-анасының қарауынсыз қалған 2015 жылғы қыз баланың құлағаны туралы хабар түсті.
Қызылорда&nbsp; облыстық балалар ауруханасына жеткізілген қыздың жағдайы орташа, ол қазіргі таңда дәрігерлердің бақылауында.
<blockquote>
 «Бүгінде облысымызда терезеден құлау фактілері көбеюде. Бұл биылғы жылы орын алып отырған екінші дерек. Бұған дейін 2017 жылғы сәби 5қабатты тұрғын үйдің 3 қабатынан құлаған», – делінген Қызылорда облысы Өрт сөндіру және авариялық құтқару қызметінің хабарламасында.
</blockquote>

Қызылордада 5 жасар қыз көпқабатты тұрғын үйдің терезесінен құлап кетті

<a href="https://kyzylorda-news.kz/">Kyzylorda-news.kz.</a> Қызылорда облыстық Қазақстан халқы ассамблеясы журналистика саласында «Жасампаз 25 жыл» шығармашылық байқауын жариялады.
Журналистика саласында облыстық «жасампаз 25 жыл» шығармашылық байқауын өткізу Ережесі
1.Жалпы ережелер 
1.1. Журналистика саласында «Жасампаз 25 жыл» шығармашылық конкурсын (бұдан әрі – Конкурс) өткізуге арналған осы Ереже Қазақстан халқы Ассамблеясының 2025 жылға дейінгі даму тұжырымдамасын іске асыру бойынша әзірленген. 
1.2. Конкурстың басшылығы: 
1) Конкурстың құрылтайшысы Қызылорда облыстық Қазақстан халқы ассамблеясы; 
2) Конкурсты ұйымдастырушы Қызылорда облысы әкімі аппаратының «Қоғамдық келісім» коммуналдық мемлекеттік мекемесі болып табылады. 
1.3. Осы Ереже конкурстың өткізілу тәртібін және жобаларды іріктеу өлшемдерін айқындайды. 
2. Конкурстың мақсаты және міндеттері 
2.1. Конкурстың мақсаты – этносаралық қатынастар тақырыбын жазып-көрсететін журналистерді ынталандыру арқылы елдегі қоғамдық келісім мен жалпыұлттық бірлікті нығайту болып табылады. 
2.2. Конкурстың міндеттері: 
1) қоғамдық келісім мен жалпыұлттық бірлікті нығайту; 
2) этносаралық қатынастар мен мәдениетаралық диалог саласындағы мемлекеттік саясат жетістіктерін жазып-көрсету; 
3) қазақ халқының және Қазақстанда тұратын этностардың мәдениеті мен салт-дәстүрлерін насихаттау; 
4) мемлекеттік тілдің қолданылу аясын кеңейту; 
5) қазақстандық журналистиканың дамуына қолдау көрсету; 
6) Қазақстан халқы Ассамблеясының 25 жылдығына орай елдегі татулық пен бірліктің беріктігін насихаттау; 
7) қоғамдық келісім мен жалпыұлттық бірлік тақырыбын жазып-көрсететін қазақстандық БАҚ өкілдерінің рөлдері мен жауапкершіліктерін арттыру болып табылады. 
3. Конкурсқа қатысушылар 
3.1. Конкурсқа республикалық және жергілікті бұқаралық ақпарат құралдарының журналистері қатыса алады. 
3.2. Әр қатысушы тек қана 1 (бір) өтінім бере алады. 
4. Конкурс басшылығы 
4.1. Конкурс құрылтайшысы конкурсқа жалпы басшылықты жүзеге асырады. 
4.2. Ұйымдастырушы: 
– осы Ережеге өзгерістер мен толықтырулар енгізеді; 
– қазылар алқасын құрады және оның құрамын бекітеді; 
– конкурстың барлық рәсімдері мен оның өткізілу тәртібін айқындайды және конкурс жеңімпаздарын марапаттауды қамтамасыз етеді; 
– конкурс қорытындыларын бекітеді; 
– Қызылорда. Ассамблея facebook парақшасында, «Сыр бірлігі» YouTube каналында, Kyzylorda.assambleya instagram парақшасында конкурстың жариялануы туралы ақпарат орналастырады, конкурстың қорытындылары туралы бұқаралық ақпарат құралдары арқылы хабардар етеді. 
4.3. Конкурс жеңімпаздарын айқындау мақсатында Ұйымдастырушының қатысушылардан қосымша ақпарат сұратуға құқығы бар. 
4.4. Конкурс жеңімпазын қазылар алқасы айқындайды. 
5. Конкурсты өткізу тәртібі мен мерзімі 
5.1. Конкурсқа мемлекеттік және орыс тілдерінде жазылған, 2020 жылғы 1 наурыздан 1 тамызға, дейін БАҚ-та, оның ішінде, этноБАҚ-та және газетте жарияланған баспасөз материалдары, бейнесюжеттер қабылданады. 
5.2. Конкурс келесі номинациялар бойынша өткізіледі: 
– ақпараттық жаңалықтар мен телевизиялық бағдарламалардың қоғамдық келісім мен жалпыұлттық бірлікті нығайтуға бағытталған үздік бейнесюжеттері; 
– баспа басылымдардағы қоғамдық келісім мен жалпыұлттық бірлікті нығайтуға бағытталған үздік мақалалар; 
5.3. Конкурсты ұйымдастырушыға конкурстық өтінімдерді қабылдау уақыты өткеннен кейін берілген немесе конкурс талаптарына сәйкес келмейтін өтінімдер конкурсқа жіберілмейді. 
5.4. Конкурсқа жіберілген материалдарға пікір жазылмайды және қайтарылмайды. 
6. Конкурстық өтінімді ресімдеу талаптары 
6.1. Конкурсқа қатысуға өтінім беру қатысушының осы Ережемен белгіленген конкурсқа қатысу талаптары мен шарттарына келісімін білдіреді. 
6.2. Конкурсқа қатысу үшін берілген өтінім: 
– кандидаттың осы Ереженің 1-қосымшасына сәйкес нысанда толтырылған өтінімінен; 
– өтінімнің конкурс талаптарына сәйкес келуін растайтын қосымша құжаттарды қамтуы тиіс. 
Бір өтініммен берілетін материал саны 3-ден кем болмауға тиіс. 
6.3. Конкурсқа қатысуға өтінімді конкурс ұйымдастырушысына конкурстың атауы мен жіберушінің деректерін көрсетіп, электронды түрде, сонымен қатар, жабық конвертпен жіберуге болады. 
6.4. Конкурсқа қатысуға түскен өтінімді конкурсты ұйымдастырушы өтінімнің келген күні мен уақытын көрсетіп, конкурсқа қатысу үшін тіркейді. 
Ақпараттық сипаттағы қысқа материалдар /баспасөз хабарламасы, т.б./ конкурсқа қатыстырылмайды. 
6.5. Конкурсқа қатысуға түскен өтінім осы Ережемен көзделген талаптар бұзылған жағдайда қабылданбайды және тіркелмейді. 
Байланыс телефондары: 
E-mail: bal_oda@mail.ru 
Тел: 8 742 70 03 92, 8 777 451 22 77

Қызылорда облыстық Қазақстан халқы ассамблеясы байқау жариялайды

<a href="https://kyzylorda-news.kz/">Kyzylorda-news.kz.</a> «Хабар» агенттігі бүгін Батырхан Шүкеновтің 58 жылдығына орай флешмоб өткізеді, деп хабарлайды <a href="https://24.kz/kz/zha-aly-tar/m-denie/item/396551-khabar-agenttigi-batyrkhan-sh-kenovti-rmetine-fleshmob-tkizedi">«Хабар 24»</a>.
Сазды жиынға шамамен 6 сағат қалды. Оған әр қазақстандық қатысып, даңқты әншінің репертуарындағы кез келген әнді орындай алады. Акцияға қатысу үшін «Хабар» телеарнасын сағат 19:00-де қоссаңыз болғаны. Осы уақытта Батырхан Шүкеновтің 3 бірдей композициясы «Отан ана», «Джулия» және «Қайран көңiл-ай» әндері орындалады.
«18 мамыр күні біздің Батырхан Шүкенов 58 жасқа толар еді. Бүгін оның әндерін тыңдап жүрекпен айтуға тырысамыз. Соған орай арнайы флешмоб ұйымдастырдық. Кешкі сағат 19:00-де бізге қосылыңыздар. Сондай-ақ әріптестерімнен де ақпараттық қолдау жасауларын сұраймын», – дейді «Хабар» Агенттігі» АҚ басқарма төрағасы Ерлан Бекхожин.

Қазақстан және Қызылорда облысының жаңалықтары