Kyzylorda-news.kz. Бүгін Қызылорда облысының әкімі Гүлшара Әбдіқалықова Темірбек Жүргенов атындағы қоғамдық қордың төрағасы Сәпен Аңсатовты қабылдады. 
Кездесу барысында Сәпен Аңсатов жастарға отбасы құндылығын насихаттайтын кешенді жоспар дайындауды және алаш ардақтысы Темірбек Жүргеновке арналған көркем фильм түсіру мәселесін көтерді. 
Облыс әкімі Гүлшара Әбдіқалықова ішкі саясат басқармасы басшысына жастарға отбасы құндылығы, бала мен ата анаға деген құрметті дәріптейтін кешенді бағдарлама әзірлеуді жүктеді. Сонымен қатар, Темірбек Жүргеновке арналған көркем фильм мәселесін сала мамандарымен ақылдасатынын айтты. 
Сәпен Аңсатов 1974 жылы Қызылорда қаласындағы «Комсомол» совхоз техникумын техник-механик, 1984 жылы Жамбыл су шаруашылығы құрылысы институтын инженер-механик мамандықтары бойынша тәмамдаған. 
Еңбек жолын 1958-1976 жылдары Жосалы механикалық зауытында токарь, слесарь, мастер, механикалық цех бастығы, комсомол, кәсіподақ ұйымдарының жетекшісі, 1977-2000 жылдары Қызылорда ағаш өңдеу, силикат қабырғалық материалдар зауыттарында, мұнай базасында директор, «Қызылордамұнайөнімдері» акционерлік қоғамының вице-президенті, «Сырдариямұнайөнімдері» акционерлік қоғамының президенті қызметтерін атқарған. 2013 жылдан бастап «Темірбек Жүргенов атындағы қоғамдық қор» директоры қызметінде.
<img src="https://kyzylorda-news.kz/wp-content/uploads/2020/06/fb_img_1591364819114.jpg" alt="" />

Қызылорда облысының әкімі Сәпен Аңсатовты қабылдады

<a href="https://kyzylorda-news.kz/">Kyzylorda-news.kz.</a> Қызылорда облысында «Үздік мемлекеттік қызметші» республикалық конкурсының өңірлік кезеңі қорытындыланды.
ҚР Мемлекеттік қызмет істері агенттігінің бастамасымен өткізілетін «Қазақстан Республикасының Үздік мемлекеттік қызметшісі» конкурсының мақсаты – мемлекеттік қызметтің беделін арттыру, үздік кәсіби білімі мен дағдысы бар мемлекеттік қызметшілерді анықтау және ынталандыру.
Байқау өңірлік және республикалық екі кезеңнен тұрады. Аймағымызда агенттіктің Қызылорда облысы бойынша департаменті 22-29 мамыр аралығында құжаттарды қабылдауды жүзеге асырды.
Конкурсқа қатысуға 38 мемлекеттік қызметші ниет білдірді. Конкурс ережесіне сәйкес құжат тапсырған 32 үміткердің «Неге мен үздік мемлекеттік қызметші атағына лайықпын» тақырыбындағы мотивациялық эссесі мен бейнежазба түрінде кейстік тапсырманы орындауы жеке-жеке бағаланып, дауыс берілді.
Өңірлік комиссия отырысы дистанциялық форматта өткізілді. Комиссия шешімімен облыстық кезеңнен Жалағаш ауданы әкімінің орынбасары Тажмаханов Жағыпар Айтбайұлы, Қызылорда қалалық кәсіпкерлік, өнеркәсіп және туризм бөлімінің басшысы Есмаханов Алмасбек Әбілқасымұлы және облыстық кірістер департаментінің заң басқармасы басшысы Шакизада Нұргүл Шакизадақызы үздік деп танылды.
Алдағы уақытта, облыс көлемінде сараланған мемлекеттік қызметшілер республикалық кезеңде аймақ намысын қорғайтын болады. Республикалық конкурстың үздіктері «23 маусым – Мемлекеттік қызметші күні» кәсіби мерекесі қарсаңында анықталады.
Республикалық комиссия анықтаған жеңімпаздар «Үздік мемлекеттік қызметші» төсбелгісімен, дипломмен және естелік сыйлықпен марапатталатын болады.
Өңірлік комиссия құрамына мемлекеттік орган, саяси партия, бұқаралық ақпарат құралдары және қоғамдық бірлестіктердің басшылары мен өкілдері енгізілді.
Конкурсқа қатысуға ниет білдіргендердің қатарында жергілікті атқарушы органдардың қызметкерлері – 22 (58%), аумақтық департаменттердің қызметкерлері – 16 (42%). Гендерлік құрамы жағынан: ерлер – 25 (66%), әйелдер – 13 (34%). Үміткерлердің 12-сі түрлі деңгейдегі басшылар болса, 26 үміткер орындаушы мамандар.
<img src="https://kyzylorda-news.kz/wp-content/uploads/2020/06/bajkaw-1.jpg" alt="" />
<img src="https://kyzylorda-news.kz/wp-content/uploads/2020/06/bajkaw1-1.jpg" alt="" />
<img src="https://kyzylorda-news.kz/wp-content/uploads/2020/06/bajkaw2.jpg" alt="" />

Қызылорда: «Үздік мемлекеттік қызметші» байқауының өңірлік кезеңі аяқталды

<a href="https://kyzylorda-news.kz/">Kyzylorda-news.kz.</a> Қазақстанның қаржы нарығын реттеу және дамыту агенттігі қарызды кейінге шегеруге үміткер бола алатын шағын және орта бизнес субъектілері қызмет түрлерінің тізімін кеңейтті. Қазір оған 357 қызмет түрі кіреді.
11 мамырда төтенше жағдайды қамтамасыз ету жөніндегі мемлекеттік комиссияның қорытынды отырысында Тоқаев кредиттер бойынша төлемдерді кейінге қалдыру үшін салалардың тізімін кеңейтуді тапсырды.
Жаңа тізімге төтенше жағдай режимін енгізу салдарынан ең көп зардап шеккен салалар енгізілді. Бұл сауда, өңдеуші өнеркәсіп, көлік, тамақтану, ақпарат және байланыс, білім және денсаулық сақтау салалары.
<h3 id="">Қазақстандықтардың үштен бірінің қарызы кейінге шегерілді</h3>
2 маусымдағы мәлімет бойынша, 12,5 мыңға жуық кәсіпкердің немесе қарыз алған заңды тұлғалардың 41,6 процентінің 164,6 миллиард теңге (412 миллион доллар) қарызы кейінге шегерілді.
Екінші деңгейлі банктер мен басқа да кредит ұйымдары 265,8 миллиард теңге немесе 666 миллион доллар сомасына 1,9 миллион адамның қарызын кейінге шегеруді мақұлдады. Бұл қарыз алушы жеке тұлғалар санының 34% құрайды. Оның ішінде халықтың әлеуметтік осал топтарының 345 мың өкілінің 42 миллиард теңге көлеміндегі кредиті кейінге қалдырылды. &nbsp;&nbsp;&nbsp;
Қалған өтініштер қаралып жатыр, 10 жұмыс күні ішінде тиісті шешімдер қабылданады.
<h3 id="-1">Қанша бизнесмен жеңілдетілген кредит алды?</h3>
Шағын және орта бизнес субъектілері мен жеке кәсіпкерлерге 187,8 миллиард теңге немесе 470 миллион доллар сомасына 1336 қарыз берілді.
Еске сала кетейік, Қазақстан президентінің тапсырмасымен шағын және орта бизнесті жеңілдетілген кредиттеу бағдарламасы әзірленді. Оны жүзеге асыруға 600 миллиард теңге бөлінді.
Төтенше жағдай режимін енгізу салдарынан зардап шеккен кәсіпкерлерге 12 айға дейін жылдық 8%-тен аспайтын кредит беріледі.
<a href="https://sputniknews.kz/economy/20200605/14174759/qazaqstan-kredit.html">Sputniknews.kz</a>

Екі миллионға жуық қазақстандықтың кредиті кейінге шегерілді

<a href="https://kyzylorda-news.kz/">Kyzylorda-news.kz.</a> Жол-көлік оқиғаларының алдын алу мақсатында Қызылорда қаласында стационарлы жылдамдық өлшегіш құрылғылары орнатылды.
«Қоғамдық және жол қауіпсіздігі үшін бейнебақылау жүйесін орнату» жобасы бойынша Қызылорда қаласы орталығында автокөліктер ағымы басым көп жүретін көше бойларына жалпы саны 13 дана (комплекс) «АРКАН» стационарлы жылдамдық өлшегіш құрылғылары орнатылды:
–&nbsp; Астана даңғылы (Амангелді көше қиылысының тұсы)
– Жаппасбай батыр көшесі (Белкөл тұсы)
– Жаппасбай батыр (С.Бейбарыс көше тұсы)
– Н.Назарбаев даңғылы (ОМО тұсы)
– Н.Назарбаев даңғылы (Заводская тұсы)
– Н.Назарбаев даңғылы (Күзет агенттігі тұсы)
– А.Байтұрсынов көшесі (Жилстрой Сбер Банк тұсы)
– Қорқыт Ата көшесі (Светлый канал тұсы)
– Журба көшесі (Технодом сауда үйінің тұсы)
– Тәуелсіздік даңғылы (Ғ.Мұратбаев көпір асты)
– Тәуелсіздік даңғылы (Арай №2 үй тұсына)
– Қожа Ахмет Яссауи көшесі (Ғ.Мүсірепов көшесі тұсы)
– Бейбарыс көшесі (№9 көп қабатты үй жанына).
Аталған камералар екі бағытта жылдамдықты түсіретін болады. Сонымен қатар нөмірлік белгілерді (төмен жарық жағдайында да шағылыстыратын, сондай-ақ шағылыстырмайтын МТНБ-ны оқи отырып), машиналардың түсін, маркасын автоматты түрде тануды, жылдамдық артуын оптикалық тіркеп, учаскедегі трафикті есептейді.
ЖҚЕ бұзушылықтары туралы ақпарат, сондай-ақ нақты уақыт режиміндегі бейне автоматты түрде деректерді өңдеу орталығына жіберіледі және айыппұл туралы ұйғарымдарды қалыптастыру үшін ҚР Бас прокуратурасының әкімшілік өндірістердің бірыңғай тізіліміне (ЕАҚ) енгізіледі.
Аталған құрылғылармен қазіргі таңда тесттік режимде жылдамдық асырған 13 500 құқық бұзушылық анықталды.
<blockquote>
 «Құрылғыларды алдын ала қосу ағымдағы жылдың 15 маусымына дейін жоспарланып отыр. Осыған байланысты қала тұрғындары мен қонақтарын жол жүру ережелерін бұзбауды және белгіленген қозғалыс жылдамдығын сақтауды сұраймыз», – деп атап өтті Қызылорда облысы Полиция департаментінің басшысы Сұлтан Бектөре.
</blockquote>

Қызылордада стационарлы жылдамдық өлшегіш құрылғылары қай көшелерде орнатылған?

<a href="https://kyzylorda-news.kz/">Kyzylorda-news.kz.</a> Қазалы ауданының әкімі Мұрат Ергешбаевтың төрағалығымен аудандық төтенше жағдайлардың алдын алу және оларды жою жөніндегі комиссия отырысы өтті.
Басқосуға комиссия мүшелері, қала, кент, ауылдық округ әкімдері мен учаскелік полиция қызметкерлері қатысты.
Күн тәртібінде «Жазғы маусым кезінде су айдындарында суға шомылудың қауіпсіздік шаралары туралы» мәселе қаралды.
Аудандық төтенше жағдайлар бөлімінің бастығы Алтынбек Қалиев хабарлама жасап, биылғы жылы 1 азаматтың суға кету фактісі тіркелгендігін айтты.
Қазіргі таңда күннің ысуына және суға түсу маусымының басталуына байланысты суға түсу кезінде азаматтар тарапынан өзен немесе каналдардың кез келген, әрі зерттелмеген жерлеріне және судың салқындығын ескермей ішімдік ішіп суға түсуі, мектеп оқушыларының табиғатқа шығу демалыстары, балалар мен жасөспірімдердің үлкендердің бақылауынсыз суға түсуі мен олардың жүзе білмегендігі қайғылы оқиғаларға әкеліп соқтыруда.
Өкінішке орай, су – тіршіліктің көзі дегенмен, оның тілсіз жау екенін азаматтарымыз әрдайым есте ұстамайды.
Аудан бойынша қауіпті жерлер болып Сырдария өзені, Қазалы су торабы, 13 пикет, Қазалы су жүйесінің су айдағыш қондырғылары, Абай, Қарлаң қалқымалы көпірлерінің тұстары, Бірлік, Алтай және Сол, Оң жаға магистралды каналдарының тұстары, Байқожа, Майлыбас теміржол стансаларының Сырдария өзенінің тұстары, Қызылқұм, Тасарық ауылдық округтеріндегі көлдер саналады.
Комиссияда отырысында адам өмірінің қауіпсіздігін қамтамасыз ету мақсатында қала, кент, ауылдық округ әкімдері мен аудандық төтенше жағдайлар бөлімі, аудандық полиция бөліміне тапсырмалар берілді.
<img src="https://kyzylorda-news.kz/wp-content/uploads/2020/06/kazaly1.jpg" alt="" />

Қазалыда жыл басынан бері 1 адам суға кеткен

<a href="https://kyzylorda-news.kz/">Kyzylorda-news.kz.</a> Қызылорда облысы әкімінің орынбасары Серік Сүлейменов Қармақшы ауданында жұмыс сапарымен болды.
Ол Қармақшы ауданындағы жаз-қыс мезгілдерінде балалар демалысына арналған лагерь құрылысының барысымен танысты.
Аудан әкімдігінде Қармақшы ауданындағы мемлекеттік бағдарламалардың жүзеге асырылу барысы туралы және Жосалы кентін газдандыру мен коммуналдық шаруашылық саласының жай-күйі жайында мәжіліс өткізді.
Мәжілісте аудан әкімі Мұса Қалдарбеков мемлекеттік бағдарламалардың шеңберінде аудандағы іске асырылатын жобаларға тоқталып өтті.
Сонымен бірге мәжілісте салалық басқарма басшылары Қармақшы ауданында атқарылып жатқан жұмыстар мен түйінді мәселелерге тоқталды.
Жиын соңында облыс әкімінің орынбасары тиісті басқарма басшылары мен аудан әкімдігіне бірқатар тапсырмалар жүктеді.

Қармақшыға аймақ басшысының орынбасары жұмыс сапарымен барды

<a href="https://kyzylorda-news.kz/">Kyzylorda-news.kz.</a> Биыл Абайдың «Қара сөздеріне» негізделген деректі фильм көрерменге жол тартады. Бұл туралы Орталық коммуникациялар қызметі алаңында өткен брифингіде ҚР Мәдениет және спорт министрі Ақтоты Райымқұлова мәлімдеді. &nbsp;
<blockquote>
 «Өздеріңіз білесіздер, жыл сайын сценарийлер конкурсы өткізіледі. Биыл да сценарийлер конкурсы өтіп, түрлі жанрдағы, ұзақтығы әртүрлі фильмдер, деректі фильмдер, қысқаметражды фильмдерге қатысты бірнеше жоба ұсынылды. Бүгінгі күні Абайдың «Қара сөздеріне» негізделген деректі фильм жобасы іріктеп алынып, қолдау білдірілді. Ол сапалы жоба болатындығына сенім артамыз», – деді министр.
</blockquote>
Оның айтуынша, биылғы жылдың екінші жартыжылдығында аталған фильмнің премьерасын тамашалаймыз.

Абайдың «Қара сөздеріне» негізделген деректі фильм көрерменге жол тартады

<a href="https://kyzylorda-news.kz/">Kyzylorda-news.kz.</a> Қазақстанда су тарифі жоғары қалалар аталды.
Сарапшылардың айтуынша, соңғы 4 айда қазақстандықтар 892 миллион текше метр суды пайдаланған.
Қазақстандағы сәуір айындағы қорытынды бойынша ыстық судың орташа бағасы текші метріне 229,89 теңге болса, суық судың орташа бағасы текше метріне 67,46 теңге болған. Ал канализациялық қызмет түрлерінің шаршы метрі 46,17 теңгеге жеткен.
Сарапшылардың мәліметінше, ыстық су ең қымбат өңірлердің тізіміне Қарағанды мен Талдықорған тұр. Ал суық су ең қымбат қалалардың тізіміне Ақтау кірді. Қызылорда мен Павлодарда суық су бағасы ең төмен екен.

Қызылордада суық су бағасы арзан

<a href="https://kyzylorda-news.kz/">Kyzylorda-news.kz.</a> Қызылорда облысында азаматтарды мерзімді әскери қызметке шақыру жұмыстары басталды.
Бұл шара облыс әкімдігінің 2020 жылғы 13 наурыздағы қаулысына сәйкес ұйымдастырылуда. 
Атап айтқанда, Қазақстан Республикасының Ұлттық қауіпсіздік комитетінің шекара қызметі қатарына күзгі әскерге шақыру маусымында 165-тен астам азамат әскер қатарына жөнелтілуі тиіс болатын.
Ал қазіргі таңда жаз мезгілі басталысымен Қызылорда облысынан 56 азамат Отан алдындағы борышын өтеуге аттанды.
<img src="https://kyzylorda-news.kz/wp-content/uploads/2020/06/asker.jpg" alt="" />
<img src="https://kyzylorda-news.kz/wp-content/uploads/2020/06/asker1.jpg" alt="" />

Қызылорда облысында 56 азамат әскерге жөнелтілді

<a href="https://kyzylorda-news.kz/">Kyzylorda-news.kz.</a> Мәдениет және спорт министрі Ақтоты Райымқұлова Токио Олимпиадасына шегерілуіне байланысты Қазақстанда осы жартыжылдықта 4,3 млрд теңге үнемделіп, бюджетке қайтарылғанын мәлімдеді, деп хабарлайды <a href="https://www.inform.kz/kz/tokio-olimpiadasynyn-shegerilui-kazakstanda-4-3-mlrd-tenge-unemdeldi_a3658418">ҚазАқпарат.</a>
<blockquote>
 «Пандемияға байланысты бүкіл әлемде ірі спорттық шаралардың бәрі де кейінге шегерілді. Өздеріңіз білетіндей, Олимпиада ойындары да келесі жылға қалдырылды. Жазғы Олимпиада ойындары осы жылдың шілде айының аяғы мен тамыз айының басында өтуі тиіс болатын. Осыған байланысты халықаралық және лицензиялық сайыстардың өткізілу кестесіне де айтарлықтай өзгерістер енгізілді», – деді Ақтоты Райымқұлова.
</blockquote>
Министр қазіргі уақытта қазақстандық спортшылар өз жаттығуларына кіріскендігін айтып өтті.
<blockquote>
 «Алайда Олимпиада келесі жылға қалдырылғаннан кейін биылғы жартыжылдықта 4,3 млрд теңге үнемделіп, мемлекеттік бюджетке қайтарылды», – деді Ақтоты Райымқұлова.
</blockquote>

Токио Олимпиадасы: Қазақстанда 4,3 млрд теңге үнемделді

<a href="https://kyzylorda-news.kz/">Kyzylorda-news.kz.</a> ҚР ДСМ Қоғамдық денсаулық сақтау ұлттық орталығында COVID -19 бақылау бойынша веб-қосымша іске қосылды.
4 маусымда ҚР ДСМ Қоғамдық денсаулық сақтау ұлттық орталығында ДДСҰ Еуропалық бюросының, Қазақстан Республикасындағы және Қырғыз Республикасындағы ДДСҰ Елдік кеңсесінің, сондай-ақ ҚР Денсаулық сақтау министрлігі өкілдерінің қатысуымен COVID-19 бақылау бойынша IT-шешімдерді, атап айтқанда, «COVID-19 бақылау орталығы» веб-қосымшасын іске қосу жөнінде кеңес өтті. Әзірлеушілер мен ҚР ДСМ ҚДСҰО ҚР Денсаулық сақтау министрлігімен бірлесіп, ДДСҰ-дағы әріптестеріне, сондай-ақ Қырғыз Республикасының өкілдеріне веб-қосымшаны көрсетті.
Төтенше жағдайдың алғашқы күндері Қазақстан Республикасы Денсаулық сақтау министрлігі Қазақстандық IT әзірлеушілермен бірге Денсаулық сақтау министрлігінің қолда бар ресурстары негізінде COVID-19 таралуына қарсы бірқатар IT-шешімдерді әзірлеп, іске қосты. Осы шешімдердің бірі «COVID-19 бақылау орталығы» веб-қосымшасын әзірлеу болды. Енді веб-қосымша басқа елдерден келген, сондай-ақ ауру жұқтырған және байланыста болған адамдарға мониторинг жүргізудің негізгі құралы болып табылады. Қосымша 2020 жылғы 10 сәуірде іске қосылды және пайдаланушының ыңғайлылығын ескере отырып әзірленді. Бұл жүйенің мақсаты ҚР аумағында COVID-19 таралуын мониторингілеу және есепке алу болып табылады.
Қосымша белгілі бір уақытта ақпарат алуға, пациенттерге бақылау жасауға және оларды есепке алуды жүзеге асыруға, аймақтар мен өкілеттіктер бойынша деректерге қолжетімділікті бақылауға, ауру жұқтырған ошақтарды анықтауға және бақылауға, картада пациенттердің мекенжайын автоматты түрде табуға, байланыс ағашын құруға, терең кастомизацияны қамтамасыз етуге (конструктивтік немесе дизайнерлік өзгерістер енгізу арқылы нақты тұтынушылардың тапсырыстарына өнімді дараландыру) мүмкіндік береді. Ол пайдалануға ыңғайлы, барлық құрылғы түрлерінде бейімделген интерфейс, отырғызу орындарының автоматты картасы, қазақ және орыс тілдерінде локализация бар, ДК-де, сонымен қатар мобильдік құрылғыларда жұмыс істейді. Веб-қосымша басқа елдерден келген, сондай-ақ ауру жұқтырған және байланыста болған адамдарға мониторинг жүргізу үшін орталық құрал болды. Әзірленген сәттен бастап бүгінгі күнге дейін веб-қосымша веб-қосымшаны пайдаланушылардан келіп түсетін жаңа күрделі міндеттерді ескере отырып жаңартылады.
<a href="https://24.kz/kz/zha-aly-tar/o-am/item/400706-aza-standa-koronavirusty-ba-ylau-bojynsha-veb-osymsha-iske-osyldy">«Хабар 24»</a>

Қазақстанда коронавирусты бақылау бойынша веб-қосымша іске қосылды

<a href="https://kyzylorda-news.kz/">Kyzylorda-news.kz.</a> 2023 жылға дейін мәдениет және спорт саласындағы мектеп пен колледж педагогтерінің жалақысы жыл сайын 25 пайызға ұлғайып отырады, деп хабарлайды <a href="https://www.inform.kz/kz/madeniet-sport-salasyndagy-kolledzh-pedagogterinin-zhalakysy-eki-ese-osedi_a3658385">ҚазАқпарат</a>.
<blockquote>
 «Мәдениет және спорт қызметкерлерінің әл-ауқатын арттыру – біздің жұмысымыздың негізгі бағыттарының бірі. Мемлекет басшысының Жолдауын іске асыру шеңберінде 2020 жылдың 1 қаңтарынан бастап мәдениет және өнер ұйымдары қызметкерлерінің жалақысы республикалық деңгейде 50%-ға, ол орта есеппен алғанда 96 мыңнан 139 мың теңгеге дейін, өңірлерде 35%-ға, сәйкесінше 96 мыңнан 126 мың теңгеге дейін өсті. Жалпы, мұндай өсім шамамен 34 мың адамды қамтыды», – деді Ақтоты Райымқұлова.
</blockquote>
Министр сондай-ақ, 2020 жылдың басынан бастап кәсіптік қызметін тоқтатқан және кәсіби еңбек өтілі кемінде 20 жыл болатын балет әртістеріне ай сайын соңғы 3 жылдық орташа жалақысының 60%-ға дейінгі мөлшерінде төлем беріле бастағанын жеткізді.
<blockquote>
 «Бұдан басқа, Қазақстандағы әдебиет және өнер қайраткерлеріне, талантты жастарға мемлекеттік қолдауды күшейту мақсатында берілетін Тұңғыш Президент – Елбасының мәдениет саласындағы стипендиясы 240-тан 660 айлық есептік көрсеткішке дейін ұлғайтылды. Жыл сайын ғылым, мәдениет және өнер саласындағы дарынды жастар Қазақстан Республикасының Тұңғыш Президенті – Елбасы қоры премиясының лауреаты атанып келеді. Ерекше мәртебесі бар мәдениет және өнер саласындағы жоғары оқу орындарының профессор-оқытушылар құрамына лауазымдық жалақыларының мөлшеріне 1,75 коэффициенті сақталған», – деді ол.
</blockquote>
Сонымен бірге министрдің айтуынша 2020 жылғы 1 қаңтардан бастап мәдениет және спорт саласындағы мамандандырылған мектеп және колледж педагогтерінің жалақысы жыл сайын 2023 жылға дейін 25 пайызға ұлғайып отырады. Нақтырақ айтқанда ол еңбекақы 2020 жылы 25 пайызға, 2021 жылы 50 пайызға, 2022 жылы-75 пайызға, 2023 жылы-100 пайызға өседі.

Қазақстан және Қызылорда облысының жаңалықтары