<a href="https://kyzylorda-news.kz/">Kyzylorda-news.kz.</a> «Бір терезе» қағидаты бойынша мемлекеттік қызметтерді алу қолжетімділігін арттыру және мемлекеттік көрсетілетін қызмет кезінде қызметкер және қызмет алушылар араларында сыбайлас жемқорлық сипатындағы әрекеттерге жол бермеу мақсатында Қызылорда қаласында Көші-қон қызметі орталығы қызмет атқаруда.
Онда ТМД азаматтары тек жеке тұлғаларда жұмыс істеу үшін рұқсаттар берудің оңайлатылған тәртібі белгіленген. Бұл Өзбекстан, Тәжікстан, Әзербайжан, Грузия, Молдова азаматтарына тиесілі.
Қабылдаушы тарапынан 3 жұмыс күні ішінде шетел азаматы елге келген күннен бастап көші-қон қызметін хабардар етуге міндетті.
Хабардар етудің үш жолы бар екендігі ескеріледі. Хабардар визалық көші-қон және электрондық үкімет порталдары арқылы немесе жазбаша көші-қон қызметі арқылы ескертіледі.
Жұмысқа рұқсат қағазы өтініш білдірген күннен бастап, бір жұмыс күні ішінде рәсімделеді. Ал, заңсыз еңбек етіп жүрген шетел азаматтары жұмыс берушімен қоса ӘҚҚБтК 519 – бабына сәйкес (Шетелдiк жұмыс күшiн және еңбекшi көшiп келушілерді Қазақстан Республикасының заңнамасын бұза отырып тарту) әкімшілік жауапкершілікке тартылады.
Осыған байланысты рұқсат алуға оңайлатылған тәртібін пайдалануға кеңес береміз. 
Қазіргі таңда КҚҚО-да 2175 шетелдіктің еңбегі заңдастырылып, жергілікті бюджетке салық төлемі ретінде 32 млн. 191 мың 566 теңге түсірілді. 
Анықтама үшін;
Сауалнама- өтініш
Ұлттықтөл құжаттың көшірмелері
№086/е медициналық анықтама (түрнұсқа)
Медициналық сақтандыру (көшірме)
Жеке кіріс салық бойынша төленген түбіртек (көшірме)
<img src="https://kyzylorda-news.kz/wp-content/uploads/2020/06/shetel-azamaty1-1.jpg" alt="" />

Қызылордада шетел азаматтарына жұмыс істеу үшін рұқсат берудің тәртібі түсінділді

<a href="https://kyzylorda-news.kz/">Kyzylorda-news.kz.</a> Бұл туралы ҚР Қорғаныс министрлігінің баспасөз қызметі хабарлады.
Мәскеу қаласында ІІ дүниежүзілік соғыстағы Жеңістің 75 жылдығына арналған іс-шараларға қатысуға байланысты қорғаныс ведомствосының басшысы генерел-лейтенант Нұрлан Ермекбаев 2020 жылдың 11 маусымынан бастап өзін-өзі оқшаулау режиміне көшті.
Мерекелік іс-шараларға Қазақстан Қорғаныс министрі өзінің ресейлік әріптесі армия генералы Сергей Шойгудың шақыруымен барады.
<blockquote>
 «Өзін-өзі оқшаулау бойынша шаралар шетелдерге бару тәртібін, дәрігерлердің ұсыныстарын, сондай-ақ санитарлық-эпидемиологиялық жағдайдың жай-күйін ескере отырып қабылданды. Қорғаныс министрі жұмыс орнында. Бұл ретте оның қарамағындағылармен тікелей байланысы жоқ. Қорғаныс министрлігі мен қарулы күштер қызметіне басшылық ету телефон және бейнеконференцбайланысы арқылы жүзеге асырылады», – делінген хабарламада.
</blockquote>
Өзін-өзі оқшаулау кезеңінде қорғаныс министрімен қажетті диагностикалық іс-шаралар жүргізіледі.
Өзін-өзі оқшаулау режимінің аяқталу күні туралы шешім ағымдағы жағдайды ескере отырып, Мәскеуден оралғаннан кейін қабылданады.

COVID-19: Қорғаныс министрі де өз-өзін оқшаулады

<a href="https://kyzylorda-news.kz/">Kyzylorda-news.kz.</a> Коронавирус жұқтырған министр Денсаулық сақтау министрі Елжан Біртановтың міндетін орынбасары Ләззат Ақтаева атқарады. Бұл туралы ведомствоның ресми өкілі Диас Ахметшәріп мәлім етті, деп хабарлайды <a href="https://www.inform.kz/kz/koronaviruske-shaldykkan-ministr-birtanovtyn-zhagdayy-ortasha_a3662193">ҚазАқпарат.</a>
<blockquote>
 «Денсаулық сақтау министрі Елжан Амантайұлы Біртанов коронавирус инфекциясын жұқтырып, «пневмония» диагнозымен ауруханаға жатқызылды. Екі күн болды. Дәрігерлер оның денсаулық жағдайын орташа деп бағалап отыр. Жалпы Елжан Амантайұлы клиникалық хаттамаға сай ем-домын қабылдауда. Ағзасы вирусқа қарсы терапияны жақсы көтеруде. Емін қабылдағаннан кейін, жазылып, өз жұмысына кіріседі деген ойдамыз», – деді Диас Ахметшәріп.
</blockquote>
Оның хабарлауынша, Елжан Біртанов ауруханада жұмысын қашықтан жүргізіп, штаб қызметін реттеп отыр. Бүгіннен бастап оның міндетін уақытша орынбасары Ләззат Ақтаева атқарады.

Коронавируске шалдыққан министр Біртановтың жағдайы – орташа

<a href="https://kyzylorda-news.kz/">Kyzylorda-news.kz.</a> Қызылорда облысында коронавирус инфекциясын жұқтырғандар саны 507-ге жетті. Қызылорда қаласында 270 жағдай тіркелсе, Аралда 50, Қазалы 7, Қармақшы 8, Жалағаш 2, Сырдария 29, Шиелі 80, Жаңақорған 61 адам тіркелген. Бұл туралы Өңірлік коммуникациялар қызметінің баспасөз алаңында Қызылорда облыстық денсаулық сақтау басқармасының басшысы Жақсылық Абдусаметов мәлімдеді.
<blockquote>
 «Өткен тәулікте симптомды ағыммен жаңа 7 жағдай тіркелді. Оның 4-і Қызылорда қаласында, Жалағаш, Шиелі және Сырдария аудандарында 1 жағдайдан тіркелген. Аталған жағдайлардың 6-ы емханада скрининг арқылы анықталса, 1-і ақылы тест кезінде анықталған. Сонымен қатар симптомсыз ағыммен 37 жағдай тіркелді. Оның 34-і Қызылорда қаласынан, 2-і Қармақшы ауданынан, 1-і Жалағаш ауданынан болып отыр. Олардың 16-ы қарым-қатынастағылардың арасынан анықталса, 13-і емхана скринингінен, 8-і ақылы тест арқылы анықталған», – дейді басқарма басшысы.&nbsp;
</blockquote>
Өткен тәулікте коронавирус инфекциясынан 51 азамат жазылып шықты. Жалпы сырқаттан айыққандар саны 442-ге жетті.

COVID-19: Өткен тәулікте 7 адам коронавирус инфекциясын жұқтырды

<a href="https://kyzylorda-news.kz/">Kyzylorda-news.kz.</a> Ағымдағы жылдың 15-25 маусым аралығында республикалық «Шартты түрде» профилактикалық іс-шарасы өтеді.
Профилактикалық шараның&nbsp; мақсаты – пробация қызметініӊ есебінде тұрған қоғамнан оқшаулауға байланысты емес жазаларға сотталғандар тарапынан жасалатын құқық бұзушылықтардыӊ және қылмыстыӊ алдын алу, сондай-ақ іздеуге жарияланған сотталғандардың тұрғылықты жерін анықтау.
Профилактикалық іс-шара барысында қалалық пробация қызметі және Қызылорда ОПД Жергілікті полиция қызметінің учаскелік полиция инспекторлары&nbsp; мен ішкі істер органдарының басқа да құзырлы қызмет салаларымен бірлесіп, сотталғандарды тұрғылықты жерлерінен тексеру жұмыстарын жүргізіп, тәрбиелік мағынада сұхбаттар жүргізеді.

Қызылордада «Шартты түрде» профилактикалық шарасы басталды

<a href="https://kyzylorda-news.kz/">Kyzylorda-news.kz.</a> Қазақстанның барлық өңірлерінде Белсенді ұзақ өмір орталықтары ашылады. Бұл туралы ҚР Еңбек және халықты әлеуметтік қорғау министрлігінің баспасөз қызметі хабарлады.
Мұндай орталықтардың ашылуы ҚР Еңбек және халықты әлеуметтік қорғау министрлігі әзірлеген «Белсенді ұзақ өмір» Ұлттық жоспарында көзделген. Қазіргі уақытта құжат жобасы орталық мемлекеттік органдар мен әкімдіктер деңгейінде, сондай-ақ онлайн режимде «Ашық НҚА» порталында талқылануда, онда әрбір тілек білдіруші өз ұсыныстарын бере алады.
Белсенді ұзақ өмір орталығы ересек адамдар ағылшын тілін үйреніп, компьютерлік сауаттылық курстарынан өтіп, емдік дене шынықтырумен, бимен және т. б. айналыса алатын бос уақытын өткізу мекемесі болып табылады. Нәтижесінде егде жастағы қазақстандықтар қоғамға белсенді түрде араласып, олардың психоэмоционалдық жағдайы жақсаруда.
Әзірге мұндай орталықтар еліміздің тек бірнеше қаласында ғана жұмыс істейді.
Алматы қаласы Белсенді ұзақ өмір орталығы іске қосылған Қазақстандағы алғашқы өңір болды. Ол 2018 жылы маусым айында ашылды. Орталық 75 адамға есептелген, бірақ үлкен сұранысқа байланысты күн сайын оған 350-ге жуық адам қатысты. 2019 жылдың соңына қарай қаланың барлық аудандарында дәл сондай 7 мекеме іске қосылды. Бағдарлама Дүниежүзілік денсаулық сақтау ұйымы әзірлеген қартаю проблемалары жөніндегі Мадрид халықаралық іс-қимыл жоспарының тұжырымдамасын ескере отырып әзірленді.
Қартаю мәселелері жөніндегі сарапшылар бүкіл ел бойынша белсенді ұзақ өмір орталықтарының масштабталуын барынша қажетті және уақтылы шара деп атайды.
<blockquote>
 «Біздің ұйымымыздың басты міндеттерінің бірі аға буынның салауатты өмір салтын қолдау болып табылады. Барлық өңірлерде Белсенді ұзақ өмір орталықтарының ашылғанына мен өте қуаныштымын. Өйткені, БҰҰ есептеулері бойынша, 50 жылдан кейін планетаның әрбір алтыншы тұрғыны егде жастағы адам болады. Сондықтан қазірден бастап қарт адамдарға сапалы, әр түрлі және белсенді өмір сүруді қамтамасыз ету бойынша жұмысты бастау аса маңызды», – деді «Ардагер» ҚБ төрайымы Баян Ахметжанова.
</blockquote>
Айта кету керек, соңғы 5 жылда 65 жастан асқан адамдардың үлесі 2 есеге артты. Нәтижесінде, халықаралық стандарттарға сәйкес, Қазақстан 2017 жылы халқы есейген елдер тобына кірді.

Қазақстанның барлық өңірлерінде қарияларға арналған орталықтар ашылады

<a href="https://kyzylorda-news.kz/">Kyzylorda-news.kz.</a> Қызылорда облысында өткен жылы 20 канал тазаланып, 11 дана сорғы қондырғылары алынды. Биыл 12 каналды тазарту жоспарлануда. Бұл туралы Өңірлік коммуникациялар қызметінің ақпараттық алаңында өткен брифингте Облыстық табиғи ресурстар және табиғат пайдалануды реттеу басқармасы басшысының орынбасары Бауыржан Оспанов мәлімдеді.
<blockquote>
 «Биыл 12 каналға және 2020-2021 жылдарға арналған жұмыспен қамтудың жол картасы бойынша 4 каналға қаржы бөлініп, тазарту жұмыстары жүргізіледі. Бөлінген қаржыға ұзындығы 96,4 шақырым болатын 12 канал тазаланып, олардың бойындағы 10 гидротехникада жөнделетін болады. Қазіргі таңда 3 каналдың жұмысы аяқталды», – деді Бауыржан Әліпбайұлы.
</blockquote>
Сондай-ақ, өздігінен су бармайтын 4 елді мекенге 4 дана сорғы қондырылады деп күтілуде.
<img src="https://kyzylorda-news.kz/wp-content/uploads/2020/06/kanal-ishine-1.jpg" alt="" />

Қызылордада 12 канал тазартылады

<a href="https://kyzylorda-news.kz/">Kyzylorda-news.kz.</a> Қармақшы ауданының әкімі Мұса Қалдарбеков «Жұмыспен қамту жол картасы» бағдарламасы аясында атқарылып жатқан бірнеше құрылыс нысандарын аралады.
Бағдарлама негізінде жаңа жұмыс орындарын құруға, тұрғындардың әлеуметтік мәселелерін шешуге, әл-ауқатын арттыруға бағытталған.
Аудан әкімі Мұса Оспанұлы Жосалы кенті орталығындағы Қорқыт Ата көшесіндегі жаяу жүргіншілер жолын салу барысымен танысты. Мердігер мекеменің басшысымен кездесіп, атқарылып жатқан жұмыстарда қолданылатын құрылыс материалдарының сапалы болуына көңіл бөлуді тапсырды.
«Жұмыспен қамтудың жол картасы» шеңберінде жүзеге асырылатын жобалар тізіміне бірнеше нысандардың қайта жаңғыртылуы мен жөндеу жұмыстары кіріп отыр.
Сонымен қатар аудан басшысы Жосалы кентіндегі №15 балалармен жасөспірімдер спорт мектебінің ғимараты мен балалар кітапханасының ғимаратына жүргізіліп жатырған ағымдағы жөндеу жұмыстарымен танысты.
«Жұмыспен қамту жол картасы» бағдарламасы шеңберінде ауданымызды абаттандыру, көшелерді орташа жөндеу мен жарықтандыру, әлеуметтік нысандарды ағымдағы жөндеуден өткізу жұмыстары атқарылатын болады.
Жергілікті тұрғындарды жұмыспен қамтуды көздейтін бағдарламада жоспарланған жұмыстардың сапалы жүргізілуі маңызды. Бұл жұмыстардың барлығы халық игілігі үшін іске асып жатыр. Жоба аясындағы атқарылатын жұмыстар тұрғындар сұранысына сай болуы керек. Осы ретте аудан әкімі көше тұрғындарымен кездесіп, пікірлерін тыңдап, жұмыс барысында сауалдарын назарға алып отыруды тиісті сала басшыларына тапсырды.
<img src="https://kyzylorda-news.kz/wp-content/uploads/2020/06/karmakshy-11.jpg" alt="" />
<img src="https://kyzylorda-news.kz/wp-content/uploads/2020/06/karmakshy1-2.jpg" alt="" />
<img src="https://kyzylorda-news.kz/wp-content/uploads/2020/06/karmakshy2-2.jpg" alt="" />
<img src="https://kyzylorda-news.kz/wp-content/uploads/2020/06/karmakshy3-1.jpg" alt="" />

Қармақшы ауданының әкімі құрылыс нысандарын аралады

<a href="https://kyzylorda-news.kz/">Kyzylorda-news.kz.</a> Биыл Сырдариядан егістікке 1,5 млрд текше метр су құйылды. Сондай-ақ, әліде 2,7 млрд сумен қамтамасыз ету жоспарлануда. Бұл туралы Өңірлік коммуникациялар қызметінің ақпараттық алаыңында өткен брифингте «ҚазСуШар» РМК Қызылорда филиалы директорының орынбасары Жорабек Ерназаров баяндады.
<blockquote>
 «Биыл егін алқабына 4 млрд текше метр ағын су қажет. Диқандар егістікке келетін судың әр тамшысын үнемдеуде. Яғни, Сырдария трансшекаралық өзен болғандықтан оны Өзбекстанмен бөлісудеміз. Осыған байланысты, Қырғызстан, Тәжікстан және Өзбекстан елдерінің өкілдерімен маусым-тамыз айларында Шардара су қоймасынан 2,3 млрд көлемде су жіберуге келіссөз жүргізілуде», – деді Жорабек Шашыбекұлы.
</blockquote>
Қазіргі таңда Сырдария өзенінің төменгі ағысына Шардара су қоймасынан секундына 250 текше метр, Көксарай су реттегішінен 300, барлығы 550 текше метр су құйылуда.
<img src="https://kyzylorda-news.kz/wp-content/uploads/2020/06/egis-ishine-1.jpg" alt="" />

Қызылордада биыл егіс алқабына 4 млрд текше метр су құйылады

Kyzylorda-news.kz. Сейсенбі елімізде найзағай ойнап, жаңбыр жауады, жел күшейеді, кей жерлерде дауыл соғуы мүмкін. Сондай-ақ бұршақ жауып, тұман түседі, деп хабарлайды&nbsp; Қазгидромет.
16 маусымда Қазақстанның басым бөлігінде антициклон әсерінен жауын-шашынсыз ауа райы күтіледі, республиканың солтүстік-шығысында, шығысында және оңтүстік-шығысында фронтальды бөліктердің өтуіне байланысты құбылмалы ауа райы сақталады, кей жерлерде найзағай ойнап, жаңбыр жауады. Кей жерлерде жел күшейіп, оңтүстікте және оңтүстік-батыста шаңды дауыл соғады, солтүстікте тұман түсуі ықтимал, орталықта және шығыста бұршақ жаууы мүмкін. Ақмола, Батыс Қазақстан, Шығыс Қазақстан, күндіз Жамбыл, Павлодар облыстарында жел 15-20 м/с күшейеді, Шығыс Қазақстан облысының кей жерлерінде күндіз бұршақ жаууы ықтимал.
Қарағанды облысының кей жерлерінде дауыл соғады, бұршақ жаууы мүмкін, түнде кей жерлерде жел 15-20 м/с, күндіз 15-20, кей жерлерде 23 м/с күшейеді. Қызылорда облысында желдің жылдамдығы 15-20, кей жерлерде 23 м/с жетеді, кей жерлерде шаңды дауыл соғуы мүмкін.
Түркістан, Маңғыстау облыстарының кей жерлерінде желд күшейіп, жылдамдығы 15-20 м/с жетеді, шаңды дауыл соғуы мүмкін. Алматы, Атырау облыстарында, Маңғыстау облысының оңтүстігінде қатты ыстық сақталады. Атырау, Қызылорда, Қарағанды облыстарында, Ақтөбе, Ақмола, Түркістан, Жамбыл облыстарының басым бөлігінде, Павлодар, Алматы, Қостанай облыстарының кей жерлерінде, Батыс Қазақстан облысының оңтүстігінде өте жоғары өрт қауіпі сақталады.

Найзағай, жаңбыр, жел &#8211; сейсенбіге арналған ауа райы болжамы

1993 жылы&nbsp;Елбасы Нұрсұлтан Назарбаевтың «Үндістан Республикасында Қазақстан Республикасының Елшілігін ашу туралы» және «Қазақстан Республикасы Мүгедектерінің күнін бекіту туралы» Жарлықтары жарық көрді.
Мемлекеттің мүгедектерге қамқорлығын көрсету мен проблемаларына көңіл бөлу мақсатында, сондай-ақ, БҰҰ Бас ассамблеясының ұсынымдары есепке алына отырып, Қазақстан Республикасының Мүгедектер күні белгіленді. Аталмыш шара әр жылдың қазан айының екінші жексенбісінде аталып өтеді.
1993 жылы&nbsp;Қазақстан Республикасының Тұңғыш Президенті – Елбасы Нұрсұлтан Назарбаев Біріккен Ұлттар Ұйымының делегациясын қабылдады. Келіссөздер барысында Алматыда Біріккен Ұлттар Ұйымының өкілдігін ашу туралы уағдаластық жасалды.
1993 жылы&nbsp;«Қазақстан Республикасындағы құқықтық реформалардың тиімділігін арттыру шаралары туралы» ҚР Президентінің Жарлығы қабылданды.
2000 жылы&nbsp;Нұр-Сұлтанға «Қалалар – бейбітшілік үшін» ЮНЕСКО сыйлығының сертификаты табыс етілді.
2011 жылы&nbsp;Қазақстан Microsoft компаниясы өз өнімі – Internet Explorer 9 браузерінің қазақша нұсқасы шыққанын ресми жариялады.
2017 жылы&nbsp;ҚР ұлттық музейінде «Бейбарыс сұлтан және оның дәуірі» көрмесінің ашылу салтанаты өтті. Көрмеге Бейбарыс сұлтанның өмірі мен ел билеу тарихын баяндайтын Ислам өнері музейі (Каир қ., Мысыр) жинағынан 22 жәдігер қойылды.

16 маусым: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 16 маусымға арналған жұлдыз-жорамалы.
Тоқты
Жұмысқа қатысты ұсыныстарды талқылауға және келіссөздер жүргізуге қолайлы күн. Мықты жұмыс берушіден ұсыныс түседі. Жұмысқа қатысты мәселенің барлығын оңай, әрі тез шеше аласыз.
Торпақ
Бүгін өзіңізге ұнайтын жұмыспен айналысқаныңыз жөн. Тіпті бүгін жұмыстың барлығын ысырып қойып, жай демалуға да болады. Бірақ жұмыс барысымен жол сапарға шықпағаныңыз жөн.
Егіздер
Тез әрекет етіңіз. Егер еріншектік танытпасаңыз, барлығы ойдағыдай жүзеге асып, күніңіз сәтті өтеді. Жұмыста көп кедергіге кездесуіңіздің бірақ себебі бар: ол әріптестеріңізден көп көмек күтуіңізде болып отыр.
Шаян
Қызықты, әрі, жемісті күн. Өз талантыңызды танытуға, шығармашылығыңызды шыңдауға көп жұмыс жасайсыз. Жаңа бастама көтеріп, қызықты идеяларды ортаға салып, талқылауға кірісесіз.
Арыстан
Бүгін аздаған кедергілерге тап боласыз. Бірақ сіз міндетті түрде оларды жеңіп шығасыз. Бірақ нақты шешім шығару үшін көп жұмсауыңызға тура келеді. Сіздің тапқырлығыңызға таңқалмасқа амал жоқ.
Бикеш
Бүгінгі күн әңгіме-дүкен құрып, түрлі тақырыпта сөз қозғауға қолайлы күн. Қызықты кездесулер болып, ерекше таныстықтар орын алады. Айналаңыздағы адамдармен тез тіл табысып, олардың ойын айтқызбай ұғасыз.
Таразы
Түске дейінгі уақыт сәтті болмақ. Сондықтан ойға алған шаруаларыңызды кейінге қалдырудың қажеті жоқ. Бұл уақыт жеке шаруамен айналысуға да, сондай-ақ көпшілікпен бірге жұмыс жасауға да ыңғайлы сәт.
Сарышаян
Бүгін аздаған қиындықтарға тап боласыз. Бірақ сіз бұл қиындықтардан еш қорықпайсыз. Өмірден жиған тәжірибеңіз қиын жағдайдан шығуға көмектеседі. Бүгін өзіңіздің ғана емес, сондай-ақ өзгелердің де мәселесін шешуге тырысасыз.
Мерген
Жұмысыңыз алға басып, ісіңіздің барлығы сәтті болады. Сонымен қатар бүгін пайдалы таныстықтар орын алып, болашағы зор ұсыныстар түсуі мүмкін. Түске дейінгі уақытыңыз сәтті өтеді.
Тауешкі
Бүгінгі күн жақындарыңызбен ара қатынасты жақсартуға қолайлы күн. Сіз өткен күндердегі өкінішті, өкпе-назды кешіріп, жақыныңыздың сізге ішкі сырын ақтаруына мүмкіндік бересіз.
Суқұйғыш
Дәл қазіргі сәт қиялға беріліп, орындалмас арманға қол созуға болмайды. Нақты жұмысқа ден қойып, тапсырмаларды орындауға тырысыңыз. Аздаған жетістікке жету сізді зор қуанышқа бөлейтін болады.
Балықтар
Жетістікке жетудің жолын көздесеңіз, сол үшін аянбай еңбек етіңіз. Мақсатқа жету жолында нақты шешім қабылдай біліңіз. Ол үшін кейбір шаруаларды кейінге қалдыруға тура келеді.

Қазақстан және Қызылорда облысының жаңалықтары

Қызылордада шетел азаматтарына жұмыс істеу үшін рұқсат берудің тәртібі түсінділді

COVID-19: Қорғаныс министрі де өз-өзін оқшаулады

Коронавируске шалдыққан министр Біртановтың жағдайы – орташа

COVID-19: Өткен тәулікте 7 адам коронавирус инфекциясын жұқтырды

Қызылордада «Шартты түрде» профилактикалық шарасы басталды

Қазақстанның барлық өңірлерінде қарияларға арналған орталықтар ашылады

Қызылордада 12 канал тазартылады

Қармақшы ауданының әкімі құрылыс нысандарын аралады

Қызылордада биыл егіс алқабына 4 млрд текше метр су құйылады

Найзағай, жаңбыр, жел – сейсенбіге арналған ауа райы болжамы

16 маусым: Атаулы күндер мен оқиғалар

Жұлдыздар не дейді?

Қазақстан және Қызылорда облысының жаңалықтары

Қызылордада шетел азаматтарына жұмыс істеу үшін рұқсат берудің тәртібі түсінділді

COVID-19: Қорғаныс министрі де өз-өзін оқшаулады

Коронавируске шалдыққан министр Біртановтың жағдайы – орташа

COVID-19: Өткен тәулікте 7 адам коронавирус инфекциясын жұқтырды

Қызылордада «Шартты түрде» профилактикалық шарасы басталды

Қазақстанның барлық өңірлерінде қарияларға арналған орталықтар ашылады

Қызылордада 12 канал тазартылады

Қармақшы ауданының әкімі құрылыс нысандарын аралады

Қызылордада биыл егіс алқабына 4 млрд текше метр су құйылады

Найзағай, жаңбыр, жел &#8211; сейсенбіге арналған ауа райы болжамы

16 маусым: Атаулы күндер мен оқиғалар

Жұлдыздар не дейді?

Найзағай, жаңбыр, жел – сейсенбіге арналған ауа райы болжамы