**<a href="https://kyzylorda-news.kz/">Kyzylorda-news.kz.</a> ҚР ІІМ Әкімшілік полиция комитеті төрағасының орынбасары Серік Түсіпов Қазақстанда рулі оң жақта орналасқан көліктерге неліктен тыйым салынғанын түсіндіріп берді, деп хабарлайды <a href="https://www.inform.kz/kz/kazakstanda-ruli-on-zhakta-ornalaskan-kolikterge-nelikten-tyyym-salyngan-iim-zhauaby_a3662401">ҚазАқпарат.</a> 
**
<blockquote>
 «Армениядан әкелінген көлікті тіркеу құны – 11 940 теңге. Оған тіркеу жинағы үшін қосылатын 695 теңге, техникалық құжат үшін 3473 теңге, мемлекеттік нөмір үшін 7778 теңге төлеу керек. Әкелінген көліктер Арменияның жауапты органдарының есебінде тұрғандықтан оларды Қазақстанға тіркеу кезінде оларға сары түсті мемлекеттік тіркеу нөмірі беріледі. Мұндай нөмірлер – басқа мемлекетте тұрақты тіркеуі бар көліктерге беріледі. Сонымен қатар көлік иесінің тұрып жатқан облыстың кодымен тапсырылады», – деді ол ОКҚ-да «ҚР азаматтары Армениядан әкелген автомобильдерді тіркеу туралы» тақырыбында өткен баспасөз мәслихатында. 
</blockquote>
ІІМ өкілінің айтуынша, рулі оң жақтағы көліктер тіркелмейді. Себебі мұндай санаттағы көліктерге қатысты шектеу Қазақстанда 2009 жылдан бері бар. 
<blockquote>
 «Рулі оң жақта орналасқан көліктерге тыйым – жол жүру ережесі заңымен және кедендік одақтың техникалық регламентімен реттеледі. Бұл тыйым Армениямен бірге өзге мемлекеттерден келетін көліктерге қатысты. Рулі оң жақтағы көліктер әу баста жол ерекшеліктеріне байланысты Жапония, Ұлыбритания елдерінде рұқсат етілген. Мұндай көліктермен біздің елде жүру ыңғайсыздық туындатады. Мәселен, ондай көліктер алдындағы көліктен озғысы келетін жағдайда жүргізуші қарсы келе жатқан көліктерді байқамай қалуы мүмкін», – деді ол.
</blockquote>

Қазақстанда рулі оң жақта орналасқан көліктерге неліктен тыйым салынған – ІІМ жауабы

<a href="https://kyzylorda-news.kz/">Kyzylorda-news.kz.</a> Ағымдағы жылдың 15-18 маусым күндері аралығында Қызылорда облысы Арал ауданы көлемінде өтіп жатқан «Отбасындағы зорлық-зомбылыққа жол ЖОҚ» атты акциясы барысында Арал АПб-нің ювеналды полиция тобының инспекторлары учаскелік полиция инспекторлары және білім бөлімі қызметкерлерімен бірлесіп, рейдтік іс-шаралар жүргізуде. 
Акция барысында Арал ауданы Полиция бөлімінің профилактикалық есебінде тұратын азаматтармен жеке-жеке сұхбаттасу жүргізіліп, аудандағы сауда орталықтары мен денсаулық сақтау орындарында отбасы-тұрмыстық қарым-қатынастар саласындағы қылмыстар мен құқық бұзушылықтарды болдырмау, олардың алдын-алу мақсатында арнайы жадынамалар таратылып, плакаттар ілінді. 
Бұл бағыттағы жұмыстар жалғасуда.
<img src="https://kyzylorda-news.kz/wp-content/uploads/2020/06/02-12.jpg" alt="" />

Қызылордалық полицейлер есепте тұратын тұлғаларды тұрғылықты мекенжайы бойынша тексерді

<a href="https://kyzylorda-news.kz/">Kyzylorda-news.kz.</a> Дүниежүзілік денсаулық сақтау ұйымының бас директоры Тедрос Адханом Гебрейесус тұмау туралы ақпарат алмасу деңгейінің күрт қысқарғанын айтты, деп хабарлайды <a href="https://baq.kz/news/othernews/dds-covid-19-saldarynan-t-maudy-mytty/">Baq.kz.</a>
Әлемде COVID-19 коронавирус пандемиясы аясында тұмаумен ауыратындарды мониторингтеу қарқындылығы төмендеді, деп мәлімдеді Дүниежүзілік денсаулық сақтау ұйымының бас директоры Тедрос Адханом Гебрейесус.
COVID-19 пандемиясына байланысты тұмаумен ауырғандардың көрсеткіші төмендеді немесе тұмау туралы ақпарат алмасу күрт қысқарды, – деді Гебрейесус ДДҰ брифингі барысында.
Оның айтуынша, мұндай жағдайға пандемия салдарынан зертханалардағы жұмыстың шамадан тыс артуы және коронавируспен күресу үшін персоналды қайта мамандандыру шаралары әсер етіп, тұмаумен күресуге COVID-19-ға байланысты енгізілген шектеулер кедергі болып отыр.
“Өткен үш жылмен салыстырғанда, біз бүкіл әлемде тұмауға тестілеу ауқымында айтарлықтай құлдырау барын көріп отырмыз”, – деді ол.
Бас директор ДДҰ-мен серіктес ұйымдардың тұмау вирусы бар үлгілерді орталықтарға жеткізу көрсеткіші биыл 64%-ға қысқарғанын атап өтті. Бұдан басқа, GISAID дүниежүзілік ғылыми бастамасы базасында генетикалық дәйектілік туралы деректері бар тұмаумен сырқаттану жағдайлары туралы ақпарат беру көлемі де 94%-ға қысқарған.

ДДСҰ: COVID-19 салдарынан тұмауды ұмыттық

<a href="https://kyzylorda-news.kz/">Kyzylorda-news.kz.</a> Арал ауданында «Жұмыспен қамтудың 2020-2021 жылдарға арналған жол картасы» мемлекеттік бағдарламасы бойынша 16 жоба бекітілді. Оның 10-ы облыстық басқармалар тарапынан, 6-ы аудан арқылы.
Жалпы жұмыспен қамтудың жол картасы шеңберінде Арал ауданында 604 жаңа жұмыс орны ашылады.
Бекітілген келісім шартқа сәйкес, жұмысшылардың кемінде 50% пайызын, яғни 305 адам жұмыспен қамту орталығы арқылы жіберілу қарастырылған. Бүгінде мердігер мекемелердің кеш анықталуына байланысты 89 адам жоба аясында жұмысқа жолданды.
Қалған 106 бос жұмыс орнына жарияланған 71 орнына мердігер мекемелердің сұраныстары тапшы мамандықтар қатарынан болғандықтан әзірге қажетті мамандар іздестірілуде.

Арал ауданында 604 жаңа жұмыс орны ашылады

<a href="https://kyzylorda-news.kz/">Kyzylorda-news.kz.</a> “Ауыл-Ел бесігі” арнайы жобасы бойынша ауылдарды дамыту, халықтың өмір сүру сапасын жақсарту бағытында шаралар 2020 жылы жалғасуда.
Аталған жоба бойынша 8 елді мекенде (Арал ауданы Жақсықылыш кенті, Жалағаш ауданы Жалағаш кенті, Жаңақорған ауданы Жаңақорған кенті, Шалқия кенті, Қазалы ауданы Бекарыстан би елді мекені, Сырдария ауданы Ақжарма елді мекені , Шиелі ауданы Ақмая ауылдық елді мекені, Қызылорда қаласы Ақсуат ауылдық елді мекені) 130 жұмыс орны ашылып (21 тұрақты, 109 уақытша), 52 жоба жүзеге асырылуда. Оның ішінде:
<ul>
<li>Ауыз сумен қамтамасыз ету 2 жоба (Бекарыстан би, Жаңақорған кенті);</li>
<li>2 мектеп құрылысы (Жақсықылыш, Жалағаш кенті балалар әуез мектебі);</li>
<li>4 мектепке күрделі жөндеу (Бекарыстан би, Ақмая, Ақсуат, Шалқия);</li>
<li>Денешынықтыру-сауықтыру кешені құрылысы (Жақсықылыш);</li>
<li>Ауылдық клуб құрылысы (Шалқия);</li>
<li>10 көшені жарықтандыру (Бекарыстан би-8, Ақжарма-1, Ақмая-1);</li>
<li>Көшелерді орташа жөндеу-32 жоба. 
Осы жұмыстарға республикалық бюджеттен 4 636 млн теңге, жергілікті бюджеттен 490 млн теңге бөлінді. 
Қазіргі таңда мемлекеттік сатып алу процедуралары жүргізілуде.</li>
</ul>

Қызылорда: &#8220;Ауыл &#8211; Ел бесігі&#8221; жобасы бойынша ауылдарды дамыту жүзеге асуда

<a href="https://kyzylorda-news.kz/">Kyzylorda-news.kz.</a> Жалағаш ауданы Т.Жүргенов ауылындағы Ә.Оңалбаев атындағы №117 орта мектеп 1987 жылы типтік жобада салынған. Жобалық қуаты 464 орындық, 2 қабатты. Қазіргі уақытта мектептегі оқушылар саны мектепалды даярлық тобындағы 32 баланы қоса алғанда 360 болып отыр. Класс комплектісі 22. Оқушылар 2 ауысымда оқытылады.
Қазіргі таңда облыстық бюджеттен «Жұмыспен қамтудың 2020-2021 жылдарға арналған Жол картасы» аясында қаржы бөлініп, мектеп ғимаратына тиісті күрделі жөндеу жұмыстары жүргізілуде. Жөндеу жұмыстарын конкурс жеңімпазы «Real Story Invest» ЖШС жүргізуде. Ашылған жұмыс орындарына 71 адам қамтылған, оның ішінде 36 адам жұмыспен қамту орталығы арқылы алынды.
Атқарылатын жұмыстар: мектептің кәріз жүйелерін жүргізу, электр желілерін, жарықтандыруды жаңарту, ғимараттың ішкі сылақ жұмыстары және есік-терезелерін ауыстыру, дәліздердің және класс кабинеттерінің едендерін жаңалау, асханаға ауыз су кіргізу және еденін кафельдеу, шатырын шиферлау.
Мектеп ғимаратына күрделі жөндеу жұмыстары жүргізілгеннен кейін оқушылардың шығармашылық қабілеттері арттырылады, бос уақытын тиімді ұйымдастыру бағытында жұмыстар жүргізіледі.
<img src="https://kyzylorda-news.kz/wp-content/uploads/2020/06/fb_img_1592302296806-1.jpg" alt="" />
<img src="https://kyzylorda-news.kz/wp-content/uploads/2020/06/fb_img_1592302299029-1.jpg" alt="" />
<img src="https://kyzylorda-news.kz/wp-content/uploads/2020/06/fb_img_1592302301586-1.jpg" alt="" />

Жалағашта &#8220;Жұмыспен қамтудың жол картасы&#8221;  бағдарламасы аясында мектеп жөнделуде

<a href="https://kyzylorda-news.kz/">Kyzylorda-news.kz.</a> Ұлттық бірыңғай тестілеуді өткізуге дайындық туралы халықты хабардар ете отырып, ҚР БҒМ Ұлттық тестілеу орталығының директоры Дидар Смағұлов биылғы ҰБТ-ның жаңалықтарына кеңінен тоқталды. 
Спикердің айтуынша, тестілеу кезінде тыйым салынған заттарды пайдалануға қарсы шараларды күшейту маңызды. Шпаргалка, мобильді байланыс құралдары, роутерлер, құлаққаптар және басқа да гарнитура түрінде тыйым салынған заттар табылған жағдайда тестіленуші емтиханға жіберілмейді. Сонымен қатар, аудиториялардағы әрбір үстелде ҰБТ ұйымдастырушыларының орнататын калькуляторларды қолдануға рұқсат етіледі. 
Д.Смағұлов атап өткендей, ата-аналар мен тестіленушілердің тілектерін ескере отырып, тестілеу уақыты 10 минутқа ұзартылып жалпы 4 сағат уақытты құрайтын болады. 
Карантинді шараларды сақтау және коронавирустық инфекцияны жаппай жұқтыруды болдырмау мақсатында тестіленушілердің ата-аналары мен туыстары үшін ҰБТ өткізуді онлайн-қарау мүмкіндігі қамтамасыз етіледі. БҒМ өкілінің ақпараты бойынша трансляцияға сілтеме ҰБТ өтетін күнге жақын жарияланады. 
ҰБТ өткізу ережелерін бұзу (есептен шығару, шпаргалкаларды пайдалану және т. б.) анықталған жағдайда, білім грантын беру бойынша конкурс нәтижелерін жоюуы мүмкін. Бұл ретте, әрбір тілек білдіруші ҰБТ барысын бақылай алады және бұзушылықтар анықталған жағдайда дереу Digital agent қосымшасы арқылы ұлттық тестілеу орталығына хабарласа алады. 
Ұлттық тестілеу орталығы директорының айтуынша, бақылау тек тестіленушілерге ғана емес, бақылаушыларға да қамтамасыз етіледі. Осы мақсатта ҰБТ өткізу кезінде бақылауды жүзеге асыруға уәкілетті өкілдермен үш жақты шарттар жасалды. Бұдан басқа, ашықтық пен объективтілікті бақылау үшін жұртшылық пен арнайы мониторинг тобы (сыбайлас жемқорлыққа қарсы қызмет) тартылатын болады. 
Мемлекеттік білім беру гранттары білім беру бағдарламаларының топтары бойынша оқыту тіліне қарамастан берілетін болады. Қазақ және орыс тілдері арасында гранттар бөлінбейді. 
Тестіленушілерге ыңғайлы болу үшін SAT, АСТ және IB халықаралық стандартталған тестілерінің балдарын ҰБТ балдарына ауыстыру шкаласы енгізілді (көрсетілген сертификаттарға ие тұлғалар ҰБТ тапсырудан босатылады және грант беру конкурсына қатыса алады). Толығырақ ақпарат жақын арада ҚР БҒМ-нің ресми аккаунттарына орналастырылатын болады.

Тестілеу уақыты 4 сағатқа дейін ұзартылды

**<a href="https://kyzylorda-news.kz/">Kyzylorda-news.kz.</a>Ұлттық тестілеу орталығының директоры Дидар Смағұлов Ұлттық біліктілік тестілеуінде тыйым салынған зат пайдаланған мұғалімдер туралы бейнеролик түсіріп, әлеуметтік желіде таратуды ұсынды, деп хабарлайды <a href="https://www.inform.kz/kz/ulttyk-biliktilik-testileu-talabyn-buzgan-mugalim-zhuldyzga-aynaluy-mumkin_a3662251">ҚазАқпарат.</a> 
**
<blockquote>
 «Ұлттық біліктілік тестілеуінде тыйым салынған заттарды пайдаланған мұғалімдерге қатысты бейнеролик шығарып, әлеуметтік желілер арқылы таратуды ұсынамыз. Өйткені, сөзбен де айттық, жиналыстарда да ескерттік. Тестілеу өтетін жерге білім басқармаларының өкілдері де келеді. Бірақ, өкінішке орай жағдайдың жақсаратын түрі жоқ. Мұғалімдер тыйым салынған заттарды қолдануға тырысады. Сондықтан біздің ұсынысымыз, нақты фактілер бойынша қай облыстың мұғалімі екендігін көрсетіп, бейнероликтер таратсақ», – деді Дидар Смағұлов Білім және ғылым министрлігінің онлайн форматта өткен аппарат жиналысында.
</blockquote>
Осы орайда ҚР Білім және ғылым министрі Асхат Аймағамбетов бұл ұсынысты заңнамалық тұрғыда қарастыру қажеттігін баса айтты.
<blockquote>
 «Өйткені, бұл жеке адамның құқығына қатысты. Әрине, біз бір жағынан ұстаздардың мәртебесі десек, екінші жағынан осындай келеңсіз жағдайлар болғанда оны да айтуымыз керек. Бес саусақ бірдей емес. Кейбір әріптестеріміз заңға қайшы қылықтары болса тиісті шара қолдануымыз қажет. Өте қатаң шара қолданылатын болады. Екі жұманың ішінде 296 мұғалім заңсыз әрекетке барған. Біріншіден, құқық қорғау органдары тиісті жұмыс жүргізіп бастады. Екіншіден, біздің комитет өз жұмысын бастауы тиіс. Үшіншіден, білім басқармалары, бөлімдер, мектеп басшылары әр факті бойынша қызметтік тексеру жүргізіп, нақты шара қолдануы керек. Академиялық адалдық деген осыдан басталады», – деді Асхат Аймағамбетов.
</blockquote>

Ұлттық біліктілік тестілеу талабын бұзған мұғалім «жұлдызға» айналуы мүмкін

<a href="https://kyzylorda-news.kz/">Kyzylorda-news.kz.</a> Қазақстан астанасында және бірқатар облыстарда ауа райына байланысты ескерту жарияланды, деп хабарлайды Қазгидромет. 
Синоптиктердің мәліметінше, Ақмола облысында 17 маусымда найзағай ойнап, бұршақ жауады. Солтүстік-шығыстан, солтүстіктен жылдамдығы 15-20 м/с жел соғады. Облыстың басым бөлігінде өрт тұтану қаупі бар. Нұр-Сұлтан қаласында 17 маусымда найзағай ойнап, солтүстіктен екпіні 15-18 м/с жел соғады. Ескертудің ықтималдығы 85-90%. Солтүстік Қазақстан облысында 17-18 маусымда түнде және таңертең кей жерлерге тұман түседі. Найзағай ойнап, батыстан соққан желдің бағыты солтүстікке ауысып, жылдамдығы 15-20 м/с болуы ықтимал. Петропавлда 17-18 маусымда батыстан соққан желдің бағыты солтүстікке ауысып, жылдамдығы 15-20 м/с болуы мүмкін. Ескертудің ықтималдығы 90-95%. Қарағанды облысында 17 маусымда найзағай ойнап, дауыл соғады және бұршақ жауады. Солтүстік-шығыс, солтүстіктен соққан желдің екпіні 15-20 м/с болады.
Қарағандыда түнде күн күркіреп, солтүстік-шығыс, солтүстіктен жылдамдығы 15 м/с жел соғады. Ескертудің ықтималдығы 75-80%. Шығыс Қазақстан облысының кей жерлерінде 17 маусымда найзағай ойнайды. Күндіз бұршақ жаууы мүмкін. Солтүстік-шығыс, шығыстан соққан желдің екпіні 15-20 м/с болады. 17 маусым күндіз Қостанай облысында күн күркірейді. Солтүстік-батыс, батыстан соққан желдің екпіні 18 м/с-ке жетеді. Ескертудің ықтималдығы 90-95%.

Қазақстанның бірнеше өңірінде күн күркіреп, бұршақ жауады

<a href="https://kyzylorda-news.kz/">Kyzylorda-news.kz.</a> Мүмкіндігі шектеулі азаматтарды әлеуметтік қорғау бойынша мемлекеттік бақылау шаралары өз нәтитжесін беруде. Тиісті кезеңге дейін анықталған 198 бұзушылықтың 120-сы қалпына келтіріліп, қалған 58-і жыл соңына дейін талапқа сәйкестендіріледі.
Бұл туралы Өңірлік коммуникациялар қызметінің ақпарат алаңында Қызылорда облысы бойынша еңбек, әлеуметтік қорғау және көші-қон комитеті Қызылорда облысы бойынша департаментінің бөлім басшысы Болат Накипов мәлімдеді.
<blockquote>
 «Елімізде мүгедек адамдарға кедергісіз орта құру мақсатында 24 заңнамалық актіге, оның ішінде әлеуметтік және көлік инфрақұрылымының қолжетімділігін қамтамасыз ету бойынша түзетулер енгізілді. Сондай-ақ, қазіргі уақытта мүгедектерді әлеуметтік инфрақұрылым объектілеріне 2020 жылы профилактикалық бақылау 17 объектіге, жоспардан тыс тексеру 8 объектіге жүргізіліп, нәтижесінде 76 бұзушылықты жою туралы мерзімдері белгіленген 16 ұйғарым берілді», – деді Болат Нұржігітұлы.
</blockquote>
<img src="https://kyzylorda-news.kz/wp-content/uploads/2020/06/02-10.jpg" alt="" />

Қызылордада мүмкіндігі шектеулі адамдарға кедергісіз орта қалыптастыруда кемшіліктер жойылды

<a href="https://kyzylorda-news.kz/">Kyzylorda-news.kz.</a> Қызылордада қалалық пробация қызметі бастығының орынбасары, әділет полковнигі Қараман Ағанин төралығымен «Пробация есебіндегі сотталғандарды жұмыспен қамту бойынша жұмыстарды бірлесіп ұйымдастыру» тақырыбында жиын өтті.
Жиынға «Қылмыстық жазасын өтеген адамдарды әлеуметтік бейімдеу оңалту орталығы» КММ бастығының орынбасары О.Әділ, «Қалалық жұмыспен қамту әлеуметтік бағдарламалар және азаматтық хал актілерін тіркеу бөлімі» мекемесі басшысының орынбасары А.Қиясова және қалалық пробация қызметінің инспекторлары қатысты. Күн тәртібіне сай, жиынға қатысушылардың баяндамалары тыңдалды. Жиын барысында «Қылмыстық жазасын өтеген адамдарды әлеуметтік бейімдеу оңалту орталығы» бастығының орынбасары О.Әділ, пробация есебіндегі азаматтарды «Жол картасы-2020» бағдарламасы негізінде жұмысқа орналастыру және жұмыс іздеп жүрген есептегі азаматтар үшін, тек жеке куәліктің көшірмесі арқылы жұмысқа орналысу мүмкіндігі қарастырылғанын айтып өтті.
Пробация қызметінің инспекторы әділет аға лейтенанты Үрзада Жұмаділла пробация есебіндегі азаматтарға жаңа мамандық игеру үшін оқу курстары қашан басталатынын сұрады. Бұл сұраққа қалалық жұмыспен қамту әлеуметтік бағдарламалар және азаматтық хал актілерін тіркеу бөлімі басшысының орынбасары А.Қиясова&nbsp; қазіргі уақытта оқу курстарын бастау туралы нұсқау келіп түспенгендігін, егер оқу курсы басталып жатса, хабардар ететінін айтты.&nbsp; Сонымен қоса,&nbsp; пробация есебінде тұратын кәмелет жасқа толмаған сотталғандарды «Жасыл ел»жастар еңбек жасағына жұмысқа орналастыру мәселесі де қаралды.
Жиынды қорыта келе, пробация қызметінің есебінде тұрған тұлғаларды әлеуметтік оңалтудың тиімді жүйесін қалыптастырып қайта қылмыс жасауының алдын алуға бағытталған бірлескен шаралар қабылдап, іске асыратындықтарын&nbsp; жеткізді.
<img src="https://kyzylorda-news.kz/wp-content/uploads/2020/06/kwis1-1.jpeg" alt="" />

Қызылордада есептегі сотталғандарды жұмыспен қамту мәселесі қаралды

<a href="https://kyzylorda-news.kz/">Kyzylorda-news.kz.</a> Қызылордалықтар&nbsp;«үйдегі құбырдан лай ауыз су ағады»&nbsp;деп бірнеше дүркін мәселе көтерген болатын. Сондай-ақ кешкі мезгілде жоғарғы қабатқа су көтерілмей, тұрғындарды әбігерге салатын. Коммуналдық мекемелер осыған орай кешенді қалыпқа келтіру жұмыстарын қолға алды. Мамандардың айтуынша, қазір ауыз су сапасы толық талапқа сай келеді.
Облыс орталығы тұрғындарын сапалы ауыз сумен қамтамасыз ету мақсатында 100-ден аса ұңғыма қазылып, мың шақырымға жуық ауыз су желісі жүргізілген. Қаладағы 80 мыңдай тұтынушыға тәулігіне 83 мың текше\метр су жіберіледі. Тұрғындар арыз-шағымына сәйкес судың лайлануы және мүлдем болмай қалу себептерін анықтау үшін арнайы жұмысшы топ бас су тоғанына барды.&nbsp;&nbsp;&nbsp;
– 45-50 градус ыстық болады ма ол маңызды емес. Халықты толықтай ауызсумен қамтамасыз ету керек.
– Қалаға шығатын 2 тармақ бар. Біреуі оңтүстік бағытпен, екіншісі Тасбөгет арқылы барады.
– Қалаға осы жерден 2,3 атмосферамен шығатын болса, тұтынушыға ол 2,1 атмосфера қысыммен барып тұр.&nbsp;
Бекітілген стандартқа сәйкес ауызсу сапасы зертханада күнделікті талданады. 18-аумақтан сынама алынып, иісі, дәмі, түсі, температурасы, концентратты белсенділігі, бактериологиялық және микробтық көрсеткіштері жіті тексеріледі.
– Кермектілік санэпид нормасы бойынша 7 мгр эквивалент\литр болуы тиіс. Қазір анықтаймыз. 7-ні формулаға көбейтеміз, сонда қалаға кетіп жатқан судың кермектілігі 6,1 мгр. Бұл талапқа сай.
– Қаланың әр тұрғыны, тұтынушының денсаулығы басты назарда.&nbsp;
Мамандардың айтуынша, апаттық жөндеу кезінде ғана құбырдағы су сарғыш тартуы мүмкін. Ал жалпы тіршілік нәрі еш тазалаусыз қолдануға толық жарамды. Мұны тұрғындар да растап отыр.
<blockquote>
 «Қысымы жақсы қазір, судың құрамы да жақсарды. Ешқандай сары болып тұрған жоқ осы кезде», – дейді қала тұрғыны Шәкизада Өткелбаев.
 «Көздеріңізше суды краннан ағызып алып жатырмын. Судың түсі таза, мұны бас тоғандағы лаборатория әр сағат сайын су сынамасын алып, тексеріп жатыр. Осы су ешқандай қосымша тазалаусыз ішуге жарайды. Дәмін көреміз, таза ұңғымадан келе жатқан жерасты суы», – дейді «Су Жүйесі» МКК директоры Марат Жәмиев.
</blockquote>
Рейд барысында ауызсуды бау-бақша суаруға заңсыз пайдаланатын тұрғындар кезікті. Су жүйесіне рұқсатсыз және өлшегіш құралын орнатпай қосылып, қысымның төмендеуін туғызып отырған тұтынушылар желіден ажыратылады. Сонымен қатар құрылыс жұмыстарына да ауызсуды бей-берекет пайдалану деректері анықталды.&nbsp;&nbsp;&nbsp;&nbsp;&nbsp;&nbsp;
Республика бойынша ең арзан ауыз су мен кәріз су тарифі Қызылорда мен Павлодар қалаларында екен. Соған қарамастан су тарату мекемесіндегі диспетчерлік қызмет пен арнайы апаттық топ қажетті құрылғы, техникалармен қамтамасыз етіліп отыр.&nbsp;
<blockquote>
 «Жеке тұлғаларға 45 теңге 61 тиын судың тарифі. Заңды тұлғаларға 150 теңге 55 тиын. Абонент саны жеке тұлға бойынша 74 мың 524, заңды тұлға бойынша 3627, ал бюджеттік мекемелер 241. Ауызсудың түсі авариялық ахуал орын алған кезде сары түске өзгереді. Кранды ашып, шамалы ағызып жібергеннен кейін ол міндетті түрде тазарады», – дейді ТҮКШ және тұрғын үй инспекциясы бөлімінің басшысы Елмұрат Рахматуллаев.&nbsp;&nbsp;&nbsp;
</blockquote>
Коммуналдық сала мамандары тұрғындарға су өлшегіш құралдарын 6 жыл сайын мемлекеттік тексеруден өткізу керектігін айтады. Тұтынушылар өз ауласына баспа құдық орнатып алғандары жөн және жасыл желектерді түнде суаруға кеңес береді. Сапалы әрі үздіксіз тіршілік нәрімен қамтылу үшін ауызсуды үнемді пайдаланып, төлемақысын уақытылы төлеуге шақырады.
<a href="https://24.kz/kz/zha-aly-tar/o-am/item/402933-yzylordaly-tar-kermek-sudy-ornyna-taza-tirshilik-n-rin-tatatyn-boldy">«Хабар 24»</a>

Қазақстан және Қызылорда облысының жаңалықтары

Қазақстанда рулі оң жақта орналасқан көліктерге неліктен тыйым салынған – ІІМ жауабы

Қызылордалық полицейлер есепте тұратын тұлғаларды тұрғылықты мекенжайы бойынша тексерді

ДДСҰ: COVID-19 салдарынан тұмауды ұмыттық

Арал ауданында 604 жаңа жұмыс орны ашылады

Қызылорда: “Ауыл – Ел бесігі” жобасы бойынша ауылдарды дамыту жүзеге асуда

Жалағашта “Жұмыспен қамтудың жол картасы” бағдарламасы аясында мектеп жөнделуде

Тестілеу уақыты 4 сағатқа дейін ұзартылды

Ұлттық біліктілік тестілеу талабын бұзған мұғалім «жұлдызға» айналуы мүмкін

Қазақстанның бірнеше өңірінде күн күркіреп, бұршақ жауады

Қызылордада мүмкіндігі шектеулі адамдарға кедергісіз орта қалыптастыруда кемшіліктер жойылды

Қызылордада есептегі сотталғандарды жұмыспен қамту мәселесі қаралды

Қызылордалықтар кермек судың орнына тіршіліктің таза нәрін тататын болды

Қазақстан және Қызылорда облысының жаңалықтары

Қазақстанда рулі оң жақта орналасқан көліктерге неліктен тыйым салынған – ІІМ жауабы

Қызылордалық полицейлер есепте тұратын тұлғаларды тұрғылықты мекенжайы бойынша тексерді

ДДСҰ: COVID-19 салдарынан тұмауды ұмыттық

Арал ауданында 604 жаңа жұмыс орны ашылады

Қызылорда: &#8220;Ауыл &#8211; Ел бесігі&#8221; жобасы бойынша ауылдарды дамыту жүзеге асуда

Жалағашта &#8220;Жұмыспен қамтудың жол картасы&#8221; бағдарламасы аясында мектеп жөнделуде

Тестілеу уақыты 4 сағатқа дейін ұзартылды

Ұлттық біліктілік тестілеу талабын бұзған мұғалім «жұлдызға» айналуы мүмкін

Қазақстанның бірнеше өңірінде күн күркіреп, бұршақ жауады

Қызылордада мүмкіндігі шектеулі адамдарға кедергісіз орта қалыптастыруда кемшіліктер жойылды

Қызылордада есептегі сотталғандарды жұмыспен қамту мәселесі қаралды

Қызылордалықтар кермек судың орнына тіршіліктің таза нәрін тататын болды

Қызылорда: “Ауыл – Ел бесігі” жобасы бойынша ауылдарды дамыту жүзеге асуда

Жалағашта “Жұмыспен қамтудың жол картасы” бағдарламасы аясында мектеп жөнделуде