<a href="https://kyzylorda-news.kz/">Kyzylorda-news.kz.</a> Қызылордалық кәсіпкерлер Ұлттық банктен Аграрлық несие корпорациясы арқылы несие беруін сұрайды. Бұл туралы Қызылорда облысы кәсіпкерлер палатасының Өңірлік кеңес төрағасы Қайрат Боранбаев “Facebook” әлеуметтік желісінде жазды.
<blockquote>
 «Ауылдық жерлерде кәсіпкерлермен кездесу барысында олардың&nbsp; үнемі көтеретін басты мәселелерінің бірі – «Қарапайым заттар экономикасы» бағдарламасы шеңберінде агроөнеркәсіп кешеніндегі жобаларды қаржыландыруға Аграрлық несие корпорациясында қаржының болмауы. Бұл өзекті проблема биыл 8 қазанда Премьер-министрдің орынбасары Роман Склярдың төрағалығымен өткен Кәсіпкерлік мәселелері жөніндегі жобалық кеңсенің отырысында да қаралған болатын», – дейді Өңірлік кеңес төрағасы.
</blockquote>
Кәсіпкердің айтуынша, «Қарапайым заттар экономикасы» бағдарламасына енгізілген толықтырулар аясында Ұлттық банктің ұсынысымен агроөнеркәсіп кешендегі жобаларды қаржыландыру үшін Аграрлық несие корпорациясының лимитін ұлғайту қарастырылған. Бірақ, қаржы алу үшін Аграрлық несие корпорациясына мемлекеттің кепілдігі қажет екен.
<blockquote>
 «Жасыратыны жоқ, банктердің агроөнеркәсіптік кешеніндегі жобаларды қаржыландыруға ынтасы төмен. Бұған қоса банктер ауылдардағы үй-жайларды кепіл мүлік ретінде алмайды. «Қарапайым заттар экономикасы» бағдарламасы іске асқалы бір жарым жыл ішінде банктер тарапынан ауыл шаруашылығына қатысты бір-ақ жоба қаржыландырылған. Қалған шаруа қожалықтарының жобалары кері қайтарылған. Бүгінде шаруаларға Аграрлық несие корпорациясының несие және кепіл мүлік саясаты қолайлы болып тұр. Осының арқасында Қызылорда облысында мақұлданған 107 жобаның 83-і немесе 77 пайызы Аграрлық несие корпорациясына тиесілі. Мақұлданған 2 жоба қаржы бөлінуін күтуде. Басқа да қаралып жатқан жобалар бар», – дейді Қайрат Боранбаев.
</blockquote>
Қайрат Жомартұлының айтуынша, соңғы кездері өндірісті әртараптандыру шеңберінде кәсіпкерлер ауыл шаруашылығына көп көңіл бөлуде. Бір жылдың ішінде Қызылорда облысында шағын және орта бизнестегі жұмыс жасап тұрған шаруа қожалықтарының үлесі 17 пайыздан 21 пайызға артқан, жаңа 2306 шаруа қожалығы құрылған. Дегенмен, шаруалар қаржыға мұқтаж.
<blockquote>
 «Сондықтан бізге Аграрлық несие корпорациясынан мемлекеттік кепілдіктің міндетті түрде болуын талап еткен Ұлттық банктің ұстанымы мүлдем түсініксіз. Жобалық кеңсенің отырысы барысында КазАгроның айтқан мәліметінше мемлекеттік кепілдікті алу рәсімі жарты жылдан бір жылға дейін уақыт алады екен. Шаруа қожалықтарына күтуге уақыт жоқ, өте жоғары мөлшерлемемен несие алу да тиімді емес. Бұған қоса, Аграрлық несие корпорациясының қоржынында қаржыландыруды күтіп жатқан мақұлданған жобалар бар. Ұлттық банк шаруалардың мұңын естіп, Аграрлық несие корпорациясына қаржыны жылдам алу жолын келіседі деп үміттенеміз», – дейді Өңірлік кеңес төрағасы Қайрат Боранбаев.
</blockquote>

Қызылордалық кәсіпкерлер несие беруді сұрайды

<a href="https://kyzylorda-news.kz/date/2020/10/13/">Kyzylorda-news.kz.</a> Шиелі аудандық пробация қызметінің есебінде тұратын азамат омарташылық кәсібін ашты. Ол омарташылық кәсіпті бала кезінен армандаған.
Жуырда ол жаңадан бастаған кәсіпті қолдау&nbsp; мақсатында мемлекет тарапынан «Нәтижелі жұмыспен қамту және жаппай кәсіпкерлікті дамытудың» 2017-2021 жылдарға арналған мемлекеттік бағдарламасы аясында&nbsp; 553 000&nbsp; теңге қайтарымсыз грантын ұтып алды. Қаражатқа бал арасы мен &nbsp;араның он бес ұясын сатып алған.
<blockquote>
 «Бал арасын өсіру оңай емес. Бұл жұмыс шыдамдылықты, тиянақтылықты қажет етеді. Алдағы көктемде омартаны айналасында гүлдер мен шөп өскен далалық аумақтарға шоғырландырамын. Бал аралары бал тарта алатындай болуы тиіс. Бұл кәсіппен айналысу&nbsp; менің арманым еді. Мен сияқты жұмысын енді бастаған адамдарға қайтарымсыз гранттар&nbsp; көп көмеген тигізеді. Бізді қоғамнан сотталған деп бөлмей, мемлекет тарапынан қолдау көрсетіп, көмектер беріліп жатыр. Өз кәсібімді ашуыма әлеуметтік- құқықтық көмек көрсетіп, іс-құжаттарымды тиісті органға жолдап, жөн көрсеткен аудандық пробация қызметкерлеріне алғыс айтамын» – деді омарташы.
</blockquote>
<img src="https://kyzylorda-news.kz/wp-content/uploads/2020/10/whatsapp-image-2020-10-13-at-09.30.48.jpeg" alt="" />

Қызылордада есепте тұрған азамат омарташылық кәсібін ашты

<a href="https://kyzylorda-news.kz/date/2020/10/13/">Kyzylorda-news.kz.</a> 12 қазан мен 11 қараша аралығында облыс көлемінде «Браконьер» жедел-профилактикалық іс-шарасы өткізіліп жатыр. &nbsp;&nbsp;
Іс-шараның мақсаты – табиғат қорғау заңнамасын бұзушылықтарды, биологиялық ресурстар объектілері мен өнімдерінің заңсыз айналымын анықтауға және жолын кесуге, экологиялық қылмыстарды ашуға бағытталған.
Қызылорда облысының Полиция департаменті аң, балық аулау және ағаштар мен бұталарды кесу талаптарын бұзу, қоршаған ортаға елеулі зиян келтіру әрекеттері Қазақстан Республикасының заңнамасына сәйкес әкімшілік және қылмыстық жауапкершілікке тартуға әкеліп соқтыратын ескертеді.

Қызылордада «Браконьер»  жедел-профилактикалық іс-шарасы басталды

<a href="https://kyzylorda-news.kz/">Kyzylorda-news.kz.</a> 2015 жылдан бастап “Дипломмен ауылға” жобасы бойынша жолдама берілетін мамандықтардың қатары агроном, ветеринариялық дәрігер, ветеринариялық фельдшер, ветеринариялық техник, зоотехник, инженер-технолог, балық өсіруші, технолог, фермер мамандықтарымен толықты.
Жоба аясында ауылдық жерге жұмысқа орналасқан әрбір азаматқа 100 айылық есептік көрсеткішке тең бір жолғы көтерме жәрдемақы төленеді. Сонымен қатар тұрғын үй салуға немесе сатып алу үшін 1500 АЕК-тен аспайтын 15 жылға дейінгі мерзімге 0,01 пайызбен несие түрінде әлеуметтік қолдау көрсетіледі.
Өткен жылы “Дипломмен ауылға” жобасы аясында ауылдық елді-мекендерге жұмысқа орналасқан білім, денсаулық сақтау, мәдениет, спорт, әлеуметтік қамсыздандыру, агроөнеркәсіптік кешен салаcындағы 422 маманға бір жолғы көтерме жәрдемақы төлеуге 73,8 млн теңге,жеңілдетілген несиемен тұрғын үй алуға немесе салуға 503 маманға 1 млрд 905 млн теңге берілген. Ал, 2020 жылға 501 маманға бір жолғы көтерме жәрдемақы төлеуге 126,8 млн теңге, жеңілдетілген несиемен тұрғын үй алуға немесе салуға 544 маманға 2 млрд 250 млн теңге бөлінген. Қазіргі таңда 392 маманға 107,1 млн теңге көлемінде бір жолғы көтерме жәрдемақы табысталған. Тұрғын үй салуға немесе сатып алуға өтініш берген 372 жас маманға 1 млрд 481 млн теңге несие түрінде әлеуметтік қолдау көрсетілді.
Жобаға енгізілген соңғы өзгертулерге байланысты “Дипломмен ауылға” жобасы аясында елді-мекенге жұмысқа орналасқан азаматтар бұрынғысынша ата-анасы немесе жақын туыстарының үйін сатып ала алмайды. Сонымен қатар мамандар кредиттік бюродан несие тарихын ұсынады және кез-келген несие бойынша берешегі болған жағдайда оларды толық өтегенге дейін тұрғын үй сатып алуға немесе салуға жеңілдетілген несие берілмейді. Әлеуметтік қолдау шаралары ұсынылған маман елді-мекенде кемінде 3 жыл жұмыс істеуге міндеттеледі.
<a href="https://egemen.kz/article/251854-diplommen-auylgha-dgobasy-ayasynda-372-mamangha-dgenhildetilgen-turghyn-uy-nesie?fbclid=IwAR1dVthMM5pBFcKMTmnhitDWQYcA26y6BqjhxjL9QAMq-JYUy972r7WtEZc">Egemen.kz</a>

&#8220;Дипломмен ауылға&#8221;: 372 маманға жеңілдетілген тұрғын үй несиесі беріледі

<a href="https://kyzylorda-news.kz/">Kyzylorda-news.kz.</a> Қара бұрыш адамның коронавирус жұқтыру мен ағзасында вирус таралуды төмендетеді. Үндістанның технологиялық институтының ғалымдары осындай шешімге келді.&nbsp;
Зерттеу кезінде ғалымдар сан алуан дәмдеуіштердің вируспен қалай байланысқа түсетінін зерделеп шықты. Сол кезде бұрыштың құрамына кіретін “пиперин” деген заттың белсенділігі барынша байқалды. Дәл осы зат бұрышқа ащы дәм мен өзіне тән иіс береді.
Ғалымдардың айтуынша, коронавирустың құрамындағы S-ақуызы вирустың бетінде жүреді және тікенектердің өсуіне ықпал етеді. Сол тікенектер вирусқа адам ағзасындағы жасушаларға жабысуға көмектеседі. Ал пиперин S-ақуызын бұғаттай алайды, тікенектерді әлсіз етеді. Осылайша, вирустың адам ағзасына түсу және таралу қабілеті төмендейді.&nbsp;
Үнді ғалымдары әр түрлі бұрышта пипериннің мөлшері әрқалай болатынын да атап өтті. Мәселен, ұнтақталған бұрышта аздау болады. Ал жаңа тартылған бұрышта көбірек, себебі дәннің ішіндегі пиперин ұзақ сақталады.&nbsp;
Алдағы уақытта ғалымдар зертханада ғылыми тәжірибе жасап, клиникалық сынақтарды да өткізуді жоспарлап отыр.
Дәрігерлер де сан алуан дәмдеуіштердің адам иммунитетін күшейтіп, қабыну реакцияларын баса алатынын растап отыр. Дәрумендер мен микроэлементтердің сіңуіне көмектеседі. Алайда халық медицинасын қолданғанда дәрігермен кеңесіп алған жөн. Мәселен, асқазаны ауыратын, гипертония мен аллергиясы бар адамдарға ащы дәмдеуіштерді жеуге болмайды.
<a href="https://sputnik.kz/society/20201013/15186888/qara-burysh-koronavirus.html">Sputnik.kz</a>

Қара бұрыш коронавирустан қорғай ма?

<a href="https://kyzylorda-news.kz/date/2020/10/13/">Kyzylorda-news.kz.</a> ҚР Денсаулық сақтау министрлігі бұйрыққа өзгерістер енгізіп, үстемақы алатын медицина қызметкерлерінің тізімі кеңейтілді. Жаңа тізімге&nbsp; мобильді бригада дәрігерлері мен мейірбике, МСАК жанындағы жедел жәрдем қызметкерлері, сондай-ақ әскери-медициналық, орталық атқарушы органдардың сот-медициналық бөлімшелерінің және өзге де орталық мемлекеттік органдар мен олардың ведомстволарының, ҚР ПІБ Медициналық орталығына қарасты&nbsp; ұйымдардың қызметкерлері кірді.
«Инфекция тараған қауіпті жағдайда жұмыс істеген медицина қызметкерлерінің саны эпидемиологиялық жағдайға байланысты ай сайын өзгеріп отырады. Егер наурызда коронавирусқа қарсы&nbsp; жұмыс істеуге 19 мың медицина қызметкері тартылса, мысалы, шілдеде олардың саны 79 мыңға дейін өсті», – деді «Әлеуметтік медициналық сақтандыру қоры» КЕАҚ Басқарма төрағасы Болат Төкежанов.
Мемлекет басшысы Қазақстан халқына Жолдауында COVID-19-ға қарсы күрес аясында денсаулық сақтау ұйымдарының қызметкерлеріне екінші жарты жылдықта ынталандыру ретінде 150 млрд теңге бөлуді тапсырған еді. Қор жыл соңына дейін медицина қызметкерлеріне үстемақы төлеу үшін қажетті қаржының&nbsp; болжамды есебін жасады, шамамен 135 млрд. теңге қажет.

Медицина қызметкерлеріне қосымша ақы төлеу үшін 135 млрд теңгеден астам қаражат қажет

<a href="https://kyzylorda-news.kz/date/2020/10/13/">Kyzylorda-news.kz</a>. ҚР Білім және ғылым министрлігі мектеп оқушыларының бірінші тоқсаннан кейінгі каникулы қашан басталатынын мәлім етті.
<blockquote>
 «Күзгі каникул мерзімі 10 күнді құрайды. Оқушылар 5-14 қараша аралығында демалады» делінген хабарламада.
</blockquote>

Қазақстан оқушылары күзгі каникулда неше күн демалады?

<a href="https://kyzylorda-news.kz/date/2020/10/13/">Kyzylorda-news.kz.</a> Өткен тәулікте Қазақстанда коронавирустық инфекция диагнозы расталған 70 жағдай анықталды, деп хабарлайды ведомствоаралық комиссия.
Індет жұқтырғандардың басым көпшілігі Солтүстік Қазақстан (12) мен Шығыс Қазақстан облысында (11) анықталды.
Нұр-Сұлтан қаласында үш науқастың тапсырған тексерісі оң нәтиже көрсетсе, Алматыда – тоғыз, Шымкентте – төрт адамның жұқтырғаны расталды.
Ал Алматы мен Түркістан, Маңғыстау, Ақтөбе және Қызылорда облыстарында бірде-бір жаңа жағдай тіркелген жоқ.&nbsp;
Айта кетейік, бүгінге дейін республика бойынша 108&nbsp;901 адамның індет жұқтырған болса, 104 203 науқас дертінен айығып шықты. 1 746 адам қайтыс болды.

Коронавируспен ауырғандарға қатысты жаңа деректер жарияланды

<a href="https://kyzylorda-news.kz/">Kyzylorda-news.kz</a>. 2020 жылдың 9 айында негізгі капиталға 8,3 трлн теңге сомасында инвестиция тартылды. Бұл туралы Үкімет отырысында ҚР Ұлттық экономика министрі Руслан Дәленов айтты, деп хабарлайды <a href="https://www.inform.kz/kz/elimizdin-13-oniri-investiciya-tartuda-osim-korsetti_a3705465">ҚазАқпарат</a>.
<blockquote>
 «Негізгі капиталға 8,3 трлн теңге сомасында инвестиция тартылды. 13 өңір өсім көрсетті. Оның ішінде ең жоғары көрсеткіштер – Түркістан облысында және Шымкент қаласында байқалып отыр. 4 өңірде төмендеу тіркелді. Олар – Қызылорда, Атырау, Батыс Қазақстан және Қарағанды облыстары», – деді министр.
</blockquote>
Оның дерегінше, құрылыс секторы тұрақты қарқынмен дамып келеді. Орындалған жұмыстардың көлемі 10,5 пайызға өсті. Жоғары өсу Түркістан облысында және Шымкент қаласында байқалады. 9,6 млн шаршы метр тұрғын үй пайдалануға берілді. Бұл өткен жылдың сәйкес кезеңімен салыстырғанда 9 пайыза көп.
<blockquote>
 «Өңірлерде 7 экономикалық көрсеткіш бойынша жалпы жағдай мынадай. 5 көрсеткіш бойынша 7 өңірде өсім байқалады. Олар – Ақмола, Алматы, Жамбыл, Қостанай, Павлодар, Солтүстік Қазақстан облыстары және Шымкент қаласы. Сондай-ақ 7 өңірде 4 көрсеткіш бойынша өсім тіркелді. Бұл орташа деңгей. 3 өңірде 3 көрсеткіш бойынша ғана өсу байқалады. Олар – Атырау, Батыс Қазақстан және Қызылорда облыстары»,- деді Руслан Дәленов.
</blockquote>

Руслан Дәленов: Қызылорда облысы инвестиция тарту бойынша төменгі орында

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Гүлшара Әбдіқалықова жазушы, драматург Сәбит Досановпен кездесті. Аймақ басшысы белгілі жазушының шығармашылық мұрасы әлемнің бірқатар елдерінде таныстырылып, еңбектері драма театрларда сахналанғанын атап өтіп, руханият саласына қосқан үлесіне ерекше тоқталды.
<blockquote>
 “Сіздің есіміңіз, шығармаларыңыз елімізге ғана емес, шет жұрттарға да кеңінен танымал. Өзіңіздің Қазақстан Республикасы Мемлекеттік сыйлығының,&nbsp;«Парасат» ордені мен “Алаш” халықаралық әдеби сыйлығының және М.Шолохов атындағы халықаралық сыйлықтың, Қырғызстанның «Алтын қалам» ұлттық әдеби сыйлығының иегері болғаныңызды, Ресей әдебиеті академиясының академигі, Ресей педагогикалық және әлеуметтік ғылым академиясының академигі, бірқатар университеттердің профессоры атанғаныңызды білеміз. Қолтаңбаңыздан шыққан шығармаларыңыз алыс-жақын шетелдерге тарап, руханият жанашырларының жоғары бағасына ие болды. Елдің ықыласына бөлене беріңіз”,-деді облыс әкімі Гүлшара Әбдіқалықова.
</blockquote>
Кездесу барысында жазушы Сәбит Досанов облыс әкіміне арнайы алғысын білдіріп, Сыр елінің ерекшелігі мен руханият әлеміндегі орнын сөз етіп, өңір басшысына кітаптарын тарту етті.
Талантты ақын, шебер прозаик Сәбит Айтмұханұлы 1940 жылы, 12 қаңтарда Қостанай облысы, Амангелді ауданы, Байғабыл ауылында туған. Көптеген роман, повесть, әңгімелердің авторы. «Қайырлы таң», «Жанр тағдыры», «Сексен бестің көктемі», «Адаспаңдар, адамдар», «Тотем под чадрой», «Тензор степного кургана» атты кітаптарының авторы. Оның театр тақырыбына арнаған «Тау жолы» шығармасы мен «Советский писатель» баспасынан шыққан «ХХІ ғасыр» роман-эпопеясы әлемдік әдебиеттен лайықты орын алды. Ал, «Ақ аруана» туындысы француз тіліне аударылып, әлемдік бестселлер қатарынан табылса, «Дауыл», «Ертең бюро» атты драмалары М.Әуезов атындағы академиялық драма театрында, Атырау, Жезқазған, Семей, Тараз, Бішкек қалаларының сахналарында қойылды.
Кездесу соңында облыс әкімі Гүлшара Әбдіқалықова жарты ғасырға жуық шығармашылықпен айналысып келе жатқан жазушы Сәбит Досановтың әрбір еңбегінен ұлтттың мұң-мүддесі, тарихи деректер мен құндылықтарға негізделген тың деректерге қол жеткізуге болатынын атап өтті. Драматург Сыр еліндегі сапары аясында рухани-мәдени кездесулер өткізеді.
Облыс әкімінің қабылдауынан кейін құрметті қонақ Сәбит Досанов Сырдария ауданындағы Нағи Ілиясов ауылдық мәдениет үйінде шығармашылық кездесуге қатысып, кітап көрмесімен танысып, тұрғындармен кездесті. Парасатты жиында жазушының құрметіне арналған арнау өлеңдер оқылып, драматургке құрмет көрсетілді.

Гүлшара Әбдіқалықова жазушы, драматург Сәбит Досановпен кездесті

<a href="https://kyzylorda-news.kz/">Kyzylorda-news.kz.</a> Бүгін өңір басшысы Гүлшара Әбдіқалықованың төрағалығымен Қызылорда облысының 2021-2023 жылдарға арналған экономикалық және бюджеттік саясат мәселелері жөнінде кеңес өтті.Кеңесте өңірдің орта мерзімді кезеңге арналған экономикалық және бюджеттік саясатын іске асырудың негізгі міндеттері мен жолдары айқындалды.
<blockquote>
 “Коронавирустық пандемия нәтижесінде қиындықтардан өтудеміз. Таяудағы бірнеше жыл қоғамның барлық салаларына, экономика мен бизнеске әсер ететін салдармен бетпе-бет кездесеміз. Сондықтан, бүгінгі таңда мемлекеттік бюджеттік жоспарлаудың барынша тиімді саясатын қамтамасыз ету бұрынғыдан да маңызды”, – деді облыс әкімі.
</blockquote>
Алғаш рет 2021 жылға арналған бюджет жобасы ешқандай қарыздарсыз бекітілетін болады. Бұл мақсаттарға 27,6 млрд. теңге, оның ішінде барлық өтпелі инвестициялық жобаларды аяқтауға, республикалық бюджеттен іске асырылатын жобаларды қоса қаржыландыру бойынша толық жабуға, облигациялық бағалы қағаздарды шығаруға және т. б. бағыттау көзделуде.
Бүгін 2021-2023 жылдарға арналған облыстық бюджет жобасы қалыптастырылды, ол облыстық мәслихаттың қарауына ұсынылатын болады.Облыста қызмет түрлері бойынша сараланатын агломерациялық тәсіл негізінде 2023 жылға дейінгі экономикалық даму жоспары әзірленді. Жоспар аясында бизнеске жалпы сомасы 270 млрд.теңгеден асатын 265 жобаны іске асыру ұсынылды. Бүгінде олардың 59 іске асырылды, 50 жуығы жұмыс үстінде.Облыс әкімі мемлекеттік бағдарламалардың мүмкіндіктерін тиімді пайдалану маңызды екенін атап өтті. Бұл ретте мемлекеттік қолдауды шығынсыз, бәсекеге қабілетті және технологиялық жобаларға, бизнесті қайта өңдеуге бағыттап, өнімді өткізудің өркениетті нарықтарын жолға қою қажет.
<blockquote>
 “Өңірдің азық-түлікпен және ең қажетті тауарлармен өзін-өзі қамтамтуын қамтамасыз ету қажет”, – деп атап өтті Г.Әбдіқалықова.
</blockquote>
Мемлекеттік қолдау шағын және орта бизнесті дамытып, кәсіпкерлік субъектілерінің қызмет сапасын жақсартуға бағытталатын болады.Өңірдің ресурстық әлеуетін, сондай-ақ мемлекеттік бағдарламалардың кешенді құралдарын тиімді пайдалану арқылы бәсекеге қабілетті экспортқа бағдарланған өндірістерді дамытуға баса назар аудара отырып, өңірді индустрияландыру жалғасады. Ірі өндірістердің айналасында ілеспе бизнес құру мүмкіндігі қаралады, сондай-ақ өнеркәсіптік өңдеудегі жаңа бағыттар айқындалады. Экономикалық саясаттың басты басымдықтарының бірі өсімдік шаруашылығы мен әсіресе жайылымдағы мал шаруашылығын дамыту болып табылады.
Бүгінгі күні 9 млн гектардан астам жайылымдық алқаптар пайдаланылмайды, оның 7 млн.гектарында жайылымдық мал шаруашылығын дамыту үшін талап етілетін 2500-ге жуық құдықтар, ұңғымалар және басқа да сумен жабдықтау көздері бар.
Облыс әкімі жайылымдардағы ұңғымалар мен құдықтарды қалпына келтіру мәселесін шешуді тапсырды, бұл мал мен мал шаруашылығы өнімдерінің санын едәуір арттыруға, тауарлардың осы тобы бойынша азық-түлік тәуелсіздігін қамтамасыз етуге және жұмыс орындарын құруға мүмкіндік береді.
Суармалы сумен байланысты жыл сайынғы проблемаларды ескере отырып, бірқатар су қоймаларын салу мәселесін пысықтаумен қатар, ауыл шаруашылығы өндірісін, әсіресе егіншілікті әртараптандыру бойынша ғылыми негізделген ұсыныстар енгізу, ылғал көп тұтынатын дақылдардың егіс алқаптарын азайту және оларды ылғал аз жұмсалатын түрлеріне ауыстыру бойынша жұмыс жүргізу тапсырылды.
Бүгін облыста Премьер-Министрдің тапсырмасы бойынша балық шаруашылығын дамыту жөніндегі өңірлік бағдарламаның жобасын әзірлеу аяқталуда. Оны жүзеге асыру үшін облыс әкімі 2021 жылға арналған облыстық бюджетте 1 млрд теңге қарастыруды тапсырды. 2030 жылға дейін жабық сумен жабдықтау жүйесінде 55 көл-тауарлы балық шаруашылығын, 9 тоған, 4 тор шаруашылығын және 3 акваөсіру өндірісін құру жоспарлануда.Өңір басшысы ағымдағы жылы бекітілген ветеринарлық мекемелердің маттехбазасын нығайту жөніндегі үш жылдық бағдарламаны 2022 жылға дейін іске асыруды тапсырды.
Аумақтық дамудың негізгі басымдығы өңірдің әлеуметтік және инженерлік инфрақұрылым объектілерімен тең қамтамасыз етілуі болып айқындалған. Осыған байланысты құрылыс, қайта жаңарту және жолдарды жөндеу салаларындағы жобаларды іске асыру тізбесін бекіту мүмкіндігін қарастыру, жылу, электр, су және газбен жабдықтау саласында бірыңғай Жол картасын әзірлеу, сондай-ақ ауылдық елді мекендерді дамыту жөніндегі іс-шаралар кешенін дайындау тапсырылды.
Цифрлық ғасырдың талаптарын ескере отырып, облыс әкімі 2021 жылдың 1 тоқсанынан кешіктірмей Қазақстан Республикасының ақылды қалаларының Эталондық стандарты талаптарының негізінде цифрландыруды дамытудың өңірлік стратегиясын әзірлеуді тапсырды. 2020 жылдың 1 жартыжылдығының қорытындысы бойынша біздің облыс ҚР ақылды қалаларының Эталондық стандартының талаптарына сәйкес 5-ші орынға ие болды.Сондай-ақ қорғаныс және қоғамдық тәртіп салаларындағы экономикалық және бюджеттік саясаттың негізгі бағыттары қаралды.
<blockquote>
 “Бізде өңірдігі ықтимал су тасқынына қарсы, сондай-ақ төтенше жағдайлардың алдын алу және оларды жою жөніндегі іс-шараларға дайындау жөніндегі іс-қимыл алгоритмі әзірленуге тиіс”, – деді облыс әкімі.
</blockquote>
Облыс әкімі алдағы 3 жылда халықтың қауіпсіз және жайлы өмір сүруі бойынша іс-шараларды жүзеге асыруды тапсырды. Атап айтқанда, учаскелік полицейлердің рөлін күшейтуге, полицияны қажетті жабдықтармен: жылдамдық өлшегіштермен, автокөлікпен, бейнебақылау камераларымен және т. б. қамтамасыз етуге баса назар аударылды.Адами капиталды дамытудың маңызды факторы білім беру болып табылады.
<blockquote>
 “Оқыту бағдарламаларын өзгертіп, оларды уақыт талаптарына сәйкестендіру керек. Оқу орындарының міндеті-тұрақты негізде қандай қажеттіліктер туындайтынын және олардың белгілі бір уақыт кезеңінде қалай өзгеретінін талдау, болжау және осы қажеттіліктер үшін жаңа мамандықтар ашу. Осыған байланысты еңбек ресурстарының Теңгерімін өзектендіру қажет”, – деді облыс әкімі.
</blockquote>
Пандемия кезінде өңірдің басынан өткен қиындықтарды ескере отырып, өңірдің дәрі-дәрмектермен, төсек-орындармен қамтамасыз етілуін, медициналық қызметкерлердің толық, ғимараттардың дайын болуын және т. б. егжей-тегжейлі зерделеу тапсырылды. Денсаулық сақтау саласының инфрақұрылымын дамыту мәселесі де көтерілді. Өңірде аудандық орталық ауруханаларды салу мәселесі шешілді. Соңғысының құрылысы Жалағаш ауданында ағымдағы жылдың соңына дейін аяқталады.
<blockquote>
 “Енді бізге алғашқы медициналық-әлеуметтік көмек көрсету нысандары мәселесін шешу керек. 2021 – 2024 жылдары бізге МСАК-тың 62 объектісін жаңарту қажет, бұл бастапқы медициналық-санитариялық көмек объектілері бойынша да мәселені толық жабады, – деді Г.Әбдіқалықова.Өңір басшысы сондай-ақ әлеуметтік қорғау саласын дамыту жөнінде бірқатар тапсырма берді. Қызылордадағы “Бақытты отбасы” жобасының оң тәжірибесін ескере отырып, оны облыстың барлық аудандары мен Байқоңыр қаласында қолдану тапсырылды.- Біз әлеуметтік қызмет көрсетуді өтініш беру арқылы ғана емес зерттеу жұмыстарымен анықтауымыз керек. Себебі шын мұқтаж жандар назардан тыс қалмауы қажет”, – деп атап өтті облыс әкімі.
</blockquote>
Сонымен қатар, тапсырмалардың ерекше бөлігі мүгедектігі бар адамдармен жұмысты жетілдіру болды. Әлеуметтік кәсіпкерлікті дамыту арқылы мүгедек адамдарды жұмыспен қамтуға тарту, инватакси қызметтерімен қамтуды арттыру және қол жетімділік мәселелерін пысықтау тапсырылды. Облыстың медициналық-әлеуметтік мекемелерінің жұмысы да талқыланды. Мәдениет және спорт саласы мәселелері қаралды. Қаражаттың тиімді жұмсалуына назар аудара отырып, мәдениет және бұқаралық спорт нысандарын дамытуға ерекше назар аудару тапсырылды.
Өңірлік саясатты іске асыруды мемлекеттік органдар, бизнес-сектор және азаматтық қоғам қамтамасыз етеді.Мемлекет басшысының тапсырмасына сәйкес биылғы жылы мемлекеттік аппарат 10% – ға және 2021 жылы 15% – ға оңтайландырылатын болады. 2021 жылғы 1 шілдеден бастап еңбекке ақы төлеудің факторлық – балдық шкаласын енгізу мемлекеттік қызметке бәсекеге қабілетті мамандарды тартуға мүмкіндік береді.
Кеңес соңында облыс әкімі Гүлшара Әбдіқалықова бюджет қаражатының тиімді әрі мақсатты пайдаланылуын қамтамасыз етуді, сондай-ақ қаржылық тәртіпті қатаң сақтауды тапсырды.
<img src="https://kyzylorda-news.kz/wp-content/uploads/2020/10/121460679_2811605208942530_7526874691504990604_o.jpg" alt="" />
<img src="https://kyzylorda-news.kz/wp-content/uploads/2020/10/121513111_2811606102275774_6813352695662740172_o.jpg" alt="" />
<img src="https://kyzylorda-news.kz/wp-content/uploads/2020/10/121576573_2811606942275690_3608893318379711597_o.jpg" alt="" />
<img src="https://kyzylorda-news.kz/wp-content/uploads/2020/10/121585750_2811606568942394_992594880555950381_o.jpg" alt="" />

Гүлшара Әбдіқалықова: Мемлекеттік бюджеттік жоспарлаудың тиімді саясатын қамтамасыз ету маңызды

<a href="https://kyzylorda-news.kz/">Kyzylorda-news.kz.</a> «Қазгидромет» РМК-сы қазанның 13-і күнгі ауа райы болжамын жариялады.
Кәсіпорын таратқан мәліметтерге қарағанда, Қазақстанның басым бөлігі әлі де антициклонның ықпалында. Сол себепті күн жауын-шашынсыз болады. Тек Қазақстанның солтүстік-шығысында және шығысында атмосфералық ағындардың өтуіне байланысты кей жерлерде жауын-шашын (жаңбыр, қар) болады.
Республиканың бірқатар өңірінде жел күшейіп, солтүстігінде және шығысында тұман түседі.

Қазақстан және Қызылорда облысының жаңалықтары

Қызылордалық кәсіпкерлер несие беруді сұрайды

Қызылордада есепте тұрған азамат омарташылық кәсібін ашты

Қызылордада «Браконьер» жедел-профилактикалық іс-шарасы басталды

“Дипломмен ауылға”: 372 маманға жеңілдетілген тұрғын үй несиесі беріледі

Қара бұрыш коронавирустан қорғай ма?

Медицина қызметкерлеріне қосымша ақы төлеу үшін 135 млрд теңгеден астам қаражат қажет

Қазақстан оқушылары күзгі каникулда неше күн демалады?

Коронавируспен ауырғандарға қатысты жаңа деректер жарияланды

Руслан Дәленов: Қызылорда облысы инвестиция тарту бойынша төменгі орында

Гүлшара Әбдіқалықова жазушы, драматург Сәбит Досановпен кездесті

Гүлшара Әбдіқалықова: Мемлекеттік бюджеттік жоспарлаудың тиімді саясатын қамтамасыз ету маңызды

13 қазанға арналған ауа райы болжамы

Қазақстан және Қызылорда облысының жаңалықтары

Қызылордалық кәсіпкерлер несие беруді сұрайды

Қызылордада есепте тұрған азамат омарташылық кәсібін ашты

Қызылордада «Браконьер» жедел-профилактикалық іс-шарасы басталды

&#8220;Дипломмен ауылға&#8221;: 372 маманға жеңілдетілген тұрғын үй несиесі беріледі

Қара бұрыш коронавирустан қорғай ма?

Медицина қызметкерлеріне қосымша ақы төлеу үшін 135 млрд теңгеден астам қаражат қажет

Қазақстан оқушылары күзгі каникулда неше күн демалады?

Коронавируспен ауырғандарға қатысты жаңа деректер жарияланды

Руслан Дәленов: Қызылорда облысы инвестиция тарту бойынша төменгі орында

Гүлшара Әбдіқалықова жазушы, драматург Сәбит Досановпен кездесті

Гүлшара Әбдіқалықова: Мемлекеттік бюджеттік жоспарлаудың тиімді саясатын қамтамасыз ету маңызды

13 қазанға арналған ауа райы болжамы

“Дипломмен ауылға”: 372 маманға жеңілдетілген тұрғын үй несиесі беріледі