<a href="https://kyzylorda-news.kz/">Kyzylorda-news.kz.</a> Астана – бұл кең даладағы жай қала ғана емес, саяси ерік-жігер көрінісінің нышаны. Бұл саяси батыл қадам. Астана шаңырағы әлі де болса биіктей түспек. Жаңа астананың келешегі бүтіндей XXI ғасырдың еншісінде жатыр. Ал оның ертеңгі еңсесін көтеретін бүгінгі жас жеткіншектеріміз.
Еліміздің астанасын Алматыдан Ақмолаға көшіру туралы тарихи шешім 1997 жылы қабылданды. Ал ресми түрде әлем картасында пайда болған жаңа астананың халықаралық тұсаукесері 1998 жылы 10 маусымда өтіп, 6 шілде – Астана күні деп белгіленді.
Жиырма жылдан аса уақыт тарих беттерінде қас-қағым сәт болғанымен, еліміздің тарихындағы елеулі үлесі мен өзіндік орнын бекітті. Еуропа мен Азия арасындағы алтын дәлізде орналасқан жаңа Астананың саяси-экономикалық маңызы еселене түсті. Астана әлемдік деңгейдегі өзекті мәселелер талқыланатын бірегей диалог алаңына айналды.
«Осында, ежелгі Сарыарқа жерінде тек астана емес, еліміздің болашақ бесігі өмірге келді. Астана тарихы мен қазақстандықтардың тағдыры бір-бірінен ажырағысыз. Елорда біздің республикамыздың күш-қуаты іске асуының, динамикалық дамуының және тұрақтылығының көрінісі. Астана барша қазақстандықтарды біріктіретін және алға қарай қадам басқан жарқын, қуатты, гүлденген қалаға айналды. Біздің елордамыз Отанымыздың жүрегі, халықтың өз күшіне сенімі мен ұлы тағдыр-талайының символы болып табылады. Бүгінде Астанада Қазақстанның барлық өңіріндегі сияқты, жүзден астам ұлт өкілдері өмір сүреді. Халықтар достығы, өзара түсіністік және ынтымақтастық – Астананы және жаңа Қазақстанды құрудың негізі, міне, осылар», – деген болатын Тұңғыш Президент Н.Назарбаев.
Тәуелсіз ел тарихының куәсі Астанамызда әлі талай қазақ елінің жарқын болашағын бағдарлайтын тарихи шешімдер қабылданатыны сөзсіз.
Сабыржан КЕҢШІЛК,
Қызылорда қалалық Жастар ресурстық орталығының директоры.

Сабыржан Кеңшілік: Тәуелсіз Қазақстанның бағдаршамы

<a href="https://kyzylorda-news.kz/">Kyzylorda-news.kz.</a> Қоғамның ең басты құндылығы адам дейтін болсақ, барша қоғамның алдындағы өзекті мәселенің бірі – азаматтардың жаны мен тәнінің саулығы болып табылады. «Білім мен денсаулық – ең үлкен байлық, ұлттың негізгі құндылықтарының арасында бұл екі ұғымның мәні де, мағынасы да ерекше.
Президент Қасым-Жомарт Тоқаев «Денсаулық сақтау жүйесінің, өзін-өзі қамтудың, ынтымақтасу мен жауапкершіліктің маңызы арта түсті. Соған сәйкес мемлекет қызметінде және қоғамдық өмірдің барлық саласында түбегейлі өзгерістер болмақ” деген болатын.
Медицина саласында күндіз-түні еңбектеніп, қызметте жүрген дәрігерлер адамгершілік қасиеттер мен кәсіби шеберліктеріне сүйеніп, жүздеген жанға көмек қолын созуда.Осы ретте, №6 қалалық емхана 65 478 тұрғынға бастапқы медициналық-санитариялық қызмет көрсететінін айта кеткен жөн.
Медицина адамдардың денсаулығын сақтау мен нығайту, сырқаттарды емдеу мен аурудың алдын алу, денсаулық және жұмысқа қабілеттілік жағдайында, адамзат қоғамында ұзақ өмір сүруге жетуді көздейтін тәжірибелік іс-әрекеттің және ғылыми білімдердің жүйесі болса, жүйелі жұмыс жасап келе жатқан біздің емхана ұжымы бұл индикаторларға әрдайым сараптама жүргізіп отырады.
Бүгінгі таңда пандемия жағдайында Сыр өңірі халқының денсаулық көрсеткіштерін жақсартуға өз үлестерін қосып, елдің алғысына бөленіп жүрген мамандарымыз мен әріптестеріме күш-қуат тілеймін.
Біздің дәрігерлер мен барша медицина қызметкерлері асқан жанкештілікпен еңбек етуде деп сенім білдіремін. Шипалы алақандарыңыз, мейірімді жүректеріңіз халыққа қуаныш сыйлай берсін. Қиын-қыстау сәтте бір-бірімізге демеу болып, ауруды бірге жеңеміз.
Жанат Кожарипова, 
Қызылорда қаласы, 
№6 емхананың бас дәрігері

Жанат Кожарипова: &#8220;Ел-жұртымыз карантиннен аман-сау, бауыры бүтін, төңірегі түгел шықсын деп тілеймін&#8221;

<a href="https://kyzylorda-news.kz/">Kyzylorda-news.kz.</a> Айбары асқақтаған, келбеті келіскен Нұр-Сұлтан қаласы – елдің бас шаһары. Қазақстанның қақпасы болған астана қуатты қалалар қатарына қосылып, құтты мекенге айналды.
Олай дейтініміз, әсем қалада құрметті меймандар арылмайды, ауқымды шаралар өтеді. Маңызды болған мәселелер түйіні осы бас қалада шешімін табуда. Мұның өзі күн санап көркейіп келе жатқан Нұр-Сұлтан қаласының мерейлі мәртебесін айғақтайды.
Бүгінде Еуразия кіндігі саналатын елорда – бейбітшілік символы саналып, тұрақтылық пен ынтымақтың қаласына айналған. 1997 жылдан бастап бас шаһарымыз Ақмолаға көшкеннен кейін жас мемлекеттің астанасы қарқынды дамып, аз ғана уақыт ішінде адам танымастай өзгерді. Зәулім ғимараттар бой көтеріп, әсем қала барша әлем жұрты таңдана, тамсана қарайтындай дәрежеге жетті. Мұндағы қала бедерінің көркемдігі және архитектуралық шешімдердің ерекшелігі Есіл бойындағы бас шаһардың елеулі екенін танытып тұр. Сондықтан бұл күнде еліміздегі барлық аймақ бас қалаға қарап бой түзейді десек артық айтқанды емес. Міне, сол себепті де Нұр-Сұлтан қаласы – егемен еліміздің жүрегі, елдігіміздің бастауы.
Тәуелсіздік алғаннан бастап елдің дамуына емірене еңбек етіп келе жатқан Елбасы Н.Ә.Назарбаев азаттықтың алғашқы жылдарында маңызды шешімдерді қабылдады. Бұл ұлт келешегі үшін жасалған батыл қадамдар. Солардың ішіндегі ең басты қадамдардың бірі осы елорданы Ақмолаға көшіру болатын. Бұл әрине, оңай шешім болмағаны белгілі. Десе де, халықтың болашағына сеніммен қараған Қазақстанның Тұңғыш Президенті бас қаланы көшіру бастамасын қолға алды. Бұл туралы Елбасы астана туралы толғауында: «Жаңа астанаға көшу және оны салу туралы ой менде ертеректе, сонау алыстағы 1992 жылы туған еді, бірақ мен ол кезде мұны аузымнан шығармадым, өйткені Қазақстанның экономикасы ойлағанды іске асыруға мүмкіндік бермеді», – дей келіп: «1992 жылы Қазақстанның Тәуелсіздігіне бүкіл халық болып сайлағанынан кейін мен Ақмолаға келдім. Есілден көлденең тартылған ескі көпірдің ортасында тұрып, өзенге қарадым. Маған қаланың ортасында ағып жатқан өзен болса, қашанда сол ұнайтын. Өзен қалаға ерекше көрік береді, мәртебесін көтереді. Мысалы, бізде Жайықтың бойында Атырау, Сырдарияның бойында Қызылорда, Тобылдың бойында Қостанай, Ертістің бойында Семей мен Кереку орналасқан. Ал әлемде қаншама астаналар өзен жағасында салынған. Санкт-Петербург – Невада, Мәскеу – өзі аттас өзенде, Париж – Сенада, Лондон – Темзада тұр. Оның үстіне, Ақмола Қазақстан мен бүкіл Еуропаның орталығына орналасқан», – деп мұны тарихи шешім екенін жеткізеді. Осындай шешім қабылдаған Елбасы көрегенділігіне тәнті болған қазақстандықтар елдің бас қаласын Тұңғыш Президент есімімен атауды ұйғарды. Сөйтіп бүгінде бас шаһарымыз Нұр-Сұлтан деп аталады.
Елбасының төл тумасына баланған бас шаһар осы уақыт шеңберінде батыс пен шығыс мәдениеті үйлесім тапқан бірегей қала қатарынан көрінді. Әлеуеті ұлғайып, бәсекеге қабілетті әлемдік деңгейдегі мегаполис саналды.
Бүгінде Қазақстанды айтқанда шетелдіктер «Нұр-Сұлтан» деп айтатын түсінік қалыптасты. Мұның өзі жаңа ғасыр шеңберінде жасарған мемлекеттің бренді бас қала екенін бірдірсе керек-ті.
Қазақтың астанасы – жасампаздық бастамасы екені айқын.
Қарлығаш ӘБДІРАХМАНОВА,
Қызылорда қалалық №261 орта мектептің директоры.

Қарлығаш Әбдірахманова: Елорда – егемен елдің жүрегі

<a href="https://kyzylorda-news.kz/">Kyzylorda-news.kz.</a> Орталық коммуникация қызметі алаңында халықтың сұрақтарына жауап берген ҚР Денсаулық сақтау министрі Алексей Цой келесі ақпаратты хабарлады.
<blockquote>
 “Биылғы жылдың 1 жартыжылдығында өткен жылмен салыстырғанда пневмония ауруына шалдығу 55,4%-ға артты. Бұл былтыр тіркелген 63 436 жағдай, биыл 98 546 ауруға өскенін көрсетеді. 2020 жылғы маусымда пневмония ауруларының тіркелген жағдайларының саны 32 724 болса, 2019 жылғы маусымда – 7 964 жағдай болды”,- дейді министр. 
Ведомство басшысының ақпараты бойынша, бүгінгі таңда коронавирусқа оң сынағы бар пациенттердің арасында 101 өлім жағдайы тіркелген, онда өлімнің негізгі себебі әртүрлі аурулардың асқынуы, ең жиі патология – жүрек-қан тамырлары жүйесінің созылмалы аурулары – 47,5%, эндокриндік – 25,7%, тыныс алу жүйесінің аурулары – 12,8% және т. б. болып табылады.
</blockquote>

Алексей Цой: Пневмония ауруларының тіркелуі 55,4%-ға артты

<a href="https://kyzylorda-news.kz/">Kyzylorda-news.kz.</a>&nbsp;Тұңғыш Президент – Елбасы Нұрсұлтан Назарбаев Қазақстан халқына үндеу жолдады.
Қымбатты отандастар!
Қадірлі достар!
Өздеріңіз білетіндей, коронавирус инфекциясының қатерлі пандемиясы әлемнің көптеген елдерін, соның ішінде Қазақстанды да шарпыды. Миллиондаған адам осы ауыр дертпен сырқаттанды, ол мені де айналып өткен жоқ. Бірқатар шет мемлекеттер мен үкіметтер басшыларының, көрнекті саясаткерлер мен қоғам қайраткерлерінің шынайы жанашырлығын танытып, маған моральдық қолдау көрсеткені көңілімді тебірентті. Баршасы қалтқысыз ниеттестігін жеткізіп, сергектік тілеп, тезірек сауығып кетуіме тілектестігін жолдады, сол үшін бәріне зор ризашылығымды білдіремін.
Олардың қатарында Ресей Президенті Владимир Путин, Қытай Халық Республикасының Төрағасы Си Цзиньпин, Қырғызстан Президенті Сооронбай Жээнбеков, Өзбекстан Президенті Шавкат Мирзиеев, Тәжікстан Президенті Эмомали Рахмон, Түрікменстан Президенті Гурбангулы Бердымухамедов, Түркия Президенті Реджеп Тайип Ердоған, Америка Құрама Штаттарының Мемлекеттік хатшысы Майкл Помпео, Біріккен Араб Әмірліктерінің Президенті Халифа Заид Әл Нахаян, Үндістанның Премьер-министрі Нарендра Моди, Жапония Премьер-министрі Синдзо Абэ, Иордания Королі ІІ Абдалла бен әл-Хусейн, Әзербайжан Президенті Ильхам Әлиев, Армения Президенті Армен Саркисян, Украина Президенті Владимир Зеленский, Корея Республикасының Президенті Мун Чже Ин, Пәкстан Президенті Ариф Алви, Израиль Президенті Реувен Ривлин, Сербия Президенті Александр Вучич, Хорватия Президенті Зоран Миланович және т.б. бар. Бәрін түгел атап шығу мүмкін емес, бірақ мен олардың барлығының жолдаған хат-хабарымен таныстым. Қымбатты достар, сіздердің шын көңілден шыққан тілектеріңіз, ыстық ықыластарыңыз маған күш беріп, өмірге құлшыныс-қуатымды арттырды. Баршаңызға басымды иіп, зор денсаулық пен табыс тілеймін.
Мен еліміздің көптеген өндіріс ұжымдарынан, еңбек ардагерлерінен, әскери қызметшілерден, студенттер мен оқушылардан – өз қолдауы мен тілектестіктерін жеткізіп, маған мықты денсаулық тілеп, толық сауығып кетуіме ниеттестік білдірген көп қазақстандықтардан хаттар мен жеделхаттар, сондай-ақ әлеуметтік желі арқылы жолданған хат-хабарлар алдым.
Маған шынайы жанашырлығы мен қолдауын ғылыми қоғамдастық пен шығармашылық зиялы қауымның өкілдері де білдіргенін ризашылықпен айта кеткім келеді. Олардың арасында Серік Қирабаев пен Әлия Бейсенова, Бибігүл Төлегенова, Төрегелді Шарманов, Мырзатай Жолдасбеков, Сұлтан Оразалин, Ғарифолла Есім, Несіпбек Айтұлы, Жандарбек Мәлібеков, Талғат Теменов және басқа да Қазақстанға кеңінен танымал қайраткерлер болды.
Менің атыма Ольга Рыпакова, Дмитрий Баландин, Илья Ильин, Әлия Юсупова, Зарина Диас сияқты белгілі спортшыларымыз ізгі тілектерін білдірді. Баршаңызға көп рахмет айтамын! Мен бәріңізді де білемін. Сіздер және басқа да жастар – тәуелсіздік перзенттерісіздер. Денсаулық пен бақыт тілеймін!
Дәрігерлердің күш-жігері және олардың талаптарын мүлтіксіз орындаудың, сондай-ақ баршаның қолдауы мен жылы сөздерінің арқасында мен сырқаттан сауығып шықтым, қазір өзімді жақсы сезінемін, толыққанды жұмысқа кіріскелі отырмын. Халқыммен бірге бұл сырқаттың бүкіл ауыртпашылығын сезіндім, қазір емделіп жатқандардың бәріне төзім мен қажыр-қайрат және тезірек сауығып кетулерін тілеймін.
Біз өткеріп жатқан күрделі кезең – бүкіл адамзаттың басына түскен сын-сынақ. Сырқатпен күрестің ең алдыңғы шебінде жүрген дәрігерлер адамдарды аман алып қалу үшін барлық күшін жұмсауда. Бұл ретте медицина қызметкерлерінің еңбегіне баға жетпейді – мұны қазіргі уақыт айқын көрсетіп отыр. Болашақта да отандық денсаулық сақтау саласына баса көңіл аударып, оны дамытуға қажетті қаржылық және материалдық ресурстар бөлу керек. Осы орайлы сәтте еліміздің медицина қызметкерлеріне ерекше ризашылығымды білдіремін.
Естеріңізде болар, тәуелсіздіктің бастапқы жылдары менің шешіміммен арнаулы Ұлттық қор құрылып, алтын-валюта резерві жасалды. Бұл бізге әлемдік екі бірдей дағдарысты жеңіп шығуға септігін тигізді және сол қаражат қазір Үкіметке пандемияға қарсы ауқымды жұмыс пен тұрмысы төмендерге қолдау көрсету барысында көмегін тигізуде. Егер алдағы уақытта оны ақылмен, үнемдеп пайдалана білсек, өзге сын-қатерлерді де тиімді еңсере аламыз. Қазақстанның басқа елдер алдында қарызы ең төмен мемлекеттің бірі екені де біздің артықшылығымыз.
Еліміздің Президенті мен Үкіметі қалыптасқан жағдайды түзету үшін қажетті барлық шараны қабылдауда. Алайда көп нәрсе өзімізге байланысты. Дәрігерлер біз үшін қолдарынан келгеннің бәрін жасап жатыр. Алайда бұл ауруды жұқтырудан сақтану көбінесе әр адамның өзіне байланысты. Төзімді болу керек, әсіресе, жастарға. Қажетті гигиена талаптарын орындап, тезірек вакцина пайда боларына үміттене отырып, ауру жұқтырудан барынша ұзағырақ уақыт сау болуға тырысқан жөн. Тәртіп сақтап, өз денсаулығымызды, туған-туыстар мен жақындардың амандығын ойлауымыз қажет, дәрігерлерге сену керек.
Халқымыз басқа түскен қиындықты өзінің қайрат-жігері, ұйымшылдығы, болашаққа деген ұмтылысы арқылы бүкіл халықаралық қоғамдастықпен бірге лайықты түрде еңсеріп, аман-есен шығарына сенімдімін. Біз тағы да жеңімпаз боламыз. Еліміздің жақсы күндері алда. Біз біргеміз! Біз жеңеміз! Біздің ұранымыз осы.
Барлық отандастарымызға мықты денсаулық пен игілік, елімізге бақ-береке тілеймін!

Нұрсұлтан Назарбаев Қазақстан халқына үндеу жолдады

<a href="https://kyzylorda-news.kz/">Kyzylorda-news.kz.</a> Оңтүстік циклон мен онымен байланысты атмофесралық фронталды бөліктердің өтуіне байланысты Қазақстанның басым бөлігінде ауа райы құбылмалы болады, деп хабарлайды Қазгидромет. 
Бүгін елдің басым бөлігінде күн күркіреп, солтүстікте, солтүстік-шығыста және орталықта күшті жел тұрып, бұршақ жаууы ықтимал. Республиканың тек батысы, оңтүстік-батысында ғана күн ашық болады. Кей жерлерде жел күшейіп, солүстік-батыста түнде және таң ата тұман түседі. 
Ақмола облысының бірқатар аумағында жел күшейіп, желдің жылдамдығы секундына 15-20 метрге жетеді, бұршақ жаууы ықтимал. 
Қостанай облысында түнде және таң ата тұман түсіп, күндіз жел секундына 15-20 метр жылдамдықпен ұйтқиды. 
Солтүстік Қазақстан облысының кей жерлерінде бұршақ жауады. 
Павлодар облысының кей жерлерінде жел секундына 15-20 метр жылдамдықпен ұйтқып, күндіз бұршақ жаууы ықтимал. 
Қарағанды, Шығыс Қазақстан облыстарында жел күшейіп, бұршақ жауады, желдің жылдамдығы секундына 15-20 метрге, екпіні 25 метрге жетеді. 
Жамбыл, Түркістан, Алматы, Қызылорда облыстарында жел күшейіп, жылдамдығы секундына 15-20 метрге жетеді. 
Батыс Қазақстан облысында бұршақ жаууы мүмкін, түнде жел күшейіп, жылдамдығы секундына 15-20 метрге жетеді. 
Атырау, Батыс Қазақстан облыстарының кей жерлерінде аптап ыстық болады. 
Түркістан, Қызылорда, Жамбыл облыстары мен Алматы, Қарағанды облыстарының кей жерлерінде, Ақтөбе облысының оңтүстік бөлігінде, Атырау облысының батысында ерекше өрт қауіпі сақталады.

Шілденің 3-і күнгі ауа райы болжамы

1915 жылы Түркияда бірінші қағаз ақша шықты.
1928 жылы сатылымға алғашқы теледидарлар шықты. Олардың бағасы 75 долларды құрады.
1995 жылы Қазақстан Республикасының мемлекеттік тәуелсіздігінің жариялануын мәңгі есте қалдыру, қоғамды топтастыру, гуманизм, ұлтаралық татулық, қазақстандық патриотизм тәрбиелеу идеяларын көркем бейнелеу мақсатында ҚР Тұңғыш Президенті-Елбасы Н.Ә. Назарбаевтың «Алматы қаласында Тәуелсіздік ескерткішін орнату туралы» қаулысы шықты.
2008 жылы Елорданың 10 жылғына орай «Қызылорда-Алматы-Астана» веложорығы ұйымдастырылды.
2006 жылы Нұр-Сұлтанда Меценаттар клубы құрылды.
2007 жылы Елордада Елбасы Нұрсұлтан Назарбаевтың және Үкімет мүшелерінің қатысуымен «Қазақстанның 30 корпоративті көшбасшысы» Мемлекеттік бағдарламасына кірген жобалардың жалпыұлттық тұсаукесері өтті. Тұсаукесерге 9 өңір қатысты. Негізгі 7 бағыт бойынша 900 миллиардқа жуық теңгені құрайтын барлығы 20 серпінді жоба таныстырылды.
2009 жылы Елбасы Нұрсұлтан Назарбаев Нұр-Сұлтан қаласындағы төбесі жабық 30 мың орындық жаңа «Астана Арена» стадионының ашылу салтанатына қатысты.
Жабық стадион споршыларға қысы-жазы жаттығуларына мүмкіндік береді, ол УЕФА-ның барлық стандарттарына сай салынған.
Жасанды газон жамылғысы төселген футбол алаңы ФИФА мен УЕФА-ның стандарттарына толық сәйкес жасалған. Бұл стадионда футбол ойынынан бөлек спорттың күрес, бокс, спорттық гимнастика, дзюдо, каратэ сынды түрлерінен жарыстар өткізуге болады. Жаңа футбол стадионының ерекшелігі – 20 минуттың ішінде ашылып-жабылатын шатыры бар. Спутниктің және эфирлық антенналары бар теледидар желісімен, радиохабар эфирімен, отырыс залдары, баспасөз конференция залдары дыбыс күшейткіш және синхронды аудармасымен, таблосымен, телерадиокомментаторымен жабдықталған.
Көрермендердiң ыңғайы және сыйымдылығы үшін мiнбе екi деңгейде орналасқан: 16 мың көрермен – астыңғысында, 14 мың – үстіңгісінде, стадионның батысында VIP-орындар орналасқан. «Астана-Арена» стадионында Қазақстан ұлттық құрамасының Әлем және Еуропа чемпионатының іріктеу матчтары, Чемпиондар лигасы мен Еуропа лигасының топтық кезеңіндегі ойындар өтті.

3 шілде: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 3 шілдеге арналған жұлдыз-жорамалы.
Тоқты 
Жетістікке жету оңай емес. Ол үшін біраз тер төгуіңіз қажет. Бастаған ісіңізді соңына дейін жеткізу қиынға соғады. Тіпті шаруаңызды аяқтамауыңыз да мүмкін.
Торпақ 
Сіз барлық жағдайды жүрегіңізге жақын қабылдайсыз. Шаруаңыз жоспарыңызға сәйкес келмесе де алаңдап боласыз. Бүгін жақындарыңызбен тіл табысу да қиын.
Егіздер 
Ерекше күн. Барлығы сіз ойлағандай болмайды. Дегенмен қызықты оқиғалар орын алып, күніңіз сәтті өтеді. Маңызды шаруаларды кейінге қалдырыңыз.
Шаян 
Өте сәтті күн. Өзіңіз көптен бері ойлап жүрген мақсатыңызға қол жеткізесіз. Сіз жолыңызда кездескен кедергілерге қарамастан тек алға ұмтыласыз.
Арыстан 
Алдағы күндерге жоспар құрмағаныңыз жөн. Қандайда бір істі тек ақылмен шешіңіз. Ойланбай әрекет етпе. Сонымен қатар бүгін жаңа серіутестер табасыз.
Бикеш 
Бүгін көңіл-күйіңіз керемет. Ұсақ-түйек шаруаларға бола өзіңізді шаршатпайсыз. Егер өз белсенділігіңізді жоғалтпасаңыз, барлық мәселе тез шешімін табады.
Таразы 
Өз қалауыңызға қол жеткізу үшін тынбай еңбек ету қажет екенін естен шығармаңыз. Жақындарыңызды әңгіме барысында ренжітіп алудан сақтаныңыз.
Сарышаян 
Күніңіз сәтті өтеді. Барлық жоспар ойдағыдай жүзеге асып, көптен қобалжыған көңіліңіз орнына келеді. Ештеңені уайымдамаңыз.
Мерген 
Бүгінгі күн жұмысқа да, жеке өмірге де қатысты сауалдарға жауап табуға болатын күн. Сонымен қатар бүгін кез келген адаммен тіл табысып, ісіңіз алға басады.
Тауешкі 
Жанға жайлы керемет күн. Мақсатыңызға көп күш салмай-ақ қол жеткізуге болады. Өзіңіздің біліктілігіңіздің арқасында әріптестеріңіздің оң бағасын аласыз.
Суқұйғыш 
Бүгін қызықты іспен айналысасыз. Жұмыста да болашағы зор маңызды жобаны қолға аласыз. Сонымен қатар пайдалы келіссөздер жүргізесіз.
Балықтар 
Асықпаңыз. Дәл қазір асығыстық танытудың қажеті жоқ. барлығын байыппен, жан-жағыңызды бағдарлап барып әрекет еткен жөн.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Қызылорда облысында Ұлттық домбыра және Елорда күнін атап өту мақсатында түрлі форматта 14 мәдени іс-шара ұйымдастырылады. Биыл эпидемиологиялық ахуалға байланысты аталмыш шаралар онлайн өткізіледі. Бұл туралы Өңірлік коммуникациялар қызметінің ақпарат алаңында өткен баспасөз конференциясында облыстық мәдениет, архивтер және құжаттама басқармасы басшысының орынбасары Нұршат Наурызбаева баяндады.
“Мерекелік шаралар «Facebook», «Instagram», «Youtube», контенті арқылы насихатталады. Атап айтқанда, «Ғасырлар пернесі» атты республикалық онлайн күйшілер байқауы өтеді. Сондай-ақ әлеуметтік желілер арқылы өңірдің түпкір-түкпіріндегі таланттарды ұлттық рухты оятатын Құрманғазының «Балбырауын» күйін бір мезетте орындауға шақырамыз», – деді Нұршат Бекежанқызы.
Сонымен қатар, облыстық филармонияның Тұрмағамбет атындағы халық аспаптар оркестрі және «Қорқыт қобыз» қобызшылар ансамблінің «Күй күмбірі», «Домбыра-дастан», «Тек домбыра – күй ғалам» атты концерттерімен ұласатын болады.
Мұнан өзге, «Әлем таныған Елбасы», «Ұлтымыздың рухани ордасы» атты виртуалды кітап көрмесі, «Астанам – мақтанышым» атты фотокөрмелері, «Ән тербеткен Астана», «Асқақта, алашымның астанасы» атты онлайн концерті өтеді.
Облыстағы басты шаралардың басым бөлігі «Сыр шаңырағы» ютуб каналынан көрсетілетін болады.

Қызылордада шілде айындағы мерекелер онлайн форматта өтеді

<a href="https://kyzylorda-news.kz/">Kyzylorda-news.kz.</a> Сыр өңірінде Елорда күніне орай облыс жастарының ұйымдастыруымен “Менің Елордам!” атты іс-шаралар топтамасы өтеді. Онлайн форматтағы 7 мерекелік шара “Сыр болашағы” ютуб каналында жүргізіледі. Бұл туралы Өңірлік коммуникациялар қызметінің ақпарат алаңында өткен брифингте облыстық жастар саясаты мәселелері басқармасы басшысы Қуаныш Жанұзақов мәлімдеді.
<blockquote>
 “Ел астанасы күні аясында өткізілетін барлық шаралар жастар ресурстық орталықтары және жастар ұйымдары өкілдерімен бірлесіп онлайн форматта болады. Шараның бағдарламасына сәйкес жастардың мерекелік құттықтаулары, челлендждер, жас суретшілер байқауы, интеллектуалды ойындар және пробация есебіндегі кәмелетке толмаған жастарға « Кітап сыйла» акциясы жүргізілетін болады. Облыс бойынша әр түрлі форматтағы 40 іс-шара өткізілу жоспарлануда. Оның 33-і қала, аудан деңгейінде болса, 7-сі облыстық. Мерекелік шаралар легі жастар ресурстық орталығының жанынан құрылған “АРТ” рухани-мәдени клубы мүшелерінің Астана күніне тартуы ретінде «Домбыра думан» атты акциясымен жалғасады”, – деді Қуаныш Қуантқанұлы.
</blockquote>
<img src="https://kyzylorda-news.kz/wp-content/uploads/2020/07/fb_img_1593687061607.jpg" alt="" />

Сыр жастарының ұйымдастыруымен  &#8220;Менің Елордам!&#8221; атты патриоттық акциясы  өтеді

<a href="https://kyzylorda-news.kz/">Kyzylorda-news.kz.</a> Қазақстан аумағында 5 шілдеден бастап карантин шараларының күшейтілуіне байланысты бірқатар жолаушылар пойызының жүру кестесі өзгерді, деп хабарлайды ҚР Индустрия және инфрақұрылымдық даму министрлігі.
Бұған дейін 1 шілдеден бастап 3 коммерциялық пойыздың қатынауы&nbsp;уақытша тоқтағанын&nbsp;жазған болатынбыз. Олар:
– №19/20 «Нұр-Сұлтан-Атырау»;
– №95/96 « Нұр-Сұлтан-Орал»;
– №701/702 «Нұр-Сұлтан-Алматы».
Еске сала кетсек, бүгін ҚР Премьер-Министрі Асқар Маминнің төрағалығымен өткен Мемлекеттік комиссия отырысында 5 шілдеден бастап елімізде <a href="https://kyzylorda-news.kz/kogam/elimizde-5-shildeden-bastap-karantin-qalaj-ornajtyny-belgili-boldy-69862/">14 күнге&nbsp;қатаң шектеу шараларын</a> енгізу&nbsp;шешімі қабылданды.
Олардың арасында теміржол көлігімен жолаушыларды тасымалдау бойынша да&nbsp;шектеулер бар.
Осыған орай, 5 шілдеден бастап әлеуметтік маңызы бар бірқатар бағыттарға өзгеріс енгізіледі:
1. №321/322 «Алматы – Сарыағаш» жолаушылар пойызы&nbsp;тоқтатылады.
2. Келесі бағыттардың&nbsp;қатынау жиілігі қысқарады:
– №3/4 «Алматы-Нұр-Сұлтан» күнара (күн сайынның орнына);
– № 31/32 «Алматы-Павлодар» күнара (күн сайынның орнына)
– № 67/68 «Нұр-Сұлтан-Өскемен» күнара (күн сайынның орнына)
– №257/258 «Нұр-Сұлтан-Достық» аптасына 1 рет (аптасына 2 реттің орнына).
Айта кетейік, Қазақстан аумағында төтенше жағдай режимі алынғаннан кейін, пойыз қатынасы&nbsp;кезең-кезеңімен қалпына келтіріле&nbsp;бастаған болатын.
Бүгінгі таңда жалпы алғанда 93 пойыз рейстерді орындауда.

5 шілдеден бастап қандай бағыттағы пойыздар тоқтайды?

<a href="https://kyzylorda-news.kz/">Kyzylorda-news.kz.</a> Қызылорда облысы әкімінің өкімімен Қызылорда облысының еңбек саласындағы бақылау басқармасының басшысы қызметіне Жолымбетов Төреахмет Сайлаубайұлы тағайындалды.
Төреахмет Сайлаубайұлы 1976 жылы туған.
Қорқыт Ата атындағы Қызылорда гуманитарлық университетін «Экономист-шығыстанушы, түрік тілінің аудармашысы-референті», Қ. И. Сәтбаев атындағы Қазақ ұлттық техникалық университетін «Инженер» мамандықтары бойынша бітірген.
Экономика ғылымдарының кандидаты.
Еңбек жолын Алматы қаласындағы Қазақстанның Даму институтын экономикалық зерттеулер орталығының стажер-зерттеушіретінде бастаған.
2003-2004 жылдары – Қызылорда облыстық минералдық ресурстардың энергетикалық инфрақұрылымы басқармасы-жетекші маманы, 2004 – 2006 жылдары – Қызылорда облысы әкімі аппаратының ұйымдастыру бақылау бөлімі – бас маманы, бас инспекторы қызметтерін атқарған.
2007 – 2012 жылдары – Зейнетақы төлеу мемлекеттік орталығы Қызылорда облыстық филиалының директорының орынбасары, «Құрылыс Базис Кызылорда» жауапкершілігі шектеулі серіктестігінің директоры болып жұмыс жасап, 2012 – 2014 жылдары Қызылорда облысы бойынша Бақылау және әлеуметтік қорғау департамент директорының әлеуметтік мәселелері жөніндегі орынбасары болған.
2014 – 2017 жылдары Бақылау және әлеуметтік комитетінің Қызылорда облысы бойынша Бақылау және әлеуметтік қорғау департаментының, Қазақстан Республикасы Еңбек және халықты әлеуметтік қорғау министрлігі Еңбек, әлеуметтік қорғау және көші-қон комитетінің Қызылорда облысы бойынша департаментінің басшысы қызметінде болған.
2017 жылдың наурыз айынан бастап осы кезге дейін Қазақстан Республикасы Еңбек және халықты әлеуметтік қорғау министрлігі Еңбек,әлеуметтік қорғау және көші-қон комитетінің Қызылорда облысы бойынша департамент басшысы лауазымында қызмет атқарып келді.
<img src="https://kyzylorda-news.kz/wp-content/uploads/2020/07/whatsapp-image-2020-07-02-at-18.25.08.jpeg" alt="" />

Қазақстан және Қызылорда облысының жаңалықтары

Сабыржан Кеңшілік: Тәуелсіз Қазақстанның бағдаршамы

Жанат Кожарипова: “Ел-жұртымыз карантиннен аман-сау, бауыры бүтін, төңірегі түгел шықсын деп тілеймін”

Қарлығаш Әбдірахманова: Елорда – егемен елдің жүрегі

Алексей Цой: Пневмония ауруларының тіркелуі 55,4%-ға артты

Нұрсұлтан Назарбаев Қазақстан халқына үндеу жолдады

Шілденің 3-і күнгі ауа райы болжамы

3 шілде: Атаулы күндер мен оқиғалар

Жұлдыздар не дейді?

Қызылордада шілде айындағы мерекелер онлайн форматта өтеді

Сыр жастарының ұйымдастыруымен “Менің Елордам!” атты патриоттық акциясы өтеді

5 шілдеден бастап қандай бағыттағы пойыздар тоқтайды?

Қызылорда облыстық еңбек саласындағы бақылау басқармасының басшысы тағайындалды

Қазақстан және Қызылорда облысының жаңалықтары

Сабыржан Кеңшілік: Тәуелсіз Қазақстанның бағдаршамы

Жанат Кожарипова: &#8220;Ел-жұртымыз карантиннен аман-сау, бауыры бүтін, төңірегі түгел шықсын деп тілеймін&#8221;

Қарлығаш Әбдірахманова: Елорда – егемен елдің жүрегі

Алексей Цой: Пневмония ауруларының тіркелуі 55,4%-ға артты

Нұрсұлтан Назарбаев Қазақстан халқына үндеу жолдады

Шілденің 3-і күнгі ауа райы болжамы

3 шілде: Атаулы күндер мен оқиғалар

Жұлдыздар не дейді?

Қызылордада шілде айындағы мерекелер онлайн форматта өтеді

Сыр жастарының ұйымдастыруымен &#8220;Менің Елордам!&#8221; атты патриоттық акциясы өтеді

5 шілдеден бастап қандай бағыттағы пойыздар тоқтайды?

Қызылорда облыстық еңбек саласындағы бақылау басқармасының басшысы тағайындалды

Жанат Кожарипова: “Ел-жұртымыз карантиннен аман-сау, бауыры бүтін, төңірегі түгел шықсын деп тілеймін”

Сыр жастарының ұйымдастыруымен “Менің Елордам!” атты патриоттық акциясы өтеді