Президент Қасым-Жомарт Тоқаев: Еліміз бұл қиындықтан шыңдалып шығады

Халықаралық мүгедектер құқын қорғау күні
1992 жылы&nbsp;Біріккен Ұлттар Ұйымының Бас Ассамблеясы Халықаралық мүгедектер күнін жариялады. Халықаралық мүгедектер күнін атап өту – олардың мәселелеріне көңіл бөлуге, құқығы мен аман-саулығын қорғауға назар аударуға бағытталған.
1925 жылы&nbsp;Қазақстан Компартиясы Орталық Комитетінің жанындағы әйелдер бөлімі шығарған «Азат әйел» газеті негізінде «Теңдік» газетінің алғашқы саны шықты. 1955 жылдан бастап, «Қазақстан әйелдері» деген атпен журнал болып шыға бастады.
1991 жылы&nbsp;«Табиғат» экология одағы құрылды. Төрағасы – Мэлс Елеусізов. Осы экологиялық одақ 2002 жылы Global-500 сыйлығына ие болған.
1993 жылы&nbsp;Вашингтондағы Дүниежүзілік банктің штаб-пәтерінде Арал теңізіне арналған халықаралық семинар өтті. Онда Арал теңізінің қайта түлеуін қамтамасыз ететін деңгейде тұрақтандыру жөнінде төрт тармақтан тұратын бағдарлама қабылданды.
2010 жылы&nbsp;Л.Н.Гумилев атындағы Еуразия ұлттық университетіне сонау 1945 жылы Рейхстагқа тігілген Жеңіс туының көшірмесін әкелінді. Ол Қазақстан Республикасы Тұңғыш Президентінің мұражайында сақтаулы.
2011 жылы&nbsp;Қызылордада «Ұлы Жібек жолы» журналы шықты. Бірінші нөміріне облыстың ежелгі қалаларының бірі – Сауран, алғашқы қазақ ғалымы Шоқан Уәлиханов пен облыс басшыларының бірі, белгілі қайраткер Мұстахым Ықсанов туралы материал жарияланды.
2015 жылы&nbsp;Қазақстанда жаңа «Qazaq Air» авиакомпаниясы құрылды.
2017 жылы&nbsp;VATAN күнделікті газеті Президент Нұрсұлтан Назарбаевтың «Болашаққа бағдар: рухани жаңғыру» мақаласын түрік тіліне аударып, жариялады. VATAN – Bağımsız Gazeteciler Yayıncılık A.Ş қамқорлығымен шығатын күнделікті түрік газеті. 2002 жылы 2 қыркүйекте негізі қаланған. Оның таралымы 100 мың дана.

5 мамыр: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпарат агенттігінің 5 мамырға арналған жұлдыз-жорамалы.
Тоқты
Бүгін балалардың тәрбиесімен айналысыңыз. Олар сіздің айтқаныңызды екі етпейтін болады. Балаларыңызбен болашақ туралы әңгімелесіп, олардың қандай мамандықты игергісі келетінін сұраңыз.
Торпақ
Күніңізді отбасыңызға арнаңыз. Үй шаруасымен айналысыңыз. Жолдасыңызбен ақылдасып, үй ішіне аздап өзгерістер енгізіңіздер. Отбасыңызбен бақытқа кенелу сіздің қолда екенін ұмытпаңыз.
Егіздер
Бүгін шығындарыңыз көп. Ақшаны көп жұмсап, жарыңызбен араңызда түсініспеушіліктер орын алады. Әлбетте, сіз ашуланып қаласыз. Бірақ ұсақ-түйекке бола көңіл-күйіңізді түсірмеңіз.
Шаян
Бүгін сәттілік серігіңізге айналып, жұмысыңыз алға басады. Достарыңызбен бас қосқанда күтпеген жерден кикілжің туындап қалуы мүмкін. Сондықтан олармен әңгімелесу барысында сақ болғаныңыз жөн. Ашуға тиетін сөз қозғамаңыз.
Арыстан
Бүгін эмоцияға көп берілесіз. Отбасыңызда аздаған қиындықтар орын алады. Мұндай мәселелерді кейінге қалдырмай, дер кезінде шешкен жөн. Материалдық жағдайыңыз қиындай түседі.
Бикеш
Қобалжулы күн. Ұрысқа дайын тұрасыз. Әсіресе, күннің екінші жартысында эмоцияға беріліп, кез келген адаммен кикілжіңге келесіз. Осы мәселелерді болдырмау үшін өзіңізбен өзіңіз болғаныңыз дұрыс.
Таразы
Көп ақша жұмсайсыз. Көбінесе мерекелік кештерге, туған күндерге шығындаласыз. Тәуекелге бел бумаңыз. Алдағы күндеріңізді ойлағаныңыз жөн. Сондықтан қаржы мәселесінде өте мұқият болыңыз.
Сарышаян
Бүгін жай ғана демалыңыз. Жан дүниеңізді байытуға кірісіңіз. Театрға барыңыз, кітап оқыңыз немесе жанға жайлы әуен тыңдаңыз. Кешке қарай уақытыңызды балалармен өткізіп, өзіңіздің бала күніңізді еске түсіріңіз.
Мерген
Бүгін күтпеген жаңалықтар орын алады. Жақын адамыңыздың өмірі үшін алаңдайсыз. Отбасындағы жағдай да алаңдатпай қоймайды. Ал ұрыс-керіске жиі жол беретіндер бұл жолы шектен шығуы мүмкін.
Тауешкі
Бүгін махаббатта да, достықта да жолыңыз болады. Қаржылық жағдайыңыз жақсарып, соның арқасында жұмысыңыз алға басады. Бірақ өткен күндері қиналған сәттеріңізді ұмытпағаныңыз жөн. Көп уақытыңызды отбасыңызға бөліңіз.
Суқұйғыш
Қызықты адамдармен кездесу күтіп тұр. Олармен жақын араласа келіп, жаңа табыс табудың жолын табасыз. Басшы суқұйғыштар қиын жағдайлардан жол тауып, дұрыс шешім шығара біледі.
Балықтар
Сізге бүгін өтірік айтып, алдайтындар көп. Сізді қынжылтатыны алдайтындардың барлығы жақындарыңыздың болуы. Естіген ақпараттарыңызды анықтап алыңыз. Сонымен қатар құжаттарға да сақ болыңыз.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> «Көктемнің бір күні жылға азық». Қазалылық дихандар күн жылынғаннан жер тырмалап, егін егуге дайындықты бастап кетті. Қазір шаруалар егістік жерді тазалау мен жер жыртуды аяқтап, тұқым себу жұмыстарын қолға алуда.
Сенбі күні аудан әкімі Мұрат Ергешбаев «Сыр маржаны» ЖШС-ның егістік алқабында алғашқы дән себу рәсіміне қатысып, дихандарға сәттілік тіледі.
Сондай-ақ, егіс алқабында салалық мекемелер және шаруашылық басшыларымен кездесіп, күріш егу жұмыстарының барысымен танысты.
Аудан басшысы дихандарға күріш егу науқанын оңтайлы мерзім ішінде аяқтау үшін ұйымдастыру шараларына аса мән беріп, барлық агротехникалық талаптарды қатаң сақтау қажеттігін тапсырды.
Айта кетейік, Қазалы ауданы бойынша биыл 6341 гектар жерге күріш дақылын орналастыру межеленген. Бүгінгі күні оның 350 гектарына тұқым себіліп, 200 гектары суға бастырылған.
<img src="https://kyzylorda-news.kz/wp-content/uploads/2020/05/kazaly-egin-egw-kaz-2-1.jpg" alt="" />
<img src="https://kyzylorda-news.kz/wp-content/uploads/2020/05/kazaly-egin-egw-kaz-3-1.jpg" alt="" />

Қазалыда алғашқы дән себілді (ФОТО)

<a href="https://kyzylorda-news.kz/">Kyzylorda-news.kz.</a> 2020 жылдың сәуір айының 1 мен 31 мамыр күндері аралығында облыс көлемінде «Браконьер» жедел-профилактикалық іс-шарасы өткізілуде. Іс-шараға арнайы мобильдік топ құрылып, жұмылдырылды.
2 мамырда ОПД-нің ЖПҚБ-ның Табиғат қорғау полиция тобының қызметкерлері және Қызылорда облыстық орман шаруашылығы және жануарлар дүниесі аумақтық инспекциясының қызметкерлерімен бірлескен рейд барысында Шиелі ауданындағы Бала би ауылының тұсында «УАЗ» автокөлігін тоқтатып тексеру барысында, заңсыз электр тоғын пайдаланып, балық аулап жүрген аудан тұрғыны ұсталды.
Ұсталған азаматтан резеңке қайық, аккумулятор және 6 кг-ден аса балық алынды.
Аталған дерек бойынша Қазақстан Республикасы Қылмыстық Кодексінің 335-бабының 3-бөлігімен (Балық ресурстарын заңсыз алу) тергеп-тексеру амалдары жүргізілуде.
<blockquote>
 «Егер аталған тұлғалардың кінәсі дәлелденсе, сот шешімімен олар белгiлi бiр лауазымдарды атқару немесе белгiлi бiр қызметпен айналысу құқығынан үш жылға дейiнгi мерзiмге айыра отырып, мүлкі тәркіленіп, белгiлi бiр лауазымдарды атқару немесе белгiлi бiр қызметпен айналысу құқығынан жеті жылға дейінгі мерзiмге айыра отырып, алты мың айлық есептiк көрсеткiшке дейiнгi мөлшерде айыппұл салуға не сол мөлшерде түзеу жұмыстарына, не үш жылдан алты жылға дейінгі мерзімге бас бостандығын шектеуге, не сол мерзімге бас бостандығынан айыруға жазаланады», – деп хабарлады Қызылорда облысы Полиция департаментінің баспасөз қызметі.
</blockquote>

Шиеліде заңсыз балық аулаған азамат ұсталды

<a href="https://kyzylorda-news.kz/">Kyzylorda-news.kz.</a> «Қызылорда облысының мәдениет, архивтер және құжаттама басқармасының Ә.Тәжібаев атындағы Қызылорда облыстық әмбебап ғылыми кітапханасы» коммуналдық мемлекеттік мекемесінің басшысы болып Баймурзаев Ғалым Қонақбайұлы тағайындалды.
Ғ.Баймурзаев еңбек жолын Арал қаласындағы №15 орта мектеп мұғалімі қызметінен бастап, мәдениет саласында Қызылорда облыстық мәдениет басқармасының жетекші маманы, бас маманы, бөлім басшысы, Қызылорда қалалық мәдениет және тілдерді дамыту бөлімінің басшысы, Қалалық мәдени-демалыс паркінің директоры қызметтерін абыроймен атқарған.
2017 жылдан осы кезге дейін Қызылорда қалалық білім бөлімінің «Қосымша білім беру оқу-әдістемелік орталығы» мемлекеттік мекемесінің директоры қызметін атқарды.
<img src="https://kyzylorda-news.kz/wp-content/uploads/2020/05/96140929_2547322525521239_667790044987129856_n.jpg" alt="" />

Қызылорда облыстық кітапханасының директоры тағайындалды

<a href="https://kyzylorda-news.kz/">Kyzylorda-news.kz</a>. Орман-тоғайлар – жануарлар мекені ғана емес, адамдардың табиғатқа шығып демалатын саялы орны болып табылады. Осы жерұйық мекенді тоздыратын, аздыратын бірден-бір жау – өрт апаты.
От жалыны қыруар байлықты жалмап қана қоймайды, сонымен бірге мемлекетімізге де орасан зор шығын әкеледі. Өкінішке орай орын алатын тілсіз жаудың 80 пайызы адамдардың қатысуымен болады. Табиғат аясына қыдырып барады да от жағады, оны сөндірмей кетеді.
Сондай-ақ, шылымқорлар темекі тұқылын өшірмей тастай салады. Оның соңы алапат өртке айналып, Табиғат-Анаға өлшеусіз зиян әкеледі.
Жыл басынан бері Қызылорда орман және жануарлар дүниесін қорғау жөніндегі мемлекеттік мекемесіндеөрт болдырмаудың және өрт қаупі бар кезеңдерде өртке қарсы дайындық жұмыстарын жүргізу жайлы іс-шара жасалып, қоршаған ортаны қорғау, ауыл шаруашылығы, ішкі істер, өрттен қорғау, Төтенше жағдайлар бөлімдерімен келісіліп, қала әкімшілігінде бекітілді.
Ауылдық округтерде өрт қаупі ережелерін сақтау жайлы ескерту хаттар дер кезінде таратылуына байланысты көптеген жану жағдайларын орман-тоғайларда болдырмай алдын алуға мүмкіндік туды.
Дегенмен, бір ғана мекеме өртке қарсы қызметті толыққанды атқара алмасы тағы белгілі. Мекеме тарапынан барлық ауылдық округ әкімдерімен, ЖШС төрағаларымен өртке қарсы іс-шаралар жасалып, жұмыс кестесі бойынша біріккен жұмыстар қолға алынды.
Айналамыздың экологиялық дағдарысқа ұшырауына байланысты егеменді еліміздің табиғи байлығы, Орман қорына шаруашылық көзбен қарап, болашақ ұрпақтарымыздың мүдделері үшін оны ұлғайта беру – әрбір Қазақстан азаматының міндеті.
Осы ретте, Қазақстан Республикасында барлық ормандар қорғауға және сақталуға жататынын ескерген жөн.
Алайда, табиғат байлығына немқұрайлы қарайтын жеке азаматтар мен шаруашылық субъекілері тарапынан келтірілген зиян көп және жылдан-жылға азаймай келеді.
Қызылорда облысы бойынша мемлекеттік орман қоры жерлері 6509,7 мың гектарды құрайды. Оның ішінде, орманды алқаптар – 3103,2 мың гектар. Осы орманды алқаптардың 54,7 мың гектарында өрт қауіптілігі аса жоғары болып саналады.
Ормандарды қорғаудың негізгі міндетерінің бірі болып:
1. Қазақстан Республикасының Орман шаруашылығы және жануарлар дүниесі комитетінің 06.12. 2018 жылғы № 17-5– 6/326 бұйрығына сәйкес, мемлекеттік орман қоры учаскелеріндегі сексеуіл екпелерінде ағаш кесудің барлық түріне 2023 жылғы 31 желтоқсанға дейін тыйым салынған.
2. Орман өрттерінің алдын алу, оларды дер кезінде анықтау және оны сөндіру жөніндегі шараларды жүргізу;
3.Орманда жұмыс істейтін барлық адамдардың және орманға жақын орналасқан кәсіпорындардың, шаруа қожалықтар мен мекемелердің, сондай-ақ, орманда жүрген азаматтардың Қазақстан Республикасының ормандарындағы өрт қауіпсіздігі ережелерін орындалуын бақылау болып табылады.
Қызылорда орман және жануарлар дүниесін қорғау жөніндегі мемлекеттік мекемесі Сіздің ауылдық округ көлемінде, мемлекеттік орман қоры аумағында орман өртін болдырмау және өрт қаупі бар кезеңдерде өртке қарсы дайындық жұмыстарын жүргізу жайлы іс-шара жоспарында, Қазақстан Республикасы Орман кодекісінің 63-бабына және Қазақстан Республикасы Өрт туралы Заңына сәйкес:
1. Көктемгі жане күзгі дала жұмыстары кезінде, өрт қауіпсіздігі ережелерінің қатаң сақталуын қадағалауды,
2. Жергілікті жердегі орманшы инспекторлармен бірлесіп, өртке қарсы шаралардың орындалуын бақылау жасауды;
3. Шаруашылықтар мен ұйымдарды, жекелеген азаматтарды орман өрті болған жағдайда оны сөндіруді ұйымдастыруды, оған қажетті техникалар мен құралдардың қатысуын қамтамасыз етуіңізді сұрайды.
Қазақстан Республикасының Әкімшілік құқық бұзушылық туралы кодексінің 367-бабына, яғни, ормандарда өрт қауiпсiздiгi талаптары мен санитариялық қағидаларды бұзу бойынша мынандай жауапкершілік қарастырылған:
1. Ормандарда өрт қауiпсiздiгi талаптары мен санитариялық қағидаларды бұзу жеке тұлғаларға – 10, лауазымды адамдарға, шағын кәсiпкерлiк субъектiлерiне – 30, орта кәсiпкерлiк субъектiлерiне – 50, iрi кәсiпкерлiк субъектiлерiне – 150 айлық есептік мөлшерінде айыппұл салуға әкеп соғады;
2. Өрттiң шығуына, адамның денсаулығына және қоршаған ортаға зиян келтiруге әкеп соққан дәл сол іс-әрекет, егер бұл әрекет ірі залал келтірмесе жеке тұлғаларға – 25, лауазымды адамдарға, шағын кәсiпкерлiк субъектiлерiне – 45, орта кәсiпкерлiк субъектiлерiне – 70, iрi кәсiпкерлiк субъектiлерiне – 250 айлық есептiк көрсеткiш мөлшерiнде айыппұл салуға әкеп соғады;
&nbsp;3. Осы баптың бiрiншi және екiншi бөлiктерiнде көзделген, ерекше қорғалатын табиғи аумақтарда жасалған әрекеттер жеке тұлғаларға – 100, лауазымды адамдарға, шағын кәсiпкерлiк субъектiлерiне – 250, орта кәсiпкерлiк субъектiлерiне – 400, iрi кәсiпкерлiк субъектiлерiне – 1500 айлық есептiк көрсеткiш мөлшерiнде айыппұл салуға әкеп соғады.
Олай болса, орман қорын сақтау – ортақ іс болуы тиіс.
Мұхтар ҚАППАР,
Қызылорда орман және жануарлар дүниесін қорғау жөніндегі мемлекеттік мекемесінің орманды күзету және қорғау жөніндегі инженері
<img src="https://kyzylorda-news.kz/wp-content/uploads/2020/05/02-3.jpg" alt="" />
<img src="https://kyzylorda-news.kz/wp-content/uploads/2020/05/03-2.jpg" alt="" />

Мұхтар Қаппар: Орман қорын сақтау – ортақ іс болуы тиіс

<a href="https://kyzylorda-news.kz/">Kyzylorda-news.kz.</a> Қазақстанның бас мемлекеттік санитарлық дәрігері Айжан Есмағамбетова еліміздегі эпидемиологиялық жағдай тұрақталды деп мәлімдеді.
<blockquote>
 «Соңғы екі апта ішінде еліміздегі эпидемиологиялық жағдайдың тұрақтанғаны байқалады. Аурудың өсімі 7%-дан аспайды. Егер наурыз айында дертті сырттан әкелгендер мен олармен байланысқа түскендерді тіркеумен болсақ, сәуір айында біз профилактикалық тексеруге – тесттілеуге көштік. Сәуір айында анықталған науқастардың жалпы санының 52% немесе 1862 жағдай профилактикалық тексеру-тестілеумен байланысты. Профилактикалық тестілеудің мақсаты – жасырын індет ошақтарын анықтау. Егер профилактикалық тестілеу жүргізілмегенде, онда байланысқа түсушілер мен жұқтырушылардың саны әлдеқайда көбірек болар еді», – деді Есмағамбетова Facebook-тегі онлайн-брифингте.
</blockquote>
Ол карантиндік шаралар, ең алдымен, еліміздегі коронавирус жағдайын тұрақтандыруға әсер еткенін атап өтті.
<blockquote>
 «Карантиндік шаралар өз нәтижесін бергенін атап өткім келеді. Екі апта ішінде біз тұрақты эпидемиологиялық жағдайды байқап отырмыз. Мен әрбір қазақстандыққа Денсаулық сақтау министрлігі ұсынған шараларды орындағаны үшін алғыс айтқым келеді», – деп толықтырды сөзін ол.
</blockquote>

Есмағамбетова еліміздегі коронавирусқа байланысты жағдайдың тұрақталғанын мәлімдеді

<a href="https://kyzylorda-news.kz/">Kyzylorda-news.kz.</a> Қармақшы ауданының орталығы Жосалы кентінде коронавирустық инфекцияның алдын алу мен санитарлық-эпидемиологиялық талаптардың сақталуын қамтамасыз ету мақсатында дезинфекция жұмыстары жүргізілді.
Қазіргі күнге дейін аудан бойынша дезинфекция жұмыстары 218 көшеге, 20 аялдамаға, 1 теміржол вокзалына, 2 сауда үйіне, 84 эпидемиологиялық маңызды нысандарға жасалған.
Осы кезеңге дейін барлық жасалған дезинфекция жұмыстарының көлемі – 1&nbsp;204 448 шаршы метрді құрайды.
Аудан көлемінде әлеуметтік төлемдер жүргізілетін кент, ауылдық округтерінде «Қазпошта» АҚ-ның 16 бөлімшесі және «Қазақстан Халық Банкі» АҚ-ның аудан орталығында 4, Төретам кентінде 1, Ақай ауылдық округінде 1 банкомат тәулік бойы жұмыс жасауда.
Аталған орындарда азаматтардың шоғырлануын болдырмау мақсатында банкоматтар мен пошта бөлімшелері ғимараттарында арақашықтығы 2 метр сақталатын арнайы белгілер сызылып, тиісті шаралар қабылдануда.
<img src="https://kyzylorda-news.kz/wp-content/uploads/2020/05/02-2.jpg" alt="" />
<img src="https://kyzylorda-news.kz/wp-content/uploads/2020/05/03-1.jpg" alt="" />
<img src="https://kyzylorda-news.kz/wp-content/uploads/2020/05/04.jpg" alt="" />
<img src="https://kyzylorda-news.kz/wp-content/uploads/2020/05/06-1.jpg" alt="" />
<img src="https://kyzylorda-news.kz/wp-content/uploads/2020/05/05.jpg" alt="" />

Қармақшы ауданының орталығында дезинфекция жұмыстары жүргізілді

<a href="https://kyzylorda-news.kz/">Kyzylorda-news.kz.</a> Қызылорда облысы әкімдігінің жанындағы төтенше жағдай тәртібін қамтамасыз ету жөніндегі штаб шешімімен 11 мамырда ХҚО іске қосылуы жоспарлануда.
Алайда вирустың таралу қаупі мен қазақстандықтардың өмірі мен денсаулығына алаңдаушылықтың сақталуына байланысты халыққа қызмет көрсету орталықтарының жұмыс тәртібін өзгерту туралы шешім қабылданды.
Өзгерістер ХҚО-да көрсетілетін мемлекеттік қызмет түрлерін, оларды ұсыну форматын да қамтиды.
– Енді қызылордалықтар ХҚО-да электронды форматта қолжетімсіз, тек «қағаз» жүзінде көрсетілетін қызметтер мен egov.kz арқылы рәсімделген өтініштердің нәтижесін ала алады.
– ХҚО-ға бару үшін 1414 байланыс орталығы немесе немесе egov.kz сайтындағы арнайы сервис арқылы кезек уақытын алдына ала брондау қажет болады.
Бұл азаматтардың ХҚО-да көптеп жиналуын болдырмайды және вирусты жұқтыру қаупін жояды, осы ретте қызмет алушылар да өз уақытын үнемдейді. Алдын ала брондаусыз еш қызмет көрсетілмейді.
Азаматтар электронды форматқа аударылған және egov.kz порталында қолжетімді барлық мемлекеттік қызметтің 80%-дан астамын тек өздігінен немесе бұрынғыдай ХҚО ғимараттарында емес, әкімдіктер жанындағы кеңселерде, оқу орындарында, медициналық ұйымдарда және т.б. жерде орналастырылатын өзіне-өзі қызмет көрсету секторларында ала алады.
Онлайн қызметтерді жылдам әрі ыңғайлы алу үшін азаматтар 1414 нөміріне хабарласа алады, онда ХҚО операторлары кеңес беретін болады.

Қызылордада алдын-ала жазылу арқылы халыққа кызмет көрсетіледі

<a href="https://kyzylorda-news.kz/">Kyzylorda-news.kz.</a> ҚР Ұлттық қауіпсіздік комитетінің KZ-CERT Компьютерлік инциденттерге әсер ету қызметі интернеттегі ақпараттық қауіп-қатерлер мен олардың алдын алу жолдары туралы хабардар етіп отыратын&nbsp;<a href="mailto:@kz_cert_bot">Telegram-ботты</a>&nbsp;іске қосты.
Атап айтқанда, Telegram-бот арқылы қазақстандықтар:
–&nbsp;«KZ-CERT қызметтері» айдарына ақпараттық қауіпсіздіктің ықтимал қаупі және инциденті туралы хабарлай алады;
–&nbsp;«Call – Center»қызметінің 1400 бірыңғай ақпараттық-анықтамалық орталығына тәулік бойы тегін қоңырау шалуға болады.
–&nbsp;Қандай да бір доменде зиянды бағдарламалық жасақтаманың бар-жоғын тексере алады;
–&nbsp;«Құпия сөздің күрделілігін тексеру» қызметі жеке ақпараттың қауіпсіздігін күшейтуге көмектеседі;
–&nbsp;«Жиі қойылатын сұрақтар» айдарында ақпараттық қауіпсіздікке қатысты жиі жолданатын сұрақтарға жауап беріледі.
<blockquote>
 «Сондай-ақ, KZ-CERT қызметі ребрендинг жасап,&nbsp;<a href="http://www.cert.gov.kz/">www.cert.gov.kz</a>&nbsp;жаңа интернет-ресурсын пилоттық режимде іске қосқанын еске салады. Жаңа интернет-ресурста нашар көретіндерге арналған нұсқа жетілдірілді, ресурстың мобильдік нұсқасы икемделді, құпия сөздің күрделілігін тексеру қызметі қосылды, онлайн режимде кез келген уақыттағы инциденттер статистикасын қарауға болады және 24/7 режимде онлайн кеңесшіден ақпараттық қауіпсіздік мәселелері бойынша кеңес, көмек алуға болады», – делінген «KZ-CERT» Компьютерлік инциденттерге әрекет ету қызметінің мәліметінде.
</blockquote>

ҚР ҰҚК интернеттегі ақпараттық қауіптерге қатысты Telegram-бот ашты

<a href="https://kyzylorda-news.kz/">Kyzylorda-news.kz.</a> Қызылорда облысының Білім саласында сапаны қамтамасыз ету департаменті 2020 жылдың бірінші жартыжылдығында жүргізілген бақылаудың қорытындысын жариялады.
<blockquote>
 «2020 жылғы бірінші жартыжылдығына арналған білім беру жүйесіне бару арқылы профилактикалық бақылау жүргізудің тізімдері» туралы Қазақстан Республикасы Білім және ғылым министрінің 2019 жылғы 09 желтоқсандағы №528 бұйрығымен Қызылорда облысының Білім саласында сапаны қамтамасыз ету департаментімен 2020 жылғы бірінші жартыжылдығында 11 білім беру ұйымдарына бару арқылы профилактикалық бақылау жүргізді», – деп хабарлады біздің ақпарат агенттігіне аталған департаменттен.
</blockquote>
Атап айтқанда, департамент Қызылорда қаласында 4, Арал, Қазалы, Қармақшы, Жалағаш, Сырдария, Шиелі, Жаңақорған аудандарында 6 орта және негізгі білім беру мекемелері мен 1 мектепке дейінгі білім беру ұйымына бару арқылы профилактикалық бақылау жасаған.
<blockquote>
 «Профилактикалық бақылау нәтижелерімен тізімдегі білім беру ұйымдарында білім беру саласындағы нормативтік-құқықтық актілері талаптарының 75 бұзушылық анықталды. Атап айтқанда, білім беру процесі сапасына әсер ететін біліктілік талаптарының сақталмауы бойынша – 16, білім беру процестерін жүргізу үшін жағдайлардың жасалмауы бойынша – 30, оқу-тәрбие процестерін ұйымдастыруының өз деңгейінде жүргізілмеуі бойынша – 29. Білім беру ұйымына бару арқылы профилактикалық бақылау қорытындысымен тиісті білім беру мекемелеріне бұзушылықтарды жою жөнінде нұсқама берілді», – деп мәлімдеді департаменттегі мамандар.
</blockquote>
Профилактикалық бақылаудың нәтижесі бойынша берілген нұсқамалардың тиісті білім беру мекемелерінің орындауы туралы мәлімет жергілікті атқарушы органдардың назарына ұсынылды.
Сонымен қатар, 2020 жылдың екінші жартыжылдығында профилактикалық бақылаудан өткізуге 24 оқу орны жоспарланған.

Қазақстан және Қызылорда облысының жаңалықтары