<a href="https://kyzylorda-news.kz/">Kyzylorda-news.kz</a>.&nbsp;Ресей астанасының мэрі Сергей Собянин коронавирус пандемиясына қатысты “Жоғары дайындық режимін енгізуге байланысты қойылған шектеулерді жою кезеңдері туралы” қаулыға қол қойды. Құжатта мәскеуліктердің жаңа жылдық мерекелерді қалай және қай жерде тойлайтындығы анықталды, деп хабарлайды <a href="https://kaz.zakon.kz/">zakon.kz.</a>
Құжатқа сәйкес, биылғы жылдың 13 қарашасынан 2021 жылдың 15 қаңтарына дейін Мәскеуде барлық ойын-сауық шаралары тоқтатылады; кинотеатрларда, концерт залдарында және театрларда көрермендер саны мекеменің жалпы сыйымдылығының 25% -ымен шектелген; кафелер, мейрамханалар, түнгі клубтар, боулингтер, дискотекалар және басқа да осыған ұқсас мекемелер сағат 23-00-ден таңғы 6-ға дейін жабық болуы керек.
Осылайша, дәстүрлі өмірі түнгі 23-тен кейін басталатын түнгі клубтар толық жұмыс істей алмайды, сонымен қатар, 2021 жылдың 15 қаңтарына дейін бұқаралық іс-шараларға тыйым салу жаңа жылдық корпоративті кештердің, сондай-ақ&nbsp;Жаңа жылды қарсы алуға арналған&nbsp;үлкен іс-шаралардың орын алуы екіталай екендігін білдіреді.

Жаңа жылдық кештерді өткізуге тыйым салынды

<a href="https://kyzylorda-news.kz/">Kyzylorda-news.kz</a>.&nbsp;ҚР Тұңғыш Президенті – Елбасы, Қазақстан халқы Ассамблеясының төрағасы Нұрсұлтан Назарбаевтың қатысуымен ҚХА кеңесінің отырысы өтіп жатыр, деп хабарлайды ҚазАқпарат.
<blockquote>
 «Қиын жағдайға байланысты кеңес отырысын бейнебайланыс түрінде өткізіп отырмыз. Бұл жиынымыз Қазақстан халқы Ассамблеясының 25 жылдық мерейтойына арналады. Баршаңызды осы мерекемен құттықтаймын. Мерейтойлық меже өткенге көз жүгіртіп, атқарылған жұмысты қорытындылауға себеп болып отыр. Ассамблеяның қандай қиын уақытта құрылғанын бәріміз білеміз. Бұрынғы КСРО-ның ыдырауы, Тәуелсіз мемлекеттер достастығының қалыптасуы, тарихи шиеленісті, ертеңгі өмірге деген сенімсіздік заманында құрылды. Бірақ, біз дәл сол кезде өзіміз үшін бір нәрсені қабылдадық. Ұлтаралық татулық біздің басты байлығымыз болуы керек», – деді кеңес отырысын ашқан Елбасы.
</blockquote>
Мемлекет басшысы 1992 жылдың 14 желтоқсанда өткен Қазақстан халықаралық форумында жұртымыздың келісімі мен бірлігіне негізделген Ассамблея құру жөнінде бастама көтергенін еске салып өтті.
<blockquote>
 «1995 жылы 1 наурызда Қазақстан халқы Ассамблеясын құру туралы Жарлыққа қол қойылды», – деді Нұрсұлтан Назарбаев.
</blockquote>

Ұлтаралық татулық біздің басты байлығымыз болуы керек &#8211; Нұрсұлтан Назарбаев

<a href="https://kyzylorda-news.kz/">Kyzylorda-news.kz</a>. Қазгидромет 12-14 қарашадаға арналған ауа райы болжамын жариялады.
<blockquote>
 «Бүкіл кезеңде Қазақстанның басым бөлігі Солтүстік циклонның ықпалында болады. Оның бұлтты алқаптары қар мен жаңбыр түрінде жауын-шашын әкеледі. Кей жерлерде тұман, көктайғақ, солтүстік өңірлерде бұрқасынның пайда болуына әкелетін екпінді жел күтіледі», – делінген хабарламада.
</blockquote>

Алдағы күндері қар жауады

<a href="https://kyzylorda-news.kz/">Kyzylorda-news.kz</a>. Облыс көлемінде соңғы тәулікте коронавирусинфекциясымен науқас тіркелген жоқ. Ал, бұрын науқастанған 6 науқас дертінен толық айығып шықты (Арал-3, Қармақшы-3).
Жалпы пандемия басталғалы бері аймақта емделіп 3174 адам аурудан жазылған. Кеше 1152 тұрғын зертханаларға сынама тапсырып, 914 сынамадан ешқандай инфекция белгілері анықталмаған. Қалған 238 сынама бойынша мамандар жұмыс жасауда. Облыстағы зертханалар қорында қазір 19 519 тест бар. Эпидемиологиялық маусым басталғалы 122 522 адамнан сынама алынды.
Қазіргі таңда инфекциялық стационарда 17 науқас, облыс бойынша инфекциялық стационардың реанимация бөлімінде 2 науқас ем қабылдауда.

Қызылордада коронавирус инфекциясынынан 6 науқас емделіп шықты

<a href="https://kyzylorda-news.kz/">Kyzylorda-news.kz</a>.&nbsp;Қызылордада полиция қызметкерлері алаяқтық жасады деген күдікпен бұрын сотталған 43 жастағы қала тұрғынын ұстады.
Бұл әйел «билік органдарында кең байланыстарым бар деп» 2019 жылдың сәуір айында өзінің танысына 3 бөлмелі пәтер алуға көмегін ұсынып, одан 700 000 теңге сомада ақша алған. Осылайша ол бүгінгі күнге дейін уәделерін орындамаған.
<blockquote>
 «Жәбірленуші уәде етілген баспана мен ақшасын ала алмаған соң, 9 қарашада Қызылорда қалалық Полиция басқармасына арыз берген. Аталған дерек бойынша Қазақстан Республикасы Қылмыстық кодексінің 190-бабының 1-бөлігі (Алаяқтық) бойынша сотқа дейінгі тергеу жүргізілуде», – делінген полиция департаментінің хабарламасында.
</blockquote>

«Пәтер алып беремін». Қызылордада алаяқ әйел ұсталды

<a href="https://kyzylorda-news.kz/">Kyzylorda-news.kz</a>.&nbsp;Қазақстанда “Lider Z онлайн мектебі” жобасы қолға алынды. Соның аясында мүгедек адамдар арнайы оқудан тегін өтіп, лайықты жалақысы бар жұмысқа тұра алады, деп хабарлайды&nbsp;<a href="https://sputnik.kz/">Sputnik Қазақстан</a>.
Қазіргі кезде онлайн мектепте Қазақстанның түкпір-түкпірінен 37 адам білім алып жатыр. Ал оларды оқытудың кәсіптік бағыттары кездейсоқ таңдалған жоқ. Сол мамандықтар еңбек нарығында сұранысқа ие және лайықты жалақы алуға болады. Мәселен, графикалық дизайн, SMM, типография сияқты бағыттар бар. Бүгінде мүгедектердің дәл осы салаларда біліктілігі төмен.
Ресми мәліметке сәйкес, елімізде мүмкіндігі шектеулі азаматтардың саны 600 мыңнан асады. Олардың өте аз бөлігі ғана жұмыс істейді. “IteachMe” біліктілікті дамыту орталығы жүргізген зерттеуге сәйкес, мүгедектердің цифрлық технологиялар саласында жеткілікті білімі жоқ. Бұның барлығы қосымша білім алуға теріс әсер етеді және жұмысқа орналасу мүмкіндігін төмендетеді.
<blockquote>
 “Біз мүгедектігі бар әрбір адамның білім алу қажеттіліктерін ескере отырып, олардың білім алуы үшін жағдай жасаймыз. Бұл білім беру үдерісіндегі мүмкіндіктерді теңестіруге және білім алушылардың толық қамтылуын қамтамасыз етуге мүмкіндік береді. Сапалы білім мен лайықты жұмыспен қамту арасында тікелей байланыс бар деп есептейміз”, – дейді “Lider Z онлайн мектебі” жобасының жетекшісі Захира Бегалиева.
</blockquote>
Онлайн мектепте білім алу үшін үш сатылы іріктеуден өту қажет. Олар: өтінім беру, тест тапсыру, әңгімелесуден өту және питчинг.
Осылайша, ең ынталы қыз-жігіттер мектепке қабылданады және мұнда жас жағынан шектеу жоқ.
<h3 id="">Жұмысқа қалай орналасуға болады</h3>
Оқуды аяқтағаннан кейін түлектер Қазақстанның жетекші компанияларына барып, тағылымдамадан өте алады. Одан кейін өздері үшін сапалы портфолио жасап, жұмысқа орналасу мүмкіндігіне ие болады.
Ол үшін ұлттық және жергілікті IT-компаниялармен, соның ішінде “Зерде” ұлттық инфокоммуникациялар холдингі, Astana hub IT-стартаптардың халықаралық технопаркі сияқты компаниялармен ынтымақтастық туралы меморандумдарға қол қойылды. Соның аясында тағылымдамалар ұйымдастыру мен жұмысқа орналастыру шаралары қарастырылған.
15 қарашада жоспар бойынша оқытудың екінші легі басталады. Онда қазақ тілді студенттер оқитын болады. Оқыту онлайн режимде өтеді.
Айта кетейік, жоба “Ерекше таңдау–Шелек” корпоративтік қоры мен “Samruk-Kazyna Trust” әлеуметтік жобаларды дамыту қорының қолдауымен қолға алынды.

Қазақстанда тегін оқытып, жұмысқа орналастыратын жаңа жоба іске қосылды

<a href="https://kyzylorda-news.kz/">Kyzylorda-news.kz</a>.&nbsp;20 жəне 23 жасқа дейінгі жастар арасында ауыр атлетикадан Қазақстан Республикасының чемпионаты “ZOOM” бағдарламасы бойынша онлайн жүйеде өтті.
Ел чемпионатына Алматы, Шымкент қалаларынан жəне он екі облыстан 469 спортшы 20 салмақ дəрежесінде шеберлік байқасты.
Жарыс нəтижесінде облыс спортшылары екі жас ерекшелігі бойынша барлығы 7 алтын, 9 күміс, 4 қола медаль иеленіп, жалпыкомандалық есепте екінші орынды иеленді.
Жекелей есепте 59 келі салмақта Аяжан Нұржан (71+87=158), 81 келіде Есенгелді Сəпи (130+176=306) мен Динара Қыпшақбай (79+102=181) жəне 89 келіде Арыстанбек Жаханша (146+185=331) Қазақстан жеңімпазы атанды.
55 келіде Мақсат Қуантхан, 61 келіде Дінмұхаммед Данышпан, 64 келіде Нұрай Құрманбай, 89 келіде Нұрдаулет Қалдыбек, 102 келіде Бағдаулет Камал серпе жəне жұлқа көтеру жаттығулары бойынша күміс жүлделерге ие болды.
49 келіде Таңшолпан Қаюпова, 61 келіде Ерасыл Ергенбай жəне 109 келіде Əлішер Оразбек қола жүлделерді еншіледі.
<img src="https://kyzylorda-news.kz/wp-content/uploads/2020/11/124819649_5342316275794549_6683772356975392645_n.jpg" alt="" />
<img src="https://kyzylorda-news.kz/wp-content/uploads/2020/11/124539061_5342315562461287_3395290004591867839_n.jpg" alt="" />

Қызылордалық зілтеміршілер ел чемпионатында ІІ орынды иеленді

<a href="https://kyzylorda-news.kz/">Kyzylorda-news.kz</a>.&nbsp;Қызылорда қаласы Назарбаев Зияткерлік мектебінің оқушысы Нұрдәулет Таңатов Қазақстан шахмат федерациясы ұйымдастырған V онлайн-турнирде&nbsp; жеңіске жетті.
Жарыс «Almaty Online Chess Festival 2020» аясында өткізілді. Әртүрлі деңгейдегі және әртүрлі жастағы барлығы 184 қазақстандық шахматшы ел чемпионы атағы үшін ақ-қара ойынында күш сынасты.
<blockquote>
 «6 жасымнан бастап осы спорт түрімен әуестенемін және шахмат бұл логикалық ойлау мен есте сақтау қабілетін арттырудағы негізгі көмек құралы деп санаймын», – дейді Нұрдәулет.
</blockquote>
Жас спортшының қоржынында облыстық, республикалық және халықаралық турнирдегі жетістігін дәлелдейтін&nbsp; 30-дан астам марапат бар. 16 алтын, 9 күміс және 7 қола медальдің иегері әдеттегідей бірегей тактикасымен ерекшеленіп, республикалық шахмат аренасында тағы да жеңімпаз атанды.
<blockquote>
 «Турнир қорытындысы бойынша мен 6,5 ұпай жинап, 18 жасқа дейінгі категорияда бірінші орынды иелендім. Қарсыластар дайындығы мықты, әрі олардың арасында елдің атақты шахматшылары болды. Әр жарыс – мен үшін өз мүмкіндіктерімді бағалайтын, табысты ойын үшін жаңа білім мен тәжірибе жинақтайтын сабақ», –&nbsp; дейді чемпион.
</blockquote>
Биылғы жылда Нұрдаулеттің жеткен тағы бір үлкен жетістігі – «Қазақстан Республикасының спорт шеберіне кандидат» атағына ие болуы.
<img src="https://kyzylorda-news.kz/wp-content/uploads/2020/11/bd4fedea-91d2-4c9c-8bc0-a0e54fb30438.jpg" alt="" />

Қызылордалық жас шахматшы республикалық турнирдің жеңімпазы атанды

<a href="https://kyzylorda-news.kz/">Kyzylorda-news.kz</a>.&nbsp;&nbsp;Ақпарат және қоғамдық даму министрі Аида Балаева «Astana Media Week 2020» ашылуында сөз сөйледі, деп хабарлайды <a href="https://lenta.inform.kz/kz/aida-balaeva-kasibi-zhurnalistikanyn-damuyna-muddelimiz_a3717223">ҚазАқпарат</a>.
<blockquote>
 «Қазіргі уақытта бір адамның өзі ғана ақпарат көзіне айналатын уақыт келді. Өкінішке қарай кейде осындай адам шынайы ақпарат бермей, бүкіл елді адастыруы мүмкін. Сол үшін кәсіби журналистиканың дамуына мүдделіміз. Осынау міндет жаңа тегеуріндерге қарай күрделеніп бара жатқанын да атап өту керек. Мен ең алдымен журналистер шынайы әрі шұғыл ақпараттың қаншалықты маңызды екенін түсінсе деймін. Жалпы пандемия ақпарат саласына өз әсерін тигізді. Яғни, жарнама берушілер азайып, шығарылымдардың данасы түсіп кетті. Осындай жағдайда көптеген бұқаралық ақпарат құралдары жабылуға мәжбүр болды», – деген Аида Балаева.
</blockquote>
Министрдің айтуынша қазіргі БАҚ-тар арасында оқырман мен көрермен ықыласын аудару бәсекесі жүріп жатыр.
<blockquote>
 «Сондықтан әрбір арна сапалы әрі қызықты контент жасауды ойлайды. Әлеуметтік желілер арқылы жұмысын көрсетуге тырысады. Бұл ретте біздің БАҚ жоғары біліктілігі мен бәсекеге қабілеттілігін көрсетіп келеді. Олар өздерінің аудиториясы әр уақытта қызықты болуын тілеймін», – дейді Аида Балаева.
</blockquote>
Еске сала кетсек елордада Astana Media Week 2020 өтіп жатыр. Іс-шараның негізгі мақсаты – отандық медиасаланы дамыту мен индустриядағы іскерлік қарым-қатынасты аймақтық және халықаралық деңгейде ілгерілету. Медиаапталық төртінші жыл қатарынан әлемнің түпкір-түпкірінен жетекші сарапшыларды дәстүрлі түрде жинап келеді және өзекті <a href="https://www.inform.kz/kz/nur-sultanda-astana-media-week-2020-bastaldy_a3717211">тақырыптар талқыланады</a>.

Аида Балаева: Кәсіби журналистиканың дамуына мүдделіміз

<a href="https://kyzylorda-news.kz/">Kyzylorda-news.kz</a>.&nbsp;Қызылорда облысы әкімдігінің қаулысымен 2001 жылы ашылған «Өмірлік қиын жағдайда қалған адамдарды қайта әлеуметтендіруге&nbsp; арналған» мекемесі&nbsp; өмірлік&nbsp; қиын жағдайда қалған азаматтарға және &nbsp;бас бостандығынан айыру орындарынан босатылғандар мен пробация қызметі есебінде тұрған&nbsp; сотталғандарға қызмет көрсетеді. Бүгін осы орталық жанынан шеберхана ашылды.
Шеберхана осы орталықтағы азаматтарға және бас бостандығынан айыру орындарынан босатылғандар мен пробация қызметі есебінде тұрған&nbsp; сотталғандарға арналған.&nbsp; Олар шеберханада&nbsp; ағаштан түйін түйіп, темірден түрлі бұйымдар жасаумен айналысады. Қазіргі таңда орталықта 39 азамат болса, оның бесеуі пробация есебіндегі азаматтар.
<blockquote>
 &nbsp;«Туған- туыстарымен қатынасы, үй-күйі жоқ түзеу мекемесінен босатылған азаматтар осы орталықта бір жылға дейін тұрады. Орталық мамандары азаматтарға психологиялық, медициналық, экономикалық, мәдени, құқықтық, еңбек терапиясы, тұрмыстық&nbsp; көмек көрсетеді.&nbsp; Бүгінде&nbsp; пробация есебіндегі 5 азамат осы орталықта. Енді осы шеберханада&nbsp; есептегі азаматтарда жұмыспен қамтылатын болады. Шеберханаға&nbsp; шикізаттарды «Pro bono» қоғамдық қоры жеткізуде», – деді қалалық пробация қызметі бастығының орынбасары әділет майоры Д.Балғабаев.
 «Мен қаладағы&nbsp; ЗК-169/5 түзеу мекемесінен&nbsp; жазамды өтеп, босатылған соң баратын жерім болмағандықтан,&nbsp; осы орталыққа&nbsp; келдім.&nbsp; Орталықта&nbsp; үш мезгіл тамақ пен төсек-орын беріледі. &nbsp;Қазір пробация есебіндемін, уақытылы пробациялық тіркеуге барып тұрамын. Дәнекерлеуші мамандығым бар. Орталықтың ашқан шеберханасында дәнекерлеуші болып жұмыс жасайтын боламын. Пробация қызметі де біздің қоғамға бейімделіп кетуімізге көмек көрсетіп жатыр. Орталық қызметкерлері мен пробация инспекторларына алғысым шексіз»,- деді есептегі азамат.
</blockquote>
<img src="https://kyzylorda-news.kz/wp-content/uploads/2020/11/whatsapp-image-2020-11-10-at-18.19.49-1.jpeg" alt="" />
<img src="https://kyzylorda-news.kz/wp-content/uploads/2020/11/whatsapp-image-2020-11-10-at-18.19.49.jpeg" alt="" />
<img src="https://kyzylorda-news.kz/wp-content/uploads/2020/11/whatsapp-image-2020-11-10-at-18.19.48.jpeg" alt="" />

Қызылордада есептегі азаматтарға арналған шеберхана ашылды

<a href="https://kyzylorda-news.kz/">Kyzylorda-news.kz</a>.&nbsp;Облыстық білім басқармасының басшысы Ақзира Қасымова&nbsp;оқушыларды ғылымға баулуда Қорқыт ата атындағы Қызылорда университетімен екіжақты меморандум жасалғанын атап өтті. Яғни 54 инновациялық мектепте оқушыларды ғылыми жоба мен олимпиадаларға дайындау үшін жылына 1500 сағат бөлінген.
<blockquote>
 “Негізгі мақсатымыз – оқушыларды мектеп қабырғасынан бастап ғылымға баулу, жол көрсету. Меморандум аясында оқушылардың ғылыми жұмыстарына бірқатар университет ғалымдары жетекшілік етеді. Мәселен, облыс көлемінде бірнеше мектептерде жылыжай ұйымдастырылған. Жылыжайларда оқушыларға биология ғылымдарының кандидаты Рахат Құрманбаев, ауылшаруашылық ғылымдарының кандидаты Самалбек Қосанов жетекшілік етеді. Ал, ауылдық жердегі, Жаңақорған ауданындағы №195 мектеп-гимназияға тарих ғылымдарының докторы Дастан Сәтбай, филология ғылымдарының кандидаттары Айман Айтбаева, Райкүл Диуанова оқушыларды ғылыми жобаға дайындайды”, – дейді басқарма басшысы.
</blockquote>
Айта кетейік, Қызылордадан соңғы 3 жылда республикалық байқауларға 84 оқушы қатысып, 46 оқушы жүлде иеленді. Республикалық ғылыми жоба конкурсына 63 оқушы қатысып, 23 оқушы жеңімпаз атанды.

Ақзира Қасымова: Ғылымға қызығушылық танытқан әрбір оқушыны қолдауға дайынбыз

<a href="https://kyzylorda-news.kz/date/2020/11/10/?doing_wp_cron=1604987071.8866970539093017578125">Kyzylorda-news.kz.</a> Пандемия кезеңінде Сыр еліндегі Жастар театры онлайн форматта жұмысын жалғастырды. Театр ұжымы Абай Құнанбаевтың 175 жылдық мерейтойына арнайы онлайн өлең оқу эстафетасын, «Ұлттық ғашықтар» күні мерекесіне орай онлайн мәдени іс-шаралар ұйымдастырды. Ал, Отбасы күніне орай, қысқа метражды фильм түсіріп, көрермен назарына ұсынды.
Ең алғаш 2016 жылы құрылған Жастар театры өткен жылы 23 қойылым сахналап, көрерменнің жоғары бағасына ие болды. Аз ғана уақыт ішінде көптеген республикалық фестивальдер мен конкурстарға қатысып, жеңімпаз атанған театр ұжымы Қарағанды облысында ұлы ақынның 175 жылдығына орай өтіп жатқан «ТТТ» республикалық онлайн театрлар байқауында Оңталап Нұрмахановтың «Қалың елім, қазағым, қайран жұртым…» атты қойылымын ұсынды.
Театр әртістері пандемияға дейін Арал, Қазалы, Қармақшы, Жалағаш аудандарына және Шымкент қаласы Ж.Шанин атындағы облыстық академиялық драма театрында «Қыз қасқыр» атты қасіретнамалық қойылымымен гастрольдік сапарда болып, қалың жұртқа рухани азық сыйлады.

Қазақстан және Қызылорда облысының жаңалықтары

Жаңа жылдық кештерді өткізуге тыйым салынды

Ұлтаралық татулық біздің басты байлығымыз болуы керек – Нұрсұлтан Назарбаев

Алдағы күндері қар жауады

Қызылордада коронавирус инфекциясынынан 6 науқас емделіп шықты

«Пәтер алып беремін». Қызылордада алаяқ әйел ұсталды

Қазақстанда тегін оқытып, жұмысқа орналастыратын жаңа жоба іске қосылды

Қызылордалық зілтеміршілер ел чемпионатында ІІ орынды иеленді

Қызылордалық жас шахматшы республикалық турнирдің жеңімпазы атанды

Аида Балаева: Кәсіби журналистиканың дамуына мүдделіміз

Қызылордада есептегі азаматтарға арналған шеберхана ашылды

Ақзира Қасымова: Ғылымға қызығушылық танытқан әрбір оқушыны қолдауға дайынбыз

Сыр еліндегі Жастар театры 23 қойылым сахналады

Қазақстан және Қызылорда облысының жаңалықтары

Жаңа жылдық кештерді өткізуге тыйым салынды

Ұлтаралық татулық біздің басты байлығымыз болуы керек &#8211; Нұрсұлтан Назарбаев

Алдағы күндері қар жауады

Қызылордада коронавирус инфекциясынынан 6 науқас емделіп шықты

«Пәтер алып беремін». Қызылордада алаяқ әйел ұсталды

Қазақстанда тегін оқытып, жұмысқа орналастыратын жаңа жоба іске қосылды

Қызылордалық зілтеміршілер ел чемпионатында ІІ орынды иеленді

Қызылордалық жас шахматшы республикалық турнирдің жеңімпазы атанды

Аида Балаева: Кәсіби журналистиканың дамуына мүдделіміз

Қызылордада есептегі азаматтарға арналған шеберхана ашылды

Ақзира Қасымова: Ғылымға қызығушылық танытқан әрбір оқушыны қолдауға дайынбыз

Сыр еліндегі Жастар театры 23 қойылым сахналады

Ұлтаралық татулық біздің басты байлығымыз болуы керек – Нұрсұлтан Назарбаев