<a href="https://kyzylorda-news.kz/date/2020/07/13/">Kyzylorda-news.kz.</a> Мұқтаж жандарға Үкімет шілде айына 42,5 мың теңгеден төлейді. Бұл жайында Қазақстан Президенті Қасым-Жомарт Тоқаев мәлімдеді.
<blockquote>
 «Қазір жағдайдың реттеле бастағанының алғашқы нышандары байқалады. Ахуалды толық тұрақтандыру үшін алдағы екі аптаның маңызы зор. Мұқтаж жандарға Үкімет шілде айына 42,5 мың теңге төлейді» деп жазды Мемлекет басшысы&nbsp;<a href="https://mobile.twitter.com/TokayevKZ">Twitter</a>&nbsp;парақшасында.
</blockquote>
<img src="https://kyzylorda-news.kz/wp-content/uploads/2020/07/42-500.jpg" alt="" />

Мұқтаж жандарға Үкімет шілде айына 42 500 теңгеден төлейді

<a href="https://kyzylorda-news.kz/">Kyzylorda-news.kz.</a> Жат ағымдар туралы айтқанда ең алдымен жастардың мәселесі алға шығады. Себебі, деструктивті діни ағымды таратушылар алдымен жастарды жандарына жиюға тырысады. Олардың сенгіш, ақпараттарды талдай білмейтінін жақсы біледі.
Сонымен қатар, бүгінде жастардың 100 пайызға жуығы ғаламтор меңгерген. Ал, жалған діни ұстанымды таратушыларға әлеуметтік желілер арқылы насихат жүргізген өте оңай әрі оңтайлы. Олар осы әдіс арқылы адам психологиясына қалай әсер ету керектігін жақсы біледі.
Ғаламтор жайлы кеңірек әңгімелейтін болсақ, бір минутта ютубта 400 сағаттық видео жүктеледі, ватсапта 50 млрд смс хаттар жіберіледі, инстаграмда 50 мың сурет жүктеледі. Ал, гуглға минутына 4 млн рет сұраныс түседі. Әрбір минутта ВКонтакте парақшасында 3,5 млн пост жасалады екен.
Осылардың ішінде қаншасы діни ақпарат екенін ешкім білмейді. Жоғарыда аталған цифрлардың 1 ғана пайызы деструктивті діни ағымдардың таратқан мәліметі дейтін болсақ, онда миллиондаған жастың бір сағат ішінде психологиясы өзгеріске ұшырады деген сөз.
Біздің дін орталығының мамандары мектептегі, орта және жоғарғы оқу орындарындағы жастармен жиі кездесулер ұйымдастырамыз. Әр кездесулерде оларға түрлі анкеталар таратып, ойларын білуге тырысамыз. Сауалнамамыз көрсеткендей, жастардың 60-70 пайызы діни білім туралы ақпаратты ғаламтордан алады екен. Ал, әлеуметтік желілердегі ақпараттың бәрі ақиқат деп айтуға болмайды. Осыған қарап-ақ деструктивті діни ағымдардың теріс идеологияларының ағын судай тасып жатқанын аңғару қиын емес.
Қызылорда облыстық ішкі саясат басқармасының Дін мәселелерін зерттеу орталығының мамандары әрдайым әлеуметтік желілерге талдау жүргізіп отырады.
Орталықтың «Интернет және БАҚ-пен жұмыс бөлімі» қызметкерлері Ақпарат және қоғамдық даму министрлігінің Қоғамдық келісім комитетінің дінтану сараптамасына айына күмәнді делінген 20-ға жуық ақпарат жібереді. Олардың ішінде аккаунт, электронды кітаптардың сілтемелері бар. Комитет мақұлдаған 7-8 ақпарат пен аккаунт жойылады. Бірақ, келесі айда тағы сараптама жасағанда біз жойған ақпараттар өзге аккаунттар мен желілерде қайта көрініс табады. Бұл дегеніміз интернет желілеріндегі ақпараттарды мүлдем жою мүмкін емес деген сөз.
Теріс діни ағымдарды насихаттайтын ақпараттардың кең етек алуының себебін де анықтауға тырыстық. Тағы сол жастар арасында сауалнама өткізіп, зерттеу жасағанымызда жастар ВКонтакте, Инстаграм, Одноклассники желілерінен лақап (фейк) атпен жеке парақшаны 5-10 минут ішінде ашып, оны қолдана алатындарын жеткізді. Демек, әлеуметтік желілердегі ақпаратты біз жойып, оларды таратушы аккаунттарды өшіргенімізбен оны өзгеше етіп қайта ашудың еш қиындығы жоғын білдік. Ал, бізге олардың таратқан теріс ақпараттарын жою үшін біраз уақыт жұмсауымызға тура келеді.
Бүгінде ата-аналардың балаларымен өткізетін уақытының аздығы да жастардың жиі адасуына алып келетіндігін айта кету керек. Жастар мен жасөспірімдердің сөзінше, ата-аналары күндіз жұмыста жүретіндіктен тәрбиелік бағытқа немқұрайлы қарайды. Әрине, әке-шешесі сол балалардың жақсы жағдайы үшін тынымсыз еңбек етеді, шаршап үйіне келеді. Балаларының өзге уақыттарда немен шұғылданып жүргенін зерттей бермейді. Күндізгі тәрбиесін оқу орындарындағы ұстаздарына артып қойған. Балаларына қымбат ұялы телефон алып бергенімен, оның ішінде қай ақпарат ұрпағының санасын улап жатқанын сезбейді. Күндіз немен айналысып жүргенінен хабарсыз.
Ұлы немесе қызы дінге бет бұрса, балам имандылыққа бет бұрды деп қуанады. Шын мәнісінде, ол қандай дін ұстанғанын ұқпайды. Сол үшін әрбір ата-ана өз баласының өзінің және мемлекеттің болашағы екеніне баса мән беру керек. Тәрбиесімен жіті айналысып, оның озық ойлы азамат болып қалыптасуын қатаң бақылауға алғаны жөн. Өйтпеген жағдайда, деструктивті ағымдар әке-шешенің бұл қателігін мүлт жібермей, өз мақсаттарына пайдалануы әбден мүмкін.
Шәрібай ТОБЖАНОВ,
Қызылорда облыстық ішкі саясат басқармасының
Дін мәселелерін зерттеу орталығының маманы

Интернеттегі адастырғыш иірімдер

<a href="https://kyzylorda-news.kz/">Kyzylorda-news.kz.</a> Ажал айтып келмейтіні баршаға аян. Дегенмен соңғы уақытта елде қайтыс болған жандардың қатары жиілеп, қайғыдан қабырғасы қайысқан отбасылардың саны артып кетті. Тіпті бір шаңырақтың бірнеше адамы көз жұмғанын естіп, жүрегіміз езілді. Алайда қолдан келер шара жоқ. Жақын-жуығынан айырылып, қайғы-мұңның ащы дәмін татқан ағайынға басу айтудан басқа амал бар ма?
Президент Қасым-Жомарт Тоқаев 13 шілдені – Ұлт азаттық аза тұту күні етіп жариялады. Бүкіл халық болып, коронавирус індетінен қайтыс болған азаматтарды бір минуттық үнсіздікпен еске алдық. Оларға деген құрмет, сағыныш бұнымен басылмайды. Алла алдарынан жарылқап, пейіштің төрінен орын бұйырғай. 
Әр отбасына көңіл хошын білдіре отырып, ардақты жандардың артында қалған ұрпақтарын сабырға шақырамын. Ендігі жерде шаңырақтарыңызда тек қуаныш болсын!
Бүкіл әлем халқы осы індетпен күресуде. Біздің елде де сауықтыру шаралары атқарылуда. Бұл күндердің де артта қалып, мамыражай мезгілдің туарына сенейік. Көп болып күресе білейік, бір-бірімізге қолдау танытып, өзіміздің және өзге жандардың денсаулығы, амандығы үшін бекітілген ережелерді қатаң ұстануға шақырамын.
Ажаркүл АЛДАЖАРОВА,
Қазақ КСР Мемлекеттік сыйлығының иегері,
Қазалы ауданының Құрметті азаматы
<img src="https://kyzylorda-news.kz/wp-content/uploads/2020/07/azharkuel-aldazharova-1.jpg" alt="" />

Ажаркүл Алдажарова: Ауыр күндер артта қалсын

<a href="https://kyzylorda-news.kz/">Kyzylorda-news.kz.</a> 2020 жылғы 6 мамырда Қазақстан Республикасының «Ардагерлер туралы» Заңы (әрі қарай- Заң) қабылданды. 
Аталған Заң арнаулы мемлекеттік жәрдемақы алуға құқығы бар азаматтарды мемлекеттік әлеуметтік қамсыздандыру саласындағы қатынастарды реттейді. 
Заңға сәйкес төмендегі санаттар үшін белгіленген коэффициенттердің өзгеруіне байланысты арнаулы мемлекеттік жәрдемақылардың мөлшері қайта қаралатын болады: 
-1988–1989 жылдары Чернобыль АЭС-тағы апаттың салдарын жоюға қатысушылар, қоныс аудару күні құрсақта болған балаларды қоса алғанда, оқшаулау және көшіру аймақтарынан Қазақстан Республикасына қоныс аударылғандар (өз еркімен кеткендер) қатарындағы адамдарға-2,13 айлық есептік көрсеткіштен(әрі қарай – АЕК)4,8 АЕК-ке көбейіп, (27784,8)=13335 тг, яғни 7418 теңгеге ; -Ұлы Отан соғысының қатысушылары арасынан шыққан Социалистік Еңбек Ерлеріне –74,65АЕК-тен 138,63 АЕК-ке (2778138,63)=385114 тг, яғни 177736 теңгеге ; 
-Социалистік Еңбек Ерлеріне, үш дәрежелі Еңбек Даңқы ордендерінің иегерлеріне–9,60 АЕК-тен 138,63 АЕК-ке (2778138,63)=385114т, яғни 358445теңгеге өседі. Сонымен қатар, жаңадан төмендегі санаттағы азаматтарға 4,8 АЕК(27784,8)=13335 теңге мөлшеріндеарнаулы мемлекеттік жәрдемақыны тағайындап, төлеу енгізілді: 
-Тәжікстан-Ауғанстан учаскесінде Тәуелсіз Мемлекеттер Достастығының шекарасын қорғауды күшейту жөніндегі мемлекетаралық шарттар мен келісімдерге сәйкес міндеттерін орындаған Қазақстан Республикасының әскери қызметшілеріне;
Ирактағы халықаралық бітімгершілік операцияға бітімгерлер ретінде қатысқан Қазақстан Республикасының әскери қызметшілеріне;
Таулы Қарабахтағы этносаралық қақтығысты реттеуге қатысқан әскери қызметшілер, сондай-ақ бұрынғы КСР Одағы ішкі істер және мемлекеттік қауіпсіздік органдарының қатардағы және басшы құрамының адамдарына.
Аталған жәрдемақы оны алу құқығы туындағаннан кейін жәрдемақы тағайындау үшін жүгінген күннен бастап тағайындалады. Барлық қажетті құжаттарымен бірге өтініш берілген күн жүгінген күн болып есептеледі.
Сондықтан, жәрдемақы алуға құқығы бар азаматтар жәрдемақы тағайындау үшін тұрғылықты жері бойынша “Азаматтарға арналған үкімет “Мемлекеттік корпорацияның бөлімшесіне нысан бойынша өтінішімен қоса қажетті құжаттарды ұсынады.
ЭЦҚ-сы (электронды цифрлық қолтаңба) болған кезде өтініш берушінің мемлекеттік көрсетілетін қызметті портал арқылы электрондық нысанда алуға мүмкіндігі бар. Өтініш берушінің мемлекеттік қызметті көрсету статусы туралы ақпаратты порталдың «жеке кабинеті», көрсетілетін қызметті берушінің анықтамалық қызметтері, сондай-ақ «1414», 8-800-080-7777 бірыңғай байланыс орталығы арқылы алуға мүмкіндігі бар.
Лиман БОРАНБАЕВА, 
Еңбек, әлеуметтік қорғау және көші-қон 
комитетінің Қызылорда облысы бойынша 
департамент басшысының міндетін атқарушы

Ардагерлер үшін жәрдемақының жаңа  мөлшері тағайындалды

<a href="https://kyzylorda-news.kz/">Kyzylorda-news.kz.</a> Сенаттағы орындарға 92 кандидат үміткер, деп хабарлайды <a href="https://lenta.inform.kz/kz/senattagy-oryndarga-92-kandidat-umitker-bolyp-otyr_a3672199">ҚазАқпарат</a>.
Орталық сайлау комиссиясының отырысы барысында Берік Имашев аумақтық сайлау комиссиялары ұсынған мәліметтерге сәйкес, республика бойынша Қазақстан Республикасы Парламенті Сенатының депутаттығына 94 кандидат ұсынылғанын хабарлады.
<blockquote>
 «Салыстырмалы түрде 2017 жылы Сенатқа кезекті сайлауда 89 кандидат ұсынылған, 2014 жылы – 88, 2011 жылы – 96 кандидат ұсынылған болатын. Қазіргі уақытта Сенат депутаттығына кандидаттарды тіркеу процесі жүріп жатыр. Ол осы ағымдағы жылдың 23 шілдесіне дейін жалғасады», – деді Берік Имашев.
</blockquote>

Сенаттағы орындарға 92 кандидат үміткер болып отыр

Kyzylorda-news.kz. Орны толмас қаза Сыр жұртшылығын тағы есеңгіретті. Күні кеше ғана Әскербек Рахымбекұлындай алып жүректің тоқтағанын естіп, төбемізден жай түскендей күй кешкен едік. Бүгін ше…?
Желдей жылдам суыт хабар Сыр журналистикасының абызы Айжарық Сәдібекұлының мәңгілік мекеніне аттанғанынан құлағдар қылды. Мұндайда қалам шіркін де жүрмейді екен-ау. Өмір заңы деп өз-өзімізді жұбатқанымызбен, ақеден аға болмысын өлдіге қимай далмыз…
«Өлді деуге бола ма айтыңдаршы, өлмейтұғын артында сөз қалдырған» демекші, саналы ғұмырын шығармашылық салаға арнап, сырбаз мінезімен көптің жүрек кестесінде жатталған жанның жүріп өткен жолын қамыға отырып еске түсіреміз деп ойлап па едік. 
Айжарық Сәдібекұлы – 1939 жылы Қызылорда облысы, Арал ауданы, «Қармыс» елді мекенінде дүниеге келген. Арман жетегінде қияға қанат қаққан қағылез ұл Н.В.Гоголь атындағы педагогикалық институттың филология факультетін тәмамдаған болатын. 1966-1971 жылдары аудандық «Жаңадария», «Сырдария» газеттерінде бөлім меңгерушісі ретінде алғашқы еңбек жолын бастаған қалам иесінің онан кейінгі кезеңдерде қызмет баспалдағы 1972-1997 жылдар аралығында облыстық «Ленин жолы» (қазіргі «Сыр бойы») басылымында жалғасып, еңбекші хаттары, совет құрылысы, партия тұрмысы, саясат және қоғам бөлімдерінде тілші, аға тілші болып ізденімпаздағымен дараланды. Аталған басылымда өлшеусіз еңбек етіп, өшпес қолтаңбасын қалдырған Айжарық Сәдібекұлы бұдан бөлек, яғни 1993-2000 жылдар ішінде республикалық «Сұхбат» және «Түркістан» саяси газеттерінде Қызылорда облысындағы меншікті тілшісі қызметтерін абыроймен атқарған-ды. Қаламның құдіретін ойлы оқырманға ұғындыра білген сала мақтанышы толымды туындылары арқылы өзін кітап сүйер қауымға мойындата алды.
Шығармашылық шыңын бағындыра білген абзал азамат тұңғыш әңгімесін облыстық газетте жариялап, тың ойларымен ерекшеленді. Руханият саласының көкжиегін кеңейтуге сүбелі үлес қосқан Айжарық Сәдібекұлы «Дария жыры», «Көктемін күткен ару», «Жүректегі жауһарлар», «Аққұмның ақ түндері», «Бал айы», «Жұмыр жерде біз бармыз», «Ашық мұқитқа шыққан алып», “Дарияның тұмасынан қар боратқан”, “Парасат майданы”, “Бұрынғының адамдары” сынды еңбектерімен жұртшылық ықыласына бөленді. Қаламгер көзі тірісінде облыстық партия және комсомол комитеттерінің, облыстық советінің Құрмет грамоталарымен «Қазақстан Республикасының Конституциясының 10 жылдық медалімен, Қазақ ССР Жоғарғы Советінің грамотасымен, облыс, қала әкімі мен облыстық мәслихаттың Құрмет грамоталарымен, Қазақстан Республикасы Президентінің Алғыс хатымен марапатталған. Қызылорда облысы әкімінің 2003 және 2009 жылдардағы стипендиаты.
Көркем әдебиеттің көрнекті өкілі қай кезде де туралықтың ақ туын биік ұстады. Жазушы ағамыз ізіне ерген рухтас жас буынға адал жолды нұсқап, қалам ұстаудың өзіндік қызығы мен қиыншылығы қатар жүретінін үнемі айтудан жалықпады.
Адам бұл фәниге қонақ. Өмір бар жерде қаза бар. Алайда қаламы қуатты қаламгердің берері әлі көп еді. Асылымыздың қайғысына ортақтасып, көңіл айтамыз. Артында қалған мол мұрасы уақыт алға озса да, қанша буын алмасса да ұмытылмайтынына сенеміз. Жатқан жерің жайлы, иманың жолдасың, алдың жарық болсын аға! Елің барда сіз де барсыз.
Марқұмның жаназа намазы 14 шілде күні сағат 11:00-де “Ақмешіт” мөлтек ауданы 23 үй алдында (4 кв.) өтеді.
“Сыр медиа” ЖШС ұжымы

Жазушы, журналист Айжарық Сәдібекұлы дүние салды

<a href="https://kyzylorda-news.kz/">Kyzylorda-news.kz.</a> Магистратура мен докторантураға түсу үшін өтініш қабылданып жатыр, деп хабарлайды ҚР БҒМ баспасөз қызметі.
15 маусымнан 15 шілдеге дейін магистратураға түсуге арналған кешенді тестілеуге қатысу үшін өтініштерді қабылдау жүргізіледі. Тестілеу электронды форматта 1 – 15 тамыз аралығында өткізіледі. Магистратура бойынша білім беру грантын тағайындау конкурсына қатысу үшін өтініштер 16 – 20 тамыз аралығында қабылданады.
3 шілдеден 3 тамызға дейін докторантураға түсуге өтініштерді қабылдау жүргізіледі. Докторантураға түсу емтихандары 4 – 20 тамыз аралығында өткізіледі. Өтініштерді ҚР БҒМ Ұлттық тестілеу орталығының сайты арқылы ЖОО қабылдау комиссиялары қабылдайды.

Магистратура мен докторантураға түсу үшін өтініш қабылданып жатыр

<a href="https://kyzylorda-news.kz/">Kyzylorda-news.kz.</a> Тәуелсіз Қазақстан тарихында тоғызыншы рет аза тұту күні жарияланды.
Алғаш рет Ұлттық аза тұту күні 2006 жылы жарияланды. 20-шы қыркүйекте Қарағанды облысы Ленин атындағы шахтадағы жарылыстан 41 шахтер қаза тапқан еді.&nbsp;
Екінші рет 2008 жылдың қаңтарында осы Қарағанды облысының Абай шахтасындағы жарылыстан 30 кенші мерт болды.&nbsp;
2010 жылы наурызда Алматы облысының Қызылағаш ауылын су басып, 45 адам бақилық болды.&nbsp;
Ал 2012 жылдың маусымында Арқанкерген оқиғасы болып, шекара бекетіндегі шабуылдан 15 шекарашы&nbsp;қаза тапты.
Сол жылдың желтоқсан айында ҰҚК тиесілі əскери ұшақ құлап, 27 адам көз&nbsp;жұмды.&nbsp;
2013 жылдың қаңтарында Көкшетау-Алматы бағытындағы жолаушылар ұшағы апатқа ұшырады. 16 жолаушы мен 5 экипаж мүшесі қайтыс болды.
2016 жылы маусымда Ақтөбеде болған лаңкестік оқиғадан 8 адам құрбан болды.
2019 жылдың желтоқсанында Алматы – Нұр-Сұлтан бағытындағы жолаушылар ұшағы апатқа ұшырап, 12 адам қаза тапқан еді.

Қазақстанда тоғызыншы рет аза тұту күні жарияланды

<a href="https://kyzylorda-news.kz/">Kyzylorda-news.kz.</a> Денсаулық сақтау министрлігі коронавирустан емделуде денсаулыққа кері әсер ететін алты әдісті атады.
COVID-19-бен күресудің мұндай тәсілдеріне сода ингаляциясы, сарымсақ суының таңғажайып әсері және антибиотиктердің шамадан тыс қолданылуы мен басқа да денсаулыққа қауіпті халық емі жатады.
Ингаляциялық бу терапиясы
Мұндай жолмен емдеу әдісінің тиімділігі ғылыми дәлелденбеген. Сонымен қатар, сода қосылған “ыстық ванна” шырышты қабықты күйдіріп немесе Квинкенің ісінуіне әкелуі мүмкін. Ал содаға аллергия болса, шырышты қабаттың күюі немесе Квинкенің ісіну қаупі жоғары. Сонымен қатар, ингаляция жасауға бірқатар қарсы көрсетілімдер бар. Мысалы, гипертермия – жоғары дене температурасы, гипертония – жоғары қан қысымы, жүрек-тамыр аурулары немесе бүйрек қызметі бұзылған жағдайда бұл емді қолдану денсаулыққа қауіпті.
Сарымсақ суын ішу немесе аш қарынға сарымсақ жеу
Асқазан-ішек жолдары аурулары бар адамдарға сарымсақ суын ішуге немесе сарымсақ жеуге болмайды. Мұндай суды ішу асқазанды ауыртып, асқазан қыжылы мен бауырдың шаншуына әкелуі мүмкін. Осы табиғи антисептиктің барлық антимикробтық қасиеттеріне қарамастан, оның коронавируспен күресу тиімділігі дәлелденген жоқ.
Арақ немесе спирт буымен дезинфекциялау
Алкогольді шамадан тыс мөлшерде тұтыну иммундық жүйені тежейді. Бұл вирустың тезірек өршу қаупін арттырады. Сондай-ақ, жүрек-қан тамырлары аурулары мен бауыр дертінің асқыну қаупін арттырады және емдеуді қиындатады.
Өкпеде ауа айдау үшін шар үрлеу
Өкпеге жасалатын мұндай жаттығу коронавирус инфекциясының асқынуына әкелуі мүмкін. Бұл әдіс альвеолаларға әсер етіп, интерстициалды қабыну пайда болады. Осы жағдайда өкпе тініне жаппай зақым келіп, оны осал етеді. Өкпеге түсетін кез-келген жүктеме, мысалы, шарды үрлеу сияқты әрекеттер оны жыртып жіберуі мүмкін, салдарынан тыртық ұзақ уақыт жазылмайды.
Сонымен қатар, кеуде қуысына жылдам қозғалыспен шамадан тыс күш түсіру өкпе жарақатына әкеледі. Науқастың қақырығына қан араласып, ол қан түкіруге ұласуы мүмкін. Сол сияқты альвеолаларды зақымдаумен қатар, тыныс алуды қиындатып, эмфиземаның дамуы мен өкпе фиброзының күшеюіне әкелуі мүмкін.&nbsp;
Хиджама COVID-19 вирусын өлтіре ме?
Хиджаманың (қан алдыру әдісі) да тиімділігі ғылыми негізделмеген. Хиджама медициналық процедураға жатпайды, оны созылмалы жүрек патологиясы, қан жасушаларының төмен концентрациясы, кез келген қан тамырының патологиясы, тіпті психикалық ауытқулар кезінде де жасауға болмайды. 65 жастан асқан адамдар мен балалардың көп қан жоғалту қаупі бар.
Антибиотикті неге ішпеу керек?
Бүгінде коронавируспен ауырсаңыз, шұғыл түрде антибиотик ішу керек деген ақыл-кеңес көп айтылып жүр. Алайда дәрігерлер екі себепке байланысты антибиотик қабылдамауға кеңес береді. Біріншіден, аурудың симптомсыз және жеңіл түрінде 80% жағдайда организм вирусты өздігінен жеңе алады.
Ал температураны төмендету үшін парацетамол немесе ибупрофен ішу керек, дейді мамандар.
Екіншіден, антибиотиктерді ұзақ уақыт және жиі қолдану әсерінен бактериялардың дәріге төзімділігі пайда болуы мүмкін. Яғни, кейін антибиотик шын қажет болғанда, ол науқасқа көмектеспейді деген сөз. 
<a href="https://sputniknews.kz/society/20200709/14430586/Khalyk-em-dariger-koronavirus.html">Sputnik</a>

Коронавируспен ауырғанда қандай халық емін қолдануға болмайды?

<a href="https://kyzylorda-news.kz/">Kyzylorda-news.kz.</a> Президент Қасым-Жомарт Тоқаев елімізде коронавирус індетінен қайтыс болған азаматтарды еске алу үшін 13 шілдені Ұлттық аза тұту күні деп жариялады.
Бұл індет көп шаңырақты қара жамылдырып, отбасын арқа сүйер азаматынан, асыл анасынан, ақылшы қарияларынан айырды. Осы сәтте сол отбасыларға қайғыра көңіл айтамын.
Ел арасында індетті жұқтырған елдің маңдайалды азаматтары да бар. Олар әлі де мемлекет үшін біраз дүние жасап, өз салаларында жетістікке жетер еді. Олардың қатарында өзгенің өмірін сақтап қалу үшін өз басын қатерге тіккен ақ халатты абзал жандар, халыққа қызмет етіп жүрген әкім орынбасарлары, билік пен халық арасындағы алтын көпірге айналған журналистер, өнерімен елді сүйсіндірген өнер иелері де бар. Еліміздің осындай асылдарынан айырылуы халыққа ауыр тигені анық.
Бұл індетті ауыздықтау өз қолымызда. Қазіргі таңда жауапты мамандар мемлекет басшысының тапсырмасына сәйкес, барлық іс-шараларды қолға алды. Оған қоса, халық та «Бір жеңнен қол, бір жағадан бас шығарып», қоғам белсенділеріне ілесіп, ажалмен арпалысып жатқан жандарға көмек беріп жатыр. Еріктілер де күндіз-түні тынбай дәрігерлерге көмек көрсетуде. Бұл біздің ауызбіршілігіміздің бар екендігін, өзгенің қайғысына немқұрайлылық таныта алмайтынымызды білдіреді.
Ендігі кезекте халық мамандардың кеңесін бұлжытпай орындап, сақтық шараларын ұстануы қажет. Тәртіпке бағынғанда ғана біз бұл індетті жеңе аламыз.
Ғазиз ҚЫРДАНОВ
Сырдария ауданындағы №44 орта мектептің мұғалімі

Ғазиз Қырданов: Індетті ауыздықтау – өз қолымызда

Kyzylorda-news.kz. Ауа райының бұзылуына байланысты еліміздің бірқатар өңірінде ескерту жарияланды, деп хабарлайды «Қазгидромет» РМК баспасөз қызметі.
14 шілдеде&nbsp;Қызылорда облысының&nbsp;кей жерлерінде шаңды дауыл сақталады. Облыста және Қызылорда қаласында солтүстік-шығыстан соққан желдің күші 15-20 м/с жетеді. Күндіз 43 градус аптап ыстық болады.
Осы күні Қызылорда қаласында шаңды дауыл соғып, 41 градус ыстық сақталады.
14 шілде күндіз&nbsp;Ақмола облысының&nbsp;кей жерлерінде найзағай жарқылдап, солтүстіктен және солтүстік-шығыстан соққан желдін екпіні 15-20 м/с дейін күшейеді. 14-16 шілдеде облыстың кей жерлерінде 35 градус ыстық және өте жоғары өрт қаупі сақталады.
14 шілдеде&nbsp;Маңғыстау облысының&nbsp;кей жерлерінде шаңды дауыл соғып, жел оңтүстік-шығыстан солтүстік-батысқа ауысады. Жел жылдамдығы – 15-20 м/с.
Күндіз кей жерлерде найзағай ойнап, 38-41 градус қатты ыстық сақталады.
Күндіз 14-16 шілдеде&nbsp;Қостанай облысында&nbsp;және облыс орталығында 35-39 градус ыстық болады.
14 шілдеде&nbsp;Қарағанды облысында&nbsp;солтүстік-шығыстан және шығыстан жел соғады. Кей жерлерде жел қарқыны 15-20 м/с жетеді.
Жезқазған қ аласында солтүстік-шығыстан және шығыстан соққан желдің екпіні күндіз 18 м/с дейін күшейеді.

Қызылордада 43 градус ыстық болады

Kyzylorda-news.kz. Бүгін Қазақстан Республикасының Президенті Қ.К. Тоқаевтың 2020 жылғы 9 шілде күнгі № 116 «Қазақстан Республикасында коронавирус індетінен қайтыс болған азаматтарды еске алу жалпыұлттық аза тұту күнін жариялау туралы» өкіміне сәйкес республика бойынша Нұр-Сұлтан қаласының уақытына сәйкес сағат 12.00-де (жергілікті уақытпен сағат 11.00) 1 минуттық үнсіздікпен еске алу рәсімі өтті.
Қызылорда облысында 1 минуттық үнсіздікпен еске алу рәсімі 4 жерде ұйымдастырылды. Атап айтсақ, облыс әкімдігі ғимаратының алдындағы алаңынан облыс әкімі, әкімнің орынбасарлары, аппаратының басшысы, облыстық ардагерлер кеңесінің төрағасы, Рәміздер алаңынан полиция қызметкерлері, облыстық медициналық орталығының алаңынан дәрігерлер және Қорқыт ата атындағы университетінің бас корпусының алаңынан ректордың орынбасарлары, ардагер ұстаздар, кәсіподақ және жастар ұйымының төрағалары қатысты.
Мемлекеттік органның, Қорқыт-ата атындағы университеттің өкілдері, полиция қызметкерлері мен дәрігерлер қаза болған адамдарды құрметтеу мен еске алу белгісі ретінде киімдеріне қаралы таспа тақты.
Белгілі болғандай, «Мемлекеттік рәміздер туралы» ҚР Конституциялық заңына сәйкес аза тұту күні бүкіл ел бойынша мемлекеттік органдардың, сондай-ақ, дипломатиялық өкілдіктердің ғимараттарында мемлекеттік тулар түсірілуі тиіс, «Жарнама туралы» Заңға сәйкес барлық теле- және радиоарналардың хабар тарату торынан жарнамалық контентті алып тастау қажет және т.б.
<img src="https://kyzylorda-news.kz/wp-content/uploads/2020/07/fb_img_1594626005502.jpg" alt="" />

Қазақстан және Қызылорда облысының жаңалықтары