<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаевтың бүгінгі тапсырмасы қуғын-сүргінге тұшыраған азаматтарымыздың есімін ақтау жұмысының ары қарай жалғасуы мен жазықсыз жапа шеккен көптеген топтардың ақталуына жол ашады деп үміттенеміз.
Себебі, тарихтың шаңына көміліп, әлі күнге дейін есімі ақталмай, ұмыт қалған ақтаңдақтарымыз жетерлік. Солардың бәрін тарих қойнауынан аршып алып, ұрпағымен қауыштырсақ – жазықсыз жазаланғандардың рухына деген құрметтің ең үлкені, ақтаңдақтар алдындағы әділетті шешім болар еді.
Бұл күн – қазақ халқы үшін еленетін күндердің бірі болып табылады. Себебі қазақ халқының ХХ ғасырдағы тағдыры кеңестік үкімет тарапынан қуғын-сүргінге толы кезең болды. ХХ ғасырдағы Столыпиннің аграрлық реформасын іске асыру негізінде қазақтардың жерлері тартып алынып Ресей империясының ішкі аймақтарынан келгендерге берілсе, 1916 жылғы көтеріліс кезінде орыс әскерлерінің жазалаушы отрядтары жүздеген, мыңдаған қазақтарды күнделікті қырып жатты. Кеңес үкіметі орнағанда қазақтарға кезінде Американы жаулаушылардың үндістерге қарағандай көзқарасы орнады деуге болады.
Мұстафа Шоқайдың «Туркестан под властю Советов» атты еңбегінде Сыр бойында «Кеңес үкіметінің өкілі Гержот миллион қазақты қырып-жойды» деген мәлімет бар. Бұл асыра сілтеушілік болса керек, бірақ бұлай жазудың өзі мыңдаған қазақтың қырылғанын білдіреді. Кеңес үкіметінің басшылығындағы кемшіліктер 1920-1921 жылдары Қазақ жерінде орын алған ашаршылықтан жүздеген мың қазақтың қырылуына әкелді. Ал 20-шы жылдардың соңындағы ұжымдастыру бағдарламасы, Голощекиннің «Кіші октябрь» бағдарламасы қазақ халқының жартысынан көбісінің қырылып, өз жерінен безуіне себеп болды. Отызыншы жылдардың екінші жартысындағы тарихта «отызыншы жылдардағы репрессия» атауымен қалған кезең енді ғана қалыптасып, бойын түзеп, қанатын қағып, қазақтың қамын ойлап мәдениетін, білімін, өнерін, экономикасын көтеруді қолға алған ұлттық инттеллигенцияның қырылған кезеңі болды. Кеңес үкіметі Орта Азия халқы ішінде қайсарлығымен, білімімен ерекшеленген. Ұйымдастырушылық қабілеті зор қазақ халқынан үрейленіп, кеңестіктер әдейі қазақ ұлтын жою жолына түскендей болды.
Ұлы Отан соғысы басталғанда Қазақстаннан 1,2 милион адам әскер қатарына алынды. Бұл 1939 жылғы санақ мәліметттерінде көрсетілген 6 151 мың адамның 20 пайызы әскерге алынды дегенді білдіреді. Мұндай көрсеткіш соғыс өрті шарпып өткен Украина, Беларусь, Ресейдің батыс аймақтарынан кейінгі орында Қазақстан болғанын көрсетеді. Өндіріс орындары аз, негізінен ауыл шаруашылығымен айналысатын қазақ халқын сыпырғымен сыпырғандай әскер қатарына алып кетті. 600 мыңнан астам Қазақстандық ұрыс далаларында қалып елге оралмады.
Оның үстіне Кеңес үкіметі қазақ жерін үлкен түрмеге айналдырып соғыс алдында, соғыс жылдары, соғыстан кейін де миллиондаған басқа ұлт өкілдерін Қазақстанға қоныс аударып елдегі әлеуметтік, экономикалық жағдайды күрт нашарлатып жіберді. Қазақ халқы бұл этностардың келгеніне қуанбаса да қолынан келген көмегін берді. Кеңес үкіметі болса осы саясатының арқасында қазақтардың өз жерінде тұрып тілінен, мәдениетінен, өнерінен айрыла бастағанын көріп, керісінше бұны қоштап осы бағытын әрмен қарай дамуына жағдай жасады.
Сондықтан репрессия құрбандарын еске алғанда біз ХХ ғасырдың қазақ халқына нәубет әкелген ғасыр болғанын еске алып, мұндай жағдайдың қайталанбауы үшін есте сақтауымыз керек.
Айтжан ОРАЗБАҚОВ,
«Nur Otan» партиясы «Тұран» филиалы Саяси Кеңес мүшесі,
Қорқыт Ата атындағы ҚМУ-нің «Қазақстан халқы Ассамблеясы» кафедрасының меңгерушісі,
тарих ғылымдарының кандидаты, доцент.

Айтжан Оразбақов: Ақтаңдақтар алдындағы әділетті шешім

<a href="https://kyzylorda-news.kz/">Kyzylorda-news.kz.</a> Бүгін Мемлекет басшысы Қасым-Жомарт Тоқаев Саяси қуғын-сүргін және ашаршылық құрбандарын еске алу күніне орай&nbsp;<a href="https://kyzylorda-news.kz/kogam/memleket-basshysynyng-sajasi-qwghyn-suergin-zhaene-asharshylyq-qurbandaryn-eske-alw-kuenine-oraj-uendewi-64734/">үндеу жариялады</a>.
Жасыратыны жоқ, осы уақытқа дейін халқымыздың тарихындағы осы бір қасіретті кезең туралы аз айтылған да, аз жазылған да жоқ.
Ардақты асылдарымызды қынадай қырған нәубеттің қазақ халқына тигізген зардабы көп. Саяси қуғын-сүргін жылдары, сталиндік репрессия салдарынан қазақтың 70 мыңға жуық көзі ашық, зиялы қауымы жазықсыз атылды. Бұдан бөлек 100 мыңдаған адам қамалып, айдауға түсіп, Сібірге жер аударылды. Кеңес Одағының солақай саясаты бойынша, отарланған ұлттың бас көтере алмай, құлақкесті құл болуы үшін, көзі ашық, саналы азаматтарының барлығы да қуғынға түсті.
Тәуелсіздік алғаннан кейін елімізде зобалаң жылдардың құрбандарын есте қалдыру мақсатында көптеген шаралар қолға алынды.
Қасым-Жомарт Кемелұлының бүгінгі үндеуін – сол шаралардың заңды жалғасы, жаңа деңгейдегі жұмыстардың басы деп қабылдадық.
Бәрінен бұрын Президент Қасым-Жомарт Тоқаевтың саяси қуғын-сүргін құрбандарын ақтау үшін арнайы мемлекеттік комиссия құруды тапсыруы – өте әділетті, дана шешім.
Ашығын айтайық, елімізде жаппай қуғын-сүргін мен ашаршылықтың көптеген аспектілері әлі де толық зерттелмеген.
Жазықсыз қуғын-сүргінге ұшыраған көптеген есімдер ұмыт қалып, тіпті, кейбіреулері ақталмаған.
Бұл – тарихтың ақтаңдақ беттерін ашу алдағы уақытта мұндай жайт қайталанбау үшін маңызды.
“Біз жазықсыз жазаланғандардың әрқайсысын есте сақтау арқылы ғана кемел келешекке жол ашамыз. Болашақтың берік негізі Тәуелсіздіктен бастау алады. Өткен ғасырдағы ең қилы кезеңнің бірінде жазықсыз жапа шеккендердің рухына тағзым ету – баршамыздың перзенттік борышымыз”, – деді Президент бүгінгі үндеуінде.
Президент тарихи әділдікті қалпына келтіру үшін әділетті шешім қабылдап, тиісті пәрмен берді.
Енді сол жұмыстарды адал атқарып, ұрпағы үшін жазықсыз жапа шеккен арда азаматтардың рухы алдындағы міндеттерімізді толық өтеуіміз керек.
Сағат ТАЙМАН,
Қорқыт ата атындағы ҚМУ-дің Қазақстан тарихы және әлеуметтік-саяси ғылымдар кафедрасының доценті,
тарих ғылымдарының кандидаты
<a href="https://api.whatsapp.com/send?text=%D0%9C%D0%B5%D0%BC%D0%BB%D0%B5%D0%BA%D0%B5%D1%82%20%D0%B1%D0%B0%D1%81%D1%88%D1%8B%D1%81%D1%8B%D0%BD%D1%8B%D2%A3%20%D0%A1%D0%B0%D1%8F%D1%81%D0%B8%20%D2%9B%D1%83%D2%93%D1%8B%D0%BD-%D1%81%D2%AF%D1%80%D0%B3%D1%96%D0%BD%20%D0%B6%D3%99%D0%BD%D0%B5%20%D0%B0%D1%88%D0%B0%D1%80%D1%88%D1%8B%D0%BB%D1%8B%D2%9B%20%D2%9B%D2%B1%D1%80%D0%B1%D0%B0%D0%BD%D0%B4%D0%B0%D1%80%D1%8B%D0%BD%20%D0%B5%D1%81%D0%BA%D0%B5%20%D0%B0%D0%BB%D1%83%20%D0%BA%D2%AF%D0%BD%D1%96%D0%BD%D0%B5%20%D0%BE%D1%80%D0%B0%D0%B9%20%D2%AF%D0%BD%D0%B4%D0%B5%D1%83%D1%96%20%E2%80%93%20Kyzylorda%20News%20https%3A%2F%2Fkyzylorda-news.kz%2Fkogam%2Fmemleket-basshysynyng-sajasi-qwghyn-suergin-zhaene-asharshylyq-qurbandaryn-eske-alw-kuenine-oraj-uendewi-64734%2F&utm_source=share2"></a>

Сағат Тайман: Жазықсыз қуғын-сүргінге ұшыраған есімдерді ақтау – парызымыз

<a href="https://kyzylorda-news.kz/">Kyzylorda-news.kz.</a> The Ring журналы орташа салмақтағы үздік боксшылардың жаңартылған рейтингін жариялады, деп хабарлайды <a href="https://stan.kz/golovkin-alemdegi-en-uzdik-boksshilar-reytinginde-birin-331930/">Stan.kz.</a>
The Ring журналы орта салмақтағы үздік боскшы мексикалық Сауль Альварес (53-1-2, 36 КО) деп есептейді. Алайда ол бөлек жазылған.
Еске салайық, Канело – WBA Super титулына ие, сонымен қатар WBC-тің «франчайзингтік» чемпионы.
Әдеттегі рейтингте бірінші орында IBF және IBO чемпионы қазақстандық Геннадий Головкин (40-1-1, 35 КО) тұр. Екінші орында – WBO белбеуінің иегері, америкалық боксшы Деметриус Андраде (29-0, 18 КО). TOP 3-ті АҚШ-тың тағы бір боксшы, WBC чемпионы Джермалл Чарло (30-0, 22 КО) түйіндейді.
The Ring нұсқасы бойынша орта салмақтағы ТОП-10 боксшы:
Чемпион — Сауль Альварес (53-1-2, 36 КО)
1. Геннадий Головкин (40-1-1, 35 КО)
2. Demetrius Андраде (29-0, 18 КО)
3. Джермалл Чарло (30-0, 22 КО)
4. Сергей Деревянченко (13-2, 10 КО)
5. Риот Мурат (16-2, 13 КО)
6. Камил Шеремета (21-0, 5 КО)
7. Крис Юбэнк-кіші (29-2, 22 КО)
8. Мацей Сулецки (28-2, 11 КО)
9. Роб Брант (25-2, 17 КО)
10. Лиам Уильямс (22-2-1, 17 КО).

Головкин әлемдегі ең үздік боксшылар рейтингінде бірінші орын алды

<a href="https://kyzylorda-news.kz/">Kyzylorda-news.kz.</a> Өңір басшысының төрағалығымен облыстық төтенше жағдайлардың алдын алу және оларды жою жөніндегі комиссиясының кезекті отырысы өтті.
Жиынға қала және аудан әкімдері селекторлық режимде қатысты. Күн тәртібінде суға шомылу маусымындағы қауіпсіздік шаралары мен орман және дала өрттері, орман шаруашылығы мекемелерінің материалдық-техникалық жабдықталу мәселелері қаралды.
Бірінші мәселе бойынша облыстық жұмылдыру дайындығы басқармасының басшысы Медет Усайн хабарлама жасады. Жыл басынан бері суға кетудің 9 дерегі тіркелген. Суда адамдардың қаза болуының негізгі себебі қауіпсіздік ережелерін сақтамай, белгіленбеген жерлерге суға шомылуында екенін айтты.
<img src="https://kyzylorda-news.kz/wp-content/uploads/2020/05/fb_img_1590782746561.jpg" alt="" />
Өңір басшысы 2020 жылдың суға шомылу маусымына дейін коммуналдық жаға-жайлар ашуды және Қызылорда қаласы мен Арал, Шиелі аудандары әкімдеріне 1 сәуірге дейін судағы қауіпсіздікті қамтамасыз ету мақсатында Қамбаш, Ханқожа көлдері мен Қызылорда қаласы аумағындағы Сырдария өзені бойында орналасқан жедел суда құтқару жасағы ғимаратының жанына бақылау мұнарасын орнатуды тапсырған болатын. Алайда бұл мәселе әлі күнге дейін шешімін таппаған. Осы орайда өңір басшысы әкімдерге ескерту жасады.
<blockquote>
 “Ауа-райының қатты ысуымен суға түсу кезеңі басталды. Адам өмірінің қауіпсіздігіне бәріміз жауаптымыз. Осы ретте, жағажайды ашу, оны қажетті құтқару құралдарымен қамтамасыз ету мәселесі тікелей қала және аудан әкімдерінен сұралатын болады. Сіздерге осы жұмыстарды атқаруға 1 ай уақыт беремін”,- деді облыс әкімі Гүлшара Әбдіқалықова.
</blockquote>
Күн тәртібіндегі екінші мәселе бойынша облыстық табиғи ресурстар және табиғат пайдалануды реттеу басқармасының басшысы Бауыржан Шаменов хабарлама жасады.
2020 жылдың 3 наурызында «Қызылорда облысы аумағында орман және дала өрттерінің алдын алу және жою жөніндегі іс-шаралар жоспары» бекітілген. Сонымен қатар, өртке қарсы қызметі жоқ елді мекендерде 1971 адамнан тұратын 172 ерікті құрылымдар жасақталған. Олар 7 өрт сөндіру және 373 бейімделген техникамен жабдықталған.
<img src="https://kyzylorda-news.kz/wp-content/uploads/2020/05/fb_img_1590782749801.jpg" alt="" />
Облыс бойынша жалпы жер көлемі 22,6 млн. гектар. Оның 6,5 млн. гектары мемлекеттік орман қорының жері. Жыл басынан мемлекеттік орман қорында 35 өрт оқиғасы орын алып, бұл көрсеткіш өткен жылдың осы кезеңімен салыстырғанда 35 есеге көбейгенін көрсетеді. Келтірілен залал көлемі 9,0 млн. теңгені құраған.
Өңір басшысы орман шаруашылығы мекемелерінің материалдық-техникалық базасын нығайту жөнінде 3 жылға арналған жол картасын бір апта мерзімде бекітуді тапсырды.
<blockquote>
 “Бізге мәлім болғандай, орман мекемелерінің материалдық-техникалық базасының жабдықталуы 43,9 пайызды құрап, бұл республика көрсеткішінде ең төменгі орынды көрсетіп отыр. Осыған сәйкес, облыстық табиғи ресурстар және табиғат пайдалануды реттеу басқармасы экономика және бюджеттік жоспарлау басқармасымен бірлесіп тез арада үш жылдық жоспарды бектсін”,- деді облыс әкімі Гүлшара Әбдіқалықова.
</blockquote>

Гүлшара Әбдіқалықова: &#8220;Адамдардың өмірі мен қауіпсіздігіне жауаптымыз&#8221;

<a href="https://kyzylorda-news.kz/">Kyzylorda-news.kz.</a> Облыстық мәслихаттың кезекті 45-сессиясы өтті. Күн тәртібінде 23 мәселе қаралды.
Атап айтсақ, “2020-2022 жылдарға арналған облыстық бюджет”, “Қызылорда облысының білім беру ұйымдарына атау беру” және “Мүгедектерді әлеуметтік қорғау саласындағы облыстық Үйлестіру кеңесінің дербес құрамын бекіту” туралы және тағы басқа мәселелер.
Қазақстан Республикасы Президентінің тапсырмасы бойынша «Экономиканы қалпына келтіру жөніндегі 2020 жылдың соңына дейінгі кешенді жоспары» әзірленді. Аймақ басшысы төтенше жағдайдан кейін экономиканы қалыпқа келтіру жұмыстарының барысын бақылап, елдің әлеуметтік-экономикалық хал-ахуалымен танысу мақсатында мамыр айының екінші онкүндігіде Аралдан Жаңақорғанға дейінгі аудандарда және Байқоңыр қаласында іс-сапарда болды.
<blockquote>
 “Сапар барысында тұрғындармен кездесіп, аудан әкімдеріне мемлекеттік бағдарлама аясында бөлінген қаражатты ел игілігіне сапалы әрі дұрыс пайдалануды тапсырдым. Барлығы 7 аудан, 40-қа жуық елді мекен мен 100-ден аса нысанды араладым. Аудан әкімдері өндіріс, өнеркәсіп орындарының жұмысын жүйеге қойып, экономиканы қалпына келтіру бойынша ауқымды жұмыстар атқарулары тиіс” ,- деді облыс әкімі Гүлшара Әбдіқалықова.
</blockquote>
Сонымен қатар, өңір басшысы ауылшаруашылығы саласында атқарылған жұмыстарға тоқталды.
<blockquote>
 “Бүгінде көктемгі дала жұмыстары белгіленген жоспарға сәйкес атқарылуда. Су шаруашылық каналдарын дайындау жұмыстары өз мерзімінде жүргізілді. Облыстың шаруашылық құрылымдары қажетті минералдық тыңайтқыштармен, гербицидтермен, тұқымдық материалдармен және жанар-жағармайдың қажетті қорымен толық қамтамасыз етілген. Бүгінгі күні жоспарға сәйкес жаңа жоңышқа, арпа, бидай дақылдарын егу жұмыстары аяқталып, картоп, көкөніс, бақша,майлы дақылдарды егу жұмыстары жүргізілуде. Сонымен қатар, негізгі дақыл- күріш егу жұмыстары аяқталуға жақын. Жоспарланған 88,2 мыңға күріш егісінің бүгінге 93 пайызына дән себіліп, оның 90 пайызы суға бастырылды. 5 маусымға дейін аталған жұмыстарды толық аяқтау жоспарлануда”,- деді облыс әкімі Гүлшара Әбдіқалықова.
</blockquote>
Үкіметтің тапсырмасы бойынша барлық өңірлер Түркістан облысы Мақтаарал ауданындағы су тасқынынан зардап шеккен ауылдарға көмек көрсетуде. Маслихатта біздің өңірден де көмек көрсету мәселесі талқыланды. Бұл жұмыстарға облыстық бюджеттен 255 млн.тенге бөлінетін болады.
Сондай-ақ, Абайдың 175 жылдығы мен әл-Фарабидің 1150 жылдық мерейтойына орай облыстағы білім беру ұйымдарына Ұлы тұлғалардың атын беру мәселесі қаралды. Нақты айтатын болсақ, «Үш тілде оқытатын дарынды балаларға арналған мамандандырылған сыныптары бар «Мұрагер» мектебі» коммуналдық мемлекеттік мекемесін Абай Құнанбайұлының есімімен қайта атау және Жалағаш аудандық «№ 201 мектеп-лицей» коммуналдық мемлекеттік мекемесіне Әбу Насыр әл-Фарабидің есімін беру туралы ұсыныстар қаралып, қолдау тапты.
Айта кету керек, Қызылорда облысы бойынша тұрғын үй сертификаттарын алушылардың тізімі де бекітілді.
<img src="https://kyzylorda-news.kz/wp-content/uploads/2020/05/fb_img_1590782136388.jpg" alt="" />
<img src="https://kyzylorda-news.kz/wp-content/uploads/2020/05/fb_img_1590782139960.jpg" alt="" />

Облыстық мәслихаттың кезекті сессиясы өтті

<a href="https://kyzylorda-news.kz/">Kyzylorda-news.kz.</a> Бүгін ҚР Президенті Қасым-Жомарт Тоқаев Саяси қуғын-сүргін және ашаршылық құрбандарын еске алу күніне орай&nbsp;<a href="https://kyzylorda-news.kz/kogam/memleket-basshysynyng-sajasi-qwghyn-suergin-zhaene-asharshylyq-qurbandaryn-eske-alw-kuenine-oraj-uendewi-64734/">үндеу жариялады</a>.
Онда тарихи әділдікті қалпына келтіру жұмыстарын аяқтау және қуғын-сүргін құрбандарын ақтау үшін арнайы мемлекеттік комиссия құру тапсырылғанын мәлім етті.
<blockquote>
 «Тарихи әділдікті қалпына келтіру жұмыстарын аяқтап, саяси қуғын-сүргін құрбандарын ақтау үшін арнайы мемлекеттік комиссия құруды тапсырдым.
 Біз жазықсыз жазаланғандардың әрқайсысын есте сақтау арқылы ғана кемел келешекке жол ашамыз. Болашақтың берік негізі Тәуелсіздіктен бастау алады.
 Өткен ғасырдағы ең қилы кезеңнің бірінде жазықсыз жапа шеккендердің рухына тағзым ету – баршамыздың перзенттік борышымыз», – деді Мемлекет басшысы.
</blockquote>
Қ.Тоқаев атап өткендей, Кеңес заманында өмір сүрген халықтарға «үлкен террор» орасан зор қасірет әкелді. Зұлмат жылдарда Қазақстанға КСРО-ның түкпір-түкпірінен бес миллионнан астам адам жер аударылды.
100 мыңға жуық азаматымыз қуғын-сүргінге ұшырап, соның 20 мыңнан астамы атылды.

Президент тапсырмасымен саяси қуғын-сүргін құрбандарын ақтау жөніндегі мемлекеттік комиссия құрылады

<a href="https://kyzylorda-news.kz/">Kyzylorda-news.kz.</a> Сенбі күні Маңғыстау, Атырау, Ақтөбе, Батыс Қазақстан, Қостанай, Қызылорда облыстарында аптап ыстық болады, деп хабарлайды Қазгидромет.
<blockquote>
 «30 мамырда Қазақстанның басым бөлігі әлі де жоғары қысым аумағында болғандықтан, күн райы ашық болады. Тек еліміздің солтүстік, батыс және шығыстағы облыстарының жекелеген аудандарында атмосфералық ағындардың өтуіне байланысты кей жерлерде өткінші жаңбыр жауады, күн күркіреп, найзағай жарқылдайды. Кей жерлерде жел күшейеді, оңтүстікте, оңтүстік-шығыста шаңды дауыл соғады», делінген болжамда.
</blockquote>
Жамбыл облысының кей жерлерінде шаңды дауыл соғады, күндіз кей жерлерінде жел күшейіп, жылдамдығы 15-20 м/с жетеді.
Түркістан, Павлодар, Қарағанды, Шығыс Қазақстан облыстарында, күндіз Маңғыстауда желдің 15-20 м/с күшейеді.
Маңғыстау облысында шаңды дауыл соғады. Маңғыстау, Атырау, Ақтөбе, Батыс Қазақстан облыстарында, Қостанай, Қызылорда облыстарының оңтүстігінде аптап ыстық болады.
Павлодар облысының басым бөлігінде, Шығыс Қазақстан, Қызылорда, Ақмола, Жамбыл облыстарының кей жерлерінде өте жоғары өрт қаупі сақталады.

Бүгін Қызылордада  аптап ыстық болады

1953 жылы «Дудар-ай» операсы алғаш рет Қазақ академиялық опера және балет театрында қойылды. Либреттосын А.Хангелдин, музыкасын Е.Брусиловский жазған, режиссері – Қ.Байсейітов. Орыс қызы Мариям мен қазақ жігіті арасындағы нәзік махаббат сезімі «Дудар-ай» әні арқылы беріледі. Композитор қазақ, орыс ән-күйлерінің ырғақтары мен интонацияларын кеңінен пайдалана отырып, екі халыққа түсінікті, ортақ музыкалық тілді табуға талпыныс жасаған. Лейтмотив ретінде қолданған «Дудар-ай», «О, сен кең дала», «Эх ты доля» әндерінің төңірегінде өрбіген әуез, саздар шығарманың өн бойына көрік беріп тұр. Операның премьерасында Думан партиясын Ә.Үмбетбаев, Мария партиясын Э.Епонешникова орындаған.
1995 жылы тараздық хореограф, биші Ғаби Исмаиловтың «Модерн-Балеті» құрылды. Ғ.Исмаиловтың шеберханасында әртүрлі жастағы тәрбиеленушілер – балалар да, ересектер де балет өнеріне үйренеді.
2000 жылы Алматыда Республика сарайында «Дәстүрлер сыйлығы» фестивалі аясында Арал теңізі проблемасына арналған «Тақыр» алғашқы қазақ рок-опера-балетінің премьерасы өтті.
2014 жылы ЕлордадаКеңес Одағының Батыры, Халық Қаһарманы, Қазақстан Республикасының бірінші Қорғаныс министрі, Армия генералы Сағадат Нұрмағамбетовке мүсіндік-ескерткіш орнатылды.

30 мамыр: Ел тарихында орын алған оқиғалар

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев 31 мамыр – Саяси қуғын-сүргін және ашаршылық құрбандарын еске алу күніне орай үндеу жариялады.
Құрметті отандастар!
ХХ ғасырдың 20-50 жылдарындағы саяси қуғын-сүргін зобалаңы – халқымыздың тарихындағы қасіретті кезең.
Қазақстан тәуелсіздік алғаннан кейін осы нәубеттің құрбандарын мәңгі есте қалдыру үшін мемлекеттік деңгейдегі тиісті шараларды жүзеге асыра бастады.
1993 жылы «Жаппай саяси қуғын-сүргін құрбандарын ақтау туралы» заң қабылданды.
1997 жылы Елбасы Н.Назарбаевтың Жарлығымен 31 мамыр Саяси қуғын-сүргін құрбандарын еске алу күні ретінде белгіленді.
Кеңес заманында өмір сүрген халықтарға «үлкен террордың» орасан зор қасірет әкелгені есімізде. Зұлмат жылдарда Қазақстанға КСРО-ның түкпір-түкпірінен бес миллионнан астам адам жер аударылды.
100 мыңға жуық азаматымыз қуғын-сүргінге ұшырап, соның 20 мыңнан астамы атылды.
Жазықсыз жазаланғандардың қатарында Ә. Бөкейхан, А. Байтұрсынұлы, М. Тынышбаев, М. Дулатұлы, Т. Рысқұлов, М. Жұмабаев, С. Сейфуллин, І. Жансүгіров, Б. Майлин, С. Асфендияров сияқты көрнекті мемлекет және қоғам қайраткерлері, басқа да ұлт зиялылары бар.
Отанын сатқандар әйелдерінің Ақмола лагері («АЛЖИР») сол жылдардағы қатыгездік пен жауыздықтың қара таңбасындай болды. Мұнда саяси тұтқындардың жақын туыстары, әйелдері мен балалары қамалды.
Бүгін біз ұжымдастыру жылдарында аштыққа ұшырағандарды, сондай-ақ туған жерінен кетуге мәжбүр болғандарды да еске аламыз. Бұл зобалаңның қасіретін үш миллионға жуық адам тартты.
Сол жылдардағы орасан зор адам шығыны мен тағдыр тауқыметі әрбір азаматтың жүрегіне жара салды.
Тоталитаризмнен зардап шеккен көптеген ұлт өкілдері үшін қазақ жері құтты мекенге айналды. Ата-бабаларымыздан дарыған қайсарлық пен төзімділіктің арқасында қатаң сыннан абыроймен өтіп, біртұтас ұлт ретінде бірігуге мүмкіндік алдық.
Бүгінде республика өңірлерінде «Қазақ халқына – мың алғыс» монументтері орнатылған. Бұл – қазақ жұртының ақ пейілі мен даналығына деген шексіз ризашылықтың белгісі.
Тарихи әділдікті қалпына келтіру жұмыстарын аяқтап, саяси қуғын-сүргін құрбандарын ақтау үшін арнайы мемлекеттік комиссия құруды тапсырдым.
Біз жазықсыз жазаланғандардың әрқайсысын есте сақтау арқылы ғана кемел келешекке жол ашамыз. Болашақтың берік негізі Тәуелсіздіктен бастау алады.
Өткен ғасырдағы ең қилы кезеңнің бірінде жазықсыз жапа шеккендердің рухына тағзым ету – баршамыздың перзенттік борышымыз.

Мемлекет басшысының Саяси қуғын-сүргін және ашаршылық құрбандарын еске алу күніне орай үндеуі

<a href="https://kyzylorda-news.kz/">Kyzylorda-news.kz</a> ақпараттық агенттігінің 30 мамырға арналған жұлдыз-жорамалы.
Тоқты
Бүгінгі күнді тек өзіңізге арнаңыз. Сүйікті ісіңізбен айналысыңыз. Кішігірім саяхатқа шығуға да болады. Әсіресе теңіз жағасына барып, толқындарды тамашалаңыз. Не болмаса моншаға барып, жағымсыз энергияларды сумен шайыңыз
Торпақ
Бүгін сіз сәнгерлердің, дизайнерлердің ақыл-кеңестеріне жүгінесіз. Бұл мамандарға сенім артқаныңызбен, емші-балгерге сенбегеніңіз жөн. Себебі халықтық ем-дом өзгелерге жақсы әсер еткенімен, сізге оң нәтиже бермейді.
Егіздер
Жақын адамдарыңыздың бірі сізді қатты ренжітуі мүмкін. Қатты реніштен денсаулығыңызға да зиян тиеді. Сондықтан көп тынығып, тек жақсылық ойлаңыз. Тәттіден бас тартпаңыз.
Шаян
Жақындарыңыздан немесе достарыңыз тарапынан сізге көмек қолын созатындар болады. Бірақ тек өзіңізге ғана сеніңіз. Өзіңіз дұрыс деп тапқанды орындауға тырысыңыз.
Арыстан
Тек өзіңізге ғана емес, сонымен бірге айналаңыздағыларға да жақсылық жасауға болады. Сіздің қайсыбір бастамаңыз болмасын қолдау табатыны анық. Сонымен қатар бүгінгі күн жұмыс барысын талқылауға қолайлы күн. &nbsp;
Бикеш
Бүгінгі күнді тек өзіңізге арнаңыз. Сүйікті ісіңізбен айналысыңыз. Кішігірім саяхатқа шығуға да болады. Әсіресе теңіз жағасына барып, толқындарды тамашалаңыз. Не болмаса моншаға барып, жағымсыз энергияларды сумен шайыңыз
Таразы
Материалдық жағдайыңыз жақсарып, жұмысыңыздың да берекесі артады. Баспаналы болуды армандап жүрсеңіз, ол арманыңыздың да орындалуына аз қалды.
Сарышаян
Күніңіз тосынсыйларға толы. Жағымды жаңалықтар естейсіз. Бірақ жоспарланбаған істер жүйкеңізге тиеді. Ең бастысы өмір ағымына қарсы келмеңіз, әйтпесе, оның толқыны жағаға шығарып тастауы мүмкін.
Мерген
Бүгін сіз үшін сәтті күн емес. Барлығы сіз қалағандай болмайды. Адамдармен қарым-қатынас орнатуда қиындықтар туындап, көңіл-күйіңіз түседі. Сіз үшін қызықты болған шаруаны кейінге қалдыруға тура келеді.
Тауешкі
Жемісті күн. Өзекті мәселелерді дер кезінде шешіп, тапсырмаларды оңай орындайсыз. Жаңа жұмысты қолға алуға мүмкіндік туып тұр. Осы жұмыс арқылы жаңа таныстар тауып, олардан үйренеріңіз көп болады.
Суқұйғыш
Жауапкершілігі зор, өте маңызды күн. Алдағы күндеріңіз дәл бүгін мәселені қалай шешкеніңізге байланысты болмақ. Қаражатыңызды босқа шашып алуыңыз да мүмкін.
Балықтар
Бітпей қалған шаруалар бүгін сіздің дұрыс шешім қабылдауыңызға кедергісін келтіреді. Бұл тығырықтан шығуға әріптесіңіз немесе серіктесіңіз көмектеседі. Тек бұл іске досыңызды араластырмаңыз.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Облыс орталығының тұрғындары «Қызылорда су жүйесі» мекемесінің қызметін пайдаланады. Ұзақ жылдан бері халыққа қызмет көрсетіп келе жатқан кәсіпорын әрдайым сапалы жұмыс жасауға көңіл бөледі.
Десе де, олардың алдында бірқатар проблемалар бар. Мәселен, тұтынушылар қызмет ақысын уақытылы төлемейді. Бұл мекеменің қалыпты жұмыс ырғағына кедергі келтіреді.
Мамандардың айтуынша, кәсіп­орын шығындарына мемлекет тарапынан субсидия қаралмаған. Олар тұтынушылар төлейтін төлемдер бойынша өтеледі. Мекеме күнделікті тіршілігінде көптеген шығын жұм­сауға мәжбүр. Мамандар жалақысы, зейнетақы жарнасы, міндетті салық төлемі бар. Сондай-ақ, ғимараттарды күтіп ұстау, ауызсуды өңдеу, құбыр­ларды алмастыру, су мен кәріз желілеріндегі құдықтардың ұрлан­ған қақпағын жаңалау, жерасты суын тарту насостарын сатып алу, жөндеу шығындары бар. Кәсіп­орындағы арнайы техни­калардың, автокөліктердің жанар­майы, қосалқы бөлшектеріне жұм­са­латын, қызмет көрсету бары­­сында қолданылатын электр қуа­тымен жұмыс жасайтын барлық қондырғының электр энер­гиясына шығыны сол тұтынушылар тарапынан түскен төлемақы негізінде өтеледі.
<blockquote>
 – Бұл орайда көпшілік тарапынан түсінбеушілік кездеседі. Біз әр кезде өз жұмысымызды сапалы атқаруға тырысамыз. Дегенмен мекеме көрсеткен қызмет түрлеріне тұтынушылар уақытылы төлем жасаса деген өтінішіміз бар. Өйткені, қаржы мәселесі көп түйткіл туындатып жатады. Тұтынушылардың 20-25 процентке жуығы ғана қызмет ақысын дер уақытында төлеп отырады. Бұл мекеменің қалыпты жұмыс жасауына жетпейді. Соның салдарынан кәсіпорында жалақыны бір-екі айға кешіктіріліп беру жағдайы кездесті, –&nbsp; деді «Қызылорда су жүйесі» КММ директоры Марат Жәмиев.
</blockquote>
Кәсіпорын басшысы жазда су қысымының төмендеп кетуін былайша түсіндіріп берді. Қазір облыс орталығында 74 мыңнан астам абонент бар. Қыс-көктем айларында жергілікті тұрғындар тәулігіне 35-40 мың текше метр су пайдаланды. Бүгінде оның көлемі 86 мың текше метрге дейін жетті. Себебі белгілі. Қалада ирригация жүйесінің дұрыс болмауына байланысты тұрғындар есік алдындағы бақшасын суаруға ауызсуды пайдалануға мәжбүр. Кейде жаз айларында оның көлемі 100 мың текше метрден асып кетеді. Сондықтан су қысымының төмендеп кету жағдайы кездесіп жатады.
<blockquote>
 – Төлемақымен есептесуде зейнеткерлер мен бюджеттік сала қызметкерлері жауапкершілік таны­тады. Ал көпшілік тарапынан мұндай белсенділік байқала бермейді. Бұл бағытта тұрғындарға түсіндірме жұмыстарын жүргізуге көңіл бөлеміз. Әйтсе де, мамандар көптеген проблемаға кездеседі. Тұрғындардың көбісі күндіз жұмыста болады. Соның салдарынан бірыңғай төлем құжаты келгенде «бұл дұрыс есептелмеген» деген шағымын білдіріп жатады, – деді кәсіпорын басшысы.&nbsp;&nbsp;
</blockquote>
Қандай қиын жағдайда да мекеме тұрғындарға тұрақты су беруді тоқтатқан емес. Тек төлемақы мәсе­лесінде тиянақтылық керек.
Мамандардың айтуынша, былтыр­ғы жылдың алғашқы айларында кәсіпорында жұмысшыларға жалақы 4-5 айға дейін кешіктіріліп берілді. Тіпті, салық төлемдерін төлеуде де кідіріс болды. Одан кейінгі уақытта кәсіпорын тарапынан бұл бағытта бірқатар жұмыс атқарылды. Тұрғындардың есептесуіне тиісті мүмкіндіктер жасалды.
<blockquote>
 – Заңды және жеке тұлғалар үшін мекеменің және «Энергосервис» кассасынан, терминалдар арқылы төлеуіне қолайлы жағдай бар. Көп­шілік инспекторларға қолма-қол төлемейді. Пломба тегін орнатылатын болды. Ауыз су бағасы да арзандады. Жыл басында ол 61,19 теңгені құраса, қазір 45,61 теңгені шамалайды. Ал кәріз жүйесі бойынша ол бұрын 60,56 теңгені маңайласа, бүгінде ол 48,82 теңгені құрайды. Өткен жылдың қорытындысымен кәсіпорынның жалақыға қарызы болған жоқ. Барлық қызметкердің еңбек демалысы, жалақысы және өзге де алашақтары толық төленді. Бұл мамандардың тұрақтануына, сапалы қызмет жасауға оң ықпалын тигізді. Сондықтан кәсіпорынның қалыпты жұмыс жасауына тұрғындардың түсіністік танытуын сұраймыз, – деді М.Жәмиев.
</blockquote>
<a href="https://syrboyi.kz/kogam/swdyng-da-surawy-bar-emes-pe-39964/">“Сыр бойы”</a>

&#8220;Жалақыны үнемі кешігіп алады&#8221;: Тұрғындардың қызмет ақысын уақытылы төлемегенінен кәсіпорын неге зардап шегуі тиіс?

<a href="https://kyzylorda-news.kz/">Kyzylorda-news.kz.</a> Әбу Насыр Әл-Фарабидің 1150 жылдығына орай Ұлы философтың шығармалары бойынша эссе жазу онлайн-байқауы өтеді. 
Байқау мақсаты – Ұлы философтың шығармалары бойынша эссе жазу арқылы Әл-Фарабидің еңбектерін, пайдалы кеңестерін кеңінен дәріптеу. Шығармаларының ішінде жастарға үлгі немесе өнеге болатын тұстарын кеңінен түсіндіру және шығармаларын оқуға шақыру болып табылады.
байқауға әлеуметтік желіге тіркелген жастар, түрлі саланың мамандары, аймақ тұрғындары қатыса алады.
Қатысушылар І, ІІ, ІІІ орындармен, арнайы диплом, алғыс хаттармен марапатталады. 
Қатысушы міндетті түрде материалды әлеуметтік желідегі жеке парақшасына жариялауы қажет және өзінің достарын белгілей отырып Ұлы философтың шығармаларын оқуға шақырады.
Қатысушы «Instagram» және «Facebook» әлеуметтік желілерінде @qogam.kzo, @Ішкі саясат басқармасы, @Адил Аликулов парақшаларын белгілеу қажет.
Байқау ағымдағы жылдың 20 мамыр – 15 маусым аралығында өтеді. Сайысқа 15 жастан асқандар қатыса алады.
Байқауды ұйымдастырушылар Қызылорда облыстық ішкі саясат басқармасы және «Ашық Азаматтық Қоғам» ақпараттық-ресурстық орталығы.
Толық ақпарат үшін 8-747-032-16-42 нөміріне хабарласу қажет.
<img src="https://kyzylorda-news.kz/wp-content/uploads/2020/05/bajkaw1-1.jpg" alt="" />

Қазақстан және Қызылорда облысының жаңалықтары

Айтжан Оразбақов: Ақтаңдақтар алдындағы әділетті шешім

Сағат Тайман: Жазықсыз қуғын-сүргінге ұшыраған есімдерді ақтау – парызымыз

Головкин әлемдегі ең үздік боксшылар рейтингінде бірінші орын алды

Гүлшара Әбдіқалықова: “Адамдардың өмірі мен қауіпсіздігіне жауаптымыз”

Облыстық мәслихаттың кезекті сессиясы өтті

Президент тапсырмасымен саяси қуғын-сүргін құрбандарын ақтау жөніндегі мемлекеттік комиссия құрылады

Бүгін Қызылордада аптап ыстық болады

30 мамыр: Ел тарихында орын алған оқиғалар

Мемлекет басшысының Саяси қуғын-сүргін және ашаршылық құрбандарын еске алу күніне орай үндеуі

Жұлдыздар не дейді?

“Жалақыны үнемі кешігіп алады”: Тұрғындардың қызмет ақысын уақытылы төлемегенінен кәсіпорын неге зардап шегуі тиіс?

Әл-Фарабидің 1150 жылдығына орай онлайн байқау өтеді

Қазақстан және Қызылорда облысының жаңалықтары

Айтжан Оразбақов: Ақтаңдақтар алдындағы әділетті шешім

Сағат Тайман: Жазықсыз қуғын-сүргінге ұшыраған есімдерді ақтау – парызымыз

Головкин әлемдегі ең үздік боксшылар рейтингінде бірінші орын алды

Гүлшара Әбдіқалықова: &#8220;Адамдардың өмірі мен қауіпсіздігіне жауаптымыз&#8221;

Облыстық мәслихаттың кезекті сессиясы өтті

Президент тапсырмасымен саяси қуғын-сүргін құрбандарын ақтау жөніндегі мемлекеттік комиссия құрылады

Бүгін Қызылордада аптап ыстық болады

30 мамыр: Ел тарихында орын алған оқиғалар

Мемлекет басшысының Саяси қуғын-сүргін және ашаршылық құрбандарын еске алу күніне орай үндеуі

Жұлдыздар не дейді?

&#8220;Жалақыны үнемі кешігіп алады&#8221;: Тұрғындардың қызмет ақысын уақытылы төлемегенінен кәсіпорын неге зардап шегуі тиіс?

Әл-Фарабидің 1150 жылдығына орай онлайн байқау өтеді

Гүлшара Әбдіқалықова: “Адамдардың өмірі мен қауіпсіздігіне жауаптымыз”

“Жалақыны үнемі кешігіп алады”: Тұрғындардың қызмет ақысын уақытылы төлемегенінен кәсіпорын неге зардап шегуі тиіс?