<a href="https://kyzylorda-news.kz/">Kyzylorda-news.kz.</a> Қызылорда облысы әкімінің өкімімен Пірімбетов Бердияр Автайұлы Қызылорда облысының құрылыс, сәулет және қала құрылысы басқармасының басшысы лауазымына тағайындалды.
Бердияр Пірімбетов 1959 жылы дүниеге келген. Алматы темір жол транпорт инженерлері институтын «құрылыс инженері» мамандығы бойынша бітірген. 
Еңбек жолын 1978 жылы Қызыл-Орда қаласының № 355 құрылыс-монтаж поезының құрылыс мастері ретінде бастаған. 
1987-1994 жылдары Батыс Қазақстан теміржол көлігі Ақтөбе жол-құрылыс тресті №355 құрылыс-монтаж поезының құрылыс мастері, бас инженері, поезд бастығы; 
1994-1995 жылдары Батыс-Қазақстан теміржол көлігінің жөндеу-пайдалану құрылыс қызметінің бастығы; 
1995-1998 жылдары Ақтөбе қаласының «Зеленстрой» АҚ вице-президенті; 
1998-1999 жылдары Ақтөбе қаласының «Табиғат» ЖШС-нің директоры; 
1999–2004 жылдары «Қазақстан теміржолы» РМК «Желдорводотеплоснабжение» ЕМК Ақтөбе қаласындағы Батыс аймағы бойынша аймақтық өкілі, директор орынбасары; 
2004 – 2008 жылдары Ақтөбе облысының күрделі құрылыс, автомобиль жолдары және жолаушылар көлігі, сәулет, қала құрылысы және құрылыс басқармалар бастығының орынбасары жауапты қызметтерін атқарған. 
2006-2009 жылдары Ақтөбе облысының құрылыс департаменті директоры, облыстық құрылыс басқармасының бастығы; 
2009-2017 жылдары Ақтөбе облысы мемлекеттік сәулет-құрылыс бақылау басқармасының бастығы; 
2017 жылдан осы кезге дейін «Инжиниринг стройгрупп» және «Отес-Актобе» ЖШС-нің техникалық қадағалау бойынша инженері болып қызмет атқарып келді.
<img src="https://kyzylorda-news.kz/wp-content/uploads/2020/07/fb_img_1595392510418-1.jpg" alt="" />

Қызылорда облыстық құрылыс, сәулет және қала құрылысы басқармасының басшысы тағайындалды

<a href="https://kyzylorda-news.kz/">Kyzylorda-news.kz</a>. Қазақстандағы зейнетке шығу жасы қысқаратыны туралы хабарлама түсірілген скриншот әлеуметтік желі мен мессенджерлерде тарап жүр. Бұл ақпарат жалған, деп хабарлайды <a href="https://www.inform.kz/kz/aleumettik-zhelide-taragan-kazakstandagy-zeynetke-shygu-zhasynyn-ozgerui-turaly-akparat-feyk_a3675297">ҚазАқпарат</a>.
Facebook қолданушысының бірі парақшасында жариялаған скриншотта ер адамдар 61 жаста, әйелдер 57 жаста зейнетке шығады делінген. Мәтінмен бірге Қазақстан Президентінің суреті берілген. Еңбек және халықты әлеуметтік қорғау министрлігі бұл ақпартты жоққа шығарды.
«Бұл – фейк, зейнетке шығу жасының өзгерісі туралы ешқандай сөз болған жоқ», – деп мәлімдеді министрлік.

Қазақстандағы зейнетке шығу жасының өзгеруі туралы ақпарат &#8211; фейк

<a href="https://kyzylorda-news.kz/">Kyzylorda-news.kz.</a> Аралда карантин режимі кезіндегі талаптардың сақталуын қадағалау мақсатында құрылған жұмысшы топ мүшелері түнгі рейд жұмыстарын жүргізді.
Рейд кезінде дүкендер және өзге де қоғамдық орындардың жұмыс уақыттары тексерілді Тексеріс жұмыстарының нәтижесінде қойылған шектеу уақытынан кейін 2 дүкеннің ашық тұрғандығы анықталды.
Дүкен иелеріне аудандағы қалыптасқан ахуал жайы айтылып, вирустың таралуын тежеу бағытында белгіленген уақыттан артық жұмыс жасамау жөнінде тиісті ескертулер айтылды. Сонымен қатар, қаладағы Д. Қонаев көшесіндегі тұрғын үйде үйлену тойы өтіп жатқандығы анықталып, той иелеріне ескерту жасалды.
Алдағы уақтытта мобильді топ мүшелері күшейтілген рейдтік шараларды күнделікті жүргізетін болады.
Карантин режимінің талаптарын сақтамай, шектеу уақытынан кейін жұмыс жасаған қоғамдық орындар мен жеке тұрғын үйлерде үйлену тойлары, қыз ұзату және өзге де отбасылық дәстүрлі шараларды жасағандарға қолданыстағы заңнамаға сәйкес айыппұл салынатындығын жариялы түрде ескертеміз .
Барша аудан тұрғындарын коронавирус инфекциясының таралуының алдын алуда зор жауапкершілік танытып, енгізілген шектеулерді қатаң сақтауға шақырамыз.
<img src="https://kyzylorda-news.kz/wp-content/uploads/2020/07/fb_img_1595386831543-1.jpg" alt="" />

Аралда той өткізген отбасыға ескерту жасалды

<a href="https://kyzylorda-news.kz/">Kyzylorda-news.kz.</a> Өңірде 57708 адам 42500 теңге көлемінде қосымша әлеуметтік жәрдемақы алуға жүгінді. Оның ішінде, шілде айында 43482 азаматқа көмек көрсетілді. Бұл туралы Өңірлік коммуникациялар қызметінің ақпарат алаңында облыстық жұмыспен қамтуды үйлестіру және әлеуметтік әлеуметтік бағдарламалар басқармасының басшысы Талғат Дүйсебаев баяндады.
Әлеуметтік төлем жұмыстарын жүргізу үшін облыстық, аудандық және қалалық деңгейде өтініштерді қарайтын арнайы штабтар жұмыс жасауда. Біржолғы төлем шілде айына ақысыз еңбек демалысына жіберілген немесе табысынан айырылған тұлғаларға бір рет тағайындалып, төленеді.
<blockquote>
 «Біржолғы көмекті төлеу бойынша автоматты түрде жәрдемақы тағайындауға жататын азаматтарға проактивті SMS тарату жұмысы басталды. Бүгінде 33 280 азаматқа автоматты түрде SMS жолданып, табысынан айырылғандығын растау жұмыстары жүргізілуде», – деді “Азаматтарға арналған үкімет” мемлекеттік корпорациясы” КЕ АҚ Қызылорда облысы бойынша филиалының директоры Айдын Қайруллаев.
</blockquote>
Сондай-ақ, жеке кәсіпкерлікте жұмыс істеп, ақысыз еңбек демалысына жіберілсе онда өтінімді жұмыс беруші жолдауы қажет. Әлеуметтік төлем алуға өтінімді eGov электронды үкімет порталы мен 42500.enbek.kz вебсайты және Telegram-бот, kaspi.kz, HomeBank мобильді қосымшалары арқылы онлайн түрде жолдауға болады. Жалпы мобильді қосымшалар мен вебсайттар арқылы 29 128 өтінім келіп түскен.
<blockquote>
 «Жұмысынан айырылу жағдайына арналған төлем міндетті әлеуметтік сақтандыру жүйесіне қатысушы ҚР халықты жұмыспен қамту туралы заңнамасына сәйкес жұмыссыз ретінде тіркелгеннен күннен бастап тағайындалады», – деді Мемлекеттік әлеуметтік сақтандыру қоры АҚ Қызылорда облысы бойынша филиалының директоры Гүлсім Денеева.
</blockquote>

Қызылордада  43 482 адамға әлеуметтік жәрдемақы берілді

<a href="https://kyzylorda-news.kz/">Kyzylorda-news.kz.</a> Сырдария ауданына қарасты Шаған ауылының көше жолдарын жөндеу кезең-кезеңімен жүзеге асырылып келеді. 
Қазіргі таңда ауылдағы Қ.Мыханова көшесінің жолы жөнделу үстінде. Одан бөлек елді мекендегі 7 көшені орташа жөндеуге жобалық сметалық құжат дайындалған.
Осы ретте ауылға кіреберістегі Жүсіпәлі Омаров көшесінің тұрғындары жолды жөндеп беруге өтініш білдірген. 62 отбасы тұратын көше «Батыс Қытай-Батыс Еуропа» автодәлізімен түйіседі. Көшенің ұзындығы 1,4 шақырымды құрайды. Бұл көшенің бойында «Жұмыспен қамтудың жол картасы» бағдарламасы аясында балалар ойын алаңы салынуда. Жобаның құны – 5,6 млн теңге. Құрылысты «Мұрат құрылыс и К» мердігер компаниясы жүргізуде. Бүгінде ойын алаңы жобасының құрылысы аяқталуға жақын.
Қазіргі таңда аталған көшенің жол сапасы сын көтермейді. Сондықтан да көше тұрғындары қысы-жазы жол азабын тартуда. Балшықты күндері балалардың мектепке қатынауы да тұрғындар алаңдаушылығын тудырған. Осыған байланысты Сырдария ауданының әкімі Руслан Рүстемов Шаған елді мекеніне барып, аталған көшені көрді.
Көше тұрғыны, еңбек ардагері Зұлқарнай Тасбергенов бұл жерге кеңестік кезеңде тас төселгенін айтты. Содан бері жөндеу жұмыстары жүргізілмеген. Еңбек ардагері көшеге жарық жүргізілгендігін атап, ендігі кезекте жол мәселесін шешіп беруге ықпал етуді жеткізді.
Жарықтандырылған көшенің жолы жөнделсе, осы көшемен жүретін шаруашылық бригадаларының егістікке қатынауы жақсарады. Сондай-ақ ауылдың кіреберісінде кептеліс азаяды. Ең бастысы, көше тұрғындары жол азабынан құтылады.
Көшені басынан аяғына дейін жүріп көрген аудан әкімі жолды жөндеуден өткізуге қатысты тұрғындар өтініші ескерілетінін атап, аудан әкімінің орынбасарына тиісті құжаттарды дайындауға нақты тапсырма берді.
<img src="https://kyzylorda-news.kz/wp-content/uploads/2020/07/fb_img_1595356137759-1.jpg" alt="" />
<img src="https://kyzylorda-news.kz/wp-content/uploads/2020/07/fb_img_1595356140048-1.jpg" alt="" />
<img src="https://kyzylorda-news.kz/wp-content/uploads/2020/07/fb_img_1595356133267.jpg" alt="" />

Шағандықтардың өтініші ескерілді

<a href="https://kyzylorda-news.kz/">Kyzylorda-news.kz.</a> Қызылорда облыстық көпбейінді балалар ауруханасының кеңес беру диагностикалық бөлімшесі бір ауысымда 300 баланы қабылдай алады. Бұл туралы Өңірлік коммуникациялар қызметінің ақпарат алаңында өткен брифингте Қызылорда облыстық денсаулық сақтау басқармасының басшысы Сабит Пазилов баяндады.
Сондай-ақ, індеттің алдын алу бағытында қосымша 100 провизорлық және 5 инфекциялық төсек орын ашылды. Қосымша 55 пульмонологиялық төсек орын бар.
<blockquote>
 «Жастардың арасында тыныс алу жүйесі және пневмония ауруына шалдыққандар өткен жылмен салыстырғанда көбеюде. Өңірде коронавирус инфекциясы тіркелгелі бері індет жұқтырған 14 жасқа дейінгі балалар сәуір-мамыр айларында жұқпалы аурулар ауруханаларында ем алған болатын. Ал маусым айында коронавирус инфекциясымен тіркелген балалар жоқ», – деді бас дәрігер.
</blockquote>
Қазіргі таңда, коронавирус инфекциясын жұқтырған 7 бала бар. Оның 3-еуі үй жағдайында, амбулаторлы ем алуға жолданса, 4-і стационарда емделуде.
<blockquote>
 «Балаларда коронавирус инфекциясы жеңіл түрде өтіп, айтарлықтай ауыр белгілер байқала бермейді. Дегенмен, ерекше қатер тобындағылар бұл жаңа туған сәбилер мен 1 жасқа толмаған балалар. Себебі, егде адамдар сияқты олар вирустық инфекциялардың ауыр түрлеріне бейім болып келеді. Сондықтан балалар ересектер мен бірдей деңгейде сақтық шаралары мен әлеуметтік оқшаулау ережелерін сақтауы керек», – деді Қызылорда облысының Бас мемлекеттік санитариялық дәрігері Әлия Мүтәліпқызы.
</blockquote>

Қызылордада коронавирус инфекциясын жұқтырған 7 бала бар

<a href="https://kyzylorda-news.kz/">Kyzylorda-news.kz.</a> Бүгін Қазақстанның солтүстік батысында нөсер жаңбыр жауады, тек солтүстік шығыста күн ашық. Кей жерлерде жел күшейіп, бұршақ түсуі мүмкін, оңтүстік батыста шаңды дауыл тұрады, деп хабарлайды Қазгидромет.
Алматы, Маңғыстау, Атырау облыстарында, түнде Ақмола облысының кей жерлерінде желдің күші 15-20 м/с жетеді, күндіз Маңғыстау облысының кей жерлерінде шаңды дауыл болады.
Қарағанды, таңертең және күндіз Қызылорда облыстарының кей жерлерінде, бұршақ жаууы ықтимал, желдің жылдамдығы 23-28 м/с, Қызылорда облысының кей жерлерінде шаңды дауыл күтіледі.
Батыс Қазақстан облысының кей жерлерінде бұршақ жауады, жел 15-20 м/с күшейеді.
Ақтөбе облысының кей жерлерінде бұршақ жаууы ықтимал, желдің жылдамдығы 15-20 м/с. 
Қостанай облысының кей жерлерінде дауыл тұрады, бұршақ, желдің екпіні 15-20 м/с.
Шығыс Қазақстан облысының кей жерлерінде дауыл тұруы ықтимал, жел 15-20, екпіні 25 м/с, күндіз кей жерлерде бұршақ жаууы мүмкін.
Күндіз Алматы, Жамбыл, Түркістан, Қызылорда облыстарында, Маңғыстау, Атырау, Батыс Қазақстан, Қостанай облыстарының оңтүстігінде қатты ыстық сақталады.
Қызылорда, Ақтөбе, Батыс Қазақстан, Атырау, Ақтөбе, Қостанай, Түркістан, Қызылорда, Жамбыл облыстарының басым бөлігінде, Алматы, Қарағанды ​​облыстарының кей жерлерінде жоғары өрт қаупі сақталады.

Сәрсенбіге арналған ауа райы болжамы

Бүкіләлемдік ми күні
Дүниежүзілік неврологтар федерациясы бекітті. Алғаш рет 2014 жылы 22 шілдеде өткізілді.
1939 жылы&nbsp;Атырау облыстық өлкетану мұражайы ашылды. Оның қорында өлке, табиғат, мәдениет пен өнер жәдігерлерінің 50 мыңнан астам түрі бар.
1992 жылы&nbsp;Қазақстан мен Украина арасында дипломатиялық қарым-қатынас орнатылды.
1993 жылы&nbsp;Қазақстан Республикасы және бұрынғы одақтас республикалардың шаруашылық субъектілерінің арасындағы есептерді реттестіру мақсатында ҚР Министрлер Кабинеті және ҚР Ұлттық банкі Қазақстандағы шаруашылық субъектілеріне шарт жасасып, сауда мәмілелерін іске асыру кезінде бұрын СССР құрамына кірген әр республикада өз қолма-қол ақшасыз рублінің және ұлттық валютасының айналымда болғанын, сондай-ақ олардың қолма-қол ақшасыз «Қазақстан рубліне» айналдырылатын бағамын ескеруді міндеттеді. «Қазақстан рублінің» бағамын Ұлттық банк ресми бағам ретінде белгілеп отырды.
1999 жылы&nbsp;ҚР Президенті Нұрсұлтан Назарбаевқа «Тәуелсіз Мемлекеттер Достастығы авиациясын дамытудағы ерекше үлесі үшін» сыйлығы тапсырылды.
2015 жылы&nbsp;Алматының 1000 жылдығы ЮНЕСКО-ның мерейтойлық даталар тізіміне енгізілді.
2016 жылы&nbsp;«Қазпошта» АҚ «Естелік және мерейтойлық даталар» сериясының аты аңызға айналған барлаушы, фин және Екінші дүниежүзілік соғыстарға қатысқан жауынгер, белгілі қоғам қайраткері Мұрәлі Шәменовтің 100 жылдығына арналған пошта маркасын айналымға шығарды.
Маркалар офсеттік әдіспен 2 бояумен 105 маркадан тұратын табақ түрінде шығарылды. Марканың өлшемі 26х18 мм. Номиналы – 50 теңге. Таралымы 2 млн дана. Суретшісі – Сергей Маршев.

22 шілде: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 22 шілдеге арналған жұлдыз-жорамалы.
Тоқты
Шапщаң қимылдайтын болсаңыз, көп жетістікке жетуге болады. Көп ойлануға уақыт жоқ. Мақсаттыңызды айқындап, кедергілерден сүрінбей өтуіңіз қажет. Тез әрекет етемін деп шаршап қаласыз, сондықтан арасында демалып алыңыз. Бірақ ұзаққа кетпеңіз.
Торпақ
Бүгін ұстамдылық және салқынқандылық танытуыңыз қажет. Эмоцияға берілмеңіз, сонда ғана қателіктердің алдын аласыз. Кешке қарай арқаны кеңге салып, достармен басқосуға болады. Романтикалық кеш ұйымдастыруға да әбден болады.
Егіздер
Жаныңызға серіктес іздеп жүрсіз бе? Сізге оның қажеті шамалы. Сіз барлық шаруаның өзіңіз-ақ атқара аласыз. Ал серіктестер тек сіздің жүйкеңізді жұқартады. Ақшаға қатысты істе жолыңыз болады.
Шаян
Сіз елемеген кейбір жағдайлар нағыз есте қалар оқиғалардың бастауы болады. Күніңіз сәтті өтеді. Алғаш рет жасап көрген ісіңіздің өзі іш пыстырмайды. Ал көптен бері танитын адамдар сізді таңқалдырудан жалықпайды.
Арыстан
Бірлесіп жасаған шаруа қызықты, әрі пайдалы болмақ. Осы жұмыс арқылы болашағыңыз жарқын болатынына сеніңіз. Маңызды ақпараттарға қол жеткізіп, тәжірибелі адамдардан ақыл-кеңес аласыз.
Бикеш
Жақындарыңызбен әңгіме-дүкен құруға таңертеңгілік уақыт тиімді болмақ. Бұл мағынасыз, жөнсіз әңгіме болуы мүмкін. Алайда ол сіздің көңіл-күйіңізді көтеретін болады. Сондықтан әңгімені соңына дейін тыңдап, барынша көмек көрсетуге тырысыңыз.
Таразы
Маңызды сауалдарға жауап табуыңыз қажет. Бұл сізге оңайға соқпайды. Бірінші сәтсіздіктен кейін салыңызды суға кетпесін. Мәселені шешуге талыпыныңыз. Соңында бұл оң нәтиже берері анық. Сіз өз дегеніңізге жетесіз.
Сарышаян
Өте керемет күн. Бүгін көптеген мәселелерді шешуге болады. Әсіресе соңғы уақытта өзіңіз мойынсұнған мәселелерді оңынан шешесіз. Өзіңіздің жоспарларыңызбен өзгелерді қызықтыра аласыз.
Мерген
Бүгін жұмысқа қатысты шаруаларда жолыңыз болады. Келісімдер сәтімен аяқталады. Егер әлдекімнің көмегіне жүгінетін болсаңыз жетістікке жету оңай болады. Жалғыз жорыту арқылы сіз мақсатыңызға алыстай түсесіз.
Тауешкі
Бүгін қызықты танысулар орын алады. Сіз өзіңізге және достарыңызға ұқсамайтын жанмен таныс боласыз. онымен тез тіл табысу мүмкін болмайды. Дегенмен оның өміріңізде орын алуы кездейсоқтық емес екенін ұғасыз.
Суқұйғыш
Маңызды шаруаларға ғана ой бөліңіз. Болмашыға бола жүйкеңізді жұқартпаңыз. Сонда ғана сіз күніңізді сәтті өткізіп, табысты боласыз. Уайым, алаңдаушылық жұмысыңыз түгіл күнделікті шаруаның өзін атқаруға кедергісін келтіреді.
Балықтар
Күніңіз қызықты болады. Бүгін сіз көп жаңалық естіп, көңіліңіз көтеріледі. Өз күшіңізге сенесіз, сондықтан тәуекелге бел буып, жауапкершілік жүгін арқалайтын боласыз. Табысқа тез қол жеткізіп, қарсыластарды шаң қаптырасыз.

Жұлдыздар не дейді?

&nbsp;<a href="https://kyzylorda-news.kz/date/2020/07/21/">Kyzylorda-news.kz.</a> 22 шілдеде таңертең және күндіз Қызылорда облысының кей жерлерінде найзағай, шаңды дауыл болып, бұршақ жауады, деп хабарлайды “Қазгидромет” РМК Қызылорда облысы бойынша филиалы.
<blockquote>
 “Жел солтүстік-батыстан соғады, кей жерлерде 15-20, екпіні 23 м/с. Күндіз 40-43 градус қатты ыстық, өте жоғары өрт қаупі сақталады. Қызылорда қаласында 22 шілдеде күндіз 40-41 градус қатты ыстық болады”, делінген хабарламада.
</blockquote>

Қызылордада ауа райына байланысты ескерту жарияланды

&nbsp;<a href="https://kyzylorda-news.kz/date/2020/07/21/">Kyzylorda-news.kz.</a> Қазіргі таңда ауданда эпидимеологиялық ахуал күрделі болуына қарамастан той жасаушылар қатары азаймай тұр. Ал, COVID-19 инфекциясы, өздеріңіз білесіздер, адам көп жиналған жерлерде тез таралады.
Аты жаман аурудың алдын алу мақсатында Қазалы ауданы бойынша полиция бөлімінің қызметкерлері күнделікті рейдке шығып, карантин талаптарын бұзған бірнеше құқық бұзушылықтарды анықтады. Әсіресе тұрғындар арасында той жасаушылардың көбеюі көңілге кірбің ұялатады.
Рейд барысында тұрғын үйлерде адамдарды жинап той жасаған 2 той иесінің түсініктері алынып, тиісті құзырлы органға заң жүзінде шешім қабылдау үшін жолдады.
Полиция бөлімінің қызметкерлері аудан бойынша 5 азық-түлік дүкенінде сатушылардың медициналық маскасыз және арнайы қолғапсыз сауда-саттық жасағанын анықтады. Сонымен бірге, 1 кафе иесі бет пердесіз сауда жасаса, 8 азамат қоғамдық орындарда бет пердесіз жүрген.
Сондай-ақ, 20 шілде күні аудан әкімдігі жанынан құрылған мобильдік топ Әйтеке би кентінде той жасап жатқан тұрғынды анықтап, полиция бөлімінің қызметкерлерін шақырды. Сонымен қатар, карантиндік шектеулерге қарамастан жұмысын жалғастырған кафе иесінен түсініктеме алынып, тиісті құзырлы органға заң жүзінде шешім қабылдау үшін жолдады.

Қазалыда той жасаушылар тыйылмай тұр

<blockquote>
 <a href="https://kyzylorda-news.kz/date/2020/07/21/">Kyzylorda-news.kz.</a> Бүгін облыс әкімі Гүлшара Әбдіқалықова облыстық жұмыспен қамтуды үйлестіру және әлеуметтік бағдарламалар басқармасының басшысы Т.Дүйсебаевты және «Азаматтарға арналған үкімет» мемлекеттік корпорациясының Қызылорда облысы бойынша филиалының директоры А.Қайруллаевты қабылдады.
</blockquote>
Кездесуде өңір басшысы карантиндік режимге байланысты аймақтағы әлеуметтік төлемдердің жүйелі жүргізілуін тапсырды.
<blockquote>
 «Кейбір кәсіпкерлік нысандарда карантин режиміне сәйкес жұмыс тоқтап тұр. Сол себепті әлеуметтік төлемдердің дұрыс ұйымдастырылуын бақылауға алыңыздар. Ақпараттандыру жұмыстарын күшейтіңіздер», – деді облыс әкімі Гүлшара Әбдіқалықова.
</blockquote>
Бүгінгі күнге 57 708 адам 42 500 теңге көлемінде қосымша әлеуметтік жәрдемақы алуға өтінім жолдап, 43 482 азаматқа 1,8 млрд. теңге көлемінде көмек көрсетілді. 
Өтініштер 42 500.enbek.kzпорталы, е-GOV электронды үкімет порталы, телеграмм бот арқылы 20 шілдеден бастап 1 қыркүйекке дейін қабылданады. 
Аталған әлеуметтік төлем жұмыстарын жүргізу үшін облыстық, аудандық және қалалық деңгейде өтініштерді қарайтын арнайы штабтар жұмыс жасауда.
1 шілдеден бастап, биылғы жылдың 1-2 тоқсандарында атаулы әлеуметтік көмек алған 9 023 отбасының өтініші 3-тоқсанға ақпараттық жүйеде автоматты түрде ұзартылып, қайта тағайындау жұмыстары жүргізілуде.
Сонымен қатар, шілде айында атаулы әлеуметтік көмек алушылар қатарынан 6 жастан 18 жасқа дейінгі балалар, 16 жасқа дейінгі мүгедек балалар, барлық жастағы I, II, III топтағы мүгедектер, мүгедек баланы тәрбиелеушілер, жұмыспен қамту органдарында тіркелген жұмыссыз азаматтар, жалпы 63 253 адамға 5567 теңгеден 352,1 млн. теңге төленеді. 
Атаулы әлеуметтік көмек алуға бірінші рет өтініш беретін азаматтардың өтініштері «e-gov» электронды порталы арқылы қабылдануда.
Сондай-ақ, карантин шараларына байланысты тұрғындардың сауалдарына жауап беретін колл орталықтары іске қосылды. 
-Әлеуметтік көмекке байланысты – 8 (7242) 27 01 11; 
-42500 теңгеге байланысты – 8 (7242) 26 38 20.

Қазақстан және Қызылорда облысының жаңалықтары

Қызылорда облыстық құрылыс, сәулет және қала құрылысы басқармасының басшысы тағайындалды

Қазақстандағы зейнетке шығу жасының өзгеруі туралы ақпарат – фейк

Аралда той өткізген отбасыға ескерту жасалды

Қызылордада 43 482 адамға әлеуметтік жәрдемақы берілді

Шағандықтардың өтініші ескерілді

Қызылордада коронавирус инфекциясын жұқтырған 7 бала бар

Сәрсенбіге арналған ауа райы болжамы

22 шілде: Атаулы күндер мен оқиғалар

Жұлдыздар не дейді?

Қызылордада ауа райына байланысты ескерту жарияланды

Қазалыда той жасаушылар тыйылмай тұр

42 500 теңге: Гүлшара Әбдіқалықова жауапты сала басшыларын қабылдады

Қазақстан және Қызылорда облысының жаңалықтары

Қызылорда облыстық құрылыс, сәулет және қала құрылысы басқармасының басшысы тағайындалды

Қазақстандағы зейнетке шығу жасының өзгеруі туралы ақпарат &#8211; фейк

Аралда той өткізген отбасыға ескерту жасалды

Қызылордада 43 482 адамға әлеуметтік жәрдемақы берілді

Шағандықтардың өтініші ескерілді

Қызылордада коронавирус инфекциясын жұқтырған 7 бала бар

Сәрсенбіге арналған ауа райы болжамы

22 шілде: Атаулы күндер мен оқиғалар

Жұлдыздар не дейді?

Қызылордада ауа райына байланысты ескерту жарияланды

Қазалыда той жасаушылар тыйылмай тұр

42 500 теңге: Гүлшара Әбдіқалықова жауапты сала басшыларын қабылдады

Қазақстандағы зейнетке шығу жасының өзгеруі туралы ақпарат – фейк