<a href="https://kyzylorda-news.kz/">Kyzylorda-news.kz.</a> Қазіргідей эпидимеологиялық ахуал күрделі кезеңде ауруханада жатқан әрбір науқастың денсаулығы біз үшін өте маңызды. Сондықтан да елімізде төтенше жағдай жарияланғаннан бастап ауданда аурудың алдын алу және жұқпалы індеттің таралмауы үшін көптеген жұмыстар қолға алынды. Сондай-ақ, жақында аудан әкімі Мұрат Ергешбаевтың тапсырмасына сәйкес 5 оттегі концентраторы сатып алынды. Ол үшін аудандық бюджеттен арнайы қаржы бөлінді.
Оттегі концентраторы жұқпалы індетке шалдыққан науқастарды емдеуде таптырмайтын құралдардың бірі. Бүгін аудан әкімінің орынбасары Әліби Әбиев алдымен 3 дана оттегі концентраторын Қазалы ауданаралық ауруханасы бас дәрігерінің міндетін атқарушы Бақыткүл Әлішеваға табыстады.
Қазіргі таңдағы бұл аппараттардың маңыздылығын айтқан Бақыткүл Әлмәмбетқызы аудан басшылығына алғысын айтты.
<blockquote>
 “Бүгінгі күні елімізде өршіп тұрған «Covid-19» инфекциясы мен пневмонияны емдеуде бұл тыныс алу аппаратының маңызы зор. Себебі мұндай диагнозбен ауырған науқастарға оттегі ауадай қажет. Осындай қысылтаяң сәтте дәрігерлерге қолдау көрсетіп жатқан аудан әкімі Мұрат Нәлхожаұлына ризашылығымызды білдіреміз. Аудан басшысы бұған дейін де күні-түні аурумен арпалысып жатқан ақ халаттыларға көмегін аяған емес”, – дейді Бақыткүл Әлішева.
</blockquote>
Мұнан соң аудан әкімінің орынбасары Әліби Әбиев Қазалы теміржол ауруханасына барып, Құбыл Ршымбетов бастаған медицина қызметкерлеріне 2 дана оттегі концентраторын табыстады. Өз кезегінде Қазалы ауданының құрметті азаматы, тәжірибелі маман Құбыл Ршымбетов қолдау көрсеткен аудан басшылығына өз алғысын жеткізіп, ризашылығын білдірді.
Айта кетейік, бір адамға арналған «Armed» 7F – 3L оттегі концентраторы минутына 3 литр, сағатына 180 литр оттегі өндіреді. Салыстырмалы түрде алатын болсақ, толық 1 оттегі баллоны 40 сағатқа ғана жетеді. Ал, бұл аппараттың тиімділігі 24 сағат бойы жұмыс істей береді.
<img src="https://kyzylorda-news.kz/wp-content/uploads/2020/07/fb_img_1595276452195.jpg" alt="" />

Қазалыдағы ауруханаларға  оттегі концентраторы жеткізілді

<a href="https://kyzylorda-news.kz/">Kyzylorda-news.kz.</a> Қызылорда қаласында 9 жасар қызға азғындық әрекетін жасаған бұзақы бірнеше күннен кейін қолға түсті, деп хабарлайды <a href="https://www.inform.kz/kz/kyzylordada-9-zhasar-kyzga-azgyndyk-areket-zhasagan-kudikti-ustaldy_a3674799">ҚазАқпарат</a>.
Оқиға 16 шілде күні болған. Белгісіз азамат 9 жастағы қыз балаға жыныстық сипаттағы зорлық-зомбылық әрекетін жасаған. Содан кейін оқиға орнынан қашып кеткен.
<blockquote>
 «Күдіктіні анықтау мақсатында облыстық полиция департаменті және Қызылорда қалалық полиция басқармасы қызметкерлері тарапынан жедел тергеу тобы құрылды. Полиция қызметкерлері кешенді жедел-іздестіру шараларын жүргізді. Нәтижесінде күдіктінің жеке басы анықталып, 26 жастағы Қызылорда қаласының тұрғыны ұсталды. Ол кінәсін толығымен мойындады», – деп мәлім етті Қызылорда облыстық полиция департаменті.
</blockquote>
Департаменттің хабарлауынша, қазір күдікті уақытша ұстау абақтысына қамауға алынған. Аталған дерек бойынша ҚР Қылмыстық кодексінің 121-бабының 4-бөлігімен тергеп-тексеру амалдары жүргізілуде.

Қызылордада 9 жасар қызға азғындық әрекет жасаған күдікті  ұсталды

<a href="https://kyzylorda-news.kz/">Kyzylorda-news.kz.</a> Қызылорда облысында 21 шілде күні солтүстік-батыстан 15-20 м/с жел тұрады, деп хабарлайды Қазгидромет.
Күндіз 40-42 градусқа дейін қатты ыстық, төтенше өрт қауіптілігі сақталады. Күндіз 40 градусқа дейін қатты ыстық сақталады. Дауыл тұру ықтималдығы – 90-100%.

21 шілдеге арналған ауа райы болжамы

1917 жылы&nbsp;Орынбор қаласында I жалпықазақ съезі өтіп, онда қазақ интеллигенциясының өкілдері «Алаш» партиясын құру туралы шешім шығарды.
1958 жылы&nbsp;Қазақ симфониялық оркестрі құрылды.
2011 жылы&nbsp;Астана қаламаңындағы аймағына 81 елді мекен қосылды.
2006 жылы&nbsp;«Қазпошта» АҚ республика ішілік пошталық айналымға жаңа марка шығарды. Жаңа шығарылым танымал геолог-ғалым, Қазақстандағы геомеханиканың негізін салушы, ҚР ҰҒА мүшесі, профессор Ақжан Машанидің 100 жылдығына арналған. Екінші Аристотель атанған Әбу Насыр әл-Фарабидің ғылыми мұрасын зерттеуге барлық саналы ғұмырын арнаған ол – геология және кен істері бойынша жарық көрген бірқатар оқу құралдарының авторы.
4 бояулы офсеттік тәсілмен басылған марка 50 мың дана таралыммен шыққан.

21 шілде: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 21 шілдеге арналған жұлдыз-жорамалы.
Тоқты
Түске дейінгі уақытыңыз керемет өтеді. Өз мүмкіндігіңізді пайдаланып, жетістікке қол жеткізесіз. Ең алдымен маңызды мәселелерді қолға алыңыз.
Торпақ
Сіздің іскерлігіңіз бен өз ісіңізге деген ынтаңыз жұмыста табысты болудың басты кепілі болмақ. Егер сіз жұмыс алушы болсаңыз онда бүгін сіз үшін сәтті күн.
Егіздер
Бүгін іскерлік кездесулер ойдағыдай өтеді. Серіктестермен бірге жұмыс көлемін ұлғайтып, істеріңіз берекелі болмақ.
Шаян
Бүгінгі күн ғашық болуға, сезіміңізді білдіруге қолайлы күн. Ескі қарым-қатынасты қайта жандандыруға да қолайлы уақыт болмақ.
Арыстан
Бүгін күш-қуатыңыз да тасып, барлық шаруаны тез атқара аласыз. Энергияңыз тасып тұрған сәтте кейінге қалдырылып келе жатқан жұмысты да бітіріп тастаңыз.
Бикеш
Сәттілік серігіңізге айналады. Қызметте өсуді көздейсіз. Сіздің талантыңыз, іскерлігіңіз көлеңкеде қалып қоймайды.
Таразы
Бүгін саяхаттап немесе жұмыс барысымен сапарға шығуыңыз мүмкін. Сонымен қатар бүгін жоғарғы білім алу туралы көп ойланасыз.
Сарышаян
Жұмыста өзгерістер орын алып, қызметтік сатыда өскеніңізбен, әзірге бұл ісіңіз өз жемісін бермейді. Сондықтан барлығына өз еңбегіңізбен қол жеткізгеніңіз жөн.
Мерген
Бүгін алыс жолға шығасыз. Сондай-ақ ғылыми жұмыспен айналысатын, білім беру саласының және саясатқа жақын жандардың жолы болады.
Тауешкі
Сіздің материалдық жағдайыңыз жұмыс жасауыңызға байланысты болмақ. Көп табыс табуды жоспарласаңыз, ең алдымен біліміңізді жетілдіріңіз.
Суқұйғыш
Бүгін көпшіліктің көңілін өзіңізге аудара аласыз. Ұйымдастырушылық қабілетіңіз артып, таныстарыңыздың арқасында біраз шаруаны тындырасыз.
Балықтар
Бүгін тосыннан орын алған жайттар сәттілік әкеледі. Өзіңізді қызықтырған істермен айналысасыз. Сонымен қатар жаңа серіктестермен танысасыз.

Жұлдыздар не дейді?

Kyzylorda-news.kz. Коронавирустан жазылған адамда әлсіздік, ұйқының бұзылуы секілді ауру белгілері сақталуы мүмкін. Бұл жайында Алматы қаласының инфекционист дәрігері Тамара Утағанова мәлімдеді, деп хабарлайды&nbsp;<a href="https://sputniknews.kz/">Sputnik Қазақстан</a>.
<blockquote>
 “Дене температурасының қалыпқа келуі, әлсіздіктің төмендеуі, тершеңдік азайып, бас ауруының қоюы қажет. Яғни, адам өзін қанағаттанарлық деңгейде сезінуі қажет. Қазір бұрынғыдай 14 күн, 20 күн деген уақыт жоқ. Клиникалық бақылаудан кейін дәрігер науқасқа ПТР-талдауын тапсыру қажет пе, соны айтады”, – дейді дәрігер.
</blockquote>
Айтуынша, коронавирус инфекциясынан адам өзін жақсы сезінуі қажет. Соған қарамастан әлсіздік пен тершеңдік сақталуы мүмкін.
<blockquote>
 “Иіс және дәм сезуге келетін болсақ, бір адамда ол қабілет үш күннен кейін оралуы мүмкін, ал бір адамда екі айдан кейін оралады. Алайда науқастың дәм мен иіс сезбеуі жан-жағындағыларға эпидемиологиялық қауіп төндіреді дегенді білдірмейді”, – деді инфекционист.
</blockquote>
Сонымен қатар дәрігер аурудан кейін ұйқының бұзылуы, әлсіздік, шаршау секілді белгілер сақталуы мүмкін екенін айтты. Айтуынша, кез келген инфекциялық аурудан кейін қалпына келу бір аптадан екі айға дейін созылады.
Сондай-ақ, дәрігер қалада бір науқастың екінші рет инфекция жұқтырып, ауруханаға түспегенін атап өтті.

Науқас коронавирустан жазылғанын қалай біле алады?

<a href="https://kyzylorda-news.kz/">Kyzylorda-news.kz.</a> Ұлттық экономика министрлігінің табиғи монополияларды реттеу комитеті және оның аумақтық бөлімшелері жылу энергиясын есепке алу құрылғылары жоқ тұтынушылардың ақысын қайта есептеп шықты, деп хабарлайды&nbsp;комитеттің баспасөз қызметі.
<blockquote>
 “Осы жұмыс табиғи монополиялар саласындағы заңнаманың нормаларына сәйкес жүргізілген болатын. Оның қорытындысы бойынша қайта есептеу нәтижесінде жылу маусымында (2020-2021 жылдары) немесе күнтізбелік жыл үшін (2020 жылдың соңына дейін) қаражатты қайтару халықтың жеке шотында көрсетіледі және аванс (сальдо) түріндегі жеке жолда жазылады”, – дейді мамандар.
</blockquote>
Заң бойынша табиғи монополия субъектісі сырттағы ауаның нақты температурасын ескере отырып, қайта есептеу шараларын жүргізуге мiндеттi. Ал 2019-2020 жылдардағы жылыту кезеңінде жылумен жабдықтау бойынша қызмет көрсететін 133 табиғи монополия субъектісі жылу энергиясының төлеміне жалпы сомасы қосымша құн салығымен 736 771 070 теңгеге қайта есептеу жүргізді.
– Нұр-Сұлтан қаласы бойынша – 3 818 460 теңге, бұл ретте Нұр-Сұлтан қ. бойынша аумақтық департамент “Қаныш Сатпаев атындағы арна” РМК “Қазсушар” филиалы және “Сапро-НАТ” ЖШС атты субъектілер бойынша қайта есептеу жүргізді, олар Қарағанды, Павлодар және Солтүстік Қазақстан облыстарында қызмет көрсетеді:
<ul>
<li>&nbsp;Алматы қаласы бойынша – 13 327 030 теңге;</li>
<li>&nbsp;Шымкент қаласы бойынша – 25 805 640 теңге;</li>
<li>&nbsp;Алматы облысы бойынша –&nbsp;8 659 900&nbsp;теңге;</li>
<li>&nbsp;Ақмола облысы бойынша – 39 708 450 теңге;</li>
<li>&nbsp;Атырау облысы бойынша –&nbsp;8 325 040&nbsp;теңге;</li>
<li>&nbsp;Ақтөбе облысы бойынша – 50 624 690 теңге;</li>
<li>&nbsp;Шығыс Қазақстан облысы бойынша – 189 998 270 теңге;</li>
<li>&nbsp;Жамбыл облысы бойынша – 43 108 930 теңге;</li>
<li>&nbsp;Батыс Қазақстан облысы бойынша – 14 942 620 теңге;</li>
<li>&nbsp;Қарағанды облысы бойынша – 167 298 790 теңге;</li>
<li>&nbsp;Қостанай облысы бойынша – 50 718 610 теңге;</li>
<li>&nbsp;Қызылорда облысы бойынша – 53 392 570 теңге;</li>
<li>&nbsp;Маңғыстау облысы бойынша – 3 291 000 теңге;</li>
<li>&nbsp;Павлодар облысы бойынша – 28 629 400 теңге;</li>
<li>&nbsp;Солтүстік Қазақстан облысы бойынша – 22 562 880 теңге;</li>
<li>&nbsp;Түркістан облысы бойынша – 12 558 790 теңге.</li>
</ul>
Комитет барлық тұтынушының жылу энергиясын есептеу құрылғыларын қолдануға ауысу қажеттігін ерекше атап өтті. Сол кезде олар нақты тұтынған жылу энергиясы үшін ғана төлейді және қайта есептеудің қажеті болмайды.

Коммуналдық қызметке жұмсалған миллиондаған ақша қайтарылады

<a href="https://kyzylorda-news.kz/">Kyzylorda-news.kz.</a> Аймақта судағы қауіпсіздік ережелерін сақтамау салдарынан 19 оқиға тіркеліп, 21 адам қайтыс болды. Оның 8-і бала.
Бұл туралы Өңірлік коммуникациялар қызметінің ақпараттық алаңында өткен брифингте Қызылорда облысының Төтенше жағдайлар департаментінің бастығы Омар Бержанов баяндады.
<blockquote>
 «Өткен аптада 3 бірдей қайғылы оқиға тіркеліп, 4 адам қаза тапты. Оның бірі Титов қыстағының 13 жасар тұрғыны. 2-ші жағдай Жосалы кентінің 1992 жылғы азаматы.&nbsp;Сондай-ақ, Қалғандария көлінен екі азаматтың суға түсуге арналмаған жерде батып кеткендігі анықталды. Азаматтардың мәйіті табылып, судан шығарылды.Өңірде суға шомылуға болмайтын 64 аймақ белгіленіп, 139 ескерту тақтайшасы орнатылды. Суға түсуге қауіпті аймақтарда азаматтардың рұқсат етілмеген жүзу құралдарын қолдануы және алғашқы көмек көрсету тәсілдерін білмейтіндігі де қайғылы жағдайдың көбеюіне әкелуде . Жаз айларында табиғатқа шығып, демалысты өзен мен көл жағасында өткізетін тұрғындар көп. Алайда сақтық ержелерін сақтамау салдарынан осындай демалыстар бақытсыз жағдайлармен аяқталып жатады»,-деді сала басшысы.
</blockquote>
<img src="https://kyzylorda-news.kz/wp-content/uploads/2020/07/110294917_1069780163417495_1108576674683487750_o.jpg" alt="" />

Қызылордада суға кеткен 13 жасар қыздың мәйіті табылды

<a href="https://kyzylorda-news.kz/">Kyzyzlorda-news.kz.</a> Медициналық сақтандыру қоры халықтың қай топтарында ТМККК және МӘМС қаражаты есебінен ПТР-тестілеуден тегін өтуге мүмкіндігі бар екенін айтты, деп хабарлайды <a href="https://www.inform.kz/kz/kimderdin-ptr-testileuden-tegin-otuge-mumkindigi-bar_a3674649">ҚазАқпарат</a>.
<blockquote>
 «Бірінші кезекте – инфекциялық стационарларда жатқан пациенттер. Диагнозды растап, емдеу алгоритмін қолдану үшін олар шұғыл түрде тексерілуі керек. Келесі санат – провизорлық стацион ардағы COVID-ке күдікті пациенттер. Оларда белгілі бір симптомдар болады және диагноз қою керек. Содан кейін ЖРВИ және пневмония симптомдары бар азаматтар емдеуші учаскелік дәрігердің жолдамасымен. Аталған топты тестілеу үшін қор емханалармен, отбасылық амбулаториялармен, ал олар өз кезегінде зертханалармен шарт жасасты. Сондай-ақ, тестілеу карантин изоляторына жатқызылған вирустың симптомсыз тасымалдаушыларға да жасалады» делінген қор хабарламасында.
</blockquote>
Бұдан басқа, жоспарлы емдеуге жатқызу кезінде пациенттер де ПТР-тест тапсырады, бұған жүкті әйелдер, шұғыл емге жатқызылатын пациенттер жатады. Қор жеткізушілердің алдында көрсетілген қызметтерге ақы төлеу бойынша өзінің барлық міндеттемелерін орындады.
Қызметтерді төлеу медициналық ақпараттық жүйелердің көмегімен Денсаулық сақтау министрлігі бекіткен тариф бойынша жүргізіледі.

Кімдердің ПТР-тестілеуден тегін өтуге мүмкіндігі бар?

<a href="https://kyzylorda-news.kz/">Kyzylorda-news.kz.</a> Елдегі эпидемиялық ахуалға байланысты Қызылорда қаласындағы ЗК-169/5 мекемесіндегі жазасын өтеушілер да өз үлестерін қосып, бетперде тігіп&nbsp; жатыр.
&nbsp;Бұл бетперделерді ЗК-169/5 мекемесінің аумағындағы&nbsp; РМК «Еңбек- Қызылорда» филиалының тігін цехында арнайы&nbsp; кәсіби білімі бар жазасын өтеушілер тігуде.&nbsp; Қазіргі таңда 45-ке жуық сотталған екі ауысымда бетперде тігіп жатыр.&nbsp; Ағымдағы жылдың наурыз айынан бері 50 мыңға жуық&nbsp; көпреттік медициналық маска тігілді.
Әр сотталушы әуел баста 5-10 маска шығарса қазір күніне 50-60 бетперде әзірлейді. Ал тәулігіне 2 мың дана тігіледі. Медициналық маскалар облыстағы мекемелердің тапсырысы&nbsp; негізінде дайындалып жатыр. Мұнан бөлек жазасын өтеп жатқандардың да қауіпсіздігі қамтамасыз етіліп, арнайы қорғаныс заттары беріледі. &nbsp;
ЗК-169/5 мекемесінде жазасын өтеп жатқан Асқар есімді азамат тігінші мамандығын оқып, дипломын алған. Бүгінде мекеменің өндірістік аумағындағы «Тігін цехында» жұмыс істейді.
<blockquote>
 «Осындай қиын уақытта «Жұмыла көтерген жүк жеңіл» демекші, халыққа &nbsp;қолымен келген көмегімді аянып жатқаным жоқ. Бір масқаны тігу үшін небәрі 5-10 минут уақыт кетеді. Күніне 50 дана бетперде тігемін. Айлық жалақымызды уақытылы алып отырмыз. Еліміз осы індетті жеңіп, мен де отбасыма аман есен оралсам деймін »- дейді Асқар.
</blockquote>

Қызылордадағы түзету мекемесінде 50 мың  маска тігілді

<a href="https://kyzylorda-news.kz/">Kyzylorda-news.kz.</a> «Аға сеньорлар» инструменті отандық сарапшылардың тәжірибесі мен білімін пайдалана отырып, салалық ерекшеліктерін басшылыққа алып кәсіпкерлердің құзыретін арттыруға, жаңа басқару әдістерін, өндіріс технологиялары мен персоналды оқытуға қатысты сұрақтар бойынша тікелей кәсіпорында қатысушыларға кеңес беру мен тәжірибе алмасуға бағытталған.
«Аға сеньорлар» құралына:
– «Бизнестің жол картасы – 2025» бағдарламасы аясында экономиканың басым секторларында жұмыс істейтін шағын және орта бизнестің субъектілері қатысушы бола алады. Жылдық айналымы 5000 айлық есептік көрсеткіштен кем болмауы қажет.
&nbsp;– Компонент бойынша сарапшыларды тарту шығындары, сонымен қатар сарапшылардың жол шығындары мен қызметіне қатысты шығындар республикалық бюджет есебінен жүзеге асырылады.
– Сарапшының өндіріс орны орналасқан өңірде болуымен байланысты шығындар: тұру, тамақтану, тасымалдау, тәулікақы шығындары кәсіпкермен дербес төленеді.
<blockquote>
 «Өткен жылы облысымыздың 4 кәсіпкері шет елдік маманды сарапшы ретінде шақыртты. Мәселен, Қырғызстаннан келген маман тігінмен айналысатын қызылордалық кәсіпкерге қызметкерлерін жылдам тігін тігуге үйретіп кетті. Ал Қазалы ауданындағы тіл дамыту орталығына келген шет елдік маман үйренушінің сөздік қорын арттыруға қатысты оңтайды тәжірибесімен бөлісті. «Аға сеньорлар» құралы тегін көрсетілетін қызмет. Сол үшін де қазіргідей қиын кезеңде кәсіпкерлерімізді аталмыш құралды белсенді қолдануға шақырамыз», – дейді кәсіпкерлік палатасының сарапшысы Гүлнұр Құрмантаева.
</blockquote>
Палата маманы карантинге орай кәсіпкерлер сарапшылардың қызметін онлайн да ала алатынын айтып отыр.
Кәсіпкерлер өтініштерін Қызылорда қаласында Желтоқсан көшесінің бойында орналасқан «Бастау» бизнес-орталығының 1-қабатындағы Кәсіпкерлерге қызмет көрсету орталығына, аудандарда Палатаның филиалындағы Кәсіпкерлерді қолдау орталықтарына қалдыра алады. Сұрақтар туындаған жағдайда Кәсіпкерлер палатасының Кәсіпкерлікті қаржылай емес қолдау бөлімінің сарапшысы Гүлнұр Құрмантаеваға 8/7242/40-08-74 байланыс телефоны арқылы хабарласа алады. Сондай-ақ, 1432 сall-сentre-ден де кеңес ала алады.

«Аға сеньор»: Қызылордалық кәсіпкерлер шетелдік сарапшыларды шақырта алады

<a href="https://kyzylorda-news.kz/">Kyzylorda-news-kz.</a> Бүгінге дейін “Азаматтарға арналған үкімет” мемлекеттік корпорациясы” КЕ АҚ Қызылорда облысы бойынша филиалының базасы арқылыкарантин уақытында табысынан айырылған облысымыздың 42 174 тұрғынына 42 500 теңге көлемінде төлем жасауға жіберілді.
Ал, 27 665 қызылордалыққа автоматты түрде SMS жолданып, табысынан айырылғандығын растау жұмыстары жүргізілді. 
14 807 азамат TelegramBot қосымшасы мен 42500.enbek.kz вебсайты арқылы өтінім жолдады.
Қазіргі таңда қиын жағдайға тап келіп, кірісінен айырылған өз-өзін жұмыспен қамтушыларға, жеке кәсіпкерлікпен шұғылданушыларға мемлекет тарапынан 42 500 теңге бөлінуде. Осы ретте, «Азаматтарға арналған үкімет» мемлекеттік корпорациясының әлеуметтік сала мамандары демалыс күндерге қарамай еңбек етіп, табысынан айырылғандарға төлемақының уақытылы төленуіне жұмыс жасауда.
Айта кетейік, бұл тек 19 шілдедегі сағат 17:00-дегі ақпарат. Негізі өтінімдер базаға күнделікті келіп түсуде. Бұған дейін 42500 теңге алған азаматтарға 1414 арқылы СМС хабарламасы жолдануда. Егер оған дұрыс жауап берсеңіз, өтінім жолдамай тиісті төлемақы тағайындалатын болады.
<blockquote>
 Ескерте кететін жағдай, егер жеке кәсіпкерлікте жұмыс істеп, ақысыз еңбек демалысына жіберілсеңіз онда өтінімді жұмыс беруші жолдауы қажет.Әлеуметтік төлем алуға өтінімді eGov электронды үкімет порталы мен 42500.enbek.kz вебсайты және Telegram-бот, kaspi.kzмобильді қосымшалары арқылы онлайн түрде жолдауға болады.
</blockquote>

Қазақстан және Қызылорда облысының жаңалықтары

Қазалыдағы ауруханаларға оттегі концентраторы жеткізілді

Қызылордада 9 жасар қызға азғындық әрекет жасаған күдікті ұсталды