Kyzylorda-news.kz. ҚР Президенті Қасым-Жомарт Тоқаев ақпарат мәселелеріне қатысты заңға қол қойды, деп хабарлайды Ақордаға.
Мемлекет басшысы «Қазақстан Республикасының кейбір заңнамалық актілеріне ақпарат мәселелері бойынша өзгерістер мен толықтырулар енгізу туралы» Қазақстан Республикасының Заңына <a href="https://mobile.twitter.com/AkordaPress/status/1344282122345975808">қол қойды</a>.

ҚР Президенті ақпарат мәселелеріне қатысты заңға қол қойды

Kyzylorda-news.kz. Қазақстанда өткен тәулікте&nbsp;795 адамда ПТР-тесті оң нәтиже көрсетті, деп хабарлайды COVID-19 таралуына жол бермеу жөніндегі ведомствоаралық комиссия.
Өткен тәулікте коронавирус инфекциясын жұқтырған 795 жағдай тіркелді.
Республикада коронавирус инфекциясын жұқтырғандар саны 154 720 адамға жетті. 
Оның ішінде:
<ul>
<li>Шығыс Қазақстан облысында – 18826 (+46),</li>
<li>Нұр-Сұлтан қаласында -18446(+120),</li>
<li>Алматы қаласында – 18411(+87),</li>
<li>Атырау облысында – 13450(+116),</li>
<li>Қарағанды облысында – 12068(+39),</li>
<li>Батыс Қазақстан облысында – 9192(+30),</li>
<li>Павлодар облысында – 9037(+72),</li>
<li>Солтүстік Қазақстан облысында – 8571(+59),</li>
<li>Қостанай облысында – 7505(+58),</li>
<li>Ақмола облысында – 7190(+55),</li>
<li>Алматы облысында – 7083(+51),</li>
<li>Шымкент қаласында -5507(+5),</li>
<li>Жамбыл облысында – 4995(+15),</li>
<li>Ақтөбе облысында -3685(+9),</li>
<li>Маңғыстау облысында – 3701(+19),</li>
<li>Түркістан облысында – 3667(+6)</li>
<li>Қызылорда облысында -3386(+8).</li>
</ul>

Өткен тәулікте Қызылордада коронавирус тіркелді

Kyzylorda-news.kz. Қазгидромет 31 желтоқсанға арналған ауа райы болжамын жариялады.
Атмосфералық ауа ағындардың өтуіне байланысты республиканың солтүстігінде, орталығында және шығысында қар жауады.
Қазақстанның қалған аумақтарында жауын-шашынсыз ауа райы сақталады. Республиканың кей жерлерінде тұман, бұрқасын, желдің күшеюі күтіледі.

31 желтоқсанға арналған ауа райы болжамы

Kyzylorda-news.ru. 2020-2021 жылдар аралығында «Тұрғын үй жинақ банкі» арқылы 1 қабатты, 4 пәтерлі, 40 тұрғын үй құрылысы салынады.
Сонымен қатар, келер жылдан бастап «Нұрлы жер» мемлекеттік тұрғын үй құрылысы бағдарламасы шеңберінде аз қамтамасыз етілген көп балалы отбасыларға және тұрғын үй кезегіндегі тұрғындарды тұрғын үймен қамтамасыз ету үшін 5 жылда 241 пәтермен қамтамасыз етуге 474 мың ш.м. тұрғын үй салу жоспарланып отыр. Нәтижесінде сайлауалды бағдарламада көрсетілгендей 120 отбасы тұрғын үймен және 1594-тей отбасы жер бөлігімен қамтылады.
Бұл туралы облыстық мәслихат депутаттығына үміткер Еркебұлан Аяғанов есіктен есікке акциясы аясында кездескен тұрғындарға айтты.
«Есіктен есікке» акциясы аясында үміткер Аманөткел ауылының тұрғыны, тыл ардагері Патсайы Тілеуқабылованың шаңырағына табан тіреп, талап-тілегін тыңдады. Сондай-ақ, Nur Otan» партиясының ілкімді істерін насихаттап, «Өзгерістер жолы: Әр азаматқа лайықты өмір!» атты сайлауалды бағдарламасында қамтылған ауқымды шаралар тізбегін талқылады. Онда ауыл тұрғындарын таза ауыз су, газбен қамтамасыз ету, тұрғын үй, жастарды жұмыспен қамту сияқты салмақты сауалдарға жауап берді.
<blockquote>
 “Партия 2021 жылдан бастап Сексеуіл кентінде автоматтандырылған газ тарату станциясын орнатып, «Бейнеу-Шымкент» магистральді газ құбырынан газ құбырын бұру құрылысы және кварталішілік газ тарату желілері мәселесін шешуге ниетті. Ал 2024-2025 жылдары Қамыстыбас елді мекеніне, Арал қаласында № 5, № 6, № 7, № 8 шағын мөлтек аудандарына газ құбырын салуға ықпал етпек. Сонымен қатар, алдағы 5 жыл шеңберінде 11687 халқы бар Сексеуіл кенті және 1955 халқы бар Қамыстыбас елді мекенін газбен қамтамасыз ету жұмыстары жүргізіліп, 2025 жылға қарай аудан халқының 65 пайызы, яғни, 54692 тұрғыны газбен қамтамасыз етілетін болады”, – үміткер Еркебұлан Аяғанов.
</blockquote>
Ауыл халқы үшін азық-түлік мәселесі өте маңызды. Кездесу барысында мал шаруашылығы да назардан тыс қалмады. Анығын айтқанда, партия ірі қара мал басын 5760 басқа көбейту арқылы мал шаруашылығының дамуына жәрдемдесіп, Ақирек ауылдық округінде жем-шөп базасын құру мақсатында жоңышқа егілетін алқапты 30 гектарға ұлғайтпақ. 2021 жылы балық өнімдерін тереңнен өңдеу зауыттарының құрылысын салып, қоғамдық тамақтану орнын салуға жобаларын жүзеге асыруға және аудан орталығында 2 әлеуметтік дүкен ашуға баса назар аудармақ. Ал 2025 жылға қарай 4 компоненттен тұратын балық өсіру және өңдеу кешені жобасын жүзеге асыруға ықпал ететін болады.
«Nur Otan» партиясы Қызылорда облысының Сайлау қорының қаражатынан төленді

«Тұрғын үй жинақ банкі» арқылы 40 тұрғын үй салынады

Kyzylorda-news.kz. Бүгінде «Nur Otan» партиясы ауыл тұрғындарының табысын арттырып, азық-түлік қауіпсіздігін қамтамасыз етуге басымдық беріп отыр. Мәселен, жоспарлы жұмыстар нәтижесінде ауыл шаруашылығында еңбек өнімділігін 1,7 есеге арттыру күтілуде. Бұл үшін 87 инвестициялық жоба іске асырылмақ.
Оның ішінде Арал ауданында түйе сүтінен құрғақ ұнтақ өндіретін зауыт құрылысы, Қармақшы ауданында құс фабрикасының құрылысы мен Шиелі ауданында сүт фермасы құрылысы, Қызылорда қаласында ет комбинатының құрылысы және Жаңақорған ауданында томат пастасын өндіру зауытының құрылысы да бар. 
Бұл жайлы бүгін Қызылорда облыстық және аудандық мәслихат депутаттығына үміткерлер Самат Ақпамбетов пен Еркебұлан Жақып «Абай Дәулет» ЖШС малшыларымен өткен кездесуде айтты. 
Үгіт тобы бұл басқосуда өңір ахуалын арттыру мақсатында бағытталған басымдықтарға тоқталып, серіктестік қызметкерлерінің пікірін тыңдады. Сайлаушылар бұл ретте өздерін алаңдатқан актуалды мәселелерді көтеріп, сұрақтарына нақты жауаптар алды.
<blockquote>
 “Ауыл шаруашылығын дамыту – тұрақты экономиканың негізгі кілті екенін тарих беттерінен де, бүгінгі әлем бейнесінен де көре аламыз. Біздің партия бұл бағытта халыққа қолдау көрсетуге мүдделі. Алдағы уақытта біршама жоспарлы жұмыстар күтіп тұр. Бес жыл ішінде ойға алған мақсаттарға бірге жетеміз”, – деді үміткер Самат Ақпамбетов.
</blockquote>
Айта кетейік, партия ауыл шаруашылығы айналымына 10 мың гектар және 29 мың гектар пайдаланылмайтын суармалы жерлерді қалпына келтіру жұмыстарын жүргізіп, жайылымдық мал шаруашылығын дамытатын болады. Әрі қаржы институттары арқылы ауыл шаруашылығы тауар өндірушілерін қолдау, оның ішінде жеңілдетілген несие және шағын несие беру, ауыл шаруашылығы өнімдерін қайта өңдеу бойынша техника, жабдықтар лизингі секілді жұмыстар атқарылмақ.
Еркін пікір, ашық әңгіме алаңында серіктестік қызметкерлері үміткерлерге алғаусыз алғысын айтып, партияға алдағы сайлауда сәттілік тіледі. Сондай-ақ, сайлауалды бағдарламадағы ауыл шаруашылығына қатысты бағыттардан зор үміт күтетінін жеткізді.
«Nur Otan» партиясы Қызылорда облысының Сайлау қорының қаражатынан төленді

«Nur Otan»: еңбек өнімділігі 1,7 есеге артады

Kyzylorda-news. Қала тұрғындарының жайлы өмір сүруі үшін «Nur Otan» партиясы халықты сумен жабдықтау, жылумен қамтамасыз ету және көшелер мен аулаларды абаттандыру мәселелерін шешуге ниетті. Осы мақсатта Сырдария өзенінің сол жағалауындағы жаңа аудандарда, Саяхат, Сәулет, Рисмаш, КБИ, Әл-Фараби, Сабалақ аудандарында ұзындығы 213,2 км инженерлік және коммуникациялық инфрақұрылым құрылысын салып, Жылу-электр орталығы қайта жаңғыртпақ.
Сондай-ақ, 2025 жылға дейін Қызылорда қаласына қарасты барлық саяжайларға су құбырын жүргізіп, Махамбетов және Наурыз ауылында 110,4 км газбен жабдықтау желілерін салатын болады. Жаңадан 25 балалар ойын алаңдарының құрылысы және көпқабатты үйлер алаңындағы тозығы жеткен 100 балалар ойын алаңын жөндеу жұмыстарын жүргізу ықпал етпек. Нәтижесінде елді-мекендердегі орталықтандырылған газбен қамтылу үлесі 30%-ға артады.
Бұл туралы бүгін «Nur Otan» партиясы атынан облыстық мәслихат депутаттығына үміткерлер Мағжан Ералиев, Нұрболат Ибраев пен Ибраким Басықараев теміржол бөлімшесінің ұжымымен кездесу барысында айтты. 
Басқосуда үміткерлер еңбек ұжымының сала туралы салмақты сауалдарына жауап беріп, партияның сайлауалды бағдарламасын насихаттады. Ашық әңгіме алаңында жұмысшылардың басты сауалы айлық жалақысын көтеру, тұрғын үймен қамтамасыз етуге байланысты болды.
<blockquote>
 “Жалпы қала тұрғындары үшін тұрғын үй мәселесі әрдайым өзекті. Осы жайтты ескере отырып, партия 2025 жылға дейін 4140 пәтерлі 92 көпқабатты тұрғын үй, оның ішінде әлеуметтік осал топтарға, жас отбасыларға, бюджет саласының қызметкерлеріне 1840 пәтердің құрылысы жүргізбек. Сонымен қатар, 5870-ден аса жеке тұрғын үйлердің құрылысы мен 27 көпқабатты тұрғын үйге күрделі жөндеу жүргізілетін болады. Мінекей, осы жүргізілген шаралар 5 мыңға жуық отбасын баспанамен қамтуға және 10 мыңнан аса отбасына өмір сүруге қолайлы жағдай жасайды. Ал әлеуметтік көмек, жұмысшылардың міндеттемелерін жеңілдету, медицинаға қолжетімділікті арттыру секілді мәселелерге байланысты алдағы уақытта ауқымды жұмыстар жасалады”, – деді үміткер Нұрболат Ибраев.
</blockquote>
Шара соңында көкейтесті сұрақтарына жауап алған теміржолшылар партияның халық игілігі жолындағы жұмыстарына сенім білдіріп, алдағы саяси дода да қолдайтындықтарын жеткізді. Үміткерлер болса, ел сенімін ақтайтындықтарын айтып, үгіт парақтары таратып берді.
«Nur Otan» партиясы Қызылорда облысының Сайлау қорының қаражатынан төленді
<img src="https://kyzylorda-news.kz/wp-content/uploads/2020/12/img-20201230-wa0033.jpg" alt="" />

Бюджет саласының қызметкерлеріне 1840 пәтердің құрылысы жүргізілмек

<a href="https://kyzylorda-news.kz/">Kyzylorda-news.kz.</a> Бүгін Қызылорда қаласының әкімі Нұрлыбек Нәлібаев тәртіп сақшылармен кездесті.
Шаһар басшысы Қызылорда қалалық Полиция басқармасының қызметкерлерімен кездесуде мінсіз қызметімен ерекшеленген басқарманың 30 қызметкерін атап өтіп, алғыс хаттармен марапаттады.
“Ел тыныштығын күзету, азаматтардың құқықтары мен бостандықтарын қамтамасыз ету біздің міндетіміз. Полиция қызметкерлерінің еңбегін бағалап, құрмет көрсетіп жатқан қалалық әкімдікке алғысымды білдіремін”, – деді ҚПБ ЖПҚБ патрульдік полиция батальонының аға инспекторы Нұрбек Теңізбай.
<img src="https://kyzylorda-news.kz/wp-content/uploads/2020/12/policija-4.jpeg" alt="" />

Қызылордада тәртіп сақшылар марапатталды

<a href="https://kyzylorda-news.kz/">Kyzylorda-news.kz.</a>&nbsp; SARS-CoV-2 коронавирусының “мақсаты” эндемикалық сипатқа айналу болып табылады, деді Дүниежүзілік денсаулық сақтау ұйымының сарапшысы профессор Дэвид Хейманн.
<blockquote>
 “Шамасы, COVID-19 өзге де ауқымды індеттер сияқты эндемикалық сипатқа айналады. Ол әсіресе таралу қарқыны жоғары жерлерде адам клеткасында көбейген сайын мутацияға ұшырауды жалғастыра береді”, – деп жазады маман пікірін The Guardian басылымы.
</blockquote>
Хейманн адамзат баласында өз өмірін құтқаратын құралдар бар екенін айтады. Адамдардың осы вируспен бірге өмір сүруіне олардың мығым денсаулығы зор мүмкіндік береді.
ДДҰ өкілі Марк Райан да COVID-19 эндемикалық сипатқа ие болатынына сенімді.
<blockquote>
 “Вирусқа қатысты тағы бір болжам сценарийдің бірі – бұл эндемикалық түрге айналуы мүмкін. Ол қауіптің бір түрі болып қалады. Бірақ тиімді вакцинациялау бағдарламасы аясында өте төмен деңгейдегі қауіп”, – дейді сарапшы.
</blockquote>
Райанның пікірінше, тіпті вакцина өте тиімді болса да, ол жұқпалы ауруды жойып жіберуге еш кепілдік бермейді деп қосты. Өйткені, оны жеңу үшін бұл өте жоғары талап.
Маман келесі пандемия қазіргіге қарағанда едәуір ауыр болуы мүмкін деп ескертті.
<blockquote>
 “Біз барған сайын күрделі әлемде өмір сүріп жатырмыз. Бұл қауіптер сақталады. Егер біз осы пандемиядан барлық қайғылы оқиғалар мен шығындардан сабақ алуымыз керек болса, онда біз бірге әрекет етуіміз керек. Біз өзімізді құрметтеуіміз керек”, – деп түйіндеді ол.
</blockquote>
Айта кетейік, желтоқсан айының ортасында Ұлыбританияда SARS-CoV-2 коронавирусының жаңа мутация анықталды. Алдын-ала мәліметтер бойынша вирустың жаңа нұсқасы әдеттегіден 70% жұқпалы болуы мүмкін. Пандемия басталғаннан бері ДДҰ мәліметтері бойынша әлемде 81 миллионнан астам COVID-19 инфекциясы тіркелді. 1,7 миллионнан астам адам инфекцияның құрбаны болды.
Эндемикалық сипатқа ие болған инфекциялар – қоздырғыштары үнемі белгілі бір аймақта болатын аурулар. Олар субтропикалық Африкадағы безгек немесе Үндістандағы тырысқақ сияқты ауруларға жатады.
<a href="https://sputnik.kz/world/20201230/15900221/Koronavirus-bolashaq-bolzhau.html">Sputnik Қазақстан</a>

Келесі пандемия қазіргіге қарағанда едәуір ауыр болуы мүмкін

<a href="https://kyzylorda-news.kz/">Kyzylorda-news.kz.</a>&nbsp; Денсаулық сақтау вице-министрі – бас мемлекеттік санитар дәрігер Ерлан Қиясов алдағы сайлауда коронавирустан емделіп жатқан адамдар қалай дауыс беретінін түсіндірді, деп хабарлайды&nbsp;<a href="https://sputnik.kz/">Sputnik Қазақстан</a>.&nbsp;
Бас санитардың кезекті қаулысы денсаулық комитеттің&nbsp;<a href="https://www.gov.kz/memleket/entities/kkkbtu/press/news/details/141888?lang=kk">ресми сайтында</a>&nbsp;жарияланды. Онда мәжіліс пен мәслихат депутаттарының сайлауын өткізу кезінде коронавирустың алдын алу тәртібі жазылған. Бас санитар өз қаулысын Орталық сайлау комиссиясымен де келісіп алды.
Құжатқа сәйкес, сайлауға қатысатын барлық адам бетперде киіп, 1,5-2 метр арақашықтықты сақтауы тиіс.
Антисептикалық құралдарды да пайдалану қажет. Сондай-ақ, бас санитар қол алыспауға және тікелей байланыс жасамауға кеңес беріп отыр. Сайлау учаскесінің мамандары мен еріктілер адамдардың дене қызуын тексеріп тұрады. Дауыс беруге келген адамда жоғары температура анықталса, оны медицина қызметкері қарап шығады. Жедел жәрдем шақырылған жағдайда мамандар келгенше бөлек оқшаулап қояды. Ал коронавирус жұқтырғандарға комиссия мүшелері өздері барады.
<blockquote>
 “Оны жүзеге асыратын сайлау комиссиясының мүшелері жеке қорғаныш құралдарымен (бір рет қолданылатын халаттар, қорғаныш маскалары, бір рет қолданылатын қолғаптар, қолға арналған антисептикалық құралдар) қамтамасыз етіледі. Сайлаушыларға қажет болған жағдайда жеке қорғаныш құралдары&nbsp; беріледі”, – делінген бас санитардың қаулысында.&nbsp;
</blockquote>
Дауыс беретін адам алдымен қашықтықты сақтай отырып, жеке басын куәландыратын құжатты көрсетуі тиіс. Бетпердені уақытша шешуге рұқсат бар.&nbsp;
<blockquote>
 “Үйде емделуіне немесе КВИ бойынша карантинде болуына байланысты өзін-өзі оқшаулау режиміндегі сайлаушыларға шығу кезінде дауыс беру үйге кірмей ұйымдастырылуы тиіс. Мұндай дауыс беруді байланыссыз тәсілмен, мысалы, баспалдақ алаңында дауыс беруге қатысушыға дауыс беруге арналған бюллетеньді және үй-жайдан тыс жерде дауыс беру туралы өтінішті беру, содан кейін одан өтінішті алу және бюллетеньді тасымалданатын жәшікке салу арқылы өткізуге болады”, – делінген ережеде.
</blockquote>
Дауыс беруге арналған бюллетеньді алғанға дейін сайлаушы бетперде&nbsp; тағып, қолын антисептикпен өңдеуі тиіс. Одан кейін учаскелік комиссия мүшелері қолдарын және тасымалданатын жәшіктің беттерін міндетті түрде дезинфекциялайды.
Жеке қорғаныш құралдарын қайта пайдалануға болмайды. Оны тығыз жабылатын контейнерге салып тастау қажет.

Коронавирус жұқтырғандар сайлауда қалай дауыс береді – қаулы шықты

<a href="https://kyzylorda-news.kz/">Kyzylorda-news.kz.</a> 2020 жылғы 31 желтоқсан – 2021 жылғы 2 қаңтарда елімізде тағы да аяз болады, деп хабарлайды Қазгидромет.
<blockquote>
 «Атлант мұхитынан келген циклон тек шығыс аймақтарға әсер етіп, ауа температурасының көтерілуіне себеп болады, ол жақта қар жауады. Қазақстанның қалған аумағында Таймыр маңынан келетін суық антициклон орнайды. Ол шығысқа қарай жылжып, солтүстік және шығыс аймақтарда ауа температурасы түнде минус 30-35-ке дейін төмендейді, кейбір аудандарда 40 градус аяз болады», делінген хабарламада.
</blockquote>

Алдағы үш күнде аяз болады

<a href="https://kyzylorda-news.kz/">Kyzylorda-news.kz.</a> Білім және ғылым министрлігі жоғары оқу орындарының антирейтингін жариялады, деп хабарлайды&nbsp;<a href="https://sputnik.kz/">Sputnik Қазақстан</a>.
Зерттеу жұмыстарын&nbsp;“Атамекен” ұлттық кәсіпкерлер палатасы жүргізді. Рейтингке ІІМ, ҰҚК және қорғаныс министрлігіне бағынышты ЖОО-лардан басқа еліміздің барлық жоғары оқу орындары қатысты.
Ал рейтингті жасау барысында түлектердің жұмысқа орналасу көрсеткіштері, білім беру бағдарламаларының сапасы және білім алушылардың жетістіктері ескерілген.
Зерттеу нәтижелері бойынша 2020 жылы түлектерді жұмысқа орналастырудың орташа крсеткіші өткен жылдар деңгейінде қалып отыр және 71%-ті құрайды.
Жұмыс берушілердің пікірі бойынша 2020 жылдың аутсайдерлері:
<ul>
<li>“Сырдария” университеті;</li>
<li>Шымкент университеті;</li>
<li>Халықаралық гуманитарлық-техникалық университеті;</li>
<li>“Астана” университеті;</li>
<li>Тараз инновациялық-гуманитарлық университеті;</li>
<li>Академик А.Қуатбеков атындағы халықтар достығы университеті;</li>
<li>Шет тілдер және іскерлік карьера университеті;</li>
<li>Қазақ-орыс халықаралық университеті;</li>
<li>Қызылорда қаласының “Болашақ” университеті;</li>
<li>“Ақмешіт” гуманитарлық-техникалық институты.</li>
</ul>
Айта кетейік, “Сырдария” университеті мен Шымкент университеті, Халықаралық гуманитарлық-техникалық университет және “Астана” университеті үшінші жыл қатарынан аутсайдерлер қатарына еніп отыр.

&#8220;Ақмешіт&#8221; институты мен &#8220;Болашақ&#8221; университеті аутсайдерлер қатарында

<a href="https://kyzylorda-news.kz/">Kyzylorda-news.kz.</a> 2021 жылдан бастап Қазақстанда мүгедектігі және асыраушысынан айрылғаны үшін берілетін төлемдер&nbsp;5 пайызға өседі, деп хабарлайды&nbsp;<a href="https://stan.kz/">Stan.kz</a>.&nbsp;
1 қаңтарға дейін мүгедек және асыраушысынан айырылған ретінде тіркелген қазақстандықтардың жәрдемақысын көтері туралы бұйрық шықты.&nbsp;
<blockquote>
 “2021 жылдың 1 қаңтарынан бастап 2021 жылдың 1 қаңтарына дейін тағайындалған мүгедектік және асыраушысынан айрылу жағдайлары бойынша мемлекеттік әлеуметтік сақтандыру қорынан төленетін әлеуметтік төлемдердің мөлшерін алынған әлеуметтік төлемдер сомасының бес пайызға көбейтілсін”, – делінген үкіметтің 2020 жылғы 25 желтоқсандағы қаулысында.&nbsp;
</blockquote>
Бұйрық 2021 жылдың 1 қаңтарынан бастап күшіне енеді.

Қазақстан және Қызылорда облысының жаңалықтары

ҚР Президенті ақпарат мәселелеріне қатысты заңға қол қойды

Өткен тәулікте Қызылордада коронавирус тіркелді

31 желтоқсанға арналған ауа райы болжамы

«Тұрғын үй жинақ банкі» арқылы 40 тұрғын үй салынады

«Nur Otan»: еңбек өнімділігі 1,7 есеге артады

Бюджет саласының қызметкерлеріне 1840 пәтердің құрылысы жүргізілмек

Қызылордада тәртіп сақшылар марапатталды

Келесі пандемия қазіргіге қарағанда едәуір ауыр болуы мүмкін

Коронавирус жұқтырғандар сайлауда қалай дауыс береді – қаулы шықты

Алдағы үш күнде аяз болады

“Ақмешіт” институты мен “Болашақ” университеті аутсайдерлер қатарында

Қазақстанда асыраушысынан айырылғандарға берілетін жәрдемақы өседі

Қазақстан және Қызылорда облысының жаңалықтары

ҚР Президенті ақпарат мәселелеріне қатысты заңға қол қойды

Өткен тәулікте Қызылордада коронавирус тіркелді

31 желтоқсанға арналған ауа райы болжамы

«Тұрғын үй жинақ банкі» арқылы 40 тұрғын үй салынады

«Nur Otan»: еңбек өнімділігі 1,7 есеге артады

Бюджет саласының қызметкерлеріне 1840 пәтердің құрылысы жүргізілмек

Қызылордада тәртіп сақшылар марапатталды

Келесі пандемия қазіргіге қарағанда едәуір ауыр болуы мүмкін

Коронавирус жұқтырғандар сайлауда қалай дауыс береді – қаулы шықты

Алдағы үш күнде аяз болады

&#8220;Ақмешіт&#8221; институты мен &#8220;Болашақ&#8221; университеті аутсайдерлер қатарында

Қазақстанда асыраушысынан айырылғандарға берілетін жәрдемақы өседі

“Ақмешіт” институты мен “Болашақ” университеті аутсайдерлер қатарында