<a href="https://kyzylorda-news.kz/">Kyzylorda-news.kz.</a> Құрбандық малын шалуды қашықтан орындауға болады. Бұл туралы Қазақстан мұсылмандары діни басқармасы төрағасының орынбасары, наиб мүфти Ершат Оңғаров мәлімдеді.
<blockquote>
 «Халықаралық астрономиялық институттардың болжамы бойынша, биылғы құрбан айт Алла қаласа 31 шілдеге сай келеді. Дегенмен, оның нақты күнін содан 10 күн бұрын жариялап айтамыз», – деді ол.
</blockquote>
Наиб мүфти Құрбан айт мейрамы кезінде қатаң шектеу шаралары созылатын болса, онда басқарма тарапынан нақты жұмыстар қолға алынатынын айтты.
<blockquote>
 «Естеріңізде болса, Ораза айт кезінде карантинге байланысты айт намазы оқылмаған болатын. Бұл жағдайда да шектеу шаралары созылатын болса, айт намазын өкінішке қарай мешітте оқи алмаймыз. Алайда Құрбан айт мейрамы құрбандық шалумен ерекшеленеді. Құрбандық малын шалуды қашықтан да орындаса да, тапсырыс беру арқылы орындаса да болады. Алла қаласа, біз оған жағдай жасауға тырысамыз. Әрине, бұл ретте жергілікті әкімдік тарапынан реттеу жұмыстары болады. Құрбандық шалу уақытына келер болсақ, биыл 31 шілде деп отырмыз. Сол күні таңнан бастап үш бойы күн батқанға дейін құрбандық шалуға болады. Шариғат құрбандық шалуды барлық адамға жүктемейді. Тек жағдайы бар адамдарға ғана құрбандық шалу міндеттеледі», – деді наиб мүфти.
</blockquote>

Ершат Оңғаров: Құрбандық малын қашықтан шалуға да болады

**<a href="https://kyzylorda-news.kz/">Kyzylorda-news.kz.</a> Өңірлік кеңеске кандидаттардан өтініш қабылдау 7 шілдеде басталады. Құжаттарды офлайн нысанда Қызылорда облысы кәсіпкерлер палатасына (Қызылорда қ-сы, Желтоқсан к-сі, 12, «Бастау» бизнес-орталығының 11-қабаты, 1107-кабинеті) немесе онлайн нысанда vote.atameken.kz сайты арқылы жіберуге болады. 
**
Кандидаттар өңірде тіркелген кәсіпкерлер, сондай-ақ өзін-өзі реттейтін ұйымдар мен Кәсіпкерлер палатасынан аккредиттеуден өткен қауымдастықтардың бірінші жетекшілері немесе қауымдастықтың орындаушы органының мүшелері арасынан сайланады. 
Өңірлік кеңес мүшелігіне үміткер келесі талаптарға сәйкес келуі тиіс: 
• Қазақстан Республикасының азаматы болу; 
• өңірдің әлеуметтік-қоғамдық өміріне белсенді қатысушы болу; 
• кәсіпкерлер арасында пікір көшбасшыларының бірі болу; 
• өңірде жария тұлға болу; 
• кәсіпкерлер арасында және қоғамда оң беделге ие болу; 
• бизнесінің тарихы оң болуы; 
• әлеуметтік жауапты кәсіпкер болу; 
• облыстық, қалалық мәслихаттардың депутаты болуы құпталады; 
• Заңмен белгіленген тәртіпте өтелмеген немесе алынбаған соттылығының болмауы. 
7-15 шілде аралағында кандидаттарды таныстыру, ары қарай 16-19 шілде аралығында үгіт-насихат жұмыстары басталады, ал дауыс беру онлайн режимде 20-22 шілде аралығында өтеді. 
Облыстық кеңестің 60%-ы облыс орталығындағы кәсіпкерлік субъектілерінен және Өңірлік палатада аккредиттеуден өткен қауымдастық(одақ), өзін-өзі реттеуші ұйымдардан, ал 40%-ы аудандардағы кәсіпкерлік субъектілерінен құралады. 
Толық ақпарат vote.atameken.kz сайтында жарияланған, сондай-ақ сайлау жайында ақпаратты 1432 колл-орталығынан алуға болады. Қызылорда облысы кәсіпкерлер палатасының байланыс телефондары: 8 /7242/ 40-08-73, 8 777 764 33 11.

Қызылордада 7 шілдеде Кәсіпкерлер палатасы жанындағы Өңірлік кеңеске мүшелерді сайлау басталады

<a href="https://kyzylorda-news.kz/">Kyzylorda-news.kz.</a>&nbsp;Президент Қасым-Жомарт Тоқаевтың Елбасына арнаған «Тарихи тұлға тағылымы» атты танымы мол мақаласы барша қазақстандық арасында кеңінен қолдау табуда.
Жүзден аса ұлтты бір шаңырақ астында ұйыстырып, Қазақстан деген жас мемлекетті жаһанға танытқан Тұңғыш Президентіміздің тар жол, тайғақ кешу заманындағы еңбекпен өрілген өмірі мен ел алдындағы қалтқысыз қызметі, жауапкершілікпен көтерген жүгі, әлем елдері арасындағы абыройы мен беделі Мемлекет басшысының мақаласында керемет көрініс тапқан.
Сондай-ақ, мақалаға арқау болған Семей ядролық сынақ алаңын жабу туралы бейбіт бастаманың бірнеше мемлекетте жалғасын табуы, әлем назарын аудартқан кіші Аралдың толуы, еліміздің жоспарлы экономикадан нарықтық экономикаға көшуі, қолданысқа енген ұлттық валюта сияқты маңызды да түйткілді мәселелер Елбасының парасатпен жүргізген пәрменді саясатының нәтижесі екендігі жүйелі сараланған.
Мұнда ел руханиятының айнасы іспеттес ұлттық құндылықтарымызды дәріптейтін «Рухани жаңғыру» бағдарламасы мен ел астанасы жайында да сөз қозғалады. Елбасы мен елорданы егіз ұғымдай таныған әрбір жан жасампаз жастар мен асқақ армандардың қаласына айналған астанамыздың бүгінгі келбетіне сүйсіне қарап, ел ағасының төл туындысын жоғары бағалайтыны сөзсіз. Мемлекет басшысы Қасым-Жомарт Кемелұлының шешімімен Нұр-Сұлтан атауын алған бас қаламыз бүгінде еліміздегі білім мен инновацияның, өркениет пен дамудың қайнар көзіне айналды.
Иә, барды бағалау – болашақты бағамдау десек, жаһан жұртына кең танымал, халықаралық қауымдастықта айрықша беделді, биікке қажырлы еңбегімен, парасат-пайы­мымен, маңдай терімен жеткен әлемдік деңгейдегі саясат сардары туралы жазылған бұл мақала – Елбасының өлшеусіз еңбегі тобықтай түйінмен шебер жеткізілген тамаша толғаныс.
Көргені жақсы көш бастайды. Көш басында тұрып, табандылық пен төзімділіктің, кемеңгерлік пен жасампаздықтың үлгісі болған, ел мүддесін үнемі жоғары қойған тау тұлғаның болмысы мен терең тағылымын осы мақалада «Қазақстан – қалыптасқан қоғамдық құрылыстар ауысқан алмағайып кезеңде кемеңгер басшысын таба білген ел», деп сабақтаған Қасым-Жомарт Тоқаевтың пікірі оқырман ойымен үндесері анық.
Елбасына деген халқының құрметі пен шексіз ықыласы ешқашан толастамайды. Әрдайым бірлігіміз бекем, татулығымыз тұрақты болсын!
Бахытжан САЙЛЫБАЕВ,
М.Мәметова атындағы Қызылорда педагогикалық жоғары колледжі директоры,
педагогика ғылымдарының докторы, профессор

Бахытжан Сайлыбаев: Елбасы – кемеңгерлік пен жасампаздықтың үлгісі

<a href="https://kyzylorda-news.kz/">Kyzylorda-news.kz.</a> Жалағаш ауданының Аққұм ауылының тұсында Өзбекстаннан Ресейге бет алған жүк көлігі өртенді. Бұл туралы Қызылорда облыстық Төтенше жағдайлар департаментінің баспасөз қызметі хабарлады. 
Оқыс оқиға «Самара-Шымкент» тас жолының 1731 шақырымында тіркелді. Өзбекстаннан Ресейге бет алған «Mercedes-Benz Actros» маркалы жүк автокөлігі тіркемесімен өртенді.
<blockquote>
 «Жүк көлігінде сыпырғы тиелген. Ол толығымен жанды. Өрт сөндіруге төтенше жағдайлар департаменті №11 өрт сөндіру бөлімінің 5 маманы мен 1 техникасы қатыстырылды», – деп мәлім етті Қызылорда облыстық Төтенше жағдайлар департаментінің баспасөз қызметі.
</blockquote>

Жалағашта Ресейге бет алған жүк көлігі өртенді

<a href="https://kyzylorda-news.kz/">Kyzylorda-news.kz.</a> Арал аудандық сайлау комиссиясының шешіміне сәйкес аудан әкімінің өкімімен Арал қаласының әкімі лауазымына Тасқынбаев Амантай Батырқұлұлы тағайындалды.
Амантай Тасқынбаев – 1964 жылы 27 наурызда Арал қаласында дүниеге келген.
Білімі жоғары. 1987 жылы «Қарағанды металлургия комбинатының жанындағы зауыт» жоғары техникалық оқу орнын «Өнеркәсіптік және азаматтық құрылыс инженері» мамандығы бойынша бітірген.
Еңбек жолын 1987 жылы «Қызылордаэнергострой» құрылыс басқармасында шебер қызметінен бастаған. 
1989-1992 жылдары ПМК-13 «Қызылордамелиорация» ПТО шебері, прораб қызметтерін атқарған; 
1992-1993 жылдары Арал электротехникалық зауытында күрделі құрылыс бөлімінің басшысы;
1993-2006 жылдары «Арал-Сарыбұлақ су құбырын пайдалану басқармасы» кәсіпорнының бас инженері; 
2006-2008 жылдары «Арал» құрылысы салынып жатқан кәсіпорындардың бірлескен дирекциясының «Арал-Сарыбұлақ» топтық су құбыры филиалы директорының орынбасары;
2009-2010 жылдары Қызылорда облыстық табиғи ресурстар және табиғат пайдалануды реттеу басқармасының Қазалы ауданы бойынша маманы; 
2010-2012 жылдары «Казкомполис» сақтандыру компаниясы» АҚ менеджері;
2012-2013 жылдары «Базис» құрылыс компаниясының бас инженері;
2013-2014 жылдары Арал аудандық тұрғын үй коммуналдық шаруашылығы, жолаушылар көлігі және автомобиль жолдары бөлімінің инспекторы; 
2014-2016 жылдары «Арал құрылысы» ЖШС бас инженері;
2016 жылдан бастап 2020 жылдың 30 маусымына дейін Арал аудандық тұрғын үй коммуналдық шаруашылығы, жолаушылар көлігі және автомобиль жолдары бөлімінің басшысы қызметін атқарған.
Жалпы еңбек өтілі 33 жыл.

Арал қаласының әкімі тағайындалды

<a href="https://kyzylorda-news.kz/">Kyzylorda-news.kz.</a> Қызылорда қаласында лифт ішінде қалып қойған 11 жасар бала құтқарылды.
Оқиға «Мерей» мөлтек ауданындағы 9 қабатты үйде болды. Бала лифтінің ішінде сегізінші қабатта қалып қойған. 
«Құтқарушылар жедел әрекет етті. Лифтінің есігін ашып, 11 жастағы баланы шығарып алды. Оған жедел-құтқару жасағынан 6 маман мен 1 автокөлік жұмылдырылды», – деп мәлім етті Қызылорда облыстық Төтенше жағдайлар департаменті Өрт сөндіру және авариялық-құтқару жұмыстары қызметінің баспасөз хатшысы Әлия Ережепова.

Қызылорда: Лифт ішінде қалып қойған бала құтқарылды

<a href="https://kyzylorda-news.kz/">Kyzylorda-news.kz.</a> Астана – бұл кең даладағы жай қала ғана емес, саяси ерік-жігер көрінісінің нышаны. Бұл саяси батыл қадам. Астана шаңырағы әлі де болса биіктей түспек. Жаңа астананың келешегі бүтіндей XXI ғасырдың еншісінде жатыр. Ал оның ертеңгі еңсесін көтеретін бүгінгі жас жеткіншектеріміз.
Еліміздің астанасын Алматыдан Ақмолаға көшіру туралы тарихи шешім 1997 жылы қабылданды. Ал ресми түрде әлем картасында пайда болған жаңа астананың халықаралық тұсаукесері 1998 жылы 10 маусымда өтіп, 6 шілде – Астана күні деп белгіленді.
Жиырма жылдан аса уақыт тарих беттерінде қас-қағым сәт болғанымен, еліміздің тарихындағы елеулі үлесі мен өзіндік орнын бекітті. Еуропа мен Азия арасындағы алтын дәлізде орналасқан жаңа Астананың саяси-экономикалық маңызы еселене түсті. Астана әлемдік деңгейдегі өзекті мәселелер талқыланатын бірегей диалог алаңына айналды.
«Осында, ежелгі Сарыарқа жерінде тек астана емес, еліміздің болашақ бесігі өмірге келді. Астана тарихы мен қазақстандықтардың тағдыры бір-бірінен ажырағысыз. Елорда біздің республикамыздың күш-қуаты іске асуының, динамикалық дамуының және тұрақтылығының көрінісі. Астана барша қазақстандықтарды біріктіретін және алға қарай қадам басқан жарқын, қуатты, гүлденген қалаға айналды. Біздің елордамыз Отанымыздың жүрегі, халықтың өз күшіне сенімі мен ұлы тағдыр-талайының символы болып табылады. Бүгінде Астанада Қазақстанның барлық өңіріндегі сияқты, жүзден астам ұлт өкілдері өмір сүреді. Халықтар достығы, өзара түсіністік және ынтымақтастық – Астананы және жаңа Қазақстанды құрудың негізі, міне, осылар», – деген болатын Тұңғыш Президент Н.Назарбаев.
Тәуелсіз ел тарихының куәсі Астанамызда әлі талай қазақ елінің жарқын болашағын бағдарлайтын тарихи шешімдер қабылданатыны сөзсіз.
Сабыржан КЕҢШІЛК,
Қызылорда қалалық Жастар ресурстық орталығының директоры.

Сабыржан Кеңшілік: Тәуелсіз Қазақстанның бағдаршамы

<a href="https://kyzylorda-news.kz/">Kyzylorda-news.kz.</a> Қоғамның ең басты құндылығы адам дейтін болсақ, барша қоғамның алдындағы өзекті мәселенің бірі – азаматтардың жаны мен тәнінің саулығы болып табылады. «Білім мен денсаулық – ең үлкен байлық, ұлттың негізгі құндылықтарының арасында бұл екі ұғымның мәні де, мағынасы да ерекше.
Президент Қасым-Жомарт Тоқаев «Денсаулық сақтау жүйесінің, өзін-өзі қамтудың, ынтымақтасу мен жауапкершіліктің маңызы арта түсті. Соған сәйкес мемлекет қызметінде және қоғамдық өмірдің барлық саласында түбегейлі өзгерістер болмақ” деген болатын.
Медицина саласында күндіз-түні еңбектеніп, қызметте жүрген дәрігерлер адамгершілік қасиеттер мен кәсіби шеберліктеріне сүйеніп, жүздеген жанға көмек қолын созуда.Осы ретте, №6 қалалық емхана 65 478 тұрғынға бастапқы медициналық-санитариялық қызмет көрсететінін айта кеткен жөн.
Медицина адамдардың денсаулығын сақтау мен нығайту, сырқаттарды емдеу мен аурудың алдын алу, денсаулық және жұмысқа қабілеттілік жағдайында, адамзат қоғамында ұзақ өмір сүруге жетуді көздейтін тәжірибелік іс-әрекеттің және ғылыми білімдердің жүйесі болса, жүйелі жұмыс жасап келе жатқан біздің емхана ұжымы бұл индикаторларға әрдайым сараптама жүргізіп отырады.
Бүгінгі таңда пандемия жағдайында Сыр өңірі халқының денсаулық көрсеткіштерін жақсартуға өз үлестерін қосып, елдің алғысына бөленіп жүрген мамандарымыз мен әріптестеріме күш-қуат тілеймін.
Біздің дәрігерлер мен барша медицина қызметкерлері асқан жанкештілікпен еңбек етуде деп сенім білдіремін. Шипалы алақандарыңыз, мейірімді жүректеріңіз халыққа қуаныш сыйлай берсін. Қиын-қыстау сәтте бір-бірімізге демеу болып, ауруды бірге жеңеміз.
Жанат Кожарипова, 
Қызылорда қаласы, 
№6 емхананың бас дәрігері

Жанат Кожарипова: &#8220;Ел-жұртымыз карантиннен аман-сау, бауыры бүтін, төңірегі түгел шықсын деп тілеймін&#8221;

<a href="https://kyzylorda-news.kz/">Kyzylorda-news.kz.</a> Айбары асқақтаған, келбеті келіскен Нұр-Сұлтан қаласы – елдің бас шаһары. Қазақстанның қақпасы болған астана қуатты қалалар қатарына қосылып, құтты мекенге айналды.
Олай дейтініміз, әсем қалада құрметті меймандар арылмайды, ауқымды шаралар өтеді. Маңызды болған мәселелер түйіні осы бас қалада шешімін табуда. Мұның өзі күн санап көркейіп келе жатқан Нұр-Сұлтан қаласының мерейлі мәртебесін айғақтайды.
Бүгінде Еуразия кіндігі саналатын елорда – бейбітшілік символы саналып, тұрақтылық пен ынтымақтың қаласына айналған. 1997 жылдан бастап бас шаһарымыз Ақмолаға көшкеннен кейін жас мемлекеттің астанасы қарқынды дамып, аз ғана уақыт ішінде адам танымастай өзгерді. Зәулім ғимараттар бой көтеріп, әсем қала барша әлем жұрты таңдана, тамсана қарайтындай дәрежеге жетті. Мұндағы қала бедерінің көркемдігі және архитектуралық шешімдердің ерекшелігі Есіл бойындағы бас шаһардың елеулі екенін танытып тұр. Сондықтан бұл күнде еліміздегі барлық аймақ бас қалаға қарап бой түзейді десек артық айтқанды емес. Міне, сол себепті де Нұр-Сұлтан қаласы – егемен еліміздің жүрегі, елдігіміздің бастауы.
Тәуелсіздік алғаннан бастап елдің дамуына емірене еңбек етіп келе жатқан Елбасы Н.Ә.Назарбаев азаттықтың алғашқы жылдарында маңызды шешімдерді қабылдады. Бұл ұлт келешегі үшін жасалған батыл қадамдар. Солардың ішіндегі ең басты қадамдардың бірі осы елорданы Ақмолаға көшіру болатын. Бұл әрине, оңай шешім болмағаны белгілі. Десе де, халықтың болашағына сеніммен қараған Қазақстанның Тұңғыш Президенті бас қаланы көшіру бастамасын қолға алды. Бұл туралы Елбасы астана туралы толғауында: «Жаңа астанаға көшу және оны салу туралы ой менде ертеректе, сонау алыстағы 1992 жылы туған еді, бірақ мен ол кезде мұны аузымнан шығармадым, өйткені Қазақстанның экономикасы ойлағанды іске асыруға мүмкіндік бермеді», – дей келіп: «1992 жылы Қазақстанның Тәуелсіздігіне бүкіл халық болып сайлағанынан кейін мен Ақмолаға келдім. Есілден көлденең тартылған ескі көпірдің ортасында тұрып, өзенге қарадым. Маған қаланың ортасында ағып жатқан өзен болса, қашанда сол ұнайтын. Өзен қалаға ерекше көрік береді, мәртебесін көтереді. Мысалы, бізде Жайықтың бойында Атырау, Сырдарияның бойында Қызылорда, Тобылдың бойында Қостанай, Ертістің бойында Семей мен Кереку орналасқан. Ал әлемде қаншама астаналар өзен жағасында салынған. Санкт-Петербург – Невада, Мәскеу – өзі аттас өзенде, Париж – Сенада, Лондон – Темзада тұр. Оның үстіне, Ақмола Қазақстан мен бүкіл Еуропаның орталығына орналасқан», – деп мұны тарихи шешім екенін жеткізеді. Осындай шешім қабылдаған Елбасы көрегенділігіне тәнті болған қазақстандықтар елдің бас қаласын Тұңғыш Президент есімімен атауды ұйғарды. Сөйтіп бүгінде бас шаһарымыз Нұр-Сұлтан деп аталады.
Елбасының төл тумасына баланған бас шаһар осы уақыт шеңберінде батыс пен шығыс мәдениеті үйлесім тапқан бірегей қала қатарынан көрінді. Әлеуеті ұлғайып, бәсекеге қабілетті әлемдік деңгейдегі мегаполис саналды.
Бүгінде Қазақстанды айтқанда шетелдіктер «Нұр-Сұлтан» деп айтатын түсінік қалыптасты. Мұның өзі жаңа ғасыр шеңберінде жасарған мемлекеттің бренді бас қала екенін бірдірсе керек-ті.
Қазақтың астанасы – жасампаздық бастамасы екені айқын.
Қарлығаш ӘБДІРАХМАНОВА,
Қызылорда қалалық №261 орта мектептің директоры.

Қарлығаш Әбдірахманова: Елорда – егемен елдің жүрегі

<a href="https://kyzylorda-news.kz/">Kyzylorda-news.kz.</a> Орталық коммуникация қызметі алаңында халықтың сұрақтарына жауап берген ҚР Денсаулық сақтау министрі Алексей Цой келесі ақпаратты хабарлады.
<blockquote>
 “Биылғы жылдың 1 жартыжылдығында өткен жылмен салыстырғанда пневмония ауруына шалдығу 55,4%-ға артты. Бұл былтыр тіркелген 63 436 жағдай, биыл 98 546 ауруға өскенін көрсетеді. 2020 жылғы маусымда пневмония ауруларының тіркелген жағдайларының саны 32 724 болса, 2019 жылғы маусымда – 7 964 жағдай болды”,- дейді министр. 
Ведомство басшысының ақпараты бойынша, бүгінгі таңда коронавирусқа оң сынағы бар пациенттердің арасында 101 өлім жағдайы тіркелген, онда өлімнің негізгі себебі әртүрлі аурулардың асқынуы, ең жиі патология – жүрек-қан тамырлары жүйесінің созылмалы аурулары – 47,5%, эндокриндік – 25,7%, тыныс алу жүйесінің аурулары – 12,8% және т. б. болып табылады.
</blockquote>

Алексей Цой: Пневмония ауруларының тіркелуі 55,4%-ға артты

<a href="https://kyzylorda-news.kz/">Kyzylorda-news.kz.</a>&nbsp;Тұңғыш Президент – Елбасы Нұрсұлтан Назарбаев Қазақстан халқына үндеу жолдады.
Қымбатты отандастар!
Қадірлі достар!
Өздеріңіз білетіндей, коронавирус инфекциясының қатерлі пандемиясы әлемнің көптеген елдерін, соның ішінде Қазақстанды да шарпыды. Миллиондаған адам осы ауыр дертпен сырқаттанды, ол мені де айналып өткен жоқ. Бірқатар шет мемлекеттер мен үкіметтер басшыларының, көрнекті саясаткерлер мен қоғам қайраткерлерінің шынайы жанашырлығын танытып, маған моральдық қолдау көрсеткені көңілімді тебірентті. Баршасы қалтқысыз ниеттестігін жеткізіп, сергектік тілеп, тезірек сауығып кетуіме тілектестігін жолдады, сол үшін бәріне зор ризашылығымды білдіремін.
Олардың қатарында Ресей Президенті Владимир Путин, Қытай Халық Республикасының Төрағасы Си Цзиньпин, Қырғызстан Президенті Сооронбай Жээнбеков, Өзбекстан Президенті Шавкат Мирзиеев, Тәжікстан Президенті Эмомали Рахмон, Түрікменстан Президенті Гурбангулы Бердымухамедов, Түркия Президенті Реджеп Тайип Ердоған, Америка Құрама Штаттарының Мемлекеттік хатшысы Майкл Помпео, Біріккен Араб Әмірліктерінің Президенті Халифа Заид Әл Нахаян, Үндістанның Премьер-министрі Нарендра Моди, Жапония Премьер-министрі Синдзо Абэ, Иордания Королі ІІ Абдалла бен әл-Хусейн, Әзербайжан Президенті Ильхам Әлиев, Армения Президенті Армен Саркисян, Украина Президенті Владимир Зеленский, Корея Республикасының Президенті Мун Чже Ин, Пәкстан Президенті Ариф Алви, Израиль Президенті Реувен Ривлин, Сербия Президенті Александр Вучич, Хорватия Президенті Зоран Миланович және т.б. бар. Бәрін түгел атап шығу мүмкін емес, бірақ мен олардың барлығының жолдаған хат-хабарымен таныстым. Қымбатты достар, сіздердің шын көңілден шыққан тілектеріңіз, ыстық ықыластарыңыз маған күш беріп, өмірге құлшыныс-қуатымды арттырды. Баршаңызға басымды иіп, зор денсаулық пен табыс тілеймін.
Мен еліміздің көптеген өндіріс ұжымдарынан, еңбек ардагерлерінен, әскери қызметшілерден, студенттер мен оқушылардан – өз қолдауы мен тілектестіктерін жеткізіп, маған мықты денсаулық тілеп, толық сауығып кетуіме ниеттестік білдірген көп қазақстандықтардан хаттар мен жеделхаттар, сондай-ақ әлеуметтік желі арқылы жолданған хат-хабарлар алдым.
Маған шынайы жанашырлығы мен қолдауын ғылыми қоғамдастық пен шығармашылық зиялы қауымның өкілдері де білдіргенін ризашылықпен айта кеткім келеді. Олардың арасында Серік Қирабаев пен Әлия Бейсенова, Бибігүл Төлегенова, Төрегелді Шарманов, Мырзатай Жолдасбеков, Сұлтан Оразалин, Ғарифолла Есім, Несіпбек Айтұлы, Жандарбек Мәлібеков, Талғат Теменов және басқа да Қазақстанға кеңінен танымал қайраткерлер болды.
Менің атыма Ольга Рыпакова, Дмитрий Баландин, Илья Ильин, Әлия Юсупова, Зарина Диас сияқты белгілі спортшыларымыз ізгі тілектерін білдірді. Баршаңызға көп рахмет айтамын! Мен бәріңізді де білемін. Сіздер және басқа да жастар – тәуелсіздік перзенттерісіздер. Денсаулық пен бақыт тілеймін!
Дәрігерлердің күш-жігері және олардың талаптарын мүлтіксіз орындаудың, сондай-ақ баршаның қолдауы мен жылы сөздерінің арқасында мен сырқаттан сауығып шықтым, қазір өзімді жақсы сезінемін, толыққанды жұмысқа кіріскелі отырмын. Халқыммен бірге бұл сырқаттың бүкіл ауыртпашылығын сезіндім, қазір емделіп жатқандардың бәріне төзім мен қажыр-қайрат және тезірек сауығып кетулерін тілеймін.
Біз өткеріп жатқан күрделі кезең – бүкіл адамзаттың басына түскен сын-сынақ. Сырқатпен күрестің ең алдыңғы шебінде жүрген дәрігерлер адамдарды аман алып қалу үшін барлық күшін жұмсауда. Бұл ретте медицина қызметкерлерінің еңбегіне баға жетпейді – мұны қазіргі уақыт айқын көрсетіп отыр. Болашақта да отандық денсаулық сақтау саласына баса көңіл аударып, оны дамытуға қажетті қаржылық және материалдық ресурстар бөлу керек. Осы орайлы сәтте еліміздің медицина қызметкерлеріне ерекше ризашылығымды білдіремін.
Естеріңізде болар, тәуелсіздіктің бастапқы жылдары менің шешіміммен арнаулы Ұлттық қор құрылып, алтын-валюта резерві жасалды. Бұл бізге әлемдік екі бірдей дағдарысты жеңіп шығуға септігін тигізді және сол қаражат қазір Үкіметке пандемияға қарсы ауқымды жұмыс пен тұрмысы төмендерге қолдау көрсету барысында көмегін тигізуде. Егер алдағы уақытта оны ақылмен, үнемдеп пайдалана білсек, өзге сын-қатерлерді де тиімді еңсере аламыз. Қазақстанның басқа елдер алдында қарызы ең төмен мемлекеттің бірі екені де біздің артықшылығымыз.
Еліміздің Президенті мен Үкіметі қалыптасқан жағдайды түзету үшін қажетті барлық шараны қабылдауда. Алайда көп нәрсе өзімізге байланысты. Дәрігерлер біз үшін қолдарынан келгеннің бәрін жасап жатыр. Алайда бұл ауруды жұқтырудан сақтану көбінесе әр адамның өзіне байланысты. Төзімді болу керек, әсіресе, жастарға. Қажетті гигиена талаптарын орындап, тезірек вакцина пайда боларына үміттене отырып, ауру жұқтырудан барынша ұзағырақ уақыт сау болуға тырысқан жөн. Тәртіп сақтап, өз денсаулығымызды, туған-туыстар мен жақындардың амандығын ойлауымыз қажет, дәрігерлерге сену керек.
Халқымыз басқа түскен қиындықты өзінің қайрат-жігері, ұйымшылдығы, болашаққа деген ұмтылысы арқылы бүкіл халықаралық қоғамдастықпен бірге лайықты түрде еңсеріп, аман-есен шығарына сенімдімін. Біз тағы да жеңімпаз боламыз. Еліміздің жақсы күндері алда. Біз біргеміз! Біз жеңеміз! Біздің ұранымыз осы.
Барлық отандастарымызға мықты денсаулық пен игілік, елімізге бақ-береке тілеймін!

Нұрсұлтан Назарбаев Қазақстан халқына үндеу жолдады

<a href="https://kyzylorda-news.kz/">Kyzylorda-news.kz.</a> Оңтүстік циклон мен онымен байланысты атмофесралық фронталды бөліктердің өтуіне байланысты Қазақстанның басым бөлігінде ауа райы құбылмалы болады, деп хабарлайды Қазгидромет. 
Бүгін елдің басым бөлігінде күн күркіреп, солтүстікте, солтүстік-шығыста және орталықта күшті жел тұрып, бұршақ жаууы ықтимал. Республиканың тек батысы, оңтүстік-батысында ғана күн ашық болады. Кей жерлерде жел күшейіп, солүстік-батыста түнде және таң ата тұман түседі. 
Ақмола облысының бірқатар аумағында жел күшейіп, желдің жылдамдығы секундына 15-20 метрге жетеді, бұршақ жаууы ықтимал. 
Қостанай облысында түнде және таң ата тұман түсіп, күндіз жел секундына 15-20 метр жылдамдықпен ұйтқиды. 
Солтүстік Қазақстан облысының кей жерлерінде бұршақ жауады. 
Павлодар облысының кей жерлерінде жел секундына 15-20 метр жылдамдықпен ұйтқып, күндіз бұршақ жаууы ықтимал. 
Қарағанды, Шығыс Қазақстан облыстарында жел күшейіп, бұршақ жауады, желдің жылдамдығы секундына 15-20 метрге, екпіні 25 метрге жетеді. 
Жамбыл, Түркістан, Алматы, Қызылорда облыстарында жел күшейіп, жылдамдығы секундына 15-20 метрге жетеді. 
Батыс Қазақстан облысында бұршақ жаууы мүмкін, түнде жел күшейіп, жылдамдығы секундына 15-20 метрге жетеді. 
Атырау, Батыс Қазақстан облыстарының кей жерлерінде аптап ыстық болады. 
Түркістан, Қызылорда, Жамбыл облыстары мен Алматы, Қарағанды облыстарының кей жерлерінде, Ақтөбе облысының оңтүстік бөлігінде, Атырау облысының батысында ерекше өрт қауіпі сақталады.

Қазақстан және Қызылорда облысының жаңалықтары

Ершат Оңғаров: Құрбандық малын қашықтан шалуға да болады

Қызылордада 7 шілдеде Кәсіпкерлер палатасы жанындағы Өңірлік кеңеске мүшелерді сайлау басталады

Бахытжан Сайлыбаев: Елбасы – кемеңгерлік пен жасампаздықтың үлгісі

Жалағашта Ресейге бет алған жүк көлігі өртенді

Арал қаласының әкімі тағайындалды

Қызылорда: Лифт ішінде қалып қойған бала құтқарылды

Сабыржан Кеңшілік: Тәуелсіз Қазақстанның бағдаршамы

Жанат Кожарипова: “Ел-жұртымыз карантиннен аман-сау, бауыры бүтін, төңірегі түгел шықсын деп тілеймін”

Қарлығаш Әбдірахманова: Елорда – егемен елдің жүрегі

Алексей Цой: Пневмония ауруларының тіркелуі 55,4%-ға артты

Нұрсұлтан Назарбаев Қазақстан халқына үндеу жолдады

Шілденің 3-і күнгі ауа райы болжамы

Қазақстан және Қызылорда облысының жаңалықтары

Ершат Оңғаров: Құрбандық малын қашықтан шалуға да болады

Қызылордада 7 шілдеде Кәсіпкерлер палатасы жанындағы Өңірлік кеңеске мүшелерді сайлау басталады

Бахытжан Сайлыбаев: Елбасы – кемеңгерлік пен жасампаздықтың үлгісі

Жалағашта Ресейге бет алған жүк көлігі өртенді

Арал қаласының әкімі тағайындалды

Қызылорда: Лифт ішінде қалып қойған бала құтқарылды

Сабыржан Кеңшілік: Тәуелсіз Қазақстанның бағдаршамы

Жанат Кожарипова: &#8220;Ел-жұртымыз карантиннен аман-сау, бауыры бүтін, төңірегі түгел шықсын деп тілеймін&#8221;

Қарлығаш Әбдірахманова: Елорда – егемен елдің жүрегі

Алексей Цой: Пневмония ауруларының тіркелуі 55,4%-ға артты

Нұрсұлтан Назарбаев Қазақстан халқына үндеу жолдады

Шілденің 3-і күнгі ауа райы болжамы

Жанат Кожарипова: “Ел-жұртымыз карантиннен аман-сау, бауыры бүтін, төңірегі түгел шықсын деп тілеймін”