<a href="https://kyzylorda-news.kz/">Kyzylorda-news.kz</a>. Мемлекет басшысы Қасым-Жомарт Тоқаев «Тәуелсіздік бәрінен қымбат» атты мақаласында «Тәуелсіздік – бұл біздің халқымыздың ең басты құндылығы және ең маңызды байлығы» деп атап өтті. &nbsp;
Тәуелсіз еліміздің ертеңі – қазақ тілінде екенін назарға салып, «Мемлекеттік тілді білу – Қазақстанның әрбір азаматының парызы. Міндеті деп айтуға болады» дей келе, әрбір азаматтың қазақ тілін меңгеремін деген ниеті болса, ол өз мақсатына жететіндігін алға тартты.
Сондай-ақ, қазақ қаламгерлерінің үздік шығармаларын, шетел жазушыларының таңдаулы туындыларын аударып, таратуды тапсырды.
Бүгінгі Президентіміздің мақаласында айтылған осындай мағыналы ойлар жастарды ғылым-білім, тіл үйренуге шақырып, көкжиегін кеңейтіп, көкірек көзін оятуға жетелейді.
Өз басым білімге, қазақ тілін білуге деген құштарлығымның арқасында &nbsp;ұлан-ғайыр даланың тереңнен тартқан тарихына бойлап, қаншама толымды туынды, жыр маржанымен сусындап өстім. Дархан даланың данасы Абай өлеңдеріне деген қызығушылығым мектеп қабырғасында жүргенде оянды. Ойшыл ақын Абай Құнанбаевтың берер өнегесін бойыма сіңіріп келемін.&nbsp; Қазіргі күні Ұлы ақынның тәрбиелік арнаның қайнар көзі жатқан 200-ге жуық өлеңі мен бір поэмасын жатқа білемін. Бүгінгі таңда тіл білімінің қыр-сырына қаныға түсуге ынта жасап, болашақта қазақ тілін жас ұрпаққа үйретсем деген ниетім бар.
Елена Пак,
Қорқыт ата атындағы Қызылорда Университеті
«Филология» факультетінің 3 курс студенті,
«Абай қазынасына саяхат» клубының үйлестірушісі.

Елена Пак: Мағыналы ойларға толы мақала

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 742 адамда коронавирус індеті ПТР арқылы расталды.
Індетке шалдыққандар дені астанада, Атырау облысында және Алматы қаласында тіркеліп отыр.
Аймақтар бойынша:
<ul>
<li>Нұр-Сұлтан қаласы – 114</li>
<li>Алматы қаласы – 94</li>
<li>Шымкент қаласы – 2</li>
<li>Ақмола облысы – 58</li>
<li>Ақтөбе облысы – 10</li>
<li>Алматы облысы – 52</li>
<li>Атырау облысы – 101</li>
<li>Шығыс Қазақстан облысы – 39</li>
<li>Жамбыл облысы – 14</li>
<li>Батыс Қазақстан облысы – 40</li>
<li>Қарағанды облысы – 25</li>
<li>Қостанай облысы – 56</li>
<li>Қызылорда облысы – 8</li>
<li>Маңғыстау облысы – 7</li>
<li>Павлодар облысы – 55</li>
<li>Солтүстік Қазақстан облысы – 55</li>
<li>Түркістан облысы – 12</li>
</ul>
Жалпы ел бойынша ауырғандар саны 159 044.

Өткен тәулікте Қызылордада 8 адам коронавирус жұқтырды

<a href="https://kyzylorda-news.kz/">Kyzylorda-news.kz</a>. <a href="https://www.kazhydromet.kz/weather/prognoz-vazhneyshih-meteorologicheskih-yavleniy">«Қазгидромет»</a>&nbsp;РМК-сы қаңтардың 6-сы күнгі ауа райы болжамын жария етті.
Кәсіпорын таратқан мәліметтерге қарағанда, Қазақстанның басым бөлігі әлі де Солтүстік антициклон жотасының ықпалында болады және күн аязды, жауын-шашынсыз болады. Тек республиканың солтүстік-батысында ғана түнде атмосфералық фронталды бөліктердің өтуіне байланысты қар жауады.
Республиканың кей жерлерінде тұман түсіп, жел күшейеді.

6 қаңтарға арналған ауа райы болжамы

<a href="https://kyzylorda-news.kz/">Kyzylorda-news.kz</a>. «ADAL» партиясына жаңадан 300 000 адам қосылды. Бұл – үгіт-насихат жұмыстары ойдағыдай жүргізіліп жатқандығының басты көрсеткіштерінің бірі.
20 күн ішінде (10-30 желтоқсан аралығында) елдің барлық аймақтарында партия мүшелері халықпен 4216 кездесулер өткізді, оған 95 мың адам қатысты.
<blockquote>
 «Біз азаматтардың партияның алға қойған міндеттерін түсінгендігін аңғардық. Өйткені бағдарламамыз аймақтар тұрғындарының нақты ұзақ мерзімді проблемаларына негізделген. Депутаттыққа кандидаттардың әр кездесуінен кейін ондаған адам партия қатарына кіруге ниет білдіруде. Бұл – азаматтардың бізге сенім білдіргендігі, «АДАЛ» партиясының сайлауалды бағдарламасын қолдағандығы», – дейді партия Саяси кеңесінің мүшесі Эльдар Жұмағазиев.
</blockquote>
Соңғы уақытта жаңа партия мүшелерінің саны күрт өсті. Науқан басталғанға дейін партия мүшелерінің саны 53 мың адамды құрады. Бүгінде олардың саны 6 есеге өсті.
Партия “естуші мемлекет” қағидатын ұстанады, сондықтан бірінші кезекте тұрғындардың проблемалық мәселелеріне назар аударады. Мұндай мәселелердің ауқымы өте кең-тұрақты ауыз судың жетіспеушілігінен бастап, жұмыссыздық пен жолдардың нашар жағдайына дейін.
Проблемалық мәселелер кездесулер кезінде ғана айтылып қоймайды, сонымен қатар азаматтар adalpartiyasy.kz сайтында да қаралады. Оған күн сайын бірнеше ондаған, аптасына 350-ге дейін өтініш түседі, сайтқа барлығы 2201 сұрақ келіп түскен. Олардың көпшілігіне жауап берілді.

«ADAL» партиясының қатары толықты

<a href="https://kyzylorda-news.kz/">Kyzylorda-news.kz</a>. «URANkz» республикалық қоғамдық бірлестігінің өкілдері мен “Қазақстанның Халық” партиясы атынан Мәжіліс депутаттығына үміткерлерді біріктірген қызыл автобус Қызылорда қаласындағы саяжайларда болды.
Бір топ журналист пен блогер тұрғындардың жай-күйі жайлы ақпаратпен интернетте бөлісті.
Тұрғындардың хабарлауынша, келесі күні оларға әкімдіктің қызметкерлері келген. Автобус мерекеден кейін қатынайтын болады деп уәде еткен.
Ең қызығы, бұқаралық ақпарат құралдарында Қызылорда әкімдігі «3-4 адамның пікірі қоғамның пікірін білдірмейді» деп, «Ягодка», «Пищевик» саяжай алабтарына автобус қатынамайды деген ақпаратты жоққа шығарған. Мұндай жаңалық тұрғындардың ашуын шақырды.

Қазақстан Халық партиясы атынан Мәжіліс депутаттығына үміткерлер Қызылордадағы саяжайларда болды (ВИДЕО)

<a href="https://kyzylorda-news.kz/">Kyzylorda-news.kz</a>. Бүгін қызылордалық “Қайсар” футбол командасы екінші оқу-жаттығу жиынын бастады.
Бас бапкер Сұлтан Әбілдаев жиынға тек жергілікті футболшыларды шақыртты.
Жиынға шақырту алған футболшыларды атап өтер болсақ, Нұрымжан Салайдын, Нұрмат Сәрсенов (қақпашылар), Олжас Алтаев, Алдан Балтаев, Абылайхан Төлегенов, Руслан Дүйсенбаев, Елжас Сарбай, Ерболат Серік, Айбол Жахаев (қорғаушылар), Думан Нәрзілдаев, Ислам Әбілқасов, Ерболат Рүстемов, Бекзат Құрманбекұлы, Аян Құлмағанбетов, Бауыржан Мағжан, Самат Балымбетов (жартылай қорғаушылар), Өркен Махан, Шоқан Абзалов, Елжас Алтынбеков (шабуылшылар).
Айта кетейік, командаға келетін өзге футболшылар алдағы уақытта қосылатын болады.

&#8220;Қайсар&#8221; дайындықты бастады

<a href="https://kyzylorda-news.kz/">Kyzylorda-news.kz</a>.&nbsp;Қызылордалық оқушы Зарина Айсауытова өндірістік суды тазартудың тың әдісін ойлап тапты. Ол әдетте бұл мақсатқа кететін уақытты 4 есеге дейін қысқартты, деп хабарлайды <a href="https://24.kz/kz/zha-aly-tar/bilim-zh-ne-ylym/item/446383-yzylordaly-o-ushy-ndiristik-sudy-tazartudy-disin-ojlap-tapty?fbclid=IwAR0dcYg2Howdm7-0ZjB0EzVviQcBzAdP_R6L49Pe27FF1FiOAVRSrGOp_xE">“Хабар 24”</a>.
Қазір кең таралған сүзу әдісі су қоймаларының тазалығын сақтаудағы санитарлық талаптарға сай келе бермейді.
Жоба авторының айтуынша, ол жаңа әдіс арқылы су сапасын жақсартуға болатынын көрсеткен. Зарина бұл жұмыспен екі жылдан бері айналысып келеді. Жетекшісі химия пәнінің мұғалімі Марат Сыздықбаевпен бірге мектептің зертханасында өнімдердің химиялық қасиетіне талдау жасаған. Өңірдегі үлкен зертханалардың бірінде сараптама жүргізіп, оң нәтижеге қол жеткізген. Оқушы мен мұғалімнің бұл еңбегі бүгінде пайдалы модель ретінде танылып, ұлттық зияткерлік меншік институты тарапынан патентке ие болған. Зарина Айсауытова, оқушы:
<blockquote>
 “Бұрынғы тәжіребиелерде де осындай құрам бөліктермен жасайды. Бірақ ол жерде қажетті уақыт көп жұмсалады, бір сағат. Және энергиялық шығын да көп болады деп айта аламын. Ал біздің тәжіребиеде жаңа айтып кеткенімдей қысқа уақыт аралығында қолжетімді жағдайда жұмыс жасауға болады. Және оның нәтижесі де өте жоғары көрсеткішті көрсетеді”, – дейді оқушы Зарина Айсауытова.
 “Енді бұның тағы бір артықшылығы – бұл сорбенттерді алу үшін арнайы өндіріс орындарының қажеті жоқ. Қандай өндіріс орыны бар сол жерде жасай беруге болады. Сол жерден сорбент алынады. Сол жерде өндірістік қалдық суларды тазарта беруге болады”, – дейді химия пәнінің мұғалімі Марат Сыздықбаев.
</blockquote>

Қызылордалық оқушы қалдық суды тазартудың әдісін ойлап тапты

<a href="https://kyzylorda-news.kz/">Kyzylorda-news.kz</a>.&nbsp;Ақ жол демократиялық партиясының Республикалық штаб мүшелері Түркістан облысына барды. Партия төрағасы Азат Перуашев бастаған үгіт-насихат тобы Түркістан облысындағы “Комбинат Фараб” зауытының ұжымымен кездесті.
&nbsp;Кездесу барысында партия төрағасы Азат Перуашов Біз өзі табыс табатын, бюджетке салық төлейтін және жұмыспен қамтитын кәсіпкерлерді қолдауымыз керек. «Ақ жол» партиясының сайлауалды бағдарламасында да кәсіпкерлікті қолдауға баса назар аударылғаны айтылған.&nbsp;
<blockquote>
 “Пандемия кезінде кәсіпорындарда жұмыс істеген&nbsp; мыңдаған адам жалақысыз қалды. Біз мұндай жағдайға жеткізбес үшін кәсіпкерлерге қолдау көрсетуіміз қажет. Кәсіпорын көп болса, жұмыс орны көп болады. Жұмыс көп болса, әрбір отбасының күн көрісі жақсарады. “Біздің бағдарлама кәсіпкерлікті және қатардағы қазақстандықтардың мүдделерін қорғауды мақсат етеді”, – деді Перуашев.
</blockquote>
Сондай-ақ зауыт жұмысшыларына партияның сайлауалды бағдарламасының басқа да бағыттары түсіндірілді. Түркістандық сайлаушылардың мәселелері тыңдалып, сұрақтарына жауап берілді.
Түркістан облысындағы үгіт-насихат тобының сапары жалғасуда.

«Ақ жол» ҚДП: Бизнеске қысым жасауды тоқтату керек

<a href="https://kyzylorda-news.kz/">Kyzylorda-news.kz</a>. Бүгін Қазақстан Республикасы Парламенті Сенатының депутаттары Мұрат Бақтиярұлы мен Сүлеймен Ляззат Жаңылысқызы жұмыс сапарымен Жалағаш ауданында болып, тұрғындармен кездесті.
Халық қалаулылары ең алдымен аудан әкімі Асылбек Өмірбекұлымен бірге жаңадан пайдалануға берілген аудандық аурухана ғимаратымен танысты. Заманауи үлгідегі медициналық құрал-жабдықтарды көріп, оң бағасын берді.
Сенат депутаттары Жалағаш кентінде қайта жабдықтаудан өткен балабақша ғимаратымен танысып, 201 мектеп-лицейде білім саласы қызметкерлерімен кездесті. Халық қалаулылары тұрғындарды Парламент қабырғасында атқарылған жұмыстар мен қабылданған заңдар жөнінде хабардар етіп, заңға енгізілген толықтырулар жөнінде кеңінен баяндап өтті.
Сонымен қатар, мұғалімдердің мәртебесін көтеруге негізделіп қабылданған «Педагог мәртебесі» Заңындағы ұстаздардың беделін, материалдық және моральдық жағдайын арттыру мәселелеріне де айрықша тоқталды.
Жиынға қатысушылар өздерін толғандырған өзекті мәселелер жөнінде ұсыныс-пікірлерін білдіріп, сауалдарына тиісті жауап алды.
Сенат депутаттары ауданда атқарылған жұмыстарға оң бағасын беріп, алдағы жұмыстарға сәттілік тіледі.

Сенат депутаттары жұмыс сапарымен Жалағаш ауданында болды

<a href="https://kyzylorda-news.kz/">Kyzylorda-news.kz</a>. Қызылорда облысында жойылып кету қаупі төніп тұрған&nbsp; киік ату дерегі орын алды.
«Құқық тәртібі» жедел-профилактикалық іс шарасы барысында бүгін&nbsp;түнгі сағат 03-20 шамасында Төретам кентінен «Батыс Қытай – Батыс Еуропа» тас жолына шығатын жолда Лада Ларгус» &nbsp;маркалы күдікті автокөлікті тоқтатты. Тексеру кезінде автокөліктің жүк салғышынан 4 бас киік табылды. Бұдан бөлек, жүк салғыштан 1 қоян, 2 дана 12 калибрлі аңшы мылтығы мен оқ-дәрілер айғақ зат ретінде алынды. &nbsp;
<img src="https://kyzylorda-news.kz/wp-content/uploads/2021/01/whatsapp-image-2021-01-05-at-14.13.45-2.jpeg" alt="" />
Киік атқан 2 күдіктіге қатысты Қазақстан Республикасы Қылмыстық кодексінің 339 бабы 2 бөлігінің 2 тармағымен&nbsp; (алдын ала сөз байласу арқылы адамдар тобы жасаған өсiмдiктердің немесе жануарлардың сирек кездесетiн және құрып кету қаупi төнген, сондай-ақ пайдалануға тыйым салынған түрлерімен, олардың бөліктерімен немесе дериваттарымен заңсыз айналысу) сотқа дейінгі тергеп-тексеру амалдары жүргізілуде.
Бүгінгі таңда күдіктілерге қатысты бұлтартпау шарасын таңдау мәселесі шешілуде. Барлық қажетті сараптамалар тағайындалды. Тәртіп сақшылары оқиғаның мән-жайын анықтауда.
<img src="https://kyzylorda-news.kz/wp-content/uploads/2021/01/whatsapp-image-2021-01-05-at-14.13.45.jpeg" alt="" />
<img src="https://kyzylorda-news.kz/wp-content/uploads/2021/01/whatsapp-image-2021-01-05-at-14.13.45-1.jpeg" alt="" />

Қызылордада киік атқандар ұсталды

<a href="https://kyzylorda-news.kz/">Kyzylorda-news.kz</a>. Биыл салық кодексіне өзгерістер енгізілді. Яғни, жалпыға бірдей декларацияға көшудің алғашқы кезеңі жүзеге асырылады. Бұл туралы Өңірлік коммуникациялар қызметінің ақпараттық алаңында Қызылорда облысы бойынша мемлекеттік кірістер департаментінің басшысы Ғалымжан Орынов мәлімдеді.
Жауапты мемлекеттік лауазымды атқаратын тұлғалар мен олардың жұбайлары, мемлекеттік функцияларды орындауға уәкілеттік берілген тұлғалар мен олардың жұбайлары және тұлғаларға теңестірілген адамдар мен олардың жұбайлары мүлкін жария етуі тиіс. Декларациялауға жылжымайтын мүлік, жер учаскелері, әуе және теңіз кемелері, көлік құралдары, арнайы техникалар, шетелдік банктердегі есепшоттары сақталған қаражаттары жатады.
<blockquote>
 “Облыс бойынша бірінші кезекте жалпыға бірдей декларация тапсыратын 16847 мемлекеттік қызметкер бар. Оның ішінде 8235-і жұбайлары. Егер шетелде шоттары болса, аталған тұлғалар оны жабуы тиіс. Өйткені мемлекеттік қызмекерлер, парламент депутаттары мен судьяларға шетелдік банктерде есеп шот ашуға заңмен тыйым салынған. Мүлікті жариялап, есепшотты жабуға жарты жыл уақыт берілді. Үлгермегендерге жаппай айыппұл салынбақ”, – деді Ғалымжан Орынов.
</blockquote>
Жалпыға бірдей декларациялауға көшудің мақсаты: – көлеңкелі экономикамен және сыбайлас жемқорлықпен күрес үшін жеке тұлғалардың табыстары мен мүлкіне тиімді бақылау жүйесін құру. Салық базасын кеңейтуте, жеке табыс салығының бюджетке түсімін арттыру.

Ғалымжан Орынов: Шетелде шоттары болса, оны жабуы тиіс

<a href="https://kyzylorda-news.kz/">Kyzylorda-news.kz</a>. Жалпы, 2021 жылдың қорытындысы бойынша экономикалық өсімнің қарқыны 3,7–4,0 процент болады деген болжам бар. Алайда отандық экономистедің барлығы бірдей осы жорамалмен келісіп отырған жоқ, деп хабарлайды <a href="https://sputnik.kz/">Sputnik Қазақстан</a>.
<h3 id="">Өсім болмаса да, жандану басталады</h3>
GSB UIB бизнесті талдау орталығының директоры, экономист Мақсат Халықтың айтуынша, ұлттық банк оптимистік болжам жасап отыр. Бірақ, шын мәнінде, 4 проценттік өсімге жету оңай емес. Себебі пандемия әлі аяқталған жоқ. Биыл да оның салдарымен күресу шаралары жалғасады.
<blockquote>
 “Енді, өзім де пессимист болғым келмейді. Осы жылға оптимистік болжам да айтқан дұрыс шығар. Өз басым 2021 жылы экономикамызда өсім болмаса да, жандану процесі басталады деп ойлаймын. Алайда қауіп-қатерлер аз емес”, – дейді Халық.
</blockquote>
Мәселен, коронирустың жаңа штаммы шыққаннан кейін Еуропа елдері қайтадан шекараны жабуға кірісті. Осы мәселе ушыға берсе, мұнайдың бағасы төмендейді. Теңге де әлсірейді. Бұдан бөлек, Қазақстанда экспорт пен импорттың айырмасы теріс болып тұр.
<blockquote>
 “Мәселен, былтыр экспорт мен импорттың айырмасы минусқа кетіп қалды. Осы жағдай биылғы жылы да жалғасады деген болжамдар бар. Әрине, ол теңгенің бағамына кері әсерін тигізеді”, – деп атап көрсетті Халық.
</blockquote>
<h3 id="-1">Теңге бағамы не болмақ</h3>
Ал экономист Айдархан Құсайынов биыл экономикалық өсім байқалса да, халықтың басым бөлігі жұмыс істейтін салаларда стагнация болады деп санайды.
<blockquote>
 “Иә, мұнай мен металдың әлемдік бағасы көтерілуі мүмкін. Көлік қатынасы жанданса, экономикалық өсім болады. Алайда қызмет көрсету мен бөлшек сауда сияқты сегмент, яғни, халықтың басым бөлігі жұмыс істейтін салаларда стагнация болады деп ойлаймын. Ал карантиндік шаралар болса, жағдай одан да қатты ушығып кетеді, кәдімгідей саяси-әлеуметтік дағдарыс болады”, – дейді Құсайынов.
</blockquote>
Сарапшының айтуынша, шектеу шаралары болмаса да, экономика өте баяу қалпына келеді. Ал теңгенің бағамы ұлттық банктің саясаты мен ұстанымына байланысты болады.
<blockquote>
 “Қазірдің өзінде ай сайын ұлттық қордан валютаның 20-40 проценті сатылып тұрады. Оған қоса, биыл ұлттық компаниялар өз валютасын сатуға міндеттелді. Ондай шара соңғы 20 жылда болмаған сияқты. Алдағы уақытта теңгені 410-450 арасында ұстап тұруға тырысады. Бірақ анығын айту қиын. Егер ұлттық банк әдеттегідей “теңгені еркін айналымға жібереміз” десе, онда доллардың бағамы 500-ден асып кетуі мүмкін. Ал ондай мәлімдеме болмаса, 410-450 теңгенің аралығында қала береді”, – деп атап көрсетті Құсайынов.&nbsp;
</blockquote>
<h3 id="-2">Санкция әсері сайлаудан кейін сезіледі</h3>
Consulting Group компаниясының директоры, экономист Марат Қайырленов биыл ел экономикасы біртіндеп өссе де, халықтың табысы қалпына келмейді деп отыр. Себебі оған біраз уақыт керек. Сосын экономикалық өсімнің қарқыны да әлдеқайда төмен болады.&nbsp;
<blockquote>
 “Меніңше, 3 проценттің шамасында болады. Оған бірнеше себеп бар. Негізгі фактор – Ресейге қарсы санкциялар. Осы жолы тежейтін емес, зиян келтіретін санциялар болады дейді. Соның бәрі ресейлік рубльге кері әсерін тигізеді. Әрине, бізді де айналып өтпейді”, – дейді Қайырленов.
</blockquote>
Сарапшының ойынша, алдағы мәжіліс пен мәслихаттар сайлауына дейін көп өзгеріс болмайды. Ал осы саяси науқан аяқталғасын санкциялардың әсері сезіле бастайды.
<blockquote>
 “Былтыр халықты табысы күрт түсіп кетті. Инвестициялар да сырттан көп келмейді. Импорттың көлемі азайды. Соған қарамастан, жылдың соңында теңге біршама күшейді. Енді, ұлттық банктің рұқсатымен ғой… Дегенмен, Ресейге қарсы санкциялардың әсері күшейе түседі”, – деп атап көрсетті Қайырленов.
</blockquote>
Осы орайда экономист 2014 жылғы дағдарысты еске алды. Сол кезде ресейлік рубль қатты арзандап, қазақстандықтар көрші елдің нарығына лап берді. Көлік пен техниканы тасыды. Содан теңгенің бағамы өзгерді.
<blockquote>
 “Бұдан бөлек, мұнайдың бағасын да ескеру керек. Қазір бір баррельдің құны 50 доллардың шамасында, жаман емес. Дегенмен, әлемдік мұнай нарығына Иран оралса, сосын коронавирусқа қарсы вакцинациялау жұмысы тежелген жағдайда қиындау болады, мұнайдың бағасы қатты өспейді”, – дейді Қайырленов.
</blockquote>

Қазақстан және Қызылорда облысының жаңалықтары

Елена Пак: Мағыналы ойларға толы мақала

Өткен тәулікте Қызылордада 8 адам коронавирус жұқтырды

6 қаңтарға арналған ауа райы болжамы

«ADAL» партиясының қатары толықты

Қазақстан Халық партиясы атынан Мәжіліс депутаттығына үміткерлер Қызылордадағы саяжайларда болды (ВИДЕО)

“Қайсар” дайындықты бастады

Қызылордалық оқушы қалдық суды тазартудың әдісін ойлап тапты

«Ақ жол» ҚДП: Бизнеске қысым жасауды тоқтату керек

Сенат депутаттары жұмыс сапарымен Жалағаш ауданында болды

Қызылордада киік атқандар ұсталды

Ғалымжан Орынов: Шетелде шоттары болса, оны жабуы тиіс

2021 жылы халықтың әл-ауқаты қандай күйде болмақ?

Қазақстан және Қызылорда облысының жаңалықтары

Елена Пак: Мағыналы ойларға толы мақала

Өткен тәулікте Қызылордада 8 адам коронавирус жұқтырды

6 қаңтарға арналған ауа райы болжамы

«ADAL» партиясының қатары толықты

Қазақстан Халық партиясы атынан Мәжіліс депутаттығына үміткерлер Қызылордадағы саяжайларда болды (ВИДЕО)

&#8220;Қайсар&#8221; дайындықты бастады

Қызылордалық оқушы қалдық суды тазартудың әдісін ойлап тапты

«Ақ жол» ҚДП: Бизнеске қысым жасауды тоқтату керек

Сенат депутаттары жұмыс сапарымен Жалағаш ауданында болды

Қызылордада киік атқандар ұсталды

Ғалымжан Орынов: Шетелде шоттары болса, оны жабуы тиіс

2021 жылы халықтың әл-ауқаты қандай күйде болмақ?

“Қайсар” дайындықты бастады