<a href="http://kyzylorda-news.kz/">Kyzylorda-news.kz.</a> Сәрсенбі күні елімізде найзағайлы жаңбыр жауып, жел күшейеді, тұман түсуі мүмкін, деп хабарлайды Қазгидромет.
17 маусымда Қазақстанның басым бөлігінде фронтальды бөліктердің өтуіне байланысты, құбылмалы ауа райы сақталады, кей жерлерде найзағайлы жаңбыр жауады. Кей жерлерде жел күшейіп, оңтүстік-батыста шаңды дауыл соғады, солтүстікте тұман түсуі мүмкін. Орталықта, солтүстікте және шығыста бұршақ жаууы ықтимал.
Ақмола, Шығыс Қазақстан, Қарағанды облыстарының кей жерлерінде желдің жылдамдығы 15-20 м/с жетеді, бұршақ жауады.
Алматы, Түркістан, Павлодар облыстарында, күндіз Жамбыл, Қостанай облыстарының кей жерлерінде жел 15-20 м/с күшейеді.
Солтүстік Қазақстан облысында түнде және таңертең тұман күтіледі, күндіз жел 15-20 м/с күшейеді.
Маңғыстау облысының кей жерлерінде желдің жылдамдығы 15-20 м/с жетіп, шаңды дауыл соғуы мүмкін.
Атырау облысында, Маңғыстау облысының оңтүстігінде қатты ыстық сақталады.
Атырау, Қызылорда облыстарында, Қарағанды, Ақтөбе, Ақмола, Түркістан, Жамбыл облыстарының басым бөлігінде, Павлодар, Алматы, Қостанай облыстарының кей жерлерінде, Батыс Қазақстан, Солтүстік Қазақстан облыстарының оңтүстігінде өте жоғары өрт қауіпі сақталады.

Сәрсенбіге арналған ауа райы болжамы

Қазақстанда медицина қызметкерлері күні
Медицина саласының қызметкерлері жыл сайын маусымның үшінші жексенбісінде кәсіби мерекелерін атап өтеді. Бұл күні сондай-ақ Армения, Беларусь, Молдова, Ресей, Украинада да дәрігерлерді құттықтау игі дәстүрге айналған. 
1993 жылы&nbsp;&nbsp;Қазақстан Республикасы Президентінің Жарлығымен Қазақстан Республикасы Ұлттық қауіпсіздік комитетінің Әскери институты құрылды. 1999 жылы ҚР ҰҚК Институты Қазақстан Республикасы Ұлттық қауіпсіздік комитетінің академиясы деп өзгертілді.
1997 жылы Қызылорда облысы мен қаласының орысша транскрипциясын (Кзыл-Орда) Қызылорда деп өзгерту туралы ҚР Президентінің Жарлығы шықты.
2003 жылы&nbsp;Астанада «Думан» ойын-сауық орталығының ашылу салтанаты өтті. Орталық тропикалық балықтары бар мұхитаралдан, 5М-кинотеатрдан, Үлкен күмбезді кеңістіктен және тамақтандыру кәсіпорындары мен сауда жүйелерінен, «Джунгли» аттракционынан тұрады.
«Думан» ойын-сауық орталығының мұхитаралы – ТМД-дағы бірден-бір нысан. Бұл әлемдегі көк мұхиттан 3000 шақырымнан астам қашықтықта орналасқан жалғыз мұхитарал, мұндағы су қоры 3 миллион литрді құрайды. Оны әзірлеуде 120 тонна теңіз тұзы пайдаланылған. Мұнда Жердің әр түкпірінен әкелінген 2000-ға жуық теңіз жәндіктері тіршілік етуде.
Мұхитарал түбінде жылжымалы жолмен жарақталған, қалыңдығы 7 сантиметрлік акрил шынысынан жасалған 70 метрлік дәлізі бар және әр түрлі көлемдегі 11 аквариумды екі үлкен көрме аймағынан тұрады.
2003 жылы Жаңақорған ауданы Аққорған ауылдық округіндегі №209 орта мектепке Әнуар Әбутәліповтің есімі берілді.
2009 жылы&nbsp;Қазақстан Республикасы Туризм және спорт министрлігінде кореялық халықаралық ынтымақтастық жөніндегі «KOICA» агенттігі Қазақстанда туристік кластерді дамыту жобасын таныстырды.
Жобада Қызылорда облысы Байқоңыр қаласында ғарыштық туризмді дамыту, Қамбаш көлінде курорттық аймақ салу, Қорқыт Ата мемориалдық кешенінде этнокурорт салу, сондай-ақ Атырау облысында «Сарайшық» керуен сарайы – туристік орталығын құру көзделген. Жоба 2011-2020 жылдарға есептелген.
2017 жылы&nbsp;Астанада электр энергиясын үнемдейтін күн батареяларымен жұмыс істейтін аялдамалар іске қосылды.

17 маусым: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 16 маусымға арналған жұлдыз-жорамалы.
Тоқты
Рухани байисыз. Бүгін көптен бергі армандарыңыздың бірі орындалады. Сонымен қатар бүгін сіз күтпеген оқиғалар орын алады. Сізге толыққанды демалыс қажет. Сондықтан барлығын кейінге ысырып, демалып алыңыз.
Торпақ
Бүгін көңіл-күйіңіз керемет. Айналаңыздағы адамдармен қарым-қатынасыңыз жақсара түседі. Бірақ барлығына бірдей жұмсақ мінез танытпаңыз. Әйтпесе абыройыңызға кір келуі мүмкін. Өміріңізді өзгерту өз қолыңызда.
Егіздер
Өз ісіңізде белсенділік танытасыз. Сауда жасауда жолыңыз болады. Бүгін жаңа таныстықтар орын алады. Не болмаса өмір сүру дағдыңызды өзгертетін жаңалық естейсіз. Бүгін маңызды шешім қабылдайсыз.
Шаян
Бүгінгі күн жолға шығуға, бейтаныс адамдармен байланыс орнатуға сәтті күн. Жұлдыздар жылдамдықты асырудан, өткір және электр тоғымен жұмыс жасайтын бұйымдарды қолданғанда сақ болуды ескертеді.
Арыстан
Жақын адамыңызбен сөзге келіп қаласыз. Отбасында аздаған қиындықтар туындайды. Ұрыс-керістің алдын алғаныңыз жөн. Кеңпейілділік танытыңыз. Бірақ тым ақкөңіл болмаңыз.
Бикеш
Қарама-қайшылыққа толы күн. Сыртыңыз күліп тұрғанымен, жан-дүниеңіз алай-дүлей. Осының салдарынан қателіктерге бой алдырмас үшін бүгінгі күнді жалғыз өткізгеніңіз жөн. Барлығын ой елегінен өткізіңіз.
Таразы
Алдағы күндерге тиянақты жоспар құрғандардың жолы болатын күн. Материалдық жағдайыңыз жақсарады немесе бастаған ісіңіз сәтімен аяқталады. Жеке өміріңізде аздаған өзгерістер болады. &nbsp;
Сарышаян
Бойыңыздағы энергияңыз тасиды. Жұмыста айтарлықтай жетістікке жетесіз. Романтикалық кездесулерден бас тартыңыз. Олар сізге қуаныш алып келмесі анық. Денсаулығыңызды күтіңіз.
Мерген
Жемісті күн. Күш-қуатыңыздың тасығаны соншалық жұмысқа деген құлшынысыңыз артады. Бүгін жаңа жұмыс бастауға, келіссөздер жүргізуге қолайлы күн. Сіздер бүгін барлық жағынан оң шешім шығара аласыздар.
Тауешкі
Денсаулығыңызға абай болыңыз. Басыңыздың «сақинасы» ұстап қалуы мүмкін. Оған себеп отбасындағы кейбір мәселелер болады. Сабырлы болыңыз. Бүгін жолға шықпаңыз, достармен қарым-қатынасты доғара тұрыңыз.
Суқұйғыш
Көңіл-күйіңіз көтеріңкі болады. Маңызды мәселелерді шешу барысында ішкі түйсігіңізге жүгініңіз. Ол сізге дұрыс бағыт береді. Алдағы күндерге жоспар құрыңыз. Мәселен, жазғы демалысты қайда өткізетініңізді ойланыңыз.
Балықтар
Бұл белгідегі ер адамдар бүгін кикілжің тудырмағаны дұрыс. Сондай-ақ тіс дәрігеріне бармағаныңыз жөн. Бүгін зат сатып алмаңыз. Ал нәзікжандар бірбеткейлік танытпаңыздар. Нәзік қалпыңызды сақтаңыз.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Қызылорданың солтүстік аудандары биылдан бастап ауыл шаруашылығы министрлігі бекіткен мамандандырылған кестеге енді.
Енді алма, жүзім секілді дақылдарды өсіруге ниеттенген шаруашалықтар мемлекет тарапынан субсидия алатын болды. 
Жаңа өзгерістің министрліктен қолдау табуына «Nur Otan» партиясы мұрындық болды. Соның нәтижесінде жеміс өсірумен айналысатын шаруашылықтар ісі жандана түсті.
Жетекші партия араласуымен қолдауға ие болған шаруашылықтың бірі Жалағаш ауданы, Мақпалкөл ауылдық округіндегі «Ер-Әлі» шаруа қожалығы.
Күріш егумен айналысатын серіктестік әртараптандыру бағытында осыдан 3 жыл бұрын алма өсіруге кірісті. Алма бақта қазір 12650 түп алма ағаштары отырғызылған. Ерекше күтімнің нәтижесінде жеміс ағашы түгелдей түйнектеп тұр. Шаруа қожалығының төрағасы Әліби Бекжанов берекелі бақтың берері мол екеніне сенімді.
<blockquote>
 “Әсіресе, субсидия мәселесінің шешілуі бағбандыққа бет бұрған біздер үшін үлкен көмек болды, – дейді төраға. – Түркістан, Алматы облыстарына қарағанда бізде қиындау. Жазықтық жер емес, сондықтан осы жерді қалпына келтірудің өзіне көп қаражат жұмсадық. Шығынды көп қажет етті. Ақпан айында «Nur Otan» партиясы Төрағасының Бірінші орынбасары Бауыржан Байбек мырза біздің аймаққа келген кезде өңірдің оңтүстік аудандарына алма, жүзім өсіруге мемлекет тарапынан субсидия беріліп, солтүстік аудандар мамандандырылған картаға енбей қалғандығы жөнінде айтып қолдау көрсетуді сұраған болатынмын. Партияның қолдауымен мәселе оң шешімін тапты. Біз қуаныштымыз”.
</blockquote>
Облыстық ауылшаруашылығы басқармасы басшысының орынбасары Қайратбек Сәрсенбаевтың айтуынша өңірде күріштен басқа да дақылдарды әртараптандыру жұмыстары қарқынды жүруде. Жалпы, аймақтың ауыл шаруашылығын қолдау үшін республикалық бюджеттен жыл сайын 13-14 миллиард теңгедей қолдау көрсетіліп келеді. Соның ішінде, алма, жүзім дақылын өсірумен айналысатын шаруалар шығынының 25 пайызы субсидияланады.
Бұған дейін өңірде 510 гектар жерге алма, жүзім өсіріліп келсе, биыл 60 гектар тағы қосылған. Арасында «Ер-Әлі» қожалығының 5 гектар бағы да бар.
Бүгінде 5 гектар жердегі жеміс ағашын күтіп-баптау үшін бақта 5 жұмысшы еңбек етеді. Ауылдың алма бағынан өз нәпақасын айырып отырған жанның бірі Нұрбол Сейсенбаев.
<blockquote>
 “Мен мұнда жерді ашып бастаған уақыттан бері жұмыс жасап келемін. 3 жыл болды. Үйден кіріп-шығып жұмыс істейміз. Негізгі қызметіміз алманың күтімі. Суын беріп, шөбін шауып дегендей. Жалақымыз уақытылы, 80 мың теңге. Шаруашылық жағдаймызды ескеріп, әлеуметтік қолдау көрсетіп те отырады. Жыл соңында сыйақы да аламыз”, – дейді ол.
</blockquote>
Бақтың 4 гектарына алманың күздік, 1 гектарына жаздық сорттары егілген. Бір түп алма ағашы жобамен 15-20 келі өнім бермек. Шаруашылықтың басты ұстанымы – облыс халқына алманы нарық бағамынан төмен бағада ұсыну.
<img src="https://kyzylorda-news.kz/wp-content/uploads/2020/06/whatsapp-image-2020-06-16-at-19.27.36-1.jpeg" alt="" />
<img src="https://kyzylorda-news.kz/wp-content/uploads/2020/06/whatsapp-image-2020-06-16-at-19.28.08.jpeg" alt="" />
<img src="https://kyzylorda-news.kz/wp-content/uploads/2020/06/whatsapp-image-2020-06-16-at-19.27.36.jpeg" alt="" />
<img src="https://kyzylorda-news.kz/wp-content/uploads/2020/06/whatsapp-image-2020-06-16-at-19.27.37-1.jpeg" alt="" />

Қызылордада шаруашылық ұсынысы жетекші партияның араласуымен қолдау тапты

**<a href="https://kyzylorda-news.kz/">Kyzylorda-news.kz.</a> ҚР ІІМ Әкімшілік полиция комитеті төрағасының орынбасары Серік Түсіпов Қазақстанда рулі оң жақта орналасқан көліктерге неліктен тыйым салынғанын түсіндіріп берді, деп хабарлайды <a href="https://www.inform.kz/kz/kazakstanda-ruli-on-zhakta-ornalaskan-kolikterge-nelikten-tyyym-salyngan-iim-zhauaby_a3662401">ҚазАқпарат.</a> 
**
<blockquote>
 «Армениядан әкелінген көлікті тіркеу құны – 11 940 теңге. Оған тіркеу жинағы үшін қосылатын 695 теңге, техникалық құжат үшін 3473 теңге, мемлекеттік нөмір үшін 7778 теңге төлеу керек. Әкелінген көліктер Арменияның жауапты органдарының есебінде тұрғандықтан оларды Қазақстанға тіркеу кезінде оларға сары түсті мемлекеттік тіркеу нөмірі беріледі. Мұндай нөмірлер – басқа мемлекетте тұрақты тіркеуі бар көліктерге беріледі. Сонымен қатар көлік иесінің тұрып жатқан облыстың кодымен тапсырылады», – деді ол ОКҚ-да «ҚР азаматтары Армениядан әкелген автомобильдерді тіркеу туралы» тақырыбында өткен баспасөз мәслихатында. 
</blockquote>
ІІМ өкілінің айтуынша, рулі оң жақтағы көліктер тіркелмейді. Себебі мұндай санаттағы көліктерге қатысты шектеу Қазақстанда 2009 жылдан бері бар. 
<blockquote>
 «Рулі оң жақта орналасқан көліктерге тыйым – жол жүру ережесі заңымен және кедендік одақтың техникалық регламентімен реттеледі. Бұл тыйым Армениямен бірге өзге мемлекеттерден келетін көліктерге қатысты. Рулі оң жақтағы көліктер әу баста жол ерекшеліктеріне байланысты Жапония, Ұлыбритания елдерінде рұқсат етілген. Мұндай көліктермен біздің елде жүру ыңғайсыздық туындатады. Мәселен, ондай көліктер алдындағы көліктен озғысы келетін жағдайда жүргізуші қарсы келе жатқан көліктерді байқамай қалуы мүмкін», – деді ол.
</blockquote>

Қазақстанда рулі оң жақта орналасқан көліктерге неліктен тыйым салынған – ІІМ жауабы

<a href="https://kyzylorda-news.kz/">Kyzylorda-news.kz.</a> Ағымдағы жылдың 15-18 маусым күндері аралығында Қызылорда облысы Арал ауданы көлемінде өтіп жатқан «Отбасындағы зорлық-зомбылыққа жол ЖОҚ» атты акциясы барысында Арал АПб-нің ювеналды полиция тобының инспекторлары учаскелік полиция инспекторлары және білім бөлімі қызметкерлерімен бірлесіп, рейдтік іс-шаралар жүргізуде. 
Акция барысында Арал ауданы Полиция бөлімінің профилактикалық есебінде тұратын азаматтармен жеке-жеке сұхбаттасу жүргізіліп, аудандағы сауда орталықтары мен денсаулық сақтау орындарында отбасы-тұрмыстық қарым-қатынастар саласындағы қылмыстар мен құқық бұзушылықтарды болдырмау, олардың алдын-алу мақсатында арнайы жадынамалар таратылып, плакаттар ілінді. 
Бұл бағыттағы жұмыстар жалғасуда.
<img src="https://kyzylorda-news.kz/wp-content/uploads/2020/06/02-12.jpg" alt="" />

Қызылордалық полицейлер есепте тұратын тұлғаларды тұрғылықты мекенжайы бойынша тексерді

<a href="https://kyzylorda-news.kz/">Kyzylorda-news.kz.</a> Дүниежүзілік денсаулық сақтау ұйымының бас директоры Тедрос Адханом Гебрейесус тұмау туралы ақпарат алмасу деңгейінің күрт қысқарғанын айтты, деп хабарлайды <a href="https://baq.kz/news/othernews/dds-covid-19-saldarynan-t-maudy-mytty/">Baq.kz.</a>
Әлемде COVID-19 коронавирус пандемиясы аясында тұмаумен ауыратындарды мониторингтеу қарқындылығы төмендеді, деп мәлімдеді Дүниежүзілік денсаулық сақтау ұйымының бас директоры Тедрос Адханом Гебрейесус.
COVID-19 пандемиясына байланысты тұмаумен ауырғандардың көрсеткіші төмендеді немесе тұмау туралы ақпарат алмасу күрт қысқарды, – деді Гебрейесус ДДҰ брифингі барысында.
Оның айтуынша, мұндай жағдайға пандемия салдарынан зертханалардағы жұмыстың шамадан тыс артуы және коронавируспен күресу үшін персоналды қайта мамандандыру шаралары әсер етіп, тұмаумен күресуге COVID-19-ға байланысты енгізілген шектеулер кедергі болып отыр.
“Өткен үш жылмен салыстырғанда, біз бүкіл әлемде тұмауға тестілеу ауқымында айтарлықтай құлдырау барын көріп отырмыз”, – деді ол.
Бас директор ДДҰ-мен серіктес ұйымдардың тұмау вирусы бар үлгілерді орталықтарға жеткізу көрсеткіші биыл 64%-ға қысқарғанын атап өтті. Бұдан басқа, GISAID дүниежүзілік ғылыми бастамасы базасында генетикалық дәйектілік туралы деректері бар тұмаумен сырқаттану жағдайлары туралы ақпарат беру көлемі де 94%-ға қысқарған.

ДДСҰ: COVID-19 салдарынан тұмауды ұмыттық

<a href="https://kyzylorda-news.kz/">Kyzylorda-news.kz.</a> Арал ауданында «Жұмыспен қамтудың 2020-2021 жылдарға арналған жол картасы» мемлекеттік бағдарламасы бойынша 16 жоба бекітілді. Оның 10-ы облыстық басқармалар тарапынан, 6-ы аудан арқылы.
Жалпы жұмыспен қамтудың жол картасы шеңберінде Арал ауданында 604 жаңа жұмыс орны ашылады.
Бекітілген келісім шартқа сәйкес, жұмысшылардың кемінде 50% пайызын, яғни 305 адам жұмыспен қамту орталығы арқылы жіберілу қарастырылған. Бүгінде мердігер мекемелердің кеш анықталуына байланысты 89 адам жоба аясында жұмысқа жолданды.
Қалған 106 бос жұмыс орнына жарияланған 71 орнына мердігер мекемелердің сұраныстары тапшы мамандықтар қатарынан болғандықтан әзірге қажетті мамандар іздестірілуде.

Арал ауданында 604 жаңа жұмыс орны ашылады

<a href="https://kyzylorda-news.kz/">Kyzylorda-news.kz.</a> “Ауыл-Ел бесігі” арнайы жобасы бойынша ауылдарды дамыту, халықтың өмір сүру сапасын жақсарту бағытында шаралар 2020 жылы жалғасуда.
Аталған жоба бойынша 8 елді мекенде (Арал ауданы Жақсықылыш кенті, Жалағаш ауданы Жалағаш кенті, Жаңақорған ауданы Жаңақорған кенті, Шалқия кенті, Қазалы ауданы Бекарыстан би елді мекені, Сырдария ауданы Ақжарма елді мекені , Шиелі ауданы Ақмая ауылдық елді мекені, Қызылорда қаласы Ақсуат ауылдық елді мекені) 130 жұмыс орны ашылып (21 тұрақты, 109 уақытша), 52 жоба жүзеге асырылуда. Оның ішінде:
<ul>
<li>Ауыз сумен қамтамасыз ету 2 жоба (Бекарыстан би, Жаңақорған кенті);</li>
<li>2 мектеп құрылысы (Жақсықылыш, Жалағаш кенті балалар әуез мектебі);</li>
<li>4 мектепке күрделі жөндеу (Бекарыстан би, Ақмая, Ақсуат, Шалқия);</li>
<li>Денешынықтыру-сауықтыру кешені құрылысы (Жақсықылыш);</li>
<li>Ауылдық клуб құрылысы (Шалқия);</li>
<li>10 көшені жарықтандыру (Бекарыстан би-8, Ақжарма-1, Ақмая-1);</li>
<li>Көшелерді орташа жөндеу-32 жоба. 
Осы жұмыстарға республикалық бюджеттен 4 636 млн теңге, жергілікті бюджеттен 490 млн теңге бөлінді. 
Қазіргі таңда мемлекеттік сатып алу процедуралары жүргізілуде.</li>
</ul>

Қызылорда: &#8220;Ауыл &#8211; Ел бесігі&#8221; жобасы бойынша ауылдарды дамыту жүзеге асуда

<a href="https://kyzylorda-news.kz/">Kyzylorda-news.kz.</a> Жалағаш ауданы Т.Жүргенов ауылындағы Ә.Оңалбаев атындағы №117 орта мектеп 1987 жылы типтік жобада салынған. Жобалық қуаты 464 орындық, 2 қабатты. Қазіргі уақытта мектептегі оқушылар саны мектепалды даярлық тобындағы 32 баланы қоса алғанда 360 болып отыр. Класс комплектісі 22. Оқушылар 2 ауысымда оқытылады.
Қазіргі таңда облыстық бюджеттен «Жұмыспен қамтудың 2020-2021 жылдарға арналған Жол картасы» аясында қаржы бөлініп, мектеп ғимаратына тиісті күрделі жөндеу жұмыстары жүргізілуде. Жөндеу жұмыстарын конкурс жеңімпазы «Real Story Invest» ЖШС жүргізуде. Ашылған жұмыс орындарына 71 адам қамтылған, оның ішінде 36 адам жұмыспен қамту орталығы арқылы алынды.
Атқарылатын жұмыстар: мектептің кәріз жүйелерін жүргізу, электр желілерін, жарықтандыруды жаңарту, ғимараттың ішкі сылақ жұмыстары және есік-терезелерін ауыстыру, дәліздердің және класс кабинеттерінің едендерін жаңалау, асханаға ауыз су кіргізу және еденін кафельдеу, шатырын шиферлау.
Мектеп ғимаратына күрделі жөндеу жұмыстары жүргізілгеннен кейін оқушылардың шығармашылық қабілеттері арттырылады, бос уақытын тиімді ұйымдастыру бағытында жұмыстар жүргізіледі.
<img src="https://kyzylorda-news.kz/wp-content/uploads/2020/06/fb_img_1592302296806-1.jpg" alt="" />
<img src="https://kyzylorda-news.kz/wp-content/uploads/2020/06/fb_img_1592302299029-1.jpg" alt="" />
<img src="https://kyzylorda-news.kz/wp-content/uploads/2020/06/fb_img_1592302301586-1.jpg" alt="" />

Жалағашта &#8220;Жұмыспен қамтудың жол картасы&#8221;  бағдарламасы аясында мектеп жөнделуде

<a href="https://kyzylorda-news.kz/">Kyzylorda-news.kz.</a> Ұлттық бірыңғай тестілеуді өткізуге дайындық туралы халықты хабардар ете отырып, ҚР БҒМ Ұлттық тестілеу орталығының директоры Дидар Смағұлов биылғы ҰБТ-ның жаңалықтарына кеңінен тоқталды. 
Спикердің айтуынша, тестілеу кезінде тыйым салынған заттарды пайдалануға қарсы шараларды күшейту маңызды. Шпаргалка, мобильді байланыс құралдары, роутерлер, құлаққаптар және басқа да гарнитура түрінде тыйым салынған заттар табылған жағдайда тестіленуші емтиханға жіберілмейді. Сонымен қатар, аудиториялардағы әрбір үстелде ҰБТ ұйымдастырушыларының орнататын калькуляторларды қолдануға рұқсат етіледі. 
Д.Смағұлов атап өткендей, ата-аналар мен тестіленушілердің тілектерін ескере отырып, тестілеу уақыты 10 минутқа ұзартылып жалпы 4 сағат уақытты құрайтын болады. 
Карантинді шараларды сақтау және коронавирустық инфекцияны жаппай жұқтыруды болдырмау мақсатында тестіленушілердің ата-аналары мен туыстары үшін ҰБТ өткізуді онлайн-қарау мүмкіндігі қамтамасыз етіледі. БҒМ өкілінің ақпараты бойынша трансляцияға сілтеме ҰБТ өтетін күнге жақын жарияланады. 
ҰБТ өткізу ережелерін бұзу (есептен шығару, шпаргалкаларды пайдалану және т. б.) анықталған жағдайда, білім грантын беру бойынша конкурс нәтижелерін жоюуы мүмкін. Бұл ретте, әрбір тілек білдіруші ҰБТ барысын бақылай алады және бұзушылықтар анықталған жағдайда дереу Digital agent қосымшасы арқылы ұлттық тестілеу орталығына хабарласа алады. 
Ұлттық тестілеу орталығы директорының айтуынша, бақылау тек тестіленушілерге ғана емес, бақылаушыларға да қамтамасыз етіледі. Осы мақсатта ҰБТ өткізу кезінде бақылауды жүзеге асыруға уәкілетті өкілдермен үш жақты шарттар жасалды. Бұдан басқа, ашықтық пен объективтілікті бақылау үшін жұртшылық пен арнайы мониторинг тобы (сыбайлас жемқорлыққа қарсы қызмет) тартылатын болады. 
Мемлекеттік білім беру гранттары білім беру бағдарламаларының топтары бойынша оқыту тіліне қарамастан берілетін болады. Қазақ және орыс тілдері арасында гранттар бөлінбейді. 
Тестіленушілерге ыңғайлы болу үшін SAT, АСТ және IB халықаралық стандартталған тестілерінің балдарын ҰБТ балдарына ауыстыру шкаласы енгізілді (көрсетілген сертификаттарға ие тұлғалар ҰБТ тапсырудан босатылады және грант беру конкурсына қатыса алады). Толығырақ ақпарат жақын арада ҚР БҒМ-нің ресми аккаунттарына орналастырылатын болады.

Тестілеу уақыты 4 сағатқа дейін ұзартылды

**<a href="https://kyzylorda-news.kz/">Kyzylorda-news.kz.</a>Ұлттық тестілеу орталығының директоры Дидар Смағұлов Ұлттық біліктілік тестілеуінде тыйым салынған зат пайдаланған мұғалімдер туралы бейнеролик түсіріп, әлеуметтік желіде таратуды ұсынды, деп хабарлайды <a href="https://www.inform.kz/kz/ulttyk-biliktilik-testileu-talabyn-buzgan-mugalim-zhuldyzga-aynaluy-mumkin_a3662251">ҚазАқпарат.</a> 
**
<blockquote>
 «Ұлттық біліктілік тестілеуінде тыйым салынған заттарды пайдаланған мұғалімдерге қатысты бейнеролик шығарып, әлеуметтік желілер арқылы таратуды ұсынамыз. Өйткені, сөзбен де айттық, жиналыстарда да ескерттік. Тестілеу өтетін жерге білім басқармаларының өкілдері де келеді. Бірақ, өкінішке орай жағдайдың жақсаратын түрі жоқ. Мұғалімдер тыйым салынған заттарды қолдануға тырысады. Сондықтан біздің ұсынысымыз, нақты фактілер бойынша қай облыстың мұғалімі екендігін көрсетіп, бейнероликтер таратсақ», – деді Дидар Смағұлов Білім және ғылым министрлігінің онлайн форматта өткен аппарат жиналысында.
</blockquote>
Осы орайда ҚР Білім және ғылым министрі Асхат Аймағамбетов бұл ұсынысты заңнамалық тұрғыда қарастыру қажеттігін баса айтты.
<blockquote>
 «Өйткені, бұл жеке адамның құқығына қатысты. Әрине, біз бір жағынан ұстаздардың мәртебесі десек, екінші жағынан осындай келеңсіз жағдайлар болғанда оны да айтуымыз керек. Бес саусақ бірдей емес. Кейбір әріптестеріміз заңға қайшы қылықтары болса тиісті шара қолдануымыз қажет. Өте қатаң шара қолданылатын болады. Екі жұманың ішінде 296 мұғалім заңсыз әрекетке барған. Біріншіден, құқық қорғау органдары тиісті жұмыс жүргізіп бастады. Екіншіден, біздің комитет өз жұмысын бастауы тиіс. Үшіншіден, білім басқармалары, бөлімдер, мектеп басшылары әр факті бойынша қызметтік тексеру жүргізіп, нақты шара қолдануы керек. Академиялық адалдық деген осыдан басталады», – деді Асхат Аймағамбетов.
</blockquote>

Қазақстан және Қызылорда облысының жаңалықтары

Сәрсенбіге арналған ауа райы болжамы

17 маусым: Атаулы күндер мен оқиғалар

Жұлдыздар не дейді?

Қызылордада шаруашылық ұсынысы жетекші партияның араласуымен қолдау тапты

Қазақстанда рулі оң жақта орналасқан көліктерге неліктен тыйым салынған – ІІМ жауабы

Қызылордалық полицейлер есепте тұратын тұлғаларды тұрғылықты мекенжайы бойынша тексерді

ДДСҰ: COVID-19 салдарынан тұмауды ұмыттық

Арал ауданында 604 жаңа жұмыс орны ашылады

Қызылорда: “Ауыл – Ел бесігі” жобасы бойынша ауылдарды дамыту жүзеге асуда

Жалағашта “Жұмыспен қамтудың жол картасы” бағдарламасы аясында мектеп жөнделуде

Тестілеу уақыты 4 сағатқа дейін ұзартылды

Ұлттық біліктілік тестілеу талабын бұзған мұғалім «жұлдызға» айналуы мүмкін

Қазақстан және Қызылорда облысының жаңалықтары

Сәрсенбіге арналған ауа райы болжамы

17 маусым: Атаулы күндер мен оқиғалар

Жұлдыздар не дейді?

Қызылордада шаруашылық ұсынысы жетекші партияның араласуымен қолдау тапты

Қазақстанда рулі оң жақта орналасқан көліктерге неліктен тыйым салынған – ІІМ жауабы

Қызылордалық полицейлер есепте тұратын тұлғаларды тұрғылықты мекенжайы бойынша тексерді

ДДСҰ: COVID-19 салдарынан тұмауды ұмыттық

Арал ауданында 604 жаңа жұмыс орны ашылады

Қызылорда: &#8220;Ауыл &#8211; Ел бесігі&#8221; жобасы бойынша ауылдарды дамыту жүзеге асуда

Жалағашта &#8220;Жұмыспен қамтудың жол картасы&#8221; бағдарламасы аясында мектеп жөнделуде

Тестілеу уақыты 4 сағатқа дейін ұзартылды

Ұлттық біліктілік тестілеу талабын бұзған мұғалім «жұлдызға» айналуы мүмкін

Қызылорда: “Ауыл – Ел бесігі” жобасы бойынша ауылдарды дамыту жүзеге асуда

Жалағашта “Жұмыспен қамтудың жол картасы” бағдарламасы аясында мектеп жөнделуде