<a href="http://kyzylorda-news.kz./">Kyzylorda-news.kz.</a> «БҰҰ-ның Ливандағы уақытша күштерінде» бітімгершілік миссиясын атқарып жүрген Қазақстан Қарулы Күштерінің әскери қызметшілері түрлі сын сәттерде жедел ден қою топтарының негізгі іс-қимылын пысықтау бойынша «RITEX» оқу-жаттығуына қатысты.
Бөлімшелерді жалпы басқаруды төртінші құрама бітімгершілік ротасының командирі майор Жанат Бірбаланов жүзеге асырды. Басқару және үйлестіру рота штабының байланыс құралдары арқылы жүргізілді.
<blockquote>
 «Біз алты ай бойы БҰҰ-ның Бас штабы Ливанда да, Үндістан тарапы өткізген барлық жаттығулар мен оқу-жаттығуларға ұдайы қатыстық. Қазақстандық бітімгерлер жоғары даярлық деңгейі мен кәсіби шеберліктерін көрсетті. Бұл жөнінде «Ливандағы БҰҰ-ның уақытша күштері» Бас штабының басшылығы атап өтті. Аталған жаттығулар қазақстандық әскери қызметшілердің жауынгерлік әзірлігі ұдайы жоғары деңгейде екенін тағы да көрсетті», – деді Жанат Бірбаланов.
</blockquote>
Бітімгерлер таң сәріден оқу дабылымен көтерілді. Оқу-жаттығудың сценарийі бойынша Қазақстандық-Үндістан базасын алыс емес жерде қолдан жасалған жарылғыш зат табылды. Кезекші ауысым кезекшілік барысын ұйымдастырып, болған жағдайды рота штабына хабарлады. Оқиға орнына жеткен француз әскери қызметшілері миналардан тазартуға кірісті. Бұл оқиға туралы халықаралық әскери полицияға және Ливан әскеріне баяндады. Нәтижесінде бейбіт тұрғындарды ықтимал қауіптен қорғау үшін қоршау ұйымдастырылды, жолдар жабылды.
Жедел ден қою топтары түрлі дабылдарды алған кезеңді, кезекші бөлімшелердің базаға жақын жерде қолдан жасалған жарылғыш затты анықтаған сәтін, сондай-ақ зардап шеккендерге алғашқы медициналық көмек көрсету тәртібін пысықтады.
Қазақстандық әскери қызметшілер Үндістан әскери қызметшілерімен бірлесіп іс-қимылдарды пысықтады. Миссияға қатысқан уақыт аралығында олар әр қилы міндеттерді орындау мәселелерінде өзара іс-қимылды реттеді.
Миссия штабының өкілдері мен байланыстырушылар қазақстандық бітімгершілік контингентінің сенімді, батыл және кәсіби іс-қимылдарын атап өтті.
Қазақстандық бөлімшелердің шынайы жағдайдағы іс-қимылға даярлығын арттыруда апталық жаттығулардың, ай сайын өтетін «Blue porcupine» тактикалық оқу-жаттығуларының және қолдан жасалған жарылғыш заттарды анықтаудағы іс-қимыл алгоритмі жөніндегі сабақтардың маңызын атап өткен жөн.
<img src="https://kyzylorda-news.kz/wp-content/uploads/2021/02/img_20210205_222259_100-1.jpg" alt="" />
<img src="https://kyzylorda-news.kz/wp-content/uploads/2021/02/img_20210205_222303_571.jpg" alt="" />
<img src="https://kyzylorda-news.kz/wp-content/uploads/2021/02/img_20210205_222305_078.jpg" alt="" />
<img src="https://kyzylorda-news.kz/wp-content/uploads/2021/02/img_20210205_222307_809.jpg" alt="" />
<img src="https://kyzylorda-news.kz/wp-content/uploads/2021/02/img_20210205_222309_558.jpg" alt="" />
<img src="https://kyzylorda-news.kz/wp-content/uploads/2021/02/img_20210205_222311_942.jpg" alt="" />

Ливанда Қазақстан бітімгерлері кәсіби шеберлік көрсетті (ФОТО)

<a href="https://kyzylorda-news.kz/">Kyzylorda-news.kz</a>. Мұқағали Мақатаевтың туғанына 90 жыл толған мерейтой Тәуелсіздігіміздің 30 жылдығымен тұспа-тұс келіп отыр. Бұл туралы ҚР Президенті Қасым-Жомарт Tоқаев Тwitter-дегі парақшасында жазды.
<blockquote>
 «Бүгін – ақиық ақын Мұқағали Мақатаевтың туғанына 90 жыл. Мұқағали поэзиясы – күллі қазақтың болмыс-бітімі. Оның сырлы сезімге толы жырлары қалың оқырманның жүрегінен орын алды. Ақын мерейтойы Тәуелсіздігіміздің 30 жылдығымен тұспа-тұс келіп отыр. Бұл – әр қазақтың шаңырағындағы мерейлі той» делінген хабарламада.
</blockquote>

Қасым-Жомарт Tоқаев: Мұқағали поэзиясы – күллі қазақтың болмыс-бітімі

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 918 адамнан коронавирус анықталды, деп хабарлайды ҚазАқпарат coronavirus2020.kz.
Аймақтар бойынша:
Нұр-Сұлтан қаласы – 74,
Алматы қаласы – 118,
Шымкент қаласы – 8,
Ақмола облысы – 98,
Ақтөбе облысы – 1,
Алматы облысы – 50,
Атырау облысы – 25,
Шығыс Қазақстан облысы – 86,
Жамбыл облысы – 12,
Батыс Қазақстан облысы – 51,
Қарағанды облысы – 29,
Қостанай облысы – 80,
Қызылорда облысы – 10,
Павлодар облысы – 208,
Солтүстік Қазақстан облысы – 61,
Түркістан облысы – 7.
Жалпы ел бойынша ауырғандар саны 197033.

Коронавирус: Қызылордада 10 адам тіркелді

<a href="https://kyzylorda-news.kz/">Kyzylorda-news.kz</a>. 9 ақпан күні еліміздің оңтүстік жартысында жауын-шашын күтіледі, кей жерлерде жауын-шашын (жаңбыр, қар) қатты жауады. Сондай-ақ тұман, көктайғақ болжанады. Ал еліміздің солтүстік жартысында қар жауады, желдің күшеюі, бұрқасын сақталады.
Республиканың тек батысында антициклон жотасының әсерінен жауын-шашынсыз ауа райы қалыптасады, деп хабарлайды «Қазгидромет».

Сейсенбіге арналған ауа райы болжамы

<a href="http://kyzylorda-news.kz./">Kyzylorda-news.kz.</a>&nbsp;Қазақстанда «Іргесі бекем ел» жобасы аясында арнайы экспедиция жұмысы басталды. Бұл туралы жоба жетекшісі Ғалымжан Өтелбай <a href="https://www.facebook.com/galymzhan.otelbai">«Facebook»</a> парақшасында хабарлады.
Еліміздің шекарасы 5 мемлекетпен шектеседі десек, зерттеу тобының негізгі мақсаты сол шекаралас елдердің іргесіндегі қазақ ауыл-аймағының әлеуметтік-экономикалық, қоғамдық-саяси, демографиялық ахуалы мен тұрақты дамуына ықпал ететін өзекті мәселелерді анықтау. Жоба аясында ауыл тұрғындарының тыныс-тіршілігі, шаруашылық кәсібі, саяси көзқарасы, менталитеті, тілі, этникалық мәселелері, идеологиялық тұтастығы мен сәйкестігі және өзге де тақырыптар негізге алынады. Сонымен қатар таяқ тастам жердегі көрші мемлекеттің тұрғындарының тыныс-тіршілігімен салыстырмалы түрде зерттеу жүргізілетін болады. &nbsp;
<blockquote>
 «Жобаның өзектілігі, мақсаты, міндеттері, критерийлері, әдіс-тәсілдері, нысаны және болжамы толыққанды жазылған. Ол туралы және жұмыс барысында анықталған қызықты ақпараттармен алдағы уақытта бөлісіп отыратын боламыз. Жобаға түрлі салада қызмет еткен тәжірибелі әлеуметтанушы, саясаттанушы, қоғамтанушы мамандар мен еріктілер тартылып отыр», – деп жазады жоба жетекшісі Ғалымжан Өтелбай.
</blockquote>
Экспедиция жұмысы шамамен 3 айға жоспарланған.
<blockquote>
 «Жоба аясында зерттеу жинағы шығарылып, танымдық фотокөрме ұйымдастырылатын болады. Жоба нәтижесі сәтті шықса, тақырып бойынша анықталған өзекті мәселелер билік назарын аудартып, барлық тиісті мемлекеттік органдарға көмекші құрал болады деп сенеміз», – делінген жазбада. &nbsp;
</blockquote>
Ғалымжан Өтелбай халықты алғаш рет қолға алынған тың жобаға қолдау көрсетуге, оның сәтті шығуына тілекші болуға шақырды.
Айта кетейік, Қазақстан Республикасы 5 мемлекетпен&nbsp;шекараласады. Еліміз солтүстік пен батыста Ресеймен шектессе, шығыста Қытаймен, оңтүстікте Өзбекстан, Қырғызстан, Түрікменстан елдерімен түйіседі.

Қазақстанда «Іргесі бекем ел» жобасы басталды

<a href="http://kyzylorda-news.kz./">Kyzylorda-news.kz.</a>&nbsp; Биыл кредит алған азаматтарды оңалту және несие бойынша сыйақының шекті мөлшерлемелерін реттеу тетіктері енгізіледі. Бұл туралы мемлекет басшысы Қасым-Жомарт Тоқаев пен қаржы нарығын реттеу төрағасы&nbsp;Мәдина Әбілқасымованың кездесуінде айтылды.
Қаржы нарығын реттеу және дамыту агенттігінің төрағасы мемлекет басшысына қаржы нарығының былтырғы даму қорытындылары және агенттіктің биылғы жұмысының негізгі басымдықтары туралы баяндады, деп хабарлады&nbsp;<a href="http://www.akorda.kz/kz/events/akorda_news/meetings_and_receptions/prezident-karzhy-narygyn-retteu-zhane-damytu-agenttiginin-toragasy-madina-abilkasymovany-kabyldady">Ақорда.</a>&nbsp;
<blockquote>
 Мемлекет басшысының тапсырмасы бойынша халықтың борыштық жүктемесін азайту жөніндегі реттеу шаралары қабылданды. Соның арқасында тұтынушылық кредиттің өсуі азайды. Биыл қарыз алушы жеке тұлғаларды оңалту және кредиттер бойынша сыйақының шекті мөлшерлемелерін реттеу тетіктері енгізіледі, қарызын қайтармайтын адамдарға қатысты реттеу қызметінің сотқа дейінгі тәртібі күшейтіледі.
</blockquote>
2020 жылдың қорытындысы бойынша экономиканы кредиттеу 5,5 пайызға ұлғайып, 14,6 триллион теңгеге жеткен. Дағдарысқа қарамастан, шағын және орта бизнеске берілетін кредиттер, оның ішінде бизнеске қолдау көрсетудің мемлекеттік бағдарламаларын кеңейту арқылы 7,1 пайызға, яғни 4,2 триллион теңгеге дейін өсті. Президенттің тапсырмасы бойынша экономиканың зардап шеккен секторларындағы шағын және орта бизнестің барлық кредитін жылына 6 пайызға дейін субсидиялау тетігі іске асырылды.
Мәдина Әбілқасымова биылғы 1 қаңтардан бастап барлық микроқаржылық ұйымның, оның ішінде, ломбардтар мен онлайн-кредиттеу компанияларының қызметін лицензиялау енгізілгені туралы хабарлады. Бұл олардың есеп беруін, ашықтығын және жауапкершілігін қамтамасыз етуге мүмкіндік береді.
2021 жылдан бастап азаматтарға зейнетақы активтерінің бір бөлігін жеке басқарушы компаниялардың басқаруына беру, ал банктерге брокерлік қызметтердің толық спектрі бойынша қызмет көрсету мүмкіндігі берілді. Бұл өз кезегінде халықтың инвестициялық мүмкіндігін арттырады. Сақтандыру және қор нарығын одан әрі дамыту мақсатында кешенді заң жобасы әзірленді.
Қасым-Жомарт Тоқаев банк секторының тұрақтылығын қамтамасыз етуге ерекше мән берді. Агенттік төрағасы жекелеген банктердің жұмысын қайта жандандыру жөнінде қабылданған шаралар және AQR нәтижелері бойынша қадағалау жоспарларын іске асыру туралы айтты. 2020 жылы банк жүйесі бойынша борышкерлік деңгей 8,1 пайыздан 6,8 пайызға дейін төмендеді. Тәуекелге бағдарланған қадағалау аясында 2021 жылдан бастап банк секторы активтерінің сапасын бағалау (AQR) және стресс-тесттен өткізу қадағалау процесінің ажырамас бөлігі болады.
Кездесу қорытындысы бойынша Қасым-Жомарт Тоқаев агенттікке қаржылық тұрақтылықты қамтамасыз етуді, қаржы нарығының барлық секторында тәуекелге бағдарланған қадағалау жүйесін енгізуді, қаржылық қызмет көрсету барысында тұтынушылардың құқықтарын қорғауды, сондай-ақ, қор нарығын дамытуды міндеттеді. Мемлекет басшысы дағдарыс салдарын еңсеру үшін экономиканы кредиттеудің маңыздылығына назар аударды.
<a href="https://sputnik.kz/economy/20210208/16237876/Kredit-komek-Tokaev.html">Sputnik Қазақстан</a>

Кредитін төлей алмай жүргендерге көмек көрсетіледі &#8211; Тоқаев Әбілқасымованы қабылдады

<a href="http://kyzylorda-news.kz./">Kyzylorda-news.kz.</a> Бірыңғай жинақтаушы зейнетақы қоры зейнетақы жинағын алу кезінде жеке табыс салығын төлеу тәртібін түсіндіріп берді, деп хабарлайды ҚазАқпарат.
<blockquote>
 «Салымшының жеке зейнетақы шотына түскен кезде зейнетақы жарналарына жеке табыс салығы (ЖТС) салынбайды. Салық зейнетақы жинақтары төлемін алған кезде салынады. Біржолғы зейнетақы төлемдерінің сомасына салық салу тәртібін айқындау мақсатында Салық кодексі «Қазақстан Республикасының зейнетақымен қамсыздандыру туралы заңнамасына сәйкес біржолғы зейнетақы төлемінен жеке табыс салығын есептеу, ұстап қалу және төлеу ерекшеліктері» көрсетілген 351-1-бабымен толықтырылды», делінген хабарламада.
</blockquote>
Салық кодексіне сәйкес, БЖЗҚ салық агенті ретінде зейнетақымен қамсыздандыру туралы заңға сәйкес есептелген біржолғы зейнетақы төлемін алушының және (немесе) уәкілетті оператордың банк шотына аударған кезде ЖТС есептейді. ЖТС біржолғы зейнетақы төлемінің сомасына Салық кодексінің 320-бабында белгіленген мөлшерлемелерді (10%) қолдану арқылы есептеледі.
«БЖЗҚ Салық кодексінің 351-1-бабының 2-тармағына сәйкес салымшы таңдап алған, келесі екі тәсілдің бірі бойынша жеке табыс салығының сомасын ұстап қалуды және мемлекеттік бюджетке аударуды жүргізеді:
1) Салық кодексінің 351-бабында көзделген тәртіппен біржолғы зейнетақы төлемін жүзеге асыру күнінен кешіктірмей, бір-ақ рет;
2) зейнетке шыққан кезде он алты жылдан аспайтын мерзім ішінде ай сайын тең үлестермен (БЖЗҚ белгілеген зейнетақы төлемдері кестесі бойынша).
Салымшының ЖТС төлеу тәсілін таңдау жөніндегі шешімі оның уәкілетті операторға берген өтінішінде көрсетілуі тиіс», делінген хабарламада.
Салымшы ЖТС-ты бір-ақ рет ұстап қалу туралы өтініш берген жағдайда БЖЗҚ біржолғы зейнетақы төлемін жүзеге асырған кезде ЖТС-ты біржолғы зейнетақы төлемі сомасынан бірден ұстап қалады.
Мысалы:
салымшының ЖЗШ-сындағы зейнетақы жинақтарының сомасы = 8 500 000 теңге
зейнетақы жинақтарының ең аз жеткіліктілік шегі = 3 500 000 теңге
біржолғы зейнетақы төлеміне қолжетімді сома= 8 500 000 – 3 500 000 = 5 000 000 теңге
біржолғы зейнетақы төлемі түріндегі есептелген табыс = 5 000 000 теңге
ұстап қалынатын және бюджетке аударылатын ЖТС сомасы= 5 000 000*10%= 500 000 теңге
төлем көзінен ұсталған ЖТС шегерілген біржолғы зейнетақы төлемі түріндегі табыс сомасы= 5 000 000 – 500 000 = 4 500 000 теңге.
«Салымшы ЖТС-ты ай сайын тең үлестермен ұстап қалу туралы өтініш берген кезде БЖЗҚ біржолғы зейнетақы төлемін жүзеге асыру кезінде ЖТС сомасын ұстамай, мемлекеттік бюджетке аудармай есептейтін болады. Есептелген ЖТС-ты ұстап қалу және аудару жеке тұлға зейнетақы жасына жеткен кезде БЖЗҚ белгілеген зейнетақы төлемдері кестесі бойынша он алты жылдан аспайтын мерзім ішінде тең үлестермен жүзеге асырылады», делінген хабарламада.
Қордың мәлімдеуінше, егер салымшы бірінші тәсіл – ЖТС-ты дереу толық көлемде төлеу туралы шешім қабылдаса, онда ол өтініште алуға болатын соманы 10% мөлшеріндегі ЖТС-ты шегере отырып көрсетуі тиіс. Егер салымшы ЖТС төлеу мерзімін ұзартуды пайдалану туралы екінші тәсілді таңдаған болса, онда ол өтініште алуға сұраныс жасалған соманы ЖТС-ты шегерусіз көрсетуі қажет.
БЖЗҚ беретін үзінді көшірмеде салымшыға ыңғайлы және өз бетінше таңдау жасау үшін екі сома да көрсетілген. Салымшы көрсететін, алуға болатын сома БЖЗҚ-дан оның уәкілетті операторда ашылған арнайы шотына түседі.

БЖЗҚ зейнетақы жинағын алу кезінде жеке табыс салығын төлеу тәртібін түсіндірді

<a href="http://kyzylorda-news.kz./">Kyzylorda-news.kz.</a> Бүгін жалпы білім беретін пәндер бойынша республикалық олимпиаданың аудандық, қалалық кезеңі басталды. Білім жарысын Қызылорда облыстық білім басқармасы ұйымдастырды.
Олимпиада жаратылыстану-математика, қоғамдық-гуманитарлық бағыттардағы 16 пән бойынша өткізілуде. Оған барлық санитарлық талаптарды сақтай отырып, 7 аудан мен Қызылорда қаласынан 5500-ден астам оқушы қатысты.
Олимпиаданы ашық өткізу мақсатында барлық пән бойынша кабинеттерде камера орнатылып, емтихан барысы YouTube желісі, ZOOM платформасы арқылы тікелей эфирден көрсетілуде.

Қызылордада 5500 оқушы олимпиадаға қатысты

<a href="http://kyzylorda-news.kz./">Kyzylorda-news.kz.</a> Қызылорда облысының кәсіпкерлер палатасы «Бизнестің жол картасы 2025» мемлекеттік бағдарламасының «Кәсіпкерлікті қолдаудың қаржылай емес шаралары» төртінші бағыты бойынша қызмет көрсетуге Қазақстан Республикасы азаматтарынан іріктеуге өтініш қабылдау басталғандығын хабарлайды.
Кәсіпкерлер мен кәсіпкерлік бастамалары бар тұрғындарды бизнесті қолдаудың&nbsp;&nbsp;&nbsp;&nbsp;&nbsp; мемлекеттік бағдарламалары туралы ақпараттандыру бойынша:
<ol>
<li>Жаңақорған ауданындағы Кәсіпкерлерге қолдау көрсету орталығына&nbsp; Кәсіпкерлік субъектілері мен кәсіпкерлік бастамалары бар тұрғындарды ақпаратпен қамтамасыз ететін менеджер-кеңесші – 1адам;</li>
<li>Байқоңыр қаласындағы Кәсіпкерлерге қолдау көрсету орталығына&nbsp; Кәсіпкерлік субъектілері мен кәсіпкерлік бастамалары бар тұрғындарды ақпаратпен қамтамасыз ететін менеджер-кеңесші – 1адам;</li>
</ol>
Менеджер-консультанттарға жалпы қойылатын талаптар:
-ҚР азаматтығы;
– облыс орталықтары үшін жоғары немесе жоғарғы оқу орнынан кейінгі білімінің болуы.
– моноқалалар, шағын қалалар және аудан орталықтары үшін орта арнайы / жоғары білімінің болуы;
– қазақ және орыс тілдерін білуі;
– соттылығының болмауы;
– компьютерлік сауатының болуы;
– соңғы 3 (үш) жұмыс орнынан ұсынымдар;
– мынадай құзыреттердің болуы: стресске төзімділік, бастамашылдық, жауапкершілік, тұтынушыға бағдарлану және оны ақпараттандыру, әдептілік, өзгерістерді басқару және т.б.;
Қызметтер бөлінісінде қосымша талаптар:
Ақпараттық қаматамсыз ету бойынша:
<ul>
<li>кәсіпкерліктіқолдаужәне/немесеконсультациялыққызметтеркөрсетусаласында 2 (екі) жылдан кем емес не мемлекеттік бағдарламаларды жүзеге асыру аясында 1 (бір) жылданкем емесжұмыс тәжірибесінің болуы.</li>
</ul>
Өтініштер 2021 жылдың 26 ақпаны сағат 18.00 дейін қабылданады.
Өтінішке қосымша:
<ol>
<li>Жеке куәлік көшірмесі;</li>
<li>Ереженің 11-қосымшасына сәйкес нысан бойынша жұмыс ізденушінің сауалнамасы;</li>
</ol>
3) жұмыс өтілін растайтын құжат көшірмесі (еңбек кітапшасы/еңбек келісім-шарты және/немесе ақылы келісім-шарт көрсету туралы келісім-шарт);
4)&nbsp; жоғары білімі туралы дипломның нотариалды куәландырылған көшірмесі;
5) құжаттар ұсынылған күнге дейін бір айдан аспайтын мерзімде алынған наркологиялық диспансерден анықтама;
6) құжаттар ұсынылған күнге дейін бір айдан аспайтын мерзімде алынған психоневрологиялық диспансерден анықтама;
7) № 086/у нысаны бойынша денсаулық жағдайы туралы медициналық анықтама (дәрігерлік кәсіби – консультациялық қорытынды) құжаттар ұсынылған күнге дейін алты айдан аспайтын мерзімде берілген (немесе нотариалды куәландырылған көшірмесі);
8) құжаттар ұсынылған күнге дейін бір айдан аспайтын мерзімде берілгенсоттылығының болмауы немесе болуы туралы анықтама;
9) соңғы 3 (үш) жұмыс орнынан ұсынымдар.
Іріктеуге қатысуға өтініш үлгісі мен шарттарын Қызылорда облысының кәсіпкерлер палатасы кеңсесінен алуға болады: Қызылорда қ., Қорқыт Ата көшесі,123 немесе <a href="mailto:n-finsupport.kzo@atameken.kz">n-finsupport.kzo@atameken.kz</a> электрондық поштасы арқылы алуға болады.
Байланысатын тұлға: Қызылорда облысының Кәсіпкерлер палатасының сарапшысы Құрмантаева Гүлнұр. Тел. 8/7242/400874.
Ескерте кетейік, барлық менеджер-кеңесшілер шағын және орта кәсіпкерлікті қолдауға бағытталған барлық мемлекеттік бағдарламалар (Бизнестің жол картасы Мемлекеттік бағдарламасы – 2025, «Еңбек» Нәтижелі жұмыспен қамту және жаппай кәсіпкерлікті дамыту Бағдарламасы, «Қарапайым заттар экономикасы», ҚР Ұлттық кәсіпкерлер палатасы туралы заңы т.б.) бойынша кеңес беруге &nbsp;білікті болуы тиіс.
Үміткерлердің кандидатурасы Қазақстан Республикасының Ұлттық экономика министрлігімен келісіледі.

Қызылорда: Кәсіпкерлер палатасы жұмысқа шақырады

<a href="http://kyzylorda-news.kz./">Kyzylorda-news.kz.</a> Қызылордалық «Қайсар» Украинаның үздік командасы «Деснамен» жолдастық кездесу өткізді.
«Десна» 1960 жылы құрылған тарихы терең команда. Бірінші және Екінші лиганың бірнеше дүркін жүлдегері. 2018 жылы Премьер-лигаға жолдама алып, өнер көрсетіп келеді. Өткен маусымда Украина премьер-лигасында үздік төрт команданың қатарына еніп, Еуро лигаға жолдама алды. Биыл команда біріншілікте киевтік «Динамо» мен «Шахтердан» кейін үздік үштікте келеді.
Аталған кездесу барысында қызылордалық команда құрамында Нұрымжан Салайдын, Ілияс Әмірсейітов, Егор Потапов, Линас Климавичус, Шоқан Абзалов, Думан Нәрзілдаев, Марат Шахметов, Вук Митошевич, Стефан Денкович және Каролис Лаукжямис негізгі құрамда шықты.
Кездесудің жалғыз голын литвалық шабуылшы Каролис Лаукжямис 41-минутта соқты. Ойынның екінші жартысында қос командада гол соғудың қамын қарастырғанымен соңғы сәтте сәттілік жетіспеді. Қорытынды есеп 1-0.
Енді қасқырлар 10 ақпанда ресейлік «Факелмен» шеберлік байқасады.

«Қайсар» Украинаның үздік командасын жеңді

<a href="http://kyzylorda-news.kz./">Kyzylorda-news.kz.</a>&nbsp; Айтыскер ақын Ринат Зайытов Алматыдағы “Алатау” дәстүрлі өнер театрының директоры болып тағайындалды, деп хабарлайды&nbsp;<a href="https://sputnik.kz/">Sputnik Қазақстан</a>.
<blockquote>
 “Бүгін Алматы қаласы мәдениет басқармасының басшысы Ғани Майлыбаев келіп тағайындады. Бұған дейін бұл қызметті атқарған кісі басқа жұмысқа ауысуына байланысты өз өтінішімен қызметінен кетті”, – деді теардың PR-менеджері.
</blockquote>
Айтуынша, Ринат Зайытов қазір театрды аралап, жұмыс орнымен танысып жатыр.
Ринат Зайытов 1983 жылы 17 қарашада Шығыс Қазақстан облысының Аягөз қаласында дүниеге келген. Мұқан Төлебаев атындағы музыка колледжін “Драмалық театр актері” мамандығы бойынша тәмамдаған. Диплом алғаннан кейін Семейдегі мемлекеттік педагогикалық институтына оқуға түседі. Осылайша қазақ тілі мен әдебиеті пәнінің оқытушысы болады.
Айтысқа 17 жасынан бастап араласа бастаған. Семейдегі жастар театрында қызмет етті. Аймақтық, республикалық және халықаралық айтыстардың жеңімпазы.
<blockquote>
 “Аягөз ауданының құрметті азаматы, “Астананың дамуына қосқан үлесі үшін” медалінің иегері.
</blockquote>
Үйленген. Бес баласы бар.

Ринат Зайытов лауазымды қызметке тағайындалды

<a href="http://kyzylorda-news.kz./">Kyzylorda-news.kz.</a> Қазалы ауданының тұрғындары тіршілік нәрінен қысылады, деп хабарлайды <a href="https://24.kz/kz/zha-aly-tar/o-am/item/454066-azaly-audanyny-t-r-yndary-sudan-tapshyly">“Хабар 24”</a>.
Күз-қыс мезгілінде 5-6 мың текше метр су тұтынатын қазалылықтардың қазіргі сұранысы 10 мыңға дейін жеткен. Шаруалар бау-бақша, егістігін суаруды бастаған кезде Арал – Сарбұлақ топтық су құбырында қысым азайып, тапшылық туындайды. Мәселе қалай шешімін табады?
Әйтеке би кентін толық ауыз сумен қамтуға қауқарлы Байқожа су құбырын жаңғырту үшін қыруар қаржы керек. Ал қаржыландыру үшін магистральдық желі су ресурстары комитетінің теңгеріміне өтуі тиіс екен. Егер жоба мақұлданса, аудан орталығына дейін 62 шақырым құбыр тартылады.
<blockquote>
 “Байқожа локальді су құбырын қайта жаңғырту жобасы бойынша облыстық бюджеттен бөлініп, жоба-сметалық құжаты әзірленіп, мемлекеттік сараптама қорытындысы алынды. Жоба құны 2 млрд 500 млн теңгеге қаржы шықты. Аталған жобаны республикалық бюджеттен қаржыландыруға тиісті комитеттерге 2021 жылға қаржыландыруға ұсыныс берілді”, – дейді Қазалы аудандық ТШК бөлімінің басшысы Мұрат Әбсұлтанов.
</blockquote>
Қазалы ауданы бойынша сервистік жүйеге қосылмаған 3 ауыл еді. Жуырда ғана Бекарыстан би елді мекенінің әр үйіне су кіргізілді. Қыстың көзі қырауда қатып қалған құдықтың мұзын ойып, жібітіп, шелекпен су тасыған Жадыра Өтемісова үшін енді ол бейнетті күндер артта қалды.
<blockquote>
 “Балаларға, үлкендерге өте жақсы болып тұр судың аққаны. Өте тиімді, ел қуанышқа бөленіп жатыр. Бұл міне, Қазақстанның өркендеп жатқанының бір көрінісі. Кереметтей жылы суымызды үйімізге қосып алдық”, – дейді Бекарыстан би ауылының тұрғыны Жадыра Өтемісова.
</blockquote>
Қазалыда құдықтан су ішіп отырған әлі екі ауыл бар. Шәкен мен Сарбұлақ ауылдарын топтық су құбырына қосу экономикалық жағынан тиімсіз екен. Енді ұңғыма қазу жобасы қарастырылып жатыр.
<blockquote>
 “Энергетика басқармасымен келісіп, жерасты суын пайдалану мәселесін қарастырып жатырмыз. Қазір зерттеу жұмыстары жүріп жатыр. Ең тиімді, тез шешілетін мәселе сол екі ауылдық округінің жерасты суын пайдалану. Тазалатып, халыққа сервистік желісін тартып беру жұмыстары болып тұр”, – дейді Қазалы ауданының әкімі Мұрат Ергешбаев.
</blockquote>
Ағымдағы жылы Жанқожа батыр мен Майдакөл ауылының үйлері сервистік желіге қосылады. Сол кезде ауданды ауыз сумен қамту көрсеткіші 90%-тен асады деп күтілуде.

Қазақстан және Қызылорда облысының жаңалықтары

Ливанда Қазақстан бітімгерлері кәсіби шеберлік көрсетті (ФОТО)

Қасым-Жомарт Tоқаев: Мұқағали поэзиясы – күллі қазақтың болмыс-бітімі

Коронавирус: Қызылордада 10 адам тіркелді

Сейсенбіге арналған ауа райы болжамы

Қазақстанда «Іргесі бекем ел» жобасы басталды

Кредитін төлей алмай жүргендерге көмек көрсетіледі – Тоқаев Әбілқасымованы қабылдады

БЖЗҚ зейнетақы жинағын алу кезінде жеке табыс салығын төлеу тәртібін түсіндірді

Қызылордада 5500 оқушы олимпиадаға қатысты

Қызылорда: Кәсіпкерлер палатасы жұмысқа шақырады

«Қайсар» Украинаның үздік командасын жеңді

Ринат Зайытов лауазымды қызметке тағайындалды

Қазалы ауданының тұрғындары судан тапшылық көріп отыр

Қазақстан және Қызылорда облысының жаңалықтары

Ливанда Қазақстан бітімгерлері кәсіби шеберлік көрсетті (ФОТО)

Қасым-Жомарт Tоқаев: Мұқағали поэзиясы – күллі қазақтың болмыс-бітімі

Коронавирус: Қызылордада 10 адам тіркелді

Сейсенбіге арналған ауа райы болжамы

Қазақстанда «Іргесі бекем ел» жобасы басталды

Кредитін төлей алмай жүргендерге көмек көрсетіледі &#8211; Тоқаев Әбілқасымованы қабылдады

БЖЗҚ зейнетақы жинағын алу кезінде жеке табыс салығын төлеу тәртібін түсіндірді

Қызылордада 5500 оқушы олимпиадаға қатысты

Қызылорда: Кәсіпкерлер палатасы жұмысқа шақырады

«Қайсар» Украинаның үздік командасын жеңді

Ринат Зайытов лауазымды қызметке тағайындалды

Қазалы ауданының тұрғындары судан тапшылық көріп отыр

Кредитін төлей алмай жүргендерге көмек көрсетіледі – Тоқаев Әбілқасымованы қабылдады