<a href="https://kyzylorda-news.kz/">Kyzylorda-news.kz.</a> Әлемнің төрт дүркін чемпионы, қызылордалық ауыр атлет Илья Ильин ауруханаға түсіп қалды.
Бұл туралы ол өзінің Instagram парақшасында жариялады. Спортшы әлеуметтік желі арқылы дәрігерлерге арнап видеоүндеу жолдады.
<blockquote>
 «Мен бұл видеоны жүктегім келмеді, бірақ қазіргі қал жағдайымды жазғаным дұрыс деп шештім. Қазір бәрі ойдағыдай. Видеода бәрін қысқаша айттым. Дәрігерлерімізге көп рақмет! Қазір сіздер үшін өте қиын кезең екенін бәріміз жақсы түсінеміз. Сіздерге бүкіл Қазақстан халқы үмітпен қарап отыр» деп жазады Илья Ильин.
</blockquote>
Өзінің айтуынша, ауыр атлет алты күннен бері ауруханада жатыр. Ол коронавирус жұқтырмаған, күйзеліске байланысты аллергиялық реакция болған. Қызылордалық дәрігерлер әрең дегенде есін жиғызған. Қазір ол екінші күн қатарынан жаттығу жасап, ауруды жеңуге бар күшін салып жатыр.
«Достар, өзіңізге және жақындарыңызға қамқор болыңыз» деген спортшы өзінің жатқан палатасы мен қалай жаттығу жасап жүргенін көрсетеді.

Илья Ильин ауруханаға түсіп қалды

<a href="https://kyzylorda-news.kz/">Kyzylorda-news.kz.</a> Синоптиктер 8 шілде күні ауа райы қандай болатынын айтты, деп хабарлайды Қазгидромет.
Атмосфералық фронттардың әсерінен республиканың солтүстік-батысында, солтүстікте, орталықта және шығыста найзағай ойнап, жаңбыр жауады.
Оңтүстікте және батыста жауын-шашынсыз ауа райы сақталады. Кей жерлерде жел күшейіп, оңтүстікте шаңды дауыл соғады.
Солтүстікте түнде және таңертең тұман түседі, күндіз шығыста бұршақ жаууы ықтимал.
Шығыс Қазақстан облысының кей жерлерінде жел жылдамдығы 15-20 м/с жетеді, күндіз бұршақ жаууы ықтимал.
Қостанай, Солтүстік Қазақстан, Павлодар облыстарында түнде және таңертен тұман түседі. Павлодар облысының кей жерлерінде жел қарқыны – 18 м/с.
Қызылорда облысының кей жерлерінде жел 15-20 м/с дейін күшейіп, шаңды дауыл тұрады.
Ақтөбе, Түркістан облыстарының кей жерлерінде жел екпіні – 15-20 м/с.
Атырау, Батыс Қазақстан, Маңғыстау, Ақтөбе, Қызылорда облыстарында күндіз аптап ыстық болады.
Қызылорда облысының басым бөлігінде, Түркістан, Жамбыл, Алматы, Қарағанды облыстарының кей жерлерінде, Ақтөбе облысының оңтүстігінде, Атырау облысының батысында өте жоғары өрт қаупі сақталады.

8 шілдеге арналған ауа райы болжамы

1855 жылы Есет батыр жасақтары А.Жантөрин сұлтанның лагеріне шабуыл жасап, оны өлтірді. Бұл көтерілістің шығуына Арал теңізінің батыс жағындағы Үлкен және Кіші Борсықты, Сам құмын, Сағыз, Жем өзендері бойын мекендеген шекті руына түтін салығын салу, әскери мақсат үшін күш-көлік алу, бекініс салынуы салдарынан мал жайылымының тарылуы себеп болды. 1858 жылы қыркүйекте Сам құмында жеңілген Есет батыр көтерілістен бас тартып, патша үкіметіне адал қызмет етуге уәде берді.
1994 жылы Алматыда Қазақстан, Қырғызстан және Өзбекстан Президенттері кездесіп, көші-қон саласындағы ынтымақтастық туралы меморандумға, Ортаазиялық ынтымақтастық және даму банкін құру туралы келісімге қол қойды.
1994 жылы қазақстандық кинематография тарихында алғаш рет «Территория жизни» сериалының ресми тұсаукесер рәсімі өтті. «Мастерс медиа» тәуелсіз телевизиялық продюсерлік орталығы түсірген экшн жанрындағы сериал әрқайсысы 30 минуттық 8 сериядан тұрады.
2000 жылы Қазақстан Республикасы Үкіметінің «Қазақстан Республикасының Төтенше жағдайлар жөніндегі агенттігі мемлекеттік мекемесін құру туралы» қаулысы қабылданды. Сонымен қатар, ҚР Төтенше жағдайлар агенттігінің Шығыс, Солтүстік және Оңтүстік аймақтық аэроұтқыр жедел-құтқару отрядтары құрылды.
2003 жылы Қазақстан Республикасының Тұңғыш Президенті – Елбасы Нұрсұлтан Назарбаев «Қазақстан Республикасының Орман кодексіне» қол қойды.
2005 жылы Қазақстан Республикасының «Агроөнеркәсіптік кешенді және ауылдық аумақтарды дамытуды мемлекеттік реттеу туралы» Заңы қабылданды.
2010 жылы Алматыда ҚР Орталық мемлекеттік мұрағатына ресми түрде қазақтың саяси қайраткері Мұстафа Шоқайдың қолжазбалары тапсырылды. Қолжазбаларды Түркиядағы ТҮРКСОЙ Халықаралық түрік мәдениеті ұйымының өкілдері тапқан.
2014 жылы «Астана Моторс» компаниясы «Hyundai» маркалы жеңіл автомобильдерін Қазақстанда жинауды бастады.
2015 жылы Атырау облысында Каспий теңізінің қазақстандық бөлігінде Сәтбаев блогында барлау ұңғымасын алғаш рет бұрғылау басталды.

8 шілде: Атаулы күндер мен оқиғалар

Kyzylorda-news.kz&nbsp;ақпараттық агенттігінің 8 шілдеге арналған жұлдыз-жорамалы.
Тоқты
Бүгін сізді көп қызықтар күтіп тұр. Күніңіз жемісті болады. Барлық істе тәуекелшіл болыңыз, ақылмен шешіңіз. Бұған дейін жинаған тәжірибелеріңіз алдағы уақытта өз септігін тигізеді.
Торпақ
Жақсы күн. Жұмыста жетістікке жетуіңізге мүмкіндік бар. Сонымен қатар маңызды шаруалардың шешімін таба аласыз. Пікірлестеріңізбен бас қосыңыз. Олар сізге қиындықта жол көрсетеді.
Егіздер
Келісімшарт жасасуға қолайлы сәт. Ескі таныстардан гөрі, жаңа таныс адамдармен келісім жасасу оңайға түседі. Алдағы уақытта серіктестіктеріңіз достыққа айналатындай жанмен жолығасыз.
Шаян
Аздаған қиындықтар туындауы мүмкін. Бірақ бұл кедергілер сіздің мақсатқа жетуге деген талпынысыңызды ешқашан тежей алмайды. Жаңа істеріңіз сіз ойлағаннан да қиын болуы мүмкін.
Арыстан
Тыныш күн. Күтпеген жағдайлар жоспарларыңызды бұза алмайды. Кейінге қалдырып жүрген шаруаны қолға алатын кез келді. Қызықты жаңа идеялар пайда болып, сол арқылы табысыңыз молая түспек.
Бикеш
Бүгінгі күн жағымды жаңалығымен есте қалады. Барлығы сіз ойлағандай болмаса да, сіздің көңіл-күйіңіз түспейді. Сізге тапсырылған іс уақытысында орындалады. Өзіңізге таныс іспен айналысқаныңыз жөн.
Таразы
Бүгін ойыңызға көптеген идеялар келіп, жаңа жоспарлар құра бастайсыз. Ойлаған істің барлығын орындап шығу мүмкін емес. Кейде алдыңыздан кедергілер кездесуі мүмкін. Бірақ сіз еш саспайсыз, жоспарларыңыздан бас тартпайсыз.
Сарышаян
Кез келген істе жолыңыз болып, барлық жұмысыңыз алға басады. Жолыңызда кедергілер кездескеніне қарамастан, алға қарай қадам басу керек екендігін жақсы білесіз. Өзіңізге деген сеніміңіз жоғары.
Мерген
Қызықты күн. Жаңа бастамаларға жол ашылып, серіктестік орнатуға қолайлы күн. Сіз бұрын жасап көрмеген іспен айналыса бастайсыз. Қызықты ұсыныстар түсіп, бұрын көп естіген жерге сапарға шығасыз.
Тауешкі
Бойыңызда күш-қуатыңыз тасып тұр. Сондықтан біраз шаруаны атқаруға қауқарыңыз жетеді. Нәтижесінде біршама жетістіктерге жетесіз. Бүгін сізді жаңа таныстықтар күтіп тұр. Бұл таныстық сізге өз пайдасын тигізетін болады.
Суқұйғыш
Бүгін еш ерінбестен еңбек етіңіз. Сонда ғана күніңіз жемісті болмақ. Сондай-ақ нақты нәтижеге қол жеткізесіз. Қиындыққа мойымайсыз. Барлығы сізге қарсы тұрса да, сіз ешқашан берілмейсіз.
Балықтар
Жұлдыздар бүгін сіздің жағыңызда. Маңызды шаруаларыңызды іске асыруға қолайлы күн. Романтикалық кездесу ұйымдастыруға болады. Жақындарыңызбен қарым-қатынасыңызды жақсартасыз.
Бүгін сізді көп қызықтар күтіп тұр. Күніңіз жемісті болады. Барлық істе тәуекелшіл болыңыз, ақылмен шешіңіз. Бұған дейін жинаған тәжірибелеріңіз алдағы уақытта өз септігін тигізеді.

Жұлдыздар не дейді?

Kyzylorda-news. kz. Қазіргі таңда елімізде дәрі-дәрмекті заңсыз сатудың 17 жағдайы бойынша сотқа дейінгі тергеу амалдары жүргізіліп жатыр, деп хабарлайды <a href="https://www.inform.kz/kz/kr-iim-dari-darmekti-zansyz-ari-kymbatka-satuga-tyrysatyndarga-eskertu-zhasady_a3670070">ҚазАқпарат</a>.
<blockquote>
 «Ең алдымен ҚР заңын бұза отырып, дәрі-дәрмекті сатуға бағытталған жедел шаралар туралы айта кеткім келеді. Аталған жұмыстың барысында халықтың дәрі-дәрмекке мұқтаждығын пайдаланған дәріхана қызметкерлері мен жекелеген азаматтардың әрекетіне тосқауыл қойылды. Қазір Қылмыстық кодекстің 274-бабы (заңсыз кәсіпкерлік) бойынша 17 фактіге қатысты сотқа дейінгі тергеу амалдары басталды», – деді ОКҚ-да өткен баспасөз мәслихатында Ішкі істер вице-министрі Алексей Калайчиди.
</blockquote>
Ішкі істер вице-министрі бүгін таңертең Денсаулық сақтау министрі Алексей Цой жария еткен фактілерді растады.
<blockquote>
 «Бұл жұмыс жауапты органдармен бірге күн сайын күшейтіледі. Өңірлердің бәрінде де тиісті жедел штабтар құрылды. Ол штабтарда қажетті құзыреттер мен ресурстар бар. Сол себепті дәрі-дәрмекті заңсыз сатуға жол берілмейтінін айта отырып, оған жол бергендерге құқықтық жауапкершілік барын еске саламыз. Моральдық жауапкершілікті де ұмытпайық», – деді ол.
</blockquote>

ҚР ІІМ дәрі-дәрмекті заңсыз әрі қымбатқа сатуға тырысатындарға ескерту жасады

Kyzylorda-news.kz. Коронавирус инфекциясының таралуын болдырмау мақсатында кейбір жолаушылар пойыздарының жол жүруі уақытша тоқтатылады.
Қазақстан Республикасы мемлекеттік комиссиясының шешіміне, Қазақстан Республикасы Мемлекеттік бас санитарлық дәрігерінің қаулысына сәйкес және ҚР Индустрия және инфрақұрылымдық даму министрлігінің хаты негізінде 2020 жылдың 8 шілдесінен бастап күші жойылғанға дейін Атырау станциясы бойынша жолаушылар пойыздары мен тікелей қатынайтын вагондардың келуі мен жөнелтілуі уақытша тоқтатылады:
– № 41/42 «Атырау-Алматы-1» Атыраудан жөнелтілетін 09/07-20, Алматыдан-1 келетін/жөнелтілетін 11/07-20, Атырауға келетін 13/07-20;
– № 313/314 «Атырау-Маңғыстау» Атыраудан жөнелтілетін 08/07-20, Маңғыстаудан келетін/жөнелтілетін 09/07-20, Атырау қаласынан жөнелтілетін 10/07-20;
– № 692/691 «Ақтөбе-Атырау» пойызы Ақтөбе қаласынан жөнелтілетін 07/07-20, Атыраудан келетін/жөнелтілетін 08/07-20, Ақтөбеге келетін 09/07-20;
– 05/07-20 бастап Алматыдан жөнелтілетін, 08/07-20 бастап Құлсарыға келетін/жөнелтілетін, 11/07-20 бастап Алматыға келетін №77/78 «Алматы-2 – Маңғыстау» және №313/314 «Атырау-Маңғыстау» жолаушылар пойыздарының құрамында тікелей қатынайтын «Алматы-2-Құлсары» вагондары.
«Жолаушылар тасымалы» АҚ баспасөз қызметінің мәліметінше, аталған пойыздарға бұрын жол жүру құжаттарын (билеттерін) ресімдеген жолаушылар жол жүру құжаттарын қайтаруды ресімдей алады және ақшалай қаражатты ұстап қалусыз толық көлемде ала алады.
<blockquote>
 «Билеттер үшін төлемдерді қайтару билетті қайтару тәртібі мен сатып алу тәсіліне байланысты қолма-қол және қолма-қол ақшасыз есеп айырысу арқылы жүргізіледі. Жолаушылар пойыздарының қозғалыс кестесі бойынша барлық анықтамалық ақпаратты «105» нөмірі бойынша білуге болады», – делінген хабарламада.
</blockquote>
<a href="https://24.kz/kz/zha-aly-tar/o-am/item/407652-8-shildeden-bastap-ta-y-bir-atar-pojyz-oz-alysy-ua-ytsha-to-tatylady">“24 kz”</a>

8 шілдеден бастап тағы бірқатар пойыз қозғалысы уақытша тоқтатылады

Kyzylorda-news.kz. Қызылорда облысы көлемінде “Қарасора-2020″ жедел профилактикалық іс-шарасының алғашқы айында 41 есірткі қылмысы тіркелді.
Оның ішінде есірткі өсірудің 37 дерегі және есірткіні аса ірі мөлшерде сақтаудың төрт дерегі анықталды.
<blockquote>
 “Есірткі өсіргені үшін барлығы 32 адам ұсталса, оның 12-і қамаққа алынды. Оқиға орнынан 15 мың 275 түп сора өсімдігі жойылды. Заңсыз айналымнан 21 келі 378 грамм марихуана және 2 дана атыс қаруы тәркіленді”, – дейді департамент бастығының орынбасары Серік Шалқаров.
</blockquote>

“Қарасора-2020”: Қызылордада 1 айда 41 есірткі қылмысы анықталды

Kyzylorda-news.kz. ҚР Президенті Қасым-Жомарт Тоқаев «Халық денсаулығы және денсаулық сақтау жүйесі туралы» Қазақстан Республикасының кодексіне қол қойды, деп хабарлайды Ақорданың баспасөз қызметі.
Кодекстің мәтіні баспасөзде жарияланады.
Сондай-ақ Мемлекет басшысы «Қазақстан Республикасының кейбір заңнамалық актілеріне денсаулық сақтау мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды.
Заңның мәтіні баспасөзде жарияланады.

Мемлекет басшысы «Халық денсаулығы және денсаулық сақтау жүйесі туралы» кодекске қол қойды

Kyzylorda-news.kz. Қызылорда облысының су айдындарында 15 оқиға тіркеліп, 16 адам қайтыс болды. Оның 7-еуі бала. Бұл туралы Өңірлік коммуникаицялар қызметінің ақпараттық алаңында өткен брифингте Қызылорда облысы ТЖД «Өрт сөндіру және авариялық-құтқару жұмыстар қызметі» ММ бастығы Нұрсұлтан Ибрагимов баяндады.
<blockquote>
 «Өңірде суға шомылуға болмайтын 64 аймақ белгіленіп, 139 ескерту тақтайшасы орнатылды. Суға түсуге қауіпті аймақтарда азаматтардың рұқсат етілмеген жүзу құралдарын қолдануы және алғашқы көмек көрсету тәсілдерін білмейтіндігі де қайғылы жағдайдың көбеюіне ықпал етуде. Жаз айларында табиғатқа шығып, демалысты өзен мен көл жағасында өткізетін тұрғындар көп. Алайда сақтық ержелерін сақтамау салдарынан осындай демалыстар бақытсыз жағдайлармен аяқталып жатады»,- дейді Нұрсұлтан Жаңабайұлы.
</blockquote>
Сондай-ақ, облыс бойынша 3 жұмыс жасайтын жағажай тіркелді. Бір жағажай Шиелі кентінде болса, қалған екеуі Қызылорда қаласының аумағындағы Арай мөлтек ауданы мен Белкөл кентінің маңында орналасқан.

Қызылордада жыл басынан бері 7 бала суға кеткен

Kyzylorda-news.kz. Қазақстан аумағына дәрі-дәрмек тасымалдау жеделдетілді. Тиісті нормативтік құжаттарға қол қойылды. Бұл туралы ҚР Денсаулық сақтау министрі Алексей Цой мәлімдеді.
Оның айтуынша, шетелден келетін дәрі-дәрмек заттары жеңілдетілген тәртіппен бөлшектік компанияларға түсе бастады. Көп ұзамай препараттар дәріханаларға жететін болады.
Бұдан бөлек министр аймақтарда дәрі-дәрмек бағасын қадағалаудың күшейтілгенін айтты. Яғни, әр облыста әкімдік жанынан бағаны қадағалау топтары құрылды. Бұл жұмысқа үкіметтік емес ұйымдар мен қоғамдық кеңестер де атсалысуда.

Қазақстанға дәрі-дәрмек әкелу жеңілдеді

Kyzylorda-news.kz. Байқоңыр қаласында суға батып кеткен 13 жастағы қыз баланың денесі табылды.
Бұл оқиға 4 шілде күні болды. Сол күні қыз бала туыстарымен Сырдария жағасына демалуға келген.
<blockquote>
 «Оның денесін іздестіруге Қазақстан Республикасының Байқоңыр қаласында орналасқан төтенше жағдайлар және өрт сөндіру бөлімдері жұмылдырылды. Сондай-ақ, Арал ауданынан судан құтқару қызметінің сүңгуір мамандары шақырылды. Қыз баланың денесі екі күннен кейін суға түскен жерден төрт шақырымдай қашықтықтан табылды», – деп мәлім етті Қызылорда облыстық Төтенше жағдайлар департаменті өрт сөндіру және авариялық-құтқару жұмыстары қызметінінің баспасөз қызметі.
</blockquote>
Айта кетейік, жыл басынан бері Қызылорда облысында суға кетудің 16 оқиғасы тіркелді. Оның ішінде 7-еуі бала.

Байқоңырда суға батып кеткен қыз баланың денесі табылды

Kyzylorda-news.kz. Қызылорда қаласындағы ЗК-169/4 мекемесінде жазасын өтеуші анасының қазасына барып қайтты.
Ол 9 жылға бас бостандығынан айырылған. Осы мекемеде 2016 жылдың бастап жазасын өтеуде. Шілденің алғашқы күнінде оның Жаңаөзен қаласында тұратын анасы ауырып қайтыс болды. Анасының қайтыс болуына байланысты азамат Қазақстан Республикасы Қылмыстық-атқару кодексінің 113-бабының 1- бөлігіне сәйкес, қысқа мерзімді мекеме аумағынан тыс жерге шығу құқығы беріліп, анасының жерлеу рәсіміне қатысып қайтты.
<blockquote>
 «Анамның ауырып қайтыс болуына байланысты, мекеме әкімшілігіне өтініш жаздым. Осы өтінішімнің негізінде, заң талаптарына сәйкес, 3 күнге қысқа мерзімді мекеме аумағынан тыс жерге шығу құқығы беріліп, анамның жерлеу рәсіміне қатыстым. Заң талаптарына сай мүмкіндік берген департамент басшылығы мен мекеме әкімшілігіне алғысым шексіз», – деді ол.
</blockquote>

Қазақстан және Қызылорда облысының жаңалықтары