<a href="https://kyzylorda-news.kz/">Kyzylorda-news.kz.</a> Бүгін облыс әкімі Гүлшара Әбдіқалықова жұмыс сапарымен Сырдария ауданына барды.
Алдымен аймақ басшысы Әйтек су торабының жұмысымен танысты. Сырдария өзеніндегі «Әйтек» су торабы 2004 жылы «Сырдария өзенінің арнасын реттеу және Арал теңізінің солтүстік бөлігін сақтау» жобасы (САРАТС-1) аясында салынып, пайдалануға берілген. Негізгі мақсаты – Сырдария өзенінің ағынын реттеуге, Сырдария және Жалағаш аудандарының 16 мың гектар суармалы жерлерін сумен қамтамасыз ету. Су торабының су өткізу қабілеті 750 м3/с құрайды. Әйтек су торабының бұзылуы Сырдария мен Жалағаш аудандарының аумағындағы 16 мың гектар жерлердің суармалы сусыз қалуын және 31 мың адам тұратын 7 елді мекеннің су басу қауіпін төндіруі мүмкін.
<blockquote>
 «Қазіргі таңда «Әйтек» су торабы авариялық жағдайда. Оң жағалауды шайып кету қаупі бар. Осыған орай, жоба-сметалық құжаттар әзірленіп, Экология, геология табиғи ресурстары министрлігі арқылы тиісті қаржы бөлінді. Ендігі мақсат қаражатты дұрыс игеріп, су торабын қалыпқа келтіру жұмыстарын сапалы жүргізуіміз керек», – деді Гүлшара Әбдіқалықова.
</blockquote>
Аймақ басшысы аудан әкімі Талғат Дүйсебаевқа су торабында күрделі жөндеуді бастау мақсатында тиісті шешімдер қабылдап уақытылы орындауды тапсырды. 
Сондай-ақ, өңір басшысы Ақжарма ауылындағы «Ауыл – ел бесігі» бағдарламасы аясында атқарылып жатқан жұмыстарды тексеріп, «Ақжарма 2» фермерлік қожалығының күріш тазалау құрылғысын көрді.
Аталған мемлекеттік бағдарлама аясында елді мекеннің жалпы ұзындығы 13,6 км құрайтын 9 көшесін орташа жөндеуге 614,64 млн. теңге бөлінді. Мұнымен қоса, ауылының 4 көшесін жарықтандыруға, 3 көшесіне темір бетонды лоток орнатуға қаржы бөлініп, жұмыстар жүргізілуде. Тиісті жұмыстарды «Сыр жолдары» ЖШС атқаруда. Аяқталу мерзімі 2020 жылдың 30 қарашасы деп күтілуде. Аймақ басшысы аудан әкімі мен мердігерге жөндеу жұмыстарын тездетіп аяқтауды және сапалы орындауды тапсырды.
«Ақжарма 2» фермерлік қожалығы «Қарапайым заттар экономикасы» бағдарламасы бойынша 56 млн. теңге несие алған. Чехиядан арнайы құрылғы әкеліп, «Күріш тазалайтын зауытының құрылысы» жобасын іске қосты. Қазіргі таңда зауыт өз тиімділігін көрсетіп тұр. Аппарат сағатына 50 тонна астықты тазартады. Шаруашылықты әртараптандыру арқылы 2023 жылға дейін күріш ақтайтын зауыт, кіші пастерленген сүт зауыты, жылыжай және көкөніс қоймасын салу жұмыстары жүргізуге мүмкіндік болады. Бүгінгі күні мұнда 10 адамды тұрақты жұмыспен қамтуда.
Сапар соңында облыс әкімі ауданның күзгі дала жұмыстарымен танысты. Атап айтқанда, Шаған ауылындағы «Шаған Жер» ЖШС-ның №1 өндірістік бригадасының егіс алқабына және Нағи Ілиясов ауылындағы «Мағжан и К» ЖШС-нің астық тазалау қырманына барды.
Шаған ауылдық округіне қарасты «Шаған Жер» ЖШС 2004 жылы құрылған. Негізгі бағыттары – егін егу және мал шаруашылығы өнімдерін өндіру. Шаруашылықта 350 адам жұмыспен қамтылған. Ауыл шаруашылығы жері – 16439 гектар.
Ал, Нағи Ілиясов ауылындағы «Мағжан и К» ЖШС-нің астық тазалау қырманы сағатына 5 тонна күріш тазалайды. Екі ауысымнан 40 адам жұмыс істейді. Облыс әкімі жұмысшылармен де кездесті. 8 бала тәрибелеп отырған сушы Арысбек Байназаров мемлекеттен жеңілдетілген несие алып, мал басын көбейтіп отырғанын айтты. Биыл егіні бітік болып, 80 центнерден жоғары өнім алған. Ал бригадир Шухрат Бизахов он жылдан бері 70-75 центнерден өнім алып келе жатқанын жеткізді. Оның айтуынша, жұмысшалардың өтініші бойынша шаруашылық оларға жем-шөптерін тегін беріп жатыр.
Аймақ басшысы аудан әкіміне егін жұмыстарын 15 қазанға дейін аяқтауды және жылу маусымына дайындық жұмыстарын пысықтауды тапсырды.
<blockquote>
 «Қазіргі таңда басты мәселелер егін жинау науқаны мен қысқы мезгілге дайындық. Сондықтан аудандарды аралап, күзгі егін жинау науқанының қалай өтіп жатқанын қарап, жылу маусымына дайындық жұмыстарын тексеретін боламыз. Жалпы ауданда бүгінгі таңда 30 пайыз егін жиналған. Бұл жұмыстар уақытылы бітеді деп жоспарлануда. Ал, аудандық аурухананың жылу жүйелерінде бірқатар мәселелер болған. Бүгінгі таңда жөндеу жұмыстары жүргізілуде. Қазандықты ауыстырып, жылу құбырларын жаңартуды 10 қазанға дейін бітуі керек», – деді облыс әкімі Гүлшара Әбдіқалықова.
</blockquote>
Сонымен қатар, облыс әкімі болжамға сәйкес аймақ көлемінде коронавирусқа қарсы дайындық жұмыстары жүргізіліп жатқанын айтып, бұл кезеңге сақадай сай болу керектігін ескертті.
<img src="https://kyzylorda-news.kz/wp-content/uploads/2020/09/119885835_2740927579343627_930268351811142262_o.jpg" alt="" />
<img src="https://kyzylorda-news.kz/wp-content/uploads/2020/09/119797182_2740927876010264_8367728124368958615_o.jpg" alt="" />

Гүлшара Әбдіқалықова жұмыс сапарымен Сырдария ауданына барды

<a href="https://kyzylorda-news.kz/date/2020/09/18/">Kyzylorda-news.kz.</a> Аралдың жер қойнауы қазба байлыққа толы болуы әбден мүмкін. Осы бағытта таяу күндері еліміздегі «Тау-кен Самрұқ» Ұлттық тау-кен компаниясы» акционерлік қоғамы» тарапынан аудан аумағында геологиялық барлау жұмыстары жүргізіледі деп жоспарланып отыр. Геологиялық барлау жобасы «Тау-кен Самрұқ» Ұлттық тау-кен компаниясы» акционерлік қоғамының» әріптесі – “Кazakhstan Fortescue” компаниясымен бірлесіп іске асырылатын болады.
Ағымдағы жылдың 8 маусымында жасалған «Taý-Ken Samuryq” ҰТК” АҚ мен “Кazakhstan Fortescue” ЖШС арасындағы операциялық келісімге сәйкес іздеу жұмыстары еліміздің төрт облысы: Қарағанды, Алматы, Ақтөбе және Қызылорда облыстарының аумағында жалпы алаңы 18 000 км2 жүргізілетін болады.
“Кazakhstan Fortescue” ЖШС-металлургия өнеркәсібінің әлемдік көшбасшысы “Fortescue Metals Group Ltd” жүз пайыздық еншілес компаниясы. “Fortescue Metals Group” өндірістің жоғары мәдениетіне, инновацияларға, әлемдік деңгейдегі инфрақұрылым мен тау-кен активтерінің озық дамуына бағдарланған.
“Кazakhstan Fortescue” экономиканы электрлендіру мен көміртексіздендіруді қолдай отырып, өнімдерді әртараптандыру және активтерді дамыту есебінен болашақта өсуді ынталандыру үшін өзінің әлемдік деңгейдегі геологиялық барлау тәжірибесіне, өндірістік беделіне, өз қызметкерлерінің дағдылары мен қабілетіне сүйенеді. Осы орайда аталмыш компания мысты қоса алғанда, бірқатар шикізат тауарларына байланысты мүмкіндіктерді зерттеу үшін “Taý-Ken Samuryq” компаниясымен бірге қызмет етуді көздеп отыр.
Атап өткен жөн, ағымдағы жылдың тамыз айында Қызылорда облысының әкімдігі мен «Тау-кен Самрұқ» Ұлттық тау-кен компаниясы» акционерлік қоғамы» арасында ынтымақтастық туралы меморандумға қол қойылған болатын.
Бірінші жыл ішінде “Кazakhstan Fortescue” қолда бар геологиялық деректерді жинап, талдайды, сондай-ақ магниттік және гравитациялық деректерді жинау үшін кең ауқымды аэрогеофизикалық зерттеулер жүргізеді. 
Геофизикалық түсіру кейінгі жылдары минералданудың перспективалы аудандарын анықтау және талдау үшін құрылымдық геология мен картаға түсіруді егжей-тегжейлі түсіндірумен, сондай-ақ кешенді жерүсті геофизикалық зерттеулермен және бұрғылаумен толықтырылатын болады. 
Айта кетейік, компания өзі жұмыс істейтін өңірлердің экономикалық дамуын, қауіпсіздігін, еңбекті, экологияны қорғауды қолдауға және жергілікті қоғамдастықтарды жан-жақты қолдауға ерекше назар аударады.
Аталған компаниялар тарапынан біздің ауданымыз да геологиялық барлау жұмыстарына таңдалған аумақтар қатарына еніп отыр. Тіркелген ақпараттық материалда көрсетілгендей, барлау бағдарламасының бастапқы кезеңі 2020 жылдың қыркүйегінен желтоқсанына дейін жалғасады және ауада геофизикалық зерттеулерді қамтиды. Мамандандырылған ұшақ Жердің табиғи магниттік интенсивтілігі мен гравитациялық өрістерін өлшейтін соңғы геофизикалық жабдықты қолдана отырып, зерттеулер жүргізеді.
Ұшақ күн сайын күндіз жерден шамамен 80 шақырым биіктікте ұшады. Аэрофототүсірудің жалпы ауданы шамамен 18000 км² құрайды. Жабдықта радиация жоқ, ол жердің табиғи магниттік беріктігін сенсор көмегімен өлшейді.
Гесологиялық зерттеу түсірілімі ағымдағы жылдың желтоқсан айы ішінде 1 957 км² аумақты қамтитын Қызылорда аймағында және Арал ауданының аумағында жүргізіледі. Аэрофототүсірілім деректері осы аймақтағы жер жағдайына және қосымша зерттеуді қажет етуі мүмкін пайдалы қазбалар, кен орындарын анықтауға пайдаланылатын болады.
Аталған жобаның аудан болашағы үшін берер мүмкіндігі зор деп санаймыз.

Арал ауданының аумағында геологиялық барлау жұмыстары жүргізілмек

<a href="https://kyzylorda-news.kz/">Kyzylorda-news.kz.</a> “Қашан үйленесің?” “Қашан тұрмысқа шығасың?” “Той қашан?” Бітпейтін “қашан”. Қазақ қоғамында жеке өмірге қатысты осы тектес сұрақ қою – қалыпты нәрсе. Жұрт мұны не үшін сұрайды? Естіген адам қандай күй кешеді? Респонденттер мен Психоаналитиктер не дейді? Мамандар бұл психология тілінде “вуайеризм” деп аталатынын айтты. Вуайеризм – шамалы сексуал ауытқудың бір түрі деп жазады <a href="https://baribar.kz/138883/toj-qashan-oezgeninh-zheke-oemirin-qazbalau-seksual-auytqu/">Baribar.kz .</a>
Дария, 27 жаста (есімі өзгертілді):
<h3 id="">Мұны өзгеден сұрауға ұяламын</h3>
Оңтүстіктің қызымын. Бакалаврды бітіріп, диплом алып, ауылға барғанда әкемнің қарындастары “<a href="https://baribar.kz/131948/diplom-malimetin-tekseretin-servis-iske-qosylady/">Диплом</a>&nbsp;қолда, енді күйеуге тию ғана қалды” деген сынды әңгіме айтты. “Сонымен қашан?” деп сұрақты төтесінен де қойды. Алғаш естігендіктен бе, біртүрлі болып қалдым. Кейін оңтүстік жақта қызды біреуге беруге асығу қалыпты нәрсе екенін ұқтым. Қазір Нұр-Сұлтанда тұрамын. Ауыл жаққа барған сайын еститінім – осы. Кейінгі кезде ағайын-туыстың қатарына құрбыларым қосылды.
<blockquote>
 Біреу “Қашан тұрмысқа шығасың?” деп сұраса, ойланып қалатыным рас. Шынында, неге отбасылы болмай жүрмін деп өзіме сауал қоямын. Бірақ басымнан шығара алмай, ойға батып кетемін деп те айта алмаймын.
</blockquote>
Сұрағандарға әзілмен жауап бере салатын болдым. “Міне, бір-екі айда тұрмысқа шығып кетем, сәл шыдаңдар” деймін. Өйткені барлық адамға “Ойымдағы адамымды әлі жолықтырмадым” деп мән-жайды түсіндіру мүмкін емес. Олай десең, “Ой, сен таңдап қалғансың” деген сияқты комментарийлері дайын тұрады. Жұрт өзгенің қашан үйленетінін не себепті білгісі келетінін түсінбеймін. Өз басым мұны ешкімнен сұрамаймын, ұяламын. Бір құрбымның анасы “Адамнан қашан деп сұрап, жанын жаралауға болмайды” деген еді. Ол кісімен толық келісемін.
Өзгенің ішінде не болып жатқанын ешкім білмейді. Мүмкін, іштей “Неге жалғызбын?”, “Неге біреумен қосылмай жүрмін?”, “Енді осылай қалып кетемін бе?” деп қиналып жүрген болар?!
Фархат Тілеков, 24 жаста:
<h3 id="-1">Адам отбасылы болуға асықпаса, демек басқа жоспарлары бар</h3>
23 жасқа таяғанда анам бірінші болып “Қашан үйленесің?” деп сұрады. Үйдегілер менің үйленуім туралы ойлайды екен ғой дедім. Ағайын-туыс не көптен көрмеген адам кездесіп қалса, қашан отбасылы болатынымды сұрайды, ақыл-кеңес айтады. Мұндай әңгімені айына жоқ дегенде жеті-сегіз рет естимін. 25-ке жақындап жатқандықтан, әлі талай айтылатынына сенімдімін. Бірақ бірде-біреуінің&nbsp; сөзі көңіл-күйіме әсер еткен жоқ, ренжіп, өкпелеген де емеспін. Өйткені қазір&nbsp;<a href="https://baribar.kz/137720/almaty-oblysynda-az-qamtylghan-otbasy-balalary-ushin-qosymsha-75-6-mynh-kompyuter-satyp-alynady/">отбасы</a>&nbsp;құратын ойым жоқ.
Үлкендер өзінен кейінгілердің қуанышын көргісі келгендіктен осылай сұрайды деп ойлаймын. Қазақ халқында шаңырақ көтеру маңызды. Басқа ұсақ-түйекті сөз еткенше, “Үйленетің ойың бар ма?” деп сұраған дұрыс қой. Өзім достарымнан сұрай берем, бірақ жаңалықтан құр қалып кетпейін деген оймен ғана сұраймын. Десек те, қазір адамдардан бұлай сұрап керек емес. Бүгінгі жастардың есі бар, болашақта не істейтінін біледі, біреудің пікірімен жүрмейді.
<blockquote>
 Адам отбасылы болуға асықпаса, демек басқа жоспарлары бар. Болмаса лайық адам кездеспей жүр.
</blockquote>
Сондықтан “қашан, қашан?” дей беру артық. Меніңше, одан гөрі “Қызың бар ма?”, “Біреумен кездесіп жүрсің бе?” деген дұрысырақ, жеңілірек сияқты. “Той қашан?” дегеннен жақсы ғой.
Айдана, 27 жаста (есімі өзгертілді):
<h3 id="-2">“Қашан отбасылы боласың?” деу – біреудің өміріне қол сұғу</h3>
Бұл тақырып маған таңсық емес. “Қашан тұрмысқа шығасыңды” жеңгелерім бастады. Мән бермейтінмін. Жеңгенің миссиясы қайын сіңлісін тұрмысқа беруге, қайнысын үйлендіруге асығу ғой. Бір күні сырттай ұнататын бір жігіт “Той қашан?” дегенде біртүрлі болдым, құлазыдым. Бір жағы бойымды ашу кернеді. Қазір тұрмысқа шыққан құрбыларым қашан кететінімді сұрап, қоймайды.
“Тұрмысқа шықсам екен” деп түрлі тренингіге қатыспаппын, жұрттың біреудің етегінен ұстау керек екені туралы ақыл-кеңесін де жүрдім-бардым тыңдаймын. Тым өзімшіл болармын, мүмкін.
<blockquote>
 “Қашан тұрмысқа шығасың?” дегендерге “ертең” деп қалжыңдай салам. Кей адамды кездестіріп қалғанда сол сауалды қоятынын біліп, жауабымды алдын ала дайындап тұрам. Оларға ренжіген емеспін, бірақ жыным келеді.
</blockquote>
“Қашан отбасылы боласың?” деу – біреудің өміріне қол сұғу. Басқадан бұлай сұраған емеспін. Күйеуге шыққан құрбыларымнан да тұрмыстық өмір туралы сұрап, бас қатырмаппын. Дегенмен солай сұрадың деп біреуді айыптауға да болмас. Ішкі қызығушылығы “өлтіріп” бара жатқандықтан сұрайтын болар. Көбіне, әйелдер жеке өмірімді қазбалайды. Болашақ ер азаматымды өзінікімен салыстырып, қандай қызметте істейтінін білгісі келіп тұратынын сеземін.
<blockquote>
 Жақындардың тойына бара жатып, “Сенікі қашан?” деп сұрайтындарын біле тұра, қызықтан қалмаймын. Тойдан емес, осындай сауалдардан жалығамын.
</blockquote>
Құрбыларым, жеңгелерім, әріптестерім мені достарымен, туыстарымен таныстырғысы келеді. Сыртымнан ол адамға жағдайымды түсіндіріп, қандай жігітті қалайтыныма дейін құлағына құйып қояды. Көбі іштегі ойымды, қалауымды білмей жатып, айналысатын ісім мен жүрген жүрісіме қарап, “осы жігіт сай келеді-ау” деп өздерінше таңдап қояды. Бірақ қателеседі. Жеңгетайлыққа қарсымын! Біреудің таныстырған жігітімен сөз байласып, болашағымды бірге елестете алмаймын. Жеке өмір атына заты сай болуы керек. Адамға жарды Құдай қосады. Екінші жарты деген таңдай салатын дүкендегі зат емес қой. Сондықтан тыныш жүрейікші.
Жұлдыз Төлеу, психоаналитик:
<h3 id="-3">Біздің қоғамда адамның бақытын үйленген-үйленбегенімен бағалайды</h3>
<a href="https://baribar.kz/wp-content/uploads/2020/09/135148b9f7993645e698b78eba4c8e6e.jpg"><img src="https://baribar.kz/wp-content/uploads/2020/09/135148b9f7993645e698b78eba4c8e6e.jpg" alt="" /></a>
Жұлдыз Төлеу. Фото жеке архивінен
Біздің қоғам бөтен адамның жеке кеңістігіне баса-көктеп кіргісі, одан қалса, төсегіне дейін үңілгісі келіп тұрады. Бұл психология тілінде “вуайеризм” деп аталады. Вуайеризм – шамалы сексуал ауытқудың бір түрі. Өзінікінен гөрі өзгенің өмірі қызық. Мұның екі түрлі сипаты бар: өзінде жоқ бақытты өзгенің өмірінен іздеу немесе “Тұрмысқа шыққаннан не үйленгеннен мен бақыт таппадым, сен үйленсең, өмірің қандай болады екен?” деген фантазия.
Испаниядан келген психоаналитик ұстазым бар. Алматыда тұрып жатқанына 3,5 жыл болды. Ол кісіден: “Біздің халық қандай екен? Қандай проблемалары басым екен?” деп сұрадым. Ұстазым жастар көп ажырасатынын айтады. Оның айтуынша, алдына келген адамдардың басым бөлігі сүймей қосылған. Көбіне әке-шешесі, туыстарының белгілі бір стандартына сәйкес келетін, солар ұсынатын адамға үйленеді, сосын жылап қалады, не сыртта “қыдырып” жүреді. Осыдан кейін әкесіз өскен балалар өте көп екенін байқаған. Бізде “жастарды ерте үйлендірсе, ерте есейеді, жауапкершілігі артады” деген ескі түсінік әлі бар сияқты. Өкінішке қарай, олай емес.
<blockquote>
 Адам ішкі психологиялық жағынан саналы түрде есеймей, өз бетінше отбасын құрамын деп шешім қабылдамай, сыртқы күштің ықпалымен үйлене салудың соңы бақытсыздыққа, шаңырақтың шайқалуына әкеледі.
</blockquote>
“Қашан үйленесің, қашан келін түсіріп, анаңның қолын ұзартып, қолын жылы суға малисың?” дегенді естіп жатамыз. Әрі-беріден соң үйлену деген келінді жұмысқа салып қою емес қой. Үйлену екі адамның “ғұмырды бірге кешеміз, бірге ұрпақ өрбітеміз” деген жан мен тән келісімінен туындаған шешім болуы керек.
Біздің қоғамда сосын тағы бір жайтты байқаймын. Білімді, материалдық жағдайын жасап алған қыздар көп. Бірнеше тіл біледі, саяхаттайды, өзін жетілдіреді. Олардың өмірлік ұстанымы, құндылығы мүлдем басқаша болуы мүмкін. Бірақ оған айналасындағылар тұрмысқа шықпағаны үшін аянышпен қарайды.
<blockquote>
 Сонда біздің қоғамда адамның жеке бақытын, өзін жетілдіруімен, ізденуімен емес, үйленген-үйленбегенімен бағаланатын сияқты. Бұл, әрине, сұрап тұрған адамның ізденістегі адамға деген бейсаналы түрдегі қызғанышын білдіреді.
</blockquote>
Адамның бақыты үйленген-үйленбегенімен есептелмейтінін тағы бір айта кетейін. Өзі депрессияда, біреуге тәуелді адам ертеңгі күні жұбын ешқашан бақытты ете алмайды. Оны өзімен бірге құрдымға тартуы мүмкін. Сондықтан отбасын құратын адам жұрттың сөзіне мән бермей, әуелі өзінің бақытын ойлап, өзіне қуаныш сыйлап үйренуі керек.

“Той қашан?”. Жұрт неге өзгенің жеке өмірін қазбалауға құмар?

<a href="https://kyzylorda-news.kz/">Kyzylorda-news.kz.</a> Алдағы үш күнде Қазақстандағы ауа райына антициклон әсер етеді, деп хабарлайды Қазгидромет синоптиктері.
<blockquote>
 “19-21 қыркүйекте антициклонның келуімен жауын-шашын біртіндеп тоқтап, температура жоғарылайды деп болжанды. Қазақстанның батысына Мәскеу жақтан келетін циклон әсер етеді. Соның нәтижесінде жаңбыр жауып, кей жерде қатты найзағай ойнайды. Екпінді жел мен дауыл болып, бұршақ жаууы мүмкін”, – делінген хабарламада.
</blockquote>
<h3 id="">Күзгі ауа райы қандай болады?</h3>
Синоптиктердің хабарлауынша, айдың бірінші жартысында Қазақстанның басым бөлігінде үсік жүреді. Ал ай соңына қарай оңтүстік өңірлерде үсік болады.
Жауын-шашын мөлшері республиканың басым бөлігінде нормаға жуық болады. Дегенмен, Солтүстік Қазақстан, Павлодар, Ақмола, Шығыс Қазақстан облысында, Қостанай облысының солтүстігінде, Алматы облысының оңтүстік-шығысында, Жамбыл және Түркістан облысының таулы аудандарында нормадан артық жауады. Маңғыстау, Ақтөбе, Қызылорда облыстарында және Қарағанды облысының батысында жауын-шашын нормадан аз түседі.

Синоптиктер демалыста ауа райы қандай болатынын айтты

<a href="https://kyzylorda-news.kz/">Kyzylorda-news.kz.</a> Қызылорда облысында тергеу изоляторына аяқ қиімге жасырып, телефон&nbsp; өткізбек болған азаматша&nbsp; ұсталды.
Қызылорда қаласындағы ЗК-169/1 мекемесінің режим және күзет бөлімінің қызметкерлері сотталғандарға тыйым салынған заттарды мекеме аумағына өткізбек болған адамның қулығын әшкереледі. Қарақшылық және кісі өлтіру бабы бойынша қамауда отырған інісіне, сәлем-сауқат жібермек болған апасының сәлемдемесін, мекеме қызметкерлері тексеру кезінде, аяқ киімнің табанына мұқият жасырылған “Nokia ұялы телефоны және&nbsp; «Актив» сим- картасы мен қуаттағыш &nbsp;құрылғысын тауып, тәркіледі.
Құқы бұзушыға &nbsp;қатысты Қазақстан Республикасының Әкімшілік құқық бұзушылық туралы кодексінің 481-бабы бойынша хаттама толтырылып, іс-құжаттары Қызылорда&nbsp; қаласының мамандандырылған әкімшілік сотына жолданды.

Қызылордадағы тергеу изоляторына аяқкиімге жасырып телефон өткізбекші болған азаматша ұсталды

[Kyzylorda-news.kz.](http://Мемлекеттік қызмет істері агенттігінің төрағасы Анар Жайылғанова мемқызметшілердің санын қысқарту жоспары туралы айтты, деп хабарлайды Sputnik Қазақстан тілшісі. Агенттік басшысының айтуынша, мемлекеттік қызметшілердің саны жыл сайын азайып келеді. Мәселен, 2018 жылы олардың саны 98,7 мың адам болса, бір жылдан кейін 97,4 мыңға дейін азайды. Ал биыл 97 мың адам болды. Енді президенттің тапсырмасы бойынша тағы біраз адамды қысқарту қажет. Бірақ бұл жұмыс мемлекеттік аппараттың қызметіне кері әсерін тигізбеуі тиіс. Сол себепті бірнеше ұсыныс қарастырылып жатыр. "Біріншіден, оңтайландырылатын қызметтерді анықтағанда алдымен тұрақты бос орындар қарастырылады. Бүгінде осы санаттағы вакансиялардың жалпы саны шамамен 8 мың бірлікті құрайды. Бұдан бөлек, жыл сайын зейнеткерлікке шығуына байланысты тағы мыңнан астам қызмет босап отырады", - деді Жайылғанова орталық коммуникациялар қызметінде өткен онлайн брифингте. Оның айтуынша, мыңдаған мемқызметші жекеменшік салаға ауысып жатады. Ондай адамдардың саны 6 мыңға дейін барады. "Міне, осы резервті пайдалану арқылы біз нақты жұмыс істеп жүрген мемлекеттік қызметшілерді қысқартуды барынша азайта аламыз. Екіншіден, әлеуметтік жағынан осал топтарға кіретін мемлекеттік қызметшілерді қорғауымыз керек", - деп атап өтті Жайылғанова. Оқи отырыңыз: Қазақстанда әскери қызметкерлердің зейнетақысы қайта есептеледі Айта кетейік, мемлекет басшысы Қасым-Жомарт Тоқаев биылғы жолдауында мемлекеттік аппарат пен квазимемлекеттік сектор қызметкерлерін қысқарту жұмысын тездетуді тапсырған болатын. Осыған байланысты биыл мемлекеттік және квазимемлекеттік сектор қызметкерлерінің саны 10 процентке, ал келесі жылы тағы 15 процентке қысқартылады. Осылайша шенеуніктердің 25 проценті қысқартылып, үнемделген қаражат есебінен жұмыста қалған қызметкерлердің жалақысы көтеріледі. Әрі қарай оқу: https://sputniknews.kz/society/20200918/14995254/memlekettik-qyzmetshiler-qysartu.html) Мемлекеттік қызмет істері агенттігінің төрағасы Анар Жайылғанова мемқызметшілердің санын қысқарту жоспары туралы айтты.
Агенттік басшысының айтуынша, мемлекеттік қызметшілердің саны жыл сайын азайып келеді. Мәселен, 2018 жылы олардың саны 98,7 мың адам болса, бір жылдан кейін 97,4 мыңға дейін азайды. Ал биыл 97 мың адам болды. Енді президенттің тапсырмасы бойынша тағы біраз адамды қысқарту қажет. Бірақ бұл жұмыс мемлекеттік аппараттың қызметіне кері әсерін тигізбеуі тиіс. Сол себепті бірнеше ұсыныс қарастырылып жатыр.&nbsp;&nbsp;
<blockquote>
 “Біріншіден, оңтайландырылатын қызметтерді анықтағанда алдымен тұрақты бос орындар қарастырылады. Бүгінде осы санаттағы вакансиялардың жалпы саны шамамен 8 мың бірлікті құрайды. Бұдан бөлек, жыл сайын зейнеткерлікке шығуына байланысты тағы мыңнан астам қызмет босап отырады”, – деді Жайылғанова орталық коммуникациялар қызметінде өткен онлайн брифингте.
</blockquote>
Оның айтуынша, мыңдаған мемқызметші жекеменшік салаға ауысып жатады. Ондай адамдардың саны 6 мыңға дейін барады.
<blockquote>
 “Міне, осы резервті пайдалану арқылы біз нақты жұмыс істеп жүрген мемлекеттік қызметшілерді қысқартуды барынша азайта аламыз. Екіншіден, әлеуметтік жағынан осал топтарға кіретін мемлекеттік қызметшілерді қорғауымыз керек”, – деп атап өтті Жайылғанова.
</blockquote>

Қай санаттағы мемлекеттік қызметшілер жұмыстан шығарылмайды?

<a href="https://kyzylorda-news.kz/date/2020/09/18/">Kyzylorda-news.kz.</a> Облыстық «Жастар ресурстық орталығында» қайырымдылық шарасы өтті. «Мектепке жол» акциясы аясында ІТ паркпен бірлесе ұйымдастырылған шарада тұрғындар істен шыққан компьютерлерін орталыққа әкелген болатын.
&nbsp;Нәтижесінде мамандар жүзден астам компьютердің ішіндегі қажетті бөлшектерді пайдалана отырып, жаңа 30 компьютерді жасақтап шығарды. Бүгін жаңа оқу жылына орай олар бірінші лекпен тұрмысы төмен, мұқтаж отбасыларға таратылды. Енді балалар карантин уақытында кедергісіз оқып, білімін жетілдіруге мүмкіндік алады. Республикада алғаш болып біздің өңірде қолға алынған бұл бастама алдағы уақытта жалғаспақ.
Бұған дейін де орталық «Мектепке жол» акциясына қаладағы қайырымды кәсіпкерлер қауымын тарта отырып, оқушыларға қажетті құрал-жабдықтарды тарту еткен болатын. Ата-аналар оған дән риза, Сәбина Алтынбекова барлық көмек алушылар атынан осындай тартуға өз алғысын жеткізді.
<img src="https://kyzylorda-news.kz/wp-content/uploads/2020/09/photo5415596097310666459.jpg" alt="" />
<img src="https://kyzylorda-news.kz/wp-content/uploads/2020/09/photo5415596097310666442.jpg" alt="" />

&#8220;Мектепке жол&#8221;: Қызылордада жөнделген компьютерлер мұқтаж отбасыларға таратылды

<a href="https://kyzylorda-news.kz/date/2020/09/18/">Kyzylorda-news.kz.</a> 2020 жыл «Еріктілер жылы» аясында Жалағаш ауданының ерікті жастары түрлі бағыттағы 10 жобаның жеңімпазы атанды. Барлық жобаның құны 3 млн 600 мың теңгені құрайды.
&nbsp;Атап айтқанда, ҚР Ақпарат және қоғамдық даму министрлігі және «Азаматтық бастамаларды қолдау орталығы» КЕАҚ қолдауымен «Қызылорда облысының ауылдық ҮЕҰ-дың және бастамашыл топтардың әлеуетін көтеруге арналған 3 грант, «Birgemiz Sabaqtastyq» жалпыұлттық жобасы аясында 2 шағын грант, «Birgemiz: Umit » волонтерлік бағыты бойынша 4 шағын грант, «Birgemiz: Saulyq » волонтерлік бағыты бойынша 1 шағын грант иеленді.
Жобалардың барлығы тұрғындардың әлеуметтік жағдайын жақсарту, бұқаралық спортпен айналысу, жастардың бос уақытын тиімді ұйымдастыру, психологиялық-педагогикалық, медициналық көмек көрсету мақсатында жүзеге асырылуда.
Ауданда алдағы уақытта шағын грант иеленуге 7 бағыт бойынша 30 жобаға өтінім берілген. &nbsp;&nbsp;
<img src="https://kyzylorda-news.kz/wp-content/uploads/2020/09/dsc_0274-scaled.jpg" alt="" />
<img src="https://kyzylorda-news.kz/wp-content/uploads/2020/09/20200916_101947-scaled.jpg" alt="" />
<img src="https://kyzylorda-news.kz/wp-content/uploads/2020/09/dsc_0259-scaled.jpg" alt="" />

Жалағаштық ерікті жастар түрлі бағыттағы 10 жобаның грантын иеленді

<a href="https://kyzylorda-news.kz/date/2020/09/18/">Kyzylorda-news.kz.</a> Аралда «Қызылорда облысының Үкіметінің емес ұйымдарының Альянсы Ассоциациясы» ЗТБ-нің ұйымдастыруымен «Ауылдық үкіметтік емес ұйымдарды қолдау: даму мен өркендеу мақсатындағы серіктестік» тақырыбында форум өтті.
Оған Қызылорда облысының үкіметтік емес ұйымдарының басшылары, бизнес құралдарының өкілдері, мемлекеттік органдар қызметкерлері, кәсіподақ ұйымдары мен бұқаралық ақпарат құралдарының өкілдері қатысты.
Жиынның мақсаты Мемлекет басшысы Қасым-Жомарт Тоқаевтың 2020 жылғы 1 қыркүйектегі Қазақстан халқына Жолдаудағы «Азаматтардың мемлекетті басқару ісіне қатысуы», яғни халық үніне құлақ асатын мемлекет құруға белсенді қатысып, «Жаңа жағдайдағы Қазақстан: іс-қимыл кезеңі» Жолдауындағы міндеттерді орындау. Қызылорда облысы үкіметтік емес ұйымдарын белсенді қатысуға шақыру және аудандық, ауылдық үкіметтік емес ұйымдарының қызметін күшейту бағытында бірлескен шаралар қабылдау.
Форум ұйымдастырушысы «Қызылорда облысының үкіметтік емес ұйымдарының Альянс Ассоциациясы» ЗТБ-нің төрайымы Анар Ізден сөз алып, аймақтағы үкіметтік емес ұйымдардың жұмысын талдап өтті.
Сонымен қатар, аудандық ішкі саясат бөлімінің басшысы Махмут Марат аудандағы үкіметтік емес ұйымдардың жұмысын талдау жасады.
<blockquote>
 “Қазіргі таңда аудан көлемінде 53 азаматтық қоғам институттары тіркелген. Олардың отызы аудандық қоғамдық бірлестіктер, он бірі облыстық қоғамдық бірлестіктердің аудандағы филлиалдары және он екі қоғамдық қор тіркелген. Ауданда гранттармен «Арал теңізі», «Арал әйелдері», «Ғайберен», «Өрлеу-консалтинг», «Жаңа Арал толқыны» мен «Байтақ дала» жұмыс жасауда. Балық шаруашылығын дамыту, жерді құнарландыру, ауыл әйелдерін қолдау, аудан маңындағы шөлейтті учаскелерде орман тәлімбағын құру және басқа да жобаларды жүзеге асырып келеді. Аудан көлемінде биылғы жылға мемлекеттік әлеуметтік тапсырыс шеңберінде 12 жобаға жалпы сомасы 121, 102 млн теңге бөлінді, – деді Анар Ізден.
</blockquote>
Мұнан бөлек «Шапағат» қайта оңалту орталығы» ҚҚ президенті, «Қызылорда облыстық үкіметтік емес ұйымдарының Альянс Ассоциациясы» ЗТБ-нің Қазалы ауданы бойынша өкілі Шынар Женсикбаева «Әлеуметтік кәсіперлік ҮЕҰ – сектордың тұрақты даму факторы іспетті. Мүмкіндіктер және құқықтық негіздер», «Арал теңізі» ҚҚ директоры, «Қызылорда облыстық үкіметтік емес ұйымдарының Альянс Ассоциациясы» ЗТБ-нің Арал ауданы бойынша өкілі Баймаханова Айнагүл «ҮЕҰ қызметін қайта бағдарламалау. Қоршаған ортаны қорғау мен экологиялық қауіпсіздікті қамтамасыз етуге бағытталған бағдарламалардың орындалуына ҮЕҰ-дың қатысуы», «Халықаралық «Қазақ тілі қоғамы» қоғамдық бірлестігінің Арал аудандық филиалының төрағасы Жақып Жұмабай «Ұрпақтар сабақтастығы арқылы, азаматтық қоғам құндылықтарының сабақтастығы» тақырыбында баяндама жасады.
Мұнымен қоса, жергілікті қауымдастық мәселелерін шешудегі үкіметтік емес ұйымдардың рөлі тақырыбындағы дебат форматында сұхбат алаңының жұмысы өтті.
<img src="https://kyzylorda-news.kz/wp-content/uploads/2020/09/119843213_2771452786516423_8970447890845053407_o.jpg" alt="" />
<img src="https://kyzylorda-news.kz/wp-content/uploads/2020/09/119713037_2771452679849767_6693404140843398068_o.jpg" alt="" />
<img src="https://kyzylorda-news.kz/wp-content/uploads/2020/09/119641133_2771452789849756_4416481556650841737_o.jpg" alt="" />

ҮЕҰ өкілдері белсенділікке үндеді

<a href="https://kyzylorda-news.kz/date/2020/09/18/">Kyzylorda-news.kz.</a> Наурыз айынан бері түрлі мақсатта облысқа келген шет ел азаматтарының рұқсат құжаттары қараша айына дейін жарамды болады.
<blockquote>
 «Өздеріңізге белгілі пандемияға байланысты өзге мемлекеттермен байланыс тоқтатылды. Наурыз айының 16-сынан бері аймағымызға келген азаматтардың рұқсат&nbsp;құжаттарының мерзімі аяқталғандары бар. Оларға ешқандай айыппұл салынбайды. Қолдарындағы құжаттары қараша айына дейін жарамды болып есептеледі», – деді ОПД Көші-қон қызметі басқармасы бастығының орынбасары Сағындық Қамитбеков.
</blockquote>
Облыста қазір мұндай жеңілдікті пайдаланған 2800 шет ел азаматы бар. Жалпы, аймаққа келген өзге елдің тұрғындары үш күннің ішінде не мақсатта келгендігі жөнінде электронды түрде көші-қон қызметі басқармасынан анықтама алулары тиіс.

Мерзімі өткен құжатқа айыппұл салынбайды

<a href="https://kyzylorda-news.kz/date/2020/09/18/">Kyzylorda-news.kz.</a> Әлеуметтік медициналық сақтандыру қорына күн сайын пациенттерден медициналық ұйымдарда көрсетілетін медициналық қызмет сапасына қатысты түрлі сауал көп.
Қордың негізгі міндеттерінің бірі – пациенттің құқығын қорғау. Осыған байланысты Қор сарапшылары медициналық көмектің сапасына мониторинг жүргізеді, сондай-ақ науқасқа не себептен қызмет көрсетілмегенін тексереді.
Медициналық ұйымда қызмет көрсетуге қатысты түсініспеушілік туындаса, &nbsp;көбінесе азаматтар пациент ретінде өз құқығын қорғау үшін қайда жүгіну керек екенін &nbsp;білмейді.
Сондытан Қызылорда облысы бойынша Әлеуметтік медициналық сақтандыру қорының филиалы «пациент құқықығын қорғаудың 6 тәсілі» деген жадынама-кеңес дайындады:
1. Мәселені жылдам&nbsp; шешу үшін мән-жайды сол жерде түсінуге тырысыңыз. Ол үшін әрбір медициналық ұйымда пациентті қолдау және ішкі сараптама қызметі жұмыс істейді. Ол медициналық қызметтің сапасын, олардың толықтығын және стандарттарға сәйкестігін бақылау үшін құрылған. Бұл қызмет медициналық ұйымдағы медициналық көмектің&nbsp; сапасына және клиникалық қызметке ішкі талдау жүргізеді, медициналық қызмет көрсету стандарттары мен тәртіптің бұзылуын анықтайды. Сондай-ақ, азаматтардан келген&nbsp; өтініш, шағымдарды қарайды. Сондықтан, уақыт жоғалтпай бірден&nbsp; пациентті қолдау қызметіне хабарласып, жағдайды сол жерде шешуге, көмек пен ақпарат алуға болады.
2. Егер пациентті қолдау қызметі түйіткілді шеше алмаса және сіздің мәселеңіз медициналық көмекті ұйымдастыруға қатысты болса, онда өңірдегі Денсаулық сақтау басқармасының байланыс-орталығына жүгініңіз. Барлық медициналық ұйым Денсаулық сақтау басқармасына қарасты, сондықтан байланыс-орталығының қызметкерлері ұйымға тікелей хабарласып, мәселені шешуге ықпал ете алады.
3. Әлеуметтік медициналық сақтандыру қорында кері байланыс үшін бірнеше арна бар. Мысалы, Qoldau 24/7 мобильді қосымшасы арқылы (Play Market және App Store орнатуға болады) өтініш қалдыруға болады. Өтінішке нөмір беріледі, содан кейін өңдеуге алынады. Оны&nbsp; Қор мамандары қарайды. Олар медициналық ұйыммен байланысқа шығып, ақпарат сұратады, медициналық көмек көрсету немесе көрсетуден бас тарту себептерін тексереді.
4.Телефонға қосымша орнатуды ұнатпайтындар үшін Telegram-да Saqtandyrubot арқылы өтініш беру мүмкіндігі қарастырылған. «Негізгі мәзір» пәрменін басқаннан кейін бірнеше бөлім бар. «1406-ға өтініш жіберу» таңдаңыз. Бот «өтінішті жіберу» және «өтініштердің тарихын» ұсынады, осылайша өтінімнің мәртебесін тексеруге болады. Өтініште бот командаларына сәйкес өңір, медициналық ұйымның атауы және мәселенің мәні көрсетіледі.
5. 1406 бірыңғай байланыс орталығы тәулік бойы қоңырау қабылдайды және өтініштерді үш деңгейлі модель бойынша қарастырады. Бірінші деңгейге консультациялық сипаттағы мәселелер жатады. Екінші және үшінші – егжей-тегжейлі зерттеуді қажет ететін өтініштер. Қордың мамандары медициналық ұйыммен байланысады, ақпарат сұратады, медициналық көмек көрсету немесе көрсетуден бас тарту себептерін тексереді.
6.Ресми сайт пайдаланушыларға Әлеуметтік медициналық сақтандыру қорының fms.kz &nbsp;сайтына кіріп өтініш жасаған ыңғайлы және&nbsp; «Халықтық бақылау» бөліміненқажетті тапсырманы таңдаңыз: шағымдану немесе ұсыныс қалдыру. Бірінші жағдайда аймақ, емхана, диагноз, келу күні, ЖСН нөмері көрсетіледі және шағымның себептерінің бірі таңдалады. Ұсынысты бос өрістерге жіберген кезде бастапқы деректерді толтырып, мәтінді тұжырымдау керек.
Әлеуметтік медициналық сақтандыру қорының филиалы халықпен диалогқа қызығушылық танытатынын атап көрсетеді. Ең алдымен, пациенттердің өтініштері Әлеуметтік медициналық сақтандыру қорының жеткізушілері көрсететін медициналық қызметтердің қолжетімділігі мен сапасына әсер етуге мүмкіндік береді.

Қызылорда: ӘМСҚ пациент құқығын қорғайтын 6 әдісті атады

<a href="https://kyzylorda-news.kz/">Kyzylorda-news.kz.</a> «Нұрлы жер» мемлекеттік бағдарламасының жаңа бағыттарының бірі «Шаңырақ» пилоттық жобасын Тұрғын үй құрылыс жинақ банкі («Бәйтерек» холдингінің еншілес ұйымы) жүзеге асырады, деп хабарлайды ҚР Индустрия және инфрақұрылымдық даму министрлігінің баспасөз қызметі.
«Жылдық мөлшерлемесі 5 пайызға тең (ЖТСМ 5,2%), жеңілдетілген заемды алу үшін, бағдарлама қатысушылары әкімдік кезегінде тұрулары қажет. Сондай-ақ Тұрғын үй құрылыс жинақ банкіндегі шоттарына займ мөлшерінің 10 пайызынан кем түспейтін соманы бастапқы жарна ретінде жинаулары қажет. Несиелендіру мерзімі 20 жылға дейін», – деп атап өтті Тұрғын үй құрылыс жинақ банкінің Басқарма төрағасы Ләззат Ибрагимова.
«Шаңырақ» жобасының аясында жеңілдетілген несиені бірінші кезеңде, баспанаға мұқтаж жан ретінде 1986 жылдан бастап 2015 жылға дейінгі мерзімді қоса алғанда әкімдік кезегіне тұрған Қазақстан Республикасының азаматтары ала алады. Өтініштерді қабылдау мерзімі аяқталғаннан кейін, банктің «Шаңырақ» жобасын одан әрі несиелендіруге қажетті қаражаты болған жағдайда, бағдарламаның екінші кезеңіне әкімшілік кезегіне кейінгі жылдары тұрған азаматтар да шақырылуы мүмкін. Сондай-ақ, бағдарламаға қатысу үшін соңғы алты ай ішіндегі отбасының әр мүшесіне келетін отбасылық табыстың бір айлық көлемі 3,1 күнкөріс минимумынан аспайтын (2020 жылдың 1 сәуірінен бастап КМ – 32 668 теңгеге тең) еңбек және (немесе) кәсіпкерлік қызметтен түсетін кірістің (зейнетақы аударымдарын, жеке табыс салығы мен басқа да міндетті аударымдарды есептемегенде) болуы талап етіледі. Яғни, 2020 жылы отбасының әр мүшесіне келетін табыс көлемі 101 271 теңгеден аспауы тиіс.
«Шаңырақ» бағдарламасы бойынша пәтер алуға болатын құрылыс компанияларының тізімін hcsbk.kz сайтынан жүктеп алуға болады. Әкімдіктерде кезекте тұрған азаматтардан бағдарламаға қатысуға және төлем қабілеттілігін бағалауға өтінімдерін тек hcsbk.kz сайты арқылы, соның ішінде Тұрғын үй құрылыс жинақ банкінің клиенттерінен де, әлі күнге дейін Банк клиенті болмағандардан да қабылданады.

Қазақстан және Қызылорда облысының жаңалықтары

Гүлшара Әбдіқалықова жұмыс сапарымен Сырдария ауданына барды

Арал ауданының аумағында геологиялық барлау жұмыстары жүргізілмек

“Той қашан?”. Жұрт неге өзгенің жеке өмірін қазбалауға құмар?

Синоптиктер демалыста ауа райы қандай болатынын айтты

Қызылордадағы тергеу изоляторына аяқкиімге жасырып телефон өткізбекші болған азаматша ұсталды

Қай санаттағы мемлекеттік қызметшілер жұмыстан шығарылмайды?

“Мектепке жол”: Қызылордада жөнделген компьютерлер мұқтаж отбасыларға таратылды

Жалағаштық ерікті жастар түрлі бағыттағы 10 жобаның грантын иеленді

ҮЕҰ өкілдері белсенділікке үндеді

Мерзімі өткен құжатқа айыппұл салынбайды

Қызылорда: ӘМСҚ пациент құқығын қорғайтын 6 әдісті атады

«5-10-20» тұрғын үй бағдарламасы бойынша несие беру басталды

Қазақстан және Қызылорда облысының жаңалықтары

Гүлшара Әбдіқалықова жұмыс сапарымен Сырдария ауданына барды

Арал ауданының аумағында геологиялық барлау жұмыстары жүргізілмек

“Той қашан?”. Жұрт неге өзгенің жеке өмірін қазбалауға құмар?

Синоптиктер демалыста ауа райы қандай болатынын айтты

Қызылордадағы тергеу изоляторына аяқкиімге жасырып телефон өткізбекші болған азаматша ұсталды

Қай санаттағы мемлекеттік қызметшілер жұмыстан шығарылмайды?

&#8220;Мектепке жол&#8221;: Қызылордада жөнделген компьютерлер мұқтаж отбасыларға таратылды

Жалағаштық ерікті жастар түрлі бағыттағы 10 жобаның грантын иеленді

ҮЕҰ өкілдері белсенділікке үндеді

Мерзімі өткен құжатқа айыппұл салынбайды

Қызылорда: ӘМСҚ пациент құқығын қорғайтын 6 әдісті атады

«5-10-20» тұрғын үй бағдарламасы бойынша несие беру басталды

“Мектепке жол”: Қызылордада жөнделген компьютерлер мұқтаж отбасыларға таратылды