<a href="https://kyzylorda-news.kz/">Kyzylorda-news.kz.</a>&nbsp; Қызылордада «Сыр үміті» жастар қауымдастығының бастамасымен «Арман ағашы» атты қайырымдылық акциясы бастау алды.
Акцияның басты мақсаты – ерекше күтімді қажет ететін, мүмкіндігі шектеулі, ата-анасының қамқорлығынсыз қалған, үйден оқытылатын балалардың арман-тілектерін орындауға бағытталған.
Осы орайда, қаламыздағы «Aray city mall» сауда орталығына арнайы балалардың тілектері жазылған Арман ағашы орнатылған. Кез-келген тұрғын балалар тілектерін алып, оны орындай алады.
<blockquote>
 «Арман ағашы» қайырымдылық акциясы аясында біз ерекше қажеттілігі бар және мүмкіндігі шектеулі балаларға жылулық пен сүйіспеншілік сыйлағымыз келеді. Олардың арманын жүзеге асыру арқылы біз шабыт сыйлаймыз. Айта кетейін, акциямызға облысымыздағы кәсіпкерлер мен билік өкілдері де атсалысуға ниетті», – деді «Сыр үміті» жастар қауымдастығының төрағасы Мағжан Ералиев.
</blockquote>
Акцияның ұйымдастырушысы және жас кәсіпкер ретінде бірінші болып Мағжан Ералиев ДЦП сырқатына шалдыққан Фариза есімді аруға өзі армандағандай калясканы сыйға тартты.
<img src="https://kyzylorda-news.kz/wp-content/uploads/2021/02/img_0311-scaled.jpg" alt="" />
Күдігі мен үміті қатар тұрған қиын кезеңде қамкөңілді балаларға қуаныш сыйлау мақсатындағы қолға алынған игі бастама бір айға созылады.

Қызылордада «Арман ағашы» атты қайырымдылық акциясы басталды

<a href="https://kyzylorda-news.kz/">Kyzylorda-news.kz.</a> Ақтөбе қаласында гір көтеруден және қол күрестен өткен Қазақстан чемпионатында қызылордалық спортшылар облыс қоржынына 4 медаль салды.
Гір көтеруден жастар арасында 95 келіден жоғары салмақта өнер көрсеткен Жалағаш ауданының спортшысы Ерасыл Аубакир жеңіс тұғырына көтерілді. Ал 85 келіде әуесқойлар арасында жалағаштық Абдулхасан Сейтенов қола жүлдегер атанды.
Қол күрестен сынға түскен шиелілік Захар Сибриков 70 келі салмақта алтын медаль жеңіп алса, қармақшылық спортшы Роман Швец 75 келіде үшінші орыннан көрінді. Қос спортшы да Ташкентте өтетін Азия чемпионатына жолдама алды.
Спортшыларды жарысқа облыстың аға жаттықтырушылары, гір көтеруден Оразбек Медетбаев және қол күрестен Талғат Қанаев дайындады.
<img src="https://kyzylorda-news.kz/wp-content/uploads/2021/02/154409700_1238273143234862_1669982171479299536_n.jpg" alt="" />
<img src="https://kyzylorda-news.kz/wp-content/uploads/2021/02/154777103_1238273129901530_4623136482822838209_n.jpg" alt="" />
<img src="https://kyzylorda-news.kz/wp-content/uploads/2021/02/155288820_1238273116568198_744228003652221254_n.jpg" alt="" />

Қызылордалық спортшылар Қазақстан чемпионы атанды

<a href="https://kyzylorda-news.kz/">Kyzylorda-news.kz.</a> Бүгін облыс әкімі Гүлшара Әбдіқалықованың төрағалығымен облыстық әлеуметтік әріптестік және әлеуметтік еңбек қаты настарын реттеу жөніндегі облыстық үш жақты комиссия отырысы өтті.
Мәжілісте екі мәселе қаралды. Атап айтсақ, еңбек қарым-қатынастарының жағдайы және еңбек дауларын алдын алу бойынша атқарылып жатқан жұмыстар мен өндірістік жазатайым оқиғалары және алдын-алу бағытындағы шаралар талқыланды. 
Күн тәртібіндегі мәселелер бойынша облыстық еңбек саласындағы бақылау басқармасының басшысы Төреахмет Жолымбетов пен облыстық кәсіподақтар орталығының төрағасы Серік Сермағамбетов баяндады.
2020 жылы облыс бойынша кәсіпорындар мен мекемелерде 134 тексерулер жүргізілді. Оның ішінде 130 жоспардан тыс тексеру, 4 тексеру субъектіге бару арқылы профилактикалық бақылау мен қадағалау тәртібінде жүргізілген. Тексерулер нәтижесімен 188 заңбұзушылықтар анықталған. Оларды жою және болдырмау жөнінде 100 нұсқама беріліп, 188 бұзушылықтардың 165 жойылған.
Жалпы 12 айда 30 әкімшілік шара көріліп, оның ішінде 3 ескерту, 3 012 620 теңге мөлшерінде 27 айыппұл салынды. Ал, ағымдағы жылдың қаңтар айында 5 жоспардан тыс тексеру жүргізіліп, 8 заңбұзушылық анықталып, оларды жою туралы 2 нұсқама берілген.
Сонымен қатар, комиссия отырысына облысымыздың бірқатар мұнай өңдіруші және оларға сервистік қызмет көрсететін компаниялар, кәсіподақ өкілдері қатысты. Олар мұнай компанияларында қызметкерлер тарапынан көтерілген жалақы, қысқарту мәселесіне қатысты наразылықтар бойынша атқарылған жұмыстар туралы айтты.
Аймақ басшысы жалақының мерзімінде төленуін қатаң бақылауға алып, шиелініске жол бермеу бағытында жедел әрекет ету шараларын қабылдауды, кәсіпорындар мен мекемелерде Ұжымдық шарттардың жасалуын және оның мазмұнының сапалылығына үшжақты комиссияларынынан келісім алуын қарастыруды, талаптарының орындалуын бақылауды жүктеді. Сондай-ақ, мұнай өңдіруші және оларға сервистік қызмет көрсететін компания басшыларына жұмысшыларға барынша қолдау көрсетіп, заңнамаға сәйкес еңбегіне орай үстемақы төлеп, мүмкіндігінше қысқартпауды тапсырды.
<blockquote>
 «Мемлекеттік тұрақтылықты бірқалыпты ұстау мақсатында қоғамдық-саяси ахуалға жергілікті атқарушы органдармен көптеген шаралар атқарылуда. Өңіріміздегі өнеркәсіп өндірісінің 60 айызға жуық үлесін мұнай-газ саласына тиесілі. Мұнай өндіру көлемі жылда қысқаруда. Сондықтан тұрғындардың жиі көтеретін мәселелер қатарында мұнай компанияларында жұмысшыларды қысқарту мен жалақыларының төмендегі, кешіктіруі фактілері болып отыр. Осы мәселелерді мүмкіндігінше азайту, жұмыссыздықты жоюды бірінші кезекте шешу қажет», – деді облыс әкімі Гүлшара Әбдіқалықова.
</blockquote>
Есепті мерзімде аймақта әлеуметтік-еңбек даулары орын алған жоқ. Облыс бойынша еңбек саласындағы ахуал тұрақты, ереуілдер, митингілер тіркелмеген. Жұмыс орындарын қысқартуды болдырмау, жалақы қарызы мен еңбек қауіпсіздігі мен еңбекті қорғау мәселелері облыстық үшжақты әлеуметтік әріптестік және әлеуметтік еңбек қатынастарын реттеу жөніндегі комиссия отырыстарында ұдайы қаралуда.
Ай сайын облыс әкімдігі және облыстық прокуратурамен әлеуметтік шиеленіс ошақтарының Картасы жаңартылып отыр. Жұмыскерлерге жалақы қарызын төлеу мәселесі ерекше бақылауда. 2020 жылғы 12 айда ықпал ету шаралары нәтижесінде 20 кәсіпорынның 4648 жұмыскерлеріне 617,8 млн. теңге жалақы қарызы төленген.
Өткен жылы шетел жұмыс күшін тарту мақсатында 24 жұмыс беруші тіркелген. Оларда 8023 қазақстандық азаматтар жұмыс атқарады және шетелдік жұмыс күшін тартуға облыс бойынша 356 бірлік квота бөлінген. Жергілікті қазақстандық қызметкерлер мен шетел қызметкерлерінің еңбекақыларының арасында айырмашылық бойынша еңбекақы төлеміндегі теңсіздік фактісі анықталмаған.
Сондай-ақ, жұмыс берушілерге жұмыскерлердің еңбек шарттарын «Еңбек шарттарын есепке алудың бірыңғай жүйесіне» енгізу қажеттігі туралы түсіндірме жұмыстары тұрақты жүргізілуде. Атқарылған жұмыстар нәтижесінде биыл 1755 жұмыс берушілердің 93602 еңбек шарттары тіркелген.
Облыс әкімі әлеуметтік-еңбек дауларын алдын алу бойынша бірқатар тапсырма берді.
<blockquote>
 «Жазатайым оқиғалар жиі орын алған компания басшыларын кәсіподақ өкілдерінің қатысуымен тыңдау өткізіп, салалық кәсіподақ ұйымдарымен бірлесіп, шетелдіктердің қатысуымен құрылған компанияларындағы орын алған еңбек даулары мен еңбек қатынастарына тұрақты түрде мониторинг жұмыстарын күшейтуді қамтамасыз ету керек. Жергілікті бұқаралық ақпарат құралдарын, әлеуметтік желілерді пайдалана отырып жұмыскерлер мен жұмыс берушілерге еңбек заңнамасының негіздері бойынша ақпараттық-түсіндірме жұмыстарын күшейту маңызды», – деді Гүлшара Әбдіқалықова.
</blockquote>

Әлеуметтік әріптестік және әлеуметтік еңбек қатынастарын реттеу жөніндегі облыстық комиссия отырысы өтті

<a href="https://kyzylorda-news.kz/">Kyzylorda-news.kz.</a> Синоптиктер Қызылорда облысында ауа райына байланысты ескерту жариялады, деп хабарлайды Қазгидромет.
27 ақпанда&nbsp;Қызылорда облысының кей жерлерінде көктайғақ, тұман күтіледі.&nbsp;Күндіз&nbsp;оңтүстік-шығыстан, оңтүстіктен жел соғады, күші кей жерлерде 15-20 м/с-ға жетеді. Қызылорда қаласында 27 ақпанда&nbsp;тұман күтіледі.

Қызылордада ауа райына байланысты ескерту жарияланды

<a href="https://kyzylorda-news.kz/">Kyzylorda-news.kz.</a> Бүгін облыс әкімі Гүлшара Әбдіқалықова «Невада-Семей» қоғамдық бірлестігінің төрағасы Сәбит Әбішпен кездесті. Аймақ басшысы биыл 28 ақпанда «Невада-Семей» антиядролық қозғалысының құрылғанына 32 жыл айтулы күні Тәуелсіздіктің 30 жылдығымен тұспа-тұс келіп отырғанын айтты.
Бұл атаулы күнді облыс деңгейде атап өту үшін облыстық басқармалар мен қала, аудан әкімдіктеріне тапсырмалар берілгенін жеткізді. Сондай-ақ, С.Әбіштің азаматтық қоғам өмірін ілгерілетудегі елеулі еңбегін жоғары атап өтті.
<blockquote>
 «Сыр өлкесінде еліміз үшін аянбай еңбек етіп, өзінің адалдығымен, парасаттылығымен ел аузында жүрген, ауыз толтырып айтарлық азаматтарымыз баршылық. Осы азаматтарымызға лайықты құрмет көрсетіп, ғибратты ғұмырын басқаларға үлгі, жастарға өнеге ету біздің басты мақсатымыз. 
 Сыр өңірінде Семей ядролық сынақ полигонының жабылуына қатысты шараларды ұйымдастырып, қоғам мен үкіметтік емес ұйым өкілдері арасында белсенділік танытып жүрген азаматтарымыздың бірі де бірегейі Өзіңізсіз»,-деді Гүлшара Әбдіқалықова.
</blockquote>
Айтулы датаны атап өту үшін Сыр елінде жоғары оқу орындары мен мектептерде «Қазақстанның жаһандық бастамалары. Халықаралық қауіпсіздікке үлес», «Невада-Семей» антиядролық қозғалысының құрылғанына 32 жыл» тақырыптарында онлайн дәрістер, тәрбие сағаттары мен еске алу шаралары, онлайн студенттік пікірсайыстар мен видеочеллендждер өткізіледі. Сондай-ақ, «Невада-Семей» антиядролық қозғалысының және қозғалыс мүшелерінің ерлік істерін насихаттауға бағытталған облыс музейлері мен кітапханаларында виртуалды тарихи-құжаттық көрме мен онлайн кітап көрмелер өткізіліп, облыстық спорт мектептерінің тәрбиеленушілері арасында онлайн спорттық жарыстар ұйымдастырылады. Мұнан бөлек, тамыз айында Семей ядролық сынақ полигонының жабылуына 30 жылдығына арналған ғылыми-практикалық конференция, дөңгелек үстел ұйымдастырылады. 
Кездесу барысында ардагер Сәбит Ыдырысұлы қабылдауға шақырып, ілтипат танытқан облыс әкіміне алғысын білдіріп, бірқатар ұсыныстарын жеткізді.
Сәбит Әбіш ұсынысын қабыл алған аймақ басшысы облыстық экономика және бюджеттік бағдарламалар басқармасы басшысына Семей ядролық сынақтарына қатысқан 479 адамға қосымша біржолғы материалдық көмек көрсету үшін бюджеттен 55,9 млн.теңге қаржыны қарастыруды және облыстық жұмыспен қамтуды үйлестіру және әлеуметтік бағдарламалар басқармасының басшысына берілген ұсыныстарды пысықтауды тапсырды.
Кездесу соңында облыс әкімі ардагер Сәбит Ыдырысұлына алғыс айтып, айтулы датаны облыс деңгейде атап өту үшін бірлесіп жұмыс атқаратынын жеткізді.
<img src="https://kyzylorda-news.kz/wp-content/uploads/2021/02/155115583_3155433764559671_665913166234701255_o.jpg" alt="" />

Гүлшара Әбдіқалықова  «Невада-Семей» қоғамдық бірлестігінің төрағасы Cәбит Әбішпен кездесті

Kyzylorda-news.kz. Бүгін&nbsp;жыр алыбы&nbsp;Жамбыл Жабаевтың 175 жылдық мерейтойын&nbsp;республика көлемінде&nbsp;ресми&nbsp;түрде&nbsp;<a href="https://turkystan.kz/article/140136-zhambyl-zhabaevty-175-zhyldy-mereytoyy-bastaldy/">мерекелеу басталды.</a>&nbsp;ҚР&nbsp;Мемлекеттік хатшысы&nbsp;Қырымбек Көшербаев елордадағы Жамбыл ескерткішіне гүл&nbsp;шоқтарын қойып, Қ.Қуанышбаев атындағы Мемлекеттік академиялық қазақ музыкалық драма театрының жаңа ғимаратында өткен мерейтойлық жылдың салтанатты ашылуына&nbsp;ресми тұлғалармен, мәдениет және ғылым қайраткерлерімен, Алматы және Жамбыл облыстарынан келген делегация өкілдерімен бірге қатысты.
<img src="https://turkystan.kz/wp-content/uploads/2021/02/foto-28.jpg" alt="foto 28" title="Жамбыл Жабаевтың 175 жылдық мерейтойы басталды 2" />
Мерекелік кештің қонақтары жаңа театр фойесінде ұйымдастырылған Жамбыл Жабаев мұражайының экспозициясымен танысты. Салтанатты іс-шара Жамбылдың 175 жылдығына арналған мерекелік концертпен жалғасты. Жамбылдың өмірі мен өнері туралы баяндама жасаған ҚР Мәдениет және спорт министрі Ақтоты Райымқұлова жиынды ашты. Қ.Қуанышбаев атындағы Мемлекеттік академиялық қазақ музыкалық драма театры мен «Астана Опера» мемлекеттік опера және балет театры симфониялық оркестрінің әртістері көрермен назарына «Жыр алыбы – Жамбыл» атты театрландырылған қойылым ұсынды. Ұлы ақынның баға жетпес мұрасын, өзіндік ерекшелігі мен дарынын ашып көрсететін әдеби-музыкалық композицияда оның айтыстары мен әйгілі «Кең байтақ Қазақстаным», «Ақындарға арнау», «Күләшқа», «Ленинградтық өренім!» және т.б. шығармалары орындалды. Сонымен қатар, мерекелік бағдарламада Құрманғазы атындағы Қазақ ұлттық халық аспаптары оркестрі, Н.Тілендиев атындағы «Отырар сазы» академиялық фольклорлық-этнографиялық оркестрі, «Жастар» театры және «Астана Балет» театрының әртістері, сондай-ақ, «Қорқыт» этно-ансамблі, «Құлансаз» фольклорлық-этнографиялық ансамблі, К.Әзірбаев атындағы Жамбыл облыстық филармониясы және «Акак» комузшылар ансамблінің (Қырғызстан) жеке орындаушылары өнер көрсетті.
<img src="https://turkystan.kz/wp-content/uploads/2021/02/foto-34.jpg" alt="foto 34" title="Жамбыл Жабаевтың 175 жылдық мерейтойы басталды 3" />
Ақтоты Райымқұлова, ҚР Мәдениет және спорт министрі:
<img src="https://turkystan.kz/wp-content/uploads/2021/02/foto-13-300x200.jpg" alt="foto 13" title="Жамбыл Жабаевтың 175 жылдық мерейтойы басталды 4" />
– Әуреге салған пандемия жағдайында Абайдың 175 жылдығын лайықты түрде атап өттік. Міне, тағы бір ұлы тойдың кезегі келіп тұр. Биыл ұлтымыздың ұлы жыршысы Жамбылдың 175 жылдығын атап өткелі отырмыз. Қазақтың рухани қос алыбы Абай мен Жамбылдың әрбір мерейтойы мемлекетіміздің мәртебелі белестерінің межесіндей. Біз уақыт аламанының әр айналымында өрісті істерімізді ақыл таразасына салып келеміз. Қос тұлғаның торқалы тойында ұлтымыздың жоғары жетістіктеріне баға беріп, рухани өрлеудегі түбірлі істерімізді түгендеу дәстүрге айналды. Тәуелсіздікті жаңа алып, ел еңсесін енді көтеріп жатқанда Тұңғыш Президент-Елбасы Нұрсұлтан Назарбаев ұлы даланың ұлы тұлғаларының мерейтойларын ел болып атап өту жөнінде шешім қабылдады. Мұны жұртшылық әруақты сыйлап, құндылықтарды құрметтеп, өткенін көреген деп білетін ұлы халықтың ұлағатты ұйғарымы ретінде қабылдады. Араға ширек ғасыр салып, XIX ғасырдың ортасында өмірге келген екі ұлы ақыннынң 175 жылдықтары рет-ретімен жоғары деңгейде&nbsp; мерекеленуде. Ұлтымыздың осындай ұлы тұлғаларынсыз ғасыр сырын, ғасыр мұңын түсіну бізге әлдеқайда қиын соғар еді. Жамбылдың 175 жылдығына орай, биыл республика бойынша 500-ге жуық әлеуметтік, имидждік, ғылыми, танымдық іс-шаралар жоспарланған. Бұдан бөлек, ақын туралы фильмдер түсріліп, өлеңдерінің жаңа жинақтары шығарылады және кітап көрмелерін ұйымдастыру, мерейтойлық монета, пошта маркасын әзірлеу және тағы басқа іс-шараларды өткізу көзделіп отыр.
Салтанат Жамбылова, Жамбыл Жабаев әдеби-мемориалды музейінің меңгерушісі, ақынның немересі:
<img src="https://turkystan.kz/wp-content/uploads/2021/02/foto-1-300x210.jpg" alt="foto 1" title="Жамбыл Жабаевтың 175 жылдық мерейтойы басталды 5" />
– Жамбыл атамыздың 175 жылдығына арналған іс-шараны облыс көлемінде тойлауды қаңтар айынан бастап кеттік. Ал республика көлеміндегі алғашқы іс-шара бүгін ұйымдастырылып отыр. Біле білсеңіз, атаның өзі тұрған үйі бір жылдан кейін музейге айналды. Атамыздың туғанына биыл 175 жыл толса, музейіміздің ашылғанына биыл 75 жыл болды. Бүгінгі іс-шараға атаның киген киімдерін, қолданған заттарын, алған сыйлықтарын жұртшылық білсін, көрсін деген мақсатпен осында алып келдік. Жалпы, біздің музейдегі бағалы заттардан көрме ұйымдастыру ісі тек бас қаламен шектелмейді. Бізді Көкшетау, Атырау, Қызылорда облыстарындағы музей меңгерушілері шақырып жатыр. Сонымен қатар, республика бойынша Жамбыл атындағы мектептерде онлайн режимде байланыс орнатудамыз.
Мырзатай Жолдасбеков, мемлекет және қоғам қайраткері, филология ғылымдарының докторы, профессор:
<img src="https://turkystan.kz/wp-content/uploads/2021/02/foto-12-300x200.jpg" alt="foto 12" title="Жамбыл Жабаевтың 175 жылдық мерейтойы басталды 6" />
–Былтыр бір жыл бойы Абай атамыздың 175 жылдығын тойладық. Осылайша, ұлы ақынды білетін әлем жұртшылығы оны бұрынғыдан бетер тани түсті. Ал енді биыл Жамбыл атамыздың 175 жылдығын тойлатқалы отырмыз. Ғабит Мүсірепов ағамыз Жамбылдың 125 жылдығына арнап «Феномен Феникс» атты мақала жазған. Сол мақалада ол «Жамбыл дүниеге екі рет келген адам, бір рет тоғыз ай, тоғыз күн толғатып, ана құрсағынан туды, сосын жасы жетпістен асқанда заман құрсағынан тағы бір туды» деп тауып айтқаны бар. Жалпы, кезінде Жамбылдың революцияға дейінгі өмірі туралы материал аз болды. Мен Жамбылдың өмірі туралы докторлық диссертация қорғадым. Негізі, ол кісі төңкеріс алдындағы өмірді ашық сипаттаған.
Ұзынағаш, Қаратас,
Қалқабайдай қайран жас.
Бекеттен нан қоймайды,
Жалаң аяқ, жалаң бас.
Қайтіп жаның ашымас,
Неткен заман қатыбас.
Еткен еңбек, төккен тер
Қалай түкке татымас?!, – деп өз заманының сипатын керемет жеткізген. «Жамбылдың балалық шағы» деген көркем фильмге сценарий жаздым. Ол кісі туралы бірнеше кітап жазып шығардым. Көпшілік биылғы мерейтой аясында Жамбыл туралы көп мәліметке қанық болады деп ойлаймын.
&nbsp;Сауытбек Әбдірахман, ҚР Парламент Мәжілісінің депутаты:
<img src="https://turkystan.kz/wp-content/uploads/2021/02/foto-2-300x200.jpg" alt="foto 2" title="Жамбыл Жабаевтың 175 жылдық мерейтойы басталды 7" />
–Бүгінгі мерейтой– елдегі бір жақсылықтың белгісі. Себебі былтыр Абайдың 175 жылдығын тойлау кезінде мұндай кеш өткізуге, көп адам жинауға мүмкіндік болмады. Ал қазір елдің барлық өңірі қауіпті қызыл аймақтан шығып, көктемнің самалы ескелі тұрған жақсы шақта ұлы Жамбылдың тойы басталғалы жатыр. «Ұлы Жамбыл» деген сөз баяғы штамптардың, стандарттардың қайталануы емес. Жамбыл заман ауысқан кезде уақыт сынына қайтадан түсті. Тәуелсіздік алған алғашқы жылдарда Жамбыл мұрасына сыни көзқарас күшейді, өзі сүрген заманды көтере мақтап, саясаттың сойылын соққан ақын деген пікірлер көп айтылды. Бірақ уақыт өте келе, көпшіліктің Жамбылдың шын мәнінде эпик-ақын, бүкіл бір заманның сөзін жеткізген, сол дәуірдің шындығын ашқан сөз зергері екеніне көзі жетті. Жамбылдың өз заманының көсемдеріне арнаған жырларының көркемдігі қайран қалдырады. Оның сыртында ақынның айтыстары, қисса-дастандары да ерекше. 1996 жылы Мәдениет министрінің бірінші орынбасары қызметін атқарып жүргенімде Санкт-Петербургте ұйымдастырылған Жамбыл туралы кешке қатыстым. Сол кештің соңында Ресей Мемлекеттік Думасының бір депутаты «Бала күнімда анам мені Жамбылдың «Колыбельная» әнімен ұйықтататын» деді. Қазақ ақынының өлеңі өзге елдің бесік жырына айналуы деген ғажап нәрсе! Осылайша, Жамбылды қай жағынан қарасақ та, керемет тұлға екенін байқаймыз. Ең қиын жылдарда халықтың сөзін сөйлеп, қазақтың даңқын асқақтатқан ұлы бабамызды қалай құрметтесек те жарасады.
Дәулеткерей Кәпұлы, Қазақстан Жазушылар одағы Нұр-Сұлтан қалалық филиалының төрағасы:
<img src="https://turkystan.kz/wp-content/uploads/2021/02/foto-6-300x226.jpg" alt="foto 6" title="Жамбыл Жабаевтың 175 жылдық мерейтойы басталды 8" />
–«Ұлы даланың Гомері» атанған Жамбыл Жабаевтың шығармашылығын қай ғасырға насихаттасаң да, өлмейді, сөнбейді деп білемін. Өйткені Жамбыл – екі ғасырдың арасындағы алтын көпір. Жамбыл Кеңес дәуірінің біраз жақсылығын көрді. Көп адам оның Сталинді жырлауын, саясатқа араласуын алға тартып, шығармашылығын мансұқтағысы келеді. Бірақ, олар қателеседі. Жамбылдың эпикалық шығармаларын алып қарасаңыз, оның таңды таңға ұрып жырлайтын жырлары қазақ даласындағы синкреттік өнер – жыраулық дәстүрдің ең үлкен ірі тұлғасы екенін байқайсыз. Жамбыл сондай тұлға ретінде қаралуы керек және осы тұрғыда насихатталуы қажет. Жамбылдың ізбасары Кенен Әзірбаев «Жамбыл жыры» дастанында ақынның тұлғасын толық ашып берген. Мысалы, Романовтар әулетінің 300 жылдық тойына шақырылмаған Жамбыл қазақ-қырғыз ақындарының думандатып отырған жеріне кіріп келіп, былай деп айтқаны бар:
Атам батыр Қарасай,
Ағам ақын Сүйінбай,
Петроград, Алматы,
Бір жылдық жол арасы-ай.
Патшаның қуын қарашы-ай!
Өзі келмей істеткен
Айдалаға тамаша-ай.
Қазақ пенен қырғыздың
Табақ-табақ еті мен
Тойғызып жатыр сабасы-ай.
Өңшең ұлық өгіздей,
Біз бұзау мен танасы-ай.
Сол кезде ұлықтарға жақын болған ақын-жыршыларды осылайша сынап, «Жұртқа керек өлеңді, ауылға барып айталық» деп ақындардың барлығын тұрғызып алып кеткен. Түсініп тұрғаныңыздай, Жамбылдың өз заманында ақындық миссиясы болған. Сол себепті Жамбылды ағаш атқа мінгізгенді қойып, бұрын қалай керемет ұлықталса, қазір де солай құрметтеу керек.

Жамбыл Жабаевтың 175 жылдық мерейтойы басталды

<a href="https://kyzylorda-news.kz/">Kyzylorda-news.kz.</a> Дүниежүзілік денсаулық сақтау ұйымының (ДДСҰ) мәліметтері бойынша, әлемде (Таяу Шығыс мемлекеттерінен басқа) коронавирустың таралу қарқыны бәсеңдегені байқалған. Сондай-ақ, әлемде COVID-19 жаңа жағдайларының саны 16% – 2,7 миллионға дейін төмендеген, деп хабарлайды <a href="https://lenta.inform.kz/kz/ddsu-alemde-koronavirustyn-taralu-karkyny-basendedi_a3758141">ҚазАқпарат</a>.
Ғалымдардың пікірінше, қаңтар айының басында вирус жұқтырушылар саны 5 миллионнан асқаннан кейін, бесінші апта қатарынан індет қарқынының төмендегені байқалған. Сонымен қатар коронавирустан қайтыс болғандар саны да азаюда. ⠀
Американдық The New York Times басылымы әлемде және АҚШ-та індет деңгейінің төмендеуінің басты себебі қазіргі кезде адамдардың едәуір бөлігі вирусқа қарсы иммунитетке ие болған деп есептейді.⠀
Аталған жағдайға қарамастан, денсаулық сақтау саласының қызметкерлері әлем халқын қырағы болуға шақырады – ешкім COVID-19-дың тұрақты төмендеуіне кепілдік бере алмайды. Сонымен қатар, коронавируспен ауырған кейбір адамдар, індеттің жаңа нұсқаларының бірін қайта жұқтыру ықтималдылығы бар.

ДДСҰ: Әлемде коронавирустың таралу қарқыны бәсеңдеді

<a href="https://kyzylorda-news.kz/">Kyzylorda-news.kz.</a> Қызылорда облысында 1 наурыз – Алғыс айту күніне орай қайырымды істер марафоны басталады. Бұл туралы Қызылорда облыстық ішкі саясат басқармасы басшысының орынбасары Қуаныш Әбілдаев хабарлады.
<blockquote>
 «Жоспарға сәйкес 1 наурызда аймақ басшысы Гүлшара Әбдіқалықованың қатысуымен Тәуелсіздіктің 30 жылдығы аясында «Қайырымды істер марафоны» жалпыұлттық жобасын облыстық деңгейде іске қосу шарасы өтеді. «Қоғамдық келісім» КММ-і мен «Қазақстан-Қызылорда» телеарнасы бірлесіп, этномәдени бірлестіктердің қатысуымен «Татулық пен алғыс» атты мерекелік фильм-концерт әзірледі. Облыстық ҚХА жанындағы ғылыми-сарапшылық тобының «Тәуелсіздік жылдарындағы жетістіктер» тақырыбында дөңгелек үстел отырысы өтті», – деді Қуаныш Әбілдаев.
</blockquote>
Мерекені көпшілікке сезіндіру мақсатында бұқаралық ақпарат құралдары мен әлеуметтік желілерде «Шын жүректен» тақырыбында бейнероликтер әзірленіп, жариялануда. «30 жылға – 30 тілек» тақырыбында әр сала үздіктерінің бейнеқұттықтаулары ұйымдастырылып келеді.
<blockquote>
 «Алғыс айту күніне арналған мәдени-бұқаралық шаралар облыстың барлық аудандары мен елді мекендерінде өткізіледі», – деді Қуаныш Әбілдаев..
</blockquote>
Республика көлемінде бастау алған «Қайырымдылық істер марафонын» Сыр өңірі 1 наурыз күні бастап, жыл көлемінде қарқынды түрде жүзеге асырады.
Брифинг аясында «Қоғамдық келісім КММ» директоры Бауыржан Мастеков ел дамуына үлес қосып жүрген тұлғаларды дәріптеп, жалпыұлттық жобаның аймақта жүзеге асуына кең көлемде атсалысуға шақырды.
«Қазақстан кәрістер қауымдастығы» облыстық қоғамдық бірлестігі төрағасының орынбасары Юрий Ким Алғыс айту күнінде қазақ халқына, қазақ еліне ризашылығын білдірді.
<blockquote>
 «Мен Қызылордада дүниеге келдім және әрқашан өз елімде өзімді қажет сезіндім. Ең бастысы, бізді этникалық құрам бойынша емес, істеріміз, еткен еңбегіміз бойынша бағалады. Қазақ халқының дархандығы мен жылулығы үшін алғысымыз шексіз, – деді ол.
</blockquote>
<img src="https://kyzylorda-news.kz/wp-content/uploads/2021/02/154064752_2879971915655303_7813132018021480100_n.jpg" alt="" />

Қызылорда: Алғыс айту күнінде қайырымды істер марафоны басталады

<a href="https://kyzylorda-news.kz/">Kyzylorda-news.kz.</a> Департамент басшысы, Әдеп жөніндегі кеңес төрағасы Рафхат Бисенов болашақ мемлекеттік қызметшілерге дәріс оқыды.
Р.Бисенов Қорқыт ата атындағы Қызылорда университетінде «Мемлекеттік және жергілікті басқару» мамандығы бойынша білім алушы студенттерге еліміздің мемлекеттік қызметінің даму тарихы, саладағы реформалар мен тың бастамалар жайлы құнды мағлұматтар айтты.
Сонымен қатар, департамент басшысы мемлекеттік қызметке түсу және оны өткеру бойынша түсіндірмелер берді. «Мемлекеттік қызметші ең алдымен патриот болып, отанын сүю керек. Мемлекеттік қызметшіден адалдық, білімділік, біліктілік, кәсібилік талап етіледі. Әрбір қызметкер бәсекеге қабілетті болуы тиіс», – деді Р.Бисенов.
Дәріс барысында студенттердің сұрақтарына жауаптар беріліп, мемлекеттік қызметті кәсібилендіру, оның танымалдығын арттыру туралы пікірлері мен ұсыныстары тыңдалды.
Аймақтың басты білім ордасымен жасалынған екіжақты меморандум аясында өткізіліп отырған дәріс алдағы уақытта да жалғасын табатын болады.
<img src="https://kyzylorda-news.kz/wp-content/uploads/2021/02/153708851_3561052377353836_6303871704377759384_o.jpg" alt="" />

Департамент басшысы болашақ мемлекеттік қызметшілерге дәріс оқыды

<a href="https://kyzylorda-news.kz/">Kyzylorda-news.kz.</a> Өткен жылдың ІV тоқсанда денсаулық сақтау және әлеуметтік қызметтер саласы қызметкерлерінің орташа айлық жалақысы 197,4 мыңды құрады. Бұл бір жыл бұрынғы көрсеткіштерден 32,1%-ға көп, деп жазады <a href="https://qazaqstan.tv/live">Qazaqstan Ұлттық телеарнасы</a>.
Салыстыра кетсек, былтыр Қазақстанда орташа жалақы 233,1 мың теңгеге өскен еді. Бұдан денсаулық сақтау және әлеуметтік қызметтер саласының қызметкерлері еліміз бойынша жалпы жұмысшылардан 15%-ға төмен жалақы алатынын көруге болады.
Еске сала кетейік, биылғы 1 қаңтардан бастап әлеуметтік сала қызметкерлерінің лауазымдық жалақысы (құрамына медқызметкерлер де кіреді) 50%-ға өсті. 2022 жылы лауазымдық жалақы 25% – ға, ал 2023 жылы тағы 25%-ға өседі.
<img src="https://kyzylorda-news.kz/wp-content/uploads/2021/02/154432472_3931642320255985_4229054350735010066_n.jpg" alt="" />

Қызылорда: Медқызметкерлердің жалақысы қаншаға өсті?

<a href="https://kyzylorda-news.kz/">Kyzylorda-news.kz.</a>&nbsp; Алматыда 27 ақпанда өтетін MTK Fight Night турниріне қатысушылардың салмағын өлшеу рәсімі өтті. Бұл туралы &nbsp;<a href="https://www.sports.kz/news/kamshyibek-kunkabaev-proshel-vzveshivanie-pered-boem-za-titul-wbo">Sports.kz</a> хабарлайды.
Кештің басты жекпе-жегінде Қазақстан құрамасының капитаны Қамшыбек Қоңқабаев (2-0, 2 КО) бірінші ауыр салмақтағы WBO Asia Pacific чемпионы бос атағы үшін Украина өкілі Сервер Эмурлаевпен (23-1, 9 КО) жұдырықтасады. Екі қарсылас та өз санаттарының лимиті – 90,7 келіден аспады.
Естеріңізге сала кетейік, бастапқыда қазақстандықтың қарсыласы солтүстік ирландиялық боксшы Стивен Уорд (13-1, 4 КО) болуы керек еді. Бірақ ол жеке себептермен ұрыстан шығуға мәжбүр болды.
Сондай-ақ шоу аясында рингке өзге де қазақстандық және шетелдік боксшылар шығады. Турнир 27 ақпанда Нұр-Сұлтан уақытымен 17:00-де басталады. Тікелей эфир Sporttimekz және IFL TV YouTube арналарында, сондай-ақ ESPN арналарында көрсетіледі.

Қамшыбек Қоңқабаев WBO титулы үшін айқас алдында салмақ өлшеді

<a href="https://kyzylorda-news.kz/">Kyzylorda-news.kz</a>. Аймақта ел Тәуелсіздігінің 30 жылдығын атап өту жөніндегі облыстық кешенді іс-шаралар жоспары әзірленген болатын. Онда ақпан айы – «Қазақстан спорттық ұлт» спорт айы болып белгіленген. Айлық аясында 69 спорттық сайыс өткізілді. Оған 5444 спортшы қатысып, өзара бақ сынады.
Спорттық жарыстардың 3-і республикалық, 15-і облыстық, 46-сы қалалық және аудандық деңгейде ұйымдастырылды. Тоғызқұмалақтан онлайн форматта өткізілген республикалық турнирге еліміздің барлық өңірінен 144 спортшы қатысты. Сондай-ақ, еркін күрестен және волейболдан республикалық турнир өтті. Оған өзге облыстардан 610 спортшы келді. Ал гандболдан және волейболдан облыстық біріншілік өткізілді.
<blockquote>
 Бұл жарыстарды ұйымдастырудағы басты мақсатымыз – Еліміздің Тәуелсіздігінің 30 жылдығын мерекелеу, жасөспірімдер мен жастарды патриоттық сезімге тәрбиелеуге және дене шынықтыру және спорт арқылы салауатты өмірге баулу. Аталған жарыстардың барлығы карантин талаптарын сақтай отырып, көрермендерсіз, салтанатты шараларсыз өткізілді, – деді облыстық дене шынықтыру және спорт басқармасының басшысы Жақсылық Оспанов.
</blockquote>
Өңірде наурыз айында халық балуаны Қажымұқан Мұңайтпасұлының 150 жылдығына орай жастар арасында қазақ күресінен республикалық турнир, самбодан жасөспірімдер арасында ҚР чемпионаты болады.
Сәуір айында қазақ күресінен «Алтын белбеу» облыстық іріктеу турнирі, мәнерлеп сырғанаудан Элизабет Тұрсынбаеваның жүлдесіне арналған «Көктем жұлдыздары» республикалық турнирін өткізу жоспарлануда.

Қазақстан және Қызылорда облысының жаңалықтары