<a href="https://kyzylorda-news.kz/">Kyzylorda-news.kz.</a> Қызылорда облысының әкімі Гүлшара Әбдіқалықова қызылордалықтарды Алғыс айту күнімен құттықтады.
Сіздерді Алғыс айту күнімен құттықтаймын! 
Ел Президентінің 2016 жылғы 15 қаңтардағы Жарлығымен 
1 наурыз – Алғыс айту күні болып жарияланғанына биыл 5 жыл болды.
Елбасы 2015 жылы сәуір айында өткен ҚХА-ның XXII сессиясында: «Қазақстан халқы ассамблеясы құрылған күн – 1 наурызды жыл сайын барлық этностардың бір-біріне және мейірбандық танытып, ол адамдарды өз туғанындай қабылдаған қазақтарға алғыс айту күні ретінде атап өту әділетті болар еді. Ол күн бізді бұрынғыдан да гөрі жақындастыра түспек. Бұл күн мейірімділіктің, бүкіл қазақстандықтардың бір-біріне деген достығы мен махаббатының жарқын мерекесі бола алар еді» деген еді.
Расында, халқымыздың мейірім, шапағатына, даладай дархан пейіліне бөленбеген этнос аз емес. Алты алашқа ана болған Сыр елі де тағдыр тәлкегіне түскен талай ұлттың баласына пана бола білді. Қайырымдылық қазақтың қанына біткен қасиет секілді көрінеді. 
Биыл Тәуелсіздіктің 30 жылдығы аясында Алғыс айту күнінде «Қайырымды істер марафоны» жалпыұлттық жобасының облыстық деңгейі басталады. Мемлекет басшысы айтқандай, бұл мерейлі белес жылында той тойлап, жетістіктерімізге тоқмейілсіп отыруға болмайды, сондықтан, халықтың әл-ауқатын нығайтатын келелі істерді жүзеге асырамыз.
Былтыр әлемді жайлаған коронавирус індеті өмірімізге айтарлықтай өзгерістер енгізгені белгілі. Адамзат тағдыры кәсіби білікті мамандар мен іскер қоғам мүшелеріне, жомарт жүрек азаматтарға қарады. Мемлекеттік органдармен бірге, қайырымды жандар, волонтерлар жұмылдырылды. Ел болашағына бей-жай қарамайтын сырбойылық көптеген азамат аталған осы саптан табылды.
Халқымыздың «Алтын алма, алғыс ал», «Алғыспен ер көгерер» деген тәрбиелік мәні бар мәтелдері осындай азаматтарға арналса керек. 
Бүгінгі мереке күні қиындыққа мойымай, күрделі кезеңді еңсеруге атсалысқан ақ халатты абзал жандарға, құқық қорғау органдары мен әскери сала қызметкерлеріне, журналистерге, меценат кәсіпкерлерге, қайырымды жандар мен волонтерлерге және барша Сыр жұртшылығына шынайы алғысымды білдіремін!
Баршаңызды жалпыұлттық жобаның Сыр елінде жүзеге асуына қолдау білдіріп, ел игілігін бірге арттыруға шақырамын!
Халқымыз аман, Тәуелсіздігіміз тұғырлы, еліміздің болашағы баянды болсын!

Гүлшара Әбдіқалықова  Алғыс айту күнімен құттықтады

<a href="https://kyzylorda-news.kz/">Kyzylorda-news.kz.</a>&nbsp;&nbsp;&nbsp;Қазақстанда өткен тәулікте ПТР арқылы 622 адамның коронавируспен ауырғаны белгілі болды, деп хабарлайды <a href="https://www.coronavirus2020.kz/kz/kazakstandagy-koronavirus-boyynsha-28-akpan-23-59-dagy-epidemiologiyalyk-zhagday_a3758773">coronavirus2020.kz</a>.
Өңірлер бойынша:
Нұр-Сұлтан қаласы – 42,
Алматы қаласы – 96,
Шымкент қаласы – 7,
Ақмола облысы – 75,
Ақтөбе облысы – 6,
Алматы облысы – 70,
Атырау облысы – 14,
Шығыс Қазақстан облысы – 41,
Жамбыл облысы – 9,
Батыс Қазақстан облысы – 35,
Қарағанды облысы – 32,
Қостанай облысы – 62,
Қызылорда облысы – 8,
Маңғыстау облысы – 4,
Павлодар облысы – 82,
Солтүстік Қазақстан облысы – 38,
Түркістан облысы – 1.
Жалпы ел бойынша ауырғандар саны 213431.

Қызылордада 8 адамнан коронавирус анықталды

<a href="https://kyzylorda-news.kz/">Kyzylorda-news.kz.</a>&nbsp; Мемлекет басшысы Қасым-Жомарт Тоқаев қазақстандықтарды Алғыс айту күнімен құттықтады.
«Құрметті отандастар!
Сіздерді Алғыс айту күнімен шын жүректен құттықтаймын!
Елбасы 2015 жылы Қазақстан халқы Ассамблеясының сессиясында жариялаған осы айтулы мерекенің мәні терең, маңызы ерекше.
Бұл күні халқымыздың бір-біріне өзара қамқорлығы, мызғымас береке-бірлігі мен ынтымағы кеңінен дәріптеледі.
Біз осы құндылықтардың арқасында мемлекеттігімізді жаңғыртып, түрлі сын-қатерден сүрінбей өттік. Қазір Тәуелсіздігіміздің 30 жылдық белесін әлеуметтік-экономикалық саладағы және халықаралық деңгейдегі толағай табыстармен қарсы алғалы отырмыз.
Бүгінде азаматтарымыз егемен елімізді дамытуға, қастерлі қазақ жеріндегі бейбітшілікті, татулық пен келісімді нығайтуға өлшеусіз үлес қосуда.
Мен баршаңызға Отанымыздың өркендеуі жолында сіңірген жасампаз еңбектеріңіз үшін алғыс айтамын.
Біз біртұтас және еңбекқор ұлт болсақ, көздеген мақсаттарымызға жетеміз. Бәріміз бірге әділетті қоғам құрып, мемлекеттілігімізді орнықтыра түсеміз деп сенемін.
Баршаңызға зор денсаулық, бақ-береке және мол игілік тілеймін!»,-делінген Мемлекет басшысының құттықтауында.

Қасым-Жомарт Тоқаев қазақстандықтарды Алғыс айту күнімен құттықтады

<a href="https://kyzylorda-news.kz/">Kyzylorda-news.kz.</a>&nbsp; Бұл мереке ҚР Президентінің Жарлығымен бекітілді. 1995 жылдың 1 наурызында елімізде Қазақстан халқы Ассамблеясы құрылды және 2015 жылы Ассамблеяның жиырма жылдығын мерекелеу аясында Елбасы Н.Назарбаев бұл күнді халықтардың бір-біріне және қазақтарға көптеген халықтар елге күштеп қоныстандырылған кезде төзімділік пен қонақжайлылық танытқаны үшін Алғыс білдіре алатын күн деп жариялауды ұсынды.
<blockquote>
 «Қазақстан халқы ассамблеясы құрылған күн &nbsp;1 наурызды жыл сайын барлық этностардың бір-біріне және мейірбандық танытып, ол адамдарды өз туғанындай қабылдаған қазақтарға алғыс айту күні ретінде атап өту әділетті болар еді. Бұл күн бізді бұрынғыдан да&nbsp;гөрі жақындастыра түспек. Бұл күн мейірімділіктің, бүкіл қазақстандықтардың бір-біріне деген достығы мен махаббатының жарқын мерекесі бола алар еді»,&nbsp;— деген болатын Елбасы Алғыс айту күні туралы Ассамблея сессиясында.
</blockquote>
Бүгін тағдыр тоғыстырған Қазақстанның көпэтносты халқының ортақ тарихын құрметтеу күні. Алғыс айту күні &nbsp;қайырымдылық дәстүрлерін, әлеуметтік ынтымақты және өзара көмек көрсетуді қолдау күні. Бұл қуғын-сүргін мен жер аудару жылдарында біздің халық көрсеткен мейрімділік пен кеңпейілділік, қолда бармен бөлісу, көмек көрсету сынды рухани дәстүрлер күні.

Бүгін &#8211; Қазақстанда Алғыс айту күні

<a href="https://kyzylorda-news.kz/">Kyzylorda-news.kz.</a> Қазгидромет 1 наурызға арналған ауа райы болжамын жариялады.
Солтүстік-Батыс циклонының өтуімен республиканың басым бөлігінде құбылмалы ауа райы болып, елдің шығысында – қатты жауын-шашын (жаңбыр, қар) жауады. Тек еліміздің оңтүстік-шығысында және батысында жауын-шашынсыз ауа райы болжанады. Республиканың кей жерлерінде тұман, көктайғақ, бұрқасын, желдің күшейюі күтіледі.

1 наурызға арналған ауа райы болжамы

Kyzylorda-news.kz. 28 ақпан күні Нұр-Сұлтан уақытымен сағат 12:55-те Байқоңыр ғарыш айлағының №31 алаңынан «Фрегат» үдемелі блогы бар Союз-2. 1б» зымыран-тасығышы ұшырылды. Бұл аппараттар ресейлік «Артктика-М» гидрометеорологиялық спутнигін орбитаға шығарады, деп хабарлайды <a href="https://www.inform.kz/kz/baykonyr-garysh-aylagynan-reseylik-arktika-m-sputnigi-ushyryldy_a3758686">ҚазАқпарат</a>.
Бұған дейін хабарланғандай, Байқоңыр ғарыш айлағынан тікелей көрсетілімді ведомствоның сайты мен әлеуметтік желілерде Роскосмос телестудиясы жүргізді.
Ұшыру штаттық режимде өтті. Тікелей репортаж жүргізушілерінің мәліметінше, «Союз 2.1б» зымыран-тасығышының барлық үш сатынысың жоспарлы түрде бөлінуі жүргізілді. Старттың 10-ыншы минутында «Фрегат» үдемелі блогы бар «Арктика-М» ғарыш аппараты тірек орбитаға шығарылды. Берілген орбитаға одан әрі шығару үдемелі блоктың қосылуы есебінен жүргізіледі. Бұл ұшырудан кейін шамамен 3,5 сағат өткен соң болады.
Тікелей эфир қатысушылары – өндіруші өкілдері – Лавочкин атындағы ғылыми-өндірістік бірлестігінің өкілдері, Роскосмостың басқа мамандары ғарыш аппаратының ерекшеліктері туралы баяндап берді.
Жаңа метеорологиялық ғарыш аппаратының ерекшелігі оның жоғары эллептикалық орбитада жұмыс істеуі арқылы геостационарлық спутниктермен салыстырғанда ұшу динамикасын, қозғалыс жылдамдығын қамтамасыз етуінде. «Арктика-М» Ресей еліндегі 3,5 мың метеостанса және жетуге жолы қиын аудандарда орналасқан тура сондай гидропостты жедел, ауа райын талғамайтын ақпаратмен қамтамасыз етеді.
<blockquote>
 «Бұл шетелдік метеорологиялық дереккөздерге тәуелді болмауға мүмкіндік береді», – деп атап өтті ресейлік мамандар.
</blockquote>

Байқоңыр ғарыш айлағынан ресейлік «Арктика М» спутнигі ұшырылды

<a href="https://kyzylorda-news.kz/">Kyzylorda-news.kz.</a> Ағзаға пайдалы, ең қажет өнім мен азықтың өзі адамға зиянын тигізуі мүмкін. Ал дәруменнен адам зиян шегуі мүмкін бе?
Иә, мүмкін. Ғылыми тұрғыдан дәрумен дегеніміз – ағзаның өсуі мен денсаулықты қалыпты жағдайда ұстап тұруға көмектесетін түрлі органикалық заттар.&nbsp; Дәрумен, аты айтып тұрғандай, адамға өте қажет. Жетіспесе, денсаулық кемшін болады. Ал артып кетсе ше? Онда адам улануы мүмкін. Мұны гипервитаминоз дейді.&nbsp;
Витамин қажет екен деп үнемі жей беруге болмайды. Өйткені адам дәруменді тағамнан алады. Жеткілікті ала ма әлде аз ба – бәрібір. Белгілі бір мөлшерде алатыны хақ. Сондықтан диетаны ұқыпты ұстап, қажет тағамды орнымен жеп жүру қажет.
Ағзаға дәруменнің көлемі белгілі бір мөлшерде ғана қажет. Одан асып кетсе, онда түрлі ауруларға шалдықтыруы мүмкін. Мәселен, D дәрумені ағзада көбейіп кетсе, сүйектегі кальцийді шайып кетуі ықтимал. Содан сүйек сынғыш, шытынағыш келеді.
Ал А витамині көбейіп кетсе, шаштың түсуіне, бауырдың қабынуына, бас ауруына шалдығады. С дәруменін көп ішіп қойған адамның жүрегі айнып, диареясы қозуы, асқазан құрысуы мүмкін. D витамині көбейіп кетсе де, адамның іші жиі өтіп, бұлшықеттері ауруы мүмкін.
Адам витаминді одан да көп жеп қойса, онда уланады. Бұл сирек болатын құбылыс. Бірақ болады. Мәселен пандемия кезінде коронавирусты тоқтатуға D дәрумені көмектеседі екен деген ақпарат кең тарап, одан улану, ауруханаға түсу жағдайы жиіледі.
Сондықтан дәрумен ішкіңіз келсе, онда күнделікті норманы ұстану қажет. Оны дәрігер мен диетологтан сұрауға болады.
<a href="https://massaget.kz/arnayyi_jobalar/zdorove/64581/?fbclid=IwAR27F-75cRToRje5O6BNGp0q4Q-c5HhRRkBLU_AhCWlpwmRFrvjv-KBbiOE">Massaget</a>

Дәруменнен адам зиян шегуі мүмкін бе?

<a href="https://kyzylorda-news.kz/">Kyzylorda-news.kz.</a> Біреу жағадан алып ұрысса, әркім әртүрлі қабылдайды. Кей қыздар өз жауабы дұрыс болсын-болмасын, өзін ақтайды. Ал кейбірінің көз жасы әзір тұрады. Ал кейбірі тіпті үнсіз қалады.&nbsp;Соңғы топқа жататын қыздар не үшін үнсіз қалады?
Бірінші себеп. Ол қателік жібермегенін біле тұра, ұрыстың астында қалып, одан шығуды қиынсынады. Үстіне төніп келе жатқан қаһардан қорқады. Мұның арты не болар екен деп ойлайды. Ішкі күйзеліске түсіп кетеді, бірақ кейін біразға дейін үнсіз жүреді.
Кеңес. Өзіңіз бұл қасиетіңізді мінезге тән функция деп ойлайтын боларсыз. Бірақ, мұны алдыңызда тұрған адам сіз секілді ойламауы мүмкін. Ойласа, білсе, ұрыспай айтатын да еді. Сіз оның алдында қырсық болып көрінуіңіз әбден мүмкін. «Жауап берсеңші» дегенде үн қатпай, көзді жерге қадап тұрсаңыз, оның ызасы қайрала түсері анық. Сол себепті, барынша ашық болуға тырысыңыз. Сізге мұның қиын болып көрінері де сөзсіз. Ойыңызды жүйелеңіз. Асықпаңыз. Оқиғаның қалай болғанын және себебін түсіндіріңіз. Ол қойған сұрақтарға асықпай жауап беріңіз.
Екінші себеп. Қателік жібергенін біліп тұрса, өз кінәсін мойындап үндеместікке салынады. Басын төмен салып, «бұлай болмағанда ше?» деп өзге нұсқаларды ойлап, барлық жағдайға өзін кінәлі санайды.
Кеңес. Қапа болмаңыз! «Өмірде қате қадам жасау барлық адамға тән: қателігін түзеп, орнын жапқан адам – ақылды болмақ, ал қырсыққаны – ақымақ» деп римдік шешен Цицерон айтқан екен. Қатеңіздің орнын жауып, жақсылыққа жорыңыз.
Адам өзге тіршілік иелерінен сөйлей алатын қабілетімен ерекшеленеді. Сол себепті қандай жағдай болмасын адам өз ойын ашық айтуы тиіс. Өз қателігін мойындау да – өнер. Алдыңызда тұрған адам «Неге жауап қатпайсың?» десе қандай жауап айтасыз? Ашуын басқан соң, жаймен айтып көріңіз. Ол да сіздің психологияңыздан хабардар болуы керек. «Ұрысқанда қорқып қаламын», «үнім шықпай қалады», «ойым сан-саққа кетеді» деп анығын ашып айтыңыз. Бірақ «мен сондай екенмін» деп жабық күйде қалуға да болмайды. Бұл қасиетпен күресіп үйреніңіз. Жай әңгіме айтып отырмын деп салқынқандылықпен қабылдаңыз. Бұл адам да ет пен теріден, сүйектен жаралған. Бәрі жақсы болады.

Қыздар ұрысқанда не үшін үнсіз қалады?

Kyzylorda-news.kz. Қазақстанда өткен тәулікте 590 адам коронавирус індетінен емделіп шықты.
Өңірлер бойынша:
Нұр-Сұлтан қаласы – 98,
Алматы қаласы – 195,
Шымкент қаласы – 5,
Ақмола облысы – 60,
Атырау облысы – 21,
Шығыс Қазақстан облысы – 28,
Батыс Қазақстан облысы – 48,
Қарағанды облысы – 34,
Қостанай облысы – 40,
Қызылорда облысы – 14,
Маңғыстау облысы – 8,
Павлодар облысы – 39.
Пандемия басталғалы Қазақстанда ауырғандардың жалпы саны 212 809 адам болса, соның 196 342-сі жазылып шытқы.

Коронавирус: 14  қызылордалық ауруынан айықты

Kyzylorda-news.kz. Бокстан Қазақстан ұлттық құрамасының капитаны Қамшыбек Қоңқабаев кәсіби рингтегі үшінші жекпе-жегінде де жеңіске жетті, деп хабарлайды ҚазАқпарат.
Бүгін ол Алматы қаласында өткен WBO Asia Pacific бос титулы бойынша ресейлік Сервер Эмурлаевпен (23-1, 9 КО)&nbsp;<a href="https://www.inform.kz/kz/kamshybek-konkabaev-wbo-tituly-ushin-aykas-aldynda-salmak-olshedi_a3758083">қолғап түйістірді</a>. Жекпе-жек он раундқа жоспарланған болатын. Дегенмен алтыншы раундтан кейін ресейлік боксшы сайысты жалғастырудан бас тартты.
Айта кетейік, бұған дейін кәсіпқой бокста Қамшыбек Қоңқабаев екі мәрте шаршы алаңға шығып, екеуінде жеңіске жетті. Дегенмен бүгін алғаш рет титулдық жекпе-жек өткізді.
Алғаш ресейлік Иса Акбербаевтан&nbsp;айласын асырса, одан кейін украиналық Сергей Радченконы&nbsp;тізе бүктірді.

Қамшыбек Қоңқабаев кәсіпқой бокста үшінші мәрте жеңіске жетті

Kyzylorda-news. Қазақстанда өткен бір тәулікте 791 адамда коронавирус індеті ПТР-талдау арқылы расталды.
Нұр-Сұлтан қаласында -25053(+92),
Алматы қаласында – 24977(+99),
Шығыс Қазақстан облысында – 21998(+53),
Атырау облысында – 17167(+46),
Павлодар облысында – 17535(+80),
Қарағанды облысында – 15401(+53),
Ақмола облысында – 13580(+70),
Батыс Қазақстан облысында – 12973(+63),
Солтүстік Қазақстан облысында – 12310(+35),
Қостанай облысында – 12312(+63),
Алматы облысында – 10796(+69),
Шымкент қаласында -6147(+24),
Жамбыл облысында – 5947(+12),
Түркістан облысында – 4284(+8),
Маңғыстау облысында – 4226(+7),
Ақтөбе облысында -4262(+11),
Қызылорда облысында -3841(+6).
Пандемия басталғалы елімізде ауырғандардың жалпы саны – 212 809.

Өткен тәулікте Қызылордада 6 адамнан коронавирус анықталды

<a href="https://kyzylorda-news.kz/">Kyzylorda-news.kz.</a>&nbsp; Көктем келсе табиғат жанданып, қалың қыстан кейін қайта оянады. Адамдар да табиғатпен үйлесімділікте көктеммен бірге құлпыра түседі. Әуелден-ақ “адам көркі – шүберек” екені баршаға мәлім. Соған байланысты сән әлемінің мамандары жыл сайын трендте болатын “жыл түсі” мен “жыл стилін” таңдап, қандай түстерді үйлестіруге болатынын айтады, деп жазды&nbsp;<a href="https://sputnik.kz/">Sputnik Қазақстан</a>.
21 жылдан бері сән әлеміндегі негізгі түстерге сараптама жасайтын америкалық Pantone зерттеу орталығы (Pantone Color Institute) 2021 жылдың екі негізгі түсті атаған еді. Олар: сұр және ашық сары. Шетелдік мамандардың пікірінше, тас секілді берік сұр түс пен ашық сары түстің үйлесімі күш пен позитивті білдіреді.&nbsp;
Қазақстандық мамандардың да пікірі осыған ұқсас.
<blockquote>
 “Донателло Версачидің “Мұхит” тақырыбындағы көрсетілімінен кейін дизайнерлер ашық көк түске басымдық бере бастады. Демек, көктем мен жаздың тренді ашық көк түс болады. Бұл түстің сары, қызғылт сары, қоңыр түспен үйлесуі – ең басты трендтің бірі”, – дейді стилист-сарапшы Әсел Елшібаева.&nbsp;
</blockquote>
Ал қазақстандық дизайнер Бақыт Нұратдинова жалпы төрт мезгіл бойы сарғыш, кірпіш түсті реңктер мен күлгін сәнде болатынын айтты.
<blockquote>
 “Киімнің түсі мезгілдерге емес жалпы бір жылға арнап бекітіледі. Биыл сарғыш, терракота, күлгін реңктер сәнде болады. Бұл бір қарағанда үш түс болғанымен, әрқайсының бірнеше реңкі бар”, – дейді дизайнер.
</blockquote>
<h3 id="">Коронавирус салған “өрнектер”</h3>
Дизайнер Бақыт Нұратдинованың айтуынша, коронавирус пандемиясы да сән әлеміне өзгеріс әкелді. Пандемия кезінде спорттық үлгідегі киімдерге сұраныс артқан.
<blockquote>
 “Былтырдан бері спорттық үлгідегі киімдерге сұраныс артты. Классикалық үлгі бойынша жұмыс істейтін дизайнерлер спорт стиліне ауа бастады. Себебі пандемия кезінде той-мереке тоқтады, адамдар тауға, табиғатқа шығатын болды”, – дейді Нұратдинова.
</blockquote>
Коронавирус инфекциясын жұқтырып алмау үшін адамдар медициналық бетперде тағып жүр. Әр істі сән әлемімен байланыстырғысы келетіндер көйлегінің түсіне сай бетперде тағып шыққан еді. Маманның айтуынша, бұл тренд биыл да жалғасады. Себебі қай уақытқа дейін бетперде тағып жүру қажет болатыны әлі белгісіз.
<blockquote>
 “Коронавирус пандемиясының басталғанына да бір жыл болады. Вирусты бактерия түрінде қызыл түспен бейнелеп жүрміз. Алайда ол киім өрнегі ретінде пайдаланылмайды. Адам киімі арқылы жақсылық шақырғысы келеді. Еуропаны білмеймін, бірақ қазақстандық дизайнерлер ауруды әрлеп, көрсетпейді деп санаймын”, – дейді 20 жылдан бері сән әлемінде жүрген дизайнер.
</blockquote>
Стилист-сарапшы Әсел Елшібаева пандемия кезінде белгілі дизайнерлер ақ түсті жейде-көйлек, шалбарлы костюдерді көрсетілімге шығарғанын айтады.
<blockquote>
 “Дәрігерлерге құрмет көрсеткен дизайнерлер сән әлеміне осы ақ түстес жейде-көйлектер мен ақ костюмдерді қайта алып келді”, – дейді стилист.&nbsp;
</blockquote>
<h3 id="2021">2021 жылдың тренді: кең шалбар мен спорт-шик стилі</h3>
<blockquote>
 “Кең шалбар – 2021 жылдың тренді. Белден бастап еденге дейін төгіліп тұратын шалбарды таңдаған кезде белді айшықтауды ұмытпау қажет. Яғни, белдік немесе қарама-қайшы түстерді үйлестіріп, белдің қай жерде екенін көрсеткен жөн. Егер жейде ақ, шалбар қара түсті болса, бел көрініп тұрады. Ал кең киімдерді киген кезде дене мүсініңіз көрінбей қалуы мүмкін”, – дейді Әсел.
</blockquote>
Стилистің сөзінше, кең жағалы жейделер әлі де сәнде болады. Алайда мұндай жағдайда образды джинсы шалбармен толықтыру қажет. Сонда стиль үйлесе түседі.
<blockquote>
 “Кейінгі жылдары 1990 жылдардағы стиль қайта еніп жатыр. Бұл – қысқа белдемше, кроп-топ, спорт-шик стилі, ұзын пальто мен кең шалбар. Тай-дай стиліндегі өрнектер әлі де сәннен кетпейді. Мұндай жағдайда белдемше қысқа болса, үстіне қалың жемпір, oversize костюм кию қажет. Яғни, төмен жақ ашық болса, үстіңіз жабық болғаны жөн”, – дейді маман.
</blockquote>
Спорт-шик стилі – спорттық үлгідегі киімді пиджак немесе ұшы үшкір туфлимен үйлестіру, деп толықтырды ол.
Ал дизайнер 2021 жылы да өрнек салынған шапан мен көйлектер, яғни этникалық мотивтер сәнде болатынын айтты.
<blockquote>
 “Oversize киімдер әлі де сәннен қалмай келеді. Себебі жайлы киімді ұнататындар көп. Алайда бұл стильді таңдайтындар қатары салыстырмалы түрде сиреген. Сондай-ақ, биыл үлкен ақ жағалы киімдер кең қолданысқа ие болуда. Көктем мен жазда оған сұраныс артуы мүмкін”, – деді Бақыт Нұратдинова.&nbsp;
</blockquote>
<h3 id="-1">Бүрмелі көлектер қайта оралды</h3>
Өткен жылы жазда иығы, арты ашық көйлектер сәнде болды. Нұратдинованың айтуынша, 2021 жылы барынша жабық киімдерге басымдық берілген.
<blockquote>
 “Көзге бірден көрінетін түстер биыл трендте емес. Сарының да қатты қанық емес түстерін таңдау керек. Киімнің де барынша жабық болғаны жақсы. Ал көйлектердегі өрнекке келер болсақ, бұған дейін гүлдің суреті жиі қолданылатын. Ал биыл жұмбақ, түсініксіз геометриялық өрнектер көп қолданылып жатыр”, – дейді ол.
</blockquote>
Ал стилист-сарапшы Әсел Елшібаева көктемде трикотаж көйлектердің қайтадан сәнде болатынын алғап тартты.
<blockquote>
 “Трикотаж көйлектер 4-5 жылдан бері трендтен түспей келе жатыр. Сондай-ақ, бүрмелі көйлектер, бір қырында немесе кеуде тұсында бүрмесі бар көйлек таңдаған дұрыс. Матасына қарай осы стильдегі көйлектерді көктем мен жазда да киюге болады. Версачидің “Мұхит” тақырыбындағы көрсетілімінен кейін тор көйлектер де қайтадан сәнге айналуда. Оны демалыс кезінде суға түсуге арналған киімнің сыртынан киюге болады”, – дейді ол.
</blockquote>
<h3 id="-2">Үлкен сырға сәнде болады</h3>
Мамандардың айтуынша, өткен жылы ірі алқалар сәнде болса, биыл үлкен сырғаларға сұраныс артады. Сондай-ақ, көйлектің не водолазканың үстінен тағуға арналған арнайы жағаларды жыл ерекшелігі деп атауға болады.
Мұндай жағаны таққан кезде классикалық шалбар емес, джинсы шалбар кию қажет. Жағасы үлкен жейде мен классика үлгісіндегі шалбар адамды 4-5 жасқа есейтіп көрсетеді.
Сондай-ақ, көктем мен жазда дөрекі көрінетін аяқ киімдер сәнде болады.
<h3 id="-3">Киімді қалай таңдау қажет?</h3>
Стилист киім таңдаған кезде трендтің соңына түсіп кетпеуге кеңес берді.
<blockquote>
 “Гардеробтың 5%-і, көп болса 10-15%-і трендтегі киімдер болу қажет. Себебі тренд өзгеріп тұрады. Соны ұмытпау керек. Ал қалғаны басқа киімдермен үйлестіріп киетін базалық киім болғаны жөн”, – дейді Елшібаева.
</blockquote>
Сондай-ақ, маман киім таңдаған кезде дене бітімі мен қай жерде жұмыс істейтініне де назар аударуды ұсынды.
“Киімнің түсіне, оның адамға жарасатынына көңіл аударған жөн. Ал түс таңдар кезде киімді кеуде тұсына алып келгенде үйлесіп тұруы қажет. Ал төмен жаққа кез келген түсті киім таңдауға болады. Трендпен қатар киімнің үйлесімі, баратын жерге сай болуы да маңызды”, – деп түйіндеді Әсел.
<h3 id="vogue">Vogue талдауы</h3>
<a href="https://www.vogue.co.uk/fashion/gallery/spring-summer-2021-fashion-trends">Vogue</a>&nbsp;басылмының ақпаратына сәйкес, 2021 жылы көктем-жаз мезгілінде кең етекті көйлектер әлі де актуалды болады. Мұндай жағдайда көйлектің кеуде тұсы әртүрлі болуы мүмкін. Әркім талғамына қарай иығы ашық, кеуде тұсы кең ойылған түрін таңдайды.
Трендте келе жатқан киімнің бірі – кең балақ шалбарлар. Сәнгерлер мұндай шалбарды көктемнің нағыз тренді деп атады. Адамның дене бітімін анық көрсетпесе де, мұндай шалбарды күнделікті жұмысқа, демалыс орындарына киюге болады. Балағы кең шалбар костюммен де, түрлі жейдемен де үйлеседі.
Сондай-ақ, киімнің белгілі бір жері ойылған (мақсатты түрде жыртылған) киімдер сәнде болады. Жейденің білек тұсы немесе кеудеден белге дейінгі жері жыртық не жамалған болуы мүмкін. Арасында көйлектің арқа тұсы түгел ашық болатын киімдер де кездеседі. Биыл дәл осылай киінген әйелдерді көргенде таңғалмаған жөн.
Басылымның хабарлауынша, жолақ сызығы бар киімдер де қайта трендте болады. Сондықтан бұл көктем көптен бері киілмей тұрған жолақ маталы көйлекке тағы бір мүмкіндік сыйлауға таптырмас кезең.

Қазақстан және Қызылорда облысының жаңалықтары

Гүлшара Әбдіқалықова Алғыс айту күнімен құттықтады

Қызылордада 8 адамнан коронавирус анықталды

Қасым-Жомарт Тоқаев қазақстандықтарды Алғыс айту күнімен құттықтады

Бүгін – Қазақстанда Алғыс айту күні

1 наурызға арналған ауа райы болжамы

Байқоңыр ғарыш айлағынан ресейлік «Арктика М» спутнигі ұшырылды

Дәруменнен адам зиян шегуі мүмкін бе?

Қыздар ұрысқанда не үшін үнсіз қалады?

Коронавирус: 14 қызылордалық ауруынан айықты

Қамшыбек Қоңқабаев кәсіпқой бокста үшінші мәрте жеңіске жетті

Өткен тәулікте Қызылордада 6 адамнан коронавирус анықталды

Көктем мен жазда қандай киімдер сәнге айналады – мамандар кеңесі

Қазақстан және Қызылорда облысының жаңалықтары

Гүлшара Әбдіқалықова Алғыс айту күнімен құттықтады

Қызылордада 8 адамнан коронавирус анықталды

Қасым-Жомарт Тоқаев қазақстандықтарды Алғыс айту күнімен құттықтады

Бүгін &#8211; Қазақстанда Алғыс айту күні

1 наурызға арналған ауа райы болжамы

Байқоңыр ғарыш айлағынан ресейлік «Арктика М» спутнигі ұшырылды

Дәруменнен адам зиян шегуі мүмкін бе?

Қыздар ұрысқанда не үшін үнсіз қалады?

Коронавирус: 14 қызылордалық ауруынан айықты

Қамшыбек Қоңқабаев кәсіпқой бокста үшінші мәрте жеңіске жетті

Өткен тәулікте Қызылордада 6 адамнан коронавирус анықталды

Көктем мен жазда қандай киімдер сәнге айналады – мамандар кеңесі

Бүгін – Қазақстанда Алғыс айту күні