<h3 id="kyzylordanewskzhttpskyzylordanewskz10nbsp"><a href="https://kyzylorda-news.kz/">Kyzylorda-news.kz.</a> Бүгінгі бейбіт заманда еліміздің Қарулы Күштеріндегі әскерилердің 10 пайыздан астамы қыз-келіншектер. Қазіргі таңда сол арулардың қырыққа жуығы Қызылорда гарнизонында Отан алдындағы әскери қызметтерін жалғастыруда.&nbsp;</h3>
Нардың жүгін арқалап, ерлермен қатар ел тыныштығын күзеткен нәзікжандардың ісіне де, киген киіміне де сүйсіне қарайтынымыз бар. Олар жұмыста – жауынгер, үйде – отбасының ұйытқысы, аяулы жар, мейірімді ана, ибалы келін. Бүгінгі біздің кейіпкерлеріміз Қазақстан әскері қатарында еңбек етіп келе жатқан аяулы жандар – аға сержант Индира Алмұратова мен ефрейтор Назерке Қыстаубаева.&nbsp;
Медбике мамандығын алған Индира Алмұратова әскери салада 10 жылдан бері қызмет атқарып келеді. Алғашында Жамбыл облысы Луговой гарнизоны әскери бөлімінде санитарлық нұсқаушы болып қызмет атқарған. Одан кейін Шымкент гарнизоны әскери бөлімінде жұмыс істеген. 2015 жылы Қызылорда гарнизонында әскери бөлімі ашылған уақытта жасақтау бөліміне жұмысқа қабылданып, сол жылдың желтоқсан айында Қарулы күштер қатарына қосылған. Қазіргі таңда ол Қызылорда облысы Қорғаныс істер жөніндегі департаментінің жасақтау басқармасының технигі қызметін атқарады.&nbsp;
Индира Алмұратова осы сәтке дейін бірнеше қызметтік сатыдан өтіп, бүгінде өз ісінің білгір маманы атанған. Сонымен қатар республикалық деңгейдегі бірнеше шараға қатысып, тәжірибе жинақтаған.&nbsp;
<img src="https://baq.kz/upload/medialibrary/9b2/9b214e5928d4f6cfc4135d13567b7c19.JPG" alt="" />
<blockquote>
 «2017 жылы ҚР Қарулы Күштерінің 25 жылдығына және Ұлы Жеңіс күніне арналған әскери парадқа қатыстым. Сонымен қатар 2016 жылы «KADEX-2016» қару-жарақ және әскери-техникалық мүліктер көрмесіне, сондай-ақ «АрХО-2016» халықаралық форумына қатысып, жауынгерліктің қыр-сырын меңгердім. Бұл іс-шаралардан түйгенім көп», – дейді Индира Алмұратова.&nbsp;
</blockquote>
Жұмыспен қатар үй шаруасына үлгеріп жүрген формадағы ару қазіргі таңда бір ұл, бір қыз тәрбиелеп отыр. Халыққа қызмет етуді парызым деп білетін Индира Алмұратова пандемия кезінде медбикелік ісін де қатар алып жүріп, көмек сұрағандарға қол ұшын созған.&nbsp;
<blockquote>
 «Пандемия кезінде халыққа медицина қызметтері ауадай қажет болды. Осы кезде медбикелер тапшылығы сезіліп жатты. Көмек сұрағандар көп болды. Қолдан келген іс болғандықтан, көмек көрсетуге әзір тұрдым», – дейді ол.&nbsp;
</blockquote>
Бүгінде Индира Алмұратова әскерге баратын азаматтармен жан-жақты дайындық жұмысын жүргізеді. Оның айтуынша, кейде қазақ жігіттерін рухтандырып, олардың Отан алдындағы борышын өтеуі міндетті екенін де еске салады.&nbsp;
Ал Қызылорда гарнизоны әскери бөлімінің байланысшылар взводының аға маманы, аға телефонисі Назерке Қыстаубаева әскери өмірге осыдан 6 жыл бұрын аяқ басқан. Оның бұл саланы таңдауына әкесі мен ағасы себепші болған. Олардың күнделікті тәртібі мен киген киіміне қызыққан ару алғашында полиция қызметкері болуды мақсат еткен. Алайда өмірдің ағымымен әскери қызметкер атанып, қазіргі таңда ерлермен бірге нардың жүгін арқалауда.&nbsp;
<img src="https://baq.kz/upload/medialibrary/89b/89b222386ff6bd2996de9c4370738bd8.JPG" alt="" />
<blockquote>
 «Әскери қызметкер болғаныма қуанамын. Мен өзімді басқа салада жұмыс істегенімді елестете алмаймын. Әскери қызметкер болу – қызығы мен шыжығы қатар жүретін мамандық. Жалпы айтқанда, өзге салалармен салыстыруға келмейтіні белгілі. Бастапқы кезде менің де қиындықты бастан өткізген кездерім болды. Алғашында жолдасым менің мамандығыма түсіністік таныта алмады. Жұмысқа ерте кетіп, кеш оралатын сәттер аз болмады. Жаттығу, дайындық жұмыстары кезінде түн ауа ораламыз. Алайда уақыт өте келе барлығы бір қалыпқа түсті», – дейді Назерке Қыстаубаева.&nbsp;
</blockquote>
Сонымен қатар&nbsp;жауынгер ару күні бойы керзі етікпен жүріп, оқу-жаттығу дабылы кезінде бронежилет киіп, автомат асынып, ауыр радиостанция мен әскери қызметкердің жеке заттарына арналған дорбаны қоса арқалап жүретін кездер болатынын айтты. Бұл күндері таңнан кешке дейін салмағы 25-30 келілік әскери қару-құралдарды асынып жүретінін де жеткізді.&nbsp;
Назерке Қыстаубаеваның айтуынша, дабыл қағылған сәтте белгіленген жерге жеткеннен кейін әркім өзіне тапсырылған заттарға ие болып, ісіне кіріседі.&nbsp;
<blockquote>
 «Көп қиындық артта қалды. Қазіргі таңда ерлермен қатар иық тіресе жұмыс істеп жүргенімді мақтан тұтамын. Әр істің өз қиындығы бар. Біздің саладағы қиындыққа қарамай, жұмыстан бас тартпай, намысқа тырысып, өз-өзіңді қамшылап алу қажет деп ойлаймын», – дейді Назерке Қыстаубаева.&nbsp;
</blockquote>
Жауынгер арулар жаны нәзік болғанымен, елдің қауіпсіздігін қамтамасыз ету жолында ер-азаматтармен бірдей еңбек етіп жүргені – өздерінен кейінгі іні-сіңлілеріне үлгі-өнеге.
<a href="https://baq.kz/news/othernews/el-tynyshtygyn-kuzetken-zhauynger-arular/">Baq.kz</a>

Жұмыста &#8211; жауынгер, үйде &#8211; отбасы ұйытқысы

<h5 id="kyzylordanewskzhttpskyzylordanewskz68"><a href="https://kyzylorda-news.kz/">Kyzylorda-news.kz.</a> Синоптиктер 6-8 наурызға арналған ауа райы болжамын ұсынады, деп хабарлайды Қазгидромет.</h5>
<blockquote>
 «Қазақстан аумағында Солтүстік Атлантика циклондарының келуіне байланысты жақын күндері жылы және суық ауа температурасы ауысып отыруы мүмкін. Салдарынан ауа температурасы мен атмосфералық қысым құбылмалы болады. Еліміздің кей жерінде қар мен жаңбыр жауып, тұман, көктайғақ, бұрқасын болып, жел күшейеді», – делінген хабарламада.
</blockquote>

8 наурызда қандай ауа райы күтіп тұр?

<a href="https://kyzylorda-news.kz/">Kyzylorda-news.kz.</a> 8 наурыз – Халықаралық әйелдер күні мерекесіне орай Қызылорда қаласының әкімі Нұрлыбек Нәлібаев барша асыл жандарды құттықтады.
АРДАҚТЫ АНАЛАР, АЯУЛЫ АРУЛАР!
Сіздерді бүкіл дүниені шуағына бөлеп, тыныс-тіршілігімізге нәр берген шұғылалы көктеммен қатар келген 8 наурыз – Халықаралық әйелдер күнімен шын жүректен құттықтаймын!
Тәуелсіз еліміздегі бейбіт тірліктің, мызғымас бірліктің, жарқын болашаққа деген сенімнің, ізгілік пен мейірімділіктің ұйытқысы асыл аналарымыз, аяулы аруларымыз екені белгілі. Жаратылысынан жандары жылуға, жүректері сезім мен сырға толы, тіршілігіміздің сәні болған әйелдер қауымына аймен таласқан әсемдік те, көреген көсемдік те, мейірім мен нәзіктік те тән.
Әр шаңыраққа шырақ, еріне қуат, бала-шағасына шуақ болып отырған арулар қауымынсыз денсаулық сақтау, білім, мәдениет, журналистика, қаржы, әлеуметтік қамсыздандыру сынды халқымыз үшін ең маңызды салаларды елестету тіпті мүмкін емес.
Бүгінгі біздің қоғамда “саясаткер әйел”, “қайраткер әйел”, “кәсіпкер әйел” секілді ұғымдарының әбден орнығуы нәзік жандардың қай салада болмасын ерлер мен иық тіресе жұмыс істей алатындығын көрсетсе керек.
Анасын асылым деп санайтын, апа – жеңгелерін қымбатына балайтын, қарындасын қарлығашым деп қадірлейтін, өмірінің қосағы сүйікті жары мен тәтті сезімінің жемісі өз қызын жанындай жақсы көретін ерлер қауымының Сіздерге деген құрметі мен ілтипаты қашан да шексіз.
Ел тәуелсіздігін нығайту жолында отбасы мен қоғам жүгін қатар арқалап, қайыспай көтеріп жүрген барлық нәзік жандарымызға айтар алғысымыз шексіз!
Шуақты мереке сіздерге жылылығы мен жақсылығын, берекесі мен молшылығын, ырысы мен қуанышын ала келсін, аяулы арулар!
Бүгінгідей мерейлі мерекелеріңізде Сіздердің дендеріңізге саулық, шаңырақтарыңызға шаттық, береке-бірлік пен қуаныш тілеймін!
Мерекелеріңіз тағы да құтты болсын құрметті арулар!

Нұрлыбек Нәлібаев нәзікжандарды құттықтады

<a href="https://kyzylorda-news.kz/">Kyzylorda-news.kz.</a> Қызылорда облысы ПД патрульдік полиция ротасының қызметкерлерімен «Шымкент-Самара» тас жолында Шиелі ауданы Бала би ауылының тұсында «Газель» автокөлігі тоқтатылған.
Тексеру барысында автокөлік салонында аудандағы ауыл шаруашылық өндірістік кооперативінен ұрланған темір құрал-саймандар анықталды. Бұл қылмысқа күдікті көлік жүргізушісі мен оның екі жолаушысы аудандық полиция бөліміне жеткізілді. Олардың үшеуі де 20 жастағы аудан тұрғындары болып шықты.
<blockquote>
 «Аталған дерек бойынша Қазақстан Республикасы Қылмыстық кодексінің 188 баптың 1 бөлігімен (Ұрлық) сотқа дейінгі тергеп-тексеру амалдары жүргізілуде. Оқиғаның мән-жайы анықталуда», делінген полиция департаментінің хабарламасында.
</blockquote>

Шиеліде өндіріс орнынан құрал-саймандар ұрлаған ауыл тұрғындары ұсталды

<a href="https://kyzylorda-news.kz/">Kyzylorda-news.kz.</a> 8 наурыз – Халықаралық Әйелдер күні мерекесі қарсаңында құқық қорғау саласында абыройлы қызмет атқарып жүрген полицей арудың бірі және бірегейі жайлы айтпақпыз.
Полицияда ерлермен қатар абыроймен қызмет атқарып жүрген әйел полицейлер баршылық. Қоғам тыныштығын күзету, оны асқан жауапкершілікпен атқару оңай емес екендігі бәрімізге белгілі. Бұл сала ерлер немесе әйелдер деп бөлінбейді. Бәріне қойылар талап пен тәртіп бірдей. Солардың бірі Қызылорда қаласы Полиция басқармасы Ақсай полиция бөлімінің анықтау бөлімінің анықтаушысы, полиция аға лейтенанты Айсаулем Қызылқожаева 4 жылдан астам уақыт абыройлы қызмет атқаруда.
<blockquote>
 &nbsp;«Отбасымыздағы полиция әулетінің негізін қалаушы менің әкем – Амангелді Медиев. Ол ішкі істер органдарында 25 жыл жұмыс істеген, қазіргі уақытта майор шенінде зейнеткерлікке шығып, қазіргі жастарға тәжірибелі тәлімгер. Анам – Айжан Медиева, зейнеткер. Бос уақытында шығармашылықпен айналысқанды жаны сүйеді»- деді Айсаулем.
</blockquote>
Айсәулемнің үлкен ағасы – Ренат Медиев, Қазақстан Республикасы Бас прокуратурасының жанындағы Құқық қорғау органдары академиясының 1 – институтының тергеу-жедел жұмысы кафедрасының доценті, әділет кеңесшісі.
Құқық қорғау органдарындағы қызмет туралы, жұмысындағы қиындықтар мен сынақтар туралы осы отбасындағы балалар жақсы біледі. Жас кезінен Ренат пен Айсәулем әкесінің қылмысқа қарсы күрес туралы әңгімелерін тыңдап, оны жұмыстан асыға күтетін. &nbsp;Есейген шақта олар өз тағдырларын ішкі істер органдарындағы ауыр және қауіпті қызметпен байланыстырды және өмірде басқа жолды елестете де алмады.
&nbsp;Айсәулемнің оның жұбайы Гамаль Қызылқожаев Қызылорда облысы ТЖД қатарында азаматтық қорғаныс капитаны атағында қызмет атқарады. Айсаулемнің шаңырағы шұғылалы және рухани отбасы, себебі отбасы мүшелері бір-біріне демеу бола біледі. Олар үш әдемі қыз өсіріп, болашақтарынан үлкен үміт күтеді. Үлкендері Самия мен Зейнеп мектеп оқушылары, ал ең кішісі Медина 2 жаста.
<blockquote>
 &nbsp;&nbsp;«Мен полиция қызметкерінен басқа қандай маман иесі бола &nbsp;алатынымды елестете алмаймын. Менің ойымша, бұл мамандық ең маңыздыларының бірі, өйткені біз адамдарға көмектесеміз, қылмыскерлерден қорғаймыз. Мен қиындықтардан қорықпаймын және өз Қазақстанымның игілігі үшін қызмет етуге әрқашан дайынмын. Егер бала кішкентайынан құқық қорғау саласы туралы жетік біліп, көріп өссе онда олар полицейлердің қандай қызмет атқаратындығын ерте түсінеді. Менің отбасым жұмысымның ерекшелігін жақсы біледі, олар үшін бұл қалыпты жағдай. Бұл отбасындағы өзара түсіністікке ықпал етеді. Отбасы мүшелері жұмысыңды&nbsp; қолдап, түсіністікпен қарағанда бұл қызметте үлкен сәттілік пен бақыт әкеледі. Менің жұмыс бабындағы абыройым отбасымның тілеуінде деп білемін» – дейді погондағы қыз.
</blockquote>

Ел тыныштығына ұйытқы болған ару

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 840 адам коронавирустан жазылып шықты, деп хабарлайды&nbsp;<a href="https://www.coronavirus2020.kz/kz/kazakstanda-otken-taulikte-840-adam-koronavirus-indetinen-emdelip-shykty_a3760784">coronavirus2020.kz</a>&nbsp;.
Аймақтар бойынша:
Нұр-Сұлтан қаласы – 82,
Алматы қаласы – 75,
Шымкент қаласы – 15,
Ақмола облысы – 81,
Ақтөбе облысы – 31,
Алматы облысы – 55,
Атырау облысы – 45,
Шығыс Қазақстан облысы – 24,
Жамбыл облысы – 10,
Батыс Қазақстан облысы – 144,
Қарағанды облысы – 46,
Қостанай облысы – 77,
Қызылорда облысы – 4,
Маңғыстау облысы – 5,
Павлодар облысы – 83,
Солтүстік Қазақстан облысы – 63.
Қазақстан бойынша жазылғандар саны – 200440.

Қызылордада 4 адам коронавирус індетінен жазылып шықты

<a href="https://kyzylorda-news.kz/">Kyzylorda-news.kz.</a>&nbsp; Облыста әлеуметтік көмек алушылар қатарындағы отбасыларды жұмыспен қамту басты назарға алынып отыр. Бұл ретте жыл басынан бері осы санаттағы 1673 адам жұмыспен қамтылған. Оның ішінде 746 тұрақты жұмысқа орналастырылды.
<blockquote>
 «Біз әлеуметтік көмек алатын, аз қамтылған отбасылардағы еңбекке қабілетті азаматтарды жұмыспен қамтуды мақсат етіп отырмыз. Отбасылардың әлеуетін арттыруда мұның көмегі мол. Сондай-ақ, өңірде мұқтаж жандарға көмек ретінде жәрдемақылар мен төлемдер жүйесі қарастырылған. Аймағымызда мемлекеттік көмектерден бөлек, биылда қайырымдылық акциялары ұйымдастырылатын болады», – деді облыстық жұмыспен қамтуды үйлестіру және әлеуметтік бағдарламалар басқармасының басшысы Гаухар Қалмақова.
</blockquote>
Жалпы биыл өтетін «Қайырымды істер марафоны» да мұқтаж жандарға көмектесу мүмкіндігін еселей түспек. Бұл ретте қайырымдылық ақшалай, азық-түліктей ғана емес, мұқтаж жандардың үйіне жөндеу жұмыстарын жүргізу, тұрмыстық заттар алу сияқты түрлі бағытта жүзеге асатын болады.
<blockquote>
 «Біздің мақсат аз қамтылған көмекке мұқтаж отбасыларға жәрдемдесу. Соңғы 3 жылда 45 отбасыға баспана берген екенбіз. Осы наурыз айында да жағдайы төмен 2 отбасыға баспана беру жоспарланып отыр. Бұдан бөлек, жыл басынан бері 570 отбасыны көмірмен қамтамасыз еттік», – деді Зекет қайырымдылық қорының басшысы Оңталап Жидебаев.
</blockquote>
Айта кететін жайт, алдағы уақытта қайырымдылық шаралары «Бақытты отбасы» орталығы арқылы өтетін болады. Бұл мәселе туралы Қызылорда облысының волонтерлер фрон офисінің басшысы Болатбек Әйтімбетов айтып берді.
<blockquote>
 «Қазір аз қамтылған кейбір отбасыларға тиісті көмек жетпей қап жатады. Мәселен, бір отбасы әр қордан айына 3-4 көмек алса, бір отбасына бұлда бұйырмай қап жатады. Сондықтан өңірдегі қайырымдылықпен айналсып жүрген барлық үкіметтік емес ұйымдар мен қорлардың басын біріктіру жоспарланып отыр. Алдағы уақытта барлық қайырымдылық көмектері «Бақытты отбасы» орталығымен жасалатын тізім арқылы жүзеге асатын болады. Бұл процес көмектің тиісті, нағыз мұқтаж отбасыларға жетуін қамтамасыз етпек» – деді Болатбек Әйтімбетов.
</blockquote>

Қызылордада әлеуметтік көмек алушылар қатарындағы 1673 адам жұмыспен қамтылды

<a href="https://kyzylorda-news.kz/">Kyzylorda-news.kz.</a> Қызылорда облысы кәсіпкерлер палатасының алаңында қоғамдық тамақтану саласындағы бизнес өкілдерінің облыстық санитарлық-эпидемиологиялық бақылау департаменті мамандарымен кездесу ұйымдастырылды.
<blockquote>
 «Жалпы облыста 149 қоғамдық тамақтану объектісі бар. Бүгінгі таңда пандемия салдарынан ең көп зардап шеккен банкет залдарының (тойхананың) қызметі болып отыр. Бұл саладағы кәсіпкерлер шамамен 2000 жұмыс орнын қамтамасыз етіп отырған болатын. Бүгінде тойхана иелері арасында бағытын өзгертіп, өзге кәсіп түріне ауыстырып жатқан азаматтар да кездеседі. Мұнан өзге, кафе, білім беру орындарындағы асханалар, отбасылық кешендер сияқты басқа да қоғамдық тамақтану нысандары үшін де шектеу шаралары қиындық тудыруда. Білім беру орындарындағы қоғамдық тамақтану объектілеріне облыстың бас мемлекеттік санитарлық дәрігерінің қаулысымен 9 ақпаннан бастап 30% – дан аспайтын мөлшерде жұмыс жасауға рұқсат етілді. Бүгінгі шарадағы уәкілетті орган тарапынан жүргізіліп отырған түсіндірме жұмыстары жақсы әдістемелік қолдау болады деген сенімдеміз», – деп атап өтті Кәсіпкерлер палатасының директоры Ғалымбек Жақсылықов.
</blockquote>
Санитарлық-эпидемиологиялық бақылау департаментінің бөлім басшысы Алмаш Шуахбаева мектеп жанындағы асханаларда қызмет көрсететін кәсіпкерлерге асхананың жұмысына, персоналына, жұмыс процесіне қойылатын талаптармен таныстырып өтті.
Ал департаменттің тамақтану объектілерін бақылау және қадағалау бөлімінің бас маманы Жанат Бекмұратова жыл басталғалы облыс бойынша карантин талаптарын бұзған 64 кемшілік анықталғандығын, оның ішінде 26-сы қоғамдық тамақтану саласына қатысты екендігін жеткізді. Сондай-ақ, алгоритмге сәйкес мониторингтік топ қоғамдық тамақтану саласындағы кәсіпкерлерді төменде көрсетілген 5 талап бойынша ғана тексеретіндігін айтты:
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; – нысанның карантин кезеңінде қаулымен көрсетілген жұмыс уақытын сақтауын;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; – тыйым салынған көпшілік шараларды өткізбеуін;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; – әлеуметтік ара-қашықтықтың сақталуын;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; – бетперде (маска) кию талабының сақталуын;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; – қоғамдық тамақтану орнына келушілерге арналған лимиттің сақталуын.
Өз кезегінде бизнес өкілдері тарапынан мониторингтік топ жұмысының ашықтығына көз жеткізу үшін осы саладағы кәсіпкерлерден аталмыш топқа өкілді мүше ретінде енгізуге өтініштерін білдірілгендігі және бұл өтінішті Кәсіпкерлер палатасы арқылы жергілікті атқарушы органға да&nbsp; жолданғандығы айтылды.
Кәсіпкерлерден түскен сауалдардың басым бөлігі мониторингтік топтың жұмысына қатысты екендігіне тоқталған облыстық санитарлық-эпидемиологиялық бақылау департамтенті басшысының орынбасары Ұлбосын Аханаева алдағы уақытта өзі жетекшілік ететін мекемемен облыс бойынша барлық мониторингтік топпен кездесу ұйымдастырып, түсіндірме жұмыстары жүргізілетіндігін жеткізді.
Кездесу барысында кәсіпкерлер карантин талаптарына қатысты көптеген сауалдарын уәкілетті орган өкілдеріне қойып, дер кезінде нақты жауаптарын алды және осындай шараның ұйымдастырылғандығына ризашылығын жеткізді.

Қызылордалық кәсіпкерлер мониторингтік топ мүшесі болуға ниетті

&nbsp; <a href="https://kyzylorda-news.kz/">Kyzylorda-news.kz.</a> Атқарып жүрген күнделікті еңбегі арқылы ерекше құрметке бөленіп жүретін мамандық иелері болады. Олардың қатарында нәзік жанды қыздардың да кездесетіні сөзіміздің дәлелі. Олардың қолынан келмейтін кәсіп жоқ десе де болады. Азаматтардың құқығын қорғаушы, қылмыскерді құрықтаушы полицей дегенде көпшіліктің көзіне мығым денелі ер адам елестейтіні анық. Алайда бұл әйелдер тәртіп сақшысы бола алмайды деген сөз емес. Себебі, елімізде он екі мыңнан астам нәзік жанды заңның тұтастығын күзетіп, аталған мамандық бойынша жұмыс істесе, біздің Қызылорда қалалық&nbsp; Полиция басқармасында 96 қыз-келіншек&nbsp;&nbsp; қызмет атқарады.
&nbsp;&nbsp; Осындай жандардың қатарында құқық қорғау&nbsp; саласында &nbsp;2007 жылдан бері қалтықсыз қызмет етіп келе жатқан полиция капитаны&nbsp; Ысқақова Гүлзира Қуатбекқызы да бар.
&nbsp;&nbsp; &nbsp;Ол бүгінде жергілікті полиция қызметі бөлімінің ювеналды полиция бөлімшесінің кәмелетке толмағандар істері жөніндегі учаскелік полиция инспекторы 15 жылға жуық абыройлы қызмет атқарып келеді. Ел тыныштығы жолында уақытпен санаспай, &nbsp;кәмелетке толмағандарың тәртібін қадағалайтын оның еңбегі ескерусіз қалған емес. Ол басқарма басшыларынан бірнеше рет мақтау, алғыс хатпен марапатталған болатын. &nbsp;Әйел адам үшін полиция қызметкері болу оңай іс емес, әрине. Өйткені, полиция қызметі батылдықты, өжеттілікті, қайсарлық пен табандылықты, іскерлік пен білімділікті талап ететін ауыр сала екені кімге болса да мәлім. Дегенмен, осы қызығы мен қиындығы қатар жүретін салада қызмет пен отбасын бірдей алып келе жатқан Гүлзираның еңбегі қандай мақтауға да лайық.
<blockquote>
 «Мен өзімді басқа қызметте елестете де алмаймын. Мінезім де осы салаға лайық деп ойлаймын. Шаршайтын кездерім де болады, әрине. Бірақ көп жағдайда жұмысымнан күш-қуат аламын», – деген ол бұл саланы таңдағанына ешқашан өкінбейтінін үлкен сеніммен жеткізді.
</blockquote>
&nbsp;&nbsp; &nbsp;Осының сыртында Гүлзира үшін аса жауапты отбасы, бала тәрбиесі сияқты үйдегі міндеттері тағы бар. Бүгінде әріптестері арасында мамандығын еркін меңгерген Гүлзираның шоқтығы биік. Берекелі отбасы қасында. Ата-анасымен бірге тұратын олар өмірлік жолдасы Амирбеков Еркебұлан &nbsp;екеуі Айару мен Иманғали атты екі баланы тәрбиелеп, ел қатарлы өмір көшін жалғап келеді. Жары Еркебұлан «Қазақавтожол» ЖШС-сі Қызылорда облыстық филиалында қызмет атқарады. Қызы мектеп табалдырығын аттаған үлгілі 1 сынып оқушысы, оқу озаты болса, Иманғали балабақшадағы балдырған. Қарапайым өмірде әйел адамдар сирек меңгеретін мамандықты таңдаған Гүлзираны алдағы келе жатқан Халықаралық – 8 наурыз мерекесімен шын жүректен құттықтап, еңбегіне табыс тілейміз.

Гүлзира Ысқақова: Мен өзімді басқа қызметте елестете де алмаймын

<a href="https://kyzylorda-news.kz/">Kyzylorda-news.kz.</a>&nbsp; Қазақстанда өткен тәулікте 857 адамнан ПТР арқылы коронавирус анықталды, деп хабарлайды&nbsp;<a href="https://www.coronavirus2020.kz/kz/kazakstandagy-koronavirus-boyynsha-4-nauryz-23-59-dagy-epidemiologiyalyk-zhagday_a3760782">coronavirus2020.kz</a>.
Аймақтар бойынша:
Нұр-Сұлтан қаласы – 132,
Алматы қаласы – 134,
Шымкент қаласы – 27,
Ақмола облысы – 57,
Ақтөбе облысы – 28,
Алматы облысы – 47,
Атырау облысы – 40,
Шығыс Қазақстан облысы – 39,
Жамбыл облысы – 17,
Батыс Қазақстан облысы – 72,
Қарағанды облысы – 61,
Қостанай облысы – 59,
Қызылорда облысы – 13,
Маңғыстау облысы – 11,
Павлодар облысы – 78,
Солтүстік Қазақстан облысы – 37,
Түркістан облысы – 5.
Жалпы ел бойынша ауырғандар саны 216467.

Қызылорда: 13 адамнан коронавирус анықталды

<a href="https://kyzylorda-news.kz/">Kyzylorda-news.kz.</a>&nbsp; 5 наурыз күні Қазақстанның басым бөлігіне әлі де Солтүстік-Батыс циклонның әсері сақталады, онымен жаңбыр мен қар түрінде жауын-шашын күтіледі.
Республиканың оңтүстік және оңтүстік-шығыс аймақтарында қатты жауын-шашын болжанады. Кей жерлерде тұман, көктайғақ, бұрқасын болады. Солтүстік аймақтарда желдің екпіні 23-28 м/с күшеюі ықтимал, деп хабарлайды «Қазгидромет» РМК.
Қызылорда облысында кей жерлерде тұман, күндіз кей жерлерде желдің күші 15-20 м/с күшейеді.

Жұма күні ауа райы қандай болады?

<a href="https://kyzylorda-news.kz/">Kyzylorda-news.kz.</a>&nbsp; Мемлекет басшысы халыққа Жолдауында «Халық үніне құлақ асатын мемлекет» тұжырымдамасы мемлекеттік органдар тарапынан барлық азаматтардың өтініштеріне жедел және тиімді әрекет етуге бағытталуы тиіс екенін атап өтті.
Осы орайда, біздің негізгі міндетіміз – азаматтардың нақты әлеуметтік проблемаларын шеше отырып, тұрғындармен тікелей әрі ашық диалог орнатып, кері байланысты арттыру болып табылады.
Қызылорда облысы әкімдігінде өтініштермен жұмыс жасаудың жаңа форматына&nbsp; көшу мақсатында әкімшілік рәсімдік-процестік кодексі шеңберінде&nbsp; жоспар – кестесі бекітіліп жұмыстар басталды.
Жоспар бойынша атқарылған шараларды назарларыңызға ұсынамын.
–&nbsp;2020 жылдың шілде айынан фронт-офис өз жұмысын бастады. Ол облыс әкімдігі ғимаратында тұрғындардың мәселелерін тыңдап, оларға заңды түсіндірме немесе шешу бағытында тиісті кеңестер беруге арналған. Мұндай фронт-офистер барлық 7 аудан мен Қызылорда қаласы әкімдіктері жанынан ашылып, азаматтарға толық қызмет көрсетуде.
–&nbsp;Облыс әкімдігінің ғимаратында орналасқан 15 басқарманың, сыртта орналасқан 10 басқарманың қызметкерлері фронт-офиске қажеттілігіне қарай тартылады.
Облыстық басқарма басшылығы мен Қызылорда қаласы әкімі аппараты басшысының&nbsp; бұйрығымен жауапты бөлім басшылары (орынбасары), қызметкерлерін Фронт-офиске тарту тізімі бекітіліп жасақталды. Сонымен бірге, құқық қорғау органдары басшылығымен, республикалық қоғамдық бірлестіктермен ынтымақтастық меморандумдары жасалып, жауапты қызметкерлер қажет болған жағдайда шақырылып, жеке қабылдауға қатысу тәжірибесі енгізілді.
– Азаматтардың өтініштерін қабылдау және өңдеудің жаңа форматы қалыптастырылды. Жергілікті атқарушы органдарда өтініштер типтік, стратегиялық, шағымдар болып тіркелетін бөліктері енгізіліп, күнделікті есептік анықтамалар дайындалып басшылыққа ұсынылуда.
– Азаматтардың өтініштерін жіктеу критерийлері бекітіліп, барлық жергілікті атқарушы органдарға жұмыс жасауға жолданды.
– Облыс әкімдігінде «Қызылорда облысының ықтимал әлеуметтік шиеленіс ошақтары картасы» тоқсан сайын жасақталып, облыс әкімімен бекітіледі. Оған қоса, бөліммен «Өзекті мәселелер картасы» жасалды. Өзекті мәселелер картасына сәйкес облыс әкімінің қатысуымен азаматтарды қабылдау жүргізіліп хаттамаланады. Хаттамамен жауапты мекеме басшысына тапсырмалар беріліп, оның орындалуы бақылауға алынған.
– Қолданыстағы «Светофор» бағдарламасы арқылы өтініштердің мерзіміне қарай мониторинг жасалып ерекше бақылау жүргізіледі. Бұл бағдарлама электрондық автоматтандырылған басқару жүйесіне (БЭҚАЖ) енгізілген.
– ҚР Бас прокуратурасы Құқықтық статистика және арнайы есепке алу жөніндегі комитетінің облыс бойынша&nbsp; басқармасымен бірлесіп күнделікті салыстыру жұмыстары жүргізілуде, барлық жергілікті атқарушы органдарға сапасыз орындаған жауаптар үшін жауапкершілік қаралатыны туралы ескертпе хатпен жолданды.
– 2020 жылдың тамыз айынан бастап барлық деңгейдегі әкімдіктердің ресми сайттарында онлайн қабылдау парақшасы ашылып, тұрғындармен кері байланыс орнатылды.
– Облыс әкімдігінің ресми сайтына «Өтініштерді қарауды бақылау бөлімі» бөлігіне қабылдауға жазылу және өтініштерді қарауды реттейтін құқықтық актілер тізімі жаңарталып жасақталып енгізілді.&nbsp; Азаматтардың қол жетімділігі қамтамасыз етілді.
&nbsp;&nbsp;Облыс әкімі мен оның орынбасарлары 42 рет (12-сі онлайн түрінде) азаматтарды жеке қабылдады.&nbsp; Тұрақты түрде әр аптаның (бірыңғай) жұма күндері азаматтармен кездесу онлайн форматта өткізілді.&nbsp; Олардың мәселелерін зерттеп, жан-жақты қарап, жауап беру үшін жауапты мекеме басшыларына хаттамалық тапсырмалар берілді.
Есепті мерзімде облыс басшылығының қабылдауында 425 азаматтар болса, оның ішінде облыс әкімінің қабылдауында болғаны – 177 (42%), облыс әкімі орынбасарларының қабылдауында болғаны – 248 (58%). Оның ішінде, 120 (28,2%) азаматтың мәселелері оң шешіліп, 197 өтінішке (46,3%) түсіндірмелер берілсе, 108-і (25,4%) төменгі органдарға орындау үшін жолданды.
Бекітілген кестеге сәйкес, облыс әкімдігінің басшылығы, барлық аудандар мен Қызылорда қаласы әкімдерінің тұрғындарды жеке қабылдаулары әр апта сайынғы бірыңғай жұма күндері тұрақты түрде өткізілуде, қабылдау құқық қорғау органдарының өкілдері қатысуымен жүргізілуде. Сонымен бірге, аталған Кодекстің жаңа ережелерін түсіндіру жұмыстарын жүргізу бағытында&nbsp; 2020 жылдың 2-4 желтоқсанында барлық жергілікті атқарушы органдардың басшылығы және жауапты қызметкерлерімен семинар-оқулар (332 қызметкер қатысты) өткізілді. Оқу-семинарының хаттамасымен аталған кодекстің жаңа ережелеріне назар аудару жөнінде тиісті ұсынымдар беріліп, іс-шаралар жоспарына сай жұмыстар атқару туралы көрнекі материалдар жолданды.
Азаматтардың өтініштерін қарау бөлігінде әкімшілік рәсімдік-процестік кодексіне көшуде ақпараттық қолдаудың Медиа-Жоспары бекітілді. Медиа-жоспарға сай жұмыстар жүргізілетін болады.
Сонымен бірге, «Е-Өтініш» АЖ-ін және «Нәтиже» орталықтарында енгізілу жұмыстары басталды. Бүгінгі күнге облыста 285 мемлекеттік, 64 квазимемлекеттік орган жүйеге қосылып, өтініштерді тіркеуді тесттен өткізуде.
Марал Ақдаулетова,
Қызылорда облысы әкімі аппаратының
өтініштерді қарау бөлімінің басшысы

Қазақстан және Қызылорда облысының жаңалықтары

Жұмыста – жауынгер, үйде – отбасы ұйытқысы

8 наурызда қандай ауа райы күтіп тұр?

Нұрлыбек Нәлібаев нәзікжандарды құттықтады

Шиеліде өндіріс орнынан құрал-саймандар ұрлаған ауыл тұрғындары ұсталды

Ел тыныштығына ұйытқы болған ару

Қызылордада 4 адам коронавирус індетінен жазылып шықты

Қызылордада әлеуметтік көмек алушылар қатарындағы 1673 адам жұмыспен қамтылды

Қызылордалық кәсіпкерлер мониторингтік топ мүшесі болуға ниетті

Гүлзира Ысқақова: Мен өзімді басқа қызметте елестете де алмаймын

Қызылорда: 13 адамнан коронавирус анықталды

Жұма күні ауа райы қандай болады?

Марал Ақдәулетова: Облыс әкімдігіне түскен әр арыз-шағым жауапсыз қалмайды

Қазақстан және Қызылорда облысының жаңалықтары

Жұмыста &#8211; жауынгер, үйде &#8211; отбасы ұйытқысы

8 наурызда қандай ауа райы күтіп тұр?

Нұрлыбек Нәлібаев нәзікжандарды құттықтады

Шиеліде өндіріс орнынан құрал-саймандар ұрлаған ауыл тұрғындары ұсталды

Ел тыныштығына ұйытқы болған ару

Қызылордада 4 адам коронавирус індетінен жазылып шықты

Қызылордада әлеуметтік көмек алушылар қатарындағы 1673 адам жұмыспен қамтылды

Қызылордалық кәсіпкерлер мониторингтік топ мүшесі болуға ниетті

Гүлзира Ысқақова: Мен өзімді басқа қызметте елестете де алмаймын

Қызылорда: 13 адамнан коронавирус анықталды

Жұма күні ауа райы қандай болады?

Марал Ақдәулетова: Облыс әкімдігіне түскен әр арыз-шағым жауапсыз қалмайды

Жұмыста – жауынгер, үйде – отбасы ұйытқысы