<a href="https://kyzylorda-news.kz/">Kyzylorda-news.kz.</a> Жыл басынан Қызылорда қаласы бойынша атаулы әлеуметтік көмек алушыларға мемлекеттік сатып алу негізінде «Ажар City» сауда үйі арқылы азық-түлік түрінде әлеуметтік пакеттер таратылуда.
Осы бағытта облыстық жұмыспен қамту және әлеуметтік бағдарламалар басқармасының ақпараты бойынша ағымдағы жылдың 1 наурызына қала бойынша 3821 отбасы (18510 адамға) 342 110,9 мың теңге тағайындалып, 3301 отбасы (18500 адамға) 164 695,0 мың теңге төленген.
Кеше «Nur Otan» партиясы облыстық филиалы жанындағы партиялық бақылау комиссияның мүшелері «Ажар City» сауда орталығында болып, таратылатын азық-түлік сапасына, сақталу мерзіміне зерделеу жұмыстарын жүргізді.
Зерделеу барысында жарма ұнтағын өлшеп салу (расфасовка) кезінде пайдалану мерзімін толық көрсету, азық-түлікті өлшеп салуға (расфасовка) кәсіпорынның рұқсат қағаздарын көрнекі жерге ілуді, азық-түлікті алушыларға сақталу мерзімін көрсетіп тарату бағытында ұсыныстар айтылды.
Жалпы тұрғындарға таратылатын азық-түліктің сақталу мерзімдері бұзылмаған. Азық-түлікті қоймада сақтау, оны әрі қарай таратудың санитарлық нормалары да сақталған.
<img src="https://kyzylorda-news.kz/wp-content/uploads/2021/03/166498989_1129150000830842_2104790568486034929_n.jpg" alt="" />
<img src="https://kyzylorda-news.kz/wp-content/uploads/2021/03/166512906_1129149890830853_4765460311841687128_n.jpg" alt="" />

Қызылордада азық-түлік сапасы мен сақталуына бақылау жасалды

<a href="https://kyzylorda-news.kz/">Kyzylorda-news.kz.</a>&nbsp;Бүгінгі таңда субсидия алуға өтінім Алматы, Жамбыл, Қостанай және Түркістан облыстарында қабылданып жатыр. Бұл туралы Орталық коммуникациялар қызметінде өткен көктемгі егіс жұмыстарына дайындық туралы брифингіде айтылды, деп хабарлайды ҚазАқпарат
<blockquote>
 «Жалпы, бүгінде ауыл шаруашылығы дақылдарын себу жұмыстары Алматы, Жамбыл, Қызылорда және Түркістан облыстарында жүргізілуде. Атап айтқанда, 67,8 мың га жаздық дәнді дақылдар, 6,5 мың га картоп, 10,3 мың га көкөніс дақылдары, 18,8 мың га көпжылдық шөп егілген. Егіс науқаны барлық қажетті ресурстармен қамтамасыз етіледі. Бүгінгі күні 2,4 млн тонна тұқым толтырылды, бұл – жоспардың 100,2%», – дейді ҚР АШМ өсімдік шаруашылығы өнімдерін өндіру және қайта өңдеу департаментінің директоры Азат Сұлтанов.
</blockquote>
Оның айтуынша, 2021 жылы тұқым шаруашылығын қолдауға 11,8 миллиард теңге бөлініп, 82,1 мың тонна элиталық тұқым мен 3,8 миллион көшет сатып алынады.
<blockquote>
 «Минералды тыңайтқыш сатып алуды субсидиялауға облыстардың жергілікті бюджетіне 26,1 миллиард теңге қарастырылған. Облыстық әкімдіктердің жедел ақпаратына сәйкес, республика аграрийлеріне көктемгі дала жұмысын жүргізу үшін 117,6 мың тонна минералды тыңайтқыш жеткізілді. Бүгінгі таңда субсидия алуға өтінім Алматы, Жамбыл, Қостанай және Түркістан облыстарында қабылданып жатыр. Жақын уақытта Батыс Қазақстан және Солтүстік Қазақстан облыстарында өтініш қабылдау басталады. Басқа аймақтарда субсидия тізімі мен нормаларын бекіту соңғы сатыда. Премьер-Министр Үкіметтің бүгінгі отырысында стандарттарды бекітуді бір апта ішінде аяқтау туралы тиісті тапсырма берді», – дейді ол.
</blockquote>

Қай облыстарда субсидия алуға өтінім қабылданып жатыр

<a href="https://kyzylorda-news.kz/">Kyzylorda-news.kz.</a> Сырдария ауданының әкімі Талғат Дүйсебаев «Қызылорда-Жалағаш» автожолы бойындағы «Елтай» каналына салынып жатқан көпірдің құрылыс жұмыстарымен танысты.
Аудан басшысы құрылыс жұмыстарының сапалы жүргізілуіне, көпірдің уақытылы пайдалануға берілуіне мән берді.
Қызылорда қаласына баратын жолдағы 1974 жылы салынған көпірдің тозығы жеткен. Соған орай 2020 жылы жаңа көпірдің салынуына республикалық және облыстық бюджеттен 141 млн теңге қаржы бөлініп, құрылыс жұмыстары басталды. «Елтай» көпіріне салынып жатқан көпір құрылысы 2021 жылға өтпелі. Биылғы жылдың 3 мамырында жаңа көпір толық аяқталуы тиіс. Құрылыс жұмыстарын мердігер компания «Асылжас» ЖШС жүргізуде. Негізінен, канал арқылы А.Тоқмағамбетов ауылына қарасты 3360 гектар суармалы жерлерге су жеткізіледі.
Мердігер компания директоры Қазбек Жұмагелдиев бүгінде көпір салу жұмыстары өз деңгейінде жүргізіліп жатқанын жеткізді. Құрылыс жұмыстары өз уақытында аяқталатынын атады. Аудан әкімі жаңа көпірдің сапалы салынуына және уақытынан ерте аяқтау қажеттілігіне тоқталды.
<blockquote>
 «Осы жол арқылы Сырдария, Жалағаш ауданының тұрғындары облыс орталығына қатынап, көптеген техника жүреді. Сондықтан «Елтай» каналына салынып жатқан көпір құрылысы сапалы жүргізілуі тиіс. Сондай-ақ құрылысты бекітілген уақыттан ерте аяқтау қажет. Өйткені, қазір егін науқаны басталды. Канал арқылы аудан шаруашылықтарының егістігіне су барады. Осыны ескеріп, құрылысты жеделдету керектігін назарға саламын», – деді аудан басшысы.
</blockquote>
<img src="https://kyzylorda-news.kz/wp-content/uploads/2021/03/166613362_877966829432877_2100028795533548435_n.jpg" alt="" />

Сырдария ауданының әкімі көпір құрылысымен танысты

<a href="https://kyzylorda-news.kz/">Kyzylorda-news.kz.</a> Сенат депутаты Бақытжан Жұмағұлов коронавируспен бірге идеологиялық “вирустардың” таралып жатқанын, оған қарсы заң қабылдау қажеттігін мәлімдеді, деп хабарлайды&nbsp;<a href="https://sputnik.kz/">Sputnik Қазақстан</a>.
<blockquote>
 «Коронавирус індеті кезінде экономикалық, әлеуметтік, экологиялық, биологиялық және басқа да қатерлерге қоса жағымсыз идеологиялық “вирустар” да таратыла бастады. Жалған ақпараттар сол “вирусты” әлеуметтік желілер арқылы шұғыл таратып жібереді. Сондықтан әлеуметтік желілер туралы заң қабылдау қажет деп білеміз», – деді Жұмағұлов парламент тыңдауында.
</blockquote>
Оның айтуынша, жаңа заң сөз бостандығын шектеу үшін емес, әлеуметтік желі жүйесін заңнама тұрғысынан реттеу үшін қажет. Құрылтайшылардың заң алдындағы жауапкершілігі де күшейеді.&nbsp;
<blockquote>
 «Жаһандану кезінде кейбір жастар шетелдік жағымсыз құндылықтар ықпалына бейсаналы түрде ілесіп кеткенін аңғармайды. Мәжбүрліктен емес, сананың улануы арқылы өз еркімен торға түседі. Осылайша жаһандық конгнитивті технология бұқаралық санаға әсер ету құралына айналып отыр», – деп атап өтті Жұмағұлов.
</blockquote>
Айта кетейік, сенатта «Жаһандану дәуірінде ұлттық құндылықтарды дәріптеу – кешенді жаңғырудың негізі» тақырыбына арналған парламент тыңдауы өтіп жатыр. Шараға үкімет мүшелері, ғалымдар мен сенаторлар қатысуда.

Бақытжан Жұмағұлов: Жаңа «вирустарға» қарсы заң қабылдау қажет

<a href="https://kyzylorda-news.kz/">Kyzylorda-news.kz.</a> Қазақстан мұсылмандары діни басқармасының Шариғат және пәтуа бөлімі 2021 жылғы діни күндер кестесін бекітті.
Хижри айлардың басталуы халықаралық астрономиялық зерттеу орталықтарының мәліметтері негізінде жасалды. Пәтуа мамандары діни мерекелердің нақты күндері жаңа айдың көрінуіне байланысты көрсетілген уақыттан бір күн шегерілуі немесе алға жылжуы мүмкін екенін ескертеді.
<img src="https://kyzylorda-news.kz/wp-content/uploads/2021/03/2021__1_wudqlxq.jpg" alt="" />
Діни күнтізбе бойынша 2021 жылы Рамазан айы 14 сәуірде басталады. Қасиетті Қадір түні мамырдың 9-ынан 10-ына қараған түніне сәйкес келеді. Ал Ораза айт мерекесі 13 мамырға белгіленген. Құрбан айт 20-22 шілде аралығында тойланады.

2021 жылы Рамазан айы қашан басталады?

<a href="https://kyzylorda-news.kz/">Kyzylorda-news.kz.</a> Қазалы ауданының әкімі Мұрат Ергешбаев білім саласында қомақты табысқа жетіп, биік белестерді бағындырған ұстаздар және оқушылармен кездесті. Олардың қатарында «Қазақстанның еңбек сіңірген ұстазы» құрметті наградасын иеленген Жәмилә Әбжан мен «Елбасы медалін» иеленген шәкірттер бар.
Басқосуда аудан басшысы алдымен педагогика саласында тұңғыш рет берілген құрметті атақты облыс ұстаздарынан алғаш болып иеленген Е.Бозғұлов атындағы №249 мектеп-лицейдің мұғалімі Жәмилә Әбдінағиқызын құттықтап, аудан әкімінің «Алғыс хатымен» марапаттады.
Мұнан соң «Ел үміті» бағдарламасы аясында өткізілген жобада үздік атанған оқушыларға «Елбасы медалін» табыс етті. Жоғары жетістікке жеткендердің қатарында Сүлеймен Демирел атындағы университеттің ІІ курс студенті Ботагөз Жақсылық, Қызылорда жоғары медициналық колледжінің І курс студенті Динара Амандосова, Қазалы жоғары көлік-техникалық колледжінің І курс студенттері Асыл Зауқымова мен Үміт Әшім, Е.Бозғұлов атындағы №249 мектеп-лицейдің 11 сынып оқушысы Әсел Қуатбай, С.Сейфуллин атындағы №165 мектептің 11 сынып оқушысы Айна Кәдір, №25 мектептің 10 сынып оқушысы Альбина Аралбекқызы, №266 мектеп-лицейдің 10 сынып оқушысы Бақдәулет Жантілеу, №170 мектептің 9 сынып оқушысы Гауһар Әзен, №97 мектептің 9 сынып оқушысы Гүлнара Едіге бар.
Салтанатты шара барысында Әйтеке би кентіндегі №249 мектептің педагог-зерттеушісі, бірінші деңгейлі ағылшын тілі пәнінің мұғалімі Жәмилә Әбжан жәнеоқушылармената-аналар сөз сөйлеп, ризашылықтарын білдірді.
<img src="https://kyzylorda-news.kz/wp-content/uploads/2021/03/0-scaled.jpg" alt="" />
<img src="https://kyzylorda-news.kz/wp-content/uploads/2021/03/1-2-scaled.jpg" alt="" />
<img src="https://kyzylorda-news.kz/wp-content/uploads/2021/03/2-3-scaled.jpg" alt="" />
<img src="https://kyzylorda-news.kz/wp-content/uploads/2021/03/3-3-scaled.jpg" alt="" />

Қазалылық ұстаздар мен шәкірттерге құрмет көрсетілді

<a href="https://kyzylorda-news.kz/">Kyzylorda-news.kz.</a> Жаңақорған ауданының темір жол бойында орналасқан және өзеннің арғы бетіндегі 19 елді мекен ауыз суға толық қосылған. Биыл қалған тау беткейдегі 12 елді мекеннің тұрғындары ауыз сумен қамтамасыз етіледі.
Бұл туралы Өңірлік коммуникациялар қызметінің ақпарат алаңында өткен брифингте Жаңақорған ауданының әкімі Руслан Рүстемов мәлімдеді.
<blockquote>
 «Бүгінде 35 елді мекеннің барлығы таза ауыз сумен қамтылған. Биыл Жаңақорған кентінің тұрғын үйлеріне су құбырын жеткізу сервистік желісін салу жұмыстары аяқталатын болады. Сондай-ақ, ауданда өткен жылы сегіз елді мекенді аяқ сумен қамту мақсатында каналдар мен қашыртқылар тазаланып, дизельді насос қондырғылары алынды. Ал биыл аяқ су арнасын тазалау жұмыстарына аудандық бюджеттен 68 млн. теңге бөлінді. Оған 29,6 шақырым канал тазалануда», – деді Жаңақорған ауданының әкімі Руслан Рүстемов.
</blockquote>

Жаңақорғанда биыл ауыз су мәселесі толығымен шешіледі

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 863 адам коронавирус індетінен емделіп шықты, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 2,
Алматы қаласы – 191,
Шымкент қаласы – 21,
Ақмола облысы – 81,
Ақтөбе облысы – 79,
Алматы облысы – 80,
Атырау облысы – 87,
Шығыс Қазақстан облысы – 12,
Жамбыл облысы – 20,
Батыс Қазақстан облысы – 96,
Қарағанды облысы – 61,
Қостанай облысы – 42,
Қызылорда облысы – 4,
Маңғыстау облысы – 3,
Павлодар облысы – 64,
Түркістан облысы – 20.
Қазақстан бойынша жазылғандар саны – 218 031.

Қызылордада өткен тәулікте коронавирустан жазылып шыққандар бар

<a href="https://kyzylorda-news.kz/">Kyzylorda-news.kz.</a> Биыл Жаңақорғанда бірқатар инвестициялық жобалар жүзеге асады.
Мәселен мамыр айында кен байыту фабрикасының құрылыс жұмыстары басталады. Кеніштің жылдық қуаты 4,0 млн. тоннаны құрайды. Ал сәуір айында күн электр станциясы пайдалануға беріледі.
<blockquote>
 «Жасыратыны жоқ, өндірісі дамыған деген біздің ауданда кейінгі жылдары «КазАтомнеркәсіп» мекемелерінің өнім өндіру көлемі айтарлықтай төмендеді. Себебі, әлемдік деңгейдегі баға саясаты күрт құлдырады. Бірақ біз оларға қарамастан басқа күнделікті тұрмысқа қажетті өндіріс түрлерін жетілдіруді қолға алудамыз. Мәселен, тас, әк өндіру көлемін ұлғайтудың нәтижесінде біршама өсу факторы байқалды. Аудан экономикасында оң нәтиже қалыптасты. Көршілес Түркістан облысындағы қарқынды құрылыс жұмыстарына қажетті инертті құрылыс материалдарымен қоса, басқа да зәру заттардың артуынан өткен жылы әктас өндіру 10 есеге дейін артты», – деді Жаңақорған ауданының әкімі Руслан Рүстемов.
</blockquote>
Биыл ауданға 61 млрд. теңге көлемінде инвестиция тартылатын болады. Бүгінде керамзиттен кірпіш жасау және блок шығару жобасының құрылыс жұмыстары аяқталды. Өндіріс орны ашылғанда 20 адам жұмыспен қамтылатын болады.
Мұнан өзге, биыл құс фабрикасын іске қосу жоспарлануда. Зауыт жылына 3,5 мың тонна құс етін өндіретін болады.

Жаңақорғанда жаңа жобалар жүзеге асады

*<a href="https://kyzylorda-news.kz/">Kyzylorda-news.kz.</a> Қазақстан президенті “Халықаралық қарыз архитектурасы және өтімділік” атты жоғары деңгейдегі жиынға қатысты, деп хабарлайды Ақорда.*
Мемлекет және үкімет басшылары деңгейіндегі онлайн форумды өткізуге БҰҰ Бас хатшысы Антониу Гутерриш, Канада және Ямайканың премьер-министрлері Джастин Трюдо мен Эндрю Холнесс мұрындық болды. Іс-шара COVID-19 пандемиясы кезеңінде халықаралық күш-жігерді даму бағытын қаржыландыру саласына қарай жұмылдыруға арналды.
Теңізге шығатын жолы жоқ дамушы мемлекеттер тобының төрағасы ретінде сөз сөйлеген Қасым-Жомарт Тоқаев коронавирус пандемиясы басталғалы бері топқа мүше елдер қандай қауіпті құбылыстармен бетпе-бет келгеніне тоқталды. Мемлекет басшысы, шетелдік инвестициялардың азаюы, сауда-саттық пен ақша аударымдарының төмендеуі, қаржылық қарыздардың өсуі, орташа алғанда экономиканың 2,4 процентке құлдырауын мысалға келтірді.
Тоқаев теңізге шығатын жолы жоқ дамушы мемлекеттер тобына мүше елдердің пандемия салдарынан туындаған қаржылық қиындықтарын жеңілдетуге байланысты бірқатар нақты ұсынысын ортаға салды.
Қасым-Жомарт Тоқаев дүниежүзілік банктің дағдарысқа қарсы 160 миллиард доллар көлеміндегі көмегі мен халықаралық валюта қоры беретін 1 триллион доллар кредит жүйесін пандемия салдарынан айтарлықтай зардап шеккен елдерге бөлу аса маңызды деп санайды. Президент жаһандық қаржы құрылымдарын, БҰҰ институттарын, сондай-ақ, өзге де халықаралық және өңірлік ұйымдарды теңізге шығатын жолы жоқ дамушы мемлекеттер тобына мүше елдердің экономикалық өсімді қайта қалпына келтіруге бағытталған іс-қимылы кезінде олардың ерекше қажеттіліктеріне баса мән беруге шақырды.
Сонымен қатар Қасым-Жомарт Тоқаев БҰҰ-ның теңізге шығатын жолы жоқ дамушы мемлекеттер тобына мүше елдерге арналған Вена бағдарламасын жүзеге асыру жөніндегі жол картасының өзектілігі арта түскеніне тоқталды. Осыған орай серіктес мемлекеттерді Аддис-Абеба бағдарламасында белгіленген барлық жеті бағыт бойынша жүргізілетін жұмыстарды жұмыла атқаруға, сондай-ақ, дамыту мақсатындағы ресми көмектің қазіргі деңгейін сақтап қалуға үндеді.
Мемлекет басшысы халықаралық қоғамдастықты теңізге шығатын жолы жоқ дамушы мемлекеттер тобына мүше елдердің денсаулық сақтау жүйесін дамытуды қолдауға, сондай-ақ, қажетті вакцинаны уақытылы және тиімді бағада сатып алуына көмек көрсетуге шақырды. Президент топқа мүше елдердің орнықты инфрақұрылымын ынталандандыру және сауда-саттық рәсімдерін жеңілдету, цифрлық трансформацияға қол жеткізуіне қолдау көрсету қажеттігі туралы атап өтіп, жеке сектордың қайта қалпына келтіру жұмыстарына белсенді қатысу керектігін айтты.
Қасым-Жомарт Тоқаев мемлекеттік деңгейде қабылданып жатқан шараларға тоқталып, Қазақстан “БҰҰ-ның гуманитарлық көмек көрсету жөніндегі жаһандық жоспарын” жүзеге асыруға елеулі үлес қосқанын және коронавирусқа қарсы күрес кезінде бірқатар шет мемлекеттерге жәрдем бергенін еске салды.
Мемлекет басшысы қазақстандық “KazAID” халықаралық даму агенттігінің іске қосылғаны жайында мәлімдеп, Орталық Азия елдері мен Ауғанстанға қолдау көрсету мүмкіндігі бар БҰҰ-ның Орнықты даму орталығын Алматыда ашу жұмыстары жайында айтты. Президент Қазақстанның өзге мемлекеттер мен көпжақты ұйымдарға көрсеткен қолдауы ретінде осындай қадам жасап отырғанын жеткізді.
Қасым-Жомарт Тоқаев сөз соңында вакцина салуға және экономиканы қайта қалпына келтіруге біршама уақыт кетіп, соған сәйкес ұзақмерзімді перспективада оның салдары ондаған жылдар бойына сақталуы ықтимал екені жайындағы болжамын ортаға салды. Оның пікірінше, азаматтардың осал топтарын, елдер мен экономиканы қорғау үшін қазіргі қабылданып жатқан шаралардың барлығы ортақ мүддені көздейді. Мемлекет басшысы мұның дағдарыстан шығатын бірден-бір жол екеніне сенімді және оны халықаралық қоғамдастықтың ортақ міндеті деп санайды.
Форумға Аргентина, Венесуэла, Египет, Италия, Канада, Пәкістан, Түркия, Қатар, Франция, Эквадор, Жапония, Ямайка және басқа да мемлекеттердің басшылары, сондай-ақ, БҰҰ Бас хатшысы Антониу Гутерриш, Халықаралық валюта қорының, Экономикалық ынтымақтастық және даму ұйымының, Дүниежүзілік банктің, Дүниежүзілік сауда ұйымының, Еуропалық одақ пен Африкалық одақтың жетекшілері қатысты.

Мемлекет басшысы пандемия салдарын жеңілдетуге қатысты ұсыныс жасады

<a href="https://kyzylorda-news.kz/">Kyzylorda-news.kz.</a>&nbsp;&nbsp;Қазақстанда бір тәулікте 1 445 адам коронавирус жұқтырды, деп хабарлайды coronavirus2020.kz.
Қазақстанда коронавирусқа қатысты 29 наурыз 23:59-дағы эпидемиологиялық жағдай бойынша ПТР арқылы 1 445 адамда коронавирус індеті расталды.
Аймақтар бойынша:
Нұр-Сұлтан қаласы – 204,
Алматы қаласы – 545,
Шымкент қаласы – 13,
Ақмола облысы – 45,
Ақтөбе облысы – 73,
Алматы облысы – 177,
Атырау облысы – 63,
Шығыс Қазақстан облысы – 22,
Жамбыл облысы – 25,
Батыс Қазақстан облысы – 76,
Қарағанды облысы – 92,
Қостанай облысы – 38,
Қызылорда облысы – 9,
Павлодар облысы – 30,
Солтүстік Қазақстан облысы – 25,
Түркістан облысы – 8.
Жалпы ел бойынша ауырғандар саны 243 318.

Қызылордада 9 адамнан коронавирус инфекциясы анықталды

<a href="https://kyzylorda-news.kz/">Kyzylorda-news.kz.</a> «Қазгидромет» РМК-сы наурыздың 30-на арналған ауа райы болжамын жариялады.
Кәсіпорын таратқан мәліметтерге қарағанда, Қазақстан арқылы әлі де атмосфералық фронталды бөліктердің өтуіне байланысты еліміздің басым бөлігінде күн құбылмалы болады. Кей жерлерде жауын және жаңбыр аралас қар жауады.
Тек еліміздің батысы ғана жоғарғы атмосфералық қысым аумағында болғандықтан бұл өңірде жауын-шашын болмайды. Республиканың кей жерлеріне тұман түсіп, көктайғақ болып, жел күшейеді, солтүстікте желмен қатар жаяу бұрқасын болады.
Қызылорда облысының кей жерлерінде, тұман түсіп, түнде көктайғақ болуы ықтимал.

Қазақстан және Қызылорда облысының жаңалықтары