*<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 2267 адамда коронавирус індеті ПТР арқылы расталып ауырғаны белгілі болды, деп хабарлайды coronavirus2020.kz.*
Аймақтар бойынша:
Нұр-Сұлтан қаласы – 386,
Алматы қаласы – 510,
Шымкент қаласы – 79,
Ақмола облысы – 137,
Ақтөбе облысы – 72,
Алматы облысы – 140,
Атырау облысы – 87,
Шығыс Қазақстан облысы – 97,
Жамбыл облысы – 33,
Батыс Қазақстан облысы – 109,
Қарағанды облысы – 318,
Қостанай облысы – 38,
Қызылорда облысы – 36,
Маңғыстау облысы – 60,
Павлодар облысы – 105,
Солтүстік Қазақстан облысы – 23,
Түркістан облысы – 37.
Жалпы ел бойынша ауырғандар саны 368748.

Covid-19: Қызылордада 36 адам вирус жұқтырды

*<a href="https://kyzylorda-news.kz/">Kyzylorda-news.kz</a>.&nbsp;Қазақстан территориясының басым бөлігінде құбылмалы тұрақсыз ауа райы сақталады, деп хабарлайды Қазгидромет.*
Атмосфералық фронттардың өтуіне байланысты кей жерлерде найзағай жарқылдап, жаңбыр жауады.
Тек еліміздің оңтүстік аймақтарында жоғарғы қысым аумағының әсерінен жауын-шашын жаумайды, күн ашық болады.
Республиканың кей жерлерінде тұман түсіп, жел күшейеді. Оңтүстікте дауыл тұрады, бұршақ жаууы ықтимал.
Жамбыл облысының кей жерлерінде жел екпіні 15-20 м/с дейін күшейеді, бұршақ жаууы ықтимал. Түнде және таңертең тұман түседі.
Шығыс Қазақстан, Солтүстік Қазаақстан, Түркістан, күндіз Ақмола, Атырау, Батыс Қазақстан, Ақтөбе, Павлодар, Қарағанды, түнде Алматы облыстарының кей жерлерінде жел қарқыны 15-20 м/с жетеді.
Павлодар, түнде және таңертең Солтүстік Қазақстан облыстарының кей жерлерінде тұман түседі.
Түркістан облысының таулы аймағында дауыл соғады.
Түнде Қостанай облысының кей жерлерінде тұман түседі.
Түнде Павлодар, Қарағанды, Шығыс Қазақстан облыстарының кей жерлерінде 2 градус үсік жүреді.
Қызылорда облысының басым бөлігінде, Атырау, Алматы облыстарының кей жерлерінде, Шығыс Қазақстан, Павлодар облыстарының жекелеген аудандарында өте жоғары өрт қаупі сақталады.

21 мамырға арналған ауа райы болжамы

<a href="https://kyzylorda-news.kz/">Kyzylorda-news.kz</a>. Қызылорда облысында 5346 адам наркологиялық есепте тұр. Олардың 690-ы нашақор. Бұл туралы Қызылорда облысы әкімінің орынбасары Балжан Шәменованың төрағалығымен өткен ведомствоаралық штаб отырысында қаралды.
Қызылорда облысы сора өсіруге қолайлы аймақ болғандықтан, өңірде есірткіге елітіп, оған тәуелді болғандар қатары азаймай отыр. Оған себеп, аймақта есірткі егушілердің көптігі әсер етуде. Мәселен, 2018 жылы 75 есірткі алқабы анықталған. Ал 2019 жылы 67, өткен жылы 71 есірткі алқабы табылды.
Биыл жыл басынан бері есірткіге қатысты 54 қылмыстық іс тіркелді. Есірткіге қарсы құзырлы органдардың жан-жақты іс-әрекеті нашақорлықтың жолын түбегейлі кесуге мүмкіндігі болмай отыр. &nbsp;
<blockquote>
 «Қазіргі таңда қылмыстық жауапкершіліктің ауыртпалығына және атқарылып жатқан тиісті шараларға қарамастан есірткі алқаптарын егу толастамай отыр. Қызылорда облысының климаты жоғары сапалы марихуана егуге қолайлы болып табылады. Соның салдарынан біздің өңірден алынған есірткі құралдары республиканың басқа да аумақтарынан және ТМД елдеріндегі есірткі тұтынушыларының жоғарғы сұранысына ие болып отыр», – дейді ОПД Есірткі қылмысына қарсы іс-қимыс басқармасының бастығы Азамат Сүлейменов.
</blockquote>
Қазіргі таңда нашақорлардың басым бөлігі облыс орталығының тұрғындары болып отыр. Ең өкініштісі олардың қатарында нәзікжандар да бар.
Жиын барысында Қызылорда облыстық денсаулық сақтау басқармасының басшысы Сәбит Пазылов аймақта гашишқұмарлық бойынша өткен жылы 449 адам есепке алынғанын айтты. Ал жыл басынан бері 4 ай ішінде 148 адам тіркелген.
Штаб отырысының соңында облыс әкімінің орынбасары Балжан Шәменова сала басшылыраны абұл бағыттағы жұмыстарды күшейтуді тапсырды.

Қызылордада 5 мыңнан астам адам наркологиялық есепте тұр

<a href="https://kyzylorda-news.kz/">Kyzylorda-news.kz</a>. Сенатор Нариман Төреғалиев мемлекеттік мекемелерде техникалық қызмет көрсететін штаттан тыс қызметкерлердің жалақысын көтеру қажеттігін мәлімдеді.
<blockquote>
 “Соңғы екі жылда білім беру, денсаулық сақтау, мәдениет, әлеуметтік қорғау саласы қызметкерлерінің еңбекақысының өскенін білеміз. Алайда үкіметтің қаулысына сәйкес, еліміздегі мемлекеттік мекемелерде техникалық қызмет көрсететін штаттан тыс қызметкерлердің жалақысы төмен деңгейде қалуда”, – деді Төреғалиев сенаттың жалпы отырысында.
</blockquote>
Осы орайда депутат бірнеше мысал келтірді. Оның айтуынша,&nbsp; еңбек өтілі 25 жылдан жоғары іс қағаздарын жүргізуші барлық өтемақысын қосқанда айына 64 мың теңге алады.
<blockquote>
 “Төртінші разрядтағы көлік жүргізушісі – 60 мың, ал бірінші разрядтағы еден жуушы 54 мың теңге көлемінде айлық алады, ал қолға тиетіні одан да аз. Бұл ретте, осы санаттағы қызметкерлердің еңбекақысын көтеру мақсатында құзыретті министрлік алдағы уақытта тиісті жұмыс атқарады деген ойдамыз”, – деп атап көрсетті сенатор.
</blockquote>
Бұдан бөлек, ол “Педагог мәртебесі туралы” заңның аясында ұстаздардың жағдайы түбегейлі өзгергенін жеткізді. Тура сондай жолмен дәрігер мамандарға да барынша қолдау көрсету қажет. Осы шаралардың маңыздылығы коронавирус пандемиясы кезінде артып отыр.&nbsp;
<blockquote>
 “Сондай-ақ, осы игі мамандықтың мәртебесін көтеру мақсатында медицинаның үздік өкілдеріне “Қазақстанның құрметті дәрігері” атағын беру әділетті болар еді. Біздің ойымызша, осы маңызды саланың дәрігерден бастап санитарға дейінгі қызметкерлерін, ұзақ мерзімді қолдау шараларын қабылдауға әбден уақыт келді”, – деді Төреғалиев.
</blockquote>
<a href="https://sputnik.kz/society/20210520/17111488/deputat-eden-zhuushy-zhalakysy-arttyru-maselesi.html">SputnikҚазақстан</a>

Депутат еден жуушылардың жалақысын арттыру мәселесін көтерді

<a href="https://kyzylorda-news.kz/">Kyzylorda-news.kz</a>. Алғаш рет Қазақстанда көшеттеп күріш егу жұмыстары басталды.
Қызылорда қаласына қарасты Қарауылтөбе ауылдық округінде жапон технологиясы бойынша 300 гектар жерге көшеттеп күріш егу жұмыстары жүргізілуде. Бүгінгі күнге 35 гектарға көшеттеп егу тәсілі арқылы күріш дақылы егілді.
Жаңа тәсілді Ы.Жақаев атындағы «Қазақ күріш ғылыми зерттеу институты» мен «Golden Bridge Turan» ЖШС бірелесіп атқаруда.

Қызылорда: Қазақстанда алғаш рет күріш көшеті егілді (ВИДЕО)

<a href="https://kyzylorda-news.kz/">Kyzylorda-news.kz</a>. Сенат депутаттары мектеп кітапханаларында жұмыс істейтін қызметкерлердің жалақысын арттыру мәселесін көтерді, деп хабарлайды&nbsp;<a href="https://sputnik.kz/">Sputnik Қазақстан</a>.
Бүгін сенаттың жалпы отырысында сенатор Динар Нөкетаева мектептегі кітапханашылардың жалақысын арттыру мәселесін көтерді. Оның айтуынша, бүгінде мәдениет саласына қарайтын, яғни, жалпы халыққа қызмет көрсететін кітапхана қызметкерлерінің жалақысы 30-50 проценті көтерілді. Бірақ мектептегі кітапханашылардың еңбекақысы сол күйінде қалды. Ал жас ұрпақты тәрбиелеу мен ұлттық құндылықтарды сақтау тұрғысында осы мамандардың атқаратын рөлі зор. Осы орайда депутат білім және ғылым министрінен білім ұйымдарындағы кітапханашылардың жалақысы басқа кітапханашылармен қашан теңесетінін сұрады.
Білім және ғылым министрі Асхат Аймағамбетовтың айтуынша, бүгінде мектеп кітапханаларында 13,5 мың адам жұмыс істейді. Олардың барлығы білім қызметкерлері болып саналады. Сол себепті мәдениет саласындағы кітапханашылардың жалақысын арттыру шараларына ілікпей қалды.
<blockquote>
 “Білім саласында қызмет ететін 13,5 мың кітапханашының жалақысы мәдениет саласындағы әріптестерімен салыстырғанда әлдеқайда төмен. Ал жұмыс мазмұны бірдей және өзіңіз білесіздер, әсіресе, шалғайдағы елді мекендерде жалғыз кітапхана ғана жұмыс істейді, ол оқушыларды ғана емес, барлық тұрғынды кітаппен қамтамасыз етеді”, – дейді Аймағамбетов.
</blockquote>
Оның сөзіне қарағанда, бүгінде арнайы жұмыс тобы құрылды. Оған білім және ғылым министрлігі, еңбек және халықты әлеуметтік қорғау министрлігі, сондай-ақ, қаржы министрлігінің мамандары кіреді.
<blockquote>
 “Олар жұмысты бастап кетті. Біз тиісті есепті дайындадық. Болашақта көп күттірмей, осы мәселе шешіледі деп үміттенеміз”, – деп атап көрсетті Аймағамбетов.
</blockquote>
Ал сенат төрағасы Мәулен Әшімбаев күзде бюджетті қарау кезінде мектептегі кітапханашылардың жалақысын көтеру мәселесін енгізуді ұсынды.
<blockquote>
 “Әлихан Асханұлы (қаржы министрі), ондай өзекті мәселе бар. Президенттің тапсырмасына сәйкес, ұстаздардың жалақысы өте жақсы өсті. Мәдениет саласындағы кітапханашылардың жалақысы да өсіп жатыр. Бірақ мектепте істейтін кітапхана қызметкерлері еңбекақысының өспеуі, әрине, біраз сұрақтарды тудырып жатқаны жасырын емес. Сондықтан күзде алдағы үш жылдың бюджетін қараған кезде соған дейін осы соманы пысықтап, қарап, соны бәріміз бірге бюджетке кіргізу жағын қарастыруымыз қажет”, – деді Әшімбаев.
</blockquote>

Аймағамбетов мектептегі 13,5 мың маманның жалақысы қашан көтерілетінін айтты

<a href="https://kyzylorda-news.kz/">Kyzylorda-news.kz</a>.&nbsp;Ashyq қосымшасы жұмысында мәртебені анықтау бойынша техникалық ақаулар пайда болды. Цифрлық даму, инновациялар және аэроғарыш өнеркәсібі министрлігі техникалық ақаулар себебі анықталып жатқанын хабарлады, деп хабарлайды&nbsp;<a href="https://stan.kz/">Stan.kz</a>.
Ақау жойылғанға дейін пайдаланушыларға балама әдіс ретінде Aitu қосымшасын қолдану ұсынылды.
<blockquote>
 “Бірнеше апта бұрын BTS Ashyq-ты Aitu қосымшасына біріктіруді ұсынды. Біз келістік. Неліктен Aitu? Біріншіден, BTS мемлекетпен жұмыс істейді. Яғни, оларда жарияламау және деректердің қауіпсіздігі үшін жауапкершілік туралы қол қойылған меморандумдар бар. Екіншіден, Aitu-да республикалық база деректері жоқ, ол тек ақпарат алады. Қазір Aitu пилоттық режимде жұмыс істейді”, – деді цифрлық даму, инновациялар және аэроғарыш өнеркәсібі вице-министрі Әсет Тұрысов.
</blockquote>

Ashyq қосымшасында ақау пайда болды

<a href="https://kyzylorda-news.kz/">Kyzylorda-news.kz</a>.&nbsp;Бүгін Қызылорда облысының әкімі Гүлшара Әбдіқалықова «Ustudy» аймақтық тестілеу орталығына барып, орталықтың ұлттық біріңғай тест өткізу бағытындағы жұмыстарын көрді.
Биыл облыста 7007 мың бала мектеп бітірсе, оның 85 пайызы ұлттық сынаққа қатысады. Ұлттық біріңғай тестілеудің алғашқы кезеңінде 5992 түлек, екінші кезеңінде 5936 бақ сынайды. Өңірде ҰБТ 4 мамандандырылған тестілеу пунктте өтуде. Олардың бірі осы «Ustudy» орталығы болса, қалған үшеуі Қазалы, Қармақшы және Жаңақорған аудандарында орналасқан. Орталық директоры Гүлнәр Пейісова тестілеу пунктінің негізгі талаптарға сай жабдықталғанын, қазіргі уақытта ҰБТ өткізілетін орындарда санитарлық талаптардың қатаң сақталғандығын жеткізді. Өңір басшысы тестілеу кезінде түлектерге барлық жағдай жасалауын тапсырып, олардың қауіпсіздік шараларын да басты назарда ұстау қажеттігін ескертті.
<blockquote>
 «Биылғы түлектер де пандемия жағдайында ұлттық біріңғай тестілеуден өтуде. Сондықтан біз үшін әрбір талапкердің қауіпсіздігі маңызды. Сол үшін санитарлық талаптардың сақталуына аса мән беруіміз керек. Мемлекет тарапынан жастарға қолдау жасалып, мектеп бітірушілерге тестілеуден өтуге екі кезең берілді. Қай кезеңде балы жоғары болса, сол көрсеткіш есепке алынбақ. Бұл көптеген жастың өз мақсатына жетуіне, таңдаған мамандығының иесі атануына сеп болмақ», – деді Гүлшара Әбдіқалықова.
</blockquote>
Айта кетейік, биылғы ұлттық біріңғай тестілеу электронды форматты 6-мамырдан бастап өткізілуде. Бүгінгі күнге дейін аймақта 1530 түлек тест тапсырған. Орташа балл – 85 балл. Осыған дейін тест тапсырған мектеп бітірушілердің 15 пайызы 100-ден аса балл жинаған. ҰБТ 30 маусымға дейін жалғасады. Шалғай елді-мекенде бітірушілерді автобустармен тасымалдау шаралары ұйымдастырылуда. ҰБТ кезеңінде талапкерлердің өмір қауіпсіздігін қамтамасыз ету бағытында облыстық білім басқармасы медицина, өртке қарсы қызмет және ішкі істер органдарымен бірлесіп жұмыс жасауда.
Биылғы жылғы жаңа ереже бойынша, ҰБТ аяқталғаннан кейін тапсырмалардың жауаптарымен талдау картасы шығады. Яғни оқушылар тестілеу нәтижесін бірден көре алады. Түлектер 5 пән бойынша 120 сұрақтан тұратын тест тапсырып, ең жоғары 140 балл жинауға мүмкіндігі болады.
<img src="https://kyzylorda-news.kz/wp-content/uploads/2021/05/188520717_3381987875237591_4916480348521940100_n.jpg" alt="" />
<img src="https://kyzylorda-news.kz/wp-content/uploads/2021/05/188331579_3381988278570884_2860611323087047848_n.jpg" alt="" />
<img src="https://kyzylorda-news.kz/wp-content/uploads/2021/05/189819888_3381989258570786_7530795561960252018_n.jpg" alt="" />
<img src="https://kyzylorda-news.kz/wp-content/uploads/2021/05/187780562_3381989431904102_7797264798793219352_n.jpg" alt="" />

Гүлшара Әбдіқалықова: Біз үшін әрбір талапкердің қауіпсіздігі маңызды

<a href="https://kyzylorda-news.kz/">Kyzylorda-news.kz</a>.&nbsp;Қызылорда облысында 40 гектарға жуық орманды алқап өртеніп кеткен. Одан бөлек, елді мекендерге жақын маңдағы егістіктер де отқа оранған.
Бұған ең алдымен адамдардың салғырттығы себеп болып отыр. Сондай-ақ табиғат аясына сейіл құрып, тынығуға шыққандар да көбінесе қауіпсіздік шараларын сақтамайды. Салдарынан адам өмірі мен мүлкіне, ерекше қорғаудағы өсімдіктерге үлкен қауіп төнеді. Құтқарушылардың айтуынша, шалғай аумақтарда тұтанған өртті сөндіру кезінде су көздерін табу қиындық туғызады екен. Сырдария мен өзге арналардағы су деңгейі таяз болуына байланысты тікұшақпен тасымалдау мүмкін емес. Сондықтан тек мотопомпаның күшімен су бүркеміз дейді өрт сөндірушілер. Төтенше жағдайлар департаментінің мамандары қоршаған орта мен жануарлар дүниесін қорғау мақсатында 8 өрт-тактикалық жаттығу өткізіп, жылдам су жеткізу тәсілдерін жетілдіріп жатыр.&nbsp;&nbsp;
<blockquote>
 «Тораңғыл, сексеуіл сынды қызыл кітапқа енген өсімдіктерді қорғау мақсатында жедел-жәрдем, ішкі істер министрлігі, ұлттық әскери бөлімдерді, көптеген арнайы қызметтерді жұмылдыра отырып, оқу-жаттығуларды өткіздік. Облыс тұрғындарына және қонақтарды қауіпсіздікті қатаң сақтап, өрттің алдын алу шараларына шақырамын», – дейді «Өрт сөндіру және авариялық құтқару қызметі» мемлекеттік мекемесінің басшысы Нұрсұлтан Ибрагимов.
</blockquote>
<a href="https://24.kz/kz/zha-aly-tar/o-am/item/474995-yzylorda-irinde-40-gektar-a-zhuy-ormandy-al-ap-rtenip-ketken">Хабар 24</a>

Қызылордада 40 гектарға жуық орманды алқап өртеніп кеткен

<a href="https://kyzylorda-news.kz/">Kyzylorda-news.kz</a>. «Азаматтарға арналған үкімет» мемлекеттік корпорациясының Қызылорда облысы бойынша филиал директоры Айдын Қайруллаев өз қызметінен кетті. Бұл туралы филиал директоры «Facebook» парақшасында жариялады.
<blockquote>
 «Құрметті жерлестер! Бүгіннен бастап «Азаматтарға арналған үкімет» мемлекеттік корпорациясының Қызылорда облысы бойынша филиал директоры ретіндегі қызметім аяқталды. Филиалдың құрылуы мен қалыптасуына, дамуына алғашқылар болып бас-қасында болғаныма қуанамын. 2018 жылы халыққа қызмет көрсету орталығы, жер кадастры және жылжымайтын мүлік орталығы, зейнетақы және жәрдемақы есептеу орталығы секілді 3 департамент біріктіріліп, құрамында бір мыңға жуық қызметкері бар ұжым жаңа құрылымда жұмысын бастады. Мекемелер бірігу барысында әрине қиындықтар болмады емес болды. Бірақ, түсіністік пен ауызбіршілік арқасында барлығы өз шешімін тапты. 3 жыл ішінде жаңа функциялар берілді. Қосымша мемлекеттік қызметтер енгізілді. Барлығын үйлестіру, ұйымдастыру, мамандарды оқыту, тұрғындарға насихаттау, үйрету ұйымдастырылды. Бұл тұрғыда барша әріптестеріме алғыс білдіремін. Бұл жұмыстарды ұжымның, бір команданың бірлігі арқасында қол жеткіздік», – делінген жазбада.
</blockquote>
Айдын Қайруллаев пандемия, карантин кезінде де орталық мамандары өзінің денсаулығы мен өміріне қауіп төніп тұрса да халыққа қызмет көрсеткенін айтып өтті.
<blockquote>
 «Кейбір кезде бізге қатысы болмаса да мемлекеттік органдардың ақпараттық базаларындағы іркіліс салдарынан сындар болған шығар. Жалпы алғанда қызмет алушыларға сапалы қызмет көрсетуге жұмыс жасадық.Қазір тізгінді сенімді әрі тәжірибесі мол әріптесім Айнұр Шорабекқызы Тобаева алып жатыр. Әрі қарай да бірлесіп филиалымыздың жемісті қызмет атқаруына бар күш-жігерімізді жұмсайтын боламыз. Өткен жылы филиалымыз үздік төрттіктің қатарында болды. Облыста бірыңғай байланыс орталығының жаңа бөлімі ашылды. Қосымша 74 жаңа жұмыс орны ашылды. Бұл байланыс орталығы бүкіл республикаға қызмет көрсетеді. Облыс, қала әкімдерінің қолдауымен ғимарат бөлініп, қажетті компьютерлер берілетін болды. Жақын күндері Сіздерге оның жұмысы көрсетілетін болады. Бұл өз кезегінде республика халқының 1414 бірыңғай байланыс орталығына хабарласып, мемлекеттік қызметтерді алу бойынша тегін кеңес алуға мүмкіндік алады. Мемлекеттік қызмет істері Агенттігінің облыстағы департаменттің, әкімдіктердің атсалысуымен өздігінен мемлекеттік қызмет көрсету орталығы ашылды. Биылғы жылдың тағы бір жақсы жаңалығы- қаладағы жер учаскелерін түгендеу жұмыстарының жүргізіле бастауы. Бұған облыс әкімдігі қолдау білдірді. Бұған дейін мүлікті жария ету және өзге де реформалар кезінде халықтың айтуы бойынша жер учаскелері рәсімделіп, бірақ координатталмай, базаға енгізілмеген болатын. Сол себепті Аис Гзк базасымен салыстырғанда нақты жер учаскелерінде сәйкессіздіктер орын алған. Міне, осы сәйкессіздіктерді жоюға, халықтың нақты бос жер учаскелерін портал арқылы көруге мүмкіндік беріледі. Міне, осындай жақсы жаңалықтарымыз бар. Алла амандықта қауышуға жазсын!», – дейді Айдын Қайруллаев.
</blockquote>
<img src="https://kyzylorda-news.kz/wp-content/uploads/2021/05/188155340_4249126598473221_6846129045677344319_n.jpg" alt="" />

&#8220;Азаматтарға арналған үкімет&#8221; мемлекеттік корпорациясының Қызылорда облысы бойынша филиал директоры қызметінен босады

<a href="https://kyzylorda-news.kz/">Kyzylorda-news.kz</a>.&nbsp;Биыл «Мерейлі отбасы» ұлттық конкурсы бұрынғыдан өзгеше тәртіппен өтеді, деп хабарлайды <a href="https://www.inform.kz/kz/mereyli-otbasy-biyl-17-otbasyna-laureat-atagy-beriledi_a3790346">ҚазАқпарат</a>.
Ақпарат және қоғамық даму министрлігі Жастар және отбасы істері комитетінің төрағасы Шахмардан Байманов орталық коммуникациялар қызметінде өткен брифингіде осындай жаңалық айтты.
<blockquote>
 «Биыл Үкімет қаулысымен «Мерейлі отбасы» ұлттық конкурсын өткізудің жаңа қағидалары бекітілді. Ол бойынша конкурсты танымал ету және үміткерлердің санын ұлғайту үшін өтінімдерді отбасының өздерінен басқа жергілікті атқарушы органдар және заңды тұлғалар енгізе алады. Өңірлік кезеңнің барлық жеңімпаз отбасылардың еңбек, спорт, шығармашылық, зияткерлік, ғылыми жетістіктері болғандықтан, республикалық деңгейде бір отбасын ғана таңдамай, барлық 17 отбасыға конкурс лаураеаты атағы беру туралы шешім қабылданды. Конкурс әділ әрі ашық өтуі үшін өңірлік комиссиялардың құрамына азаматтық қоғам өкілдері, өткен жылдардағы жеңімпаздарды қосу көзделген. Комиссия отырыстары жергілікті атқарушы органдардың интернет ресурстарында және әлеуметтік желідегі ресми аккаунтарында онлайн көрсетілім арқылы өтеді», – деді комитет төрағасы.
</blockquote>
Конкурсқа қатысуға үміткерлерлер өтінімдерін жергілікті комиссияларға 15 маусымға дейін жолдай алады. Конкурс лауреаттарын салтанатты марапаттау рәсімі қыркүйек айының екінші жексенбісі – Отбасы күні мерекесі қарсаңында өтеді.

«Мерейлі отбасы»: Биыл 17 отбасына лауреат атағы беріледі

<a href="https://kyzylorda-news.kz/">Kyzylorda-news.kz</a>.&nbsp;Бүгін Өзбекстан Республикасының Бас Консулы Аброр Фатхуллаев Сыр өңіріне іс-сапармен келді. Ол сапар барысында Достық үйімен танысып, облыстық ішкі саясат басқармасының басшысы Мира Қазбекова және өзбек этномәдени бірлестігінің белсенді мүшелерімен дидарласты.
Бас Консул алдымен Достық үйінің мұражайын көріп, онда түрлі этнос өкілдерінің көпғасырлық тарихымен және мәдениетімен танысты. Аброр Фатхуллаев өз сөзінде Қазақстан халқы Ассамблеясы туралы Елбасы Н.Ә. Назарбаевтың бастамасымен құрылған әлемде теңдесі жоқ қоғамдық институтының маңыздылығына тоқталып өтті.
Облыстық ішкі саясат басқармасының басшысы Мира Қазбекова Қызылорда облысында этносаралық келісімді нығайту саласында этномәдени бірлестіктер мен азаматтық институттардың өзара қарым-қатынастарына ерекше көңіл бөлінгендігін және Достық үйі бейбітшілік пен келісімнің, жарқын бастамалардың және көпфункционалды ресурстық орталықтардың орны екендігін атап өтті.
Өз кезегінде Аброр Фатхуллаев жұмыс сапарының мақсатымен бөлісіп, өзбек этнос өкілдерінің ұсыныс-пікірлерін тыңдады.Жылы жүздесуде бірлестік өкілдері өзбек тілін оқыту курстары ашылса, өзбек этносының үздік оқушыларына бауырлас елдегі лагерьлерге жолдамалар қарастырылса, кәсіпкерлік бағытында бірлескен жұмыстар жоспарланса деген ұсыныстарын ортаға салды. Ал, облыстық Қазақстан халқы Ассамблеясы жанындағы Аналар кеңесінің төрайымы Рахима Ахметова Өзбекстан еліндегі аналармен өзара тәжірибе алмасып, ҮЕҰ-мен байланыс орнатуға Консулдық тарапынан қолдау болса деген пікірін айтты.
Барлық ұсыныс-пікірлерді қаперіне алған Бас Консул ыстық ықыласпен қарсы алған бауырластарына ризашылығын жеткізіп, 2016 жылдан бері өзбек этномәдени бірлестігіне жетекшілік етіп келе жатқан Кахар Дадашевқа қоғамдық келісім мен екі ел арасындағы достық қарым-қатынасты берік ету жолындағы зор еңбегі үшін Алғыс хат табыстады. Сонымен бірге Өзбекстанның «Янги Узбекистон» газеті, «Шарқ Юлдузи» журналы мен бірнеше құнды кітаптарын сыйға тартты.
Айта кету керек, бүгінгі таңда облыста өзбек этносының 1500-ға жуық өкілі тұрады. Олардың барлығы өңіріміздің дамуына сүбелі үлесін қосып келеді.
<img src="https://kyzylorda-news.kz/wp-content/uploads/2021/05/188325426_2943117419340752_1282210805446526880_n.jpg" alt="" />
<img src="https://kyzylorda-news.kz/wp-content/uploads/2021/05/187911721_2943117666007394_7132404675360411765_n.jpg" alt="" />
<img src="https://kyzylorda-news.kz/wp-content/uploads/2021/05/189217490_2943117886007372_4996150569453736367_n.jpg" alt="" />

Қазақстан және Қызылорда облысының жаңалықтары

Covid-19: Қызылордада 36 адам вирус жұқтырды

21 мамырға арналған ауа райы болжамы

Қызылордада 5 мыңнан астам адам наркологиялық есепте тұр

Депутат еден жуушылардың жалақысын арттыру мәселесін көтерді

Қызылорда: Қазақстанда алғаш рет күріш көшеті егілді (ВИДЕО)

Аймағамбетов мектептегі 13,5 мың маманның жалақысы қашан көтерілетінін айтты

Ashyq қосымшасында ақау пайда болды

Гүлшара Әбдіқалықова: Біз үшін әрбір талапкердің қауіпсіздігі маңызды

Қызылордада 40 гектарға жуық орманды алқап өртеніп кеткен

“Азаматтарға арналған үкімет” мемлекеттік корпорациясының Қызылорда облысы бойынша филиал директоры қызметінен босады

«Мерейлі отбасы»: Биыл 17 отбасына лауреат атағы беріледі

Өзбекстан Республикасының Бас Консулы Достық үйіне барды

Қазақстан және Қызылорда облысының жаңалықтары

Covid-19: Қызылордада 36 адам вирус жұқтырды

21 мамырға арналған ауа райы болжамы

Қызылордада 5 мыңнан астам адам наркологиялық есепте тұр

Депутат еден жуушылардың жалақысын арттыру мәселесін көтерді

Қызылорда: Қазақстанда алғаш рет күріш көшеті егілді (ВИДЕО)

Аймағамбетов мектептегі 13,5 мың маманның жалақысы қашан көтерілетінін айтты

Ashyq қосымшасында ақау пайда болды

Гүлшара Әбдіқалықова: Біз үшін әрбір талапкердің қауіпсіздігі маңызды

Қызылордада 40 гектарға жуық орманды алқап өртеніп кеткен

&#8220;Азаматтарға арналған үкімет&#8221; мемлекеттік корпорациясының Қызылорда облысы бойынша филиал директоры қызметінен босады

«Мерейлі отбасы»: Биыл 17 отбасына лауреат атағы беріледі

Өзбекстан Республикасының Бас Консулы Достық үйіне барды

“Азаматтарға арналған үкімет” мемлекеттік корпорациясының Қызылорда облысы бойынша филиал директоры қызметінен босады