<a href="https://kyzylorda-news.kz/">Kyzylorda-news.kz</a>. Қызылорда облысында экономика саласын дамыту мақсатында 265-тен астам жоба жүзеге асырылуда. Оның ішінде, тамақ өнеркәсібі бойынша 23 жоба енгізілді. Сондай-ақ, «Бизнестің жол картасы 2025» мемлекеттік бағдарламасы аясында жалпы құны 125,8 млн. теңгені құрайтын 4 жобаға субсидия берілді.
Ал, «Қызылорда» өңірлік инвестициялық орталығы арқылы тамақ өнеркәсібі саласында 97,7 млн. теңгені құрайтын 17 жоба шағын несиеге қол жеткізді.
Сонымен қатар, өңірдің тауар өндіруші кәсіпкерлерінің өнімдеріне жаңа сұраныс көздерін ашу және маркетингтік қолдау көрсету мақсатында облыстың ірі көтерме сауда орталықтарымен келіссөздер жүргізілді.

Қызылордада 4 жобаға субсидия берілді

<a href="https://kyzylorda-news.kz/">Kyzylorda-news.kz</a>. Коронавирустан қорғануға тек антиденелер ғана көмектеспейді, деп хабарлайды <a href="https://sputnik.kz/society/20201129/15608232/galym-koronavirus-infektsiyasy-zhutyrmaydy.html">Sputnik Қазақстан.</a>
Ғалымның айтуынша, кейбір адамдар коронавируспен ауырғандармен жақын қарым-қатынаста болса да, инфекция жұқтырмайды.
<blockquote>
 “Осындай жағдайлар болды. Олардың ағзасы бұл коронавирусты қабылдамайды”, – деді Иванов.
</blockquote>
Пастер атындағы эпидемиология және микробиология институтының ғалымдары осындай қорытындыға келген.
<blockquote>
 “Ғалымдар “қызыл аймақта” бірнеше ай бойы жұмыс істеп жүрген кейбір дәрігерлердің вирус жұқтырмайтынын байқаған”, – дейді маман.
</blockquote>
Коронавирус пандемиясы бүкіл әлемді қыспағына алды. 60 миллионнан астам адам вирус жұқтырса, оның 1,4 миллионнан астамы қайтыс болды. Коронавируспен ауырғандар саны бойынша АҚШ, Үндістан және Бразилия көш бастап тұр.
Қазақстанда соңғы мәліметтер бойынша коронавирус жұқтырғандар саны 130 865 адамға жетті. Коронавирустық пневмониямен ауырғандар саны – 42 104. Қайтыс болғандар – 2 470.

Ғалым коронавирус инфекциясын неге барлық адам жұқтырмайтынын түсіндірді

<a href="https://kyzylorda-news.kz/">Kyzylorda-news.kz</a>. 2021 жылдың 10 қаңтарында елімізде ҚР Парламенті Мәжілісінің және барлық деңгейдегі мәслихаттардың депутаттарын сайлау өтетіні белгілі.
Осы орайда дауыс беру құқығы бар көптеген азамат өзінің сайлау учаскесінің қайда екенін білмей жататыны да бар. Ал оны анықтау жолы өте қарапайым. Еліміздің барлық өңірлерінде сайлаушылардың тізімін әзірлеуге жауапты жергілікті әкімдіктер ресми сайттарына арнайы баннер орналастырып, Call-орталықтар, Telegram-боттар жасақтап қойған. Сол ресурстарға кіру арқылы кез келген азамат өзінің тұрғылықты жері бойынша сайлау учаскесін анықтай алады. Ал уақытша тұрып жатқан азаматтар 10 желтоқсанға дейінгі жергілікті әкімдіктерге барып, дауыс беру үшін тіркеуден өтуі қажет.
Сыр өңірі де 2021 жылдың 10 қаңтарында өтетін Мәжіліс пен мәслихаттар депутаттарын сайлаушылар тізімін анықтауға арналған&nbsp;<a href="https://saylau.orda.gov.kz/kk">дербес сайт</a>&nbsp;ашып қойған. Одан ЖСН теру арқылы бірден қай учаскеде тіркелгеніңізді білуге болады.

Сайлау учаскеңізді қалай білуге болады?

<a href="https://kyzylorda-news.kz/">Kyzylorda-news.kz</a>. 3 желтоқсанда Ресейдің «Виктория» ұлттық музыка сыйлығы тапсырылады. Әнші Димаш Құдайберген байқаудың «Үздік поп әнші» аталымында Your love әнімен ұсынылған, деп хабарлайды <a href="https://lenta.inform.kz/kz/dimash-kudaybergen-viktoriya-muzyka-baykauynyn-finalyna-shykty_a3724340">ҚазАқпарат</a>.
«Виктория» сыйлығын тапсыру рәсімі Кремль сарайында өтеді. Биылғы байқауда көрермен болмайды. Алайда концерттің телевизия нұсқасы 18 қаңтарда «Россия-1» телеарнасы көрсетеді.
«Виктория» сыйлығын ақын, меценат Михаил Гуцериев, композитор, продюсер Игорь Крутой, жазушы, медиа-менеджер Юрий Костиндер ұйымдастырған.
Финалға шыққандар «Үздік жыл әні», «Үздік поп әнші», «Үздік хип-хоп орындаушы», «Үздік рок-группа немес рок әнші», «Жыл композиторы», «Жыл ақыны» секілді 14 номинацияда бақ сынайды. Онда қазіргі заманауи музыканың барлық бағыты қамтылған.
2020 жылы әртістердің көбі онлайн концерт қоюға мәжбүр болды. Сондықтан ұйымдастыру комитеті «Жылдың онлайн концерті» деген аталым ашты.
Байқау сахнасына Niletto, Филипп Киркоров пен Dava, Полина Гагарина, Artik&amp;Asti, «Виктория-2019» сыйлығының иегерлері Димаш Құдайберген мен Zivert; Николай Басков, Артем Качер, Polina және биыл әндері Ресейде хитке айналған өнерпаздар бар.

Димаш Құдайберген «Виктория» музыка байқауының финалына шықты

Kyzylorda-news.kz. Қазақстанда өткен тәулікте 826 адамда коронавирус індеті ПТР арқылы расталды.
Аймақтар бойынша:
Нұр-Сұлтан қаласы – 83
Алматы қаласы – 73
Шымкент қаласы – 6
Ақмола облысы – 86
Ақтөбе облысы – 1
Алматы облысы – 33
Атырау облысы – 18
Шығыс Қазақстан облысы – 135
Жамбыл облысы – 14
Батыс Қазақстан облысы – 39
Қарағанды облысы – 25
Қостанай облысы – 85
Қызылорда облысы – 1
Павлодар облысы – 120
Солтүстік Қазақстан облысы – 105
Түркістан облысы – 2
Жалпы ел бойынша ауырғандар саны – 130 865.

Қызылордада өткен тәулікте коронавирус тіркелді

Kyzylorda-news.kz. Қорқыт ата атындағы Қызылорда университетінде «Мұстафа Шоқай – түркі халықтарының азаттығы мен бірлігі жолындағы қозғалыстың көшбасшысы» атты халықаралық ғылыми-тәжірибелік конференция өтті.&nbsp;
ZOOM платформасында өткізілген конференция ғылыми кітапхананың дәстүрлі және виртуалды көрмесімен сүйемелденді.
Конференцияға қатысқан спикерлер арасында Қызылорда облысы әкімінің орынбасары Н.Байқадамов, Қорқыт Ата атындағы Қызылорда университетінің ректоры Б.Кәрімова, ҚР ҰҒА академигі, Абай атындағы ҚазҰПУ профессоры М.Қойгелдиев, ҚР ҰҒА академигі, Л.Н.Гумилев атындағы Еуразия ұлттық университетінің профессоры, Д.Қамзабекұлы, Стамбул Мимар Синан университетінің профессоры Әбдіуақап Қара, Өзбекстан Ғылым академиясы тарих институтының аға ғылыми қызметкері, профессор Раджабов Кахрамон, Қорқыт ата атындағы Қызылорда университеті «Мұстафа Шоқай» ғылыми орталығының ғылыми жетекшісі, профессор Б.Әбдіжәлел, Қ.А.Ясауи атындағы Халықаралық қазақ-түрік университетінің профессоры, Т.Хазретәлі, Қорқыт Ата атындағы Қызылорда университеті «Қазақ тілі мен әдебиеті және журналистика» кафедрасының меңгерушісі, филология ғылымдарының кандидаты Ғ.Тұяқбаев болды.
Конференция барысында түркі халықтарының бірлігі мен азаттығы жолындағы күреске саналы ғұмырын арнаған Мұстафа Шоқайдың өмірлік жолына, саяси-қоғамдық еңбегіне жан-жақты шолу жасалды.
Атап айтқанда, Д.Қамзабекұлы Мұстафа Шоқай мен Смағұл Сәдуақасұлының сабақтастық тағылымы туралы баяндамасында ұлт жанашырларының еңбегі жан-жақты зерделенді.
&nbsp;Сонымен қатар Мұстафа Шоқай мен әулетіне кеңес үкіметі жасаған қиянат жайында талқыланып, оның Еуропадағы ел тәуелсіздігі жолындағы күресі туралы толыққанды ақпарат берілді.
Өзбекстандық ғалым К.Раджабов сөз барысында Шоқайдың еңбектеріндегі кеңестік жүйеге қарсы қарулы күрес мәселесіне қатысты ой толғап, тарихи деректерден мысалдар келтірді.
Әзірбайжандық ғалым Дилгам Ахмад баяндамасын Мұстафа Шоқайдың Әзірбайжанға саяси эмиграциясы кезеңіне арнады. Ғалым Шоқай мен өз елінің азаттық күрескерлері арасындағы тығыз саяси байланыс пен ұлт бостандығы жолындағы мүдделерінің үндесуі мен жақындығын ерекше атап өтті.
Шараға қатысушылар конференция барысында Шоқай мәселесіне қатысты өз пікірлерімен бөлісіп, ойларын ортаға салды.
Сонымен бірге, қатысушылар тарапынан берілген ұсынымдар арасынан Қызылорда облысы Шиелі ауданына Мұстафа Шоқай есімін беру мен аймақтағы жоғары оқу орындарының үздік оқитын студенттеріне «Мұстафа Шоқай» атындағы арнаулы стипендия тағайындау мәселелері көпшіліктің көңілінен шықты.
Университет ректоры Бейбіткүл Кәрімова шараны қорытындылай келе, бүгінгі қоғам өткен тарихтан сабақ алып, ұлтымыздың біртуар тарихи тұлғаларын танудың маңыздылығын баса айтты.
<img src="https://kyzylorda-news.kz/wp-content/uploads/2020/11/127889061_2115493595254722_4719926224791694633_o.jpg" alt="" />
<img src="https://kyzylorda-news.kz/wp-content/uploads/2020/11/128159508_2115493708588044_1597216597356206276_o.jpg" alt="" />
<img src="https://kyzylorda-news.kz/wp-content/uploads/2020/11/127643792_2115615508575864_3643459765732484542_n.jpg" alt="" />

Қызылордада халықаралық ғылыми-тәжірибелік конференция өтті

<a href="https://kyzylorda-news.kz/">Kyzylorda-news.kz</a>. Энергетика министрі Нұрлан Ноғаев пен аймақ басшысы Гүлшара Әбдіқалықова облыс орталығында орналасқан «Қазгермұнай» БК» ЖШС қызметімен оның ішінде, «Зияткерлік кен орны» жобасының жұмысымен танысты.
1993 жылы қызметін бастаған аталған мекеменің бағыты мұнай және газ өндіру. «Қазгермұнай» БК» ЖШС балансында 5 бөлек мұнай және газ кен орындары бар, 746 адамды жұмыспен қамтып отыр. Атап айтқанда, Орталық Ақшабұлақ, Шығыс Ақшабұлақ, Оңтүстік Ақшабұлақ, Нұралы және Ақсай.
2019 жылы мұнай өндіру көлемі 2,2 млн.тоннаны құрады. Ағымдағы жылдың жоспары бойынша 1,5 млн. тонна мұнай өндіру қажет, 10 айда 1,3 млн.тонна өндірілді.
ҚР Энергетика министрлігінің отын-энергетика кешенін цифрландыру бойынша бекітілген Жол картасы аясында «ҚазГерМұнай» БК» ЖШС өткен жылы «Зияткерлік кен орны» цифралық технологиясын енгізді.
Аталған технологияны енгізу мұнай өндіруді 1-2%-ға дейін, айлық есептік көрсеткішті 700 күнге дейін ұлғайтуға, операциялық шығындарды 10%-ға дейін қысқартуға және басқару шешімдерінің тиімділігін 20%-ға дейін арттыруға ықпал етеді.
Энергетика министрі мен облыс әкімі «Энергосервис» ЖШС-ға барып, төлем жүйесі, бірыңғай төлем құжаты, сервистік қызмет көрсету секілді қызметтерімен танысты.
Кәсіпорынның басты бағыты тұтынушыларды электр энергиясымен қамтамасыз ету. «Энергосервис» ЖШС қызметін 1998 жылы бастаған, бүгінгі күні мекемеде 92 адам жұмыс істейді.
Кәсіпорын өз қызметінде ақпараттық технологиялар мен төлемнің заманауи әдістерін белсенді қолданады. Тұтынушыларды хабардар ету үшін смс-хабарландыруды және қоңырау шалу, сондай-ақ тұтынушы ақпаратты компанияның веб-сайты және мобильді қосымша пайдаланылады. 2017 жылы «Энергосервис» ЖШС Бірыңғай есептеу орталығы ретінде үш коммуналдық қызметпен (жарық, су және жылу) бірыңғай төлем құжатын енгізуді бастады.
Біріңғай төлем қағазы –Telegram-bot, смс, АВТО қоңырау шалу, онлайн төлемдер, веб-сайт және жеке кабинет, екінші деңгейдегі банктердің мобильді платформалары және өзіне-өзі қызмет көрсету терминалдары кіретін қызметтер кешені. 2019 жылдан бастап БТҚ-ға Мемлекеттік кірістер департаменті үшін мүлік салығы, жер салығы және көлік құралдары салығы туралы ақпарат енгізілді.
Сондай-ақ, делегация «ПетроҚазақстан Құмкөл Ресорсиз» АҚ барып, жұмыс барысын көрді. Бұл кәсіпорын жұмысын 1986 жылы бастаған. «ПетроҚазақстан Құмкөл Ресорсиз» АҚ – Оңтүстік Торғай бассейніндегі барлау блоктарынан, яғни, Құмкөл (оңтүстік-шығыс бөлігі), Оңтүстік Құмкөл, Шығыс Құмкөл, Солтүстік Нұралы, Арысқұм, Қызылқия, Солтүстік-Батыс Қызылқия, Майбұлақ, Оңтүстік-Батыс Қарабұлақ мұнай кен орындарын игеруді жүзеге асыратын мұнай өндіруші компания. Жалпы 1560 азаматты жұмыспен қамтып отыр. 2019 жылы мұнай өндіру көлемі 933 мың тоннаны құрады. 2020 жылға арналған жоспар 691,5 мың тонна. Ағымдағы жылдың 10 айында 625 мың тонна мұнай өндірді. 
ҚР Энергетика министрі бастамаларға сәттілік тілеп, көтерілген ұсыныстарға қолдау көрсетілетінін атап өтті.
<img src="https://kyzylorda-news.kz/wp-content/uploads/2020/11/769b8a9b7ccd35f63b14b18daf04ba9d_original.795272-scaled.jpg" alt="" />
<img src="https://kyzylorda-news.kz/wp-content/uploads/2020/11/2fdf96968bf6bc87841f9d88692afd2c_original.893613-scaled.jpg" alt="" />

ҚР Энергетика министрі Қызылорда қаласындағы бірқатар нысандарды аралады

<a href="https://kyzylorda-news.kz/">Kyzylorda-news.kz</a>. Жексенбіде еліміздің солтүстік-шығысында қалың қар жауы, боран соғады, деп хабарлайды Қазгидромет.
29 қарашада Қазақстанның басым бөлігіне әсер еткен оңтүстік циклоны еліміздің солтүстік-шығысына жылжиды. Атмосфералық ағынға байланысты қалың қар жауады, тек батыста және оңтүстік-батыста күн райы ашық болады. Еліміздің кей жерлерінде тұман түседі, көктайғақ болады, жел күшейіп, жаяу бұрқасын соғуы ықтимал.
Қызылорда облысының кей жерлерінде тұман түсуі мүмкін.

Жексенбіге арналған ауа райы болжамы

Kyzylorda-news.kz. Қызылорда қаласындағы білім ордаларынан өзінің өзгеше сипаттағы білім беру стилі мен баланың білім алуға құштарлығын арттыратын идеяларымен ерекшеленетін С.Лапин атындағы №261 мектебі оқушыларын тағы да қуантуда.
Бүгінде 2 300 оқушысы бар үлкен ұжым “Сoworking” орталығы мен “Сinema room” бөлмесінің ашылуын атап өтті.
Бұл мектеп кітапханасының жаңа форматы. Тың идеяны жүзеге асырған мектеп директоры Қарлығаш Әбдірахманова кітапхананың заманауи жабдықталып, ыңғайлы әрі қызықты болуы оқушының өзіндік шығармашылығын дамытып, оқуға қызығушылығын арттыратындығын, осылайша білім сапасын көтеруге мүмкіндік алатындығына тоқталды.
Кітапхана жұмысы 5 бағытқа бөлінген, яғни аптаның әр күнін түрлі, қызықты, әрі пайдалы өткізуге мүмкіндік береді. Оқуға құштар мектептің тағы бір жаңа қыры, мектепте “Буккроссинг” бұрышы ұйымдастырылған. Мектеп қабырғалары көрнекті ойшылдар мен ғұламалардың мұрасымен өрнектелген. Электронды оқулықтар мен 3 700 көркем әдебиет қоры бар.
Жаңалыққа толы білім ордасы алдағы уақытта мектептің көркем әдебиет қорын жаңартып, кітапхананы цифрландыруға көшіруді жоспарлауда.
Айта кету керек, ашылу рәсіміне арнайы құттықтап келген “Авто-лидер Қызылорда” ЖШС директоры, жас кәсіпкер Нурболат Ибраев «Grand мастер» it бағдарламалық мектебінің директоры Алмат Қуанышбаев және Облыстық жастар орталығының бөлім басшысы, “Кітап құрттары” клубының жетекшісі Талғат Меңдібаев ұжымға сәттілік тіледі.
<img src="https://kyzylorda-news.kz/wp-content/uploads/2020/11/fb_img_1606538972697.jpg" alt="" />
<img src="https://kyzylorda-news.kz/wp-content/uploads/2020/11/fb_img_1606538980063.jpg" alt="" />
<img src="https://kyzylorda-news.kz/wp-content/uploads/2020/11/fb_img_1606538968595.jpg" alt="" />
<img src="https://kyzylorda-news.kz/wp-content/uploads/2020/11/fb_img_1606538990432.jpg" alt="" />
<img src="https://kyzylorda-news.kz/wp-content/uploads/2020/11/fb_img_1606538982370.jpg" alt="" />

&#8220;COWORKING &#038; CINEMA ROOM&#8221; мектептерге жол тартты

Kyzylorda-news.kz. Қызылорда қаласының әкімі Нұрлыбек Нәлібаев пен ҚР Сыбайлас жемқорлыққа қарсы іс-қимыл агенттігінің Қызылорда облысы бойынша департаментінің басшысы Ардақ Ерсейітов қалаға қарасты кент және ауылдық округтердегі «Сервистік әкімдіктің» жұмыс барысымен танысты.
Халық пен билік арасындағы ашықтықты, жариялылықты қамтамасыз ету мақсатында Тасбөгет кенті әкімінің аппараты 2 жыл көлемінде «OPEN SPACE» форматында жұмыс істеп келеді. Ал биылғы жылдан бастап қызмет алушыларға, оның ішінде мүмкіндігі шектеулі жандар үшін қажетті жағдайлардың барлығы қарастырылған «Сервистік әкімдік» қағидаты бойынша халыққа қолжетімді қызмет көрсетуді бастады. Жыл басынан бері оңтайландырылған сервис арқылы 2 мыңнан аса кент тұрғыны мемлекеттік қызмет түрін алған.
Тұрғындар сервистік әкімдік арқылы жер мәселесіне қатысты кез-келген мәселесін шешіп, әлеуметтік сала бойынша сауалдарының жауабын ала алады. Сонымен қатар сервистік қызметке «Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған «Еңбек» мемлекеттік бағдарламасы» бойынша бағыт-бағдар беру жұмыстары да кіреді. Сервистік әкімдік аясында ауыл шаруашылығы бойынша жеке және заңды тұлғалардың өтініштеріне сәйкес тиісті жұмыстар да атқарылады.
Ақсуат ауылының тұрғыны Сейітқасым Тәуірбаев «Сервистік әкімдік» қызметінің енгізілгенінен хабардар. Зейнеткер жеке куәлігін ауыстыру үшін сервистік әкімдіктің қызметіне жүгініп, жұмысының қалаға бармай-ақ ауылдан шешілгеніне дән риза. 
Қызылорда қаласы республикада бірінші болып, қалаға қарасты 2 кент және 7 ауылдық округте «Сервистік әкімдік» қызметін жүзеге асырғанын айтқан қала әкімі Нұрлыбек Нәлібаев аталмыш форматқа көшу мамандар мен тұрғындар арасындағы байланысты барынша ашық, қолайлы етіп, жұмыс тиімділігін арттырумен қатар тұрғындарға әр есікті жағаламай бір орыннан қызмет алуына мүмкіндік беретіндігін атап өтті.
<img src="https://kyzylorda-news.kz/wp-content/uploads/2020/11/fb_img_1606535973548.jpg" alt="" />
<img src="https://kyzylorda-news.kz/wp-content/uploads/2020/11/fb_img_1606535963983.jpg" alt="" />
<img src="https://kyzylorda-news.kz/wp-content/uploads/2020/11/fb_img_1606535969849.jpg" alt="" />

Нұрлыбек Нәлібаев: Ашықтық пен жариялылық жұмыс тиімділігін арттырады

Kyzylorda-news.kz. Қызылорда қалалық Полиция басқармасының ювеналды полиция қызметкерлері 26 қарашадан бастап «Ата-ана –Жасөспірім-Көше» атты жедел-профилактикалық іс-шарасын өткізуде.
Іс-шараның негізгі мақсаты – кәмелетке толмағандардың арасындағы қылмыстарды, оның ішінде топтық төбелес, суық қаруды тасымалдау, бопсалау сынды қылмыстардың алдын-алу, сондай-ақ кәмелетке толмағандарға алкоголь өнімдерін, темекі бұйымдарын сату, олардың түнгі уақытта заңды өкілдерінсіз жүруін тоқату, ойын-сауық мекемелерінде және тұрғын үй-жайлардан тыс болуы деректерін анықтау, бала тәрбиесімен айналыспайтын ата-аналарды анықтау жұмыстарын жандандыру болып табылады.
Іс-шараның 1 күнінде «Самара» стационарлық полиция пункттеріне 15 кәмелетке толмаған бала жеткізілді, ұрлық жасағаны үшін– 2, әкімшілік құқық бұзушылық жасағаны үшін – 13.
ҚР ӘҚБтК-нің 442-бабының 2 бөлігі бойынша (Кәмелетке толмағандардың заңды өкілдерінің еріп жүруінсіз тұрғынжайдан тыс жерде сағат 23-тен таңғы 6-ға дейін болуы) бойынша барлығы 10 кәмелетке толмағандар анықталып, олардың заңды өкілдеріне хаттама толтырылды.
ҚР ӘҚБтК-нің 434-2 бабының 1 бөлігі (Ортақ пайдаланылатын орындарды, саябақтарды, скверлердi ластау, оның iшiнде белгiленбеген орындарға коммуналдық қалдықтарды тастау)бойынша ортақ пайдаланылатын орындарды ластау бойынша 2 жасөспірім анықталып, әкімшілік шара көрілді. Профилактикалық есепке 3 кәмелетке толмаған алынды.
Қызылорда қалалық Полиция басқармасының басшылығы ересектерге Қазақстан Республикасы Қылмыстық Кодексінің 140-бабына сәйкес, кәмелетке толмағандарды тәрбиелеу жөніндегі міндеттерді орындамағаны үшін, қылмыстық жауапкершілік көзделгенін тағы да еске салады.
<img src="https://kyzylorda-news.kz/wp-content/uploads/2020/11/fb_img_1606537215136.jpg" alt="" />

Қызылордада 15 жасөспірім полицияның стационарлық пункттеріне жеткізілді

<a href="https://kyzylorda-news.kz/">Kyzylorda-news.kz.</a> Банк тауарларға төлем жасау, сондай-ақ&nbsp; ақшаны шешіп&nbsp; алу бойынша жеке тұлғаның карточкасы арқылы жүргізілетін операцияларға қандай жағдайларда және қандай негіздемелер бойынша толық немесе ішінара тыйым салуы мүмкін?
Төлем карточкасын бұғаттау дегеніміз – төлем карточкасын қолданумен, оның ішінде тауарлар үшін ақы төлеу мен ақшаны шешіп алу операцияларына толық немесе ішінара тыйым салу. Қазақстан заңнамасының шеңберінде “бұғаттау”&nbsp;ұғымы төлем карточкаларына қатысты ғана қолданылады.
Төлем карточкалары қай кезде бұғатталуы мүмкін:&nbsp;
1) төлем карточкасын ұстаушыдан төлем карточкасының жоғалғаны, ұрланғаны немесе рұқсатсыз пайдаланылғандығы туралы хабарлама алған;
2) төлем карточкасын ұстаушы төлем карточкасын беру туралы шартты орындамаған;
3) төлем карточкасын пайдаланудың эмитент пен төлем карточкасын ұстаушы арасындағы шартта көзделген ішкі құжаттарын сақтамаған жағдайларда бұғаттайды деп белгіленген.
Бұл ретте төлем карточкасын бұғаттау талаптары оны шығару туралы шартта келісіледі.&nbsp;
Шығыс операцияларын жүргізуге шектеу уәкілетті мемлекеттік органдардың немесе лауазымды тұлғалардың тиісті шешімдерінің (салық төлемеген, тергеу жұмыстары жүргізілген кезде, алаяқтық операцияларға күдік болған кезде) не Қаржы министрлігінің Қаржылық мониторинг комитетінің терроризм мен экстремизмді қаржыландыруға байланысты ұйымдар мен тұлғалардың тізбесіне енгізілген ұйымдар мен жеке тұлғалар туралы ақпаратының негізінде салынады.&nbsp;
Ал егер еңбекақы алатын карта бұғатталады ма?
Еңбекақы алатын төлем карточкасы ешқандай жеңілдіктер бермейді. Оның кәдімгі төлем карточкасынан еш айырмашылығы жоқ. Сондықтан еңбекақы алатын төлем карточкасын бұғаттау ондай картаны шығару туралы шартта белгіленген бұғаттау талаптарына сәйкес барлық карталарға арналған ортақ негіздерде жүзеге асырылуы мүмкін.
Банктік шот бойынша шығыс операцияларын тоқтата тұру немесе шоттағы ақшаға тыйым салу заңнамада белгіленген нормаларға сәйкес жүзеге асырылады. Яғни, уәкілетті мемлекеттік органдардың немесе лауазымды тұлғалардың клиенттің банктік шоты бойынша шығыс операцияларын тоқтата тұру туралы тиісті өкімдері немесе тыйым салу актілері болған жағдайда, карточка бұғатталады. &nbsp;
Банк санкциялар туралы хабарлауға міндетті ме?
Төлем карточкасын шығару туралы шартта банктің клиентке тиісті хабарламаларды жіберу тәртібі, тәсілдері, жағдайлары толық жазылуға тиіс. Банк пен клиенттің мұндай қарым-қатынасы шарттық қатынастармен реттеледі. Шартты мұқият оқу керек.&nbsp;&nbsp;
Банк қандай да бір транзакцияны бұғаттауға құқылы ма?
Ия, мүмкін. Мысалы, төлем карточкасы бойынша күмәнді, күдікті операциялардан өту кезінде. Карточкамен санкцияланбаған (алаяқтық) операциялардың алдын алу үшін банктер олардың жекелеген түрлеріне жүйелік шектеулер белгілеуі мүмкін. Оларды белгілеу талаптары, сондай-ақ алу тәртібі де төлем карточкасын шығару туралы шартта жазылған.&nbsp;
&nbsp;Бұл ретте, егер банктің клиенті – ұйым немесе жеке тұлға терроризмді және экстремизмді қаржыландырумен байланысты ұйымдар мен тұлғалардың тізбесіне кіретін болса, банктер олардың банктік шоттары бойынша шығыс операцияларын дереу тоқтата тұруға міндетті.&nbsp;
Егер карта немесе шот бұғатталса не істеу қажет?&nbsp;
Егер осындай жағдай орын алса, банктің қолдау қызметіне жүгіну қажет. Клиенттің банктік шотындағы ақшаны жұмсау уәкілетті мемлекеттік органдардың немесе лауазымды тұлғалардың тиісті актілері/шешімдері/өкімдері негізінде шектелген жағдайда, түсінік алу үшін тиісті уәкілетті мемлекеттік органға немесе лауазымды тұлғаға жүгінген дұрыс. &nbsp;
Төлем карточкасы бұғатталған жағдайда, соған байланыстырылған банктік шот бойынша операция эмитент банктің бөлімшесінде касса арқылы жүргізіле алады. Бұл ретте жеке басын куәландыратын құжатты көрсету қажет.
Карточканы бұғаттан қалай&nbsp;шығаруға болады? &nbsp;
Егер төлем карточкасын клиенттің өзі бұғаттаған жағдайда ғана оны банктің интернет-ресурсында жеке кабинетте бұғаттан шығаруға мүмкін болады.
Төлем карточкасы бұғатталған не банктік шот бойынша шығыс операциялары тоқтатылған кез келген жағдайда, карталардың иелері банкке сұрату жібере алады және банк түсініктеме беруі тиіс. Егер банк әрекетінің заңды екендігіне күмәндансаңыз, өз құқықтарыңызды қорғау үшін сот органдарына да, сол сияқты қаржы реттеушісіне де жүгіне аласыз.&nbsp;
<a href="https://stan.kz/tolem-kartochkasin-kim-bygattay-aladi-zhane-byl-zhagday-340200/">Stan.kz</a>

Қазақстан және Қызылорда облысының жаңалықтары

Қызылордада 4 жобаға субсидия берілді

Ғалым коронавирус инфекциясын неге барлық адам жұқтырмайтынын түсіндірді

Сайлау учаскеңізді қалай білуге болады?

Димаш Құдайберген «Виктория» музыка байқауының финалына шықты

Қызылордада өткен тәулікте коронавирус тіркелді

Қызылордада халықаралық ғылыми-тәжірибелік конференция өтті

ҚР Энергетика министрі Қызылорда қаласындағы бірқатар нысандарды аралады

Жексенбіге арналған ауа райы болжамы

“COWORKING & CINEMA ROOM” мектептерге жол тартты

Нұрлыбек Нәлібаев: Ашықтық пен жариялылық жұмыс тиімділігін арттырады

Қызылордада 15 жасөспірім полицияның стационарлық пункттеріне жеткізілді

Төлем карточкасын кім бұғаттай алады және бұл жағдайда не істеу керек?

Қазақстан және Қызылорда облысының жаңалықтары

Қызылордада 4 жобаға субсидия берілді

Ғалым коронавирус инфекциясын неге барлық адам жұқтырмайтынын түсіндірді

Сайлау учаскеңізді қалай білуге болады?

Димаш Құдайберген «Виктория» музыка байқауының финалына шықты

Қызылордада өткен тәулікте коронавирус тіркелді

Қызылордада халықаралық ғылыми-тәжірибелік конференция өтті

ҚР Энергетика министрі Қызылорда қаласындағы бірқатар нысандарды аралады

Жексенбіге арналған ауа райы болжамы

&#8220;COWORKING &#038; CINEMA ROOM&#8221; мектептерге жол тартты

Нұрлыбек Нәлібаев: Ашықтық пен жариялылық жұмыс тиімділігін арттырады

Қызылордада 15 жасөспірім полицияның стационарлық пункттеріне жеткізілді

Төлем карточкасын кім бұғаттай алады және бұл жағдайда не істеу керек?

“COWORKING & CINEMA ROOM” мектептерге жол тартты