Kyzylorda-news.kz. Санитариялық-эпидемиологиялық бақылау қызметінің мамандары балаларды сауықтыру лагерьлерін тексеруге кірісті. Бұл туралы ҚР ДСМ Санитариялық-эпидемиологиялық бақылау комитетінен мәлім етті, деп хабарлайды ҚазАқпарат.
ҚР Бас мемлекеттік санитариялық дәрігерінің 2021 жылғы 30 сәуірдегі № 17 қаулысына сәйкес республиканың аумағында балаларды сауықтыру лагерьлерінің қызметіне рұқсат етіледі. 17 мамырдағы жағдай бойынша республика аумағындағы 11 балаларды сауықтыру ұйымы санитариялық қағидалар мен гигиеналық нормативтердің талаптарына сәйкестігі туралы санитариялық-эпидемиологиялық қорытындыны алды. Атап айтқанда, Алматы облысында – 1, Павлодар облысында – 1, Түркістан облысында – 1, Ақтөбе облысында – 2, Қызылорда облысында 6 балалар лагерінің қызметіне рұқсат берілген.
<blockquote>
 «Балалар лагерьлері (жыл бойы жұмыс істейтін ұйымдарды қоспағанда) сауықтыру маусымы басталғанға дейін нысанның халықтың санитариялық-эпидемиологиялық саламаттылығы саласындағы нормативтік құқықтық актілерге сәйкестігі туралы санитариялық-эпидемиологиялық қорытындыны алуға міндетті. Жыл бойы жұмыс істейтін сауықтыру ұйымдары санитариялық-эпидемиологиялық қорытындыны ысанды пайдалану мерзімі басталғанға дейін бір рет алады», -деп атап өтеді комитеттен.
</blockquote>

Қазақстанда балаларды сауықтыру лагерьлерін тексеру басталды

Kyzylorda-news.kz. Қазақстанда өткен тәулікте 2667 адам коронавирус індетінен емделіп шықты, деп хабарлайды coronavirus2020.kz.
Аймақтар бойынша: Нұр-Сұлтан қаласы – 457, Алматы қаласы – 397, Шымкент қаласы – 96, Ақмола облысы – 137, Ақтөбе облысы – 68, Алматы облысы – 353, Атырау облысы – 60, Шығыс Қазақстан облысы – 95, Жамбыл облысы – 69, Батыс Қазақстан облысы – 190, Қарағанды облысы – 401, Қостанай облысы – 30, Қызылорда облысы – 47, Маңғыстау облысы – 67, Павлодар облысы – 172, Солтүстік Қазақстан облысы – 11, Түркістан облысы – 17.
Қазақстан бойынша жазылғандар саны – 332585.

Қызылордада 47 адам коронавирустан жазылды

Kyzylorda-news.kz. Қазақстандық зерттеуші, Халықаралық вакцинология орталығының жетекшісі Қайсар Табынов коронавируспен ауырғанын айтты, деп хабарлайды&nbsp;<a href="https://stan.kz/">Stan.kz</a>.
Ғалымның сөзінше, оның өкпесінің 35%-ын вирус зақымдаған.
<blockquote>
 “Бірнеше күн бұрын ауруханадан шықтым, 10 күн бойы коронавирустан емделдім. Біраз нәрсе білдім, тіпті кітап жазуыма болады. Алғашында 35%-ы зақымдалған өкпемен, 39 градус дене қызуымен “Халық Аренаға” түстім, кейіннен жөні дұрыс Алматыдағы фтизопульмонология орталығына ауыстырылдым”, – деп жазды ол Facebook-тегі парақшасына.
</blockquote>
Айтуынша, вакцина коронавирустан толығымен қорғамайды. Бұған өзінің ауруға шалдыққаны мысал бола алады. Сол себепті ол індеттен сақтану үшін жиі екпе салғызуға тура келетінін сөз етті.
Зерттеуші осыдан он ай бұрын аустралиялық COVAX-19 вакцинасын салғызғанын айтады. Сонымен қатар, ол өзі дайындап шығарған NARUVAX-C19/Nano вакцинасын да қабылдапты.
<blockquote>
 “Алдағы уақытта мен ауруды қалай жұқтырғанымды анықтаймыз. Төсек тартып, жатып қалуыма себепші болған вирусты бөліп алдық. Енді соны зерттейміз. Вакцинаның құрамын дамытуға болатын біраз дүниелерді ұқтым”, – деп қосты Қайсар Табынов.
</blockquote>
Сондай-ақ, қазақстандық ғалым дәрігерлердің коронавируспен дұрыс күресуді үйренгенін алға тартады. Тіпті, жүре алмай қалған егде жастағы науқастарды ақ халаттылар аяқтан тік тұрғызғанын байқаған.
<blockquote>
 “Favipiravir препаратын қолдануға күмәнданып қалдым. Өз басым бұл дәрі менің бауырыма қатты әсер етті. Оның ағзадағы вирустың мөлшерін төмендетуге сеп болғанын білмеймін. Менің аустралиялық серіктестерімі ауырғанымды біліп, ивермектинді қолдануға кеңес берді. Бұл паразиттерге қарсы препарат вирустың үш нүктесіне соққы болып тиеді”, – дейді ол.
</blockquote>

&#8220;Вакцина коронавирустан толығымен қорғамайды&#8221;: Қазақстандық вакцинаны әзірлеуші ғалым коронавируспен ауырғанын айтты

Kyzylorda-news.kz. Қазақстанда өткен тәулікте 2267 адамда коронавирус індеті ПТР арқылы расталып ауырғаны белгілі болды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 351,
Алматы қаласы – 521,
Шымкент қаласы – 74,
Ақмола облысы – 134,
Ақтөбе облысы – 68,
Алматы облысы – 179,
Атырау облысы – 119,
Шығыс Қазақстан облысы – 94,
Жамбыл облысы – 31,
Батыс Қазақстан облысы – 102,
Қарағанды облысы – 326,
Қостанай облысы – 40,
Қызылорда облысы – 27,
Маңғыстау облысы – 43,
Павлодар облысы – 93,
Солтүстік Қазақстан облысы – 29,
Түркістан облысы – 36.
Жалпы ел бойынша ауырғандар саны 371015.

Қызылордада 25 адам коронавирус жұқтырды

Kyzylorda-news.kz. 22 мамырда батыс антициклонының әсерінен Қазақстан аумағының басым бөлігінде құбылмалы ауа райы сақталады, деп хабарлайды Қазгидромет.
Еліміздің тек оңтүстігі және шығысында атмосфералық фронттарға байланысты кей жерлерде өткінші жаңбыр жауады. Республиканың кей жерлерінде тұман түсіп, жел күшейеді. Оңтүстікте, оңтүстік-батыста және батыста шаңды дауыл соғады.
Қызылорда облысының кей жерлерінде шаңды дауыл, түнде кей жерлерде желдің күші 23 м/с жетеді.
Түркістан облысының кей жерлерінде шаңды дауыл тұрады, күндіз жел екпіні – 23 м/с.
Күндіз Алматы облысының кей жерлерінде жел қарқыны 15-20 м/с дейін күшейеді, Жалаңашкөл ауданында – 25 м/с. Жамбыл облысының кей жерлерінде тұман түседі, желдің күші 15-20 м/с жетеді, күндіз бұршақ жаууы мүмкін.
Атырау, Батыс Қазақстан облыстарында, күндіз Маңғыстау, Шығыс Қазақстан, Павлодар облыстарының кей жерлерінде жел екпіні – 15-20 м/с. Атырау, Маңғыстау облыстарында шаңды дауыл соғады. Павлодар облысында түнде тұман болады.
Солтүстік Қазақстан облысының кей жерлерінде түнде және күндіз тұман түседі. Түнде Шығыс Қазақстан облысының кей жерлерінде 2 градус үсік жүреді.
Қызылорда облысының басым бөлігінде, Атырау, Алматы облысының кей жерлерінде, Шығыс Қазақстан, Павлодар, Қостанай облыстарының жекелеген аудандарында өте жоғары өрт қаупі сақталады.

Сенбіге арналған ауа райы болжамы

<a href="https://kyzylorda-news.kz/">Kyzylorda-news.kz</a>.&nbsp;Төтенше жағдайлар министрінің ел алдындағы есебі кезінде сүңгуір құтқарушының анасы құтқарушылардың айлығын өсіру қаншалықты мүмкін екенін сұрады, деп хабарлайды <a href="https://www.inform.kz/kz/kutkarushylardyn-aylygy-kansha_a3791005">ҚазАқпарат</a>.
<blockquote>
 «Жалақыны көтеру туралы айтсақ, құтқарушы сүңгуірлер жедел-құтқару жасағындағы азаматтық қызметшілер санатына кіреді. 2019 жылы осы санаттағы мамандардың айлығын 30%-ға дейін көтердік. Қазір орташа жалақы – 170 мың теңге. Мен бұл өте аз екенін түсінемін. Сондықтан жалақыны осы санаттағы қызметкерлердің де еңбекақысын кезең-кезеңмен көбейту көзделіп отыр. Бірақ бұдан былай айлығы өсетін мамандарды, әсіресе әскери шені бар сала қызметшілерді аттестаттаудан өткізіп отырамыз», – деді Юрий Ильин.
</blockquote>
Сондай-ақ, министр есептік кездесуден кейінгі қорытынды брифингіде Шығыс Қазақстанның Риддер қаласында болған алапат өртті сөндірушілерді материалдық тұрғыда ынталандыру мүмкіндігі қарастырылатынын айтты.
<blockquote>
 «Кеше менің бұйрығыммен аталған өртті сөндіруге белсенді қатысқан 14 ерікті марапатталды. Ертең біз Риддер қаласында өрт мәселесіне қатысты жедел кеңес өткіземіз. Егер жергілікті департамент басшылығы жеке құрамды ынталандыруға ұсынса, көтермелеу жасаймыз», – деді ведомство басшысы.
</blockquote>

Құтқарушылардың айлығы қанша?

<a href="https://kyzylorda-news.kz/">Kyzylorda-news.kz</a>. Бүгін Мәдениет және өнер қызметкерлері күніне орай Жалағаш ауданының әкімі Асылбек Шаменов сала қызметкерлерінің қатысуымен мерекелік қабылдау өткізді.
<blockquote>
 «Тәуелсіз еліміздің рухани байлығын арттырып, ертеден келе жатқан асыл мұраларымызды ұрпақтан – ұрпаққа жеткізуде, төл өнеріміздің халықаралық деңгейде танытуда зиялы қауымның, оның ішінде мәдениет және өнер саласы өкілдерінің алар орны ерекше.Бүгінде мәдениет қызметкерлері ұлттық өнерімізді дәріптеп, халықты өнерімен сусындатып, рухани қазынамызды өскелең ұрпаққа жеткізу жолында аянбай еңбек етуде. Сондықтан бүгінгі кәсіби мереке иелерінің мерейін асқақтату, рухани – мәдени, жасампаздық мүмкіндіктерін әрі қарай нығайту жолындағы толағай еңбектеріне құрмет көрсету мақсатында жиналып отырмыз», – деді аудан әкімі.
</blockquote>
Жалағаш ауданының мемлекеттік мәдениет және өнер мекемелерінің желісін 6 аудандық және 31 ауылдық мәдениет ұйымдары құрайды.
Биылғы жылы екі ауылдық клуб – Аққыр, Мырзабай ахун елді мекендерінде 150 орындық клуб үйі құрылысын салу үшін жоба-сметалық құжаттары әзірленуде. «Рухани жаңғыру» бағдарламасы аясында «Шежірелі Жалағаш», «Дәстүр мен таным», еңбек адамдарын насихаттау мақсатында «Тұлғатану» жобалары іске асырылды. Балалар шығармашылығын арттыру мақсатында биылғы жылы сала бойынша жаңадан 11 үйірме ашылды.
2021 жылы ауданымызға танымал әнші, жас сазгер Руслан Бурабай Американың Техас штатында өткен Халықаралық көпжанрлы онлайн конкурс-фестиваліне өзінің “Талас” күйімен қатысып, “Халықтық орындау” жанры бойынша І орынды және Мәскеу қаласында өткізілген Халықаралық “Шабыт ырғағы” онлайн өнер конкурсында жүлделі І орынды иеленіп, лауреат атанды.
Салтанатты шарада аудан басшысы Асылбек Шаменов мәдениет және өнер саласының дамуына елеулі үлес қосқан бірқатар сала мамандарына марапаттар табыстады.Атап айтқанда, Қазақстандық салалық кәсіподақтың «Еңбек даңқы» төсбелгісімен, облыс, аудан әкімінің Алғыс хатымен, «Қазақстан салалық мәдениет, спорт, туризм және ақпарат қызметкерлерінің кәсіподағы» қоғамдық бірлестігінің «Алғыс хатымен, «Жаңақорған» шипажайына жолдама, 10 ынталы жасқа туристік саяхатқа жолдама табысталды.
Шара соңында аудандық ардагерлер кеңесінің төрағасы Әлиев Садық сала қызметкерлерін мерейлі мерекелерімен құттықтаса, мәдениет саласының ардагері, «Мәдениет қайраткері» төсбелгісінің иегері, әлі күнге дейін мәдени шаралардың белсенді қатысушысы болып жүрген Роза Оспанқызы әріптестерін кәсіби мерекемен құттықтап, аудан басшысына көрсетілген құрметке алғысын жеткізді.
<img src="https://kyzylorda-news.kz/wp-content/uploads/2021/05/188798183_1218728298579246_5683395485491658585_n.jpg" alt="" />
<img src="https://kyzylorda-news.kz/wp-content/uploads/2021/05/188895179_1218729245245818_831855572982774388_n.jpg" alt="" />
<img src="https://kyzylorda-news.kz/wp-content/uploads/2021/05/188413184_1218729485245794_4696431468471274283_n.jpg" alt="" />

Жалағашта мәдениет және өнер қызметкерлері марапатталды

<a href="https://kyzylorda-news.kz/">Kyzylorda-news.kz</a>. Қазақстанның тұңғыш президенті Нұрсұлтан Назарбаев Жоғары Еуразиялық экономикалық кеңестің отырысында сөз сөйледі, деп хабарлайды&nbsp;<a href="https://sputnik.kz/">Sputnik Қазақстан</a>.
Назарбаев ең бірінші әлеуметтік инфрақұрылымға баса назар аудару керектігін атап өтті. Ол алдағы жылдары дәрі-дәрмек, медициналық бұйымдар нарығын құру саласында барынша прогреске қол жеткізу қажет деп санайды.
<blockquote>
 “Екіншісі – азық-түлік қауіпсіздігі, агроөнеркәсіп саясаты. Азық-түлік тапшылығына жол бермей, бүкіл кеңістікте бизнесті дамытуға жағдай жасау керек. Біздің одақтың аумағында халқымызды азық-түлікпен қамтамасыз ету үшін барлығы бар. Тек соны дұрыс жоспарлап, кооперациялап, дұрыс байланыстырып, біздің аумақта бар дүниені басқа елдерге жеткізу керек. Азық-түлік тапшылығын біз жуық арада міндетті түрде сезінеміз”, – деді&nbsp; ЖЕЭК құрметті төрағасы.
</blockquote>
Назарбаев бұл ретте сыртқы байланыс маңызды рөл ойнайтынын атап өтті.

Нұрсұлтан Назарбаев: Азық-түлік тапшылығын біз міндетті түрде сезінеміз

<a href="https://kyzylorda-news.kz/">Kyzylorda-news.kz</a>. Қызылорда облысы бойынша Қылмыстық-атқару жүйесі департаментіне қарасты ЗК-169/1 мекемесінде бас бостандығынан айырылғандар арасында кітап оқитындардың саны артып келеді.
Осыған байланысты кітапхана қызметкері Айдос Әбдіқалықов кітап қорын арттыру мақсатында&nbsp;жан-жақты жұмыс жасауда. Алғашқыда мекеме кітапханасында 2000-ға&nbsp;жуық кітап бар болатын. Оның көпшілігі орыс тілінде жазылған шығармалар жинағы.&nbsp;Сол уақыттан&nbsp;бері, бір жылдан астам уақытта кітап қоры 4 200-ге жетті.
Айта кетейік, мекемеге келген кітаптарды&nbsp;алдымен&nbsp;теологтар мен РжКБ-нің қызметкерлері тексерістен өткізеді. Тексеру барысында әкелінген кітаптар арасынан радикалдық бағыттағы және шытырман оқиғалы туындылар мен мекеме ішіне алып өтуге тыйым салынған заттар&nbsp;анықталған жоқ.
<blockquote>
 «Мекеме қамауындағылардың дені&nbsp;қазақ тілді азаматтар. Сондықтан қазақ тілінде жазылған көркем әдебиеттер санын артыру&nbsp;үшін, өзге кітапханалар мен жеке кітап қоры бар азаматтарды іздеп тауып, олардың келісімімен кітапхана қорын көбейтуді қолға алдым. Ағымдағы жылдың басында қалалық орталықтандырылған кітапханалар жүйесінің&nbsp;директоры мен кітап қорын өңдеу және толықтыру&nbsp; бөлімінің кітапханашысы қолдауымен кітапхана қорын 150 кітапқа толықтырдым.&nbsp;Ал жақында ғана қаламыздағы Ә.Тәжібаев атындағы облыстық әмбебап ғылыми кітапханасынан 300-ге жуық кітап әкелдім. Оның ішіндегі 93-і қазақ тіліндегі құнды дүниелер», – деді кітапханашы Айдос Әбдіқалықов.
</blockquote>
Шаруашылық бөліміне қалдырылған О. есімді сотталған күнделікті жұмыстарын аяқтап болған соң, мекеме кітапханасына жиі барып тұрады. Екі жыл ішінде 57 кітап оқып шығыпты. Соның ішінде жыл басынан бері оқыған 13 кітаптың&nbsp;барлығы көркем шығармалар екен.
«Менің соңғы оқыған кітабым – Тұрақ Адисұлының төрт бөлімнен тұратын «Жеңіс сарбазы» атты шығармасы. Кітапта Ұлы Отан соғысы кезіндегі Кеңес сарбаздарының ерлігі мен адамгершілік қасиеттері баяндалады. Жалпы кітаптың өн бойынан туған жер, адам өмірінің мән-мағынасы адалдық, парасаттылықты айқын аңғаруға болады. Сондай-ақ уақыттың, заманның ағымы жайлы, бүгінгі күннің аянышты көріністері, келешегімізді кемелдендіру жайлы айтылар әңгімелер де жетерлік», – дейді ол.
Орамды ой, салмақты сөз қозғаған жазаланушының бұл мәлімдемесіне қарап, кітап оқи отырып, оның рухани дүниесінің өскендігін байқауға болады. Яғни, мекеменің тәрбие бөлімі мен кітапханашының сотталғандарды қоғамға қайта қалыптастырып, дұрыс көзқарасқа бағыттау бойынша атқарылған шарасының зая кетпегені анық.
<img src="https://kyzylorda-news.kz/wp-content/uploads/2021/05/whatsapp-image-2021-05-20-at-16.03.13.jpeg" alt="" />
<img src="https://kyzylorda-news.kz/wp-content/uploads/2021/05/whatsapp-image-2021-05-20-at-16.03.15.jpeg" alt="" />

Қызылордада сотталғандар арасында кітап оқитындар көбейіп келеді

<a href="https://kyzylorda-news.kz/">Kyzylorda-news.kz</a>. Қызылорда қаласында түнгі сағат 02-00 шамасында Ақмешіт шағын ауданындағы көпқабатты үйлердің бірінен өрт шықты. Қызылордалық полицейлер қала тұрғынын ажал аузынан аман алып қалды.
Аталған аумақты шолып жүрген патруль экипажы жанып жатқан пәтерді байқап, дереу көмекке ұмтылған. Полицейлер есікті балтамен сындырып, иіс тиіп ес-түссіз жатқан 55 жастағы әйелді сыртқа алып шығады. Оқиға орнына жеткен жедел жәрдем бригадасы оны жансақтау бөліміне жеткізіп, тұрғынның өмірін сақтап қалды.
<blockquote>
 «Полиция қызметкерлерінің қырағылығы мен батылдығының арқасында барлық подъездегі адамдар шығарылып, өрттен қала тұрғыны құтқарылды», – дейді ҚПБ бастығының бірінші орынбасары Азамат Оспанов.
</blockquote>

Қызылордалық тәртіп сақшылар өрттен тұрғындарды құтқарды (ВИДЕО)

<a href="https://kyzylorda-news.kz/">Kyzylorda-news.kz</a>. Қызылорда қаласының әкімі Ғанибек Қазантаев барлық сала басшыларымен бірге 22 мамыр сағат 10:00-де сенбілік жұмыстарына шығады.
Сенбілікте жергілікті билік өкілдері шаһар басшысының бастамасымен қаладағы арық жүйелерін қайта қалпына келтіру жұмыстарын жүргізеді.
Бұған дейін жариялағанымыздай Ғанибек Қонысбекұлы қала орталығындағы аяқ су мәселесін шешу мақсатында Жібек жолы мен Сарқырама каналдарын қалалық канал арқылы біріктіруді қолға алып, зерделеу жұмыстарын жүргізуді жауаптыларға тапсырған болатын. Бүгін екі каналды байланыстырып, Жібек жолы арқылы Сарқырама каналына су беру жобасының алғашқы жұмыстары басталады.
Айта кетейік, қала орталығындағы арық жүйелері биылға дейін Жібек жолы және Сарқырама мангистральді каналдары арқылы аяқ сумен қамтылып келген. Сәуір айының аяғында Сарқырама каналына су жіберілгенімен дария деңгейінің төмендеуі қала орталығын аяқ сумен қамтуды қиындатып тұр. Осы мәселені шешу үшін қала әкімі тың бастама көтеріп, қаладағы аяқ су мәселесін шешуді назарға алған болатын.

Қызылорда қаласының әкімі ертең сенбілікке шығады

<a href="https://kyzylorda-news.kz/">Kyzylorda-news.kz</a>. Қызылорда қаласындағы №261 С.Лапин атындағы мектеп енді өзін-өзі басқару бағыты бойынша тірек мектеп ретінде жұмыс жүргізеді. Ұлттық құндылықтардың барлық элементтерін енгізген білім ұясы түрлі жобалардың таныстырылымын өткізді.
«Тәрбие мектебі: Бала шақтан болашаққа» тақырыбында өткен шараға облыстық білім басқармасының басшысы Ақзира Қасымова, Қызылорда қаласы әкімінің орынбасары Асқарбек Есжанов, облыстық оқу-әдістемелік оқу орталығының директоры Сырым Асқаров, қалалық білім бөлімінің басшысы Динара Баймұрзаева және лига құрамындағы директорлар қатысты.
Таныстырылым барысында меймандар мектептегі жылыжай кешенін аралады. Мұнда оқушылар қызынақ, қияр, бұрыш, шалқан, баклажан еккен. Мұнан кейін мектеп жанынан ашылған үйірмелердің жұмысы көрсетілді. Балалар таза ауада асық ойнап, бестас атып, ұлттық ойындарды дәріптеді.
Білім ұясында әке-ана мектебінен бөлек, әжелер мектебі де жолға қойылған. Ұлттық нақыштағы ұлттық өнерді дәріптеу, ата-ана институтын бала бойына сіңіруде әжелер мектебінің мүшесі қонақтарға ұлттық дәм ұсынды.Іс-шарада қонақтар мектеп оқушыларының өздері өндірген қолөнер бұйымдарының жәрмеңкесіне қатысты. Үйірме арқылы балалар тоқсанына бір рет жәрмеңке ұйымдастырып, түскен қаржыға қолөнер бұйымдарын сатып алады. Мектепте «Алтын домбыра» кабинеті, тірі табиғат бұрышы, STEM кабинетіндегі оқушылар түрлі бағытта жұмыс жүргізуде.
Шара форумен жалғасып, мектеп президенті және түрлі секторлардың басшылары қонақтарға сауал жолдап, қызықты диалог жүргізді. Мектептің білім министрі Ақзира Бақтыбайқызын сабақ беруге шақырып, көшбасшылық қасиеттерді дамыту туралы пікірін білді.
Мектептегі өзін-өзі басқару жобаларын саралаған Ақзира Қасымова әрбір жобаның ұлттық құндылықтармен ұштасқаны жас буынның жігерін жанитынын жеткізді.
<blockquote>
 «Бүгін мектептегі әрбір жобаны таныстырған оқушыларға қарап өзін-өзін басқару дегеннің жарқын мысалын көріп отырғандай әсерде отырмын. Біз «Серіктес директорлар» лигасы арқылы мектептерге 20 бағытты айқындап бердік. №261 мектебі «өзін-өзі басқару» бағытын алды. Бүгін сол жобаның алғашқы нәтижесін көрдік. Жақсы тәжірибелер облыстың басқа мектептеріне магнитті мектеп ретінде таралатын болады», – деді Ақзира Қасымова.
</blockquote>
<img src="https://kyzylorda-news.kz/wp-content/uploads/2021/05/189552383_1123480378155166_2719420106723805392_n.jpg" alt="" />

Қазақстан және Қызылорда облысының жаңалықтары

Қазақстанда балаларды сауықтыру лагерьлерін тексеру басталды

Қызылордада 47 адам коронавирустан жазылды

“Вакцина коронавирустан толығымен қорғамайды”: Қазақстандық вакцинаны әзірлеуші ғалым коронавируспен ауырғанын айтты

Қызылордада 25 адам коронавирус жұқтырды

Сенбіге арналған ауа райы болжамы

Құтқарушылардың айлығы қанша?

Жалағашта мәдениет және өнер қызметкерлері марапатталды

Нұрсұлтан Назарбаев: Азық-түлік тапшылығын біз міндетті түрде сезінеміз

Қызылордада сотталғандар арасында кітап оқитындар көбейіп келеді

Қызылордалық тәртіп сақшылар өрттен тұрғындарды құтқарды (ВИДЕО)

Қызылорда қаласының әкімі ертең сенбілікке шығады

Қызылордадалық мектеп «Өзін-өзі басқару» бағытына көшті

Қазақстан және Қызылорда облысының жаңалықтары

Қазақстанда балаларды сауықтыру лагерьлерін тексеру басталды

Қызылордада 47 адам коронавирустан жазылды

&#8220;Вакцина коронавирустан толығымен қорғамайды&#8221;: Қазақстандық вакцинаны әзірлеуші ғалым коронавируспен ауырғанын айтты

Қызылордада 25 адам коронавирус жұқтырды

Сенбіге арналған ауа райы болжамы

Құтқарушылардың айлығы қанша?

Жалағашта мәдениет және өнер қызметкерлері марапатталды

Нұрсұлтан Назарбаев: Азық-түлік тапшылығын біз міндетті түрде сезінеміз

Қызылордада сотталғандар арасында кітап оқитындар көбейіп келеді

Қызылордалық тәртіп сақшылар өрттен тұрғындарды құтқарды (ВИДЕО)

Қызылорда қаласының әкімі ертең сенбілікке шығады

Қызылордадалық мектеп «Өзін-өзі басқару» бағытына көшті

“Вакцина коронавирустан толығымен қорғамайды”: Қазақстандық вакцинаны әзірлеуші ғалым коронавируспен ауырғанын айтты