Мемлекет Басшысының Жолдауында инвестициялық климатты жақсарту, инвестиция тарту және бизнес жүргізу үшін қолайлы жағдайлар жасау бойынша нақты міндеттер қойылған.Осы тапсырмалар аясында Қызылорда облысында экономиканы әртараптандыру бағытында жүйелі жұмыстар жүргізіліп, бірқатар ірі инвестициялық жобалар іске асырылуда.<img src="https://knadmin.beoblood.kz/uploads/FB_IMG_1773954662425_c51f32cdc8.jpg" alt="FB_IMG_1773954662425.jpg">2025 жылғы қазан айында Астана қаласында өткен «Kazakhstan Global Investment Round» (KGIR-2025) форумында ҚР Ауыл шаруашылығы министрлігі, Қызылорда облысы әкімдігі және Harvest Agro компаниясы арасында өңірде агроиндустриялық кластер құру жобасын жүзеге асыру үшін үшжақты негіздемелік келісімге қол қойылған болатын.Аталған жоба Мемлекет басшысының қазан айындағы Қызылорда облысына жұмыс сапары кезінде жаңа инвестициялық жобалар қатарында таныстырылды. Осыған орай, былтырғы жылдың қараша айында облыс әкімі бастаған делегация Швейцарияға арнайы іссапармен барып, швейцариялық «Harvest Group» компаниясының басшысы Алмаз Альсеновпен кездесіп, өңірде заманауи агроиндустриялық кластер құру жобасын жүзеге асыру мәселелерін талқылады.Нәтижесінде, жобаны іске асыру үшін Жалағаш және Сырдария аудандарынан 22,5 мың жер учаскесі беріліп, бүгінгі күні 7,5 мың га жер учаскесі тегістелді. Сондай-ақ, 35 жаңбырлатып суару жабдығы орнатылып, центрпивотты жаңбырлатқыш машиналар қолданылуда, бұл жұмыстарға 300 адам уақытша жұмыс орнымен қамтылған.Жобаға 68 млрд теңге шетелдік инвестиция тартылады, жүзеге асқанда 150-ден астам жаңа жұмыс орны ашылады. Жоба екі кезеңнен жүзеге асырылады: бірінші кезең 2026 жылға, ал екінші кезең 2027 жылға жоспарланған. Жоба толық қуатына шыққанда жыл сайын 70 мың тонна жүгері, 42 мың тоннаға дейін техникалық қарасора және 20 мың тонна соя өндіру жоспарланып отыр.Атап өту қажет, Мемлекет басшысының тапсырмасына сәйкес, өңірде күріш алқаптарын кезең-кезеңімен қысқартып, суармалы суды аз қажет ететін дақылдарға көшу және су үнемдеу технологияларын енгізу жұмыстары да қарқынды жүргізілуде. Осы бағытта жүгері егістігінің көлемін ұлғайтуға басымдық берілуде. Өткен жылы облыста 1 700 гектарға жүгері егілсе, биыл 10 мың гектарға жеткізілуі күтілуде. Оның ішінде «Харвест Агро» компаниясы жаңбырлатып суару технологиясын пайдалану арқылы 7 мың га жерге жүгері егеді.Бұл жоба өңірдің инвестициялық тартымдылығын арттырып, өңір экономикасын әртараптандыруға, агроөнеркәсіп кешенінің тұрақты дамуына және жаңа өндірістік мүмкіндіктердің қалыптасуына жол ашады.<hr><img src="https://knadmin.beoblood.kz/uploads/FB_IMG_1773954677940_05a30e15c9.jpg" alt="FB_IMG_1773954677940.jpg">

Жаңа агроөнеркәсіптік кластер өңір экономикасына серпін береді 

«AMANAT» партиясы облыстық филиалының атқарушы хатшысы Ләйлә Төрешованың қатысуымен &nbsp;партияның облыстық филиалы жанындағы Жастарды қолдау жөніндегі аймақтық кеңестің кезекті отырысы өтті.Жиында жастар арасындағы есірткі қылмысының алдын алу және кәмелетке толмағандар арасындағы құқықбұзушылық деңгейін төмендету бағытындағы &nbsp;жұмыстар талқыланды.Алғашқы мәселе бойынша өңірде атқаралып жатқан жұмыстар бойынша Қызылорда облысы Полиция департаментінің Есірткі қылмысына қарсы іс-қимыл басқармасының бастығы, полиция полковнигі Біржан Бағысов баяндады. Оның айтуынша ағымдағы жылдың 2 ай 15 күнінде есірткімен байланысты 39 құқық бұзушылық анықталған. &nbsp;"Құқық бұзушылықтардың 12-сі осы есірткі өткізу фактісі. Сонымен қатар, есірткіні заңсыз жарнамалау деректеріне қатысты прокуратура органдарымен бірлесіп 60 есепшот бұғатталып, жалпы сомасы 5 миллион теңге шектелді. «Кибернадзор» жүйесі арқылы синтетикалық есірткіні жарнамалайтын 150 сайт анықталып, бұғатталды. Өткен жылы мемлекеттік органдар, «AMANAT» партиясы жанындағы «Жастар Рухы» Жастар қанаты, Жастар ресурстық орталығымен бірлесіп нашақорлық пен есірткі бизнесіне қарсы бағытталған түрлі іс-шаралар ұйымдастырылған болатын. Бұл жұмыстар алдағы уақытта да жалғасын табатын болады",-деді Біржан Бағысов.Күн тәртібіндегі екінші мәселе бойынша Полиция департаментінің Қоғамдық қауіпсіздік басқармасына қарасты ювеналды полиция бөлімінің аға инспекторы, &nbsp;полиция майоры Раушан Абдразақова хабарлама жасап, өңірдегі кәмелетке толмағандар арасындағы құқықбұзушылықтың алдын алу бағытындағы атқарылып жатқан жұмыстарды жеткізді.Жиын барысында кеңес мүшелері жастар арасындағы құқықбұзушылық пен есірткі қылмысының алдын алуға қатысты бірқатар ұсыныстарын білдіріп, өзекті мәселелерді ортаға салды. Отырыс қорытындысы бойынша тиісті ұсыныстар әзірленіп, жауапты органдарға жолданатын болды.Жиын барысында Жастарды қолдау жөніндегі аймақтық кеңестің төрағасы қызметіне партияның Саяси кеңесі бюросы шешімімен Дәулет Ізбасарұлы сайланғаны таныстырылып, &nbsp;Ләйлә Төрешова жаңа кеңес төрағасының партиядағы белсенді қызметіне тоқталып, алдағы жұмысына сәттілік тіледі.&nbsp;<img src="https://knadmin.beoblood.kz/uploads/FB_IMG_1773954504263_36023d4972.jpg" alt="FB_IMG_1773954504263.jpg">

Қауіпсіздік – күн тәртібіндегі басты мәселе

<a href="https://kyzylorda-news.kz/">Kyzylorda-news.kz</a> BI Engineering &amp; Construction 46 гектарқоғамдық кеңістікті жаңартты.Жаңа спорт алаңдары, субұрқақтар, скейт-парк пайда болды, ауқымды көгалдандыру жұмыстары жүргізілді.BI Engineering &amp; Construction компаниясы Қызылорда қаласындағы ең ірі қоғамдық орындардыңбірі, Бірінші Президент саябағын қайта жаңарту жұмыстарын аяқтады. 46 гектар жер спортпен айналысатын, отбасымен уақыт өткізетін заманауи демалыс орнына айналды.<img class="image_resized" style="width:100%;" src="https://knadmin.beoblood.kz/uploads/BI_557048_6d8ce9a758.jpeg" alt="BI-557048.jpeg">Жобаның негізгі бөлігі– саябақ, ол 37,5 гектар жерді алып жатыр. Мұнда серуендейтін алаң, демалыс орындары бар. Алты спорт алаңы жабдықталды.Үлкен және кіші футбол алаңдары, теннис, баскетбол, стритбол, бадминтон алаңдары. Жастар мен экстремалды спортты сүйетіндер үшін 2628 м² аумақты қамтитын памп-трек пен скейт-парк салынды. Балалар мен жасөспірімдерге арналған ойын және воркаут аймақтары бар.Саябақтың инфрақұрылымыбұл жерде ұзақ уақыт демалуға ыңғайланған. Төрт фудкорт, кафелер, бес санитарлық торап орналасқан. Әткеншектер мен көлеңкелі шатырлар, шахмат павильоны бар, автотұрақ пен модульдік бақылау-өткізу пункттері бар кіреберістер жабдықталған.Саябақтың негізгі параметрлері мен нысандары: аумағы – 37,5 га 6 спорт алаңы скейт-парк – 2600 м² және памп-трек 4 фудкорт және кафелер 3 субұрқақ кешені Биіктен шолу жасайтын кабиналар дөңгелегі – 50 м, 32 кабина 2000-нан астам ағаш және 105 000-нан астам бұта мен гүлдер газондар – 80 000 м² 12 тақырыптық мүсінСаябақтың сыртқы келбеті де айтарлықтай өзгерді. Жасыл желектер жаңа ортаға бейімделіп жатыр. Суару үшін көлемі 500 м³ болатын үш резервуар салынды.<img class="image_resized" style="width:100%;" src="https://knadmin.beoblood.kz/uploads/BI_557049_edeceea3eb.jpeg" alt="BI-557049.jpeg">Сәулеті ерекше үш субұрқақ кешені бар: дөңгелек тұманды субұрқақ, ұзындығы 120 метр «Сырдария» субұрқағы және «Өмір терегі» композициясы. Олар ауа-райы жылынып, маусым басталған соң қосылмақ.Саябақтың әр жерінде тәңірлік күнтізбенің 12 жылына арналған 12 мүсін орнатылған.Олардың қатарында жылқы, қой, сиыр, қоян және басқа жануарлардың бейнелері бар.<blockquote>«Саябақ қазір жай ғана жасыл аймақ емес, қала өмірі қалыптасатын толыққанды қоғамдық кеңістік. Мұнда балалар ойнайды, жасөспірімдер спортпен айналысады, отбасымен бірге уақыт өткізеді. Қызылордада осындай заманауи саябақтың пайда болуы қала дамуының маңызды қадамы.Мұндай ауқымды жобалар бірден іске қосылмайды. Жасыл желектер бейімделуі тиіс,инфрақұрылымның бір бөлігі, мысалы субұрқақтар, маусым ашылған соң &nbsp;іске қосылады. Жазға қарай саябақ толықтай жұмыс істейді», – деді жоба жетекшісі Владислав Хен.</blockquote>Аумақтың инженерлік инфрақұрылымы да жаңарды. 1598 шам және жүйелердің тұрақты жұмысын қамтамасыз ететін үш трансформаторлық қосалқы станция орнатылды.Жоба құрамына 300 орындық балалар лагері (6,09 га) және жылыжайы бар ботаникалық бақ (2,41 га) та кіреді. Бұл нысандардағы жұмыстар жалғасуда, жазда аяқталып, пайдалануға берілмек.&nbsp;

Қызылордада Бірінші Президент саябағының реконструкциясы аяқталды

Арал ауданынан Қызылорда қаласына іссапармен барған ел ағалары, ардагерлер және зиялы қауым өкілдерінен құралған арнайы делегация қаладағы бірқатар әлеуметтік және өндірістік нысандарды аралап, жұмысымен танысты. Сонымен бірге бірқатар әлеуметтік нысандардың ашылу рәсіміне куә болды.Делегация мүшелері соңғы жылдары ел игілігіне берілген заманауи нысандарды аралап, олардың қызметімен жан-жақты танысты. Атап айтқанда, Отбасы орталығы, &nbsp;Достық үйі, Қорқыт ата әуежайының жаңа терминалы, «Сыр жұлдыздары» шығармашылық орталығы, «Анаға тағзым» орталығы, «Келешек мектептері», «Kaysar Arena» стадионы, Облыстық тарихи-өлкетану мұражайы және Өнер орталығы сынды қаланың көркін ашар заманауи ғимараттардың жұмысына куә болды. Мереке қарсаңындағы мазмұнды шаралар мерекелік концертке ұласпақ.<img src="https://knadmin.beoblood.kz/uploads/FB_IMG_1773954206103_70771b4fa0.jpg" alt="FB_IMG_1773954206103.jpg">Ұлыстың ұлы күні – Наурыз мерекесі қарсаңында ұйымдастырылған бұл тағылымды шаралар өңірдің әлеуметтік-экономикалық дамуына серпін беріп, ел бірлігі мен ұрпақтар сабақтастығын нығайтуға бағытталған.Айта кету керек, аталған бастамалар аймақ басшысы Нұрлыбек Машбекұлы Нәлібаевтың қолдауымен жүзеге асуда.<img src="https://knadmin.beoblood.kz/uploads/FB_IMG_1773954215253_55ddad1099.jpg" alt="FB_IMG_1773954215253.jpg">

Аралдық ардагерлер Қызылордадағы жаңа нысандарды аралады 

Облыс әкімі Нұрлыбек Нәлібаевтың қатысуымен Қызылордадағы қайта жаңғыртылған Президент паркінің салтанатты ашылу рәсімі өтті. Рәсімге құқық қорғау органдарының бірінші басшылары, мәслихат депутаттары, зиялы қауым өкілдері, барлық ауданнан келген делегаттар арнайы қатысты. Аймақ басшысы қала тұрғындарын саябақтың ашылуымен құттықтап, өңірде «Таза Қазақстан» жалпыұлттық жобасы аясында атқарылған жұмыстарды атап өтті.<img src="https://knadmin.beoblood.kz/uploads/FB_IMG_1773953766416_86ca7ae752.jpg" alt="FB_IMG_1773953766416.jpg">«Президентіміз Қасым-Жомарт Кемелұлы: «Туған жерімізді ешкім сырттан келіп тазалап, көркейтіп бермейді. Отанымызды таза ұстау – әр азаматтың қастерлі парызы», – деген болатын.«Таза Қазақстан» жалпыұлттық жобасы тұрғындар арасында тазалық мәдениетін кеңінен насихаттауға, туған жерімізді көркейтуге тың серпін берді. Жоба аясында санитарлық тазалық, абаттандыру, тұрғындардың өмір сүруіне қолайлы жағдай жасауда кешенді жұмыстар атқарылуда. Бюджет қаражатынан бөлек, кәсіпкерлердің демеушілігімен орталық алаңдар, демалыс орындары, ойын, спорт алаңдары қайта жаңғыртылып, тұрғын үйлер мен әлеуметтік нысандар заманауи үлгіде жөндеуден өткізіліп келеді.<img src="https://knadmin.beoblood.kz/uploads/FB_IMG_1773953773867_58f84f0824.jpg" alt="FB_IMG_1773953773867.jpg">Өңірімізде біркелкі дизайн код бекітіліп, облыс орталығынан бастап барлық елді мекендер бірегей архитектуралық талаптарға сәйкестендірілді. Қызылорда қаласында 2 млрд. 905 млн.теңгеге 83 ескі көпқабатты тұрғын үйдің қасбеттері заманауи панельдермен қапталды. Биыл да бұл жұмыс жалғасын тауып, 900 млн. теңгеге қосымша 21 тұрғын үй жаңғыртылуда. Өткен жылы 1 млрд. 300 млн. теңгеге 20 көпқабатты тұрғын үйдің аулаларына балалар ойын, спорт алаңдары салынып абаттандырылды.Облыс орталығында жаңа нысандар бой көтеріп, жасыл желек пен саябақтар саны көбейіп, озық сәулет үлгісі қалыптасуда. Өскелең ұрпақ үшін таза, жайлы әрі қауіпсіз орта құру алдағы уақытта да жалғасады. «Таза Қазақстан» жалпыұлттық жобасы аясындағы акцияларға, табиғат қорғау шараларына жастар мен қоғам белсенділері қатысып, үлес қосуда.<img src="https://knadmin.beoblood.kz/uploads/FB_IMG_1773953821272_0fc7a4d1ff.jpg" alt="FB_IMG_1773953821272.jpg">Саябақты жаңғырту жұмыстарын сапалы жүргізген «Алем Құрылыс» компаниясының ұжымына Сыр жұртшылығының, Өзімнің атымнан шынайы алғысымды білдіремін! Егемен елімізді көркейту жолындағы істеріміз табысты болсын!» – деді аймақ басшысы.Айта кету керек, жаңа саябақ аумағына заманауи субұрқақтар, амфитеатр, спорт, ойын, би, шахмат, баскетбол, футбол алаңдары, биіктігі 50 метрлік айналмалы шолу дөңгелегі, велосипед және жүгіру жолақтары, санитарлық пункттер орнатылған. Жалпы 31 гектарға 2 мыңнан астам ағаш, 50 мыңнан астам сәндік бұта және 17 түрлі көпжылдық гүл егілді.Саябақ аумағын тиімді пайдалану мақсатында бірқатар ірі жоба қолға алынған. Атап айтқанда, 6 гектар жерге 300 орындық заманауи балалар лагері, 2,4 гектарға Ботаникалық білім беру орталығы, 8,2 гектарға тоғыз қабатты 15 тұрғын үй салынуда.Бұдан бөлек, 200 төсектік жаңа перинаталдық орталық құрылысы қарқын алды. Жақын күндері 5,5 гектар аумақта жаңа драма театр мен заманауи Президенттік кітапхана құрылысы басталады.Рәсімде Президент паркіндегі жұмыстарды сапалы атқарған мердігер мекеме өкілдері мен экологиялық акцияларға белсенді атсалысқан еріктілер облыс әкімінің Алғыс хатымен марапатталды. Қоғам қайраткері Жарылқасын Шәріпов ізгі лебізін білдірді.<img src="https://knadmin.beoblood.kz/uploads/FB_IMG_1773953810117_e65cf347e8.jpg" alt="FB_IMG_1773953810117.jpg">

Қайта жаңғыртудан өткен Президент паркі пайдалануға берілді 

«Өнер орталығында» облыс әкімі Нұрлыбек Нәлібаевтың қатысуымен еліміздің жаңа Конституциясының қабылдауына орай мерекелік салтанатты жиын өтті. Аймақ басшысы жиналған жұртшылықты Ұлыстың ұлы күнімен және жаңа Ата заңның қабылдануымен құттықтады.«Президентіміз «Біз Халық Конституциясын келешек ұрпақ алдындағы жауапкершілігімізді терең сезіне отырып қабылдадық. Ата заң – қуатты, күшті, бәсекеге қабілетті Қазақстанның жаңа Жарғысы. Жаңа Конституция – көне заманнан бері бабаларымызға бағдар болған дала заңдарының бүгінгі жалғасы, ұрпақтар арасындағы сабақтастық көрінісі» деп атап өтті.<img src="https://knadmin.beoblood.kz/uploads/FB_IMG_1773953620759_0d766370b9.jpg" alt="FB_IMG_1773953620759.jpg">Жаңа Ата заңымыз тәуелсіздігімізді, аумақтық тұтастығымызды сақтайды. Азаматтарымыздың құқықтары мен бостандықтарын қорғайды. Елімізді тың жетістіктер мен табыстарға бастайды. Біртұтас Қазақстан халқының барлық мақсат-мүддесі қамтылған халықтық Конституция еліміздің тыныштығы мен тұрақтылығын қамтамасыз етеді.Ақордада өткен салтанатты жиында Президентіміз бүкіл халық атынан жаңа Ата заңымызға, «Конституцияны іске асыру жөніндегі шаралар туралы» Жарлыққа қол қойды. Халық Конституциясы 1 шілдеден бастап ресми түрде өз күшіне енеді. Енді Конституция күнін мемлекеттік мереке ретінде ұлттық деңгейде жыл сайын 15 наурызда атап өтетін боламыз. Баршаңызды жаңа Ата заңымыздың қабылдануымен шын жүректен құттықтаймын», – деді Нұрлыбек Машбекұлы. Жиында елдің әлеуметтік-экономикалық дамуына, заңдылық пен тәртіпті нығайтуға елеулі үлес қосқан азаматтар «Парасат», «Құрмет» ордендерімен, Қызылорда облысының Құрмет грамотасымен және облыс әкімінің Алғыс хатымен марапатталды. Мерекелік салтанат «Томирис» би ансамблінің, Тұрмағанбет атындағы халық аспаптар оркестрінің, аймақ өнерпаздарының концертімен жалғасты.&nbsp; Айта кетейік, Ұлыстың ұлы күні қарсаңында Қызылордада техникалық және кәсіптік білім беруді дамытуға арналған заманауи «Құзыреттілік орталығы», тұрғын үй кезегінде тұрған жерлестерімізге 400 пәтердің кілті табысталды. Сонымен қатар, «Таза Қазақстан» жалпыұлттық жобасы аясында жаңғыртылған Президент саябағы ел игілігіне пайдалануға беріледі.<img src="https://knadmin.beoblood.kz/uploads/FB_IMG_1773953582107_78fb9aad42.jpg" alt="FB_IMG_1773953582107.jpg">

"Өнер орталығында"  мерекелік жиын өтті 

Ұлыстың ұлы күні қарсаңында облыс әкімі Нұрлыбек Нәлібаев, құқық қорғау органдарының бірінші басшылары, мәслихат депутаттары, зиялы қауым өкілдері, ел ағаларының қатысуымен сол жағалаудағы 400 пәтерлік 10 тұрғын үйді иелеріне табыстау рәсімі өтті. Қоныс тойын тойлаушылар – тұрғын үй кезегінде тұрған азаматтар. Аймақ басшысы құрылыс саласындағы ауқымды жұмыстарды атап өтіп, құттықтау лебізін жеткізді. «Өңірімізде негізгі макроэкономикалық көрсеткіштердің өсімі қамтамасыз етілді. Тұрғындардың өмір сүру сапасын жақсарту үшін баспанамен қамтуда, инфрақұрылымды қайта жаңғыртуда тиісті шаралар қабылданған. 2022 жылдан бері 200-ге жуық әлеуметтік нысан салынып, пайдалануға берілді. Азаматтарды баспанамен қамтамасыз етуге бағытталған мемлекеттік әлеуметтік саясат нәтижелі іске асуда. Бүгін – мемлекеттің қолдауын сезініп, баспаналы болуға ниет еткен әрбір отбасы үшін ерекше қуанышты күн! Қасиетті Рамазан айында, Наурыз мерекесі қарсаңында алған жаңа шаңырақтарыңыздың іргесі берік, керегесі кең, іші татулық пен берекеге толы болғай!», – деді Н.Нәлібаев. Жиында тұрғын үйді сапалы етіп салған құрылысшылар облыс әкімінің Алғыс хатымен марапатталып, қоғам қайраткері Имамадин Оңғарбаев бата берді. Еске салайық, тұрғын үй кезегінде тұрған азаматтарға 8 мыңға жуық пәтер, кейінгі 3 жылда барлық ауданда алғаш рет жаңадан 1800-ге жуық пәтер табысталды. Өткен жылы 2 477 пәтерлік тұрғын үй салуға бюджеттен 36 млрд. теңге қаралса, биыл кезекте тұрған азаматтарға 2 400 пәтер табыстау үшін 55 млрд. 600 млн. теңге жоспарланған. Соңғы жылдары қаламызда заманауи жаңа дизайнмен жеті, тоғыз және он екі қабатты тұрғын үйлер бой көтеруде.<img src="https://knadmin.beoblood.kz/uploads/FB_IMG_1773952534477_392632f62f.jpg" alt="FB_IMG_1773952534477.jpg">

Ұлыстың ұлы күнінде 400 пәтерлік тұрғын үй пайдалануға берілді 

<a href="https://kyzylorda-news.kz/">Kyzylorda-news.kz</a> “AMANAT” партияcы облыстық филиалы жанындағы Өңірлік даму жөніндегі аймақтық кеңестің отырысы өтті. Жиынға кеңес төрағасы Қожахмет Ильясов, тиісті басқарма өкілдері мен кеңес мүшелері қатысты.Отырыста кеңестің 2025 жылдағы жұмыс қорытындысы және отырыс хаттамаларының орындалуы талқыланып, 2026 жылға арналған жұмыс жоспары бекітілді. Сондай-ақ партияның сайлауалды бағдарламасы аясындағы Жол картасының №37 тармағына сәйкес «Дипломмен ауылға» жобасының жүзеге асырылу барысы қаралды.Жиын барысында партияның Сайлауалды бағдарламасындағы Қызылорда облысында іске асырудың Жол картасының №37 тармағындағы «Дипломмен ауылға» жобасын іске асыру бойынша атқарылып жатқан жұмыстардың барысы туралы облыстық экономика және қаржы басқармасының басшысы Сәкен Мырзабек хабарлама жасады.<blockquote>«Дипломмен ауылға» жобасы аясында өткен 2025 жылы тұрғын үй салу немесе сатып алу үшін 193 маманға 1,7 млрд.теңге жеңілдетілген тұрғын үй несиесі берілді. Сонымен қатар, 2025 жылы 627 маманға 230,4 млн. Теңге біржолғы көтерме жәрдемақы үлестірілді. Бүгінгі таңда аудандық бюджет есебінен біржолғы көтерме жәрдемақыға 100 айлық есептік көрсеткіш көлемінде жыл аяғына дейін 464 маманға 200,7 млн. теңге біржолғы көтерме жәрдемақы берілетін болады.» дейді басқарма басшысы баяндамасында.</blockquote>Жиында кеңес мүшелерімен ұсынылған мәліметтер бойынша ақпараттар кеңінен талқыланып, ұсыныстар хаттамаға енгізілді.<img src="https://knadmin.beoblood.kz/uploads/Whats_App_Image_2026_03_19_at_17_48_09_1_f250b80089.jpeg" alt="WhatsApp Image 2026-03-19 at 17.48.09 (1).jpeg">

Өңірлік даму жөніндегі кеңестің отырысы өтті

<a href="https://kyzylorda-news.kz/">Kyzylorda-news.kz</a> Қазіргі ақпараттық кеңістікте адам күн сайын көптеген жарнамалық ұсыныстарға, қаржылық қызметтерге және инвестициялық мүмкіндіктерге тап болады. Интернеттегі баннерлер, мессенджерлердегі хабарламалар, әлеуметтік желілердегі жарнамалар – мұның бәрі «бүгін ғана» қолжетімді пайда, жылдам табыс немесе бірегей шарттарды уәде етеді.Бір қарағанда, мұндай ұсыныстар өте тартымды көрінуі мүмкін. Алайда, олардың артында көбінесе адамның эмоцияларына әсер етуге бағытталған психологиялық әдістер бар. Бұл әдістерді тауарлар мен қызметтерді насихаттайтын маркетологтар да, қаржылық алаяқтар да белсенді қолданады.Айырмашылық тек мақсатта: маркетинг сатып алуға итермелеуге тырысады, ал алаяқтар сіздің ақшаңызды немесе дербес деректеріңізді иемденуге тырысады. Толығырақ Fingramota.kz.-пен бірге қарастырайық.Неліктен эмоциялар қаржылық шешімдерге әсер етедіҚаржылық шешімдер ұтымды қабылдануы керек, бірақ іс жүзінде адамдар көп жағдайда эмоциялардың әсерінен импульсивті әрекет етеді. Мысалы, адам интернеттегі жарнаманы көреді: «Небәрі бір айда 30% табыс табыңыз. Орындардың саны шектеулі». Шарттарын түсінбестен және компанияны тексермей, ол «тиімді мүмкіндікті» жіберіп алудан қорқып, ақша аударуы мүмкін. Кейінірек бұл алаяқтық схема болғаны анықталады.Мұндай жағдайлар үнемі болып тұрады. Сондықтан алаяқтар мен агрессивті маркетинг адамның бойында күшті эмоциялар, яғни қорқыныш, ашкөздік, жеделдік немесе сенім тудыруға тырысады. Эмоциялар басым болған кезде, ақпаратты сыни тұрғыдан бағалау қабілеті айтарлықтай төмендейді.Алаяқтар мен агрессивті маркетинг қандай эмоцияларды жиі пайдаланадыҚорқыныш.Ең көп таралған психологиялық әдістердің бірі – адамның бойында &nbsp;мазасыздық пен жеделдік сезімін қалыптастыру. Мысалы, адамға қоңырау шалып, өздерін банк қызметкерлері деп таныстырады. Оған оның шоты бойынша күдікті операция жасалып жатқандығы және шұғыл түрде «ақшаны қорғау» қажет екендігі туралы хабарланды. Қысымды күшейту үшін алаяқтар «Сіздің шотыңызды бұзуға тырысуда», «Егер қазір деректерді растамасаңыз, қаражат есептен шығарылуы мүмкін», «Ақшаны қауіпсіз шотқа шұғыл түрде аудару керек» деген тіркестерді қолдана алады.Күйзелісті сезініп, қаражатын жоғалтудан қорқып, адам ақпаратты тексеріп үлгермей, алаяқтардың нұсқауларын орындауы ықтимал.Жеңіл пайда табу ниеті.Алаяқтар жиі тамырын басатын тағы бір эмоция – жедел ақша табу ниеті. Мысалы, әлеуметтік желілерде инвестициялық жобаның «Бар болғаны 50 000 теңге инвестициялаңыз және айына 500 000 теңге кіріс алыңыз», «Тәуекелсіз кепілдік берілген пайда» немесе «Инвесторлардың шектеулі тобына қолжетімді құпия инвестициялық стратегия» деген сияқты жарнамасы пайда болады.Мұндай уәделер өте тартымды көрінеді. Алайда, іс жүзінде жоғары кірістілік әрқашан жоғары тәуекелмен байланысты. Кепілдік берілген пайда уәде етілген жерде, бұл әрдайым алаяқтық схеманың белгісі болып табылады.Мұндай жағдайларда адам тез кіріске үміттеніп, ақша аударады. Бірақ біраз уақыттан кейін сайт жұмысын тоқтатады, ал жобаны ұйымдастырушылар жоқ болып кетеді.Шұғыл болудың әсері.Жасанды қысым жасау – тағы бір танымал психологиялық әдіс. Мысалы, интернет-дүкеннің веб-сайтында адам «Жеңілдік тек 2 сағат қана қолданылады», «Небәрі &nbsp;3 зат қалды» немесе «Науқан бүгін аяқталады» деген хабарламаларды көреді.Мұндай тұжырымдар адамды тез шешім қабылдауға мәжбүр етеді. Нәтижесінде сатып алу бағасын салыстырмай немесе сатушының сенімділігін тексермей импульсивті түрде жүзеге асырылады.Алаяқтар бұл әдісті белсенді қолданады, себебі адамның ойлануға уақыты қаншалықты аз болса, алдау белгілерін байқамау ықтималдығы соғұрлым жоғары болады.Әлеуметтік тұрғыдан қысымКейде адамға «бәрі бұл таңдауды жасағанын» көрсеткен кезде әлеуметтік дәлел деп аталатын әсерді қолданылады. Мысалы: «Қазірдің өзінде 10 000-нан астам адам инвестициялады», «Жылдың ең танымал инвестициялық жобасы» немесе «Мыңдаған клиент қазірдің өзінде ақша табуда».Мұндай тұжырымдар сенімділік сезімін тудырады. Адам былайша ойлауы мүмкін: егер осыншама адам қатысып жатқан болса, демек ұсыныс қауіпсіз. Іс жүзінде мұндай ақпарат көп жағдайда дұрыс емес болады және тек танымалдылықтың алдамшы көрінісін жасау үшін қолданылады. &nbsp;Өзіңізді эмоционалды айла-шарғыдан қалай қорғай аласызҚаржылық шығындар тәуекелін төмендету үшін бірнеше қарапайым қағиданы сақтаған маңызды. &nbsp;Үзіліс жасап тұрыңыз.&nbsp;Егер сізді шешім қабылдауға асықтыратын болса немесе күшті эмоцияларыңызды оятуға тырысатын болса, кідіріп, үзіліс алған дұрыс. Көп жағдайда нағыз сенімді ұсыныстар жылдам арада шешім қабылдауды талап етпейді. &nbsp;Ақпаратты тексеріп отырыңыз.&nbsp;Егер сізге банктің немесе басқа ұйымның атынан жалған қоңырау соғып тұрса, әңгімені аяқтап, өз бетіңізбен компания сайтында көрсетілген ресми нөмір бойынша қайта қоңырау соғу керек.Конфиденциалды ақпаратты ешкімге бермеңіз. &nbsp;Банк&nbsp;картасының PIN-кодын, CVV-кодын, құпиясөздерді және растау SMS-кодтарын үшінші тұлғаларға хабарлауға болмайды. Банк және қаржы ұйымдарының қызметкерлері мұндай ақпаратты ешқашан сұратпайды.Уәде беру шынайылығын бағалаңыз.&nbsp;Егер&nbsp;ұсыныспен аса жоғары кіріске, кепілдік берілген пайдаға немесе тәуекелсіз жылдам ақшаға уәде беретін болса – бұл сақ болудың маңызды себебі. &nbsp;Қаржы өнімдерінің талаптарын зерделеңіз. Шартқа қол қоюдың немесе ақша аударудың алдында барлық талаптармен, ықтимал тәуекелдермен және компания беделімен мұқият танысып шыққан маңызды. &nbsp;<img src="https://knadmin.beoblood.kz/uploads/infographics_12_11_20_9438642da0.png" alt="infographics 12.11-20.png">Есте сақтаған маңызды!Эмоциялар адамды асығыс қаржылық шешімдер қабылдауға мәжбүр етуі мүмкін. Сондықтан алаяқтар мен жосықсыз компаниялар көбінесе қорқыныш, ашкөздік немесе жеделдік сезімін тудыруға тырысады.Егер ұсыныс аса тиімді болып көрінсе немесе дереу жауап беруді қажет етсе – кідіріп, ақпаратты тексеріп, содан кейін ғана шешім қабылдаған дұрыс.Фото: fingramota.kz

Алданбауға тырысыңыз: маркетологтар мен алаяқтар сіздің эмоцияларыңызда қалай ойнайды 

<a href="https://kyzylorda-news.kz/">Kyzylorda-news.kz</a> «AMANAT» партиясы облыстық филиалының атқарушы хатшысы Ләйлә Төрешованың қатысуымен &nbsp;партияның облыстық филиалы жанындағы Жастарды қолдау жөніндегі аймақтық кеңестің кезекті отырысы өтті.Жиында жастар арасындағы есірткі қылмысының алдын алу және кәмелетке толмағандар арасындағы құқықбұзушылық деңгейін төмендету бағытындағы&nbsp;жұмыстар талқыланды.Алғашқы мәселе бойынша өңірде атқаралып жатқан жұмыстар бойынша Қызылорда облысы Полиция департаментінің Есірткі қылмысына қарсы іс-қимыл басқармасының бастығы, полиция полковнигі Біржан Бағысов баяндады. Оның айтуынша ағымдағы жылдың 2 ай 15 күнінде есірткімен байланысты 39 құқық бұзушылық анықталған.<blockquote>"Құқық бұзушылықтардың 12-сі осы есірткі өткізу фактісі. Сонымен қатар, есірткіні заңсыз жарнамалау деректеріне қатысты прокуратура органдарымен бірлесіп 60 есепшот бұғатталып, жалпы сомасы 5 миллион теңге шектелді. «Кибернадзор» жүйесі арқылы синтетикалық есірткіні жарнамалайтын 150 сайт анықталып, бұғатталды. Өткен жылы мемлекеттік органдар, «AMANAT» партиясы жанындағы «Жастар Рухы» Жастар қанаты, Жастар ресурстық орталығымен бірлесіп нашақорлық пен есірткі бизнесіне қарсы бағытталған түрлі іс-шаралар ұйымдастырылған болатын. Бұл жұмыстар алдағы уақытта да жалғасын табатын болады",-деді Біржан Бағысов.</blockquote>Күн тәртібіндегі екінші мәселе бойынша Полиция департаментінің Қоғамдық қауіпсіздік басқармасына қарасты ювеналды полиция бөлімінің аға инспекторы, &nbsp;полиция майоры Раушан Абдразақова хабарлама жасап, өңірдегі кәмелетке толмағандар арасындағы құқықбұзушылықтың алдын алу бағытындағы атқарылып жатқан жұмыстарды жеткізді.Жиын барысында кеңес мүшелері жастар арасындағы құқықбұзушылық пен есірткі қылмысының алдын алуға қатысты бірқатар ұсыныстарын білдіріп, өзекті мәселелерді ортаға салды. Отырыс қорытындысы бойынша тиісті ұсыныстар әзірленіп, жауапты органдарға жолданатын болды.Жиын барысында Жастарды қолдау жөніндегі аймақтық кеңестің төрағасы қызметіне партияның Саяси кеңесі бюросы шешімімен Дәулет Ізбасарұлы сайланғаны таныстырылып, &nbsp;Ләйлә Төрешова жаңа кеңес төрағасының партиядағы белсенді қызметіне тоқталып, алдағы жұмысына сәттілік тіледі.

Жастарды қолдау жөніндегі аймақтық кеңес өтті

<a href="https://kyzylorda-news.kz/">Kyzylorda-news.kz</a> Заңсыз көші-қонның алдын алу және болдырмау, шетелдіктердің көші-қон заңнамасын бұзу фактілерін анықтау мақсатында ағымдағы жылдың 17–20 наурыз аралығында облыс аумағында «Мигрант» жедел-профилактикалық іс-шарасы өткізілуде.Іс-шараның екі күнінде барлығы 172 құқықбұзушылық анықталды. Оның ішінде шетел азаматтары тарапынан жасалған 53 әкімшілік құқықбұзушылық тіркеліп, олардың 29-ы Қазақстан Республикасы аумағынан аластатылды.Сонымен қатар, шетелдіктердің болу ережелерінің сақталуын қамтамасыз етпеген Қазақстан Республикасының 63 азаматына қатысты әкімшілік шаралар қолданылды.Құрметті облыс тұрғындары! Шет мемлекеттерден жұмыс істеуге келген азаматтарға заңда белгіленген мерзімде құжаттарын рәсімдеп, көші-қон заңнамасының талаптарын сақтауды ұсынамыз.Заң талаптары сақталмаған жағдайда Қазақстан Республикасының заңнамасына сәйкес тиісті шаралар қолданылатынын ескертеміз.

Облыс аумағында «Мигрант» іс-шарасы өткізілуде

<a href="https://kyzylorda-news.kz/">Kyzylorda-news.kz</a> Президент Қасым-Жомарт Тоқаев Алматы қаласына жұмыс сапары аясында әл-Фараби атындағы Қазақ ұлттық университетінің ғылыми әлеуетімен танысты.ҚазҰУ ректоры – басқарма төрағасы Жансейіт Түймебаев Мемлекет басшысына Инновациялық өнімдер орталығының және Farabi Hub-тың жоғары технологиялық жобаларын көрсетті.Хаб экономиканың нақты секторына инновациялық әзірлемелер енгізуді көздейтін заманауи платформа ретінде құрылған. Оның базасында креативті индустрия, жасанды интеллект пен стартап жобалары іске асырылады. Осы арқылы 300 жаңа жұмыс орны ашылып, 20 миллион доллардан астам&nbsp;инвестиция тартылды.Орталықта ZTE, BASF, Binlin технологиялық корпорацияларының, сондай-ақ басқа да шетелдік жетекші ғылыми ұйымдардың зерттеу алаңдары орналасқан. Бұдан бөлек, мұнда ҚазҰУ-дің ғылыми-зерттеу институттары жұмыс істейді.Президентке университет жалпы құны 1 миллиард 250 миллион теңгені құрайтын төрт ірі жобаны жүзеге асырып жатқаны жөнінде мәлімет берілді.Мемлекет басшысына Қытайдың Солтүстік-батыс политехникалық университетімен бірлесе әзірленген микроспутник макеті көрсетілді. Жоғары оқу орындарының ғалымдары NKSAT спутнигін жасап жатыр. Ол Жердің тартылыс аумағы мен радиация деңгейін өлшеуге, геологиялық барлау жұмыстарын жүргізуге арналған.Қасым-Жомарт Тоқаевқа «Қашықтан зондтау және оны қолдану технологиясы» зертханасының қызметі таныстырылды. Бұл кешен ҚХР Ғылым академиясымен бірлесе ашылды. Зертханада жасанды жер серіктерінің деректері негізінде Орталық Азиядағы климат және экология өзгерістері зерделенеді.Мемлекет басшысы «Цифрлық технологиялар мен роботты техника» халықаралық институтын және Роботты техника орталығын, сондай-ақ Қазақстан-Сингапур кванттық технологиялар орталығын аралап көрді.Қасым-Жомарт Тоқаевқа университет базасында орналасқан суперкомпьютер кластері көрсетілді. Оны құруға 23 миллион доллар инвестиция тартылған. Кластер күрделі есептеулерді орындау мерзімін айтарлықтай қысқартып, ғылыми зерттеулердің тиімділігін арттырады. Сондай-ақ ІТ және жасанды интеллект саласында мамандар даярлауға кеңінен жол ашады.Фото: akorda.kz

Қазақстан және Қызылорда облысының жаңалықтары