Қорқыт ата көшесінің бойында орналасқан №134 және №138 көпқабатты тұрғын үйлердің алдағы жылу маусымына дайындығы тексерілді.Тексеру барысында қала әкімінің орынбасары Дархан Тұрсынбаев тұрғын үйлердің жылу жүйелері, жертөле және ортақ пайдаланылатын инженерлік желілердің жай-күйін қарап, жауапты басқару субъектілеріне анықталған кемшіліктерді белгіленген мерзімде ретке келтіруді және жылу маусымына дайындық жұмыстарын толық аяқтау бойынша тапсырмалар берді.Басты мақсат – тұрғындарға қолайлы жағдай жасап, жылу маусымын сапалы әрі үздіксіз өткізу.

Көпқабатты тұрғын үйлердің жылу маусымына дайындығы тексерілуде 

Қармақшы ауданы бойынша биылғы егін жинау науқаны жоспарға сәйкес жүргізілуде. Осы бағытта аудан әкімі Жандос Еркінбек Жаңажол, ІІІ Интернационал, Ақтөбе, Ақжар және Дауылкөл ауылдық округтеріне жұмыс сапары барысында егіс алқаптарын аралап, күзгі дала жұмыстарының барысын бақылап қайтты.2026 жылы аудан бойынша жалпы 25 475 гектар ауыл шаруашылығы дақылдары орналастырылды. Оның ішінде 11 449 гектарға күріш, 1 027 гектарға жаздық бидай, 200 гектарға арпа, 1 182 гектарға мақсары, 733 гектарға дәндік жүгері, 140 гектарға соя, сондай-ақ жоңышқа, судан шөбі, сүрлемдік жүгері және картоп, көкөніс, бақша дақылдары егілді.Алдағы кезеңде шаруашылықтар алдында басты міндет – күріш жинау жұмыстарын белгіленген мерзімде аяқтау. Сондықтан жұмыс сапары кезінде Жандос Еркінбек астықты уақытылы жинауға және өнімді ысырапсыз қамбаға түсіруге қатысты жұмыстарды бақылап, жауапты сала мамандарына тиісті тапсырмалар берді.<img src="https://knadmin.beoblood.kz/uploads/FB_IMG_1790055533076_12c91e500f.jpg" alt="FB_IMG_1790055533076.jpg">

Қармақшы ауданында егін жинау науқаны қызу жүріп жатыр 

Жалағаш кентінде жол инфрақұрылымын жақсарту жұмыстары қарқынды жалғасуда.Биыл «Наурыз» ықшам ауданындағы С.Ахметов, И.Әбдікәрімов көшелерімен қатар, Өмірбай шешен, Б.Сопбеков, Н.Әлмағанбетов, А.Бисенов, Тоғанас батыр және О.Сарманов көшелеріне жол жөндеу жұмыстарын жүрзізу жоспарланып отыр.Қазіргі таңда «Наурыз» ықшам ауданындағы көшелер мен Өмірбай шешен көшесінде асфальт төсеу жұмыстары жүргізілуде.<img src="https://knadmin.beoblood.kz/uploads/FB_IMG_1790054454456_242a668229.jpg" alt="FB_IMG_1790054454456.jpg">

Жалағаш кентінде жол жөндеу жұмыстары жалғасуда 

Мектептерде 2-4-сынып оқушыларының аралық бағалауы өтеді23-30 қыркүйек аралығында мектептерде 2-4-сынып оқушылары үшін алғашқы аралық бағалау кезеңі өтеді, деп хабарлайды <a href="https://baq.kz/">BAQ.KZ</a> тішісі.Оқу-ағарту министрлігінің мәліметінше, 2026-2027 оқу жылында 2-4-сыныптарда формативтік және аралық бағалау қатар жүргізіледі. Бағалаудың екі түрі де оқу процесі барысында бірін-бірі толықтырады.Аралық бағалау оқу бағдарламасының аяқталған бөлімдері бойынша өткізіледі. Оның форматы пәнге байланысты өзгереді.Қазақ тілі немесе орыс тілінен диктант және оқу сауаттылығына арналған тапсырмалар орындалады. Бұл ретте оқушының мәтінді сауатты жазуы және оның мазмұнын түсінуі бағаланады.Әдебиеттік оқудан шығарма немесе мазмұндама, сондай-ақ оқу сауаттылығына арналған тапсырмалар беріледі. Мұнда мәтінді түсіну, негізгі ойды анықтау және өз ойын жүйелі жеткізу дағдылары ескеріледі.Математикадан бақылау жұмысы өткізіледі. Оқушының есептеу дағдыларымен қатар, есептің шартын түсінуі, шешу жолын дұрыс таңдауы және жауабын негіздей алуы бағаланады.Бір аралық бағалау жұмысына 40 минут беріледі. Ең жоғары балл 2-сыныпта – 12, 3-сыныпта – 14, 4-сыныпта 16 балды құрайды.Формативтік бағалау тоқсан бойы жалғасады. Педагог әр оқушыны өткізілген сабақтардың кемінде 30 пайызында бағалап, тоқсанға жоспарланған оқу мақсаттарының кемінде 50 пайызын қамтуы тиіс. Нәтиже 1-10 балдық шәкіл бойынша бағаланады.Каллиграфия арнайы бағалау мақсаты болмаса, оқушының жазу ерекшелігі оның бағасын төмендетуге негіз болмайды.Айта кетейік, 1-сыныпта балдық бағалау жүргізілмейді.Бағалаудың негізгі мақсаты – оқушыға баға қою ғана емес, оның оқу материалын қаншалықты меңгергенін анықтау, ілгерілеуін бақылау және одан әрі дамуына бағыт беру.

Бастауыш сынып оқушылары аралық бағалаудан өтеді: Мерзімі мен талаптары белгілі болды

<a href="https://kyzylorda-news.kz/">Kyzylorda-news.kz</a> Қызылорда облысы Полиция департаментінің қызметі мен полиция жұмысының түрлі бағыттарын көпшілікке таныстырып жүрген «Полицейдің күнделігі» айдары аясындағы «Заң сөйлейді» подкастының кезекті шығарылымы жол қозғалысы қауіпсіздігіне арналды.Заң мен тәртіпке негізделген подкасттың бұл шығарылымында жүргізушілер мен жаяу жүргіншілердің жолдағы қауіпсіздігі, жол қозғалысына қатысушылардың жауапкершілігі, жылдамдық режимін сақтау, автокөлік кортеждеріне қатысты талаптар және жол қозғалысын автоматты бақылау жүйелерінің жұмысы қамтылды.Кезекті шығарылымның спикері – Қызылорда облысы Полиция департаменті Әкімшілік полиция басқармасының бастығы полиция полковнигі Манатов Мұратбек Мейрамбекұлы.Сұхбат барысында жол-көлік оқиғаларының алдын алу, жол қозғалысы қауіпсіздігін қамтамасыз ету бағытында полиция тарапынан атқарылып жатқан жұмыстар, жүргізушілер мен жаяу жүргіншілердің міндеттері, сондай-ақ жол ережелерін бұзған жағдайда көзделетін жауапкершілік туралы айтылды. Сонымен қатар жол қозғалысына қатысты көпшілікті қызықтыратын бірқатар сұрақтарға маман жауап берді.«Заң сөйлейді» подкасты алдағы уақытта да заң мен тәртіпке қатысты қоғам үшін маңызды тақырыптарды қамтып, сала мамандарымен мазмұнды сұхбаттарды ұсынады.

«Заң сөйлейді»: Жолдағы тәртіп пен қауіпсіздік

Kurs.kz мәліметінше, қазіргі уақытта елорданың ақша айырбастау пункттерінде:—&nbsp;доллар 444,5 теңгеден сатып алынады, 451 теңгеден сатылады; —&nbsp;еуро: сатып алу&nbsp;— 509 теңге, сату&nbsp;— 520 теңге; —&nbsp;рубль: сатып алу&nbsp;— 5 теңге, сату&nbsp;— 5,2 теңге; —&nbsp;юань 67,5 теңгеден сатып алынады, 71,5 теңгеден сатылады.Алматының ақша айырбастау пункттерінде:—&nbsp;доллар: сатып алу&nbsp;— 447 теңге, сату&nbsp;— 450 теңге; —&nbsp;еуро: сатып алу&nbsp;— 510 теңге, сату&nbsp;— 515 теңге; —&nbsp;рубль 5&nbsp;— 5,12 теңге аралығында саудаланады. —&nbsp;юань 67&nbsp;— 69,5 теңге аралығында саудаланып жатыр.

Доллар бағамы өзгерді

Облыс әкімі Мұрат Ергешбаевтың төрағалығымен Мемлекет басшысы Қасым-Жомарт Кемелұлы Тоқаевтың «Таза Қазақстан» экологиялық акциясы барысында берген тапсырмаларының өңірде орындалуына және бірқатар өзекті мәселелерге арналған мәжіліс өтті.Мәжіліске аудан әкімі Алмасбек Есмаханов селекторлық режим арқылы қатысты.Мәжілістен кейін аудан әкімі арнайы әкімдік мәжілісін өткізіп, тиісті сала басшыларына аймақ басшысының тапсырмаларына сәйкес нақты міндеттер жүктеді.Мәжілісте ең алдымен әлеуметтік көмек көрсету мәселесі қаралды. Ауданда соңғы төрт жылда атаулы әлеуметтік көмек алушылардың саны 80,4 пайызға төмендеп, 1 025 адамнан 793 адамға дейін азайған. Нәтижесінде бюджет қаражаты есебінен 44,4 млн теңге үнемделген. «Отбасының цифрлық картасы» ақпараттық жүйесіндегі «А» және «В» санаттарына енгізілген 2 504 азаматтың әлеуметтік жағдайы зерделенген.Аудан әкімі атаулы әлеуметтік көмек алушылардың нақты мұқтаждығын тұрақты түрде зерделеуді, әлеуметтік қолдаудың шын мәнінде көмекке мұқтаж азаматтарға бағытталуын қамтамасыз етуді тапсырды. Сондай-ақ Әлеуметтік кодекске енгізілетін өзгерістер мен толықтырулар жөнінде халық арасында кең көлемде ақпараттық-түсіндіру жұмыстарын жүргізуді міндеттеді.Денсаулық сақтау саласы бойынша Мемлекет басшысының ауыр науқас балаларға тегін медициналық көмек көрсету, есту қабілеті бұзылған балаларды қажетті құрылғылармен қамтамасыз ету жөніндегі тапсырмалары талқыланды. Аудан басшысы «Қазақстан халқына» қорымен әріптестік бағыттағы жұмыстарды күшейтуді, облыстық денсаулық сақтау басқармасы арқылы аудан тұрғындарына қажетті дәрілік заттарға қаржылай қолдау алу мәселесін пысықтауды тапсырды. Сонымен бірге балаларға арналған есту аппараттары мен аудиопроцессорларды уақытылы қаржыландыру және сатып алу жұмыстарын қамтамасыз ету, тұрғындарға тегін медициналық көмектің көлемі бойынша ақпараттық-түсіндіру жұмыстарын күшейту жөнінде жауапты сала басшыларына нақты міндеттер жүктеді.Жиында білім беру саласында жаңа оқу жылында оқушыларды сапалы тамақпен қамтамасыз ету мәселесі де қаралды. Биыл аудан бойынша 8 353 бала ыстық тамақпен қамтылса, бұл мақсатқа облыстық бюджеттен 1,1 млрд теңге бөлінген. Бұдан бөлек, 4 931 оқушыға 250 млн теңге көлемінде бір реттік қаржылай көмек көрсетілген.Аудан әкімі білім беру ұйымдарындағы тамақтанудың сапасын тұрақты бақылауды тапсырды. Осы бағытта ата-аналар мен медицина мамандары қатысатын комиссиялардың жұмысын күшейту, «Әлеуметтік әмиян» ақпараттық жүйесі арқылы бақылауды жолға қою және санитарлық-эпидемиологиялық бақылау органдарымен бірлесіп кешенді жұмыстар жүргізу қажеттігін атап өтті. Білім беру ұйымдарындағы қауіпсіздік, материалдық-техникалық база және оқушыларға қолайлы жағдай жасау мәселелері де басты назарда болуы тиіс екенін айтты.Мәжілісте экологиялық мәдениетті қалыптастыру мәселесіне де ерекше мән берілді. Мемлекет басшысының жоғары экологиялық мәдениет қалыптастыру және Ұлттық тазалық стандартын әзірлеу жөніндегі тапсырмаларына сәйкес аудан көлемінде ақпараттық-түсіндіру жұмыстарын күшейту тапсырылды.Мәжілісте қоғамдық тәртіп пен вандализмнің алдын алу мәселесі де назардан тыс қалмады. Мемлекет басшысы қоғамдық орындарды бүлдіруге, оның ішінде ғимараттар мен нысандарға заңсыз жазу жазуға жол бермеу қажеттігін атап өткен болатын. Аудан әкімі аудан аумағында да орын алған осындай фактілердің алдын алу бойынша жұмысты күшейтуді тапсырды.Құрылыс саласында аудан аумағында жүзеге асырылып жатқан нысандардың сапасы мен құрылыс жұмыстарының белгіленген мерзімде аяқталуы талқыланды. Құрылысы жүріп жатқан әлеуметтік нысандар мен тұрғын үйлердің сапасына тұрақты бақылау жүргізіп, құрылыс жұмыстарының белгіленген талаптарға сәйкес орындалуын және нысандардың уақытылы пайдалануға берілуін қамтамасыз ету жөнінде нақты тапсырмалар берілді.Жиында жол құрылысының сапасы да күн тәртібінен түскен жоқ. Қазіргі таңда Әйтеке би кентіндегі айналма жолдардың құрылысы жүргізілуде. Сонымен қатар алдағы жылы аудан бойынша жалпы құны 3,6 млрд теңгені құрайтын 24 жобаны іске асыру жоспарланып отыр.Осыған байланысты аудан әкімі жол құрылыстарының сапалы жүргізілуін, құрылыс мерзімдерінің сақталуын және жобалардың уақытылы пайдалануға берілуін қамтамасыз етуді тапсырды.Мәжіліс соңында аудан әкімі жауапты сала басшыларына берілген тапсырмалардың орындалуын тұрақты бақылауда ұстауды, әрбір бағыт бойынша нақты нәтижеге қол жеткізуді тапсырды.

Жиында бірқатар мәселелер талқыланды

<a href="https://kyzylorda-news.kz/">Kyzylorda-news.kz</a> Жалағаш ауданының әкімі Ерлан Төрәлиевтің төрағалығымен мәжіліс өтті. Мәжілістің күн тәртібінде Мемлекет басшысының 19 қыркүйек күні «Таза Қазақстан» экологиялық акциясында берген тапсырмаларын сапалы орындау, алдағы кезеңде жүзеге асырылуы тиіс жобаларды сапалы әзірлеу мәселелері қаралды.Күн тәртібіндегі мәселелер бойынша жауапты сала басшыларының хабарламалары тыңдалып, алдағы міндеттер айқындалды.<img src="https://knadmin.beoblood.kz/uploads/Zhala_ash_m_zhilis_otyrysy_2_4a53cbb1b3.jpg" alt="Жалағаш мәжіліс отырысы 2.jpg"><blockquote>«Әрбір тапсырма нақты нәтижеге бағытталуы тиіс. Жүктелген міндеттердің уақытылы әрі сапалы орындалуын қамтамасыз ету қажет», – деді Е.Төрәлиев.</blockquote>Мәжіліс қорытындысымен жауапты сала басшыларына бірқатар нақты міндеттер жүктелді. Аудан әкімі әрбір берілген тапсырманың сапалы әрі уақытылы орындалуын қатаң ескертті.<img src="https://knadmin.beoblood.kz/uploads/Zhala_ash_m_zhilis_otyrysy_3_492df220e4.jpg" alt="Жалағаш мәжіліс отырысы 3.jpg">

Мәжіліс отырысында алдағы кезеңде жүзеге асырылуы тиіс жобаларды сапалы әзірлеу мәселелері қаралды

<a href="https://kyzylorda-news.kz/">Kyzylorda-news.kz</a> Нобель сыйлығының лауреаты Мо Янь «Кітап оқитын ұлт» марафонына қатысушыларға үндеу жолдады, – деп хабарлайды <a href="https://baq.kz/kitap-oqityn-ult-nobel-laureaty-mo-yan-memleket-basshysynyn-bastamasyna-un-qosty-320045396/">BAQ.KZ.</a>Әдебиет саласындағы Нобель сыйлығының лауреаты, белгілі қытай жазушысы Мо Янь «Кітап оқитын ұлт» республикалық кітап оқу марафонына қатысушыларына үндеу жолдап, қазақстандық оқырмандарға шабыт, табыс және әдебиет әлемінде жаңа жаңалықтар ашуды тіледі.Өзінің бейнеүндеуінде жазушы «Сарымсақ жыры» кітабі қазақ тіліне аударылып, марафон аясында оқылатын шығармалар тізіміне енгенін атап өтті.<blockquote>«Менің «Сарымсақ жыры» романымның қазақ тіліне аударылып, осы марафон шығармалар тізіміне енгеніне өте қуаныштымын», — деді Мо Янь.</blockquote>Жазушы сондай-ақ Қазақстанға жасаған сапары мен қазақстандық қаламгерлермен кездесулері туралы айтты. Ол қазақ әдебиетімен танысу екі елдің әдеби дәстүрлері арасында ерекше жақындық бар екенін сезінуге мүмкіндік бергенін атап өтті.«Қазақ әдебиеті маған өте жақын әрі қымбат. Өйткені сіздердің шығармаларыңызда суреттелетін өмірдің көп қыры өзімнің басымнан өткерген жағдайлармен үндеседі», — деді жазушы.Мо Янь «Кітап оқитын ұлт» бастамасының мәдениет пен қоғамды дамытудағы маңызын да ерекше атап өтті.<blockquote>«Жалпы, кітап оқуға арналған осындай жалпыұлттық марафон ұйымдастырғандарыңыз өте жақсы. Бұл — ұлттық мәдениетті дамытуға ықпал етіп қана қоймай, қоғамның дамуына да елеулі үлес қосатын игі әрі ізгі іс», — деді ол.</blockquote>Марафонға қатысушыларға арнаған сөзінде жазушы оларға кітап әлеміне сапар барысында шабыт тіледі.«Кітап әлеміне саяхат жасап, білім мен даналықтың биігіне ұмтылған әрбір қатысушыға зор шабыт тілеймін! Әрбір парақ жүректеріңізге жарық сыйлап, ішкі жан дүниелеріңізді байыта берсін. Кітап әрдайым қолдарыңыздан түспесін, ал білімге ұмтылыстарыңыз бен өзін-өзі дамыту жолындағы талпыныстарыңыз әрдайым жетістікпен жалғаса берсін!»Сөз соңында Мо Янь қазақстандық оқырмандарға алғысын білдіріп, оларды бірге жаңа әдеби көкжиектерді ашуға шақырды.Сурет: freepik.com

«Кітап оқитын ұлт»: Нобель лауреаты Мо Янь Мемлекет басшысының бастамасына үн қосты

<a href="https://kyzylorda-news.kz/">Kyzylorda-news.kz</a> Бүгін ҚР Премьер-министрі Олжас Бектенов Мемлекет басшысының «Таза Қазақстан» экологиялық акциясында берген тапсырмаларын орындау мәселелері талқыланған кеңес өткізді. Оған облыс әкімі Мұрат Ергешбаев селекторлық режим арқылы қатысты.Мемлекет басшысы 19 қыркүйек күні «Таза Қазақстан» акциясына қатысып, әлеуметтік қолдау, денсаулық сақтау, білім беру, экология, құрылыс, жол инфрақұрылымы және қалалық ортаны дамыту бағыттарындағы бірқатар өзекті мәселеге тоқталған болатын.Облыс әкімі осыған қатысты аудан әкімдері мен жауапты сала басшыларына бірқатар тапсырма жүктеді:Әлеуметтік көмек алушылардың нақты қажеттілігін анықтауды тұрақты жалғастыру. Әлеуметтік кодекске енгізілетін өзгерістер мен толықтырулар бойынша халық арасында ақпараттық-түсіндіру жұмыстарын жүргізу;Есту аппараттары мен аудиопроцессорларды уақытылы қаржыландыру және сатып алу, бұл бағытта «Қазақстан халқына» қорымен әріптестікті күшейту;Білім беру ұйымдарындағы тамақ сапасын бақылауды күшейту, ата-аналар, медицина мамандарының қатысуымен құрылған комиссиялардың жұмысын жүйелеу,&nbsp;Әлеуметтік әмиян» ақпараттық жүйесі арқылы мониторингті күшейту;<ul><li style="text-align:justify;">Санитариялық-эпидемиологиялық бақылау органдарымен бірлесіп, білім беру ұйымдарындағы тамақ сапасын кешенді тексеру;</li><li style="text-align:justify;">Білім беру ұйымдарындағы қауіпсіздік пен материалдық-техникалық базаның жай-күйін, білім сапасын тұрақты назарда ұстау;</li><li style="text-align:justify;">Экологиялық мәдениетті қалыптастыру бағытында ақпараттық-түсіндіру жұмыстарын күшейту;</li><li style="text-align:justify;">Салынып жатқан нысандар мен тұрғын үйлердің сапасын бақылау, құрылыстың белгіленген мерзімде аяқталып, уақытылы пайдалануға берілуін қамтамасыз ету;</li><li style="text-align:justify;">«ҚазАвтоЖол» мекемесімен бірлесіп, жол құрылысының сапасы мен мерзімін бақылау;</li><li style="text-align:justify;">Қала кеңістігін дамытуға заманауи тәсілдерді енгізу және қаланың бірыңғай сәулеттік келбетін қалыптастыратын дизайн-код әзірлеу;</li><li style="text-align:justify;">Астана қаласының урбанистика саласындағы тәжірибесін өңірде қолдануға қатысты бір апта ішінде нақты ұсыныстар әзірлеу міндеттелді.</li></ul>

Мемлекет басшысының тапсырмаларын іске асырудың негізгі бағыттары белгіленді

<a href="https://kyzylorda-news.kz/">Kyzylorda-news.kz</a> Қазақстан Республикасының Премьер-министрі Олжас Бектенов Мемлекет басшысы Қасым-Жомарт Тоқаевтың 19 қыркүйекте «Таза Қазақстан» республикалық экологиялық акциясы кезінде берген тапсырмаларын жүзеге асыру мәселелері жөнінде кеңес өткізді.<blockquote>«Мемлекет басшысы атап өткендей, еліміз ауқымды өзгерістер дәуіріне қадам басты. Жаңа Конституция Озық Қазақстанды одан әрі дамытуда жаңа мүмкіндіктерге жол ашады. Қазірдің өзінде барлық салада ауқымды реформалар жүзеге асырылып жатыр. Жуырда ғана Қасым-Жомарт Кемелұлы Тоқаев Үкімет алдына азаматтарға әлеуметтік көмек көрсету, жоғары экологиялық мәдениет қалыптастыру, қалалық және республикалық маңызы бар жолдардың сапасын ең жоғары деңгейде қамтамасыз ету, сондай-ақ Астана қаласының Урбанистика орталығының тәжірибесін кеңінен тарату мәселелеріне қатысты бірқатар міндет қойды, – деп атап өтті Олжас Бектенов.</blockquote>Премьер-министр Президент тапсырмаларын тиісті бағыттар бойынша орындауға қатысты министрліктердің баяндамаларын тыңдады.<blockquote>«Президент атап өткендей, мемлекет әлеуметтік міндеттемелерін мүлтіксіз орындап келеді. Ал қажетті әлеуметтік көмек тек шын мәнінде мұқтаж адамдарға ғана көрсетілетініне назар аудару керек. Министрлер мен әкімдер көрсетілген барлық бағыттар бойынша ауқымды жұмыс жүргізуі тиіс. Азаматтарға көрсетілетін көмектің түрлері туралы кеңінен ақпарат берілуі қажет. Өңірлерде әкімдіктер әлеуметтік жәрдемақы алушылар арасында түсіндіру жұмыстарын күшейтуі керек», — деді Премьер-министр.&nbsp;</blockquote>

«Таза Қазақстан» экологиялық акциясы аясында берген тапсырмаларын жүзеге асыру мәселелерін талқылады

<a href="https://kyzylorda-news.kz/">Kyzylorda-news.kz</a> Қызылорда қаласындағы Достық үйінде «Бірлікке үн қосқан» республикалық этномәдени бірлестіктер фестивалінің облыстық іріктеу кезеңі өтті. Облыстық қоғамдық даму басқармасының «Қоғамдық келісім және тіл орталығы» КММ ұйымдастырған бұл шара аймақтағы түрлі этнос өкілдерінің ұлттық өнерін дәріптеп, елдегі достық пен ынтымақтастықты нығайтуды мақсат етеді.Мәдени жиын Қазақстан Республикасының Мемлекеттік Әнұранымен салтанатты түрде ашылды. Шараның беташарында сөз алған «Қоғамдық келісім және тіл орталығы» КММ директоры Бақытжан Камалов фестиваль қатысушыларына сәттілік тілеп, еліміздегі рухани келісім мен татулықтың өнер арқылы өркендеуінің маңызына тоқталды.<img src="https://knadmin.beoblood.kz/uploads/festival4_e145a0d26b.jpg" alt="фестиваль4.jpg">Республикалық жобаның облыстық кезеңінде өнерпаздар бекітілген бес негізгі номинация бойынша өз шеберліктерін ортаға салды. «Қазақ тіліндегі үздік орындаушы» бағытында кәріс этномәдени бірлестігінен Камила Жакупова мен Ольга Ким «Таңдағаным» әнін шырқаса, «Славяне» бірлестігінің өнерпаздары Ирина Каратицкая мен Галина Халилова «Жан досым» әнін, ал татар бірлестігінен Елена Ишканова өз өнерін көрерменге ұсынды. «Үздік орындаушы» номинациясында Ольга Ким «Hurt» әнін орындап, Камила Жакуповамен бірге сахнаға қайта көтерілсе, Борис Птицын «Играй гармонь» композициясымен, сондай-ақ Гульюзум Кокшарова да өз шеберліктерін көрсетті.Аспаптық өнер бағыты бойынша өрбіген «Үздік аспаптық шығарма» номинациясында кәріс бірлестігінен Маргарита Егай, «Орыс қауымдастығынан» Маржан Досжанова «Кербез керік» туындысымен, «Славяне» бірлестігінен Юрий Трышкин және татар бірлестігінен Айсара Кылышбаева өнер көрсетті.&nbsp;<img src="https://knadmin.beoblood.kz/uploads/festival_46959639f7.jpg" alt="фестиваль.jpg">Фестивальдің келесі бөлігі саналған «Үздік шығармашылық ұжым» номинациясында «Славяне» бірлестігінің «Сударушки» вокалдық ансамблі «Валенки» мен «Мой Казахстан» әндерін шырқаса, Александр Абанин «Шудың бойында» әнін орындады. Сонымен бірге танымал «Лошкари» шығармашылық ұжымы мен татар этномәдени бірлестігінің «Сарман» тобы өз өнерлерін ортаға салып, залдағы көрермендердің ыстық ықыласына бөленді.Мәдени шара соңында «Қоғамдық келісім және тіл орталығы» КММ директоры Бақытжан Камалов сахналық мәдениетімен, орындаушылық шеберлігімен көзге түскен өнерпаздар мен ұжымдарды арнайы марапаттады.&nbsp;Фестиваль барысында орындалған барлық концерттік нөмірлер таспаға түсіріліп, республикалық ұйымдастырушыларға жолданды. Арнайы комиссияның іріктеуінен өткен үздік ұжымдар мен жеке орындаушылар Астана қаласында өтетін қорытынды гала-концертке қатысатын болады.<img src="https://knadmin.beoblood.kz/uploads/festival3_1b0d585460.jpg" alt="фестиваль3.jpg">

Қазақстан және Қызылорда облысының жаңалықтары