<a href="https://kyzylorda-news.kz/">Kyzylorda-news.kz</a> Бүгін ҚР Премьер-министрі Олжас Бектенов Мемлекет басшысының «Таза Қазақстан» экологиялық акциясында берген тапсырмаларын орындау мәселелері талқыланған кеңес өткізді. Оған облыс әкімі Мұрат Ергешбаев селекторлық режим арқылы қатысты.Мемлекет басшысы 19 қыркүйек күні «Таза Қазақстан» акциясына қатысып, әлеуметтік қолдау, денсаулық сақтау, білім беру, экология, құрылыс, жол инфрақұрылымы және қалалық ортаны дамыту бағыттарындағы бірқатар өзекті мәселеге тоқталған болатын.Облыс әкімі осыған қатысты аудан әкімдері мен жауапты сала басшыларына бірқатар тапсырма жүктеді:Әлеуметтік көмек алушылардың нақты қажеттілігін анықтауды тұрақты жалғастыру. Әлеуметтік кодекске енгізілетін өзгерістер мен толықтырулар бойынша халық арасында ақпараттық-түсіндіру жұмыстарын жүргізу;Есту аппараттары мен аудиопроцессорларды уақытылы қаржыландыру және сатып алу, бұл бағытта «Қазақстан халқына» қорымен әріптестікті күшейту;Білім беру ұйымдарындағы тамақ сапасын бақылауды күшейту, ата-аналар, медицина мамандарының қатысуымен құрылған комиссиялардың жұмысын жүйелеу,&nbsp;Әлеуметтік әмиян» ақпараттық жүйесі арқылы мониторингті күшейту;<ul><li style="text-align:justify;">Санитариялық-эпидемиологиялық бақылау органдарымен бірлесіп, білім беру ұйымдарындағы тамақ сапасын кешенді тексеру;</li><li style="text-align:justify;">Білім беру ұйымдарындағы қауіпсіздік пен материалдық-техникалық базаның жай-күйін, білім сапасын тұрақты назарда ұстау;</li><li style="text-align:justify;">Экологиялық мәдениетті қалыптастыру бағытында ақпараттық-түсіндіру жұмыстарын күшейту;</li><li style="text-align:justify;">Салынып жатқан нысандар мен тұрғын үйлердің сапасын бақылау, құрылыстың белгіленген мерзімде аяқталып, уақытылы пайдалануға берілуін қамтамасыз ету;</li><li style="text-align:justify;">«ҚазАвтоЖол» мекемесімен бірлесіп, жол құрылысының сапасы мен мерзімін бақылау;</li><li style="text-align:justify;">Қала кеңістігін дамытуға заманауи тәсілдерді енгізу және қаланың бірыңғай сәулеттік келбетін қалыптастыратын дизайн-код әзірлеу;</li><li style="text-align:justify;">Астана қаласының урбанистика саласындағы тәжірибесін өңірде қолдануға қатысты бір апта ішінде нақты ұсыныстар әзірлеу міндеттелді.</li></ul>

Мемлекет басшысының тапсырмаларын іске асырудың негізгі бағыттары белгіленді

<a href="https://kyzylorda-news.kz/">Kyzylorda-news.kz</a> Қазақстан Республикасының Премьер-министрі Олжас Бектенов Мемлекет басшысы Қасым-Жомарт Тоқаевтың 19 қыркүйекте «Таза Қазақстан» республикалық экологиялық акциясы кезінде берген тапсырмаларын жүзеге асыру мәселелері жөнінде кеңес өткізді.<blockquote>«Мемлекет басшысы атап өткендей, еліміз ауқымды өзгерістер дәуіріне қадам басты. Жаңа Конституция Озық Қазақстанды одан әрі дамытуда жаңа мүмкіндіктерге жол ашады. Қазірдің өзінде барлық салада ауқымды реформалар жүзеге асырылып жатыр. Жуырда ғана Қасым-Жомарт Кемелұлы Тоқаев Үкімет алдына азаматтарға әлеуметтік көмек көрсету, жоғары экологиялық мәдениет қалыптастыру, қалалық және республикалық маңызы бар жолдардың сапасын ең жоғары деңгейде қамтамасыз ету, сондай-ақ Астана қаласының Урбанистика орталығының тәжірибесін кеңінен тарату мәселелеріне қатысты бірқатар міндет қойды, – деп атап өтті Олжас Бектенов.</blockquote>Премьер-министр Президент тапсырмаларын тиісті бағыттар бойынша орындауға қатысты министрліктердің баяндамаларын тыңдады.<blockquote>«Президент атап өткендей, мемлекет әлеуметтік міндеттемелерін мүлтіксіз орындап келеді. Ал қажетті әлеуметтік көмек тек шын мәнінде мұқтаж адамдарға ғана көрсетілетініне назар аудару керек. Министрлер мен әкімдер көрсетілген барлық бағыттар бойынша ауқымды жұмыс жүргізуі тиіс. Азаматтарға көрсетілетін көмектің түрлері туралы кеңінен ақпарат берілуі қажет. Өңірлерде әкімдіктер әлеуметтік жәрдемақы алушылар арасында түсіндіру жұмыстарын күшейтуі керек», — деді Премьер-министр.&nbsp;</blockquote>

«Таза Қазақстан» экологиялық акциясы аясында берген тапсырмаларын жүзеге асыру мәселелерін талқылады

<a href="https://kyzylorda-news.kz/">Kyzylorda-news.kz</a> Қызылорда қаласындағы Достық үйінде «Бірлікке үн қосқан» республикалық этномәдени бірлестіктер фестивалінің облыстық іріктеу кезеңі өтті. Облыстық қоғамдық даму басқармасының «Қоғамдық келісім және тіл орталығы» КММ ұйымдастырған бұл шара аймақтағы түрлі этнос өкілдерінің ұлттық өнерін дәріптеп, елдегі достық пен ынтымақтастықты нығайтуды мақсат етеді.Мәдени жиын Қазақстан Республикасының Мемлекеттік Әнұранымен салтанатты түрде ашылды. Шараның беташарында сөз алған «Қоғамдық келісім және тіл орталығы» КММ директоры Бақытжан Камалов фестиваль қатысушыларына сәттілік тілеп, еліміздегі рухани келісім мен татулықтың өнер арқылы өркендеуінің маңызына тоқталды.<img src="https://knadmin.beoblood.kz/uploads/festival4_e145a0d26b.jpg" alt="фестиваль4.jpg">Республикалық жобаның облыстық кезеңінде өнерпаздар бекітілген бес негізгі номинация бойынша өз шеберліктерін ортаға салды. «Қазақ тіліндегі үздік орындаушы» бағытында кәріс этномәдени бірлестігінен Камила Жакупова мен Ольга Ким «Таңдағаным» әнін шырқаса, «Славяне» бірлестігінің өнерпаздары Ирина Каратицкая мен Галина Халилова «Жан досым» әнін, ал татар бірлестігінен Елена Ишканова өз өнерін көрерменге ұсынды. «Үздік орындаушы» номинациясында Ольга Ким «Hurt» әнін орындап, Камила Жакуповамен бірге сахнаға қайта көтерілсе, Борис Птицын «Играй гармонь» композициясымен, сондай-ақ Гульюзум Кокшарова да өз шеберліктерін көрсетті.Аспаптық өнер бағыты бойынша өрбіген «Үздік аспаптық шығарма» номинациясында кәріс бірлестігінен Маргарита Егай, «Орыс қауымдастығынан» Маржан Досжанова «Кербез керік» туындысымен, «Славяне» бірлестігінен Юрий Трышкин және татар бірлестігінен Айсара Кылышбаева өнер көрсетті.&nbsp;<img src="https://knadmin.beoblood.kz/uploads/festival_46959639f7.jpg" alt="фестиваль.jpg">Фестивальдің келесі бөлігі саналған «Үздік шығармашылық ұжым» номинациясында «Славяне» бірлестігінің «Сударушки» вокалдық ансамблі «Валенки» мен «Мой Казахстан» әндерін шырқаса, Александр Абанин «Шудың бойында» әнін орындады. Сонымен бірге танымал «Лошкари» шығармашылық ұжымы мен татар этномәдени бірлестігінің «Сарман» тобы өз өнерлерін ортаға салып, залдағы көрермендердің ыстық ықыласына бөленді.Мәдени шара соңында «Қоғамдық келісім және тіл орталығы» КММ директоры Бақытжан Камалов сахналық мәдениетімен, орындаушылық шеберлігімен көзге түскен өнерпаздар мен ұжымдарды арнайы марапаттады.&nbsp;Фестиваль барысында орындалған барлық концерттік нөмірлер таспаға түсіріліп, республикалық ұйымдастырушыларға жолданды. Арнайы комиссияның іріктеуінен өткен үздік ұжымдар мен жеке орындаушылар Астана қаласында өтетін қорытынды гала-концертке қатысатын болады.<img src="https://knadmin.beoblood.kz/uploads/festival3_1b0d585460.jpg" alt="фестиваль3.jpg">

Қызылордада «Бірлікке үн қосқан» фестивалінің облыстық іріктеу кезеңі өтті

<a href="https://kyzylorda-news.kz/">Kyzylorda-news.kz</a> Қазақстан халқына Жолдауында Мемлекет басшысы Қасым-Жомарт Тоқаев ауыл шаруашылығын тұрақты дамыту үшін су ресурстарын үнемдеу және заманауи суару технологияларын кеңінен енгізу міндеттерін айқындады. Үкімет су ресурстарына түсетін жүктеменің артуына байланысты аграрлық секторда суды пайдалану тәсілдерін кезең-кезеңімен жетілдіріп, су ысырабының алдын алуға және суару тиімділігін арттыруға басымдық беріп келеді. Сонымен бір мезгілде шаруаларды қолдау шаралары күшейтіліп, ирригациялық инфрақұрылымдар жаңғыртылып, жабдықтардың отандық өндірісі дамуда.Су үнемделетін алқаптар көлемі үш есеге жуық өстіЕгер 2023 жылы заманауи суару жүйелері 237,1 мың гектар алқапта қолданылса, 2026 жылғы 1 қыркүйекте бұл көрсеткіш &nbsp;702,3 мың гектарға жетті. Бұл – еліміздегі суармалы жердің 36%-ы. Тек 2026 жылдың басынан бері су үнемдеу технологиялары қосымша 158,8 мың гектарға енгізілді.Тамшылатып суару алқабы шамамен алты есеге арттыТамшылатып суару алқабының көлемі 2023 жылғы 42,5 мың гектардан биыл 254,3 мың гектарға дейін өсті. Сол кезеңде жаңбырлатып суару алқабы 188,3 мыңнан 379 мың гектарға дейін екі есеге артты.2030 жылға қарай жыл сайын 2,2 млрд текше метр суды үнемдеу жоспарлануда2030 жылға қарай су үнемдеу технологияларын қолдану аумағын 1,3 млн гектарға дейін жеткізу жоспарланып отыр, бұл жыл сайын 2,2 млрд текше метр суды немесе суару үшін пайдаланылатын су көлемінің 30%-на дейін үнемдеуге мүмкіндік береді деп күтілуде.<img src="https://knadmin.beoblood.kz/uploads/Whats_App_Image_2026_09_21_at_12_07_53_e6da439f11.jpeg" alt="Су үнемдеу технологиялары суармалы жерлердің 36%-ын қамтиды.jpeg">Суды үнемдеу технологиялары суармалы егіншілік дамыған аймақтарда қарқынды енгізілудеБиыл заманауи суару жүйелерімен қосымша қамтылған 158,8 мың гектардың шамамен 50 мың гектары Түркістан облысына тиесілі болып отыр. Алматы облысында бұл көрсеткіш 25,5 мың га, Қызылорда облысында 19,2 мың га, Жетісу облысында 11,8 мың га, Жамбыл облысында 10,2 мың га құрады.Су үнемдеу технологияларын мемлекеттік қолдау артып келедіМұндай жүйелерді сатып алу және орнату шығындарын өтеу үлесі 60%-дан 80%-ға дейін, ал оларды пайдаланған кезде суару суының құнын субсидиялау көлемі 50%-дан 85%-ға дейін ұлғайтылды. 2026-2028 жылдары су үнемдеу технологияларын инвестициялық субсидиялауға 214,6 млрд теңге қарастырылған. Бұл алдыңғы үш жылдық кезеңмен салыстырғанда шамамен төрт есе көп.Отандық зауыттар саны төрттен жетіге дейін өстіЕкі жылда осы сегменттегі отандық кәсіпорындардың саны төрттен жетіге дейін өсті. Олардың жиынтық өндірістік қуаты жылына 3 390 жаңбырлатқыш машинаны құрайды. Бұл шамамен 205 мың га жерді суаруға жеткілікті. Еліміздің жыл сайынғы ішкі қажеттілігі 1000-1200 машина болған жағдайда, қазіргі өндіріс көлемі шаруалардың сұранысын жалпы алғанда толық қамтамасыз етуге мүмкіндік береді.Су үнемдейтін суару жүйелерін кеңінен қолдану су ресурстарын сақтауға, суару кезіндегі шығындарды азайтуға мүмкіндік береді, сонымен бірге отандық жабдық өндірісінің дамуын ынталандырады.Ауыл шаруашылығында су үнемдеу технологияларын енгізу туралы <a href="https://primeminister.kz/">PrimeMinister.kz</a> редакциясыныңшолуынан оқи аласыздар.<img src="https://knadmin.beoblood.kz/uploads/Whats_App_Image_2026_09_21_at_12_07_53_1_73615bb206.jpeg" alt="Су үнемдеу технологиялары суармалы жерлердің 36%-ын қамтиды.jpeg">Сурет: freepik.com

Су үнемдеу технологиялары суармалы жерлердің 36%-ын қамтиды

<a href="https://kyzylorda-news.kz/">Kyzylorda-news.kz</a> Ядролық реактор — тек электр энергиясының көзі ғана емес. Оның жылуы, нейтрон ағындары және өндірілетін радиоизотоптар медицинада, өнеркәсіпте, ауыл шаруашылығында, ғылымда, жылумен жабдықтау және су дайындау салаларында қолданылады, деп хабарлайды inbusiness.kz сайты.Осы мүмкіндіктердің қайсысы Қазақстан үшін өзекті болуы мүмкін және атом технологияларын дамыту неге тек энергетика саласымен шектелмей, жаңа технологиялық құзыреттердің қалыптасуымен де байланысты?Қазіргі заманғы ядролық реактор, ең алдымен, электр энергиясын тұрақты өндіру көзі ретінде қабылданады. Алайда реакторлық технологиялардың әлеуеті мұнымен шектелмейді. Реакторда түзілетін энергия, нейтрон ағындары және олардың көмегімен алынатын материалдарды медицинада, өнеркәсіпте, ауыл шаруашылығында, ғылымда, жылумен жабдықтау және су дайындау салаларында қолдануға болады.Перспективалы бағыттардың бірі — атом электр станциясының жылу энергиясын пайдалану. Атом энергиясы жөніндегі халықаралық агенттіктің (АЭХА) деректеріне сәйкес реактор жылуын орталықтандырылған жылумен жабдықтау, теңіз суын тұщыту, сутегін өндіру және өнеркәсіптік процестерді қамтамасыз ету үшін пайдалануға болады. Тұтынушыға берілетін жылудың нақты параметрлері таңдалған технологияға және қауіпсіздік талаптарына байланысты анықталады. Электр және жылу энергиясын бірлесіп өндіру станцияның энергетикалық әлеуетін неғұрлым толық пайдалануға мүмкіндік беріп, сонымен қатар оның шешетін міндеттерінің аясын кеңейтеді.Қазақстан үшін суды дайындау және теңіз суын тұщыту, елді мекендерді жылумен қамтамасыз ету, сондай-ақ өнеркәсіпорындарды технологиялық бумен жабдықтау бағыттары практикалық тұрғыдан қызығушылық тудыруы мүмкін. Сонымен бірге әрбір шешімнің орындылығы жеке бағалануы тиіс. Себебі ол тұтынушылардың орналасуына, қажетті ресурстар көлеміне, инфрақұрылымдық жағдайларға, нормативтік реттеуге, экономикалық көрсеткіштерге және қауіпсіздік талаптарына байланысты.Зерттеу реакторларының да әлеуеті зор. Олар ғылыми зерттеулер, медицина, өнеркәсіп, ауыл шаруашылығы және мамандар даярлау үшін қажетті нейтрон ағындарын қалыптастырады. Олардың көмегімен материалдардың қасиеттері зерттеледі, жабдықтардың төзімділігі тексеріледі және кейіннен ауруды диагностикалау мен емдеуде қолданылатын радиоизотоптар өндіріледі.Өнеркәсіпте радиоизотоптық және нейтрондық әдістер технологиялық процестерді бақылауға, ішкі ақауларды анықтауға және үлгіні бұзбай материалдардың құрылымын зерттеуге мүмкіндік береді. Мұндай мүмкіндіктер өлшеу дәлдігі мен жабдықтардың сенімділігі шешуші маңызға ие салалар үшін ерекше маңызды.Қазақстан үшін мұндай бағыттарды дамыту атом саласының айналасында тұтас технологиялық экожүйенің қалыптасуын білдіруі мүмкін. Бұл — инженерлік және ғылыми кадрларды даярлаудан бастап медициналық технологияларды, өнеркәсіптік диагностика әдістерін, материалдар өндірісін, су және жылумен жабдықтау салаларындағы шешімдерді дамытуға дейінгі ауқымды қамтиды. Бұл жағдайда атом энергетикасы энергетикалық жүйенің бір бөлігі ғана емес, сонымен қатар ілеспе жоғары технологиялық салаларды дамытуға негіз болатын бағыт ретінде қарастырылады.

АЭС: электр энергиясынан басқа қандай мүмкіндіктерді ашады

<a href="https://kyzylorda-news.kz/">Kyzylorda-news.kz</a> Елімізде егін жинау науқаны жалғасуда. Бүгінде дәнді дақылдар алқабының 72,5%-ы жиналып, жалпы 16,2 млн тонна астық бастырылды. Астық қабылдау орындарына түскен жұмсақ бидайдың 74%-ы үшінші сыныпқа жатқызылды. Премьер-министрдің орынбасары Серік Жұманғарин егін жинау науқанын өткізу мәселелері жөніндегі жедел штаб отырысын өткізді.Жиында егін жинау жұмыстарының қарқыны, диқандарды ауыл шаруашылығы техникасымен, жанар-жағармаймен және тыңайтқыштармен қамтамасыз ету, астық қоймалары мен көлік инфрақұрылымының дайындығы, сондай-ақ 2027 жылғы егіс науқанына қажетті тұқым қорын қалыптастыру мәселелері қаралды.&nbsp;Ауыл шаруашылығы вице-министрі Назгүл Хатепова егін жинау науқанының барысы туралы баяндады. Биыл еліміздегі жалпы егіс алқабы 24,2 млн гектарды құрайды. Оның 15,6 млн гектарына дәнді және дәнді-бұршақты дақылдар егілген. Бүгінге дейін 11,3 млн гектар алқаптың өнімі жиналды. Орташа өнімділік гектарына 14,2 центнерді құрады.Сонымен қатар 1,5 млн гектар алқаптан майлы дақылдар жиналды. Орташа өнімділік гектарына 9,7 центнер болып, 1,4 млн тонна майлы дақыл тұқымы бастырылды. Биыл 2,7 млн тонна көкөніс, 1,9 млн тонна бақша дақылы және 1,9 млн тонна картоп жиналды. Жалпы, егін жинау қарқыны өткен жылмен бір деңгейде.Көктемгі дала жұмыстарын және егін жинау науқанын жүргізу үшін шаруаларға қажетті қаржылай қолдау көрсетілді. Жеңілдетілген несие беру бағдарламасы аясында жалпы сомасы 664,4 млрд теңгеге 5,8 мың ауыл шаруашылығы тауарын өндіруші қаржыландырылды.Отырыс соңында Серік Жұманғарин әкімдіктерге жаңа өнімді уақтылы қабылдауды тапсырды. Қажет болған жағдайда астық қоймаларының тәулік бойы жұмыс істеуі ұйымдастырылады. «Қазақстан темір жолы» ҰК» АҚ-ға жаңа өнімді тасымалдауға қажетті вагон санын қамтамасыз етіп, астықты үздіксіз тасымалдауды тиянақты ұйымдастыру тапсырылды.&nbsp;

Жедел штаб отырысында егін жинау науқанын өткізу мәселелері қаралды

<a href="https://kyzylorda-news.kz/">Kyzylorda-news.kz</a> Нашақорлық пен жастар арасындағы құқық бұзушылықтардың алдын алу, кәмелетке толмағандар мен жастардың есірткі қылмыстарына тартылуына жол бермеу, салауатты өмір салтын насихаттау және есірткі заттарын қолдануға теріс көзқарас қалыптастыру мақсатында «Жастар өмірді таңдайды!» атты есірткіге қарсы флешмобтар байқауы өтті.Байқауды Қызылорда облысы Полиция департаментінің Есірткі қылмысына қарсы іс-қимыл басқармасы ұйымдастырды.Байқаудың екінші кезеңіне облыстағы 62 білім беру ұйымының командалары қатысып, жалпы 1173 қатысушыны қамтыды. Байқауға жалпы білім беретін мектептердің оқушылары қатысып, салауатты және белсенді өмір салтын насихаттауға, жастардың шығармашылық қабілеттерін дамытуға, құқықтық сауаттылығын арттыруға, сондай-ақ есірткінің заңсыз айналымына байланысты құқыққа қайшы әрекеттерге тартылудың алдын алуға бағытталған командалық флешмобтарын ұсынды.Қатысушылар музыкалық сүйемелдеуді, тақырыптық плакаттарды, әлеуметтік ұрандарды, есірткіге қарсы ұрандар мен басқа да шығармашылық элементтерді пайдалана отырып, өздерінің қойылымдарын көрсетті. Флешмобтарда саналы таңдау, есірткіден бас тарту, өз әрекеттеріне жауапкершілікпен қарау және салауатты әрі қауіпсіз болашаққа ұмтылу идеялары көрініс тапты.Байқау барысында қойылымдардың тақырыпқа сәйкестігіне, ерекшелігі мен шығармашылығына, сапасына, командалық үйлесімділігіне, әлеуметтік маңыздылығы мен позитивті мазмұнына, сондай-ақ тақырыптық атрибутика мен есірткіге қарсы ұрандардың қолданылуына ерекше назар аударылды.Байқау қорытындысы бойынша жеңімпаз атанған білім беру ұйымдары: Қызылорда қаласының №278 мектеп-лицейі, №296, №10 және №295 орта мектептері; Қазалы ауданының №103 және №276 орта мектептері; Қармақшы ауданының №298 орта мектебі.Мұндай іс-шаралар жастардың есірткі заттарын қолдану мен олардың заңсыз айналымының теріс салдары туралы хабардарлығын арттыруға, есірткі қылмыстарына тартылудың алдын алуға, құқықтық мәдениет пен жауапкершілікті мінез-құлықты қалыптастыруға, сондай-ақ денсаулық, спорт, шығармашылық және қауіпсіз болашақ құндылықтарын дәріптеуге ықпал етеді.Байқаудың басты мақсаты – жастардың есірткісіз өмірді, саналы және қауіпсіз болашақты таңдауы!<img src="https://knadmin.beoblood.kz/uploads/V_Kyzylordinskoj_oblasti_proveden_antinarkoticheskij_konkurs_fleshmobov1_ebcdc1c9a9.jpg" alt="В Кызылординской области проведен антинаркотический конкурс флешмобов1.jpg">

Қызылорда облысында есірткіге қарсы флешмоб байқауы өтті

<a href="https://kyzylorda-news.kz/">Kyzylorda-news.kz</a> Әлеуметтік медициналық сақтандыру қорының 10 жылдығына орай елімізде алғаш рет республикалық «Медициналық көмектің флагманы» байқауы өтті. Жарыс биылғы жылдың 1 мамыры мен 1 тамызы аралығында ұйымдастырылып, тиімді жұмысымен, жоғары көрсеткіштерімен және пациенттердің қажеттіліктеріне бағдарлануымен ерекшеленетін медициналық ұйымдарды анықтауға бағытталды.Өңірде байқауға 121 медициналық ұйым қатысты.Медициналық ұйымдардың қызметі алты негізгі индикатор бойынша бағаланды:<ul><li style="text-align:justify;">медициналық қызметтер көрсетушінің қаржылық тұрақтылығы;</li><li style="text-align:justify;">халықпен ақпараттық жұмыс;</li><li style="text-align:justify;">шағымдар санын азайту;</li><li style="text-align:justify;">пациенттерді қолдау қызметі мен ішкі бақылау жұмысының тиімділігі;</li><li style="text-align:justify;">медициналық ұйымның қаржылық тәртібі;</li><li style="text-align:justify;">Qalqan ақпараттық жүйесіне қатысуы.</li></ul>Бағалау қорытындысы бойынша байқаудың жеңімпаздары анықталды.<img src="https://knadmin.beoblood.kz/uploads/diplom_osms_1_3e975b9bf6.jpg" alt="диплом осмс.jpg">«Бастапқы медициналық-санитариялық, консультациялық-диагностикалық және жедел медициналық көмек көрсету жағдайларында» бағыты бойынша 44,2 ұпай жинаған «Сырдария аудандық ауруханасы» ШЖҚ КМК үздік деп танылды.«Стационарлық және стационарды алмастыратын көмек көрсету жағдайларында» бағыты бойынша 42,3 ұпай жинаған «Dertke Daua» ЖШС бірінші орынға ие болды.Ал «Сенім медицинасы: назар орталығында - пациент» арнайы номинациясында №6 қалалық емхананың жұмысы атап өтілді. Республикалық комиссия емхананың азаматтардың өтініштерімен жұмыс жүргізудегі нәтижесін жоғары бағалады.Атап айтқанда, тұрғындардың шағымдары 80%-ға төмендеген, сондай-ақ пациенттерді қолдау қызметінің тиімді жұмысы атап өтілді.Әлеуметтік медициналық сақтандыру қорының Қызылорда облысы бойынша филиалы директорының міндетін атқарушы Жұпар Алхожаеваның айтуынша, байқау медициналық көмек көрсетуді ұйымдастырудағы тиімді тәсілдерді анықтап, тәжірибе алмасуға мүмкіндік берді.<blockquote>«Байқаудың басты мақсаты – үздіктерді анықтап қана қоймай, басқа медициналық ұйымдарға үлгі бола алатын озық тәжірибелерді көрсету. Медициналық көмектің сапасы мен қолжетімділігі, сондай-ақ пациенттердің сенімі басты назарда. Медициналық ұйымдардың пациенттермен тиімді өзара іс-қимылы жалпы денсаулық сақтау жүйесіне деген сенімнің қалыптасуына тікелей ықпал етеді», - деді Жұпар Алхожаева.</blockquote>Байқау қорытындысы бойынша жеңімпаздарға естелік кубоктар мен дипломдар табысталды.<img src="https://knadmin.beoblood.kz/uploads/diplom_osms_2_991c32d2dd.jpg" alt="диплом осмс.jpg">

Медицина көшбасшылары: Қызылорда облысында үздіктер марапатталды

<a href="https://kyzylorda-news.kz/">Kyzylorda-news.kz</a> Жаңақорған ауданының әкімі Ғалымжан Жарқынбек тиісті сала басшыларымен бірге «Таза Қазақстан» экологиялық акциясы аясында «Батыс Еуропа – Батыс Қытай» халықаралық автомобиль дәлізі бойындағы тазалық жұмыстарының барысын аралап, бақылауға алды.Аралау барысында жол бойындағы кәсіпкерлік нысандардың қызмет көрсету орындары мен санитарлық тазалығы, сыртқы келбеті және аумақтың абаттандырылуы зерделенді, қоршаған ортаның тазалығын сақтау бойынша нақты тапсырмалар берілді.Аудан әкімі кәсіпкерлерге ғимарат айналасын таза ұстап, келушілерге қолайлы жағдай жасаудың маңыздылығын атап өтті. Халықаралық маңызы бар автодәліз бойындағы қызмет көрсету сапасы мен нысандардың сыртқы келбеті ауданның абыройы мен туристік әлеуетіне тікелей әсер ететінін жеткізді.Сондай-ақ, аудан басшысы күре жол бойында жаңадан салынып жатқан жол бойы қызмет көрсету кешендерінің құрылыс барысымен танысты.Жеке кәсіпкер Рахат Бағдатұлы құны 200 млн теңге болатын асхана құрылысын жүргізуде. Нысанды 2027 жылы аяқтау жоспарланған. Кешен тәулігіне 200–300 адамға қызмет көрсетіп, 15 адамды тұрақты жұмыспен қамтиды деп күтілуде.Сондай ақ, Сүттіқұдық ауылының тұсында да жол бойы қызмет көрсету кешені бой көтеруде. Жеке кәсіпкер Нұрлан Абибуллаұлы құны 120 млн теңгені құрайтын асхана және заманауи үлгідегі санитарлық тазалық бөлмелері қарастырылған кешен салуда. Нысанды ағымдағы жылдың желтоқсан айында аяқтау жоспарланған. Кешен тәулігіне 100–150 адамға қызмет көрсетіп, 10 адамды тұрақты жұмыспен қамтиды деп күтілуде.Аудан әкімі кәсіпкерлерге жүргізіп жатқан жұмыстарына сәттілік тілеп, нысандардың сапалы әрі белгіленген мерзімде аяқталуына тілектестік білдірді.Айта кетейік, бүгінде Жаңақорған ауданы аумағындағы күре жол бойында 8 қызмет көрсету кешені орналасқан. Олардың барлығы жолаушыларға тиісті қызмет көрсетуде.Тазалық пен тәртіпті сақтау, жол бойындағы сервистің сапасын арттыру – ауданның көркі мен абыройын айқындайтын маңызды бағыттардың бірі.<img src="https://knadmin.beoblood.kz/uploads/Avtomobil_d_lizi_tazaly_zh_mystary_fa0d76d365.jpg" alt="Автомобиль дәлізі тазалық жұмыстары.jpg">

Тазалық пен тәртіп – басты назарда

<a href="https://kyzylorda-news.kz/">Kyzylorda-news.kz</a> «Таза Қазақстан» экологиялық акциясы аясында ерекше сайыс өтті.Жастар арасында экологиялық мәдениетті қалыптастыру, қоршаған орта тазалығына жауапкершілікті арттыру және туған қалаға деген жанашырлықты нақты істер арқылы көрсету мақсатында ұйымдастырылған сайысқа жастар ерекше ынтамен атсалысты.Сайыс қалаға қарасты саяжай жолы аумағында өтіп, оған 11 командадан құралған 110 жас қатысты. Бәсекелестер бір сағат ішінде белгіленген аумақты қоқыстан тазартып, нәтижесінде жалпы көлемі 3 тоннаға жуық қоқыс жинады.<img src="https://knadmin.beoblood.kz/uploads/FB_IMG_1789964126137_acf839a1b5.jpg" alt="FB_IMG_1789964126137.jpg">Сайыс қорытындысы бойынша үздік нәтиже көрсеткен эко-топтар арнайы марапаттармен, қаржылай сыйлықтар табысталды. Мұндай бастамалар жастардың қоғамдық белсенділігін арттырып қана қоймай, экологиялық құндылықтарды насихаттауға да зор үлес қосады.Таза қала – әрқайсымыздың ортақ жауапкершілігіміз. Қоршаған ортаны қорғау мен табиғатты аялау ісіне барша тұрғынның үлес қосуы маңызды.<img src="https://knadmin.beoblood.kz/uploads/FB_IMG_1789964106850_36048a4176.jpg" alt="FB_IMG_1789964106850.jpg">

Жастар экологиялық акция аясында ұйымдастырылған сайысқа белсене атсалысты 

<a href="https://kyzylorda-news.kz/">Kyzylorda-news.kz</a> Қазалы ауданының әкімі Алмасбек Есмаханов тыл ардагері, Батыр ана Ідірісова Рахима Қыпшаққызын арнайы қабылдап, 90 жас мерейтойымен құттықтады. Аудан әкімдігінің мәжіліс залында өткен шараға ауданның зиялы қауым өкілдері, ардагерлер, әйелдер кеңесінің мүшелері және сала ардагерлері қатысты.Аудан басшысы Рахима Қыпшаққызының елге сіңірген еңбегін, өнегелі өмір жолын атап өтіп, мерейтой иесіне ақжарма тілегін білдірді.Тоқсан жас – бір адамның ғұмыры ғана емес, тұтас бір дәуірдің шежіресі. Өмірдің ыстық-суығын қатар өткеріп, қиын кезеңдерде ауыл шаруашылығы саласында ер азаматтармен қатар аянбай еңбек еткен Рахима Қыпшаққызы – кейінгі ұрпаққа өнеге боларлық ғибратты ғұмыр иесі. Қарапайым еңбек адамы бола жүріп, отбасының берекесін сақтап, ұрпағын тәрбиелеп, елдің өсіп-өркендеуіне өз үлесін қосты.Рахима Қыпшаққызы 1936 жылы Қазалы ауданында дүниеге келген. Жастайынан еңбекке араласып, егін егу, мал шаруашылығына көмектесу, өнім жинау секілді ауыл шаруашылығы жұмыстарына белсене қатысқан. Еңбектегі табандылығы мен қажыр-қайратының арқасында екі мәрте Социалистік жарыстың жеңімпазы атанған. 1955 жылы Сәдуақас Ідірісовпен шаңырақ көтеріп, 8 перзент тәрбиелеп өсірді. Бүгінде ардақты ана 32 немере мен 46 шөберенің сүйікті әжесі атанып, әулетінің ақылшысы мен берекесінің бастауы болып отыр.&nbsp;<blockquote>– Ана – отбасының жүрегі, әулеттің алтын қазығы. Сіздей ардақты аналарымыздың өнегелі өмір жолы, елге деген адалдығы мен еңбекке деген жауапкершілігі кейінгі ұрпаққа әрдайым үлгі. Тоқсан жасқа толған мерейлі белесіңіз құтты болсын! Сізге тілеулес азаматтардың, адал ақ ниетті жерлестеріңіздің атынан шын жүректен құттықтаймын. Мықты денсаулық, отбасыңызға бақ-береке, ұрпағыңыздың қызығын көріп, ұзақ ғұмыр кешуіңізге тілектеспін, – деді аудан әкімі Алмасбек Әбілқасымұлы.</blockquote>Салтанатты қабылдау барысында Рахима Қыпшаққызына туған жердің дамуына сіңірген еңбегі мен елге көрсеткен қызметі үшін Қазалы ауданының ең жоғары марапаты – аудан әкімінің «Құрмет» грамотасы табысталып, дәстүрге сай камзол кигізіліп, ақ жаулық жабылды. Сонымен қатар мерейтой иесіне гүл шоқтары табысталды.Жиында алғашқы құттықтау сөз аудандық ардагерлер кеңесінің төрағасы, Қазалы ауданының құрметті азаматы, «Құрмет» орденінің иегері Оразғали Бекбановқа берілді. Одан кейін Қазалы ауданының құрметті азаматы, «Құрмет» орденінің иегері Қасқырбай Әлімбай, Қазақ КСР Мемлекеттік сыйлығының лауреаты, ІІІ дәрежелі «Еңбек Даңқы» орденінің иегері, Қазалы ауданының құрметті азаматы Ажаркүл Алдажарова және аудандық әйелдер кеңесінің төрайымы Роза Асанова мерейтой иесіне жүрекжарды лебіздерін білдіріп, ізгі тілектерін жеткізді.Өз кезегінде Рахима Қыпшаққызы көрсетілген құрмет пен ыстық ықыласқа ризашылығын білдіріп, аудан басшылығына және ақ тілегін арнаған барша жерлестеріне алғысын жеткізді.Рахима Қыпшаққызының өнегелі ғұмыры – адал еңбектің, төзім мен табандылықтың, отбасы мен ұрпаққа деген шексіз мейірімнің жарқын үлгісі. Бүгінде ардақты ана әулетінің ғана емес, туған елінің құрметіне бөленіп отырған ақ жаулықты ана ретінде кейінгі буынға батасын беріп, ақыл-кеңесін айтып келеді.

Тыл ардагерін 90 жас мерейтойымен құттықтады 

<a href="https://kyzylorda-news.kz/">Kyzylorda-news.kz</a> Қазақстан Республикасы Премьер-министрінің бірінші орынбасары Нұрлыбек Нәлібаев Ұлттық білім беру деректер қорын жаңғырту мәселелері бойынша кеңес өткізді.Оның барысында оқу-ағарту министрі мен «Қазақтелеком» АҚ басқарма төрағасының Ұлттық білім беру деректер қорын жаңғырту барысы және оның негізінде Ұлттық білім беру платформасын дамыту жөніндегі атқарылып жатқан жұмыстар туралы есептері тыңдалды.Шымкент қаласы, Түркістан, Ақтөбе және Алматы облыстары әкімдерінің орынбасарлары өңірлердегі білім беру ұйымдарын цифрландыру бойынша атқарылып жатқан жұмыстар туралы баяндады.Жаңартылған жүйе арқылы 1-сыныпқа қабылдауға 490 мыңнан астам өтініш онлайн режимде берілген. Техникалық, орта білімнен кейінгі және кәсіптік білім беру ұйымдарына қабылдау үдерісі толық автоматтандырылған. Нәтижесінде колледждерге оқуға 220 мыңнан астам талапкер түскен.Нұрлыбек Нәлібаев Ұлттық білім беру платформасын енгізу халыққа білім беру саласындағы мемлекеттік қызметтерді автоматтандыруды қамтамасыз етумен қатар, бюджет қаражатын едәуір үнемдеуге, үнемделген қаражатты білім беру саласындағы басқа да қажеттіліктерге бағыттауға мүмкіндік беретінін атап өтті.

Қазақстан және Қызылорда облысының жаңалықтары