<a href="https://kyzylorda-news.kz/">Kyzylorda-news.kz.</a> Облыс көлемінде өткізілген «Ата-ана-Жасөспірім-Көше» жедел профилактикалық&nbsp; іс-шарасы барысында полиция органдарына барлығы 190 кәмелетке толмағандар жеткізілді. Оның 186 әртүрлі әкімшілік құқық бұзушылықтар жасағандары үшін және қаңғыбастық пен кезбелікке салынған 4 жасөспірім облыстық кәмелетке толмағандарды бейімдеу орталығына орналастырылды.
Сонымен қатар, он сегіз жасқа толмаған 1 бала темекі сатқан. Қазақстан Республикасы заңнамасының алкоголь өнімін өткізу жөніндегі талаптарын сақтамаған 7 жасөспірімнің ата-анасы жауапқа тартылды.
<blockquote>
 «Кәмелетке толмағанды тәрбиелеу жөніндегі міндеттерін орындамаған ата-аналар(ҚР ӘҚБтК-нің 127 бабы)&nbsp; 10 дерек анықталса, ҚР ӘҚБтК-нің 442-бабымен (сағат 22:00-ден 06:00-ге дейін кәмелетке толмағандар түнгі уақытта заңды өкілдерінің еріп жүруінсіз ойын-сауық мекемелерінде болуы және сағат 23:00-ден 06:00-ге дейін заңды өкілдерінің еріп жүруінсіз тұрғын жайдан тыс жерде болуы) 151 кәмелетке толмаған анықталып, олардың заңды өкілдеріне әкімшілік шаралар көрілді», – делінген полиция департаментінің хабарламасында.
</blockquote>

Қызылордада балаларын қараусыз қалдырған ата-аналар жауапқа тартылды

<a href="https://kyzylorda-news.kz/">Kyzylorda-news.kz.</a> Желтоқсан айында пайдалануға берілетін 200 орындық модульды аурухананың құрылысы аяқталуға жақын. Нысан ашылған соң онда жатқызылатын науқастар оттегіден тапшылық көрмеуі тиіс. Себебі жоба бойынша әр төсекке арнайы жүйе арқылы оттегі келіп тұратындай етіп жасалған.
Тез тұрғызылатын модульды аурухананың аумағы 6 400 шаршы метрді құрайды. Ол 4 гектар аумақта орналасқан. Қазіргі таңда негізгі құрылыс аяқталып, ішкі әрлеу жұмыстары жүргізіліп жатыр.
Мамандардың айтуынша, бір қабатты ғимарат 8 блоктан, әкімшілік бөлім, қабылдау диагностикалық бөлімше, операциялық блогы бар ренимациялық бөлімше, 4 палаталы блок және қарқынды терапия палатасы блогынан тұрады. Сонымен қатар рентген аппараты, компьютерлік томография және ауадан сағатына 50 текше метр оттегі өндіретін станция орнатылады.
<blockquote>
 “Келісім шарт бойынша құрылыстың құны 6 млрд 375 млн теңгені құрайды. Ауруханадан бөлек ғимарат сыртына салынып жатқан медициналық қалдықтарды залалсыздандыру ғимараты бар. Ауруханаға кіріп-шыққан машиналарды дезинфекциялайтын блоктар болады. Сонымен қатар 38 автокөлікке арналған автотұрақ бар”, – дейді Қызылорда облыстық құрылыс, сәулет және қала құрылысы басқармасының басшысы Бердияр Пірімбетов.
</blockquote>
Құрылысты “Каспако” ЖШС жүргізіп жатыр. Мердігер компания бұған дейін Нұр-Сұлтан, Алматы қалаларындағы модульды ауруханаларды тұрғызған.
Сыр өңіріндегі аурухана жұмысына 800-ге жуық азамат тартылған. Ал аурухана іске қосылған кезде алдын ала белгіленген шататтық кесте бойынша қажетті мамандармен қамтылады.

Қызылорда: Модульды аурухана сағатына 50 текше метр оттегі өндіреді

<a href="https://kyzylorda-news.kz/">Kyzylorda-news.kz.</a> Шымкент қаласында ерлер және әйелдер арасында өткен бокстан Қазақстан чемпионаты мәреге жетті, деп хабарлайды <a href="https://lenta.inform.kz/kz/shymkentte-bokstan-kazakstan-chempionaty-marege-zhetti_a3724472">ҚазАқпарат.</a>
Әлемде «қазақтардың салмағы» атанып кеткен 69 келіде қарағандылық Абылайхан Жүсіпов пен жамбылдық Асланбек Шымбергенов рингке шықты.
Екеуі де – халықаралық жарыстарда олжа салып жүрген спортшылар. Абылайхан әлем біріншілігінде екі мәрте қола медальді жеңіп алса, Асланбек – Азия чемпионатының күміс жүлдегері.
Бұл кездесуде Асланбектің қабағы жарылып кетіп, жекпе-жек мерзімінен бұрын аяқталып, жеңіс А.Жүсіповке берілді.
Есесіне 75 кг салмақта тағы бір жамбылдық Әбілхан Аманқұл атыраулық Нұрқанат Райысты ұтып, жеңімпаз атанды.
91 кг салмақта қос елордалық боксшы Айбек Оралбай мен Сағындық Тоғамбай финалда жұдырықтасты. Бір қызығы, екеуінің бапкерлері де бір, Асқар Еркебаев екен.
Бұл жолы А.Оралбай жеңіс тұғырына көтерілді. Осы салмақта Рио олимпиадасының күміс жүлдегері Василий Левит сырқаттанып қалуына байланысты жарысқа қатысқан жоқ.
Аса ауыр салмақта Қазақстан ұлттық құрамасының капитаны, әлем чемпионатының екі мәрте күміс жүлдегері, қызылордалық Қамшыбек Қоңқабаев түркістандық Нұрлан Сапарбайды жеңді.
63 кг салмақта ақмолалық Ерсұлтан Болат финалда рингке шықпағандықтан, жеңіс Алматы облысының өкілі Ертуған Зейнуллиновке берілді.
Осылайша Қазақстан чемпионаты мәреге жетті, оған олимпиада лицензиясына ие болған боксшылардың да қатысуы дода деңгейінің жоғары екендігін танытты. Күтпеген нәтижелер де болмай қалған жоқ. Бірқатар жас боксшылар атақты спортшыларды жолдан тайдырды.
<blockquote>
 «Олимпиадаға жолдама алған бес боксшымыз жеңімпаз атанып, сол лицензияға лайық екендігін көрсетті. Өкінішке қарай, Зәкір Сафиуллин жарақатына байланысты шешуші бәсекеге қатыса алмады. Василий Левит те жарыстан тыс қалды. Осы чемпионатта жастар жақсы көрінді. Әсіресе, 52 кг салмақта бәсекелестік күшті болды. Жас боксшы Махмұд Сабырхан жолдама иегері Сәкен Бибосыновтан басым түсті. Сондай-ақ 49 кг салмақта 18 жастағы батысқазақстандық Даниял Сәбит аса тәжірибелі боксшы Теміртас Жүсіповті 5:0 есебімен ұтып, көңілімізден шықты. Енді Токио олимпиадасына жарты жылдай уақыт қалды. Басты мақсат – соған мықтап дайындалу», дейді Қазақстан ерлер құрамасының бас бапкері Ғалымбек Кенжебаев.
</blockquote>
Әйелдер арасында жалпыкомандалық есепте Нұр-Сұлтан қаласы (3 алтын, 2 күміс, 1 қола) көш бастаса, Қостанай облысы (2 алтын, 1 қола) екінші, шымкенттіктер (1 алтын, 3 күміс) үшінші орынға ие болды.

Қамшыбек Қоңқабаев Қазақстан чемпионатында жеңімпаз атанды

<a href="https://kyzylorda-news.kz/">Kyzylorda-news.kz.</a> 2020 жылдың үш тоқсанының қорытындысы бойынша Еңбек, әлеуметтік қорғау және көші-қон комитетінің өңірлік департаменттері жүргізген тексерулер барысында 472 объектіде мүгедектігі бар адамдардың әлеуметтік және көлік инфрақұрылымы объектілеріне кіріп-шығуын қамтамасыз ету бойынша бұзушылықтар анықталды.
Жоғарыда аталған кезеңде мемлекеттік басқару, денсаулық сақтау, мәдениет және көліктік қызмет көрсету салаларындағы объектілерде бұзушылықтарды анықтау бойынша барлығы 658 бақылау шарасы өткізілді. Оның ішінде 624 объектіде мүгедектігі бар адамдар үшін қолжетімді ортаны қамтамасыз ету тұрғысынан тексеру жүргізілді. Бұл ретте профилактикалық бақылау шеңберінде 459 тексеру жүргізілді, азаматтардың өтініштері бойынша жоспардан тыс 199 тексеруге бастамашылық етілді.
Тексеру нәтижесінде мүгедектігі бар адамдарды әлеуметтік қорғау және оларға арнаулы әлеуметтік қызмет көрсету саласында анықталған бұзушылықтарды жою туралы 472 ұйғарым берілді, олардың 37-сі бойынша жалпы сомасы 9,1 млн теңгеге әкімшілік айыппұл салынды.
Қазақстанда барлығы 34 883 әлеуметтік инфрақұрылым объектісі бар, оның ішінде 34 509 объектіде жергілікті атқарушы органдар мүгедектігі бар адамдар үшін қолжетімді ортаны ұйымдастыру тұрғысынан паспорттау жүргізуді жоспарлап отыр. 2020 жылдың үш тоқсанының қорытындысы бойынша рәсім 34 279 объектіде жүргізілді. Айта кету керек, 25 648 (75%) паспортталған объект қосымша бейімделуге тиіс. 1 қазандағы жағдай бойынша олардың 24 939-ы бейімделді.

Өңірлерде мүгедектердің құқығын бұзушылар анықталды

<a href="https://kyzylorda-news.kz/">Kyzylorda-news.kz.</a>&nbsp;Бірыңғай жинақтаушы зейнетақы қоры 1 қарашадағы жағдай бойынша азаматтарға 155,3 миллиард теңге төлем жасады.
Қордың баспасөз қызметінің ақпаратынша, 2020 жылдың 1 қарашасындағы жағдай бойынша 320 335 адамға төлем төленді.
Тұтастай алғанда, 1,9 миллионнан астам зейнетақы төлемі мен сақтандыру ұйымдарына аударымдар жасалды. Жалпы сома 155,3 миллиард теңгені құрайды.
Оның ішінде:
<ul>
<li>зейнет жасына толу бойынша төлемдер – 51,7 миллиард теңге;</li>
<li>сақтандыру ұйымдарына аударымдар – 39,5 миллиард теңге;</li>
<li>ТТЖ-ға кетуге байланысты төлемдер – 31,1 миллиард теңге;</li>
<li>мұрагерлік бойынша төлемдер – 28,2 миллиард теңге;</li>
<li>жерлеуге берілетін төлемдер – 3,5 миллиард теңге;</li>
<li>мүгедектік бойынша төлемдер – 1,3 миллиард теңге.</li>
</ul>
Бұл ретте ай сайынғы орташа төлем сомасы (зейнеткерлік жасқа толуға байланысты) 22 806 теңге, ал ай сайынғы ең жоғарғы зейнетақы 506 980 теңге болды.

БЖЗҚ зейнетақы төлемдеріне қатысты ақпарат жариялады

<a href="https://kyzylorda-news.kz/">Kyzylorda-news.kz.</a> Дүйсенбі еліміздің басым бөлігінде күн ашық болады, алайда тұман түсіп, жел күшейеді, көктайғақ болуы мүмкін, деп хабарлайды Қазгидромет.
30 қарашада Қазақстанның басым бөлігінде антициклон әсерінен көбінесе жауын-шашынсыз ауа райы күтіледі. Еліміздің солтүстігі, шығысы, орталығы және оңтүстік-шығысының ауа райын циклон және атмосфералық фронтальды бөліктер анықтайды – кей жерлерде қар жауады. Республиканың кей жерлерінде тұман түсіп, жаяу бұрқасын соғады, желдің күшейіп, елімідің солтүстік-шығысында көктайғақ болуы ықтимал.
Қызылорда облысының кей жерлерінде тұман түсуі мүмкін, күндіз – көктайғақ.

Дүйсенбіге арналған ауа райы болжамы

<a href="https://kyzylorda-news.kz/">Kyzylorda-news.kz</a>. Қызылорда облысында экономика саласын дамыту мақсатында 265-тен астам жоба жүзеге асырылуда. Оның ішінде, тамақ өнеркәсібі бойынша 23 жоба енгізілді. Сондай-ақ, «Бизнестің жол картасы 2025» мемлекеттік бағдарламасы аясында жалпы құны 125,8 млн. теңгені құрайтын 4 жобаға субсидия берілді.
Ал, «Қызылорда» өңірлік инвестициялық орталығы арқылы тамақ өнеркәсібі саласында 97,7 млн. теңгені құрайтын 17 жоба шағын несиеге қол жеткізді.
Сонымен қатар, өңірдің тауар өндіруші кәсіпкерлерінің өнімдеріне жаңа сұраныс көздерін ашу және маркетингтік қолдау көрсету мақсатында облыстың ірі көтерме сауда орталықтарымен келіссөздер жүргізілді.

Қызылордада 4 жобаға субсидия берілді

<a href="https://kyzylorda-news.kz/">Kyzylorda-news.kz</a>. Коронавирустан қорғануға тек антиденелер ғана көмектеспейді, деп хабарлайды <a href="https://sputnik.kz/society/20201129/15608232/galym-koronavirus-infektsiyasy-zhutyrmaydy.html">Sputnik Қазақстан.</a>
Ғалымның айтуынша, кейбір адамдар коронавируспен ауырғандармен жақын қарым-қатынаста болса да, инфекция жұқтырмайды.
<blockquote>
 “Осындай жағдайлар болды. Олардың ағзасы бұл коронавирусты қабылдамайды”, – деді Иванов.
</blockquote>
Пастер атындағы эпидемиология және микробиология институтының ғалымдары осындай қорытындыға келген.
<blockquote>
 “Ғалымдар “қызыл аймақта” бірнеше ай бойы жұмыс істеп жүрген кейбір дәрігерлердің вирус жұқтырмайтынын байқаған”, – дейді маман.
</blockquote>
Коронавирус пандемиясы бүкіл әлемді қыспағына алды. 60 миллионнан астам адам вирус жұқтырса, оның 1,4 миллионнан астамы қайтыс болды. Коронавируспен ауырғандар саны бойынша АҚШ, Үндістан және Бразилия көш бастап тұр.
Қазақстанда соңғы мәліметтер бойынша коронавирус жұқтырғандар саны 130 865 адамға жетті. Коронавирустық пневмониямен ауырғандар саны – 42 104. Қайтыс болғандар – 2 470.

Ғалым коронавирус инфекциясын неге барлық адам жұқтырмайтынын түсіндірді

<a href="https://kyzylorda-news.kz/">Kyzylorda-news.kz</a>. 2021 жылдың 10 қаңтарында елімізде ҚР Парламенті Мәжілісінің және барлық деңгейдегі мәслихаттардың депутаттарын сайлау өтетіні белгілі.
Осы орайда дауыс беру құқығы бар көптеген азамат өзінің сайлау учаскесінің қайда екенін білмей жататыны да бар. Ал оны анықтау жолы өте қарапайым. Еліміздің барлық өңірлерінде сайлаушылардың тізімін әзірлеуге жауапты жергілікті әкімдіктер ресми сайттарына арнайы баннер орналастырып, Call-орталықтар, Telegram-боттар жасақтап қойған. Сол ресурстарға кіру арқылы кез келген азамат өзінің тұрғылықты жері бойынша сайлау учаскесін анықтай алады. Ал уақытша тұрып жатқан азаматтар 10 желтоқсанға дейінгі жергілікті әкімдіктерге барып, дауыс беру үшін тіркеуден өтуі қажет.
Сыр өңірі де 2021 жылдың 10 қаңтарында өтетін Мәжіліс пен мәслихаттар депутаттарын сайлаушылар тізімін анықтауға арналған&nbsp;<a href="https://saylau.orda.gov.kz/kk">дербес сайт</a>&nbsp;ашып қойған. Одан ЖСН теру арқылы бірден қай учаскеде тіркелгеніңізді білуге болады.

Сайлау учаскеңізді қалай білуге болады?

<a href="https://kyzylorda-news.kz/">Kyzylorda-news.kz</a>. 3 желтоқсанда Ресейдің «Виктория» ұлттық музыка сыйлығы тапсырылады. Әнші Димаш Құдайберген байқаудың «Үздік поп әнші» аталымында Your love әнімен ұсынылған, деп хабарлайды <a href="https://lenta.inform.kz/kz/dimash-kudaybergen-viktoriya-muzyka-baykauynyn-finalyna-shykty_a3724340">ҚазАқпарат</a>.
«Виктория» сыйлығын тапсыру рәсімі Кремль сарайында өтеді. Биылғы байқауда көрермен болмайды. Алайда концерттің телевизия нұсқасы 18 қаңтарда «Россия-1» телеарнасы көрсетеді.
«Виктория» сыйлығын ақын, меценат Михаил Гуцериев, композитор, продюсер Игорь Крутой, жазушы, медиа-менеджер Юрий Костиндер ұйымдастырған.
Финалға шыққандар «Үздік жыл әні», «Үздік поп әнші», «Үздік хип-хоп орындаушы», «Үздік рок-группа немес рок әнші», «Жыл композиторы», «Жыл ақыны» секілді 14 номинацияда бақ сынайды. Онда қазіргі заманауи музыканың барлық бағыты қамтылған.
2020 жылы әртістердің көбі онлайн концерт қоюға мәжбүр болды. Сондықтан ұйымдастыру комитеті «Жылдың онлайн концерті» деген аталым ашты.
Байқау сахнасына Niletto, Филипп Киркоров пен Dava, Полина Гагарина, Artik&amp;Asti, «Виктория-2019» сыйлығының иегерлері Димаш Құдайберген мен Zivert; Николай Басков, Артем Качер, Polina және биыл әндері Ресейде хитке айналған өнерпаздар бар.

Димаш Құдайберген «Виктория» музыка байқауының финалына шықты

Kyzylorda-news.kz. Қазақстанда өткен тәулікте 826 адамда коронавирус індеті ПТР арқылы расталды.
Аймақтар бойынша:
Нұр-Сұлтан қаласы – 83
Алматы қаласы – 73
Шымкент қаласы – 6
Ақмола облысы – 86
Ақтөбе облысы – 1
Алматы облысы – 33
Атырау облысы – 18
Шығыс Қазақстан облысы – 135
Жамбыл облысы – 14
Батыс Қазақстан облысы – 39
Қарағанды облысы – 25
Қостанай облысы – 85
Қызылорда облысы – 1
Павлодар облысы – 120
Солтүстік Қазақстан облысы – 105
Түркістан облысы – 2
Жалпы ел бойынша ауырғандар саны – 130 865.

Қызылордада өткен тәулікте коронавирус тіркелді

Kyzylorda-news.kz. Қорқыт ата атындағы Қызылорда университетінде «Мұстафа Шоқай – түркі халықтарының азаттығы мен бірлігі жолындағы қозғалыстың көшбасшысы» атты халықаралық ғылыми-тәжірибелік конференция өтті.&nbsp;
ZOOM платформасында өткізілген конференция ғылыми кітапхананың дәстүрлі және виртуалды көрмесімен сүйемелденді.
Конференцияға қатысқан спикерлер арасында Қызылорда облысы әкімінің орынбасары Н.Байқадамов, Қорқыт Ата атындағы Қызылорда университетінің ректоры Б.Кәрімова, ҚР ҰҒА академигі, Абай атындағы ҚазҰПУ профессоры М.Қойгелдиев, ҚР ҰҒА академигі, Л.Н.Гумилев атындағы Еуразия ұлттық университетінің профессоры, Д.Қамзабекұлы, Стамбул Мимар Синан университетінің профессоры Әбдіуақап Қара, Өзбекстан Ғылым академиясы тарих институтының аға ғылыми қызметкері, профессор Раджабов Кахрамон, Қорқыт ата атындағы Қызылорда университеті «Мұстафа Шоқай» ғылыми орталығының ғылыми жетекшісі, профессор Б.Әбдіжәлел, Қ.А.Ясауи атындағы Халықаралық қазақ-түрік университетінің профессоры, Т.Хазретәлі, Қорқыт Ата атындағы Қызылорда университеті «Қазақ тілі мен әдебиеті және журналистика» кафедрасының меңгерушісі, филология ғылымдарының кандидаты Ғ.Тұяқбаев болды.
Конференция барысында түркі халықтарының бірлігі мен азаттығы жолындағы күреске саналы ғұмырын арнаған Мұстафа Шоқайдың өмірлік жолына, саяси-қоғамдық еңбегіне жан-жақты шолу жасалды.
Атап айтқанда, Д.Қамзабекұлы Мұстафа Шоқай мен Смағұл Сәдуақасұлының сабақтастық тағылымы туралы баяндамасында ұлт жанашырларының еңбегі жан-жақты зерделенді.
&nbsp;Сонымен қатар Мұстафа Шоқай мен әулетіне кеңес үкіметі жасаған қиянат жайында талқыланып, оның Еуропадағы ел тәуелсіздігі жолындағы күресі туралы толыққанды ақпарат берілді.
Өзбекстандық ғалым К.Раджабов сөз барысында Шоқайдың еңбектеріндегі кеңестік жүйеге қарсы қарулы күрес мәселесіне қатысты ой толғап, тарихи деректерден мысалдар келтірді.
Әзірбайжандық ғалым Дилгам Ахмад баяндамасын Мұстафа Шоқайдың Әзірбайжанға саяси эмиграциясы кезеңіне арнады. Ғалым Шоқай мен өз елінің азаттық күрескерлері арасындағы тығыз саяси байланыс пен ұлт бостандығы жолындағы мүдделерінің үндесуі мен жақындығын ерекше атап өтті.
Шараға қатысушылар конференция барысында Шоқай мәселесіне қатысты өз пікірлерімен бөлісіп, ойларын ортаға салды.
Сонымен бірге, қатысушылар тарапынан берілген ұсынымдар арасынан Қызылорда облысы Шиелі ауданына Мұстафа Шоқай есімін беру мен аймақтағы жоғары оқу орындарының үздік оқитын студенттеріне «Мұстафа Шоқай» атындағы арнаулы стипендия тағайындау мәселелері көпшіліктің көңілінен шықты.
Университет ректоры Бейбіткүл Кәрімова шараны қорытындылай келе, бүгінгі қоғам өткен тарихтан сабақ алып, ұлтымыздың біртуар тарихи тұлғаларын танудың маңыздылығын баса айтты.
<img src="https://kyzylorda-news.kz/wp-content/uploads/2020/11/127889061_2115493595254722_4719926224791694633_o.jpg" alt="" />
<img src="https://kyzylorda-news.kz/wp-content/uploads/2020/11/128159508_2115493708588044_1597216597356206276_o.jpg" alt="" />
<img src="https://kyzylorda-news.kz/wp-content/uploads/2020/11/127643792_2115615508575864_3643459765732484542_n.jpg" alt="" />

Қазақстан және Қызылорда облысының жаңалықтары