<a href="https://kyzylorda-news.kz/date/2020/07/30/">Kyzylorda-news-kz.</a> Бүгін облыс әкімі Г.Әбдіқалықова «Көлік қызметкерлері күні» кәсіби мерекесіне байланысты сала қызметкерлерін қабылдады. Облыс аумағында осы көлік саласында 15 мыңнан астам жұмыскер қызмет етіп келеді.
Осы салада қызмет етіп жүрген 50 қызметкерлер Қызылорда облысының Құрмет грамотасымен және облыс әкімінің Алғысымен марапатталды. Олардың ішінде жүргізуші, жолшы, ұшқыш, машинист, жолсерік, вагон қараушы, диспетчер және басқа да маман иелері бар.
Бүгінгі қабылдауда еңбек өтілі 43 жыл құрайтын «ТрансТурСервис» ЖШС автобус жүргізушіcі Елубай Күдербаевқа, 50 жыл осы салада қызмет етіп келе жатқан «Талап и К» ЖШС қызметкері Виктор Лиге Қызылорда облысының Құрмет грамоталары 39 жыл қызмет етіп келе жатқан «БауТЛ и К» ЖШС маманы Алма Ерназароваға және жеке кәсіпкер «Қасқабаева» жұмыскері Дастанбек Тынымбетовке облыс әкімінің алғыс хаттары табысталды. Карантин шектеулеріне байланысты қалған қалған қызметкерлерге марапаттар жұмыс орындарында табысталады.
Облыс аумағында 212 елді мекенді аудан және облыс орталығымен байланыстыратын 204 автобус маршруты ұйымдастырылған. 
«Қызылорда-Ташкент» бағытына халықаралық 1 автобус маршруты, Нұр-Сұлтан, Алматы, Шымкент, Жезқазған, Түркістан, Сарыағаш, Ақтөбе және тағы басқа қалаларға облысаралық 13 автобус маршруты ұйымдастырылып отыр.
Әуежай қызметі көлік саласындағы маңызды бағыттардың бірі болып табылады. Биылғы жаз маусымында «Қорқыт Ата» әуежайы арқылы аптасына 37 рейске дейін ұшулар орындалды (Нұр-Сұлтан қ. – 21 рейс, Алматы – 14 рейс және Қарағандыға – 2 рейс). 2020 жылдың маусым айынан бастап Нұр-Сұлтан, Алматы қалаларына «Skat»,«Qazaq Air» әуекомпанияларының күнделікті рейстері ұшуда.
Сонымен бірге облыстағы маңызы зор көлік түрі – темір жол көлігі саласы. Қызылорда облысынан өтетін магистральдық темір жол желісінің жалпы ұзындығы 1055 км.-ді құрайды және 8 темір жол вокзалы жолаушыларға қызмет көрсетіп келеді.
Облыс аумағынан 19 жұп жолаушы пойызы, оның ішінде мемлекетаралық бағыттағы 7 жұп пойызы өтсе, облыс орталығынан 6 жұп пойыздары ұйымдастырылған.
Көлік қызметінің негізгі бағыттарының бірі – мүмкіндігі шектеулі азаматтардың көлік қызметіне (автомобиль, темір жол және әуе көлігінде) қолжетімділігін қамтамасыз ету қарастырылған.
<blockquote>
 «Бүгінгі таңда көлік саласы еліміз бен халқымыздың әлеуметтік-экономикалық жағдайына тікелей әсер ететін экономиканың негізгі күші. Кәсіби мерекелеріңіз – көлік қызметкерлері күнімен шын жүректен құттықтаймын және еселі еңбектеріңіз үшін үлкен алғысымды білдіремін. Қазір біз үшін ең басты міндет – елімізде пандемиямен күресу. Осы бағытта да жолаушылар тасымалы барысында халықты сақтандыру шаралары қарқынды қамтамасыз етілген – бұл қиындықтан бірге міндетті түрде шығамыз», – деді облыс әкімі Г. Әбдіқалықова.
</blockquote>
<img src="https://kyzylorda-news.kz/wp-content/uploads/2020/07/116782342_2600245393411847_6318154854046399701_n.jpg" alt="" />

Облыс әкімі «Көлік қызметкерлері күні» кәсіби мерекесіне байланысты сала үздіктерін марапаттады

Биыл Арапа күні – бейсенбі 30 шілде
Арапа сөзі арабтың «ъарафа», яғни, «білу, анықтау, түсіну» мағынасына сай келеді. Бізде оны қарияларымыз «Қарапа» деп атап кеткен. Зұлхижжа айынының тоғызыншы күні, күллі мұсылман жұртының мейрамы Құрбан айттың алдындағы күн және күндердің ең қадірлісі – Арапа күні жақындап келеді.
Қазақ халқы бұл күнді әуелден қадірлеп, құрметтей білген. Арапа күні құрбан айт мерекесіне ерекше дайындық жасап, марқұмдарға дұға бағыштап, бір-біріне қонаққа барып, ұлық мейрамның келгеніне қуанған.
Бұл күні бес парыздың бірі, қажылық парызын өтеу үшін дүниенің түкпір-түкпірінен қасиетті Мекке шаһарына жиналған қажылар Арафат тауында тұрып, Аллаға мінәжат етеді. Ал қажылыққа бара алмаған адам, бұл күнді құрмет тұтып, құлағына, көзіне және тіліне ие болып, тәшриқ тәкбірін айтып, ораза ұстап, дұға және тәубе жасап, кешірім тілеумен өткізеді.
Арапа күнгі амалдарға қатысты 6 кеңес
Арапа күнін құрметтеу.&nbsp;Пайғамбарымыз Мұхаммед (оған Алланың салауаты мен сәлемі болсын):&nbsp;«Арапа күнін құрметтеңдер! Өйткені Арапа – Алла Тағала қадірлеген күн»&nbsp;(Дәйләми) десе, тағы бір өсиетінде:&nbsp;«Арапа күні құлағына, көзіне және тіліне ие болған адам кешіріледі»&nbsp;(Табарани) деген.
Құлағына ие болу – ғайбат, мәні жоқ жаман өлеңдерді тыңдамау деген сөз. Егер бұлар біздің қалауымыздан тыс құлағымызға келетін болса, бізге күнә болмайды. Көзге ие болу – харам нәрселерге қарамау және мубах нәрселерден ғибрат алу деген сөз. Тіліне ие болу – өтірік, өсек, сөз тасу, жаман сөз, тіпті, бос сөзден тыйылу, ешкімді тілімен ренжітпеу дегенді білдіреді. Осы аталғандарға мойынсұнып жүрген адам Арапа күнін құрметтеген болады.
Сондықтан, бұл күні жасалған игі істер үшін сауаптар бірнеше есе артады және оның шын мәніндегі көптігін Алладан басқа ешкім білмейді. Сол сияқты бұл күні жасалған күнәлардың да&nbsp; жазасы бірнеше есе артады.
Тәшриқ тәкбірі.&nbsp;Арапа күні таң намазынан бастап Құрбан айттың төртінші күні екінті намазына дейінгі 23 намазда еркек-әйел барлық адам парыз намаздардан кейін сәлем бере сала&nbsp;«Аллаһуммә әнтәссәлам…»&nbsp;дұғасын оқымай тұрып, уәжіп болған тәшриқ тәкбір дұғасын (жеке оқыса да, жамағатпен оқыса да) дауыстап оқулары керек. Әйел адамдар дауыстарын шағырмай, іштерінен оқиды. Парыз намаздарынан басқа айт және жұма намаздарынан кейін де оқылады. Тәшриқ тәкбірі:&nbsp;«Аллаһу әкбар, Аллаһу әкбар, Ла илаһә иллаллаһу уаллаһу әкбар, Аллаһу әкбар уә лилләһил-хамд»&nbsp;Мағынасы: Алла&nbsp;Ұлық, Алла&nbsp;Ұлық! Алладан басқа құдай жоқ және Алла бәрінен де Ұлық! Алла Ұлық әрі күллі мадақ-мақтаулар тек Аллаға тән!
Ораза ұстау.&nbsp;Арапа күні ораза ұстау қажет (сүннет) амал. Өйткені, ораза – нәпсі тәрбиесінің негізі. Хадистерде Арапа күні ораза тұтудың сауабы мол және күнәларымыз кешірілетінін жеткізген. Пайғамбарымыз Мұхаммед (оған Алланың салауаты мен сәлемі болсын):&nbsp;«Арапа күні ораза тұтушыға Адам пайғамбардан (яғни алғашқы адамнан) Қиямет сырнайы үрленгенге дейін, өмір сүрген бүкіл адамдар санының екі есесіндей сауап жазылады»&nbsp;–&nbsp;деген. Тағы бір риуаятта, момындардың анасы Айша (Алла оған разы болсын) Масрукқа: «Ей Масрук, сен Расулуллаһтың (оған Алланың салауаты мен сәлемі болсын) Арапа күні оразаны мың күнмен салыстырғанын естідің бе?» деді. (Байхаки, Табарани).
Пайғамбарымыз Мұхаммед (оған Алланың салауаты мен сәлемі болсын):&nbsp;«Арапа күні ұсталған ораза 1000 күн тұтылған&nbsp;(нәпіл)&nbsp;оразаға тең»&nbsp;(Табарани) деген.
«Арапа күні ораза тұтқан адамдардың екі жылдық күнәлары кешіріледі. Бірі, өткен жылғы, екіншісі, келер жылдың күнәлары»&nbsp;яғни, осы күні тұтылған ораза өткен және келер жылда жасалатын тәубелердің қабыл болуына себепші болады. (Муслим)
Дұға жасау.&nbsp;Алла Елшісі (оған Алланың салауаты мен сәлемі болсын) былай дейді:&nbsp;«Дұғаның абзалы – Арапа күнінің дұғасы және мен әрі менен бұрын болған пайғамбарлардың айтқан дұғаның абзалы – Алла Тағаладан өзге тәңір жоқ. Ол – жалғыз. Оның серігі жоқ. Иелік және мақтау Алла Тағалаға тән әрі Ол барлық нәрсеге құдіретті».&nbsp;Сол үшін осындай қасиеті мол күнді бос өткізбей, дұғамен күнімізді берекелі еткен жөн болады. Дұғамыз арқылы еліміз бен жеріміздің, жанұямыз бен ағайынның амандығын тілеу қажет. Пайғамбарымыз Мұхаммед (оған Алланың салауаты мен сәлемі болсын):&nbsp;&nbsp;«Дұғаның қадірлісі – Арапа күні жасалған дұға»&nbsp;(Бәйһақи) дейді.
Тәубе ету.&nbsp;Алла Елшісі (оған Алланың салауаты мен сәлемі болсын) «Адам баласының бәрі қателік жасайды. Солардың ішіндегі ең жақсылары –жасаған қателіктері үшін тәубе ететіндері», – деген. Демек күнә істемейтін, қателікке бой алдырмайтын пенде болмайды. Алла пендесіне тәубе ету мүмкіндігін берді. Сол үшін Арапа күні мейірім есігі ашылған кезде, Аллаға тәубе жасап, күнә-қателіктеріміздің кешірілуін сұрайық. Өйткені, Пайғамбарымыз Мұхаммед (оған Алланың салауаты мен сәлемі болсын):&nbsp;«Арапа – өте құнды күн. Ол күні мейірім есіктері ашылады»&nbsp;деген. (Дәйләми)
«Төрт түннің күндізі де түні секілді құнды болып келеді. Алла Тағала ол күндері дұға еткен адамның тілегін кері қайтармайды, оларды кешіреді және олар бұл күндерде мол ихсанға қауышады. Бұлар: Қадір түні, Арапа түні, Бәрат түні, жұма түні және күндері»&nbsp;(Дәйләми)
Кешірімді болу:&nbsp;Кешірім – иманның шынайы көрінісі. Адамзаттың ардақтысы Пайғамбарымыз Мұхаммед (оған Алланың салауаты мен сәлемі болсын) былай айтқан:&nbsp;«Кешіре әрі райдан қайта біліңдер, өйткені кешірім мен мейірімділік таныту пенденің маңыздылығын арттыра түседі. Егер Алланың сізді ұлықтауын қаласаңыз, онда өзгелердің де күнәларын кешіріңіз».
Ендеше, Алланың шарапатымен, кешіре алатын мұсылман жұмақтағы Кәусәр бұлақтан су іше алады, Алла оны ұлықтайды, Қиямет күні өзі кешіріліп, жоғары дәрежеге ие болады. Ал кімде-кім&nbsp; мейірімділік танытпаса, мұның бәрінен құр алақан қалуы ықтимал.&nbsp;Осынау Алла қадірлі еткен күнде маңайымыздағы жандардың барлығын кешірсек, Алла бізді де кешіреді.
Арапа күні мүбәрәк болып, елімізден, үйлерімізден бақ-береке кетпесін! Жаратушы Жаббар Иеміз Арапа күнгі жасайтын ізгі амалдарымызды сауаптан жазғай! Әмин!
<a href="https://www.muftyat.kz/kk/articles/kurban-ait/2020-07-27/32290-arapa-kunine-arnalgan-6-kenes/">ҚМДБ</a>

Арапа күніне арналған 6 кеңес

<a href="https://kyzylorda-news.kz/">Kyzylorda-news.kz.</a> Коронавирус инфекциясының пандемиясына байланысты көптеген елдер COVID-19 коронавирус инфекциясына қарсы вакциналарды жедел түрде жасай бастады. Қазақстанда денсаулық сақтау үшін аса қауіпті инфекцияларға қарсы вакциналарды әзірлеу. Дүниежүзілік денсаулық сақтау ұйымымен (ДДСҰ) ынтымақтастық бойынша ҚР Білім және ғылым министрлігі Ғылым комитетінің Биологиялық қауіпсіздік проблемалары ғылыми-зерттеу институтының тәжірибесі мол. Институт вакцинаны дайындауға наурыз айының ортасынан бастап кірісті, деп хабарлайды <a href="https://lenta.inform.kz/kz/koronaviruska-karsy-kazakstandyk-vakcina-synaktan-satti-otkizilude_a3678276">ҚазАқпарат.</a>
Білім және ғылым министрлігінің хабарлауынша, бұл ғылыми ұйым қауіпті инфекциялармен жұмыс істеу үшін 13 биологиялық қауіпсіздік зертханасында жұмыс істейтін еліміздің жетекші вирусолог-ғалымдарын біріктіреді.
Қауіпті және аса қауіпті жұмыстардың барлық түрлері қауіпсіздіктің 3 деңгейіндегі зертханада (BSL-3) жүргізіледі. Бұл – 50 жылдан астам нәтижелі жұмыс атқарған және вакциналарды өндіруде тәжірибесі мол, бірегей институт.
Институттың зерттеулері медицина мен ауыл шаруашылығына арналған вакциналардың жаңа түрлерін жасауға, иммунобиологиялық препараттарды өндіруге, қауіпті және аса қауіпті ауруларды диагностикалау үшін тест жүйелерін жасауға бағытталған. Тек соңғы 10 жылдың ішінде институт аса қауіпті инфекциялар бойынша, оның ішінде «құс» және «шошқа» тұмауына, нодулярлық дерматитке, бруцеллезге қарсы жеті жаңа вакцина жасау технологиясын дайындады. Қауіпсіздік және иммунобиологиялық қасиеттері бойынша соңғысы осы ауруға қарсы өзге вакциналарға қарағанда едәуір сапалы.
Сонымен қатар, 2020 жылы Биологиялық қауіпсіздік проблемалары ғылыми-зерттеу институты ғалымдары түйе шешегіне қарсы вакцина жасады.
COVID-19 вирусын жұқтырған алғашқы науқастар наурыз айының ортасында ғана анықталғандықтан ғалымдар патологиялық материалға тек 23 наурызда қол жеткізді.
Алматы қаласының жұқпалы аурулар ауруханасында емделіп жатқан алғашқы науқастардан материалдар алынып, БҚПҒЗИ-ға жеткізілді. BSL-3 қорғау деңгейі бар зертханада биологиялық үлгілерден VERO жасушаларының культурасында SARS-CoV-2 қоздырғышы (коронавирус қоздырғышы) ретінде анықталған вирус бөлініп, оның биологиялық қасиеттері зерттелді.
Өте қысқа уақыт ішінде жүргізілген ғылыми зерттеулердің нәтижесінде 9 мамырда БҚПҒЗИ ғалымдары алғашқы вакцинаны шығарды. 15 мамырда Дүниежүзілік денсаулық сақтау ұйымы (ДДСҰ) оны өз сайтында клиникаға дейінгі сынақтарға арналған кандидаттық вакцина ретінде&nbsp;<a href="https://www.who.int/publications/m/item/draft-landscape-of-covid-19-candidate-vaccines">тіркеді.</a>
ДДСҰ-да тіркелген күні зертханалық жануарларға вакцинаның клиникаға дейінгі сынақтары басталды: сызықтық тышқандар, сириялық хомяктар, егеуқұйрықтар, гвинея шошқалары, паромдар мен қояндар және т. б. Бүгінгі таңда сынақ нәтижелері ДДСҰ регламенттеген барлық параметрлер бойынша, атап айтқанда – уыттылық, пирогенділік, аллергенділік, иммуногендік, вакцина ДДСҰ мен Қазақстан Республикасының Мемлекеттік фармакопеясының талаптарына сәйкес келетінін көрсетеді.
Сонымен қатар, ғылыми институт вакцинаны антиденелер титрі жоғары иммуногенділікті көрсеткен приматтарда да сынақтан өткізіп жатыр.
Клиникаға дейінгі зерттеулер аяқталғаннан кейін көп ұзамай вакцинаның клиникалық сынақтары басталады.
Сондай-ақ, аталған зерттеу институты әртүрлі платформаларда тағы үш вакцинаны: СOVID-19-ға қарсы қосалқы, векторлық және тірі кандидаттық вакциналарды дайындап жатыр.Еске салсақ, Денсаулық сақтау министрлігі вакциналау – инфекциялық аурулардан қорғанудың тиімді әдісі&nbsp;<a href="https://www.inform.kz/kz/vakcinalau-infekciyalyk-aurulardan-korganudyn-tiimdi-adisi-lyudmila-byurabekova_a3662334">екенін жеткізді.</a>&nbsp;Қазақстандық ғалымдар 7 вакцина дайындау&nbsp;<a href="https://www.inform.kz/kz/kazakstandyk-galymdar-7-vakcina-dayyndau-tehnologiyasyn-zhasady_a3663636">технологиясын жасады.</a>
Жалпы Қазақстанда коронавирусқа қарсы вакцинаның бес прототипі бойынша жұмыс жүргізіліп жатыр. COVID-19 вакцинасын жасау бойынша жұмыстардың барысына қызығушылық танытқан азаматтар ДДСҰ&nbsp;<a href="https://www.who.int/publications/m/item/draft-landscape-of-covid-19-candidate-vaccines">веб-сайтында</a>&nbsp;вакцинаға үміткерлер туралы жалпы шолуды оқи алады. Вакцинаға үміткерлердің тізімі үнемі жаңартылып отырады.
Қазақстан ғалымдары әзірлеп жатқан коронавирус инфекциясына қарсы кандидаттық вакцина клиникалық зерттеуден&nbsp;<a href="https://www.inform.kz/kz/kazakstanda-koronaviruska-karsy-vakcinanyn-klinikalyk-synagy-kashan-bastalady_a3663630">күзде өткізіледі.</a>&nbsp;Сондай-ақ, мамандар коронавирусқа қарсы вакцина қашан дайын болатыны&nbsp;<a href="https://www.inform.kz/kz/koronaviruska-karsy-vakcina-kashan-dayyn-bolady-virusologpen-suhbat_a3672958">туралы да айтты.</a>
Алдын ала болжамға сәйкес, Қазақстанда коронавирусқа қарсы вакцина 65 жастан асқан, жүрек-қан тамыры ауруы, қант диабеті және созылмалы өкпе аурулары бар тәуекел тобына кіретін адамдарға және медицина қызметкерлеріне салынатын болады. Вакцина алатындардың болжамды саны&nbsp;<a href="https://www.inform.kz/kz/kazakstanda-koronaviruska-karsy-vakcina-kimderge-egiledi_a3669355">2 347 000 адамды құрайды.</a>

Коронавирусқа қарсы қазақстандық вакцина сынақтан сәтті өткізілуде

<a href="https://kyzylorda-news.kz/">Kyzylorda-news.kz.</a> Бас мемлекеттік санитарлық дәрігердің қаулысына сәйкес көшелерде, мешіттер маңында мал союға тыйым салынған. Қазіргі таңда Құрбан шалу рәсімін өткізу, арнайы әлеуметтік желі арқылы онлайн тапсырыс беру форматында жүргізілуде. Бұл туралы Өңірлік коммуникациялар қызметінің баспасөз алаңында өткен брифингте Қызылорда облыстық Полиция департаменті бастығының орынбасары Шамшидин Амитов мәлімдеді.
<blockquote>
 «Полиция кешенді күштерімен облыста орналасқан мешіттер мен мал сату және арнайы мал сою орындары бақылауға алынып, карантин режимін бұзғандарға тиісті шаралар көрілетін болады», – деді Шамшидин Амитов.
</blockquote>
Онлайн тапсырыспен алынған құрбандық мал Белкөл кенті, 
Көкжиде көшесі 56 үйде орналасқан қасапханада сойылып, мұқтаж жандардың 
үйлеріне жеткізілетін болады.
Айта кетейік, облыс орталығында мал союға арнайы орындар дайындалған. Атап айтар болсақ,
<ol>
<li>Белкөл кенті «Ақбарыс» цехы;</li>
<li>Белкөл кенті «Уақ мал» цехы;</li>
<li>Белкөл кенті Абай шаруашылығы;</li>
<li>Эдельвейс «Саламат Агро» цехы;</li>
<li>Шаңхайм/а «Нұржан» цехы;</li>
<li>КБИ м/а Жаппасбай батыр көшесі «Смағұл» цехы;</li>
<li>ЦКЗ Түб. Аураханасы маңы «Шәріпбай-Көмекбай цехы».</li>
</ol>

Шамшидин Амитов: Мешіттер, мал сою және сату орындары бақылауға алынады

<a href="https://kyzylorda-news.kz/">Kyzylorda-news.kz.</a> Қазалы ауданында індеттің алдын алу, таратпау мақсатындағы жұмыстар тұрақты түрде жүргізілуде.
Күшейтілген санитариялық-дезинфекциялық талаптардың сақталуын қадағалау мақсатында аудан әкімдігі жанынан құрылған мобильді топ күнделікті рейд жұмыстарын жүргізуде.
Рейд барысында кәсіпкерлік нысандар оның ішінде дүкендер, дәмханалар және өзге де қоғамдық тамақтану орындарының күшейтілген санитариялық-дезинфекциялық режимді сақтауы, жұмыс уақыттары тексеріліп, саудагерлер мен тұрғындарға қоғамдық орындарда коронавирус инфекциясын жұқтырмау үшін қауіпсіздік шараларын қатаң сақтауға кеңес беруде.
Апта басында жүргізілген рейд жұмыстары кезінде 1 қоғамдық тамақтану орнында қызмет көрсетуші персоналдың медициналық маскасыз және арнайы қолғапсыз қызмет көрсеткені анықталды. Карантин кезіндегі талаптарды сақтамаған қызметкерге аудандық тауарлар мен көрсетілетін қызметтердің сапасы мен қауіпсіздігін бақылау басқармасы қос азаматқа тиісті заңдылықтарға сәйкес 30 айлық есептік көрсеткіші көлемінде айыппұл салды. Сондай-ақ, 2 қоғамдық тамақтану орнына кемшіліктерді жою жөнінде ескерту жасалды.
<img src="https://kyzylorda-news.kz/wp-content/uploads/2020/07/kazaly-2.jpg" alt="" />
<img src="https://kyzylorda-news.kz/wp-content/uploads/2020/07/kazaly2.jpg" alt="" />

Қазалыда карантин талаптарын сақтамаған кәсіпкерге айыппұл салынды

<a href="https://kyzylorda-news.kz/">Kyzylorda-news.kz.</a> Төретам кентінде «Денешынықтыру-сауықтыру кешені» аумағында тренажерлық және стритболдық алаңының құрылысы жүргізілуде.
Бұл нысанның құрылысы «Жұмыспен қамту жол картасы» бағдарламасы аясында қолға алынып отыр.
<img src="https://kyzylorda-news.kz/wp-content/uploads/2020/07/toretam1.jpg" alt="" />
Спорт нысанының мердігері «СК и Монтаж Строй» ЖШС-і мекемесі болып табылды.
Қазіргі уақытта алаңдағы ескі топырақ жаңартылып, асфальт құйылды, қоршауларының орны дайындалды. Қажетті спорттық жабдықтарға тапсырыс беріліп қазіргі таңда жеткізілген.
Ересектер мен балаларға арналған тренажерлық – стритболдық алаңдары уақытты пайдалы және көңілді өткізуге бұқаралық спорттың дамуына мүмкіндік береді.

Төретамдық жастар енді стритболмен айналысады

<a href="https://kyzylorda-news.kz/">Kyzylorda-news.kz.</a> ҚМДБ төрағасы, Бас мүфти Наурызбай қажы Тағанұлы барша дін ғұламалары мен қариларды, мұсылман қауымын бірлесіп дұға етуге шақырды. Бас мүфти арапа күні бесін намаз уақытында бір мезетте Алладан дұға етуді сұрайды.&nbsp;
Арапа күнінің қасиеті мен сауабы жайлы біршама дін ғалымдары айтып кеткен. Бұл күннің қайыры туралы Пайғамбарымыз (с.ғ.с.) атап өткен.
«Арапа күні ораза тұтушыға Адам пайғамбардан Қиямет сырнайы үрленгенге дейін өмір сүрген бүкіл адамдар санының екі есесіндей сауап жазылады» деген. Өткен жылғы және келер жылғы күнәлар кешірілетінін де ескерткен. Бұл күні мұмылмандар ауыз бекітіп, ораза ұстайды. Күнді құлшылықпен өткізсе, таудай сауап алады.
Әзірет Әлидің «Алла тағала дәл арапа күніндегідей еш уақытта көп адамды тозақ отынан азат етпейді», деген хадисі бар.&nbsp;
Көптің тілеуі қабыл болады дейді қазақ. Осы ретте Бас мүфти еліміздің тыныштығы мен халық амандығы үшін бірлесіп дұға етуді сұрайды. Бүгін, яғни 30 шілде күні бесін намазы уақытында бір мезетте көп болып Алладан дұға жасауға асығайық.&nbsp;
Айта кетейік, бесін намазының уақыты Нұр-Сұлтан уақытымен сағат 13-26-ға сәйкес келеді.

Бас мүфти барша қазақстандықтарды арапа күні бесін намазда бір мезетте дұға етуге шақырды

<a href="https://kyzylorda-news.kz/">Kyzylorda-news.kz.</a> Қызылорда қаласында өзін емшімін деп таныстырған Кенжебай Тоғызбаевтың «адамдарды коронавирус пен пневмониядан бір минутта емдеп шығарамын» деген бейнежазбасы әлеуметтік желіні шарлап кетті, деп хабарлайды&nbsp;<a href="https://stan.kz/kizilordalik-emshi-koronavirusti-ayakpen-emdep-zhatir-334960/">Stan.kz</a>.
Емшінің емдеу процесі адам шошытарлық. Тарап жатқан жазбаларда Кенжебай Тоғызбаев науқастанғандарды жатқызып қойып, адамдардың арқасын аяқпен басып береді. Дертті дәрісіз жазамын деген азамат тіпті өзіне қасиет дарығанын айтады.&nbsp;
<blockquote>
 “Карантин қыру үшін ғой. Ал мен болсам, тірі қалдыру үшін жұмыс жасап жатырмын. Кешегі күннің өзінде 200-ден артық адам келіп кетті. Медицина мен біздің көзқарасымыз сәйкес келмейді”, – дейді Кенжебай Тоғызбаев.&nbsp;
</blockquote>
Індетке шалдыққандарға дәрісіз шипа беремін деген Кенжебай Тоғызбаевтың үйі адамға толы. Емшіден жәрдем сұраған жандар еліміздің әр түпкірінен келіпті. Ем іздеп келгендердің ешқайсысы медициналық маска тақпаған. Ал бұрын инженер болып жұмыс жасаған, медициналық білімі&nbsp;жоқ 70 жастағы Кенжебай қария әлемді әбігерге түсірген індетті үйінде отырып емдеп жатыр.&nbsp;
Ал медициналық қызметкерлер емшіден емделу жағдайды ушықтыратынын айтты.&nbsp;
<blockquote>
 “Халықтың арасында наным-сенім көп. Халық емшісіне барады. Емшілерден емделдім деп асқындырып алып жатқан адамдар бар. Емшілер емдемейді”, – дейді дәрігер Руслан Төлебаев.
</blockquote>

&#8220;Коронавирусты емдеймін&#8221; &#8211; қызылордалық емші туралы дәрігер пікірі

Kyzylorda-news.kz. 24 шілде – 30 тамыз аралығында Қызылорда облысы көлемінде «Таза қала» жедел-профилактикалық іс-шарасы өтуде.
Іс-шараның мақсаты – жеке және заңды тұлғалар тарапынан экологиялық заңнаманы бұзу деректерін анықтау, қоршаған ортаға зиян келтіру жағдайларының алдын алу.
Осыған орай, Қызылорда облысы Полиция департаментінің және облыс бойынша экология департаментінің қызметкерлері бірлесіп, құқық бұзушылықтың жолын кесу мақсатында рейдтік іс-шаралар ұйымдастырып, түсіндірме жұмыстарын жүргізуде.
Бұл бағыттағы жұмыстар жалғастырылуда.
<img src="https://kyzylorda-news.kz/wp-content/uploads/2020/07/kala1.jpg" alt="" />
<img src="https://kyzylorda-news.kz/wp-content/uploads/2020/07/kala2.jpg" alt="" />

Қызылордалық полицейлер «Таза қала» іс-шарасын өткізуде

<a href="https://kyzylorda-news.kz/">Kyzylorda-news.kz.</a> Қызылорда облыстық төтенше жағдайлар департаментінің бастығы болып Бағдат Данилов тағайындалды.
Ол Қызылорда облыстық ішкі істер басқармасы өрттен қорғау бөлімі №153 әскерилендірілген ӨСБ-де еңбек жолын бастаған.
Әр жылдары Қызылорда облысының мемлекеттік өртке қарсы қызмет басқармасының Қызылорда қаласы № 11 ӨСБ қарауыл бастығы, осы басқарманың Жалағаш ауданы № 4 ӨСБ бастығының орынбасары, Қызылорда облысының төтенше жағдайлар саласындағы мемлекеттік бақылау және қадағалау басқармасы лицензиялау бөлімінің бастығы болды.Қызылорда облыстық өртке қарсы қызмет департаменті мемлекеттік өрт бақылау басқармасы мемлекеттік өрт бақылау бөлімін басқарды.
Қызылорда облыстық ТЖД бастығының орынбасары, Жамбыл облыстық ТЖД бастығының орынбасары, Жамбыл облыстық ТЖД бастығы қызметтерін атқарған.

Қызылорда облыстық Төтенше жағдайлар департаментінің бастығы тағайындалды

<a href="https://kyzylorda-news.kz/">Kyzylorda-news.kz.</a> Халықаралық футбол федерациясы (ФИФА) коронавирус індетінен туындаған дағдарыстан шығынға ұшыраған ұлттық федерацияларға қаржылай көмек көрсету шешімін қабылдады, деп хабарлайды <a href="https://www.inform.kz/kz/fifa-kazakstanga-1-5-mln-dollar-komek-bermek_a3678123">ҚазАқпарат</a>.
ФИФА атқарушы комитетінің бюросы 1,5 миллиард доллар көлемінде жиынтық төлемді мақұлдаған. Тағы 210 федерациясы сияқты, Қазақстан да 1 миллион доллар көлемінде ақшалай өтемақы және әйелдер футболы үшін тағы 500 мың доллар алады.
Сондай-ақ, бөлінген сома індет салдарын жоюға жетіспей қалған федерацияларға 5 миллион долларға дейін несие алу мүмкіндігі беріледі.
Айта кетсек, қазақстандық премьер-лига ойындары әлемде қалыптасқан жағдайға байланысты әзірге тоқтатылды.

FIFA Қазақстанға 1,5 млн доллар көмек бермек

<a href="https://kyzylorda-news.kz/">Kyzylorda-news.kz</a> Қызылордада Кәсіпкерлер палатасы Өңірлік кеңес мүшелігіне үміткерлер үгіт-насихат кампаниясын өткізуде.
25 шілдеде басталған насихаттық жұмыстар 3 тамызда бітеді.&nbsp; Үгіт науқаны бұқаралық ақпарат құралдары арқылы, іс-шаралар, үгіт материалдарын шығару, тарату жолымен жүргізіледі.
Айта кету керек, Өңірлік кеңеске мүшелікке облыстан 37 кәсіпкер үміткер ретінде тіркелді.
1. Балмаханов Балахан Майданбайұлы, жеке кәсіпкер (Қармақшы ауданы);
2. Бисембаев Темір Алдажұмаұлы, «Т-Т ҚҰРЫЛЫС-СЕРВИС» ЖШС директоры (Арал ауданы);
3. Мишукова Наталья Валентиновна, &nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; «Мансап Қызылорда» ЖШС құрылтайшы (Қызылорда қаласы);
4. Махатова Дина Ордабекқызы, «АС-КА» ЖШС директоры (Қызылорда қаласы);
5. Нұрхожаев Болат Жолтайұлы, жеке кәсіпкер (Қызылорда қаласы);
6. Өтеев Мнажадин, «Сыр маржаны» ЖШС директоры (Қазалы ауданы);
7.Абдраимова Гүлзағира Оралбайқызы, «ҚазСпецСтройЭкспертиза» ЖШС директоры (Қызылорда қаласы);
8. Іздібаев Нұрлан Тұрғанбекұлы,&nbsp;&nbsp;&nbsp;&nbsp;&nbsp;&nbsp;&nbsp; «Ақтөбе и К» ЖШС директоры, (Қармақшы ауданы);
9.Бекмұрзаева Гүлнар Шәкімқызы,«ГҮЛСЕЗІМ» балабақшасының құрылтайшысы (Жалағаш ауданы);
10. Жайсаңбаев Рахат Бақытұлы, «MASSAGET GROUP» ЖШС директоры (Қызылорда қаласы);
11. Әбдіқадырова Айткүл Әлиқызы, «ҰСТА СӘМІ» ЖК-нің басшысы (Шиелі ауданы);
12. Раимов Ерлан Қаниұлы, «РАИМ» ЖШС-нің құрылтайшысы (Қызылорда қаласы);
13. Ирюков Кенжебек Сисенұлы, жеке кәсіпкер (Байқоңыр қаласы);
14. Абызов Ділмұхамед Мнуарбекұлы, &nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; «DALATEX» ЖШС директоры (Қызылорда қаласы);
15. Асенов Аблан Мұсабекұлы, жеке кәсіпкер (Жаңақорған ауданы);
16. Рахменов Серік Дәуренбекұлы, ЖК «АЙЛИН» басшысы (Қызылорда қаласы);
17. Сәрсенбаев Мұрат Абайұлы, «АБАЙ ДӘУЛЕТ» ЖШС құрылтайшысы (Сырдария ауданы);
18. Курбанов Шамсудин Магомедович, жеке кәсіпкер (Қызылорда қаласы);
19. Прекешов Ғалым Маратұлы, «NP-CONSULTING» ЖШС директоры (Қызылорда қаласы);
20. Нұрымбетов Жанарбек Сражұлы, «Ысамаддин» шаруа қожалығының басшысы (Сырдария ауданы);
21. Жұмадияров Сейіл Бухарбайұлы, «АСАР ПЛЮС» ЖШС бас директоры (Байқоңыр қаласы);
22. Боранбаев Қайрат Жомартұлы, «НУРЛЕН» ЖШС басқарма төрағасы (Қызылорда қаласы); &nbsp;&nbsp;&nbsp;&nbsp;&nbsp;&nbsp;
23. Ерәлиев Мағжан Абзалқлы, &nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; «Абзал и Компания» ЖШС директоры (Қызылорда қаласы);
24. Еспенбетов Манарбек Нағымұлы, «ПРОМСТРОЙСЕРВИС.Е» ЖШС бас директоры (Қызылорда қаласы);
25. Дәуленбаев Әнуар, «ЕР-АН» шаруа қожалығының басшысы (Қармақшы ауданы);
26. Жолболдиев Серік Қыдырқожаұлы, «МЕДИЦИНСКИЙ ЦЕНТР INTER» ЖШС директоры (Қазалы ауданы);
27. Әлімқұлов Темірхан Мәлікұлы, «СМП-КЫЗЫЛОРДА» ЖШС директоры (Қызылорда қаласы);
28. Байешов Арман Әбдімәуленұлы, ФИРМА «KAZROSKIT» ЖШС директоры (Қызылорда қаласы);
29. Алмашева Манат Тамабайқызы, «LAB SERVICE COMPANY» ЖШС директоры (Қызылорда қаласы);
30. Иса Арман Қайратұлы, «EXCLUSIFF GROUP» ЖШС құрылтайшысы (Қызылорда қаласы);
31. Мырзалиев Серік Кенжетайұлы, жеке кәсіпкер (Қызылорда қаласы);
32. Тұрсынбай Абылайхан Бақытжанұлы, &nbsp;&nbsp;&nbsp; &nbsp;«ШЫНАР ПРОЕКТ И КОМПАНИЯ» ЖШС директоры (Қызылорда қаласы);
33. Булегенова Сәуле Бақытжанқызы, жеке кәсіпкер (Қызылорда қаласы);
34. Базарбай Раушан Ахметуллақызы, «САНА-СЕЗІМ» орталығы» ЖШС&nbsp;&nbsp;&nbsp;&nbsp; басшысы (Қызылорда қаласы);
35. Әбілтай Ғизат Майданұлы, «КЫЗЫЛОРДА-АГРОСЕРВИС» ЖШС құрылтайшысы (Қызылорда қаласы);
36. Бекішев Жаңабай, жеке кәсіпкер (Қызылорда қаласы);
37. Тілеулиев Бибітәлі Дербісалыұлы, «СЫР ЖОЛДАРЫ»ЖШС директоры (Қызылорда қаласы).
Естеріңізге сала кетейік, 5-11 тамыз аралығында үміткерлерге дауыс беру өтеді. Дауыс беру рәсімі онлайн режимде www.vote.atameken.kz интернет-порталында жүргізіледі.
Дауыс беруге облыс аумағында тіркелген кәсіпкерлік субъектілері мен ұйымдар қатыса алады. Әрбір кәсіпкерлік субъектісі, қауымдастық және өзін-өзі реттейтін ұйымдар бірінші басшы немесе арнайы өкілі арқылы бір кандидат үшін дауыс бере алады.
Дауыс беру үшін сайттағы «Дауыс беру» бөлігіне өту қажет. Сол жерден Қызылорда облысын көрсетіп, үміткер таңдалады. Үміткердің аты-жөнін басу арқылы бағдарламасымен танысуға болады. Үміткер үшін дауысты SMS немесе электронды цифрлық қолтаңба арқылы беруге болады. SMS арқылы дауыс беру үшін ұйымның БСН, ЖСН нөмірлерін, дауыс берушінің телефон нөмірі көрсетіледі. Содан соң нөмірге келген sms кодты енгізу қажет. ЭЦҚ арқылы дауыс беру үшін ұйымның кілтін таңдау жеткілікті. Дауыс беру смартфон арқылы да қолжетімді.

Қазақстан және Қызылорда облысының жаңалықтары

Облыс әкімі «Көлік қызметкерлері күні» кәсіби мерекесіне байланысты сала үздіктерін марапаттады

Арапа күніне арналған 6 кеңес

Коронавирусқа қарсы қазақстандық вакцина сынақтан сәтті өткізілуде

Шамшидин Амитов: Мешіттер, мал сою және сату орындары бақылауға алынады

Қазалыда карантин талаптарын сақтамаған кәсіпкерге айыппұл салынды

Төретамдық жастар енді стритболмен айналысады

Бас мүфти барша қазақстандықтарды арапа күні бесін намазда бір мезетте дұға етуге шақырды

“Коронавирусты емдеймін” – қызылордалық емші туралы дәрігер пікірі

Қызылордалық полицейлер «Таза қала» іс-шарасын өткізуде

Қызылорда облыстық Төтенше жағдайлар департаментінің бастығы тағайындалды

FIFA Қазақстанға 1,5 млн доллар көмек бермек

Қызылорда Өңірлік кеңес мүшелігіне үміткерлер тізімі жарияланды

Қазақстан және Қызылорда облысының жаңалықтары

Облыс әкімі «Көлік қызметкерлері күні» кәсіби мерекесіне байланысты сала үздіктерін марапаттады

Арапа күніне арналған 6 кеңес

Коронавирусқа қарсы қазақстандық вакцина сынақтан сәтті өткізілуде

Шамшидин Амитов: Мешіттер, мал сою және сату орындары бақылауға алынады

Қазалыда карантин талаптарын сақтамаған кәсіпкерге айыппұл салынды

Төретамдық жастар енді стритболмен айналысады

Бас мүфти барша қазақстандықтарды арапа күні бесін намазда бір мезетте дұға етуге шақырды

&#8220;Коронавирусты емдеймін&#8221; &#8211; қызылордалық емші туралы дәрігер пікірі

Қызылордалық полицейлер «Таза қала» іс-шарасын өткізуде

Қызылорда облыстық Төтенше жағдайлар департаментінің бастығы тағайындалды

FIFA Қазақстанға 1,5 млн доллар көмек бермек

Қызылорда Өңірлік кеңес мүшелігіне үміткерлер тізімі жарияланды

“Коронавирусты емдеймін” – қызылордалық емші туралы дәрігер пікірі