<a href="https://kyzylorda-news.kz/date/2020/08/21/">Kyzylorda-news.kz.</a> Бүгін облыс әкімі Гүлшара Әбдіқалықова карантин шектеулерінің жеңілдетілуіне байланысты түрлі азаматтық қоғам өкілдерімен кездесті. Кездесуде азаматтар өңір басшысына толғандырып жүрген мәселелерін жеткізді.
Атап айтсақ, Шиелі ауданының тұрғыны, 1 топ мүгедегі Тамара Ақмағамбетова мүмкіндігі шектеулі жандардың мәселелерін көтеріп, оның ішінде аудандағы инватаксидің талапқа сай еместігі туралы шағымын білдірді. Аймақ басшысы Т.Ақмағамбетованың шағымын назарға алып, облыстық жұмыспен қамту және әлеуметтік бағдарламалар басқармасының басшысы Т.Дүйсебаевқа тиісті тапсырмалар берді және орындалу барысын баяндауды тапсырды.
<img src="https://kyzylorda-news.kz/wp-content/uploads/2020/08/118231155_2660399844063068_9090109251954253342_o.jpg" alt="" />
Сондай-ақ, Жаңақорған ауданының тұрғыны, көп балалы ана, «Ақжүніс» аналар қоғамының Қызылорда облысы бойынша өкілі Сандуғаш Тұрлыбекова аудандағы көпбалалы және жалғызбасты аналардың жағдайын қозғап, әлеуметтік көмектер көрсетуге байланысты өтінішін жеткізді. Аймақ басшысы Жаңақорған ауданының әкімдігіне көтерілген мәселелерді зерделеп, шешу жолдарын қарастыру бойынша бірқатар тапсырма берді.
<img src="https://kyzylorda-news.kz/wp-content/uploads/2020/08/118073669_2660399460729773_4871179606855106992_o.jpg" alt="" />
Кездесуде Жалағаш ауданының тұрғыны, көп балалы ана Эльмира Жанзақова денсаулық сақтау саласындағы мәселелерді айтты. Оның ішінде ауруханаларға жатып, жоспарлы ем алуда қиындықтар бар екеніне шағымын білдірді. Осыған орай, облыс әкімі Гүлшара Әбдіқалықова облыстық денсаулық сақтау басқармасының басшысы С.Пазиловке тұрғындардың ем алуында кедергілер болмауын және жақсы жағдай жасалу керек екенін ескертті.
Өз кезегінде «Ұмай» мектеп жасына дейінгі балаларға арналған суықтыру және тәрбиелеу қайырымдылық үйі» мекемесінің директоры, «Ұмай» балалар үйінің құрылтайшысы, БҰҰ ЮНИСЕФ балалар қорының Қызылорда облысындағы өкілі Анар Ізден «Қызылорда облысының Азаматтық Альянсы» Қауымдастығына қатысты ұсыныстарын жеткізді. Аймақ басшысы облыстық ішкі саясат басқармасына мәселені назарға алып, қолдау көрсетуді тапсырды.
<img src="https://kyzylorda-news.kz/wp-content/uploads/2020/08/118355914_2660399317396454_9186077059284418351_o.jpg" alt="" />
Ал, Қызылорда қаласының тұрғыны Нұргүл Махан жас мамандардың жұмыспен қамту мәселесін көтерсе, жас кәсіпкер Евгений Демиденко жаңашыл бизнес-жобаны жүзеге асыру үшін қолдау көрсетуді өтінді. Облыс әкімі тиісті сала басшыларына аталмыш мәселелерді назарда ұстау және шешу жолдарын қарастыру жөнінде тапсырма берді.

Облыс әкімі азаматтық қоғам өкілдерін қабылдады

<a href="https://kyzylorda-news.kz/date/2020/08/21/">Kyzylorda-news.kz.</a> Қызылордалық полицейлер аккумулятор ұрлады деген күдікпен екі облыс тұрғынын қолға түсірді.
Биыл наурыз-тамыз айлары аралығында Қызылорда қалалық Полиция басқармасының кезекші бөліміне облыс орталығының бірнеше тұрғындары көлік аккумуляторларының ұрланғандығы жөнінде арыз берген. Тұрғындардың айтуынша, түнгі уақытта қаскүнемдер жеке үйлердің аулаларына кіріп, автокөліктерден аккумулятор ұрлаған.
Мәселен, 12 тамызға қараған түні белгісіз біреу Белкөл кенті тұрғынының үй ауласында тұрған шетелдік автокөлік салонында жатқан әмиянын және аккумуляторын ұрлап кеткен. Қазіргі таңда жәбірленушілерге келтірілген материалдық шығыны есептелуде.
Полицейлермен жүргізілген жедел-іздестіру іс-шараларының нәтижесінде осы қылмыстарға қатысы бар екі күдікті ұсталды.
30 және 23 жастағы жұмыссыз облыс тұрғындары уақытша ұстау абақтысына қамаққа алынды. Айғақ заттар тәркіленді.
Полиция қызметкерлері күдіктілердің осындай бес ұрлық қылмысына қатысы бар екенін анықтап отыр. Қазіргі уақытта Қазақстан Республикасының Қылмыстық кодексінің 188-бабының 3-бөлігімен 3-тармағы (Ұрлық, қызметтiк немесе өндiрiстiк үй-жайға, қоймаға не көлік құралына заңсыз кiрумен жасалған ұрлық) сотқа дейінгі тергеп-тексеруді жүргізілуде.

Бірнеше рет аккумулятор ұрлаған облыс тұрғындары ұсталды

<a href="https://kyzylorda-news.kz/date/2020/08/21/">Kyzylorda-news.kz.</a> Бүгін облыс әкімі Гүлшара Әбдіқалықова медицина қызметкерлерімен онлайн кездесу өткізді.
<blockquote>
 «Аймағымызда 17 647 медицина маманы жұмыс жасайды. Биылғы жыл бәріміз үшін, оның ішінде медицина саласына сын болуда. Коронавирус инфекциясымен ауырғандардың 93 пайызы сіздердің арқаларыңызда аман-есен отбасыларымен қауышты. Осы ретте сіздерге індетпен күрестегі еселі еңбектеріңіз үшін үлкен алғысымды білдіремін.&nbsp;Мемлекет басшысының Жарлығы бойынша Мемлекеттік наградамен 23 әріптестеріміз марапатталды. Өкінішке орай, олардың 8-нің марапатын отбасына беруге мәжбүр болдық. Олардың еңбегі ешқашан ұмытылмайды», – деді облыс әкімі Гүлшара Әбдіқалықова.
</blockquote>
«COVID-19» инфекциясына қарсы күрес шараларына тартылған, жұқтырған және қайтыс болған медицина қызметкерлерін қаржылық қолдау мақсатында үстемеақы мен жәрдемақы төленуде. Наурыз, сәуір, мамыр, маусым айларына барлығы 1 млрд. 117,6 млн. теңге, ал, шілде айына барлығы 3394 қызметкерге 943,4 млн. теңге үстемеақы берілді.
Дүниежүзілік денсаулық сақтау ұйымының болжамы бойынша күз мезгілінде пандемияның келесі кезеңі күтіледі деп жоспарлануда. 
Президент тапсырмасына сәйкес пандемияның күзгі легіне жан-жақты дайындық жұмыстары жүргізілуде. Аурухана, емхана және дәріханаларда бір ай және екі айлық дәрі-дәрмек қорлары жасақталуда. Жеке қорғаныш құралдары мен медициналық құрылғылармен жабдықтау жалғасуда.
Бүгінгі таңда модульді 200 орындық инфекциялық-стационар мен 5 нысанның құрылысы жүргізілуде.
Кездесуде облыстық жұқпалы аурулар ауруханасы бас дәрігерінің орынбасары Мирамкүл Әлмаханова, облыстық психикалық денсаулық орталығының бас дәрігері Әділбай Медетбаев, Арал ауданаралық ауруханасының бас дәрігері Марат Ршымбетов және Жалағаш ауданаралық ауруханасының бас дәрігері Баян Бурамбаева атқарылған жұмыстар туралы баяндап, медицина саласы қызметкерлеріне көрсетіліп жатқан қолдауға алғыстарын білдірді.
<img src="https://kyzylorda-news.kz/wp-content/uploads/2020/08/118211164_2660260634076989_8746036909195217371_o.jpg" alt="" />

Гүлшара Әбдіқалықова медицина қызметкерлерімен онлайн кездесу өткізді

<a href="https://kyzylorda-news.kz/date/2020/08/21/">Kyzylorda-news.kz.</a> 2021 жылдың 1 қаңтарынан ең төменгі жалақыны 42 500 теңге деңгейінде бекіту жоспарланып отыр. Бұл туралы “2021–2023 жылдарға арналған республикалық бюджет туралы” заң жобасында айтылған.
2021 жылдың 1 қаңтарынан:
<ul>
<li>ең төменгі жалақы – 42 500 теңге;</li>
<li>ең төменгі мемлекеттік базалық зейнетақы – 18 524 теңге;</li>
<li>зейнетақының ең төменгі мөлшері – 43 272 теңге;</li>
<li>жәрдемақыларды және өзге де әлеуметтiк төлемдердi есептеу, сондай-ақ Қазақстан Республикасының заңнамасына сәйкес айыппұл санкцияларын, салықтарды және басқа да төлемдердi қолдану үшiн айлық есептiк көрсеткiш – 2 917 теңге;</li>
<li>базалық әлеуметтiк төлемдердi есептеу үшiн ең төменгі күнкөрiс деңгейiн – 34 302 теңге мөлшерінде бекіту жоспарланып отыр.</li>
</ul>
<blockquote>
 “Жасына байланысты зейнетақыға және еңбек сіңірген жылдары үшін зейнетақы төлемдеріне жұмсалатын қаржы 2021 жылдың 1 қаңтарынан бастап олардың мөлшерін 7 процентке көтере отырып ескерілген”, – делінген құжатта.
</blockquote>
Сонымен қатар, 2021 жылдың 1 қаңтарынан әлеуметтік медициналық сақтандыру қорына төленетін мемлекет жарнасының мөлшері – жарнаны есептеу объектісінен 1,6 процент деп белгiлеу ұсынылды.
Еске салсақ, қазіргі таңда ең төменгі зейнетақы 40 441 теңгені құрайды.&nbsp;
<blockquote>
 “2021–2023 жылдарға арналған республикалық бюджет туралы” заң жобасы 2020 жылдың 4 қыркүйегіне дейін талқыланады.
</blockquote>
<a href="https://sputniknews.kz/economy/20200821/14764302/zeinetaqy-jalaqy.html">Sputniknews</a>

2021 жылы Қазақстанда зейнетақы мен жалақы қанша болады?

<a href="https://kyzylorda-news.kz/date/2020/08/20/page/2/">Kyzylorda-news.kz.</a> 2021 жылдың жаңа оқу жылында 1-сынып оқушысы сауатын «Әліппемен» ашатын болады. Бұл туралы ҚР Білім және ғылым министрі Асхат Аймағамбетов айтты, деп хабарлайды <a href="https://lenta.inform.kz/kz/kr-bilim-zhane-gylym-ministri-okushylardyn-alippeni-kay-kezden-bastap-okitynyn-aytty_a3685957">ҚазАқпарат.</a>
<blockquote>
 «Өздеріңіз білетіндей, биыл 1 қыркүйектен бастап 11-сыныптар жаңа бағдарламамен оқуға көшетін болады. Мұнан бөлек, мемлекеттік стандартқа өзгеріс енгізілді. Ол өзгерістің аясында мектеп бағдарламасына сәйкес, 1-сыныптарға 1-2 тоқсан «Әліппе», 3-4 тоқсан «Ана тілі» енгізілді. Бүгінгі күні біз осы бағыт бойынша жұмыс жүргізіп жатырмыз. Қазір оқулықтарды, бағдарламаны дайындау үстіндеміз. Келесі жылы осы оқулықтар, бағдарламалар біздің барлық 7 мың мектепте қолданылатын болады», – деді министр педагогтар мен білім және ғылым саласы қызметкерлерінің республикалық тамыз кеңесі барысында.
</blockquote>

Оқушылар «Әліппені» қай кезден бастап оқиды?

<a href="https://kyzylorda-news.kz/date/2020/08/21/">Kyzylorda-news.kz.</a> Қазақстанда демалыс күндері карантин шаралары күшейтіліп, бірқатар нысан жұмысын қайта тоқтатады.
ҚР Бас мемлекеттік санитарлық дәрігері Айжан Есмағамбетованың қаулысына сәйкес 17 тамыздан бастап елімізде карантин шаралары жеңілдетіліп, бірақатар кәсіпкерлік нысанның жұмысына қайта рұқсат берілді. Алайда, карантиндік шектеулер демалыс күндері сақталады.
Осыған орай,&nbsp;22 және 23 тамыз күндері&nbsp;сақталатын шектеулерді еске саламыз.
ТЫЙЫМ САЛЫНАДЫ:
– қоғамдық көліктің қозғалысына;
– 65 жастан асқан адамдардың көшеге шығуына;
– сауда, ойын-сауық орталықтары (ондағы азық-түлік супермаркеттері мен дәріханаларды қоспағанда), сауда үйлерінің, сауда желілерінің жұмысына;
– азық-түлік емес және азық-түлік жабық базарларының жұмысына;
– сұлулық салондары, шаштараздар, СПА-орталықтары, косметологиялық қызмет көрсететін нысандардың жұмысына;
– фитнес-орталықтар мен спорттық-сауықтыру орталықтар, қоғамдық моншалар, сауналардың жұмысына;
– балалар мен ересектерге арналған білім беру орталықтарының, түзету кабинеттерінің жұмысына;
– ашық ауада аттракциондардың жұмысына.

Карантин күштейтіледі

<a href="https://kyzylorda-news.kz/date/2020/08/21/">Kyzylorda-news.kz.</a> Қазақстанда өткен тәулікте 256 адам коронавирус індетімен ауырғаны белгілі болды. Оның ішінде 103 адам – клиникалық белгілері жоқ тасымалдаушылар, деп хабарлайды&nbsp;<a href="https://www.coronavirus2020.kz/kz">coronavirus2020.kz</a>.
Аймақтар бойынша (жалпы/симптомсыз): 
Нұр-Сұлтан қаласы –&nbsp;8&nbsp;/ 3 
Алматы қаласы –&nbsp;32&nbsp;/ 6 
Шымкент қаласы –&nbsp;4&nbsp;/ 1 
Ақмола облысы –&nbsp;14&nbsp;/ 8 
Ақтөбе облысы –&nbsp;6&nbsp;/ 4 
Алматы облысы –&nbsp;9&nbsp;/ 4 
Атырау облысы –&nbsp;18&nbsp;/ 17 
Шығыс Қазақстан облысы –&nbsp;31&nbsp;/ 8 
Жамбыл облысы –&nbsp;8&nbsp;/ 6 
Батыс Қазақстан облысы –&nbsp;17&nbsp;/ 9 
Қарағанды облысы –&nbsp;22&nbsp;/ 12 
Қостанай облысы –&nbsp;12&nbsp;/ 1 
Қызылорда облысы –&nbsp;6&nbsp;/ 3 
Маңғыстау облысы –&nbsp;8&nbsp;/ 8 
Павлодар облысы –&nbsp;33&nbsp;/ 3 
Солтүстік Қазақстан облысы –&nbsp;14&nbsp;/ 3 
Түркістан облысы –&nbsp;14&nbsp;/ 7
Жалпы ел бойынша ауырғандар саны –&nbsp;104 071.

Қызылордада 6 адам коронавирус жұқтырған

<a href="https://kyzylorda-news.kz/date/2020/08/21/">Kyzylorda-news.kz.</a> Қызылорда қаласында ЗК-169/1 тергеу изоляторында отырған азаматша үшінші перзентін дүниеге әкелді.
Бүгін &nbsp;Ана мен бала орталығында босанған ол &nbsp;алаяқтығы үшін &nbsp;3 жыл 6 айға сотталған. &nbsp;
<blockquote>
 &nbsp;«Аталған азаматшаға алғашқы кезектегі қажетті заттар және тиісті азық-түлігімен қамтамасыз еттік. Қазір ана мен баланың денсаулығы бірқалыпты. Нәрестенің құжатын дайындалып жатыр», – дейді ЗК-169/1 мекемесінің мамандары.
</blockquote>

Қызылордада алаяқтығы үшін сотталған әйел босанды

Kyzylorda-news.kz. Бүгінгі күнге партияішілік іріктеуге қатысуға облыс бойынша 226 үміткер құжат тапсырып, олардың 141 кандидат ретінде тіркелді. Құжат тапсырған 226 азаматтың 56-сы әйелдер, оның ішінде 5-уі көп балалы ана. 40 кандидат – 35 жасқа дейінгі жастар сондай-ақ, 3-е ерекше қажеттіліктері бар азаматтар. Бастауыш партия ұйымдары арқылы 92 азамат ұсынылса,134 кандидат өзін-өзі ұсынғандар. Бұл туралы Өңірлік коммуникациялар қызметінің ақпараттық алаңында «NurOtan» партиясы Қызылорда облыстық филиалы төрағасының бірінші орынбасары Ләйлә Төрешова мәлімдеді.
Праймериздің мақсаты – Парламент мәжілісіндегі және мәслихаттағы тиімді депутаттық корпусты одан әрі қалыптастыру, партиялық желі бойынша ілгерілету, оларды мемлекеттік органдардағы лауазымдарға ұсыну үшін бәсекелестік күрес негізінде нақты және мықты көшбасшыларды анықтау. Праймериз кезінде партиялықтармен партия бағдарламаларында өз шешімін табатын өзекті, нақты жергілікті мәселелер анықталатын болады.
Құжаттар 2020 жылдың 17 тамызынан бастап қабылдануда. Іріктеуге жасы 20-дан асқан, сотталмаған Қазақстан Республикасының азаматтары қатыса алады. Праймеризге қатысуға тек партия мүшелері ғана емес, сонымен қатар, партиялық емес, бірақ «Nur Otan» партиясына мүше болғысы келетіндер де жіберіледі.
Қалай қатысуға болады?
1 қадам. Егер партия мүшесі болмасаңыз, «Nur Otan» партиясына кіру;
2 қадам. «Праймериз» ақпараттық жүйесіне тіркелу. Тіркеуді primaries.kz сілтемесі арқылы немесе Google Play және App Store-дан жүктеп алуға қолжетімді «Primaries» мобильді қосымшасы арқылы өтуге болады;
3 қадам. Өтініш беру және қажетті құжаттарды сайтқа немесе қосымша арқылы жүктеу;
4 қадам. Өзінің онлайн өтінімін растау үшін үміткер аумақтық ұйымдастыру комитетіне жеке өзі келуі тиіс.
Сондай-ақ, өтінімді аудандық партия филиалдары (ұйымдастыру комитеттері) мекен-жайы бойынша жеке ұсынуға болады. Өтінімдер 2020 жылғы 17 тамыздың 9.00-ден 29 тамыздың 18:00-ге дейін қабылданады.
Үміткерлерге үгіт-насихат жұмыстарына дайындалу үшін 7 күн беріледі – 31 тамыздан 6 қыркүйекке дейін.
7 қыркүйектен 3 қазанға дейін аралықта кандидаттардың үгіт-насихат жұмыстарын, оның ішінде 14-30 қыркүйек аралығында жария пікірсайыстар өтеді. Пікірсайыстар партияның ресми аккаунттарында таратылады.

Ләйлә Төрешова: Праймеризге үміткерлер 29 тамызға дейін тіркеледі

<a href="https://kyzylorda-news.kz/">Kyzylorda-news.kz.</a> Жыл басынан бері өңірдің су айдындарында 31 адам, оның ішінде 11 бала қаза тапты. Облыстың су айдындарында 28 оқиға кезінде отыз бір адам қаза тапты.
Шомылуға жабдықталмаған жерлерде немесе “жабайы” жағажайларда 18 адам, оның ішінде 7 бала қаза тапты. Балық аулау кезінде бес адам қаза тапты-біреу жағадан, біреу қайықтан құлады. Төрт адам, оның ішінде 3 бала апат салдарынан қайтыс болды.
Белгісіз және анықталмаған жағдайларда тағы 4 адам, оның ішінде 1 бала қайтыс болды. Ең көп адам қаза болу қайғылы жағдайы облыс орталығында, ересектер арасында да, балалар арасында да болды, жалпы саны 12.
Ең көп адам өмірін жалмаған Сырдария өзені, мұнда 13 жағдай орын алды. Жалпы жыл басынан бері 30 ер адам мен 1 қыз бала суға кеткен. Қызылорда облысы ТЖД Азаматтық қорғаныс аға офицері Гафур Ақмырзаевтың айтуынша, бүгінгі күні жалғыз қыз абайсыздықтың құрбаны болған.
Жасөспірім Сырдария өзенінің бойында, қала шегінде жүгіру кезінде қайтыс болды. 20 шілде күні таңертең 13 жасар Н. өзен бойымен, құрдастарымен бірге сергімек болған. Куәгерлердің айтуынша, қыз аяқ киімін шешіп, суға аяғын салғанда, тайып кетіп, суға кеткен. Қыз жүзе алмайтын болған. Қайғылы оқиға таңғы 05.58-де болған. Оқиға орнына шақырылған құтқарушылар оның денесін таңғы сағат 07.40-та, ағыстан 25 км төмен жерден тапты. Көбінесе адамдар “жабайы” жағажайларда қаза болуда. Біздің сұхбаттасушымыздың айтуынша, қайғылы жағдайдың себептері – алкогольді ішу, терең түбі, бұрылыстар, жылдам ағысқа түсу және жүзе алмау.
Айта кету керек, Қызылордада Сырдария өзенінде шомылуға арналған үш орын бар, үш ақылы және көптеген “жабайы” жағажайларды есептемегенде. Сонымен қатар, аймақта шомылуға болмайтын 64 орын анықталды. Оған қоса 201 ескерту тақтайшалары орнатылды. Офицердің айтуынша, рейд барысында адамдар үнемі ыстық кезеңде суға шомылғысы келетіндер саны артады. Ақылы жағажайға баруға әркімнің жағдайы келе бермейді.
<blockquote>
 – Менің ойымша, қала әкімдігі жанынан бірнеше коммуналдық жағажай ашу керек. Олар шешінетін бөлмелерімен, медициналық қызметтермен, құтқарушылармен қамтамасыз етілген болуы қажет. Өзенде қауіпсіз жағажайларды ұйымдастыруға болатын көптеген орындар бар. Біз бұл туралы барлық жиналыстарда бұрыннан айтып келеміз, бірақ әзірге іс қозғалмайды. Күн сайын жүздеген адам Сырдария айдынында, әсіресе демалыс және мереке күндері шомылады. Балалардың суға шомылу тақырыбына орала келе, офицер 2018-2019 жылдары Төтенше жағдайлар департаментінің құтқарушылары бірнеше жүз баланы Арал ауданындағы шипажай базасында жүзуге үйреткенін айтты. Жақын жерде орналасқан Қамбаш көлі – оқушылар үшін қауіпсіз бассейн. Биыл «КВИ» пандемиясына байланысты сабақтар тоқтатылды. – Жыл сайын, шомылу маусымы – қыркүйекке дейін, бізде 30-35 суға батып кеткендер тіркеледі, – деп атап өтті офицер.
 – 2019 жылы 31 адам, оның ішінде 9 бала суға кетті. Сонымен қатар, биыл екі адам құтқарылды. ҚР ӘҚБтК-нің 364-бабы “Ортақ су пайдалану ережелерін бұзу” бойынша ТЖД әкімшілік жауапкершілікке 20 адам тартылды. 4 тамызда кешкі сағат 21.30-да 25 жастағы жігіттің суға батып кеткені туралы хабар түсті. Түнгі іздестіру еш нәтиже бермеді. Дене келесі күні, таңғы 08.12-де табылды. 9 тамызда таңғы сағат 04.55-те 28 жастағы ер адамның суға батып кеткені туралы хабар түсті. Дене сол күні табылды. Сол күні, бірақ басқа жерде, 22 жастағы жігіт батып кетті. Дене бірнеше сағаттан кейін табылды. 11 Тамызда 10 және 13 жастағы екі бала суға кетті. Балалар суға түсуге белгіленбеген жерде шомылған. Денелері келесі күні ғана табылды. Көптеген балалар жүзе алмайды. Әрі қарай ересектердің қарауынсыз шомылуға барады. – Рейд барысында біз балаларды жағажайларда, ересектерсіз үнемі кездестіреміз, – дейді Гафур Ақмырзаев.
</blockquote>
Балалардың қасында шомылуға барғанда достары болса да, құрдастары көбінесе суға батушыларға көмектесе алмайды. Суда қаза болған соңғы оқиғалардың бірі Арал ауданындағы қайғылы оқиға болды. 16 тамызда, таңғы сағат 11-де Кіші Арал теңізінде бірнеше балықшылары бар қайық аударылып кетіп, 55 жастағы ер адам суға батып кетті. Дене келесі күні, таңертеңгі сағат 10.45-те табылды.

Қызылорда облысында жыл сайын 30-35 адам суға кетеді

Kyzylorda-news.kz. «Азаматтарға арналған үкімет» мемлекеттік корпорациясы жеке куәліктер мен төлқұжаттардың мерзімін жиі тексеріп, уақыты таяса, оны ауыстыру үшін ХҚО-ға кезекті алдын ала брондап қою керектігін ескертеді.
Жеке басты куәландыратын құжаттар – жеке куәлік пен төлқұжат 10 жылға берілетіндіктен, адамдар көбіне оның мерзіміне қарауды ұмытып кетеді. Тіпті мерзімі өтіп кеткен құжатпен жүре беретін, кейін «әттеген-ай» деп сан соғып қалатын жағдайлар да жоқ емес. Және мұндай бейқамдыққа әкімшілік айыппұл салынуы мүмкін.
Айта кету керек, эпидемиологиялық жағдайға байланысты еліміздегі халыққа қызмет көрсету орталықтарына бару үшін кезекті алдын ала брондау тәртібі енгізілді. Сондықтан құжат мерзімін тексеріп, уақыты таяса, оны ауыстыру үшін алдын ала қамданып, кезекті брондап қойған жөн. Мемлекеттік қызметтердің дені электрондық портал арқылы ұсынылса да, тек қағаз жүзінде берілетін қызметтерге де сұраныс жоғары, сондықтан ХҚО-ға кезекті брондау қарқыны да үлкен. Бұл тұрғыда еске салайық, ХҚО-ға кезекті брондау қызметі тегін және ресми түрде egov.kz порталы, телеграм-бот EgovKzBot2.0 қосымшасы және 1414 байланыс орталығы арқылы ұсынылады.
Жеке басты куәландыратын құжатты мерзімі өтуіне, аты-жөнін өзгертуіне, құжаттың зақымдалуы мен жоғалуына байланысты қайта алу үшін Қазақстанның кез-келген халыққа қызмет көрсету орталығына жүгінуге болады, бұл орайда азаматтың қай жерде тұратыны және қай мекенжайда тіркелгені маңызды емес. Ал жеке куәлікті алғашқы рет алатын азаматтар, яғни 16 жасқа жаңа толып жатқан тұлғалар тіркелген тұрғылықты жері бойынша ХҚО-ға баруы тиіс.

Жеке куәлікті ауыстыратын уақыт келді ме &#8211; мамандар кеңесі

Kyzylorda-news.kz. Қызылордалық полицейлер заңсыз киік аулаған облыс тұрғынын ұстады.
18 тамыз күні Қызылорда облысы Полиция департаментінің Арал аудандық полиция бөлімі мен Қызылорда облыстық орман шаруашылығы және жануарлар дүниесі аумақтық инспекциясының қызметкерлері рейд жүргізу барысында ашық далада Құланды елді мекен аумағында заңсыз киік аулаған азаматты ұстады.
Тексеру барысында Арал ауданы Құланды елді мекенінің тұрғынынан 2 бас ақбөкен тәркіленді. ​
Қазіргі таңда бұл дерек бойынша ҚР ҚК-нің 339-1-бабы 1-бөлігімен (Киікті заңсыз қолға түсіру, жою, сол сияқты заңсыз қолға түсірілген киікті немесе оның дериваттарын, оның ішінде мүйіздерін иемдену, сақтау, өткізу, әкелу, әкету, жөнелту, тасымалдау) сотқа дейінгі тергеп-тексеру амалдары жүргізіліп, сараптамалар тағайындалды.

Қазақстан және Қызылорда облысының жаңалықтары

Облыс әкімі азаматтық қоғам өкілдерін қабылдады

Бірнеше рет аккумулятор ұрлаған облыс тұрғындары ұсталды

Гүлшара Әбдіқалықова медицина қызметкерлерімен онлайн кездесу өткізді

2021 жылы Қазақстанда зейнетақы мен жалақы қанша болады?

Оқушылар «Әліппені» қай кезден бастап оқиды?

Карантин күштейтіледі

Қызылордада 6 адам коронавирус жұқтырған

Қызылордада алаяқтығы үшін сотталған әйел босанды

Ләйлә Төрешова: Праймеризге үміткерлер 29 тамызға дейін тіркеледі

Қызылорда облысында жыл сайын 30-35 адам суға кетеді

Жеке куәлікті ауыстыратын уақыт келді ме – мамандар кеңесі

Қызылорда облысында киік аулаған браконьер ұсталды

Қазақстан және Қызылорда облысының жаңалықтары

Облыс әкімі азаматтық қоғам өкілдерін қабылдады

Бірнеше рет аккумулятор ұрлаған облыс тұрғындары ұсталды

Гүлшара Әбдіқалықова медицина қызметкерлерімен онлайн кездесу өткізді

2021 жылы Қазақстанда зейнетақы мен жалақы қанша болады?

Оқушылар «Әліппені» қай кезден бастап оқиды?

Карантин күштейтіледі

Қызылордада 6 адам коронавирус жұқтырған

Қызылордада алаяқтығы үшін сотталған әйел босанды

Ләйлә Төрешова: Праймеризге үміткерлер 29 тамызға дейін тіркеледі

Қызылорда облысында жыл сайын 30-35 адам суға кетеді

Жеке куәлікті ауыстыратын уақыт келді ме &#8211; мамандар кеңесі

Қызылорда облысында киік аулаған браконьер ұсталды

Жеке куәлікті ауыстыратын уақыт келді ме – мамандар кеңесі