<a href="https://kyzylorda-news.kz/">Kyzylorda-news.kz</a>. Lancet ғылыми журналы коронавирусқа қарсы “Спутник V” вакцинасын клиникалық зерттеудің үшінші кезеңінің нәтижесін жариялады, деп хабарлады Ресейдің тікелей инвестициялар қоры (РТИҚ).
<blockquote>
 “Гамалея &nbsp;атындағы ЭМҰЗО мен РТИҚ әлемдегі ең көне және ең беделді медициналық журналдардың бірі The Lancet-те “Спутник V” вакцинасының тиімділігі мен қауіпсіздігін растайтын клиникалық сынақтың III кезеңінің нәтижесі туралы материал жарияланғанын хабарлайды”, – деп мәлімдеді қор. &nbsp;&nbsp;
</blockquote>
РТИҚ бас директоры Кирилл Дмитриев жарияланымды пандемиямен күрестегі маңызды оқиға деп атады. &nbsp;
<blockquote>
 “The Lancet жариялаған деректер “Спутник V” әлемде алғаш тіркелген вакцина ғана емес, сонымен қатар ең үздіктердің бірі екенін дәлелдейді. Тәуелсіз сарапшылар жинаған және The Lancet журналында жарияланған мәліметтерге сәйкес, ол коронавирустың ауыр жағдайларынан толық қорғайды”, – деді Дмитриев.
</blockquote>
Айта кетейік, Ресей денсаулық сақтау министрлігі “Спутник V” вакцинасын 2020 жылы тамызда тіркеді. Вакцинаны РТИҚ қолдауымен Гамалея &nbsp;атындағы ЭМҰЗО жасады. Бұл COVID-19 індетінің алдын алуға арналған әлемде алғаш тіркелген препарат.
<h3 id="iii">III кезеңнің нәтижесі</h3>
Клиникалық сынақтардың үшінші кезеңінде “Спутник V” жоғары тиімділік, иммуногенді және қауіпсіз екенін көрсетті.
Вакцинаның тиімділігі бірінші және екінші вакцина немесе плацебо инъекциясын алған 19 866 еріктінің мәліметтерін талдау негізінде 91,6% құрады. &nbsp;
Ал AstraZeneca тиімділігі – 62,1%, Sinovac – 50,4%, Sinopharm – 79,3%. Қазір AstraZeneca компаниясы өз вакцинасының тиімділігін 62,1% -тен жоғары деңгейге көтеріп жатыр, оған “Спутник V” екпесінің екі компонентінің бірімен үйлесуі көмектескен.&nbsp;
<a href="https://sputnik.kz/Russia/20210202/16195909/Lancet-Sputnik-V-vaktsina.html">Sputnik</a>

&#8220;Спутник V&#8221; вакцинасының зерттеу нәтижесі жарияланды

<a href="https://kyzylorda-news.kz/">Kyzylorda-news.kz</a>.&nbsp;Қазақстанда 1 136 адам коронавирус инфекциясынан жазылып шықты. Бұл туралы &nbsp;<a href="https://www.coronavirus2020.kz/kz">coronavirus2020.kz</a>&nbsp;хабарлайды.
Нұр-Сұлтан қаласында – 78,
Алматы қаласында – 105, 
Шымкент қаласында – 2, 
Ақмола облысында – 102, 
Ақтөбе облысында – 11, 
Алматы облысында – 132, 
Атырау облысында – 121, 
Шығыс Қазақстан облысында – 27, 
Жамбыл облысында – 24, 
Батыс Қазақстан облысында – 45, 
Қарағанды облысында – 61, 
Қостанай облысында – 30, 
Қызылорда облысында – 3, 
Маңғыстау облысында – 6, 
Павлодар облысында – 319, 
Солтүстік Қазақстан облысында – 64, 
Түркістан облысында – 6. 
Елімізде барлығы&nbsp;171 099&nbsp;адам COVID-19-дан емделіп, сауығып шықты.

Қызылорда: Бір тәулікте коронавирустан 3 адам емделіп шықты

<a href="https://kyzylorda-news.kz/">Kyzylorda-news.kz</a>. Қала әкімі Нұрлыбек Нәлібаевтың есептік кездесуінің алдындағы&nbsp; тұрғындармен кездесуі Қызылжарма ауылында жалғасты.
Шаһар басшысы қызылжармалықтардың ұсыныс-пікірлерін тыңдамас бұрын ауылдың өткен жылғы көрсеткіштерін саралап, жетістіктеріне тоқталды.
Қаламен қанаттаса жатқан Қызылжармада 2020 жылы ауыз су жайы реттеліп, 53,6 шақырым жерге су құбырлары жүргізілді. Жарық бағаналары 5 көшеге орнатылып, 14 көше орташа жөндеуден өтсе, 8 көшеге қиыршық тас төселді.
Әр бастама елдің қолдауымен ғана жүзеге асатындығын баса айтқан қала әкімі жыл көлеміндегі мол жетістік ауылдықтардың ауызбіршілігінің бекемдігін, тірлігінің татулығын көрсетті деп атап өтіп, биыл ауыл әкімінің алдына &nbsp;қойылған міндеттер мен атқарылатын жұмыстар жайын ел алдында нақтылап өтті.
Ал ауылымызға газ қашан келеді деген Ақсуат жұртына қала әкімі жоспарға сай жұмыстардың жүргізіліп жатқандығын айтып «2022 жылы табиғи газды тұтынуларыңызға толық мүмкіндік жасаймыз» – деп, жауап берді.
Елді-мекеннің басты сұрауы, өзекті сауалына айналған мәселеге нақты жауап алған ақсуаттықтар болса, қала&nbsp; әкімінің ауылды гүлдендіріп, дамытуға бағытталған барлық бастамаларына алғыс білдіріп, елмен етене жасаған жұмысына ризашылығын жеткізді.
Соңғы жылдары жол мәселесі шешімін тауып келе жатқан Ақсуатта&nbsp; өткен жылы «Ауыл – ел бесігі» арнайы жобасы аясында 16 көше жөндеуден өтті. Оған қосымша «Өңірлерді дамыту» бағдарламасымен 1 көшеге тас төселді. 53 шақырым су құбырлары жүргізіліп, Наурыз саяжайы толығымен ауыз сумен қамтылды.
Биыл округке жаңадан қосылған 14 шеткі көшеге қосымша электр желілерін тарту, көшелерді жөндеу жұмыстарын жүргізу жоспарлануда.
2020 жылы қарқынды жүргізілген жол жөндеу жұмыстарының нәтижесінде бұл саладағы мәселесін толық шешуге мүмкіндік алған Ақжарма ауылдық округі Талдыарал елді-мекеніндегі ауыз су мен кәріз су желілерінің жайын да жолға қойды.
Бұл жұмыстар сіздердің зор сенімдеріңіз бен қолдауларыңыздың арқасында жүзеге асып, мол жетістікке қол жетті деген шаһар басшысы биылғы жоспардың негізгісі Баймұрат батыр ауылына дәрігерлік амбулатория салу мен көшелерді жарықтандыру екендігін атап өтті.
Кездесудің қорытындысында қала әкімі Тәуелсіз елімізді, жаңарған қаламызды дамытудағы іргелі істерге тілекші болып, ортақ іске ой қосқан барша қызылордалықтарға алғыс білдіріп, зейнет жасында болса да қоғамдық жұмыстарға белсене араласып, тәрбиелік маңызы зор, тәлімі терең көпшілік мәдени іс-шаралардың өтуіне ұйытқы болып жүрген үш ауылдың да ардагерлеріне сый-құрмет көрсетіп, ел ертеңіне бей-жай қарамай тындырымды тірлік жасап жүрген белсенді азаматтарды марапаттады.
<img src="https://kyzylorda-news.kz/wp-content/uploads/2021/02/03-kyzylzharma-scaled.jpg" alt="" />
<img src="https://kyzylorda-news.kz/wp-content/uploads/2021/02/04-akswat-scaled.jpg" alt="" />

Нұрлыбек Нәлібаев ауыл халқымен кездесті

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 1228 адамда коронавирус індеті ПТР арқылы расталып ауырғаны белгілі болды,&nbsp;<a href="https://www.coronavirus2020.kz/kz">coronavirus2020.kz</a>.
Аймақтар бойынша:
Нұр-Сұлтан қаласы – 130,
Алматы қаласы – 113,
Шымкент қаласы – 13,
Ақмола облысы – 170,
Ақтөбе облысы – 5,
Алматы облысы – 53,
Атырау облысы – 89,
Шығыс Қазақстан облысы – 81,
Жамбыл облысы – 15,
Батыс Қазақстан облысы – 85,
Қарағанды облысы – 63,
Қостанай облысы – 84,
Қызылорда облысы – 3,
Маңғыстау облысы – 9,
Павлодар облысы – 235,
Солтүстік Қазақстан облысы – 76,
Түркістан облысы – 4.
Жалпы ел бойынша ауырғандар саны 189131.

Қызылордада өткен тәулікте 3 адам коронавирус жұқтырды

<a href="https://kyzylorda-news.kz/">Kyzylorda-news.kz</a>. Солтүстік-батыс циклоны Қазақстан территориясы арқылы тез жылжи отырып, еліміздің солтүстік бөлігінде қар мен жаңбыр жауады, деп хабарлайды Қазгидромет.
Сондай-ақ теріскейде көктайғақ болады, жел күшейіп, ауа температурасы жоғарылайды.
Ал республиканың оңтүстік бөлігі жоғары қысым аумағында орналасатындықтан жауын жаумайды. Республиканың кей жерлерінде тұман түседі.
Солтүстік Қазақстан облысында кей жерлерде тұман түседі, жаяу бұрқасын соғады. Көктайғақ болады. Өңірдің басым бөлігінде жел екпіні – 23 м/с.
Ақмола, Қостанай облыстарында – тұман, жаяу бұрқасын, көктайғақ болады. Түнде желдің екпіні 23-28 м/с жетеді.
Павлодар облысында кей жерлерде тұман түседі, жаяу бұрқасын соғып, көктайғақ болады. Түнде кей жерлерде, күндіз аймақтың басым бөлігінде жел жылдамдығы – 23 м/с.
Шығыс Қазақстан облысының кей жерлерінде тұман түсіп, бұрқасын соғады. Көктайғақ. Жел қарқыны күндіз 25 м/с дейін күшейеді.
Қарағанды облысында кей жерлерде тұман түсіп, жел екпіні 15-20 м/с жетеді. Күндіз көктайғақ болады.
Тәулік бойы Батыс Қазақстан, Ақтөбе өңірлерінде, түнде және таңертең Алматы облысында кей жерлерде тұман, көктайғақ болады.
Жамбыл, Түркістан, Қызылорда, Маңғыстау, Атырау облыстырында кей жерлерде тұман түседі.

Сәрсенбіге арналған ауа райы болжамы

<a href="https://kyzylorda-news.kz/">Kyzylorda-news.kz</a>. Вакциналау – дәл қазір аурудың алдын алып, адам өмірін сақтап қалудың тиімді әдісі.
Қазір дифтерия, сіреспе, көкжөтел, тұмау және қызылша сияқты 11 инфекцияның түріне жоспарлы, 8 инфекцияға эпидемиологиялық көрсетілімдер бойынша екпе жұмыстары жүргізіледі. Жалпы алғанда, бұл вакциналар жыл сайын 3 миллиондай адамның өмірін дерттен сақтайды.
Кейбір адамдарға, мысалы, ауыр науқастарға, белгілі бір вакцина алуға болмайды, сондықтан олар ауру таратпау үшін басқа адамдардың егілуіне тәуелді. Вакцина қабылдау ұжымдық иммунитет қалыптастырады, ал бұл жұқпалы аурулардың таралуын бәсеңдетеді. Сондықтан пандемия кезіндегі қауіпті ескере отырып, халықты екпе егуге шақырамын.
Ә.Идрисова,
Қызылорда облысының санитариялық-эпидемиологиялық бақылау департаментінің бөлім басшысы, эпидемиолог
<img src="https://kyzylorda-news.kz/wp-content/uploads/2021/02/145331872_2644623962445689_8473447324236620830_n.jpg" alt="" />

Эпидемиолог: Вакцина ұжымдық иммунитет қалыптастырады

<a href="https://kyzylorda-news.kz/">Kyzylorda-news.kz</a>. Қазақстандықтардан зейнетақы жинақтарын мерзімінен бұрын алуға асықпау сұралды. “Отбасы банк” басшысы Ләззат Ибрагимова тұрғын үй бағасы қашан төмендейтінін болжады, деп хабарлайды&nbsp;<a href="https://kaz.tengrinews.kz/">Tengrinews.kz</a>.
<blockquote>
 “Екінші реттік тұрғын үймен не істеу керек? Олардың бағасы өсіп жатыр. Ақшаны екінші нарықтан пәтер алу үшін пайдалануға бола ма?”, – деп сұрады журналистер ОКҚ брифингінде.
</blockquote>
“Отбасы банк” басшысы Ләззат Ибрагимова бағдарлама бойынша тұрғын үй сатып алуға ешқандай тыйым жоғын айтты.
<blockquote>
 “Шарттар бойынша, тұрғын үйді Қазақстандық тұрғын үй компаниясынан құрылыстың аяқталуына кепілдік берілген объектілерден және құрылыс салушылардан ғана сатып алуға болады. Басқа шектеулер жоқ, сіз кез келген аймақтан баспана ала аласыз. Нұр-Сұлтанда тұрып, Ақтөбеден, Атырауда тұрып, Алматыдан. Ауылдық және қалалық жерлерде ешқандай шектеулер жоқ. Бұл жеке үй де болуы мүмкін. Сіз бастапқы және қайталама нарықтардан ала аласыз”, – деп түсіндірді Ибрагимова.
</blockquote>
Сондай-ақ, ол қайталама нарықтағы тұрғын үй бағасының өсуіне қатысты пікір білдірді.
<blockquote>
 “Бұл, әрине, сатушының нарығы. Адамдар осындай үлкен сұраныс кезінде пәтері үшін көп алғысы келеді. Меніңше, біраз күту керек, нарық өзі сұраныс пен ұсыныстан тұратын бұрынғы қалпына келеді. Менің ойымша, мамыр мен маусымның ортасында бағалар өткен жылдың жағдайына оралатынын көресіз”, – деп жауап берді Ибрагимова.
</blockquote>
Ол 45 күнде адам қажет тұрғын үйді таба алмаса, оның ақшасы БЖЗҚ-дағы зейнетақы шотына қайтарылатынын түсіндірді.
<blockquote>
 “Қайта өтініш беруге болады. Айыппұлдар мен комиссиялар болмайды, біз сіздің арнайы шотыңызбен жұмыс істеу кезінде барлық комиссияны алып тастадық. Сондықтан салмақты шешім қабылдаңыз, ешқайда асықпаңыз”, – деді ол.
</blockquote>

Қазақстанда тұрғын үй бағасы қашан төмендейтіні болжанды

<a href="https://kyzylorda-news.kz/">Kyzylorda-news.kz</a>.&nbsp;Бүгінде республика бойынша зейнетақы қорындағы қаржыны алу үшін «Отбасы банкінен» 107 774 арнайы шот ашылған. 50 мыңға жуық азаматтың өтінімі мақұлданды. Ал облыста зейнетақы қорындағы қаржыны 29 мыңнан астам адам алуға құқылы.
Зейнетақы қорынан біржолғы қаржы алуға өтінім беру үстіміздегі жылдың 23-қаңтарында басталды. Өтініштерді <a href="http://enpf-otbasy.kz">enpf-otbasy.kz</a> сайтында қабылдау жалғасуда. Өтінім 5 жұмыс күннің ішінде қаралады.
<blockquote>
 “Қордан ақша алуға өтінім беру үшін белгілі бір шектік уақыт жоқ. Қаржыны алу бір жылмен шектеліп қалмайды. Мемлекеттік бағдарлама жалғасын табады”, – деді «Отбасы банк» тұрғын құрылыс үй жинақ банкі» АҚ облыс бойынша филиал директоры Әділжан Сәулебаев.
</blockquote>
Брифингте сала мамандары жинақтан алған қаражатты жер учаскесін сатып алуға, үй салуға және бастапқы жарнаны төлеуге пайдалануға болатынын айтты. Тек бір шектеу бар. Ол қордан алынған қаржыға сатып алынған үйді 5 жыл ішінде қайтадан сатып жіберуге болмайды.
<blockquote>
 “Бір апта ішінде Зейнетақы қорына Отбасы банкінен 52 133 өтінім қабылданды. Сондай-ақ, «Қазақстан Халық банк» операторынан жалпы сомасы 587,7 млн. теңге құрайтын 132 өтінім келді. Қысқа уақыт ішінде Қор тарапынан кері қайтарылған өтінімдер де болды”, – деді «БЖЗҚ» АҚ облыс бойынша филиал директорының орынбасары Алмас Сәрсембаев.
</blockquote>

Қызылордада зейнетақы қорындағы қаржыны 29 мыңнан астам адам алуға құқылы

<a href="https://kyzylorda-news.kz/">Kyzylorda-news.kz</a>.&nbsp; Ағымдағы жылдың 3 ақпан күні «Қоғамдық бақылау туралы» заң жобасының әзірленуі және оның заңнамалық бекіту мәселелерінің тәсілдері бойынша өңірлік көпшілік талқылау ұйымдастырылады.
Онлайн түрде өтетін талқылауды Азаматтық қоғам істері комитетінің ресми «Azamattyq_qogam» <a href="https://www.facebook.com/azamattyq.qogam.kz">Facebook</a> парақшасынан көре аласыздар.

«Қоғамдық бақылау туралы» заңның моделі қандай болуы тиіс?

<a href="https://kyzylorda-news.kz/">Kyzylorda-news.kz</a>. Қызылорда гарнизоны әскери бөлімінде санитарлық-эпидемиологиялық талаптар мен нормаларды сақтай отырып, жаңа оқу кезеңінің жауынгерлік әзірлік жоспарына сәйкес бөлімшелер мен шағын топтардың жауынгерлік атыстары жүргізіліп жатыр.
Қызылорда гарнизоны әскери бөліміндегі атысқа тартылған барлық бөлімшелер мен есептоптардың жаттығулары жауынгерлік дайындықтың жоғары деңгейіне келтіру арқылы басталды. Оқу-жауынгерлік тапсырмаларды жүзеге асыру мақсатында бөлімшелердің жеке құрамы оқу-жаттығу алаңына жол тартып, тактикалық дайындық бойынша нормативтерді орындау бойынша шеберліктерін шыңдады.
Негізгі мақсат – бөлімше мен шағын топ командирлерінің жауынгерлік ұрыста және жоспар бойынша кенеттен туындаған жағдайлардадұрыс шешім қабылдауын,&nbsp; сондай-ақ оларды басқаруын тексеру.
Осы уақытта бөлімшелер мен шағын топтардың теориялық және практикалық сабақтары аяқталып, барлау бөлімшелерінің күндізгі және түнгі уақыттағы штаттық қарудан жауынгерлік атыстары жүргізілуде. Барлау бөлімшелерінің жауынгерлік атыстарын сапалы жүргізу мақсатында барлау роталарының командирлері «Тосқауылдағы бөлімше», «Ерекше жағдайдағы қорғаныстағы бөлімше» тақырыптарында нұсқаулық-әдістемелік сабақтарын өткізуде. Сонымен қатар, әуедегі қарсылас, диверсантты-барлау топтарының шабуылдары кезіндегі және залалсыздандырылмаған аймақты жүріп өтудегі қимылдарды да меңгерді. Бірінші күннен бастап барлық бөлімшелер өз белсенділіктерін көрсете бастады.
<blockquote>
 «Оқу-жаттығу кезінде бөлімшелер қауіпсіздік шараларын қатаң сақтай отырып, тактикалық іс-қимылдардың дұрыстығына, ұрыста штаттық қаруды шебер, әрі тиімді пайдалануға айрықша назар аударды. Үздік кіші топтар да анықталып жатыр. Жаттығулар жауынгерлік ұрыс қимылдарына барынша жақын жүзеге асырылуда», –дейді арнайы мақсаттағы амфибиялық барлау ротасының командирі, капитан Вадим Федосеев.
</blockquote>
Атап айтсақ, бөлімшелердің жауынгерлік атыстары жеке құрамның теориялық білімдерінің нығаюына, жаңа қосылған жауынгерлердің тәжірибе алмасуына және жалпы роталардың қызметтік міндеттерін сапалы орындауына оң ықпал ететіні сөзсіз.

Қызылордада жауынгерлік атыс жүргізілуде

<a href="https://kyzylorda-news.kz/">Kyzylorda-news.kz</a>. Қызылорда гарнизонына қарасты Қызылорда қаласы қорғаныс істері жөніндегі басқармасында және аудандық қорғаныс істері жөніндегі бөлімдерінде көктемде әскер қатарына алынатын жастармен алдын-ала зерделеу жұмыстары жүргізілуде.
2021 жылдың алғашқы айында Қызылорда гарнизонында көктемгі әскерге шақырылушыларды зерделеу жұмыстары басталып кетті.
Азаматтарды мерзімді әскери қызметке шақыру және олардың әскерге шақыру пункттеріне келуі туралы хабардар етуді тұрғылықты жері бойынша жергілікті әскери басқару органдары шақырту қағазымен немесе жұмыс (оқу) орны бойынша ұйым басшылары қолдарын қойғыза отырып жүргізеді.
Азаматтарды мерзімді әскери қызметке шақыру Қазақстан Республикасы Президентінің Жарлығы және Қазақстан Республикасы Үкіметінің қаулысы негізінде жылына екі рет, көктемде және күзде өтеді.
Екі кезеңді қамтитын зерделеудің бірінші кезеңінде шақырылушылар және олардың ата-аналарымен, жасайтын немесе оқитын жұмыс орындарының өкілдерімен әңгімелесу жүргізіліп, жеке істері тексеріледі. Әңгімелесу барысында денсаулық жай-күйі, моральдық сапасы, жалпы білім беру мен арнайы дайындығы және отбасы жағдайы анықталуда. Әскерге шақырылушылардың жеке ісін зерделеу ҚР Ұлттық қауіпсіздік комитеті мен ҚР Ішкі істерор гандарының және денсаулық, халықты әлеуметтік қорғау органдарының өкілдерімен бірлесе сапалы жүзеге асырылуда.
<blockquote>
 &nbsp;«Жүргізіліп жатқан іріктеу, зерделеу жұмыстары өз нәтижелерін беруде. Осы жұмыстар арқылы шақырылушылардың көптеген мәліметтері анықталуда. Бір қуантары әскери борышын өтеуге ниет білдіруші жастар көбеюде», – дейді Қызылорда қаласының ҚІЖБ бастығының тәрбие және идеологиялық, әскери-патриоттық жұмыстары жөніндегі орынбасары, аға лейтенант Бағдат Ахимбеков.
</blockquote>
Ал, екінші кезең іс-тәжірибе жүзінде жалғасады. Көктемгі шақырылым бойынша зерделеу жұмыстары ағымдағы жылдың ақпан айының соңында аяқталады. Әскерге шақырылушылар қалалық және аудандық медициналық комиссиядан өткен соң, қай әскери бөлімдерге баратындығы анықталады. Бұл шара санитарлық-эпидемиологиялық талаптарға сай, арақашықтықтың сақталуы арқылы өткізіліп жатқанын айта кеткен жөн.
<img src="https://kyzylorda-news.kz/wp-content/uploads/2021/02/img_20210201_003107_752.jpg" alt="" />
<img src="https://kyzylorda-news.kz/wp-content/uploads/2021/02/img_20210201_003109_572.jpg" alt="" />

Қызылордада әскери борышын өтеуге ниетті жастар көбейген

<a href="https://kyzylorda-news.kz/">Kyzylorda-news.kz</a>. Қызылорда қалалық Полиция басқармасына 1981 жылы туған Қызылорда облысының тұрғыны арызданды.
Жәбірленушінің айтуынша, белгісіз азамат өзін ҰҚК-нің қызметкерімін деп таныстырып, абақтыда жатқан інісін &nbsp;мерзімінен бұрын босатуға уәде беріп, 1&nbsp;500&nbsp;000 миллион теңге ақшасын жымқырған.&nbsp;
Іздестіру жұмыстарының және полиция қызметкерлерінің кәсіби шеберлігінің нәтижесінде ізін суытпай күдікті ретінде 35 жастағы қала тұрғыны анықталып, жеткізілді.
Қазіргі таңда, Қазақстан Республикасы Қылмыстық кодексінің 190-бабының 1-бөлігімен (Алаяқтық) сотқа дейінгі тергеп-тексеру амалдары жүргізілуде. Күдікті толықтай өз кінәсін мойындап, оған &nbsp;қатысты ешқайда кетпеу және тиісті мінез-құлық туралы қолхат түрінде бұлтартпау шарасы қолданылды.

Қазақстан және Қызылорда облысының жаңалықтары

“Спутник V” вакцинасының зерттеу нәтижесі жарияланды

Қызылорда: Бір тәулікте коронавирустан 3 адам емделіп шықты

Нұрлыбек Нәлібаев ауыл халқымен кездесті

Қызылордада өткен тәулікте 3 адам коронавирус жұқтырды

Сәрсенбіге арналған ауа райы болжамы

Эпидемиолог: Вакцина ұжымдық иммунитет қалыптастырады

Қазақстанда тұрғын үй бағасы қашан төмендейтіні болжанды

Қызылордада зейнетақы қорындағы қаржыны 29 мыңнан астам адам алуға құқылы

«Қоғамдық бақылау туралы» заңның моделі қандай болуы тиіс?

Қызылордада жауынгерлік атыс жүргізілуде

Қызылордада әскери борышын өтеуге ниетті жастар көбейген

Қызылордада түрмедегі інісін шығарып беруге уәде еткен алаяқ ұсталды

Қазақстан және Қызылорда облысының жаңалықтары

&#8220;Спутник V&#8221; вакцинасының зерттеу нәтижесі жарияланды

Қызылорда: Бір тәулікте коронавирустан 3 адам емделіп шықты

Нұрлыбек Нәлібаев ауыл халқымен кездесті

Қызылордада өткен тәулікте 3 адам коронавирус жұқтырды

Сәрсенбіге арналған ауа райы болжамы

Эпидемиолог: Вакцина ұжымдық иммунитет қалыптастырады

Қазақстанда тұрғын үй бағасы қашан төмендейтіні болжанды

Қызылордада зейнетақы қорындағы қаржыны 29 мыңнан астам адам алуға құқылы

«Қоғамдық бақылау туралы» заңның моделі қандай болуы тиіс?

Қызылордада жауынгерлік атыс жүргізілуде

Қызылордада әскери борышын өтеуге ниетті жастар көбейген

Қызылордада түрмедегі інісін шығарып беруге уәде еткен алаяқ ұсталды

“Спутник V” вакцинасының зерттеу нәтижесі жарияланды