<a href="https://kyzylorda-news.kz/date/2020/08/28/">Kyzylorda-news.kz.</a> Қазір көпшілікті «Праймериз» деген тақырып қызықтыруда. «Nur Otan» партиялық тізім бойынша сайлау жүйесін енгізіп отыр. Партия жариялаған праймериз елдің саяси жүйесінің болашақ бағдарын айқындайды.
Бұған дейін&nbsp;&nbsp; жасыратыны жоқ&nbsp; қоғамда депутат болу үшін бизнесің, қаржылай қорың, демеушілік тірлігің болуы керек деген қасаң түсінік болатын. Алайда&nbsp; бүгінгі қоғамның қазіргі сұранысына бұл қалыптасқан түсінік жарамайды. Лауазымды қызметте істемесе де, ірі бизнесі болмаса да бірақ есесіне белсенді азаматтық ұстанымы бар қатардағы азамат&nbsp; партия атынан депутат болуға мүмкіндігі бар.
«Nur Otan» партиясы ұсынып отырған&nbsp; Праймериз саясаттың тек ерекше таңдаулы адамдардың ғана еншісі емес екендігін көрсетеді.
Тап қазіргі қоғамға&nbsp; жаңа идеялары бар, әрі қарай дамуға көмек беретін креативті адамдар қажет. Бұл&nbsp; жаңа заманның&nbsp; депутаты батыл болу керек,&nbsp; жұмыс өрісі кең болуы тиіс&nbsp; дегені. Ашық, бәсекелестік негізде ұйымдастырылып отырған&nbsp; Праймериз – өңірлердегі келешегі бар жастардың елдің саяси сахнасына шығуына мүмкіндік беретін маңызды әлеуметтік лифт.
Осы мүмкіндікті сырбойылық теміржолшыларда пайдалануда. Сайлау алдындағы сайлау&nbsp; додасына теміржолшылар арасынан құжат тапсырғандар бар. Олардың әрқайсысы қолынан іс келетін, билікке түрлі проблемаларды шешудің жолдарын ұсына білетін, ой өрісі терең, қоғамдық жұмыстардың ортасында жүретін азаматтар. Бақ пен бап сынайтын саяси додада партияластарымызға сәттілік тілеймін.
Үміткерлерді ұсыну мен тіркеу мерзімінің бітуіне небәрі бір күн&nbsp; уақыт қалды. Алдағы уақытта халықтың әлеуметтік жағдайын жақсартуға атсалысамын және елім үшін қызмет етемін деген белсенді азаматтар болса праймеризге қатысуға шақырамын.&nbsp;
&nbsp;Егер бойыңызда&nbsp;&nbsp; қоғамда болып жатқан түрлі мәселелерді тап басып, одан нақты нәтиже шығара аламын деген сенімділікті байқасаңыз&nbsp; елге қызмет етуге шақырамын.&nbsp; Елге бірге қызмет етейік!
Базара ТАНБАЕВА
&nbsp;” Nur Otan” партиясы Саяси Кеңесінің мүшесі,
“Nur Otan” партиясы
&nbsp;Теміржол филиалы төрағасының бірінші орынбасары.

Базара Танбаева: Елге бірге қызмет етейік!

<a href="https://kyzylorda-news.kz/date/2020/08/28/">Kyzylorda-news.kz.</a> Биыл бір көзден алу тәсілін алмастырушы «электронды дүкен» және «шекті келісімдер» түрлері енгізілетін болады. Бұл тапсырыс берушілерге методикалық көмек көрсету, тауарлар, жұмыстар мен көрсетілетін қызметтердің техникалық ерекшелік үлгілерін ұсыну және уәкілетті орган өкілдерінің қатысуымен семинар-кеңестер өткізу үшін қарастырылды.
<blockquote>
 “Қолданыстағы мемлекеттік сатып алу заңдылығында бір көзден алу негіздемелері азайды. Үстіміздегі жылдың тамыз айында 119 сатып алудың 75-і жарияланды, ал қалған 44-і бойынша жұмыстар жүргізілуде. Облыста жалпы жарияланған сатып алу сомасының 85 пайызын құрайтын 416 конкурс ұйымдастырылып, қарастырылған бюджеттің жарты бөлігі үнемделді. Қазіргі таңда, мемлекеттік сатып алу орталықтандырылған түрде бір жерден өткізілуде. Бұл кәсіби мамандарды бір ортаға жұмылдырып, тиісінше сыбайлас жемқорлықты азайтуға бағытталады”, – деді Өңірлік коммуникациялар қызметінің ақпарат алаңында өткен брифингте Мемлекеттік сатып алу басқармасы басшысының орынбасары Алтынай Қуандық.
</blockquote>
<img src="https://kyzylorda-news.kz/wp-content/uploads/2020/08/118693410_1100587240336787_1341772913014478385_o.jpg" alt="" />

Мемлекеттік сатып алулар электронды дүкен арқылы жүргізілмек

<a href="https://kyzylorda-news.kz/date/2020/08/28/">Kyzylorda-news.kz.</a> Мұғалімдер мен оқушыларға арналған “Білім” тарифі жаңа оқу жылынан бастап іске қосылады. Бұл туралы “Күнделік” ЖШС бас директоры Мұхтар Ілиясов мәлімдеді, деп хабарлайды&nbsp;<a href="https://sputniknews.kz/">Sputnik Қазақстан</a>.&nbsp;
Бұған дейін ұялы байланыс операторлары мұғалімдер мен оқушылар үшін арнайы тарифтік жоспар әзірлеп жатқаны туралы хабарланған болатын.
28 тамызда өткен онлайн баспасөз мәслихатында БАҚ өкілі арнайы тарифтің қашан іске қосылатынын сұрады.
<blockquote>
 “Мұндай тариф шынымен де бар екенін растаймын. Жетекші ұялы байланыс операторлары “Білім” тарифін әзірледі, құны – 990 теңге. Ол жаңа оқу жылынан бастап қолжетімді болады”, – деді Ілиясов.
</blockquote>
Ол арнайы тарифтен kundelik.kz ресурсына мегабайт жұмсалмайтынын атап өтті.&nbsp;
Тарифтік жоспарда мұғалім мен оқушы арасындағы лимитсіз қоңыраулар, сондай-ақ, білім және ғылым министрлігі белгілеген отандық білім беру ресурстарына лимитсіз қосылу қарастырылған.

Мұғалімдер мен оқушыларға арналған тариф 1 қыркүйектен бастап іске қосылады

<a href="https://kyzylorda-news.kz/">Kyzylorda-news.kz.</a> «Nur Otan» партиясы Қызылорда облыстық филиалы төрағасының орынбасары Алтынбек Жарылқасынов ауылшаруашылығы саласының өкілдерімен кездесті. 
Онда тиімді депутаттық корпусты қалыптастыру мен мемлекеттік органдардағы лауазымдарға ұсыну үшін бәсекелестік күрес негізінде нақты және мықты көшбасшыларды анықтауға бағытталған ішкі партиялық іріктеу-праймеризді талқылады. 
Сөз басында филиал төрағасының орынбасары “Ауыл шаруашылығы қай кезеңде болмасын экономиканың локомотиві болып қала беретіндігін айтты. Сондай-ақ, «Nur Otan»партиясының тікелей араласуымен өңірімізде ауыл шаруашылығын дамыту, жаңа технологияларды енгізу мәселелеріне қатысты атқарылған жұмыстарды сөз етті. 
<blockquote>
 «Бірлігі бекем елдің берекесі мол болмақ»,- деген. Өткен жылы Сыр диқандары 88 мың гектарға жуық жерге күріш егіп, қамбаны дәнге толтырды. Ауыл шаруашылығын әртараптандырудың нәтижесінде бақша өнімдерін өндіру де арты. Бұл – тыңға түрен салып, саладағы жаңа жобаларды жүзеге асырудағы сыр аграрларының еңбегі деп білемін, – деді Алтынбек Жарылқасынов. 
</blockquote>
Сондай-ақ, партия филиалы төрағасының орынбасары«Nur Otan» партиясының ішкі партиялық іріктеуіне ауылшаруашылығы саласының өкілдері де үміткер ретінде тіркеліп жатқанын және олардың ашық бәсекеде бағы жанып уәкілетті органдардан өз орынын тауып жатса, саланы дамытуға ықпал ететіндігін атап өтті. 
Кездесу барысында сала мамандары еліміздегі саяси оқиғаның маңыздылығын жан-жақты талқыланды.Бұл орайда, ауыл шаруашылығы саласының өкілдері,Партия Төрағасы Нұрсұлтан Әбішұлы Назарбаевтың сайланбалы органдарға бәсекелестік негізде мықтыларды анықтап ұсыну идеясын дұрыс шешім деп қабылдағындықтарын айтады. 
Әлемде түрлі жағдайлар болып жатыр. Елді дамыту үшін білімді, озық ойлы азаматтардың көптігі дұрыс. Елдің аманатын арқалаған партия бұл бағытта дұрыс шешім қабылдап отыр.Ал, праймериз осындай азаматтарға жасалып отырған үлкен мүмкіндік,-дейді олар.
<img src="https://kyzylorda-news.kz/wp-content/uploads/2020/08/04-3.jpg" alt="" />

Қызылордалық аграрилер ішкі партиялық іріктеуге қолдау білдірді

<a href="https://kyzylorda-news.kz/">Kyzylorda-news.kz.</a> «Мықты лидерлер – мықты партия» қағидасын басшылыққа алған саяси доданы мұнайшылар да қолдап отыр. Мұны сала өкілдер бүгін «Nur Otan» партиясы Қызылорда облыстық филиалы төрағасының бірінші орынбасары Ләйлә Төрешовамен болған кездесуде атап өтті. 
<blockquote>
 Қазір праймериз қоғамда қызу талқыға түсіп жатыр. Ашық, бәсекелестік негізде өтетін ішкіпартиялық іріктеуге бақ сынауға үміткер ретінде тіркелушілердің саны 500-ге жуықтады. Арасында елге танымал спортшылар, дәрігерлер, ұстаздар түрлі сала өкілдері бар. Өңіріміздің экономикалық дамуына елеулі үлес қосып отырған мұнай саласы өкілдерінің қолдап, қызығушылық танытуын біз қуанышпен қабылдаймыз. Себебі елімізді дамыту үшін қай бір салада мықты мамандардың болуы қажет. Біздің міндетіміз осы праймериз арқылы нағыз лидерлерден партияның кадрлық резервін қалыптастырып, жергілікті деңгейдегі мәслихаттарға, Мәжіліске өз белсенділерімізді ұсыну,- деді облыстық партия филиалы төрағасының бірінші орынбасары Ләйлә Төрешова.
</blockquote>
Кездесу барысында ішкі партиялық іріктеудің негізгі ережелері, үміткерлерге қойылатын талаптар, үгіт насихат жұмыстары, праймериз ақпараттық жүйесінің артықшылықтары сөз болды.
<blockquote>
 Мәселен, елдегі пандемияға орай азаматтардың денсаулығы мен амандығы үшін Партия Төрағасының тікелей тапсырмасымен веб-портал мен мобильді қосымшадан тұратын «Праймериз» ақпараттық жүйесі әзірленген.Бұл жүйе партияішілік іріктеудің барлық кезеңін өткізуге мүмкіндік береді. Яғни, үміткерлерді тіркеуден бастап, үгіт жұмыстары, дауыс беруге дейін онлайн режимі қарастырылған әрі қолдануға да жеңіл. Сондықтан іс-шаралардың басым бөлігін біз осы мүмкіндіктерді пайдалана отырып өткізуге тырысудамыз, – дейді Ләйлә Төрешова. 
</blockquote>
Жиында мұнайшылардың әлеуметтік жағдайы да сөз болды.Өз кезегінде сөз алған «ПетроҚазақстан Құмкөл Ресорсиз» АҚ-ныңбөлім басшысы Тлеуберген Шаутай елдегі мұнай өндіру көлемінің азаюына қарамастан,пандемия кезінде мұнайшылардың айлық жалақылары сақталып тұрғандығын айтты. Сонымен қатар халық қалаулысы праймеризге түсетін азаматтар жеке бас мүддесін ғана емес, партия мүддесін ойлау қажетігін де тілге тиек етті. 
Келелі кездесуде ішкіпартиялық іріктеудің қыр – сырына қанық болған мұнайшылар саяси доданың сәтті өтуіне тілектестік білдірді. 
Қосымша ақпарат: Қызылорда облысы бойынша бүгінгі күні іріктеуге 487 азамат ұсынылып, оның 443-і кандидат ретінде тіркелді (90%).Оның ішінде 33,2 пайызы әйел азаматтар, 26,8% – 35 жасқа дейінгі жастар.

Қызылордада мұнайшылар партия бастамасын қолдап отыр

<a href="https://kyzylorda-news.kz/date/2020/08/28/">Kyzylorda-news.kz.</a> Қызылорда облысының әкімі Гүлшара Әбдіқалықова Қазақстан халқы Ассамблеясының құрылғанына 25 жыл толуына орай Достық үйіне барып, облыстық ҚХА құрылымдары және этномәдени бірлестіктің жетекшілерімен кездесті. Жиында аймақ басшысы Ассамблеяның сан түрлі этнос өкілдерін бір мақсатқа, бір болашаққа топтастыру арқылы елдігіміздің қалыптасу, тәуелсіздігіміздің нығаю тарихында айрықша рөл атқаратынын айрықша атап өтті.
Аймақта бүгінде 35-ке жуық этнос өкілдерінен құралған 809 мыңнан астам азамат берекелі бірлік пен тату-тәтті өмір сүруде. Облыстық Ассамблеяда 11 этномәдени, аудандарда 6 этно бағыттағы үкіметтік емес ұйымдар, 118 аналар кеңесі, 165 қоғамдық келісім кеңесі жұмыс жүргізеді. Сонымен бірге ғылыми-сарапшылық топ, медиация кабинеті, «Қазақстан халқы Ассамблеясы» кафедрасы, депутаттық және кәсіпкерлер тобы, журналистер мен сарапшылар клубы, «Жаңғыру жолы» жастар қозғалысы, қайырымдылық бағытында үйлестірушілік және қолдау көрсету мен волонтерлік орталықтары жүйелі жұмыс жүргізуде.
Жыл басында басталған пандемия кезінде Ассамблеяның бастамасымен 5 мыңға жуық медициналық маска таратылып, облыстық жұқпалы аурулар ауруханасына желдеткіш тарту еткен. Сонымен қатар, «Мың алғыс!» жалпыұлттық акциясы аясында 2 мың медицина қызметкеріне 12 миллион теңгенің көмегі көрсетілді. Жыл басынан бері 20 мыңға жуық адамға 130 миллион теңге көлемінде жәрдем берілген.
<blockquote>
 “Бүгінде баршамыздың басты мақсатымыз – елімізде қоғамдық келісім мен тұрақтылықты сақтап, этносаралық татулықты қамтамасыз ету. Толымды жетістіктерімізді еселеп, әлеуметтің әлеуетін көтеруіміз қажет. Осы міндеттерді орындауда облыстық Ассамблея қызметін жаңа деңгейге көтереді деп ойлаймын. Сіздер, Қазақстан халқы Ассамблеясының рөлі мен мәртебесін арттыру бойынша жүйелі жұмыс жүргізетіндіктеріңізге сенімдімін. Облыстық Қазақстан халқы Ассамблеясының барлық мүшелеріне, этномәдени бірлестіктерге барлық бастамаларыңызға сәттілік, денсаулық пен амандық тілеймін”, – деді облыс әкімі Г.Әбдіқалықова.
</blockquote>
Мерекелік шарада сөз алған «Славяне» қоғамдық-мәдени орталығы» облыстық қоғамдық бірлестігінің төрайымы Галина Щербакова Сыр өңіріндегі ұлттар мен ұлыстардың татулығы туралы ойын ортаға салды. Ал, «Қазақстан корейлер қауымдастығы» облыстық қоғамдық бірлестігінің төрайымы Елена Ким «Корей этномәдени бірлестігінің 30 жылдығына» байланысты ұсынысын жеткізсе, Облыстық өзбек этномәдени бірлестігінің төрағасы Қахар Дадашев аймақтағы кәсіпкерлік саласы, қайырымдылық бағытындағы Ассамблеяның рөлін арттыру бағытындағы жоспарларымен бөлісті.
Жиын соңында аймақ басшысы Гүлшара Әбдіқалықова жасампаздыққа, ізгілікке толы 25 жыл ішінде қоғамдық келісім мен тұрақтылықты сақтауға қосқан елеулі үлестері үшін облыстық этномәдени бірлестік және құрылым жетекшілеріне «Қазақстан халқы Ассамблеясына 25 жыл» мерекелік медалін табыстады.
<img src="https://kyzylorda-news.kz/wp-content/uploads/2020/08/118597486_2679655442137508_3880367156085845317_o.jpg" alt="" />
<img src="https://kyzylorda-news.kz/wp-content/uploads/2020/08/118563531_2679655022137550_8450835298280926179_o.jpg" alt="" />
<img src="https://kyzylorda-news.kz/wp-content/uploads/2020/08/118602778_2679643478805371_6191639630255155894_o-1.jpg" alt="" />

Гүлшара Әбдіқалықова этномәдени бірлестіктің жетекшілерімен кездесті

<a href="https://kyzylorda-news.kz/date/2020/08/28/">Kyzylorda-news.kz.</a> Бүгін облыс әкімі Гүлшара Әбдіқалықова «Шалқия» кенішінде тау-кен байыту фабрикасын салу жөнінде үшжақты меморандумға қол қоюға арналған рәсімге қатысты. Жиынға «Тау-Кен Самұрық» ҰТК» АҚ басқарма төрағасы Қанат Құдайберген және «Шалқия Цинк ЛТД» АҚ бас директоры Дамир Кәрім қатысты.
Облыс әкімі үшжақты меморандум арқылы облыстың 2 негізгі көрсеткіші яғни инвестиция тарту және жұмыс орындарын құру мәселесін шеше&nbsp;алатын боламыз деп атап өтті.
<blockquote>
 “Қазіргідей мұнай өндірісі төмендеген уақытта өңір экономикасын әртараптандырып өңдеу саласы мен металлургияны қолға алу, өңір экономикасын дамытудың басты жолы болып табылады. Осы меморандумға сәйкес «Тау-Кен Самұрық» акционерлік қоғамы Шалқия кенішінде бірнеше әлеуметтік нысандар құрылысын жүргізуді жоспарлап отырғанын ерекше атап өткім келеді. Мәселен, Шалқия кентіне дейін ұзындығы 6 шақырым жол, Кеншілер саябағы мен аллея және контейнерлік қонақ үй салу арқылы Құттықожа бұлағының аумағын абаттандыру жұмыстарын жүргізу көзделуде”,-деді облыс әкімі.
</blockquote>
<img src="https://kyzylorda-news.kz/wp-content/uploads/2020/08/118627066_2679643172138735_3739873375913875351_o.jpg" alt="" />
Айта кету керек, «Шалқия» кенішінде тау-кен байыту фабрикасын салу арқылы металлургия саласын бітірген жас мамандарды жұмысқа тарту көзделуде. Биыл көрші мемлекеттің жетекші университеттерін бітірген 111 түлектің ішінде 23 металлург пен 21 машинистер бар. Мұнан бөлек, биылғы жылы тау-кен ісі және металлургия саласында техникалық және кәсіптік білім ошақтарын бітірген 144 түлек бар.
Облыс әкімі қос тараптың өкілдеріне жас мамандарды кәсіпорындарға жұмысқа тартып, білікті маман ретінде шығаруымыз қажет деп атап өтті.
<blockquote>
 “Осы уақытқа дейін озық технологиялық білімді игеріп келген біздің түлектеріміз өңіріміздегі – цемент, күкірт қышқылы зауыттары мен «Фирма балауса», «РУ-6» және «Энергосервис» секілді ірі кәсіпорындарға жұмысқа орналасты. Тәжірибемізді әрі қарай жалғастыру мақсатында Сіздерге 46 түлектің тізімі жолданды. Меморандумға сәйкес Сіздермен бірлесіп, облыстағы кәсіби білікті алғашқы «металлургтерді» тәрбиелеп, қалыптастырамыз деп сенім білдіремін”,-деді облыс әкімі Гүлшара Әбдіқалықова.
</blockquote>
Меморандум аясында «Тау-Кен Самұрық» акционерлік қоғамы Шалкия кенішінде бірнеше әлеуметтік нысандар құрылысын жүргізу жоспарлануда. 
Жиын соңында «Шалқия» кенішінде тау-кен байыту фабрикасын салу жөнінде үшжақты меморандумға қол қойылды.
<img src="https://kyzylorda-news.kz/wp-content/uploads/2020/08/118602778_2679643478805371_6191639630255155894_o.jpg" alt="" />

Қызылордада тау-кен байыту фабрикасы салынады

<a href="https://kyzylorda-news.kz/">Kyzylorda-news.kz.</a> ҚР Білім және ғылым министрі Асхат Аймағамбетов педагогтардың кезекші сыныптардағы жұмысы үшін қосымша жалақы алатынын мәлімдеді.
<blockquote>
 “Бүгінгі жағдайда кезекші сыныпта оқыту барысында сыныпты 15 баладан екі шағын топқа бөлуге міндетті. Соған орай педагогқа жүктеме де артады. Дегенмен, педагог қосымша жұмысы үшін қосымша ақы да алады. Яғни, егер қазіргі уақытта онда 28 сағат болса, педагог барлық 28 сағат үшін жалақы алады. Бұл біздің әріптестеріміз үшін өте маңызды”, – дейді Аймағамбетов. 
</blockquote>
Министр 1 қыркүйектен бастап оқушылар қашықтан қалай оқитынын айтты. Сондай-ақ ол қашықтан оқыту бойынша екі негізгі бағытты атап өтті. Арнайы интернет-платформалар арқылы оқыту. Платформалардың ыңғайына байланысты мектептер, қалалық, аудандық мектептер білім бөлімдері шешім қабылдады. “Ел Арна” және “Балапан” телеарналары арқылы берілетін телесабақтар, қазір 9 сағатқа дейін эфир беріліп отыр. Оның айтуынша, сабақ ұзақтығы – 40 минут. Балалар бір кабинетте оқытылады. Сыныптарда дезинфекциялық шаралар жүргізілетінболады.

Асхат Аймағамбетов кімдердің қосымша жалақы алатынын айтты

<a href="https://kyzylorda-news.kz/">Kyzylorda-news.kz.</a> Манипаль жоғары білім академиясының және Үндістандағы аймақтық биотехнология орталығының ғалымдары В12 дәрумені коронавирустың көбеюіне тосқауыл қоя алатындығын анықтады, деп хабарлайды <a href="https://24.kz/kz/zha-aly-tar/bylu-manyzdy/item/419077-koronavirusty-k-beyuine-tos-auyl-bola-alatyn-d-rumen-any-taldy">“Хабар 24”.</a>
Зерттеу жұмысы IUBMB Life журналында жарияланған. Сарапшылар SARS-Cov-2 геномында болатын және вирустың көбеюіне жауап беретін nsp12-ді табиғи өнімдер мен дәрі-дәрмектердің арасында қандай молекулалар басуы мүмкін екенін анықтау үшін компьютерлік модельдеу жүргізді. Нәтижесінде В12 – метилкобаламин вирустық жасушалардың көбеюіне тосқауыл қоюға қабілетті болып шықты.
<blockquote>
 «Бұл инфекцияны жұқтыру ықтималдығын азайту үшін медицина қызметкерлері мен қарттарға және қосымша ауруы бар жандарға тағайындалуы мүмкін», – делінген хабарламада.
</blockquote>

Коронавирустың көбеюіне тосқауыл бола алатын дәрумен анықталды

<a href="https://kyzylorda-news.kz/">Kyzylorda-news.kz.</a> Бүгін 2020 жылғы 12 тамыздағы сайлауда сайланған ҚР Парламенті Сенатының депутаттарын тіркеу мәселесі бойынша ҚР Орталық сайлау комиссиясының отырысы өтті, деп хабарлайды <a href="https://www.inform.kz/kz/zhanadan-saylangan-senatorlarga-kualikter-men-tosbelgiler-tabystaldy_a3688324">ҚазАқпарат.</a>
Отырысты ашқан Орталық сайлау комиссиясының төрағасы Берік Имашев Парламент Сенатының депутаттарын сайлау жөніндегі науқанның соңғы отырысы Конституцияның 25 жылдығы – Тәуелсіз Қазақстанның Негізгі Заңы қарсаңында өтіп жатқанын атап өтті.
Ортсайлауком мүшесі Серік Сыдықов «2020 жылғы 12 тамыздағы сайлауда сайланған ҚР Парламенті Сенатының депутаттарын тіркеу туралы» баяндама жасады. Ол «Қазақстан Республикасындағы сайлау туралы» Конституциялық заңға сәйкес, Орталық сайлау комиссиясы Конституциялық заңда белгіленген тәртіппен Парламенттің сайланған депутаттарын тіркеуді жүргізетінін хабарлады. Осы орайда Ортсайлауком әрбір депутатқа белгіленген үлгідегі куәлік пен омырауға тағатын белгіні тапсырады.
Осыған байланысты «2020 жылғы 12 тамыздағы сайлауда сайланған ҚР Парламенті Сенатының депутаттарын тіркеу туралы» қаулы қабылданды.
Қаулы қабылданғаннан кейін Орталық сайлау комиссиясының төрағасы Берік Имашев тіркелген депутаттарға куәліктер мен төсбелгілерді табыс етті.
«Қазақстан Республикасының Парламенті және оның депутаттарының мәртебесі туралы» Қазақстан Республикасы Конституциялық Заңының 24-бабының 1-тармағына сәйкес, Парламент депутатының өкілеттігі оны Орталық сайлау комиссиясы Парламент депутаты ретінде тіркеген кезден басталады.
Отырысқа Парламент Сенатының сайланған депутаттары, сенаторлар Кеңесінің мүшесі Қуаныш Айтаханов, сондай-ақ бейне конференция байланыс режимінде облыстардың, Нұр-Сұлтан, Алматы және Шымкент қалаларының аумақтық сайлау комиссиялары, онлайн режимде бұқаралық ақпарат құралдарының өкілдері қатысты.

Жаңадан сайланған сенаторларға куәліктер мен төсбелгілер табысталды

Kyzylorda-news.kz. Биыл жаңа оқу жылы қарсаңында көпбалалы және тұрмысы төмен отбасыларға толассыз көмек көрсетіліп келеді.
Қазіргі таңда «Мектепке жол» акциясы аясында аймақта оқушыларға жомарт жандардың есебінен мектепке қажетті құрал-жабдықтар мен киім-кешектер және ұялы телефондар, планшеттер алып берілуде.
Осы қайырымдылық шарасына Қызылорда облыстық жастар ресурстық орталығының ұжымы да өз үлесін қосты. Қаладағы «БИАЛИ» спорттық киімдер дүкенінің, кәсіпкер Асхат Шаукентаевтың жүзеге асқан шарада 10 отбасыға көмек көрсетілді. Алдағы уақытта тағы 40 отбасыға қол ұшын созу жоспарда.
Сонымен қатар орталықтың ІТ паркпен бірлесе қолға алған шарасы аясында жөндеуден өткен 100-ге жуық компьютер мұқтаж отбасылардың балаларына үлестірілетін болады. Бұл – Сыр жастарының жаңа оқу жылы қарсаңында балаларға деген тартуы болмақ.

&#8220;Мектепке жол&#8221;: Көмек жалғасуда

<a href="https://kyzylorda-news.kz/">Kyzylorda-news.kz.</a> Калифорния тұрғыны 66 жастағы Лорин Уилленберг ағзасы 30 жыл ішінде АИТВ-мен өздігінен күресе алған алғашқы адам болды.
Оған қатерлі диагноз 90-шы жылдардың басында қойылған. Бұл туралы Daily Mail зерттеу мәліметтеріне сілтеме жасай отырып хабарлады.
Деректерге сүйенсек, әйел адам вирустан сауығу үшін ешқашан дәрі ішпегенін алға тартқан. Дәрігерлер оның ағзасы табиғи жолмен күрескенін айтуда.
Зерттеушілер Уилленбергті бірнеше жыл бойы бақылауда ұстаған. Өйткені оның иммунитеті вирусқа қарсы тұра алатындығы байқалған. Зерттеуге одан басқа тағы 63 адам қатысты, себебі олар ем қабылдамаса да, ағзасындағы вирустық жасушалар көбейе алмаған.
Алайда, ең таңқаларлығы диагноз қойылған сәттен бастап отыз жылдай уақыт өткен соң Лорин Уилленберг ағзасында АИТВ-ның іздері жоқтың қасы. Стандартты тестілер арқылы одан ауруды анықтау мүмкін емес. Мамандардың айтуынша, бұл оның функционалды түрде емделгендігін көрсетеді.
Уилленбергті енді АИТВ-дан жазылған науқастар қатарына қосуға болады. Бұл тізім өте қысқа, онда үш адамның ғана есімі бар.
<a href="https://24.kz/kz/zha-aly-tar/lemde/item/419023-lemde-al-ash-ret-aitv-zh-tyr-an-nau-as-aurudan-zdiginen-zhazylyp-ketti">“Хабар 24”</a>

Қазақстан және Қызылорда облысының жаңалықтары

Базара Танбаева: Елге бірге қызмет етейік!

Мемлекеттік сатып алулар электронды дүкен арқылы жүргізілмек

Мұғалімдер мен оқушыларға арналған тариф 1 қыркүйектен бастап іске қосылады

Қызылордалық аграрилер ішкі партиялық іріктеуге қолдау білдірді

Қызылордада мұнайшылар партия бастамасын қолдап отыр

Гүлшара Әбдіқалықова этномәдени бірлестіктің жетекшілерімен кездесті

Қызылордада тау-кен байыту фабрикасы салынады

Асхат Аймағамбетов кімдердің қосымша жалақы алатынын айтты

Коронавирустың көбеюіне тосқауыл бола алатын дәрумен анықталды

Жаңадан сайланған сенаторларға куәліктер мен төсбелгілер табысталды

“Мектепке жол”: Көмек жалғасуда

Алғаш рет АИТВ жұқтырған науқас аурудан өздігінен жазылып кетті

Қазақстан және Қызылорда облысының жаңалықтары

Базара Танбаева: Елге бірге қызмет етейік!

Мемлекеттік сатып алулар электронды дүкен арқылы жүргізілмек

Мұғалімдер мен оқушыларға арналған тариф 1 қыркүйектен бастап іске қосылады

Қызылордалық аграрилер ішкі партиялық іріктеуге қолдау білдірді

Қызылордада мұнайшылар партия бастамасын қолдап отыр

Гүлшара Әбдіқалықова этномәдени бірлестіктің жетекшілерімен кездесті

Қызылордада тау-кен байыту фабрикасы салынады

Асхат Аймағамбетов кімдердің қосымша жалақы алатынын айтты

Коронавирустың көбеюіне тосқауыл бола алатын дәрумен анықталды

Жаңадан сайланған сенаторларға куәліктер мен төсбелгілер табысталды

&#8220;Мектепке жол&#8221;: Көмек жалғасуда

Алғаш рет АИТВ жұқтырған науқас аурудан өздігінен жазылып кетті

“Мектепке жол”: Көмек жалғасуда