<a href="https://kyzylorda-news.kz/">Kyzylorda-news.kz</a>.&nbsp;Қызылорда гарнизоны әскери бөлімінде жазғы оқу кезеңінің жауынгерлік әзірлік жоспарына сәйкес амфибиялық бөлімшелердің су даярлығы бойынша біліктіліктерін арттыратын оқу-жаттығуы жалғасын табуда.
Барлық санитарлық-эпидемиологиялық талаптарды сақтай отырып өтіп жатқан оқу-жаттығуда алдын-ала қауіпсіздік шаралары мен теориялық сабақтар ұйымдастырылды.
Дәрістердің жоғары дәрежеде өтуі үшін оқу орындары қажетті оқу-материалдық базамен қамтамасыз етілді. Тәжірибе жүзінде жалғасын тауып жатқан жаттығулар кезінде барлаушылар су даярлықтары бойынша біліктіліктерін арттырып, білімдерін шыңдап түрлі сынақтардан өтеді.
Сонымен қатар, амфибиялық бөлімшесінің жеке құрамы түрлі қашықтықтағы шыдамдылық пен шапшаңдыққа, терең суға сүңгу, моторлы қайықтарды басқаруға арналған оқу-жаттығулар бойынша сынақтар тапсырып, жедел медициналық көмек көрсету тапсырмаларын орындаумен айналысады.
Жаттығудың басты мақсаты – бөлімдегі амфибиялық бөлімшелердің жауынгерлік әзірлік деңгейін бақылап, әскери барлаушылардың міндеттеріне сай су ортасындағы тапсырмаларды кенеттен орындау шеберліктерін шыңдау.
<blockquote>
 «Жаттығу барысында жеке құрамның судағы іс-қимылдарын жетілдірудегі дағдылары мен алған білімдері бағаланатын болады. Құрал-жабдықтарды, қару-жарақты жауынгерлік дайындық жағдайына келтіру де ескеріледі. Әскери қызметшілерге судағы &nbsp;өз шеберліктерін арттыру бойынша қажетті теориялық және тәжірибелік сабақтар өз деңгейінде берілуде», – дейді арнайы мақсаттағы амфибиялық барлау ротасының топ командирі аға лейтенант Дархан Унайгалиев.
</blockquote>
Оқу-жаттығу аяқталысымен біліктіліктерін арттыру сабақтары кезінде жоғары нәтиже көрсеткен әскери барлаушыларға арнайы сертификаттар табысталатын болады.
<img src="https://kyzylorda-news.kz/wp-content/uploads/2021/08/9-1-scaled.jpg" alt="" />
<img src="https://kyzylorda-news.kz/wp-content/uploads/2021/08/4-5-scaled.jpg" alt="" />

Қызылордада су даярлығы бойынша оқу-жаттығу жалғасуда

<a href="https://kyzylorda-news.kz/">Kyzylorda-news.kz</a>. Қазақстанда «Алтын белгіні» алу талаптары қатаңдатылады. Бұл туралы ҚР Білім және ғылым министрі Асхат Аймағамбетов.
<blockquote>
 «Біз жыл сайын талаптарды кезең-кезеңімен қайта қарап келеміз. Өткен жылы талапты қатаңдату мәселесі көтеріліп, бірқатар өзгеріс енгізілді. Биыл екінші кезеңде үміткердің оқу жылы соңындағы нәтижесі ғана емес, 5-11 сынып аралығында әр тоқсанды беске аяқтауы ескеріледі», – деді Асхат Аймағамбетов.
</blockquote>
Министрлік&nbsp; мұндай талапты маңызды әрі нәтижелі деп есептейді. «Алтын белгіге» үміткер орта білімін мектепте мемлекеттік емтиханды беске тапсырып, қорғап шығуға тиіс.
«Алтын белгі» – қазақстандық білім беру жүйесінде озат оқушыға берілетін төс белгі.

Министрлік «Алтын белгі» алу талаптарын қатаңдатады

<a href="https://kyzylorda-news.kz/">Kyzylorda-news.kz</a>. Бүгін ҚР Парламенті Сенат депутаттары Мұрат Бақтиярұлы мен Ақмарал Әлназарова Жаңақорған ауданына арнайы сапармен келіп, ауданның тыныс-тіршілігімен танысты.
Депутаттар алдымен «Батыс Еуропа – Батыс Қытай» жолы бойындағы заманауи қызмет көрсететін орталық – «Жан-Арай» ЖШС сервистік кешеніне тоқтады.
Сервиздік кешен мейрамхана, асхана, қонақ үй, ойын-сауық орталығы, медициналық қызмет көрсету және техникалық жөндеу орны, бөлшек сауда нүктесі, қоғамдық жуыну және көлік жуу орны, автұрақ пен май құю бекетін біріктіреді. Сондай-ақ, ауылшарауашылығы өнімдерін өндіру және өндеу қоймасымен ерекшеленеді. Бірігей сервистік кешеннің жұмысымен Нұрдәулет Мақашов таныстырды.
<blockquote>
 «Қазір алма сақтау және өндеу қоймасының негізгі жұмыстары аяқталды. Бірнеше айда іске қосуға дайын болады. Ал, оған өнімді алма бағынан аламыз. 2019 жылы 10 гектар жерге алманың үш түрін еккенбіз. Биыл алма бақты тағы 50 гектарға ұлғайтын, онда алманың түрлері – «Голден», «джонатон», «Ренет симиренконы» отырғыздық. Келер жылы алғашқы отырғызған алмалар жаппай өнім береді. Алда жоспар көп. Мәселен, 100 гектар жерге қызанақ, қияр, болгар бұрышын егіп, көкөніс, жеміс сақтау қоймасын салу жобамыз бар. Қызанақ өндіру, өңдеу, сақтау, сату қоймасын да іске асыруда ізденудеміз. Жеміс, көкөністі өзіміз өндіріп, облыс тұрғындарын сапалы, қолжетімді бағадағы өніммен қамту – алда тұрған үлкен мақсатымның бірі», – деді Нұрдәулет Мақашов.
</blockquote>
Депутат Ақмарал Әлназарованы алма бағындағы өнімнің жергілікті бағаны тұрақтандыруға әсері қаншалықты екені қызықтырды.
<blockquote>
 «Алма келесі жылдан бастап өнім береді. Біз алманы нарыққа шығарудан бөлек, алма шырынын дайындауға мән береміз. Жаңақорған, Шиелі ауданының нарығында алма бағасына әсер ететін болады», – деп жауап қатты Нұрдәулет Мақашов.
</blockquote>
Сенатор Мұрат Бақтиярұлы игілікті іс бастап, туған жердің гүлденуіне үлес қосып жүрген серіктестік басшысы Бағдәулет Мақашовтің игілікті ісі халықтың игіліне айналуына тілектестік білдіріп, келесі нысандарға жол тартты.
<img src="https://kyzylorda-news.kz/wp-content/uploads/2021/08/238649194_3250420828416552_3129121813458827391_n.jpg" alt="" />

ҚР Парламенті Сенат депутаттары Жаңақорған ауданына келді

<a href="https://kyzylorda-news.kz/">Kyzylorda-news.kz</a>. Қызылорда облысында мониторингтік топ мүшелері тамыз айының алғашқы күнінен бастап 130 карантин талабын бұзу дерегін анықтаған.
Қазіргі таңда аймақта мониторингтік топтың жұмысы күшейді. Аталған топ 12 803 нысанға рейд жүргізсе, нәтижесінде 545 карантин талабын бұзу жағдайы анықталды. Тәртіпке бағынбағандарға 37,7 млн. теңге айыппұл салынды.
Тамыз айында мониторнигтік топ 705 нысанға тексеру жұмыстарын жүргізген. Онда 130 карантин талабын бұзу жағдайын анықтап, 5,7 млн. теңге айыппұл арқалатты.
Індет өршіп, карантин талабын сақтау үздіксіз жүргізілгенімен халық арасында той өткізу тыйылар емес. Мобильдік топ мүшелері жұртшылыққа түсіндіру жұмыстарын жүргізіп, той иелерінен түсініктеме алып, жинақталған материалдар заңды шешім қабылдау үшін құзырлы органдарға жолданды.​

Қызылордада 130 карантин талабын бұзу дерегі анықталды

<a href="https://kyzylorda-news.kz/">Kyzylorda-news.kz</a>.&nbsp;Арал теңізінің құрғаған ұлтанында бұрын жүргізілген орман мелиорациялық екпелерді және алдағы уақыттарда орман мелиорациялық екпелер егу жоспарланған аумақтар бойынша көшпелі кеңес өтті.
Биылғы жылдың 10-12 тамызы аралығында ҚР ЭГжТРМ Орман шаруашылығы және жануарлар дүниесі комитеті төрағасының міндетін атқарушы Е.Құтпанбаев, Қызылорда облысы әкімінің орынбасары Б.Жаханов, «Республикалық орман селекциялық тұқым өсіру орталығы» РМҚК-ның директоры Ә.Ғазизұлы, Қызылорда облыстық орман шаруашылығы және жануарлар дүниесі аумақтық&nbsp; инспекциясы басшысының міндетін атқарушы И.Абдразахов, Қызылорда облысының табиғи ресурстар және табиғат пайдалануды реттеу басқармасы басшысының орынбасары Б.Оспанов болып, Арал теңізінің құрғаған ұлтанында бұрын егілген орман мелиорациялық екпелер және алдағы уақыттарда орман мелиорациялық екпелер егу жоспарланған аумақтар бойынша көшпелі кеңес өткізді.
Көшпелі кеңес жұмысы 10 тамыз күні Қызылорда облысы әкімдігінде басталды. Осы күні&nbsp; кеңеске қатысушылар, Арал, Қазалы орман және жануарлар дүниесін қорғау жөніндегі мемлекеттік мекемелерінің материалдық-техникалық базасымен танысты.
Келесі күні көшпелі кеңеске қатысушылар Арал теңізінің құрғаған ұлтанында Арал орман мекемесі Қасқақұлан орманшылығының № 83 орамында орналасқан 2013 жылғы 2580 гектар, № 87 орамында орналасқан 2019 жылғы 5000 гектар орман екпелерімен танысты.
Кеңеске қатысушылар, биылғы жылға жоспарланған 100 мың гектар жерге әуеден тұқым себілетін аумақтарда және Су қорынан Арал орман мекемесіне берілген 500 мың гектар жер учаскелерінде болды.
Сонымен қатар көшпелі кеңес мүшелері «Республикалық орман селекциялық тұқым өсіру орталығы» РМҚК-ны Оңтүстік-батыс аймақ филиалының орман тұқымбағында биыл атқарылған жұмыстармен танысты.
<img src="https://kyzylorda-news.kz/wp-content/uploads/2021/08/1-10.jpg" alt="" />
<img src="https://kyzylorda-news.kz/wp-content/uploads/2021/08/3-6.jpg" alt="" />
<img src="https://kyzylorda-news.kz/wp-content/uploads/2021/08/4-4.jpg" alt="" />

Арал теңізін орманшылар да құтқара алады

<a href="https://kyzylorda-news.kz/">Kyzylorda-news.kz</a>.&nbsp;Қызылорда облысында ұйымдастырылып жатқан «Автокөлік» жедел профилактикалық іс-шарасының үш күнінде Қызылорда облысының Полиция департаментімен автокөлікті заңсыз иемдену дерегі бойынша республика аумағында іздеуде жүрген&nbsp;1 адам облыс орталығында ұсталды.
Сонымен қатар, Қазақстан Республикасы Қылмыстық кодексінің 200 бабына сәйкес, автокөлікті жымқыру мақсатынсыз заңсыз иемденудің 3 дерегі тіркеліп, қылмыс жасаған күдікті тұлғалармен автокөлікті анықтау мақсатында облыс бойынша «Тосқауыл» арнайы іс-шарасы жарияланды.
Нәтижесінде, аталған қылмысты жасаған тұлғалар дер кезінде полиция қызметкерлерімен құрықталып, ұрланған автокөліктер иелеріне қайтарылды.
Атап айтқанда, Жаңақорған аудандық полиция бөлімінің қызметкерлері 17 тамыз күні кенттегі көшелердің бірінде 29 жастағы жергілікті тұрғынның басқаруындағы «ВАЗ- 2107» автокөлігін тоқтатып, жүргізушінің алкоголь&nbsp; өнімін ішіп басқарып жүргендігін анықтаған. Сараптама қорытындысымен «орта» дәрежелі масаң күйде жүргендігі үшін ҚР-сы ӘҚБтК-нің 608 – бабының 1 – бөлігінің талабына сай хаттама рәсімделіп, автокөлік автотұраққа&nbsp; қойылған.
Сол күні сағат 23-45 шамасында «102» арнасына хабарлама түсіп, белгісіз біреу автотұрақтың есігін бұзып, айдап кеткендігі жайлы хабарлаған. Аталған хабарлама бойынша оқиға орнына барған&nbsp; қызметкерлер аталған автокөліктің ішіп ұсталған азаматқа тиесілі екендігін анықтаған.
«Тосқауыл» арнайы іс-жоспары іске қосылып, полиция қызметкерлерімен автокөлік кент көшелерінің бірінде анықталып, қайта автотұраққа қойылды.
Күдікті өз жауабында істеген әрекеттерін масаң күйде жасағандығын толық мойындаған. Қазіргі таңда осы дерек бойынша сотқа дейінгі тергеп-тексеру амалдары жүргізілуде. Іс-шара жалғасын табуда.

Қызылордада мас жүргізуші өз автокөлігін ұрлап кеткен

<a href="https://kyzylorda-news.kz/">Kyzylorda-news.kz</a>.&nbsp;Жаңа оқу жылынан бастап педагогтарды жұмысқа қабылдаудың жүйесі өзгереді. Ал, 2022 жылдың қаңтарынан балабақша мен мектеп, колледж мұғалімдерінің жалақысы тағы 25%-ке өседі. Бұл туралы Білім және ғылым министрі Асхат Аймағамбетов тамыз кеңесінде мәлімдеді.
Бас ұстаздың айтуынша, осыған дейін мұғалімдерді мектеп директоры қабылдаса, қазір олар электронды форматта конкурстан өтеді. Сонымен қатар мектеп директорларын тағайындау жолы өзгермек. Жаңа тағайындау жүйесі жетекшілердің жұмыс тиімділігін арттырады. Себебі, бір орында 25-30 жыл табан аудармай істеген басшылар бар. Әрі мектеп басшылығының жалақысы да көтерілетін болады. Сондай-ақ бұдан былай мұғалімдердің біліктілігін бес жылда бір рет емес, екі немесе үш жылда бір өткізілуі мүмкін.
<blockquote>
 «Қыркүйектен бастап білім беру мекемелерінің директорларына алғаш рет ротация енгізіледі. Ротация маңызды қадам болып есептеледі. Бұйрыққа қол қойылды. Ол қыркүйекте өз күшіне енеді», – дейді Асхат Аймағамбетов.
</blockquote>
Білім және ғылым министрінің айтуынша, колледждерге академиялық дербестік берілді. Енді олардың өздері жұмыс берушілермен бірлесіп, білім беру бағдарламаларының мазмұны мен оқу мерзімдерін айқындайтын болады. Білім беру бағдарламалары студенттерге қажетті білім алып, қысқа мерзімде жұмысқа орналасуға мүмкіндік береді.

Жаңа оқу жылынан бастап мұғалімдердің жалақысы өседі

<a href="https://kyzylorda-news.kz/">Kyzylorda-news.kz</a>. Биыл аса қауіпті 16 түрлі жұқпалы ауруларға республикалық бюджет есебінен 6 311 200 доза ветеринариялық препарат қаралған. Бүгінде оның облысқа 6 095 500 дозасы жеткізілді. Алдын ала егу жұмыстары 86,7 пайызға орындалды. Бұл туралы бүгін Өңірлік коммуникациялар қызметінде өткен баспасөз мәслихатында облыстық ветеринария басқармасының басшысы Шахмардан Қойшыбаев мәлімдеді.
Ал, жануарлардың 6 түрлі энзоотиялық ауруларына облыстық бюджеттен 226,5 млн. теңге қаржы бөлініп, қажетті ветеринариялық препараттар толық сатып алынды. Қазіргі кезде оның 88,2 пайызы орындалды. Сонымен қатар, диагностикалық тексерудің нәтижесінде, бруцеллез ауруы болып анықталған 42 бас ірі қара малы, 177 бас уақ мал ветеринариялық-санитариялық талаптарға сәйкес уақытылы сойылды. Бүгінде облыста ветеринариялық қауіпсіздікті қамтамасыз ету, эпизоотиялық тұрақтылықты сақтау мақсатында тиісті шаралар уақытылы атқарылуда.
<blockquote>
 «Бірдейлендіру жұмыстары да бір ізге түсуде. Бүгінгі күнге ақпараттық жүйеде 382,3 мың бас ірі қара малы, 836,2 мың бас уақ мал, 175,6 мың бас жылқы, 57,9 мың бас түйе, 1,5 мың бас шошқа, 810 бас тақтұяқтылар тіркелген. Биыл 376,5 мың дана құлақ жапсырмаларына берілген тапсырыс ҚР ауыл шаруашылығы Министрлігі тарапынан бөлінбей отыр», – деді басқарма басшысы.
</blockquote>
Айта кету керек, жыл басынан бері 28351 дана ветеринариялық анықтамалар беріліп, «Бірыңғай автоматтандырылған басқару жүйесі» арқылы рәсімделді.
Шахмардан Сұлтанбекұлының айтуынша, барлық ауылдық округтерде мал өлекселері мен биологиялық қалдықтарды тастайтын 146 типтік жобадағы мал қорымдары қажет. Қазіргі күні 90 типтік жобадағы мал қорымдары пайдаланылса, қалған 56 қарапайым шұңқырлар. Алдағы 3 жылда 56 мал қорымы салынбақ.

Қызылордаға жұқпалы ауруларға қарсы ветеринарлық препараттар жеткізілді

<a href="https://kyzylorda-news.kz/">Kyzylorda-news.kz</a>. «Қызыл ай» қоғамының Қызылорда облыстық филиалы гуманитарлық салада белсенді жәрдемдесетін бірден бір қоғамдық мекеме. Мәселен, өткен жылы денсаулық жағдайымен тіркеуде тұрған азаматтарға медициналық заттармен 1 млн теңге көлемінде көмек көрсеттіліп, әлеуметтік тұрмысы төмен 100 отбасына азық-түлік себеттері таратылды. Өңірлік коммуникациялар қызметінде бүкіләлемдік гуманитарлық күніне орай өткен арнайы брифингте ҚР «Қызыл ай» қоғамының ҚОФ өкілі Әділбек Тәңірбергенұлы ұйымның атқарып жатқан жұмыстары туралы баяндап берді.
Былтырғы жылы «Қызыл ай» қоғамы асыраушысынан айрылған 71 бүлдіршінге киім-кешек үлестіріп, 100 ден астам балаға оқу кұралдарына арналған сертификаттар берген. Сондай-ақ, елімізде орын алған пандемияға байланысты аймағымыздағы Ұлттық экспертиза орталығына «COVID 19» тестілеуге арналған 15 дана рентгенті және 8000 дана тампон зонд беріліп, 8 тыныс алу аппараттары жөнелтілді. Сонымен қатар, «Beiersdorf» ЖШС-нің қолдауымен облыстың алты медициналық ұйым персоналына карантин кезінде 1200 дана «NIVEA» кремі тегін таратылды.
<blockquote>
 «ҚР «Қызыл Ай» Қоғамы 2005 жылдан бастап Біріккен Араб Әмірліктерінің Қызыл Жарты Айымен бірлесіп Қазақстандағы жетім балаларды қаржылай қолдаудың арнайы бағдарламасын жүзеге асырып келеді. Бүгінгі күні ел бойынша 3 мыңнан, ал Қызылорда облысы бойынша 300-ден астам бала арнайы жәрдемақыны алуда. Сол сияқты ҚР «Қызыл Ай» Қоғамы бірқатар ірі Халықаралық және Отандық компаниялармен бірлесе жұмыс жүргізіп, көмекке мұқтаж адамдардың өміріне оң әсер етудің үлгісі болып келеді. Мысалы, Nestle, METRO компанияларының қолдауымен жалғызбасты зейнеткерлерге, көп балалы отбасыларға, мүгедектерге, жалғызбасты аналарға және басқа да осал топтарға азық-түлікпен, Procter & Gamble және LC Waikiki-мен бірге қажетті тауарлармен, киім-кешекпен көмек көрсетті. Аталған көмекті Қызылорда облысының тұрғындары да алды. Сонымен қатар, жақында өткен Құрбан айт мерекесіне орайластырып 4 ірі қара мен 1 уақ мал құрбандыққа шалынып, тұрмысы төмен отбасыларына таратылды» – деді Әділбек Тәңірбергенұлы.
</blockquote>

«Қызыл ай»: Қызылордада жан-жақты көмек көрсетілуде

<a href="https://kyzylorda-news.kz/">Kyzylorda-news.kz</a>. Қызылорда қаласының орталығында орналасқан үйінің ауласын ірі көлемдегі есірткі алқабына айналдырған 48 жастағы тұрғын ұсталды
Ағымдағы жылы 16 тамыз күні&nbsp; Қызылорда облысы Полиция департаментінің&nbsp; Есірткі қылмысына қарсы іс-қимыл басқармасымен жүргізілген жедел іздестіру іс-шараларының нәтижесінде Қызылорда қаласының 48 жастағы тұрғыны есірткінің заңсыз айналымымен айналысқаны үшін ұсталды.
Оның тұрғылықты мекен-жайының ауласына қарап-тексеру жұмыстарын жүргізу барысында әрқайсысы 3-4 метр биіктікке дейін өсіріліп, бапталған мың түптен аса сора өсімдігі анықталды.
Одан бөлек, сора өсімдігін кептіріп, дайындалған 2 қапқа және көлемі 5 литр болатын 5 дана пластикалық ыдысқа нығыздалып, салынған өзіне тән ерекше хош иісі бар есірткі затына ұқсас шөп ұнтақтары анықталып, заттай дәлелдеме ретінде алынды.
Тағайындалған сараптаманың қорытындысына сәйкес, жалпы салмағы 320 келіден асатын 1089 түп сора өсімдігі және 4 келіден асатын марихуана есірткі затына жататынын бекіткен.
Аталған азамат күдікті ретінде танылып, одан жауап алу барысында аса ірі көлемдегі есірткіні өзі тұтынатынын, арасында көлеңке жолмен қаражат табу мақсатында сататынын көрсеткен.
Қазіргі уақытта күдікті Қызылорда қалалық Полиция басқармасының уақытша ұстау абақтысына қамаққа&nbsp; алынып, Қазақстан Республикасы &nbsp;Қылмыстық кодексінің&nbsp; 300-бабының 2-бөлігімен (Құрамында есiрткi заттар бар, өсiруге тыйым салынған өсiмдiктердi заңсыз егіп-өсіру) және 296-бабының 4-бөлігіне (Аса ірі мөлшердегі есiрткi, психотроптық заттарды, сол тектестерді өткізу мақсатынсыз заңсыз дайындау, қайта өңдеу, иемдену, сақтау, тасымалдау) сәйкес тергеп-тексеру амалдары жүргізілуде.

Қызылордада ауласын есірткі алқабына айналдырған тұрғын ұсталды

<a href="https://kyzylorda-news.kz/">Kyzylorda-news.kz</a>.&nbsp;Қызылорда облыстық психикалық денсаулық орталығының психолог маманы Динара Айбосынова халықты ұжымдық иммунитет қалыптастыруға шақырады.
<blockquote>
 «Өздеріңізге белгілі, соңғы бір айдың ішінде облысымыз эпидемиологиялық ахуалға байланысты «Қызыл аймақта». Қазіргі күні дертке шалдыққан азаматтар модульдық жұқпалы аурулар ауруханаға тасымалдануда. Жаңадан ашылған медициналық нысан толықтай қажетті құрал-жабдықтармен қамтамасыз етілгенін айта кеткен жөн. Сонымен қатар коронавирус індетін жеңудің жалғыз ғана жолы бар екендігін еске салғым келеді. Бүгінде облысымыздағы екпе алуға жататын тұрғындардың 63 пайыздан астамы вакцина қабылдаған. Ендігі кезекте осы көрсеткішті көбейтіп, ұжымдық иммунитет қалыптастыруға атсалысуымыз қажет», – дейді облыстық психикалық денсаулық орталығының психолог маманы Динара Айбосынова.
</blockquote>

Динара Айбосынова: Ұжымдық иммунитет қалыптастыруға атсалысуымыз қажет

<a href="https://kyzylorda-news.kz/">Kyzylorda-news.kz</a>.&nbsp;Қызылорда облысында эпидемиологиялық ахуал тұрақтамай тұр. Осыған орай аймақтың медицина саласының мамандары тұрғындардан сақтыққа салғырт қарап, індеттің өршуіне бейқамдық танытпауды сұрайды. Өңірлік коммуникациялар қызметінде өткен баспасөз конференциясында облыстық психикалық денсаулық орталығының мейірбикесі Мақпал Мүсіркегенова көпшілікті сақтық шараларын сақтауға шақырып, індетке қарсы екпе алуға үндеді.
<blockquote>
 «Мен коронавирус дертін емдеу жолында еңбек етіп келе жатқан мейірбикемін. Қазір бізге үлкен жауапкершілік жүктеліп отырғанын білемін. Сол себепті алғашқылардың бірі болып екпе салдырдым. Бүгінгі күні денсаулығыма қатысты кінәрат жоқ. Бүгінде әлем елдері бойынша коронавируспен күрес жалғасып келеді. Бұл індетті екпе салдыру арқылы ғана ауыздықтау мүмкін болып тұр. Сондықтан жерлестерімді вакцина салдыруға шақырғым келеді. Саулық – сақтықта екенін ұмытпаған жөн», – деді М.Ерханқызы.
</blockquote>
Сонымен қатар облыстық психикалық денсаулық орталығының мейірбикесі әлемдік тәжірибе көрсеткендей, тұрғындарының басым бөлігі вакцина қабылдаған мемлекеттерде эпидемиологиялық ахуал жақсарғанын атап өтіп, тұрғындарды екпеге қатысты алып қашпа сөзге емес, мамандар кеңесіне құлақ асуға шақырды.

Қазақстан және Қызылорда облысының жаңалықтары

Қызылордада су даярлығы бойынша оқу-жаттығу жалғасуда

Министрлік «Алтын белгі» алу талаптарын қатаңдатады

ҚР Парламенті Сенат депутаттары Жаңақорған ауданына келді

Қызылордада 130 карантин талабын бұзу дерегі анықталды

Арал теңізін орманшылар да құтқара алады

Қызылордада мас жүргізуші өз автокөлігін ұрлап кеткен

Жаңа оқу жылынан бастап мұғалімдердің жалақысы өседі

Қызылордаға жұқпалы ауруларға қарсы ветеринарлық препараттар жеткізілді

«Қызыл ай»: Қызылордада жан-жақты көмек көрсетілуде

Қызылордада ауласын есірткі алқабына айналдырған тұрғын ұсталды

Динара Айбосынова: Ұжымдық иммунитет қалыптастыруға атсалысуымыз қажет

Мақпал Мүсіркегенова: Саулық – сақтықта екенін ұмытпаған жөн

Қазақстан және Қызылорда облысының жаңалықтары

Қызылордада су даярлығы бойынша оқу-жаттығу жалғасуда

Министрлік «Алтын белгі» алу талаптарын қатаңдатады

ҚР Парламенті Сенат депутаттары Жаңақорған ауданына келді

Қызылордада 130 карантин талабын бұзу дерегі анықталды

Арал теңізін орманшылар да құтқара алады

Қызылордада мас жүргізуші өз автокөлігін ұрлап кеткен

Жаңа оқу жылынан бастап мұғалімдердің жалақысы өседі

Қызылордаға жұқпалы ауруларға қарсы ветеринарлық препараттар жеткізілді

«Қызыл ай»: Қызылордада жан-жақты көмек көрсетілуде

Қызылордада ауласын есірткі алқабына айналдырған тұрғын ұсталды

Динара Айбосынова: Ұжымдық иммунитет қалыптастыруға атсалысуымыз қажет

Мақпал Мүсіркегенова: Саулық &#8211; сақтықта екенін ұмытпаған жөн

Мақпал Мүсіркегенова: Саулық – сақтықта екенін ұмытпаған жөн