<a href="https://kyzylorda-news.kz/date/2020/09/07/">Kyzylorda-news.kz.</a> Арал ауданының әкімдігінде Мемлекет басшысы Қасым-Жомарт Тоқаевтың «Жаңа жағдайдағы Қазақстан: іс-қимыл кезеңі» атты Жолдауында айқындалған басымдықтарды түсіндіру мен насихаттауға және оны жүзеге асыруға арналған актив жиыны өтті.
Активке аудан әкімінің орынбасарлары, аппарат басшысы, аудандық мәслихат хатшысы мен депутаттары, мекеме, бөлім басшылары, аудан ардагерлері, үкіметтік емес ұйым және БАҚ өкілдері және онлайн форматта кент, ауылдық округ әкімдері қатысты.
Президент Қасым-Жомарт Тоқаев Қазақстан халқына арнаған Жолдауында еліміздің бар­лық үш билік тармағы, қоғам мүшелері үшін алдағы уақыттағы дамудың мақсаттары мен міндет­терін айқындады. Жолдауда көрсетілген міндеттер қоғамдық өмірдің барлық салаларын нақты қамтумен ерекшеленді. Бір сөзбен айтқанда, Мемлекет басшысының Жолдауы – болашаққа бағдарланған өрлеуді, жаңаша дамуды көздейтін бағдарламалық құжат.
Актив жиынында аудан басшысы Мұхтар Оразбаев осынау маңызы зор Жолдау жүктеген міндеттерге қатысты сөз қозғады.
<blockquote>
 «Президент өз Жолдауында пандемия кезеңінде әлемдік дағдарыстан шығудың даңғыл жолын дер кезінде атап көрсетті. Жаңа құжат 11 басым бағыттан тұрады»,- дей келе, маңызды құжаттың негізгі міндеттеріне жеке-жеке тоқталып, жолдаудан туындайтын бірқатар шараларды жүзеге асырудың жолдарын ұсынып, тиісті сала басшыларына бірқатар тапсырмалар берді.
</blockquote>
Актив отырысында аудандық мәслихат хатшысы Д.Мадинов, аудандық ауылшаруашылығы бөлімінің басшысы С.Нұрғалиев, аудандағы медицина саласының кәсіподақ ұйымының төрағасы, аудандық мәслихаттың депутаты А.Асанбаев және №83 қалалық орта мектептің қазақ тілі мен әдебиеті пәнінің мұғалімі Ш.Сарманова баяндама жасап, Жолдауда белгіленген бағыттар бойынша баяндама жасап, өз ой-ұсыныстарын айтып, қолдау біл­­дірді.
Жиынды қорытындылаған аудан әкімі сөз соңында Жолдауда берілген басым бағыттарды орындауға жұмыла кірісіп, сапалы жұмыс атқаруға шақырды.
<img src="https://kyzylorda-news.kz/wp-content/uploads/2020/09/118935550_2761789647482737_3717475026237870008_o.jpg" alt="" />
<img src="https://kyzylorda-news.kz/wp-content/uploads/2020/09/119003663_2761789684149400_26663321000315366_o.jpg" alt="" />

Аралда Жолдау жүктеген міндеттер талқыланды

<a href="https://kyzylorda-news.kz/date/2020/09/07/">Kyzylorda-news.kz.</a> Қызылордада айласын асырған алаяқ әйел ұсталды.
Қызылорда облысы Полиция департаментімен алаяқтық қылмыстарының алдын алу және болдырмау бағытында атқарылып жатқан жүйелі жұмыстарға &nbsp;қарамастан, облыс көлемінде өзгенің меншігін алаяқтық жолмен иелену арқылы азаматтардың құқына қол сұғу деректері әлі де орын алуда. Мәселен, кеше, 3 қыркүйек күні полицияға алаяқтың арбауына түскен Қызылорда облысы Талдыарал елді – мекенінің 50 жастағы тұрғыны арызданды. Азаматтың айтуынша, облыс орталығының тұрғыны 53 жастағы азаматша “балаңды Ақтөбе қаласындағы медициналық жоғары оқу орнына грантқа түсіріп беремін” деп,900 мың ақшасын алған.
Полицейлер &nbsp;жүргізілген жедел шаралар нәтижесінде “ізін суытпай”&nbsp;жеңілдің астымен, ауырдың үстімен жүріп, алдап пайда табушы әйелді қолға түсірді.
Қазіргі уақытта оқиғаның барлық мән-жайлары түбегейлі тексеріліп, Қазақстан Республикасы Қылмыстық кодексінің 190-бабының &nbsp;1-бөлігімен (Алаяқтық) сотқа дейінгі тергеп –тексеру амалдары жүргізілуде.

Қызылордада айласын асырған алаяқ әйел ұсталды

<a href="https://kyzylorda-news.kz/date/2020/09/07/">Kyzylorda-news.kz.</a> Жоғары оқу орнындарына жергілікті атқарушы органдардың білім грантына өтініштерді қабылдау ертең аяқталады. Бұл туралы ҚР БҒМ Жоғары және жоғары оқу орнынан кейінгі білім беру департаментінің директоры Әділет Тойбаев айтты, деп хабарлайды <a href="https://lenta.inform.kz/kz/akimderdin-bilim-grantyna-otinish-kabyldau-erten-ayaktalady-kr-bgm_a3691756">ҚазАқпарат</a>.
<blockquote>
 «Білім және ғылым министрлігі тарапынан белгілі бір көлемде әртүрлі бағыт бойынша грант бөлінеді. Әртүрі жергілікті атқарушы органдар атынан да гранттар бөлініп жатыр. Осы гранттарға конкурсқа бүгін және ертең өтініштер өткізуге болады. Жоғары оқу орындарында өтініштерді виртуалды қабылдау комиссиялары бар. Олар әлі жұмыс істеп жатыр. Осы вируталды комиссиялар арқылы белгілі бір әкімдіктің грантына өтініш беруге болады. Оларды қабылдау ертең кешке дейін жалғасады», – деді ол.
</blockquote>
Сонымен қатар департамент басшысы ертеңнен бастап 2020-2021 оқу жылына арналған магистратура грантын ұтып алған үміткерлер жоғары оқу орнына барып,&nbsp;құжаттарын өткізу керектігін айтты.
<blockquote>
 «Сонымен қатар ЖОО-ға бармай-ақ виртуалды комиссиялар арқылы өткізуге болады.Жалпы, магистранттарға оқу жылы коронавирус індетіне байланысты 14 қыркүйектен басталады. Демек, келесі дүйсенбіден бастап барлық сабақ басталады және қашықтан оқыту технологиясы негізінде жүргізіледі. Тек техникалық бағыттардың зертханалық дәрістері аралас форматында болады. Бірақ, ол қазан айынан басталады», – деді Әділет Тойбаев.
</blockquote>

Әкімдердің білім грантына өтініш қабылдау ертең аяқталады

<a href="https://kyzylorda-news.kz/date/2020/09/07/">Kyzylorda-news.kz</a>. Жүйе іске қосылған 2017 жылдың 1 шілдесінен 2020 жылдың 31 тамызына дейінгі аралықта Қызылорда облысының тұрғындары әлеуметтік медициналық сақтандыру қорына 11,6 млрд. теңге аударды, оның 9,9 млрд. теңгесі (85,3%) жұмыс берушілердің аударымдары болса, қалған 1,7 млрд. теңге (14,7%) – жеке кәсіпкерлер мен азаматтық-құқықтық келісімшарт негізінде еңбек ететін тұлғаларға тиесілі.
«Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетовтің айтуынша жарна төлеу жағынан Қызылорда қаласы, Шиелі мен Жанақорған аудандар көш бастап тұр.
Жинақталған қаржы сенімгерлік басқару туралы келісім бекітілген Ұлттық банкте сақталады және МӘМС пакеті шеңберіндегі қызметтер ақысын төлеуге жұмсалуда.

Қызылордалықтар МӘМС қорына 11,6 млрд. теңге аударды

<a href="https://kyzylorda-news.kz/date/2020/09/07/">Kyzylorda-news.kz</a>. Облыс әкімінің орынбасары Серік Сүлейменов Жаңақорған кентіндегі «Маи бекеті» мөлтек ауданында жаңадан салынып жатқан 300 орындық және Б.Байкенжеев көшесінің бойындағы 600 орындық №169 мектептің құрылыс жұмыстарымен танысты.
Облыс әкімінің орынбасары алдымен (жоба құны 832 066,4 мың теңге) Жаңақорған кенті, «Маи бекеті» мөлтек ауданында жаңадан салынып жатқан 300 орындық мектептің құрылысын көрді. Мердігер мекеме «Қазқұрылыссервис» ЖШС өкілі құрылыс жұмыстарының жай – күйі жайында баяндады.
<blockquote>
 “Осы жылдың наурыз айында мектептің жер қазу, іргетасын қалау жұмыстарына облыстық бюджеттен 100 млн теңге қаржы бөлінді. Нысанды пайдалануға беру мерзімі 2021 жылға жоспарланған, алайда мердігер компания басшылығы «Үстіміздегі жылдың сәуір айында мектеп құрылысын осы жылдың аяғына дейін аяқтап, толық пайдалануға беріледі» деп маған хат жолдаған болатын. Бүгінгі таңда құрылыс жұмыстарының баяу жүргізіліп отырғандығы алаңдатушылық тудырып отыр. Осыған байланысты үстіміздегі жылдың 1 қазанға дейін мектептің бірінші қабатын, ал 1 желтоқсанға дейін екінші қабатын аяқтап, шатырын жабуды тапсырамын”, – деді облыс әкімінің орынбасары Серік Сүлейменов.
</blockquote>
Мұнан кейін облыс әкімінің орынбасары Жаңақорған кенті, Б.Байкенжеев көшесінің бойындағы 600 орындық №169 мектеп ғимаратының құрылысы барысымен танысты. Құрылыс компания өкілі бүгінгі таңда бөлінген қаржының 201000 мың теңгесі игерілгенін, яғни мектептің жер учаскесінде жер жұмыстарын қазу, ыза суды жою, қазылған котловандарды қиыршақ таспен толтыру және ВЛ – 10 кв жоғарғы кернеулі әуе электр желісін тарту жұмыстары атқарылғандығын баяндады.
Облыс әкімінің орынбасары Серік Сүлейменов атқарылған жұмыстарды толық тыңдап, құрылыс жұмыстарына қосымша жұмысшылардың санын екі – үш есеге көбейтуді сондай ақ, қараша айына дейін мектептің екі қабатының, желтоқсан айына дейін мектеп ғимаратының үшінші қабатын толығымен аяқтап, шатырын жабу қажеттігін тапсырды.Нысанды пайдалануға беру мерзімі 2021 жыл, жалпы жобалық құны – 2 117 372 мың теңге.
Айта кету керек, қазіргі қолданыстағы №169 Н.Илялетдинов атындағы орта мектептің оқу процесіне пайдалануға жарамсыздығы және жаңадан салынатын 600 орындық мектеп ғимаратын орналастыруға құрылыс нормативтеріне сәйкес жер көлемі жеткіліксіз, сонымен қатар, қазақ – орыс орта мектебіне баратын оқушылардың басым бөлігі негізінен теміржолдың батысынан және кент орталығынан болғандықтан 600 орындық қазақ – орыс орта мектептің құрылысына Бексұлтан Байкенжеев көшесінің бойындағы орталық стадион жанындағы бос жер учаскесі таңдалған. Себебі, осы таңдалған жер учаскесі толық инфрақұрыммен (газ, ауыз су, электр желісі, байланыс желісі, аяқ сумен) қамтылған.
<img src="https://kyzylorda-news.kz/wp-content/uploads/2020/09/118886541_2704258506489162_7514488276920274839_n.jpg" alt="" />
<img src="https://kyzylorda-news.kz/wp-content/uploads/2020/09/118865617_2704258413155838_7771965895831862492_n.jpg" alt="" />

Қызылорда облысы әкімінің орынбасары Жаңақорғанға барды

<a href="https://kyzylorda-news.kz/date/2020/09/07/">Kyzylorda-news.kz.</a> Бүгін «Nur Otan» партиясының праймеризіне қатысып жатқан үміткерлер ережеге сәйкес үгіт жұмыстарына көшті.
Аты айтып тұрғандай бұл кезеңде кандидаттар өздерін жан-жақты көрсетуге тырыспақ. Алайда үгіт насихат жұмыстары праймериз ережесіне сәйкес жүргізілуі тиіс.
Атап өту керек кандидаттар бұл кезеңде онлайн форматтардағы кездесулер ұйымдастыруына, сондай-ақ, өздерінің үгіт материалдарын таратуға болады. Ал үгіт материалдарын жапсыруға және баннерлер орнатуға ережемен тыйым салынғандығын естен шығармаған жөн.
Бір атап өтерлігі үгіт кезеңіндегі негізгі шаралардың бірі, бұл жария дебаттар. Бұған барлық кандидаттар қатысуға міндетті. Жария дебаттардың кестесі, бөлінісі, сондай-ақ, өткізілетін орны мен уақыты бүгін облыстық партия филиалының әлеуметтік желілердігі ресми аккаунтарында қосымша жарияланатын болады.

Қызылордалық кандидаттар үгіт жұмыстарын бастады

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев 2020 жылдың 1 қыркүйегіндегі Қазақстан халқына Жолдауында сыбайлас жемқорлықпен күресу мәселесіне ерекше тоқталды.
Бұл ретте, орталық және жергілікті органдардың нормативтік құқықтық актілеріне сыбайлас жемқорлыққа қарсы сараптама жүргізу ісін қайта қалпына келтіру қажеттігін, оған сарапшылар мен қоғам өкілдері де атсалысуы тиістігін және Сыбайлас жемқорлыққа қатысты қылмыс жасалған мекеменің бірінші басшысының жауапкершілігін заңнамалық және нормативтік тұрғыдан нақты белгілеу керектігін атап өтті.
Мемлекет басшысының бастамасымен өткен жылдың соңында жұртшылықты кеңінен тарта отырып, нормативтік құқықтық актілердің жобаларына сыбайлас жемқорлыққа қарсы ғылыми сараптаманы қалпына келтіру бойынша заңнамалық түзетулер енгізілген болатын.
Аталған бастама заң шығару процесінде сыбайлас жемқорлық тәуекелдерінің таралуына байланысты уақтылы алдын алу шарасы болып табылады.
Қазіргі уақытта нормативтік құқықтық актілердің&nbsp; жобаларына&nbsp;&nbsp; сыбайлас жемқорлыққа қарсы ғылыми сараптама жүргізуге дайындық жұмыстары пысықталуда.&nbsp;
Сонымен қатар, Қазақстан Республикасы Президенті 2019 жылдың 26 қарашасында «Мемлекеттік қызмет және сыбайлас жемқорлыққа қарсы іс-қимыл мәселелері бойынша Қазақстан Республикасының кейбір заңнама актілеріне өзгерістер мен толықтырулар енгізу туралы» Заңға қол қойды.
Айта кету керек, бұл норма Қазақстан Республикасы Президенті Қасым-Жомарт Тоқаевтың тікелей тапсырмасымен заңға енгізілген.
Бұдан былай, саяси мемлекеттік қызметшілер –&nbsp; министрлер мен олардың орынбасарлары, облыстардың, Нұр-Сұлтан, Алматы, Шымкент қалалары мен облыс әкімдері мен олардың орынбасарлары, аудандар әкімдері олардың тікелей бағынышты қызметкерлері сыбайлас жемқорлық құқық бұзушылық жасаса міндетті түрде отставкаға шығуға сұрану керек.
«Заңның жаңа редакциясына сәйкес, бірінші басшы оның тікелей бағынышты тұлғасына қатысты соттың айыптау үкімі күшіне енгеннен соң күнтізбелік 10 күн ішінде немесе ақталмайтын негіздер бойынша қылмыстық іс тоқтатылғаннан кейін отставкаға сұрануға міндетті».
«Мемлекеттік қызмет туралы» Заңға сәйкес, мемлекеттік қызметшіні осы лауазымға тағайындаған лауазымды тұлғаға орнынан кету туралы өтініш жіберіледі. Отставканы қабылдау немесе қабылдамау – бұл саяси қызметкерді қызметке тағайындаған адамның құзыреті.
Сонымен қатар, Мемлекет басшысы қол қойған заңда басшыларға бағынышты қызметкерлердің сыбайлас жемқорлық құқық бұзушылық жасауының алдын алу міндеті енгізілген. Бұл міндеттің орындалмауы немесе тиісінше орындалмауы басшының тәртіптік жауапкершілігіне әкеліп соғады.&nbsp;&nbsp;&nbsp;&nbsp;&nbsp;&nbsp;
Сыбайлас жемқорлыққа қарсы тиімді шаралардың бірі бұл алдын алу шаралары яғни, жемқорлықтың алдын алу, оны мейлінше азайту мемлекеттік саясаттың да басымды бағыттарының бірі.
Осы бағытта Қазақстан Республикасының Сыбайлас жемқорлыққа қарсы&nbsp; іс-қимыл агенттігінің (Сыбайлас жемқорлыққа қарсы қызмет) сыбайлас жемқорлықтың алдын алу бағытында жүйелі шаралар жүргізіліп келеді.
Қоғамның дертіне айналған сыбайлас жемқорлық – мемлекеттің биліктің жоғарғы эшалондарынан бастап қарапайым қатардағы қызметкерлердің деңгейіне дейін көрініс тапқандығы, тіпті сыбайлас жемқорлықтың тұрмыстық деңгейге дейін жетіп, санамызда қалыпты жағдай ретінде орын алуы, қоғамдағы өзекті өртеген мәселелердің негізгісіне айналғандығы шындық.
Мемлекет басшысының Жолдауынан туындайтын мақсаттар мен міндеттерді іске асыруда одан әрі аянбай еңбек етіп, жемқорлықтың алдын алу шараларын белсенді жүргізе бермекпіз.
Руслан ЯҒМУСОВ,
ҚР Сыбайлас жемқорлыққа қарсы іс-қимыл агенттігінің
Қызылорда облысы бойынша департаменті
басшысының орынбасары

Руслан Яғмусов: Президент жолдауы жемқорлыққа тосқауыл болады

<a href="https://kyzylorda-news.kz/date/2020/09/07/">Kyzylorda-news.kz.</a> Қазақстан Үкіметі ТЖ жағдайында медициналық сақтандыру жарналары бойынша берешектері қалыптасқан халықтың кейбір санаттарына МӘМС жүйесінде сақтандыру мәртебесін беру бойынша әлеуметтік медициналық сақтандыру қорының бастамаларына қолдау көрсетті.
<blockquote>
 «Біз әлеуметтік медициналық сақтандыру қорына келіп түскен өтініштерге талдау жасадық және азаматтардың сақтандырылған мәртебесінің болмауының негізгі себептерін анықтадық. Қазақстандықтардың бір бөлігі қатаң карантин мен төтенше жағдай кезінде МӘМС жүйесіне жарна төлеу мүмкіндігінен айрылды, оларға медициналық көмекке қол жеткізу үшін қолдау қажет болды. Қор Денсаулық сақтау министрлігі мен ҚР Үкіметі қолдаған осындай ұсыныстарды әзірледі», – деп атап өтті Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов.
</blockquote>
Талдау көрсеткендей, «сақтандырылған» мәртебесінің болмауының негізгі себебі 42,5 мың теңге мөлшерінде біржолғы әлеуметтік төлем алу үшін жеңілдікті санаттағы өкілдермен БЖТ төленуі болды. Осыған байланысты ақпараттық жүйелер оларды автоматты түрде БЖТ төлеушілер санатына ауыстырды. Тиісінше, олар «Saqtandyry» базасында жеңілдетілген санаттардан «шығарылды».&nbsp; Сондай-ақ, төтенше жағдай кезінде төлемдерінде үзілістер туындаған жалдамалы қызметкерлер, жеке кәсіпкерлер, жеке практикамен айналысатын тұлғалар МӘМС жүйесінен тыс қалды.
Осыған байланысты, Үкімет келесі шараларды қолдады:
– жалдамалы қызметкерлер соңғы 3 айда кемінде 1 төлем болған кезде және егер төлемдер бойынша берешек жыл басынан бері 2 айдан аспаса, МӘМС жүйесінде қалпына келтіріледі;
– жеке кәсіпкерлер, жеке практикамен айналысатын адамдар, сондай-ақ соңғы 3 айда төлем болған жағдайда, жыл басынан бастап 2 айдан аспайтын берешегі барлар (мемлекеттік кірістер комитетінің ресми ақпаратына сәйкес, олар қызметін тоқтатқан жағдайда) сақтандырылған адамдардың мәртебесін алады;
– ТЖ кезеңінде жеңілдік санатымен БЖТ төлегендердің&nbsp; төлемі есепке алынбайды және сақтандыру мәртебесі автоматты түрде қайтарылады;
– COVID-19-ға қарсы күрес шеңберіндегі шектеу іс-шараларына байланысты қызметкерлердің мәжбүрлі демалыстарда күтімсіз болған кезеңдері берешек ретінде есепке алынбайды. Бұл ретте табысты жоғалтудың дәлелі табыстың жоғалуына байланысты біржолғы әлеуметтік төлем алу болып табылады (42500 теңге).
<blockquote>
 «Бұл шаралар медициналық сақтандыру жүйесіне 740 мыңға жуық қазақстандықты қайтарды. Бұл санаттарды қосу жұмыстары әлі де жүргізілуде және үкімет шараларының арқасында сақтандырылғандар саны әлі де арта түседі. Осылайша, коронавирустық пандемияға байланысты табысынан айырылған немесе бенефициарлардың арасынан шыққан азаматтар медициналық сақтандыру жүйесіне қайтарылады және медициналық көмектің барлық көлемін ала алады», – – деп атап өтті Қор филиалының директоры.
</blockquote>
Мәртебені алу үшін азаматтарға қандай-да бір жерге барудың қажеті жоқ. Барлық деректер ақпараттық жүйелерде автоматты түрде жаңартылады.
Сондай-ақ, Қор уәкілетті министрліктермен бірлесіп, 2020 жылдың 1 қазанына дейін МӘМС жарналары мен аударымдарынан босатылған ШОБ-тың сақтандырылған қызметкерлеріне мәртебе беру бойынша жұмыс жүргізуде. Бұл 800 мыңнан астам жұмыскерге әсер етеді.
Сақтандыру мәртебесі бойынша сұрақтар туындаған жағдайда, Play Market және App Store-да орнатуға болатын «Qoldau&nbsp; 24/7» мобильді қосымшасы арқылы Әлеуметтік медициналық сақтандыру қорына жүгіну қажет.
<img src="https://kyzylorda-news.kz/wp-content/uploads/2020/09/vremen-statws-kaz.jpeg" alt="" />

МӘМС жүйесінен «шығарылған» қазақстандықтар, сақтандыру мәртебесіне ие болды

<a href="https://kyzylorda-news.kz/">Kyzylorda-news.kz.</a> Ипотека бойынша үй сатып алу үшін бәрібір ақша керек. Көптеген сатып алушылар үйді рәсімдеу мен жөндеуге кететін шығындардың жеке қаражатын ескереді. Бірақ алдымен жинақтауыңыз керек ақша – бұл алғашқы жарна.
Ең төменгі бастапқы жарна – 10%
Ипотека бойынша жылжымайтын мүлік сатып алу кезінде төленуі керек ең төменгі жарна 10%-ды құрайды. Ол тек халықтың әлеуметтік осал топтарының өкілдері үшін және “Бақытты отбасы” және “5-10-20” бағдарламалары аясында әкімдік кезегінде тұрғандар үшін тұрғын үй бағдарламалары аясында жұмыс істейді.
Осы бағдарламалардың талаптарына сәйкес, тұрғын үйдің шекті мөлшері елді мекеннің көлеміне байланысты 10-нан 18 миллион теңгеге дейін болуы керек.
Яғни, егер отбасы осы бағдарламалардың бірі бойынша, мысалы, 9 миллион теңгеге пәтер сатып алса, онда алғашқы төлем үшін алдымен 900 мың теңге жинақтауы керек. 7 миллионға – 700 мың, 15 миллионға – 1,5 миллион, 18 миллионға – 1,8 миллион теңге т.с.с.
Ең төменгі бастапқы жарна – 20%
Бұл ең төменгі алғашқы жарна жиі кездеседі. Атап айтқанда, “7-20-25” және “Баспана хит” бағдарламалары аясында.
Олардың шарттарына сәйкес, қазақстандықтар бірінші бағдарлама бойынша тек жаңа үй, екіншісі бағдарлама бойынша екінші деңгейлі тұрғын үйді елдің ірі қалаларында 25 миллионнан, ал кішігірім елді мекендерде 15 миллионнан аспайтын сомаға сатып ала алады.
10 миллион теңгеге баспана сатып алу үшін бастапқы жарнасына 2 миллион теңге, 15 миллион – 3 миллион теңге, 20 миллион – 4 миллион теңге жинауыңыз керек, 25 миллион теңгенің пәтерін сатып алу үшін 5 миллион теңге жинау керек т.с.с.
Бастапқы төлемі 20% болатын кейбір банктерде әртүрлі тұрғын үй бағдарламаларынан тыс ипотека алуға болады. Бұл жағдайда тұрғын үйдің бағасы жоғары болуы мүмкін. Мысалы, 30 немесе 35 миллион теңге. Бұл жағдайда алғашқы төлем сәйкесінше 6 миллион немесе 7 миллион теңгені құрауы керек.
30% және одан жоғары
Банк пен ипотека өніміне байланысты ең төменгі ипотекалық төлем тұрғын үй құнының 50%-на дейін жетуі мүмкін. Бастапқы жарна кірісті растаумен 30%-ды құрауы тиіс, ал растаусыз немесе ішінара растаумен 50% болуы керек деген шарттар жиі кездеседі.
Мәселен, отбасы осындай ипотека арқылы 10 миллион теңгенің үйін сатып алмақшы. Егер қарыз алушының табысы толығымен расталса, алғашқы төлем 3 млн теңгені құрайды, ал егер жоқ болса, 5 млн теңге. Қымбат жылжымайтын мүлікпен бұл сома сәйкесінше артады. Бастапқы төлем 30%-бен 20 миллион теңгеге үй сатып алу үшін кем дегенде 6 миллион, ал 50 пайызға – кем дегенде 10 миллион теңге төлеу қажет.
Бастапқы жарнасыз
Жоғарыда аталған шарттар “Орда” тұрғын үй бағдарламасы үшін өте өзекті. Егер осы бағдарлама бойынша ипотека алуға шешім қабылдаған адамның үй құнының 30% салуға мүмкіндігі болмаса немесе расталған кірісі болмаса және 50% “алғашқы төлем” болмаса, онда ол ең төменгі төлемсіз ипотека ала алады. Ол үшін кепілге қосымша мүлік қою қажет болады.
<a href="https://kaz.nur.kz/1872923-ipotekamen-j-satyp-alu-sin-algasky-zarnaga-kansa-aksa-kazet.html">Kaz.nur</a>

Ипотекамен үй сатып алу үшін алғашқы жарнаға қанша ақша қажет?

&nbsp;&nbsp;&nbsp;&nbsp; <a href="https://kyzylorda-news.kz/date/2020/09/07/">Kyzylorda-news.kz.</a> Бүгінде полиция династиясын құрап отырған отбасылар баршылық. Солардың бірі, бір мамандыққа адалдық танытып, қоғам тыныштығы жолында күннің ыстық-суығына қарамастан еңбек етіп, қашанда темірдей тәртіпке бағынатын полицейлер&nbsp; Әбішовтер &nbsp;жанұясы.
Арал&nbsp; ауданының Полиция бөлімінің Ардагерлер кеңесінің төрағасы Әбішов &nbsp;Жайлаубай Жұмағұлұлы 1948 жылдың 7 қарашасында Қызылорда облысы Арал ауданы Райым ауылында дүниеге келген. 1955 жылы Қамбаш орта мектебіне оқуға қабылданып, 1966 жылы бітіріп шыққан.
1967-1969 жылдар аралығында Совет Армиясы қатарында әскери борышын өтеген. 1970 жылдың 29 қаңтарында Қызылорда облысының Арал аудандық ішкі істер бөліміне қызметке тағайындалған. 1981-1984ж.ж. ҚАЗ ССР Ауыл шаруашылық министрлігінің Қызылорда совхоз техникумын бітірген. 1990 жылдарға дейін уақытша ұстау камерасының бастығы, 1990-1997ж.ж. аймақтық учаскелік полиция инспекторы&nbsp;&nbsp; қызметін атқарып, 1997 жылы Ішкі істер органындағы 33 еңбек өтілімен аға лейтенант шенімен зейнеткерлікке шыққан.
Ардагер Жайлаубай Әбішов еңбек демалысына шыққанымен, баға жетпес тәжірибесін бөлімнің жас қызметкерлеріне үйретіп, бөлімнің Ардагерлер кеңесінің төрағасы қызметін атқаруда.
Ішкі істер органдары қатарында қызмет атқарған уақытта ҚР ІІО-ның «Мінсіз қызметі үшін» 1,2,3 дәрежелі төсбелгілері;1980 жылы «Милиция үздігі» төсбелгісі; 1980 жылы Қызылорда облысы Ішкі істер департаменті басқармасының «Алғыс хаты»; 1984 жылы Қызылорда облысы Ішкі істер департаменті басқармасының «Құрмет Грамотасы»; 1992 жылы ҚР ІІМ-нің «Үздік қызметі үшін» төсбелгісімен; 1995 жылы Арал аудандық ішкі істер бөлімінің «Құрмет грамотасы»; 1997 жылы Арал аудандық ішкі істер бөлімінің «Құрмет грамотасы»; 2007 жылы Қызылорда облыстық&nbsp; Ардагерлер кеңесінің «Құрмет грамотасы»; 2009 жылы Қызылорда облыстық ішкі істер Департаментінің «Құрмет грамотасы»; &nbsp;2011 жылы ҚР ІІО-мен ішкі әскерлер ардагерлері Қазақстандық кеңесінің «Құрмет грамотасы»; 2012 жылы Қызылорда облыстық Полиция департаментінің «Құрмет грамотасы»; 2012 жылы Арал ауданының Полиция бөлімінің&nbsp; «Алғыс хаты»; 2017 жылы Арал ауданы әкімінің «Алғыс хаты»; 2017 жылы ҚР ІІМ-нің «Қазақстан Полициясына 25 жыл» төсбелгісімен; 2018 жылы 18 мамырда ҚР ІІО мен Ұлттық Ардагерлер кеңесінің Президиумының қаулысымен «ҚР ІІО Құрметті ардагері» төсбелгісімен; 2019ж 20 наурызда&nbsp; Қызылорда ОПД-нің «Алғыс хатымен»; 2020 жылдың 30 сәуір күні Қызылорда ОПД-нің «Грамотасымен» сияқты орден-медальдарының иесі.
Жұбайы Ильясова Күлзипаш Беркенқызы екеуі 6 бала, 15 немере тәрбиелеп отыр.
Жайлаубай Әбішовтың баласы Талғат Әбішов те әке жолын қуып, 2010 жылы Қызылорда Болашақ университетінің «құқықтану» мамандығын бітірген. ҚР ІІО-ны қатарында 2004 жылдың қаңтар айынан Қызылорда облысы Мемлекеттік күзет басқармасының Арал қаласында орналасқан полиция взводының полицейі, 2011 жылдың&nbsp; желтоқсан айынан Арал аудандық ішкі істер бөлімінің жол-патрульді полиция тобының полицейі, бөлімнің сезіктілер мен қылмыс жасағандары үшін айыптаушыларды уақытша ұстау изоляторының кинолог-полицейі, бөлімнің жедел криминалистика тобының аға криминалисті қызметін абыроймен атқаруда.
Полиция капитаны Талғат Әбішовтың ҚР ІІО-ғы қызметі бағаланып&nbsp; 1-ші, 2-ші дәрежелі ҚР ІІМ-нің «Мінсіз қызметі» үшін төсбелгісімен, ҚР ІІО-ның «Үздік қызметі үшін» төсбелгісімен,ҚР ІІМ-нің «Жедел криминалистикасына 100 жыл» төсбелгісімен және Қызылорда облысы Полиция департаментінің, Арал ауданының Полиция бөлімінің «Грамота», «Алғыс хаттарымен» марапатталған.&nbsp;&nbsp;&nbsp;&nbsp;
Ол қызмет атқарған уақыт аралығында өзінің қызметтік міндеттері мен басшылар тарапынан берілген тапсырмаларды уақтылы орындайтын қызметкер ретінде көрсетіп келеді.&nbsp; Әке жолын қуған Талғат та, міне осылай өз саласында абырой биігінен көрінуде.Үлгілі отбасы, жұбайы Қуанышева Айгүл Шүленбайқызы екеуі 2 бала тәрбиелеуде.
«Отбасы күні» қарсаңында Қызылорда облысы Полиция департаментінің басшылығы және жеке құрамы полицейлер династиясы Әбішовтер жанұясына отбасылық бақыт, қызметте табыс және абырой тілейді.
<img src="https://kyzylorda-news.kz/wp-content/uploads/2020/09/whatsapp-image-2020-09-07-at-10.21.42-1.jpeg" alt="" />
<img src="https://kyzylorda-news.kz/wp-content/uploads/2020/09/whatsapp-image-2020-09-07-at-10.21.42.jpeg" alt="" />

Қызылорда: Полиция департаментінде 15 полицейлер династиясы қызмет атқарады

Kyzylorda-news.kz. ХХІ &nbsp;ғасыр &nbsp;– &nbsp;бұл &nbsp;ақпараттық &nbsp;қоғам &nbsp;дәуірі, &nbsp;технологиялық &nbsp;мәдениет &nbsp;дәуірі, &nbsp;кәсіби &nbsp;мәдениеттілікті, &nbsp;терең &nbsp;білім &nbsp;мен &nbsp;ізденісті &nbsp;талап &nbsp;ететін &nbsp;дәуір&nbsp; екендігі&nbsp; сөзсіз.
&nbsp; Жаңа әлемдегі жаңа Қазақстан үшін ең негізгі басымдықтың бірі – білім. Білім ғылымның іргетасы және мемлекет дамуының алтын арқауы. 2020-2021 жаңа оқу жылының қашықтан басталуы білім саласына айтарлықтай жаңашылдықтар енгізді.
Бүгінгі күні білім&nbsp;беру үрдісін ақпараттандыру – жаңа&nbsp;ақпараттық технологияларды пайдалану арқылы дамыта оқыту,&nbsp; оқу – тәрбие&nbsp; үрдісінің &nbsp;барлық&nbsp; деңгейлерінің&nbsp; &nbsp;сапасын&nbsp; жоғарылататыны сөзсіз.
Жаңа оқу жылында онлайн білім алуды іске асыру шеңберінде Қызылорда облысының білім басқармасына білім алушыларды компьютерлер, ноутбуктар және планшеттермен қамтамасыз ету үшін Қазақстан Республикасы Үкіметінің резерві есебінен 22870 дана құрылғы алу үшін 3&nbsp;456,4 млн. теңгеге бөлінді, аталған қаражат 3706 бірлік компьютер, 14362 бірлік ноутбук және 4802 планшет сатып алуға бөлінген.
Сатып алынатын техникалардың сапалы болуы мен бөлінген қаражаттың тиімді игерілуін&nbsp; қамтамасыз ету мақсатында өңірімізде ведомствоаралық жұмысшы топ құрылды.
Жұмысшы топ жетекшісі Қызылорда облысы әкімінің орынбасары&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; &nbsp;Н. Байқадамов, топ мүшелері: «Ақмешіт адалдық алаңы» жобалық кеңсесінің жетекшісі Ж.Тұсмағамбетов, облыстық арнайы мониторингтік топ жетекшісі Л.Бақтыбаева, қоғам белсенділер және облыстық басқарма мен қалалық, аудандық білім бөлімдерінің басшылары.
Жұмысшы топ жаңа оқу жылының басталуына дейін тамыз айында бірнеше отырыс өткізіп, компьютерлік құрылғылардың техникалық ерекшеліктері, сатып алу жолдары мен мезімдері талқыланды. Жұмысшы топтың шешімі бойынша білім алуышыларға берілетін техникалық құрал жабдықтарды өңірімізге тасымалдайтын өнім беруші анықталып, мемлекеттік сатып алу жұмыстары жүргізілуде.
Білімнің заман талабына сай және сапалы болуы барлығымыздың ортақ міндетіміз!
Жандос ТҰСМАҒАМБЕТОВ,
«Ақмешіт-Адалдық алаңы» жобалық кеңсесінің жетекшісі.
<img src="https://kyzylorda-news.kz/wp-content/uploads/2020/09/117819857_800386087402719_2457534825879274762_n.jpg" alt="" />

Жандос Тұсмағамбетов: Өңірдегі білім сапасы бақылауда

<a href="https://kyzylorda-news.kz/">Kyzylorda-news.kz.</a> Қызылорда облысы Полиция департаментінің қызметкерлерімен «Қарасора-2020» жедел профилактикалық іс шарасы барысында Қармақшы ауданы Төребай би ауылынан 50 шақырымдай жерде&nbsp; 404&nbsp; түп&nbsp; сора өсімдігін еккені анықталды.
Жедел тергеу тобының іздестіру шараларының барысында күдікті ретінде&nbsp; Қызылорда қаласының&nbsp; 58 және 29 жастағы тұрғындары&nbsp; ұсталды.
Оқиға орнын тексеру барысында 404 түп салмағы&nbsp; 70 келіге жуық &nbsp;жасыл түсті өзіне тән ерекше иісі бар өсімдіктерді еккендігі анықталды.
Қазіргі таңда күдіктілер Қармақшы АПб-нің уақытша ұстау абақтысына қамалған.&nbsp;
Бұл дерек бойынша Қазақстан Республикасының Қылмыстық кодексінің 300-бабының 2-бөлігінің 3-тармағымен сотқа дейінгі тергеп-тексеру амалдары жүргізілуде.
<img src="https://kyzylorda-news.kz/wp-content/uploads/2020/09/whatsapp-image-2020-09-05-at-09.17.56-1.jpeg" alt="" />
<img src="https://kyzylorda-news.kz/wp-content/uploads/2020/09/whatsapp-image-2020-09-05-at-09.17.56.jpeg" alt="" />

Қазақстан және Қызылорда облысының жаңалықтары