<a href="https://kyzylorda-news.kz/">Kyzylorda-news.kz</a>. Арал ауданындағы Ақбасты елді мекенінде 2 балық цехы ашылды. Бірі балықты сақтайды, енді бірі су маржанын өңдейді. Ауыл тұрғындары осыған дейін теңізден аулаған балықты арзан бағада делдалдарға өткізіп келсе, енді өздері өңдеп, нарыққа дайын тауарды шығарады.
<blockquote>
 “100 тонна балықты сақтайтын цехты кәсіпкер Жандос Құлманов оны өз қаражатына салды. Мұнда келген балық алдымен жуылып, тазартылады. Сондай кейін қатырылып, қорапқа салынады. Яғни, балық ұзақ мерзімге жарамды. Кәсіпкердің теңізде балық аулайтын арнайы бір учаскесі бар. Онда 50 балықшы су маржанын аулайды. Ал цехта 20 адам жұмыс істейді”, – дейді аудан әкімі Мұхтар Оразбаев.
</blockquote>
Ал Көкарал балық өңдеу цехында су маржаны терең өңделеді. Ерекшелегі, көпшілік бағаламайтын майда шабақтарды кәдеге жаратады. Яғни, ет тартқыштан өткізіп, фарш дайындайды. Ал ірі балықты қақтап, нарыққа шығарады. Сондай-ақ, цехта бұқтырылған балықтан арнайы консервіленген өнім әзірленуде. Шабақ балықтарға түрлі дәмдеуіштер қосылып, ыстық суға қайнатылады, банкіге басылады. Жасалу технологиясы қарапайым, бірақ дәмі ерекше, сақталу мерзімі ұзақ.

Аралда екі балық цехы ашылды

<a href="https://kyzylorda-news.kz/">Kyzylorda-news.kz.</a> Денсаулық сақтау министрі Алексей Цой карантиндік шараларды күшейтуге қатысты пікір білдірді, деп хабарлайды&nbsp;<a href="https://sputniknews.kz/">Sputnik Қазақстан</a>.
<blockquote>
 “Біз денсаулық сақтау саласын дайындап қойдық. Оны талай рет айттық. Ауруханадағы төсек орындардан бастап жасанды тыныс алдыру аппараттарына дейін бар. Бірақ бір нәрсеге кепілдік бере алмаймыз. Ол – әрбір адамның сақтық шараларын сақтап жүруі. Өкінішке қарай, бүгінде барлығы бірдей арақашықтықты сақтамайды, бетперде тақпайды”, – деді Цой орталық коммуникациялар қызметінде өткен онлайн брифингте.
</blockquote>
Министрдің айтуынша, бүгінде санитарлық нормаларды бұзу фактілері азаймай отыр. Айыпұл көлемі өсіп келеді. Осының өзі халықтың санитарлық нормаларды сақтау дәрежесін көрсетеді.
<blockquote>
 “Әзірге жағдай тұрақты. Бірақ санитарлық нормалар сақталмаса, карантиндік шаралар енгізілуі мүмкін. Сондықтан барлығы өз қолымызда. Егер сақтық шараларын сақтасақ, карантин енгізбеуге болады деп ойлаймын. Ал тәртіп бұзушылықтар тыйылмаса, қатаң карантин енгізу туралы кеңес беруге тура келеді”, – деп түсіндірді Цой.
</blockquote>
Айта кетейік, ведомствоаралық комиссияның шешімімен 5 қазаннан бастап коронавирустың таралуына жол бермеу мақсатында қосымша шаралар&nbsp;<a href="https://sputniknews.kz/society/20201001/15106680/koronavirusqa-qarsy-qosymsha-sharalar.html">енгізіледі</a>. Олар:
<ul>
<li>басқа елдермен әуе рейстерін қалпына келтіруді тоқтату;</li>
<li>бұған дейін ашылған әуе рейстерінің санын көбейтпеу;</li>
<li>Түркияға рейстерді қысқарту.</li>
</ul>
Бұдан бөлек, екінші санаттағы елдерден келетін азаматтар үшін міндетті талаптар бекітілді. Олар:
<ul>
<li>Дене қызуын өлшеу;</li>
<li>Сауалнама;</li>
<li>Коронавирусқа тест тапсырғаны туралы анықтама (мерзімі – 3 тәулік).</li>
</ul>

Санитарлық нормалар сақталмаса, қатаң карантин енгізілуі мүмкін – Цой

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 65 адамда коронавирус індеті ПТР арқылы расталды.
Өткен тәулікте Шығыс Қазақстан мен Солтүстік Қазақстан облыстарында коронавирус жұқтырғандар саны көп. Түркістан, Маңғыстау облыстары мен Шымкентте вирус жұқтырғандар тіркелмеді.
Аймақтар бойынша:
<ul>
<li>Нұр-Сұлтан қаласы – 2</li>
<li>Алматы қаласы – 4</li>
<li>Ақмола облысы – 2</li>
<li>Ақтөбе облысы – 2</li>
<li>Алматы облысы – 5</li>
<li>Атырау облысы – 3</li>
<li>Шығыс Қазақстан облысы – 18</li>
<li>Жамбыл облысы – 2</li>
<li>Батыс Қазақстан облысы – 2</li>
<li>Қарағанды облысы – 6</li>
<li>Қостанай облысы – 2</li>
<li>Қызылорда облысы – 1</li>
<li>Павлодар облысы – 6</li>
<li>Солтүстік Қазақстан облысы – 10.</li>
</ul>
Жалпы ел бойынша ауырғандар саны 108 044.

Өткен тәулікте Қызылордада коронавирус тіркелді

<a href="https://kyzylorda-news.kz/">Kyzylorda-news.kz.</a> Мұрат Ергешбаев денсаулық сақтау және білім беру саласының ардагерлерін де мерекелерімен құттықтады.
Аудан басшысы алдымен Қазалы ауданаралық ауруханасында көп жыл медицина саласында еңбек етіп, бүгінде бейнетінің зейнетін көріп отырған ардагерлермен кездесті. Кездесуде ардагер дәрігерлерге ақжарма тілектер айтылып, мерекеге орай сый-сияпаттар жасалды.
Аудан әкімі Мұрат Ергешбаев кездесуге келген медицина саласының ардагері Сержанқожа Берденұлын 80 жасымен құттықтап, шапан жапты.
Басқосуда Болат Сәдуов бастаған бір топ медицина саласының ардагерлері аудан әкіміне алғысын айтып, ризашылығын білдірді.
Аудан әкімі Мұрат Ергешбаев мұнан соң ардагер ұстаздарды да құттықтап, ыстық лебізін жеткізді.
Мерекелік кездесуге ҚР Білім беру ісінің үздігі Гүлшат Садықова, КСРО Халық ағарту ісінің үздігі, Қазақ КСР Жоғарғы Кеңесінің депутаты Айзада Ешмаханова, ҚР Білім беру ісінің құрметті қызметкері Серік Қуанышбай бастаған бірқатар ардагер ұстаздар қатысып, өз ой-пікірлерін білдірді.
Басқосуға жиналған барлық ардагер ұстаздарға аудан әкімінің құттықтау хаты табысталып, мерекелік сый-құрмет жасалды.

Қазалы ауданының әкімі ардагер ұстаздарға  құрмет көрсетті

<a href="https://kyzylorda-news.kz/">Kyzylorda-news.kz.</a> Праймериз батыс елдерінің тәжірибесінен алынып, біздің елімізде бірінші рет қолға алынып отыр. Бұл бастама Елбасының тапсырмасына сәйкес, болашаққа нық қадам басқан – «Nur Otan» партиясының жұмысын жаңғырту аясында жүзеге асуда.
<blockquote>
 “Мақсаты да айқын, мықты лидерлерді анықтау. Әрине, кандидаттың сайлауалды бағдарламалары партия платформасына, Президент Жолдауына және аумақтық партия сайлауалды бағдарламасына негізделген. Міне, бүгін сол мықтыларды анықтаудың шешуші кезеңіне жетіп, өз таңдауымды жасадым. Бұл дода. Дода болған соң жеңіс пен жеңіліс қатар жүреді. Ең бастысы азаматтық ұстанымды сақтап қалу керек. Барлық қатысушыларға сәттілік тілеймін”, – дейді Илья Ильин.
</blockquote>
Партияның ғана емес, бүкіл еліміздің мақтанышына айналған Илья өз дауысын онлайн түрде берді. Яғни, жұмыс орнында отырып, веб портал көмегімен 5 минут уақытта жүзеге асырды. Ол праймериз ақпараттық жүйесінің ерекшелігін еліміздегі цифрлық технологияның дамуы нәтижесі екенін атап өтті.
<blockquote>
 “Праймериз үміткерлеріне дауыс беру үшін бірнеше мүмкіндіктер қарастырылған. Мобильді қосымша, веб портал, учаскеге барып онлайн немесе офлайн дауыс беру деген секілді. Мен primaries.kz порталы арқылы онлайн дауыс бердім. Бұл Елбасы айтып жүрген цифрлы Қазақстан бағдарламасының жемісі деп білемін”, дейді ол.
</blockquote>
Атап өту керек, Қызылорда облысы бойынша 485 үміткер бақ сынауда. Облыстың қалалары мен аудандарында дауыс беруге арналған 133 орын анықталды. Олардың 103-де дауыс беру онлайн форматта, 30-да қағаз бюллетеньдер арқылы өтеді. Дауыс берудің алғашқы күнінде сырбойылық нұротандықтардың 8 мыңнан астамы өз таңдауларын онлайн жасап үлгерді.
<img src="https://kyzylorda-news.kz/wp-content/uploads/2020/10/120700089_1004035996675577_5027655348680777697_o.jpg" alt="" />

Праймериз: Ауыр атлетикадан әлемнің төрт дүркін чемпионы Илья Ильин өз таңдауын жасады

<a href="https://kyzylorda-news.kz/">Kyzylorda-news.kz.</a> Бүгін облыс әкімі Гүлшара Әбдіқалықованың төрағалығымен инвестор тарту және инвестициялық ахуалды жақсарту бойынша өңірлік Кеңес отырысы өтті.
<blockquote>
 «Үкімет пен әкімдер үшін инвестицияларды тарту, және қазақстандық тауарларды, қызметтерді экспортқа шығару негізгі басымдықтардың бірі болып табылады. Міндеттерді орындау үшін облыс көлемінде іске асырылатын инвестициялық жобалар маңызды рөл атқаруда. Сондықтан, жобаларды іске асыруда туындаған мәселелерді қарау, өңірдің инвестициялық ахуалын жақсарту үшін тиімді шешімдер қабылдау мақсатында тоқсан сайын Кеңес өткізіп тұрамыз. Бүгінгі кеңес отырысында 4 инвестициялық жобаны қарайтын боламыз», – деді облыс әкімі Гүлшара Әбдіқалықова.
</blockquote>
Кеңесте бірінші «Арал Сода» серіктестігінің «Кальциленген сода зауыты құрылысы» жобасы қаралды.
Облыстың әлеуметтік-экономикалық дамуына және инвестиция көрсеткішін жоғарылатуға ықпал жасайтын ірі жобамыздың бірі – кальциленген сода зауыты. Жоба іске қосылғанда импорталмастыруға өз ықпалын тигізеді.
«Кальциленген сода зауыты құрылысы» жобасы бойынша атқарылған жұмыстар туралы «Арал Сода» жауапкершілігі шектеулі серіктестігінің директоры Санжар Оспанкұлов баяндады. 
Зауаттың қуаттылығы жылына 300 мың тонна құрап, 1000-ға жуық адам жұмыспен қамтылады деп жоспарлануда. Инвестиция көлемі 93.5 млрд.теңге. Кальциленген сода зауытының құрылысына 100 гектар, қоймасына 501 гектар жер учаскесі бөлінген. Жоба республикалық индустрияландыру картасына 2016 жылы енгізілген және 2023 жылы пайдалануға беріледі деп жоспарлануда.
Облыс әкімі Гүлшара Әбдіқалықова облыстық индустриялық-инновациялық даму басқармасының басшысы Ринат Сұлтангереев пен «Арал Сода» ЖШС директоры Санжар Оспанқұловқа бірлесіп, ағымдағы жылдың соңына дейін зауыт құрылысын бастап, бөлінген қаржының мақсатты, сапалы әрі мерзімінде игерілуін қамтамасыз етуді тапсырды. 
Сонымен қатар, облыстық мемлекеттік сатып алу басқармасының басшысы Ғалым Едігеевке теміржол тұйығын, электрмен және газбен жабдықтау желілерін салу салу үшін мердігер компанияларды анықтауды жүктеді.
Ал, облыстық құрылыс, сәулет және қала құрылысы басқармасының басшысы Бердияр Примбетов пен Арал ауданының әкімдігі Мұхтар Оразбаевқа бірлесіп, жыл соңына дейін темір жол тұйығы құрылысының басталуын қамтамасыз ету жөнінде тапсырма берді. 
Кеңесте көтерілген екінші мәселе «Сыр Маржаны» серіктестігінің
«Мал сою пунктін жаңғырту және ет комбинатын салу» жобасы. Жоба туралы «Сыр маржаны» жауапкершілігі шектеулі серіктестігінің директоры Мнажаддин Өтеев баяндама жасады.
Комбинат жылына 5 мың. тонна өнім шығарап, 20 астам тұрғын жұмыспен қамтылады деп жоспарлануда. Жобаның құны 832,5 млн.теңгені құрайды. Мемлекеттік қолдау шаралары ретінде 15 га жер учаскесі бөлінді. 2019 жылдың мамыр айында ет комбинатының іргетасы қаланды. “Бизнестің жол картасы – 2020” бағдарламасы аясында 2019-2020 жылдары су құбыры желілерін жүргізуге бюджеттен 49,5 млн.теңге бөлінді және құрылыс аяқталды. Бұдан басқа, 13,8 млн теңге сомасына электр желілерін салуға бюджеттік өтінім берілді.
Аймақ басшысы облыстық ауыл шаруашылық басқармасы басшысы Шахмардан Қойшыбаевқа бөлінген қаржының мақсатты, сапалы әрі мерзімінде игерілуін қамтамасыз етуді және облыстық энергетика, тұрғын-үй және коммуналдық шаруашылығы басқармасының басшысы Руслан Нұрмағамбетовке заңдылықтарға сәйкес инфрақұрылымын дамыту мүмкіндігін қарастыруды жүктеді.
Үшінші және төртінші мәселелер «Қызылорда композиттік материал зауыты» серіктестігінің шыны талшық шығару және «Orda Tex» серіктестігінің малдың жүнін өңдеу жобалары бойынша қаралды. Атқарылған жұмыстар мен алдағы жоспарлар туралы баяндау үшін сөз аталған серіктестіктердің құрылтайшысы Қайрат Боранбаевқа берілді.
«Қызылорда композиттік материал зауыты» серіктестігінің шыны талшық шығару жобасының құны 519 млн. теңге. Зауыттың қуаттылығы жылына 3 мың. тонна құрап, 160 адам жұмыспен қамтылатын болады.
Ал, «Orda Tex» серіктестігінің малдың жүнін өңдеу жобасының құны 100 млн. теңге. Жоба “Байқоңыр” ӘКК-мен бірлесіп жүзеге асырылады және 20-ға жуық адам жұмыспен қамтылады деп күтілуде.
Қазіргі уақытта жоба басшысы өңірлік кәсіпкерлікті қолдау картасына енгізу үшін екі жобаның құжаттар пакетін дайындауда. 
Облыс әкімі Гүлшара Әбдіқалықова облыстық индустриялық-инновациялық даму басқармасы Ринат Сұлтангереевке мәселені жобалар бастамашысымен бірлесіп пысықтауды, ал, «Байқоңыр» әлеуметтік кәсіпкерлік корпорациясы» ұлттық компаниясы» акционерлік қоғамының басшысына Ерлан Нұрланбаевқа жоба бастамашысымен бірлесіп, шыны талшықты өндіретін «Қызылорда композиттік материалдар зауыты» жобасын қаржыландыру мәселесін пысықтауды тапсырды.
Мұнамен қоса, Арал ауданының әкімі Мұхтар Оразбаев пен Қазалы ауданының әкімі Мұрат Ергешбаевқа екі апталық мерзімде жыл сайын жинақталатын шикізат, яғни мал жүні көлемін анықтау жөнінде тапсырма берді.
<img src="https://kyzylorda-news.kz/wp-content/uploads/2020/10/120554249_2779087128861005_6520055074900885302_o.jpg" alt="" />
<img src="https://kyzylorda-news.kz/wp-content/uploads/2020/10/120552369_2779087982194253_3213876048124833844_o.jpg" alt="" />

Қызылордада инвестор тарту және инвестициялық ахуалды жақсарту бойынша өңірлік Кеңес отырысы

<a href="https://kyzylorda-news.kz/">Kyzylorda-news.kz.</a> 2 қазан, жұма күні ауа райы қандай болатыны белгілі болды, деп хабарлайды «Қазгидромет».
Қазақстан аумағының басым бөлігінде күн ашық болады. Тек республиканың оңтүстігі және оңтүстік-шығысында атмосфералық ауа ағындарының өтуіне байланысты жаңбыр жауады. Кей жерлерде тұман күтіледі, оңтүстік-шығыста және оңтүстік-батыста жел күшейеді.

2 қазанға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Сыбайлас жемқорлыққа қарсы іс-қимыл агенттігі бюджет қаражатының шығысы бойынша ақпаратқа қол жеткізуді жеңілдету, азаматтардың мемлекетке деген сенім деңгейін арттыру, сондай-ақ тиімді диалог платформасын құру мақсатында «Ашық бюджеттердің интерактивті картасы» (publicbudget.kz) жобасын жүргізуде.
Бүгінгі күні карта қоғамдық бақылау мен Мемлекет басшысының «Халық үніне құлақ асатын мемлекет» тұжырымдамасын құру жөніндегі тапсырмасын іске асырудың пәрменді тетігіне айналды.
Мемлекет басшысы Қасым-Жомарт Тоқаев сыбайлас жемқорлықпен күрес мәселелері бойынша кеңесте аталмыш ақпараттық жүйенің тиімділігі жоғары екенін атап, «Ашық бюджеттердің интерактивті картасы 7 триллион теңгеден астам бюджет қаражатының жұмсалуы бойынша ақпараттың қол жетімділігін қамтамасыз етті» деген болатын.
Бұл бастама сыбайлас жемқорлыққа қарсы іс-қимыл агенттігінің бастамасы бойынша жүзеге асырылатын ТМД кеңістігіндегі бірегей жоба екендігін айта кету керек.
Картада нақты уақыт режимінде облыстағы әлеуметтік нысандарды салуға, жөндеуге және күтіп-ұстауға бөлінген бюджеттік қаражат туралы, жеткізушілер туралы ақпарат, бөлінген сомалар, құрылыс мерзімдері, кепілдік міндеттемелер және басқа да ақпараттар көрсетіледі. Республиканың кез келген азаматы картаның көмегімен облыстағы әлеуметтік нысандарға қанша қаражат бөлінгенін біле алады, сонымен қатар бюджеттік шығындарды бақылайды. Сомалар бойынша келіспеушіліктер немесе сәйкессіздіктер болған жағдайда, азамат белгілі бір бағыттарға қаражат бөлу туралы өз бастамаларын жасауға құқылы.
Карта іске қосылғаннан бері ел бойынша 8,3 трлн теңге көлемінде17 мыңнан аса мемлекеттік мекемелердің бюджет қаражаты жарияланған. Оның жартысы (4,08 трлн теңге) биылғы жылы қолжетімді болды. Картадағы барлық қолжетімді бюджеттер 1 млн аса қаралып, нәтижесінде азаматтар тарапынан пікірлер қалдырылған.
Ал облыс бойынша&nbsp; картада 1883 бюджет жарияланып, 706 ұйым тіркелді және 3 өтініш келіп түсті. Олардың барлығы мемлекеттік органдармен дер кезінде қаралды. Айта кету қажет, енгізілген бюджеттің жалпы көлемі 663,6 млрд теңгені құрап отыр.
Қоғамдық бақылауды жүзеге асыруда атқарылған жұмыстар мен бөлінген қаражат арасында сәйкессіздіктер туындаған жағдайда азаматтар осы картада пікірлерін қалдыра алады.

«Ашық бюджеттер интерактивті картасы» жобасы

<a href="https://kyzylorda-news.kz/date/2020/10/01/">Kyzylorda-news.kz.</a> Өскелең ұрпаққа ұлағатты өсиетін айтып, ізінен ерген жас буынға ізетін аямайтын қарттар қашанда құрметке лайық. Қазақ елін өзгелерден дара ететін бір ерекшелік те осы.&nbsp; Қарияларды құрметтеу, олардың сөзіне құлақ&nbsp; асу – бабадан балаға сіңген қасиет. Осы орайда, Қызылорда облысындағы барлық халыққа қызмет көрсету орталықтарында қызмет алуға келген қарттарға мереке қарсаңында құрмет көрсетіліп, сыйлықтар табысталды.
ХҚО-ға қызмет алуға келген қарттарды «Азаматтарға арналған үкімет» мемлекеттік корпорациясы» КЕ АҚ Қызылорда облысы бойынша филиал директорының орынбасары Айнұр Шорабекқызы мерекелерімен құттықтады.
<blockquote>
 «Сіздер құрметті демалыста болсаңыздар да, біздің қоғамның көшбасшысы болып қала бересіздер. Сіздер жастарға патриоттық тәрбие беруде, қаламызды дамытуға өлшеусіз үлес қосып келесіздер. Сіздердің өмірге деген белсенді ұстанымдарыңыз – өскелең ұрпақ үшін таптырмас үлгі», – деді, филиал директорының орынбасары.
</blockquote>
Қызмет алуға келген қариялар өз жұмыстарын жылдам бітіріп, халықтың құрметіне бөленіп, сыйлықтар алып, ХҚО-дан көңілді шықты.

Қызылордадағы ХҚО қызмет алуға келген қарияларды мерекемен құттықтады

<a href="https://kyzylorda-news.kz/">Kyzylorda-news.kz.</a> Бүгін облыс әкімі Гүлшара Әбдіқалықова пандемия кезінде халық саулығы үшін алдыңғы шепте жүрген белсенді азаматтарға “Халық алғысы” медалін табыс етті.
Аймақ басшысы карантин уақытында халық игілігіне қызмет етіп, қайсарлық пен мейірімділіктің нағыз үлгісін көрсеткен азаматтарға ерекше алғыс білдіріп, олардың еңбектерін жоғары бағалады.
<blockquote>
 “Бұл медаль – халықтың ыстық ықыласы мен шын құрметіне ие болған азаматтарға тағайындалатын арнайы марапат. Індетпен күресте адам өмірінің сақшысы болған дәрігер, тәулік бойы қоғамдық тәртіптің сақталуын қадағалаған полицей, облыс орталығы мен ауыл-ауылды аралап, жұқпалы кесел ошағын залалсыздандыруға қатысқан әскерилер, қайырымдылық шараларын толассыз жүргізіп, ауруханаларды қажетті медициналық бұйымдар, құралдармен қамтамасыз еткен кәсіпкерлер, қаржысыз көмек қолын созған еріктілер, індет ошақтарынан жылдам ақпарат жүргізген журналистердің еңбегі ерен екенін айтуымыз керек”,-деді облыс әкімі.
</blockquote>
<img src="https://kyzylorda-news.kz/wp-content/uploads/2020/10/120700456_2778951085541276_256191329795189054_o.jpg" alt="" />
Қазақстан Республикасының Президенті Қасым-Жомарт Кемелұлы Тоқаевтың Жарлығына сәйкес, аймақта 107 денсаулық сақтау, кәсіпкерлік, мәдениет және спорт саласының қызметкерлері мен әскери қызметшілерге «Халық алғысы» медалі тағайындалды.
Бұған дейін 8 марапат иесі 2020 жылғы 23 маусымда Мемлекет басшысының қатысуымен өткен «Biz Birgemiz» онлайн-форумы аясында марапатталды. Ал, бүгін еңбегімен танылған 14 азаматқа “Халық алғысы” медалі табысталды. Қалған марапат иелерін облыс әкімінің орынбасарлары мен қала, аудан әкімдері марапаттайды.
Шарада өңір басшысы Гүлшара Әбдіқалықова адамзат баласына қиын сынақ әкелген “COVID-19” вирусымен күн-түн демей күрескен азаматтарды бейбіт күннің батырлары екенін айрықша атап өтіп, денсаулыққа жете мән беріп, сақтық шараларын сақтауға шақырды.
Айта кетейік, Президент Жарлығымен биыл «Халық алғысы» медалі бекітілді. Бұл медальмен білім беру, денсаулық сақтау, әлеуметтік қорғау салаларында жемісті жұмыс істейтін, пандемиямен күресте ерекше көзге түскен ел азаматтары наградталады.
<img src="https://kyzylorda-news.kz/wp-content/uploads/2020/10/120645668_2778952075541177_3412608010608073837_o.jpg" alt="" />
<img src="https://kyzylorda-news.kz/wp-content/uploads/2020/10/120702972_2778951752207876_8638204253442677438_o.jpg" alt="" />

Гүлшара Әбдіқалықова белсенді азаматтарға &#8220;Халық алғысы&#8221; медалін табыстады

<a href="https://kyzylorda-news.kz/date/2020/10/01/">Kyzylorda-news.kz.</a> Дауыс беру кезеңіне қаралған 3 күннің бүгін алғашқы күнін сырбойылқтар онлайн дауыс берумен бастады.
Бүгінгі күні саяси додада Қызылорда облысы бойынша 485 үміткер бақ сынауда. Олардың 32 пайызы әйел азаматтар, 35 пайызы жастар.
<blockquote>
 “Дауыс беруге 44 мыңға жуық партия мүшесі қатысады деп жоспарлануда. Облыстың қалалары мен аудандарында дауыс беруге арналған 133 орын анықталды. Олардың 103-де дауыс беру онлайн форматта, 30-да қағаз бюллетеньдер арқылы өтеді. Өңірде праймериздің финалдық кезеңі жоғары деңгейде өтуде. Осыдан бір сағат бұрын 4 мыңнан астам партияласымыз онлайн дауыс беріп үлгерді”, – делінген партияның облыстағы филиалының хабарламасында.
</blockquote>
Естеріңізге сала кетейік, дауыс беру 3-ші қазан күні сағат 14: 00-де аяқталады.
<img src="https://kyzylorda-news.kz/wp-content/uploads/2020/10/120574640_1003865163359327_3565239753541114857_o.jpg" alt="" />

Қызылорда облысында праймериз үміткерлеріне дауыс беру қызу жүріп жатыр

<a href="https://kyzylorda-news.kz/date/2020/10/01/">Kyzylorda-news.kz</a>. Жұмыс істейтін зейнеткерлер екі қосалқы қарыз алушыны көрсетсе, “5-10-20” бағдарламасымен баспана ала алады. Бұл туралы “Тұрғын үй құрылыс жинақ банкі” АҚ орталық филиалының басшысы Жансұлтан Матаев мәлімдеді.
<blockquote>
 “Әкімдік кезегінде тұрған зейнеткерлер де “5-10-20″ бағдарламасына қатыса алады. Бірақ осы санаттағы адамдардың табысы болуы шарт, яғни олар жұмыс істеуі тиіс. Сондай-ақ, екі қосалқы қарыз алушыны көрсетуі керек. Сонда 5 проценттік ипотекамен баспана алуға мүмкіндік беріледі”, – деді Матаев Sputnik Қазақстан мультимедиялық баспасөз орталығында өткен онлайн брифингте.
</blockquote>
Оның айтуынша, бағдарламаның негізгі мақсаты – әкімдік кезегінде тұрған адамдарды баспанамен қамту. Бірақ еңбек қызметі немесе кәсіпкерлік қызмет арқылы табыс табу міндеті бар.
<blockquote>
 “Бұл – басты талап. Адам бірыңғай жинақтаушы зейнетақы қоры арқылы табыс тауып жүргенін растауы тиіс. Зейнеткерлер осыны көрсете алмағандықтан, екі қосалқы қарыз алушыны тарту міндеті бар. Өйткені, зейнетақы табыс көзі болып саналмайды”, – деп атап көрсетті Матаев.
</blockquote>
<a href="https://sputniknews.kz/">Sputnik Қазақстан</a>

Қазақстан және Қызылорда облысының жаңалықтары

Аралда екі балық цехы ашылды

Санитарлық нормалар сақталмаса, қатаң карантин енгізілуі мүмкін – Цой

Өткен тәулікте Қызылордада коронавирус тіркелді

Қазалы ауданының әкімі ардагер ұстаздарға құрмет көрсетті

Праймериз: Ауыр атлетикадан әлемнің төрт дүркін чемпионы Илья Ильин өз таңдауын жасады

Қызылордада инвестор тарту және инвестициялық ахуалды жақсарту бойынша өңірлік Кеңес отырысы

2 қазанға арналған ауа райы болжамы

«Ашық бюджеттер интерактивті картасы» жобасы

Қызылордадағы ХҚО қызмет алуға келген қарияларды мерекемен құттықтады

Гүлшара Әбдіқалықова белсенді азаматтарға “Халық алғысы” медалін табыстады

Қызылорда облысында праймериз үміткерлеріне дауыс беру қызу жүріп жатыр

Зейнеткерлерге 5 проценттік ипотека беру шарты жарияланды

Қазақстан және Қызылорда облысының жаңалықтары

Аралда екі балық цехы ашылды

Санитарлық нормалар сақталмаса, қатаң карантин енгізілуі мүмкін – Цой

Өткен тәулікте Қызылордада коронавирус тіркелді

Қазалы ауданының әкімі ардагер ұстаздарға құрмет көрсетті

Праймериз: Ауыр атлетикадан әлемнің төрт дүркін чемпионы Илья Ильин өз таңдауын жасады

Қызылордада инвестор тарту және инвестициялық ахуалды жақсарту бойынша өңірлік Кеңес отырысы

2 қазанға арналған ауа райы болжамы

«Ашық бюджеттер интерактивті картасы» жобасы

Қызылордадағы ХҚО қызмет алуға келген қарияларды мерекемен құттықтады

Гүлшара Әбдіқалықова белсенді азаматтарға &#8220;Халық алғысы&#8221; медалін табыстады

Қызылорда облысында праймериз үміткерлеріне дауыс беру қызу жүріп жатыр

Зейнеткерлерге 5 проценттік ипотека беру шарты жарияланды

Гүлшара Әбдіқалықова белсенді азаматтарға “Халық алғысы” медалін табыстады