<a href="https://kyzylorda-news.kz/">Kyzylorda-news.kz.</a> Кейбір өнімдер тістерді ағартуға қабілетті. Бұл туралы диетолог Анна Белоусова айтты, деп хабарлайды&nbsp;<a href="https://stan.kz/">Stan.kz</a>.
Оның айтуынша, жемістер мен көкөністер тістерді ағартуы мүмкін. Мысалы, сәбіз және балдыркөк бляшканы механикалық алып тастау арқылы эмальды ағартады. Сонымен қатар, бұл өнімдер қан айналымын және ауыз қуысының жұмысын&nbsp;жақсартатын қызыл иекті нығайтады.
Сонымен қатар, ананас пен папайя да ағартуға кабілетті.&nbsp;Бұл жемістер бактерияларды өлтіреді.
Диетолог тістерді ағартуға арналған арнайы өнімдер тиімдірек нәтиже көрсететінін айтты.

Дәрігер тісті ағартуға қабілетті азық-түліктерді атады

<a href="https://kyzylorda-news.kz/">Kyzylorda-news.kz.</a> Британ фотографы Джеймс Моллисон (James Mollison) мектеп жанындағы алаң балалық шағында өте маңызды орын алғанын байқаған. Мектеп алаңында қызықты кездесулер мен әңгімелер, ойындар мен балалық қылықтар болатыны сөзсіз. Осы ойлар оны мектеп алаңдарына байланысты фотожоба құруға итермеледі. Әлемнің түкпір-түкпіріндегі мектеп алаңдары қандай екенін Моллисонның суреттерінен тамашалауыңызға болады.
Ұлыбритания
<img src="https://kyzylorda-news.kz/wp-content/uploads/2021/02/wlyb.jpg" alt="" />
Боливия
<img src="https://kyzylorda-news.kz/wp-content/uploads/2021/02/boli.jpg" alt="" />
Бутан
<img src="https://kyzylorda-news.kz/wp-content/uploads/2021/02/bwtan.jpg" alt="" />
Жапония
<img src="https://kyzylorda-news.kz/wp-content/uploads/2021/02/zhapo.jpg" alt="" />
Ресей
<img src="https://kyzylorda-news.kz/wp-content/uploads/2021/02/resej.jpg" alt="" />
Израиль
<img src="https://kyzylorda-news.kz/wp-content/uploads/2021/02/izar.jpg" alt="" />
Норвегия
<img src="https://kyzylorda-news.kz/wp-content/uploads/2021/02/norv.jpg" alt="" />
Непал
<img src="https://kyzylorda-news.kz/wp-content/uploads/2021/02/nepal.jpg" alt="" />
Үндістан
<img src="https://kyzylorda-news.kz/wp-content/uploads/2021/02/wndis.jpg" alt="" />
Мексика
<img src="https://kyzylorda-news.kz/wp-content/uploads/2021/02/meksi.jpg" alt="" />
Италия
<img src="https://kyzylorda-news.kz/wp-content/uploads/2021/02/ital.jpg" alt="" />
АҚШ
<img src="https://kyzylorda-news.kz/wp-content/uploads/2021/02/aksh.jpg" alt="" />
Кения
<img src="https://kyzylorda-news.kz/wp-content/uploads/2021/02/kenija.jpg" alt="" />
Қытай
<img src="https://kyzylorda-news.kz/wp-content/uploads/2021/02/kytaj.jpg" alt="" />
<a href="https://bilim-all.kz/article/12185-Alem-elderindegi-mektep-alandary">Bilim-all.kz</a>

Әлем елдеріндегі мектеп алаңдары

<a href="https://kyzylorda-news.kz/">Kyzylorda-news.kz.</a> Қазақстан ұлттық олимпиадалық комитетінің спорттық дәрігері Талғат Абдымамынов «Балалар және спорт» тақырыбында сөз қозғайды. Сондай-ақ ол жас атлеттер мен олардың ата-аналарына спорт дәрігері ретінде пайдалы кеңестерін бөлісті, деп хабарлайды ҚР ҰОК баспасөз қызметі.&nbsp;
<blockquote>
 «Кез келген ата-ана баласының мықты, дені сау болып өскенін қалайды. Сондықтан, баланы кішкентай кезінен спортпен таныстырып, спортқа баулып, баланы қандай спортпен шұғылдандыруға болатынын білген абзал. Ата-аналар бастапқыда баланы қандай спортқа баулитынын білмей дал болады. Мамандар балаға спортты таңдаған кезде мына факторларды ескерген жөн», – дейді спорт дәрігері Талғат Абдымамынов.
</blockquote>
Атап айтар болсақ, олар жасы, денсаулық жағдайы, темпераменті, баланың қызығушылығы; Мектеп жасына дейінгі балаларға спорт икемділігін арттырып,&nbsp; жылдамдық реакциясын және де адамдармен байланыс орнатуға жағынан пайдалы. Мәселен, мұндай жастағы балалар гимнастика, футбол, мәнерлеп сырғанау сынды спорт түрлеріне икемді болады.
Ал 7-9 жастар жастан кейін жалдамдыққа жұмыс істеп, жүктемесі көп спортпен шұғылдандыруға әбден болады. Атап айтқанда, ат спорты түрлері мен таушыңғы спорты осы жастағы балаңызға ұнауы мүмкін. Ал 11 жастан кейін балаларды жарақат алу қаупі бар спорт түрлеріне қорықпай қатыстыра аласыз. Әдетте ата-аналар бұл кезеңде балаларды гандбол, альпинизм, ауыр атлетика сынды спорт түрлеріне баулиды.
Егер сіздің балаңыз сангвиник типті, белсенді болса, онда оған командалық (футбол, баскетбол, волейбол) және мықтылығын көрсететін (альпинизм, семсерлесу) сынды спорт түрлері оң келеді.
Балаңыз жастайынан холерик болса, яғни мінезді, жігерлі болса, онда оны теннис, күрес түрлері мен ат спортына қызығушылығынарттырыңыз. Ал флегматиктерге ұзақ жаттығу мен жаттығудағы көп жүктеме олардың ішін пыстырмайды. Соныдақтан осы типтегі балаларды жүзу, жүгіру және қайық спорттарына қатыстыра аласыз.
Табиғатынан темпераменті меланхолик болса, командалық емес, жекелей санаттағы спортқа баулығаныңыз абзал.
Егер сіздің балаңыз арық, бұлшық еттері әлсіз болса, онда жылдамдық пен төзімділікті дамытатын спорт түрлеріне назар аударыңыз (көркем гимнастика, велоспорт). Егер ұлдың немесе қыздың кеуде тұсы кең, иық пен жамбастың ені бірдей болса, онда командалық спорт түрлері қолайлы. Ал сіздің балаңыздың қаңқасы үлкен, бұлшық еттері мығым болса, онда ол физикалық күшті талап ететін спорт түрлерімен қиналмай шұғылдана алады. Мысалы, пауэрлифтинг, бокс, ауыр атлетика спорт түрлері осы санатқа жатады.
Қысқа бойлы, дене бітімі арық балалар көбіне мылтық ату және мотоспортқа икемді болады.&nbsp;&nbsp;
Десе де әр адам – жеке тұлға. Біз маман ретінде жалпылама кеңес береміз. Спорттың барлық түрі өзінше пайдалы болады. Спортпен кішкентай кезінен шұғылдану адамның қан айналым мен тыны салу жолдарын реттейді. Иммунитетін күшейтіп, бұлшықеттерін бірқалыпты етеді. Физикалық жаттығулар артық салмақтың алдын алады. Спорттың арқасында баланың организімі жақсы дамып, түрлі ауруларға төтеп береді. Сондай-ақ, иммунитетті қалыптастырады.

Балалар және спорт: маманның жас атлеттерге кеңесі

<a href="https://kyzylorda-news.kz/">Kyzylorda-news.kz.</a> Кей кісілер 40-тан асқанда, тамақтануы мен физикалық белсенділік деңгейі сол қалпы қалса да, салмақ қоса бастайды. &nbsp;
Сіз бұрынғыдай белсенді болсаңыз да, денеңізде қартаю үдерісі іске қосылып кетеді: метаболизм баяулайды, жақсы тұлғаны ұстап тұруда маңызы зор бұлшықет массасы мен кейбір гормондар азаяды. Артық салмақтың пайда болуы себептерін анықтап талдаймыз және онымен қалай күресу керек екенін айтып береміз. &nbsp;
<h5 id="">Метаболизм баяулап кетеді</h5>
2010 жылғы&nbsp;(Relasionship Between Basal Metabolic Rate, Gender, Age and Body Composition in 8,780 White Obese Subjects — интернеттен іздеп көруге болады)&nbsp;ауқымды зерттеу кезінде әртүрлі жастағы 8 мың адамды тестілеп, 40 жастан асып кеткен ересектердің тәнінде базалық метаболизм 3,1-3,3% азайып кететінін анықтаған.&nbsp;
Бұл тыныштық қалпындағы дене күніне 50-60 килокалорийді азырақ шығындайтынын білдіреді. Бұл соншалықты көп емес секілді, алайда, егер физикалық белсенділіктің деңгейін және үйреншікті диетаны өзгертпесеңіз, сіз жылына 3 килограмм салмақ қоса бастауыңыз мүмкін.&nbsp;&nbsp; &nbsp;
<h5 id="-1">Қайтпек керек?</h5>
Өзіңіздің тамақтану тәртібіңізді қайта қарап, тұтынатын калорийлерді азайту керек. Салмағыңызды азайтқыңыз келсе, жылдам көмірсулардың мөлшерін азайтып, тұтынатын калорийлердің есебін біліп жүріңіз және күндік нормадан асып кетпеуге тырысыңыз.&nbsp; &nbsp;
Болмашы ғана өзгерістердің өзі ұзақмерзімді келешекте атап айтарлықтай нәтижелерге жеткізуі мүмкін екенін есте ұстаңыз. Рационыңызды 60-100 килокалорийге қысқартып және пайдалы азықпен тамақтану арқылы сіз тәуір физикалық денсаулығыңыздың ұзақ жылдар сақталуының берік іргесін қалайсыз. &nbsp;
<h5 id="-2">Бұлшықет массасы кеміп кетеді</h5>
50 жастан кейін бұлшықет массасы өте жылдам азаяды — жылына 15% дейін. Дегенмен, бұлшықет массасының және күш-куаттың азаюы үшінші онжылдықтан кейін-ақ басталып кетеді.&nbsp; 2013 жылы жүргізілген&nbsp;(Strength and muscle mass loss with aging process. Age and strength loss — интернеттен іздеп көруге болады)&nbsp;зерттеуге қарағанда адамдардың 40 жасқа дейінгі және 40 жастан кейінгі бұлшықет массасы мөлшерінің айырмашылығы 16,6%-тен 40,9%-ке дейінгі межені құрайды.&nbsp; &nbsp;
Өміржастық өзгерістер, түсетін физикалық күштің жоқтығы, тестостерон деңгейінің төмендеп кетуі — бұның бәрі бұлшықет массасы мөлшеріне кері әсерін тигізеді. Бұлшықет массасын ұстап тұруға организм аз калория жұмсамайды ғой. Бұлшықеттен айырылып қалған соң сіз метаболизмді азайтып жібересіз және артық салмақ қосып алу мүмкіндігіңізді арттырасыз.&nbsp; &nbsp;
<h5 id="-3">Қайтпек керек?</h5>
Егер сіз әлі спортпен шұғылданбай жүрсеңіз, бастайтын уақыт келді. Ақуыздың көбірек тұтынылуымен үйлесіп отыратын күш шығаратын жаттығулар бұлшықет массасын ұстап тұруға және оны арттыра түсуге көмегін тигізеді.&nbsp; &nbsp;
<h5 id="-4">Гормоналдық фон өзгеріп кетеді</h5>
35 жастан асқан әйелдердің организмінде эстрогеннің бөлініп шығуы төмендеп, бұл уақыт өте келе етеккірдің тоқтауына (менопауза) және климакстың келуіне апарып соғады. Эстрогеннің артығы майдың қордаланып қалуына сеп болғанымен де, оның жеткіліксіздігінің салмаққа кері әсері бар. Постменопауза кезеңіне өту абдоминалдық майдың мөлшері мен глюкозаның және инсулиннің деңгейінің артып кетуімен ерекшеленеді.
Ерлерде 30 жастан кейін тестостерон деңгейі төмендеп кетеді, бірақ ол 40 жастан асқан кезде барып қатты байқала бастайды. 1991 жылғы&nbsp;(Testosterone and Aging: Clinical Research Directions — интернеттен іздеп көруге болады)&nbsp;зерттеуіне сәйкес ерлер 39 жастан асқаннан кейін олардың еркін (ақуыздармен байланыспаған) тестостерон деңгейі жыл сайын 1,2% төмендеп отырады.&nbsp; &nbsp;
Депрессия, либидоның төмендеп кетуі, бұлшықет массасының азаюы және май процентінің артуы — бұның бәрі тестостерон деңгейінің түсіп кеткенінің белгілері. &nbsp;
<h5 id="-5">Қайтпек керек?</h5>
Қалқанша безін — гормондардың өндірілуіне тікелей жауапты органды тексертіңіз. Әйелдердің 20% 40 жастан соң қалқанша безінің дұрыс істемеуінен зардап шегеді. Егер сіз енжарлыққа бой алдырсаңыз және айқын себептерсіз салмағыңыз артып бара жатса, гормоналдық теңгерім тестінен өту қажеттілігі-қажетсіздігі жайында дәрігеріңізден сұраңыз. Гормоналдық терапияның сізге салмақ қоспауға септігі тиюі мүмкін. &nbsp;
Бұлардан басқа тестостеронды арттыратын табиғи әдіс-тәсілдер бар: күш салатын жаттығулар, қант пайдаланылмайтын жоғарыақуызды диета, стресстердің болмауы. &nbsp;
40 жастан асқан соң, жақсы физикалық форманы ұстап тұруға болады, әсіресе пайдалы азық-түлікті пайдалану және физикалық жаттығулар өмір салтыңыздың бір бөлігіне айналса. Уақыт сізді аямайды десек те, 40 жасыңызда сіз 30 жастағы кезіңізден әлдеқайда ажарлы көріне аласыз.
<a href="https://bilim-all.kz/article/9013-Nege-adamdar-40-zhastan-asqan-son-tolyp-ketedi?utm_medium=referral&utm_source=lentainform&utm_campaign=bilim-all.kz&utm_term=1277167&utm_content=9131562">Bilim-all.kz</a>

Неге адамдар 40 жастан асқан соң толып кетеді?

<a href="https://kyzylorda-news.kz/">Kyzylorda-news.kz.</a> Байқоңыр қаласында коронавирус инфекциясының таралуын шектеу шаралары 2021 жылдың 15 наурызы сағат 00:00-ге дейін ұзартылды, деп хабарлайды қала әкімдігінің баспасөз қызметі.
<blockquote>
 «Карантин «Байқоңыр» кешенінің бас мемлекеттік санитарлық дәрігерінің және Байқоңыр қаласы әкімшілігі басшысының шешімімен тағы екі аптаға ұзартылды. Яғни қолданыстағы шектеу шаралары күшінде қалады», – делінген хабарламада.
</blockquote>
Кешегі күнге дейін Байқоңыр қаласында жалпы саны 1254 адам коронавирус инфекциясын жұқтырған. Бұл көрсеткіш екі апта бұрын 1223 адамды құраған болатын. Қазіргі уақытта 8 науқас жұқпалы аурулар ауруханасында емделуде.

Байқоңырда карантин шаралары 15 наурызға дейін ұзартылды

<a href="https://kyzylorda-news.kz/">Kyzylorda-news.kz.</a> Қызылорда облысында ПТР әдісі арқылы коронавирус инфекциясын анықтайтын 3 зертхана іске қосылды, деп хабарлайды <a href="https://www.inform.kz/kz/kyzylordada-koronavirus-infekciyasyn-anyktaytyn-3-zerthana-iske-kosyldy_a3758343">ҚазАқпарат</a>.
Өңірде бұған дейін аталған жұмыс 6 зертханада жүзеге асты.Енді олардың қатары тағы 3 лабораториямен толықты.Ендігі кезекте қатерлі індетті анықтау «Lab-Cell» ЖШС, «Invitro» ЖШС және «Геном» ЖШС лабороторияларында да жүзеге асты.Осылайша өңірдегі барлық зертхананың бір күндік жалпы қуаты 3370 анализді зерттеуге жетеді.
<blockquote>
 «Бұл коронавирусты анықтайтын зерттеулерді кеңейтуге, ерте анықтауға мүмкіндік береді. Ол аталған аурудың таралуының алдын алуға үлкен септігін тигізеді. Жыл басынан бері облыс бойынша коронаврируты анықтауға барлығы 317 мыңға жуық сынамаға ПТР талдау жүргізілді. Бүгінгі күні ПТР тестілеу 9 зертханада қолжетімді болып отыр. Оның 4-еуі – мемлекеттік, 5-еуі – жеке меншік негізде жұмыс жасайды» деп мәлім етті Қызылорда облысының санитариялық-эпидемиологиялық бақылау департаментінен.
</blockquote>

Қызылордада коронавирус инфекциясын анықтайтын 3 зертхана іске қосылды

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 806 адамда коронавирус ПТР-талдау арқылы анықталды, деп хабарлайды coronavirus2020.kz сайты.
Өңірлер бойынша:
Нұр-Сұлтан қаласында -24961(+137),
Алматы қаласында – 24878(+105),
Шығыс Қазақстан облысында – 21945(+48),
Атырау облысында – 17121(+39),
Павлодар облысында – 17455(+79),
Қарағанды облысында – 15348(+40),
Ақмола облысында – 13510(+70),
Батыс Қазақстан облысында – 12910(+66),
Солтүстік Қазақстан облысында – 12275(+30),
Қостанай облысында – 12249(+64),
Алматы облысында – 10727(+64),
Шымкент қаласында -6123(+12),
Жамбыл облысында – 5935(+20),
Түркістан облысында – 4276(+9),
Маңғыстау облысында – 4219(+5),
Ақтөбе облысында -4251(+12),
Қызылорда облысында -3835(+6).
Пандемия басталғалы ел бойынша ауырғандар саны – 212 018.

Қызылордада тағы 6 адам коронавирус жұқтырды

<a href="https://kyzylorda-news.kz/">Kyzylorda-news.kz.</a> Республиканың шығысына антициклон ықпал етеді, ал батыс бөлігіне Солтүстік-батыс циклоны келеді. Осыған байланысты республиканың басым бөлігінде қар жауады. Батыста жаңбыр мен қар жауады. Тек еліміздің оңтүстік-шығысы мен шығысында жауын-шашын жаумайды. Республиканың кей жерлерінде тұман түсіп, көктайғақ болады. Боран соғып, жел күшейеді, деп хабарлайды Қазгидромет.
Батыс Қазақстан, Атырау, Ақтөбе облыстарының кей жерлерінде – жаяу бұрқасын, тұман, көктайғақ болады. Жел екпіні 15-20 м/с дейін күшейеді.
Түркістан облысының кей жерлерінде боран соғады, тұман түседі. Күндіз кей жерлерде жел қарқыны – 15-20 м/с.
Күндіз Ақмола, Солтүстік Қазақстан облыстарының батысында бұрқасын көтеріледі. Кей жерлерде жел жылдамдығы 15-20 м/с жетеді.
Қызылорда облысының кей жерлерінде тұман түсіп, көктайғақ болады. Күндіз кей жерлерде желдің күші – 15-20 м/с.Жамбыл обласының кей жерлерінде тұман түседі, жел екпіні 15-20 м/с дейін күшейеді.
Қостанай, Қарағанды облыстарының кей жерлерінде тұман түседі. Күндіз кей жерлерде жел қарқыны – 15-20 м/с. Қостанай облысының кей жерлерінде боран соғады.
Павлодар, Шығыс Қазақстан, Маңғыстау облыстарының кей жерлерінде тұман түседі. Маңғыстау облысында көктайғақ болжанады.
Солтүстік Қазақстан, Қарағанды облыстарының кей жерлерінде түнде қатты аяз болады.

Сенбіге арналған ауа райы болжамы

<a href="https://kyzylorda-news.kz/">Kyzylorda-news.kz.</a>&nbsp; Қызылордада «Сыр үміті» жастар қауымдастығының бастамасымен «Арман ағашы» атты қайырымдылық акциясы бастау алды.
Акцияның басты мақсаты – ерекше күтімді қажет ететін, мүмкіндігі шектеулі, ата-анасының қамқорлығынсыз қалған, үйден оқытылатын балалардың арман-тілектерін орындауға бағытталған.
Осы орайда, қаламыздағы «Aray city mall» сауда орталығына арнайы балалардың тілектері жазылған Арман ағашы орнатылған. Кез-келген тұрғын балалар тілектерін алып, оны орындай алады.
<blockquote>
 «Арман ағашы» қайырымдылық акциясы аясында біз ерекше қажеттілігі бар және мүмкіндігі шектеулі балаларға жылулық пен сүйіспеншілік сыйлағымыз келеді. Олардың арманын жүзеге асыру арқылы біз шабыт сыйлаймыз. Айта кетейін, акциямызға облысымыздағы кәсіпкерлер мен билік өкілдері де атсалысуға ниетті», – деді «Сыр үміті» жастар қауымдастығының төрағасы Мағжан Ералиев.
</blockquote>
Акцияның ұйымдастырушысы және жас кәсіпкер ретінде бірінші болып Мағжан Ералиев ДЦП сырқатына шалдыққан Фариза есімді аруға өзі армандағандай калясканы сыйға тартты.
<img src="https://kyzylorda-news.kz/wp-content/uploads/2021/02/img_0311-scaled.jpg" alt="" />
Күдігі мен үміті қатар тұрған қиын кезеңде қамкөңілді балаларға қуаныш сыйлау мақсатындағы қолға алынған игі бастама бір айға созылады.

Қызылордада «Арман ағашы» атты қайырымдылық акциясы басталды

<a href="https://kyzylorda-news.kz/">Kyzylorda-news.kz.</a> Ақтөбе қаласында гір көтеруден және қол күрестен өткен Қазақстан чемпионатында қызылордалық спортшылар облыс қоржынына 4 медаль салды.
Гір көтеруден жастар арасында 95 келіден жоғары салмақта өнер көрсеткен Жалағаш ауданының спортшысы Ерасыл Аубакир жеңіс тұғырына көтерілді. Ал 85 келіде әуесқойлар арасында жалағаштық Абдулхасан Сейтенов қола жүлдегер атанды.
Қол күрестен сынға түскен шиелілік Захар Сибриков 70 келі салмақта алтын медаль жеңіп алса, қармақшылық спортшы Роман Швец 75 келіде үшінші орыннан көрінді. Қос спортшы да Ташкентте өтетін Азия чемпионатына жолдама алды.
Спортшыларды жарысқа облыстың аға жаттықтырушылары, гір көтеруден Оразбек Медетбаев және қол күрестен Талғат Қанаев дайындады.
<img src="https://kyzylorda-news.kz/wp-content/uploads/2021/02/154409700_1238273143234862_1669982171479299536_n.jpg" alt="" />
<img src="https://kyzylorda-news.kz/wp-content/uploads/2021/02/154777103_1238273129901530_4623136482822838209_n.jpg" alt="" />
<img src="https://kyzylorda-news.kz/wp-content/uploads/2021/02/155288820_1238273116568198_744228003652221254_n.jpg" alt="" />

Қызылордалық спортшылар Қазақстан чемпионы атанды

<a href="https://kyzylorda-news.kz/">Kyzylorda-news.kz.</a> Бүгін облыс әкімі Гүлшара Әбдіқалықованың төрағалығымен облыстық әлеуметтік әріптестік және әлеуметтік еңбек қаты настарын реттеу жөніндегі облыстық үш жақты комиссия отырысы өтті.
Мәжілісте екі мәселе қаралды. Атап айтсақ, еңбек қарым-қатынастарының жағдайы және еңбек дауларын алдын алу бойынша атқарылып жатқан жұмыстар мен өндірістік жазатайым оқиғалары және алдын-алу бағытындағы шаралар талқыланды. 
Күн тәртібіндегі мәселелер бойынша облыстық еңбек саласындағы бақылау басқармасының басшысы Төреахмет Жолымбетов пен облыстық кәсіподақтар орталығының төрағасы Серік Сермағамбетов баяндады.
2020 жылы облыс бойынша кәсіпорындар мен мекемелерде 134 тексерулер жүргізілді. Оның ішінде 130 жоспардан тыс тексеру, 4 тексеру субъектіге бару арқылы профилактикалық бақылау мен қадағалау тәртібінде жүргізілген. Тексерулер нәтижесімен 188 заңбұзушылықтар анықталған. Оларды жою және болдырмау жөнінде 100 нұсқама беріліп, 188 бұзушылықтардың 165 жойылған.
Жалпы 12 айда 30 әкімшілік шара көріліп, оның ішінде 3 ескерту, 3 012 620 теңге мөлшерінде 27 айыппұл салынды. Ал, ағымдағы жылдың қаңтар айында 5 жоспардан тыс тексеру жүргізіліп, 8 заңбұзушылық анықталып, оларды жою туралы 2 нұсқама берілген.
Сонымен қатар, комиссия отырысына облысымыздың бірқатар мұнай өңдіруші және оларға сервистік қызмет көрсететін компаниялар, кәсіподақ өкілдері қатысты. Олар мұнай компанияларында қызметкерлер тарапынан көтерілген жалақы, қысқарту мәселесіне қатысты наразылықтар бойынша атқарылған жұмыстар туралы айтты.
Аймақ басшысы жалақының мерзімінде төленуін қатаң бақылауға алып, шиелініске жол бермеу бағытында жедел әрекет ету шараларын қабылдауды, кәсіпорындар мен мекемелерде Ұжымдық шарттардың жасалуын және оның мазмұнының сапалылығына үшжақты комиссияларынынан келісім алуын қарастыруды, талаптарының орындалуын бақылауды жүктеді. Сондай-ақ, мұнай өңдіруші және оларға сервистік қызмет көрсететін компания басшыларына жұмысшыларға барынша қолдау көрсетіп, заңнамаға сәйкес еңбегіне орай үстемақы төлеп, мүмкіндігінше қысқартпауды тапсырды.
<blockquote>
 «Мемлекеттік тұрақтылықты бірқалыпты ұстау мақсатында қоғамдық-саяси ахуалға жергілікті атқарушы органдармен көптеген шаралар атқарылуда. Өңіріміздегі өнеркәсіп өндірісінің 60 айызға жуық үлесін мұнай-газ саласына тиесілі. Мұнай өндіру көлемі жылда қысқаруда. Сондықтан тұрғындардың жиі көтеретін мәселелер қатарында мұнай компанияларында жұмысшыларды қысқарту мен жалақыларының төмендегі, кешіктіруі фактілері болып отыр. Осы мәселелерді мүмкіндігінше азайту, жұмыссыздықты жоюды бірінші кезекте шешу қажет», – деді облыс әкімі Гүлшара Әбдіқалықова.
</blockquote>
Есепті мерзімде аймақта әлеуметтік-еңбек даулары орын алған жоқ. Облыс бойынша еңбек саласындағы ахуал тұрақты, ереуілдер, митингілер тіркелмеген. Жұмыс орындарын қысқартуды болдырмау, жалақы қарызы мен еңбек қауіпсіздігі мен еңбекті қорғау мәселелері облыстық үшжақты әлеуметтік әріптестік және әлеуметтік еңбек қатынастарын реттеу жөніндегі комиссия отырыстарында ұдайы қаралуда.
Ай сайын облыс әкімдігі және облыстық прокуратурамен әлеуметтік шиеленіс ошақтарының Картасы жаңартылып отыр. Жұмыскерлерге жалақы қарызын төлеу мәселесі ерекше бақылауда. 2020 жылғы 12 айда ықпал ету шаралары нәтижесінде 20 кәсіпорынның 4648 жұмыскерлеріне 617,8 млн. теңге жалақы қарызы төленген.
Өткен жылы шетел жұмыс күшін тарту мақсатында 24 жұмыс беруші тіркелген. Оларда 8023 қазақстандық азаматтар жұмыс атқарады және шетелдік жұмыс күшін тартуға облыс бойынша 356 бірлік квота бөлінген. Жергілікті қазақстандық қызметкерлер мен шетел қызметкерлерінің еңбекақыларының арасында айырмашылық бойынша еңбекақы төлеміндегі теңсіздік фактісі анықталмаған.
Сондай-ақ, жұмыс берушілерге жұмыскерлердің еңбек шарттарын «Еңбек шарттарын есепке алудың бірыңғай жүйесіне» енгізу қажеттігі туралы түсіндірме жұмыстары тұрақты жүргізілуде. Атқарылған жұмыстар нәтижесінде биыл 1755 жұмыс берушілердің 93602 еңбек шарттары тіркелген.
Облыс әкімі әлеуметтік-еңбек дауларын алдын алу бойынша бірқатар тапсырма берді.
<blockquote>
 «Жазатайым оқиғалар жиі орын алған компания басшыларын кәсіподақ өкілдерінің қатысуымен тыңдау өткізіп, салалық кәсіподақ ұйымдарымен бірлесіп, шетелдіктердің қатысуымен құрылған компанияларындағы орын алған еңбек даулары мен еңбек қатынастарына тұрақты түрде мониторинг жұмыстарын күшейтуді қамтамасыз ету керек. Жергілікті бұқаралық ақпарат құралдарын, әлеуметтік желілерді пайдалана отырып жұмыскерлер мен жұмыс берушілерге еңбек заңнамасының негіздері бойынша ақпараттық-түсіндірме жұмыстарын күшейту маңызды», – деді Гүлшара Әбдіқалықова.
</blockquote>

Әлеуметтік әріптестік және әлеуметтік еңбек қатынастарын реттеу жөніндегі облыстық комиссия отырысы өтті

<a href="https://kyzylorda-news.kz/">Kyzylorda-news.kz.</a> Синоптиктер Қызылорда облысында ауа райына байланысты ескерту жариялады, деп хабарлайды Қазгидромет.
27 ақпанда&nbsp;Қызылорда облысының кей жерлерінде көктайғақ, тұман күтіледі.&nbsp;Күндіз&nbsp;оңтүстік-шығыстан, оңтүстіктен жел соғады, күші кей жерлерде 15-20 м/с-ға жетеді. Қызылорда қаласында 27 ақпанда&nbsp;тұман күтіледі.

Қазақстан және Қызылорда облысының жаңалықтары