<a href="https://kyzylorda-news.kz/">Kyzylorda-news.kz.</a> Арал ауданында коронавирусқа қарсы вакциналау шарасы жалғасуда. 
Бүгін аудан әкімі Мұхтар Оразбаев коронавирус инфекциясына қарсы екпе қабылдады. Вакцина салдырғандардың қатарында аудандық мәслихат хатшысы Б.Төрахметов, облыстық мәслихаттың депутаты Е.Аяғанов, «Атамекен» кәсіпкерлер палатасының Арал ауданы бойынша бөлімшесінің директоры Н.Ембергенова және білім саласының қызметкерлері бар.
Вакцина алдымен, тұрғындармен тығыз байланыста болатын, вирус жұқтыру қаупі жоғары қызметкерлерге салынады.
Вакцинация жасалмас бұрын дәрігер міндетті түрде дене температурасын, жүрек қағысын, артериялық қан қысымын, тыныс алуын және жүрек-қан тамырлары жүйесін, ауыз қуысын тексереді, эпидемиологиялық анамнез нақтыланады.
Вакцинацияға тек екпеге қарсы көрсетілімі жоқ қызметкерлер кіргізілді.
Айта кетейік, бүгінгі күннің қорытындысымен 430 аудан азаматтары қауіпті індеттің жолын кесу бағытында екпе қабылдыды.

Мұхтар Оразбаев коронавирус инфекциясына қарсы екпе қабылдады

<a href="https://kyzylorda-news.kz/">Kyzylorda-news.kz.</a> Алматыда 100-ден аса көшенің атауы өзгереді. Жобаны қала әкімдігі мен мәслихат дайындады. Бастаманы қоғаммен талқылау үшін «Ашық НҚА» сайтына орналастырды, деп хабарлайды <a href="https://lenta.inform.kz/kz/almatyda-100-den-asa-koshenin-atauy-ozgeredi_a3777126">ҚазАқпарат</a>.
Көшелердің атауын өзгерту қала әкімдігінің жанындағы ономастикалық комиссияның және ҚР Үкіметінің жанындағы республикалық ономастикалық комиссияның қорытындылары негізінде қала тұрғындарының пікірін ескере отырып жүзеге асырылады.
Алатау ауданы «Мәдениет» шағынауданында атауы өзгеретін көшелер:
– жобалық атауы 1 көшеге – Саржайлау көшесі;
– жобалық атауы 2 көшеге – Киелі бұлақ көшесі;
– жобалық атауы 3 көшеге – Аспара көшесі;
– жобалық атауы 4 көшеге – Қаракөл көшесі;
– жобалық атауы 5 көшеге – Алтынқорған көшесі;
– жобалық атауы 6 көшеге – Тайсаурын көшесі;
– жобалық атауы 7 көшеге – Шоқпартас көшесі;
– жобалық атауы 8 көшеге – Айпара көшесі;
– жобалық атауы 9 көшеге – Әулиетау көшесі;
– жобалық атауы 10 көшеге – Майбұлақ көшесі;
– жобалық атауы 11 көшеге – Қарамерген көшесі;
– жобалық атауы 12 көшеге – Майтөбе көшесі;
– жобалық атауы 13 көшеге – Өрнек көшесі;
– жобалық атауы 14 көшеге – Айғыржал көшесі;
– жобалық атауы 15 көшеге – Талдыбұлақ көшесі;
– жобалық атауы 16 көшеге – Шұбартау көшесі;
– жобалық атауы 17 көшеге – Ақбиік көшесі;
– жобалық атауы 18 көшеге – Жарқұдық көшесі;
– жобалық атауы 19 көшеге – Ойқарағай көшесі;
– жобалық атауы 20 көшеге – Бозоқ көшесі;
– жобалық атауы 21 көшеге – Жанкент көшесі;
– жобалық атауы 22 көшеге – Созақ көшесі;
– жобалық атауы 23 көшеге – Айбас көшесі;
– жобалық атауы 24 көшеге – Алшағыр көшесі;
– жобалық атауы 25 көшеге – Байбақты көшесі;
– жобалық атауы 26 көшеге – Сарысу көшесі;
– жобалық атауы 27 көшеге – Ағыбай батыр көшесі;
– жобалық атауы 28 көшеге – Мұхит Мералыұлы көшесі;
– жобалық атауы 29 көшеге – Құдайберген Жұбанов көшесі;
– жобалық атауы 30 көшеге – Әуелбек Қоңыратбаев көшесі;
– жобалық атауы 31 көшеге – Әйткеш Толғанбаев көшесі;
– жобалық атауы 32 көшеге – Құлжабай Қасымов көшесі;
– жобалық атауы 33 көшеге – Өмірбек Байділдаев көшесі;
– жобалық атауы 34 көшеге – Асқар Сүлейменов көшесі;
– жобалық атауы 35 көшеге – Дүкенбай Досжан көшесі;
– жобалық атауы 36 көшеге – Суатсай көшесі;
– жобалық атауы 37 көшеге – Жетікөл көшесі;
– жобалық атауы 38 көшеге – Жалпақтал көшесі;
– жобалық атауы 39 көшеге – Керімағаш көшесі;
– жобалық атауы 40 көшеге – Қаражер көшесі;
– жобалық атауы 41 көшеге – Қимасар көшесі;
– жобалық атауы 42 көшеге – Қызылшоқы көшесі;
– атауы жоқ көшеге – Шоған абыз көшесі.
Алатау ауданы «Теректі» шағын ауданында:
– жобалық атауы 1 көшеге – Мәртөк көшесі;
– жобалық атауы 2 көшеге – Мырзабел көшесі;
– жобалық атауы 3 көшеге – Нарсай көшесі;
– жобалық атауы 4 көшеге – Сайғақты көшесі;
– жобалық атауы 5 көшеге – Талсуат көшесі;
-жобалық атауы 6 көшеге – Үшқиян көшесі;
– жобалық атауы 7 көшеге – Шектібай көшесі;
– жобалық атауы 8 көшеге – Аққия көшесі;
– жобалық атауы 9 көшеге – Аманбөктер көшесі;
– жобалық атауы 10 көшеге – Байырқұм көшесі;
– жобалық атауы 11 көшеге – Белқараған көшесі;
– жобалық атауы 12 көшеге – Жиренкөл көшесі;
– жобалық атауы 13 көшеге – Иманбұрлық көшесі;
– жобалық атауы 14 көшеге – Құрсары көшесі;
– жобалық атауы 15 көшеге – Манысай көшесі;
– жобалық атауы 16 көшеге – Оймауыт көшесі;
– жобалық атауы 17 көшеге – Тастөбе көшесі;
– жобалық атауы 18 көшеге – Тұздыкөл көшесі;
– жобалық атауы 19 көшеге – Шымқорған көшесі;
– жобалық атауы 20 көшеге – Қоңырөлең көшесі;
– жобалық атауы 21 көшеге – Ақадыр көшесі;
– жобалық атауы 22 көшеге – Байғара көшесі;
– жобалық атауы 23 көшеге – Жасөркен көшесі;
– жобалық атауы 24 көшеге – Көккемер көшесі;
– жобалық атауы 25 көшеге – Қорғанжар көшесі;
– жобалық атауы 26 көшеге – Қызылтау көшесі;
– жобалық атауы 27 көшеге – Майқұдық көшесі;
– жобалық атауы 28 көшеге – Малайсары көшесі;
– жобалық атауы 29 көшеге – Жітіқара көшесі;
– жобалық атауы 30 көшеге – Сарыкемер көшесі;
– жобалық атауы 31 көшеге – Өлеңті көшесі;
– жобалық атауы 32 көшеге – Саумалкөл көшесі;
– жобалық атауы 33 көшеге – Сайын Мұратбеков көшесі;
– жобалық атауы 34 көшеге – Тасбөгет көшесі;
– жобалық атауы 35 көшеге – Тобылғысай көшесі;
– жобалық атауы 36 көшеге – Үңгіртас көшесі;
– жобалық атауы 37 көшеге – Шеңгелді көшесі;
– жобалық атауы 38 көшеге – Ақжал көшесі;
жобалық атауы 39 көшеге – Бестоғай көшесі.
Алатау ауданы «Қарасу» шағын ауданында:
– жобалық атауы 1 көшеге – Мұрат Мөңкеұлы көшесі;
– жобалық атауы 2 көшеге – Диханкөл көшесі;
– жобалық атауы 3 көшеге – Жосалы көшесі;
– жобалық атауы 4 көшеге – Көктал көшесі;
– жобалық атауы 5 көшеге – Қойтас көшесі;
– жобалық атауы 6 көшеге – Дулат Бабатайұлы көшесі;
– жобалық атауы 7 көшеге – Қостөбе көшесі;
– жобалық атауы 8 көшеге – Лепсі көшесі;
– жобалық атауы 9 көшеге – Меркі көшесі;
– жобалық атауы 10 көшеге – Сағырлы көшесі;
– жобалық атауы 11 көшеге – Тасқара көшесі.
Алатау ауданы «Алғабас» шағын ауданында:
– жобалық атауы 1 көшеге – Рамазан Бапов көшесі;
– жобалық атауы 2 көшеге – Сафи Өтебаев көшесі;
– жобалық атауы 3 көшеге – Түпқараған көшесі;
– жобалық атауы 4 көшеге – Ақжарма көшесі;
– жобалық атауы 5 көшеге – Ақыртас көшесі;
– жобалық атауы 6 көшеге – Баққожа Мұқай көшесі;
– жобалық атауы 7 көшеге – Белқұдық көшесі;
– жобалық атауы 8 көшеге – Қатонқарағай көшесі;
– жобалық атауы 9 көшеге – Құмжарған көшесі;
– жобалық атауы 10 көшеге – Мырзашоқы
Алатау ауданы «Ақбұлақ» шағын ауданында:
– жобалық атауы 1 көшеге – Сейдолла Бәйтереков көшесі;
– жобалық атауы 2 көшеге – Тұяқберді Шамелов көшесі;
– жобалық атауы 3 көшеге – Шайдахмет Серғазин көшесі;
– жобалық атауы 4 көшеге – Егіндібұлақ көшесі;
– жобалық атауы 5 көшеге – Қалжан Нұрмаханов көшесі.
Бостандық ауданында:
– жобалық атауы 26 көшеге – Манаш Қозыбаев көшесі;
– жобалық атауы 28 көшеге – Еділ Ерғожин.
Бостандық, Медеу аудандарында:
– жобалық атауы 1 көшеге – Нұрлан Қаппаров.
Медеу, Жетісу аудандарында:
– Черкасская оборона көшесіне – Шерхан Мұртаза.
Наурызбай ауданының «Ақжар» шағын ауданында:
– Шәкен Айманов көшесіне – Салық Зиманов көшесі;
– Тарасов көшесіне – Немат Келімбетов.
Наурызбай ауданы «Наурыз» шағын ауданында:
– Центральная көшесіне – Ұзақбай Қараманов.
Наурызбай ауданы «Шұғыла» шағын ауданында:
– Атауы жоқ көше – Алатау көшесіне.
Жобаны жария талқылау 29 сәуірге дейін жалғасады.

Ұзақбай Қарамановтың атына Алматыдан көше атауы берілді

<a href="https://kyzylorda-news.kz/">Kyzylorda-news.kz.</a> Қазгидромет республиканың барлық дерлік өңірінде дабылды ескерту жариялады.
17 сәуірде&nbsp;Атырау облысында түнде және таңертең кей жерлерде тұман түсіп, күндіз найзағай ойнайды. Оңтүстік-батыстан солтүстік-батысқа ауысатын желдің күші күндіз кей жерлерде 15-20 м/с дейін барады.
Атырау қаласында&nbsp;күндіз желдің екпіні 15-18 м/с жетеді.
17 сәуірде&nbsp;Ақтөбе облысының&nbsp;кей жерлерін тұман басады, күндіз найзағай жарқылдайды. 19 сәуірде күндіз ауа температурасы +5… +10 градусқа дейін күрт төмендейді. 20 сәуірде түнде минус 3-8 градус суық, күндіз 2-7 градус жылы болады. Желдің күші 15-20 м/с, екпіні 25 м/с дейін барады.
17 сәуірде&nbsp;Маңғыстау облысының&nbsp;кей жерлерінде және Ақтау қаласында тұман болжанып отыр.
17 сәуірде&nbsp;Батыс Қазақстан облысында&nbsp;кей жерлерде найзағай күтілуде. Солтүстік-шығыстан соғатын желдің жылдамдығы – 15-20 м/с.
17 сәуір күндіз, 18-19 сәуірде тәулік бойы&nbsp;Жамбыл облысында&nbsp;кей жерлерде найзағай ойнайды. 18-19 сәуірде желдің екпіні 15-20 м/с болады. Таразда 18 сәуірде найзағай жарқылдайды, жел күшейеді.
19 сәуірде&nbsp;Солтүстік Қазақстан облысының&nbsp;кей жерлерінде жаңбыр жауып, арты қарға ұласады. Бұрқасын, көктайғақ, тұман болады, жел күшейеді. Ауа температурасы түнде минус 7-12 градусқа дейін, күндіз 0-5 градусқа дейін төмендейді.
19 сәуірде түнде&nbsp;Қостанай облысының&nbsp;кей жерлерінде жауын-шашын (жаңбырдың соңы қарға ұласады), бұрқасын, көктайғақ, тұман болжанып отыр. Желдің жылдамдығы 15-20 м/с, екпіні 23 м/с дейін барады. &nbsp;Ауа температурасы түнде минус 3-8 градусқа дейін төмендесе, күндіз минус 3 градустан плюс 2 градусқа дейін көтеріледі.
19 сәуірде&nbsp;Ақмола облысының&nbsp;кей жерлерінде жауын-шашын (жаңбыр соңы қарға ұласады), бұрқасын, көктайғақ, тұман болады деп күтілуде. Солтүстіктен, солтүстік-шығыстан соғатын желдің күші – 15-20 м/с. Сынап бағанасы түнде минус 5-10 градус, күндіз 0-5 градус суықты көрсетеді.
19 сәуірде&nbsp;Павлодар облысының&nbsp;кей жерлерінде жауын-шашын (жаңбыр соңы қарға ұласады), бұрқасын, көктайғақ, тұман болжануда. Солтүстік-батыстан соғатын желдің бағыты солтүстік-шығысқа ауысады, күші 15-20 м/с, екпіні 23 м/с. Ауа температурасы түнде минус 2-7 градус, күндіз 0-5 градус суық болады. 20-21 сәуірде түнде температура минус 7-12 градусқа дейін түседі.
19-20 сәуір күндері&nbsp;Қарағанды облысының&nbsp;кей жерлерінде де жаңбыр жауып, арты қарға ұласады, көктайғақ, тұман болады, 20 сәуірде бұрқасындатады. Желдің екпіні 23-28 м/с дейін барады. 19 сәуірде түнде ауа температурасы минус 3 градус пен плюс 2 градус аралығында құбылады. 20-21 сәуірде түнде минус 7-12 градусқа дейін төмендейді.
20 сәуірде&nbsp;Шығыс Қазақстан облысында&nbsp;жауын-шашын (жаңбырдың соңы қарға ұласады), көктайғақ, тұман, бұрқасын күтілуде. Солтүстік-шығыстан жел соғады, күші 15-20 м/с, екпіні 23-28 м/с. 20 сәуірде ауа температурасы түнде минус 2-7 градус, күндіз минус 3 градустан плюс 2 градус жылы болады. 21-22 сәуірде түнде сынап бағанасы минус 5-13 градусқа дейін түседі.
20 сәуірде&nbsp;Қызылорда облысының&nbsp;кей жерлерінде тұман түседі деп болжануда. Солтүстік-шығыстан соғатын желдің күші 15-20 м/с, екпіні 23-28 м/с. 20 сәуірде түнде ауа температурасы плюс 2-7 градусқа дейін күрт төмендейді, 21 сәуірде түнде кей жерлерде 3 градус үсік жүреді.

Қазақстанның барлық  өңірінде дабылды ескерту жарияланды

<a href="https://kyzylorda-news.kz/">Kyzylorda-news.kz.</a> Бүкіл әлемді әбігерге салған коронавирустық инфекцияның белең алғанына бір жылдай уақыт болды. Дегенмен, бұл дертті әлі күнге дейін ауыздықтау мүмкін болмай отырғаны көпшілікті алаңдатуда. Әр кезеңде түрлі көрсеткішпен белең алып отырған осы бір індетті ауыздықтау мақсатында 1 ақпаннан бастап вакцина алу жүргізілуде.
Қазіргі таңда індетті жеңудің жалғыз жолы болып отыр. Мемлекет басшысы жақындарымыздың өмірін сақтау үшін вакцина алу – індетке қарсы тұрудың бір ғана жолы бар екендігін айтып, екпе алудың маңыздылығына баса мән беруде. Әрине, қалыпты өмірге қайта оралу үшін ең маңыздысы – екпе алу.
Өз басым әуелі түрлі ақпаратпен танысып, кейін екпе алудың маңыздылығына көз жеткізген соң, екпені салдыру туралы шешім қабылдадым. Бұл – менің ғана емес, отбасымның шешімі. Себебі біз бұрынғы қалыпты өмір салтымызға оралғымыз келеді. Ол үшін әркім өз денсаулығына жауапкершілікпен қарап, дәрігерлердің ақыл-кеңесін уақытында орындап жүруі қажет. Әр азамат өзінің денсаулығына және отбасының саулығы үшін жауапты.
Жұмыс бабымен сыртта көпшілікпен тығыз қарым-қатынаста болғандықтан, сақтанудың бір ғана жолын таңдауды жөн көрдім. Сол себепті, вакцина қабылдаймын деген ұйғарымға келдім. 
Вакцинаны екі мәрте қабылдап, екі кезеңінде де өз-өзіме бақылау жасадым.
Әдепкі бірінші кезеңінде сәл шаршағандай болдым. Артынша аз уақыттан соң бұрынғыша қалыпқа түсті. Екінші кезеңінде ешқандай ауыртпалық сезінбедім. Қазірде вакцина алғаннан кейінгі жағдайым жақсы. Мен де індетке қарсы вакцина алып, барынша қорғанудың амалын жасадым. Жерлестерімді де вакцина қабылдауға шақырамын.
Жалпы, ауырмаудың жолы – жеке бас тазалығын сақтап, салауатты өмір салтын ұстанып, иммундық ахуалды ұдайы бақылап отыру. Осы қарапайым ғана қағидаларды сақтай білсек, еліміз аман, жұртымыз тыныш болады деп ойлаймын.
Оңалбек МОШАНОВ, 
Арал аудандық санитарлық-эпидемиологиялық бақылау басқармасының бөлім басшысы

Оңалбек Мошанов: Вакцина &#8211; індетті жеңудің жалғыз жолы

Kyzylorda-news.kz. Облыстық денсаулық сақтау басқармасының қоймасынан коронавирус инфекциясына қарсы 400 доза вакцина арнайы жабдықталған көлікпен жеткізілді.
Оның 200 данасы вакцинаның 1-компоненті болса, қалған 200 данасы 2-компонент.
Коронавирусқа қарсы екпе індетінің алдын алу үшін ауданда наурыздың 9-нан бастап ерікті түрде вакцинациялау науқаны басталып, екпе арнайы жабдықталған аудандық орталық егу кабинетінде жүргізілуде.
Екпе егу алдында дәрігерге тексеріліп, вакцинаға қарсы көрсетілім жоқ екені анықталған соң ерікті түрде вакцина салдыруда.
Екпеден кейін дәрігерлер вакциналаудан кейінгі сақтық шараларын түсіндіруде.
Айта кету керек, осы уақытқа дейін ауданға 200 доза вакцина әкелінген.

Жалағаш ауданына 400 доза вакцина жеткізілді

<a href="https://kyzylorda-news.kz/">Kyzylorda-news.kz</a>. Коронавирусқа&nbsp;қарсы вакцина алған әйелдер&nbsp;кез келген уақытқа жүктілікті жоспарлай беруіне болады. Бұл туралы денсаулық сақтау министрлігінің өкілі айтты,&nbsp;деп хабарлайды &nbsp;<a href="https://www.youtube.com/watch?v=TUUUYuMl8Qk&list=PLn2OyECVOtB9nzyFgVi1QIuXTrI0-4qKg&index=5">“Информбюро”</a>.
Қазақстанда сәуір айының ортасына дейін 505 мың адам ғана коронавирусқа қарсы екпе салдырыпты. Бұл үкімет осы айда жоспарлаған сандардың жартысына да жетпейді. Бұған себеп, мамандардың айтуынша, жұртшылықтың екпеге деген сенімінің аздығы. Бірі – екпеден соң бала көтере алмаймыз деп қорықса, ал енді бірі өзге ауруымды қоздырып аламын деп алаңдайды екен.
Әйелдердің дені екпеден соң бала көтере алмаймын деп алаңдайды екен. Денсаулық сақтау министрлігінің өкілі, бұл жалған ақпарат екенін мәлімдеді. Ковидке қарсы вакцина алған әйелдердің кез келген уақытқа жүктілікті жоспарлай беруіне болады екен. Алайда жүкті және емізулі баласы барларға екпе алуға тыйым салынған.
<blockquote>
 “Вакцинаны қабылдағаннан кейін үш күндей міндетті түрде кейбір азаматтарымызда дене қызуы көтерілуі мүмкін. Уколдың орны ауырып кішкене ісінуі мүмкін. Вакцинаны қабылдағаннан кейін үш күнге дейін суға түспеуге біз кеңес береміз. Егерде бірінші компонентті алған азаматымыз 21 күннің ішінде коронавирус инфекциясын жұқтырып алса, коронавирустан толық айығып алған соң 6 айдан кейін вакцина салдыруына болады”, – деді санитария-эпидемиология бақылау комитетінің ресми өкілі Ержан Байтана.
</blockquote>
Дәрігерлер&nbsp;соңғы күндері елорда емханаларына ковидке қарсы екпе алуға келетіндер саны артып жатқанын айтады. Алайда сандар керісінше сайрайтын сияқты. Мысалға, елордалық емханаға қарасты 80 мыңнан астам адамның ішінен тек 1900-ы ғана сәуір айында вакцинацияланған.
<blockquote>
 “Температурасын өлшейміз, сатурациясын өлшейміз, қан қысымын өлшейміз. Сұрақтар қоямыз, жүкті ме, емізулі баласы бар ма, онкологиялық аурулары бар ма, соңғы алты айда ауырды ма коронавируспен. Соңғы бір айда басқа да екпелерді алды ма?”, – деді&nbsp;терапевт дәрігер Әлия Өскембаева.
</blockquote>
Мамандар екпенің орны ісіп, сыздап ауырса жылы киіну керек екенін айтады, ал тіпті шыдатпаса 103 нөміріне хабарласуға кеңес береді. Дәрігерлердің айтуынша, екпе бұрынғы ауруларды қоздырмайды, қанды ұйытпайды. Өйткені вакцина алдында пациент толық медициналық тексеруден өтеді.

«Вакцина алған әйелдерге жарты жыл бала көтеруге болмайды»: Ақпарат қаншалықты рас?

<a href="https://kyzylorda-news.kz/">Kyzylorda-news.kz.</a> Облыс әкімі Гүлшара Әбдіқалықова аймақтың батыс аудандарындағы жұмыс сапарын Қазалы ауданында жалғастырды. Батыс Европа – Батыс Қытай көлік дәлізінінің «Қашқан су» учаскесіндегі Көпсалалы қызмет көрсету кешенінің құрылыс жұмысымен танысты. Қазіргі таңда нысан құрылысының 90 пайыз жұмыстары біткен. Жоба құны 377 млн. теңгені құрайды. Кешеннің құрылыс жұмыстары толық аяқталған уақытта 30 адам жұмыспен қамтылады.
Аймақ басшысы Басықара ауылына барып, Ә.Тыныбаев атындағы су торабының жұмысын көрді. Сондай-ақ, ауылшаруашылығы саласында атқарылып жатқан жұмыстармен танысып, сол жерде шаруашылық басшыларымен кездесті. Шаруа қожалықтарының иелері және тұрғындармен ауданның ауылшаруашылық саласын дамыту мәселелерін талқылады.
Мұнан соң өңір басшысы «Рза» АҚ-ның егіс алқабына барды. Жаңбырлатып суғару тәсілімен егіліп жатқан жүгері алқабынының жұмысын назарға алды. Қазір егіс алқабында Германиядан алынған құны 41,3 млн теңге тұратын дренажды құбырлар мен 25,7 млн теңгеге арнайы соқа және испандық «RAESA» компаниясының құны 206,3 млн теңгені құрайтын жаңбырлатып суару қондырғысы бар. Жаңа технология мамыр айында толық іске қосылып, мал азықтық дақылдар өсірілмек. Облыс әкімі Гүлшара Әбдіқалықова жаңа жобаның бүгінде маңызы зор екендігін айтып, өзге шаруашылықтар да қолға алу қажеттігін айтты.
<blockquote>
 «Қазір, өздеріңіз білесіздер, Сырдария өзенінде су азайып кетті. Осыған орай біз ауылшаруашылық саласын әртараптандыруды қолға алдық. Суды көп қажет ететін күріш егісін азайттық. Сондықтан «РЗА» АҚ-ның бүгінгі қолға алған жобасы өте тиімді іс деп білемін. Өзге шаруашылықтар да осы жобаны қолға алса, ауылшаруашылығында ілгерілеушілік болары сөзсіз», – деді Гүлшара Әбдіқалықова.
</blockquote>
Қазалы ауданындағы сапары барысында Гүлшара Әбдіқалықова аудандық ауруханаға барып, ауданның COVID-19 инфекциясына қарсы шараларын көрді. Аурухана дәрігеріне індетпен күрес жұмыстарын ұдайы назарда ұстау қажеттігін баса айтты. Вакцинациялау жұмыстарын да дер кезінде атқарып, халыққа түсіндіру шараларын кеңінен жүргізуді тапсырды.
<blockquote>
 «Қазір еліміз бойынша коронавирус инфекциясының таралуы қайта кең етек алды. Соңғы мәліметтер бойынша аймақта ең көп індет тіркелу дерегі Қазалы ауданында орын алды. Сондықтан Covid-19 вирусына қарсы күрес шараларын күшейтуді қатаң тапсырамын. Тұрғындарға вакцина салу қажет екенін жан-жақты түсіндіріңіздер. Індетті тоқтатудың барлық шараларын қарастырыңыздар», – деді Гүлшара Әбдіқалықова.
</blockquote>
Сол жаға магистралды каналы жанында Әйтеке би-Қазалы аралығындағы аудандық маңыздағы автомобиль жолын қайта жаңғырту жобасы әкім назарына ұсынылды. Жоба аясында автомобиль жолын 4 жолаққа дейін кеңейту, 2 темір бетон көпірін, 2 су өткізгіш құбырын қайта жаңарту, жарық шамдар мен аялдамалар орнату жұмыстары жүргізіледі. Құрылыс жұмыстары өткен жылы басталған, ағымдағы жылы аяқталады деп күтілуде.
Облыс әкімі Гүлшара Әбдіқалықова мұнан соң «Шағала» балаларды сауықтыру демалыс орталығына барып, «Жол картасы» бағдарламасы аясында жасалған жөндеу жұмыстарымен танысты.
Мұнан соң облыс әкімі бастаған делегация Сырдария өзені арқылы өтетін «Қарлан» учаскесіндегі қалқымалы көпір жұмысын көрді. Аудандық маңыздағы және елді мекенішілік жолдардың жағдайымен стенд арқылы танысты. Қазіргі таңда бұл аумаққа темір бетон көпір салу жобасы мемлекеттік сараптамадан өткізілуде. Жобаның жалпы құны 4 536,5 млн. теңгені құрайды.
Өңір басшысы осы сапарында Өркендеу ауылдық округіндегі Көне Жанкент қалашығын да назардан тыс қалдырмады. Жанкент қалашығы Қазалы ауданындағы республикалық санаттағы археологиялық ескерткiштердiң бiрi. 2018 жылы жалпыхалықтық маңызы бар киелі орын санатына енгізілді. Жалпы аумағы 45 га жерді қамтиды. Қалашыққа 2005 жылдан бастау алған зерттеу жұмыстарымен қоса 2014 жылдан бастап бүгінгі күнге дейін облыстық бюджеттен қаржы бөлініп, Қызылорда облыстық тарихи және мәдени ескерткіштерді қорғау мекемесі мен Қорқыт Ата атындағы Қызылорда мемлекеттік университетінің арасындағы келісім-шарт негізінде археологиялық қазба жұмыстары жүргізілуде. 2019 жылы республикалық бюджет есебінен, қорғанның оңтүстік-шығыс қабырғаларына қайта жаңғырту (реставрация) жұмыстары жүргізілді.
Облыс әкімі Гүлшара Әбдіқалықова Әйтеке би кентіндегі жылыжай жұмысымен де танысты. Жылыжай иесі нысанды өткен жылы іске қосқан. Кешені негізі 6 секцияға бөлінеді. Қазіргі таңда 4 секциясы салынып, көкөніс өнімдері өсірілуде. Алдағы уақыттарда 2 секцияны салу көзделуде. Жобаның жалпы құны 40 млн. теңгені құраған.
Кентте балық қалдықтарынан жем өндіру цехының құрылысы жүруде. Жоба құны 100 млн. теңге деп есептелінген. Қазіргі таңда цехқа қажетті құралдар алынған. Өндіріс осы жылы іске қосылмақ. Жылына 1056 тонна балық ұнын өндіреді деп жоспарлануда. Ең бастысы цех жұмысы басталғанда 20 адам тұрақты жұмыспен қамтылады.
<img src="https://kyzylorda-news.kz/wp-content/uploads/2021/04/174020212_3287963827973330_3080958157608913628_n.jpg" alt="" />
<img src="https://kyzylorda-news.kz/wp-content/uploads/2021/04/174195208_3287964687973244_7980937096699087471_n.jpg" alt="" />
<img src="https://kyzylorda-news.kz/wp-content/uploads/2021/04/174597193_3287967154639664_4858775652789333223_n.jpg" alt="" />

Гүлшара Әбдіқалықова Қазалы ауданындағы бірқатар нысандарды аралады

<a href="https://kyzylorda-news.kz/">Kyzylorda-news.kz.</a> Тілсіз жаудың алдын алуда төтенше жағдайлар депаратаменті мамандарының қатысуымен түрлі шаралар атқарылуда. Жыл басынан бері аймақта 43 668 тұрғын үй секторы араланды. Тиісінше тұрғындарға тұрмыстағы өрт қауіпсіздігі талаптарын сақтау , электр және газ баллон жабдықтарын, газ пешін орнату, қолдану туралы түсіндірме жұмыстары жүргізілді. Бұл туралы Өңірлік коммуникациялар қызметінің алаңында өткен брифингте облыстық ТЖД бастығының орынбасары Бауыржан Ізбасаров мәлімдеді.
<blockquote>
 «Біз 20 ақпаннан бастап дүйсенбі, жұма, сенбі күндері жылу беру маусымы кезеңіндегі өрттің пайда болуын, адамдардың қаза болуын және жарақат алу қаупін азайту мақсатында халық арасында тұрмыстағы электр және жылыту қондырғыларын, жылыту пештерін қолдану, мұржаларын тазарту жөнінде түсіндірме жұмыстарын жүргіздік. Бұған біздің департаменттен 1834 адам, полиция қызметкерлерінен 78 адам және «Волонтеры Кызылорда» қоғамдық қоры, «Жастар ресурстық орталығы» КММ, «Еріктілер фронт офисі», «Жас Отан Жастар қанатынан» 346 волонтер жұмылдырылды. Алдағы уақытта да бұндай профилактикалық жұмыстар жалғасатын болады. Дегенмен, апат айтып келмейді. Тұрғындар да қауіпсіздік шараларына селсоқ қарамауы керек», – деді облыстық ТЖД бастығының орынбасары Бауыржан Ізбасаров.
</blockquote>

Қызылорда: Өрттің алдын алу мақсатындағы жұмыстарға 346 волонтер жұмылдырылды

<a href="https://kyzylorda-news.kz/">Kyzylorda-news.kz.</a> Қазақстанда заң жобасын әзірлеу барысында жұртшылықтың қатысуымен ашық дебат өткізіледі. Бұл туралы әділет вице-министрі Наталья Пан мәлімдеді, деп хабарлайды&nbsp;<a href="https://sputnik.kz/">Sputnik Қазақстан</a>.
<blockquote>
 “Бұған дейін мемлекеттік органдар заң жобасын әзірлеуге кірісу үшін тұжырымдама дайындайтын. Ол “Ашық НҚА” порталында жарияланып, халықпен талқылау өткізілетін. Жаңа модельге сәйкес, енді тұжырымдамадан бұрын консультативтік құжат әзірленеді. Жұртшылықпен талқылау тек “Ашық НҚА” порталы арқылы ғана емес, қоғамдық тыңдау және дебаттар өткізу жолымен да жүргізіледі”, – деді Пан брифингте.
</blockquote>
Айтуынша, қоғамдық тыңдаулар мен дебаттар халықтың қандай да бір салаға қатысты ой-пікірін білдіруге мүмкіндік береді.
Қоғамдық тыңдау кезінде заң жобасын әзірлеген мемлекеттік орган құжаттағы басты жаңашылдықтар туралы баяндама жасайды.
Ашық дебатқа мемлекеттік орган мен қоғам өкілдері, тіпті мақсатты топтар қатыса алады. Дебатты онлайн трансляция арқылы көрсету көзделіп отыр.
<blockquote>
 “Қазір карантин жағдайында дебатты онлайн өткізе аламыз. Жағдайдың түзелуіне қарай бетпе-бет өткізу мүмкіндігі бар. Дебат форматын мемлекеттік орган өзі шешеді. Пікірталасқа заң жобасын қолдайтындар да, қолдамайтындар да, кем дегенде екі тарап шақырылады”, – деді вице министр.
</blockquote>
Пан әр мемлекеттік орган заң жобасы келесі инстанцияларда қолдау табуы үшін дебат өткізуге мүдделі болатынын атап өтті.
Осылайша, мемлекеттік органдар заңды консультативтік құжат дайындалып, жұртшылықпен келісу процедуралары аяқталғаннан кейін ғана әзірлейді. Мұндай тетік өкілетті органдар қабылдайтын шешімдердің ашықтығына қол жеткізуге мүмкіндік береді, деп санайды Пан.

Енді қазақстандықтар қабылданатын заңды дебатта талқылай алады

<a href="https://kyzylorda-news.kz/">Kyzylorda-news.kz.</a> Ішкі істер министрінің бұйрығымен әйелдерді зорлық-зомбылықтан қорғау тобының штат саны тиесілік нормаларына дейін жеткізілді.
Көрсетілген топтың қызметкерлері әйелдерге қатысты жасалған құқық бұзушылықтың профилактикасы бойынша полиция органдары қызметтерінің жұмысын жалпы үйлестіруді қамтамасыз етеді. Сондай-ақ зорлық-зомбылықтан зардап шеккен әйелдерді жеке қабылдауды жүзеге асырады.
Осыған орай, полиция департаменті халық арасындағы ақпараттық жұмыстар барысын жандандыру, құқықтық көмек көрсету, зорлық-зомбылықтың алдын алу мәселелері бойынша, назарларыңызға Қызылорда облысы көлемінде(Қызылорда қаласы, Арал, Қазалы, Қармақшы, Жалағаш, Сырдария, Шиелі, Жаңақорған) жауапты қызметкерлердің байланыс құралдарын жариялады.
<img src="https://kyzylorda-news.kz/wp-content/uploads/2021/04/1.jpeg" alt="" />
<img src="https://kyzylorda-news.kz/wp-content/uploads/2021/04/2.jpeg" alt="" />
<img src="https://kyzylorda-news.kz/wp-content/uploads/2021/04/3.jpeg" alt="" />
<img src="https://kyzylorda-news.kz/wp-content/uploads/2021/04/4.jpeg" alt="" />
<img src="https://kyzylorda-news.kz/wp-content/uploads/2021/04/5.jpeg" alt="" />
<img src="https://kyzylorda-news.kz/wp-content/uploads/2021/04/6.jpeg" alt="" />

Зорлық-зомбылық: Қызылордада құқықтық көмек беретін қызметкерлердің тізімі жарияланды

<a href="https://kyzylorda-news.kz/">Kyzylorda-news.kz.</a> Облыстағы дәріханаларда халықтың қажеттілігін қамтамасыз ететін дәрілік заттар қоры жеткілікті. Қазір қорда антибиотиктердің 358 805 қорабы, вирусқа қарсы препараттардың 24 485 қорабы, антикоагулянттардың 93 902 қорабы, ыстықты түсіретін препараттардың 179 723 қорабы, қақырық түсіретін препараттардың 15 643 қорабы бар.
<blockquote>
 «Былтыр коронавирус инфекциясын жұқтырғандар санының өсуіне байланысты жаз айларында еліміздің ауруханалары мен провизорлық орталықтарында дәрі-дәрмек тапшылығы байқалды. Соның салдарынан баға да біраз уақытқа дейін тұрақтамай, халықтың қалтасына ауырлық салды. Бүгінде біз өткен жылдан сабақ алып, осындай келеңсіздіктерді болдырмауға күш салып жатырмыз. Қазір дәрі қоры жеткілікті. Әрі биыл «ковидке қарсы» препараттардың бағалары 27%-ке төмендеді», – деді облыстық медициналық және фармацевтикалық бақылау департаментінің бөлім басшысы Нұрбек Әділханов.
</blockquote>
Айта кетейік, қазіргі таңда «Қызылорда» Өңірлік инвестициялық орталығы» ЖШС-мен 17 фармацевтикалық ұйымға барлығы 281,2 млн. теңге қаржы берілді. 17 ұйымның 9-ы қалада, 8-і аудандарда орналасқан. Бөлінген қаражаттан 280 млн. теңгеге ыстықты түсіретін, антибиотиктер, вирусқа қарсы, иммуностимуляторлар, медициналық бұйымдар, инъекциялық және гормондық препараттар сатып алынды. Сонымен қатар 1,2 млн. теңгені құрайтын дәрілік зат жолда. Айтпақшы, енді кез келген дәрі-дәрмек жайлы ақпаратты үйден шыпай-ақ көруге болады.
<blockquote>
 «Қазір Android және Appstore платформаларында «DARI.KZ» мобильді қосымшасы іске қосылды. Осы мобильдік қосымшаның көмегімен кез келген азамат республика аумағында тіркелген дәрілік заттардың барлық тізбесін көре алады. Пайдаланушыға медицинада қолданылуы жөніндегі нұсқаулық, қаптама макеттері, қолдану тәсілдері, сертификаттар, дәрілік заттың толық атауы, өндіруші туралы ақпарат, тіркеу куәлігінің нөмірі, баламалар тізбесі, шекті бағалары да көресетілген. Сондай-ақ, осы мобильді қосымшаның көмегімен шекті бөлшек сауда бағасынан асып кету фактілері анықталған кезде шағым беруге болады», – деді Нұрбек Уалиханұлы.
</blockquote>

Биыл коронавирусқа қарсы препараттардың бағасы 27%-ке төмендеді

<a href="https://kyzylorda-news.kz/">Kyzylorda-news.kz</a>.&nbsp;Қызылорда қалалық Полиция басқармасының Тасбөгет полиция бөлімінің қызметкерлері бірнеше мәрте пәтер ұрлығын жасаған облыс тұрғынын қолға түсірді.
Күдікті қала аумағындағы жеке тұрғын үйлерге ұрлыққа түскен. &nbsp;Ол үй иелерінің жоқтығын пайдаланып, пластик терезелерін күштеп ашып, ішке кірген. Үйлерден алтын бұйымдарды, планшеттер мен&nbsp; ұялы телефондарды, банк карталарын қолды қылған. Тұрғындарға 600 мың теңгеге жуық шығын келтірген.
Тәртіп сақшыларымен жүргізілген жедел іздестіру шараларының нәтижесінде күдікті анықталып, уақытша ұстау абақтысына қамаққа алынды.
Оған қатысты&nbsp;Қазақстан Республикасы Қылмыстық кодексінің 188 – бабының 3 – бөлігінің 3 – тармағымен &nbsp;(Тұрғын, қызметтiк немесе өндiрiстiк үй-жайға, қоймаға не көлік құралына заңсыз кiрумен жасалған ұрлық) сотқа дейінгі тергеп-тексеру амалдары жүргізілуде. Полицейлер күдіктінің басқа да қылмыстарға қатысы бар-жоғын тексеруде.

Қазақстан және Қызылорда облысының жаңалықтары

Мұхтар Оразбаев коронавирус инфекциясына қарсы екпе қабылдады

Ұзақбай Қарамановтың атына Алматыдан көше атауы берілді

Қазақстанның барлық өңірінде дабылды ескерту жарияланды

Оңалбек Мошанов: Вакцина – індетті жеңудің жалғыз жолы

Жалағаш ауданына 400 доза вакцина жеткізілді

«Вакцина алған әйелдерге жарты жыл бала көтеруге болмайды»: Ақпарат қаншалықты рас?

Гүлшара Әбдіқалықова Қазалы ауданындағы бірқатар нысандарды аралады

Қызылорда: Өрттің алдын алу мақсатындағы жұмыстарға 346 волонтер жұмылдырылды

Енді қазақстандықтар қабылданатын заңды дебатта талқылай алады

Зорлық-зомбылық: Қызылордада құқықтық көмек беретін қызметкерлердің тізімі жарияланды

Биыл коронавирусқа қарсы препараттардың бағасы 27%-ке төмендеді

Қызылордада бірнеше үйді тонаған ұры ұсталды

Қазақстан және Қызылорда облысының жаңалықтары

Мұхтар Оразбаев коронавирус инфекциясына қарсы екпе қабылдады

Ұзақбай Қарамановтың атына Алматыдан көше атауы берілді

Қазақстанның барлық өңірінде дабылды ескерту жарияланды

Оңалбек Мошанов: Вакцина &#8211; індетті жеңудің жалғыз жолы

Жалағаш ауданына 400 доза вакцина жеткізілді

«Вакцина алған әйелдерге жарты жыл бала көтеруге болмайды»: Ақпарат қаншалықты рас?

Гүлшара Әбдіқалықова Қазалы ауданындағы бірқатар нысандарды аралады

Қызылорда: Өрттің алдын алу мақсатындағы жұмыстарға 346 волонтер жұмылдырылды

Енді қазақстандықтар қабылданатын заңды дебатта талқылай алады

Зорлық-зомбылық: Қызылордада құқықтық көмек беретін қызметкерлердің тізімі жарияланды

Биыл коронавирусқа қарсы препараттардың бағасы 27%-ке төмендеді

Қызылордада бірнеше үйді тонаған ұры ұсталды

Оңалбек Мошанов: Вакцина – індетті жеңудің жалғыз жолы