Kyzylorda-news.kz. Қызылорда қаласында көп қабатты үйдің бесінші қабатынан секіріп кеткен 14 жастағы қыз көз жұмды.
Қызылорда облыстық Төтенше жағдайлар департаменті өрт сөндіру және авариялық-құтқару жұмыстары қызметінің хабарлауынша, 7 наурызда сағат 11:00 шамасында облыстық жұмылдыру дайындығы басқармасынан хабарлама келіп түскен. Онда облыс орталығының Сырдария өзені сол жағалауындағы бөлігінде орналасқан көп қабатты үйдің бесінші қабатынан 2007 жылғы жасөспірім қыздың секіріп кеткені айтылған.
Бұл оқиғаны Қызылорда қалалық полиция басқармасы растады. Оқиға барысы жөнінде түсініктеме берді.
<blockquote>
 «Жас қыз өз-өзіне қол жұмсауға әрекеттенген. Кәмелетке толмаған жеткіншек медициналық мекеменің жансақтау бөлімінде қайтыс болды. Аталған дерек бойынша ҚР Қылмыстық кодексінің 105-бабының 3-бөлігімен (Өзiн-өзi өлтiруге дейiн жеткiзу) сотқа дейінгі тергеп-тексеру амалдары басталды. Тиісті сараптамалар тағайындалды. Оқиғаның мән-жайы анықталуда», – деп мәлім етті Қызылорда қалалық полиция басқармасынан.
</blockquote>

Қызылордада бесінші қабаттан секіріп кеткен 14 жастағы қыз қайтыс болды

Қазақ тарихында ойып тұрып орын алған әйелдер кімдер?

Kyzylorda-news.kz. Қазақстанда 7 наурыз 23:59-дағы эпидемиологиялық жағдай бойынша ПТР арқылы 653 адамда коронавирус індеті расталды, деп хабарлайды coronavirus2020.kz-ке сілтеме жасап.
Аймақтар бойынша: Нұр-Сұлтан қаласы – 42, Алматы қаласы – 141, Шымкент қаласы – 8, Ақмола облысы – 68, Ақтөбе облысы – 13, Алматы облысы – 68, Атырау облысы – 43, Шығыс Қазақстан облысы – 21, Жамбыл облысы – 15, Батыс Қазақстан облысы – 34, Қарағанды облысы – 38, Қостанай облысы – 50, Қызылорда облысы – 6, Маңғыстау облысы – 2, Павлодар облысы – 65, Солтүстік Қазақстан облысы – 36, Түркістан облысы – 3.
Жалпы ел бойынша ауырғандар саны 218 754.

Қызылордада 6 адамнан коронавирус анықталды

Kyzylorda-news.kz. Мемлекет басшысы Қасым-Жомарт Тоқаев барша әйелдер қауымын Халықаралық әйелдер күнімен құттықтады.
Құрметті ханымдар!
Баршаңызды Халықаралық әйелдер күнімен шын жүректен құттықтаймын!
Көктемнің шуақты мерекесі қашанда жүрегімізді сүйіспеншілік пен ізгілікке, мейірім мен шапағатқа бөлейді.
Біз жыл сайын осы күні адамзатқа әсемдік сыйлайтын әйелдер қауымына ықылас-ілтипатымызды білдіріп, ақ тілек арнауға асығамыз. Сіздердің мемлекет және қоғам өмірінде алатын орындарыңыз айрықша. «Әйел бір қолымен бесікті тербетсе, екінші қолымен әлемді тербетеді» деген нақыл сөз бекер айтылмаған.
Еліміз әйелдердің әлеуетін толық танытуына жол ашып, олардың құқығын қорғауға және тұрмыс жағдайын жақсартуға баса мән береді. Мемлекеттің жүйелі қолдау көрсетуінің арқасында қыз-келіншектердің экономикадағы, саясат пен қоғамдық қызметтегі рөлі жыл өткен сайын арта түсуде.
Тәуелсіздік кезеңінде әйелдердің түрлі салада толағай табысқа жеткеніне бәріміз куәміз. Сіздердің жетістіктеріңіз жұртты жігерлендіріп, жаңа биіктерге жетелейді, жастарға үлгі-өнеге болады.
Әрқайсыңыздың белсенді азаматтық ұстанымдарыңыз қоғамдағы көптеген өзекті мәселені ұтымды шешуге және елімізді жан-жақты дамытуға ықпал етеді.
Қазақстан әйелдерінің ақыл-парасаты, ерік-жігері мен жасампаздығы барлық қиындықты еңсеріп, сын-қатерлерге төтеп беруімізге септігін тигізуде.
Баршаңызға зор денсаулық пен бақ-береке тілеймін!

Қазақстан Президенті әйелдер қауымын мерекесімен құттықтады

Kyzylorda-news.kz. Бүгін – 8 Наурыз халықаралық әйелдер күні. Бұл күн әуелі тарихта әйелдердің теңқұқының күресі негізінде пайда болған еді. Назарыңызға бүгінгі мерекеге байланысты бірқатар деректерді ұсынамыз.
♦ Халықаралық әйелдер күні – 8 наурызда тарихта әйелдердің теңқұқықтық пен эмансипация жолындағы күресіндегі ынтымақтастық күні ретінде пайда болды.
♦ 1975 жыл – Халықаралық әйелдер жылы боп аталғаннан кейін, сол жылдан бастап БҰҰ ресми түрде наурыздың 8-ші күнін Халықаралық әйелдер күні етіп бекітті.
♦ ХVІІІ ғасырдың аяғынан бастап суфражисткалардың, феминисткалардың және социалистік еңбектерінің әйелдің еңбек жағдайын жақсарту үшін, әділ жағдайға қарсы белсенді қозғалысы басталды. Тең құқылық үшін күрестің арқасында-Халықаралық әйелдер күні пайда болды.
♦ 1908 жылы 28 ақпанда Нью-Йорк социал-демократиялық әйелдер ұйымының шақыруымен әйелдер теңқұқықтығы туралы митинг өткізілді. Бұл күні 15000-нан астам әйел жұмыс күнінің қысқартуы және ерлермен тең еңбекақы төлеу шарттарын талап етіп, қала арқылы өтті. Олар сондай-ақ әйелдер сайлау құқығын талап етті.
♦ 1909 жылы Америка Социалисттік партиясы халықаралық әйелдер күнін жариялап, бұл мейрам 1913 жылдың ақпанның соңғы аптасына дейін тойланды.
♦ 1909 жылы ол 28 ақпан болды. Кейінірек, 1910 жылы, АҚШ делегат-әйелдері Копенгагендегі Екінші Халықаралық әйелдер-социалисттер конференциясында Клара Цеткинмен кездесті.
♦ Клара Цеткин 1910 жылы 27 тамызда Копенгагенде өткен Екінші Халықаралық әйелдер-социалисттер конференциясында халықаралық әйелдер күнін тағайындауға ұсынды. Бұл күні әйелдер өз мәселелеріне қоғамның назарын тарту үшін митингтер мен шерулер өткізеді деп түсіндірілді.
♦ 1911 жылы бірінші Халықаралық әйелдер күні Германия, Австрия, Дания мен Швейцарияда Германияның Социал-демократиялық партиясының Ортаңғы комитетінің мүшесі Елена Гринбергтің ұсынысымен 19 наурызда тойланды.
♦ 1912 жылы сол мемлекеттерде мейрам 12 мамырда атап өтілді.
♦ 1913 жылы 2 мамырда әйелдер Франция мен Ресейде алғаш рет митингтерге шықты, сонымен қатар демонстрациялар 9 мамырда Чехия, Венгрия мен Швейцарияда өтті.
♦ 1914 жылы әйелдер күні АҚШ, Ұлыбритания, Австрия, Дания, Германия, Ресей мен Щвейцарияда тойланды.
♦ 1917 жылға дейін толық немесе жартылай дауыс беру құқығына әйелдер Жаңа Зеландия, Аустралия, Финляндия, Норвегия, Дания, Исландияда қол жеткізді.
Халықаралық әйелдер күні қай елдерде тойланады?
♦ Халықаралық әйелдер күні – Корей Халық Демократиялық Республикасы, Ангола, Гвинея-Бисау, Замбия, Камбоджа, Кения, Мадагаскар, Моңғолия мен Уганда елдерінде тойланатын мейрам мен демалыс күні.
♦ Лаоста бұл – тек әйелдер үшін демалыс күні болса, Қытайда әйелдер үшін қысқа күн қарастыралған.
♦ Бұдан бөлек, Ресей, Әзірбайжан, Армения, Белоруссия, Грузия, Қазақстан, Қырғызстан, Латвия, Молдова, Өзбекстан, Тәжікстан, Түрікменстан мен Украина мемлекеттерінде атап өтіледі.
♦ Сонымен қатар, Тәжікстанда 2009 жылдан бастап мейрам Ана күні деп аталатын болды.
♦ Түрікменстанда Халықаралық әйелдер күні 2008 жылға дейін тойланған жоқ, әйелдер күні 21 наурызда Наурыз мейрамымен атап өтілетін болған. 2008 жылдың қаңтар айында Түрікменстанның президенті мейрамды қайтарды.
♦ Латвияда 8 наурыз 1991 жылы КСРО құрамынан шықаннан кейін демалыс күні болуын тоқтатты.
♦ 2007 жылы сәуірде Халықаралық әйелдер күні ресми түрде Латвияда тойланды, бірақ демалыс күні ретінде қарастырылған жоқ.
♦ Қазіргі кезде әйелдер 8 наурызда гендерлік теңқұқықтық, үй ішіндегі зорлық-зомбылық, тең емес төлемақы және басқа мәселелерді көтеріп, іс-шаралар өткізеді.
<a href="https://massaget.kz/8_nauryiz/64635/">Massaget</a>

Бүгін &#8211; Халықаралық әйелдер күні

Kyzylorda-news.kz. «Қазгидромет» РМК-сы 8-наурыз күнгі ауа райы болжамын жариялады.
Кәсіпорын таратқан мәліметтерге қарағанда, 8 наурызда Қазақстан территориясының басым бөлігінде атмосфералық фронталды бөліктердің өтуіне байланысты ауа райы құбылмалы болады.
Елдің басым бөлігінде жаңбыр және қар жауады. Қазақстанның оңтүстік-батысында ғана антициклон жотасының әсерінен күн жауын-шашынсыз болады. Кей жерлерде тұман, көктайғақ, бұрқасын болады, жел күшейіп, жылдамдығы секундына 15-20 метрге жетеді. Республиканың солтүстік, солтүстік-батысында желдің екпіні 23-28 м/с-қа дейін күшейеді.

8 наурызға арналған ауа райы болжамы

Kyzylorda-news.kz. Қазақстан президенті Қасым-Жомарт Тоқаев Үштөбеде тұратын білім саласының ардагерін Халықаралық әйелдер күнімен құттықтады, деп хабарлайды Алматы облысы әкімдігінің баспасөз қызметі.
Мемлекет басшысы құттықтау хатты 74 жастағы орыс тілі және әдебиеті пәнінің мұғалімі Валентина Спиридоноваға жолдады.
Валентина Григорьевнаның педагогикалық қызметі 1963 жылдан басталады. Спиридонова 1995 және 2009 жылдар аралығында Кемел Тоқаев атындағы жалпы білім беретін мектепті басқарған.
<blockquote>
 “Құрметті Валентина Григорьевна! Сізді Халықаралық әйелдер күнімен құттықтаймын. Көктемнің сұлулық пен нәзіктік мерекесінде мейірімділігіңіз, түсіністігіңіз бен жемісті еңбегіңіз үшін шынайы ризашылығымды білдіремін. Әр күн сізге және жақындарыңызға қамқорлық пен махаббат сыйласын. Зор денсаулық, жан тыныштығы мен бақыт тілеймін”, – деп жазды Тоқаев өз құттықтауында.
</blockquote>
Президенттің құттықтау хатын Алматы облысының әкімі Амандық Баталов табыстады. Өңір басшысы да блім саласының ардагерін 8 наурызбен құттықтады.
<img src="https://sputnik.kz/images/07e5/03/07/16475410.jpg" alt="Валентина Спиридонова и Амандык Баталов" title="Валентина Спиридонова и Амандык Баталов" />
Валентина Спиридонова мен Амандық Баталов
<blockquote>
 “Мен ауыл мұғалімімін. Президент Қасым-Жомарт Тоқаевтың жұмысбастылығына қарамастан мені және біздің мектепті ұмытпайтыны қатты қуантады. Оған үлкен алғысымды айтамын. Қазақстанымыз әрқашан гүлдене берсін”, &nbsp;– деді Валентина Спиридонова.
</blockquote>
Ардагер педагог “Алтын барыс”, “Ыбырай Алтынсарин”, “ҚР Білім беру ісінің құрметті қызметкері” төс белгілерімен, сондай-ақ “Шапағат” медалімен марапатталған.
Зейнетке шыққаннан кейін 2009 жылы Кемел Тоқаев атындағы қайырымдылық қорын басқарды. Қор көпбалалы және тұрмысы төмен отбасыларға қолдау көрсетеді. Соңғы бірнеше жылда отандық және шетелдік жоғары оқу орындарына елуден астам грант ұсынған.

Мемлекет басшысы ауыл мұғаліміне хат жазды

Kyzylorda-news.kz. Әйел – отбасының ұйытқысы, ол отбасында ғана емес, жалпы қоғамда да бейбітшілік пен тыныштықтың шырақшысы саналады.
«Әйел – бір қолымен бесікті, екінші қолымен әлемді тербетеді» деген де соны білдірсе керек. Мереке қарсаңында қалалық пробация есебіндегі әйел-азаматшалар да назардан тыс қалған жоқ. 
&nbsp; Қызылорда қалалық прокуратурасының бөлім прокуроры Б .Жұмаш , Қызылорда облысы бойынша Қылмыстық-атқару жүйесі департаментінің бастығы әділет подполковнигі Ш.Есенкелдиев,&nbsp; ҚАЖ департаментінің ардагерлер кеңесінің&nbsp; төрағасы С.Жамуров, “Probono” қоғамдық қоры&nbsp; есептегі азаматшаларды&nbsp; «8 наурыз – Халықаралық әйелдер күні» мерекесімен құттықтап, құқықтық түсіндірме жұмыстарын&nbsp; жүргізді. 
Департамент бастығы Ш.Есенкелдиев пробация есебіндегі азаматшаларға&nbsp; өмірде кездесетін қиындықты жеңе білу үшін сарқылмас күш-жігер, қажымас қайрат пен келешекке деген сенімділік, отбасыларыңыз бен өздеріңізге амандық, дендеріңізге саулық, ұзақ әрі шаттыққа толы ғұмыр, шаңырақтарыңызға құт-береке тілеймін деп жылы лебізін жеткізді.

Пробация есебіндегі әйелдерге құрмет көрсетілді

Kyzylorda-news.kz. Ғаламторда сөйлесудің нақты ережесі жоқ, бірақ бұл жерде де, бастысы, әңгімелесуші адамды құрметтеу маңызды. Мұғалім мессенджерде жазғаннан өз мәртебесін жоғалтпайды. Сондықтан онымен ғаламторда сөйлескендіктен оған деген қатынасыңыз бірден өзгеріп кетпеуі тиіс.
1-ереже. Амандасыңыз 
Кейде ата-ана мұғалімге немесе ата-аналар тобына “Арман бүгін сабаққа бармайды” деп жаза салады. Себебі кей адамдар мессенджердегі сөйлесуді жалғасқан әңгіме деп қабылдайды. Егер көшеден таныс адамыңызды күнде көрсеңіз, күнде амандасасыз. Сол сияқты біреумен хат арқылы түнде сөйлессеңіз де, ертеңгісін таңертең алдымен онымен амандасқан дұрыс. Сондықтан мұғалімге хат жазсаңыз немесе оның хатына жауап берсеңіз, алдымен амандасуды ұмытпаңыз. Ол бір секунд уақытты қана алады.
2-ереже. Мұғалімнің толық аты-жөнін жаттап алыңыз 
Мұғалімге хат жазғанда оның аты-жөнін қатесіз жазуға тырысыңыз. Бұл арқылы оған деген құрметіңізді көрсетесіз.
3-ереже. Мұғалімнің жеке уақытын құрметтеңіз 
Кей ата-ана мұғалімге кешкісін жайрақ, түнде немесе демалыс күндері жаза береді. Бұл мұғалім үшін жауап қайтаруы керек ақпарат. Оған оның жұмысы ешқашан бітпейтіндей көрінеді. Мұғалім ата-анамен әрдайым байланыста болуға тырысады, бірақ ғаламторда сөйлесу адамның жұмысы мен жеке өмірінің араласып кетуіне әсер етеді. Мұғалімнің жеке уақытын құрметтеп, 21:00-ден соң және демалыс күндері оны мүлдем мазаламаған жөн.
4-ереже. Мұғалімнің өтінішіне құлақ асыңыз 
“Мен жалғыз, сіздер көпсіздер” – ата-аналар мен мұғалімнің қарым-қатынасын суреттейтін тіркес. Егер мұғалім ата-аналарға нақты ережелер бекітсе, соны сақтауға тырысыңыз. Ол барлығына (сабақ беру, құжат толтыру, іс-шара ұйымдастыру және т.б) үлгеру үшін қандай да бір міндетті орындаудың өзіне ыңғайлы әрі жылдам жолын ұсынады. Мысалы, қандай да бір құжатты мессенджер арқылы емес, электронды поштасына жіберуді өтінсе, бірден солай орындауға тырысыңыз.
5-ереже. Ескертусіз телефон соқпаңыз 
Егер мұғалімге хат жазудың орнына қоңырау шалғыңыз келсе, өте тығыз шаруа болмаса, ол туралы алдын ала келісіп алған жөн. Не туралы сөйлескіңіз келетінін де алдын ала жазып жібергеніңіз жақсы. Сол кезде мұғалім дайындалып алады. Мысалы: бағалар жазылған журналды ашып алады немесе балаңыздың бақылау жұмысын шығарып қояды.

Ата-ана мұғаліммен мессенджер арқылы сөйлескенде ескеретін жайттар

<a href="https://kyzylorda-news.kz/">Kyzylorda-news.kz.</a> Тарихтағы ірі тұлғалардың бірі – бұл сақ патшайымы Томирис немесе Тұмар патша. Көшпенділер өмірінде ғана емес, дүниежүзіндегі ең танымал әйел патшалардың бірі. Ендеше даңқты патшайым туралы қызықты деректер ұсынайық.&nbsp;
<ol>
<li>Тұмар патшайымы біздің эрамызға дейінгі 6 ғасырда дүниеге келген. Массагет тайпасының көсемі болды. Оның әкесі — Спаргапис. Анасы аби руынан шыққан.</li>
<li>Ол анасынан ерте айырылды. Анасы босану кезінде қайтыс болды. Алайда, кейбір тарихшылардың айтуынша, Тұмардың анасы ол нәресте кезінде қайтыс болған дейді.</li>
<li>Тұмар патшайымы сақтардың көсемі болған. Ол Ишпакай — атақты сақ адамының ұрпағы. Тұмардың әкесі тамаша қолбасшы болған, соғыс қимылдарының барлық ерекшеліктерін, тактикалары мен стратегияларын жақсы білген. Ол ең күрделі міндеттер мен жанжалдарды шеше алған.</li>
<li>Тұмар 5 жастан бастап ер-тоқымға отырған. Ол садақтан атуды ерте үйренген.</li>
<li>13 жасында Тұмар қылышпен соғысуды шебер игерген. Ұрыста оны жеңу қиын болатын. Ол садақтан керемет ататын. Тұмардың жылқысы ең мықты және жүйрік болатын.</li>
<li>Әкесі ұйымдастырған шаралардың бірінде Тұмар болашақ күйеуі Рустаммен кездеседі. Рустам Кавода тиграхаудтарының жетекшісінің ұлы болды. Рустам ешқашан ұрыста жеңілген емес. Ол ең мықты жауынгер болатын. Рустамның күші мен ақыл-ойына таң қалған Томирис оны өзімен тең санады. Алайда кейінірек Тұмардың Рустамнан көңілі қалды. Ол өзінің жауапсыз мінезімен танымал болды. Ол түрлі жиындар мен мерекелерді жақсы көретін. Еңбекқор Тұмарға бұл жағдай ұнамайтын.</li>
<li>Көпшілік Тұмар патшайымды тақтан түсіргілері келді. Онымен келісе алмағандар Рустамға жүгінетін. Тұмардың мінезі ауыр болды. Ал Рустамның мінезі жеңіл болғандықтан онымен келіссөздер жүргізу оңайырақ болатын.</li>
<li>Тұмар патшайымы – әйел күшінің бейнесі. Ол алғашқы мыңдаған әйелдер армиясын ұйымдастырды. Әйелдер шайқаста ер адамдардан еш кем болмады. Олар жаулармен барып шайқасты.</li>
<li>Геродот Тұмарды ең қатал және ұлы деп атаған. Тұмар тіпті ежелгі парсы патшасы Кирдің өзін шайқаста жеңді. Шайқастардың бірінде Кирдің жауынгерлері Рустамды өлтіріп және Тұмардың ұлын ұрлап әкеткен. Тұмардың баласы жаулардың тұтқынында өледі. Алайда, Тұмар Кирден кегін алады.</li>
<li>Томирис қайтыс болғанда, оған арнайы қабір дайындалды, қабірге бірден 3 адамды жерлеуге болатын еді.</li>
</ol>
Керімсал Жұбатқанов, тарих ғылымдарының кандидаты
<a href="https://bilim-all.kz/article/9894-Tumar-nemese-Tomiris-patshaiymnyn-omiri-turaly-10-fakt">Bilim-all.kz</a>

Тұмар патшайымның өмірі туралы 10 дерек

Kyzylorda-news.kz. Қазақстанда өткен тәулікте 568 адам коронавирус инфекциясынан жазылып шықты, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 46, Алматы қаласы – 77, Ақмола облысы – 73, Алматы облысы – 70, Атырау облысы – 29, Шығыс Қазақстан облысы – 22, Батыс Қазақстан облысы – 70, Қарағанды облысы – 44, Қостанай облысы – 46, Қызылорда облысы – 11, Павлодар облысы – 43, Солтүстік Қазақстан облысы – 33, Түркістан облысы – 4.
Қазақстан бойынша жазылғандар саны – 201750.

Қызылордада 11 адам коронавирустан жазылып шықты

<a href="https://kyzylorda-news.kz/">Kyzylorda-news.kz.</a> Көктемде ең алғаш бой көтеретін гүл – бәйшешек. Сондықтан оны көктемнің жаршысы деп атаймыз. «Қызыл кітапқа» енген осы кішкентай ғана гүлдің күлтелері көптеген ауруға шипа екенін білесіз бе?
Өкпе туберкулезі, бронхит пен құрыспа ауруларында бәйшешектің тамырын сүтке пісіріп беруге болады деседі. Ал тамыр сабағы мен жапырағының қайнатпасы буын ауруларына ем. Сонымен қатар оның қақырық түсіретін, несеп айдайтын, аздап іш жүргізетін де қасиеті анықталып отыр және ол қан құрамын жақсартып, ішек секрециясы мен тамақ бездерінің қызметін қалыпты жүйеге түсіреді.&nbsp;
Фитотерапевтер оны ақ қан ауруын емдеуге қол­дануға болады дейді. Ол үшін сәуір айының ортасына дейін бәйшешектің гүлі мен тамырын алып, кептіру керек. Сосын ұнтақтап, 100 грамын жарты килограм балға араластырады. Мұны ақ қан ауруына ұшыраған адамға күніне бір шай қасықтан 3 рет, сырқат жағдайы жақсарғанша ішкізеді. Ұнтақтың 1 ас қасығын жарты литр қызыл шарапқа салып, үстіне 100 грамм бал қосып, 4-5 күн тұрғызып, күніне 3-4 рет астан жарты сағат бұрын 1 шай қасықтан ішкізсе де оңды әсері болатын көрінеді. Емдеу мерзімі – 3 ай.
Көктем келгенін білдіріп, қыр мен қыратта гүлдеп жатқан осы кішкентай ғана нәзік гүлдің осындай керемет шипалы қасиеттері бар екен. Дегенмен бәйшешектің емдік қасиеті әлі толық зерттеліп бітпеген. Жас ғалым Дария Сатыбалдиева бірнеше жылдан бері бәйшешектерді сақтау және көбейту бағытында ізденіп келеді. Зерттеу барысында бәйшешектен алынған экс­тракттардың қатерлі ісік жасушасының өсуіне қарсы әсері бар екенін анықтапты. «Бәйшешектен алынған экстракттардың екі түрлі ісік клеткаларының өсуіне қарсы әсер ететінін анықтадым. Ол ісік клеткаларының өсуін тежейді. Себебі бәйшешектің құрамында өте жоғары мөлшерде ісікпен күресетін галл және хлороген қышқылдары бар. Басқа да биологиялық белсенді заттар жетерлік», – дейді жас ғалым.&nbsp;
Ал, фитотерапевт ғалымдар гүлдің күлтелері ас қорыту жолдарының жұмысын жақсартып, ондағы барлық кеселді кетіретінін айтады. Халық емшілері бұл күлтелерді спиртке тұндыру арқылы басқа да кеселдерге шипа болатын дәрі жасайды екен.
Бүйрекүсті безінің жұмысы бұзылғанда бәйшешектен тұнбаны үй жағдайында да әзірлеуге болады. Оның 80 дана кептірілген күлтесін жарты литр спиртке (араққа) салып, бетін жақсылап жауып, 40 тәулікке күн сәулесі жақсы түсетін жерге&nbsp; қою керек. Белгілі уақыт өткенде оны сүзіп алып, салқын әрі құрғақ жерде сақтауға болады. Бұл тұнбаны таусылғанша күніне 3 рет астан 20 минут бұрын 20 тамшыдан ішіп жүрсе, оңды нәтижесі байқалады. Оны аз мөлшерде балмен араластырып қабылдауға да рұқсат.
Қышыма, қотыр, іріңді жара, басқа да тері ауруларында бәйшешектің тамырынан тұнба әзірлей аласыз. Ол үшін кептірілген 50 грамм тамырын 1 литр спиртке салып, 1 ай тұндыру керек. Аракідік шайқап&nbsp; тұрған абзал. Оны терінің проблемалы жерлеріне толық жазылғанша күніне 1-2 рет жағу керек.
Міне, көктем лебін ала келетін кішкентай ғана бұл өсімдіктің осындай пайдасы мен шипасы бар. Дегенмен оның «Қызыл кітапқа» енгізілгенін тағы да естеріңізге саламыз. Қазақстан заңнамасында бәйшешекті жұлғандар үшін әкімшілік қана емес, қылмыстық жауапкершілік те қарастырылған. Рұқсатсыз жұлынған әрбір бәйшешек үшін 0,5 АЕК (айлық есептік көрсеткіш) көлемінде айыппұл салынады.
<a href="https://massaget.kz/layfstayl/Zdorove/51308/">massaget.kz</a>

Қазақстан және Қызылорда облысының жаңалықтары

Қызылордада бесінші қабаттан секіріп кеткен 14 жастағы қыз қайтыс болды

Қазақ тарихында ойып тұрып орын алған әйелдер кімдер?

Қызылордада 6 адамнан коронавирус анықталды

Қазақстан Президенті әйелдер қауымын мерекесімен құттықтады

Бүгін – Халықаралық әйелдер күні

8 наурызға арналған ауа райы болжамы

Мемлекет басшысы ауыл мұғаліміне хат жазды

Пробация есебіндегі әйелдерге құрмет көрсетілді

Ата-ана мұғаліммен мессенджер арқылы сөйлескенде ескеретін жайттар

Тұмар патшайымның өмірі туралы 10 дерек

Қызылордада 11 адам коронавирустан жазылып шықты

Бәйшешектің көп кеселге пайдасы бар

Қазақстан және Қызылорда облысының жаңалықтары

Қызылордада бесінші қабаттан секіріп кеткен 14 жастағы қыз қайтыс болды

Қазақ тарихында ойып тұрып орын алған әйелдер кімдер?

Қызылордада 6 адамнан коронавирус анықталды

Қазақстан Президенті әйелдер қауымын мерекесімен құттықтады

Бүгін &#8211; Халықаралық әйелдер күні

8 наурызға арналған ауа райы болжамы

Мемлекет басшысы ауыл мұғаліміне хат жазды

Пробация есебіндегі әйелдерге құрмет көрсетілді

Ата-ана мұғаліммен мессенджер арқылы сөйлескенде ескеретін жайттар

Тұмар патшайымның өмірі туралы 10 дерек

Қызылордада 11 адам коронавирустан жазылып шықты

Бәйшешектің көп кеселге пайдасы бар

Бүгін – Халықаралық әйелдер күні