<a href="https://kyzylorda-news.kz/">Kyzylorda-news.kz.</a>&nbsp;ҚР Үкіметінің Қаулысымен Мархабат Жайымбетұлы Жайымбетов берген өтінішіне сәйкес Қазақстан Республикасы Индустрия және инфрақұрылымдық даму министрлігінің Құрылыс және тұрғын үй-коммуналдық шаруашылық істері комитетінің төрағасы қызметінен босатылды.&nbsp;
Мархабат Жайымбетов 1965 жылы Қызылорда облысында туған. КСРО Мелиорация және су шаруашылығы министрлігінің Қызылорда политехникумын, Волгоград ауыл шаруашылығы институтын, Қорқыт ата атындағы Қызылорда мемлекеттік университетін, Йорк университетін бітірген.
Еңбек жолын энергетик болып бастаған, басшылық қызметтер атқарған, Қызылорда облысы әкімінің орынбасары, Қызылорда қаласының әкімі, Арал ауданының әкімі, ҚР Президент Әкімшілігінің мемлекеттік инспекторы болды. Соңғы жылдары Қазақстан Республикасы Индустрия және инфрақұрылымдық даму министрлігінің Құрылыс және тұрғын үй-коммуналдық шаруашылық істері комитетінің төрағасы қызметін атқарды.

Мархабат Жайымбетов ҚР ИИДМ Құрылыс комитетінің төрағасы қызметінен босатылды

<a href="https://kyzylorda-news.kz/">Kyzylorda-news.kz.</a>&nbsp; Бүгін Қызылорда облысында «Covid-2019» инфекциясына қарсы екпенің екінші кезеңі басталды. Аймаққа «Спутник V» екпесінің барлығы 6200 доза «Гам-Ковид-Вак» вакцинасы жеткізілген. 14 егу кабинеті жұмыс істеп жатыр. Қауіпті індетке қарсы екпені білім қызметкерлері мен жұқтыру қаупі жоғары жұмыс орындарының қызметкерлері алып жатыр.
Қызылорда қалалық білім бөлімінің басшысы Динара Баймұрзаеваның айтуынша Қызылорда қаласы бойынша 55 мектеп, 28 балабақшада 8 мыңға жуық педагог қызметкер жұмыс істейді. Сол қызметкерлердің 20 % бүгін екпе салдырған.
«Еш мәжбүрлеусіз, өз денсаулығымыз үшін екпе алдық» деген мектеп директорлары індеттің алдын алудың бірден бір жолы осы деп біледі. &nbsp;&nbsp;
<blockquote>
 «Бүгінгі күні екпе алу – әлемді шарпыған індетке қарсы күресте басты қару. Мен әріптестеріммен бірге келіп, вакцина салдырдым. Әзірге еш қиындық жоқ. Денсаулығымыз өз қолымызда. Түрлі алып қашпа әңгімелерден аулақ болып маман пікіріне құлақ асқан жөн. Қарапайым сақтық шараларын сақтап, тәртіпке бағынсақ қауіптен арыламыз», – дейді қаладағы №101 Әли Мүсілімов атындағы мектеп-лицейінің директоры Айгүл Өткелбаева.
</blockquote>
<img src="https://kyzylorda-news.kz/wp-content/uploads/2021/03/4db38e07-0d00-47fe-b5fe-7ea9124e8919.jpg" alt="" />
Вакциналау жұмыстары І кезеңде қаладағы №1, 3, 6 емханаларында жүргізілсе, ІІ кезеңнен бастап аудандарды да қамтымақ. Ол үшін барлық екпе талапқа сай, температуралық режимді қадағалайтын арнайы көліктермен халық санына байланысты жеткізілуде. Егу науқанында медицина қызметкерлері дайындық курсынан өткен.
<blockquote>
 «Бүгін І кезеңде екпе алмаған медицина қызметкерлері мен мұғалімдерге және құқық қорғау органдарының қызметкерлеріне вакцина салынып жатыр. Вакцинадан бас тартып жатқан азаматтар әзірге жоқ. Тек денсаулығына байланысты кейінге шегеріп жатқан адамдар болды. Олар 1 аптадан кейін қайта келіп екпе алса болады», – деді №3 қалалық емхананың эпидемиолог-дәрігері Гүлнұр Ілиясова.
</blockquote>
<img src="https://kyzylorda-news.kz/wp-content/uploads/2021/03/117169619_751076712395344_6514899920785376702_n.jpg" alt="" />

Қызылордада вакцина ектірудің екінші кезеңі басталды

<a href="https://kyzylorda-news.kz/">Kyzylorda-news.kz.</a> Қызылорда облысы Полиция департаменті Қармақшы аудандық полиция бөліміне 3 ақпан күні аудан тұрғыны үйінен 500 мың теңге ақшасы ұрланғаны туралы арызданды. &nbsp;
Аудандық тәртіп сақшыларының жедел-тергеу іс-шараларын жүргізу барысында үйіне қонаққа келген танысы үй иесінің ұйықтап жатқанын пайдаланып, түнде шкаф ішінен ақшасын ұрлаған 1989 жылы туған күдікті азаматшаны анықтады. Ол көрші ауылдан келген.
Күдікті ұсталып, аудандық полиция бөліміне жеткізілді.
Аталған дерек бойынша Қазақстан Республикасы Қылмыстық кодексінің 188-бабының 1-бөлігімен (Ұрлық, яғни бөтеннің мүлкін жасырын жымқыру) сотқа дейінгі тергеп-тексеру амалдары жүргізілуде.&nbsp;Қазіргі таңда орын алған оқиғаның мән-жайлары анықталуда.

Қызылордада қонаққа келген келіншек үй иесінің ақшасын ұрлаған

<a href="https://kyzylorda-news.kz/">Kyzylorda-news.kz.</a> Шиелі ауданы әкімінің орынбасары Алмасбек Есмаханов Шиелі кенті Береке шағын ауданындағы «Нұрлы жер» бағдарламасы аясында салынып жатқан 3 бөлмелі, бір пәтерлі 25 тұрғын үйлердің құрылыс жұмысымен танысты.
Тұрғын үйдің құрылысын «СМП-Қызылорда» ЖШС жүргізуде. Мамыр айында басталған құрылыс жұмыстары қазіргі таңда қарқын алуда.
Тұрғын үй құрылысын аралау барысында аудан әкімінің орынбасары мердігер компания басшылыған құрылыс нысандарын мезгілінде сапалы аяқтап, өз жұмыстарына жауапкершілікпен қарауды тапсырды.
Қазіргі таңда 14-ке жуық үйдің құрылыс жұмыстары толығымен аяқталды. Қалған баспаналардың қабырғалары сыланып, тиісті жұмыстар атқарылуда. Жоспар бойынша барлық үйлердің құрылысы ағымдағы жылдың мамыр айында толығымен аяқталады деп жоспарланған.
<img src="https://kyzylorda-news.kz/wp-content/uploads/2021/03/157296990_1033937297136729_179610359094061587_n.jpg" alt="" />
<img src="https://kyzylorda-news.kz/wp-content/uploads/2021/03/157157235_1033937347136724_312161314634463154_n.jpg" alt="" />
<img src="https://kyzylorda-news.kz/wp-content/uploads/2021/03/157193598_1033937233803402_8781885020597291065_n.jpg" alt="" />

Шиеліде 25 тұрғын үй салынуда

<a href="https://kyzylorda-news.kz/">Kyzylorda-news.kz.</a> Қызылорда облысының тұрғындары Әлеуметтік медициналық сақтандыру қорына 16,3 млрд теңге аударды.
<blockquote>
 «Жүйе іске қосылған 2017 жылдың 1 шілдесінен 2021 жылдың 1 науырызға дейінгі аралықта Қызылорда облысының тұрғындары әлеуметтік медициналық сақтандыру қорына 16,3 млрд теңге аударды. Оның 12,7 млрд теңгесі (77,9%) жұмыс берушілердің аударымдары болса, қалған 3,6 млрд теңге (22,1%) – жеке кәсіпкерлер мен азаматтық-құқықтық келісімшарт негізінде еңбек ететін тұлғаларға тиесілі», – деп хабарлады «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов.
</blockquote>
Жарна төлеу жағынан Қызылорда қаласы, Шиелі мен Жанақорған аудандар көш бастап тұр.
Жинақталған қаржы сенімгерлік басқару туралы келісім бекітілген Ұлттық банкте сақталады және МӘМС пакеті шеңберіндегі қызметтер ақысын төлеуге жұмсалуда.

МӘМС: Қызылордалықтар 16,3 млрд теңге аударды

<a href="https://kyzylorda-news.kz/">Kyzylorda-news.kz.</a>&nbsp;Қазақстанда өткен тәулікте 874 адам коронавирус індетінен емделіп шықты, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 85,
Алматы қаласы – 192,
Ақмола облысы – 72,
Ақтөбе облысы – 17,
Алматы облысы – 78,
Атырау облысы – 20,
Шығыс Қазақстан облысы – 29,
Жамбыл облысы – 8,
Батыс Қазақстан облысы – 44,
Қарағанды облысы – 41,
Қостанай облысы – 90,
Қызылорда облысы – 9,
Маңғыстау облысы – 2,
Павлодар облысы – 74,
Солтүстік Қазақстан облысы – 105,
Түркістан облысы – 8 адам коронавирус инфекциясынан айықты.
Қазақстан бойынша жазылғандар саны – 199600.

Қызылордада 9 адам коронавирус індетінен жазылды

<a href="https://kyzylorda-news.kz/">Kyzylorda-news.kz.</a> Қызылорда облысында биыл мемлекеттік және өңірлік бағдарламалар аясында шағын және орта бизнесті қаржыландыру үшін бюджеттен 6 млрд теңге қаржы қарастырылған.
«Бизнестің жол картасы 2025» бағдарламасы аясында 2,6 млрд теңге, «Еңбек» бағдарламасы аясында 3 млрд теңге, «Қызылорда» өңірлік инвестициялық орталығына 300 млн теңге бөлініп отыр. Аталған бағдарламалар шеңберінде 1600-ден аса жұмыссыз, өзін-өзі жұмыспен қамтыған азаматқа қайтарымсыз грант, 900-ге жуық шағын бизнеске микрокредит және 200-ден астам тұрақты бизнеске несие беру жоспарлануда.
<blockquote>
 «2019-2022 жылдарға арналған облыстың әлеуметтік-экономикалық дамуының кешенді жоспарына өзгертулер мен толықтырулар енгізілуде. Нәтижесінде республикалық бюджеттен 111 млрд теңгеден астам қаржы алынатын болды. Жоспарға мұнайдың жаңа кен орындарын анықтайтын геологиялық зерттеу жұмыстары, ауыл шаруашылығын қолдау шаралары, халықтың өмір сүру сапасын арттыруға бағытталған шаралар енгізілді»,- деді облыстық экономика және бюджеттік жоспарлау басқармасының басшысы Нұрғали Қордабай.
</blockquote>
Сондай-ақ, биыл «Шалқия» полиметалл кен орнында тау кен байыту комбинатының және кальцийленген сода өндіретін зауыттың құрылысын бастау жоспарлануда.
Айта кету керек, кальцийленген сода өндіретін зауытқа қажетті инженерлік-инфрақұрылым республикалық бюджет есебінен жүргізілетін болады.

Қызылордада 900-ге жуық шағын бизнеске микрокредит беріледі

<a href="https://kyzylorda-news.kz/">Kyzylorda-news.kz.</a> Нәтижелі жұмыспен қамтуды және жаппай кәсіпкерлікті дамытудың 2017 – 2021 жылдарға арналған «Еңбек» мемлекеттік бағдарламасы шеңберінде, &nbsp;&nbsp;Қызылорда облысы бойынша ҚАЖ департаментінің Қазалы аудандық пробация есебіндегі аудан тұрғыны мемлекеттен қайтарымсыз грант ұтып алды.
Ол қайтарымсыз грантқа қол жеткізу үшін «Кәсіпкерлік негіздері» курсын&nbsp; тәмамдап, бизнес жоспар құрып, нәтижесінде наурыз айында 583&nbsp;400 теңге көлеміндегі қаражатқа қол жеткізді.
<blockquote>
 «Осы жылдың ақпан айында аталған жоба бойынша бір ай оқып, қолыма сертификат алдым. Білікті мамандардан тәлім алып, қайтарымсыз грантқа қол жеткіздім. Алдыма қойған арманым, жоспарым бар. Енді, міне, мемлекеттен берілген көмектің арқасында құс шаруашылығын ашып, кәсібімді дөңгелетсем деген ниеттемін», – деді есептегі тұрғын.
</blockquote>
Өткен жылы аудандық пробация есебіндегі 5 тұрғынға мемлекет тарапынан қайтарымсыз грант берілген. Оның бірі шағын ағаш өңдеу цехын ашса, екіншісі құрылыс саласында сметалық жоба сызуға жәрдемдесу, шаштараз сынды&nbsp; жеке кәсіптерін&nbsp; ашып,&nbsp; ел игілігіне жұмыстарын жасауда.
Мемлекет тарапынан жасалып жатқан бұндай көмектер пробация қызметі есебіндегі азаматтарды қайта әлеуметтендіру процесіне зор көмегін тигізуде.
<img src="https://kyzylorda-news.kz/wp-content/uploads/2021/03/whatsapp-image-2021-03-03-at-10.35.38.jpeg" alt="" />

Пробация есебіндегі қазалылық жарты миллион грант ұтып алды

<a href="https://kyzylorda-news.kz/">Kyzylorda-news.kz.</a> Қызылорда өңірінде облыстық пәндік олимпиаданың нәтижесі нақтыланды.
Білім сынағына әртүрлі пәндерден 292 оқушы қатысқан. Нәтижесінде 115 оқушы жүлделі орындарды иеленді. Оның 21-і Алтын медаль, 37-і күміс медаль, 57-і қола медаль алды.
Олимпиада жаратылыстану-математика, қоғамдық-гуманитарлық бағыттардағы 14 пән бойынша ұйымдастырылған. Пандемия жағдайында өткен олимпиадада әр күн сайын 6 аудиторияда 50-ден аса бала сынақ тапсырған.
Биылғы ерекшеліктің тағы бірі – қоғамдық бақылау жүргізудің ашықтығы. Яғни олимпиаданы әрбір ата-ана арнайы ютуб желісіндегі сілтеме арқылы тікелей бақылай алады.
Бес күнге созылған олимпиадада балалар тест тапсырмалары, эксперименттік тур бойынша жазба, эссе, лексика-грамматикалық тесттер, хат және аудижазба түрлерінен сынақ тапсырды.

Қызылорда: Олимпиадада 115 оқушы жүлдегер атанды

<a href="https://kyzylorda-news.kz/">Kyzylorda-news.kz.</a> Қызылордаға коронавирус инфекциясына қарсы егілетін 6200 «Спутник V» дозасы келді. Оның 3600-і бірінші компонентте, 2600-і екінші компонентте егілетін болады.
ІІ кезеңде вакцина алмаған медицина қызметкерлеріне, мұғалімдерге және жұқтыру қаупі неғұрлым жоғары болып саналатын жұмыс орындарының қызметкерлеріне салынады.
<blockquote>
 Жалпы екпе салдырғындар арасында денсаулығына шағымданушылар болмады. Ертеңнен бастап екпенің екінші кезеңін бастамақпыз. Алғашқы кезеңде вакцинациялау жұмыстары тек қаламыздағы №1, 3, 6 емханаларда жүргізілген болатын. Ал ІІ кезеңнен бастап аудандарда да қатар жүргізілмек. Бұл ретте егу науқанын сапалы өткізу үшін аудандағы медицина қызметкерлері де дайындық курсынан өтіп, оқытылды, – деді облыстық денсаулық сақтау басқармасының басшысы Сәбит Пазилов.
</blockquote>
Айта кетейік, вакцина аудандарға температуралық режимді қадағалайтын арнайы машинамен бүгін-ертең жеткізілетін болады. Екпе жұмыстарына алғашқы медициналық-санитарлық көмек мекемелерінде 14 егу кабинеті дайындалған.
<blockquote>
 Қазір халықтың вакцинациялаудың қауіпсіз екеніне көзі жетті деп ойлаймын. Бір жағынан асқыну, ауру белгілері 1-ші, 2-ші компаненттерде де байқалмады. Вакцина келе саласымен барлық талаптарға сәйкес мұздатқыштарға орналастырылды. Қазіргі таңда қоймадан қажетті вакцина облыс орталығындағы емханалар мен аудандарға тасымалдануда. Бұл ретте тиісті сала мамандарымен комиссия құрылды. Яғни, вакцинаны аудандарға жібергенде, доза ешқандай бұзылусыз жетсе, құрылған комиссия мүшелері қабылдап алатын болады, – деді облыстық санитариялық-эпидемиологиялық бақылау департаменті басшысы міндетін атқарушы Әлия Әбдіқайымова.
</blockquote>

Бүгін Қызылордада вакцинацияның екінші кезеңі басталады

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 804 адамнан коронавирус инфекциясы ПТР тест арқылы анықталды, деп хабарлайды coronavirus2020.kz.
_Аймақтар бойынша: 
_Нұр-Сұлтан қаласы – 84 
Алматы қаласы – 121 
Шымкент қаласы – 52 
Ақмола облысы – 51 
Ақтөбе облысы – 23 
Алматы облысы – 64 
Атырау облысы – 21 
Шығыс Қазақстан облысы – 34 
Жамбыл облысы – 15 
Батыс Қазақстан облысы – 72 
Қарағанды облысы – 54 
Қостанай облысы – 61 
Қызылорда облысы – 10 
Маңғыстау облысы – 10 
Павлодар облысы – 81 
Солтүстік Қазақстан облысы – 39 
Түркістан облысы – 12 
Жалпы ел бойынша ауырғандар саны 215610.

Қызылордада 10 адамнан коронавирус инфекциясы табылды

<a href="https://kyzylorda-news.kz/">Kyzylorda-news.kz.</a> 4 наурыз күні Қазақстанның басым бөлігінде Солтүстік-Батыс циклонының өтуімен құбылмалы ауа райы сақталып, жаңбыр мен қар түрінде жауын-шашын болады.
Еліміздің оңтүстігінде қатты жауын-шашын күтіледі, кей жерлерде тұман, көктайғақ, желдің күшеюі, бұрқасын болжанады, деп хабарлайды «Қазгидромет».
Қызылорда облысының кей жерлерінде тұман, көктайғақ күтіледі, 15-20 м/с екпінде жел тұрады.

Қазақстан және Қызылорда облысының жаңалықтары