<a href="https://kyzylorda-news.kz">Kyzylorda-news.kz</a>. Бірнеше ай бұрын қазақстандық музыкант Иманбек Зейкеновтің (Imanbek) Saint JHN орындайтын “Roses” әніне жасаған ремиксі “Грэмми” сыйлығына үміткер атанған болатын. “Roses (Imanbek Remix)” трегі “Best Remixed Recording” номинациясы бойынша музыкант “Грэмми” премиясын <a href="https://www.instagram.com/p/CMaXQyRIeJp/?igshid=gz5s44jgkxnm">жеңіп алды.</a> Иманбек – “Грэмми” алған алғашқы қазақстандық.
Иманбектің номинациясында сынға түсіп жатқандар тізімі мынадай болған еді: 
Best Remixed Recording 
“Do You Ever (RAC Mix),” RAC (Phil Good) 
“Imaginary Friends (Morgan Page Remix),” Deadmau5 (Morgan Page) 
“Praying for You (Louie Vega Main Remix),” Jasper Street Co. (Louie Vega) 
“Roses (Imanbek Remix),” Saint JHN (Imanbek Zeikenov) 
“Young &amp; Alive (Bazzi vs. Haywire Remix),” Bazzi (Haywyre).
Өзге номинацияларда Beyonce, The Weeknd, Coldplay, Lady Gaga, Dua Lipa, Billie Eilish және тағы басқалары бар.
Иманбек Зейкенов – Павлодар облысындағы Ақсу қаласында тұратын 20 жастағы музыкант. Осыған дейін теміржол саласында жұмыс істеген. Ремикс жасауды, музыканы YouTube-тегі видеолардан үйренген.&nbsp;
Иманбек шара барысында қолдау білдірген барша жандарға, соның ішінде ата-анасына шексіз алғысын білдірді.
2019 жылы Иманбек рэпер Saint Jhn -ның Roses деген әнін байқап, оны билеуге ықшамдап ремикс жасаған. Ремикс өте жылдам қарқынмен танымал бола бастады. Дүниежүзіндегі біршама чарттарда болды. Ремикс YouTube-те 145 миллионнан аса қаралым жинаған.

Иманбектің ремиксі &#8220;Грэмми&#8221; премиясын жеңіп алды

<a href="https://kyzylorda-news.kz/">Kyzylorda-news.kz</a>. Астрологтар наурыз айында төмендегі жұлдыз белгілеріндегі әйелдердің дәулетке кенелу мүмкіндігін атады.
«Профиль» мәліметі бойынша, астрологтар келесі жұлдыз белгілері үшін көктемнің келуі олардың өміріне өзгеріс әкелетінін болжады.
<h3 id="">Шаян</h3>
Шаян басқа белгілердің қасында ерекше инновациялық қабілеттерімен ерекшеленеді, сондықтан наурыз айының екінші жартысында ол өзінің ескі идеяларын жүзеге асыруға мүмкіндік алады. Шығармашылық идеялар қыс бойы жинақталды, енді наурыз айының бірінші жартысын олар өте сәтті жобалармен аяқтайды.
<h3 id="-1">Торпақ</h3>
Торпақтар наурыз айының екінші жартысында аз ғана жұмыс істеуі керек және олар қызметте жаңа сатыға жол таба алады. Бұл белгінің қарапайымдылығын ескере отырып, астрологтар атап өткендей, тапқан ақшасы үй қажеттіліктеріне жетеді. Олар қалған соманы өзінің арман-мақсаттарына жұмсағаны дұрыс.
<h3 id="-2">Суқұйғыш</h3>
Астрологтардың айтуы бойынша, осы кезеңде суқұйғыш бастаған жобалар танымалдыққа ие және сұраныста болады. Бұл ай жұлдыз иесіне ойламаған жерден байлық әкеледі. Мансаптың өсуі туралы айтудың да қажеті жоқ, өйткені бұл төсбелгі кезектен тыс беріледі. Бұл белгіге ақша магнит сияқты тартылатын болады. Алайда, сарапшылар шамадан тыс ысырапшылдықтан суқұйғышты алдын ала сақтандырады.
<a href="https://aikyn.kz/117630/117630/?utm_source=fb&utm_medium=post&utm_campaign=cpc&fbclid=IwAR1FjQACqaW5dWsUM4ATgtuWAP4A2QAnreH-izrB_Gfxnvvn7XuedWEACHs">AIQYN</a>

Наурызда қандай әйелдер байлыққа ие болатыны айтылды?

<a href="https://kyzylorda-news.kz/">Kyzylorda-news.kz</a>.&nbsp; Киберқауіпсіздік бойынша маман смартфонда қандай деректерді сақтауға болмайтынын және мобильді құрылғыны қалай қорғауға болатынын айтты, деп хабарлайды&nbsp;<a href="https://russian.rt.com/russia/news/839263-ekspert-dannie-smartfon?utm_source=yxnews&utm_medium=desktop">RT</a>.
Маман Андрей Масаловичтің айтуынша, телефон ішіндегі бағдарламаларда бірдей пароль қолдануға болмайды.
<blockquote>
 “Серверлер мен компьютерде, желіге қосылған смартфондарда құпия деректерді сақтамаған жөн, оның орнына автоматты түрде өшіп отыратын функцияны таңдау керек. Сондай-ақ желіге қосылуға мүмкіндік беретін аккаунт аты мен паролін жазуып қоюға болмайды. Құпия сөзді тоқсан сайын ауыстырып отыру керек. Ал көп ақша бар шоттағы ақшаны тек банк филиалынан шешуге болатындай еткен дұрыс”, – деп түсіндірді Масалович.
</blockquote>
Ал күнделікті қолданыс үшін бір картаны қолданған жөн. Ол жердегі қаражат көлемі де көп болмауы керек. Сондай-ақ банк қосымшасына кірген кезде “сақтап қалу” батырмасын таңдамаңыз.
<blockquote>
 “Заманауи смартфондарда жеке деректерді, құпия сөздерді жасыруға мүмкіндік беретін функциялар бар. Мысалы, құрылғының жаңа нұсқасында “динамикалық ауысатын MAC мекенжайы” батырмасы бар. Соны орнату қажет және Bluetooth-ды өшіру керек”, – дейді маман.
</blockquote>
Смартфонда төлқұжаттың суретін сақтаудың орнына сканерленген нұсқасын сақтаған сенімдірек болады. Егер біреуге құжат фотосын жіберу қажет болса, содан кейін дереу өшіріп тастау керек.
Маман телефонды жоғалтып алу қауіпі үнемі болатынын, сол себепті әртүрлі мақсат үшін әртүрлі смартфон мен аккаунт болуы керек деп санайды. Бұл бір жағынан жұмыс пен жеке өмірді араластырмауға көмектеседі.

Телефонда қандай деректерді сақтауға болмайды?

<a href="https://kyzylorda-news.kz/">Kyzylorda-news.kz</a>.&nbsp; Сенат депутаты Дана Нұржігіттің “<a href="https://www.youtube.com/watch?v=ZcmXT7nGJ8g">Ашық алаң</a>” бағдарламасында “күйеуінен таяқ жесе де, жымын білдірмейтін” әйелдер жайлы айтқан сөзі қазақстандықтардың ашуын туғызды.
Сенатор&nbsp;<a href="https://www.instagram.com/p/CMCwk3tjpOP/">Instagram</a>-дағы парақшасында бағдарламадан үзінді жариялаған.&nbsp;
<blockquote>
 “Қазақы тәрбие, абырой, отағасының абыройы бәрібір де қазақ әйелінің табиғатында басым тұрады. Өйткені кейбір әйелдерді көремін, елдің алдында әдемі жүреді, киінеді, төрт құбыласы түгел сияқты көрінгенмен, кеше кешкісін үйде қандай әңгіртаяқтың астында қалғанын, не болмаса, балаларын тырқыратып қуып, бір үйдің астаң-кестеңін шығарғанын білдірмей, ел алдында әп-әдемі болып жүретін әйелдердің тағдырын көрдім.
</blockquote>
Соның бәрін аттап кетпей, “Бәрібір үй болайық, шаңырақ болайық, ел алдында не бетімізді айтамыз” деген абыройды ойлаған әйел қазақ әйелі дер едім. Сондай тағдырлардың көбі көз алдымызда жүр, бірақ жымын білдірмейтін қазақ әйелдерінің намысы ешқашан қорқыныш, үрей тудырмайды. Еуропаның әйелдері болса, “менің чиновниктік жұмысым бар, тамағыңды өзің жеп ал, балаңды өзің өсіріп ал, мені қызметім күтіп тұр” деп бәрін аттап кететін әйел – қазақ әйелі емес”, – деді сенатор отандық телеарна эфирінде.&nbsp;
Алайда депутаттың бұл пікірі кейбір желі қолданушыларының ашуына тиді. Олар Дана Нұржігітті тұрмыстық зорлық-зомбылықты қолдап отыр деп айыптап, сынның астына алды.
<blockquote>
 “Дана ханым, таяқтың астында жүріп, ештеме білдіртпеуді дәріптеп отырсыз ба сонда?! Бірақ сондай отбасыларда қаншама бала балалық травмамен өсіп, қаншама әйел суицидке барғанын білмейсіз бе? Статистикамен танысқаныңыз дұрыс болар, Дана ханым! Өзіңіз ел алдында жүрсіз. Өзекті проблеманы керемет нәрсеге балап, әйелдің дәрежесін төмендетіп отырсыз. Осындай спичтардан жігерленген тұрмыстық тирандар өмір бойы әйелдерін қор қылатын болады”, – деп ашуланды деді желі қолданушысының бірі.
 “Абырой деген үнін шығармау ма? Сіз дәл қазір зорлыққа, таяққа көніңіз дегенді дәріптеп тұрғаныңызды түсініп отырсыз ба? Жарайды, мәнмәтіннен кесіліп алынды дегеннің өзінде, бұл жерде ойыңызды толық ашып жеткізіп отырсыз. Өзіміздің әйелдерді жақтау үшін басқа елдің әйелдерін төмендетіп отырсыз. Өте нашар мысал келтірдіңіз. Неге әйелге төз деудің орнына, ерлерге “қол көтермеңдер, қорғаңдар, қолдаңдар” деп үйретпеске? Сіздің айтып тұрғаныңыз виктимблеймингтің көрінісі. Көзі ашық жан деп ойлаушы едім, өкінішті”, – деген енді бірі.
 “Сонда “әңгіртаяқ астында қалған әйел” ешқайда барып арыз жазбай, қылмыскерді соттатпауы керек пе? Неге жертвалықты романтизировать етуге құмармыз осылай?”, – деп жазды тағы бір қолданушы.
</blockquote>
Сенатор кейіннен БАҚ өкілдеріне&nbsp;өзінің даулы сөзін түсіндірді. Ол әйелдерді таяққа шыдауға емес, керісінше, ер адамдарды әйелдерді бағалауға шақырғанын айтты.
<blockquote>
 “Қазақ әйелі ерінің басын елге теңеген, елдің абыройы деп ойлаған. Сондықтан осыны бағалайтын әйел адам не үшін көп қиындыққа көніп жатыр? Не үшін көп қиындыққа осылай үндемей, бір үйдің емес, бір елдің ұйытқысы болып жатыр? Осыны түсінетін арда азаматтарымыз болса екен, шіркін. Осының құнын білетін, әйелдің ақылын, төзімін, шыдамын, парасатын бағалайтын ер азамат көп болса екен деген пікір болатын. Бұл жерде көнбестікке шыдау, таяққа шыдау туралы пікір болған жоқ”, – деді ол.
</blockquote>
Депутаттың айтуынша, әйелінің парасат-пайымын, биіктігінің құнын білетін ерлер көп болса, дүние тепе-теңдікке жетер еді.
“Менің пікірім – осы”, – деді Дана Нұржігіт.

Сенатор Дана Нұржігіттің сөзі дауға ұласты

Kyzylorda-news.kz. ҚР Ұлттық қауіпсіздік комитеті әскери борышын атқару кезінде қайғылы жағдайда қаза болған ҚР ҰҚК Авиация қызметі әскери қызметшілердің аты-жөндерін жариялады, деп хабарлайды <a href="https://www.inform.kz/kz/almatyda-ushak-apatynan-kaza-tapkan-askerilerdin-aty-zhonderi-zhariyalandy_a3764109">ҚазАқпарат</a>.
«Қазақстан Республикасы Ұлттық қауіпсіздік комитеті әскери борышын атқару кезінде қайғылы жағдайда қаза болған ҚР ҰҚК Авиация қызметі әскери қызметшілері:
<img src="https://kyzylorda-news.kz/wp-content/uploads/2021/03/2103141302301961g.jpg" alt="" />
Авиация бөлімінің штурманы, 1984 жылы 19 қазанда туған майор Ғабит Есімдеұлы Барлықбаев:
<img src="https://kyzylorda-news.kz/wp-content/uploads/2021/03/2103141302339783g.jpg" alt="" />
Авиация бөлімінің ұшу тобының борт технигі, 1985 жылы 15 желтоқсанда туған капитан Досжан Ғалымбекұлы Баймұратов;
<img src="https://kyzylorda-news.kz/wp-content/uploads/2021/03/2103141302318472g.jpg" alt="" />
Авиация бөлімінің ұшу тобы экипажының штурманы, 1994 жылы 24 қарашада туған аға лейтенант Мұхтар Қажымұқанұлы Сағымбаевтың;
<img src="https://kyzylorda-news.kz/wp-content/uploads/2021/03/2103141302349187g.jpg" alt="" />
Авиация бөлімінің ұшу тобының аға борт механигі, 1985 жылы 10 қарашада туған сержант Васильков Евгений Борисовичтің отбасыларына, туған-туыстары мен жақындарына қайғыларына ортақтасып, көңіл айтады», делінген хабарламада.
Комитеттің мәліметінше, АН-26 әскери-көлік ұшағының экипажы тәжірибелі әрі кәсіби дайындалған мамандар болған.
«Олар өмірінің соңына дейін әскери антқа адал болды. Сарбаздардың жарқын бейнесі Қазақстан Республикасы Ұлттық қауіпсіздік органдары қызметкерлерінің жадында мәңгі сақталады. Біз ауыр және орны толмас қазаның қайғысын бірге бөлісеміз», делінген хабарламада.

Алматыда ұшақ апатынан қаза тапқан әскерилердің аты-жөндері жарияланды

Асқар Жұмаділдаев: Жастарға реализм жетпейді

<a href="https://kyzylorda-news.kz/">Kyzylorda-news.kz</a>.&nbsp; Қазақстан имамдарының соңғы форумында “Зират және зиярат мәдениеті” атты құжат қабылданды. Онда зиярат жасаудың әдебі мен тәртібі туралы жазылған. Sputnik Қазақстан осы діни рәсімге қатысты мүфтияттың негізгі кеңестерін ұсынады, деп хабарлайды&nbsp;<a href="https://sputnik.kz/spravka/20210309/16488968/Ziratqa-barganda-ne-isteuge-bolmaydy.html">Sputnik</a>.
Шариғат бойынша қабірді зиярат жасау мұсылман үшін сауапты іске жатады. Зиратқа кірген кісінің “Йасин” сүресін оқып, сауабын марқұмдарға бағыштауы – сүннет. Ол қабір иелеріне жеңілдік береді.
“Ал арнайы зиярат мақсатымен барғанда егер білсе “Фатиха” сүресін, “Бақара” сүресінің алғашқы 5 аятын, “Аятүл курсиді”, “Мүлк” сүресін, “Тәкәсур” сүресін, “Ықылас”, “Фәлақ”, “Нас” сүрелерін немесе білетін сүрелерді оқып, соңында: “Уа, Алла Тағалам, осы оқыған қасиетті аяттардың сауабын (тегі, аты, әкесінің есімі) деген пендеңе бағыштадым, қабыл ете гөр” деп дұға жасаса сауабы тиеді”, – дейді имамдар.
Оқылған Құранның сауабын сондай-ақ Мұхаммед пайғамбарымызға, барша марқұм болған мұсылмандардың рухына бағыштаған дұрыс. Марқұмның өз есімі мен әкесінің атын айтқан абзал. Зиярат жасау кезінде тұрып та, отырып та дұға етуге болады. Құранды оқығанда жүзді Құбылаға қаратып, дұрыс әрі сауатты оқу керек.
Шариғат бойынша тыйым салынған амалдар да бар. Олар:
қабір басында ұйықтамау, дәрет сындырмау, ойнап-күлмеу, әзілдеп-қылжақтамау; 
зират маңында пайдасыз, бос сөздер айтпау; 
қабір басында намаз оқымау, құлшылық жасамау, оны айналып тауап етпеу; 
қабірде жатқан кісіге табынбау; 
қабір басындағы ағаштарды сындырмау, шөпті жұлмау (тазалық мақсатында қураған ағаштарды кесуге, шөбін оруға болады); 
зират ішінде ішімдік ішу, темекі шегу, насыбай ату сынды жөнсіз істер жасамау; 
Зираттағы кесенені мешітке айналдырмау, онда құлшылық жасамау; 
қабірлерді сипамау, тауап жасап айналмау.
Зиярат жасаудың арнайы уақыты жоқ. Аптаның кез келген күнінде зиярат жасауға рұқсат. Бірақ дәрет алып бару қажет.
Сосын қорымға кіргенде барлық қабір иесіне Алладан рақым тілеп сәлем берілуге тиіс.
“Уа, муминдер мен мұсылмандардан болған қауым! Алла бізден бұрын дүние салғандарға және бізден кейін бақилық болатындарға рақым етсін! Алладан өзіме де, сіздерге де есендік тілеймін! “, – деп сәлем берген жөн.
Әйелдердің зиярат жасауына қатысты бірнеше шарт бар. Олар:
қабір зияраты ниетімен шыққанда, сәнденбеу, иіс су себінбеу; 
шариғат талаптарына сай (ұзын етек, ұзын жең, орамал тағу) киіну; 
қабір басында ұстамдылық таныту, дауыс шығарып жыламау, орынсыз сөйлемеу, дауыс көтермеу; 
зиярат барысында бөгде ер азаматтармен араласып жүрмеу, әдеп сақтау; 
қабірді зиярат ету үшін күйеуінің рұқсатын алу (тұрмыс құрған әйелдер үшін).
Айта кетейік, “Зират және зиярат мәдениеті” құжаты Қазақстанда зираттарды тұрғызудың әрі оларды зиярат етудің үрдісін бір ізге келтіріп, өзіндік мәдениетін қалыптастыру мақсатында әзірленген болатын. Ал ондағы шарттар Ислам діні мен ата-бабаларымыздың озық дәстүрлеріне негізделген.

Зиратқа барғанда не істеуге болмайды – мүфтият кеңесі

<a href="https://kyzylorda-news.kz/">Kyzylorda-news.kz</a>.&nbsp; Жастар арасындағы мәдениет деңгейін анықтау үшін олардың бос уақытты қалай өткізетінін зерттеу керек. Бос уақыт жеке тұлғаның қалыптасуына әсер етеді, адам хобби арқылы қоғамдық өмірге және жалпы мәдениетке араласа бастайды.
Жастар өзінің қажеттіліктері мен құндылық бағдарына қарай бос уақытты өткізудің алуан түрін таңдайды. Жастардың бос уақыты құрылымындағы ең танымал іс-әрекет – айналасымен байланыс. Респонденттер аптасына 10 сағаттан астам уақытты отбасы (37,7 %) және достарымен (8,9&nbsp; %) өткізеді. Уақыт мөлшері бір сағаттан 10 сағатқа дейін өзгерсе де, бұл екі санат тең дәрежеде өзгеріссіз қалып отыр.
Жастар аптасына 1-3 сағат өз бетімен білім алып (25,9 %), спортпен (24 %) айналысады. Жастардың төмен белсенділігі волонтерлік және шығармашылық қызметте байқалады.
<img src="https://ruh.kz/source/uploads/%D0%A1%D2%B1%D0%BB%D1%82%D0%B0%D0%BD/social-1.jpg" alt="" />
«Жастар» ҒЗО жүргізген сараптамалық фокус-топтық зерттеудің сарапшылары жастардың спорт секцияларына, сауықтыру үйірмелеріне шектеулі қол жеткізу (оның ішінде қаржылық тұрғыдан) проблемасына, көшедегі спорт алаңдары аздығына назар аударды. Бұл жастардың жалпы денсаулық жағдайына теріс әсер етеді. Спорт ғимараттарының коммерциялануы жағдайды күрделендіре түскен. Спорт ғимараттарына қол жеткізу проблемасы өңірлерде, ауылдық жерлерде өте өзекті.
Жастар бос уақытының маңызды бөлігі – интернет. Бұл қолданушыларға ақпарат іздеу және алу, білім, кәсіби қызмет, қарым-қатынас және т.б. көптеген қажетін өтеуге мүмкіндік беретін дүние. Сондықтан интернет – уақыт өткізудің бір түрі, жастардың едәуір бөлігі күн сайын дерлік қолданатын қажеттілік.
<img src="https://ruh.kz/source/uploads/%D0%A1%D2%B1%D0%BB%D1%82%D0%B0%D0%BD/Sotovyi-operator-Atlas-5.jpg" alt="" />
Сауалнама нәтижелері көрсеткендей, жастардың көпшілігі (42,7 %-ы) күн сайын 2-5 сағаттан астам уақытын интернетте өткізеді. Респонденттердің 27 %-ы интернетке күніне 1-2 сағат, 24,9 %-ы алты сағаттан артық уақыт бөледі. Респонденттердің 1,4 %-ы ғана интернет қолданбайтынын айтқан.
Сондай-ақ, сауалнама жастардың интернетті әртүрлі мақсаттарда қолданатынын көрсетті. Респонденттердің жартысынан көбі оны достарымен араласу үшін (59,3 %-ы), 45,5 %-ы көңіл көтеруге, 44 %-ы әлеуметтік желілерде уақыт өткізуге, ал 42,5 %-ы жаңалық көру, оқу үшін қолданатынын айтты. Респонденттер атап өткендей, интернет оларға оқу (31 %-ына) және жұмыс істеуге (25,8 %-ына) қажет.
<img src="https://ruh.kz/source/uploads/%D0%A1%D2%B1%D0%BB%D1%82%D0%B0%D0%BD/sosyalmedya4.jpg" alt="" />
Бұл мәселені жас топтары тұрғысынан қарастыру орташа тенденцияларға қатысты кейбір айырмашылықтарды анықтауға мүмкіндік береді. Сонымен, барлық жастағы топтар үшін интернеттегі достармен байланыс бірінші орында тұр. Қазір заманауи жастардың бос уақытын зерттеу жастардың денсаулығын немесе құндылық бағдарларын зерттеу аясында шағын бөлімдермен шектелген. Дегенмен, бос уақытты өткізу ерекшеліктері жастарға үлкен әсер етеді.
<a href="https://ruh.kz/kz">RUH.KZ</a>

Жастар бос уақытын қалай пайдаланады?

Kyzylorda-news.kz. ҚР Президенті Қасым-Жомарт Тоқаев қазақстандықтарды Көрісу күнімен құттықтады.
<blockquote>
 «Баршаңызды бүгінгі Көрісу күнімен құттықтаймын! Ежелден келе жатқан ата салтымыз бойынша жастар осы күні үлкендерге сәлем беріп, батасын алады. Жұрт бір-біріне ақ тілектерін арнайды. Бұл – нағыз береке-бірлік пен ырыс-ынтымақтың мейрамы», – деп жазды Президент Twitter-дегі парақшасында .
</blockquote>

Қасым-Жомарт Тоқаев қазақстандықтарды Көрісу күнімен құттықтады

Kyzylorda-news.kz. «Қазгидромет» синоптиктері 14 наурызда ауа райы қандай болатынын айтты.
Қазақстан аумағының оңтүстік, оңтүстік-шығыс және шығыс аудандарында атмосфералық фронттарға байланысты тұрақсыз ауа райы сақталады: кей жерлерде жаңбыр мен қар жауады, бұрқасын соғады, көктайғақ болып, жел күшейеді.
Республиканың қалған өңірлерінде антициклон әсерінен жауын-шашынсыз ауа райы сақталады. Кей жерлерде тұман түседі.
Қызылорда облысының кей жерлерінде көктайғақ пен боран соғады. Жел жылдамдығы 15-20 м/с жетеді.

Жексенбіге арналған ауа райы болжамы

Kyzylorda-news.kz. Алматыда әскери ұшақ құлаған жерде құтқарушылар жұмыс істеп жатыр, деп хабарлайды ҚР Төтенше жағдайлар министрлігінің баспасөз қызметі.
Бүгін сағат 17:25-те Алматы қаласы әуежайының диспетчерлік қызметіне сағат 17:22-де Нұр-Сұлтан – Алматы бағытындағы АН-26 әскери ұшағы радардан жоғалып, Алматы әуежайының маңына апатты жағдайда қонғаны туралы ақпарат келіп жетті.
Оқиға орнында Өрт сөндіру 11-бөлімінің (1,2) қызметкерлері, республикалық жедел-құтқару отрядынан 9 адам, 1 техника, 1 кинологиялық қызметкер, сонымен қатар Алматының құтқару қызметінен 5 адам мен 1 техника жұмыс істеп жатыр.
Сонымен қатар, оқиға орнында Ұшудың іздеу-апаттық қамтамасыз ету қызметінің 4 техникасы мен Алматы облысы Өрт сөндіру және құтқару қызметінің 2 техникасы бар. Ұшақта шыққан өрт ауыздықталды.
Сондай-ақ ол жерде Алматы қалалық қоғамдық денсаулық сақтау департаментінің жедел-құтқару жасағының 10 тобы жұмыс істеп жатыр.
Расталған мәлімет бойынша, әскери ұшақ апатынан 4 адам қаза тауып, 2 адам Іле ауданындағы ауруханаға жеткізілді.

Алматы әуежайы маңындағы ұшақ апатынан 4 адам қаза тапты

<a href="https://kyzylorda-news.kz/">Kyzylorda-news.kz</a>. Зерттеушілер дүние есігін ашып жатқан егіздердің саны бұрынғыға қарағанда көп екенін, қазір әлемде бұл бойынша көрсеткіш ең жоғары деңгейге жетуі мүмкін екенін айтуда, деп хабарлайды <a href="https://lenta.inform.kz/kz/alemde-duniege-kelgen-egizder-sany-kurt-kobeydi_a3763592">ҚазАқпарат</a>.
Жыл сайын әлемде 1,6 миллионға жуық егіздер дүниеге келеді екен. Бұл әр 42-бала егіз болып туады дегенді білдіреді.
Бала туудың кешігуіне және ЭКО сияқты медициналық әдістерді қолдануға байланысты 1980 жылдардан бастап егздерді туу жиілігі үштен бірге өсті.
<a href="https://academic.oup.com/humrep/advance-article/doi/10.1093/humrep/deab029/6168658">Human Reproduction</a>&nbsp;журналында жарияланған жаһандық шолуға сәйкес, 30 жыл ішінде барлық аймақтарда Азияда 32%-дан Солтүстік Америкада 71%-ға дейін егіздердің санының едәуір өсуіне байланысты көрсеткіштің ең жоғары шегіне қол жеткізілді.
Зерттеушілер 2010-2015 жылдардағы 165 елдің бауырластық көрсеткіштері туралы ақпарат жинап, оларды 1980-1985 жылдардағы деректермен салыстырды.

Қазақстан және Қызылорда облысының жаңалықтары

Иманбектің ремиксі “Грэмми” премиясын жеңіп алды

Наурызда қандай әйелдер байлыққа ие болатыны айтылды?

Телефонда қандай деректерді сақтауға болмайды?

Сенатор Дана Нұржігіттің сөзі дауға ұласты

Алматыда ұшақ апатынан қаза тапқан әскерилердің аты-жөндері жарияланды

Асқар Жұмаділдаев: Жастарға реализм жетпейді

Зиратқа барғанда не істеуге болмайды – мүфтият кеңесі

Жастар бос уақытын қалай пайдаланады?

Қасым-Жомарт Тоқаев қазақстандықтарды Көрісу күнімен құттықтады

Жексенбіге арналған ауа райы болжамы

Алматы әуежайы маңындағы ұшақ апатынан 4 адам қаза тапты

Әлемде дүниеге келген егіздер саны күрт көбейді

Қазақстан және Қызылорда облысының жаңалықтары

Иманбектің ремиксі &#8220;Грэмми&#8221; премиясын жеңіп алды

Наурызда қандай әйелдер байлыққа ие болатыны айтылды?

Телефонда қандай деректерді сақтауға болмайды?

Сенатор Дана Нұржігіттің сөзі дауға ұласты

Алматыда ұшақ апатынан қаза тапқан әскерилердің аты-жөндері жарияланды

Асқар Жұмаділдаев: Жастарға реализм жетпейді

Зиратқа барғанда не істеуге болмайды – мүфтият кеңесі

Жастар бос уақытын қалай пайдаланады?

Қасым-Жомарт Тоқаев қазақстандықтарды Көрісу күнімен құттықтады

Жексенбіге арналған ауа райы болжамы

Алматы әуежайы маңындағы ұшақ апатынан 4 адам қаза тапты

Әлемде дүниеге келген егіздер саны күрт көбейді

Иманбектің ремиксі “Грэмми” премиясын жеңіп алды