<a href="https://kyzylorda-news.kz/">Kyzylorda-news.kz</a>&nbsp;.Бүгін Қазалыда қаржы саласының қызметкерлері кәсіби мерекесін атап өтті. Салтанатты шараға аудан әкімі Мұрат Ергешбаев қатысып, қаржыгерлерді мерекемен құттықтады.
<blockquote>
 “Тәуелсіздік алғаннан кейінгі біздің негізгі жетістіктеріміздің бірі ұлттық валюта – теңгенің пайда болуы. Қазір біздің валюта теңгемізді көптеген мемлекеттер біледі. Біздің теңгеміз өзінің дизайны жөнінен дүниежүзіндегі мықты валюталардың бірі болып есептеледі. Қаржыгерлердің ең негізгі міндеттерінің бірі – мемлекеттің ақшасын дер кезінде жинап, тиімді пайдаланып, мемлекеттің экономикасының дамуына жұмыс жасау. Бүгінде осы салада еңбек етіп жүрген қаржыгерлер ауданымыздың дамуына өз үлестерін қосуда. Сондықтан бүгінгі мерекеде барлық қаржыгерлер мен қаржы саласының қызметкерлерін кәсіби мерекелерімен құттықтаймын. Еңбектеріңізге табыс, дендеріңізге саулық тілеймін. Мерекелеріңіз құтты болсын”! –деді аудан басшысы.
</blockquote>
Құттықтау сөзінен кейін Мұрат Нәлхожаұлы бір топ қаржыгер мен банк қызметкерлерін облыс және аудан әкімінің «Алғыс хатымен» марапаттады.
Олардың қатарында «Ауылшаруашылығын қаржылай қолдау қоры» АҚ Қызылорда филиалының бас менеджері Қанат Сүйеубаев, аудандық қазынашылық басқармасының бас маман-бас қазынашысы Жаңылған Құлниязова, аудандық қаржы бөлімінің бас маманы Айгүл Досанова, «Ақкөгершін» бөбекжай балабақшасының есепшісі Райхан Сариева, «Банк Хоум Кредит» АҚ ЕБ Қазалы филиалының бизнесті дамыту менеджері Шамшырақ Оспанова, Тасарық ауылдық округі әкімі аппаратының есепшісі Ербол Байғара, «КМF Микро қаржылық ұйым» ЖШС-нің Қазалы аудандық бөлімшесінің несие сарапшысы Нұрқәділ Құдайберген, «Қазақстан Халық Банкі» АҚ Қазалы аудандық бөлімшесінің аға менеджері Аманкүл Ерқожақызы, «Ақбота» бөбекжай балабақшасының есепшісі Гаухар Жұмағамбет, аудандық эконмика және бюджеттік жоспарлау бөлімінің әдіскері Ақнұр Нұрғали бар.
Шарада сондай-ақ қаржы саласының ардагері Анаркүл Әлнияз жиналғандарға мерекелік лебізін білдіріп, қаржыгерлерді мерекелерімен құттықтады.
<img src="https://kyzylorda-news.kz/wp-content/uploads/2020/11/124975287_2912204622333799_3092118461213615613_o.jpg" alt="" />

Қазалыда қаржы саласының қызметкерлері марапатталды

<a href="https://kyzylorda-news.kz/">Kyzylorda-news.kz</a> Бүгін елордада «Үркер-2020» ұлттық сыйлығы жеңімпаздарының есімдері белгілі болды.
Сонымен «Жылдың үздік фотосуреті» аталымында тәуелсіз экологиялық шолушы Сәкен Ділдахмет жеңімпаз атанды. «Жылдың үздік репортажы» аталымы “Kyzylorda-news.kz” ақпараттық агенттігінің бас редакторы Нұрсұлтан Мықтыбаевқа, «Жылдың үздік аналитикалық материалы» аталымы Strategy2050.kz порталы журналисі Қайрат Жандыбаевқа, «Жылдың үздік журналистік зерттеуі» «Время» газетінен Михаил Козачковқа бұйырды.
Ал «Егемен Қазақстан» газетінің тілшісі Гүлбаршын Сабаева «Жылдың үздік сұхбаты», аталымында, «Sputnik Казахстан» агенттігінің тілшісі Тимур Ниталиев Жылдың үздік танымдық материалы» аталымында жеңімпаз болды. «Радиостанциядағы үздік жоба» аталымы «Atyray» радиостанциясының «Эфирде 102 FM» бағдарламасына бұйырса, TengriNews порталы «Жылдың үздік жаңалықтар порталы» аталымында жеңімпаз болды. «Жылдың үздік газеті» сыйлығы Жамбыл облыстық «AQ JOL» газетіне берілді. Сонымен қатар «Жылдың үздік журналы» «Жұлдыз» журналы жеңімпаз деп танылды. Ал Шерхан Мұртаза атындағы номинация Қайнар Олжайға бұйырды.
Мұнан бөлек, «Kazinform» халықаралық ақпараттық агенттігінің арнайы сыйлығы «ТАСС» агенттігі мен «Kaznews» Моңғолиядағы қазақтілді порталға берілсе, «Казахстанская правда» газетінің арнайы сыйлығы ардагер журналист Татьяна Костинаға табысталды.
Айта кетерлігі, 2020 жылдың 2 қазаны мен 5 қарашасы аралығында ұйымдастырылған «Үркер» ұлттық сыйлығының 11 аталым бойынша қатысушыларынан 470 өтінім келіп түсті. Бүгін әр аталым үздігіне «Үркер» естелік мүсіншесі және бір миллион теңге ақшалай сыйлық табыс етілді.
Ұлттық бәйгені ҚР Ақпарат және қоғамдық даму министрлігі мен «Медиа дамыту қоры» корпоративтік қоры ұйымдастырды.
<a href="https://lenta.inform.kz/kz/urker-2020-ulttyk-syylygynyn-zhenimpazdary-marapattaldy_a3718385">ҚазАқпарат</a>

«Үркер-2020»: &#8220;Kyzylorda-news.kz&#8221; ақпараттық агенттігінің бас редакторы Нұрсұлтан Мықтыбаев марапатталды

<a href="https://kyzylorda-news.kz/">Kyzylorda-news.kz</a>.&nbsp;Қазгидромет алдағы үш күнге арналған ауа райы болжамын жариялады.
<blockquote>
 «Алдағы үш тәулікте Қазақстанның басым бөлігінде ауа температурасының біртіндеп төмендеуіне Орталығы Екатеринбургте орналасқан ылғалды циклон әсер етеді. Кей жерлерде қар жауады, жел күшейеді, солтүстік жартысында бұрқасын болады», – делінген Қазгидромет хабарламасында.
</blockquote>
Еліміздің батыс аймақтарына суық солтүстік-батыс антициклонның жылжуымен 15 қарашадан бастап жауын-шашынның тоқтауы мүмкін. Түнгі уақыттарда еліміздің басым бөлігінде 10-18 градус аязға дейін, Қазақстанның оңтүстік-батысында, оңтүстігінде, оңтүстік-шығысында және шығысында 2-13 аязға дейін ауа температурасының біртіндеп төмендеуі күтілуде. Республика бойынша кей жерлерде тұман түсіп, оңтүстікте көктайғақ болады.

Демалыс күндері 18 градусқа дейін аяз болады

<a href="https://kyzylorda-news.kz/">Kyzylorda-news.kz</a>. Биылғы жылу маусымына облыс тұрғындарына 163,6 мың тонна көмір отыны қажет. Қазір соның 161,2 мың тоннасы келді. Тұрғындар мен әлеуметтік нысандарға көмір отынын сақтап, өткізетін 30 жинақтау қоймасы бар. Бесеуі Қызылорда қаласында, қалғаны аудандарда.
<blockquote>
 “Аймақта жылу 10-шы қазаннан бастап берілді. 1185 әлеуметтік нысан және 800-ге жуық тұрғын үй орталықтандырылған жылу жүйесіне қосылған. Орталықтандырылған жүйеге қосылған әлеуметтік нысандар&nbsp;мен тұрғын үйлерді жылытуға 39,5 мың тонна қатты және 26 мың тонна сұйық отын қажет. Бұл тұрғыдан ешқандай мәселе жоқ. Ал көмір тасымалдаушы мекемелермен келісім жасалған. Барлығы кестеге сәйкес жеткізіліп жатыр”, – деді облыстық энергетика және тұрғын үй-коммуналдық шаруашылық басқармасы басшысының орынбасары Ерлан Жаңабаев.
</blockquote>
<img src="https://kyzylorda-news.kz/wp-content/uploads/2020/11/125313140_1166195403775970_8895158040010007894_o.jpg" alt="" />
Облыста 111 256 абонемент және 2 403 коммуналдық кәсіпорын көгілдір отын пайдаланады. Сала мамандары қауіпсіздік шарасына аса мән беруді ескертті.

Қызылорда облысына 161 мың тонна көмір келді

<a href="https://kyzylorda-news.kz/">Kyzylorda-news.kz</a>. Бүгін «Nur Otan» партиясы Қызылорда облыстық филиалының төрағасы, облыс әкімі Гүлшара Әбдіқалықованың төрағалығымен партия филиалы Саяси кеңесі Бюросының отырысы өтті.
Жиында партия филиалының кезектен тыс XXVII конференциясының күн тәртібі мен облыс бойынша мәжіліске үміткер ретінде дебатқа түсетін қатысушылар тізімі бекітілді.
Праймериз Ережесіне сәйкес Қазақстан Республикасы Парламенті Мәжілісінің партиялық тізіміне кандидаттар облыстық конференцияда өткізілетін дебатқа қатысып, іріктелуі тиіс. Партия филиалдарының конференцияларын өткізу жөніндегі нұсқаулыққа сәйкес әрбір аудан Мәжілістің партиялық тізіміне дебатқа 1 қатысушыны ұсынады.
Гүлшара Әбдіқалықова тізімге аудандық және қалалық конференциялардағы дебаттардың жеңімпаздарымен қатар Мәжілістің қызметтегі депутаттарыда қосыла алатындығын атап өтті.
<blockquote>
 “Бүгінгі күні аудандық және қалалық конференциялардағы дебаттардың жеңімпаздары анықталып, мәжіліске үміткер ретінде дебатқа қатысуға 10 азамат ұсынылды. Олардың 7-і аудандардан және облыс орталығы өңір өкілдігінің квотасына сәйкес қаладан 3 азамат сондай-ақ, мәжілістің қызметтегі депутаты Балайым Кесебаева дебатқа қатысуға өтініш беріп отыр. Облыстық конференцияда мәжілістің партиялық тізіміне үміткер 11 азамат дебатқа түседі”,- деді облыстық партия филиалының төрағасы Гүлшара Әбдіқалықова.
</blockquote>
Жиында аталмыш үміткерлерді партия филиалы төрағасының бірінші орынбасары Ләйлә Төрешова таныстырды.
Саяси кеңес Бюросының күн тәртібіндегі мәселелер толық қаралып, тиісті қаулылар қабылданды.

Қызылорда: Мәжіліске үміткер ретінде дебатқа түсетін қатысушылардың тізімі бекітілді

<a href="https://kyzylorda-news.kz/">Kyzylorda-news.kz</a>. Бүгін облыс әкімі Гүлшара Әбдіқалықова Қызылорда автобус паркіне жаңа қоғамдық көліктерді табыстау рәсіміне қатысты. Енді Сырдың бас шаһарында Семей қаласының «СЕМАЗ» зауытында құрастырылған үлкен сыйымдылықтағы жаңа автобустар жолаушылар тасымалын жандандыратын болады.
Соңғы үлгідегі кең әрі жайлы заманауи автобустар бір уақытта 55 адамды тасымалдай алады. Жаңа автобус жылдамдық шектеу, қозғалыс интервалын бақылауға арналған GPS жүйесімен жабдықталған, жергілікті жердің климаттық жағдайына бейімделген, экологиялық таза газбен жүреді. Аймақ басшысы салтанатты шарада жаңа қоғамдық көліктер қала тұрғындары үшін, әсіресе, мүмкіндігі шектеулі жандар үшін қолжетімді етіп ыңғайластырылғандығын жеткізді
<blockquote>
 “Бүгін облыс орталығы Қызылорда қаласының транзиттік әлеуетін дамыту бағытында автобус паркі жаңа 13 автобуспен толығып, халық игілігіне беріліп отыр. Қызылорда автобус паркі құрылғаннан бастап, автопарктің техникалық базасын қалыптастыру мақсатында 122 дана жаңа автобус алынған болатын. Бүгінде қалаішілік 25 бағытқа және 8 қала маңына қатынайтын бағытқа, барлығы 636 автокөлік екі ауысыммен қызмет көрсетіп келеді. Биылғы жылдан бастап «Цифрлық Қазақстан» жобасымен қаладағы бірқатар қоғамдық көліктерге электрондық билет жүйесі енгізілді. Бүгінге дейін 212 мың адам терминал арқылы, 15 мың адам телефон немесе көлік карталары арқылы төлем жасаған. Бұл қоғамдық көліктердегі жолаушылар мен тасымалдаушылардың өзара сенімділігін, мәдениеттілігін қалыптастыруға ерекше ықпал етуде” – деді аймақ басшысы Г.Әбдіқалықова.
</blockquote>
Сондай-ақ, шарада сөз алған облыстық жолаушылар көлігі және автомобиль жолдары басқармасы жанындағы ардагерлер кеңесінің төрағасы Жәнібек Нұрқұшұлы аймақта атқарылып жатқан жұмыстарға оң бағасын беріп, қала тұрғындарын қуанышымен құттықтады.
Бүгінде қалаішілік 25 бағытқа және 8 қала маңына қатынайтын бағытқа, барлығы 636 автокөлік екі ауысыммен қызмет көрсетіп келеді. Олардың қатарын бүгін беріліп отырған №1 бағыттағы су жаңа автобустар толықтырып, халық тасымалы қызметін жандандырмақ.
<img src="https://kyzylorda-news.kz/wp-content/uploads/2020/11/125323558_2893577697411947_3089796016026950172_o.jpg" alt="" />
<img src="https://kyzylorda-news.kz/wp-content/uploads/2020/11/124958057_2893578040745246_176138974343281968_o.jpg" alt="" />

Қызылордада жаңа автобустар пайдалануға берілді

<a href="https://kyzylorda-news.kz/">Kyzylorda-news.kz</a>. Жуырда Қазақстан Ұлттық Банкі «Дала қазынасы» сериясымен «Жеті қазына» монеталарын айналымға шығарады. Сонымен қатар, алтын мен күмістен жасалған коллекциялық монеталар шығарады. 100 теңгелік биколорлы айналыстағы монеталар 7 түрде дайындалған. Олар – «ER JIGIT», «SULÝ ÁIEL», «QUMAI TAZY», «AQYL BILIM», «BEREN MYLTYQ», «JÚIRIK AT» және «QYRAN BÚRKIT». Техникалық сипаттамасы жағынан олар басқа айналыстағы номиналы 100 теңгелік монеталармен бірдей. Әр түрінен 500 000 дана дайындалды, жалпы таралымы – 3,5 млн. дана.
<blockquote>
 “Коллекциялық және инвестициялық монеталар өз құны бойынша заңды төлем құралы болып табылады. Алайда олардың негізгі мақсаты- мәдени-ағартушылық және инвестициялық. Сонымен қатар, Қазақстан Ұлттық Банкі халық үшін тазартылған алтынның өлшемдік құймаларын сату және кері сатып алу бағдарламасын 2017 жылы іске қосты. Алтын құймалар бес түрде ұсынылған: 5, 10, 20, 50 және 100 г. Барлығы 2017 жылдан бастап жалпы салмағы 1,25 т құрайтын 34 688 өлшеуіш құйма сатылды. Алтын құймаларын Halyk Bank-тен, Еуразиялық Банктен, Jýsan Bank-тен, Банк ЦентрКредиттен, банктік емес айырбастау пункттерінен сатып алуға және оларға кері сатуға болады”, – деді ҚР Ұлттық банкі» ММ Қызылорда облысы филиалы директоры Әсет Мұстафин.
</blockquote>
<img src="https://kyzylorda-news.kz/wp-content/uploads/2020/11/125256071_1166194257109418_8132011309424646795_o.jpg" alt="" />
Сондай-ақ, Ұлттық валютадағы депозиттер – 95,9 млрд. теңгені құрап, 11,9 пайызға өсті. Шетел валютасында – 16,6 пайызға өсіп 42,0 млрд. теңге болды. Бүгінде теңгедегі депозиттер үлесі 69,5% құрады.
<img src="https://kyzylorda-news.kz/wp-content/uploads/2020/11/125222477_1166194253776085_4196068105202548109_o.jpg" alt="" />

«Жеті қазына» монетасы айналымға шығады

<a href="https://kyzylorda-news.kz/">Kyzylorda-news.kz</a>. Ресейлік композитор Игорь Крутой Димаш Құдайбергенге жаңа ән жазды, деп хабарлайды <a href="https://lenta.inform.kz/kz/igor-krutoy-dimashka-arnap-zhana-an-zhazdy_a3718222">ҚазАқпарат</a>.
Әннің аты – «Мен сені сағынып жүрмін» (Я скучаю по тебе). Әннің сөзін Игорь Крутоймен бірге композитордың досы Игорь Николаев жазып шыққан.
<blockquote>
 «Игорьмен бірге бірлескен туындыны шығармағалы біраз уақыт болып қалды. Бірақ қазір тағы да шығармашылық қоңыраулар, түзетулер, уайым мен естегі ескі күндердің жаңғырығы… Димашпен де сол шаруа – дауыс ырғағын анықтау жұмыстары. Елдегі ең танымал (біздің елдегі ғана емес) дауыс иесі Димашты күту… Осы әннің тағдыры жарқын, ал оған сүйенген махаббат иелері бақытты болар деген сенімдемін», – деп жазады Игорь Крутой&nbsp;<a href="https://www.instagram.com/igorkrutoy65/?utm_source=ig_embed">instagram</a>&nbsp;парақшасында.
</blockquote>

Игорь Крутой Димашқа арнап жаңа ән жазды

<a href="https://kyzylorda-news.kz/">Kyzylorda-news.kz</a>. Қазақстандық боксшы&nbsp;Тұрсынбай Құлахметтің (2-0, 1&nbsp;КО) промоутерлік компаниясы спортшының сұқбатын жариялады. Боксшы британиялық қарсыласы&nbsp;Маколей Макгоуэнмен (14-1-1, 3&nbsp;КО) болған жекпе-жектен кейін тікелей эфирге шықты.
Кездесуде жерлесіміз бірауыздан төрешілер шешімімен жеңіске жеткен болатын.
<blockquote>
 “Мен 12 айдан кейін толыққанды белбеу алуды көздеп отырмын”,&nbsp; – деді қазақстандық спортшы.
 ?️ "I WANT A WORLD TITLE IN 12 MONTHS!" 
 Tursynbay Kulakhmet made his intentions perfectly clear when speaking to <a href="https://twitter.com/alexsteedman?ref_src=twsrc%5Etfw">@alexsteedman</a> following his impressive victory last night. 
 RESULTS &amp; REACTION ➡️ <a href="https://t.co/JA0TQ1VZD0">https://t.co/JA0TQ1VZD0</a><a href="https://twitter.com/hashtag/MTKFightNight?src=hash&ref_src=twsrc%5Etfw">#MTKFightNight</a> <a href="https://twitter.com/hashtag/TeamMTKGlobal?src=hash&ref_src=twsrc%5Etfw">#TeamMTKGlobal</a> <a href="https://t.co/OOazzELAfP">pic.twitter.com/OOazzELAfP</a>
 — MTK Global ? (@MTKGlobal) <a href="https://twitter.com/MTKGlobal/status/1326940545688670209?ref_src=twsrc%5Etfw">November 12, 2020</a>
 “Тұрсынбай Құлахмет өзінің алдағы мақсатын айқын көрсетті” деп жазылған MTK Global жариялаған видеоның астында.
</blockquote>
Еске сала кетсек, Құлахмет WBC International титулы үшін жекпе-жекте британиялық қарсыласынан басым түсті.
<a href="https://sputnik.kz/sport/20201113/15466396/qazaq-boksshy-video.html">Sputnik Қазақстан</a>

Тұрсынбай Құлахмет: Мен 12 айдан кейін толыққанды белбеу алуды көздеп отырмын (ВИДЕО)

<a href="https://kyzylorda-news.kz/">Kyzylorda-news.kz</a>. Қызылорда облысында жұмысшы мамандарды даярлау үшін жыл сайын жаңа кәсіптік мамандықтар ашылуда. Еңбек нарығын зерттеу арқылы ең қажетті деген жұмысшы кәсіп иелерін оқытуда колледждерге мемлекеттік лицензия берілуде. Мәселен, соңғы 3 жылда 26 жаңа мамандыққа мемлекеттік тапсырыс берілген. Бұл колледжерге 111 жаңа біліктілік береді.
Биыл аймақтағы колледжерде 7 жаңа кәсіптік мамандық ашылған. Атап айтқанда «Логистика», «Автомобиль көлігіне техникалық қызмет көрсету, жөндеу және пайдалану», «Маркетинг», «Төтенше жағдайда қорғау», «Дизайн», «Мектепке дейінгі тәрбие және оқыту», «Көркем еңбек пәнінің мұғалімі» мамандықтарына сұраныс артқандықтан, оқытылуда.
Білім басқармасы басшысы Ақзира Қасымованың айтуынша, 2021 жылға қарай бірнеше жаңа мамандық ашылмақ. Мәселен, алдағы жылы «Ет және ет өнімдерін өндіру», «Сүт және сүт өнімдерін өндіру», «Жылы жай шаруашылығын ұйымдастыру», «Элеватор, ұн тарту, жарма және құрама жем өндірісі», «Робототехника және кірістірілетін жүйелер», «Сән, интерьер дизайны және өнеркәсіптік дизайны» сынды жаңа мамандықтар оқытылмақ.
Айта кетейік, Сыр елінде 30 колледж бар. Оның 17-і мемлекеттік, 13-і жеке колледж. Бүгінгі күні барлық колледждерде 19685 студент білім алуда.

Қызылордада жұмысшы мамандарды даярлау үшін жыл сайын жаңа кәсіптік мамандықтар ашылуда

<a href="https://kyzylorda-news.kz/">Kyzylorda-news.kz</a>. Қызылордада «STOP трафик» жедел-профилактикалық іс-шаралар жүргізу барысында&nbsp; жеңгетайлықты кәсіп қылған&nbsp; 1 азаматша&nbsp; анықталды. Ол облыс орталығындағы сауналардың бірінде&nbsp; келген тұтынушыларға жеңіл жүрісті қыздарды ұсынып, пайда тапқан.
Аталған дерек бойынша &nbsp;Қазақстан Республикасы Қылмыстық кодексінің 309-бабының 1-бөлігімен (Жезөкшелікпен айналысу және жеңгетайлық үшін&nbsp;притондар ұйымдастыру немесе ұстау) бойынша сотқа дейінгі тергеп-тексеру басталған.
<blockquote>
 “Шара барысында Қызылорда облысы ПД-нің &nbsp;қызметкерлерімен рейдтік жұмыстар жүргізіліп, қоғамдық орындарда тиісу дерегі бойынша 18 азаматқа әкімшілік шара көрілді. Оларға қатысты Қазақстан Республикасы Әкімшілік құқық бұзушылықтар туралы кодексінің 449-бабы бойынша әкімшілік хаттамалар толтырылды. Жеңгетайлық үшін үй-жайлар ұсыну 2 дерегі анықталды. Қазақстан Республикасы Әкімшілік құқық бұзушылықтар туралы кодексінің 450-бабы бойынша әкімшілік хаттамалар толтырылды”, – делінген полиция департаментінің хабарламасында.
</blockquote>

Қызылордадағы саунада бір жеңгетай ұсталды

<a href="https://kyzylorda-news.kz/">Kyzylorda-news.kz</a>. Дүниежүзілік денсаулық сақтау ұйымының Қазақстандағы Елдік кеңсесінің жетекшісі Кэролайн Кларинвал, аталған ұйымның кеңесші-дәрігері Омар Салеха және Дүниежүзілік денсаулық сақтау ұйымының денсаулық және қоршаған ортаны қорғау саласының сарапшысы, дәрігер Осама Магер жұмыс сапарымен Арал ауданында болды.
Қамыстыбас елді мекеніндегі «Қамбаш» олипиадалар және қосымша білім беру орталығында өткен кездесуде аудан әкімі Мұхтар Оразбаев ауданның тарихымен, жергілікті халықтың негізгі шаруашылығымен және Кіші Арал теңізінің қазіргі жағдайымен таныстырып өтті. Сонымен қатар, Арал өңірінің экологиялық ахуалы, «Саратс» жобасының I кезеңі, балық шаруашылығы мен «Көкарал» бөгеті туралы да хабардар етті.
Дүниежүзілік денсаулық сақтау ұйымының Қазақстандағы Елдік кеңсесінің жетекшісі Кэролайн Кларинвал Арал теңізінің экологияға тигізер әсерін зерделеу барысында өз тәжірибелерімен бөлісетіндіктерін айтып, қоршаған орта мен экологияның адам өміріне әсер ететін факторлары туралы пікірлерімен бөлісті.
Жиын соңында аудан әкімі Арал өңірінің экологиялық мәселелерін жоюға, халық денсаулығын сақтауға бағытталған ортақ мәселелер мен тәжірибесін бөлісуге арнайы келген меймандарға алғысын жеткізді.
Дүниежүзілік денсаулық сақтау ұйымының Қазақстандағы Елдік кеңсесінің өкілдері тиісті сала мамандарымен бірге «Көкарал» бөгеті мен «Ақлақ» су тоспасында болды.
<img src="https://kyzylorda-news.kz/wp-content/uploads/2020/11/125253235_2826338324361202_5882969610398139499_o.jpg" alt="" />

Қазақстан және Қызылорда облысының жаңалықтары

Қазалыда қаржы саласының қызметкерлері марапатталды

«Үркер-2020»: “Kyzylorda-news.kz” ақпараттық агенттігінің бас редакторы Нұрсұлтан Мықтыбаев марапатталды

Демалыс күндері 18 градусқа дейін аяз болады

Қызылорда облысына 161 мың тонна көмір келді

Қызылорда: Мәжіліске үміткер ретінде дебатқа түсетін қатысушылардың тізімі бекітілді

Қызылордада жаңа автобустар пайдалануға берілді

«Жеті қазына» монетасы айналымға шығады

Игорь Крутой Димашқа арнап жаңа ән жазды

Тұрсынбай Құлахмет: Мен 12 айдан кейін толыққанды белбеу алуды көздеп отырмын (ВИДЕО)

Қызылордада жұмысшы мамандарды даярлау үшін жыл сайын жаңа кәсіптік мамандықтар ашылуда

Қызылордадағы саунада бір жеңгетай ұсталды

ДДСҰ-ның Қазақстандағы елдік кеңсесінің өкілдері Арал ауданында болды

Қазақстан және Қызылорда облысының жаңалықтары

Қазалыда қаржы саласының қызметкерлері марапатталды

«Үркер-2020»: &#8220;Kyzylorda-news.kz&#8221; ақпараттық агенттігінің бас редакторы Нұрсұлтан Мықтыбаев марапатталды

Демалыс күндері 18 градусқа дейін аяз болады

Қызылорда облысына 161 мың тонна көмір келді

Қызылорда: Мәжіліске үміткер ретінде дебатқа түсетін қатысушылардың тізімі бекітілді

Қызылордада жаңа автобустар пайдалануға берілді

«Жеті қазына» монетасы айналымға шығады

Игорь Крутой Димашқа арнап жаңа ән жазды

Тұрсынбай Құлахмет: Мен 12 айдан кейін толыққанды белбеу алуды көздеп отырмын (ВИДЕО)

Қызылордада жұмысшы мамандарды даярлау үшін жыл сайын жаңа кәсіптік мамандықтар ашылуда

Қызылордадағы саунада бір жеңгетай ұсталды

ДДСҰ-ның Қазақстандағы елдік кеңсесінің өкілдері Арал ауданында болды

«Үркер-2020»: “Kyzylorda-news.kz” ақпараттық агенттігінің бас редакторы Нұрсұлтан Мықтыбаев марапатталды