<a href="https://kyzylorda-news.kz/ru/obshestvo/">Kyzylorda-news.kz</a>. Санақтан онлайн өту мүмкіндігі тоқтатылған соң мерзімін ұзарту туралы көптеген өтініштер түсе бастады. Осыған байланысты sanaq.gov.kz сайтында онлайн сауалнама функциясын қайта қосу туралы шешім қабылданды.
Санақ сауалдарына арнайы sanaq.gov.kz сайты, E-Gov порталы арқылы тіркеліп немесе Aitu мобильді қосымшасы арқылы жауап беруге болады. Онлайн өту мүмкіндігі халық санағы аяқталғанға дейін қолжетімді болмақ.
Айта кетейік, 1 қыркүйек пен 15 қазан аралығында онлайн-санақ функциясын азаматтардың 40 пайызға жуығы пайдаланған. 1 қазаннан бастап интервьюерлер үй-үйді аралауды бастады. Олар қазірдің өзінде 5 938 259 адамға сауал жүргізді. Онлайн өткен респонденттер келген хабарламаны интервьюерлерге көрсетуі тиіс. Олармен сауалнама қайта жүргізілмейді.
<a href="https://24.kz/kz/zha-aly-tar/o-am/item/505628-khaly-sana-ynan-onlajn-tu-ua-yty-zartyldy">Хабар 24</a>

Халық санағынан онлайн өту уақыты ұзартылды

<a href="https://kyzylorda-news.kz/ru/obshestvo/">Kyzylorda-news.kz</a>. Қызылорда облысында күзгі егін жинау жұмыстары толығымен аяқталды. Дихандар биылғы жылы орын алған су тапшылығына қарамастан егілген егістен өткен жылғы деңгейде өнім алуға қол жеткізіп отыр. Бұл туралы Өңірлік коммуникациялар қызметінің ақпараттық алаңында облыстық ауыл шаруашылығы басқармасының басшысы Талғат Дүйсебаев мәлімдеді.
<blockquote>
 «Егін жинау науқанына шаруашылықтардың қолында бар 4266 бірлік ауыл шаруашылығы техникалар қатысты. Бүгінгі күні егілген 83 570 гектар күріш көлемі толық жиналып, орта өнімі 59,8 центнерден айналды. Күзгі егін жинау науқанының аяқталуына байланысты ағымдағы жылдың 22-23 қазан күндері жылдағы дәстүр бойынша «Алтын дән – 2021» шарасы өткізілетін болады. Облыс диқандарының биылғы жылғы вегетация кезінде, су тапшылығына және басқа да қиындықтың бәрін еңсере отырып, Тәуелсіздігіміздің 30 жылдығы қарсаңында жоғары өнім алуға қол жеткізген өндіріс озаттарын «Алтын дән – 2021» шарасы аясында 22 қазан күні марапаттайтын боламыз. Сондай-ақ, ағымдағы жылдың 23 қазан күні сағат 8:00-ден бастап барлық аудандардың қатысуымен Қызылорда қаласында ауыл шаруашылығы өнімдерінің жәрмеңкесі ұйымдастырылады. Жәрмеңкеде барлығы 340 көлікпен 1044 тонна ауыл шаруашылығы өнімдері нарық бағасынан 15-20 пайыз төмен бағада сатылатын болады. Осы күні сағат 12:00-де қалалық ипподромда «Алтын дән – 2021» шарасына байланысты ұлттық ат спорты түрлерінен бәйге жарыстары өткізіледі», – деді Талғат Тұрсынұлы.
</blockquote>

Қызылордада күзгі егін жинау жұмыстары толығымен аяқталды

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Қазақстан Республикасының Президенті Қасым-Жомарт Кемелұлы Тоқаевтың қатысуымен өткен Қазақстан халқы Ассамблеясы кеңесінің кеңейтілген отырысын тікелей эфирден көрдім.
Меніңше, еліміздің қоғамдық-саяси өмірінде бұл бүгінгі күннің ерекше оқиғасы болды. Алқалы жиында салмақты, өзекті мәселелер мемлекет деңгейінде талқыланды. Ертеңгі күнімізге жаңа серпін берілді деп айтуға болады.
Бірінші кезекте, Қазақстан халқы Ассамблеясының елдегі бірлік пен келісімді нығайтудағы беделі мен рөлін арттыру басты назарда екені айтылды.
Қазақстан халқы Ассамблеясы жанындағы құрылымдарының – этномәдени қоғамдық бірлестіктерінің, қоғамдық Келісім кеңестерінің, Аналар кеңестерінің, «Жаңғыру жолы» жастар қозғалысының жұмыстарын алдағы уақытта жандандыру қолға алынады.
Қазақстан халқы Ассамблеясы жанындағы Аналар кеңестерінің атқарылған жұмыстары туралы есебі мазмұнды, ал алға қойған мақсаттары нақты болды.
Ана – ұрпақ тәрбиешісі, ұлттың ұяты, қоғамның қозғаушы күші. «Отан отбасынан басталады», «Ұлт болам десең – бесігіңді түзе» деген қағидаларды негізге ала отырып, аналардың ұрпақты Отаның сүюге, тілін құрметтеуге, өмірдегі жолын тауып, масылдықтан бойын аулақ ұстауға тәрбиелеуге міндетті екені кесіп айтылды. 
Осы ретте, біз, Сыр елінің аналары, Мемлекет басшысының кеңейтілген кеңесте берген тапсырмаларын іске асыруға күш-жігерімізді аямай атсалысамыз. 
Отан бәріміз үшін ортақ! Берекелі бірлікті сақтау әрбір қазақстандықтың парызы екенін ұмытпайық!
Рахима Ахметова, 
Облыстық ҚХА жанындағы Аналар кеңесінің төрайымы

Рахима Ахметова: Аналар кеңесінің жұмысы мазмұнды

<a href="https://kyzylorda-news.kz/ru/obshestvo/">Kyzylorda-news.kz</a>. Елімізде мәртебесі реттелмеген және жеке басын куәландыратын құжатсыз жүрген азаматтарды анықтау бойынша акция жүргізілуде. Нәтижесінде республика бойынша 6 мыңнан аса құжатсыз жүрген азаматтар анықталды. Олардың басым көпшілігіне өздеріне тиісті жеке басын куәландыратын құжаты табысталған. Бұл туралы Өңірлік коммуникациялар қызметінде өткен брифингте ҚР ІІМ Көші-қон қызметі комитетінің азаматтық, иммиграция және эмиграция басқармасының бастығы Ғани Шымырбаев мәлімдеді.
<blockquote>
 «Шараның мақсаты − құжатсыз жүрген немесе КСРО кезіндегі құжат негізінде қалған азаматтарға жеке бас құжатын рәсімдеу болып табылады. Өздеріңізге мәлім, жеке басын куәландыратын құжаттың болмауы конституциялық құқықтары мен заңды мүдделерін іске асыруын шектейді. Сондай-ақ, қажетті жәрдемақы немесе басқа да әлеуметтік көмектерді алуды рәсімдей алмайды. Білім алу және денсаулық сақтау қызметтерін пайдалануда қиындықтар болады. Сол себепті, акция шеңберінде жеке басын куәландыратын құжаты жоқ тұлғаларға тиісті көмектер көрсетілуде. Құжаты жоқ азаматтың көпшілігі Алматы, Шымкент, Түркістан, Жамбыл облыстарында тіркелді. Ішкі істер министрлігі жүргізіліп жатқан іс шараның маңыздылығына орай 2022 жылдың мамыр айына дейін жалғасатынын хабарлады», – деді Ғани Зиябекұлы.
</blockquote>
Сондай-ақ баспасөз конференциясында Адам құқықтары және заңдылықты сақтау жөніндегі Қазақстан халықаралық бюросы директорының орынбасары Денис Дживага құжатсыз жүрген азаматтардың әлі де көптігін айтып, бюроның атқарып жатқан жұмыстарын баяндады.
<blockquote>
 «Республикада мәртебесі анықталмаған және құжатсыз тұратын адамдарды анықтау жөніндегі акция жалғасуда. Өткен жылдың қыркүйек айында ішкі істер министрлігі Үкіметтік емес ұйымдармен оның ішінде Адам құқықтарының заңдылығын сақтау жөніндегі халықаралық бюросы ауқымды сәйкестендіру компаниясын іске қосты. Азаматтығы жоқ адамдарды ешбір санатта жоқ деуге болады. Өкініштісі, елімізде еш құжатсыз күн көріп жүргендер әлі де бар. Тіпті ата-әжесі, ата-анасы, баласы, яғни үш толқынның еш жерде тіркелмегені анықталып жатыр», -деді Д.Дживага.
</blockquote>
Одан әрі Қызылорда облыстық Полиция департаменті Көші-қон қызметі басқармасы бастығының орынбасары Сағындық Қамитбеков облыстағы жағдайды баяндады.
<blockquote>
 «Облыста 26 адамның ескі үлгідегі құжатпен жүргені мәлім болды. Олар ҚР азаматтылығына тиісті екені анықталып жеке бас құжаттары берілді. Одан бөлек, осы жылы облыс бойынша 34 шетелдік тұрақты тұруға қалдырылған. Тұрақты тұруға келгендердің басым бөлігі – этникалық қазақтар мен тұрмысқа шыққан шетелдік әйелдер», – деді Сағындық Убайдуллаұлы.
</blockquote>
Сондай-ақ брифингте «Сана сезім» әйелдер бастамаларының құқықтық орталығының заңгері Элина Еникеева аталған мәселелер бойынша тұрғындарға ақысыз қызмет көрсететінің хабарлады.
<blockquote>
 «Біздің мекеменің заңгерлері облыстағы жеке бас құжаты бойынша мәселелері бар тұрғындарға ақысыз түрде тиісті шаралар жүргізеді. Орталыққа жеке бас құжаты көрсетілмеген немесе азаматтығы жоқ тұрғындар өз өтініштерін білдіруге болады», -деді Э.Еникеева.
</blockquote>

КСРО құжатымен жүрген 26 қызылордалық жаңа төлқұжат алды

<a href="https://kyzylorda-news.kz/ru/obshestvo/">Kyzylorda-news.kz</a>. Шиелі ауданының әкімі Нариман Мақұлбековтың қатысуымен Екі мәрте Социалистік Еңбек ері, күрішші Ыбырай Жақаевтың 130 жылдық мерейтойына арналған «Жалпақ жұртқа аты мәлім Жақаев» атты Республикалық ғылыми – танымдық онлайн конференциясы өтті.
Онлайн конференцияға, аудандық мәслихат хатшысы Т.Жағыпбаров, аудандық қоғамдық кеңес төрағасы Шиелі ауданының құрметті азаматы П.Архабаев, зиялы қауым өкілдері, БАҚ өкілдері және Zoom платформасы арқылы Қазақ ұлттық аграрлық университетінің «Су ресурстары және мелиорация» кафедрасының профессоры, ҚР ҰҒА академигі Р.Алексей, Қорқыт Ата атындағы Қызылорда университетінің «Су шаруашылығы және жерге орналастыру» кафедрасының доценті С.Өмірзақов, Қорқыт Ата атындағы Қызылорда университетінің аға оқытушысы, ауылшаруашылық ғылымдарының докторы И.Таутенов қатысты.
Қорқыт ата атындағы Қызылорда университеті мен Ы.Жақаев атындағы күріш шаруашылығы ғылыми-зерттеу, Қазақ ұлттық аграрлық университетінің институтының ғалымдары қатысты.
Өздеріңіз білесіздер, биыл қазақ елі үшін ерекше тарихи жыл. Қастерлі құндылығымыз – Тәуелсіздігіміздің 30 жылдығы. Ұлы мерекемен Ыбырай Жақаев атамыздың мерейтойы қатар келіп отыр. Дараны дәуір тудырады. Ал, сол даралықты әйгілейтін құдіретті күш-еңбектің нағыз иесі, даңғайыр диқан, екі мәрте Социалистік Еңбек Ері, ақ күріштің атасы Ыбырай Жақаев.
<blockquote>
 «Әлемге Сыр күрішін әйгілеген Ыбырай Жақаев бабамыз – өз бақытын еңбектен тапқан, еңбегімен елінің де, өзінің де даңқын шығарған кемеңгер диқан, ақ күріштің атасы, Дала академигі. Диқаншылық еңбекті Сыр суын кәдеге жаратып, дарияны ырыс арнасына айналдыру мақсатында жүргізілген канал қазу жұмыстарына қатысудан бастады. Жерге деген сүйіспеншілігін қиындыққа қаймықпай, табандылық пен мұқалмас жігерлікпен,еңбек етумен танытты. Тәжірибенің де, таланттың да атасы – еңбек. Бұл – Ыбырай атамыздың ұстанған философиясы еді. Соғыс майданында қаза болған тұңғыш ұлының кегін алудың көзі- астықтан мол өнім алумен қайтаруды алдына міндет етіп қойды. Фашистерді жеңген Ұлы Жеңіс -диқанның еңбекте де зор табысқа ие болған жылы еді. Әр гектардан 156 центнерден өнім алып, елімізде ешкім, еш уақытта алып көрмеген ғажап жетістікке жетті. Ал 1949 жылы қарауындағы 5 гектар күріштің әр гектарынан 171 центнерден дән жинап, дүниежүзілік рекорд жасады», – деді аудан әкімі Н.Мақұлбеков.
</blockquote>
Конференция соңында, аудан басшысы Н.Мақұлбеков Сыр елі құт қонған, қыдыр дарыған киелі жер екенін айтып, ауданымыздан түлеп ұшқан тұлғаларымыздың есімі ел есінде мәңгі сақталатынын айтты.
<img src="https://kyzylorda-news.kz/wp-content/uploads/2021/10/246714917_1179874445876346_5906423221215750886_n.jpg" alt="" />

Ыбырай Жақаевтың 130 жылдық мерейтойына арналған республикалық  конференция өтті

<a href="https://kyzylorda-news.kz/ru/obshestvo/">Kyzylorda-news.kz</a>. Достық үйлері жиналыстар мен салтанатты жиындар өтетін залға айналмауы тиіс. Бұл туралы Қазақстан халқы Ассамблеясының кеңейтілген отырысында Мемлекет басшысы Қасым-Жомарт Тоқаев айтты, деп хабарлайды <a href="https://lenta.inform.kz/kz/prezident-dostyk-uyleri-zhinalystar-men-saltanatty-zhiyndar-otetin-zalga-aynalmauy-tiis_a3851877">ҚазАқпарат</a>.
<blockquote>
 «Бесінші – Ассамблеяының әлеуметтік және қоғамдық маңызы бар жобаларды қолдау тәсілдерін дамыту. Қазақстан халқы Ассамблеясының мүшелері жыл сайын көптеген маңызды жобаны жүзеге асырады. Бұл ретте олар мемлекеттен ақпараттық қолдау және ұйымдастыру жағынан ғана көмек алады. Мұндай бастамаларды Ассамблеяның халықтық жобасы деп атауға болады. Олардың авторлары ресми түрде Ассамблея жобасының жетекшісі ретінде танылуы керек», – деді Қасым-Жомарт Тоқаев.
</blockquote>
Осыған орай Мемлекет басшысы бейінді министрліктер әкімдіктер көп адамды қамтитын республикалық жобаларды жүзеге асыру барысында Ассамблеяның, оның құрылымдарының жұмысына қолдау көрсетуі тиістігін баса айтты.
<blockquote>
 «Достық үйлері жиналыстар мен салтанатты жиындар өтетін залға емес ҚХА-ның халықтық бастамалары үшін ресурстық орталықтар және жобалық кеңселерге айналуы тиіс. Этномәдени бірлестіктер де бұл жұмысқа белсенді қатысуы қажет», – деді ҚР Президенті.
</blockquote>

Қасым-Жомарт Тоқаев: Достық үйлері жиналыстар мен салтанатты жиындар өтетін залға айналмауы тиіс

<a href="https://kyzylorda-news.kz/ru/obshestvo/">Kyzylorda-news.kz</a>. Заңсыз көші-қонды болдырмау және алдын алу, шетелдіктердің көші-қон заңнамасын бұзу фактілерін анықтау мақсатында облыс аумағында&nbsp; өтіп жатқан «Нелегал-Кордон» жедел-профилактикалық іс-шарасың 8 күнінде 570 құқық бұзушылық анықталды.
Оның ішінде көші-қон заңнамасын бұзған372 шетелдік анықталса, шетелдіктерді қабылдайтын жеке немесе заңды тұлғалар көші-қон заңнамасын сақтамаған 198 облыс тұрғындарына әкімшілік шара көрілді.&nbsp;
Іс-шара барысында Өзбекстан Республикасының 12 азаматы республика аумағынан аластатылды.

Қызылордада 372 шетелдік көші-қон заңнамасын бұзған

<a href="https://kyzylorda-news.kz/ru/obshestvo/">Kyzylorda-news.kz</a>. «ЫБЫРАЙ АЛТЫНСАРИН: ЖАЛПЫҰЛТТЫҚ ПЕДАГОГИКАНЫҢ ҚАЛЫПТАСУ ТЕНДЕНЦИЯЛАРЫ» тақырыбындағы жас ғалымдар арасында өткізілетін халықаралық ғылыми-практикалық конференциясының
ЕРЕЖЕСІ
Жалпы ережесі
«Ыбырай Алтынсарин: Жалпыұлттық педагогиканың қалыптасу тенденциялары» тақырыбындағы жас ғалымдар арасында өткізілетін халықаралық ғылыми-практикалық конференциясын (бұдан әрі – Конференция) Жамбыл облысы әкімдігінің жастар саясаты мәселелері басқармасы,Халықаралық Тараз инновациялық институты, «Жаңа-Ру» жастар коалициясы мен «Alem Science» халықаралық ғылыми журналы ұйымдастырады.
Конференцияның өтетін орны: Жамбыл облысы, Тараз қаласы.
Конференцияны өткізу мерзімі: 10 қараша 2021 жыл.
Конференцияның мақсаты мен міндеттері
Конференция педагог-ағартушы Ыбырай Алтынсариннің 180 жылдық мерейтойына орай ұйымдастырылады. Негізгі мақсаты – қазақ даласында ілім мен білімнің қалыптасып, дамуына үлес қосқан тарихи тұлғаның шығармашылығы мен өмір жолын халықаралық деңгейде насихаттау. Сонымен қатар, жалпыұлттық педагогиканың тарихына үңілу арқылы бүгінгі жаһан тенденцияларын бағамдау.
Конференция қатысушылары
<ol>
<li>Конференцияға білім беру ұйымдарының, халықаралық және республикалық маңызы бар мектептердің, халықаралық мектептердің педагогикалық қызметкерлері, халықаралық, ұлттық ЖОО-ның, ғылыми-зерттеу институттарының ғалымдары, студент, магистрант, докторанттар, PhD докторлары және колледж оқытушылары қатыса алады.</li>
<li>Конференцияға халықаралық деңгейдегі 14 – 29 жас аралығындағы жас ғалым қатыса алады. Ғылыми мақала жетекшісінің жас мөлшері маңызды емес.</li>
</ol>
Конференцияның негізгі бағыттары
1-бағыты – Ыбырай Алтынсариннің педагогикалық еңбектері және оның бүгінгі маңызы;
2-бағыты – Жалпыұлттық педагогиканың қанат жаюы және Ыбырай Алтынсарин ашқан мектептер.
Конференцияны өткізу формасы және мазмұны
<ol>
<li>Материал автор жүргізген жұмыстың сипаты, мазмұны және нәтижесі туралы анық көрініс беруі тиіс.</li>
<li>Мақаланың мазмұны мен жіберілген қателеріне автор жауап береді.</li>
<li>Конференцияға қатысушылар баяндамасының электронды нұсқасын жіберуі керек.</li>
<li>Конференция жинағында жарияланған барлық мақалалардыңPDF-нұсқасы қатысушының электронды мекенжайына жіберіледі.</li>
<li>Мақаланы жинаққа енгізу үшін 1.1-қосымшадағы Мақала авторларына қойылатын талаптармен танысу қажет.</li>
<li>Барлық қатысушыға конференцияға қатысқандығын растайтын сертификат, ал ғылыми мақаласының мазмұны озық шыққан қатысушыларға арнайы орындар тағайындалып, диплом беріледі.</li>
<li>Келіп түскен материалдар конференция тақырыбына және рәсімдеу талаптарына сәйкес келмеген немесе қабылдау мерзімі өтіп кеткен жағдайда ұйымдастыру комитеті мақалаларды жарияламауға құқылы.</li>
<li>Барлық қатысушылар конференция материалымен қатар 1.2-қосымшадағы Өтінімді толтырып жіберуі тиіс.</li>
</ol>
Ұйымдастыру комитетіне құжаттарды ұсыну тәртібі
Мақалаларды қабылдау (қоса алғанда):2021 жылдың 31қазанға дейін.
Конференцияның ресми тілдері:қазақ, орыс, ағылшын.
Конференцияны өткізу түрі:қашықтан (онлайн) немесе офлайн.
1.1-қосымша
Мақала авторларына қойылатын талаптар
Редактор
Microsoft Word
Беттің көлемі
A4, 5 бет
Беттің параметрлері
сол жақта 2,5 см, оң жақта 5,5 см, жоғарғы жағы 3,0 см және төменгі жағы – 3,5 см
Шрифт
Times New Roman
Жоларалық интервалы
1.0
Абзацтың шегінісі
1,25 см.
Сурет, кесте, диаграмма, формулаға арналған талаптар
Формулалар&nbsp;Microsoft Equation 3.0&nbsp;редакторымен терілуі керек. Кестелердің, сызбалар мен суреттердің атауы көрсетіліп, нөмірленуі қажет
Мақаланы рәсімдеу үлгісі
МАҚАЛАНЫҢ ТАҚЫРЫБЫ(12 кегль)
Авторлардың аты-жөні(12 кегль)
Лауазымы, оқу орны немесе қызмет орны, қала, мемлекет атауы
e-mail, тел.номері&nbsp;&nbsp;&nbsp;(10 кегль)
Аннотация: 50-100 сөз (12 кегль)(қазақ, орыс, ағылшын тілдері)
Түйін сөздер: 5 сөзден кем емес (12 кегль)
Мақала мәтіні:&nbsp; (12 кегль)
…
…
…
Қолданылған әдебиеттер тізімі&nbsp;(12 кегль)
1
2&nbsp;
1.2- қосымша
«ЫБЫРАЙ АЛТЫНСАРИН: ЖАЛПЫҰЛТТЫҚ
ПЕДАГОГИКАНЫҢ ҚАЛЫПТАСУ ТЕНДЕНЦИЯЛАРЫ»
тақырыбындағы халықаралық ғылыми-практикалық
конференция жұмысына қатысуға
ӨТІНІМ
Тегі,аты, әкесінің аты
&nbsp;
Облыс, қала, аудан, ауыл
&nbsp;
Ғылыми атағы, ғылыми дәрежесі, жұмыс орны, лауазымы
&nbsp;
Қалааралық коды көрсетілген телефон, ұялы телефон
&nbsp;
E-mail
&nbsp;
Баяндаманың (мақаланың)аты
&nbsp;
Аталған секцияларға баяндама ұсыну (секция нөмірін көрсету)
«Өтінімде» мәліметтер толық көрсетілуі тиіс!
Ұйымдастыру комитетінің мекенжайы:
Таразқаласы, Қ.Қойгелді көшесі, 190
Байланыс номері:8 /7262/ 45-45-99
Көркемжан – 8&nbsp;747&nbsp;445 55 92
Мұқтарәлі – 8&nbsp;700&nbsp;674 16 07
g-mail:alemscience@gmail.com
Құрметпен, ҰЙЫМДАСТЫРУ КОМИТЕТІ

Ыбырай Алтынсариннің 180 жылдық мерейтойына орай халықаралық конференция өтеді

<a href="https://kyzylorda-news.kz/ru/obshestvo/">Kyzylorda-news.kz</a>. Қазалыда 22-24 қазан күндері Тәуелсіздіктің 30 жылдығына орай Мемлекет және қоғам қайраткері Елеу Көшербаевты еске алуға арналған грек-рим күресінен жастар арасындағы ХV дәстүрлі халықаралық турнир өтеді.
2006 жылдан бері өткізіліп келе жатқан байрақты бәсекеге грек-рим күресінен жасөспірімдер арасында Қазақстан Республикасының чемпиондары, Азия және Әлем чемпионаттарының жүлдегерлері қатысады. 
Турнирдің бас төрешісі Халықаралық дәрежедегі төреші – Райымбек Ғабиден.
Турнирде жеңімпаз және жүлдегер болған спортшылар грек-рим күресінен спорт шеберіне үміткер нормативін орындайды.
Одан бөлек, арнайы дипломдармен және медальдарьмен, жарыс демеушілерінің қомақты қаржылай сыйлықтарымен марапатталады.
22 қазан, сағат 16.00-де – турнирдің ашылу салтанаты 
22-23 қазан күндері – спортшылардың белдесуі 
24 қазан – Турнирдің жабылу салтанаты, марапаттау рәсімі
Өтетін орны: Әйтеке би кентіндегі №17 Қазалы ауданының олимпиадалық резервтің мамандандырылған балалар-жасөспірімдер мектебі

Қазалыда халықаралық турнир өтеді

<a href="https://kyzylorda-news.kz/ru/obshestvo/">Kyzylorda-news.kz</a>. Қоғамдық келісім мекемелері қызметкерлерінің жалақысын көбейту керек. Бұл туралы Қазақстан халқы Ассамблеясының кеңейтілген отырысында Мемлекет басшысы Қасым-Жомарт Тоқаев <a href="https://lenta.inform.kz/kz/kogamdyk-kelisim-mekemeleri-kyzmetkerlerinin-zhalakysyn-kobeytken-zhon-prezident_a3851777">айтты.</a>
<blockquote>
 «Екінші мәселе – жергілікті атқарушы органдар жұмысының тиімділігін арттыру. Біз былтыр әр өңірдің ішкі саясат басқармасынан жеке бөлім аштық. Осы бөлімдерге қолдау көрсетіп, жұмысын жандандыра түсу керек. Оған өз құзіретіне кірмейтін тапсырма берілмеуі қажет. Әркім өзіне жүктелген міндетті атқаруға тиіс. Қоғамдық келісім мекемесінің де қызметіне қатысты осы талапты ұстануға тиіспіз. Аталған ұжымдарда жұмыс істейтін қызметкерлердің жалақысын көбейткен жөн», – деді Қасым-Жомарт Тоқаев.
</blockquote>
Мемлекет басшысы этносаралық қатынас саласындағы өңірлік құрылымдарды мамандармен қамтамасыз етуге де баса назар аудару керектігін айтты.
<blockquote>
 «Бұл жұмыс ең алдмен ұлттық құрамы әртүрлі және белгілі бір этнос өкілдері тығыз қоныстанған аймақтарға қолға алу қажет», – деді ҚР Президенті.
</blockquote>

Қоғамдық келісім мекемелері қызметкерлерінің жалақысы көбеюі мүмкін

<a href="https://kyzylorda-news.kz/ru/obshestvo/">Kyzylorda-news.kz</a>. ҚР Бас мемлекеттік санитариялық дәрігері Ерлан Қиясов АҚШ-тың Pfizer екпесімен вакцинациялауға қатысты&nbsp;<a href="https://www.gov.kz/memleket/entities/kkkbtu/press/news/details/272602?lang=kk">әдістемелік ұсынымдарын</a>&nbsp;жариялады, деп хабарлайды ҚазАқпарат.
Коронавирусқа қарсы вакцинаның бұл түрін 12 жастағы және одан үлкен жасөспірімдер, жүкті әйелдер (жүктіліктің 16 аптасынан бастап 37 аптасына дейін), лактация кезеңіндегі әйелдер босанғаннан кейінгі кезең аяқталған 42 күннен кейін).
<blockquote>
 «Вакцина салдыру алдында коронавирусқа антиденелердің болуына тексеру жүргізілмейді. Вируспен ауырып жазылған адамдарға сауыққаннан кейін 3 айдан соң вакцинациялауға болады. Жергілікті атқарушы органдардың аумақтық денсаулық сақтау басқармалары, Санитариялық-эпидемиологиялық бақылау комитеті және облыстық департаменттері бірлесіп КВИ-ге қарсы вакцинациялауға дайындық жүргізу қажет. Сондай-ақ денсаулық сақтау жүйесінің барлық деңгейлерінде жұмыс топтарын құрып, іс-шаралар жоспарын әзірлеуі қажет», – делінген мәліметте.
</blockquote>
Екпе алатындарға жататын адам санына сәйкес егу бригадаларының қажетті саны, вакцина, шығын материалдары, тоңазытқыш жабдықтар, автокөлік саны есептеледі.
Өңірлердегі Денсаулық сақтау басқармасы аумақтық департаментпен және білім басқармасымен бірлесіп жауапты мамандар қатарынан әрбір аудан, қала бойынша КВИ-ге қарсы вакцинация жүргізу жөніндегі іс-шараларды үйлестіретін кураторды тағайындауы қажет.
<blockquote>
 «Бұл ретте халықпен жұмыстың ұйымдастырылуына, оның ішінде азаматтарды, кәмелетке толмағандардың ата-аналарын ақпараттандыруға назар аудару қажет. Тағайындалған кураторлар: егілуге жататын халықтың коронавирусқа қарсы вакцинациялауға дайындығын бағалауды, әрбір егу бригадасының талапқа сай жасақталуын, вакцинаны тоңазытқыш жабдықтарында сақтау және тасымалдау қағидаларының сақталуын, екпелермен жұмыс, егу техникасы, егуге рұқсатты дұрыс анықтау, вакцина салынған соң иммундаудан кейінгі қолайсыз көріністе рбойынша медицина қызметкерлерінің білімін бағалауды жүзеге асыруы тиіс», – делінген әдістемелік ұсынымда.
</blockquote>

Бас санитар: Ата-аналар арасында Pfizer вакцинасы жайлы түсіндіру жұмысын күшейту қажет

<a href="https://kyzylorda-news.kz/ru/obshestvo/">Kyzylorda-news.kz</a>. Қызылорда облысы полиция департаментінің кинологиялық қызмет орталығының ауласында орталық қызметкерлерінің және қалалық, аудандық полиция бөліністерінің кинолог мамандарының өздеріне бекітілген қызметтік іздестіру иттерімен үйретілген салалары бойынша жұмысқа қабілеттіліктері тексерілді.
Тексеру қорытындысы бойынша қызметтік іздестіру иттері &nbsp;&nbsp;нәтижелі көрсеткіштер көрсетті. &nbsp;
Орталықтың кіші инспектор кинологі полиция аға сержанты Б.Жаңғабылға бекітілген лақап аты «Вулкан» және «Заря» қызметтік іздестіру иттері «иіс алу-одорология» саласы бойынша арнайы құтыларға салынған заттардың арасынан өзіне табуға ұсынылған иісті анықтап, нәтижелі көрсеткіш берді.
Қызылорда қалалық полиция басқармасының полицей кинологі полиция аға сержанты Ә.Әбіловке бекітілген лақап аты «Верный» қызметтік іздестіру иті «оқ-дәрілерді және жарылғыш заттарды іздеу» саласы бойынша өзге заттардың ішінен жарылғыш затын тапты. Сонымен қатар, полицей кинолог полиция сержанты Б.Мадияровқа бекітілген лақап аты «Динго» қызметтік іздестіру иті «шабуылдау» саласы бойынша күдікті азаматты ұстап, жақсы нәтиже көрсетті.
Сырдария аудандық полиция бөлімінің кіші инспектор-кинологі полиция сержанты Н.Балтабай лақап аты «Застава» қызметтік іздестіру иті, сонымен қатар орталықтың кіші инспектор кинологі полиция аға сержанты А.Пазыловқа бекітілген лақап аты «Елай» қызметтік іздестіру иттері «есірткі затын іздеу» бағытында аулада тұрған «Камаз» автокөлігіне&nbsp; жасырылған иммитаторды кедергісіз тапты.
«Ізге түсу» саласы бойынша үйретілген орталық қызметкерлеріне бекітілген «Вена», «Леон» қызметтік иттері, сонымен қатар Қазалы, Жалағаш және Жаңақорған аудандық полиция бөлімдеріне бекітілген&nbsp; «Зевс», «Виви» және «Вилли» атты қызметтік иттері де тығылған қызметкерді иіс арқылы оңайлықпен тапты.&nbsp;&nbsp; &nbsp;&nbsp;&nbsp;&nbsp;&nbsp;
Сынақ қорытындысы бойынша барлық кинолог мамандарға жұмыс барысында қызметтік іздестіру иттерінің жұмысқа қабілеттілігін жоғалтпау және арттыру мақсатында үнемі жұмыс барысында пайдаланып,&nbsp; жаттығу жасау тапсырылды.
<img src="https://kyzylorda-news.kz/wp-content/uploads/2021/10/img_4411-scaled.jpg" alt="" />

Қазақстан және Қызылорда облысының жаңалықтары