Kyzylorda-news.kz. Қызылорда облысында мәслихат депутаттығына 381 кандидат партиялық тізім бойынша ұсынылды. Бұл туралы Қызылорда облыстық сайлау комиссиясының төрағасы Ғалым Баймырзаев мәлімдеді.
Партиялық тізімді аумақтық сайлау комиссияларына ұсыну ағымдағы жылдың 10 қарашасында басталып, 4 желтоқсан күні жергілікті уақытпен сағат 18.00-де аяқталды. Оған қоса, мәслихат депутаттығына кандидаттардың партиялық тізімін тіркеу 20 қарашада басталып, 10 желтоқсан күні сағат 18.00-де аяқталады.
<blockquote>
 “Өңірде мәслихат депутаттығына 381 кандидат партиялық тізім бойынша ұсынылды. Оның ішінде, 156-сы әйел мен жиырма тоғыз жасқа толмаған азамат. Ал, партиялар бойынша 281-і «Nur Otan» партиясы, әйелдер мен жастар-108, «Ауыл» партиясы -30, әйелдер мен жастар-14, «Акжол», барлығы 28, әйелдер мен жастар -11, «Adal», барлығы 33, әйелдер мен жастар – 19, «ҚазХалықПартиясы», барлығы 9, әйелдер мен жастар-4. Сонымен қатар, партиялық тізімге енгізілген адамдар ҚР Конституция мен «ҚР сайлау туралы заңы» талаптарына сәйкестігі тексерілуде. Осыған байланысты, аумақтық сайлау комиссиялары «2021 жылғы 10 қаңтарға тағайындалған Қазақстан Республикасы мәслихат депутаттарының кезекті сайлауында «Nur Otan», «Ауыл», «Ақжол», «Қазақстан халықтық партиясы», «Adal» партияларын партиялық тізімін тіркеу туралы» қаулы қабылданады. Бұған қоса, 39 байқаушыны аккредиттеу туралы ұсыныс түсті. Олардың деректері жаңартылып отырылады. Халықаралық байқаушыларды аккредиттеу 2021 жылғы 4 қаңтарда сағат 18.00-ге дейін жүзеге асады”, – деді облыстық сайлау комиссиясының төрағасы Ғалым Баймырзаев.
</blockquote>
<img src="https://kyzylorda-news.kz/wp-content/uploads/2020/12/fb_img_1607091719192.jpg" alt="" />

Қызылордада мәслихат депутаттығына 381 кандидат ұсынылды

<a href="https://kyzylorda-news.kz/">Kyzylorda-news.kz</a>. Эстетикалық топтық гимнастикадан Қазақстан чемпионатынан жүлдемен оралған Сыр гимнастшылары жаттығуларына қайта кірісті.
Жуырда эстетикалық топтық гимнастикадан өткен онлайн ел біріншілігінде 2 жас ерекшелігі бойынша қызылордалық спортшылар күміс және қола медальдарды иеленген болатын.
2021 жылы Нұр-Сұлтан қаласында 14-16 жас аралығындағы қыздар арасында эстетикалық топтық гимнастикадан өтетін Азия чемпионатына спортшы Дана Садықова, Ақбота Өтеген, Раушан Аспандиярова, Əсел Марат, Динара Ерғалиева, Надира Сыражадин жəне Аянат Ерланқызы Қазақстан атынан өнер көрсететін болады.
№1 ОРМБЖМ-де тəлім алатын гимнастшыларды жарысқа облыстың аға жаттықтырушысы Гүлмира Абсұлтан мен хореограф Гүлзат Расул дайындауда.
Айта кетейік, Қазақстан Республикасының Тəуелсіздігі күніне орай 15-18 желтоқсан аралығында көркем гимнастикадан облыстық онлайн ашық чемпионат өтеді.

Қызылордалық гимнастшылар Азия чемпионатына қатысады

<a href="https://kyzylorda-news.kz/">Kyzylorda-news.kz</a>. Бүгін ҚР Орталық сайлау комиссиясының отырысында Мәжіліс депутаттарының кезекті сайлауына «ADAL» партиясының партиялық тізімін тіркеу туралы қаулы қабылданды, деп хабарлайды <a href="https://www.inform.kz/kz/ortalyk-saylau-komissiyasy-adal-partiyasynyn-tizimin-tirkedi_a3726402">ҚазАқпарат</a>.
<blockquote>
 «Қазақстан Республикасындағы сайлау туралы» Конституциялық заңның 89-бабына сәйкес, тіркеуге бір саяси партиядан оған саяси партиялар арасында бөлінетін депутаттық мандаттардың белгіленген санының 30 пайызынан аспайтын адамдар саны енгізілген бір ғана тізім жіберіледі. Партиялық тізімде әйелдер мен 29 жасқа толмаған адамдардың саны оған енгізілген адамдардың жалпы санының кемінде 30 пайызын құрауға тиіс», – деді ҚР ОСК мүшесі Асылбек Смағұлов.
</blockquote>
Оның айтуынша, «ADAL» партиясының партиялық тізімінде 16 адам бар, оған бес әйел және 29 жасқа толмаған азаматтар енгізілген. Яғни бұл тізімге енгізілгендердің жалпы санының 31,2 пайызын құрайды. Орталық сайлау комиссиясы уәкілетті органдармен бірлесіп, Мәжіліс депутаты болып сайлану үшін партиялық тізімге енгізілген адамдардың Конституция мен «Сайлау туралы» Конституциялық заңның талаптарына сәйкестігіне тексеру жүргізді.
<blockquote>
 «Партиялық тізімге енгізілген барлық адамдар Конституцияның және «Сайлау туралы» конституциялық заңның талаптарына сәйкес келеді», – деді ол.
</blockquote>
Осыған байланысты Орталық сайлау комиссиясының мүшелері «2021 жылғы 10 қаңтарға тағайындалған Қазақстан Республикасы Парламенті Мәжілісі депутаттарының кезекті сайлауына «ADAL» партиясының партиялық тізімін тіркеу туралы» қаулы қабылдады.

Орталық сайлау комиссиясы ADAL партиясының тізімін тіркеді

<a href="https://kyzylorda-news.kz/">Kyzylorda-news.kz</a>. Бүгін Қызылорда облыстық Жастар ресурстық орталығы жанындағы “Әкелер кеңесінің” отырысы өтті.
Маңызды басқосуда отбасы институтын және әкелердің отбасылық тәрбие берудегі рөлін нығайту мәселесі талқыланды.
Жиынға құрылысшы, көпбалалы әке, тоғызқұмалақтан 3 дүркін әлем чемпионы, ҚР еңбек сіңірген спорт шебері, Хакімжан Елеусіновты тәрбиелеген әке Мектепхан Елеусінов, ҚМДБ-ның Сыр өңірі бойынша бас имамы Болатбек Абуов, көпбалалы әке, журналист, “Сыр медиа” ЖШС бас директорының орынбасары Дәурен Сейітжанұлы мен “Қамқорлық” дағдарыс орталығының басшысы Жандос Тусмагамбетов қатысты.
Отырыста Мектепхан Елеусінов баласының биікті бағындыруында әкенің орны барын баса айтты. Бас имам Болатбек Абуов «тәрбие» сөзі араб тілінен аударғанда, «көктету, өсіру, жетілдіру» деген ұғымды береді, яғни, сәбидің болашағы осы алған тәрбиесіне тікелей қатысты боларын, сондықтан бұл мәселеге асқан жауапкершілікпен қарау қажеттігіне тоқталды. Сонымен қатар”Сыр медиа” ЖШС бас директорының орынбасары, 6 баланың әкесі Дәурен Омаров бала ес білгеннен бастап, оның құлағына «сен ертеңгі шаңырақ иесісің, болашақ әкесің, арқа сүйер азаматсың, сондықтан да жаманнан жирен, жақсыдан үйрен» деген сөздерді құйып отыру маңызды екенін еске салды. Ал, Жандос Тұсмағамбетов үлгілі отбасы болып қалыптасу үшін тәрбиенің орны жоғары екенін тілге тиек етті және отбасындағы барлық мәселенің алдын алуда түсіністік керек екенін айтты.
Шарада “Әкелер кеңесінің” төрағасы Гани Байулов қорытынды сөз сөйлеп, кеңестің мән-маңызын, мақсат-міндетін тарқатты.
<blockquote>
 “Әкесіз ұл – шатырсыз үй. Сондықтанда әке мәртебесін көтеру, бала тәрбиесіндегі әкенің рөлін күшейту мәселесі күн тәртібінен түспейді. Жастар осындай тағылымды шаралардан ой түйіп, айтары бар, қоғамда өзіндік орнын қалыптастырған азаматтардың тәліміне сусындауы тиіс”, – деді төраға.
</blockquote>

Қызылордада &#8220;Әкелер кеңесінің&#8221; отырысы өтті

<a href="https://kyzylorda-news.kz/">Kyzylorda-news.kz</a>. Қазақстанның мемлекеттік туын бір реттік қолданыстағы заттарға бейнелеуге болмайды. Бұл туралы мәдениет және спорт министрі Ақтоты Райымқұлова мәлімдеді, деп хабарлайды&nbsp;<a href="https://sputnik.kz/">Sputnik Қазақстан</a>.
<blockquote>
 “Мемлекеттік туды майлықтарға және басқа да бірреттік қолданыстағы заттарға, киімге, төсек-орын жабдығына бейнелеп, пайдалануға болмайды”, – деді Райымқұлова орталық коммуникациялар қызметінде өткен брифингте.
</blockquote>
Министр бүгінгі таңда мемлекеттік ту тек спортшылардың формасында қолданылатынын атап өтті.
<blockquote>
 “Сонымен қатар, туды дұрыс орнату өте маңызды. Ол жерге, еденге, суға тиіп тұрмауы тиіс. Оны кірлетуге, былғауға және жыртуға жол берілмейді. Мемлекеттік туға сурет салуға және жазуға да тыйым салынады”, – деп түсіндірді ведомство басшысы.
</blockquote>
Еске салсақ, қазақстандықтарға мемлекеттік туды үйлердің қасбеті мен балкондарға ілуге рұқсат етілді. Үй-жайларда пайдаланылатын мемлекеттік ту ұлттық стандартқа сәйкес келуі тиіс. Жеке және заңды тұлғалардың&nbsp; туды ұлттық стандарттардың талаптарын бұза отырып пайдалануына жол берілмейді. Стандарттарға сай келмеген ту ауыстырылады немесе жойылады.
Тәуелсіз Қазақстанның мемлекеттік туы ресми түрде 1992 жылы қабылданды. Оның авторы – белгілі суретші Шәкен Ниязбеков.
Қазақстан Республикасының Мемлекеттік туы – ортасында шұғылалы күн, оның астында қалықтап ұшқан қыран бейнеленген тік бұрышты көгілдір түсті мата. Тудың сабының тұсында тік жолақ түрінде ұлттық өрнек нақышталған. Күн, оның шұғыласы, қыран және ұлттық өрнек бейнесі алтын түстес. Тудың ені мен ұзындығының арақатынасы – 1:2.

Ақтоты Райымқұлова: Туды бір реттік қолданыстағы заттарға бейнелеуге болмайды

<a href="https://kyzylorda-news.kz/">Kyzylorda-news.kz</a>. 3 желтоқсан күні Қызылорда облыс орталығында мұнай саласында жұмыс істейтін мекеме директорынан ұрлық жөнінде арыз түсті.
Арызда көрсетілгендей &nbsp;белгісіз тұлғалар серіктестіктің ғимаратынан темір торды бұзып,&nbsp;7 қызметтік көліктен аккумуляторлар және&nbsp; кілттер жинағын ұрлап кеткен. Келтірілген шығын көлемі 400 мың теңгені құраған.&nbsp;
Полиция қызметкерлері жүргізген жедел іздестіру шараларының нәтижесінде күдікті 3 қала тұрғыны қолға түсті.
Қазір&nbsp;күдіктілердің басқа да қылмыстарға қатыстылығы тексерілуде. Бұл дерек бойынша Қазақстан Республикасы Қылмыстық кодексінің 188 бабының&nbsp; 3 бөлігімен (ұрлық) сотқа дейінгі тергеп-тексеру жұмыстары жүргізілуде.

Қызылордада 7 аккумулятор ұрлаған тұрғындар ұсталды

<a href="https://kyzylorda-news.kz/">Kyzylorda-news.kz</a>. Өңірде «Өзіңді сайлаушылар тізімінен тексер» сервисі (saylau.orda.gov.kz) іске қосылды.
Сайлау күні облысқа келген қонақтар 400-200 немесе 109 нөмірлеріне қоңырау шалып, өз жеке сәйкестендіру нөмірін айта отырып, сайлау учаскесін анықтай алады. Сондай-ақ Call орталық арқылы тұрғылықты мекен-жай бойынша сайлау учаскесіне тіркелуге болады.
<blockquote>
 «Бүгінге дейін saylau.orda.gov.kz сервисіне 1000-ға жуық онлайн өтінім, 400-200 және 109 call-орталықтарына 400-ге жуық қоңырау келіп түсті. Сайлаушылар 10 желтоқсан күні сағат 18.00 ге дейін, арнайы нысанға сәйкес өтінішті толтырып, әкімдікке онлайн арқылы жолдап тіркелуіне болады», – деді облыстық цифрлық технологиялар басқармасының «Ақпараттық технологиялар орталылығы» директоры Сәбит Ибадуллаұлы.
</blockquote>
<img src="https://kyzylorda-news.kz/wp-content/uploads/2020/12/129719145_1182629508799226_6577135320745131601_o.jpg" alt="" />

Сайлаушылар үшін онлайн сервис іске қосылды

<a href="https://kyzylorda-news.kz/">Kyzylorda-news.kz</a>. Бүгін Қызылорда облысының әкімі Гүлшара Әбдіқалықованың қатысуымен кезекті облыстық мәслихат сессиясы өтті.
Күн тәртібінде 4 мәселе қаралды. Алдымен облыс әкімі Гүлшара Әбдіқалықова өңірде атқаралған жұмыстар туралы есеп беріп, облыстық экономика және бюджеттік жоспарлау басқармасының басшысы Нұрғали Қордабай «2020-2022 жылдарға арналған облыстық бюджет туралы» Қызылорда облыстық мәслихатының 2019 жылғы 12 желтоқсандағы №374 шешіміне өзгерістер мен толықтырулар енгізу туралы баяндады.
Облыстық жұмыспен қамтуды үйлестіру және әлеуметтік бағдарламалар басқармасының басшысы Гаухар Қалмақова «Шиелі ауданы Шиелі кентінде арнаулы әлеуметтік қызметтер көрсету бойынша шағын үйін ашу» мемлекеттік-жекешелік әріптестік жобасы бойынша мемлекеттік міндеттемелерді қабылдау туралы» Қызылорда облыстық мәслихатының 2017 жылғы 12 желтоқсандағы № 161 шешіміне өзгерістер енгізу туралы айтса, облыстық цифрлық технологиялар басқармасының басшысы Юлия Тремасова «Қызылорда облысының мемлекеттік органдарына талшықты-оптикалық байланыс желілерін тарту» мемлекеттік-жекешелік әріптестік жобасы бойынша мемлекеттік міндеттемелерді қабылдау туралы» Қызылорда облыстық маслихатының 2019 жылғы 7 ақпанындағы № 298 шешіміне өзгерістер енгізу туралы баяндама жасады.Сессия отырысында облыс әкімі ағымдағы экономикалық жағдайға қысқаша тоқталып өтті.
<img src="https://kyzylorda-news.kz/wp-content/uploads/2020/12/129603448_2948123011957415_4676169206604417647_o.jpg" alt="" />
<blockquote>
 «Тұрақты табыс пен халықтың өмір сүру сапасы – біздің ең маңызды басымдықтар болып қала бермек. Осы жылға арналған Жұмыспен қамтудың Жол картасы аясында жалпы сомасы 40,1 млрд теңгеге 291 инфрақұрылымдық жобаны жүзеге асыру көзделген, бұл 10 мыңнан аса адамды жұмыспен қамтиды. Биыл облыста 1946 пәтерлік 98 көппәтерлі тұрғын үй салынуда, оның 969 пәтерлік 74-і жыл соңына дейін пайдалануға берілуде. Өткен жылы Байқоңыр қаласында «Нұрлы жер» бағдарламасы бойынша 30 жылда алғаш рет 250 пәтерлік бес тұрғын үй салынып, пайдалануға берілді. Кезекте тұрған 1300-ден астам қазақстандықты ескере отырып, Байқоңыр қаласында тағы да елу пәтерлік 5 үйдің құрылысын 2021 жылы бастау туралы шешім қабылданды. Бүгінде облыс халқының 97%-ы орталықтандырылған сумен қамтамасыз етілген және халықтың 63%-ы табиғи газды тұтыну мүмкіндігіне ие», – деді Гүлшара Әбдіқалықова.
</blockquote>
Маусым айында Арал ауданының Жақсықылыш кентіне газ орнатылды. Келесі жылы жалпы саны 50 мың халық тұратын 5 елді-мекенге, оның ішінде 3 аудан орталығына көгілдір отын беріледі. Нәтижесінде, жыл соңына дейін облыс халқының 70%-ы табиғи газға қол жеткізеді деп жоспарлануда.
Облыста 498 шақырымнан астам көлік жолдары, көшелер мен көпір өткелдері жөнделді. Әлеуметтік салада 30 әлеуметтік нысанның құрылысы жүргізілді. Денсаулық сақтау саласында аудандық орталық ауруханалар салу мәселесі шешілген.Аймақта Ковид індеті күшейген жағдайда, 3200 инфекциялық төсек-орын 21 стационарда дайын.
Алдағы 10 күндікте 200 орындық модульдік жұқпалы аурулар ауруханасын пайдалануға беріледі деп күтілуде. Медициналық ұйымдар 682 оттегі концентратормен, 244 ИВЛ және 60 рентген аппаратымен жабдықталған. Спорт саласында «Жұмыспен қамтудың Жол картасы» бағдарламасы аясында 22 жоба іске асты. Мемлекеттік-жекешелік әріптестік аясында 5 дене-шынықтыру кешендері салынды.
Қашықтан оқытуға қажет мектеп теңгеріміндегі 14 мыңнан астам компьютер оқушыларға берілді. Бюджет қаражаты мен демеушілер есебінен 27 мыңға жуық компьютерлік техника сатып алынды, олар тұрмысы төмен отбасының балаларына табысталған.
2019 жылы агроөнеркәсіптік кешеннің негізгі капиталына 7 млрд теңге инвестицияланса, биылғы жылдың тек 10 айында көрсеткіш 10 млрд. теңгеден асты. Бұл ретте, ауыл шаруашылығы өнімдерінің экспорты шамамен 11%-ға өсті, оның ішінде 98% – қайта өңделген өнім.
Биыл Қызылорда облысының 2023 жылға дейінгі экономикалық карта қабылданды. Оның аясында экономиканың түрлі салаларында 265 жобаны іске асыру жоспарлануда. Облыста алғашқы рет дайын өнімдер: консервіленген түрлі ет өнімдері, қарақұмық жармасы, арпа ботқасы, макарон, сұйық сабын, антисептик шығарыла бастады.
Күн тәртібіндегі бірінші мәселе бойыша облыстық бюджеттің түсімдерін 1 625 358 мың теңгеге ұлғайту жоспарланса, 2020 жылға арналған облыстық бюджеттен бюджеттік бағдарлама әкімшілерінен үнемделген және пайдаланылмаған қаржылар қысқартылуда. Қысқартылған қаржы облыстық сәулет, құрылыс және қала құрылысы, ауыл шаруашылық, жұмылдыру дайындығы, қаржы басқармаларына қайта бағытталуда.
Сонымен бірге, облыстық денсаулық сақтау басқармасының бюджеттік бағдарламасына ішінара өзгерістер енгізілуде.
Осы өзгерістерге сәйкес облыстық бюджеттің көлемі 328,5 млрд теңгені құрап отыр. Мемлекеттік-жекешелік әріптестік жобасы аясында Шиелі ауданында 2018 жылдан бастап денсаулығына байланысты күтімді қажет ететін зейнеткерлерге, 1-ші, 2-ші топ мүгедектеріне және тірек-қимыл аппараты бұзылған мүгедек балаларға арнаулы әлеуметтік қызметтер көрсету «Думан-Шиелі» жауапкершілігі шектеулі серіктестігінің бастамасымен арнаулы әлеуметтік қызметтер көрсету ұйымы ашылып, аудан халқына қызметтердің 8 бағыты бойынша қызметтер көрсетуде.
Қазақстан Республикасының Еңбек және халықты әлеуметтік қорғау министрлігімен әзірленген арнаулы әлеуметтік қызметтер көрсету 50 орындық сыйымдылығы шағын үйлер желісін дамыту бағытында жаңа құрылыстар жүргізудің сметалық құны 1,2 млрд тенгені құрайды. Аталмыш үйді мемлекеттік-жекешелік әріптестік жобасы аясында ашу тиімді екендігі зерделеніп, әлеуетті жеке кәсіпкердің бастамасымен жүзеге асырылды.
Ағымдағы жылы Шиелі ауданында 152 адам, оның ішінде 117 зейнеткер, 35 тірек-қимыл аппараты бұзылған мүмкіндігі шектеулі бала қызметтермен қамтылды. Төтенше жағдайға байланысты мекеменің жұмысы 27 наурыздан бастап уақытша тоқтатылды. Қызылорда облысының тауарлар мен көрсетілетін қызметтердің сапасы мен қауіпсіздігін бақылау департаментінің сайтында хабарлама беру арқылы жұмыстары 11 қыркүйектен қайта басталып, қызмет алушыларды қабылдауда. Жобаны жүзеге асыруға бөлінген қаржы қараша нақтыланып, үнемделген қаржы кері қайтарылады.
2019 жылдың наурыз айында Қызылорда облысының цифрлық технологиялар басқармасы «Қызылорда облысының мемлекеттік органдарға талшықты-оптикалық байланыс желісін тарту» мемлекеттік-жекешелік әріптестік жобасы аясында «Қазақтелеком» АҚ Оңтүстік өңірлік телекоммуникация дирекциясымен келісім-шартқа отырған. Жоба аясында 2020 жылдың сәуір айына дейін 77 мемлекеттік мекемелерді талшықты-оптикалық байланыс желісін тарту арқылы жоғары жылдамдық интернет жүйесімен қамтамасыз етілді.
Жоғарыда аталған жоба бойынша қала және аудандық ветеринария бөлімдері жабылуына орай оптикалық байланыс желісіне қосылған нүктелері азайып, үнемделген қаржыны облыстық бюджетке қайтаруға ұсыныс берілді.

Гүлшара Әбдіхалықова: Байқоңырда 2021 жылы 5 көпқабатты тұрғын үйдің құрылысы басталады

<a href="https://kyzylorda-news.kz/">Kyzylorda-news.kz</a>. Солтүстік Каролина университетінің ғалымдары коронавирус ферменттерінің белсенділігін төмендететін тағамдардың тізімін жасады.
Зерттеу нәтижелері Frontiers in Plant Science басылымында жарияланған.
Зерттеушілер жүзім мен көк шайдың құрамындағы химиялық қосылыстар адам ағзасында коронавирустың таралуын болдырмауға мүмкіндік беретінін анықтады. Өйткені олардың құрамындағы заттар SARS-CoV-2 протеаза ферменттерін бұғаттауға қабілетті. Сонымен қатар қара шоколад пен какао COVID-19 ферменттерінің белсенділігін төмендетуге қабілетті.
<a href="https://24.kz/kz/zha-aly-tar/bylu-manyzdy/item/440407-a-zada-y-covid-19-dy-belsendiligin-t-mendetetin-ta-amdar-ataldy">Хабар 24</a>

Ағзадағы COVID-19-дың белсенділігін төмендететін тағамдар аталды

<a href="https://kyzylorda-news.kz/">Kyzylorda-news.kz</a>.&nbsp;Қазақстанда 2021 жылдан бастап тұрғындарға ерікті түрде жаппай вакцина егу жоспарланып отыр. Бұл туралы Ақорданың баспасөз қызметі хабарлады.
Алғашқы кезеңде дәрігерлер, педагогтар, күштік құрылымдар қызметкерлері қамтылады.&nbsp;
Премьер-министр Асқар Мамин президент Қасым-Жомарт Тоқаевқа коронавирус індетіне қарсы отандық вакцинаның әзірлену барысы туралы баяндады.
Айтуынша, 29 қарашада клиникалық сынақтардың 1 және 2 кезеңі аяқталады. Сондай-ақ, вакцинаның кері әсері анықталған жоқ және оның жоғары тиімділігі тіркелгенін мәлімдеді.
25 желтоқсаннан бастап клиникалық сынақтардың 3-ші кезеңінде аталған вакцина 3 мың еріктіге егіледі. Сынақтар толығымен 2021 жылы наурыздың соңына қарай аяқталады.&nbsp;&nbsp;
Сонымен қатар осы жылдың соңына дейін 2 миллион көлемдегі отандық вакцинаның алғашқы партиясы шығарылады.
<blockquote>
 “Мемлекет басшысының Ресей президенті Владимир Путинмен жасаған келісіміне сәйкес, осы жылдың 22 желтоқсанынан бастап Қазақстанда ресейлік “Спутник V” вакцинасын өндіру қолға алынады”, – делінген ақпаратта.
</blockquote>
Қасым-Жомарт Тоқаев Асқар Маминге отандық вакцина өндірісіне қатысты берілген тапсырманы жедел орындағаны үшін алғыс білдірді. Сонымен қатар дәрінің тиімділігіне баса мән беруді және тұрғындарға қолжетімді болуын бақылауда ұстауды тапсырды.

Қазақстандықтарға келесі жылы жаппай вакцина егу жоспарланып отыр

<a href="https://kyzylorda-news.kz/">Kyzylorda-news.kz</a>. Қызылорда облыстық Қазақстан халқы Ассамблеясының ұйымдастыруымен Достық үйінде «Еңбегі жанған арулар» форумы өтті.
Форумға «Қоғамдық келісім» КММ-нің директоры Азамат Мукеев, Аналар кеңесінің төрайымы Нұрсәуле Мұсаева, Аналар кеңесінің мүшесі, «Бойтұмар Ханым» қоғамдық қорының төрайымы Рахима Ахметова, облыстық іскер әйелдер қауымдастығының төрайымы Манат Алмашева, облыстық Ассамблея жұмысын жетілдіруде елеулі үлесі бар белсенді қыз-келіншектер, әр салада еңбек етіп жүрген нәзік жандар, аудан орталықтарынан келген ақ жаулықты аналар, «Берекелі шаңырақ» отбасылық байқауының жеңімпаздары және БАҚ өкілдері қатысты.
Жылулық ескен шарада «Анамның бейнесі» суреттер галереясы және бейнесі мәңгілікке жүргемізде сақталған «Қазақ аруларының» портреттері қойылды. Сондай-ақ қазақ әйелінің ұлттық әшекей бұйымдарының көрмесі көпшіліктің назарына ұсынылды.
Форумда «Қоғамдық келісім» КММ-нің директоры Азамат Мукеев тұтастықтың құтты шаңырағына айналған Ассамблеяның жұмысын ілгерлетуге атсалысып жүрген нәзік жандыларға ризашылығын білдіре отырып, «Қазақстан халқы Ассамблеясына 25 жыл» мерекелік медалін «Қазақстан» РТРК» АҚ Қызылорда облыстық филиалы директорының орынбасары Айсұлу Қасымова, Қармақшы аудандық Аналар кеңесінің мүшесі Дильфура Байрактарова, «Жомарт» қоғамдық бірлестігінің жетекшісі, Аналар кеңесінің мүшесі Майя Наримова, Назарбаев Зияткерлік мектебінің баспасөз хатшысы, Журналистер мен сарапшылар клубының төрайымы Елена Рыбина және Ж.Нұрманов атындағы №198 орта мектебінің директоры, Аналар кеңесінің мүшесі Анжела Садықбековаға табыстады.
Мұнан соң форум жылдағы дәстүрлі түрде өткізілетін «Берекелі шаңырақ» байқауының жеңімпаздарын марапаттау рәсіміне ұласты. Жүлделі бірінші орынды Жалағаш ауданы Цой отбасы, екінші орынды Қазалы ауданы Жұмаевтар отбасы, үшінші орынды Қызылорда қаласы Есиндер отбасы иеленді. Жеңімпаздарды Аналар кеңесінің төрайымы Нұрсәуле Мұсаева құттықтап, облыстық Ассамблея тарапынан әзірленген диплом мен бағалы сыйлықтарын тарту етті.
Сонымен қатар «Ақ орамал» жобасының ұйымдастырушысы Рахима Ахметова қатысушыларға зор алғысын білдіріп, атқарылған ауқымды шараларға шолу жасады. Осы ретте облыс көлемінде өткізілген «Ақ орамал» жобасы туралы бейнекөрсетілім көрсетілді. Тағылымы мол шара соңында еңбегімен елді нұрландырып жүрген асыл жанды 10 анаға ерекше номинациялар берілді.
<img src="https://kyzylorda-news.kz/wp-content/uploads/2020/12/129679438_2811301592522336_3438618608037724293_o.jpg" alt="" />
<img src="https://kyzylorda-news.kz/wp-content/uploads/2020/12/129842991_2811316602520835_2134921729179762405_o.jpg" alt="" />

Қызылордада аруларға арналған форум өтті

<a href="https://kyzylorda-news.kz/">Kyzylorda-news.kz</a>. Қызылорда облысы әкімінің орынбасары Наурызбай Байқадамов пен жауапты сала жетекшілері Халықаралық мүгедектер күніне орай белгілі кәсіпкер Нұрмұрат Ермановқа ел дамуына сіңірген елеулі еңбегі үшін алғыс білдірді. Облыстық жұмыспен қамтуды үйлестіру және әлеуметтік бағдарламалар басқармасы «Демеу» мейірімділік мүгедектер қоғамдық бірлестігімен бірге өңірдегі 182 мүмкіндігі шектеулі азаматқа құрмет көрсетті. Басқарма басшысы Гаухар Қалмақова, орынбасары Айгүл Болатқызы көмекке мұқтаж жандардың үйіне барып, арнайы құттықтау хат пен сый-сияпат ұсынды.
Бұл күнді БҰҰ Бас Ассамблеясы мүгедектер он жылдығының (1983-1992) аяқталуына орай жариялаған. Мақсаты – мүмкіндігі шектеулі азаматтардың құқықтарын сақтау, әлеуметтік жағдайын жақсартуға айрықша назар аудару. 2015 жылы еліміз Біріккен Ұлттар ұйымының мүгедектердің құқықтарын қорғау туралы конвенциясын ратификациялап, өзіне осы бағытта тиісті міндеттемелер алды. Бұл ретте мемлекет тарапынан қажетті заңдар және нормативтік-құқықтық актілер қабылданды.
Қазір облыс бойынша 30 мыңнан астам (30283) мүгедектігі бар адам тіркелген, жалпы халық&nbsp; санының (800,8 мың адам) 3,8 процентін құрайды. Оның ішінде ерекше қажеттілігі бар балалар – 5098 (16,8 %).&nbsp; Оларды оңалту, денсаулығын жақсарту үшін бюджеттен бөлінген қаражат жылдан жылға артуда. Биыл 1,4 млрд теңгеден астам қаражат бөлінді. Нәтижесінде әлеуметтік оңалту шаралары 90,1 процентке орындалды.
Мүгедектігі бар адамдардың жұмыспен қамтылуы басты назарда. Оларға бос орындар жәрмеңкелері өткізіліп, 807 мүгедек жұмыспен қамтылды, оның 190-ы тұрақты жұмыс. 4372 мүмкіндігі шектеулі адам, оның ішінде 194 мүгедек бала күндізгі жартылай стационарда үкіметтік емес ұйымдар арқылы қызмет алып отыр. Бұл қызмет түрлерін Арал ауданында аудандық мүгедектер ұйымы, Қазалыда «Шапағат», Қармақшы, Жалағаш аудандары мен Қызылорда қаласында «Альтаир-Бөбек», Жаңақорғанда «Нұрлы сенім», Шиеліде «Думан-Шиелі» сияқты қоғамдық ұйымдар, қорлар мен орталықтар&nbsp; жүзеге асырып келеді.
Олардың тәжірибелері қалыптасқан, атап айтқанда, 1999 жылдан бастап «Қанат dr. Темиркулов» қоғамдық бірлестігі спорттық-сауықтыру орталығы жұмыс істейді. Орталықта елімізден және шет мемлекеттерден келген 500-ден астам адамды қабылдаған.&nbsp; Жосалы кентінде 50 балаға арналған «Дәметкен-Ана» оңалту және әлеуметтік бейімдеу орталығы ашылып, қызмет көрсетуде.
Олардың өмір сүруге деген құштарлығы, еңбек етуге деген ынтасы, жетістікке жетем деген жігері он екі мүшесі сау адамдардан да мықты. Мәселен, Ислам Салимов – екінші топтағы көз мүгедегі. Жеңіл атлетиканы жанына серік етіп, спортта өз орнын тапқан. Азия паралимпиада ойындарының жүлдегері,&nbsp; халықаралық дәрежедегі спорт шебері, көз мүгедектері арасында Бүкіләлемдік ойындардың күміс жүлдегері. Лондонда өткен паралимпиада ойындарына қатысқан. Нұрмұхаммед Әбілқасым – ақын, бірнеше жыр кітаптарының авторы. Әсел Төребаева – жастайынан дүние жарығын көрмесе де, елуден аса әннің авторы. Әуенін де, сөзін де өзі шығарады, орындайды. Аслан Ертоқаев – бейнелеу өнерінен республикалық, облыстық байқауларға қатысып келеді.
Осындай ерік-жігері мұқалмаған, алдағы күннен үміт үзбеген жандар барлығымызға үлгі.
<img src="https://kyzylorda-news.kz/wp-content/uploads/2020/12/whatsapp-image-2020-12-03-at-19.47.44.jpeg" alt="" />
<img src="https://kyzylorda-news.kz/wp-content/uploads/2020/12/whatsapp-image-2020-12-03-at-19.47.22.jpeg" alt="" />
<img src="https://kyzylorda-news.kz/wp-content/uploads/2020/12/whatsapp-image-2020-12-03-at-19.48.28.jpeg" alt="" />

Қазақстан және Қызылорда облысының жаңалықтары

Қызылордада мәслихат депутаттығына 381 кандидат ұсынылды

Қызылордалық гимнастшылар Азия чемпионатына қатысады

Орталық сайлау комиссиясы ADAL партиясының тізімін тіркеді

Қызылордада “Әкелер кеңесінің” отырысы өтті

Ақтоты Райымқұлова: Туды бір реттік қолданыстағы заттарға бейнелеуге болмайды

Қызылордада 7 аккумулятор ұрлаған тұрғындар ұсталды

Сайлаушылар үшін онлайн сервис іске қосылды

Гүлшара Әбдіхалықова: Байқоңырда 2021 жылы 5 көпқабатты тұрғын үйдің құрылысы басталады

Ағзадағы COVID-19-дың белсенділігін төмендететін тағамдар аталды

Қазақстандықтарға келесі жылы жаппай вакцина егу жоспарланып отыр

Қызылордада аруларға арналған форум өтті

Қызылордада 182 мүмкіндігі шектеулі азаматқа құрмет көрсетілді (ФОТО)

Қазақстан және Қызылорда облысының жаңалықтары

Қызылордада мәслихат депутаттығына 381 кандидат ұсынылды

Қызылордалық гимнастшылар Азия чемпионатына қатысады

Орталық сайлау комиссиясы ADAL партиясының тізімін тіркеді

Қызылордада &#8220;Әкелер кеңесінің&#8221; отырысы өтті

Ақтоты Райымқұлова: Туды бір реттік қолданыстағы заттарға бейнелеуге болмайды

Қызылордада 7 аккумулятор ұрлаған тұрғындар ұсталды

Сайлаушылар үшін онлайн сервис іске қосылды

Гүлшара Әбдіхалықова: Байқоңырда 2021 жылы 5 көпқабатты тұрғын үйдің құрылысы басталады

Ағзадағы COVID-19-дың белсенділігін төмендететін тағамдар аталды

Қазақстандықтарға келесі жылы жаппай вакцина егу жоспарланып отыр

Қызылордада аруларға арналған форум өтті

Қызылордада 182 мүмкіндігі шектеулі азаматқа құрмет көрсетілді (ФОТО)

Қызылордада “Әкелер кеңесінің” отырысы өтті