<a href="https://kyzylorda-news.kz/">Kyzylorda-news.kz</a>. Өткен тәулікте облыста 2029 адам қатерлі індетке қарсы екпе қабылдады. Өңірде бүгінде 800 мыңнан астам адам бар. Дәрігерлердің айтуынша, олардың 370 мыңнан астамы екпе қабылдауы тиіс. Бүгінге дейін облыста 105 мыңнан астам адам вакцина қабылдап үлгерді.
<blockquote>
 «Облыста тұрғындардың вакцина қабылдауына барлық мүмкіндік жасалған. Өңірде осы мақсатта 106 егу пункті, 39 жылжымалы егу бригадасы ашылған. Дәрігерлерден жасақталған бригадалар облыс орталығындағы бірқатар сауда орталықтарында бар», – деп мәлім етті Қызылорда облыстық денсаулық сақтау басқармасынан.
</blockquote>
Бұрын екпе қабылдағандар қатарында мемлекеттік қызметкерлер, бюджет саласының өкілдері басым болатын. Қазір жергілікті тұрғындар тарапынан екпе қабылдауға ниет білдірген адамдар қатары көбейіп келеді.

Қызылордада 105 мыңнан астам адам коронавирусқа қарсы вакцина салдырды

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 1052 адам коронавирус инфекциясынан жазылып шықты, деп хабарлайды coronavirus2020.kz.
Аймақтар бойынша: 
Нұр-Сұлтан қаласы – 275, 
Алматы қаласы – 166, 
Шымкент қаласы – 9, 
Ақмола облысы – 24, 
Ақтөбе облысы – 34, 
Алматы облысы – 77, 
Атырау облысы – 15, 
Шығыс Қазақстан облысы – 73, 
Батыс Қазақстан облысы – 83, 
Қарағанды облысы – 107, 
Қостанай облысы – 30, 
Қызылорда облысы – 6, 
Маңғыстау облысы – 43, 
Павлодар облысы – 73, 
Солтүстік Қазақстан облысы – 23, 
Түркістан облысы – 14.
Қазақстан бойынша жазылғандар саны – 381026.

Қызылордада коронавирустан жазылғандар бар

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 1145 адамнан коронавирус инфекциясы ПТР арқылы анықталды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 343,
Алматы қаласы – 109,
Шымкент қаласы – 31,
Ақмола облысы – 37,
Ақтөбе облысы – 25,
Алматы облысы – 41,
Атырау облысы – 62,
Шығыс Қазақстан облысы – 76,
Жамбыл облысы – 15,
Батыс Қазақстан облысы – 84,
Қарағанды облысы – 150,
Қостанай облысы – 33,
Қызылорда облысы – 26,
Маңғыстау облысы – 39,
Павлодар облысы – 41,
Солтүстік Қазақстан облысы – 21,
Түркістан облысы – 12.
Жалпы ел бойынша ауырғандар саны 405209.

Қызылордада 26 адамнан коронавирус анықталды

<a href="https://kyzylorda-news.kz/">Kyzylorda-news.kz</a>.&nbsp; Атмосфералық ауа ағындарының өтуіне байланысты ел өңірінің басым бөлігінде жаңбыр жауып, найзағай ойнайды. Ал, батыста және оңтүстік-шығыстағы тауларда бұршақ жауады.
«Қазгидромет» РМК мәліметтері бойынша, тек Қазақстанның оңтүстігі мен оңтүстік-батысында жауын-шашын болмайды. Кей жерлерде жел күшейеді, оңтүстікте шаңды дауыл тұрады, солтүстікте және оңтүстік-шығыстың таулы аумағында бауыл тұрады.
Қызылорда облысының кей жерлерінде төтенше өрт қаупі сақталады.

Бейсенбіге арналған ауа райы болжамы

<a href="https://kyzylorda-news.kz/">Kyzylorda-news.kz</a>. Қызылорда облысы кәсіпкерлер палатасының алаңында өткен қалалық мәслихаты депутаттарының шағын және орта кәсіпкерлікті дамыту бойынша көшпелі отырысы өтті. Шарада кәсіпкерлік саласындағы мәселелер талқыланды.
Отырыста Кәсіпкерлер палатасының директоры Ғалымбек Жақсылықов облыс тұрғындарының 40 пайызы, жұмыс жасап тұрған кәсіпкерлік субъектілерінің 45 пайызы қалаға тиесілі екенін айта келе, салаға қатысты бірқатар ұсыныстарын жеткізді.
Атап айтқанда, Палата басшысы жер комиссиясының отырыстарын Кәсіпкерлер палатасының алаңында өткізуді ұсынды. Бұл қадам жариялылықты қамтамасыз етіп қана қоймай, ашық бәсекелестіктің нәтижесінже қала бюджетіне түсетін қаражат көлемін де арттырмақ деп санайды. Сонымен бірге, кәсіпкерлік мақсаттағы жер телімдерін беру тетігін де жетілдіруге қатысты да ұсыныстар берді.
Палата тарапынан айтылған келесі ұсыныс стационарлық емес сауда орындарының қатарын арттыруға қатысты. Мәселен, Маңғыстауда осындай 590 орын бар екен, ал Ақмола облысында 744 орын. Ал Қызылорда қаласында әзірге 7 орын ғана бекітіліпті. Стационарлық емес сауда орындарының қатарын көбейту көшпелі кофе немесе өзге де қызметтер арқылы тұрғындардың да сұранысын қанағаттандыруға мүмкіндік бермек. Бұл орындар әсіресе, Орталық алаң, «Сыр сұлуы», орталық мешіт, «Шұғыла» мөлтек ауданы, қалалық парк аумақтары үшін тіпті маңызды.
Ғалымбек Жақсылықов шарада мұнан өзге, шағын индцустриалды аймақ құру, жеңіл өнеркәсіпті, ішкі туризмді дамытуға қатысты да маңызды ұсыныстарын берді.
<blockquote>
 «Қалалық кәсіпкерлік бөлімі біраз жұмыс атқарып жатыр. Дегенмен, бұл бөлімнің қызметкерлері кәсіпкерлерге көбінесе тазалықты сақтау, тұрғын-жәйларды әктеу-сырлау сияқты тапсырмалармен таныс. Бұл бөлімді өзіне тән емес функциялардан босату керек. Өздерінің тікелей қызметімен айналысу керек. Сонымен бірге, қалалық кәсіпкерлік бөлімі осы «Бизнеске арналған үкімет» ғимаратында орналасу керек. Бұл ғимарат кәсіпкерліктің ордасына айналды. Сондықтан осында отыруы заңды», – деп ойын қорытты Кәсіпкерлер палатасының директоры Ғалымбек Жақсылықов.
</blockquote>
&nbsp;Мәслихат депутаттары аталмыш ұсыныстарға оң бағасын беріп, алдағы уақытта жергілікті атқарушы органмен бірге бірлесе шешу тетіктері қарастырылатындығын жеткізді.
<img src="https://kyzylorda-news.kz/wp-content/uploads/2021/06/201944115_600932570881369_6884232159513440050_n.jpg" alt="" />

Кәсіпкерлер палатасы қалалық мәслихат депутаттарына бизнестің проблемаларын жеткізді

<a href="https://kyzylorda-news.kz/">Kyzylorda-news.kz</a>. Биыл аймақ прокурорлары бұрын сотталған азаматтардың қайта қылмыс жасауына жол бермеу мақсатында жұмыс тобын құрды. Нәтижесінде екінші рет қылмыс жасайтындардың саны 23 пайызға азайды. Бұл туралы Өңірлік коммуникациялар қызметінің ақпарат алаңында өткен брифингте облыс прокурорының бірінші орынбасары Мақсат Қазиев мәлімдеді.
Сондай-ақ, қылмыс жасауға бейім 7 мыңға жуық адам тәуекел тобына жатқызылды. Олардың жеке тізімі жасақталып, қауіптілігі бойынша үш санатқа бөлінді.
<blockquote>
 «Есепті кезеңде жүргізілген профилактикалық іс-шаралар нәтижесінде қылмыстылық 14 пайызға төмендеді. Бұған қоса, мал ұрлығы да 18 пайызға азайды. Сонымен қатар, жыл басынан бері қылмыстық істер бойынша сотқа дейінгі тергеп-тексеру жаңа форматтағы қылмыстық процесс аясында жүргізілуде. Полиция органдарында сотқа дейінгі тергеп-тексеру жүргізетін 316 автоматтандырылған жұмыс орны қажетті техникамен жабдықталды. Нәтижесінде еліміздің басқа өңірлерінің ішінен облысымыз қылмыстық іс жүргізудің электронды форматы бойынша үздік үштіктің қатарына енді», – деді Мақсат Бейсенбекұлы.
</blockquote>
Бүгінде облыс прокурорлары қылмыстық процестің үш буынды моделі арқылы жұмыс істеуде. Яғни, полиция қылмысты ашады, оған қатысты тұлғаларды анықтайды. Дәлелдерді жинақтап, бекітеді. Ал прокурор жинақталған дәлелдемелерге тәуелсіз баға беріп, азаматтардың құқықтарының бұзылуына тосқауыл қояды. Сот органға түскен шағымдарды қарап, түпкілікті шешім қабылдайды.
<blockquote>
 «Жаңа форматта іс жүргізу нәтижесі тергеу сапасының жоғарлауына, азаматтардың конституциялық құқықтарының қорғауына алып келіп, бірқатар оңды көрсеткіштерге қол жеткізілді. Қылмыстық процестің үш буынды моделі аясында 3717 процессуалдық шешім бекітілсе, 341-нен бас тартылды», – деді облыстық прокуратураның басқарма басшысы Батырбек Нұрмағанбетов.
</blockquote>
<img src="https://kyzylorda-news.kz/wp-content/uploads/2021/06/181382032_1310926069302902_97408197156169006_n.jpg" alt="" />

Қызылордада мал ұрлығы азайған

<a href="https://kyzylorda-news.kz/">Kyzylorda-news.kz</a>. Қызылорда облысы бойынша медициналық ұйымдарға 36,17 млрд теңге қаржы төленді.
<blockquote>
 «Биылғы жылдың 1 маусымдағы жағдай бойынша Қызылорда облысы бойынша медициналық ұйымдарына 36,17 млрд. теңге төленді. Бұл қаржыландыруды Әлеуметтік медициналық сақтандыру қоры мемлекеттік тапсырыс шеңберінде тегін медициналық қызметтер үшін және міндетті әлеуметтік медициналық сақтандыру пакеті шеңберінде жүзеге асырады», – дейді «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов.
</blockquote>
36,17 млрд теңгенің 22,41 млрд теңгесі тегін медициналық көмектің кепілдік көлеміне берілген, 13,76 млрд теңгесі МӘМС аясындағы қызметтерге бөлінген.
2021 жылға Әлеуметтік медициналық сақтандыру қорының филиалымен 60 медициналық қызмет көрсетушілермен келісім – шарт жасалды, оның ішінде – 30 мемлекеттік медициналық ұйым, 30 – жеке меншік.
Барлығы 65,82 млрд теңгеге шарттар жасалды, оның ішінде 42,81 млрд теңге (65,04%) тегін медициналық көмектің кепілдік берілген көлемі шеңберінде, 23,01 млрд теңге (34,96%) МӘМС қаржысы құрайды.

Қызылордада медициналық ұйымдарға 36,17 млрд теңге қаржы төленді

<a href="https://kyzylorda-news.kz/">Kyzylorda-news.kz</a>. Биыл ақылы жүйе І-санаттағы автожолдардың 5 учаскесінде іске қосылады. Бұл туралы «Жол активтерінің ұлттық сапа орталығы» РМК Қызылорда облыстық филиалының баспасөз қызметі хабарлады.
Бұл «Батыс Еуропа-Батыс Қытай» (Қайнар-Тараз, Тараз-Шымкент, Шымкент-Қызылорда, Шымкент-Ташкент), Щучинск-Көкшетау, Қапшағай-Талдықорған (Талдықорған қаласы айналма жолы), Нұр-Сұлтан-Павлодар, Ақтау-Жетібай-Жаңаөзен және Нұр-Сұлтан, Қарағанды, Павлодар қалаларының айналма жолдары.
Қазіргі таңда жұмыс тобы аталған учаскелерге қызметтік сапарлар ұйымдастырып, олардың жағдайын тексеруде.
Жүріп өткен жол үшін төлемақы учаскенің техникалық санатқа толық сәйкестігі қамтамасыз етілгеннен кейін ғана алынатын болады. Төлем мөлшерлемелерін қымбаттату мәселесі қарастырылмағанын хабарлаймыз.

Ақылы жол: Төлемақы қандай жағдайда алынады?

<a href="https://kyzylorda-news.kz/">Kyzylorda-news.kz</a>. Докторантураға грантқа түсу үшін шекті балл 75 балды құрайды. Ал, оқуға ақылы негізде түсу үшін шекті балл – 50.
Бұл туралы бүгін Білім және ғылым министрлігінің Instagram парақшасында өткен тікелей эфир барысында ҚР БҒМ Жоғары және жоғары оқу орнынан кейінгі білім департаментінің директоры Әділет Тойбаев мәлімдеді.
Оның айтуынша, биыл докторантураға өтініш қабылдау 3 шілдеде басталып, 3 тамызға дейін жалғасады. Докторантураға түсу емтихандары 4-20 тамыз аралығында өтеді. Осы ретте докторантураға түсу үшін бір ғана жоғары оқу орнын және бір білім беру бағдарламаларының тобын таңдауға болатынын айта кеткен жөн.
<blockquote>
 «Докторантураға түсу үшін өтініштер жоғары оқу орындарының қабылдау комиссиялары арқылы қабылданады. Бұдан әрі өтініштер Ұлттық тестілеу орталығының ақпараттық жүйесінде тіркеледі. Оқуға түсушілер өңірлік тестілеу орталықтарында түсу емтихандарын тапсырады. Мәдениет және спорт министрлігі мен Денсаулық сақтау министрлігіне ведомстволық бағынысты жоғары оқу орындарына түсушілер емтихандарды өз жоғары оқу орындарының базасында тапсырады», – деп атап өтті ҚР БҒМ Жоғары және жоғары оқу орнынан кейінгі білім департаментінің директоры Әділет Тойбаев.
</blockquote>
Түсу емтихандарының кестесін ҚР БҒМ Ұлттық тестілеу орталығы әзірлейді. Түсу емтихандарын өткізу бағдарламалары мен кестесі оқуға түсушілерге емтихан басталғанға дейін хабарланатын болады.
Естеріңізге сала кетейік, биылдан бастап докторантураға түсу емтиханы электрондық форматта өтеді. Үміткерлер компьютерде эссе жазады, докторантурада оқуға дайындық бойынша тест және білім беру бағдарламасының бейіні бойынша емтихандар тапсырады.
<blockquote>
 «Қабылдау емтихандары тестілеу орталықтары базасында алғаш рет электрондық форматта өтеді. Бұл формат өткен жылы магистратураға қабылдау кезінде апробациядан өткен болатын. Дегенмен, бұл түсу емтихандары тек тестілеу форматында болады деген сөз емес. Сонымен бірге болашақ докторанттар жоғары оқу орындары бекітетін тақырыптар бойынша эссе жазады. Эссені бағалау, докторантурада оқуға дайындық тесті және бейінді емтихандардың нәтижелері арқылы алынған балдар жинақталып, қабылдау емтиханының қорытынды бағасы шығарылады», – деп атап өтті ҚР БҒМ Жоғары және жоғары оқу орнынан кейінгі білім департаментінің директоры Әділет Тойбаев.
</blockquote>
Жалпы, оқуға түсу емтиханының ең жоғары көрсеткіші – 100 балл.
Оның ішінде эссе – 20 балл, докторантурада оқуға дайындығын анықтауға арналған тест – 30 балл, бейінді емтихан сұрақтары – 50 балл. Жалпы емтиханға 4 сағат беріледі.
Докторантура бойынша мемлекеттік білім тапсырысына келетін болсақ, 2021-2022 оқу жылына PhD мамандарын даярлауға арналған мемлекеттік грант саны 1890 грантты құрайды.
Докторантураға «магистр» дәрежесі және кемінде тоғыз ай жұмыс өтілі бар немесе медициналық мамандықтар бойынша резидентурада оқуын аяқтаған тұлғалар қабылданады.
<a href="https://lenta.inform.kz/kz/75-baldan-kem-zhinagan-talapkerler-doktoranturaga-grantka-tuse-almaydy_a3801692">ҚазАқпарат</a>

75 балдан кем жинаған талапкерлер докторантураға грантқа түсе алмайды

<a href="https://kyzylorda-news.kz/">Kyzylorda-news.kz</a>. Облыста бес айда тіркелген қылмыс саны 13 пайызға төмендеді. Қоғамдық орындарда, көшеде, мас күйінде, отбасы-тұрмыстық саласында жасалған қылмыстар саны азайды. Бұл туралы Өңірлік коммуникациялар қызметінің ақпарат алаңында облыстық полиция департаменті бастығының міндетін атқарушы Шамшидин Амитов баяндады.
<blockquote>
 «17 мамыр мен 16 маусым аралығында «Қауіпсіз жол» шарасы өтуде. Бұл шараның 30 күнінде жол қозғалысы ережесін бұзудың 10 мыңнан астам дерегі және көлік құралын масаң күйде басқарудың 104 дерегі анықталды. Ал 694 автокөлік айып алаңдарына қойылған. Қоғамдық қауіпсіздік пен отбасы саласындағы қылмыстық ахуалды тұрақтандыру бағытында маусымның 9-ы мен 16-сы аралығында «Тұрмыс» шарасы ұйымдастырылуда. Шара барысында 150 адамға қорғау нұсқамасы шығарылса, 17 адамның мінез-құлқына сотпен ерекше талаптар белгіленді», – деді Шамшидин Амитов.
</blockquote>
Сондай-ақ, 11-17 маусымда жасөспірімдердің арасындағы қылмысты болдырмау үшін «Түнгі қаладағы балалар» іс-шарасы өткізілді. Нәтижесінде 252 кәмелетке толмағандардың заңды өкілдері әкімшілік жауапкершілікке тартылды.
<blockquote>
 «Есепті мерзімде 409 алаяқтық қылмысы тіркелді. Орын алған алаяқтықтың 268 дерегі интернет немесе әлеуметтік желі арқылы жасалған. Сондықтан, сақтық шараларына ерекше назар аударып, ең алдымен заңгерлерден қажетті кеңестер алу қажеттігін ескертеміз. Біздің тарапымыздан интернет алаяқтық қылмысының алдын алу үшін, интернет желісіндегі күмән тудыратын сайттарды бұғаттау жұмыстары жүргізілуде»,- деді Шамшидин Амитов.
</blockquote>
<img src="https://kyzylorda-news.kz/wp-content/uploads/2021/06/200180004_1310854415976734_8541940967686022553_n.jpg" alt="" />

Шамшидин Амитов: Күмән тудырған сайттар бұғатталып жатыр

<a href="https://kyzylorda-news.kz/">Kyzylorda-news.kz</a>. Коронавирустық инфекцияның жаңа мутацияларының пайда болуына байланысты САК үкіметі биылғы 2021 жылы да қажылық рәсімдерін шектеу туралы шешім қабылдады. Бұл туралы Сауд Арабиясы Корольдігінің Қажылық және ұмра министрлігі хабарлады.&nbsp;
Үлкен қажылыққа Сауд Арабиясының азаматтары мен резиденттеріне ғана, барлығы 60 мың адамға қажылық міндетін өтеуге рұқсат берілмек. Демек, шетелдік мұсылмандар биыл да қажылыққа бара алмайды.&nbsp;
Қазақстан мұсылмандары діни басқармасы 2021 жылғы қажылық маусымына ниет еткен отандастарымызды сабыр сақтап, қандай да бір заңсыз жолмен қасиетті Мекке және Мәдина қалаларына бармауға кеңес береді.
<a href="https://taunews.kz/kz/news/rukhaniyat/%C9%99lem-m%D2%B1sylmandary-biyl-k-azhylyk-k-a-bara-almaydy?fbclid=IwAR09MCYkixAKPEf4i0XYHnZyxcg1o97oslLOBZ0ymL2UG6eMLmoDaUqW6JI">TauNews.kz</a>

Биыл әлем мұсылмандары қажылыққа бара алмайды

<a href="https://kyzylorda-news.kz/">Kyzylorda-news.kz</a>. Қазақстан Республикасы бойынша 2021 жылдың 17-19 маусымындағы ауа райы болжамы жарияланды, деп хабарлайды Қазгидромет.
Синоптиктердің хабарлауынша ел аумағында күн салқын әрі жаңбырлы болады.&nbsp;
Ауа-райы екі барикалық түзілімді құрайды, олар шығысқа қарай ауысқан ыстық және құрғақ антициклон және солтүстік-батыстан жақындаған суық циклон. Бұл ауа-райының тұрақсыз сипатына алып келеді, жаңбыр жауады, солтүстік жартысында қатты жаңбыр жауады, олар найзағаймен, екпінді желмен, бұршақтың түсуімен, елдің оңтүстігінде шаңды дауылмен қатар жүреді. Сондай-ақ температуралық фон батыста, солтүстік-батыста күндіз 25-33 жылыға дейін, солтүстікте 10-20 жылыға дейін, орталықта 20-28 жылыға дейін біртіндеп төмендейді деп күтілуде.

Қазақстан және Қызылорда облысының жаңалықтары