<a href="https://kyzylorda-news.kz/">Kyzylorda-news.kz</a>.&nbsp;Қызылорда облыстық білім қызметкерлері кәсіподағы акция аясында әлеуметтік қолдауды қажет ететін сала қызметкерлірінің отбасы жағдайына қарай жаңа оқу жылына қажетті құрал-жабдықтармен қамтамасыз етті.
Басты мақсат – болашақ ұрпағымыздың білімді, денсаулығы мықты азамат болып өсуіне ынтымақтастықпен атсалысу.
Акция барысында 800-ден аса балаға қажетті құрал-жабдықтары әзірленді.
Қазіргі уақытта Арал, Қармақшы, Жалағаш, Шиелі, Жаңақорған аудандары бойынша толық үйлестіру жұмыстары аяқталып, апта соңына дейін Қызылорда қаласы, Қазалы, Сырдария аудандарында өткізілетін болады. Сонымен қатар акция барлық облыстық мекемелерде ұйымдастырылуда.
<img src="https://kyzylorda-news.kz/wp-content/uploads/2021/08/238826456_1144272239733488_6964152028457953795_n.jpg" alt="" />

Қызылордада «Мектепке жол» акциясы жалғасуда

<a href="https://kyzylorda-news.kz/">Kyzylorda-news.kz</a>. Медициналық сақтандыру қоры биылғы жылдың алғашқы жартыжылдығында халықтан 470 мыңнан астам өтініш қабылдап, оны өңдеді.
Күрделі эпидемиологиялық жағдай пациенттерден Медициналық сақтандыру қорына түскен өтініштер мен шағымдардың санына әсер етті. ӘМСҚ-ның ресми кері байланыс арналарына ағымдағы жылдың 6 айында 474 708 өтініш келіп түсті, олардың басым бөлігі түсіндірулер мен консультацияларға қатысты.
ӘМСҚ жеке және заңды тұлғалармен жұмыс жөніндегі департаментінің деректері бойынша көрсетілген кезеңде 455 мыңнан астам сұрақ алынды, оның ішінде 236 мыңы медициналық сақтандыруға жарналарды төлеу тәсілдеріне, 47 мыңнан астамы МӘМС жүйесіне қатысуға қатысты, қалғандары жеңілдікті санатқа енгізу және сақтандырылу мәртебесін айқындау мәселелері жатады.
Нұр-Сұлтан (100 мың тұрғынға 727,5), Алматы (100 мың тұрғынға 375,1), Шымкент (100 мың тұрғынға 162,1) қалаларының тұрғындарынан сұрақтар басым болады.
2021 жылдың 1- жартыжылдығында халықтан барлығы 6552 өтініш түсті. Шағымдардың ТОП-5-ін медициналық көмек көрсетуден бас тарту (28%), көрсетілген медициналық қызметтердің сапасы (26,3%),ақпараттық жүйелерде нақты көрсетілмеген қызметтерді анықтау (10,5%), медициналық көмекті ұзақ күту (7%), дәрілік препараттармен қамтамасыз етуден бас тарту (6,6%) мәселелері құрайды.
Айта кету керек, коронавирустық инфекциямен сырқаттанушылықтың өсуі кезеңінде Қордың жеткізуші-медициналық ұйымдарында жоспарлы көмектің сапасы мен қолжетімділігіне халықтың шағымының өсуі байқалады. Ағымдағы жылдың 1-ші тоқсанында Қорға 2599 шағым түссе, 2 тоқсанда Қор қызметкерлері халықтан 4056 шағымды өңдеді.
Сонымен қатар, егер медициналық ұйымда қызмет көрсету кезінде түсінік таба алмасаңыз, пациент ретінде өз құқығыңызды қорғау үшін қайда жүгіну керектігін еске салғымыз келеді.
Ең алдымен медициналық ұйымның орнына, Пациентті қолдау қызметіне және ішкі сараптамаға жүгіну керек. Ол медициналық қызмет көрсетуді, олардың толықтығын және стандарттарға сәйкестігін бақылау үшін құрылған. Бұл қызмет медициналық ұйымның медициналық көмек көрсетуі мен клиникалық қызметіне ішкі талдау жүргізеді, медициналық қызмет көрсету стандарттары мен тәртібінің бұзылуын анықтайды. Ол сондай-ақ азаматтардың өтініштерін, пациенттердің шағымдарын қараумен айналысады.
<blockquote>
 «Медициналық ұйымдар пациенттерді қолдау және ішкі аудит қызметтерінің жұмысын реттеп, бекітілген халықтың қажеттіліктеріне жауап беруі керек.Бүгінгі таңда пациенттер өз медициналық ұйымдарында тиісті көңіл бөлмей, әлеуметтік медициналық сақтандыру қорына жүгіне отырып, өз құқықтарын қорғауды іздеуге мәжбүр», – деп атап өтті ӘМСҚ жеке және заңды ұйымдармен жұмыс жөніндегі департаментінің директоры Забира Оразалиева.
</blockquote>
Әлеуметтік медициналық сақтандыру қорында кеңес алуға немесе шағым қалдыруға болатын бірнеше кері байланыс арналары бар.
Шағымдар мен өтініштердің ең көп саны 8.00-ден 20.00-ге дейін қоңырау қабылдайтын 1406 Бірыңғай байланыс орталығы арқылы түседі. Бірінші жартыжылдықта 1406 желісіне 389 мыңнан астам сұрақтар мен шағымдар келіп түсті. Өтініштер санаты мен күрделілігіне қарай ақпаратты өңдеудің үш деңгейлі моделі бойынша қаралады және бөлінеді.
Бірінші деңгейге консультативтік сипаттағы мәселелер жатады. Екінші және үшіншіге егжей-тегжейлі зерттеуді қажет ететін өтініштер кіреді. Қордың мамандары медициналық ұйыммен байланысады, ақпарат сұратады, медициналық көмек көрсетуді немесе көрсетуден бас тарту себептерін тексереді.
Халық арасында қормен келесі танымал байланыс арнасы Qoldau 24/7 мобильді қосымшасы (PlayMarket және AppStore-да орнатуға болады). Мұнда құжаттар қоса берілген мәтіндік форматтағы өтініштер жолданады. Әрі қарай өтінішке реттік нөмір беріледі, содан кейін өңдеу мәртебесі бақыланады. 1- жарты жыл ішінде Қор мамандары мобильді қосымша арқылы 82 мыңнан астам өтінішті өңдеді.
Әлеуметтік медициналық сақтандыру қорының fms.kz сайтына сіз сондай-ақ сұрақтар, шағымдар мен ұсыныстарды жібере аласыз. Сайттың басты бетінде баннерлер орналастырылған, олардан өтіп, өз өтінішіңізді қалдыра аласыз. Сайттың көмегімен 6 айда 2,5 мыңға жуық адам өз сұрақтарына жауап алды.&nbsp;
Өтініш берудің тағы бір мүмкіндігі Telegram-да Saqtandyrybot арқылы қарастырылған. “Негізгі мәзір” пәрменін басқаннан кейін таңдау үшін бірнеше бөлім бар. “1406-ға өтініш жіберу” таңдаңыз. Өтініш бот командаларына сәйкес беріледі, онда өңір, медициналық ұйымның атауы және мәселенің мәні көрсетіледі.
Қор тарапынан халыққа қызмет көрсету жұмыстарын жақсарту үшін жеткізушілерді ынталандыру бойынша жүйелі шаралар қабылдануда. Әлеуметтік медициналық сақтандыру қорының сарапшылары МӘМС пакетінде және мемлекет кепілдік берген тегін медициналық көмек көлемі бойынша жеткізушілер көрсететін қызметтердің сапасы мен көлеміне мониторингті жалғастыруда.
<img src="https://kyzylorda-news.kz/wp-content/uploads/2021/08/whatsapp-image-2021-08-24-at-15.34.48.jpeg" alt="" />
<img src="https://kyzylorda-news.kz/wp-content/uploads/2021/08/whatsapp-image-2021-08-24-at-15.34.50.jpeg" alt="" />
<img src="https://kyzylorda-news.kz/wp-content/uploads/2021/08/whatsapp-image-2021-08-24-at-15.34.53.jpeg" alt="" />
<img src="https://kyzylorda-news.kz/wp-content/uploads/2021/08/whatsapp-image-2021-08-24-at-15.34.51.jpeg" alt="" />

МӘМС: Халықтан 470 мыңнан астам өтініш қабылданды

<a href="https://kyzylorda-news.kz/">Kyzylorda-news.kz</a>. Қызылорда қаласы тұрғындары мен қала қонақтарының назарына! 2021-2022 жылғы қысқа дайындық жұмыстарын жүргізу мақсатында 25 тамыздан 26 тамызға қараған түні Қызылорда қаласы, Қазыбек би – Қорқыт Ата көшелер қилысындағы д-500 мм ескі құбырды ажырату жұмыстарына байланысты қала бойынша ауыз су беру түнгі сағат 00.00-ден бастап таңғы сағат 06.00-ге дейінгі уақыт аралығында уақытша тоқтатылады.
Қала тұрғындарынан қажетті ауыз су көлемін жинап алуларыңызды және атқарылатын жұмыстарға түсінікпен қарауларыңызды сұраймыз.
<img src="https://kyzylorda-news.kz/wp-content/uploads/2021/08/gaz-scaled.jpg" alt="" />

Қызылордада уақытша су тоқтайды

<a href="https://kyzylorda-news.kz/">Kyzylorda-news.kz</a>. Күз келісімен ауылдағы шаруалар жаздай баптап, өсірген көкөніс, жеміс-жидегін жинап, алған өнімін сатады. Солардың бірі – Майдакөл ауылының тұрғыны Талап Дүзбаев. Бүгінгі күнге дейін «Дүзбаев» шаруа қожалығы өздері еккен 30 тонна қарбызды аудан тұрғындарына сатқан.
Шаруашылық бригадирі Талап Дүзбаевтың айтуынша, ағайындарымен бірге жыл сайын 15 гектар жерге бақша дақылдарын егеді. Оның ішінде қарбыз егуге көбірек басымдық береді. Себебі дәмі тіл үйіретін шаруашылықтың қарбыздарына сұраныс жоғары.
<blockquote>
 «Жер құнарлы болғандықтан, бақша өнімдерін күтіп-баптауда қиындықтар болмады. Сол еңбегіміздің жемісін көріп, алған өнімдерімізді жақын елді мекендермен қатар, Арал ауданына апарып сатып жатырмыз. Тұрғындар біздің қарбызға өте жоғары баға береді. Біздің қарбызды ғана сатып алып жатады. Бау-бақшаға суды «Бозарық» каналынан насоспен тартып, суарамыз. Биыл жаздай бақшаны күтіп-баптау, арам шөбін отау, өнімді жинау, басқа да жұмыстарды отбасымызбен атқардық», – дейді Талап Дүзбаев.
</blockquote>
<img src="https://kyzylorda-news.kz/wp-content/uploads/2021/08/karbyzz.jpg" alt="" />

Қазалының қарбызы

<a href="https://kyzylorda-news.kz/">Kyzylorda-news.kz</a>. Қуаңышлыққа байланысты Арал ауданына жер-жерден жем-шөп жөнелту, көмек көрсету толастар емес. Бұл игі іс әлі де жалғасын табуда.
Биылғы жылы Шиелі ауданы бойынша 2021-2022 жылға қысқа түсетін шартты 74 100 малға 133 400 тонна шөп, 28 000 тонна сабан, 49 400 тонна жем дайындау жоспарланған. Мұнан бөлек, Арал ауданынының Қосжар, Райым, Жетес би ауылдық округтеріне шөп жіберу жұмыстары өз деңгейінде жүзеге асуда. Мәселен, Шиелі ауданынан бүгінгі күнге дейін жіберілген шөп 115 тоннаны құрап, аралдық ағайынға үлестірілген болатын. Бұл үрдіс жалғасын тауып, 21 тамыз күні Арал ауданында өтетін жем-шөп сату жәрмеңкесіне Шиеліден 8 көлік шөп, 1 жем тиелген жүк көлігі жөнелтілді. Алайда, бұл жолы жеткізілген жем-шөп халыққа үлестірген жоқ, керісінше арзан бағада саудаланды. Жәрмеңкеге барған шөптің салмағы 85 тонна болса, жем ретінде саналған күріш кебегі 3 тоннаны құрады.

Шиеліден Аралға 85 тонна шөп жөнелтілген

<a href="https://kyzylorda-news.kz/">Kyzylorda-news.kz</a>. Биыл&nbsp;әліппе қайта оралды.&nbsp;Мамандардың айтуынша, ол Ахмет Байтұрсынұлының 1912 жылы шыққан оқулығының түпнегізінде жасалған, деп хабарлады&nbsp;<a href="https://elorda.info/newsqaz/24082021/120026/97741.html">Елорда Инфо</a>.
Сонымен, қазіргі әліппеде ұлт ұстазының кітабында ұстанған дыбыстық әдіс идеясы бар екен. Ондағы әріптердің орналасуы оңайдан қиынға бағытталған. Енді балалар сөйлем құрауды оңай игере алуы тиіс.
<blockquote>
 «Ахмет Байтұрсынұлы ұсынған оңтайлылықпен әліппенің қысқа мерзімде игерілетін тәртібі басшылыққа алынды. Бағдарламада осындай идеялар тұжырылымдаған соң, орталыққа 5 баспалық нұсқалар келді. Біз өткен жылдың қарашасы мен биылғы сәуір аралығында осы жұмысқа сараптама жүргізгенбіз», – дейді БҒМ Білім мазмұнын сараптау орталығының директоры Елдос Нұрланов.
</blockquote>
Жаңартылған әліппеде заманауи технология да ескерілген. Оқулықтың әр бетінде QR-код бар. Оны сканерлеп, аудиожазбалар тыңдауға да мүмкіндік бар. Тіпті тапсырмалар да жалпылама берілмей, оқушыға қосымша ретінде арнайы дискте ұсынылады.
<blockquote>
 «Жұрт шулап, қазақ мектебінің ұлттық негізін 3-4 жыл іздеді. Әліппенің оралуы мен үшін жақсылық нышаны. Білім саласына ұлттық иістің оралуы деп ойлаймын. Білім саласында ұлттық тәрбие мен ұлттық менталитет өзегі болмаса, біз ешқашан ұлттық мемлекет болмаймыз», – дейді Нұр-Сұлтан қаласы №90 мектеп-гимназиясының директоры Аятжан Ахметжан.
</blockquote>
Жаңа оқулықтағы әріптердің реті өзгерген. Алғашқы «А» әрпінен кейін кезек бұрынғыдай «Б»-ға емес, «Р» әрпіне тиеді. Себебі Ахмет Байтұрсынұлы балаға әуелі «Ар» сөзін үйрету маңызды деген.
Ескерте кетсек, жаңарған оқулықтың алғашқы данасы мектеп табалдырығын енді аттағалы отырған балалардың қолына ертең, яғни 25 тамызда тиеді.

Жаңа әліппе оқушылардың қолына ертең тиеді

<a href="https://kyzylorda-news.kz/">Kyzylorda-news.kz</a>. Жыл басынан бері Қызылорда облысы бойынша 14 859 адамның індет жұқтырғандығы анықталса, бүгінде оның 82 пайызы жазылған. Ал, пневмониямен ауырған 2019 науқастың 1741-і яғни 86,2% емделіп шықты. Бұл туралы бүгін Өңірлік коммуникациялар қызметінде өткен баспасөз конференциясында облыстық денсаулық сақтау басқармасы басшысының орынбасары Жалғасбек Үсенов мәлімдеді.
Аймақтағы эпидемиологиялық ахуал қатаң бақылауда. Қазіргі таңда инфекциялық төсек-орын саны 2160, оның ішінде реанимациялық төсек-орын саны 164, бүгінге жүктеме 49,5 пайызды құрап отыр. Резервтік орын санын қосқанда 3200 төсек-орны әзірленіп, оның 518 орны орталықтандырылған оттегімен жабдықталған.
<blockquote>
 «Облыста режимді түрде 6 оттегі шығару станциясы жұмыс жасауда. Дәрі-дәрмек қоры қалыптасқан. Коронавирус инфекциясына қарсы күрес жұмыстарына қажетті медициналық кадрлар мен құрал жабдықтар жеткілікті. Атап айтқанда, медициналық ұйымдар 686 оттегі концентратор, 251 ӨЖЖ, 8 компьютерлік томограф, 66 рентген аппаратымен қамтылған. 11 ПТР аппараты іске қосылған. Тәулігіне 1300-1500 аралығында сынама алынуда. Қажеттілік туындағанда зерттеу санын 3500-ге дейін жеткізуге мүмкіндігіміз бар», – деді облыстық денсаулық сақтау басқармасы басшысының орынбасары.
</blockquote>
Сонымен қатар, облыста ұжымдық иммунитетті қалыптастыру мақсатында екпе алуға қабілетті 401 мың тұрғынның 65,9%-ы яғни 264 502 адам вакциналанды.
<img src="https://kyzylorda-news.kz/wp-content/uploads/2021/08/238886387_1356981491364026_818968500033162753_n.jpg" alt="" />

Қызылордада бүгінге дейін 14 859 адам коронавирус инфекциясын жұқтырған

<a href="https://kyzylorda-news.kz/">Kyzylorda-news.kz</a>. Үкімет «2022-2024 жылдарға арналған республикалық бюджет туралы» заң жобасын мақұлдады, деп хабарлайды&nbsp;<a href="https://sputnik.kz/">Sputnik Қазақстан</a>. &nbsp;
Қаржы министрі Ерұлан Жамаубаевтың айтуынша, заң жобасы халықтың әл-ауқатын жақсартуды және экономиканы біртіндеп қалпына келтіруді көздейді. Қазіргі болжам бойынша келесі жылы бюджетке түсетін қаржы 431 миллиард теңгеге ұлғаяды. Осылайша жалпы көлемі 13 триллионға жетеді. Соның ішінде мұнайдан басқа салалардан алынатын түсімдерді барынша арттыру жоспарланған. Ал мұнайдан түсетін ақшаны Ұлттық қорға көбірек салу қажет. Сондықтан қордан алынатын қаражаттың көлемі біртіндеп азаяды.&nbsp;
<blockquote>
 «Келесі жылы Ұлттық қордан кепілдендірілген трансферт 2,4 триллион мөлшерінде болады. Ол біртіндеп 2024 жылы 2 триллион теңгеге дейін төмендейді», – деді Жамаубаев үкіметтің бүгінгі отырысында. &nbsp;
</blockquote>
Ал трансферттерді есептемегенде республикалық бюджеттің түсімдері 2022 жылы 9,2 триллион, 2023 жылы 9,7 триллион, ал 2024 жылы 10,4 триллион теңгені құрайды.
<blockquote>
 «Бюджет тапшылығы 2022 жылы жалпы ішкі өнімнің 3,3 процентінен кезең-кезеңімен 2024 жылы жалпы ішкі өнімнің 2,5 процентіне дейін төмендейді деген жоспар бар. Ал шығыстар 2022 жылы 577 миллиард теңгеге ұлғая отырып, 15,9 триллионды құрайды», – деп атап өтті Жамаубаев. &nbsp;
</blockquote>
Министр әлеуметтік салаға бөлінетін бюджет қаржысы сол күйінде сақталатынын ерекше атап өтті. Оның көлемі барлық шығыстың 50 процентін құрайды.
<blockquote>
 «Осылайша келесі жылы 2021 жылдың бюджетіне қарағанда әлеуметтік шығыстар 515 миллиард теңгеге өсе отырып, 8 триллион теңге көлемінде жоспарланды. Шығыстың өсуі жыл сайынғы индекстеуге, зейнетақы мен жәрдемақы алушылардың көбеюіне, сондай-ақ мұғалімдер мен дәрігерлер жалақысының көтерілуіне байланысты болып отыр», – деді Жамаубаев.
</blockquote>
Министрлер кабинеті заң жобасын бірауыздан мақұлдады. Енді құжат парламент мәжілісінің қарауына енгізіледі.

Үкімет зейнетақы мен жәрдемақыға қатысты заң жобасын мақұлдады

<a href="https://kyzylorda-news.kz/">Kyzylorda-news.kz</a>. Қызылордада құтқарушылар дарияға суға түсіп, жағаға жете алмай қалған адамды құтқарды. Бұл туралы Қызылорда облыстық Төтенше жағдайлар департаменті Өрт сөндіру және авариялық-құтқару жұмыстары қызметінің баспасөз хатшысы Әлия Ережепова хабарлады.
23 тамыз күні сағат 00.55-те қоңырау шалынып, облыс орталығындағы сол жағалауға баратын көпірдің астында 1998 жылғы азаматтың суға түсіп, жағаға жете алмай қалғаны жөнінде айтылған.
Оқиға орнына жедел құтқару жасағынан 5 құтқарушы барған. Оқиға орнына жеткен құтқарушылар Сырдария өзеніндегі көпірден шамамен 300 метр жерден жағалауға шыға алмай қалған адамды анықтады.
<blockquote>
 «Түнгі суықта тоңып қалған оны құтқарушылар зембілмен тасымалдап, жедел жәрдем қызметкерлеріне тапсырды», – делінген хабарламада.
</blockquote>

Қызылорда: Жағаға жете алмаған жігітті төтеншеліктер құтқарды

<a href="https://kyzylorda-news.kz/">Kyzylorda-news.kz</a>. ҚР Денсаулық сақтау министрі Алексей Цой Үкімет отырысында қазақстандықтарды вакцина алуға үндеді, деп хабарлайды <a href="https://www.inform.kz/kz/reanimaciyada-zhatkandardyn-95-payyzy-vakcina-almagandar-aleksey-coy_a3827544">ҚазАқпарат</a>.
<blockquote>
 «Ауру жұқтыру деректерін талдау жұмыстары вирус жұқтырғандар мен коронавирусты ауыр өткеріп жатқан науқастардың негізгі үлесі вакцина алмағандарға тиесілі екенін көрсетті. 1 ақпаннан бері коронавирус жұқтырғандардың жалпы санында вакцина алмаған науқастардың үлес салмағы 97,5 пайыз болған. Ал вакцина алғандардың үлесі 2,5 ғана. Корнавирус инфекциясын ауыр өткеріп жатқандар бойынша да жағдай осыған ұқсас. Реанимацияда жатқандар мен өкпені жасанды желдету құрылғысына жалғанғандардың 95 пайызы вакцина алмаған адамдар. Осы айтылған деректер вакциналаудың тиімді екенін тағы да әйгілеп тұр», – деді министр.
</blockquote>
Сондай-ақ ол, вакцина алу мәселесін кейінге шегеріп жүрген адамдарға үндеу тастады.
<blockquote>
 «Осыған байланысты тағы да халыққа айтқым келеді. Осы күнге дейін вакцина алмаған азаматтарды вакцина бойынша дұрыс шешім қабылдап, екпе алуға шақырамын. Бұл бәрімізге денсаулығымызды сақтап қана қалмай, жақындарымыздың амандығына да кепіл болады», – деді Алексей Цой.
</blockquote>
Сондай-ақ, ол Үкімет отырысында ел аумағындағы екпе пункттерінде коронавирус вакцинасының қанша дозасы бар екенін айтқан болатын.
<blockquote>
 «Барлық екпе пункттерінде бірінші компоненттің 1,4 млн дозасы, екінші компоненттің 940 мың дозасы бар. Жеткізу кесте бойынша жалғасып жатыр», – деді Алексей Цой.
</blockquote>
Барлық құқықтар қорғалған. inform.kz белсенді сілтемені пайдаланыңыз&nbsp;<a href="https://www.inform.kz/kz/reanimaciyada-zhatkandardyn-95-payyzy-vakcina-almagandar-aleksey-coy_a3827544">https://www.inform.kz/kz/reanimaciyada-zhatkandardyn-95-payyzy-vakcina-almagandar-aleksey-coy_a3827544</a>

Алексей Цой: Реанимацияда жатқандардың 95 пайызы вакцина алмағандар

<a href="https://kyzylorda-news.kz/">Kyzylorda-news.kz</a>. Қызылордада «Құқықтық тәртіп» профилактикалық іс-шарасы аясында пробация қызметінің есебіндегі 517 сотталған тұрғылықты мекенжайы бойынша тексеріледі.
23-29 тамыз аралығында Қызылорда қалалық пробация қызметі мен Қызылорда қалалық полиция басқармасының жергілікті полиция қызметінің учаскелік полиция инспекторларымен бірлесіп «Құқықтық тәртіп» республикалық профилактикалық іс-шарасы өткізілуде.
Шараның басты мақсаты – бас бостандығынан айырумен байланысты&nbsp; емес жаза түріне сотталғандар тарапынан&nbsp; жасалатын құқық бұзушылықтардың&nbsp; және қайта қылмыстың алдын алу, қоғамдық тәртіпті бұзушылықтардың жолын кесу болып табылады.
Қызылорда қалалық пробация қызметі бастығының орынбасары әділет майоры Г.Жылқамановтың айтуынша, қазіргі таңда пробация қызметінің есебінде 517 сотталған есепте тұр.
“Құқықтық &nbsp;тәртіп” РПШ өткізу кезінде сотталғандармен олардың тұрғылықты жері бойынша мақсатты профилактикалық жұмыстар жүргізіледі. Сонымен қоса қайта қылмыстар мен құқық бұзушылықтар жасауға бейім сотталғандарға ерекше назар аударылуда.
Пробация қызметінің инспекторлары сотталғандар тарапынан бірқатар құқық бұзушылықтарды анықтады. Олардың әрқайсысы бойынша заң талаптарына сәйкес тиісті шаралар қабылданды. Сонымен қатар, іздеуде жүрген сотталған адамдарға қатысты жедел-іздестіру іс-шаралары да жүргізілуде.
Жаза өтеуден қасақана жалтарған &nbsp;бір сотталғанға қатысты сынақ мерзімін ұзарту туралы мәселені шешу туралы, тағы бір сотталғанға қатысты бас бостандығын шектеу түріндегі жазаның өтелмеген бөлігін бас бостандығынан айыруға ауыстыру туралы сотқа ұсыныстар жолданды.

Қызылордада 517 сотталған тұрғылықты мекенжайы бойынша тексеріледі

<a href="https://kyzylorda-news.kz/">Kyzylorda-news.kz</a>. ҚР Премьер-Министрі Асқар Маминнің төрағалығымен өткен Үкімет отырысында ұлттық халық санағына дайындық барысы қаралды, деп хабарлайды <a href="https://egemen.kz/article/286253-khalyq-sanaghy-qalay-otedi">Egemen.kz</a>.
Мемлекет басшысы Қасым-Жомарт Тоқаевтың тапсырмасы бойынша 2021 жылғы 1 қыркүйектен 30 қазан аралығында халық санағын өткізу жоспарлануда.
Санақ процесін автоматтандыру үшін қағаз тасымалдаушылардан толық бас тарта отырып, цифрлық технологиялар қолданылатын болады. Санақ екі тәсілмен жүргізіледі: sanaq.gov.kz арнайы сайтындағы интернет-сауалнама арқылы 45 күн ішінде интернет-сауалнама жүргізу және электронды планшеттерді қолдана отырып, интервьюерлерге әдеттегі жаппай сауалнама жүргізу. Қосымша Aitu Messenger отандық мобильді қосымшасы арқылы санақтан өту мүмкіндігі берілетін болады.
Респонденттер Халыққа қызмет көрсету орталықтарында, әкімдіктерде, пошта бөлімшелерінде, мектептер мен сауда орталықтарында орналасатын арнайы ұйымдастырылған нұсқаулық учаскелерде санақтан өте алады. Санақ жүргізу кезінде 32 мың адам жұмысқа орналастырылады. Үкімет басшысы Алматы және Нұр-Сұлтан қалалары, Қостанай және Шығыс Қазақстан облыстары әкімдіктерінің халық санағына дайындығы бойынша жұмысына оң баға берді.
Сонымен қатар Маңғыстау, Ақтөбе облыстары және Шымкент қаласы әкімдіктерінің тиісті жұмыс қарқынының жеткіліксіздігін атап өтті. Премьер-Министр қысқа мерзімде міндетті вакциналаудан өткен жұмыскерлердің халық санағын өткізу үшін қажетті санын жұмысқа орналастыруды қамтамасыз етуді тапсырды.&nbsp;
Өңірлердің әкімдеріне, Ұлттық статистика бюросына және ішкі істер, денсаулық сақтау министрліктеріне халық санағын өткізу бойынша барлық ұйымдастырушылық мәселелерді пысықтау тапсырылды. Ақпарат және қоғамдық даму министрлігіне Ұлттық статистика бюросымен және әкімдіктермен бірлесіп, халық арасында ұлттық санақтың жүргізілу мақсаты мен тәртібі туралы түсіндіру жұмыстарын күшейту тапсырылды.
<blockquote>
 «Бұл іс-шараның әлеуметтік-экономикалық маңызы зор. Санақ нәтижесі бойынша мейлінше дәл деректер болып табылатын әрі елдегі ахуалды талдауға, болжам жасауға және тиісті шешімдер қабылдауға негіз болатын көптеген көрсеткіштер алынады. Сондықтан еліміздің әр азаматының санаққа қатысуының маңызы өте зор», деді А.Мамин.
</blockquote>

Қазақстан және Қызылорда облысының жаңалықтары