<a href="https://kyzylorda-news.kz/">Kyzylorda-news.kz</a>. Облыстық жастар ресурстық орталығында 2 күнге созылатын бос жұмыс орындар жәрмеңкесі өткізілуде.
Шараның басты мақсаты – жастарды жұмыспен қамту. Жәрмеңкенің ерекшелігі – жергілікті өңірдің жұмыс берушісі ғана емес, Ақтау, Атырау қалаларынан консалтингтік компанияларынан өкілдер келіп, өз жұмыстарын ұсынуда. Бұл туралы бүгін Өңірлік коммуникациялар қызметінде өткен баспасөз конференциясында облыстық жастар ресурстық орталығының директоры Азамат Мукеев мәлімдеді.
Жастардың ең өзекті мәселесі – жұмыспен қамту. Бүгінде жұмыссыздық деңгейі 4,2 пайызды құрап отыр.
«Жастардың жұмыссыздық деңгейін төмендету және NEET санатындағы жастармен жұмыс жүйеленіп келеді. Орталық жанынан бос жұмыс орындарының ақпараттық базасын қалыптастыру мақсатында жұмысын бастаған әлеуметтік желілердегі «@Jastargajumys11» парақшасы арқылы 1000-ға жуық қызылордалық нақты ақпаратпен қамтамасыз етілді. «Жас еңбек құрылысшылар жасағы» аясында 90 жас тұрақты және маусымдық жұмыстарға орналасты», – дейді Азамат Ырысдәулетұлы.
Жастардың әлеуметтік санаттарын анықтау үшін адрестік жұмыстар да жүргізілуде. Осыған орай, жергілікті 63 624 жастың 15 491-імен бетпе-бет ақпарат алмасу процесі жүргізіліп, қала жастарына қатысты ақпараттық база жасақталды. Ал, аудандардағы жастардың әлеуметтік санаттарын анықтау мақсатындағы мониторингтік топтардың жұмысы шілде айының соңына дейін жалғасады.

«Жас еңбек құрылысшылар жасағы» аясында  90 жас жұмыспен қамтылды

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 1453 адам коронавирустан жазылды.
Аймақтар бойынша:
Нұр-Сұлтан қаласы – 470,
Алматы қаласы – 102,
Шымкент қаласы – 65,
Ақмола облысы – 32,
Ақтөбе облысы – 35,
Алматы облысы – 29,
Атырау облысы – 94,
Шығыс Қазақстан облысы – 61,
Жамбыл облысы – 15,
Батыс Қазақстан облысы – 158,
Қарағанды облысы – 257,
Қостанай облысы – 35,
Қызылорда облысы – 17,
Маңғыстау облысы – 33,
Павлодар облысы – 27,
Солтүстік Қазақстан облысы – 11,
Түркістан облысы – 12.
Қазақстан бойынша жазылғандар саны – 399279.

COVID-19: Өткен тәулікте 17 қызылордалық жазылып шықты

<a href="https://kyzylorda-news.kz/">Kyzylorda-news.kz</a>.&nbsp; Қазақстанда өткен тәулікте 2765 адамнан ПТР арқылы коронавирус анықталды, деп хабарлайды&nbsp;<a href="https://www.coronavirus2020.kz/kz/kazakstandagy-koronavirus-boyynsha-2-shilde-23-59-dagy-epidemiologiyalyk-zhagday_a3808158">coronavirus2020.kz</a>.
Аймақтар бойынша:
Нұр-Сұлтан қаласы – 797,
Алматы қаласы – 385,
Шымкент қаласы – 131,
Ақмола облысы – 98,
Ақтөбе облысы – 35,
Алматы облысы – 88,
Атырау облысы – 137,
Шығыс Қазақстан облысы – 83,
Жамбыл облысы – 37,
Батыс Қазақстан облысы – 157,
Қарағанды облысы – 463,
Қостанай облысы – 53,
Қызылорда облысы – 33,
Маңғыстау облысы – 142,
Павлодар облысы – 65,
Солтүстік Қазақстан облысы – 20,
Түркістан облысы – 41.
Жалпы ел бойынша ауырғандар саны 430928.

Қызылордада 33 адам коронавирус жұқтырды

<a href="https://kyzylorda-news.kz/">Kyzylorda-news.kz</a>.&nbsp; Қазгидромет мәліметіне сәйкес, 3-5 шілде аралығында сынап бағанасы 45 градусқа дейін көтеріледі.
<blockquote>
 “Солтүстікте, солтүстік-батыс пен орталықта түнде +15+23℃, күндіз плюс +35+40℃. Шығыста түнде 12+20℃-тан +17+25°С-қа дейін жетеді. Күндіз +27+35℃, кей жерлерде 30+38°С ыстық болады”, – деп хабарлады синоптиктер.
</blockquote>
Құтқарушылар Қызылорда, Түркістан, Маңғыстау, сондай-ақ Атырау, Жамбыл, Ақтөбе облыстарының басым бөлігі мен Қарағанды, Батыс Қазақстан, Қостанай облыстарының кей жерлерінде, Алматы облысының кейбір аудандарында өрт қаупі жоғары екенін ескертеді.
Елордада&nbsp;3 шілде&nbsp;күні түнде +22+25 градус, күндіз +33+35 градус ыстық болады.&nbsp;Жексенбі&nbsp;күні күндіз сынап бағанасы 36 градусқа дейін көтеріледі.&nbsp;5 шілдеде&nbsp;түнде +23, күндіз +35 градус ыстық.&nbsp;
Алматыда&nbsp;сенбі&nbsp;күні түнде +24 градус, күндіз +33 градусқа дейін ыстық болады.&nbsp;4 шілдеде&nbsp;күн ашық, күндіз шамамен плюс 32 градус.&nbsp;Дүйсенбі&nbsp;күні +34 градус.
Шымкентте 3 шілдеде&nbsp;түнде 28 градус нөлден жоғары, күндіз 39 градус ыстық.&nbsp;Жексенбі&nbsp;күні түнде +27, күндіз плюс 40 градус.&nbsp;5 шілдеде&nbsp;күндіз ауа температурасы +39℃ шамасында болады.

Қазақстанда аптап ыстық болады

<a href="https://kyzylorda-news.kz/">Kyzylorda-news.kz</a>. Нұр-Сұлтанның бас мемлекеттік санитар дәрігерінің қаулысына сәйкес, жабық орындар мен концерт залдардағы іс-шараларға тыйым салынған.
Толымдылығы 20%-тен аспайтын театрлардың, сонымен бірге ПТР-тесттері бар жылжымалы концерттердің жұмысына ғана рұқсат етіледі.
Сол сияқты Ashyq жобасы негізінде карантин шараларын қатаң түрде сақтай отырып, ашық ауада өтетін іс-шараларға рұқсат етіледі.

Елорда күніне арналған іс-шаралар онлайн форматта өтеді

<a href="https://kyzylorda-news.kz/">Kyzylorda-news.kz</a>. Бүгін аудандарға жұмыс сапары аясында облыс әкімі Гүлшара Әбдіқалықова Жалағаш ауданына аялдап, Жалағаш кентін газға қосу рәсіміне қатысып, ауыл тұрғындарының қуанышына ортақтасты. Ерекше күнде ауыл ақсақалы Оспан Жанұзақов игі істердің жалғасын тауып, ел несібесінің мол болуын тілеп, көпшілікке ақ батасын арнады.
Елді мекендерді газға қосу Nur Otan партиясының сайлауалды бағдарламасында көзделген. Жалағаш кентінің газдандыру жұмыстарына 3 млрд. 691 млн. теңге бөлініп, бас мердігер «StroyGazCompany» ЖШС құрылыс жұмыстарын толық аяқтады.
Мұнан соң облыс әкімі жаңадан салынған жабық бассейн кешенін ашты. Жаңа үлгідегі бассейн халық игілігіне қызмет етіп, салауатты өмір салтын ұстануға септігін тигізеді деп сенім білдірген Гүлшара Әбдіқалықова бұл нысан Астана күніне тарту болып отырғанын тілге тиек етті.
Жеке кәсіпкер Қайыржан Құлтекеновтың жеке қаражаты есебінен салынған басейннің жоба құны 350,3 млн. теңгені құрайды. Жүзу бассейнінде бір уақытта 20 адам қабылдауға мүкіндігі бар. Алдағы кезеңде оқушыларға арналған тегін жүзу үйірмесі ашылмақ. Үйірмеге 20-ға жуық оқушы қабылданып, көпбалалы, ата-анасының қамқорлығынсыз қалған отбасының балаларына жеңілдіктер қарастырылған. Сонымен бірге мүгедектігі бар азаматтар мен қарттарға күніне 1 сағат тегін кіруге жағдай жасалған.
Шара барысында ардагер Раушанбек Смағұлов аудан тұрғындары атынан алғысын жеткізіп, батасын берді. 
Іссапары кезінде облыс әкімі Рәміздер алаңының құрылыс жұмыстарын көріп, «Бизнеске арналған Үкімет» кәсіпкерлер Үйі жұмысымен танысты. Сонымен бірге алдағы ауыл әкімдерінің сайлау науқанына дайындық барысын саралады.
Аймақ басшысының жұмыс сапары Аққыр ауылдық округінде жалғасты. Мұнда ауыл тұрғындарымен кездесіп, дәрігерлік емхананың жұмысын көріп, екпе жұмыстарының қарқынын бағдарлады. Кездесуде ауылдың әлеуметтік-экономикалық жағдайы талқыланды, маңызды мәселелер көтерілді. Округ тұрғындары ауылдық клубтың қажеттілігін айтып, ұсынысын білдірді. Өз кезегінде облыс әкімі әлеуметтік нысандарды салу Nur Otan партиясының сайлауалды бағдарламасында айқындалғандықтан, сұранысқа сай жаңа ғимараттарды салу кезектілікпен жүргізілетінін атап өтті. Сондай-ақ, Жаңаталап және Мырзабай ахун ауылдық округтерінде де тұрғындармен кездесіп, мәселелерді саралады. Мырзабай ахун тұрғыны, еңбек ардагері Қасым Кәрімбаев Астана күні мерекесіне орай Сыр еліне арнап құттықтау лебізін жеткізді.
<blockquote>
 «Қазақта «біріккен білек жер қопарады» деген әдемі тәмсіл бар. Елдің бірлігінің арқасында биыл Тәуелсіздік алғанымызға 30 жылдығын қарсы алып отырмыз. Бұл жылдары еліміздің әлеуметтік-экономикалық жағдайы нығайып, бірқартар жетістіктерге жеттік. Елбасы Нұрсұлтан Әбішұлының туған күнімен түспа-тұс келген Астана күні баршамызға құтты болсын. Елімнің амандығын, Тәуелсіздігіміздің мәңгі болуын тілеймін», – деді ардагер.
</blockquote>
<img src="https://kyzylorda-news.kz/wp-content/uploads/2021/07/207176910_3496335527136158_338267116150071040_n.jpg" alt="" />
Мұнан өңір басшысы Мырзабай ахун ауылдық округіндегі алма бағына аялдады. Алма бағында биыл 12 гектарға 8 мың түп алма егілген. Жеке кәсіпкер Ерұлан Өмірсеріков жеміс алғашқы өнім 2023 жылы беріледі деген ниетте. Облыс әкімі алма бағының иесіне сәттілік тілеп, жеміс-жидек өнімін өндіру арқылы жергілікті нарықты толтырудың қажеттілігін атап өтті.
Жұмыс сапары соңында облыс әкімі Гүлшара Әбдіқалықова аудан әкімі Асылбек Шаменовке су тапшылығына байланысты егін алқаптарын суару жұмыстарын кестеге сәйкес жүргізу, вакцинация жұмыстарын кең көлемде ұйымдастыруды тапсырды.
<img src="https://kyzylorda-news.kz/wp-content/uploads/2021/07/207264591_3496330953803282_6677751180603608012_n.jpg" alt="" />
<img src="https://kyzylorda-news.kz/wp-content/uploads/2021/07/210197746_3496310007138710_8597974276359898896_n-1.jpg" alt="" />
<img src="https://kyzylorda-news.kz/wp-content/uploads/2021/07/207095688_3496331817136529_8561223229807991959_n.jpg" alt="" />
<img src="https://kyzylorda-news.kz/wp-content/uploads/2021/07/211872924_3496332830469761_5592735637175964920_n.jpg" alt="" />

Жалағашта жабық бассейн кешені ашылды

<a href="https://kyzylorda-news.kz/">Kyzylorda-news.kz</a>. Бүгін Жосалы кенті тұрғындары көгілдір отынның игілігін көруде. Облыс әкімі Гүлшара Әбдіқалықова Қармақшы ауданына жұмыс сапары аясында Жосалы кентін газға қосу салтанатты шарасына қатысты. Тұрғындарды қуанышымен құттықтаған аймақ басшысы кент орталығына қосылып жатқан алау отын әр отбасына жылу сыйлап, халықтың тынымсыз еңбектің мехнатынан арылатын күнге жеткенін атап өтті.
<blockquote>
 «Баршаңызды келе жатқан 6 шілде – Астана күнімен шын жүректен құттықтаймын! Мерейлі мереке қарсаңында бүгін екі аудан орталығы Жосалы және Жалағаш кенттеріне көгілдір отын берілгелі тұр. Осы тарихи сәтпен аудан тұрғындарын шын жүректен құттықтаймын! 
 Елбасы, ҚР Тұңғыш Президенті Нұрсұлтан Әбішұлы Назарбаевтың қолдауымен басталған ірі стратегиялық маңызы бар «Бейнеу-Шымкент» магистралды құбыры Сыр елін газдандыруға зор мүмкіндік берді. Облыс аумағынан өтетін 846 шақырымдық газ құбыры Қызылорда облысына жол ашты. 
 Облысымызда Арал, Қазалы, Сырдария, Шиелі, Жаңақорған аудандарының орталықтары мен Байқоңыр қаласы және 9 ауылдық елді мекендер көгілдір отынға қосылды. Жалпы жыл соңына дейін Қазалы қаласын, Шиелі ауданының Бекежанов және Қодаманов ауылдарын толықтай газбен қамтамасыз етіп, тұрғындарлың газ тұтыну үлесін 67,4 пайызға жеткізетін боламыз»,-деді облыс әкімі Гүлшара Әбдіқалықова.
</blockquote>
Айта кетейік, өткен жылы Арал ауданындағы Жақсықылыш, Қазалы ауданындағы Мұратбаев және Шиелі ауданындағы Байсын елді мекендері газге қосылды. Нәтижесінде 8 мыңға жуық тұрғын көгілдір отынның игілігін көруге мүмкіндік алды. Ал, биылғы жылдың ақпан айында 11 мың тұрғын бар Сырдария ауданы Тереңөзек кенті табиғи газ тұтынуға мүмкіндік алды. Алдағы кезеңде Төретам кенті мен Ақай ауылын газдандыру жоспарлануда. 
Салтанатты шарада Қармақшы ауданының ардагері Қаршыға Есдәулет Тұңғыш Президент – Елбасы Нұрсұлтан Әбішұлы Назарбаевтың сарабдал саясатының нәтижесінде Тәуелсіздік жылдарында еліміз елеулі жетістіктерге жеткенін атап өтіп, Астана күніне арналған ақжарма тілегін жеткізді.
Елді мекендерді газға қосу Nur Otan партиясының сайлауалды бағдарламасында көзделген. Жосалы кентіндегі кварталішілік газдандыру жұмыстарын бас мердігер – «Энергоресурс» ЖШС мамандары атқарып, республикалық және облыстық бюджеттен 2,69 млрд. теңге қаржыға жұмыстарды аяқтады.
Мұнан кейін аймақ басшысы Қармақшы ауданына жұмыс сапары барысында Тәуелсіздік ықшам ауданындағы көп балалы отбасыларға арналған тұрғын үйлер құрылысының жұмысымен танысып, құрылыс заттарының сапасына мән беруді және құрылысты уақытылы аяқтауды тапсырды. Аталмыш үйлер ағымдағы жылдың аяғында пайдалануға беріледі деп жоспарлануда. Әр үйдің көлемі 68,7 шаршы метрді құрайды.
Одан кейін Гүлшара Әбдіқалықова Иіркөл және Ақжар ауылдық округтеріне барды. Иіркөл ауылында тұрғындармен кездесіп, елдің тыныс-тіршілігіндегі маңызды мәселелерді бағамдады. Ауыл ақсақалдары аяқ су мәселесін алға тартты. Өз кезегінде облыс әкімі аяқ су мәселесін түбегейлі шешу жолдарын қарап, кезең-кезеңімен реттелетінін айтып, егін алқабына суды жеткізудің мөлшерін үнемдеу қажеттігін еске салды. Сонымен бірге індеттің таралу деңгейі бәсеңсімей тұрғанын жеткізіп, екпе егудің маңыздылығына тоқталды.
Сапары кезінде Гүлшара Әбдіқалықова Ақжар ауылында «Ақжар» шаруа қожалығының егіс алқабындағы шаруашылық жұмысын көріп, мамандармен тілдесті.
Бірқатар нысандарды аралаған аймақ басшысы аудан әкімі Мұса Қалдарбековке құрылыс, су тапшылығына байланысты егін шаруашылығына қажетті шараларды уақытылы әрі судың бөлінісін үнемдеп пайдалану бағытында жұмысты үйлестіруді тапсырды.
<img src="https://kyzylorda-news.kz/wp-content/uploads/2021/07/207616084_3496307993805578_3688670627067454066_n.jpg" alt="" />
<img src="https://kyzylorda-news.kz/wp-content/uploads/2021/07/207502510_3496309190472125_2562795577050320920_n.jpg" alt="" />
<img src="https://kyzylorda-news.kz/wp-content/uploads/2021/07/207628056_3496311287138582_8265496793298597161_n.jpg" alt="" />
<img src="https://kyzylorda-news.kz/wp-content/uploads/2021/07/210197746_3496310007138710_8597974276359898896_n.jpg" alt="" />

Жосалы кенті көгілдір отынға қосылды

<a href="https://kyzylorda-news.kz/">Kyzylorda-news.kz</a>. «Қазақстан Халық партиясы» Қызылорда облыстық филиалының кезектен тыс ХVIІ конференциясы өтті.
Оған ҚХП облыс бойынша филиалының төрағасы Талғат Телеубаев, ҚХП-ның аудандар бойынша өкілдіктерінің төрағалары қатысты.
Жиын барысында Қызылорда облысындағы ауылдық округ әкімдеріне «Қазақстан Халық партиясынан» ұсынылған кандидаттардың тізімі бекітілді. Партия жарлығының талаптарына сәйкес конференция шешімі бойынша кент және ауылдық округ әкімдігіне үміткерлер анықталып, жергілікті сайлау комиссиясына тапсырылатын құжаттар пысықталды.
Партия атынан сайлауға түсетін үміткерлердің тізімі төмендегідей:
Қармақшы ауданы Ақай ауылдық округіне Дәулет Қауысов, Шиелі ауданы Талаптан ауылына Данияр Баржақсиев, Майлытоғай ауылына Абылайхан Сақтағанов, Жаңақорған ауданы Келінтөбе ауылдық округіне Қайрат Нәлібаев, Кейден ауылына Сырлыбек Кенжебай кандидат болып бекітілді.
<img src="https://kyzylorda-news.kz/wp-content/uploads/2021/07/85bdea63-1211-491f-805a-6de713baf5d3.jpg" alt="" />

«ҚХП»: Қызылорда облысы бойынша сайлауға түсетін кандидаттар тізімі бекітілді

<a href="https://kyzylorda-news.kz/">Kyzylorda-news.kz</a>. Мәдениет және спорт министрі Ақтоты Райымқұлова Токиодағы Олимпиада ойындарында жеңімпаз атанатын спортшыларды қандай сыйақы күтіп тұрғанын айтты.
Орталық коммуникациялар қызметінде өтіп жатқан брифингіде Мәдениет және спорт министрі Олимпиада жүлдегерлері мен бапкерлерін ынталандыру ережесі қалай іске асатынын еске салды.
<blockquote>
 «Бұл жолғы Олимпиада жеңіске еткен спортшыларға, олардың ұстаздарына, бапкерлеріне арналған әрбір спорт түрі бойынша сыйақы беру туралы ережелер қабылданған болатын. Өздеріңіз білесіздер, осы құжат бойынша бірінші орын спортшы мен бапкер үшін 250 мың доллардан беріледі. Соның ішінде бапкерлердің төлемақысынан 10 пайызы спортшыны ең бірінші тапқан бапкерге беріледі. 80 пайызы спортшыны дайындаған бапкерге беріледі. Қалған 10 пайызы осы 150 мың доллардан, осы спорт түрінен бас бапкерге төленеді», – деді министр.
</blockquote>
Ведомство басшысы бұл жерде Олимпиада медалі нақты адал жолмен алынғаны маңызды екенін атады.
<blockquote>
 «Екінші орынға 150 мың доллар, үшінші орын 75 мың доллар болып азая береді. Әрине, өзіңіз айтқандай, ең алдымен спорт жетістігінің нақты екені дәлелденген кезде бұл сыйақы төленеді. Заңды түрде осылай негізделген», – деді министр.
</blockquote>
ҚазАқпарат.

Токиода жүлдеге іліккен спортшыларға қанша сыйақы беріледі?

<a href="https://kyzylorda-news.kz/">Kyzylorda-news.kz</a>. Бүгін Шардарадан секундына 350 м³ су облыс шекарасына жіберілді. Яғни Сырдария өзенінің төменгі ағысына 10 шілде күні келеді. Ал Көксарайдан 150 м³/сек су жіберіліп, барлығы 500 м³/сек құрайды. Бұл туралы Өңірлік коммуникациялар қызметінің алаңында өткен брифингте Арал-Сырдария бассейндік инспекциясының басшысы Сейілбек Нұрымбетов мәлімдеді.
<blockquote>
 «Облыс шекарасына Көктөбе су бекеті арқылы секундына 540 текше метр су келуде. Бұған қоса, Қазалы су торабына дейін каналдармен алынып жатқан су көлемі секундына 88,64 текше метр құрайды. Аймаққа келетін суды есептеп, жоспарын жасадық. Бүгінде егіске суды жіберу үшін кесте бойынша жұмыс істеудеміз»,-деді Сейілбек Серғазыұлы.
 «Облыс бойынша каналдармен алынатын су көлемі 432,83 м3/сек құрап, 31,95 м3/сек кем алынуда. Су тапшылығы жағдайында мүмкіндігінше суды үнемді, шығынсыз пайдалану мақсатында әрбір аудандағы канал бойында суды реттеу жұмыстары жүргізілуде. Бүгінде шаруа қожалықтары өз қаражаты есебінен насос арқылы каналдар мен коллекторлардан су алуда» ,-деді «ҚАЗСУШАР» РМК Қызылорда облыстық филиалы директорының орынбасары Жорабек Ерназаров.
</blockquote>

Қызылорда облысына  540 текше метр су келуде

<a href="https://kyzylorda-news.kz/">Kyzylorda-news.kz</a>.&nbsp; Шілде&nbsp;айында ауаның орташа айлық температурасы республиканың басым бөлігінде нормадан 1-2° жоғары, еліміздің солтүстік жартысында норма шамасында болады деп күтілуде.
Ай бойы Қазақстан аумағы бойынша ауа райының антициклоналды түрі басым болады деп болжанады, ыстық және жауын-шашын аз болуы күтілуде, тек жекелеген күндері циклондардың өтуімен қысқа мерзімді найзағаймен жазғы жаңбыр күтіледі, желдің 15-25 м/с күшеюі болжанады.
Республиканың батысында&nbsp;шілде&nbsp;айының бірінші онкүндігінде ауа температурасының біртіндеп төмендеуі болжанады, түнгі сағаттарда термометр бағаналары +19+28°С-тан +12+23°С-қа дейін,&nbsp;күндіз&nbsp;+30+38°С, оңтүстік-батыста +41°С-тан +24+32°С-қа дейін төмендейді.
Қазақстанның&nbsp;солтүстік-батысында,&nbsp;солтүстігінде&nbsp;және&nbsp;орталығында&nbsp;ауа температурасы:&nbsp;түнде&nbsp;+15+25°С,&nbsp;күндіз&nbsp;+33+38°С, кей жерлерде +41°С;&nbsp;еліміздің&nbsp;оңтүстік жартысында түнде&nbsp;+20+30°С,&nbsp;күндіз&nbsp;+37+45°С, таулы аудандарда +30°С, бірінші онкүндіктің соңында ауа температурасының 10-15°С төмендеуі болжанады.
Ыстық ауа райы ҚР&nbsp;шығысына&nbsp;жетеді ауа температурасы&nbsp;түнде&nbsp;+12+20°С-тан +20+28°С-қа дейін,&nbsp;күндіз&nbsp;+27+35°С-тан +33+41°С-қа дейін жоғарылайды, онкүндіктің соңында ауа температураның 7-10°С-қа төмендеуі болжанады. Бірінші онкүндікте қысқамерзімді найзағаймен жазғы жаңбыр, желдің күшеюі (дауыл, шаңды дауыл) айдың басында еліміздің батысында және солтүстік-батысында, 5-7 шілдеде Қазақстанның солтүстігі мен орталығында, онкүндіктің аяғында оңтүстік және шығыс бөліктерінде болуы мүмкін.
Шілде айының екінші онкүндігінің басында алдымен ҚР батысы мен солтүстік-батысында ауа температурасының жоғарылауы болжанады, содан кейін онкүндіктің ортасынан республиканың барлық аумағында температуралық фонның жоғарылауы болжанады. батыста және солтүстік-батыста:&nbsp;түнде&nbsp;+22+30°С-қа дейін,&nbsp;күндіз&nbsp;+33+43°С-қа дейін; солтүстікте, орталықта және шығыста:&nbsp;түнде&nbsp;+15+23°С-қа дейін,&nbsp;күндіз&nbsp;+28+39°С-қа дейін; оңтүстік және оңтүстік-шығыста:&nbsp;түнде&nbsp;+18+27°С-қа дейін,&nbsp;күндіз&nbsp;+35+43°С-қа дейін;
Үшінші онкүндікте еліміздің оңтүстік бөлігінде ауа температурасының&nbsp;түнде&nbsp;+10+17°С-тан +17+25°С-қа дейін,&nbsp;күндіз&nbsp;+22+33°С-тан +30+38°С-қа дейін, солтүстік жартысында&nbsp;түнде&nbsp;+5+13°С-тан +13+20°С-қа дейін,&nbsp;күндіз&nbsp;+18+26°С-тан +26+33°С-қа дейін ауытқуы күтіледі.

Шілдеде ауа райы қандай болады?

<a href="https://kyzylorda-news.kz/">Kyzylorda-news.kz</a>. Қазақстан құрамасының Токио Олимпиадасына киіп баратын формасы таныстырылды, деп хабарлайды.
Спортшылардың киімін қазақстандық және шетелдік мамандар дайындаған. Дизайнері – Салтанат Баймұхамедова. Ал испандық Joma компаниясы форманы жасап шығарды.
<img src="https://sputnik.kz/images/07e5/07/02/17511285.jpg" alt="Национальный олимпийский комитет Казахстана представил форму команды Казахстана на Играх в Токио-2020" title="Национальный олимпийский комитет Казахстана представил форму команды Казахстана на Играх в Токио-2020" />
Отандық спортшылар форманың дизайны, матаның сапасы мен тігін бұйымдарын өздері таңдады. Ол үшін қаңтар айынан бастап сауалнамалар, презентациялар мен кездесулер ұйымдастырылды. 35 спортшыдан тұратын арнайы комиссия форманы таңдап отырды.
<blockquote>
 “Спортшылар үшін, ең алдымен, сапа мен жайлылық маңызды. Өйткені бұл біздің жаттығу және жұмыс апталарына арналған киіміміз. Бәрінен бұрын оның денеге шақ, жинақы болуы маңызды. Көп уақыт жолда өткізетін болғандықтан, тез кірленбейтін, мыжылмайтын киім үлгісі керек болды. Себебі сапалы матадан тігілген киімдер киюге және еркін қозғалуға ыңғайлы. Біз барлық тілегіміздің орындалғанына өте қуаныштымыз”, – дейді Олимпиада чемпионы Дмитрий Баландин.
</blockquote>
<img src="https://sputnik.kz/images/07e5/07/02/17511225.jpg" alt="Национальный олимпийский комитет Казахстана представил форму команды Казахстана на Играх в Токио-2020" title="Национальный олимпийский комитет Казахстана представил форму команды Казахстана на Играх в Токио-2020" />
Олимпиадалық киім кэжуал стилінде шығарылды. Ал маталарды таңдағанда Жапонияның климаттық ерекшелігі ескерілді.
Олимпиаданың киімдері ауаны жақсы өткізеді, ылғалды сіңіреді, тез кебеді және аллергия тудырмайды. Көйлек формасының негізгі түстері көк, көгілдір және ақ түсті. Бұл палитра Next Look халықаралық зерттеу компаниясының ұсынысы бойынша таңдалған.
<img src="https://sputnik.kz/images/07e5/07/02/17511241.jpg" alt="Национальный олимпийский комитет Казахстана представил форму команды Казахстана на Играх в Токио-2020" title="Национальный олимпийский комитет Казахстана представил форму команды Казахстана на Играх в Токио-2020" />
Айта кетейік, спортшылар Токиоға 16 шілдеде ұшады. Олимпиада алдында ұлттық құрама Олимпиада базаларында екі апталық карантинде болады.
&nbsp;<a href="https://sputnik.kz/">Sputnik Қазақстан</a>

Қазақстан және Қызылорда облысының жаңалықтары

«Жас еңбек құрылысшылар жасағы» аясында 90 жас жұмыспен қамтылды