<a href="https://kyzylorda-news.kz/ru/obshestvo/">Kyzylorda-news.kz</a>. 17 қарашада солтүстік-батыс және оңтүстік циклондар Қазақстан аумағына әсер етуін жалғастыруда. Осыған байланысты бүгін елдің басым бөлігінде қар жауады. ҚР оңтүстігінде, оңтүстік-шығысында және шығысында жаңбыр мен қар, нөсер жауын жауады, деп хабарлайды Қазгидромет.
Атырау облысында күн жауын-шашынсыз болады. Республиканың басым бөлігінде тұман түсіп, көктайғақ, жаяу бұрқасын болып, жел күшейеді. Түнде еліміздің оңтүстігінде шаңды дауыл тұрады.
Қарағанды облысының оңтүстігінде, шығысында, орталығында бұрқасын, көктайғақ болады, жел секундына 15-20 метр жылдамдықпен ұйтқиды, күндіз облыстың оңтүстігінде екпіні 23-28 м/с, кейде 30 м/с және одан да жоғары болады. Облыстың батысы мен солтүстігінде тұман түседі.
Алматы облысының оңтүстік-шығысында және таулы аудандарда тұман түсіп, көктайғақ болады, жел секундына 15-20 метр жылдамдықпен соғып, екпіні 23-28 м/с, күндіз Алакөл көлдері ауданында 30 м/с және одан да жоғары болады.
Шығыс Қазақстан облысының солтүстігінде, батысында бұрқасын, көктайғақ күтіледі, облыстың батыс бөлігінде желдің жылдамдығы секундына 15-20 метр, күндіз екпіні 25 м/с-қа дейін күшейеді.
Жамбыл облысының оңтүстік-батысында, солтүстік-шығысында және таулы аудандарында тұман, көктайғақ, бұрқасын болады. Жел секундына 15-20 мтер жылдамдықпен ұйтқып, екпіні 23-28 м/с болады, кейде 30 м/с және одан да күшті болады.
Түркістан облысының басым бөлігінде жел секундына 15-20 метр жылдамдықпен соғады, күндіз солтүстігінде, батысында, таулы және тау бөктеріндегі аудандарында 23-28 м/с, таулы асуларда 30 м/с және одан да күшті болады. Түнде облыстың солтүстігінде, батысында және оңтүстігінде шаңды дауыл тұрады.
Солтүстік Қазақстан облысының солтүстігінде, батысында жаяу бұрқасын, оңтүстік-шығысында – түнде және таңертең тұман, түнде облыстың батысында жел 15-20 м/с-қа дейін күшейедіғ күндіз 15-20 м/с, облыстың батысында екпіні 25 м/с болады.
Қостанай облысының солтүстік-батысында тұман, көктайғақ, жаяу бұрқасын болады, жел 15-20 м/с жылдамдықпен соғады.
Қызылорда облысының орталығында және шығысында бұрқасын, көктайғақ болады, облыстың басым бөлігінде жел 15-20 м/с жылдамдықпен соғады.
Күндіз Ақтөбе облысының солтүстігінде жаяу бұрқасын, көктайғақ болады, желдің жылдамдығы секундына 15-20 метрге дейін күшейеді.
Ақмола облысының солтүстігінде, батысында тұман, жаяу бұрқасын болып, күндіз жел 15-20 м/с жылдамдықпен ұйтқиды.
Күндіз Батыс Қазақстан облысының солтүстік-шығысында көктайғақ, тұман болады.
Түнде Маңғыстау облысының солтүстік-шығысында көктайғақ, батысында желдің жылдамдығы секундына 15-20 метрге дейін жетеді.
Атырау облысының батысында, шығысында, орталығында көктайғақ болады.
Түнде Павлодар облысының солтүстігінде, батысында тұман күтіледі.

17 қарашаға арналған ауа райы болжамы

<a href="https://kyzylorda-news.kz/ru/obshestvo/">Kyzylorda-news.kz</a>. Бүгін облыс әкімі Гүлшара Әбдіқалықова ветеринария саласында атқарылған жұмыстарды тыңдау үшін облыстық ветеринария басқармасының басшысы Шахмардан Қойшыбаевты қабылдады.
Сыр өңірінде мал ауруларының алдын алу мақсатында ағымдағы жылы аса қауіпті 16 түрлі жұқпалы ауруларға республикалық бюджет есебінен қаралған 6311,2 мың доза ветеринариялық препараттың бүгінгі таңда, облысқа 6291,2 мың дозасы, немесе 99,7% жеткізілді. Қазіргі күні бекітілген 11 айлық жоспарға сәйкес алдын ала егу жұмыстары 95,9 пайызға орындалды. Сонымен қатар, жануарлардың 6 түрлі энзоотиялық ауруларына облыстық бюджеттен қаржы бөлініп, қажетті ветеринариялық препараттар толық сатып алынды және бекітілген 11 айлық жоспар 94,2 пайызға жүргізілді.
Басқарма басшысының айтуынша, жыл басынан бері бруцеллез ауруына қарсы диагностикалық тексерудің нәтижесінде 47 бас МІҚ, 248 бас уақ мал оң нәтиже көрсетті. Оның ішінде, шектеу қойылған 7 ошақта ауру малдар анықталды. Шектеу қойылған ошақтарда сауықтыру жұмыстары толық жүргізіліп, ауру малдар ветеринариялық-санитариялық талаптарға сәйкес уақытылы сойылды, мал иелеріне 4430,0 мың теңге өтемақы төленді.
Сондай-ақ, аймақта бірдейлендіру жұмыстары бекітілген жоспарға сәйкес жүргізілуде. Үстіміздегі жылдың 1 қарашасына ақпараттық жүйеде 391,9 мың бас МІҚ, 841,0 мың бас уақ мал, 188,5 мың бас жылқы, 58,3 мың бас түйе, 1,6 мың бас шошқа, 810 бас тақтұяқтылар тіркелген.
Ауыл шаруашылығы жануарларына, олардың өнімдері мен шикізатына берілетін ветеринариялық анықтамалар «Бірыңғай автоматтандырылған басқару жүйесі» арқылы рәсімделуде. Жыл басынан 41675 дана ветеринариялық анықтамалар беріліп, мемлекеттік қызмет көрсетілді.
Баяндама барысында басқарма басшысы Жаңақорған, Қазалы аудандарында судан улану салдарынан мал шығыны орын алуының алдын алу үшін атқарылған жұмыстарды баяндады.
Жаңақорған ауданындағы жеке қожалық пен шаруа қожалықтардағы мал саны (32931 бас МІҚ, 56207 бас уақ мал, 12128 бас жылқы, 856 бас түйе) анықталып, қолданыста 31 құдық бары және ауыл әкімдігі мен шаруашылық тараптарынан 22 құдық қазу қажеттілігі нақтыланды. Қазіргі күні толық қазылып пайдаланылуда.
Сонымен қатар, 2013 жылдан бері жаңартылмай, тозығы жеткен материалдық-техникалық жабдықтау мәселесі көтеріліп, ветеринариялық ұйымдарға компьютерлер, оргтехникалар, қызметтік автокөліктер алу қолдау тапты. 
Сондай-ақ, Шахмардан Сұлтанбекұлы жануарлар ауруларының алдын ала егу жұмыстарының нәтижесінде облыс көлемінде аса қауіпті жұқпалы аурулар тіркелмей, эпизоотиялық тұрақтылық сақталып отырғанын мәлімдеді. 
Қабылдау соңында облыс әкімі Гүлшара Наушақызы ветеринария басқармасының басшысына ветеринария саласындағы жұмыстарды әрі қарай жалғастыруды тапсырып, қосымша тапсырмалар берді.

Ветеринария саласындағы жұмыстар сараланды

<a href="https://kyzylorda-news.kz/ru/obshestvo/">Kyzylorda-news.kz</a>. Қазақстанда жалғызбасты ата-аналарға қашықтан жұмыс істеуге заң жүзінде рұқсат берілуі мүмкін, деп хабарлайды&nbsp;<a href="https://sputnik.kz/">Sputnik Қазақстан</a>.
Президенттің айтуынша, ерлерге қарағанда әйелдерге жұмыс пен бала күтімін қатар алып жүруге тура келеді. Мәселен, әйел декретке шыққанда, кәсіби дағдысы мен машығын жоғалтады. Соның салдарынан көбі еңбек нарығында бәсекеге қабілетті емес болып қалады.
<blockquote>
 “Бірақ бәрінен де жалғызбасты ата-аналарға қиын. Оларға ерекше еңбек шарттарын жасау қажет. Заңнамалық деңгейде жалғызбасты ата-аналарға қашықтан жұмыс істеуге және қысқартылған жұмыс режиміне құқық беруді қарастырған жөн. Дамыған елдерде ірі компаниялар өз кеңселерінен балалар бөлмесін ашады. Мұндай практика бізде де қалыпты дүниеге айналуға тиіс”, – деді Тоқаев ұлттық қоғамдық сенім кеңесінің алтыншы отырысында.
</blockquote>
Президент аталған санаттағы жұмысшылардың мүддесін ескеретін еңбек режимін реттеудің тиімді тетіктерін енгізу керек екенін атап өтті. Бірақ еңбек үдерісінің үзілмеуі мен өнімділікті қамтамасыз ету де маңызды, деді мемлекет басшысы.

Жалғызбасты ата-аналарға жеңілдік жасалады: Президент тапсырма берді

<a href="https://kyzylorda-news.kz/ru/obshestvo/">Kyzylorda-news.kz</a>. Биылғы жылдың 9 ай қорытындысы бойынша «Азаматтарға арналған үкімет» мемлекеттік корпорациясы» КЕАҚ Қызылорда облысы бойынша филиалының Фронт-офисті үйлестіру департаменті негізгі тиімділік көрсеткіштеріне талдау жүргізген. Нәтижесінде филиал III тоқсан қорытындысы бойынша республика көлемінде 2 орын иемденіп, үздік нәтиже көрсеткен.
Жыл басынан бері Каспи қосымшасы арқылы «Жекелеген көлік құралдарын тіркеу және есептен шығару» бойынша 6 мың 102, Ықпалдастырылған ақпараттық жүйе арқылы – 41 мың 462 құжат рәсімделген.
Өткен жылы басталған пандемия халыққа онлайн мен жеткізіп беру қызметтерінің тиімділігін ұқтырды. Бүгінде филиалдың мамандандырылған бөлімі қызметкерлері дайын құжаттарды үйіне жеткізіп те береді. Әрине, қызмет ақылы. Бірақ сіздің уақытыңызды үнемдейтін тиімді әдіс. Жыл басынан бері мамандар құжаттарды жеткізіп беру қызметі бойынша 45 қызмет көрсетіп, қызмет алушылардың жұмысын жеңілдеткен.
<img src="https://kyzylorda-news.kz/wp-content/uploads/2021/11/0f22f3a4-440d-48aa-94e1-3b3aa20e1e79.jpg" alt="" />

Мамандар құжатты үйге жеткізеді

<a href="https://kyzylorda-news.kz/ru/obshestvo/">Kyzylorda-news.kz</a>. ТikTok-та шетелдік әндерді орындап танымал болған электрик жігіттің өнеріне қазақстандықтар ғана емес, шетелдіктер де сүйсініп жатыр. Бес күн бұрын жарияланған Олжастың видеосын 2,6 миллион адам көріп, 270 мыңға жуық лүпіл басып, 7 мыңнан аса адам пікір білдірген, деп хабарлайды <a href="https://azattyq-ruhy.kz/person/30735-tiktok-ta-n-aityp-tanymal-bolgan-elektrik-zhigit-kim">Azattyq Rýhy</a>.
Олжас Қызылорда облысы Шиелі ауданында туған. Атыраудағы «ТеңізШевройл» компаниясында электр-монтажшы болып жұмысқа орналасқанына бір айға жуық уақыт болған. Ал танымал болып кеткен видеоны атыраулық әріптестері туған күн кешінде отырғанда түсіріп алған.
<blockquote>
 «Сол күні досымның туған күніне жиналып отырғанбыз. Отырыс көңілді өтсін деп біраз ән айтып едім, бұлай тарап кетеді деп ойламадым. Негізгі мамандығым электр-монтажшы. Әншілік жәй хобби ғана, ағылшын тілін де жетік меңгермегенмін. Мектеп кезінде облыстық, аудандық сайыстарға қатысып тұратынмын, сол кезде айтқан әндер ғой. Бір жылдары қаражат жағынан қысылғанда той-томалақта ән айтқан сәттер болды», – деді Олжас.
</blockquote>
TikTok-та тараған видеода кейіпкеріміз әнші Akon-ның «Smack that» атты өлеңін орындайды. Аталған видеодан кейін Олжасқа түрлі ұсыныстар айтып, жылы лебіздерін жазып жатқан оқырмандар саны көбейген.
<blockquote>
 «Түрлі идеялар ұсынып хабарласып жатқан жігіттер бар. Бірақ анау айтқандай салмақты ұсыныспен шығатындар бола қояды деп ойламаймын (күліп). Дайректтегі хабарламаларды оқып үлгере алмай жатырмын. Көпшілігі менің өнеріме тәнті болғандарын жазған», – дейді Олжас.
</blockquote>
Кейіпкеріміз отбасылы, жұбайымен бір жарым жасар қызды тәрбиелеп отыр.
<blockquote>
 «Отбасым бар, кішкентай қызым бар. Ата-анам, екі әпкем бар. Мені қолдап жатқан барша қазақстандықтарға алғысым шексіз! Қазір вахтада жүрмін, шыққаннан кейін біраз адам танып жатса таңғалмаймын (күліп). Оқырмандарымды әлі талай жақсы әндеріммен қуантатын боламын», – деп аяқтады ол әңгімесін.
</blockquote>

ТikTok-та шетелдік әндерді орындап танымал болған қызылордалық жігіт туралы не білеміз?

<a href="https://kyzylorda-news.kz/ru/obshestvo/">Kyzylorda-news.kz</a>. Қызылорда облысы көлемінде өтіп жатқан «Рефлекс» жедел-профилактикалық іс-шарасы барысында Қызылорда облысы Полиция департаментінің Есірткі қылмысына қарсы іс қимыл басқармасының қызметкерлері облыс орталығы тұрғынының үйінен, ауласынан және сарайынан жасыл түсті ерекше иісі бар ұнтақталған шөптер тауып, тәркіленді.
Сараптама қортындысына сәйкес алынған шөптің салмағы 4 келіден асты. Оның «кептірілген марихуана» екені белгілі болды. Қазіргі таңда күдікті уақытша ұстау изоляторына қамаққа алынды.
Аталған дерек бойынша Қазақстан Республикасы Қылмыстық кодексінің 296-бабының 4-бөлігімен (аса ірі мөлшердегі есірткі заттарды өткізу мақсатынсыз заңсыз сақтау) сотқа дейінгі тергеп-тексеру әрекеттері жүргізілуде.
<img src="https://kyzylorda-news.kz/wp-content/uploads/2021/11/whatsapp-image-2021-11-16-at-15.25.17.jpeg" alt="" />

Қызылордада үйінде есірткі сақтаған тұрғын ұсталды

<a href="https://kyzylorda-news.kz/ru/obshestvo/">Kyzylorda-news.kz</a>. Сауда орталықтарына вакциналанбаған балаларды кіргізуге шектеу енгізу мәселесі қарастырылып жатыр. Бұл туралы денсаулық сақтау министрі Алексей Цой мәлімдеді, деп хабарлайды <a href="https://sputnik.kz/society/20211116/18664915/vaktsina-balalar-sauda-ortalygy.html">Sputnik Қазақстан</a>.
<blockquote>
 «Қазіргі таңда тек ересектер үшін ғана шектеу бар. Болашақта балалар үшін осындай шектеу енгізу қарастырылып жатыр», – деді Цой.
</blockquote>
Айта кетері, қазір елде 12-ден 18 жасқа дейінгі балаларды ерікті түрде Pfizer-мен вакциналау науқаны басталды.
15 қарашадан бастап сауда ойын-сауық орталықтарына тек “жасыл” статустағы адамдар кіреді. Бұрын мұндай шектеу демалыс күндері енгізілсе, енді жұмыс күндері де қолданылады.
Жуырда Қазақстанға Pfizer вакцинасының 379 мың дозасы жеткізілді. Екінші партия 20 қарашаға дейін жеткізіледі. Қазір бұл препаратпен вакциналау 7 өңірде – Жамбыл, Қарағанды, Қызылорда, Түркістан облыстары мен Алматы, Нұр-Сұлтан, Шымкент қалаларында басталды.
Бүгінгі таңда 1313 бала, 247 жүкті және бала емізетін әйелге Pfizer вакцинасы егілді.

Вакцина алмаған балаларды сауда орталықтарына кіргізбеуі мүмкін бе?

&nbsp;<a href="https://kyzylorda-news.kz/ru/obshestvo/">Kyzylorda-news.kz</a>. «Цифрлы Қазақстан» бағдарламасының негізінде «Қазақстан Республикасының кейбір заңнамалық актілеріне құқық қорғау қызметінің процестік негіздерін жаңғырту мәселелері бойынша өзгерістер мен толықтырулар енгізу туралы»&nbsp; Қазақстан Республикасының 2017 жылғы &nbsp;&nbsp;&nbsp;&nbsp;&nbsp;&nbsp;21 желтоқсандағы Заңының шеңберінде 2018 жылдың 1 қаңтарынан бастап Қазақстанда қылмыстық істерді тергеу санаттарына қарай кезең-кезеңімен электронды форматта жүргізуге көшірілді.
Электрондық қылмыстық істің артықшылығы қашықтан санкциялау болып саналады. Енді тергеп қамаққа алғанды оған бұлтартпау шарасын белгілеу үшін біршама ара-қашықтықта апарудың қажеті жоқ. Санкциялау үрдісі бейне-конференц байланыс режимінде өтетін болады. Бұл уақыт шығындарын қысқарту, қашу тәуекелдерін жоюға мүмкіндік береді. Сотпен санкцияланатын тергеу әрекеттері де электронды жүргізіліп, уақыт үнемделеді.
Бастысы, қылмыстық істі сотқа дейінгі тергеп-тексеру өкілеттігі бар қызметкерлерді қылмыстық істі тергеуде тәртіп қалыптастырады. Себебі, электрондық форматта қылмыстық істерді тергеу әрекеттерін уақтылы орындап, оны СДТБТ базасындағы «е-ҚІ» модулінің жүйесіне уақытылы енгізілмесе, оны өзгертуге жол берілмейді. Қандай да бір процестік құжаттарды уақытылы енгізу талап етіледі.
<blockquote>
 «Осы мақсатта, Қызылорда облысы полиция департаменті бойынша қазіргі уақытта электронды форматта қылмыстық іс жүргізуге мүмкіндік беретін 266 &nbsp;жұмыс орнымен (орг.техника) қамтамасыз етіліп, 100 пайыз қамтылып отыр. Бүгінгі күнге Қызылорда облысы ПД-нің бөліністерінің жалпы өндірісінде болған қылмыстық істердің&nbsp; 87,5 пайызы, яғни 4596 қылмыстық іс электронды форматта жүргізіліп, оның 55 пайызы, яғни 2405 қылмыстық іс өндірістен аяқталған.
 Сонымен қатар, 2021 жылдың 1 қаңтарынан бастап күшіне енген «Қазақстан Республикасының кейбір заңнамалық актілеріне қылмыстық іс жүргізу және сыбайлас жемқорлыққа қарсы іс-қимыл кезінде азаматтардың құқықтарын қорғауды күшейту мәселелері бойынша өзгерістер мен толықтырулар енгізу туралы» Қазақстан Республикасының 2017 жылғы&nbsp;21 желтоқсандағы Заңының шеңберінде сотқа дейінгі тергеп-тексеру нәтижесімен тоқтатылған немесе мерзімі үзілген қылмыстық істер бойынша қабылданған шешімдерді қадағалаушы орган бақылап отырады. Қысқа мерзімде шешім қабылданып, қылмыстық істердің созбалаңға салынуына жол берілмейді.
 Қолданысқа енгізілген жаңа Заң аясында прокуратура органдарымен ағымдағы есепті мерзімде 2726процестік шешімдер келісілген», дейді Қызылорда облысы полиция департаментінің &nbsp;бастығы полиция полковнигі Сұлтан Бектөре.
</blockquote>
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Алдағы уақытта электронды форматта іс жүргізу жүйесі азаматтардың қылмыстық құқық бұзушылық туралы шағымдары мен хабарламары тіркелгеннен бастап жүзеге асатын болады.

Қызылорда: Полиция департаментіндегі істің 90 пайызы электронды форматта жүргізілуде

<a href="https://kyzylorda-news.kz/ru/obshestvo/">Kyzylorda-news.kz</a>. Қазақстанда жоғары білім беру сапасын арттыру бойынша жүйелі жұмыс жүргізілуде. Бұл туралы Премьер-Министр Асқар Маминнің төрағалығымен өткен Үкімет отырысында білім және ғылым министрі Асхат Аймағамбетов хабарлады.
Ол негізінен бірнеше бағыттарды қамтиды. Атап айтсақ: оңтайлы басқару жүйесі, акдемиялық саясат, білім бағдарламаларының сапасы, қолжетімді қаржыландыру, кәсіби оқытушылар құрамы мен академиялық адалдық принциптерін сақтау және сапаны қамтамасыз етудің тиімді жүйесі. Еліміздің 122 университетінің жартысы жекемешік ұйымдар. Бакалавриат, магистратура мен докторантура деңгейлерінде 600 мыңнан астам студент білім алуда. Қазақстанның 14 жоғары оқу орыны Дүниежүзілік ең үздік университеттер рейтингінде.
<blockquote>
 «Соңғы жылдары гранттар саны 2 есеге жуық өсті. Енді 2025 жылға қарай кезең-кезеңмен грант саны 75 мыңға дейін жетеді. Мемлекет басшысы тапсырмасының аясында студенттердің стипендиясы да екі есеге жуық өсіп, 2025 жылға қарай олардың стипендиясы тағы 2 есеге, ал магистранттар мен докторанттардың стипендиясы 1,5 есеге артады», — деді А. Аймағамбетов.
</blockquote>
Қаржыландыру жүйесіне тоқталсақ, Қазақстанның барлық университеттері жан басына қаржыландыру жүйесіне көшті. Мемлекеттік және жеке меншік университеттер оларды қанша талапкер таңдаса, дәл сол мөлшерде ғана мемлекеттен грант, яғни, қаражат алады. Сәйкесінше, мемлекеттік жоғары оқу орындары жөндеу жұмыстарын жүргізуге, жалақы төлеуге, материалдық базасын жаңартуға бюджеттен тікелей қаржы алмайды. Тек студенттердің таңдауына сәйкес гранттармен қаржыландырылады.
<blockquote>
 «Сапаны қамтамасыз ету үшін басқару жүйесінің тиімді болуы маңызды. Ең ірі 28 мемлекеттік жоғары оқу орны коммерциялық емес акционерлік қоғам ретінде қайта құрылып, корпортивті басқару жүйесіне көшті. Сәйкесінше, былтырдан бастап басты шешімдерді директорлар кеңесі қабылдайды, ал ректор сол қабылданған шешімдерді іске асыруды қамтамасыз етеді», — деді ҚР БҒМ басшысы.
</blockquote>
Ректорларды тағайындаудың жаңа жүйесі енгізіліп, осы конкурстық жүйе арқылы екі жылда ректорлар корпусының 50%-нан астамы жаңартылды. Конкурстық тәртіптің арқасында университеттер басшылығына халықаралық тәжірибесі мен мол ғылыми әлеуеті бар әлемнің үздік жоғары оқу орындарының түлектері және «Болашақ» бағдарламасының стипендиаттары тағайындалды. Оған қоса, провост институты құрылып, оқу орындарының қадр резерві де жасақталды.
<blockquote>
 «Басқару жүйесінің трансформациясы университеттерде инновациялық менеджементтің дамуына, сапасын көтеріп, тиімділігінің артуына әсер етеді. Білім сапасы бірінші кезекте оқытушылардың кәсіби біліктілігіне тікелей байланысты. Сондықтан, әріптестеріміз үшін қолайлы жағдай жасау басты назарда», — деді А. Аймағамбетов.
</blockquote>
Мемлекет басшысының тікелей қолдауының арқасында биылғы қыркүйек айынан бастап оқытушылардың жалақысы 2 есеге жуық көтерілді. Оқытушыға бір ставкаға минималды түрде – 200 мың теңге, ғылым кандидатына – 260 мың теңге, ғылым докторына – 350 мың теңгеден 400 мың теңгеге дейін жалақы төлеу бойынша шешім қабылданды. Үлкен оқу жүктемесі мен қағазбасылық педагогтерді сабаққа толыққанды дайындалуға қиындық туғызғаны белгілі. Сондықтан, педагогикалық жүктеме 800-1000 сағаттан 680 сағатқа дейін азайтылып, есептілік нысандары да 35%-ға қысқартылды. Бұл шара да педагогтерге сапалы білім беру мен ғылыммен айналысуға мүмкіндік берері сөзсіз. Білім сапасын қамтамасыз ету үшін мемлекеттік бақылау күшейтілді. Министрлік сапасыз білім беретін университеттерде тексеріс жүргізіп, нәтижесінде анықталған кемшіліктер бойынша 500-ден астам сот процесіне қатысып, 15 университетті толығымен жапты. Тағы 4 университетті жабу бойынша соттың шешімі қабылданып, енді апелляция жүруде. Бұған қоса, тағы 61 университеттің 400 сапасыз білім берген бағыттары бойынша лицензиялары қайтып алынды. Студенттері басқа оқу орындарына ауыстырылды. Мысалы, мұғалімдерді бұның алдында 86 университет дайындаса, және сапасы бойынша көп сұрақтар туындаса, енді педагогтерді тек 50 оқу орыны ғана дайындайды.
<blockquote>
 «Тексеріс процедурасы да жетілдірілді, оған студенттерді тестілеу мен жұмыс берушілерден сауалнама алу сияқты сапалы көрсеткіштер енгізілді. Аккредиттелген агенттіктердің жұмысы да сапаны көтеру, бақылау үшін ерекше маңызға ие. Осыған орай біз аккредиттелген агенттіктердің жауапкершілігін көтеру үшін өзгеріс енгіздік», — деді білім министрі.
</blockquote>
Бұдан былай жоғары сапаны қамтамасыз етпейтін агенттіктерді тізімнен шығару, яғни, жабу және олар үшін бірыңғай сапалы талаптарды қою сияқты тетіктер қабылданды. Нәтижесінде 6 университеттің институционалдық аккредиттеуі қайтарып алынып, 20 білім беру бағдарламасы аккредиттеуден өтпеді. Енді ішкі сапаны қамтамасыз ету тәсілдеріне тоқталсақ. Қазақстанда Еуропалық (ESG) сапаны қамтамасыз ету жөніндегі стандарттар еңгізілуде.
Өткен жылы Жоғары білімнің ұлттық біліктілік шеңбері Еуропалық біліктілік шеңберімен өзін-өзі сертификаттау рәсімінен сәтті өтті. Осы жұмыстың нәтижесінде, Қазақстанның жоғары оқу орындары дипломдарының Еуропада танылуын қамтамасыз ету мүмкін болды. Келесі бағыт академиялық саясат. Білім беру бағдарламаларының сапасын арттыру мақсатында университеттерге академиялық және атқарушы дербестік берілді. Осыған орай, олар Министрлік бекіткен үлгілік оқу жоспарларының орнына, білім беру бағдарламаларын дайындағанда жұмыс берушілердің кәсіптік стандарттарын негізге алады. Тиісінше, жоғары оқу орындары білім беру бағдарламаларын өз бетінше әзірлеуге көшіп, 9371 бағдарлама әзірленді.
<blockquote>
 «Төртінші индустриялық революцияға байланысты әлемдік еңбек нарығының негізгі проблемаларының бірі дағдылардың тез ескіруі болып табылады. Өмір бойы бір диплом сценарийі енді маңызды емес. Сондықтан Президенттің тапсырмасы бойынша Өмір бойы оқу тұжырымдамасы әзірленді. Бұл жұмыстың арқасында университеттер формалды емес және информалды білім алудың нәтижелерін танып, қабылдайтын болады», — деді министр.
</blockquote>
Келесі мәселе – Академиялық адалдық саясатын қалыптастыру мен сыбайлас жемқорлықтың алдын-алу.
<blockquote>
 «Біз академиялық адалдық талаптарын сақтау міндетін енгіздік, нәтижесінде енді академиялық адалдық қағидаттарын бұзған студенттерді оқудан шығаруға болады және де барлық дипломдық жұмыстар мен жазбаша жұмыстарды жөнсіз көшіріп алуды болғызбау үшін міндетті түрде тексеру нормасы бекітілді», — деді ол.
</blockquote>
Тағы бір маңызды сұрақ оқуға түсу процедурасының ашықтығы мен әділдігін қамтамасыз ету.
<blockquote>
 «Осы мақсатта біз биыл ҰБТ-ның жаңа жүйесін енгіздік. 2021 жылы елімізде алғаш рет ҰБТ 1 компьютер – 1 камера – 1 тестіленуші принципі бойынша электрондық форматта өткізілді. Оған қоса тесттерде фактологиялық білімді тексеруден ойлау қабілетін, сауаттылығын анықтау үшін тест тапсырмалары жаңартылды», — деді білім министрі.
</blockquote>
Магистратураға түсу және докторантураға емтихан тапсыру үшін тестілеудің компьютерлік форматы енгізілді. Пандемия кезінде қашықтан оқыту қажеттілігі пайда болды. Бұл енді пандемия біткеннен кейін де жалғасатын тренд екені анық. Сондықтан жоғары оқу орындарында цифрлық экожүйе қалыптастыру, LMS платформалар, виртуалды зертханалар, прокторинг жүйелері кеңінен енгізілуде.
Сонымен қатар министрдің айтуынша, сапаны қамтамасыз ету үшін білім, медицина, авиациялық, құрылыс, өнер, әскери іс сияқты бағыттар үшін қашықтан сабақтарды тек 20% беруге рұқсат ету туралы шектеу қойылды. Сапаны көтерудің тағы бір тетігі бәсекелестікті арттыру болып табылады.
<blockquote>
 «Отандық университеттердің шетелдік үздік университеттермен тәжірибе алмасу және бәсекеге қабілетті болуы үшін біз Қазақстанда шетелдің алдыңғы қатарлы университеттерінің филиалдарын ашу бойынша жұмысты бастап кеттік. Биыл De Montfort Leicester университетінің филиалы ашылды. University of Arizona және Arizona State University филиалдарын ашу жұмыстары жүргізілуде. Тағы кем дегенде 5 филиал ашу бойынша жүмыс жүргізіледі», — деді білім және ғылым министрі.
</blockquote>
Отандық жоғары оқу жүйесін дамыту үшін жаңа жобалар да дайындалды. Жоғары оқу орындарының бәсекеге қабілеттілігін арттыру мақсатында өңірлердегі 20 жоғары оқу орнының базасында академиялық артықшылық орталықтары құрылады. Жоба шеңберінде бұл университеттердің материалды техникалық базасы, ғылыми зертханалары нығайтылып, жаңа білім бағдарламалары еңгізіледі. Зерттеу экожүйесін қалыптастыру үшін үш жоғары оқу орнын зерттеу университтеріне айналдыру жоспарда бар.
Оған қоса Назарбаев Университетінің тәжірибесі негізінде 2 озық жоғары оқу орнын құру бойынша белсенді жұмыс басталды. Болашақта жоғары оқу орындарының арасында бәсекелестікке ынталандыруды арттыру үшін университеттер төрт лига бойынша бөлінетін болады. Сәйкесінше, кіретін Лигаларға байланысты жоғары оқу орындарына академиялық, басқарушылық еркіндіктің әртүрлі деңгейлері анықталады. Сондай-ақ ең мықты университеттер мемлекеттік бақылаудан босатылып, керісінше 3 лигаға және 4 лигаға енбеген университеттер мемлекеттік бақылауда тексеріс үстінде болады.
<a href="https://24.kz/kz/zha-aly-tar/bilim-zh-ne-ylym/item/510577-2025-zhyl-a-araj-studentterdi-stipendiyasy-eki-esege-sedi">Хабар 24</a>

2025 жылға қарай студенттердің стипендиясы екі есе өседі

Қызылордада ауыл шаруашылық өнімдерінің жәрмеңкесі өтеді

<a href="https://kyzylorda-news.kz/ru/obshestvo/">Kyzylorda-news.kz</a>. Қараша айының 14-нен 15-не қараған түні, шамамен сағат 03:00 шамасында 15 жастағы жасөспірім Сансызбай Зухра Бауыржанқызы белгісіз бағытқа қарай кетіп қайта оралмаған.
Қазіргі таңда Жалағаш ауданының полиция бөлімінің жеке құрамы еріктілермен бірлесе отырып, кәмелетке толмаған жасөспірімді іздеп табу мақсатында Қызылорда қаласы және аудан көлемі бойынша көпқабатты үйлердің шатырларын, саяжайларды, тастанды үйлер мен құрылысы бітпеген ғимараттарды, ойын-сауық орталықтары мен жалдамалы пәтерлерді тексеруде.
Оның фотосуреті көрсетіліп, сұрастыру жұмыстары жүргізілуде.
Ерекше белгілері: бойы 1,50-1,60 см. толық денелі, ақ құбаша, шашы қара ұзын, көзі сұр түсті. 
Киген киімдері: Ұзын қызыл түсті пальто, қара түсті кросовка. Жасөспірім қыз жөнінде қандай да бір ақпарат анықталған жағдайда Жалағаш ауданының полиция бөлімінің кезекші бөлімшесі 8-724-31-21-1-50 телефонына немесе 102 арнасына шұғыл түрде хабарласуларыңызды сұраймыз.
<img src="https://kyzylorda-news.kz/wp-content/uploads/2021/11/257373399_371850444723128_2400065368480943196_n.jpg" alt="" />

Жалағашта 15 жасар қыз жоғалып кетті

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Жыл басынан бері Қызылорда қаласында автокөліктер ағымы басым көп жүретін көше бойларына жалпы саны 13 дана құқық бұзушылықтарды автоматты түрде анықтайтын сертификатталған арнайы бақылау-өлшеу құрылғылары жұмыс атқаруда. Қарашаның 11-нен бастап тағы 7 данасы іске қосылды.
Құрылғылардың негізгі мақсаты жол қауіпсіздігін сақтап, жол көлік оқиғасын азайту болып саналады.
Есепті мерзімде «Аркан» құрылғылармен 26 мың 897 құқық бұзушылық бойынша 284 млн 727 мың теңге айыппұл салынып, оның 222 млн 965 мың теңгесі өндірілді.
<blockquote>
 «Құрылғылардың тиімділігін ескере отырып қаламызда алдағы уақытта құрылғыларды көбейту мақсатында тиісті жұмыстар атқарылуда», – деді департамент бастығы полиция полковнигі Бектөре Сұлтан.
</blockquote>

Қазақстан және Қызылорда облысының жаңалықтары