<a href="https://kyzylorda-news.kz/">Kyzylorda-news.kz</a> Бүгін шаһар басшысы Нұржан Ахатов №349 референдум учаскесіне барып, өз таңдауын жасады.<blockquote>«Референдум – әрбір азаматтың мемлекеттің дамуына тікелей қатысып, өз пікірін білдіруіне мүмкіндік береді»,- деді қала әкімі.</blockquote>Aйта кету керек, Қызылорда қаласындағы 126 учаскеде тұрғындарға толықтай қолайлы жағдай жасалған. Дәл осы уақытта азаматтық ұстанымын білдіргісі келетін халықтың белсенділігі жоғары.

Реферeндум – 2026: Қала әкімі өз таңдауын жасады

<a href="https://kyzylorda-news.kz/">Kyzylorda-news.kz</a> Бүгін елімізде Мемлекет басшысының бастамасымен республикалық референдум өткізіліп, барша қазақстандықтар саяси науқанға белсене атсалысуда.Ел болашағына бағытталған саяси науқанға Арал ауданының әкімі Аманжол Оңғарбаев та қатысып, қаладағы "Қарлығаш" бала бақшасындағы №53 референдум учаскесіне аудандағы бірнеше зиялы қауым өкілдерімен бірге барып, өз таңдауын жасады.Айта кетейік, ауданда жалпы 56 референдум учаскесі болса, оның 16-ы аудан орталығына орналасқан. Барлық дауыс беру учаскелерінің жұмысы таңғы сағат 7.00-де Мемлекеттік Әнұранмен басталды.Ел ертеңін айқындауда маңызды қадам саналатын саяси науқан кешкі сағат 20:00-де аяқталады.

Арал: Аудан әкімі республикалық референдумда өз таңдауын жасады

<a href="https://kyzylorda-news.kz/">Kyzylorda-news.kz</a> Бүгін Қызылордадағы №260 сайлау учаскесіне ерекше қонақ келді. Сыр елінің рухын бейнелейтін Көк бөрі референдумда өз таңдауын жасады.Қала жастарына жақсы таныс образ батылдық пен жеңістің символы. Көпшілік оны Қызылорданың намысын қорғайтын FC KAYSAR командасының рухымен де байланыстырады. Айта кету керек, Көкбөрі 2026 жылғы республикалық референдумның Қызылордалықтар үшін басты кейіпкеріне айналып үлгерген.Учаскеге келген тұрғындар «Көк бөрімен» суретке түсіп, ерекше атмосферада өз дауыстарын берді.Сыр өңірінде бүгінгі күн тек дауыс беру күні ғана емес, бірлік пен белсенділіктің күні болды.

Көк бөрі №260 учаскеде!

<a href="https://kyzylorda-news.kz/">Kyzylorda-news.kz</a> Қармақшы ауданында өтіп жатқан республикалық референдумда тұрғындар белсенділік танытуда. Бүгін Ақтөбе ауылдық округіндегі ауылдық клуб үйінде орналасқан №107 референдум учаскесіне келген ауыл тұрғыны, 74 жасқа толған туған күн иесі Феруза Мөмкебаева өз таңдауын жасады.Маңызды саяси науқан күні дауыс беруге келген мерейтой иесіне учаске мүшелері жылы лебіздерін білдіріп, құрмет көрсетті.<blockquote>– Ел үшін, халық үшін жасаған еңбектеріңіздің ақталып, еліміздің өсіп-өркендеуіне жастар да өз үлесін қосады деп сенемін. Бүгінгі көрсеткен құрметтеріңізге рақмет, – деді.</blockquote>Ауыл тұрғындары да саяси науқанға белсенді қатысып, өз таңдауларын жасауда.

Ақтөбе ауылында туған күн иесіне құрмет көрсетілді

<a href="https://kyzylorda-news.kz/">Kyzylorda-news.kz</a>&nbsp; Республикалық референдумның басталғанына 5 сағат болды. Дауыс беру учаскелеріне келіп жатқан тұрғындар белсенділігі жоғары.Науқанда мүгедектігі бар жандарға дауыс беру үшін барлық қолайлы жағдайлар. Яғни облыс бойынша инватаксилер қызметі үздіксіз жұмыс жасауда. Аймақта 67 инватакси дауыс берушілердің өтінішіне сай қызмет көрсетуде. Бұл қызметті қолданған дауыс берушілердің бірі – Смағұлова Роза. Ол интакси арқылы өз учаскесіне келіп, таңдау жасады.Сонымен бірге Шиелі ауданындағы №286 дауыс беру учаскесіне келген көз мүгедегі Сүйініш Еркінов дауыс беру учаскесінде көру қабілеті төмен азаматтар үшін негізгі шаралар қабылданғанын тілге тиек етті.Қажеттіліктерге қарай учаскелерде 49 ымдау тілінің маманы қызмет атқарады. Сондай-ақ, Брайль қарпімен жазылған трафереттер де таратылды.Аймақта азаматтардың учаскесін анықтауға арналған 187 онлайн сервис жұмыс істейді. Мұнан бөлек, азаматтарды уақытша тіркейдін 5 учаске жабдықталған. Барлығында «егов» арнайы сервистері қамтылған. Айта кетейік, өңірде 378 референдум учаскесі және 492 524 дауыс беруші бар.

Мүгедектігі бар жандарға 67 инватакси қызмет көрсетуде

<a href="https://kyzylorda-news.kz/">Kyzylorda-news.kz</a>&nbsp; Қызылорда қаласындағы №3 Ақпараттық технологиялар (IT) мектеп-лицейінде орналасқан №200 сайлау учаскесінде «Қайсар» футбол клубының футболшылары өз дауысын беріп, азаматтық белсенділіктерін көрсетті. Учаске комиссиясы мүшелері заң талаптарын сақтай отырып, дауыс беру процесінің ашық, әділ және қолжетімді болуын қамтамасыз етті.Бұл – жастардың қоғам өміріне қатысуының және өз таңдауын жасау арқылы ел болашағына үлес қосуының нақты көрінісі.Футболшылар өз таңдауын жасау арқылы қоғам өміріне қатысуының және азаматтық жауапкершілікті сезінудің маңызды үлгісін көрсетті. Бұл қадам ел болашағына деген сенімнің, белсенді азаматтық ұстанымның және әрбір азаматтың пікірінің маңызды екендігінің нақты көрінісі болып табылады.Сонымен қатар, дауыс беру учаскесінде процесс толық заң талаптарына сәйкес жүргізіліп, барлық кезеңдерде ашықтық пен әділдік қамтамасыз етілген.Футболшылардың қатысуы қоғам өміріне белсенді араласуы мен мемлекетіміздің дамуына үлес қосуына бірегей мүмкіндік екенін тағы да көрсетті.

Қызылордада «Қайсар» футбол клубының жас өспірімдері бір мезетте референдумда дауыс берді

<a href="https://kyzylorda-news.kz/">Kyzylorda-news.kz</a>&nbsp; Сырдария ауданында өтіп жатқан маңызды саяси науқан барысында ауданның көкпаршылары сайлау учаскесіне арнайы келіп, өз таңдауларын жасап, азаматтық белсенділіктің жарқын үлгісін көрсетті. Ұлттық спорттың абыройын асқақтатып жүрген көкпаршылар ел болашағына бейжай қарамай, қоғамдық маңызы зор шараға ұйымшылдықпен қатысып отыр.Көкпар – қазақ халқының ежелден келе жатқан ұлттық ойыны, ерлік пен батылдықтың, бірлік пен қайсарлықтың символы. Осы ұлттық спорттың майталмандары бүгін де бірлік танытып, ел тағдырына қатысты маңызды сәтте өз азаматтық борыштарын орындады. Олар спорт алаңында ғана емес, қоғам өмірінде де белсенділік танытып, үлгі боларлық іс көрсетті.Сайлау учаскесіне бірге келген көкпаршылар елдің тұрақтылығы мен болашағы әрбір азаматтың жауапкершілігіне байланысты екенін атап өтті. Олардың бірлесе келіп дауыс беруі – қоғамдағы ынтымақ пен ұйымшылдықтың айқын көрінісі.Жалпы, Сырдария ауданында көкпаршылардың белсенділігі тұрғындардың ел болашағына бейжай қарамайтындығын көрсетеді. Ұлттық рухты дәріптеп жүрген азаматтар бұл жолы да ел тағдырына қатысты маңызды шешім қабылдауға өз үлестерін қосты.

Сырдариялық көкпаршылар дауыс берді

<a href="https://kyzylorda-news.kz/">Kyzylorda-news.kz</a> Жаңақорған ауданында республикалық референдумға қатысу жоғары деңгейде өтуде. Аудан тұрғындары саяси науқанға белсенді қатысып, өз таңдауларын жасауда.&nbsp;Қызығы, дауыс берген тұрғындардың ең егдесі де осы ауданның тұрғыны. Биыл 101 жасқа толған Тәжбен Исабекова апамыз да референдумнан қалыс қалмай, азаматтық борышын орындады. Ғасырлық ғұмыр кешкен қазыналы қария өз шаңырағында дауыс беріп, ел болашағына бейжай қарамайтынын көрсетті.Айта кетейік, тұрғындардың дер кезінде әрі қолайлы жағдайда дауыс беруі үшін Жаңақорған ауданында барлығы 42 референдум учаскесі жұмыс істеп тұр. Учаскелерде барлық қажетті жағдай жасалып, тұрғындардың еркін таңдау жасауына мүмкіндік қарастырылған.

Ғасыр жасаған әже дауыс берді

<a href="https://kyzylorda-news.kz/">Kyzylorda-news.kz</a> Жаңақорған ауданы, Түгіскен ауылында тұратын Атымтаевтар әулетінің келіндері бір мезетте референдум учаскесіне барып, дауыс берді.Олар ел өміріндегі маңызды саяси науқанға бір отбасының мүшелері ретінде бірліктерін көрсетіп, белсенді түрде қатысуды жөн санаған. Бұл сәт ауыл тұрғындарына да ерекше әсер қалдырды. Бұл отбасының ынтымағы мен ауызбіршілігін көрсетіп қана қоймай, өзгелерге де үлгі болды. Учаске комиссиясының мүшелері де әулет келіндерінің белсенділігін атап өтіп, оларға алғыстарын білдірді. Жалпы, Түгіскен ауылында тұрғындар референдумға белсенді қатысып, өз таңдауларын жасауда.

Бір әулеттің келіндері бір мезетте барып дауыс берді

<a href="https://kyzylorda-news.kz/">Kyzylorda-news.kz</a>&nbsp; Арал ауданы Сазды ауылының жастары дауыс беруге ерекше форматта – мотоциклдермен келді. Мотошеруге қатысушылар ауыл көшелерімен жүріп өтіп, бір мезетте сайлау учаскесіне жетті. Шеруге қатысқан жастар ұлттық киім киіп, қазақтың салт-дәстүрін дәріптей отырып, азаматтық белсенділіктің жарқын үлгісін көрсетті.<blockquote> -Бүгін достарымызбен бірге, мотоциклмен дауыс беру учаскесіне келіп, өз таңдауымды жасадық. Бұл бастама ауыл тұрғындарының бірлігі мен белсенділігін көрсететіні анық. Әрбір дауыс – мемлекет болашағы үшін маңызды деп ойлаймын, менде өз болашағым үшін таңдау жасадым»- деді Алматов Асылжан.</blockquote>

Сазды ауылының жастары мотоцикл шеруін жасап, өз таңдауларын жасады

<a href="https://kyzylorda-news.kz/">Kyzylorda-news.kz</a> &nbsp;Бүгін «Наурызнама» онкүндігі аясында қайырымдылық шаралары ұйымдастырылып, тұрғындарға ерекше көңіл бөлінуде. Сонымен қатар, Тасбөгет кентінде ауыл шаруашылығы тауарларының жәрмеңкесі өтіп жатыр.&nbsp;Жәрмеңкеге жергілікті өндірушілер өз өнімдерін ұсынып, тұрғындарға сапалы азық-түлікті қолжетімді бағамен сатып алуға мүмкіндік жасалуда. Мұнда ұсынылған өнімдер базар бағасынан төмен бағада сатылып, халыққа тиімді жағдай қарастырылған.

Тасбөгет кентінде арзан бағадағы жәрмеңке ұйымдастырылды

<a href="https://kyzylorda-news.kz/">Kyzylorda-news.kz</a> Жалағаш ауданы, М.Шәменов ауылдық округіндегі №133 референдум учаскесінде еңсесін тіктеген М.Шәменов елді мекеніндегі жұртшылық саяси науқанды ерекше көңіл-күймен қарсы алды.Әсіресе, таңдауын жасап, ел ісіне атсалысуға асыққан бір топ алтын құрсақты батыр аналар көрген көзді сүйсіндірді. Батыр ана Бисен Кішкенбаева мен Айткүл Бегалиева отбасымен бірге келіп, дауыс беріп, өз таңдауын жасады.Сондай-ақ, жиырма жылдан астам тарихы бар «Асыл ана» әжелер ансамблі де өз таңдауларын жасап, маңызды шараға атсалысты. «Ел ертеңі үшін жасалған әр істе тек бірлік керек» деген ақжаулық иелері ізгі тілектерін жаудырып қоя берді.«Біз жас емеспіз, бірақ қазақ халқының ертеңі үшін, тәуелсіз еліміздің мәңгілік болуы үшін әрбіріміздің қосар үлесіміз бар екенін білеміз. Референдумның маңыздылығын ескергендіктен, барлығымыз бірге дауыс беруге келдік. Мақсат, абырой ортақ болса, кез келген белесті бағындыруға болады. Бұл жолда тек қана сәттілік тілейміз» дейді алтын құрсақты батыр аналар.Иә, төл өнерді дәріптеп, қазақы салт-дәстүрімізді насихаттап жүрген «Асыл ана» әжелер ансамбілінің аудандағы алар орны ерекше. Әсіресе мәдениет саласының көш ілгері болуына үлкен үлесін қосты.Қазіргі таңда 14 алтын құрсақты ана, батыр аналардың осы жолдағы жұмысын жандандырып, өнерді өрге сүйреп келеді.

Қазақстан және Қызылорда облысының жаңалықтары