<a href="https://kyzylorda-news.kz/">Kyzylorda-news.kz</a> Департаментпен Қазалы ауданы тұрғындарының бұзылған құқығы қалпына келтірілді.Президентіміздің «Халық үніне құлақ асу» концепциясына сай Қазақстан Республикасы Мемлекеттік қызмет істері агенттігінің Қызылорда облысы бойынша департаменті әрбір азаматтың заң шеңберінде құқықтарының қорғалуына және мемлекеттік қызметті кедергісіз алуына жағдай жасайды.Департаментпен ақпараттық жүйелер арқылы көрсетілген мемлекеттік қызметтердің сапасына үнемі қашықтықтан бақылау жұмыстары жүргізіліп келеді.Мемлекеттік қызмет көрсету мерзімін және тәртібін бұзу, толық құжатсыз қызмет көрсету, дәлелсіз бас тарту секілді фактілер анықталған жағдайда Департамент тарапынан шұғыл ден қою шаралары қабылданады.Мәселен, биылғы жылдың 3 қазанында Қазалы ауданының тұрғыны Ә.А.-ның «Жер учаскесінің нысаналы мақсатын өзгертуге шешім беру» мемлекеттік көрсетілетін қызметі бойынша 2024 жылдың 15 қыркүйегінде берілген өтінімі Қазалы ауданының Сарыкөл ауылдық округінің әкімдігімен қызмет нәтижесі белгіленген мерзімде ұсынылмағаны анықталды.Сондай-ақ, Аранды ауылдық округі әкімдігімен аудан тұрғыны К.К.-ның 2024 жылдың 17 қыркүйегінде жер учаскесіне құқықтарды алу өтінімі уақытылы тіркелмей, қызмет нәтижесі де уақытылы ұсынылмағаны белгілі болды.Осы орайда, Департаментпен шұғыл түрде бұзылған құқықтарды қалпына келтіру бағытында шаралар қабылданып, нәтижесінде биылғы жылдың 3 қазанында Сарыкөл ауылдық округі әкімдігімен жер учаскесінің нысаналы мақсаты өзгертілді және Аранды ауылдық округі әкімдігімен осы жылдың 4 қазанында жер учаскесін табыстау бойынша тиісті шешім қабылданды.Департаментпен бұзушылықтарға жол бергені үшін лауазымды тұлғаларға Қазақстан Республикасының заңнамасында көзделген жиырма айлық есептік көрсеткіш мөлшерінде әкімшілік айыппұлдар салынып, әкімдік қызметкерлеріне тиісті тәртіптік шаралар қолданылды.Қызмет алушылардың бұзылған құқықтарын қалпына келтіру жұмыстары Департаменттің негізгі басым бағыттарының бірі болып қала бермек.Егер Сіздің мемлекеттік қызмет алуда құқықтарыңыз бұзылған болса, Қазақстан Республикасы Мемлекеттік қызмет істері агенттігінің Қызылорда облысы бойынша департаментіне шағымдануыңызға болады.Мекен-жайымыз: Қызылорда қаласы, Сұлтан Бейбарыс1. Байланыс нөмірлері: 8 (7242) 70-56-36, 70-00-40.М.Бибітова,ҚР Мемлекеттік қызмет істеріагенттігінің Қызылорда облысы бойыншадепартаменті басшысының орынбасарыФото: den-der.kz

Қызмет алушылардың құқықтары қалпына келтірілді

<a href="https://kyzylorda-news.kz/">Kyzylorda-news.kz</a> Өңірде денсаулық сақтау жүйесін қаржыландыру жыл сайын артып келеді. Қаржыландыру көлемі соңғы 5 жылда, міндетті әлеуметтік медициналық сақтандыру жүйесінің арқасында, үш есеге жуық өсті. Бұл туралы Қызылорда облыстық мәслихатының Экономика, әлеуметтік және құқықтық мәселелер жөніндегі комиссиясының кеңейтілген отырысында «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Жақсылық Абдусаметов мәлімдеді.Комиссия отырысы барысында Балжан Шәменованың төрағалығымен бірқатар өзекті мәселелер қаралды. Оның бірі - Әлеуметтік медициналық сақтандыру қорының облыс бойынша филиалы жұмысының қорытындылары.Филиал директоры Жақсылық Абдусаметов атап өткендей, егер 2019 жылы саланы қаржыландыруға 45,9 млрд теңге жумсалса, 2024 жылы - 120,3 млрд теңге қарастырылды. Өсім 2,6 есе. МӘМС жүйесін енгізу арқылы салаға 35-40% қосымша қаржы келіп жатқанына арнайы тоқталды.<blockquote>«5 жыл бұрын бір отаның құны орта есеппен 353,4 мың теңге болса, биыл 6 млн. теңгеден асты. Өсім 17,6 есе. Мысалы, бұл бас және мойын тамырларының эндоваскулярлық (жаппай) эмболизациясы немесе окклюзиясы, интракраниальды артерияға стенттерді тері арқылы имплантациялау сияқты оталар. Автоматты кардиовертер/дефибрилляторды, бивентрикулярлық дефибрилляторды имплантациясы, бауыр трансплантациясы бойынша оталардың құны 9 млн. теңгеден астам», - деді спикер.</blockquote>Жақсылық Әбілқасымұлы Денсаулық сақтау министрлігінің бірқатар нормативтік құқықтық актілеріне енгізілген өзгерістер мен толықтырулар, Қор филиалының ақпараттық-түсіндіру жұмыстары туралы айтты. Осы орайда, халықты МӘМС жүйесіне толық тартудың маңыздылығына тоқтала отырып, бірлесе жұмыс жасауға шақырды.Баяндамашының айтуынша, облыста 129 890 (15,4%) адам МӘМС жүйесінде сақтандырылмаған.Сонымен қатар, депутаттар тарапынан қойылған сұрақтарға жауап берілді.Отырыс соңында күн тәртібіндегі мәселелер бойынша депутаттардың ұсыныстары ескеріліп, шешім жобасы тұрақты комиссиялардың бірлескен отырысының қарауына ұсынылды.

Аймақтың денсаулық сақтау саласын қаржыландыру өсуде

<a href="https://kyzylorda-news.kz/">Kyzylorda-news.kz</a> Бүгін Ұлттық мереке – Республика күні қарсаңында Мемлекет басшысы Қасым-Жомарт Кемелұлы Тоқаевтың «Қазақстан Республикасының мемлекеттік наградаларымен наградтау туралы» Жарлығы шықты. Жарлықта еліміздің әлеуметтік-экономикалық және мәдени дамуына, халықтар арасындағы достық пен ынтымақты нығайтуға қосқан елеулі үлесі мен белсенді қоғамдық қызметі үшін бір топ азамат мемлекеттік наградалармен марапатталғаны жарияланған.Олардың қатарында білім беру, денсаулық сақтау, мәдениет және ғылым қайраткерлері, өндіріс, бизнес салаларының көрнекті өкілдері, депутаттар, мемлекеттік және құқық қорғау органдарының қызметкерлері, әскери қызметшілер, спортшылар және еңбек ардагерлері бар.Бүгін Ақордада Республика күніне орай өткен салтанатты жиында Мемлекет басшысы Қасым-Жомарт Кемелұлы Тоқаев сөз сөйледі. Қазақстандықтарды ұлтымыздың ең ұлық мерекесімен құттықтап, бұл азаттықтың алтын қазығын қаққан күн екенін атап өтті. Еліміздің Егемендігі туралы декларация қабылданған күнді қасиетті Тәуелсіздігіміздің бастауына балады.Мемлекет басшысы өз сөзінде болашаққа сеніммен қарайтын ұлт қана табысқа жете алатынына назар аударып, өмір болған соң түрлі қиындық та кездесетініне тоқталды.<blockquote>«Еліміз таңдаған даму жолынан ешқашан айнымайды. Мұны биылғы табиғи апат кезінде тағы да дәлелдедік. Алапат тасқын, шын мәнінде, еліміз үшін зор сынақ болды. Қаншама елді мекенді қарғын су басты. Қазақстанның 10 аймағында төтенше жағдай жарияланды. Мыңдаған адам баспанасыз қалды, мал-мүлкін жоғалтты. Күрделі сәтте менің халыққа арнайы үндеу жариялағанымды білесіздер. Онда бір де бір адам ескерусіз қалмайтынын нақты айттым. Мемлекет сол уәдесін орындады. Қысқа мерзім ішінде 2700-ге жуық үй салынды. Баспанасын қалпына келтіру үшін 9 мыңнан астам отбасына өтемақы берілді. Сондай-ақ 6 мыңға жуық үй сатып алынды. Жаздан бері мыңдаған отбасы қоныс тойын тойлады. Мемлекет бүлінген инфрақұрылымның көпшілігін аз уақытта қалпына келтірді», – деді Президент.</blockquote>Қасым-Жомарт Тоқаев мұның бәрін қоғамның бірлесе атқарған жұмысының нәтижесі деп бағалап, апат салдарын жоюға атсалысқандарға, әсіресе, құтқарушыларға, еріктілерге, кәсіпкерлерге және басқа да жанашыр азаматтарға алғыс айтты.<blockquote>«Өзара тілеулестік пен қамқорлықтың арқасында сынақтан сүрінбей өттік. Шын мәнінде, біздің барлық жетістігіміз берекелі бірлік пен ырысты ынтымақтан бастау алады. Бұл – ұйысқан ұлт, мықты мемлекет болудың басты кепілі. Елде тұрақтылық болмаса, ешқандай даму болмайтынын қазір әлемде болып жатқан оқиғалардан анық аңғаруға болады. Өкінішке қарай, көптеген елдер алауыздық пен түрлі жанжалдың кесірінен тоқырауға ұшырап отыр. «Бірлік бар жерде ғана тірлік бар». Бұл – ақиқат. Біз елімізде жан-жақты реформаларды жүзеге асырып жатырмыз. Бұл – ең алдымен, халқымыздың тұтастығы мен бірлігінің арқасы. Себебі, біз таңдаған жол – өркендеу мен даму жолы. Бүгінде оның жемісін барша азаматтарымыз көруде», – деді Мемлекет басшысы.</blockquote>Салтанатты іс-шарада Мемлекет басшысы Қасым-Жомарт Кемелұлы Тоқаев ІІІ дәрежелі «Барыс» орденін Қызылорда облысының әкімі Нұрлыбек Машбекұлы Нәлібаевқа тапсырды.Жалпы биылғы мемлекеттік наградаларды тағайындауда қарапайым жұмысшылардың мәртебесін асыруға, еңбек әулеттерінің қоғамдағы абырой-беделін арттыруға айрықша мән берілді. Марапат иелерінің қатарында 450-ден астам жұмысшы, 137 педагог, 80-нен аса ғалым, 100-ге жуық құтқарушы мен ерікті бар.Еңбек династияларын марапаттау дәстүрі биыл да жалғасын тапты. Бұл жолы мұғалімдер, өндірісшілер, теміржолшылар әулеттері құрметке бөленді.<img src="https://knadmin.beoblood.kz/uploads/464290449_848701407451105_7313676181005745828_n_f68c714ef6.jpg" alt="464290449_848701407451105_7313676181005745828_n.jpg">

Облыс әкімі Нұрлыбек Нәлібаев – ІІІ дәрежелі «Барыс» орденінің иегері

<a href="https://kyzylorda-news.kz/">Kyzylorda-news.kz</a> ҚР Мемлекеттік қызмет істері агенттігінің Қызылорда облысы бойынша департаменті «Мемлекеттік көрсетілетін қызметтер туралы» Заңға сәйкес мемлекеттік көрсетілетін қызметтердің сапасына мемлекеттік бақылауды жүзеге асырады.&nbsp;Сонымен қатар, талдау және мониторинг негізінде қызметті берушілермен мемлекеттік қызмет көрсету кезінде орын алуы мүмкін бұзушылықтардың алдын алуға және көрсетілетін қызметті алушылардың құқықтары мен заңды мүдделерінің сақталуын қамтамасыз етуге бағытталған ұсыныстар әзірлейді.&nbsp;Талдау шеңберінде келесі бағыттар бойынша бағалау жүргізіледі: Мемлекеттік қызмет көрсету процесін құқықтық реттеу; Мемлекеттік қызметтерді автоматтандыру және техникалық мүмкіндіктер; Мемлекеттік қызмет көрсету үдерістерін жетілдіру.&nbsp; &nbsp; Осы ретте, Агенттікпен әзірленген әдістемелік ұсынымдардың негізінде Департаментпен әр тоқсан сайын мемлекеттік қызметтер көрсету үдерістерін жақсарту жөніндегі ұсыныстардың тізілімдері қалыптастырылып, оларды кейіннен іске асыру үшін Агенттікке жіберіледі.&nbsp;Мәселен, Департаментпен ІІМ-нің мемлекеттік көрсетілетін қызметтеріне жүргізілген талдаудың нәтижесінде қалыптастырылған ұсыныстар Агенттікке жолданып, ІІМ-мен қолдау тапқан сәтті кейске тоқталып өтсек.&nbsp; &nbsp; Көлік құралдарын басқару құқығынан айырылғаннан кейін және алғаш рет жүргізуші куәліктерін беру «Көлік құралының сәйкестендіру нөмірі бойынша көлік құралдарының жекелеген түрлерін мемлекеттік тіркеу және есепке алу, Механикалық көлік құралдарын жүргізушілерді даярлау, Емтихандар қабылдау және жүргізуші куәліктерін беру қағидаларын бекіту туралы» Қазақстан Республикасы Ішкі істер министрінің 2014 жылғы 2 желтоқсандағы №862 бұйрығына сәйкес орындалады.&nbsp; Алайда, көлік құралдарын басқару құқығынан айырылғаннан кейін жүргізуші куәлігін беру мемлекеттік көрсетілетін қызмет емес, мемлекеттік органның функциясы екені Департаментпен жүргізілген талдаудың нәтижесінде анықталған болатын.&nbsp; &nbsp;Бұл өз кезегінде азаматтарға жүргізуші куәлігін беруден негізсіз бас тартуға әкеліп соқтыруы мүмкін.&nbsp; Осы ретте, көлік құралдарын басқару құқығынан айырылғаннан кейін жүргізуші куәлігін берудің нақты ережелерін бекіту, бұл функцияны мемлекеттік көрсетілетін қызметтер тізіліміне қосу жөніндегі ұсыныс Агенттікке жолданып, «Жүргізуші куәліктерін алғаш рет беру және көлік құралдарын жүргізу құқығынан айырғаннан кейін» беру қызметін мемлекеттік көрсетілетін қызметтер тізіліміне мемлекеттік қызметтің кіші түрі &nbsp;ретінде енгізілгенін айрықша атап өтуге болады.&nbsp; &nbsp; &nbsp; &nbsp; &nbsp;Департаментпен бұл бағыттар бойынша жұмыстар әрі қарай жалғасын табатын болады.З.Арынова,&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; ҚР Мемлекеттік қызмет істері &nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; агенттігінің Қызылорда &nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; облысы бойынша &nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; &nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; департаментінің бас маманы&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;&nbsp; &nbsp; &nbsp; &nbsp; &nbsp; &nbsp; &nbsp;&nbsp; &nbsp;

Мемлекеттік қызметтерді көрсету процестерін жетілдіру жұмыстары тұрақты жүргізілуде

<a href="https://kyzylorda-news.kz/">Kyzylorda-news.kz</a> Республика күніне орай азаматтардың белгілі бір санаттары біржолғы мереке алдындағы төлем алады. Қарағанды әкімдігі ҰОС қатысушылары мен мүгедектерін, барлық топтағы мүгедектерді, АИТВ инфекциясымен ауыратын балаларды және басқа да азаматтарды мерекемен құттықтайды, - деп хабарлайды <a href="https://massaget.kz/">Massaget.kz</a> тілшісі <a href="https://ekaraganda.kz/?mod=news_read&amp;id=146463">ekaraganda.kz</a>-ке сілтеме жасап.Қарағанды әкімдігі азаматтарға Республика күніне орай төленетін біржолғы төлем туралы хабарлады. Біржолғы төлемді ҰОС қатысушылары мен мүгедектері, АИТВ инфекциясы бар балалар, туберкулезбен ауыратын науқастар, барлық топтағы мүгедек адамдар және азаматтардың басқа да санаттары алады.Мүгедектігі бар адамдар мерекеге 20 мың теңгеден алады. Қарағандыда олардың саны 22,5 мыңнан асады. АИТВ-мен ауыратын балаларға 87 мың теңгеден төленеді. Туберкулезбен ауыратын қарағандылықтар 18 мың теңге төлем алады.ҰОС қатысушылары мен мүгедектеріне 15 мың теңгеден төленеді. Қарағандыда мұндай алты азамат бар. Жауынгерлік әрекеттің ардагерлері мен Чернобыльдағы атом электр станциясындағы апатты жоюға қатысқан адамдар 44 мың теңгеден алады.Қазақстанда Республика күні 25 қазанда атап өтіледі. Бұл күні қазақстандықтар демалады.Фото: Tengrinews.kz/ Әлихан Сәриев

Қазақстандықтар Республика күніне орай біржолғы төлемдер алады

<a href="https://kyzylorda-news.kz/">Kyzylorda-news.kz</a> Ұлттық мереке – Республика күні қарсаңында Президент Қасым-Жомарт Тоқаевтың Жарлығымен еліміздің әлеуметтік-экономикалық және мәдени дамуына, халықтар арасындағы достық пен ынтымақты нығайтуға қосқан елеулі үлесі мен белсенді қоғамдық қызметі үшін бір топ азамат мемлекеттік наградалармен марапатталды.&nbsp;Соның ішінде жерлесіміз Асқар Жұмаділдаев бар.«Қазақстанның Еңбек Ері»&nbsp;атағы отандық ғылымды дамытудағы айрықша жетістіктері, сондай-ақ қоғамдық қызметтегі аса үздік еңбегі үшін Президент жанындағы Қазақстан Республикасы Ұлттық ғылым академиясының вице-президенті&nbsp;А.Жұмаділдаевқа берілді.Асқар Жұмаділдаев&nbsp;– әйгілі академик, математик. 1956 жылы Қызылорда облысы, Шиелі ауданы, Шиелі ауылында туған.&nbsp;1962 жылы №299 темiржол төртжылдық бастауыш мектебiне, 1966-69 жылдары №45 Октябрьдiң 14 жылдығы атындағы қазақ орта мектебiнде оқыған. 1970-72 жылдары Алматыдағы №56 Сатпаев атындағы физика-математика мектеп-интернатында оқыды.&nbsp;1980–90 жылдары Математика және механика институтында (қазіргі Математика институты) кіші, аға, жетекші ғылым қызметкер болды. 1990 жылдан сол институтта алгебра лабораториясының меңгерушісі. Жұмаділдаевтің негізгі ғылым-зерттеу еңбектері Ли алгебрасының когомология теориясына арналған. Ол оң сипаттамалы Ли алгебрасының когомологиялары мен деформацияларын және олардың қолдануын зерттеген. Векторлық өріс алгебрасының бөлшектенбейтін кеңеюін есептеген. Ассоциативті емес алгебраның тепе-теңдіктерін тапты. Қазақстан президентінің жалақысын тұңғыш болып есептеген математик ұялы телефонды мүлде ұстамайды.&nbsp;Ол «Төрткен» және «Төртқара» алгебрасын ойлап шығарған қазақтың тұңғыш математигі. Асқар Жұмаділдаев&nbsp;Германиядағы Гамбург, Мюнхен, Билефельд университеттерінің профессоры болды. Кэмбридж университетінің жанындағы Ньютон институтында, сондай-ақ, Италиядағы А. Салам атындағы Халықаралық теориялық физика орталығында, Швеция корольдік Ғылым Академиясының Миттаг-Леффлер атындағы Математика институтында, Канададағы Фильдс атындағы Математика институтында қызмет атқарып, дәріс оқыған.

«Қазақстанның еңбек ері» атағы алғаш рет математикке берілді

<a href="https://kyzylorda-news.kz/">Kyzylorda-news.kz</a> Ұлттық мереке – Республика күні қарсаңында Президент Қасым-Жомарт Тоқаевтың Жарлығымен еліміздің әлеуметтік-экономикалық және мәдени дамуына, халықтар арасындағы достық пен ынтымақты нығайтуға қосқан елеулі үлесі мен белсенді қоғамдық қызметі үшін бір топ азамат мемлекеттік наградалармен марапатталды. Олардың қатарында білім беру, денсаулық сақтау, мәдениет және ғылым қайраткерлері, өндіріс, бизнес салаларының көрнекті өкілдері, депутаттар, мемлекеттік және құқық қорғау органдарының қызметкерлері, әскери қызметшілер, спортшылар және еңбек ардагерлері <a href="https://kaz.inform.kz/news/respublika-kun-karsaninda-prezident-zharligimen-br-top-azamat-memlekettk-nagradalarmen-marapattaldi-b48e7f/">бар</a>.«Қазақстанның Еңбек Ері» атағы отандық ғылымды дамытудағы айрықша жетістіктері, сондай-ақ қоғамдық қызметтегі аса үздік еңбегі үшін Президент жанындағы Қазақстан Республикасы Ұлттық ғылым академиясының вице-президенті А.Жұмаділдаевқа, елдің әлеуметтік-гуманитарлық дамуындағы аса үздік жетістіктері үшін Алматы қаласы №4 арнайы мектеп-интернатының мұғалімі Г.Нұрпейісоваға, Орал қаласы А.Тайманов атындағы №34 мектеп-гимназиясының мұғалімі Э.Траисоваға және өндірістік қызметтегі ерекше еңбегі үшін Қарағанды облысы «Шахтерское» жауапкершілігі шектеулі серіктестігінің директоры Г.Прокопқа берілді.«Отан» орденімен Кардиохирургия және трансплантология ғылыми-клиникалық орталығының директоры С.Жошыбаев пен көрнекті ақын, Мемлекеттік сыйлықтың лауреаты Н.Оразалин марапатталды.І дәрежелі «Барыс» ордені Парламент Мәжілісі Төрағасының орынбасары А.Рауға, Р.Бағланова атындағы «Қазақконцерт» мемлекеттік академиялық концерттік ұйымының әртісі Н.Өнербайға, еңбек ардагерлері Қ.Жақыповқа, Ө.Озғанбаевқа, В.Редкокашинге және С.Шәкіратқа, Алматы қаласы «Persona» халықаралық клиникалық репродуктология орталығының басшысы В.Локшинге, ІІ дәрежелі «Барыс» ордені Қазақстанның Германия Федеративтік Республикасындағы Төтенше және Өкілетті елшісі Н.Онжановқа және еңбек ардагері Ж.Шәріповке, ІІІ дәрежелі «Барыс» ордені Премьер-Министрдің орынбасары Т.Дүйсеноваға, шахматтан әлем чемпионы Б.Асаубаеваға, Қызылорда облысының әкімі Н.Нәлібаевқа, Тараз қалалық Қоғамдық кеңесінің төрағасы С.Сейдәзімовке табысталды.Сонымен қатар бір топ белгілі ғалым, мәдениет, білім саласының қайраткерлері және өндіріс өкілдері, мемлекеттік қызметкерлер «Парасат» орденінің иегері атанды. Олардың қатарында Алматы қаласы «Акушерлік, гинекология және перинатология ғылыми орталығы» акционерлік қоғамы Директорлар кеңесінің төрағасы З.Аманжолова, Қызылорда облысы Шиелі ауданындағы «Арғымақ» жауапкершілігі шектеулі серіктестігінің директоры О.Байділда, «Қазақстан авторлар қоғамы» республикалық қоғамдық бірлестігінің бас директоры Б.Есенәлиев, Қазақ ұлттық өнер университетінің профессоры Х.Қалиламбекова, С.Сейфуллин атындағы Қарағанды облыстық қазақ драма театрының актері К.Кемалов, М.Әуезов атындағы әдебиет және өнер институтының бас директоры К.Матыжанов, Түркістан облысының әкімі Д.Сатыбалды, «Мағжан» әдеби-көркем журналының бас редакторы Ж.Сүлейменов, Шымкент қаласының әкімі Ғ.Сыздықбеков, М.Әуезов атындағы Қазақ ұлттық драма театрының актрисасы Д.Темірсұлтанова бар.Ұлтаралық бейбітшіліктің дамуына сіңірген елеулі еңбегі үшін «Ел бірлігі» орденімен Қазақстан халқы Ассамблеясының мүшесі С.Героев, күрдтердің «Барбанг» қауымдастығының төрағасы А.Алиев, «Мицва» қауымдастығының төрағасы А.Барон және «Динар-Электромаш» жауапкершілігі шектеулі серіктестігінің тең құрылтайшысы С.Вишняк марапатталды.Еліміздің дамып, өркендеуіне елеулі еңбегі сіңген бір топ азамат, соның ішінде Алматы қаласындағы «Балдәурен» балаларды оңалту орталығы» КМК директоры Ш.Абесов, «Астана» халықаралық қаржы орталығының басқарушысы Р.Бектұров, Астана қалалық Жас көрермендер театрының актрисасы С.Еслямова, скрипкашы Ж.Серкебаева, Қосшы қаласындағы мектеп-гимназияның директоры Д.Асқарова «Құрмет» орденімен марапатталды.Бұдан бөлек, өнеркәсіп, транспорт, құрылыс, ауыл шаруашылығы және басқа да өндіріс салаларының жұмысшылары мен еңбеккерлері ІІ және ІІІ дәрежелі «Еңбек даңқы» орденін иеленді. «Қазақстанның еңбек сіңірген қайраткері» құрметті атағы ғылым және мәдениеттің көрнекті өкілдеріне табысталды.Қазақ әдебиетінің көрнекті өкілдері, ақын-жазушылар Т.Медетбек, В.Михайлов және И.Сапарбай «Қазақстанның халық жазушысы» атағына ие болды. «Қазақстанның халық әртісі» құрметті атағы еліміздің көрнекті мәдениет қайраткерлері: театр және кино актерлері К.Жұмабековке, Л.Кәденге, О.Коржеваға, И.Лебсакқа, Р.Махпироваға, Г.Шынтемірге және Ә.Ыдырышевқа, опера әншілері М.Мұхамедқызы мен Ж.Баспақоваға, дирижер А.Мұхитдинов пен күйші С.Тұрысбекке, сондай-ақ белгілі әнші М.Ілиясоваға берілді.Сонымен қатар биылдан бастап құрметті атақтар қатарына «Қазақстанның еңбек сіңірген дәрігері» атағы қосылды. «Ұлттық ғылыми медициналық орталығы» акционерлік қоғамының бас директоры А.Байгенжин, «Ұлттық ғылыми онкология орталығы» жауапкершілігі шектеулі серіктестігі гематология орталығының басшысы В.Кемайкин және Қарағанды облыстық клиникалық ауруханасының дәрігері Б.Цхай жаңа құрметті атақтың алғашқы иегерлері атанды.Әскери және қызметтік борышын үлгілі атқарғаны, заңдылық пен құқықтық тәртіпті қамтамасыз етуде, елдің ұлттық қауіпсіздігі мен қорғаныс қабілетін нығайту кезінде көрсеткен ерлігі үшін әскери қызметшілер мен құқық қорғау органдары өкілдерінің бір тобы І және ІІ дәрежелі «Даңқ» орденімен, ІІ және ІІІ дәрежелі «Айбын» орденімен, «Ерлігі үшін» және «Жауынгерлік ерлігі үшін» медальдарымен марапатталды. Атап айтқанда, суға батып бара жатқан адамды құтқарғаны үшін Р.Қошқарбаев атындағы ІІІ дәрежелі «Айбын» орденімен Ұлттық ұланның «Шығыс» өңірлік қолбасшылығының аға жауынгері Ж.Пермабек, «Ерлігі үшін» медалімен Павлодар облысы полициясының учаскелік аға инспекторы Е.Қойкен, Ақтөбе қаласының полиция инспекторы Ф.Нұрманов, Талдықорған қаласының полиция инспекторы С.Серікқалиұлы, жасөспірімді өрттен құтқарғаны үшін Атырау қаласы полициясының учаскелік инспекторы Д.Қорғанбаев наградталды.Жалпы биылғы мемлекеттік наградаларды тағайындауда қарапайым жұмысшылардың мәртебесін асыруға, еңбек әулеттерінің қоғамдағы абырой-беделін арттыруға айрықша мән берілді. Марапат иелерінің қатарында 450-ден астам жұмысшы, 137 педагог, 80-нен аса ғалым, 100-ге жуық құтқарушы мен ерікті бар.Еңбек династияларын марапаттау дәстүрі биыл да жалғасын тапты. Бұл жолы мұғалімдер, өндірісшілер, теміржолшылар әулеттері құрметке бөленді.Фото: Kazinform

Республика күні қарсаңында ғалымдар, мұғалімдер, дәрігерлер, құтқарушылар және жұмысшылар марапатталды

<a href="https://kyzylorda-news.kz/">Kyzylorda-news.kz</a> Қазақстанда кезекші мамандандырылған ХҚКО-лардың жұмыс кестесі өзгерді. 22 қазаннан бастап жұмыс уақыты ұзарды.Енді кезекші мамандандырылған халыққа қызмет көрсету орталықтары дүйсенбіден жұмаға дейін 09.00-ден 20.00-ге дейін, ал сенбі күндері 09.00-ден 13.00-ге дейін қызмет көрсетеді. Бұл ретте кезекші болып есептелмейтін мамандандырылған халыққа қызмет көрсету орталықтары әдеттегі жұмыс кестесімен, яғни 09.00-ден 18.00-ге дейін қызмет көрсететін болады.Аталған өзгерістер азаматтарға мемлекеттік қызмет көрсетуді қолжетімді етуге бағытталған. Айта кетейік, мамандандырылған халыққа қызмет көрсету орталығы көлік құралдарын тіркеу және есепке алу қызметін 18.00-ге дейін көрсетсе, дайын құжаттарды беру бойынша жұмыс 20.00-ге дейін жүзеге асырылады.Кезекші ХҚКО-лар дүйсенбіден жұмаға дейін сағат 9:00-ден 20:00-ге дейін, сенбі күні 9:00-ден 13:00-ге дейін қызмет көрсетеді. ХҚКО-лар азаматтарды жұмыс күндері сағат 9:00-ден 18:00-ге дейін қабылдайды.Еске сала кетейік, кезекші мамандандырылған ХҚКО Қызылорда қаласы бойынша Мамандандырылған ХҚКО Тасбөгет кенті Жанадария 91 мекенжайы бойынша орналасқан.Фото: zakon.kz

Кезекші мамандандырылған ХҚКО-ның жұмыс кестесі жаңартылды

<a href="https://kyzylorda-news.kz/">Kyzylorda-news.kz</a>&nbsp;Қызылорда облыстық Қазақстан халқы Ассамблеясының қолдауымен Bastime зияткер клубының ұйымдастыруымен 25 қазан - Республика күніне орай Grill мейрамханасында Quiz интеллектуалды сайысы өтті.Мақсат - ұлттық бірегейлікті нығайту, бірлік пен татулықты дәріптеу, қоғамдық келісімді, қазақ тілін насихаттау.Quiz сайысына этномәдени бірлестіктердің төрағалары, өңірлік ҚХА құрылымдары Аналар кеңесінің, Ғылыми-сарапшылық топтың, Ассамблея жастарының, Журналистер клубының, Медиация кеңесінің төрағалары, мүшелері және дербес топтарды қосқанда барлығы 9 команда қатысты.Сайыс 7 кезеңнен тұрды. Бірінші «ТесТез» - 7 сұрақтан тұрды, әр сұрақтың 4 жауап нұсқасы бар, ойлануға 30 секунд, әр дұрыс жауапқа 1 ұпай берілді. Екінші «Топжарған» - 7 сұрақтан тұрды. Бұл кезеңде барлық сұрақтардың жауабы бір тақырыпты қамтыды. Әр сұраққа 30 секунд, дұрыс жауапқа 1 ұпай берілді. Үшінші «Медиа» - 7 сұрақтан тұрды. Медиа тақырыбындағы сұрақтар кезеңінде әр сұрақка ойлануға 60 секунд берілді. Төртінші кезең «Тақырып» - 7 сұрақтан тұрды, олардың жауаптары бір ортақ тақырыппен біріктірілді, әр сұраққа 60 секунд, әр дұрыс жауапқа 1 ұпай берілді.Квиз сайысының тартысты сәті - «Капитандар» кезеңі болды. Капитандар бөлек, топ болып ойнады. Әр сұраққа 60 секунд, дұрыс жауапқа 1 ұпай. Капитан мен топтың ұпайы қосылды. Сондай-ақ, «БәсТайм» кезеңі - 7 логикалық сұрақтан тұрды, әр дұрыс жауап үшін берілетін 1 ұпайға қосымша 1 ұпай берілді.Әр кезеңнің сауалдары бір-бірінен ерекше, әрі күрделі болды. Қызылорда облыстық қоғамдық даму басқармасы басшысының орынбасары Қуаныш Әбілдаев сайысты қорытындылай келе, қатысушыларды 25 қазан ұлттық мереке – Республика күнімен құттықтады. Квиз сайысының танымдық білім жетілдіруде ұтымды бастама екендігін алға тартты. Рухани азық пен шығармашылық даму сыйлайтын ұжымдық сайыстарды түрлі бағытта ұйымдастыруды дәстүрге айналдыруға шақырды.Нәтижесінде жүлделі бірінші орынды «HUSTON» тобы жеңіп, 25 мың теңгелік сертификат иеленді. Екінші жүлделі орынды – «Сыр білімі» тобы қанжығасына байлап, 15 мың теңге сертификат алды. Ал үшінші орын облыстық ҚХА атынан қатысқан «TORNADO» тобына бұйырды. Оларға 10 мың теңгенің сертификаты табысталды. Барлық белсенді қатысқан топтарға Алғыс хат берілді.<img src="https://knadmin.beoblood.kz/uploads/464296983_3876313566021128_6285089880032323189_n_6658cd6cf0.jpg" alt="464296983_3876313566021128_6285089880032323189_n.jpg"><img src="https://knadmin.beoblood.kz/uploads/464441314_3876313622687789_214382201233025088_n_485d2c01a0.jpg" alt="464441314_3876313622687789_214382201233025088_n.jpg">Фото: «Қоғамдық келісім» КММ баспасөз қызметі

Республика күніне орай Quiz интеллектуалды сайысы өтті

<a href="https://kyzylorda-news.kz/">Kyzylorda-news.kz</a> Бүгін Ұлттық мереке – Республика күні қарсаңында Мемлекет басшысы Қасым-Жомарт Кемелұлы Тоқаевтың «Қазақстан Республикасының мемлекеттік наградаларымен наградтау туралы» Жарлығы шықты.Жарлықта еліміздің әлеуметтік-экономикалық және мәдени дамуына, халықтар арасындағы достық пен ынтымақты нығайтуға қосқан елеулі үлесі мен белсенді қоғамдық қызметі үшін бір топ азамат мемлекеттік наградалармен марапатталғаны жарияланған.Аталған Жарлық бойынша ІІІ дәрежелі «Барыс» ордені Қызылорда облысының әкімі Нұрлыбек Машбекұлы Нәлібаевқа берілді.Бұл марапатқа ел азаматтары Қазақстан Республикасының мемлекеттігі мен егемендігін нығайту ісіндегі, бейбітшілікті, қоғамның топтасуы мен Қазақстан халқының бірлігін қамтамасыз етудегі, мемлекеттік, өндірістік, ғылыми, әлеуметтік-мәдени және қоғамдық қызметтегі, халықтар арасындағы ынтымақтастықты нығайтудағы, ұлттық мәдениеттерді жақындастыру мен оларды өзара байытудағы, мемлекеттер арасындағы достық қатынастарды нығайтудағы айрықша еңбегі үшін ұсынылады.Фото: облыс әкімдігі&nbsp;

Мереке қарсаңындағы марапат

<a href="https://kyzylorda-news.kz/">Kyzylorda-news.kz</a>&nbsp; &nbsp;Республика күні – халықтың рухын көтеріп, бірлікті бекемдейтін, ынтымақты арттыратын айшықты мереке.Мемлекет басшысы Қасым-Жомарт Кемелұлы: «Республика күні елдің мемлекет құру жолындағы тарихи қадамының символы болу керек» - деген болатын.Ұлттық мереке аясында облыс көлемінде өтетін іс-шаралар туралы облыс әкімінің орынбасары Ш.Байманов журналистерге арналған баспасөз конференциясында айтып берді.<div class="raw-html-embed"><iframe src="https://www.facebook.com/plugins/video.php?height=476&amp;href=https%3A%2F%2Fwww.facebook.com%2Fqyzylorda.press%2Fvideos%2F922336109784385%2F&amp;show_text=false&amp;width=267&amp;t=0" width="267" height="476" style="border:none;overflow:hidden" scrolling="no" frameborder="0" allowfullscreen="true" allow="autoplay; clipboard-write; encrypted-media; picture-in-picture; web-share"></iframe></div>Республика күнін жоғары деңгейде атап өтудің облыстық іс-шаралар жоспары әзірленіп, бекітілген.Жоспар кешенді әрі негізгі шараларды қамтыған 50 тармақтан тұрады.Қала және аудан орталықтарын көрнекі безендіруге ерекше мән берілген.Мереке мазмұнын толық ашу үшін &nbsp;қоғамдық-бұқаралық, мәдени-көпшілік, ағартушылық-зияткерлік, ғылыми-танымдық және спорттық шаралар 18 қазаннан бастау алды. Тарихи тұлғалар және Сыр өңірінің әлеуметтік-экономикалық, мәдени-рухани дамуында өзіндік қолтаңбасы бар азаматтардың мерейтойлары кеңінен аталып өтті.Облыс әкімінің қатысуымен Қазалы ауданының Абай ауылы "көгілдір отынға" қосылды. Әйтеке би кентінде 200 келушіге арналған спорт кешені ашылды, 120 пәтерлі 60 тұрғын үйдің кілті әлеуметтік осал топтағы отбасыларға табысталды.19 қазаннан бері қала және аудандарда «Алтын күз-2024» мерекесі аясында ауыл шаруашылығы өнімдерінің жәрмеңкесі, «Таза Қазақстан» экологиялық акциясы аясында жаппай сенбіліктер, &nbsp;«Менің аулам», «Менің көшем», «Менің туған жерім» атты экологиялық отбасылық сайыстар өткізілді.21-26 қазан аралығында қайырымдылық ұйымдар және ерікті азаматтар әлеуметтік осал топтағы тұрғындарды қолдау мақсатында «Жанашыр жүрек» жаппай қайырымдылық акциясын ұйымдастыруда. Білім мекемелерінде тәрбие сағаттары, танымдық кештер, &nbsp;Мемлекеттік әнұранды жаппай орындау, патриоттық әндер байқауы өткізілуде.23 қазанда ауыл спортшылары арасында «Алтын күз - 2024» облыстық XXXVII спартикадасы болады.24 қазаннан &nbsp;«Қыран елім – Қазақстаным!» акциясы аясында Мемлекеттік әнұранды жаппай орындау, көпқабаты үй балкондарына мемлекеттік ту ілу &nbsp;флэш-мобтары, Отан туралы шығармалар орындау челленджі ұйымдастырылады.Сонымен бірге облыс әкімінің қатысуымен салтанатты концерт өтіп, өңірдің, &nbsp;елдің дамуына сүбелі үлес қосқан жерлестеріміз марапатталады.25 қазан күні &nbsp;барлық аудандар мен Қызылорда қаласының Мемлекеттік рәміздер аллеясында «Қыран елім – Қазақстаным!» Мемлекеттік туды салтанатты көтеру шарасы өткізіледі.&nbsp;Фото: facebook Жастар Рухы Кызылорда

Республика күні бекітілген облыстық іс-шаралар жоспары аясында атап өтіледі 

<a href="https://kyzylorda-news.kz/">Kyzylorda-news.kz</a> Көрнекті мемлекет және қоғам қайраткері, экономика ғылымдарының докторы, профессор, «Отан», «Парасат», «Құрмет», І дәрежелі «Барыс» ордендерінің және Ресей Федерациясының «Достық» орденінің иегері, Қызылорда, Ақтөбе, Оңтүстік Қазақстан және Шығыс Қазақстан облыстарының Құрметті азаматы Сапарбаев Бердібек Машбекұлын еске алуға арналған жасөспірімдер арасындағы үстел теннисінен республикалық турнир өз мәресіне жетті.Жарысқа Түркістан, Қызылорда облысынан және Шымкент қаласынан 15 команда, барлығы 182 спортшы қатысты.Турнир қорытындысы бойынша төмендегі спортшылар жеңімпаз атанды.2010 – 2012 жылы туған ұлдар арасында өткен жарыста түркістандық Ермаханұлы Абылайхан жеңімпаз атанды. II орын шымкенттік Хавазметов Бекзод, III орын Бакуов Азиз (Қызылорда қаласы) және Балымбек Бағдаулет бұйырды.2010 – 2012 жылы туған қыздар арасындағы жарыста Шымкенттік Қосар Томирис жеңімпаз атанса, II орын Камилжанова Ойдын (Шымкент қаласы), III орын Әлжанова Хадиша (Қызылорда қаласы) мен Аязбаева Айаруға (Қармақшы ауданы) бұйырды.2013 жылы туған ұлдар арасындағы жарыста қызылордалық Айдарбек Әлемби жеңімпаз атанса, II орынды Маратұлы Даниял (Қызылорда қаласы), III орынды Сейілбек Мейрамбек (Түркістан) және жаңақорғандық Шанжарханұлы Нұрдаулет жеңіп алды.Ал 2013 жылы туған қыздар арасындағы жарыста жаңақорғандық Есенбек Гүлсезім жеңімпаз атанса, II орынды Құрбанбаева Гүлназ (Шымкент қаласы), III орынды Манаева Нұрай (Шымкент қаласы) және Әлжанова Аделя (Қызылорда қаласы) жүлдегер атанды.Барлық жеңімпаздар мен жүлдегерлерге демеушілердің арнайы тағайындалған медаль, кубок және бағалы сыйлықтары табыс етілді.Фото: Жаңақорған ауданының әкімдігі

Қазақстан және Қызылорда облысының жаңалықтары