<a href="https://kyzylorda-news.kz/">Kyzylorda-news.kz</a>. ҚР Парламент Мәжілісінің депутаты, «AMANAT» партиясы депутаттық фракциясының мүшесі Геннадий Шиповскихтің сапары Бестам ауылының тұрғындарымен кездесіп, референдум өткізудің маңыздылығын түсіндірді.
Бестам ауылына кездесуге «AMANAT» партиясы Шиелі аудандық филиалының штаб төрағасы Сыздық Болат Мүбаракұлы, штаб мүшелері Қасымов Қалмырза Айдарұлы, және облыстық мәслихат депутаты Дүйсенбек Баян Сабырқызы, штаб мүшесі Сапарбаев Нұрсұлтан Аманғалиұлы қатысты.
Мәжіліс депутаты өңірге жасаған жұмыс сапарында елді мекеннің жай-күйімен танысты. Сонымен қатар Мәжіліс Депутаты Геннадий Шиповских, референдум өткізу – демократиялық дамудың жаңа көрінісі екендігін, референдум арқылы мемлекет пен қоғамның өзара іс-қимылының жаңа жүйесіне көшу жүзеге асырылатындығын атап өтті.
Ауыл тұрғындары референдумды қолдайтындарын жеткізіп, депутатпен пікірталастарға белсене қатысып, көптеген сұрақтар қойып, өз пікірлерімен бөлісті.
<img src="https://kyzylorda-news.kz/wp-content/uploads/2022/05/284099383_1201270110683759_9210452275724667996_n.jpg" alt="" />

Республикалық қоғамдық штаб мүшесі ауыл тұрғындарымен кездесті

&nbsp;<a href="https://kyzylorda-news.kz/">Kyzylorda-news.kz</a>.&nbsp; ҚР Еңбек және халықты әлеуметтік қорғау министрі Тамара Дүйсенова зейнет жасын төмендету туралы сұрақтарға жауап берді, деп хабарлайды ҚазАқпарат.
<blockquote>
 «Жалпы зейнетақы жүйесі туралы айтылған кезде сіздер бір нәрсені білгеніңіз жөн. Біз 1998 жылы зейнетақы жүйесін реформаладық. Сол реформаға сәйкес, 1998 жылдың 1 қаңтарына дейін еңбек өтілі бар азаматтар ғана мемлекеттен еңбек зейнетақысын алады, содан кейін оған қосымша базалық зейнетақыны алады. Ал егер біз зейнет жасын төмендететін болсақ, онсыз да еңбек өтілі төмендеп келе жатыр, зейнетақы да өте төмен болады», – деді Тамара Дүйсенова Сенатта тілшілерге берген сұхбатында.
</blockquote>
Министр азаматтардың зейнетке ерте шығу мүмкіндігі де бар екенін еске салды.
<blockquote>
 «Сондықтан азаматтар 1998 жылдан кейін жинақтаушы зейнетақыға өз уақытында қосылып отырса, жарнасы дұрыс болса, 63 емес, тіпті 50 жасында зейнетке шығып кетуге мүмкіндігі бар деп заңда жазылып қойған. Сондықтан да азаматтардың ең негізгі жұмысы – зейнетақы жүйесіне уақытында қосылып, уақытында жарнасын төлеп отырса, зейнетке ерте шығуға толық мүмкіндігі бар. Бұл әйелдер ғана емес, ер адамдарға да қатысты», – деді Еңбек министрі.
</blockquote>

Тамара Дүйсенова: Зейнет жасын төмендетсек, зейнетақы да аз болады

<a href="https://kyzylorda-news.kz/">Kyzylorda-news.kz</a>.&nbsp; Бүгін Өңірлік коммуникациялар қызметі ұйымдастырған көшпелі брифингте Әли Мүсілімов атындағы №101 мектеп-лицейінде жазғы мектептің жұмысы таныстырылды. Мұнда бастауыш және жоғары сыныптардан барлығы 500-ге жуық білім алушы дәріс алады.
Сондай-ақ, оқушылардың шығармашылықпен айналысуына бірнеше үйірмелер қамтылған. Солардың бірі – білім ордасының ұстаздары мен шәкірттері «жасыл мектеп» жобасы аясында әртүрлі өсімдік түрлеріне тәжірбие жасап, тың дүниелермен айналысуды қолға алған.
<blockquote>
 26 мамырдан бастап жазғы мектеп өз жұмысын бастады. Білім алушыларға 23 педагог сабақ береді. Оқушылардың шығармашылығы мен ойлау қабілетін жан-жақты дамуы үшін әртүрлі үйірмелер жұмыс істейтін болады. Атап айтқанда, «Сoworking» орталығы, «Дарынды дос» жолдастық көмек көрсету жобасы, «Жасыл мектеп», домбыра сыныбы, және IT бағытындағы үйірмелер жас өрендердің шығармашылығын ұштастыруға арналған. Сондай-ақ, пәндік жұмыстарды жүйелі түрде жүргізу басты назарда. Мектеп ұстаздары, өзін-өзі басқару ұйымының мүшелері, дебат клубы жоспарға сай түрлі бағытта сабақ үйретеді, – деді Әли Мүсілімов атындағы №101 мектеп-лицейдің директоры Айгүл Өткелбаева.
</blockquote>
Айта кету керек, облыстағы 295 мектептің 117 мыңға жуық оқушысы жазғы мектепке қатысуға ниетті. Оларға 14 мыңнан астам педагог сабақ беріп, арнайы сыныптар жасақталды.
<blockquote>
 Білім беру ұйымдарында 26 мамыр мен 17 маусым аралығында жазғы мектеп жүргізіледі. Оқу пәндері бойынша күніне 3-4 сабақ 40 минуттан өткізіледі. Оқушыларға үй тапсырмасы берілмейді. Сонымен қатар еркін киім үлгісін киюге рұқсат берілген. Айта кететін жайт, мұғалімдерге еңбек ақы толық төленетін болады. Кезекті еңбек демалысының күндері өзгеріссіз беріледі, – деді облыстық білім басқармасының бөлім басшысы Нұрлан Дәулеталиев.
</blockquote>
<img src="https://kyzylorda-news.kz/wp-content/uploads/2022/05/283755134_1540712186324288_9006811160509133899_n.jpg" alt="" />
<img src="https://kyzylorda-news.kz/wp-content/uploads/2022/05/283947371_1540712149657625_4061907029070195328_n.jpg" alt="" />

26 мамырдан бастап жазғы мектеп өз жұмысын бастады

<a href="https://kyzylorda-news.kz/">Kyzylorda-news.kz</a>.&nbsp; Республикалық референдумға шығарылған Коституцияға енгізілетін толықтырулар мен түзетулерді талқылау бойынша «AMANAT» партиясы облыстық филиалы жанындағы «TALQYLAU» қоғамдық диалог алаңының отырысы өтті.
Алаң жұмысы спикерлердің жеке сөз сөйлеуі, барлық қатысушылардың қатысуымен жалпы пікірталас, спикерлердің сөзін түйіндейтін сұрақ-жауаптар форматында өткізілді. 
Шараны партияның облыстық филиалының Атқарушы хатшысы, партия филиалы жанындағы қоғамдық штаб төрағасы Ләйлә Төрешова жүргізіп, күн тәртібіндегі маңызды мәселеге шолу жасады.
Халықтың маңызды мәселелерін шешуді іздеуде мемлекеттік органдардың, саяси партиялардың және азаматтық қоғамның өкілдері арасында сындарлы диалог құру, тұжырымдамаларға, бағдарламаларға, бастамаларға қоғамдық сараптама жүргізу, республикалық және жергілікті деңгейлерде қабылданатын шешімдерді жария түрде ортаға салу үшін жағдайлар жасауды мақсат еткен жиында алдағы өтетін саяси науқанның салмағы сараланды.
Референдум – қоғам арасында қызу талқыланып, қолдау тауып отыр. Конституцияны бүкілхалықтық дауыс беру арқылы өзгерту халықтың еркін білдіруінің айқын көрінісі болатындығын, соңғы Жолдауда Президент тың саяси реформаларды жариялап, билік институттары арасындағы конституциялық құрылымды жетілдіруге мүдделі екенін танытты. Өзгеріс аз емес, соның бірі – Қазақстан суперпрезиденттік басқару формасынан қуатты Парламенті бар президенттік республикаға ауысады. Яғни Президенттің бірқатар өкілетіктері Парламентке өтетіндігі, осынша өзгеріс елде демкоратиялық процестерді жетілдіріп, биліктің көзі – халық деген принципті жүзеге асырады. Яғни, қоғам өз өкілдері арқылы маңызды шешімдерге араласады. Осыншалық ауқымды реформаларды заңмен бекіту үшін бізге референдум қажет. Себебі бұл тек Президент не Парламент шешетін мәселе емес, бұл – бүкілхалықтық деңгейдегі міндет екендігін атап өтті өз сөзінде партия филиалының Атқарушы хатшысы Л.Төрешова.
Мұнан бөлек диалог алаңына қатысқан ҮЕҰ өкілдері, журналистер, ғалымдар, облыстық, қалалық штабтың мүшелері және партия белсенділері де қатысып, өз пікірлерін партия алаңында ортаға салды.
Сондай-ақ, диалог алаңында спикерлер Мақсұт Нәлібаев, Сәрсенкүл Биқожа, Мұрат Насимов пен Сәулет Сахиев референдум арқылы мемлекет пен қоғамның өзара іс-қимылының жаңа моделіне көшу жүзеге асырылатындығы туралы кеңінен пікірлерін білдіріп, елге оң өзгеріс әкелуге септігін тигізетін түзетулер үшін дауыс беруге шақырды.
Алаң жұмысына қатысушылар өз ойларын ортаға салып, жаңа өзгерістерге өз дауыстарын беруге ынталы екендіктерін білдірді.

«TALQYLAU» диалог алаңында референдум маңыздылығы талқыланды

<a href="https://kyzylorda-news.kz/">Kyzylorda-news.kz</a>.&nbsp; Қазіргі таңда елімізде Президент Қасым-Жомарт Тоқаевтың Ата заңға өзгерістер енгізу мақсатындағы жалпыхалықтық референдум өткізу туралы ұсынысы қызу талқыланып жатқанын көріп, мен де өз пікірімді білдірейін деп шештім. Әрине, пікір әртүрлі болғанымен, түбінде бәріміз де Қазақстанның болашағының жарқын болуына мүдделіміз.
Мемлекет басшысының Ассамблея сессиясында: «Екінші Республиканы бірге құрамыз, Жаңа Қазақстанда әр азаматқа бірдей мүмкіндік беретін әділ әрі дамыған мемлекет боламыз» деп атап көрсетуі халықтық демократияның көрінісі деуге болады. Президенттің бұл сөздерінен елдегі күрделі мәселелерді шешуде соңғы сөзді халықтың өзіне қалдыруы Қазақстандағы үлкен өзгерістердің бастамасы болады деп ойлаймын. Себебі бұл – демократиялық әділ қадам, яғни халық өз тағдырын өзі шешеді.
Сонымен алдағы референдум аясында Ата заңымыздың 33 бабына түзетулер енгізілмекші. Бұл дегеніміз – еліміздің ең басты құжатының үштен бірі өзгереді деген сөз.Баршаңызды референдумға қатысуға, дауыс беруге шақырамын7
И.Нарзілдаұлы,
Халықаралық “Қазақ тілі” қоғамының Жаңақорған аудандық филиалының төрағасы

Референдум &#8211; үлкен өзгерістер бастамасы

<a href="https://kyzylorda-news.kz/">Kyzylorda-news.kz</a>. Қасым-Жомарт Тоқаев пен Садыр Жапаров шағын форматта өткен кездесуден кейін екі мемлекеттің ресми делегацияларының қатысуымен кеңейтілген құрамда келіссөз жүргізді, деп хабарлайды Ақорда.
Қасым-Жомарт Тоқаев қырғыз делегациясына ілтипат білдіріп, Садыр Жапаровтың екіжақты қатынастарды жаңа деңгейге көтеру жөніндегі бастамасын&nbsp; қолдайтынын айтты.
<blockquote>
 – Тәуелсіздік кезеңінен бері қазақ-қырғыз ынтымақтастығы барлық салада қарқынды дамып келеді. Осы байланысымыз стартегиялық серіктестік және одақтастық рухында нығая түсуде. Бұған қос халыққа ортақ құндылықтардың арқасында қол жеткіздік, – деді Мемлекетіміздің басшысы.&nbsp;
</blockquote>
<img src="https://akorda.kz/public/assets/media/uploadMedia/1653550163_DSC_2353.jpg_2.jpg" alt="" />
Қазақстан Президенті шағын форматта өткен келіссөздердің нәтижесіне көңілі толатынын атап өтіп, Қырғызстан Президентінің елімізбен арадағы көпжақты серіктестікті тереңдетуге деген ниетін жоғары бағалады.
<blockquote>
 – Мен өз тарапымнан Қазақстанның қазақ-қырғыз қатынастарын достық, тату көршілік және шынайы одақтастық рухында жан-жақты нығайтудың стратегиялық бағытына берік екенін атап өткім келеді, – деді Қасым-Жомарт Тоқаев.
</blockquote>
Қасым-Жомарт Тоқаев мемлекетаралық қатынастардың қарқынды дамып келе жатқанын айта келе, жоғары деңгейдегі өзара сенімді және белсенді саяси диалогқа, екі ел үкіметтерінің үйлесімді жұмысына тоқталды.
<img src="https://akorda.kz/public/assets/media/uploadMedia/1653550259_DOS_9582.jpg_2.jpg" alt="" />
Қасым-Жомарт Тоқаев қырғыз көшбасшысының Қазақстанға жасаған мемлекеттік сапарының қорытындысы бойынша қол жеткізілген уағдаластықтардың табысты жүзеге асырылып жатқанын айтты. Атап айтқанда, екі ел үкіметтері арасындағы байланыстардың жандануы, жаңғырған «Қордай – Ақ жол» өткізу бекетінің ашылуы, тұрақты гуманитарлық көмек көрсету және&nbsp; электр энергиясымен алмасу жөнінде сөз болды.
Сонымен қатар Мемлекет басшысы әлемдік экономиканың құбылмалы жағдайындағы ықпалдастықтың жаңа формаларына назар аударды.
Қазақстан Президенті өзара экспорттық номенклатураны кеңейту, қазақ-қырғыз шекарасындағы өткізу мүмкіндігін, соның ішінде кедендік рәсімдерге цифрлық шешімдерді енгізе отырып жақсарту арқылы тауар айналымын ұлғайту мәселелеріне тоқталды.
Бұдан бөлек Қасым-Жомарт Тоқаев облыстар мен өңірлер арасындағы кең ауқымды ықпалдастықты жолға қоюдың маңызды екенін атап өтті. Осы ретте, Президент Қазақстан мен Қырғызстан арасында бірінші Өңіраралық ынтымақтастық форумын тез арада ұйымдастырудың маңызды екенін айтты.
<img src="https://akorda.kz/public/assets/media/uploadMedia/1653550316_DSC_2436.jpg_2.jpg" alt="" />
Мемлекет басшысы өзара тиімді ұсыныстарды зерделеп және перспективті жобалардың тізімін жасай отырып, инвестициялық ынтымақтастықты жандандыруға шақырды. Қырғызстанда гидроэнергетикалық нысанды, атап айтқанда Қамбар ата ГЭС-ін бірлесіп салу соның бірі болуы мүмкін.
Келіссөздер барысында су дипломатиясы, ақпараттық технология саласындағы кооперацияны нығайту мәселелері қарастырылды.
Мәдени-гуманитарлық байланыстар бауырлас екі халықтың жақындай түсуіне маңызды үлес қосады. Мемлекет басшысы Бішкек қаласының орталығында қазақтың ұлы ақыны Абай Құнанбайұлының ескерткішін ашу жөніндегі шешімі үшін Садыр Жапаровқа алғыс білдірді. Екі ел президенттері бүгінгі келіссөздерден кейін осы монументтің салтанатты ашылу рәсіміне барады. Қасым-Жомарт Тоқаев өз кезегінде Нұр-Сұлтан қаласында Манасқа ескерткіш қойылатынын айтты.
Қасым-Жомарт Тоқаев Қазақстанның сегіз жоғары оқу орны Қырғызстанда өкілдіктерін ашуға ниет білдіріп отырғанын атап өтіп, қырғыз студенттері үшін бөлінетін квоталардың саны 50-ге дейін көбейгенін жеткізді.
<img src="https://akorda.kz/public/assets/media/uploadMedia/1653550389_KZ1_9013.jpg_2.jpg" alt="" />
Қырғызстан Президенті өз кезегінде екіжақты қатынастардың қарқынды дамып келе жатқанын айтты.
<blockquote>
 – Мемлекеттеріміз арасында ешқандай саяси қайшылық жоқ. Ең бастысы – осы. Қырғызстан мен Қазақстан күш біріктіре отырып, екіжақты байланыстарды одан әрі нығайтуды, сондай-ақ аймақтық тұрақтылық пен қауіпсіздікті нығайту үшін өңіраралық және халықаралық құрылымдар аясындағы конструктивті ықпалдастықты қамтамасыз ететіні жөнінде айқын түсінік бар, – деді Қырғызстан Президенті.
</blockquote>
<img src="https://akorda.kz/public/assets/media/uploadMedia/1653550646_KZ1_8970.jpg_2.jpg" alt="" />
Кездесу аясында Қазақстан мен Қырғызстан көшбасшыларына «Қарасу» және «Ақ-Тілек» өткізу бекеттерінің аумағында «Алатау» индустриялды сауда-логистикалық кешені құрылысының басталғаны туралы бейнесюжет көрсетілді. Бұл нысанның салынуы арадағы делдалдардың санын азайтуға, тұтынушылар үшін өнімнің өзіндік құнын төмендетуге және жеткізу жылдамдығын арттыруға мүмкіндік береді.
Келіссөздер қорытындысы бойынша Қасым-Жомарт Тоқаев пен Садыр Жапаров екіжақты ынтымақтастықты мейлінше жаңа деңгейге көтеруге, серіктестікті одан әрі жандандыруға және халықаралық аренадағы іс-қимылдарды үйлестіруге бағытталған бірлескен мәлімдемеге қол қойды.
Содан кейін мемлекет басшыларының қатысуымен ресми делегациялардың мүшелері мынадай құжаттарға қол қойды:
<ol>
<li>Қазақстан Республикасының Алматы облысының әкімдігі мен Қырғыз Республикасы Президентінің Ыстықкөл облысындағы өкілетті өкілінің аппараты арасындағы Ынтымақтастықты нығайтуға байланысты келісімді жасасу ниеті туралы хаттама.</li>
<li>Қазақстан Республикасы Түркістан облысының әкімдігі мен Қырғыз Республикасы Президентінің Ош облысындағы өкілетті өкілінің аппараты арасындағы Ынтымақтастық туралы меморандум.</li>
<li>Қазақстан Республикасы Жамбыл облысының әкімдігі мен Қырғыз Республикасы Президентінің Талас облысындағы өкілетті өкілінің аппараты арасындағы Ынтымақтастық туралы меморандум.</li>
<li>Қазақстан Республикасы Сауда және интеграция министрлігі мен Қырғыз Республикасының Экономика және коммерция министрлігі және «JOINT TECHNOLOGIES» Жауапкершілігі шектеулі серіктестігі арасындағы «Ақ тілек» және «Қарасу» автожол өткізу пункттері ауданындағы индустриялық сауда-логистикалық кешен инфрақұрылымына инвестиция тарту туралы меморандум.</li>
<li>Қазақстан Республикасының Ауыл шаруашылығы министрлігі мен Қырғыз Республикасының Ауыл шаруашылығы министрлігі арасындағы Өзара түсіністік туралы меморандум.</li>
<li>Қазақстан Республикасының Үкіметі мен Қырғыз Республикасының Министрлер кабинеті арасындағы Шекара маңы аумақтарында табиғи өрттердің профилактикасы және оларды сөндіру жөніндегі үкіметаралық келісім.</li>
<li>Қазақстан Республикасының Үкіметі мен Қырғыз Республикасының Министрлер кабинеті арасындағы Авиациялық іздестіру және құтқару саласындағы ынтымақтастық туралы үкіметаралық келісім.</li>
<li>Қазақстан Республикасының Үкіметі мен Қырғыз Республикасының Министрлер кабинеті арасындағы 2006 жылғы 4 шілдедегі&nbsp; Білім беру саласындағы ынтымақтастық туралы келісімге өзгерістер енгізу туралы Хаттама.</li>
<li>Қазақстан Республикасы мен Қырғыз Республикасы арасындағы 1996 жылғы 26 тамыздағы Азаматтық және қылмыстық істер бойынша өзара құқықтық көмек көрсету туралы шартқа өзгерістер мен толықтырулар енгізу туралы Хаттама.</li>
<li>&nbsp;Қазақстан Республикасы Сыртқы істер министрлігі мен Қырғыз Республикасының Сыртқы істер министрлігі арасында Дипломатиялық қатынастардың орнағанына 30 жыл толуына орай 2022 жылға арналған Сыртқы істер министрліктері арасындағы Бірлескен іс-шаралар жоспары.</li>
</ol>

Қазақстан мен Қырғызстан президенттері кеңейтілген құрамда келіссөз жүргізді

<a href="https://kyzylorda-news.kz/">Kyzylorda-news.kz</a>. «Балаларға күлкі сыйла!». Осындай атаумен Қызылорда облысында тіс ауруларының алдын алуға арналған науқан өтуде. Ұйымдастырушы – Әлеуметтік медициналық сақтандыру қоры. Науқан аясында кішкентай пациенттер тегін стоматологиялық қызмет алуда.
Үшінші сынып оқушысы Нұрай мен сіңілсі Ақару аурған тістерін емдеу мен пломбалаудың барлық процедураларыларынан өтуде. Әжесі Үміткүл Ысқақовамен бірге барлық қажетті стоматологиялық ем-домды қабылдауға келіп тұрады.
<blockquote>
 «Немерелерімнің тістері аурып қалды. «Қанат-Орда» тіс емханасының кәсіби мамандарына жүгіндік. Енді екі немерем тегін стоматологиялық ем алып жүр. МӘМС жүйесі аясындағы осындай мүмкіндік үшін алғысымызды білдіреміз», – дейді Қызылорда тұрғыны Үміткүл Ысқақова.
</blockquote>
18 жасқа дейінгі балалардан басқа, жоспарлы және шұғыл стоматологиялық көмекпен жүкті әйелдер де тістерді тегін емдей алады. Сондай-ақ, МӘМС жүйесінде шұғыл стоматологиялық көмекті Ұлы Отан соғысының ардагерлері, I, II, III топтағы мүгедектер, «Күміс алқа» және «Алтын алқа» иегерлері, атаулы әлеуметтік көмек алушылар, жасы бойынша зейнеткерлер, мүгедек балаға немесе бала кезінен I топтағы мүгедекке күтім жасайтын жұмыс істемейтін адамдарға қолжетімді.
<blockquote>
 «Қанат-Орда» клиникасы аймақтың емханаларымен жасалған келісім-шарт негізінде тегін медициналық көмектің кепілдік берілген көлемі және МӘМС аясында қызмет көрсетеді. Медициналық сақтандыру қоры емханаларға қажетті қаражат бөледі. Жыл сайын 18 жасқа дейінгі балаларды стоматологиялық көмек көрсету үшін біздің клиника мен қаладағы 13 мектептердегі стоматологиялық кабинеттерімізде екі жүз мыңға жуық баланы қабылдайды», – деп атап өтті «Қанат Орда» ЖШС директоры Серік Бекенов.
</blockquote>
Әлеуметтік медициналық сақтандыру қорының Қызылорда облысы бойынша филиалының бас сарапшысы Айгүл Аханованың айтуынша, пациенттер медициналық сақтандыру қорының деректер базасына кіретін еліміздің кез келген емханасынан қызмет алу мүмкіндігі бар ( <a href="https://fms.kz/kz/zakupki/postavshchiki-kdu-uslug/">толығырақ</a>). Бүгінгі таңда аймақта 40 стоматологиялық қызмет жеткізушісі бар. Жыл басынан бері олар 542 миллион теңге сомаға қызмет көрсетті.

«Балаларға күлкі сыйла»: Балалар  стоматологиялық тегін қызмет алуда

<a href="https://kyzylorda-news.kz/">Kyzylorda-news.kz</a>. Қызылордаға Кәсіпкерлер палатасының шақыртуымен келген Украинаның Ұлттық күріш зерттеу институтының директоры, экономика ғылымдарының докторы Дудченко Владимир, күріш зерттеу институтындағы тәжірибелік шаруашылық директоры Андрей Борейко, кәсіпкер Олександр Полохов аймақтағы су, ауыл шаруашылығы саласына жауапты мемлекеттік орган өкілдерімен, шаруалармен кездесті.
Шарада шаруашылықты әртараптандыру, суды тиімді басқару мүмкіндіктері, екі жақты сауда-саттық пен күріштің шығымдылығы талқыланды.
Сырдария суының тартылып жатқанынан хабардар украиналық ғалымдар су тапшылығын шешуге болатынын айтып, еліндегі тәжірибемен бөлісті.
<blockquote>
 «Бізде екі облыс күріш егумен айналысады. Суды тиімді пайдаланудың арқасында сіздермен салыстырғанда екі есе аз қолданамыз. Бұл жерде Үкімет, жергілікті атқарушы орган және кәсіпкерлер бірлесе шара қабылдағанда ғана нәтижеге жетуге болады. Мәселен, шаруашылық иелері жерлерін тегістеумен айналысса, ал әкімдік каналдарды қоршап, реконструкция жасап, астын бетондап, жауапты мекеменің балансына беру жұмыстарын ұйымдастырғаны жөн. Жалпы бұл мәселе Украинада арнайы мемлекеттік бағдарлама арқылы шешілген», – деді Владимир Дудченко.
</blockquote>
Кездесуде украиналық делегаттар күріш тұқымдарына қатысты толық ақпарат берді. Қазір қызылордалық дихандардың қолданып жүрген дәстүрлі тұқымдары гектарына 50-60 центнерден өнім берсе, Украинаның тұқымдарынан 105 күнде күрішті бастырып, 90 центнерге дейін өнім алуға болады. Өткен жылы Жалағаш ауданындағы «Ер Әлі» шаруа қожалығы осы тұқымды егіп, 90ц/га өнім алған.Шарада шаруаларға осы артықшылықтар айтылды.
Қонақтар қызылордалық кәсіпкерлермен сауда-саттық жағдайын да талқылады. Соңғы уақыттағы геосаяси ахуалға байланысты қызылордалық күріштің экспортқа шығуында айтарлықтай қиындықтар туындаған болатын. Екі ел өкілдері де байланысты қайта жандандыруға дайын екенін айтып, тауарды жеткізу бағытын келісті.
Сонымен қатар, мамандар ауыл шаруашылығын әртараптандыру мәселесін де талқыланды. Украинадан келген делегаттар Қызылордада жүзеге асыруға болатын бизнес жобаларды талқылады. Олар болашақта аймақта қант өндірісі секілді жобаларды жүзеге асырып көрмек.
<blockquote>
 «Украиналық әріптестеріміздің тәжірибесі бізге көп көмегін тигізеді деп үміттенеміз. Ең бастысы бүгінге әріптестік байланыс орнаттық. Алдағы уақытта тың тәжірибелерді облыстағы кәсіпкерлерге жеткізіп, бірге жүзеге асыру мүмкіндіктерін қарастыратын боламыз», – деді Қызылорда облысы кәсіпкерлер палатасының директоры Пірмұхаммед Сыздықов.
</blockquote>
Кездесу қорытындысымен қос тарап алдағы уақытта бірге жұмыс жасауға уағдаласты.
<img src="https://kyzylorda-news.kz/wp-content/uploads/2022/05/img_6118-1-scaled.jpg" alt="" />
<img src="https://kyzylorda-news.kz/wp-content/uploads/2022/05/img_6130-scaled.jpg" alt="" />

Қызылордалық диқандар украиналық әріптестерімен бірге күріш өнімділігін арттыруды көздейді

<a href="https://kyzylorda-news.kz/">Kyzylorda-news.kz</a>. Назарбаев Зияткерлік мектептерінің 2021-2022 оқу жылы домбыра сабақтарымен аяқталды.
Сыр өңіріндегі NIS-те өткен «Күй құдіреті» атты ашық сабақта қазақ музыка өнерінің тарихы мен ерекшеліктері басты тақырып болды. Белгілі сазгер, педагог Үкітай Ерниязов домбыра тартудың түрлі техникалары бойынша тәжірибелік сабақтар өткізді. Топтық тапсырмада балалар «Тел қоңыр», «Аққу», «Ақсақ құлан» секілді танымал күйлерді талдады. Жас музыканттар атақты «Балбырауын» күйін орындап, оқу жылын ерекше шабытпен қорытындылады.
Ал елордадағы физика-математика бағытындағы Зияткерлік мектепте өткен домбыра сабағын Гиннестің рекордтар кітабына енгізу жоспарланып отыр. Қазақ халқының басты музыкалық аспабында бір мезгілде мың оқушы ойнады. Ең ауқымды домбыра сабағына қосымша білім беру педагогы, Қазақстан Республикасының еңбек сіңірген мәдениет қайраткері Айтжан Тоқтаған дирижерлік етті. Мыңдаған оқушының орындауында «Сарыарқа», «Балбырауын», «Еркем-ай», «Кеңес», «Жастар биі» сынды атақты күйлер күмбірлеп, туындылардың шығу тарихы баяндалды.
<blockquote>
 «Елордадағы физика-математика бағытындағы Зияткерлік мектеп оқушылары бүкіл әлемге біздің еліміз бен мәдениетімізді, халықтың жаны деп атауға болатын басты музыкалық аспапты таныстырды. Нағыз қазақ – домбыра екенін бәріміз жақсы білеміз, сондықтан бүгінгі күнді тарихи деп атауға болады», – деп мойындады «Назарбаев Зияткерлік мектептері» ДББҰ Басқарма төрайымы Күләш Шәмшидинова.
</blockquote>
Guinness World Records-қа (GWR) өтінім 2021 жылдың желтоқсан айында берілді. Гиннесс рекордтар кітабының талаптары бойынша ауқымды сабақты 25-тен астам стюард пен 2 куәгер қадағалады. Әрбір 50 қатысушыны бір тәуелсіз стюард бақылап, бейнежазба аймағынан шыққан немесе қажетті әрекетті орындамаған топтағы кез-келген қатысушыны дисквалификациялау жұмысына жауапты болды. Куәгерлер GWR-дің сенімді өкілі ретінде қызмет атқарып, рекордтың орнауы мен Кітаптың барлық критерийлерінің толық сақталуын қамтамасыз етті.
Қазақ халқының басты ұлттық аспабы – домбыра Назарбаев Зияткерлік мектептерінің символына айналды. Бүгінгі таңда еліміздегі барлық NIS-те домбыра пәнінің элективті курстары енгізіліп, оның аясында Құрманғазы Сағырбайұлы, Тәттімбет Қазанғапұлы, Нұрғиса Тілендиевтің атақты күйлерінің тарихы міндетті түрде оқытылады, ал ең танымал жобалардың қатарында «100 күйдің тарихы» жобасы бар, барлық мектепте домбыра ансамбльдері мен студиялары жұмыс істейді, домбыра сабақтары математика, физика, шет тілі сабақтарымен ұштастырылуда, жас музыканттар «Ұлы дала мұрагерлері» дәстүрлі флешмобында жыл сайын ел сахналарын бағындырып жүр. Домбыра мен ұлттық музыкаға деген қызығушылықты арттыру бойынша жүйелі жұмыс NIS-тің халықтық құндылықтар мен дәстүрлерді сақтау бойынша ауқымды бағдарламасы аясында іске асырылып келеді.
<img src="https://kyzylorda-news.kz/wp-content/uploads/2022/05/d3c65305-ab64-4f89-9a93-142c9df3c5d8.jpg" alt="" />
<img src="https://kyzylorda-news.kz/wp-content/uploads/2022/05/08b26c87-d5bf-4249-a81b-9c5e26671770.jpg" alt="" />

NIS-тің домбыра сабағы Гиннесс рекордтар кітабына енеді

<a href="https://kyzylorda-news.kz/">Kyzylorda-news.kz</a>. Маусым айында Қазақстанның үш облысының кей аумақтарында құрғақшылық болады, дейді “Қазгидромет”.
<blockquote>
 “Алдын ала болжамға сәйкес, маусым айында республиканың басым бөлігінде құрғақшылықтың туындау ықтималдығы төмен, негізінен ылғалдану жағдайлары нормаға жақын болады деп күтілуде. Жамбыл облысының Мойынқұм ауданында бірқалыпты құрғақшылық болжанады. Қызылорда облысының Қармақшы ауданында және Маңғыстау облысының Қарақия ауданында қатты құрғақшылық болады”, – дейді бейсенбі күнгі жарияланған жазбада.
</blockquote>
“Қазгидромет” мәліметінше, қолайлы орташа ылғалды жағдай Жамбыл облысының Рысқұлов ауданында, Ақтөбе облысының Ойыл ауданында және Түркістан облысының Сайрам ауданында болады деп күтілуде.
“Құрғақшылықтың қарқындылығы мен әсері, Қазақстанның әр аймағында әр түрлі көрінеді. Қызылорда және Маңғыстау облыстары агроклиматтық аудандастыруға сәйкес, VIII агроклиматтық аймаққа жатады және құрғақшылыққа ұшыраған өте құрғақ, ыстық аймақ ретінде сипатталады”, – дейді синоптиктер.
<a href="https://stan.kz/">Stan.kz</a>

Қармақшы ауданында құрғақшылық болады деп болжануда

Kyzylorda-news.kz. Облыс әкімінің орынбасары Мархабат Жайымбетовтың төрағалығымен құрылыс нысандарының жобаларын қарау жөніндегі кеңестің кезекті отырысы өтті.
Жалағаш ауданының әкімі Асқарбек Есжанов әр жобаның маңыздылығына тоқталды. 
Құрылыс-монтаж жұмыстары бойынша 24 жоба, жоба-сметалық құжаттарды дайындау бойынша 29 жоба, құжаттарды әзірлеуді қажет ететін 12 жоба ұсынды. Сұралған қаржының құны 12,6 млрд теңге.
Алдыңғы кезекте әлеуметтік нысандардың жылу жүйелерін газға ауыстыру ұсыныстары қолдау тапты. Күрделі жөндеуді қажет ететін ғимараттардың жұмыстары кейінге шегерілді. Ауқымды жобалар республикалық бюджеттен және «Ауыл – ел бесігі» бағдарламасы бойынша қаржыландыруға жіберілетін болды.
Айта кету керек, кеңестің алдағы отырысында Арал, Шиелі, Жаңақорған аудандары және Қызылорда қаласының құрылыс нысандарының жобалары қаралады.

Жалағаш ауданы ұсынған 53 жоба кеңесте талқыланды

<a href="https://kyzylorda-news.kz/">Kyzylorda-news.kz</a>. Қазалы ауданының әкімі Мұхтар Оразбаев «Қазалы» газетінің бас редакторы Есет Табынбаев бастаған журналистермен кездесті.
Кездесуде аудан әкімі Мұхтар Оразбаев пен аудандық мәслихат хатшысы Бақытжан Жарылқап редакция ұжымын «Қайырымдылық керуені» республикалық конкурсында жеңіп алған «Қайырымдылық тарихы» номинациясымен құттықтады.
<blockquote>
 «Қай қоғамда болсын мәнін де, өзектілігін де жоймайтын бір құндылық ол – қайырымдылық. Осындай азаматтық жауапкершілікті жоғары қоятын, жаны жайсаң мейірімді жандарды қоғам назарынан тыс қалдырмай дәріптеу, насихаттау, қолдау мақсатында өткізілген байқау жеңімпаздарының қатарынан табылған Сіздердің ұжымға шығармашылық табыс пен мол жетістік тілеймін. Бұл ауданның да ортақ абыройы. 
 Шынымен де кешегі пандемиямен күрестегі 2 жыл барлығымыз үшін үлкен сынақ уақыты болды. Осы кезеңдерді халық «бір жағадан бас, бір жеңнен қол» шығарып, ұйымдасып, уақытша қиыншылықты бірге еңсерді. Оның ішінде қайырымдылық бағытында ауыз толтырып айтарлықтай істер атқарылды. Осы жұмыстардың ұйытқысы болып әрдайым алдыңғы қатардан табылдыңыздар. Сол уақытта ауданда өткізілген барлық шараларды, оның ішінде қайырымды азаматтарды ел ішінде насихаттап, атсалыстыңыздар. Ұжымды бүгінгі жетістігімен құттықтай отырып, алдағы уақытта да еңбектеріңіз жана берсін дейміз. Отбастарыңызға береке-бірлік, зор денсаулық, қызметте мол табыс тілеймін», – деді аудан басшысы.
</blockquote>
Кездесуде аудандық «Қазалы» газетінің редакторы Есет Табынбаев редакция ұжымының жетістігін елеп, құрмет көрсетілгеніне дән риза екендігін жеткізді.
Басқосуда редакция ұжымы аудан әкімінің «Құттықтау хатымен» марапатталып, сый-сияпат табысталды.

Қазақстан және Қызылорда облысының жаңалықтары

Республикалық қоғамдық штаб мүшесі ауыл тұрғындарымен кездесті

Тамара Дүйсенова: Зейнет жасын төмендетсек, зейнетақы да аз болады

26 мамырдан бастап жазғы мектеп өз жұмысын бастады

«TALQYLAU» диалог алаңында референдум маңыздылығы талқыланды

Референдум – үлкен өзгерістер бастамасы

Қазақстан мен Қырғызстан президенттері кеңейтілген құрамда келіссөз жүргізді

«Балаларға күлкі сыйла»: Балалар стоматологиялық тегін қызмет алуда

Қызылордалық диқандар украиналық әріптестерімен бірге күріш өнімділігін арттыруды көздейді

NIS-тің домбыра сабағы Гиннесс рекордтар кітабына енеді

Қармақшы ауданында құрғақшылық болады деп болжануда

Жалағаш ауданы ұсынған 53 жоба кеңесте талқыланды

Аудандық «Қазалы» газеті республикалық «Қайырымдылық керуені» конкурсында топ жарды

Қазақстан және Қызылорда облысының жаңалықтары

Республикалық қоғамдық штаб мүшесі ауыл тұрғындарымен кездесті

Тамара Дүйсенова: Зейнет жасын төмендетсек, зейнетақы да аз болады

26 мамырдан бастап жазғы мектеп өз жұмысын бастады

«TALQYLAU» диалог алаңында референдум маңыздылығы талқыланды

Референдум &#8211; үлкен өзгерістер бастамасы

Қазақстан мен Қырғызстан президенттері кеңейтілген құрамда келіссөз жүргізді

«Балаларға күлкі сыйла»: Балалар стоматологиялық тегін қызмет алуда

Қызылордалық диқандар украиналық әріптестерімен бірге күріш өнімділігін арттыруды көздейді

NIS-тің домбыра сабағы Гиннесс рекордтар кітабына енеді

Қармақшы ауданында құрғақшылық болады деп болжануда

Жалағаш ауданы ұсынған 53 жоба кеңесте талқыланды

Аудандық «Қазалы» газеті республикалық «Қайырымдылық керуені» конкурсында топ жарды

Референдум – үлкен өзгерістер бастамасы