Kyzylorda-news.kz. Соңғы кезде кен орындарының сарқылуына байланысты мұнай өндірісінің көлемі жылдан-жылға қысқарып келеді. Бұл жағдай облыс тұрғындарына да елеулі әсер етеді. Себебі өңірде мұнай-газ саласында 10 мыңға жуық адам жұмыс жасайды. Бұл ретте ірі компанияларда қызмет атқаратын жұмысшылардың жалақысын қысқартпау, еңбек құқықтарын сақтау маңызды.
Облыс әкімінің тапсырмасына сәйкес бүгін облыс әкімінің орынбасары Мархабат Жайымбетов «ҚОР» мұнай компаниясы акционерлік қоғамының ұжымымен кездескенде осы мәселеге ерекше мән берді. 
Жалпы өңірдегі барлық өнеркәсіп өндірісінің 70%-дан астамы мұнай өндіруге тиесілі екендігін атап өтті.
<blockquote>
 Қазіргі таңда «ҚОР» Мұнай компаниясы 300-ге жуық адамды жұмыспен қамтып отыр. Компания өткен жылы 148,6 мың тонна мұнай өндіріп, мұнай компаниялары ішіндегі үлесі 7,7 пайызды құрады, ал, негізгі капиталға салынған инвестиция көлемі – 1,2 млрд.теңге, яғни мұнай компаниялары ішіндегі үлесі 1,6 пайызды құрайды. 
 Бүгінгі таңда жұмысшылардың еңбек құқықтарын қорғау, жұмыс орындарындағы еңбек жағдайын жақсарту, қауіпсіз еңбек жағдайларын жасау және табысын арттыру басты назардағы мәселе,- деді М.Жайымбетов.
</blockquote>
Жиында «ҚОР» мұнай компаниясының бас директоры Даулет Узаков әлеуметтік міндеттемелерін орындау барысын баяндады, ал ұжым өкілі Мақсат Балапанов өндірістегі қызметкерлерді біріктіру және олардың мүдделерін қорғау бойынша кәсіподақ тарапынан атқарылған жұмысты таныстырды.
Кездесу соңында облыс әкімдігі мен «ҚОР» кәсіпорны және кәсіподақ арасында өзара ынтымақтастық туралы үшжақты меморандумға қол қойды.
<img src="https://kyzylorda-news.kz/wp-content/uploads/2022/06/fb_img_1655918066903.jpg" alt="" />

Мархабат Жайымбетов «ҚОР» мұнай компаниясының еңбек ұжымымен кездесті

Kyzylorda-news.kz. «AMANAT» партиясы Саяси менеджмент академиясының ұйымдастыруымен өтіп жатқан әкімдер оқу курсын тәмәмдайды. Бүгін оқу сағаттарының соңғы курсынан өтіп жатқан ауыл әкімдерімен партияның хатшысы Эльдар Жұмағазиев онлайн форматта кездесу өткізді.
Онда партия Хатшысы оқу семинардың маңыздылығы, тақырып аясында жұмысты жетілдіру, ауылдарды өркендету, ауыл халқының тұрмысын жақсарту мәселелерін алға тартып, әкімдердің ұсыныс пікірлері тыңдады.
Мәселен Қазалы ауданына қарасты Бірілік ауылдық округ әкімі Өтеп-Әлі Өміртай сөз алып, оқу семинардағы ауыл әкімдері атынан мемлекеттік сатып алу Заңында жергілікті кәсіпкерлерге басымдылық беру қолданылса; 
Мемлекеттік сатып алу Заңында округ әкімі аппаратына Бір көзден алу тәсілі нақты жетілдірілсе; 
Тұрғындары 2000 адамнан аспайтын округтер ІҮ – деңгейлі бюджеттен босатылса; 
Ауылдық округ әкімі аппаратындағы келісім – шартпен жұмыс жасайтын «Әдіскер» мамандар «азаматтық қызметкер» статусына енгізілсе олардың жалақсы өсіп, жауапкершіліктері де артар еді,- деген ұсыныстарды ортаға салды.
Жиын барысында партия Хатшысы бүгінде ауыл халқын алаңдатып отырған ең өзекті мәселелердің бірі жайлымдық жерлерді халық игілігіне қайтару тұрғысында «AMANAT» партиясы нақты жұмыстар жасап жатқандығын тілге тиек етіп, бұл жұмыстарға әрбір ауылдық округ әкімдері де жауапты болғандықтан тікелей қолдау көрсетуі қажеттігін жеткізді. Сонымен қатар, ауыл әкімдерімен партия арасындағы кері байланысты орнату арқылы қордаланған мәселелерді бірігіп шешу мақсатында арнайы чаттар мен әкімдер ассоцациясын құру жөнінде ұсыныс тастады.
Бұл ұсыныс ауыл әкімдері тарапынан қолдау тауып, арнайы жұмыс жасалатын болды. 
Қорыта келгенде 13-22 маусым аралығына жоспарланған «AMANAT» партиясы Саяси менеджмент академиясы ұйымдастырған оқу семинарына өңірден 141 кент, ауыл, ауылдық округ әкімдері мен партия филиалдарының Атқарушы хатшылары қатысып, білімін жетілдірді. Бүгін ауыл әкімдерінің соңғы легі алған білімдері бойынша тест сынағынан өтіп, арнайы сертификаттарға ие болды.
<img src="https://kyzylorda-news.kz/wp-content/uploads/2022/06/img-20220622-wa0022.jpg" alt="" />
<img src="https://kyzylorda-news.kz/wp-content/uploads/2022/06/img-20220622-wa0023-1.jpg" alt="" />
<img src="https://kyzylorda-news.kz/wp-content/uploads/2022/06/img-20220622-wa0019.jpg" alt="" />
Э
<img src="https://kyzylorda-news.kz/wp-content/uploads/2022/06/img-20220622-wa0018.jpg" alt="" />

Партия хатшысы ауыл әкімдерімен пікірлесті

<a href="https://kyzylorda-news.kz/">Kyzylorda-news.kz.</a> Қызылорда қаласындағы Назарбаев Зияткелік мектебінің оқушылары үшін «Туған елге тағзым» өлкетану-зерттеу экспедициясы Қазалы ауданынан бастау алды.
Экпедицияның алғашқы күні – Қазалы ауданының тарихи-өлкетану музейінен басталды. Оқушылар аудан тарихын бейнелейтін залдарды аралап, көне жәдігерлерді тамашалады.
Қоқандарға қарсы тұрып, ұлт-азаттық көтерілісінің қолбасшысы болған Жанқожа батырға арналған кесенесіне барып, ата-бабаның рухына құран бағыштады. Қазақ халқының жадында өшпес із қалдырған тарихи тұлғаның өмірі туралы құнды деректермен танысып, жасаған ерліктері жайында танымдық-тәрбиелік білім алды.
Содан соң елдік мұрат жолында ерлігімен танылған Ғани Мұратбаевтың мемориалдық музейіне экскурсия жасады. Жарты ғасырға жуық тарихы бар орталықта оқушылар қоғам қайраткерінің балалық шағынан бастап, оның білім алған кезеңдері, қоғамдық істерге атсалысу жолындағы атқарған жұмыстары жайлы экпозициялық залдарда болып, теңдесі жоқ құжаттар, хаттар мен фотосуреттерден зерттеуге қажет тың мәліметтер жинады.
<blockquote>
 Жас экспедицияшы Орынбай Айхан: «23 жыл ғана өмір сүрген Ғани Мұратбаевтың жастардың болашағы үшін жасаған ерен еңбегіне тәнті болдым. Әсіресе ата-анасыз қалған балалардың білім алуы үшін интернат үйіне жатқызып, қоғамдық істерге араласуына дейін қолдау жасағанынан елдің ерекше құрметке ие болуының себебін түсіндім. Бүкіл қазақ жастарының басын қосып, қоғамдық-саяси істерге араласуына себепкер болған тұлға Ғани ағамыздың Сыр өңірінен шыққаны мақтаныш сезімін оятты», – дейді.
</blockquote>
«Рухани жаңғыру» жолымен жас экспедицияшылар кезінде Хиуа мен Қоқан саудагерлері қоныстанған Ғанибайдың керуен сарайында, одан кейін кітапханаға айналған мәдени ескерткіште болып, атақты саяхатшы Семенов-Тян-Шанский сыйға тартқан кітаптарымен танысты. Сыр өңіріндегі мәдени-рухани мұралардың тарихымен танысты.
<blockquote>
 «Маған ерекше әсер қалдырған ең құнды ақпарат – ол өңіріміздегі ең алғашқы кітапхана. Бұл жерде кітаптардың алтын қоры сақталған. Ең алғашқы кітап 1914 жылы славян тілінде жазылған. Өзге ұлттардың өзі біздің тарихымызды зерттеген, сондықтан біз туған еліміздің тарихын терең білуіміз қажет»,– дейді экспедицияға қатысушы Жауhар Бекберген.
</blockquote>
<img src="https://kyzylorda-news.kz/wp-content/uploads/2022/06/9484ced1-b677-4717-85cf-01baf80a6555.jpg" alt="" />
<img src="https://kyzylorda-news.kz/wp-content/uploads/2022/06/6c7f272b-b229-4719-9dd8-345b1f723896.jpg" alt="" />

ТЕТ-2022: Сыр өңіріндегі алғашқы кітапхана

<a href="https://kyzylorda-news.kz/">Kyzylorda-news.kz.</a> Қызылорда қаласы Титов қыстағындағы М.Ералиева атындағы мәдениет үйінде мүмкіндіктер керуені өтеді.
Шара бүгін, яғни 22 маусым күні сағат: 17:00 өтеді.
Мүмкіндіктер керуенінде:
<ul>
<li>Бос орындар жәрмеңкесі;</li>
<li>Мемлекеттік бағдаламалар мен жобалар;</li>
<li>Жастар денсаулығы бойынша кеңес;</li>
<li>Жылжымалы медициналық көмек;</li>
<li>Жастарға және жас отбасыларға тұрғын үй алу мүмкіндігі бойынша кеңес беру;</li>
<li>Жастарға тегін құқықтық қызметтер көрсетіледі.</li>
</ul>

Қызылордада мүмкіндіктер керуені өтеді

<a href="https://kyzylorda-news.kz/">Kyzylorda-news.kz.</a> Қызылорда облыстық төтенше жағдайлар департаментінің кезекші қызметіне Шанхай мөлтек ауданындағы жеке тұрғын үй ауласында қақпаның жоғарғы жағындағы темірден жарақаттанған 10 жасар ер балаға көмек қажет екендігі хабарланған. Бала оң алақанын темірден шығара алмай қалған.
Келіп түскен хабарлама бойынша Құтқару бөлімшесі көмек көрсетті.
Белгілі болғандай, 2010 жылы туған Алексей Хван оң қолын қақпаның жоғарғы жағындағы темірге жарақаттап алған. Соған орай қақпаның аталған бөлігін холматро кескіш құралымен кесіп, темірдің 50 см бөлігімен бірге жедел жәрдем қызметкерлеріне тапсырылған.
<blockquote>
 «Құрметті ата-аналар! Қазіргі уақытта каникулға байланысты Сізден балаға мұқият болуды, өрт пен су айдындарындағы қауіпсіздік қағидаларын, үйдегі, тұрмыстағы қауіпсіздік ережелерін үнемі түсіндіруді, баланы қараусыз қалдырмауды сұраймыз», – деп мәлімдеді департаменттің баспасөз қызметі.
</blockquote>
<img src="https://kyzylorda-news.kz/wp-content/uploads/2022/06/289535152_2047093535499487_6576641061235840483_n.jpg" alt="" />
<img src="https://kyzylorda-news.kz/wp-content/uploads/2022/06/289490372_2047093532166154_797649212726056053_n.jpg" alt="" />

Қызылордада алақанына темір кірген балаға көмек көрсетілді

<a href="https://kyzylorda-news.kz/">Kyzylorda-news.kz.</a> Жаңадан құрылған үш облыста берілетін автокөліктің аймақтық нөмірлері жарияланды. Бұл туралы Ішкі істер министрлгінің баспасөз қызметі мәлім етті.
Ведомства дерегіне сай, көлік нөмірлеріндегі өңірлерлік кодтар қазақ тілінің әліпби тәртібімен беріледі.
<blockquote>
 «Осыған байланысты жаңадан пайда болған үш облысқа автокөліктердің өңірлерлік кодтарын мынадай тәртіппен беру ұсынылады: Абай облысы – 18, Жетісу облысы – 19,Ұлытау облысы – 20», – деп хабарлады ІІМ баспасөз қызметі.
</blockquote>
Министрлік ақпаратына қарағанда, жаңа аймақтарда көліктің нөмір кодтарын енгізу барысында көлік құралдарындағы бұрынғы мемлекеттік нөмірлерді ауыстыру талап етілмейді.

Жаңадан құрылған 3 облыстың көлік нөмірлері қандай болады?

<a href="https://kyzylorda-news.kz/">Kyzylorda-news.kz.</a> Ақордаға Президентпен кездесуге әлем чемпиондары мен халықаралық гроссмейстерлер – Жансая Әбдімәлік, Динара Сәдуақасова, Бибісара Асаубаева, Гүлісхан Нақбаева, халықаралық шебер – Меруерт Камалиденова және Қазақстан шахмат федерациясының президенті Ғалым Құсайынов пен вице-президент Дәрмен Сәдуақасов шақырылды, деп хабарлайды Ақорда.
<img src="https://akorda.kz/public/assets/media/uploadMedia/1655885840_KZ1_2121_2.jpg" alt="" />
Мемлекет басшысы танымал шахматшы қыздарға ілтипат білдіре отырып, бұл ойынға ерекше мән беретінін атап өтті. Сондай-ақ Қазақстанның әйелдер құрамасы алдағы уақытта Үндістанда өтетін Дүниежүзілік шахмат олимпиадасында табысты өнер көрсететініне сенім білдірді. Президент мектепті «Алтын белгімен» бітірген Бибісара Асаубаеваға табыс тілеп, Гүлісхан Нақбаеваны өткен туған күнімен құттықтады.
Әңгімелесу және пікір алмасу форматында өткен кездесуде ұлттық құрама көшбасшылары – Динара Сәдуақасова, Жансая Әбдімәлік, Бибісара Асаубаева және Қазақстан шахмат федерациясының басшылығы сөз сөйледі.
Қасым-Жомарт Тоқаев кездесуде елімізде шахмат спортын дамыту, оның ішінде мемлекет тарапынан жүйелі көмек көрсету, қажетті инфрақұрылыммен қамтамасыз ету және шахматты жеке спорт түрі ретінде насихаттау жөніндегі қатысушылардың ұсыныстарын тыңдады. &nbsp;
Президент мектеп бағдарламасына шахматты факультативтік пән ретінде қосу, Алматыда 1500 балаға арналған шахмат пен ақпараттық технологияларды тереңдетіп оқытатын мектеп-интернат салу жөніндегі ұсынысты қолдады. Бұдан бөлек, Мемлекет басшысы кәсіпкерлер тарапынан шахмат спортын дамытуға қолдау көрсетудің маңызды екеніне баса мән берді.&nbsp;
Кездесу соңында Қасым-Жомарт Тоқаев шахмат саласын дамытуға бұдан былай да қолдау көрсететінін атап өтіп, жас спортшыларға халықаралық аренада жаңа табыс тіледі.
<img src="https://akorda.kz/public/assets/media/uploadMedia/1655885870_DSC_4678_2.jpg" alt="" />
<img src="https://akorda.kz/public/assets/media/uploadMedia/1655885870_DSC_4708_2.jpg" alt="" />
<img src="https://akorda.kz/public/assets/media/uploadMedia/1655885913_DSC_4684_2.jpg" alt="" />
<img src="https://akorda.kz/public/assets/media/uploadMedia/1655885913_DSC_4738_2.jpg" alt="" />
<img src="https://akorda.kz/public/assets/media/uploadMedia/1655885913_DSC_4741_2.jpg" alt="" />
<img src="https://akorda.kz/public/assets/media/uploadMedia/1655885913_DSC_4782_2.jpg" alt="" />
<img src="https://akorda.kz/public/assets/media/uploadMedia/1655885913_DSC_4766_2.jpg" alt="" />

Президент мектеп бағдарламасына шахматты қосу туралы ұсынысты қолдады

<a href="https://kyzylorda-news.kz/">Kyzylorda-news.kz.</a> Елімізде балалардың спорттық жаттығуға жіберілетін ең төменгі жасы бекітіледі. Бұл туралы ҚР Мәдениет және спорт министрі Дәурен Абаев айтты, деп хабарлайды <a href="https://lenta.inform.kz/kz/balalar-korkem-gimnastikaga-5-zhastan-bokska-12-zhastan-kabyldanady-zhana-norma_a3947226">ҚазАқпарат</a>.
<blockquote>
 «Спорт түріне байланысты балалардың жаттығуға жіберілетін ең төменгі жасы бекітіледі. Бұл жерде біз қолданыстағы нормативтік-құқықтық базаға сүйенеміз. Оның ішінде, «Спорттық резервті дайындау бойынша оқу-жаттығу процесі жүзеге асырылатын дене шынықтыру-спорттық мекемелерде спорт түрлері бойынша спортшылардың жасын бекіту туралы» бұйрықты негізге аламыз», – деді Дәурен Абаев Орталық коммуникациялар қызметіндегі баспасөз мәслихатында.
</blockquote>
Министрдің дерегінше, көркем гимнастикаға 5 жастан, ал боксқа 12 жастан бастап баруға болады.
<blockquote>
 «Әрине, мұндағы басты мақсатымыз – балалардың денсаулығын қорғау», – деді ол.
</blockquote>

Жаңа норма: Балалар көркем гимнастикаға 5 жастан, боксқа 12 жастан қабылданады

<a href="https://kyzylorda-news.kz/">Kyzylorda-news.kz.</a>&nbsp; «Қазгидромет» синоптиктері 23-25 маусымға арналған ауа райы болжамын ұсынды.
<blockquote>
 “Еліміздің басым бөлігінде құбылмалы ауа райы сақталады. Найзағай, дауыл, желдің күшейіп, бұршақ жаууы мүмкін”, – делінген хабарламада.
</blockquote>
23-24 маусым аралығында оңтүстік-шығыста қатты жаңбыр жауады, ал 25 маусымда елдің солтүстігінде, солтүстік-батысында да жаңбыр жауады. 
23 маусымда Атырау облысының оңтүстігінде, 23-24 маусымда Ақтөбе облысының оңтүстігінде, 24 маусымда Қостанай облысының оңтүстігінде және 23-25 маусым күні Қарағанды облысының оңтүстігінде күндіз 40 градусқа дейін қатты ыстық болады. 
Сондай-ақ, 24-25 маусым аралығында Қызылорда облысының оңтүстігінде және 25 маусымда Түркістан облысының шөлді аудандарында ауа температурасы 45 градусқа дейін көтеріледі. Ал 25 маусымда Жамбыл облысының оңтүстігінде плюс 43 градусқа дейін ыстық болады деп болжануда.

Алдағы үш күнде ауа райы қандай болады?

<a href="https://kyzylorda-news.kz/">Kyzylorda-news.kz.</a>&nbsp;Әлеуметтік желіде жүргізуші куәлігіне байланысты алаяқтық жарнамалар көбейді
Алаяқтар өз құрбандарынан мүмкіндігінше көп ақша тарту мақсатында түрлі айла-тәсілдерді қолданып, тұрғындар үшін ең қажетті деген қызметтерді жағалайды. Соңғы кезде әлеуметтік желілерде жүргізуші куәлігін емтихансыз әрі оңай алу туралы жарнамалар көбейді. Олар осы арқылы көпшіліктің сеніміне кіріп, қалтасын қағуды көздейді.
Құжат алудың оңай жолын іздеген клиент қоңырау шалған кезде олар алдын ала төлем жасауды сұрайды, ал жүргізуші куәлігі бір айдың ішінде дайын болатынына сендіреді. Төлемді алғаннан кейін телефонын өшіріп, із-түссіз жоғалып кетеді.
Алаяқтықтың құрбаны болмау үшін бейтаныс адамдарға қаражат аудармаңыз және жеке мәліметтеріңізге мұқият болыңыз. Жүргізуші куәлігі тек мамандандырылған ХҚО-ларда тиісті емтихандар тапсырған соң уәкілетті орган арқылы берілетінін еске саламыз.
Жүргізуші куәліктерін беру тәртібімен мемлекеттік корпорацияның әлеуметтік желілердегі ресми аккаунттарында, сондай-ақ egov.kz порталында таныса аласыз.
Егер сіз алаяқтық жағдайға тап болсаңыз, міндетті түрде құқық қорғау органдарына хабарласыңыз.
<img src="https://kyzylorda-news.kz/wp-content/uploads/2022/06/whatsapp-image-2022-06-22-at-11.29.16.jpeg" alt="" />

Әлеуметтік желіде жүргізуші куәлігіне байланысты алаяқтық жарнама көбейді

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінде шетелдік ғалымдардың қазақстандық жас ғалымдарға арналған дәрісі басталды.
Осыдан бірнеше ай бұрын университет АҚШ елшілігі қаржыландырған «Қазақстан аумағындағы жоғарғы оқу орындарында экология және қоршаған орта ғылымдар саласында негізгі оқу бағдарламаларын дамыту» жобасының грант иегері атанған еді.
Жоба АҚШ – Қазақстан университеттерінің ынтымақтастығы бағдарламасы аясында жүзеге асырылуда. Жоба үйлестірушісі – Мичиган мемлекеттік университетінің (АҚШ) профессоры Джихуан Чен.
Жобаның мақсаты – қазақстандық жоғары оқу орындарында экология және қоршаған орта саласындағы білім беру бағдарламасының мазмұнын жетілдіру. Сондай-ақ, педагогикалық шеберлікті арттыру, экология және қоршаған орта саласындағы сараптамалық білімді дамыту. 
Қазіргі уақытта отандық және шетелдік жоғары оқу орындарының ғалымдары профессор Чен бастаған он күндік танымдық семинарға, сонымен қатар Қызылорда облысының аумағындағы далалық жұмыстарға қатысуда.
Жас ғалымдарға 10 күн бойы Мичиган мемлекеттік университеті, Джорд Вашингтон, Оңтүстік Дакота, Майн және Нью-Йорк қаласындағы Пэйс университетерінің профессорлары, ҚазҰАЗУ тұрақты егіншілік орталығының мамандары офлайн және онлайн форматта дәріс оқиды.
Сондай-ақ, жас зерттеушілердің НАСА ғарыштық агенттігінің Қазақстандағы және Орталық Азиядағы қазіргі және келешектегі жобаларына қатысуға мүмкіндіктері бар.
Айта кетейік, жобаға Қорқыт ата атындағы Қызылорда университетімен қатар Қазақ ұлттық аграрлық зерттеу университеті, І.Жансүгіров атындағы Жетісу университеті, Қ.А.Яссауи атындағы Қазақ-Түрік университеті, М.Әуезов атындағы Оңтүстік-Қазақстан университеті, С.Сейфуллин атындағы Қазақ агротехникалық университеті, М.Х.Дулати атындағы Тараз университеті және Қ.Жұбанов атындағы Ақтөбе өңірлік университеті, А.Бараев атындағы астық шаруашылығы ғылыми-өндірістік орталығының жас ғалымдары қатысуда.
<img src="https://kyzylorda-news.kz/wp-content/uploads/2022/06/289403064_2594850187319058_9204151682561538988_n.jpg" alt="" />

Америкалық ғалымдар Қызылордада дәріс беріп жатыр

<a href="https://kyzylorda-news.kz/">Kyzylorda-news.kz.</a> Бүгінде Қызылорда қаласы әкімінің тапсырмасына сәйкес, қаланы аяқ сумен қамтамасыз ету мақсатында қала және қалаға қарасты ауылдық округтерде 31 дана техникалық аяқ су ұңғымаларын орнату жұмыстары қарқын алды.
Техникалық ұңғыманың 12 данасы қалаға, ал қалғаны кент және ауылдық округтерде орнатылады. Аталған жұмыстарды мемлекеттік сатып алу конкурсының жеңімпазы болып танылған «Бақ-Береке» ЖШС келісім-шарт негізінде жүргізуде.
Қазіргі таңда жер асты аяқ су ұңғымаларын бұрғылау жұмыстары «Арай» мөлтек ауданы (2 дана), «Қорқыт ата», «Сыр Ана» ескерткіштерінің маңы, Қорқыт ата көшесінің аяғы, №217 орта мектептің жанындағы және Тасбөгет кенті (Сабалақ), Қосшыңырау, Ақсуат, Ақжарма, Қызылжарма, Талсуат, Қызылөзек ауылдық округтерінде толығымен аяқталды.
Дәл осы аяқ су ұңғымалары арқылы тіршілік нәрі арық жүйелеріне толық жеткізіледі. Алайда, тұрғындардың түрлі тұрмыстық, құрылыс қалдықтарын көше бойына тастауы салдарынан арық жүйелері бітеліп, аяқ судың жүруіне кедергі келтіруде. Қаламыздың жасыл желекке айналуына әрбір тұрғын баса мән беріп, тазалық жұмыстарын жүргізіп отыруы қажет. Осы орайда, қызылордалықтарды тазалық жұмыстарына барынша қолдау көрсетуге, өз үйлерінің жанындағы арық жүйелерін қоқыстан аршу шараларына белсенді қатысуға шақырамыз.

Қазақстан және Қызылорда облысының жаңалықтары