<a href="https://kyzylorda-news.kz/">Kyzylorda-news.kz.</a> Қызылорда облысы кәсіпкерлер палатасының алаңында «Алтын сапа» сыйлығы мен «Қазақстанның үздік тауары» көрме-байқауына қатысушыларға арналған семинар өтті.
Шараға байқауға өтініш берген Қызылорда қаласы мен аудан кәсіпкерлері, өткен жылдардағы байқау жеңімпаздары, сондай-ақ өңірлік сараптамалық топ мүшелері қатысты.
Семинарға «Атамекен» Ұлттық кәсіпкерлер палатасының сарапшысы Мәдина Мұқатова арнайы келіп, байқау ережелерімен, талаптарымен, құжат әзірлеуде ескерілетін ерекшеліктерімен таныстырды.
<blockquote>
 «Қазақстанның үздік тауары» байқауы мен «Алтын сапа» сыйлығы – кәсіпкерлерге арналған ең жоғарғы, Президент тапсыратын марапат. Жалпы тауардың бәсекеге қабілетін, тұтынушылар арасында танымалдығын арттыру үшін бұндай байқауларға қатысу аса маңызды. Өңірлік, республикалық деңгейде тәжірибе жинап, жаңадан серіктестер табуға да таптырмас мүмкіндік», – деді Кәсіпкерлер палатасының директоры Пірмұхаммед Сыздықов.
</blockquote>
Бүгінге дейін «Қазақстанның үздік тауары – 2022» өңірлік көрме-байқауына 48 кәсіпкер, «Алтын сапа» сыйлығына қатысуға 10 кәсіпкер өтініш берді.
<blockquote>
 «Сапа саласындағы байқаулар бүкіл әлемде өткізіледі. Тек біздің елімізде ғана байқауға қатысу тегін. Қызылордалық кәсіпкерлердің үздіктерге арналған байқауға ерекше қызығушылық танытып отырғаны қуантады. Семинарға да өте белсенді қатысты. Шараға Кәсіпкерлер палатасының мамандары өңірлік көрме-байқаудың сараптамалық топ мүшелерін де шақырған. Дұрыс шешім. Байқау өткен кезде бағалау талаптармен қазірден таныс бола алады», – деді семинарда «Атамекен» ҰКП сарапшысы Мәдина Мұқатова.
</blockquote>
Айта кету керек, өтініштер 1 шілдеге дейін қабылданады. Кәсіпкерлер толық ақпаратты www.altynsapa.kz сайтынан немесе Қызылорда облысы кәсіпкерлер палатасына 87079885080 нөміріне хабарласып ала алады.
<img src="https://kyzylorda-news.kz/wp-content/uploads/2022/06/287988145_5498701603513681_1717143538646840120_n.jpg" alt="" />
<img src="https://kyzylorda-news.kz/wp-content/uploads/2022/06/288306161_5498701586847016_2203448534573441550_n.jpg" alt="" />

«Алтын сапа» мен «Қазақстанның үздік тауары» көрме-байқауына қатысушыларға арналған семинар өтті

<a href="https://kyzylorda-news.kz/">Kyzylorda-news.kz.</a> Бүгін Үкіметтің кезекті отырысында еліміздің биылғы қаңтар-мамыр айларындағы әлеуметтік-экономикалық дамуының қорытындысы және республикалық бюджеттің орындалуы қаралды.
ҚР ұлттық экономика, қаржы министрі мен ҚР Ұлттық банкінің төрағасы баяндама жасады.
Премьер-Министр экономиканың нақты секторының қарқынды дамуына өңдеу өнеркәсібі айтарлықтай үлес қосатынын жеткізіп, жауапты мемлекеттік органдар мен өңірлердің әкімдеріне осы жұмыс қарқынын сақтауды тапсырды. Ол үшін экономиканы әртараптандыру, инвестициялар тарту және жаңа жұмыс орындарын құруды жалғастыру қажет.
Үкімет жиынынан кейін облыс әкімі Нұрлыбек Нәлібаев қала, аудан әкімдері мен жауапты сала басшыларына негізгі көрсеткіштердегі түсімдерді төмендетпеу және бюджет қаражатын уақытылы игеру, инвестициялық жобаларды көбейту қажет екенін алға тартып, жұмыс қарқынын төмендетпей, межеленген көрсеткіштерге қол жеткізуді тапсырды.
<img src="https://kyzylorda-news.kz/wp-content/uploads/2022/06/288319035_322601593394425_3456284089845010989_n.jpg" alt="" />

Үкімет отырысында өңірлердің әлеуметтік-экономикалық даму нәтижелері қаралды

<a href="https://kyzylorda-news.kz/">Kyzylorda-news.kz.</a> «Қазақстан Республикасының кейбір заңнамалық актілеріне тұрғын үй-коммуналдық шаруашылық мәселелері бойынша өзгерістер мен толықтырулар енгізу туралы» 2019 жылғы 26 желтоқсандағы Заңмен &nbsp;«Тұрғын үй қатынастары туралы» Заңның 42-бабына өзгерістер енгізілді. Осы орайда кондоминиум иелері мүлік иелері бірлестігінің немесе көппәтерлі үйдің жай серіктестігінің кондоминиум объектісін басқарудың жаңа нысанын таңдауға міндеттелді.
Бұл ретте аумақтық әділет органдары «Заңды тұлғаларды мемлекеттік тіркеу&nbsp;&nbsp; және&nbsp;&nbsp; филиалдар&nbsp;&nbsp; мен&nbsp;&nbsp; өкілдіктерді&nbsp;&nbsp; есептік&nbsp;&nbsp; тіркеу&nbsp;&nbsp; туралы»&nbsp;&nbsp; Заңның 6-бабына сәйкес мүлік иелері бірлестігін мемлекеттік тіркеуді жүзеге асырады.
Заңның 2-бабының 5-тармағына сәйкес тіркелген және осы Заң қолданысқа енгізілгенге дейін қызметін жүзеге асыратын үй-жайлар (пәтерлер) иелерінің кооперативтері,&nbsp;&nbsp; пәтерлер,&nbsp;&nbsp; тұрғын&nbsp;&nbsp; емес&nbsp;&nbsp; үй-жайлар&nbsp;&nbsp; иелерінің&nbsp;&nbsp; тұтыну кооперативтері,&nbsp;&nbsp; тұтыну&nbsp;&nbsp; кооперативтері&nbsp;&nbsp; көппәтерлі&nbsp;&nbsp; тұрғын&nbsp;&nbsp; үйді&nbsp;&nbsp; басқару жөніндегі қызметті 2022 жылғы 1 шілдеге дейін жүзеге асыра алады.
Үй-жайлардың (пәтерлердің) меншік иелерінің кооперативтері 2022 жылғы 1 шілдеге дейін көп пәтерлі тұрғын үйді салуға, күтіп-ұстауға және пайдалануға байланысты барлық қолда бар құжаттарды қабылдау-беру актісі бойынша көп пәтерлі тұрғын үйдің кеңесіне беруге, қабылдау-беру актісіне қол қойылғаннан кейін&nbsp;&nbsp; Қазақстан&nbsp;&nbsp; Республикасының&nbsp;&nbsp; заңнамасында&nbsp;&nbsp; айқындалған&nbsp;&nbsp; тәртіппен таратуды жүргізуге міндетті.
Еркін Тажикенов,
Қызылорда облысының әділет департаментінің Тіркеу қызметі саласындағы әдістемелік қамтамасыз ету және бақылау бөлімінің басшысы
<img src="https://kyzylorda-news.kz/wp-content/uploads/2022/06/d00a59f7-725c-4d85-964a-f148e7774733.jpg" alt="" />

Тұрғын үй қатынастары туралы заңға өзгеріс енді

<a href="https://kyzylorda-news.kz/">Kyzylorda-news.kz.</a> Биыл Қазақстан полициясының құрылғанына 30 жыл. Ішкі істер органдары еліміздің дамуының барлық кезеңдерінде қоғамдық тәртіпті қамтамасыз ету және қылмысқа қарсы күрес, азаматтардың Конституциялық құқықтары мен бостандықтарын қорғау жөнінде Мемлекет басшысының алға қойған міндеттерін табысты орындап келеді.
Ішкі істер органдарының басымдығы Конституция жария еткен құндылықтарды сақтаумен қатар, азаматтардың жоғары сенім деңгейін қамтамасыз ету, қоғаммен сындарлы өзара іс-қимыл жасау болып табылады.
Қызылорда облысы полиция департаментінде 100-ден астам полицияның құрдастары қызмет атқарады. Қазақстан полициясының құрылған жылы дүниеге келген 30 жастағы офицерлер департаменттің түрлі бөліністерінде еңбек етіп жүр. Олардың арасында тергеушілер, учаскелік полиция инспекторлары, патрульдік полицейлер мен жедел уәкілдер бар.
Осы орайда, Қызылорда облысы полиция департаментімен Қазақстан полициясының 30 жылдығын мерекелеу аясында “Мен – полицияның құрдасымын” деп аталатын өжет те өткір тергеуші қыз туралы бейнеролик &nbsp;дайындалды.&nbsp;&nbsp;
&nbsp;Асқан қырағылықпен ерекше жауапкершілікті талап ететін тергеу саласы – полиция саласының жүрегі іспеттес. Жаны – нәзік, табиғаты бөлек полиция капитаны Айгүл Әділова осы салада алты жылдан астам қызмет атқарып келеді. Қылыштың қырындай қызмет әрдайым қырағылықты, сауаттылықты талап етеді.&nbsp;
Айгүл Әділованың еңбек жолы &nbsp;5 мамыр 2016 жылы Сырдария аудандық полиция бөлімінің тергеуші лауазымынан басталған. Кейіннен Қызылорда қалалық Полиция басқармасында тергеу тобының аға тергеушісі болып 2 жыл &nbsp;жұмыс жасаса,&nbsp; 28 маусым 2021 жылдан бастап Қызылорда облысы&nbsp; полиция департаментінің тергеушісі &nbsp;&nbsp;қызметін атқаруда.

Айгүл Әділова: Қазақстан полициясы қатарында қызмет ету үлкен мәртебе

<a href="https://kyzylorda-news.kz/">Kyzylorda-news.kz.</a> Ерлан Қарин Қазақстан Республикасының мемлекеттік кеңесшісі лауазымына тағайындалды, деп хабарлайды Ақорда.
<blockquote>
 “Қазақстан Республикасы Конституциясының 44-бабының 19) тармақшасына сәйкес Ерлан Тынымбайұлы Қарин Қазақстан Республикасының мемлекеттік кеңесшісі лауазымына тағайындалсын”, – делінген хабарламада.
</blockquote>

Ерлан Қарин Қазақстанның мемлекеттік кеңесшісі лауазымына тағайындалды

<a href="https://kyzylorda-news.kz/">Kyzylorda-news.kz.</a> Балалар жылына орай сырбойылық жасөрендер “Жеті Өнер” шығармашылық орталығының ұйымдастыруымен өткен VI халықаралық фестиваль-конкурсында 3 дүркін бас жүлде иегері атанды.
17 маусым күні «Реверанс» би ансамблі қызылордалықтарға ерекше концерт өткізбекші. Өңірлік коммуникациялар қызметінде өткен баспасөз конференциясында республикалық байқау туралы №267 орта мектебінің хореографы, «Реверанс» би ансамблінің негізін қалаушысы әрі көркемдік жетекшісі Тимур Андижанов баяндады.
<blockquote>
 «2019 жылы №267 орта мектебінің оқушыларына хореграфиялық сабақ өткізіп, биге үйретіп жүрдім. Былтыр жеке авторлық би студиямды ашып, шәкірт тәрбиелей бастадым. Міне осы уақыт аралығында біздің би ұжымы халықаралық, республикалық және облыстық, аудандық байқауларда жеңімпаз атанып келеді», – деді Тимур Андижанов.
</blockquote>

Қызылордалық өрендер жеңіс тұғырында

<a href="https://kyzylorda-news.kz/">Kyzylorda-news.kz.</a> «Қарасора-2022» жедел-профилактикалық іс-шарасы кезінде Жалағаш ауданы, Аққыр ауылынан шығысқа қарай шамамен 9 шақырым жерде «Қызыл шұқыр» деп аталатын жер учаскесіндегі қалың шеңгел арасынан ірі есірткі алқабы анықталды.
Қызылорда облысының тұрғыны заңмен тыйым салынған сора өсімдігін ірі мөлшерде егіп, күтіп баптап өсірген.
Оқиға орнына жедел тергеу тобымен қарап-тексеру жүргізу барысында жалпы саны 1149 түп сора өсімдіктері анықталып, олардан үлгі ретінде 16 дана сора өсімдіктері алынды. Ал қалған 1133 түп оқиға орнында өртеу жолымен жойылды.
Одан бөлек оқиға басынан ұсталған күдіктіге жеке тінту жүргізу барысында одан газет қиындысына оралған есірткі заты алынды.
Күдікті Жалағаш аудандық полиция бөлімінің уақытша ұстау изоляторына оқшауландырылды.
Аталған дерек бойынша Қазақстан Республикасы Қылмыстық кодексінің 300 – бабы 2 – бөлігінің 3 – тармағымен (ірі мөлшерде құрамында есірткі заттар бар, өсіруге тыйым салынған өсімдіктерді заңсыз егіп-өсіру) сотқа дейінгі тергеп-тексеру әрекеттері жүргізілуде.

Жалағашта есірткі алқабы табылды

Kyzylorda-news.kz. Ғылым және жоғары білім министрі Саясат Нұрбек балалары неге Кипрде оқитынын айтты, – деп хабарлайды&nbsp;<a href="https://kaz.tengrinews.kz/">Tengrinews.kz</a>.
Үкімет отырысынан кейін журналистер жаңа министрден балалары қайда оқитынын сұрады.
<blockquote>
 “26 маусымда олар Қазақстанға қайтады. Сізге олардың осында екені туралы фото есеп беремін. Өзім асыға күтіп жүрмін. Үш себеп бар: біріншісі – әйелімнің және балаларымның медициналық жағдайы. Нақты медициналық қорытынды бар, белгілі бір проблемалар бар. Екіншіден, өкінішке қарай, оларды осында (Қазақстанда) қаржылай жағдайға байланысты жекеменшік мектепте оқыта алмадым. Үшіншіден, бұл ұлыбританиялық форматтағы өте жақсы мектеп (Кипрде). Бірақ алаңдамаңыздар. Мен сіздерге тағы да ашық айтамын, 26 маусымда олар Қазақстанға оралады”, – деді Саясат Нұрбек журналистерге.
</blockquote>
Саясат Нұрбек “Балалардың Қазақстанға оралуы министр лауазымына тағайындалуымен байланысты ма?” деген сұраққа да жауап берді.&nbsp;
<blockquote>
 “Мен бір күн бұрын ғана министр болдым. Бір күнде бір нәрсені өзгерту мүмкін емес шығар – жеке жағдайда да, білім және ғылым жүйесінде де. Олар қарапайым мектепке оралады. Фото есеп болады, сондықтан менің әл-ауқатым мен балаларым үшін алаңдамаңыздар. Менің жеке өмірімді бақылап, уайымдайтындарыңызға өте ризамын”, – деп түйіндеді ғылым және жоғары білім министрі.
</blockquote>
Еске салайық, Білім және ғылым министрлігі Ғылым және жоғары білім министрлігі мен Білім министрлігіне бөлінді. Саясат Нұрбек ғылым және жоғары білім министрі болып тағайындалды, ал Асхат Аймағамбетов білім министрі болды.

Жаңа министр Саясат Нұрбек балалары неге Кипрде оқитынын түсіндірді

Kyzylorda-news.kz. Бүгін Өңірлік коммуникациялар қызметінің көшпелі брифингінде төтенше жағдайлар департаментінің қызметкерлері мен БАҚ өкілдері «Терезе» профилактикалық шарасы аясында тұрғындарға түсіндірме жұмыстарын жүргізді.
Биыл көпқабатты тұрғын үйлердің терезесінен құлаудың 3 жағдайы тіркелді. Салаға жауапты мамандардың айтуынша, балаларды қараусыз қалдырудың салдарынан оқыс оқиғалар жиі тіркеледі екен. Сондықтан көпқабатты тұрғын үйлерде сақтық шараларын барынша сақтап, балаларды терезе маңына жақындатпауды ескертті.
<blockquote>
 Жақында «Арай» мөлтек ауданында 3 жасар сәби 4-ші қабаттан құлап, ауруханаға жеткізілді. Қазіргі таңда баланың жағдайы жақсы. Бұл оқиға бойынша полиция қызметкерлері тексеріс жұмыстарын жүргізуде. Қаламызда көпқабатты тұрғын үйлердің терезесінен балалардың құлап кету жағдайлары жиі тіркелуде. Мәселен, биыл 3 жағдай тіркелсе, өткен жылы 10 бала терезеден құлаған. Өкінішке орай, оның 2-і қаза тапты. Осы себепті жаз бойы төтенше жағдайлар департаментінің қызметкерлері қала тұрғындарына түсіндірме жұмыстарын жүргізетін болады. Құрметті қала тұрғындары кішкене балаларыңызды бақылаусыз қалдырмауларыңызды сұраймыз. Бала қауіпсіздігі – ең бірінші орында, – деді Қызылорда қаласы Төтенше жағдайлар басқармасының бастығы, азаматтық қорғау подполковнигі Жасұлан Түймебаев.
</blockquote>

Қызылордада жыл басынан бері 3 бала терезеден құлаған

&nbsp;<a href="https://kyzylorda-news.kz/">Kyzylorda-news.kz.</a> Асхат Аймағамбетов бастап кеткен сапасыз білім беретін жоғары оқу орындарынан тазалау жұмысы жалғасады. Бұл туралы ҚР Ғылым және жоғары білім министрі Саясат Нұрбек айтты, деп хабарлайды ҚазАқпарат.
<blockquote>
 «Осыған дейін Асхат Аймағамбетов сапасыз білім беретін жоғары оқу орындарын жауып, қаншама лицензия кері қайтарылды. Бұл мәселе әлі де аяқталмай қалған сияқты, сіз осы жұмысты жалғастырасыз ба?», – деп сұрақ қойды тілшілер министрге Үкімет отырысынан кейін.
 «Иә, Асхат Қанатұлы үлкен жұмыс атқарды, ол қоғам тарапынан да, Президент тарапынан да жоғары бағаланды. Біз осы принципиалды позициямызды ұстанып, жоғарғы оқу деңгейінде ең бірінші сапаны қамтамасыз етуге бүкіл күш-жігерімізді саламыз, министрліктің басты бағыты осы болады. Сондықтан Асхат Қанатұлы бастаған жұмысты жалғастыратынымыз анық», – деп жауап берді Саясат Нұрбек.
</blockquote>

Сапасыз жоғары оқу орындарын тексеру жұмысы жалғасады – министр

<a href="https://kyzylorda-news.kz/">Kyzylorda-news.kz.</a> Операция үстелі – өмір мен өлімнің арпалысқан мекені. Осы жерде дәрігерлер адам өміріне тіршілік нәрін беремін деп жанталасып жатады. Солардың шипалы қолдарының арқасында өмірден күдерін үзген науқас адамдар аман-есен жарық дүниеге қайта оралады.
Алтын қолды хирург Болат Маханбетияров талай балаларды емдеп, оларға өмірге деген екінші мүмкіндік берген.
Маханбетияров Болат Үмбетиярұлы – 2009 жылдан бастап Қызылорда облыстық медициналық орталығына балалар хирургі болып қызметке орналасқан. Негізгі жұмысын атқара жүріп жаңа туған нәрестелер арасында ақаумен туылған сәбилердің хирургиялық патологияларына көңіл аударып, олардың ақауларын анықтап, емдеумен айналысқан.
2011 жылдың желтоқсан айында Санкт-Петербург қаласында неонтальды хирургия бойынша курстан өткен. Осында алған білімін ақаумен туған балалардың сауығып кетуіне арнаған. 
2016 жылы Санкт-Петербург қаласында және 2018 жылы Оңтүстік Кореяның «Северанс» клиникасында неонтальды хирургия бойынша туа болатын ақауларға байланысты ерекшелікті игеріп, ота жасау тәсілдерін жандандырды.
2020 жылдан бастап жоспарлы хирургия болім меңгерушісі қызметін атқарады.
<blockquote>
 «Халық жанына шипа іздеп бірінші дәрігерлерден көмек сұрап келеді. Бар үміті бізде. Сондықтан біз олардың сенімін ақтауға тырысып, жылдар бойы жинаған тәжірибелеріміз арқылы емдеп жазуға тырысамыз. Алдымызға келген азаматтардың сауығып отбасына оралуынан асқан бізге сый жоқ. Себебі қанша еңбек, маңдай теріміз, жұмысымыздың нәтижесі осы халық саулығынан көрінеді. Күнде ауруханаға түрлі аурумен көп балалар түседі. Бірінен кейін, бірі қатарласып «Пилоростеноз» диагнозымен түскен қос нәрестемізге, «Лапароскопиялық пилоромиотомия» операциясын сәтті жасап шықтық. Тараз қаласына жолға шығуды жоспарлап отыр едім, екі періштеміз бірінің артынан бірі түспесі барма. Құдай қалап, сәтін салып, екеуіне де операция жасап үлгердік. Енді жолға уайымдамай шыға беруіме болады. Ал нәрестелерімізді жолдан келгенде аналырының қасында болады деген үміттемін», – дейді Болат Маханбетияров.
</blockquote>

Алғысқа бөленген дәрігер Болат Маханбетияров

<a href="https://kyzylorda-news.kz/">Kyzylorda-news.kz.</a> Мексиканың Лион қаласында ауыр атлетикадан жасөспірімдер арасында өтіп жатқан Әлем чемпионатында 67 кг салмақ дәрежесінде Сыр спортшысы Ерасыл Сәулебеков жеңімпаз атанды.
Ерасыл Сәулебеков жұлқи көтеруден 123, серпе көтеруден 158, қоссайыс бойынша 281 кг салмақты еңсерді.
Спортшының жаттықтырушысы Айдар Ералиев.
<img src="https://kyzylorda-news.kz/wp-content/uploads/2022/06/287946909_174182291715664_2024755464506727553_n.jpg" alt="" />

Қазақстан және Қызылорда облысының жаңалықтары